|
فلة والله كملها؟
|
كمليهاااا حبيبتى بسرررررررررررررررررررررررعه
|
اهلين فيكم حلا الرياض وورده القمر ومشكورين على مروركم اللى اسعدني
|
التكمله
ـــــــــــ جمانه ماكانت عارفه شاللي كان يخيفها بكل شي طلاقها حملها خوفها من المستقبل ردة فعل طارق تائ ... ضائعه واركض خلف السراب ,,,, هكذا انا دوما اتعلق خلف الحكايات الكاذبة والروايات الحالمة هكذا دوما حياتي وهكذا دوما انا بلا امل ....... *************************** بالنسبة لطارق كان يبّي سبب قوي لرجوعه لجمانه سبب يحفظ في نظره كرامته !!!! طبعا عزّم للسفر للإمارات ...... بعد اسبوع من كل الأحداث السابقه واللي كانت سريعه بكل شي الدنيا ممكن ببعض الاحيان نستغرب منها وتفاجئنا بأشياء وحوادث تمر سريعه بالبال ماانصدق الا انها كالفيلم السريع يمر علينا بأتعس لحظاتنا واقساها حوادث كفيله باننا نكره الحياة ونشمئز من انفسنا من كل شي حولنا حتى وان كانوا احبابنا ,,, بعد اسبوع كان موعد زواج موضي صديقة جمانه ومقاسمتها للهموم ومشاكلهاا طبعا جمانه وفت بوعدها لموضي وادارت بظهرها لمشاكلها وفي ليلة الخميس من آخر الإسبوع كانت جمانه بالريــــــــــــــــــــاض المدينه اللي طلعت منها وهي تبكي ورجعت لها وهي تبكي كانت العاصمه متجهزه لزفة البنت الطاهره والنقيه اللي كانت احلى شي بعمر جمانه واقرب وفيّه وصديقه ,,, طبعا كانت جمانه ونوريه بالفور سيزن وبنفس الفندق كانت موضي وتكاليف الزواج الباهضه من زوج موضي وولد عمها تجهزوا مع بعض ونزلوا لنفس قاعة الأفراح موضي كانت لابسه فستان من تصميمها هي كان هادي وشكلها كان بسيط ورائع بالنسبه لجمانه كانت لابسه فستان اخضر مع انها بطنها بدى يبرز شوي اشترته جاهز من دبي كانت ليله هاديه جدا والمعازيم مقصورين على اهل موضي وولد عمهاااا طبعا ابتدت الزفه وكان يلقيها ابو موضي والكلمات اهداء من جمانه نفسهاااا بسم الله وتخطي الدروب يااجمل حلم واحلى سروب يالغاليه احترسي من نظرات العشاق وكل كايدينك والحساد ياموضي يااحلى حلم بدروبي يااوفى وفيّه واحسن صدوق رحلتي عن سمااا الرياض وهواها يانجد أي هوى وشعر بعد محبوبتي هواك يانجد لاجل موضي عشقي لأجل الحلم الطويل اللي محليك ومزود هواك موضي يااحلى حلم واصدق صدوق هاذي كلمات جمانه بموضي بعدها دخلت موسيقى روعه وكذا بيت كتبهم ابوها طبعا خلّصت الليلة وطلعت موضي مع دموع جمانه ودعواتهااا رحلت جمانه كانت على الساعه 7 صباحا طبعا جمانه مااقدرت تنام وانتظرت موعد رحلتهم للإمارات ودعّت موضي اللي كانت بتسافر لشهر العسل بماليزيا طبعا جمانه اتجهت للمطار هي وامها نوريه وعلى متن الخطوط الإماراتيه سافرت جمــــــانه ,,, وصلت لدبي واتجهت لبيت جدتهااا لكن اول ماادخلت من عند الباب شافت رجال مع جدتها ,,, لما شالت الغشوه وقفت مصدومه كان الرجل بكل بساطه طـــــــــــارق !!!!! بالكويت كانت انسانه سعيده وبتآخذ حلم ياما عاشت عشانه هنادي وهي تجهز لأغراض زواجها من عبدالله ,,, طارق ماوافق ان امه او وحده من خواته تسافر معاه لجمانه حب يكون لقاءهم مع بعضهم من دون تدخل أي احد او وسيط بينهم وكله امل ان جمانه ترجع معــــــــــــــاه !!! كانت جمانه جالسه وانضم لها طارق وسكر الباب وجلس نظرات جمانه كانت للأرض طارق : يعني مااودج تشوفيني مااتكلمت جمانه طارق : اشتقت لج !!! وجمانه برضو لا تعليق طارق : حلو عليج الحمل جمانه بهمس : مشكور طارق بإستهزاء : العفووو شنو مشكور هاذي اللي طلعت منج ,,, سكت يمكن يبي يضبط اعصابه وماايخربها وهو بيصلحهااا طارق: اوكي مااشتقتي لي جمانه : عادي طارق وهو مصدوم : لا تجذبين عارف انج تحبين الارض اللي امشي عليهاا لأول مره ترفع جمانه راسها وبنظرات استهزاء : اموت بترابك !!! تحلم انت !!!!!!! طارق : احلم هذا اسلوب تحاجين فيه ريلج يا ....... سكت مره ثانيه جمانه : كمّل يااإيش !!! قام طارق وجلس على ركبه قدام جمانه جمانه بحركه لا إراديه غطّت وجا سمعت طارق يقول : ارجعي وياي مااتدرين اني متعذّب من بعدج حاس بإني مخنوق بدون هدف بالحياة جوجو حياتي ردي وياي !!! جمانه سحبت نفس طويل وخصوصا لما سمعته وهو يقول " جوجو حياتي " نزلت ايدينها وبكل برود وهي تطالع بوجه طارق : طــــــــــارق طلـــقني !!!! فزّ قلب طارق وبحركه سريعه وقف وقال بكل صدمه : شنووووو !!!!! لا تعود .... يامكثر وعودك لاتعود اتركني مع ليلي وهمسي مع فجري وامسي لاتعود ... اتركني انام بحضن اليأس خلّ حياتي تعيش بالأمس ياللي ماافيني اعطي كثر الله خيري اني عطيتك قلبي وكنت لك كل الهمس وفجرت لك ينابيع ليلي كنت احبك .... وصرت لي حلم بدروبي ياللي احبك......... لا تعود اتركني مع فجري الضايع ومع ليلي الهاجع ونبرة بداخل اعماقي تقولي ماابقى فيني باقي ضعفت روحي ... تاهت دروبي وانت كنت كل همومي كثر الله خيري إني عطيتك وعودي كلها لاجل ارضيك يامضنوني كلها لأجل تعيش حلم بدروبي لا تعود .... اترك عنك الوعود الكاذبة اللي مافيها سوى ليالي صامته وحلم ضايع بظلام الليالي زيف وخداع ووعود كاذبة لاتعود .... الا اذا كانت دروبك صافية ابد مااتعرف الليالي الباردة الا اذا كانت سمـــــــــــــاك بدون مطر وليل اسود عتيم وحب ضايع حتى بالصبح القديم لاتعود .... الا ااذا كنت انا هي انا وانت كل الملا لاتعود ... إلا بحبك وسماك الصافية لا تعود &&&&&&&&&&&&&&&& توقعاتكم فديتكم ,,,, |
************************
واخيرا انكشفت الاحداث وبانت خفايا حياتي باتت آلامي اعمق وحبي مجرد زيف وخداع ماذا افعل بقلبي صورتك وبحضني اوراق ذابله لأحضانك اشعارك التي ارسلتها ستصاحبها آلام اعمق واقوى يــــــــــــــــاااااااارب اجعلني انساه اليوم الاثنين زواج هنادي من حلم عمرها عبدالله غريبه الدنيا تعطي ناس وتحرم ناس اكثر تعذب ناس وتقطع الامل منهم وتصل لناس الأمل والفرح الزواج كانت ببيت اهل طارق طبعا مقتصر على اهل طارق واهل عبدالله وكانت هنادي بسيطه وجميله بنفس الوقت حلم وتحقق ماابي شي اكثر هذا كلام هنادي جمانه كانت فعلا تنتظر ورقة ممكن انها بتعذبها اكثر ,, طارق حس انه اهدر كرامته !!! وآلمه اصرار جمانه على الطلاق ورفض تدخل امه او ابوه وحتى خواته بالموضوع طبعا جمانه كانت خايفه بس مصره على الطلاق انتهت ليلة هنادي الرائعه والبسيطه وانطلقوا للمطار للسفر للندن يقضون شهر العسل ,,, طبعا طارق انهى الموضوع بباله وقرر الصباح يعلّم الكل بالقرار اللي توصل له ,,, موضي ماازالت بشهر العسل طبعا مع تواصلها مع جمانه ,,, وساعدت جمانه على التمسك بقرارهاا ليلة جمانه وطارق كلها ألم وفراق عذاب لا ينتهي ومسلسل من الأحزان والخوف بالصباح طلع طارق من بيته وهو عازم على القرار دخل لبيت اهله ,,, حمد : هلا والله حياك يبه تعال تريق ويانا طارق : مو مشتهي بس عندي كلمتين ابيكم تفهمونها عدل فاطمه : شنو ؟؟؟ طارق : بموضوعي انا وجمانه ,,, فاطمه : اللي هو شقررت طارق : بطلقهااااااااااااااا حمد : شنو ؟؟ انهبلت انت فاطمه : هدّ اعصابك ياابو طارق بنفهم الموضوع حمد : يقولج بيطلقها فهمتي فاطمه : شفيك ياولدي المره حامل طارق : بعد ولادتها يمه خلاص بطلقها حمد: بس ياولدي ........ طارق : يبه لو مره وحده اوقف وياي البنت ماتبيني وانا مليت ... فاطمه : شبتسوي يعني ؟؟ طارق : بطلقها وبرد ام طلال !!!! فاطمه : انت انهبلت المره هاذي مااتصلح لك طارق : الا يمه ابيها وبردها وبييي اليوم اللي بنسى فيه جمانه حمد : واللي ببطنها ؟ فاطمه : أي صج البنت يوم حبيتها راحت وماشفتها طارق : يوم كانت هني ماكان هذا حجيج عنهااا فاطمه : يارب الله لا يعاقبني ببناتي حمد : وين هالضمير قبل طارق : المهم البنيه علميها يمه فاطمه : الموضوع بيناتكم شدخلني انا ,, ادق على البنيه واقولها ورقتج بتوصلج بس انتي اولدي والله لو اني مااخاف الله طارق : خلاص انا بدق عليها الحين وبنهي هالموضوع الهم على قلبي ... جمانه طبعا كانت تعبانه وخصوصا من انها بالشهور الأولى للحمل ,,, انتبهت وكانت نايمه لموبايلها المتصل ,,, ملــــــــك روحي !!!!!! طارق : الو جمانه بصوت تعبان : هلا طارق وخاف عليها : فيج شي جمانه : ماايهمك هالشي ليش تسأل طارق بعصبيه : انزين بكيفج شعلّي انا المهم ورقة طلاقج بتوصلج بعد ولادتج انتي بأي شهر الحين ؟؟ جمانه : دخلت الرابع طارق : اوكي طلاقج بعد تقريبا خمس شهور بالنسبه لي من الحين انتي طــــــــــــــــــــــــــــــــــــــــــااااااا ااالق وسكر السماعه ,,,, جمانه كانت واقفه بكل قوتها طاحت بالأرض وشهقاتها مسموعه ,,, سكر السماعه طارق وكان بيقوم بس مسك ايده ابوه حمد : انت مو صاحي البنيه حامل تقولها جذي الخبر طارق : واللي يرحم والديك مالي خلق اسمع شي طلع طارق وهو معصّب فاطمه : الحقه لا يصير فيه شي حمد : خلّيه هذا قطو ابو سبعة ارواح ليش الحقه ,, قرار هو اتخذه ليش يعصب ؟؟ طبعا نوريه شافت ان جمانه طولّت وهي نايمه وعلى اذان الظهر دخلت وشافت جمانه اللي طايحه بالأرض !!! صرخت نوريه وجت لبنتها وعديلة روحهاا اللي باقيه لها بالدنياا حاولت تصحيها بس جمانه استعادت الواقع والخبر الصدمه اللي عذبهاا وبصرخت الم وبكاء بصوت مسموع يمه خلاااااااااص راح طارق راح ,,, طارق اليوم كله قضاه عند البحر ,,, كان يتعذب بس ماايقول لاحد وحتى صديق عمره حمزه مااعرف شي عن الموضوع !!! جمانه بالليل رجعت لألمها وخوفها من المستقبل وطبعا راحت للمستشفى اللي طمنهم على الطفل كانت تسمع آمال ماهر وتبكي بصمت ,,, كلمه وحده قلتها واللي كان بينا انتهى بعد حلم سنين طويله بالأماني والمعاني والاغاني اللي بكياني عشتها كلمه وحده قولتهاا أد ايه الحلم كان كداب وخاين اد ايه في عينيك ماكانش الغدر باين قلبي كان من حبه يطرح لك قناين وانت بإيديك الورود دبلتهاا كلمه وحده قولتهاااا بعت ليه خلتنا من احلامنا ضعنا لما غدرك كان سبب لحظة وداعنا وانت ضيعت فعيوني كل معنى وانتهت بينا الحكايه وقتهاا كلمه وحده قلتهااا واللي كان بينا انتهى بعد حلم سنين طويله بالاماني والمعاني والاغاني اللي بكياني عشتها كلمه وحده قلتها *************************************** رغم الالم سينبت الأمل رغم الآهات ستسكن الصدمات رغم العذاب ستنتهي الحياة برغم كل شي سأحاول ان انساك يارب دلني السبيل لنسيااااااااانه &&&&&&&&&&&&&&&&&&&&& |
**********************
بعد مرور ثلاثة شهور على الاحداث ,, جمانه كانت بشهورها الأخيره للحمل الى من التجأ ونصفك في مدمعي ونصفي الآخر بمدمعك لمن اشكو ومن احببته ضاع وحبي ركض خلف السراب اعترف لك بأن قلبي خانني واحساسي دمرني باحداث القصة الشخصيه الاكثر قسوه لكن مع الايام اصبحت ضعيفه لعلها رساله ربانيه ,,, سلمان رجع من السفر وكانت حالته النفسيه متدهوره معنويات محطمه وروح نادمه ,,, اتجه لبيت جدة جمانه ,, لعل الاحساس بالذنب يقتلنا يعذبنا ويزيد من جروحنا نوريه : تعالي يمه سلمان بيحاجيج كانت جمانه بغرفتها ,, احباط الكون بين عيونها يلّف ايامها وسنينها ,.,.,., بعد ماشافت جمانه الحال اللي وصل لها سلمان بكت لأول مره تبكي بعد خبر قرب طلاقها سلمان : جمانه لا تبجين ,, مااستاهل دمعه منج جمانه بصوت متألم : مااقدر اتشمت بأحد واين كـــــــاااان سلمان : عارف انج غير عني بس اليوم فيه عدة اعترافات مااضمن عمري انا نوريه : لك طولة العمر ياولدي ,.,.,., سلمان : ابي ارتاح ياعمه ابي اموت وانا مكفّر ولو شي من اللي برقبتي لجمانه يكفي اني سبب رئيسي لتعاستها ,,, جمانه : أي اعترافات ؟؟ سلمان : بنت خالج ..... جمانه : شفيها سلمان : هي اللي ساعدتني بتنفيذ خططي جمانه : نعم !!! سلمان : كانت تحبني واعترفت لي قبل فتره بس صدمتها لمن قلت لها اني احبج وشكلّتي تحدي بالنسبه لي بس بعدين استغليت حبها ,.,. ويوم نروح للمول واشوفج لاول مره مع طارق هي كانت قاصده اني اشوفج عشان اكرهج واحبهااا بس صدقيني الى ان تروح روحي الانسانه الوحيده اللي حبيتها وبضل طول عمري احبها هي انتي مهما صار وطيبتج وياي بعد كل اللي سويته زاد غلاج بالقلب بس الله يوفقج ,, ويهوّن عليج حملج ,, بغيت ارتاح من ذنب لازم اعلمج فيه كل شي عطتني اياه بنت خالج وانا مستغل حبها بكم كلمه حلوووه بس الله يستر عليها وعلى الكل ,.,.,.,.., جمانه كانت مصدومه من كمّ هالكلمات اللي جتهاا سلمان : بستأذن انا لأني بعد يومين برد اسافر ,.,., بصراحه بغيت اسلم عليكم واعلمج باللي صار واسلم على اهلي يمكن خلاص مااشوفكم مره ثانيه نوريه : انت بس ليش تفاول على نفسك جذي ,, الاعمار قلت لك قبل بيد الله سلمان : أي عارف فديتج ,, كانت صدمة جمانه كبيره ,’, كانت كل مره تعرف اشياء تصدمها من الواقع اكثر واكثر مابال الناس يخنون وتكثر صدماتنا من الحياة مابالهم يدبرون عني يألمون قلبي المحروم يصدمون آهاتي وتصدمني دوما الحيـــــــــــاة طارق كان يحس بالضياع ,., كان مستعد يضحي بكل شي الا بنظره كرامته الكاذبه مظاهره المزيفة وغروره الكاذب اعمى بصيرته عن حبه الوحيد او هذا ماعتقد فعلا انه حب ,,, تنبت الافراح من مآسينا وتكثر الآهات من مدامعنا وتقلّ رغبتنا بعدها بالحياة بالكويت وتحديدا نرجع لقصة حـــب مهاا وبدر كان حب طاهر وخالي من الكذب تقدم بدر لخطبة مهاا ووافقت هي وحمد بس طبعا بعد تخرج مها من الثانوي وبدر اللي قرر يستقر بالكويت عشان وظيفته الجديده ,.,., وحس ابو طارق وفاطمه انهم تطمنوا على مستقبل بناتهم مااعدى مستقبل طـــــارق المجهول بعد عدة ايام من سفر سلمان ,., كانت جمانه نايمه وفجأه حست بشعور غريب خوف وهلع صحت من النوم وكانت فعلا مفزوعه بس الشي اللي استغربت منه كانت كأنها احلام بس متداخله ببعضها البعض ,.,.,. حاولت ترقد بس مااقدرت ,,, كانت هالاحلام مزعجتها فعلااا بالصباح نزلت جمانه عند جدتهااا بس شافت ان الوضع متوتر وام سلمان موجوده عند الجده نوريه خافت على بنتها وصعدتها فوق نوريه : لاتنزلين الحين جمانه : شفيكم يمه ؟؟؟ نوريه وهي كاتمه دموعهااا : ماادري شقولج بس جمانه : بس ايش ...... نوريه وهي تبكي بصوت عالي : سلمان يمه عطـــــاج عمره !!! جمانه : من يمه ؟؟؟ نوريه : سلمان مــــــــــــات .... دوت هالكلمات براس جمانه مثل الصواعق مــات سلمان نوريه : واحنا بنرمس امه بهالموضوع مااتدري هي للحين ,,, ماابيج تكونين تحت خايفه عليج وعلى اللي ببطنج بس هل كانت جمانه فعلا تعي وتسمع اللي تقوله امهااا ام ان بعد الخبر مااقدرت تسمع أي شي ,,,,,, تظلم فتجد من هو اظلم منك لكنك لاتجد اعظم من انتقام المعبود منك وانت ظالم ,,,, &&&&&&&&&&&&&&&& توقعاتكم فديتكم ,,, |
مضت الايام وجمانه تنتظر ولادتها يمكن لأنها خلاص بتفترق هي وطارق
ماكانت مصدقه فعلا سالفة انفصالها متوقعه تمسك طارق فيها كانت جمانه تكلّم مها اللي كانت سعيده فعلا بخطبتها من بدر مها : وبس هذا اللي صار ,., ياظلم الكويت من دونج جوجو جمانه : بس يمكن تكون منوّره من بعدي عند اخوج مها : ماادري شفيه بعد هذا بالضبط صج احسه ضاع من دونج لو تشوفين شكله وهيئته ماتقولين هذا طارق جمانه بكتـ بألم وحرقه لأنها عرفت ان طارق تركها وضّيع نفسه وضيعها معه مها : لا تبجين فديتج والله اذا فيها خير رجعتكم بترجعون حق بعض بس لاتبجين جمانه : هذا هو ملك روحي يامها ضاع مني بسبب لا مبالاته لي ,., ضيعنا حبنا يامها انا عايشه وكأني مو انا احس بهم وضيق بصرخات مميته بآهات وسكنات اتذكر ضحكه وزعله صرخاته قسوته وطيبته كل تناقضات شخصيته عايشه بخيالي مصوره بكل عرق من عروقي آآآآآآآآه يامها شقول بس حاسه بهم حاسه نفسي اموت باليوم مية مره ماابي اتذكره بس فجأه القى كل شي يدور ببالي نفسي اقسى عليه واتركه وابعد عنه بس فجأه القاني ابكي حتى لو الاسباب سخيفه يامها مالقيت اللي يحس بهمي مالقيت من يحس اني انا هي انا بعدني عايشه بس جسد بلا روح تدرين ليش لأن روحي راح عني تخلّى بفتره كنت متوقعه انه بيتمسك فيني اكثر ........ مها : لا اله لا الله موتي نفسج ياجوجو جمانه : لا,,,,,, وبصوت بكاء مسموع,,,,, راح وربي راح ضاع حلمي تركني ملك روحي واجهشت بعدها ببكاء مرير وسكّرت الجوال بدون ماتضيف كلمه زيــــــــــاده يمكن موت سلمان ترك اثره بنفسيت جمانه لأنها كانت محتاجه لوقفات كثيره مع نفسهااا او انها تدعّي بأنه سبب لبكائها المرير بالأيام اللي بعدها ظهرت شخصيه قاسيه لعلها سبب ضياع جمانه رجع للإمارات ابو جمانه واخوها عزام !!! كانت جمانه كالعاده بغرفتها بس سمعت اصوات غريبه بحوش البيت من فتحت بلكونتها ضاعت كلماتها فعلا لأن شافت امها وهي تحتضن عزام وابوها بعيد شوي ويراقب الوضع بهدوء طلعت شهقه من جمانه وصلت لوجدان ابوها من رفع ابو جمانه نظره شاف منظر تمنى الموت بعدها جمانه تراقبهم وهي تقريبا منهاره نفسيا وتبكي بصوت مرتفع وبسرعه بدون ماايفكر دخل للبيت والجده استغربت لأنه مو من عادته تصرفاته تكون بالهشكل خصوصا انه معروف بقسوة قلبه جمانه عرفت ان ابوها متجه لها وبحركه سريعه فتحت بابها واتجهت للدرج وهي مستمره بالبكاء ابوها من شاف شكلها اسرع وحضنها بقوه وبكوا اثنيناتهم ,.,. كان يوم مميز فعلا بكل شي ابو جمانه لعله صحى مره وحده من غفلته واخوانها اللي كانوا فعلا مالهم أي دور بحياتها ,,,,,,, عزام : خلاص يمه اخذت الماجستير وتكفي لمتى ببتعد عنكم الجده : أي هاي الرمسه اللي توسع الخاطر وإالتفت عزام لجمانه : وبعوّض اختي عن كل دقيقه وثانيه ماكنت معها للأسف فكرنا بأنفسنا وبس كان بذيك الجلسه شخصين يتابعون اللي يصير وكل واحد منهم بعالم آخر ابو جمانه اكيد ونوريه ,., حديث روحي بين شخصياتهم واستفسارات وألم وندم واخير تكلّم ابو جمانه : جوجو انتي بأي شهر؟؟ جمانه تحاول انها تجاوب بشكل عادي : دخلت السابع يبه من اسبوعين تقريبا عزام : ياسرع الأيام جدتي كانت تكلمني وانا بلندن وتخبرني عن حملك بس ماتوقعت انها فاتت كل هالشهور بس يالله ان شااء الله تجيبين ولد شبه خاله تمام تكلّمت الجده ببراءه : لا ان شاء الله يكون شبيه ابوه !!! وبسرعه بعد غلطتها التفتت لجمانه اللي نزلت راسها وبدأت دموعها تحرقها فعلا نوريه وهي تحاول تلّطف الجو : ابيها تشبه جوجو فديتها والله ماشي احلى منها صح جوجو ؟؟ جمانه ماتكلّمت اكتفت بأنه هزّت راسها وقامت من المكان وصعدت لغرفتها ورجعت لخلوتها مره ثانيه ,.,.,. الجده : شهالرمسه اللي قلتها ياليت لساني انقص قبل اقول جي ابو جمانه ولأول مره يوجّه حديثه لنوريه .,., هي من متى على هالحال نوريه مااستغربت من توجيه الكلام لها لأنها عرفت انه بيتطمن على بنته بعد احساسه بالذنب رجعت للواقع مع نظرات ابو جمانه لها : احم ..... أي من رجوعها من الكويت ازدادت نفسيتها سوء عزام : يمه عندي حلّ , بس اتمنى توافقون عليه نوريه : شو هو عزام : يمه جمانه لازم نعرضها على طبيب نفسي ؟؟؟ نوريه : شو انت ينيت ,,, بنتي مافيها الا العافيه عزام : يمه اختي تبانه نفسيا مو مجنونه لا بس لازم نوديها لمركز استشارات نفسي وحتى قبل ولادتها ,,, يبـــــه انت عارف بأوروبا عادي كل شخص يستعين بالمراكز اللي مثل هاذي ابو جمانه : خلاص بنحاول نقنعها نوريه : صج ماتستحون انت وياه يايين من لندن عشان تقولون هالرمسه الجده : ابوها اعلم بمصلحتها ابو جمانه : خليّني اسوي شي مره بحياتي عشان اقضي على هالذنب اللي ذبحني من ايام زواجها من طارق عزام : الله لا يوفقه هالنذل لعب بنفسيتها لعب نوريه : لا تدعي عالريال يصيبك انت والا ابوك عزام : الله الوالده متخريطه على الوالد نوريه استحت لأنها ذكرت ابو جمانه وهي ماحست بنفسها كان هالموقف يراقبه ابو جمانه وعلى وج طيف ابتسامه ,., هل هي فرح او شوق ماادري بعد العشاء ,,, قرر ابو جمانه وعزام انهم يفاتحون جمانه بمركز الاستشارات النفسيه ,.,.,. بس حصل شي غيّر حساباتهم كلــــــــــها جمانه تعبت بعد العشاء وكان وجا فعلا منهك وبسرعة البرق ودوها للمستشفى بس المفاجأة كانت ,,,,,,,,,,, لازم يجرى لها عملية الولاده !!! طارق بذاك الوقت كان نايم بس فزّ من نومته وحس بإنقباض بقلبه !!! وفجأه تذكر جمانه وبدون مقدمات دق على الموبايل وردّ عليــــه عزام ,. طارق : آسف اخوي يمكن غلطان عزام وبغضب : لا مو غلطان ياملك روح جوجو!!!!! طارق : منو ويااااااااااي عزام : يحق لك يالنسيب البار انا عزام طارق : شنو وين جمانه عزام حب يلعب بأعصاب طارق : لا اااااااااااا ماتوقعت انك حنيّن طارق : شنو اسمع عندك اصوات وين انت عزام : انا بالمستشفى طارق : ويــــــــــــــــــن ؟؟؟ عزام : بالمستشفى مع جمانه طارق : جمـــــاااااااااااانه ؟؟؟ عزام : أي مو منك وبلاويك البنت بتموت بين ايدينا ياشيخ روح الله لا يوفقك وسكر السماعه بوجه طارق المنصدم !!!!!!!!! يــــــــــارب ساعدني لأنســـــــــــاه يـــــــارب لا تتخلى عني وانا بأمس الحاجة اليك يــــــــــارب الهمني السبيل لرجواك يــــــــــارب الهمني السبيل لنسيــــــــــــــــانه !!! &&&&&&&&&&&&&&& توقعاتكم فديتكم وكيف بتدور الاحداث بين ابو جمانه وامها !!! وبين جمانه نفسها وولادتها وطــــــــــــــــــــــاااااااارق |
**********************
كانت جمانه بحالة اشبه بالموت مابين الصحو والموت ,., كانت تتوقع نوريه ان جمانه فعلا ماراح تطلع من غرفة العمليات الا وهي ميته الجده : شو هالرمسه فديتج لا تفاولين على البنيه نوريه : يمه ماادري شفيهم لهم اكثر من اربع ساعات بيولدونها وهي كل شوي تتعقد اكثر الجده : قولي الحمد لله غيرها مااتييب عيال بالأساس ادعيلها وبس بس كان بزاويه ثانيه من الغرفه ,., شخص يتمنى الموت ولا يمرّ بعذاب الضمير اللي هو عايش فيه ابو جمانه كان يبكي بصمت بحذر الشخص اللي مايحب الانكسار او حتى التعبير عن مشاعره واطلاق العنان لها عزام ماكان اقل من حالة ابوه,.,.,. الاحساس بالذنب قتأّل ماايحس فيه الا اللي يمر فيه من ج ثانيه كان طارق كل شوي يحاول يتصل بجهاز جمانه وكان يحصله مغلق ,., وعرف ان عزام اللي اغلقه حمد : شفيك جذي مو هي اللي كنت تقولها بطلقج بعد ولادتج طارق وبعيونه الم الكون كله : أي قلت بس ..... حمد : شنو بس ؟؟؟ طارق : ماادري خايفه عليها يبه وربي خايف طبعا ماقدر يمسك نفسه وبلحظة الم بكى طــــــــارق !! استغرب حمد من تصرف طارق حمد : شنوو انت تبجي طارق من بين دموعه : أي يبه مااتوقعتها غاليه .,., اثاريها غاليه جذي حمد : انت مضيعها اذا طلقتها البنيه تحملتك وتموت فيك وانت تحبها ليش الطلاق ؟؟ طارق : يبه مو وقته الحين بس صج ابي اتطمن عليها حمد : امسح دموعك مادامني حيّ ماابيك تبجي مثل الحريم !! طارق : انزين يبه شبسوي الحين ؟؟؟ حمد : ماادري بس مااعندك رقم امها مثلا ؟ طارق : صج نسيت عندي رقم امها حمد : شنوو؟؟ شتنتظر عيل دق بسرعه طارق : انشااااااااالله نوريه كانت خايفه وتبكي على بنتها الوحيده .,.,., بس سمعت رنة موبايلها من شافت الرقم اعتفس وجا الجده : يمه شفيج ردي ؟؟ نوريه : شو يبا هذا يجتل الجتيل الجده : منو هذا نوريه : طارق الجده : من حقه يعرف شو مستوي ردي نوريه: الووووو طارق : هلا عمتي نوريه بعصبيه شوي : نعم !!! طارق : احم ....... ماادري شقول بس شلون جمانه ؟؟ نوريه : صج مشكله برود المشاعر طارق : شنو ؟؟؟ أي برود زوجتي وبسأل عنها نوريه : صج توك تدري شو فيها طارق : عمتي لا تحرقين اعصابي شفيها جمانه نوريه : سلامتك بس للحين تصارع الموت طارق : شنو مـــــــــــوت !!!!!!!!!!!!!!!!!!!! نوريه : بعدها ماولدت وماادري صج اذا بتطلع سالمه طارق : عمتي لا انشااالله بتطلع نوريه : اذا ولدت ابيك ترسل ورقتها زين طارق : مو وقته الحين نوريه : مو وقته انت اللي قلتها للبنيه مايبنا شي من عندنا طارق : زين بدق بعد شوي واتطمن نوريه : الله وياك ,.,.,., وسكرت السماعه ........ غريبة حالة دموعنا وآهاتنا تجعلنا دوما متمسكين بالأمل الكاذب والدنيا الفاشله تجد نفسك بلا قريب او حبيب فتضيع مفاتيح سعادتك وهي بين يديك ,.,. بعد طول انتظار طلع الدكتور من غرفة العمليات طبعا ركضوا بإتجاه الدكتور عزام : بشرنا يادكتور الدكتور : مبروك جابت ولد نوريه : صج دكتور وشحال بنتي طيب ؟؟ الدكتور : لا الحمد لله قدرنا نسيطر على النزيف اللي صار وياها يبيلها وقت عشان تتعافى مره وحده بس الحمد لله على سلامتها الجده : شو دختر وينها هي ؟؟ الدكتور : بعد شوي بتطلع من غرفة العمليات للعنايه بس للتطمن عليها عزام : مشكور يادكتور الدكتور : ولو ها واجبنا ,., عن اذنكم نوريه انتبهت لأبو جمانه انه من وقف معاهم ماكان يتكلم بس شافت دموعه اللي هزت مشاعرها لأول مره حست انه من واجبها تكون معه بهالحظه ,.,. تقرّبت نوريه منه وقالت : مبروك ماياك التفت ابو جمانه وعلى وج علامة الاستغراب ابتسمت نوريه ابتسامة مطمئنه ,., ابتسامه فتحت ابواب السعاده لأبو جمانه بعد اقل من نصف ساعه اتصل طارق بنوريه والمفاجئه ان اللي رد عليه ابو جمانه بذات نفسه !!! طارق : العفوو يبدو اني غلطان ابو جمانه : لا مو غلطان ياابو طلال !!! طارق : منو وياي ؟؟ ابو جمانه : معك ابو الامانه اللي ماراعيت الله فيها ,, طارق : عمي؟؟؟؟ ابو جمانه : داق عشان تطلق البنيه ؟؟ طارق : شصار عليها والله ان قلبي ذابحني عليها ابو جمانه : فيك الخير ,, طلعت بالسلامه وجابت ولد طارق : يابت ولــــــــــــد !!!!! طبعا بعد يومين طلعت جمانه من العنايه وبقت بالمستشفى علشان يتطمنون عليها اكثر وشافت ولدها مع انه ماكانت واضحه معالمه بس فيه شبه كبير من طارق بكت وبكت لحد ان الدموع احرقتها والكلّ حاول يهديها وهي كانت تنتظر ورقه عشان تنهي آمالها بالحيـــــــــــاة !!! ابو جمانه : اسأليها شتبي نسميه نوريه : شو اسألها اخاف تبجي من يديد ابو جمانه : لازم تنسأل الولد بيعيش طول عمره بدون اسم ,, بس ياانتي ياعزام يسألها نوريه : انا ماادري وين راح من ساع كان هني وبعد شوي تكلمت نوريه ,,, الولد شو بتسمينه ؟؟؟ جمانه : ابوه مادرى عنه !! بس بودي اسميه سلمــــــــــــــــــااااااااااان !!! وبنفس اللحظه دخل عزام ومعه طارق عزام : السلام عليكم من سلمان ؟؟؟ نوريه وهي تعدل طرحتها : هلا طارق ,, عزام جمانه تبي تسمي الولد سلمان وهي متجاهله لصاحب الشأن طارق طارق : احم ................................ شخبارج جمانه ؟؟ جمانه كانت ضايعه او ميته متعذبه وكل شعور عظيم بالدنيا كانت تحس به قام ابو جمانه وسحب عزام معاه ونوريه وطلعوا لأنهم بغوا منهم يحطون النقط فوق الحروف ,,, قرّب طارق من جمانه اللي على طول نزلّت راسها وبدت تبكي .,., وماحست الا بطــــــــارق وهو ياخذها بين احضااااااااااانه &&&&&&&&&&&&&&&&& توقعاتكم حبايبي ,, وآسفه على التأخير مره ثانيه وكيف بتكون علاقة جمانه وطارق ؟؟ وخصوصا مع الضيف الجديد سلمان !!! |
&&&&&&&&&&&&&&&&&&&&&
انا بليت بحبكم من هبالي والا انت ظل مالنا فيك منزال خيرك لغيري والشقا والعنا لي والمشكلة اني عارف كل الأحوال كان الجو بالغرفة مشحون بالتوتر ., جمانة ساكته وهي تطالع طارق طارق كان منزّل راسه للأرض لأن كلمات الكون كلها ماتصف مدى الألم اللي حاس فيه لكن جمانة كسرت حاجز الصمت الرهيب اللي بينهم جمانة : مابتشوفه يعني ؟؟؟ طارق وهو يتنهد : الا الحين بروح .. عن اذنج طلع طارق من الغرفة ,,, وجلست جمانه تصارعها الأفكار بالكويت وتحديدا ببيت اهل طارق كانوا فرحانين لسببين رجوع هنادي من السفر والحفيد الثاني لهم حمد : شنو تتوقعين بيطلقها صج ؟؟ فاطمه : ياليت مايطلقها ,., البنيه طيبه وتستاهل كل خير حمد : المفروض رحنا وياه ماخليناه يتصرف بمزاجه وبكيفه فاطمه : سكرّ عالموضوع هاذي هنادي يايه بالنسبه لطارق احترم رغبة جمانه بإنها تسمي الولد " سلمان " وكانت جمانه تنتظر لحظة بتصير بأي وقت ,., لحظة ماتنفصل عن طارق رسميا ماادري ليه الحزن عيا لايروح ليه ماجفت دموع البارحة هدّني قلب على حزنه سموح بين مرآت السماحه ذابحه ابتسم والروح لأقصاها تنوح والوكاد دموع عيني فاضحة !! دنيتي جرحي ودنياهم مزوح مثل مرج الما ... فرات ومالحه وملّت جروحي تفاسير وشروح ولعبة الأيام صارت واضحة وزود المأساة في عمري وضوح السنين تمرّ ..... سور كالحة اشهد ان الموت مكتوب في لوح ومالغصات الموادع شارحه واشهد ان اقسى من الم الجروح حاجة المجروح ... للي جارحه للشاعره " دماث" انخطبت مها رسميا لبدر ,., قلبين حبوا بعض والظروف بغت تفرقهم هذا هو الحب العفيف الطاهر اللي يكون دائما بالضوء قدام الكل طلعت جمانه من المستشفى طبعا مع وجود المولود بالمستشفى للتأكد من صحته الجده : الحمد لله على سلامتج يمه جمانه وعيونها فيها دموع : الله يسلمك ,, بس ابي سلمان جيبوا لي سلمان وتنخرط بنوبة بكااااااااااااااااااااااء نوريه : شو هالرمسه بيطلع لج ,,, وضمتها لحضنهااا الجده : شو يابنتي ماييوز عليج تبجين جي بيطلع بس كم يوم جمانه : بلاكم ماتدرون شفيني ,,, الابو بيتخلى عني والولد بعيد عني يمه من جد بموووووووووت نورية : بسم الله عليج شو هالرمسه فديتج بيطلع واذا على الابو الله يسهّل اللي فيه الخير لج وله جمانه : خلااااااااص نفذ صبري مليّت ,, ماابيه ماراح ارجع له يكفي ايامي اللي شفتها معاه كان بالغرفة شخص يستمع لهالحديث وهو متألم يبكي من حال بنته ونور عينه بس طبعا كان ساكت وما يتكلم بس فجأة قام من المجلس وبراسه الف فكره وفكره راح ابو جمانه لطارق بالفندق ,,, وتفاجئ طارق من زيارته بس طبعا كان عارف شيبي منه بالضبط طارق : هلا عمي حياك ابو جمانه : ماراح ادخل عندك هي كلمة وبقولها لك اتخذ قرارك ولا تعذب بنتي تعال الساعة 7 المغرب وعلّمني عن قرارك طارق : انزين عمي اللي تآمر فيه طلــــــــع ابو جمانه من عند طارق وكان بباله قرار ولازم يسويه وصل للبيت واتجه لغرفة الجده ابو جمانه : عمتي ؟؟ الجده : حياك ولدي ماشي احد ابو جمانه : السلام عليكم عمتي الجده : هلا ولدي اقرب فديتك ابو جمانه : عمتي وين نوريه ؟؟ الجده : فوق عند بنتها بس شو تبا بهاا ؟؟؟ ابو جمانه : برد نوريه لذمتي !!!!!!!!!!! الكل استغرب من قرار ابو جمانه واستغرابهم اكثر لما نوريه وافقت عزام وجمانه فرحوا بالقرار ,, وطبعا اخوم الكبير اللي كان يشتغل فعلا بالإمارات بس ماكان له أي دور بحياتهم سوى انه عايش لزوجته وبناته وبس !!! كانت جمانه تبكي بس بصمت بغرفتها ,,, دخلت عليها امها نوريه نوريه : جمانه فديتج عندي زايره لج ؟؟ جمانه رفعت راسها وكأنها تنتظر تكملة الحديث من امها نوريه : مابتسأليني منوووووو؟؟؟؟ جمانه بصوت هادي : ماعاد يهمني احد بس جاها صوت التفتت بسرعه للباب وكانت البنت تقول ولا حتى انا !!!!!!! لنتتظر الفصل الأخير من خرافتك فهل ستنجو بي الى الافضل ام تعود بي الى الورى حيث انا هي انااا &&&&&&&&&&&&&&&&&&& |
&&&&&&&&&&&&&&&&
الصوت اللي جااااااء لجمانه ألمها اكثر مافرحها كانت ,., مريم بنت خال جمانه وواحده من الاسباب اللي عيشت جمانه بعذاب الى الان تركتهم نوريه لوحدهم طبعا مااقدر اقول ان جمانه رحبت فيها بحراره لأن اللي صار معها مااحد يقدر يلومها اذا شالت بخاطرها او حتى كرهتهاا طبعا طارق كان معزّم على شي وهو اللي يعتبره برأيه الحل الوحيد اللي هو الطــــــــــــــلاق !!! جاء المغرب وابو جمانه كان ينتظر اللحظه الحاسمه وكان بقرارة نفسه متأكد من القرار اللي توصل له طارق على الساعه 7 وصل طارق .,., وطلب ان القرار تسمعه جمانه بينها وبينه وبس !! دخل طارق لغرفة جمانه وكانت لابسه شيله ومتحجبه بها طاحت عيونه عالولد اللي نايم بكل هدوء بجمب جمانه بسريرها تمنى انه ماطلب يشوفها لأنه حس بالضعف وهو خلاص اتخذ قرار بالبدايه تكلمت جمانه : شقررت ؟؟ التفت لا اراديا لوجه جمانه تأمل عيونها ومدى نظرة الالم تأمل جبينها وخصلات شعرها اللي ماكانت مرتبه تأمل انفها وشفايفها !! كان يرسمها بباله قبل ماينجبر على فراقها كان يعتصر من الألم بس سمع جمانه تقول لهدرجه القرار صعب ؟؟ طارق : احم ...... وابعد نظره عنهاا وقال ,., انا اتخذت القرار لا اراديا جمانه غمضت عيونها وسمعت طارق يقول : جمانه انتي طــــــــــــــــــــالق !!!!!!! وهذا آخر شي سمعته جمانه من الدنيا لأنها دخلت بعاااااااااالم اسود رجع طارق للكويت بعد مااترك قلبه وروحه وكيانه مع جمانه افترق قلبين حبوا بعض بس للأسف لأسباب واهيه وغامضه لأسباب ذبحت قلبين وهم تعدوا مرحلة العشق والهوى لكن !! تفرقواا !! طبعا اهل طارق استغربوا من قراره وخصوصا انهم اعتقدوا فعلا انهم بيرجعون لبعض وخصوصا مع قدوم هالضيف اللي بيكون ضحية بينهم تأجلت افراحهم وحمد رفض يتملكون " مها وبدر " واجلّوها لحد ماتندمل جروح طارق وجمانه ,.,. بالنسبه لحال جمانه كان موت وعذاب نوريه : يايمه له ااكثر من ثلاث ايام من طلقج وانتي تبجين لمتى يايمه جمانه : يمه راح طارق والله راح ,., ودخلت بنوبة بكااااااااااء اطول تتابعت الايام ونوريه فعلا رجعت لأبو جمانه بس طبعا بدون افراح ولا شي بعد فراق طويل وتشتت عائلي اكبر ابو جمانه وكان يكلّم نوريه : يعني البنت بتظل كذا نوريه : شو نسوي بها حابسه عمرها جي ابو جمانه : مافي غير حلّ واحد نوريه : شو هو ؟؟ ابو جمانه : نفس الحل اللي قال عليه عزام نوريه : شو شو ؟؟ ابو جمانه : بالتفاهم ببنهي الموضوع مابي نرجع مثل قبل كل واحد يفكر بنفسه وبكلام الناس اسكتت نوريه لأنها فعلا تلومت من عمرها عاللي صار حتى لو ماتكلّمت او قالت شي ابو جمانه : الحل ّ هو الطبيب النفسي وبس بعد الانفصال طارق قدّم على اجازة من دوامه بالشركه وابوه فضّل راحته خصوصا ان شغله ماعاد مثل اول صار شخص ينظر للعالم بنظرة سوداء بألم وعذاب اكثر من اول او من أي وقت ممكن يمر عالشخص طبعا فيه شخصيه اغفلناها شوي شخصيه لها الاثر الكبير بحياة جمانه .,. موضي الصديقه الوفيه والاخت ا لغير شقيقه عرفت باللي صار لجمانه واصرت انها تكون بجمبها وخصوصا بالهفتره اللي ممكن تقضي عليها ولأشغال زوجها اجلّت روحتها لها للإسبوع الجـــــــــاي طبعا بدت المحاولات بجمانه عشان تقتنع بالدكتور النفسي او الاخصائي النفسي لأنه الشخص الوحيد اللي ممكن يخلّي جمانه ترجع لواقعها وتتقبله كما هو موضي : يابنت الحلال نهاية الاسبوع انا عندك جمانه : بتجين وبوريك سلمان بس ........ وخنقتها العبره ..... بس ماراح تشوفين طارق !!!! ودخلت بنوبة بكااااااااء مريره موضي : وانا اصلا شبي فيه اصلا حرام اشوفه !!!!! جمانه مازالت تبكي موضي : خلاص ماراح اجي اجل جمانه : لا خلاص بسكت بس تعالي موضي : احم احم عشان اجي بطلب طلب اذا سويتيه بجي لك جمانه : آمري فديتك ,., اكيد اسكت عن البكي خلاص بحاول موضي : لا يافالحه ,., ابيك تروحين للإخصائي النفسي جمانه : نعم !!! موضي : هذا اللي اقوله لكـــ جمانه : بس......... موضي : وشو بس مب بكيفكـــ وطبعا لخاطر موضي راحت جمانه للإخصائي النفسي مع عزام !!!!! وعند باب العياده تذكرت ,,,,,,, قلبي يقول مابقى كثر ماراح وعقلي يقول ان الفرج باب قدام قلب حزين وكلّه الام وجراح وعقل فطين وخفتّه سود الايام !! وش ننتظر من عالم يبدا بصياح ثم ينتهي زي مابدا نياح والآم ؟ العمر له مع اول النور مسراح والى سرح طال السرى اعوام واعوام الحب ومضة وينطفي مثل مالاح والشوق دمعة بارقه بليل الأوهام ياليت حظي ينتهض قد ماطاح والا جروحي يجي لها يوم وتنام واللي كسر قلبي وحيلي ومرتاح واغتر يوم انه سرق كل الاحلام يشوف ماشفته ولو طيف لماّح يمر به طيف الشقا لو مادام بـــــــــــاب وتقفّل وانكسر فيه مفتاح من ذا اللي قال ان الفرج باب قدام ؟؟ الشاعره " دمــــــــــــاث " &&&&&&&&&&&&&&&&&&&& |
&&&&&&&&&&&&&&&&&&&&
ياليـــــــت بيني وبينك لقاء واحد لأشكو لك وابكي على صدرك فتنسى الزمان معي وانسى الألم معك ياليتها تغدو ساعة فأبكي لك واضمك لصدري فتختفي بعدهاا وللأبد على بوابة العياد النفسيه كانت جمانه تتكلم مع نفسها وتبكي بألم وعذاب تبكي لأنها ماتوقعت انها بيوم من الايام بيصير هذا حالها وبدأت رحلة العلاج النفسي مع جمانه والدكتور كان يشوف مدى الألم والعذاب بعيونهااا طبعا بأول الجلسات كانت جمانه بلحالها عند الدكتور ,., عزام كان ينتظر هالجلسه اللي عاقدين عليها الامل وخصوصا انها فعلا الوحيده القادره على اخراج جمانه من اللي هي فيه انتهت الجلســــــــه وطلعت جمانه من الدكتور وعزام اصرّ انه يعرف شصار بالضبط بس مو من جمانه بيعرف من هالدكتور نفسه !!!! طوال الطريق كانت جمانه ساكته وعزام يسولف عزام : تدرين اشتقت للرياض ., عاد قلت لأبوي بنروح لبيتنا من زماااااااان عنه بس يقولي انه مأجره حسافه والله التفتت لجمانه وهي ملتفته للدريشه بس ماقدر يعرف تعابير وجا بالضبط كانت لابسه الغشوه وشكلها تبكي بس فعلا ماقدر يعرف شفيها رجع وكسر حاجز الصمت وقال تدرين ودي اتزوج والله ., عاد انتي شدي حيلك معي ., ابي وحده تكون حلوه وبيضاء مب مشكله اذا ماكانت سعوديه يعني اهم شي خليجيه والتفت لجمانه وبرضو ساكته ., قال بنفسه بتكلّم عن ولدها اكيد بتقول شي جوجو شرايك نغير اسم سلمان مب زين ماعجبني والله كبير عالولد التفتت جمانه وبكل صرامه قالت : مب على كيفك الولد بيضل اسمه سلمان من زين اسمك مو تقول اسم خليجي وع فتح اثمه عزام على هالهجوم بس استانس من الخاطر لأنها في تقدم شوي ياااارب ينفع معها هالعلاج النفسي بس ,.,. بالكويت وتحديدا ببيت اهل طارق حمد : شنو بنزوج اختكــ وانت توك مطلق طارق وبكل مكابره وعناد : مو اول واحد يطلق انا ماعليكم مني بس ملكوا البنيه مابقى شي وتخلص اختباراتهاا فاطمه : راسك يابس البنيه ماراح تبور بتاخذ احسن منك ان شاء الله طارق : بكيفها هو ؟؟؟ حمد : انت شنو بالضبط ؟؟ طارق: مب بكيفها وخلصنا فاطمه: لا مب بكيفك انت طارق : بنشوف .................. طبعا عزام حاول من الدكتور يفهم شاللي صار بالضبط ,., بس اسرار المرضى عادة ماتطلع عن المريض ومعالجه بس الدكتور طمأنه ان جمانه بتتشافى وتقدر تعيش من دون طـــــــــــارق يـــــــاليتني انساك وابتعد عن هواكــ ياليتها الايام والسنون تمضي الى بر الامان فعلا تمت ملكة مها وبدر ., الحب الابيض النقي والعفيف بس مها كانت مقهوره من طارق وخصوصا انه يدعّي عدم المبالاة بجمانه واتصلت بجوال جمانه اللي كان مغلق !!! حاولت بس مالقت رد .,., بسرعه اتصلت بجوال امهااااا ابو جمانه اللي رد لأن فتح خط الكويت هو المتصل بس من سمعت صوت ابو جمانه مها : آسفه يمكن اني غلطانه !!! ابو جمانه : انتي تبين من ؟؟؟ مها : ابي ام جمانه مو هذا جوالها ابو جمانه : أي وانا ابوها مها: ابو نوريه ؟؟؟؟؟؟؟ ابو جمانه : لا ابو جمانه مها : صج؟؟؟ ابو جمانه : أي صج وضحك ضحكه خفيفه ,. بس من سمعها تقول انا اخت طاااااااااااارق وهو ضاعت منه الابتسااااامه وتحوّل وج للكئآبه !!! وطبعا بنهاية الاسبوع وصلت موضي للإمارت وهي جايه وحامله بقلبها كل الشوق وبنفس الوقت الالم بسببة اللي صار لجمانه طبعا الكلّ قرر ان عطلة نهاية الاسبوع بتكون غير بالنسبه لهم وخصوصا ان جمانه فعلا محتاجه لكم هائل من الاهتمام ومراعاة مشاعرها من شافت جمانه شكل موضي وهي تتعتفس وترتمي بحضنهاااااااااااااااااا وترجع تبكي من جديد ,., موضي وهي تحاول تبعد جمانه عنها : وخري لا يموت اللي ببطني رفعت جمانه عيونها لموضي وهي تتأملها موضي : وش فيك أي البدويه حملت ضحكة جمانه من قلبها ونوريه من سمعت ضحكة جمانه ماتت من الفرحه الله ياأهالينا وربي انهم نعمه بين ايدينا .,. يقسون بس يضلون هم من يتحملونا وبس " اهلي وإن جاروا عليا كرام " طبعا هالعطله كلهم قرروا يحجزون شاليهات عشان خاطر وعيون جمانه كانت جمانه وموضي بيوم الاربعاء سهرانين وخصوصا ان زوج موضي وافق انها تنام عند جمانه لظروفها كانوا حاطين قناة شعريه وسمعوا قصيده رجعّت الدموع لعيون جمااااااااانه ان كنت ناوي بفرقا سهّل الله خطاك مااقول اني بموت ولا اقول اني بخير يمكن انساك يمكن استمر في رجاك لكن احب ثاني مستحيل انه يصير ان قتلته شعوري او قتلني غلاك غصب عني لأني املك احساس غير قلت لك والحلم توّه ماوصل للهلاك خلك ابرك من اللي سافروا للمصير ولا تعاند عيون ذاب فيها شقاك واذكر اوراق غصني كيف كانت تطير وكيف كانت تسافر من سماك لسماك وكيف كانت بنظره من عيونك تصير جيت لفراق قلبي يوم قلبي بغاك يامخلّي في قلبك عمر قلبي قصير واللي اقدر اقوله روح والله معاك ياحكاية كتبنا فصلها في الاخير الشاعره " تذكار الخثلان " طارق استمر في تخبطاته وقرر يرجع ام طلال لذمته خبر سئ والكل عارضه لأنهم عارفين انها انسانه تختلف جذريا عن جمانه والشي البشع بالموضوع انها طلبت مهر للمره الثانيه والفلة تنكتب بإسمهااااااااااا حمد : مو صاحي انت بتردها هالمراه الئيمه ياولدي احذر منهاا طارق : بردها وبسوي اللي تبيه حمد : ياجعلها تلعب فيكــ لعب وانا شدخلني فيك طلع حمد من عند بيت طارق وهو معصب حده وركب سيارته واللي زادها ان ابو طارق نسى نظارته الطبيه ببيت طارق وكان مسرع بس مانتبه بأن الاشاره صارت حمرا ويفكر بحال ولده المتقلّب وبسرعته الجنونيه طلع من الطريق سياره محملّه اثاث منزلي وتصادمت هالسياااااااااااااارتين ولّفت سيارة حمد كذا مره لحدّ ماتوقفت وهي تصدم بعمود الكهربااااااا وحمد استقر على مقدمة سيارته والدم يتفجر من كل صوب .,., &&&&&&&&&&&&&&& |
&&&&&&&&&&&&&&&&&
بالمستشفى كانوا أهل طارق بالمستشفى عند حمد اللي كان بالعناية المركزة حالته غير مستقره والدماء ماقدروا الاطباء يسيطرون عليهاا الكلّ كان يدعي ربه وبزاويه بعيده كان طارق وهو يبكي على حال ابوه عذاب مابعده عذاب وتخبطات نفسيه وبالحياة مازال يعيشها طارق متلّوم من اللي صار له .,. ومتعذب من انه السبب باللي صار لأبوه كان يكلّم نفسه بأن تخبطاته بتستمر للأسوء وهذا اللي صار بالفعل بعد قراره بإنفصاله عن جمانه طبعا مها حاولت انها توصل لجمانه بس ماقدرت .,., جهازها مغلق وام جمانه ماترد عالتلفونات من جهزوا للرحلة للشاليهات والكل متحمس للهرحله اللي اكيد بغيرون جو فيها على الاقل بيطلعون من ابو ظبي والكلّ فعلا كان محتاج للأجواء الاسريه الدافيه طبعا وبعد محاولات يائسه من مها ارسلت مسج لأم جمانه بجوالها تعلمها عن الخبر المفاجئ طبعا نوريه خبرت ابو جمانه شاللي صار بالضبط .,., كان بنيتهم يخبون الخبر عن جمانه بس للأسف سمعت من كلام الجده لأمها وانهارت بالبكي لأن حمد كان واجد غالي عليها ماتحملها الا هو وكان يداريها يوم كانت متغربه بالكويت وانحاست اوضاعهم واصرت انها تروح للكويت ونست طارق واللي صار بينهم مراعة مشاعرها وخصوصا بالهوقت ضروريه .,. بعد استشارتهم للدكتور المعالج نصحهم بأنها فعلا محتاجه تكون جنبهم وخصوصا بالهوقت قطعوا كل شي واجلّو روحتهم للشاليهات بالإسبوع الجاي طبعا موضي سافرت ووعدتهم بإنها ترجع لهم الاسبوع الجاي وفعلا لقوا حجز على اول طياره للكويت .,., وهم بالطياره نوريه : شو يمه شو فيج من ركبنا من ساع وانتي ماتحجين ؟؟؟ جمانه : شقو ل ؟ نوريه : انتي شو فيج هذا اللي ابيج تقولينه جمانه : يمه لو يصير فيه شي بموت والله كان ابو ثاني لي ., صلّح لي اللي محد سواه منكم نوريه : سكتي لا يسمعج عزام ترى مآذيني يقول كل اللي صار لج بسبتنا طبعا وصلوا للكويت وكان مع جمانه نوريه وعزام .,., خصوصا ان ابو جمانه مازال متحفظ على اهل طارق وعلاقته فيهم من دخلت الكويت اتجهوا للمستشفى ,., طبعا ماكان يعرف الا مها انها جايه من دخلت عليهم بالقسم العنايه والكلّ تفاجئ فيها ,,, طارق ماكان موجود من شافت جمانه شكل حمد وهي تنفجع وتبكي بصوت عالي كـــان شي مهم بالنسبه لجمانه بعد العصر وبعد ماهدت جمانه نسبيا دخل عليهم بالغرفه المقابله لغرفة ابوه آخر شخص ممكن ان جمانه تتمنى انها تشوفه وقف طـــــــــارق مذهول بس تنّح شوي وقال بصوت هادي : جوجو دنيتي !!! باليوم الثاني استقرت حالة حمد .,. وسمحوا بأن كل شخص يدخل عليه لحاله طبعا جمانه ثاني وحده دخلت بعد فاطمه بس ماكان يتكلّم مع فاطمه ... اللي طلعت منهاره وخايفه ان حمد يكون جاه شي بنطقه بعد الحادث بس من دخلت جمانه عليه وسمع صوتها رفع عيونه لها وقال بصوت واطي هلا ببنتي ,,, هلا والله فرحت جمانه من خاطرها اللي اكيد انها غاليه عنده لدرجة انه ماكلّم زوجته بس كلمها وبغمرة افكارها قال : الله يابنتي كنت محتاي اشوفج والله جمانه : تسلم عمي ........... سكتت حمد: طبعا ماتدرين شاللي صارلي عشان الحادث سكتت جمانه وهي تطالع فيه قال: كلـــــــــه من طارق !!! جمانه بدهشه : طـــــــــارق حمد : أي ,,, بقولج شي بس لاتزعلين عشانه مايستاهلج ولدي واعرفه جمانه : في شي عمي ؟؟؟ حمد : طــــــــــــــــارق بيرد زوجته الاوليّه !!!!!!! ترددت كلمات حمد بذهن جمانه وماتدري ليش نزلت دموعها غصب عنها وبكل ألم طلعت ,,,, وماتدري بالضبط بعدها شقال حمد ؟؟؟ انهارت وبكـــــــــــــــــت بس خطر ببالها تصرف واحد عشان تحرق قلب طارق ارسلت مسج من ابيات شعريه وخصوصا انها كانت تحفظ رقمه بقلبها قبل جوالهااا ادري بقلبك ساكن انسان غيري وادري بأنه صار لك اقرب الناس توي دريت انه تحدد مصيري ونامت عيوني في ذرى خيمة الياس غديت غصن ضيعّه ناي طيري يبكي وحوله ضحكة دفوف واعراس !!! ياما عطيتكــ كثّر الله خيري اني عطيتك قلب وشعور واحساس ايه انكسرت وصار قلبي كسيري يالله تفاخر وارفع بكسري الراس ماانكر انك كنت اول اسيري واني احسك مثل روحي والانفاس ومادام قلبك راح لإنسان غيري اعرف بأنك صرت من ساير النــــــــــــــاس !!!! الشاعره " تذكار الخثلان " كـــــــان طارق جالس مع صديق عمره حمزه .,., من جاله صوت المسج وشاف رقمه المخزن واللي ماقدر انه يمحيه " جوجو دنيتي " بس من قرى الابيات طـــاح الجوال من ايده !! وبحركه سريعه انتبه حمزه له ورفع جواله وقرى الابيـــــــــات بصدمه !!!! بخضم هالأحداث ماقدرت جمانه انها تضل بالكويت زياده وبسرعه حجزوا رحلة العوده واللي اكيد بتكون لجمانه عذااااااااااااب جديد من رجعوا لأبو ظبي اتصل عزام بالدكتور اللي قاله انه بيحّول حالتها لدكتور سعودي جديد عندهم وممتاز جاي للعياده شهر وبيرجع لعيادته بالخبر عزام سوا الحجوزات عند الدكتور السعودي وهو الدكتور ســــــــــعـــــــد رجع عزام للبيت وقال لنوريه وابوه ابو جمانه : سعودي ؟؟ عزام : أي يبه يمدحونه اسمه الدكتور سعد نوريه : شو سعد بعد انت كل يوم بتخلونها تدش على دكتور ابو جمانه : ايي صدق ياولدي عزام : يبه الدكتور اللي قبل نصحني فيه ابو جمانه : لا لا تقول ؟؟؟ عزام : والله قال لا يفوتكم دكتور مميز بعيادته بالخبر ابو جمانه : طيب الله يقدّم اللي فيه الخيــــــــر جمانه كانت بلبلكونه وترضع سلمان ولدها ودموعها على خدها بس بدت تتكّون الافكار بمخيلتها وبدأت تكتب فصول وحده من كتابتها ياليتني اشدو لك واعبّر للكون عن حبي ولكن بي جرح لم يندمل مع الليالي ابكيتني اضعتني ودمّرت شبابي فيا ليتك تعود لأشدو لك من جديد ولكن عقلي يرفضك واحاسيسي تشندك بأن تنساها وتبعد عن مرساها فما عاد لكــ مكان بالقلب لأنك من اضاع هذا القلب !!! &&&&&&&&&&&&&&&& اتمنى يعجبكم هالبارت .... توقعاتكم فديتكم ,,,, وهل بيستطيع الدكتور سعد ان يخرج جمانه من حالتها ام انه مثله مثل الاشخاص العاديين اللي يمرون بحياتنا !!!!!!! |
&&&&&&&&&&&&&&&
كانت جمانه خايفه وخصوصا انها مرتبكه من الدكتور يمكن لأنه خليجي وخصوصا سعودي المهم راحت جمانه للدكتور سعد وكانت تنتظر بغرفة الانتظار بس من قالوا اسمها حست بخوف غريب عزام : ادخلي يابنت الحلال جمانه : طيب ادخل معي ..... تكفى عزام : شيدخلني انا الدكتور ممنوع ندخل معك .... سمّي بسم الله وروحي جمانه : الله يعين طيب دخلت للغرفه وكانت هاديه بشكل غريب مافي اصوات وريحتها كانت غريبه ترّيح الاعصاب بس ماكان فيه الدكتور تقدمت لمكتبه واسترخت على الكرسي وكشفت وجا غمضت عيونها وبدت تتذكر اللي صار لها لحد الطلاق وفراقها مع طارق نزلت دمعتها بس حست بحركه خفيفه وراها فتحت عيونها ولقت الدكتور يجلس عالكرسي المقابل لها نزلت راسها وعدلت حجابها بشكل غريزي ابتسم الدكتور وقال ,., الدكتور سعد : احم السلام عليكم جمانه بصوت واطي : وعليكم السلام الدكتور سعد : حيا الله بنت ديرتي التفتت جمانه له وابتسمت الدكتور سعد وهو يمزح عليها : ياكثركم يالسعوديين راكضين وراي حتى للإمارات رمته بنظره جمانه ونزلت راسها الدكتور تبلعم وحس انها انسانه كار الدنيا بكبرها الدكتور سعد كان يتأملها ويحسها صغيره وحلاتها ذبلت من زود الالم الدكتور سعد : طيب ياجمانه التفتت عليه جمانه ,.,. الدكتور سعد : مب هو اسمك هزت جمانه راسها معناتها ايه الدكتور سعد : طيب ياست جمانه بنبدى انا وياك من مرحلة الطفوله من بداياتك جمانه : شتبيني اقول ؟ الدكتور سعد : اعتبريني صديق او اذا حبيتي اخو وسولفي بشكل عادي جمانه : طفوله عاديه الا حلوه والله كانوا امي وابوي مع بعض كبرت وكنت بحاجه لهم ورجعوا لبعض الدكتور سعد : اها .. لا لازم نسولف اكثر وخصوصا هالمرحله من حياتك اليوم مابثقل عليك بنسولف شوي وبيننا جلسات جايه اتفقنا رفعت راسها جمانه له واول مره تلتقي نظراتهم لأول مره يحس الدكتور بعذابها من نظرة عيونها نظره سوداويه للحياة نظره معذّبه نظره مؤلمه نزلت راسها وقالت بصوت واطي ..... اوكي الدكتور سعد : طيب ننبدى من الطفوله .... اوصفيها لي بكلمات جمانه : طفوله حلوه على كثرة اسفار ابوي كنت شقيه ولعابه درجه اولى وصاحبة مقالب بالناس ................. ياليت طفولتي تعود لأسترجع ابتساماتي وشيئا من اوراقي ياليتها تعود لأجد نفسي وردة قد تفتحت اوراقها ولم تذبل اغصانها ولم تذق عذابات الحب والهوى الخوف والاسى العذاب والأرق بغير هدى لأشتكي لضفائري واعانق سحابة النقى وان يكون اكبر همي نقش حنائي وحكايات جدتي واسرار شقاوتي وضحكة رفقتي ياليتها تعود فأشكو لها وارتمي بين احضانها فأنسى المكان وينساني الزمان طلعت جمانه من الدكتور سعد وهي مرتاحه نفسيا بس كان شكله يجذبها رجل فيه وقار حست لا اراديا انه يشبه طارق بس هالأفكار ابعدتها عنها لأنها بمرحلة لا تسمح لها التفكير بطارق ولا نسبيا طبعا جمانه بخلال يومين اختلفت نسبيا وكل هذا بفضل الله ثم الدعم الاسري من اهلها واكيد العاطفي اللي كان مفقود بحياتها طبعا اتفقوا يطلعون للشاليهات الرحله المؤجله واللي تحتاجها جمانه بهالوقت نوريه : شو وين حجزتوا ؟؟ عزام: بشاليهات الجميرا يمه نوريه : متى حجزتوها؟؟ عزام : بعد يومين نوريه : ان شاء الله بس يارب تقدر موضي تروح ويانا عزام : موضي .. من موضي نوريه : شو فيك انت موضي صديقة جمانه عزام : اي تذكرتها تستاهل من ينتظرها والله نوريه : انزين بروح اقول لجمانه تدق على موضي كانت جمانه بغرفتها جالسه بسجادتها وكانت ساكته وسرحانه دخلت نوريه عليها ,., حرما يمه جمانه : هلا يمه جمعا يارب نوريه : شخبار موضي ؟ مابتيي ويانا للشاليهات جمانه : اممممممممممم والله مادري عنها بتصل ويارب تجي طبعا جمانه واهلها اتفقو لطلعة الشاليه وموضي اكيد تقدر تجي معهم خصوصا انه لعيون جمانه كل شي يهون وبيوم الرحله للشاليهات كانت جمانه حاسه بإنقباض بقلبها بس كانت تلّهي نفسها واتصلت بموضي موضي : ياختي ماقد شفت اشد منك تشاءم بالحياة جمانه : ماادري والله موضي : المهم جو الامارات مووووت حر جمانه : اي بكرى بيدخل اغسطس اكيد حر موضي : الحفر اقل بشوي عاد جمانه : اللي يسمعك يقول جايه من الاسكيمو موضي : افا الحين فيه سعوديه تتطنز بديرتها جمانه : انا ماقلت شي على راسي ديرة ابو فيصل والله اسكتي لا تذكريني من اتذكرها احس بحنين غير طبيعي موضي : طيب ياام الحنين خليني بلبس عشان نجيكم ونروح جمانه : خلاص اوكي وتمت مغادرتهم لدبي وتحديدا للجميرا كانت جمانه مستانسه على سلمان خصوصا انه بدى يتحرك كثير ويقل نومه شي غريب احساس الامومه ماحد يقدر يتصوره او يعبّر عنه بس على ان جمانه اول مره تطلع للشاليهات بس برضو احساس الخوف من شي قادم كان يلازمها طول الوقت منظر البحر كان روعه والاروع الشاليهات بس كان يخرّب عليهم حرارة الجو شوي طبعا اول يوم كان يوم مميز لكل سهره وتقرّب ابو جمانه لنوريه اكثر كانوا يتمشون لحالهم عند الشاطئ حبهم تجدد من اول وجديد وكانت موضي وجمانه يراقبون هالوضع وهم مستانسين جو رومانسي بينهم كانت جمانه تناظرهم وتقول بنفسها ... ممكن نرجع انا وطارق بيوم من الايام ؟؟؟ انتهى بارت اليوم اوعدكم ببارت ثاني يوم الجمعه بإذن الله قبل العيد وكل عام وانتم بألف خير يارب سوري بس والله تعبت ايدي توقعاتكم ....... وهل احساس الخوف عند جمانه عادي ؟؟ او انه بيحصل شي فعلا يكدّر عليهم؟؟ كيف بتكون العلاقة الجديده بين ابو جمانه وامها واحداث اكثر بتعرفونها بس من خلال قراءتكم لقصتي "" ليــــــــــــه يادنيا المحبه ؟"" |
&&&&&&&&&&&&&&&
كان الجو ولا اروع بالليل ,, وخصوصا مع اجتماع موضي وجمانه حبوا الليله تكون غير بكل شي جمانه مازال الخوف ملاازمها ولاتدري شكان السبب بالج الثانيه كان عزام معه ابوه وزوج موضي الجلسه كانت ولا احلى وخصوصا مع الجو الاسري اللي حست فيه جمانه واللي بتنسيها طارق وايامه العجاف نوريه : تطمني يمه عليهم مايصير والله جمانه : يمه والله مااقدر من امسك جوالي بدق عليهم احس اني اتذكره يمه مازال هو حبيب القلب يمه صدقيني يايمه ألمي اكبر مني ابكيه الم يعذبني ويمزق كياني وانخرطت جمانه ببكاء طويل آآآه يايمه والله ثم والله اني متعذبه قامت موضي واحضنت صديقة دربها وعمرها جمانه كانت متألمه ومتعذبه مثلها هنا انتهيت ومضت سحابة حبك القاتمه يااااااااااااااااااااااه يالصغر حجمك عند كبرياء وملكوت وعظمة حبي ارحل فما عدت تهم قلبي بعد الآن انت مجرد قناااااااااع لنفس مريضه وروح قاتله كملوا السهره طبعا بس بعد ماتعقدت جماانه وانحاس مودها شوي موضي : انا جايه من الحفر عشان اقابل وحده معبسه ؟ نوريه : شو والله مايسوى علينا ماقلناه ؟ جمانه : لا يمه بس شسوي انتم تعذبون قلبي والله نوريه : شو يمه مابنرمس مره ثانيه وهذا وعد بس ابي جوجو اللي عرفتها دوم جمانه : ان شاء الله يمه بحاول والله موضي : طيب ياحلوه شرايك نتسابق ؟ جمانه ببلا: هااااااااا ؟؟ موضي : اي والله اني صادقه الشاطئ عذاب وش رايك نتسابق ونرجع ايام قبل جمانه : امممم خايفه على بطنك موضي : والله عادي يابنت الحلال ارتاحي بخليك تسبقيني جمانه : اي عاد انا دايم اكسر راسك يالبطه موضي : اي والله يالنذله .... جمانه : موضي : ووجع دخلّي لسانك جمانه : افا عصبت البدويه قربت موضي ومعها كاس مويه جمانه: لا والله اتوب وقااااااااامت تركض وموضي وراها فعلا حالتها النفسيه ماتطلع منها الا مع موضي وبس !! كان هذا كلام احد شخصياتنا الغامض والضايع بنفس الوقت ؟؟؟ هاليله مثل ماقلت لكم ليله خاصه فعلا للكل نوريه كانت تراقب البنات وهم يلعبون الجده كانت طبعا ناااااااايمه فديت هالطول والله التفتت ام جمانه وابتسمت بخجل عبدالله "ابوجمانه" : لا بجد عذاب انتي نوريه بدلع : عبدالله ؟؟ عبدالله : ياعيون عبدالله الغبي اللي ترك احلى شي بدنيته نوريه :مممممم تكرم والله عبدالله يمسك قلبه لا انا الليله ميت ميّت ونوريه تضحك على زوجها وتحمد ربها على عودتهم لبعض طبعا الكل ناااااام وهم مستانسين لدرجه غريبه بس طبعا شخصيتي الرئيسه وبطلتي كااان فيها خوف من المجهول وناغزها قلبها موضي : نامي اقول انتي وولدك المزعج لا تخلين ابليس يلعب عليك بس جمانه : بنام اكيد بنام بس شسالفه ؟؟ موضي : صرتي شخصيه سوداويه لهدرجه ؟ جمانه : مايسوى علينا نامي بس نامي ونامت البناااااات على امل بكرى وشمس الشروق صحت جمانه على الساعه 8 الصباح من بكاء سلمان اخذته وطلعت فيه للصاله صح كانت نعسانه بس كان سلمان اهم شي بدنيتها لدرجة انها تستغني عن العالم عشانه جلسته وراحت لغرفة جدتها وكااااان الجو حر بشكل غريب بس تذكرت جمانه انه اليوم واحد اغسطس .,. لقت جدتها صااااااحيه طبعا جمانه : بالخير يمه الجده : هلا امي شو مصحينج هالحزه جمانه : من سلمان يمه بس تعالي عند التلفزيون بالصاله وانا بصلّح لنا قهوه الجده : انزين يمه .... كانت الجده تحاول تفتح التلفزيون بس من فتحته طلعت المفاجأة او المأساة الحقيقه كانت الجده تحاول تعرف شسالفه ونااااادت على جمانه جمانه: لبيه يمه ودخلت للصاله ومعها صينية القهوه وقربت للتلفزيون وقرت الخبر الصاااااااااااااااااااااااعقه وطاااااحت الصينيه اللي معها وفاة ابونا وابو الكل ملكنا ابو فيصل رحماك ياربي مابالها مصابنا بفقيدنا اين رحلت وتركتنا لقلوب تناجيك وايام تدّثر بالسواد بعد اليوم يالله اين انت وماحلّ بأيامك رحلت وتركتنا ونحن مفجوعون ببعدنا رحماك ياربنا اين من كان ابانا مابال الاحباب يرحلون ويجتمع الاعداء اكثر من حولنا اللهم اغفر له اللهم اغفر له اللهم اغفر له فإننا احببناه فيكــ وكان هذا اليوم طبعا 1- اغسطس سنة 2005 م خيّم السواد وصوت البكااااااء على الشاليه كانوا جالسين اليوم تقريبا بأكمله عند شاشة التلفزيون يسمعون وهم غير مصدقين يالله رحماااااااااااااكـ في وفاة ملكــ القلوب يارب جمانه وبصوت يقطع القلب : اقولكم كان حاس قلبي والله انه حاس موضي : اذكري الله يابنت الحلال ماحد بيرخص ابو فيصل جمانه : كله منكم عيشتوني بغربه موضي : بس يابنت الحلال لا تسوين بعمرك كذا اللي صار صار انتهت هاليله على اعلان هالخبر المفاجئ للكل ومراسم الدفن ستتم بالعاصمه الحبيبه اللهم اغفر له وارحمه ياااااااارب العالمين ,,, ويصبرنا برحيله بوجود ابو متعب يالله ياكريم طبعا ايام الحداد اللي اعلنت بالدول الاسلاميه على فقيدنا الغالي وبالنسبه لاهل جمانه رجعوا من الشاليهات بس مع قضاء يوم واااااااااااحد من السعاده الكاذبه بعد عدة اياااااااام من الألم المتواصل قررت جمانه ترجع للدكتور سعد خصوصا انها تحتاجه كثير بهالوقت طبعا الدكتور سعد كان ينتظر جمانه بالذات وكان يكلّم صديقه الدكتور سعود سعود: مممم ليش انت اهتميت بهالبنت سعد : بيني وبينك حزن عيونها وجمالها الملائكي عذبني والله سعود: بس انت دكتور وياما دخلت عليك اكيد كثير من الحالات سعد : ماادري هي غير وانا اسبوع وبرجع للخبر بحاول قد مااقدر من اهلها انهم يتواصلن معي مممممممممم طبعا انا ماعرفت بالشخصية للدكتور سعد الكل عرفنا انه من سكان الخبر وهو دكتور سعودي عمره تجاوز الثلاثين مطلق وعنده بنتين بس كبار شوي يعني تقدرون تقولون كبير بالسن حنون لاأقصى درجه واسلوب تعامله مع بناته اللي بعمر المراهقه جدا روعه والكل يشهد فيه الدكتور سعود: زين مااطول عليك انا والله يوفقك يارب واقنع اهلها الدكتور سعد : يالله يارب حسيت كأني اتعامل مع بنت صغيره بالعمر وكبيره بالشكل الدكتور سعود: لا انت رايح فيها الدكتور سعد : لا يارجال راحت علينا سعود: الله يعين بس تآمرني بشي ؟ سعد: سلامتك ولا تقطع سعود : يالله مع السلامه سعد: مع السلامه طبعا جمانه كانت تستعد انها تروح للدكتور ماحست الا بأحد يضرب الباااااب بقوه خافت وراحت بتشوف من ؟؟ بس من فتحت الباااااااااااب احد عطاها كف ............؟؟؟؟؟ موضي : النذل الحقير شدخله فيك جمانه : شفتي . ماعمري شفت بناته ولا هو الحقير وبالأخير يجي عشاني اتعالج عند طب نفسي يقول فشلتينا ؟؟؟ طبعا الكل مايعرف انا اتكلم عن اي شخصيه هو محمد اخو جمااااااانه الكبير اللي موضف بالقنصليه السعوديه بالإمارات طبعا ماكان له اي دور بقصتي بس لانه مايجي الا بالمصايب كعادته عرف من عزام اللي غلط عنده انها تتعالج بالطب النفسي ولأنه رجل مغرور ومتكبر قال لازم تترك االعلاج النفسي يكفي انكم دلعتوها قبل .....؟؟؟ طبعا محمد ذكرته ببداية القصه للي يحب يتذكر شخصيته ؟؟؟؟؟؟؟؟؟؟ نرجع لموضي اللي كانت تكلم جمااااااانه طيب والله انه مايستحي ياجعله يشوفها ببناته يارب جمانه : لا هم بنات اخوي واخاف عليهم من دعواتك والله موضي : بتذبحيني انتي ؟؟ جمانه : بسم الله عليك موضي : وسم يسمه .... روحي لموعدك اللي اجلتيه مع عزام وبعدين نتكلم جمانه : اوكي ...... بس الله يستر لأن ابوي راح له لبيته بيتفاهم معه ؟؟ كانت جمانه قد ألفت مكان وعيادة الدكتور سعد وماصارت مثل اول تخاف انها تدخل عليه ؟؟ بالعكس دخلت عليه وكااااانت متفائله لأقصى درجه ..... الدكتور سعد : ياحي الله جمانه جمانه : ويحيك دكتور الدكتو سعد : عرفت انك تضايقتي من وفاة ابو فيصل ؟؟ التفتت جمانه عليه وهي مستغربه بس قالت : ليش ... انا مب سعوديه قبل كل شي ؟؟ الدكتور سعد : ماقلت شي بس احسن الله عزاك جمانه : وعزاء الجميع يارب الدكتور سعد : آمين ... ويخلي لنا ابو متعب جمانه : يااااااااااااارب ... الدكتور سعد : طيب اليوم بس بنسولف عن اي شي تبين تقولين لي عنه ؟؟؟ جمانه : عادي ؟؟ الدكتور سعد: اكيد عادي انا دكتورك جمانه : صارت لي مشكله مع اخوي الكبير عقد حجابه الدكتور وقال : ليش ؟؟ جمانه : مايبيني اجي للعياده الدكتور : اها هو من الناس اللي ماتقتنع بالطب النفسي ؟ جمانه : يقول تفشلنا قدام الناس وشوي دمعت عيون جمانه من القهر بس .......... وبدت تبكي جمانه انا شدخلني فيه عمره مافكر فيني ولا قال وش سوت اختي وبالأخير يجي يقول كافي مافشلتنا قبل الدكتور سعد : هدّي نفسك وابي اعرف اليوم علاقتك بطااااااارق من البدايه لحد ولادتك لسلمان ؟؟؟ طلعت جمانه من الدكتور سعد حست ان الوقار اللي فيه والهدوء عجيب رجل يجذب كل شخص يتكلّم معه او يناقشه الرجوله على افعالها رجوله فعلا رائعة بكل المقاييس من رجعت جمانه للبيت استقبلهاا ابوها عبدالله : ابيك بالمكتب تعالي ؟؟ دخلوا المكتب وجلسوا عبدالله : مممممممم بقولك شي اتمنى انك تفكرين فيه زين جمانه : سم يبه اللي هو ؟ عبدالله : تدرين من كان معنا بالشاليهات بس بشاليه ثاني واحنا ماندري جمانه : من ؟؟ عبدالله : كان عزام يعرف انه معنا وهو اليوم يقول بعزيها ببو فيصل الله يرحمه جمانه : من هو ؟؟؟ عبدالله : بصراحه ط --------اااااااااااارق ......... جمانه من سمعت اسمه تلقائيا غمضت عيونها وقالت بصوت واطي : شيبي؟؟ عبدالله سكت شوي وقال : يبي ترجعين له ................ &&&&&&&&&&&&&& بارت اليوم اتمنى يعجبكم وماااااهو قرار جمانه بالرجوع لطارق ؟؟؟ وايش قصة اخوها الكبير محمد ؟؟؟ |
&&&&&&&&&&&&&&&&
كانت جمانه بغرفتها وكانت مستغربه هذا شيبي مني كل ماسليت طلع لي بالحياة ياليته ينساني وارتاح بالنسبه لطارق كان بالفندق ومعه صديق عمره وحياته حمزه كان طارق هادي بشكل غريب ويسمع اغنية عبدالمجيد " حبايبنا " حبايبنا وش الدنيا بلاكم ملاه الشوق قلب ماسلاكم يضيق بالهفضى بعض الليالي الى دوّر نديم ولا لقاكم حبايبنا ترى الفرق صعيبه على مثلي مولّع في هواكم حبايبنا الى يوم اجتمعتوا ومرّ الذكر في سيرة لقاكم فلا تقولون يمكنه نسانا حرام الظن فاللي مانساكم ترى يمكن اذكركم واغني ملاه الشوق قلب ماسلاكم فجأه طاحت الدمعه اللي كان يخبيها شهور ماقدر يتحمل بعد جمانه عذاب مستحيل احد يحس فيه الا اللي جربه اكيد حمزه كان يتابعه بصمت بس تكلّم فجأه يوم شاف دمعة طارق حمزه: شدعوى ياخوكـ لو تبيك بترد لك طارق : انا ضيعتها من ايدي كانت لي وقدام عيوني والله ياخوك مانام الليل احس ريحتها تداعب نفسي حمزه : اذكر الله .,. جمانه اعرفها تموت فيك بترد لك اذا فيه بينم نصيب طارق : لا خلاص جمانه قست قلبها واذا قست مستحيل ترجع لاول مره ينخرط طارق بنوبة بكااااء مريره عذاب مابعده عذاب قام حمزه وشد على كتف طارق وقال بصوت واطي ياخوك شفيك ؟ طارق : عن اذنك بطلع احس اني مكتوم بعالغرفه طلع طارق وكان يتابعه حمزه بعيونه ويقول بنفسه : ضيعّت دره من ايدكـ ياخوي !! بالكويت وتحديدا عند حمد ,., فاطمه : كلنا اشتقنا لها حمد : والله ودي اروح بشوف سلّوم كأنه اول حفيد لي والله فاطمه : شنو رايكـ نروح الخميس الياي !! حمد: بنشوف طارق شنو يصير وياه فاطمه : تدري اني صج ماحسبت حساب هاليوم توقعت البنيه طيبه وبترد له حمد : البنت طيبه بس ولدج اللي مو طيب ولدج ضيعها بحركاته جنه مراهق صج ودّي تأدبه وماترد له على الاقل بالوقت هذا فاطمه : انت مب صاحي تحجي جذي عن ولدك ! حمد : عيل انا مب صاحي والله انتي الصاحيه وولدج يالله بروح اصلّي المغرب احسن من مقابلج !! فاطمه : مايسوى علينا هالكم كلمه ؟ موضي : انت بجد شرايك ؟ جمانه : حاليا ماعندي نيه ارجع والله موضي : برايي ولا مستقبلا جمانه : طلب يشوف سلمان شسوي ؟ موضي : الله يعين عليه بس!! خلاص بيشوفه اكيد ماتقدرين تمنعينه هذا ولده جمانه : أخاف ياخذه مني زي مااخذ قلبي موضي : مايقدر انتي تطمني بس !! الدعوى مب فوضى جمانه : الله يعين بس سمعت احد يطق باب غرفتها جمانه : يالله موضي مااطول عليك مكالمات دوليه الله يعينك موضي : ممكن تنثبرين .,., كم جوجو عندي جمانه : فديتك والله يالله مع السلامه موضي : الله يسلمك جمانه : اللي عند الباب يدخل بس من انفتح الباب شاااااافت اخوها عزام وابوها عند الباب وبصعوبه بالغه بلعت ريقها وغمضت عيونها !! طبعا اللي صار ان طارق طلب يشوف الولد وطبعا مع طلبه الاساسي ان جمانه ترجع له اتعتقد اني سأعود بعد ليالي الشقاء والعمر والعطاء بعد ان ذهب الشباب وضاعت الآمال بعد ان اصبحت كسيرة الحب والهوى والألم والبكى اتعتقد اني سأعود لتبصر عينك الخيانه وروحك الجبانه لأعود لمن علمني قسوتي وكرهي للحياة لمن لم يعلمني سوى الضياع والعمر الأبي والامل المنطفي انساااااااااااااني فما عدت ملكا لروحي !!! الكلّ كان يعتقد ان جمانه بتضعف بهالموقف خصوصا انها قالت خلاص عادي بطلع لطارق الكل اعتقد انها فعلا وافقت للرجوع البعض حزن والبعض فرح كانت جمانه بالمجلس طبعا متغشيه لان طارق طليقها يعتبر ومعها سلمان دخل عزام ومعه طارق جلس عزام شوي وطلع كانت جمانه تراقب طارق وهو يلّعب سلمان كان واضح عليه قلّ النوم هالات سوداء وانحناءه عجيبه بجسمه بعد ماكان صالب طوله غير الابتسامه الذابله اللي يلعب بها سلمان بعد فتره رفع عيونه بعد ماحس ان جمانه تراقبه بكل تحركاته طارق : طبعا بحاول قد مااقدر اسعدج وبنسيج ليالي العذاب اللي عشتيها جمانه : نعم !!!! طارق : اذا رجعتي لي وانا متأكد انج ماتقدرين تفارقيني ولو لحظه !! جمانه : ليــش انت واثق لهدرجه .؟ طارق : من حبج واثق مليون بالميه بس انتي تكابرين جمانه : من قال اني احبكــ ؟ طارق ضحك من الصدمه : يعني تموتين عليّ ؟؟؟ وقفت جمانه وقالت بصوت هادي : الا اكرررررررررهكـــ ومستحيل ارجع لك وطلعت بسرعه من الغرفه بعد ماسمعت صرخت طاااارق عليها كانت بغرفتها تبكي من الألم من اخفاءها للحقيقه سمعت ضرب قوي للباب تدرون شفكرت فيه على طوووووووووول !! موقف زي هالموقف يوم يكتشفون علاقتها بطارق كان تتذكرون شسوى ابوها بذيك اللحظات ؟؟؟ قامت مفزوعه وقلبها يضرب الف بعدت شعرها عن عينها وبكل هدوء مشت للباب ومن فتحته جااااها اقوى ضربه على وجا تدرون من مين ؟؟ من اخوها محمد ؟؟؟؟؟ ماحست بعدها الا بصرخات امها وجدتها وقبلها صرخت ابوها على محمد طاحت جمانه ونامت يمكن للفجر او اكثر اللي اقدر احدده لكم العذاب والقهر اللي تحس فيه كانت تحس بأحد عندها بالغرفه من فتحت عيونها لقت ابوها جالس بجمبها على السرير ويقرى عليها ماتدري كم من الساعات اللي فاتت وهو جالس يقرى عليها حس فيها وقرب لها عبدالله : ياروح ابوك شخبارك الحين ؟ تحسست جمانه على خدها وقالت بتنهيده : الحمد لله بس التفتت حولها وقامت مفزوعه وين سلمان يبه لا يكون اخذوه يبه تكفى الا ولدي يبه ضمها ابوها وجلست تبكي على صدره وسمعته يقول : ماياخذونه وانا حيّ وانا ابوك مايخسون والله نايم عند امكـ بالغرفه ارخت قبضة ايدها على صدر ابوها وتنهدت بعمق سكرت عيونها وتركت الحريه الكااامله لدموعها كان فيه احد مصدوم اللي هو طاااااااااااااارق يجمع اغراضه بالفندق بطريقه عصبيه موعد الطياره الساعه 7 حس حمزه فيه وقام : شنو مصحيك هالوقت ؟ طارق : شنو الطياره بعد اقل من ساعتين حمزه : ليش ترفع صوتك طارق : انت ماعليك مني ارجع ارقد حمزه : لا حول تستاهل ماياك طارق : صج ماتستحي تتشمت بخويكــ؟؟ حمزه : خويي هو سبب نفسه شسوي فيه انا ؟ طارق : تدري الحجي وياك ضايع نم احسنلك لااسوي شي تندم عليه طول عمرك حمزه : مابرد عليك لأنك بنفسيه ماتسمح لك طارق : ارقد ارقد عساك ماتقوم حمزه عرف ان نفسية طارق ماتتحمل احد يناقشها وتركه وحاااااااااااول انه ينام بالصباااح صحت جمانه وهي على امل انه اليوم يكون غير ايامها اللي قبل مالقت ابوها عرفت انه طلع منها من التفتت للجهة سرير سلمان لقته نايم مثل الملاك بإحساس الامومه راحت له ورفعته وضمته لصدرها وتركت العنااااااااان وسيل من الدموع الجارف على خدودها آهاتي ليست ككل الآهات اليك بيوم رحيلك اخذت اقل مااملكه قلبي يامن تكّونت لدي الآمال والآلام اليك اشكو حبي وآهاتي المستفيقه على درب الزمان لااستطيع وصف حبي وعظيم شوقي اليكــ يامن احببتك حتى احترقت اشواقي وآالامي اليكـ انت ولكـ وحدك عظيم الحب وواسع العطاااااااااااء يامن لا يستحق الا هو عطائي وخالص وفائي طبعا دخل عزام لجمانه وشافها جالسه ترضع ولدها عزام : احم احم تعدلت جمانه وغطت على ولدها وقالت : ادخل حياك دخل عزام وراح وباس راسها جمانه : تكرم ياخوي عزام : الا والله انتي الكرم بحد ذاته جمانه : ماادري من غيرك انت وابوي شكان سويّت ؟ عزام : انتي اختي وبنت ابوي نسوي لك اكثر والله جمانه : فديتك والله .,., بسألك الخبل محمد شفيه امس عزام : تدرين ابوي طرده من البيت جمانه : لا تقول عزام : والله النذل يقول فشلتنا بنت تمشي رجال جمانه : حسبي الله عليه يارب عزام : انتي تحسبي ربك على كل ظالم جمانه : مايكفي حارمنا من بناته وزوجته وتركي من زمااان عنهم والله عزام : زوجته مسكينه هي اللي ضايعه بالموضوع الله يعينها جمانه : آمين عزام : تصدقين حاكرها ماتروح لاهلها بالرياض !! جمانه : يسويها اخوي نذل وااعرفه عزام : اهم شي ابوي حط له حدّ جمانه : فديته نور دينيتي والله سمعت صوت وراها والله انتي نورنا كلنا والتفتت الا هي امها وجدتها واقفين ,.,. كان طارق بالطياره هو سارح بس فجأه التفت لحمزه طارق : تدري اتخذت قرار مهم بحيااااااتي حمزه : شنو ؟ طارق : برجّع من صجي ام طلاااااااال حمزه : نعم!! طارق : اي والله لا تحسبني هالياهل ميّت عليها حمزه :صج انك مب صاحي بترجع النسره ام المشاكل لا صرت اخاف عليك انت وقراراتك طارق : انت جب اهم شي عندك جمانه .,. وناظره شوي وقال: لاتكون تحبها بس!! حمزه : يااااااااااليتها تقبل بحبي والله انها تستاهل ........ &&&&&&&&&&& انتهى باااااارت اليوم ,., اتمنى عجبكم وكان عند المستوى المطلوب لا تحرموني ردودكم فهي دوما دافعا لكاتبة هالسطور وياترى فيــــــه تطورات اكثر بحياة جمانه ؟!؟ واخوها محمد هل بيرجع لصوابه او بيضل هذا حااااااله؟!؟ و هل طارق بتستمر قرارته العشوائيه ويرّجع ام طلال لذمته !! وكيف هالقرار لو صار بيكون وقعه على نفسية جمانه !! |
&&&&&&&&&&&&&&&&&&&&&
كانت جمانه تنتظر عزام وهي بغرفتها موعد الدكتور سعد اليوم قبل مايروح للخبر كانت جمانه ماسكه عبايتها بطرف والثاني معها كاس شاهي تحس بصداع غريب !! يمكن من كثر ماتفكر بطارق دخل عزام عليها بالغرفه ,., عزام: ياحلوه .... وقام يأشر بيده انتبهت جمانه له وابتسمت عزام : لا مب معقوله جمانه تشرب شاهي ., ماخبرتك تحبين تشربينه جمانه : ماادري فيني صداع عجيب قلت بقلّد هالناس واشربه ضحك عزام عليها \ طيب اذا ودك نأجل الموعد مب مشكله ترى جمانه : اليوم الخميس وبكرى الدكتور آخر دوام له بيرجع للخبر عزام : أي صح نسيت والله بس تدرين شلون لازم تسألينه كيف بنتواصل معه بعدين حطت جمانه كاس الشاهي وبدت تلبس العبايه عزام : وين سلّوم التفتت جمانه عليه : ووجع شيّنت اسم ولدي عزام: لا والله طيب وين سلمانوه ...... وجلس يضحك على جمانه اللي رفعت حواجبها مستغربه جمانه : تدري قم بس اطلع برى عزام : قم بس قم وطلع لسانه لها.,.,وبعدين احلى ياجوجو بطلع برى شوفي من بيوديك جمانه : عادي والله بروح مع السواق جلس يضحك عزام جمانه : لا انت فيكـ شي اليوم كل شوي تضحك جلس عزام بسرير جمانه وهو يقول : لا تذكرت سالفه يوم قلتي السواق جمانه : بك ثقل دم عجيب !! وشو السالفه عزام : ضفي بس اقول السالفه مب انا ثقيل دم جمانه : يالله عاد وش السالفه عزام : فاتك جدتي اقولها وين السواق تقولي منو الساق خخخخخخ لا والله العظيم دمعت عيوني من الضحك قلت لا يمه قصدي الدريول قالت أي مع هالويه تحجى عربي خخخخخ تحسبني اتكلم هندي امي نوره الله يهديها يارب جمانه : حرام عليكـ لو هي شباب كان عرفت اننا نقول سواق بس مشكله عشانها كبيره بالسن ماتعرف الا دريول عزام : يؤ يؤ بدت تتفلسف اخلصي اقول جيبي طرحتك واطلعي جمانه : الله يعينها اللي بتتزوجها عزام : لا حوووووول حتى القدر بتتدخلون فيه اخلصي اقول الا داعيه لها امها بليلة القدر اللي بآخذها شاب ووسيم وقلب يتكلم بالبناني : يأبرني شو وسيم وحنيّن جمانه عبست بوج قالت : امش بس والله انك استخفيت يأبرني اجل وائل كفوري مره وحده بالكويت وتحديدا ببيت اهل طارق حمد : من صجك بترجعها انت ؟؟؟ طارق : يبه انا رجال وابي لي الاستقرار حمد : مالقيته الا مع وسميه طارق : شسوي فيكم ,, ذيج الياهل قامت تتدلع وانت واقف وياها حمد : جمانه ياهل!! عقلها اكبر منك منتب صاحي والله طارق : المهم بروح انام باجر اليمعه بروح لأهل وسميّه وبردها حمد : لو مره بحياتك اتخذ قرار ماتندم عليه طارق : مابندم على شي بإذن الله قام حمد من كرسيه وهو يقول: اتمنى والله ياولدي اتمنى بس من تعدى الصاله حس بنغزه قويه وألم بقلبه كاب بتعثر على الارض بس مسك طرف الكرسي القريب له طارق انتبه له واسرع : شفيك يبه سلامت قلبك والله ابعد حمد شوي وناظره وغمض عيونه وحاول يمشي بس ايد طارق كانت اقرب بكثير منه حمد: اتركني حسيبك ربك من بداية حياتك وانت معذبني طارق : شنو اتركك وليش اعذبك يبه هاذي حياتي اتركوني اعيشها زي ماابي فاطمه طبعا كانت بالمطبخ فسمعت نقاشهم الحاد : لا حوووول هاذولا لهم جم اسبوع جذي حالتهم كله منج ياجمانه شهالغرور لو انتي راده ماكان هذا حالنا الحين !!! بس من طلعت شافت طارق يمسك ايد ابوه وهو مسنده وبيصعد فيه لفوق فاطمه : وي وي الشيبه شفيه ؟ طارق : كل ماتناقشنا بموضوع وسميّه صار فيه اللي صار فاطمه : هاته عنك هاته من تسندت لحمد وهي تصعد فيه للدور الثاني حست بإن تعبه زايد وصرخت بأعلى صوتها لطارق ياامك اتصل بالدختر بسرعه !!!! طبعا جمانه كانت بإنتظار الدكتور سعد كانت تحس بشعور غريب ومتناقض اول شخص تقابله او رجل تحس بالراحه الغريبه عنده يمكن لأن طارق كان دوم يهزبها مااعلّمها كيف تحترم نفسها من داخلها على انها ماارتاحت اول ماشافت الدكتور سعد بس مع الايام حست براحه غريبه من نادت اسمها النيرس جمانه عبدالله طلع لها عزام اللي كان يطالعها من بعيد وهي بغرفة الانتظار انتظرت شوي بعدين قامت كانت متوتره حالها حال كل مره تدخل فيها للعياده مشت ببطئ حست بإيد احد على كتفها من التفتت لقت عزام يبتسم ابتسامه هاديه لها حنووووونه لاقصى حدّ عزام : يالله بالتوفيق وانا انتظرك هنا حست جمانه بالإمتنان لاخوها لانه فعلا علمها كيف الصبر والحب بدون ماتحس بنفسها لوت عليها وضمته لأقصى درجه بعدها تركته عزام استغرب من حركتها بس حس فيها بإحساس الاخوه اللي بينهم قرب لها وباسها مع جبينها جاب موضوع ممكن انه يوسع لها صدرها وقال : خلاص ان شاء الله بنروح اليوم عقب العشاءللسوق من زمان مااشترينا لسلّوم شي ابتسمت له وقالت سلمان مب سلّوم قال: اوك الشيخ سلمان ولا يهمك .,. يالله حبيبتي ادخلي عند الدكتور سعد ترى السعوديين دمهم حار ضحكت جمانه وعطته ظهرها وهي تمشي حست ان الارضيه تحتها بارده وانها برودة الارض تخللت جسمها بالكامل مشت لغرفة الدكتور سعد وطقت الباب بخفيف ودخلت كانت معه اوراق وجالس يكتبها دخلت وقالت بصوت هادي : السلام عليكم رفع راسه وحس فيها وابتسم لها وقام وهو يقول : وعليكم السلام والرحمه هلا بأم سلمان تفضلّي جلست جمانه بالكرسي البعيد شوي مب عند المكتب حست بأمان اكثر وهي بعيده عنه احساس فعلا غريب !! جلست وهي تتنهد اما الدكتور سعد جلس وهو يطالعها بعدين ابتسم ونزل راسه قال يالله الحين نبدى من وين ... او آسف شتشربين قبل ؟؟ قالت : لا شكرا مابي شي بس بصراحه مممممممم اخوي محمد سوى لي مشاكل ابتسم الدكتور سعد : ليش بديتي على طول ؟ طيب اذا يريحك اوكي شسوى؟ سكتت شوي ونزلت راسها وهي تقول: ضربني تجمعت الدموع بعينها حس الدكتور سعد فيها لا شعوريا قام من المكتب وقرب لها وجلس بالكرسي المقابل لها قال : طيب والسبب هنا انخرطت ببكااااااااء طويل جمانه ماتحملّت اكثر حست ان الدنيا تلعب بها ان الكون كله ضدها حست بالألم والآهات تعتصر قلبها وبين الشهقات كات تقول : نذل اكر يضربني ليش ؟ عشاني رفضت ارجع لطارق خلاص ماابيه خلاص عافه الخاطر من سمع الدكتور سعد بطاري طارق وهو متغيّره ملامحـــــــــه !!!! بالكويت كان حمد جالس بغرفته بهدوء بعد مانصحه الدكتور بالراحه التااااامه وخصوصا انه معرض لجلطه ممكن تكون بالقلب لا سمح الله دخلت عليه فاطمه هاذي شوربة الدياي يارب تعجبك عاد ساعدته على الجلوس بهاللحظه دخل عليهم طارق صد ابو طارق للج الثانيه وهو يحس بإنه فعلا ماله خاطر يشوف طارق وبحركة ايده قاله اطلع برى طبعا طارق كان فعلا خايف على ابوه بس المشكله تدرون وين !! انه كان خلاص قد قرر فعلا انه يرجع وسميه بكرى !!!!!!!!! لمن التجأ لحبيب غدر او لزمن لفظ لي انفاسه لمن التجأ لحياة بلاهدف ام امل انسرق يارب ساعدني لأنجو بعمري واخلّص آهاتي من العذاب وسنيني من العذاب اليك دوما الجأ وهل غيرك يستحق اللجوء سبحــــــــــانكــ مااضعفني بدونك سبحـــــــــــانكــ ننكر فضلك ونبتعد عنك وانت اعظم منّا فغفر لي وارحمني فلن الجأ لغيرك بعد اليوم فوجدت طريق سعادتي وطريقها ليس سوى معكـ فسبحانكـ هدت شوي جمانه وبدون مااتحس بنفسها قالت للدكتور مع شهقاتها المتعاليه : وانت بتروح للخبر وبتتركني الشخص الوحيد اللي ارتحت له مو قلت لك دنيتي ماتستحق اني اكون موجوده بها الدكتور استغرب من كلامها بس حب يطمنها وقال : من قال بروح اصلا انا اتفقت مع اخوك يجيبك لي بعيادتي بالخبر جمانه الباقي عليك حالتك يبي لها الصبر وانتي تعرفين هالشي لازم تحاولين تطلّعين نفسك من هالعذاب اللي انتي حابسه نفسك فيه فاهمتني ؟؟ يعني انسي طارق وعيشي حياتك لك ولسلمان هاذي نصيحتي والا الحب اكيد ماراح تقدرين تنسين طارق انا عارف ,,, شئ مستحيل بس بعد مااقدر اقول غير انك لازم تتماسكين حياتك ماتستاهل تفرطين بها بالهم والغم جمانه انا جلست طول عمري افكر بزوجتي اللي طلقتها بالاخير توصلت لشي محدد بضل طول عمري احبها بس بعيش حياتي حياتي لي وملك خاص بي افهميني ياجمانه ماحد يقدر يلومك لو تذكرتيه بس بعد عيشي حياتك جمانه انا اتكلم لا تاخذين كلامي كطبيب بالعكس اعتبريني صديق كأب كأخو اللي تبينه بس كوني انانيه تدرين كيف ؟؟ عيشي حياتك لك ولولدك وللناس اللي تحبك وماتبيك الا تعيشين بسعاده مااقدر اقولك الا انك تستاهلين تغيّرين جو هالأيام سافري روحي للبحر ادخلي مثلا نادي رياضي لا تجلسين فاضيه الفراغ بيذبحك وبيرجعك للذكريات فاهمتني ؟؟؟ انا ماراح اتخلى عنك بالعكس بكون جمبك بالوقت اللي تبيني فيه ........ طلعت جمانه من الدكتور سعد وهي تحس الدنيا تستقبلها بشكل جديد صح هو كلام بس هوّن عليها صح كلام بس بتحاول قد ماتقدر تحوله لافعال وهذا اللي قررته جمانه بعد رحلة العذاب والبحث عن الذااااااااااات عزام : جوجو وين رحتي مشاء الله الابتسامه شاقه الوجه جمانه تغطت زين وقالت : تصدق نسيت اتغطى عزام : الله لا اللي ماخذ عقلك جمانه : من اليوم بّإذن الله مافيه غير ولدي وانتم سكت عزام وطالع الطريق قدامه وهو رافع حواجبه وهو يقول : الدكتور سعد ساااااااااااااااااااااااااحر !!! الصمت بالسياره كان حلو تدرون ليش لان جمانه اخيرا بدت تفهم الحياااااة بس بشكل التفاؤل والمنظر الحلو قطع الصمت عزام وهو يقول : يالله انزلي وجهزي عمرك نروح للسوق بنفسي اتسوق حنا والشيخ سلمان نزلت جمانه من سيارة عزام وهي كلها امل وتفاؤل بالكويت بعد المغرب .,., حمزه : شنو بتردها خلاص يعني طارق : خلاص باجر بحول الله حمزه : انت مابتقدر على طلبات هالنسره طارق : بقدر بحول الله بقدر حمزه : الله يالزمن يوم جمانه ماكنت تطلب الا رضاك وحبك شكنت مسوي بها ؟ طارق وهو يفكر بوسميّه فجأه جت بمخيلته جمانه وتنهد بصوت مسموع !!! باالإمارات وتحديدا ببيت ابو جمانه ماكان بالبيت احد لان جمانه طبعا طالعه مع عزام والشيخ سلمان للسوق وماكان بالبيت الا عبدالله عند التلفزيون هو ونوريه والجده بس دق جوال نوريه وكان ولدها محمد قامت نوريه عن ابو جمانه لأنه مثل ماتعرفون طارده من البيت بس من رفعت السماعه وهي تمشي للغرفه الثانيه نوريه : الووو هاااه حمود شو تبا ؟ محمد : الحقيني يمـــــــــــــــــــه فضيحه ؟؟؟؟ &&&&&&&&&&&&&&&&&&&&& انتهى بااااااااااارت اليوم .,., اتمنى يعجبكم توقعاتكم .,., هل بتستمر حياة جمانه بالتفاؤل ؟؟ طارق هل بيرجع زوجته الاولى فعلا ؟؟ واخيرا شالفضيحه اللي كان يقول عنها محمد ؟؟ |
&&&&&&&&&&&&&&&&&&
كانوا بقسم الشرطه والدنيامحتاسه مو فاهمين بالضبط شاللي صار حوسه وتحقيق واصوات بكاء اقولكم شاللي صار سبحانه اللي يمهل ولا يهمل محمد كان يتكلّم على اخلاق جمانه واحنا كلنا عارفين انها بريئه من اي شي صار لكن رب العالمين اذا اراد ينتقم لعباده انا بذكركم ببنات محمد عشان نفهم شاللي صار بالضبط محمد........ له 3 بنات وولد مقيم بالامارات , وموضف بالسفاره السعودية , عمره 32 البنت الاولى : نهال " 16 سنة "مغرورة , ومتهورة بنفس الوقت , جميلة البنت الثانية : نورا " 14 سنة "علاقتها قوية بجمانة اكثر من نهال , طيوبة , مملوحة البنت الثالثة : نادية "10 سنوات "تحب تكبر نفسها واجد , واللي يشوفها يعطيها اكبر من عمره الولد اسمه "تركي " وعمره 5 سنوات دلوع ابوه وامه وامهم " زوجة محمد" هيلة , امراءة طيبة وتخاف على عيالها صديقات بنات محمد طلعوا لحفله باربكيو او شواء المهم اللي حضر الحفله مجموعة شباب وكان الشاليه بمكان محترم وراقي انتو عارفين اذا اجتمع الشباب والبنات شي يغضب رب العباد اكيد بيكون الشيطان حاضر بكل مكان من ذاك الشاليه حياة اشبه بحياة الكلاب وانتم بكرامه يجتمعون ومعهم مجموعه من الشراب للأسف شراب وبنات وشباب اعتقد الكلّ بيفهم شاللي صار بالضبط حصل الغلط وهم غايبين عن الوعي يمكن الكلّ بيسألني عن بنات محمد يمكن رب العباد بيّبين لمحمد ان الظلم مصيره للهلاك لحسن حظه ان الي بالشاليهات كانوا رجال اعمال اماراتيين طبعا وجود مثل هالأشكال يإذي خلوتهم طبعا نهال ونورا بعمر المراهقه واعطوا الحريه الكامله والثقه والماده وهم بالأساس فاقدين الحنان شربوا مع الناس الي شربت تدرون وين حسن حظه ان الشرطه داهمتهم قبل مايصير شي للبنات الفضيحه انهم بقسم الشرطه غايبات عن الوعي " الحمد لله " نوريه : شو تباني اقولك ., عادي الي صار بناتك يهال وتسوون فيهن جي محمد يدور وكان يمسك راسه صدمه مابعدها صدمه وعار قبل كل شي عليه وهو رجل معروف بالقنصليه وبين رجال الأعمال رجع وجلس بالكرسي وهو يبكي يبكي مرارة الي صار العيال مايسوونها يجون بنات بعمر المراهقه ويمرغون وجهي بالأرض كان الحديث الروحي له لكنه نسى او تناسى الي صلحه لجمانه كان فيه شخص هادي زوجة محمد " هيله " امراءه الي يشوفها يقول مب من اهل الارض شاحبه والهالات السوداء تارسه عيونها اتظلم فستجد من يضيقك مرارة ظلمك تعيش حياتك بصخب وتلهو بأيامك وتبتعد عن احبائك وقبلها ربك فتضيع وتجد ألم القلب وعذاب الضمير نوريه : انزين الحين شو بيستوي قام فجأه وصرخ : شعرفني كله مني والله بذبحهم انا يمرغن وجهي بالأرض قامت له زوجته هيله بس صرخ صرخه خلتها تبتعد شوي كله منك انتي مب ام انتي وحده خربانه ماخربن البنات الي بعد ماشافوا الام نوريه : قطع يقطع لك لسانك تعالي هيله نروح للقسم الثاني ها مو ريال والله جان ربيت بناتك مع زوجتك مو تييالحين تلومها مسكت ايد هيله المصدومه يتكلّم بشرفي انا !!! هذا الي يبعد عن رب العباد يابنتي لا تبجين فديتج كان كلام نوريه عشان يطمن هيله الي كانت تبكي بحرقه بألم سكتت شوي بين عذاباتها ودموعها او قصدي دمها عمتي والله ياما حذرته من الي جالس يسوي لهن حرمني من اهلي ومارحت لي سنين للرياض وصابره ومحتسبته عند رب العباد لكن يجي يتهمني بشرفي رفعت بإيدها تأشر بمعنى خلاص بروح عند اهلي طفح الكيل وخليه يربي البنات اللي خربهم من سوالفه عمتي حتى انا مااشوفك عايشه بالإمارات وحيده غريبه لولا ايماني برب العالمين والا كان يأست من الحياة بدري نوريه ضمتها لصدرها وبدت تبكي هي وهيله : بس يابنتي مب وقته هالكلام ........ بالكــــــــــويت بشركة "حمد " حمزه : والله شنو يوديني وياك اسمح لي يالغالي طارق : بتروح مالي شغل .,. شنو ادخل لأبو وسميه جذي لحالي قام حمزه وراح للباب وقال : بروح للبيت تأخر الوقت مالي شغل فيك كل شي الا جمانه مااقدر اضرها سلام طلع حمزه وترك طارق بحيره الكل معها يعني شسوي عشان ترجع لي اكيد هي الصح والا ماكان الكلّ معها حتى صديق عمري يتخلى عني عشان جمانه !!! جاله صوت يقول له : خلها عنك ورجع وسميه هذا اقسى درس لجمــــــانه !! بالسوق كانت جمانه جالسه تتعشى هي وعزام جمانه : يؤ رجولي بيتكسرن والله تلتفت على سلمان الي كان بعربيته .,. يالله افرح يالشيخ سلمان كله منك جلس يضحك وبان بياض قامت جمانه بحركه سريعه عزام انتبه بس طبعا خرعته قومت جمانه التفت عليها : ووجع هبلتيني وش جاك انتي جمانه : بالله عزوم تعال شف بموت من الوناسه عزام : بسم الله عليك حرارتك مرتفعه اتركي فم ولدك جمانه : الله بمووووووت من الوناسه طلع له سن عزام : وشو ؟ جمانه : اي والله فديت عمره والله تعال شف اهل نجد يسمونه " يطلّع " عزام: ببلا : شطلعه .؟ جمانه : لأ .,., يعني تطلع له اسنان يالغبي عزام : والله سلمانوه الغبي شوفي شكله بس يضحك هو وسنه خخخخخ جمانه : شف اسنانك من زينها بس عزام : جوجو تكفين بليز ودي اصوره جمانه : كم تعطي الشيخ سلمان طلّع عزام كميرة جواله قال : اللي تبون بس شكله عذاب خليك ماسكته نفس وضعيتكم ممممممم يمكن ماقدر وصفت لكم الشيخ سلمان الحين كبر وبدت اسنانه تطلع شوي ابيض له دايرة وجه جمانه عيونه كبيره تحرسها مجموعة رموش ولا اروع كان كأنه طفل ملائكي حلو وبرئ جلس عزام يصور فيهم الى ان دق الجوال عبدالله : هلا عزام عزام : سم يبه عبدالله : انت قريب من جمانه ابعد عنها بسرعه ابتعد سم يبه خوفتني شصار؟ عبدالله : فضيحه حسبي الله على اخوك وتربيته عزام : وشو يبه شصار ؟ عبدالله: حنّا بقسم الشرطه بنات اخوك عزام من سمع بنات اخوك حس بطعنات بصدره : شاللي صار؟؟ ليش مركز الشرطه عاد عبدالله : هالبزارين شاربات عزام : وشو شاربات عبدالله : عصير برتقال يعني شرايك انت ليش بمركز الشرطه اجل عزام : بنـــــــــات الــ قاطعه عبدالله : بلا تلفظ تعال ووصل جمانه للبيت وتعال بسرعه للمركز لا تقول شي لجمانه سكر السماعه ورجع عزام لجمانه الي كانت واقفه تطالع تعابير وجه عزام جمانه : شفيك؟ اهلي فيهم شي؟ عزام : لا مافي شي يالله بنطلع تأخر الوقت جمانه : ليش تعابير وجهك قلبت كذا ... امي ابوي فيهم شي عزام : قلنا لا اخلصي بس جمانه : لا كذا اعرف فينا شي .,. الا اتأكد بدت تدمع عيون جمانه لا يكون امي الا انا سمعتك تقول هلا يبه عزام : بقولك وامري لله مالي خلق نفسي ترى بس من نطلع من السوق مشت جمانه ورى اخوها عزام كانت تحس بإنحناء كتفه ذبل فجأه ياترى شاللي صار لأهلي من ركبوا السياره التفتت جمانه لعزام : خير شفيهم اهلي تكلّم بسرعه عزام : الا الشر بعينه جمانه : امي فيها شي بسرعه تكلّم عزام : لا ,,, وبدى يدخل بنوبة بكاء قهر وألم من الفضيحه جمانه طبعا بدت تبكي وهي ماتدري شصار عزام عمره مابكى الحين يبكي ليش ؟؟ بدت جمانه تهز عزام : تكلّم شصار عزام قدر يسيطر على نفسه بنات اخوك جمانه : نهال ونورا عزام : اي بمركز الشرطه ممسوكات شاربات جمانه : نعـــــــــــــــــــــم !!!!!! كانوا بمركز الشرطه وطبعا نوريه كانت بعيده هي وهيله شوي ينتظرون البنات وشالي بيصير لهن عبدالله كان مع ولده محمد ياخذون الأوراق وبين ضابط وضابط دخل عزام وكانت معه جمانه اللي اكيد انها رفضت تنزل للبيت طبعا نزلت سلمان وطلعت مع عزام للمركز خصوصا لو تتذكرون ان نورا غاليه بالحيل على جمانه بس قرارات اخوها التعفسيه حرمتها منهن راحت جمانه لأمها وزوجة اخوها وضمتهم وبدت المناحه على حلول الفجر طلع الدكتور من عند البنتين طبعا منعوا احد يدخل عليهم لأنهم صغار وماتحملوا الشراب فعلى اساسه بيتم نقلهم للمستشفى تدرون شكان محمد يسوي كان يدور بالأقسام ويدعي على بناته !!! طبعا بما ان الوقت متأخر لم يسمح بجلوس جمانه ومرت اخوها ونوريه طبعا ماكان بالقسم الا عزام ومحمد وابوهم عبدالله عزام : يبه رح له الخبل يدعي على بناته عبدالله : ياولدي هاذي نهاية الظلم .,., انا مااتشمت فيه بالعكس سمعته من سمعتي وعاره عار عليّ بعد بس ياولدي هذا اللي يبعد عن ربه اخوك من يوم وهو صغير يحس انه الوحيد بالدنيا اللي اي شي يطلبه يلبى له نسى او تناسى قدرة رب العباد بروح له يالله وانت قمّ معي نصلي الفجر ونروح ننقل البنات للمستشفى كان يوم شاق ومتعب على الجميع خصوصا ان الحريم وصلوا للبيت بس طبعا ماحد قدر يرقد والدنيا منحاسه وقالبه عليهم كانت هيله بمصلاها بالمجلس كانت كاتمه عبرتها وتدعي وتدعي لأقصى حد بس من تذكرت شاللي صار لبناتها بكت من حرقه من ألم من آهات دخلت جمانه عندها وكانت شايله سلمان انتبهت لوجود جمانه والتفتت لها بس من طاحت عينها على الولد تذكرت ولدها تركي قالت: هاتيه جمانه بشوفه بس!! جمانه : تطمني تركي وناديه فوق بغرفتي نايمين ولا يحسون بشي هيله : آسفه جمانه ماوقفت معك بالشدايد بس قاطعتها جمانه : المهم اني انا بخير وحبت تغير الموضوع قالت : والا الشيخ سلمان ماتبين تشوفينه قربت هيله لها وهي تبتسم من شالته بدت تتأمل تقاسيم وج قالت : سبحان الله كأنه انتي بس تصدقين فيه من دم طارق على مااتذكره يوم نودعك بالمطار بس اسكتت فجأه وبدت تطالع تعابير وجه جمانه جمانه تدرون شاللي صار لها قام ينذكر اسمه بدون اهتمام منها لأنها وصلت لمرحلة انها لقت نفسها ابتسمت جمانه قالت : شفيك تناظرين اي ماقلت شي فيه من دم ابوه طبعا هيله استغربت من ردت فعلها بس نزلت راسها ورجعت تبكي من جديد بالكـــــــــويت وتحديدا ببيت اهل طارق فاطمه كانت تكلّم ولدها بالجوال : يعني شنو مااسرع ياهالحب بتروح الحين من صباح الله خير تردها ؟. طارق : بروح للبيت ابوها واعدني الصبح يقول بكون فاضي احسن من العصر او المغرب لأن مايروح لمؤسسته الا حول الظهر فاطمه : الله والمؤسسه عاد طارق : خلاص مابطول وياج بروح اشوف طلباتهم وبرد فاطمه : اي خلها تستغلك يالجمعيه وسكرت السماعه بوج طبعا طارق بلا دم واحساس راح لبيت اهل وسميه انتظر اكثر من نص ساعه عشان تدخل عليه دخلت وقام طارق يسلم اول حركاتها معه انه مدّ ايده للسلام وناظرته بحركة استحقار وطبعا مامدت ايدها بس قالت : هلا طارق حس بإن احد صفعه على وج بس كان خلاص قراره واحد يردها ,.,.., ^^^^^^^^^^^^^^^^^^ انتهى بارت اليوم .,., اتمنى فعلا يعجبكم انتظر ردودكم وتوقاعتكم .,., هل فعلا طارق بيكمل قصة رجوع وسميه له ؟ شاللي راح يصير ببنات محمد ؟؟ |
**************************
وقفت جمانه تطالع بالغرفه اللي كانت فيها بنات اخوها ماتدري ليش خافت تدخل عليهم يمكن تخاف من الصدمه من انها تقسى عليهم او انها تتشمت فيهم!! معقوله قلب مثل جمانه يعرف الحقد او الكراهيه بيوم على احد !! عزام : مايسوى علينا هالتردد ادخلي او خليك واقفه برى مب واقفه قدام الباب التفتت جمانه لعزام وبنظره حنيّه له عزام انت ماتعرف شقد احس اني مهمومه وخايفه من كل شي حولي كل مره احاول اوقف من جديد يجيني همّ اكبر من ان قلبي يتحمله واشرت على قلبها واسكتت خنقتها العبره والدموع انحبست فعلا بعيونها بس كملّت : لما تشوف الناس اللي تحبهم يختفون من حياتك وبعدين يرجعون بس هم بحاجه لك تتوقع ياعزام اني بنسى انهم تخلوا عني وانا بأشد الحاجه لهم ؟ تدخل عزم : انا اقولك جوني ماتحقد على احد استغربت جمانه قالت : من جوني ؟ عزام : اللي واقفه قدامي يالحلوه جمانه : انا جوجو مب جوني عزام : نسيتي ان طارق يناديكــ ........ فجأه اسكت وعض على شفته قال : امشي ندخل قمت اخور عطاها عزام ظهره وراح بيفتح الباب مسكته جمانه من ظهره وقالت كان يسميني جوجو دنيتي ممممممم تصدق ماحبيته هالدلع خلاص جوني احلى كأني اصير بنت امريكان وابتسمت عزام كان واقف ويتقطع قلبه على اخته اللي هي تكابر وبس اصطنع ابتسامه والتفت عليها وبعيونه آلاف من الدموع المذبوحه قال : تدرين لو احنا مب بالمستشفى لميتك بس ماينفع جمانه : يؤ صاير رومنسي حيل انت خلّ هالحركات لزوجتك احسن لك عزام : الله يجيبها لشيلها على كتوفي وغمز لجمانه جمانه تخيّلت الشكل وضربته على صدره : بلا افكار هدامه عيب ماتدري اني استحي عزام : غريبه لك خبره سابقه بس......... ورجع سكت جمانه : قلت لك سولف عن طارق وايامي قبل معه عادي بتعدي ايامه مثل السراب معي عزام : بندخل عند بنات اخوك لا أخورها زود وعطاها كتوفه وفتح الباب ............ في الكـــــــــــويت .,., كان طارق جالس بالصاله يضحك مع ابو وسميه بعد مااملّت عليه بالضبط شاللي تبيه كان يعرف انه يصلّح غلط بس مع كذا مصرّ انه يكمل للآخر دخلت عليه وسميه كانت مغيّره لبسها بما انه عطاها كل اطماعها كان لابسه بينك مع اصفر ابتسم واختفت ابتسامته لما مرّ عليه طيف جمانه كانت تحب البنك والاصفر آلامه قلبه حس بأنه محتاج لها بهالوقت من جلست وسميه طلع ابوها لا شعوريا راح فكره مع جمانه ابتسم لان خيال جمانه داعب فكره ياااااااااه ياني مشتاق لها رفع نظره شاف وسميه تحاول تلفت انتبا وهي تصلّح شعرها وتبتسم ابتسامات كاذبــــه ليش لأنه عطاها كلّ مطامعها حاول انه يتكلم بس مايحس معها بأي مشاعر لا شعوريا قام من مكانه حس بانه فعلا مخنوق بانه محتاج يطلع من الكذب من الطمع طارق : ام طلال انا استاذن بس .... قاطعته بدلع مصطنع : ليش عاد ؟؟؟ طارق : احم ولا شي بس مشغول شوي عندي اشغال بسويها قبل مانروح لشهر العسل !!! اللي ماتعرفونه هذا واحد من شروطها بنوقف معها بعد شوي .,.,. طلع طارق مثل التايه الضايع متألم لا شعوريا اتصل بحمزه اللي كان بوقتها بالشركه حمزه : هلا بالعريس المزيف طارق : حمزه انت بالشركه ؟!؟.. حمزه : وعليكم السلام اي بالشركه طارق : اطلع بسرعه وتعال لبيتي مو بيت اهلي ابيك بموت من الضيقه اللي فيني حمزه : انزين انتبه لنفسك انت تسوق الحين ؟؟ طارق : ماتسمع صوت السيارات .. بسرعه مو هذا موضوعنا حمزه : انزين يبه لا تزف بس انتبه لنفسك طارق : يالله مع السلامه ......... كانت جمانه عند سرير بنت اخوها نورا كان معها مصحف وتقرى عليها بصوت هادي وبترتيل عجيب لدرجة ان المكان صار فيه سكون عجيب دخلت النرس للغرفه ووقفت تسمع الصوت انذهلت لانها مب مسلمه حست جمانه بأحد وراها رفعت عينها وهي مازالت تقرى والتفتت من شافت النرس تعدلّت وكملّت قراءه الى ان تنتهي من الآيه سكرت المصحف والنرس واقفه بنفس حالها ابتسمت لها جمانه قربت لجمانه وابتسمت وسألتها جمانه عن حالة بنات اخوها طمنتها عليهم وطلعت من جلست شوي دخلت نوريه ووسميه للبنات ........ حمزه : يعني ؟؟ طارق : ابي اشوفها حمزه : وانا شكو ؟؟ طارق : لا انت يمكن وقفت معها بأيام قبل احس انها ترتاح لك حمزه : انزين والمطلوب ؟؟ طارق : ولا شي ابي اروح لها للإمارا ت واشوفها محتاج لها بالوقت هذا حمزه : لا طويرق انت لازم تعالج عند دكتور ياخي شفيك مره محتاجها ومره تلعن اليوم اللي شفتها فيه بعدين تعال زوجتك النسره شكانت طلباتها طارق : تبي البيت يسجل بإسمها وشهر عسل يديد وجم شغله على الخفيف وبس حمزه : لا ياخي صج ماعندك دم وتقولها وبس !!! طارق : شسوي يبه ابيها ترد قام حمزه وهو معصب ورفع صوته على طارق : انت عايش بوهم من شفتها لابسه مثل جمانه تذكرتها وماقدرت تيلس دقيقه وحده ياخي بتظلمها وياك صج طماعه ومايملى عينها شي بس هم لها حق عليك انك ماتفكر بغيرها وهي على ذمتكــ طارق : انزين ليش ترفع صوتك عليّ حمزه : لا انت مو معقول بطلع لا تييني جلطه منك من عطاه ظهره ناداه طارق حمزه : شتبي بعد ؟؟؟ طارق : بتحاجي جمانه ؟؟ من الصدمه ماتكلّم بس طالعه بنظرات واشر له على عقله بحركة انك مجنون وتركه وطلع ........ كان عزام يكلّم بالجوال اي صح ولا عليك امر .. تسلم الله يخليك ماقصرت يالله مع السلامه دخل لغرفة الاستقبال كان فيه محمد وابوه ونوريه وهيله كان يدور بنظره على جمانه نوريه : شو تبا ؟؟؟ جمانه عزام : اي وينها هي ؟ نوريه : بالغرفه الثانيه عند بنات اخوك تقرى عليهم دخل للغرفه ووقف شوي يسمع صوت جمانه مااكان يعتقد انها ترتل القرآن بنفس هالروعه وقفت جمانه عن القراءه وناظرته وابتسمت عزام : السلام عليكم جمانه : هلا عزام وعليكم السلام والرحمه عزام : مادري شقول بس احس انه مب وقته وهو شي مهم جمانه : طيحت قلبي وش فيه بعد !! عزام : تطمني مافيه الا العافيه بإذن الله بس هذا الدكتور سعد .... جمانه بعبوس شوي : شفيه الدكتور سعد ؟ عزام جلس على الكرسي : مافيه الا العافيه بس يبيك تجين عنده بالعياده .. انصدمت جمانه : ماقال انه .... عزام : انه بيرجع اليوم للخبر تطمني مُدّد له بيجلس اسبوع او اكثر يعني مانبي نفوّت هالفرصه جمانه : بس بنات اخوي حرام ماا..... قاطعها عزام : انا ماقلت اليوم.,., بنات اخوك سببهم ابوهم ياجمانه مااقول لك بنتخلى عنهم بالعكس من شفت حنيتك عليهم حتى اكثر من ابوهم وامهم وانا قلتها قبل مافي احد بيندم بالدنيا كثر طارق جمانه : مب وقته هالكلام على الأقل بتطمن قبل على بنات اخوي التفت عزام لنورا وهي تتحرك بس على خفيف ....... ليالي ماضيه وشموع تصر على الانطفاء اوقدتها بنار قلبي فأطفأتها خيانتكــ يالها من آلام ومااكثرها الايام الا ايام الألم فأنا لا اعيش الا بها ومنها فأنا خُلقت دوما وفيّ عبرة الموتى ونظرات الألم والأسى وشموع انطفأت وسنين رحلت فهذاي حياتي دوما وانت بلا حياة من دوني .,.,.,., الكلّ فرح لان بنات محمد صحوا بس كانوا خايفين من ردت ابوهم بس يمكن استغربوا من ردت فعل محمد كان هادي صح مااخذهم بحضنه بس بعد ماذبحهم مثل ماكان يقول معقول يكون الهدوء قبل العاصفه ؟؟؟ جمانه سمعت كلام عزام وهم بيستغلون فرصة تمديد فترة تواجد الدكتور سعد طبعا جمانه راحت مع عزام للعياده ,.,,. دخلت جمانه على الدكتور سعد ماكان موجود بمكتبه بس هي جلست على نفس ذاك الكرسي حست بحميميه تجاه الكرسي !! فعلا نحس بالحنين لأشياء غريبه وجنونيه بعض الاحيان حست بحركه خفيفه التفتت شافت الدكتور سعد بس كان غريب شوي وج ذابل والهالات السوداء واضحه عليه سلّم وردت السلام جمانه جلس عندها شكله ماكان على حاله غريب بشكل مهمل شكله الخارجي ووج ذبلان جمانه : دكتور فيك شي تنهد بصوت مسموع وغمض عيونه وقال : جمـــانه انا محتاج لك !!!! بذاك الوقت كان عزام يقرى مجله بالإنتظار جاله اتصال رقم غريب وفتح الكويت استغرب توقع انه طارق عزام بدون نفس : نعم!! ........ الووو ؟؟ وكــــان صوت بنيه !!!! *********************** انتهى البارت .,., ياترى كيف بتسير حياة طارق الجديده؟ شفيه الدكتور سعد ؟ من البنت اللي اتصلت على عزام ؟ كلها بتعرفونها بالبارت الجــــايــ واسرار اكثر غموض,.’,.,., |
استعجلي شوووي..
طيب ؟؟ يعطيك العاااافيه ترااني منقطع عن النت من فتره .. ووياليت المشرفين يثبتووون هالقصه .. تكفووووووووووووووووووووووووووووووووووووووووووووووو وون ثبتوهاااا.. |
استعجلي شوووي..
ان شاء الله طيب ؟؟ يعطيك العاااافيه الله يعافيك اخوي ترااني منقطع عن النت من فتره .. ووياليت المشرفين يثبتووون هالقصه .. ياليت تكفووووووووووووووووووووووووووووووووووووووووووووووو وون ثبتوهاااا.. والف مبروك فوزك في المسابقة الشعريه ومشكووووووو على المرور |
التكمله
************************** كانت جمانه فعلا مذهوله معقوله شخص مثل الدكتور يحب!!! ومن يحب مريضته واللي بعمر بناته كانت مصدومه فعلا ليش كل شي ضدها الدنيا وحتى الناس الكلّ بيستغل طيبتها وبس انتبهت للدكتور الي قام من مكانه كانت تبي اي كلمه منه تبرير للكلمه اللي قالها اي شي المهم انه مايتم ساكت تسمع انفاسه المتسرعه بدون مايلتفت لها قال لا تعتقدين اني بستغلك لا ياجمانه انتي ماتصدقين شسويتي بحياتي ,. خليتي لدنيتي معنى كنت ضايع عطيتني درس بالحياة التفت لجمانه ولأول مره شافت دموع بعيونه اي دموع الدكتور المثقف بس مجروح آآآآآآه ياجمانه انتي وحده صغيره مريتي بتجارب قاسيه حبيتي حب جنوني مريتي بمراحل وصلتك للنضج الفكري الي انا ابيه جمانه احتاج لوحده تفهمني وانتي وحده سكنت هذا واشر على قلــــــــــــــبه !!!! جمانه كانت مغمضه عيونها وتسمع كلام الدكتور سعد بألم بقهر بصرخات وآهات داخليه فجأه قامت كانت نبضات قلبها تضرب بقوه انفاسها تسارعت حست انها لازم تطلع تبعد عن هالجو عن الدكتور سعد عن الدنيا كلها الدكتور : جمانه بربك لا تطلعين ابي اي جواب حتى لو كان سلبي ابي افقد الامل بس مابي تعلقيني جمانه انا احــ.......... صرخت جمانه :لاأ لا تقولها وبعدين شتبي اقولك ., انك خنت ثقت اهلي فيك لا يادكتور او اقولك اني مااحبك ولا ابي اشوفك بعد اليوم انا قلبي لرجل واحد ماراح يموت حبه بقلبي لين يدفنوني بقبري انت انسان مريض تستغل منصبك مغرور تتوقع ان كل شي بيجيك على كيفك اشرت على راسها ., اصحى زين يادكتور اصحى ترى الناس مقامات وانت بدون مقام اخذت شنطتها وطلعت كانت تبكي بصوت مرتفع وقفت بالممر وكملت بكائها قهر وعذاب مابعده عذاب ليش كل ماقلنا ان جمانه لقت من يفهمها يكون بصوره بشعه خاينه ومعذبه آه على زمن آه على ألم آه على حب مضى ومستقبل مبهم آه ياأيامي متى اشدو احلى انغامي متى يرتاح القلب وتستأنس الدنيا بعيني يالها من احلام لكنها صغيره ضائعه في مهب الرياح امنية لا اريد غيرها ان اعيش كطائر حرّ في مواجهة الرياح العتيه والليالي الساهريه بالنسبه لعزام والسر بالمتصله كانت مها اخت طارق عزام توهق فيها لانها كانت تبكي وهي تشكي له حال طارق بعد جمانه مها : لا اخوي كل يوم يكون العن من اليوم الي قبله كل هذا ردت فعل من جمانه آآآه ياعزام ورب البيت ابيه اخوي يستريح مابي يضيع قاطعها عزام : يابنت الحلال ماراح يكون الا كل خير بإذن الله بس جمانه خلاص قراراها وكلنا بنحترمه هي الحين تعيش لولدها وبس مها اخوك عذبها ذوقها المرّ وهي للحين بسن المراهقه اختي ماعادت اختي تدرين انا وين بالعياده النفسيه معي جمانه سمع شهقة مها وكملّ,., بعد كل هذا تبيني ارجع اختي للعذاب لا والف لا يكفي ماتخليت عنها قبل يكفي ماخذلتها وشفت مستقبلي وكنت اناني لا خلاص آسف يامها بس مااقدر اغصبها على شي بخليها تعيش حياتها مثل ماتبي جمانه كانت للحين بالممر والدكتور يسمع صوت بكائها بدى يختفي كان متألم يلوم ويلعن الساعه اللي اعترف فيها لجمانه بالأول كان مستعد يحارب الدنيا عشان جمانه بس الحين ماتحبه هي تكر كيف يدافع عن وحده ماتبيه جمانه جمعت بقايا قلبها وراحت تمشي مع العلم ان اليّ بالممر كانوا يطالعون جمانه بنظرات غريبه شفيها طلعت من عند الدكتور تبكي بصوت مسموع !!!! اتجهت لإستراحة الرجال ووقفت تنتظر عزام انتبه عزام لها وقال لمها : خلاص هاذي جمانه عندي الله يوفق اخوك يارب بزواجه الجديد!!! مها : لا تذبحني ياخوي بس على العموم يزاك الله خير اللي سمعت لي وآسفه اذا اخذت رقمك بدون مايدري طارق بس شسوي اعتقدت ان هالمكالمه بتحل لي لغز جمانه وطارق عزام : جمانه وطارق انتهوا غمض عيونه وقال بصوت مبحوح : مع السلامه وقاااااااام لجمانه اللي كانت تنتظره بهزيمه !!!!!!! بالمستشفى استغربت هيله من طلوع جمانه وعزام طبعا هي ماتعرف بسالفة الدكتور سعد نوريه : يلسي شو فيج بتيي بعد شوي هيله : عمتي انا والله ودي البنات يصحون وهي عندهم خصوصا نورا متعلقه فيها ابيها تشوفها قدامها عشان تحس بالطمأنينه شوي نوريه : بتيي بس انتي يلسي سندرتي راسي تراج دخل عليهم ابو جمانه وكان شايل بحضنه سلمان قامت نوريه له : شو وين جمانه يات معك ؟؟ عبدالله : لا بس ليش تخلون سلمان مع الخدم شفته وجبته معي نوريه : الله يهداك هاته عنك شالته نوريه وبدى سلمان يلعب بشعرها عبدالله : ياولد لا تغازل جدتك تراني اغار غمزت له نوريه عشان فيه هيله اللي كانت تسمعهم ومستغربه بعد الطلاق رجعوا احسن من قبل عبدالله : اوووه الشيخه هيله اسفين بس نوريه نورها يعمّ على ارجاء الغرفه قامت هيله وحبت راس ابو جمانه : الله يديم عليكم السعاده يارب قرب لإذنها عبدالله : اي وبعلمك طريقة ترجع لك محمد تنهدت هيله وابتسمت كمجامله له نوريه : شووو قمتوا تتساسرون عني عبدالله : وانا اقدر ياام الغاليه بسيارة عزام .,., عزام : انتي شفيك ؟؟؟ جمانه وكان واضح انها بكت من كل قلبها : ولا شي بس ابي اروح للبيت عزام : للبيت للبيت وكملوا سكوتهم لين وصلوا للبيت طبعا جمانه كانت متنرفزه للآخر من دخلت للبيت راحت للمربيه تسألها عن سلمان بس من سمعتها تقول اخذه بابا راح بالها لطارق جتها حاله هيستيريه كانت تصارخ عليها دخل عزام مفزوع وعرف ان في شي بجمانه لأن نرفزتها مب طبيعيه طبعا المربيه خافت منها بس من دخل عزام راحت وراه خوفا من جمانه عزام : جمانه شفيك ؟؟ مسك ايدها وجلسها على الكنبه هي بدت ترتجف وكانت تتكلم بطريقه مب مفهومه التفتت للمربيه وقال : Why them? ماذا بها ؟؟؟ I do not know what is the men told her that the Pope is Albibi Abdullah لا ادري هي عصبت لما قلت لها انه بابا عبدالله اخذ البيبي Aha Pope Abdullah sure اها بابا عبدالله متأكده ؟؟ yes, he was taking me to نعم هو أخذه مني التفتت لجمانه وقال شفيك ابوي اللي اخذه التفتت جمانه له وبعيونها الف سؤال وسؤال عزام : اي والله ابوي اخذه بتصل فيه وشوف شسالفته بس انتي هدّي نفسك بالمستشفى .,., كان عبدالله يكلّم عزام : اي خلاص برجع فيه انا وامك الحين طيب مع السلامه نوريه : شو فيهم ؟؟ عبدالله : جمانه عفستهم لما مالقت ولدها نوريه : شو انت ماقلت لها انك اخذته ؟ عبدالله : لا والله ماقلت شي نوريه : الغلط غلطك جان قلت لها ماتعرف شقد متعلقه بولدها .,., بس مو مشكله يالله بنروح البيت ........ بالكويت وتحديدا بالمقهى كان موجود حمزه مع طارق حمزه : شنو يعني عيوز النار تبي شهر عسل يديد طارق : اولا مو عيوز ثانيا شفيها وسميه حمزه : الا السحليه مو وسميه طارق : حمزوه مااسمح لك ام ولدي تراها حمزه : انا صرت حمزوه الحين مو مشكله بس الله يعينك طارق : يالله نروح نحجز لشهر العسل حمزه : وين بتروح ؟ طارق : مادري بس ودي اروح لإيطاليا آخر مره رحت لها مع ......... اسكت فجأه بس كمّل له حمزه أخر مره كانت مع جمانه .,., الله يا أيامها هالجمانه طارق اسكت لانه هو شخصيا اشتاق للأيام الخوالي على قولتهم حمزه : طروق وين رحت يالله نروح نحجز لسحليتك قصدي وسميتك ..... جمانه كانت بغرفتها بدون اي مقدمات اتصلت على موضي لانها من زمان عنها موضي : هلا و غلا ببنت الامارات الي نستنا جمانه كلنا نعرف من تسمع صوت موضي تضيع علومها وجلست تبكي موضي : جمانه ياعمري شفيك جمانه : موضي الحقيني طلع يحبني موضي : من هو ؟؟؟ طبعا طارق انتهى من حجوزاته لشهر العسل ويوم الخميس الجاي ملكته ودخلته على وسميه هانم بسيارة طارق كان حمزه يفكر بعقلية طارق وكيف انه يقدر يبرمج نفسه حسب الظروف رجل معاند وراسه يابس بعد قطع حبل افكاره طارق : شنو وين رحت حمزه : لا وياك طارق : اللي ماخذه عقلك حمزه : لا يامعود استريح ماكواحد انا ان بغيت احب مافي الا طريق واحد الزواج وبس طارق اسكت لأنه يعرف صديقه حمزه ويعرف شمقصده وبقرارة نفسه مقرّ هالشي ومتأكد منه موضي : حرام عليك ياجمانه جمانه : انا الي حرام عليّ او هو دكتور بالإسم بس مايخاف رب العباد ويراقب ربه موضي : طيب ليش قلتي انك تكرهينه جمانه : كل الرجال واحد نذلين ومتكبرين خلاص انا بعيش لنفسي ولولدي واهلي موضي : طيب قرار سليم شوي بس مو معناته ان الدنيا خلت من الرجال الزينيين جمانه : موضي انا طولت وهو اتصال دولي بعدين اكلمك موضي : لا ماراح تكلميني الا اذا ولدت انا اعرفك جمانه : اي صح كم بقى لك موضي : اقل من شهر بإذن الله جمانه : تقومين بالسلامه الحين انا دايخه بس من اصحى بكرى بروح لبنات اخوي موضي : اي الله يقومهم بالسلامه يارب سالفتهم سالفه بنات اخوك جمانه : تسلمين لي اي والله .,., الله يهديهم بس يالله مع السلامه موضي : مع السلامه نااامت جمانه على امل ان بكرى يحمل لها الفرج من الهموم .,.,. بالفجر كانت هيله صاحيه طلعت من عند محمد بهدوء لأن فيه تركي وناديه نايمين معه نزلت بالصاله الا ابو جمانه داخل من الصلاة هيله : صبحك الله بالخير عمي عبدالله : هلا صبحك بالنور يارب ليش مانمتي ؟ هيله : الا توني صاحيه من النوم عبدالله : طيب كان صحيتي محمد للصلاة هيله : بصلي وبروح له عبدالله : اي زين عشان تنامين شوي للساعه 8 ونروح كلنا لعند بناتك قبل مااسافر هيله : عمي وين بتروح ؟ عبدالله : عندي شغل بجده بخلص منه وبرجع بحول الله هيله : بالتوفيق يارب وترجع لنا سالم طبعا بعد الساعه 8 الصباح الكلّ صحى عشان يروحون يشوفون بنات محمد جمانه كانت بغرفتها تلبس وتلّبس الشيخ سلمان بس كان شاغل بالها المنام الي شافته ومسعدها بنفس الوقت دخلت نوريه عليها نوريه : شو بنتي ماخلصتي ؟ جمانه : الحين يمه بخلص من سلمان ونطلع نوريه : ليش يمه خلّيه عند المربيه جمانه : لا يمه اخاف عليه منهم بعدين بكون مرتاحه اكثر وهو معي نوريه : انزين بخلّي البشكاره تيي ويانا جمانه : لا يمه انا بعتني بولدي نوريه : راسج يابس طالعه على ابوج الا وعبدالله يدخل .,., عبدالله : شفيه ابوها ؟ نوريه : بسم الله .,., ماكو شي عبدالله : اي ما كأن هالابو هو الي معذبك ضحكت نوريه على زوجها المراهق الشايب جمانه : احم احم نحن هنا عبدالله : احلى احم وربي جمانه : تسلم لي يبه عبدالله : يالله عطيني الشيخ سلمان انا بشيله نوريه : من تخلصون نشوا نروح للبنات طلعت نوريه وكانت جمانه تلبس الشيخ سلمان او على نهاية تلبيسه جلس عبدالله على سرير جمانه وهو يراقبها بإعجاب اول مره يشوفها تلبسه بهالطريقه يحس ان الفرح يطل من عيونها تذكر يوم كانت صغيره وكيف فرحتهم بها بعد العيال الله ياجمانه كبرتي وانا ماكنت داري قطع حبل افكاره وجمانه تتكلم : يبه بقولك شي عبدالله : ها يبه تكلمي جمانه : يبه حلمت حلم واتمنى تحققه لي عبدالله : اللي هو ؟؟؟؟ جمانه : يبه بصراحه ابي اروح لمكـــــــــــــــه !!!!! بالمستشفى ماكان فيه الا محمد وهيله وعيالهم الباقين بالبيت نايمين طبعا جمانه وابوها وامها مابعد وصلوا للمستشفى البنات كانن صاحيات وحالتهم الصحيه استقرت بالمره بس كانوا مترددين يدخلون عليهم يعني شالحوار المناسب بهاللحظات هيله : ممكن تسمع لي لو مره بحياتك محمد : تكلمي مامنعتك هيله : مانتدخل بالحوار بنخلّي جمانه هي اللي تكلمهم ياخذون منها احسن ويحبونها محمد بضحة استهزاء : جمانه لو بتنصح تنصح نفسها احسن هيله : اي هذا انت من يوم يومك وانت كله تتطنز على خلق الله بعدين هاذي اختك الحين فعلا صدقت ليش رب العباد بلانا بالمصيبه بس محمد وكعادته مغرور قام وطنش المسكينه هيله ياكم بيتحمل هالقلب من مآسي !!! بالسياره كانت نوريه تسمع كلام عبدالله وهي مو مصدقه من زمان ماالتمت العائله وسافروا سوى جمانه : ها يمه شقلتي نوريه : اكيد موافقه احد بيقول لا على اطهر بقعه بالدنيا عبدالله : والله كنت اقول لجمانه اني مسولف لهيله الفجر عن اني بسافر لجده بس الحين بأجلها لين نشوف بنات محمد ونروح سوى احسن البنات لازم نصحي فيهم النزعه الدينيه جمانه : اي والله محتاجه لمكه بهالوقت ابي ادعي ابي احس اني قريبه من رب العباد نوريه : الحين بنشوف بالمستشفى شو بيستوي مع بنات محمد من وصلوا المستشفى كانت هيله تنتظر جمانه هي اللي تدخل على بناتها طبعا جمانه كانت تنتظر هاللحظه بفارغ الصبر خصوصا ان في قلبها كلام لوم عتاب ودموع حبيسه بصدرهااااا دخلت جمانه على البنات ومااحد يقدر يتصور الفرحه الي كانوا فيها البنات ليش لأن اطهر وانقى قلب بالدنيا معهم ......... طبعا برى الغرفه وقفت نوريه مصدومه من اشخص الي دخل عليهم بغرفة الاستقبال وكان جاي بكل برودة اعصاب بعد كل مشوار العذاب الي تسبب لجمانه فيـــــــــــــــه !!!! &&&&&&&&&&&&&&&&&& انتهى بارت اليوم اتمنى يعجبكم ** كيف بيكون زواج طارق وحياته ** كيف بتكون الرحله لاطهر بقعه بالدنيا ** ماهو الكلام الي بيدور بين جمانه وبنات اخوها والاهم من الشخص الي وصل للمستشفى وكان واحد واهم اسباب تعاسة جمانه ؟؟؟؟ |
&&&&&&&&&&&&&&&&&&
كانت جمانه جالسه مع بنات اخوها ماحست الا باللي تدخل عليهم جمانه سمعت شهقت نورا بس من التفتت جمانه ضاعت منها معالم الابتسامه اللي على شفايفها من دخلت مــــــــــــريم !!!!!!! كان يوم الخميس ميلاد جديد لناس وعذاب جديد لناس لأنه ملكة طارق ودخلته على ام طلال اتفقوا طبعا يرحون شهر العسل الغريبه انه اختار نفس شهر العسل هو وجمانه يعني بيروح لفينيسيا !!!! جمانه بالمستشفى كانت مصدومه معقوله في ناس لهدرجه من الوقاحه والتعديّ على حقوقنا ومشاعرنا مريم : شو جوجو اذا ماتبيني بطلع جمانه كانت تناظرها من فوق لتحت وصدت عنهااا مريم : اعتقد جيتج وانتي مريضه كانت نفسيتج وياي زينه شو فيج قلبتي الحين او الطلاق يخلي الوحده قويه جي تدخلت نورا : اقول لا يكثر بس عمتي على الاقل احسن من غيرها مايخاف ربه ويشهد شهادة زور اذا ماتبين اطلعي مسكت جمانه كف نورا وغمزت لها بإنها تسكت مريم : عدال يالشاطره مو انتي تركتي عمتج وهي محتاجتج بعدين انا اشهد زور بس مااشرب خمره هنا ماقدرت جمانه تسكت انفجرت مره وحده بالكلام قومي اطلعي برى انتي مب وجه وحده تجلس عندنا وحده حقيره جايه تزورين وتتشمتين فينّا يجيلك يوم يامريم بنت راشد مريم انصدمت مااعتقدت ان جمانه ممكن تكون بهالقوه بس بكل قوه طالعتهم وقامت وقبل ماتطلع التفتت وقالت : عاد الله ياللي يالسه عندهم مطلقه وبنات يشربون هنا التفتت نهال اللي كانت مسكته طول الحديث اللي صار فيهم روحي ياجعلي اشوفك بنفس مكاني الله حسيبك وبس يمكن الكلام أثر بالبنات اكثر منه على جمانه ليش لأن جمانه لقت من دنياها اكثر من اللي الكلام اللي سمعته من طلعت انهارت نورا اكثر من نهال جمانه الحين صارت قدامها المهمه اصعب كيف بتتكلم معهم بعد مادخلت عليهم مريم !! ياسبحان من ترك فيهم حقد القلوب ينشرون السمّ فينا والغريب اننا مستعدون للغفران لهم بكل براءه وهم لا يستحقون منّا الالتفات لهم ماضيهم اعمى قلوبهم فيهم النكران فيهم الأسى والحرمان فيهم العذاب والآهات فيسرقون منّا اللحظات الاجمل فننساهم يعودون بحياتنا يطل معهم الشر الدفين فسبحان من ترك فيهم حقد القلوب طبعا الكلّ عرف ان زواج طارق يوم الخميس جمانه ماكانت تعرف بموضوع زواجه شي يعني اليوم الثلاثاء باقي يومين على اليوم المصيري ياترى شبيكون موقف جمانه .,., عزام ماكان يعرف بالموقف اللي صار بين الدكتور سعد بكل براءه اتصل بالدكتور سعد يستفسر منه الدكتور سعد : مادري هي يعني ماقالت لك شي ! عزام : مافهمت دكتور طول عمري ادق عليك ونآخذ موعد الدكتور سعد : مادري بس احس جمانه اكتفت من الجلسات عزام : يعني يادكتور ., حالتها الحين استقرت سكت الدكتور يعني شبيقول له بالضبط اني خنت ثقتكم وقلت لها احبك عزام : دكتور انت معي ؟؟؟ الدكتور سعد : جمانه ياليت بنات كثيرين مثلها قويه صبوره وماتحتاجني انا او غيري انت اسألها اذا بتكمل العلاج بنكمله بالخبر خلاص يوم الجمعه نهاية دوامي عزام : ان شاء الله يعطيك العافيه دكتور الدكتور سعد : يعافيك .,., مع السلامــــــــــه جمانه كانت ساكته وتسمع صوت شهقات نورا ونهال بس اخيرا قدرت تكسر هالحاجز اللي من دخلت مريم والدنيا عافستها جمانه : يعني لمتى تبكون مثلا تخلون وحده حاقده ومريضه تهزكم شفادني انا قبل ها ابي وحده منكم تجاوبني شفادني احد حس فيني بالعكس انا الوحيده اللي ياما عانيت من ايام الرياض والامارات والكويت ورجعت للإمارات بنات تكفون افهموا ماحد بيحس فيكم الا اهلكم ليش تعيدون مآساتي الوقت ملك لكم تقدرون تغيرون من انفسكم بكل راحه بالله وحده بعمري مطلقه وعندها ولد تتوقعون شتبي من الدنيا حبيت وعشت مأساة وغربه وللحين انا عايشه بغربه اموت الف مره لا دراستي كملتها لا زواج توفقت فيه حملت بالغلط والرجل اللي بحياتي حبيته عشقته لحد الجنون تعلقت فيه لحد مااحد يصدق قد ايش كثير اللي بيقرون مآساتي بالمستقبل بيقولون مبالغه بحبها الحقيقه وحده حبي الاول والاخير لشخص بمووووت وانا احبه لا تقولون لي ليش احبه صدقوني مستحيل انساه اسكتت شوي بعدين قالت : بعد كل هذا من اللي مفروض يبكي دم مو دموع من اللي مفروض يكره الحياة ويرفع الرايه البيضاء على قولتهم آآآآه يابنات اخوي صدقوني مااغشكم ورب البيت بس القلب يتألم خصوصا اذا شفتكم الي اعتبرتكم مثل بناتي مو بنات اخوي تبكون او حتى تيأسون من الحياة قدامنا حياة حلوه بس من يستغلها من يحبها بكل لحظاتها السيئه قبل الحلوه مااغشكم ان قلت لكم كنت زعلانه اكثر شي انكم ابعدتوا عني بوقت كنت ابي القريب قبل الغريب اسكتت وخلااااااااص دخلت بنوبه بكااااااء طويله ماحست الا ببنات اخوها يضمونها من جهتين نورا : يمه جمانه اي يمه انتي طول عمرك قدوتي وبتضلين قدوتي يمه انتي ام لي مب عمه اعظم وحده شفتها بحياتي اسكتت جمانه ولّفت لنهال : وانتي ؟؟ ماتقدرين تجاملين شوي ضحكت نهال وهي ضامه جمانه قالت : شسوي الدبه نورا رومنسيه ماعرف اقول مثلها ابتسمت جمانه : زين في خبر بمليون ريال نهال & نورا : وشو ؟؟ جمانه : تعطوني كم ؟ نورا : يلا عاد بلا ثقل دم جمانه : وبعد ثقل دم خربتيها نوروه ووجع قبل شوي انا ام يؤ تطورات بأقل من ثانيه ضحكوا البنات سبحان الله قادره تسعد كل اللي حولها عظيمه هالبنت مو تحسونها كذا !! نورا : لا سوري بس اللي هو جمانه : بنسافر سوى صرخوا البنات من زمان عن الجو الاسري سوى نهال : عمه وين بنروح جمانه : انا شفت منام وبيتحقق نهال : اللي هو جمانه : مممممم هي بالسعوديه سكتوا البنات قالت نورا : الرياض !! جمانه : يالبى قلب الرياض لا مب الرياض نهال : عمه يالله وين جمانه : بنروح العمره سوى وبنطلع لجده صرخوا البنات من جديد جمانه : بسم الله مب تقل مرضى ووجع اسكتوا فضحتونا دخلت نوريه عليهم : شو فيكم ؟؟ جمانه : ولا شي فرحوا اننا بنروح مكه سكتت نوريه بس كأنها كانت معصبه شوي جمانه : شفيك يمه ؟؟ نوريه : اسألي نفسج وبنات اخوج شو استوى بمريم منكم !!!!!!!!! وطلـــــــــــعت وعلامات الدهشه والاستغراب من البنااااااااات !!!!! طبعا يوم الاربعاء كتب للبنات الخروج من المستشفى يعني الرحله لمكه بتكون يوم الجمعه بذاك اليوم اتصلت فاطمه ام طارق على نوريه نوريه : شو يبى ولدج تراه مضيع نفسه فاطمه : شسوي الحين بيرد القشرى والله ياام محمد مب قادره اصدق نفسي شنو هذا بيردها ومابيسوي لنا سالفه باجر ملكتهم والدخله لا والعيوز تبي شهر عسل نوريه : صج شو استوى بعقل ولدج ؟ الله يرده للصواب بس فاطمه : والله العظيم يااني متندمه على اللي صار لجمانه بس ..... قاطعتها نوريه : شو الحين مايفيد الكلام بنتي واسمحي للكلمه الي بقولها ذاقت منكم المرّ مااوقف معها غير مها الله يسعدها ويوفقها بزواجها وين ماتروح فاطمه اسكتت شتقول يعني !!! نوريه : عموما بالتوفيج ماوصيج جمانه لا تدري بنوديها اليمعه لمكه احنا ماصدقنا تكون بخير فاطمه : يعني مانقول لها يمكن ترجع لطارق !! نوريه : ام طارق بنتي ماصدقنا تسلى وتنسى شوي اذا لها خاطر صج لا تتحجين ولا تقولين لها شي فاطمه : الله يعينك ياولدي على اللي بيصير لك مااطول عليج يالله مع السلامه ......... سكرت نوريه ودخل اخوها راشد ابو مريم راشد : مسج بالخير ختيه نوريه : هلا وغلا راشد : وين امايه نوريه : الله يهداك امايه راقده راشد : اي صج شو فيج ويهج اعتفس فجأه لا يكون من دخلتي ؟؟ نوريه : شو هالرمسه لا والله البيت بيتك اخوي بس شقول لك طارق بيتزوج بيرد زوجته الاوليه راشد : قلعته خلي يولي مو ريال ها نوريه : الله يستر خايفه جمانه تعرف راشد : بسألج سؤال هي صج للحين تحبه نوريه : وماافكر اخليها تنساه عاشقتنه ياخوي راشد : الله يعينها بس ........... جمانه كانت بالغرفه هي وبنات اخوها وتصلّح شنطتها للعمره نورا : يمه شوفي الشيخ سلمان حركته واجد جمانه : عادي امسكيه شوي بخلص من شنطتي اما شنطته بصلحها بكرى الصباح عشان نطلع نتعشى نهال تركت المجله اللي معها التفتت لجمانه : عمه نروح معك حنّا جمانه : اي شرايك يعني بنروح مع عزام نتعشى كلنا بزهرة لبنان استانسوا البنات ياحلوها لمة الاهل مع بعض .,.. بعد صلاة العشاااااء تجهزوا البنات وراحوا مع عزام اللي من دخلوا المطعم نسوا انفسهم وبغوا يعيشونها بأحلى اللحظات مع بعض كانوا مستانسين خصوصا انهم يضحكون على الشيخ سلمان يىخذ قطع اللحم الصغيره اللي تعطيه جمانه وزي القطو يعضض بأسنانه فرحان فيها كيفه والسعابيل الله لا يوريكم حالته حاله بس يضل هو الشيخ سلمان استغل عزام ان البنات لاهين وبالهم مع سلمان والتفت لجمانه عزام : كلمت الدكتور سعد جمانه التفتت بتشوف تعابير وج من شافته عادي استرخت شوي بس في انشداد شوي للأعصاب من انه قال شي له عزام : ماتبين تروحين له بيروح الجمعه ترى للخبر استرخت اعصابها تماما قالت : لا خلاص يكفي اذا بغيته من جديد بنروح له للخبر بس وانا اختك الحين احس نفسي مااحتاج للدكتور سعد او غيره عزام : اي حتى هو قال كلام انما ايه وغمز لجمانه اللي ماهمها شقال او شراح يقول عنهااااا !!! كانت احلى ليله يقضونها البنات مع بعض خصوصا انهم ماكانوا يحتكون كثير بعزام وبالسياره وهم راجعين اتصل على جمانه رقم غريب من شافته عرفته رقــــــــــم مريم بكل امتياز ....... عزام والبنات استغربوا لانها ردت عليها سمعت منها لآخر المكالمه وسكرت بصمت الى ان وصلوا البيت شالت ولدها وبسرعه دخلت للبيت تدرون وين راحت لغرفة امهاااا !!!!! نوريه : تعالي يمه شو فيج جمانه قربت لأمها وعطتها سلمان جلست بكل قوتها وبخيبة امل عظيمه فوق سريرها انهارت تبكي وقالت بين دموعها : يمه راح طارق يايمه راااااااااااااح ياليت الليالي تدور فأجد راحتي لديك والحب العظيم لديك لكنك تخليت عني وعن همي ووجعي يامن عشقته لحد الثماله يامن ارتويت من حظنه فأذاقني الاعصار واذقته الشهد والحب والعطاء فأنكرني وانكر ذلك القلب الذي هواه ياليتني لم التقيك ياليتني كرهتك او اكرهـــــــك ايعقل انك رحلت بكل جنون العشاق وجنوني الاعظم رحلت يامن ملكتني رحلت !!! لم اعد اصدق انك لواحدة سواي احبك وسأضل ارددها لآخر يوم بعمري لكنكــ رحلت يالياليّ الشقاء من بعدك ياليالي الشقاء من بعدكــ بذيك الليله في قلبين ماقدروا ينامون اعتقد الكل عرفهم طارق وجمانه انتهت حياتهم مع بعض يمكن للأبد بس حبهم بيضل اكبر من الايام من الحياة من الكون بحاله يمكن كبشر ننسى الإساءه خصوصا القلوب الطيبه لكن طارق وجمانه مستحيل ينسون الحب اللي بينهم او اللي كان بينهم طارق بعد عذاب اخذ جــــــــــواله واتصل بجمانه !!! كانت جمانه تتقلب كأنها على جمر صح رفضته صح ماتبيه الحين بس القلب كيف يقدر ينساه من سمعت الاتصال نغمته هي نغمته رقمه مازال مخزن بإسمه " ملــــــكــ روحي " النغمه لكاظم الساهر هاحبيبي اعتقد الكل بيذكرها من ايام حبهم الاول قبل الزواج قبل الاحقاد قبل الكره قبل مايتدمر حبهم كانت النغمه ومازالت !!!!! طبعا جمانه بدون تفكير ردت على الاتصال بس رفعت السماعه وكانت تبكي حبها انتهى اليوم حبها تحطم على بوابة الذكريات بوابة العذاب تستقبلها ياحبهم اللي يتحطم اللي يوقف الزمان والايام وكل شي ضده كانوا ساكتين هو يسمعها شهقاتها الخفيفه المتتاليه المعذبه لروحه قدر يتكلم تدرون شقال : احبج !!!!! بدون تفكير سكرت جمانه السماعه هل لأنه صار ملك لغيرها او لأن الكلمه ماعاد لها معنى او يمكن حتى مالها تأثير !!! صحت الصبح او لأنها مانامت اصلا جلست تصلح شنطتها لازم تروح مكه محتاجه لربها تتقرب اكثر محتاجه للراحه النفسيه تبي تروح اليوم اذا قدروا ولقوا الحجز جاهز اتصلت بابوها عبدالله : محمد اكيد يقدر بالقنصليه بيدبر لنا الحجز اليوم ولا يهمك وانا ابوك بس شفيه صوتك يمه انتي ماانمتي او بكيتي سمع صوت بكاء خفيف لجمانه وسكرت السمااااعه مع آذان العصر لقوا الحجز الكلّ تجهزوا اتجهوا للمطاربعد المغرب لجده ومنها لأطهر مكان بالدنيا لمـكه مع املهم بإن جمانه تقدر تسلى اليوم لأن اليوم زواج طــــــــــارق .,., مها كانت تحاول تتصل بجمانه بس جهازها مغلق اتصلت بعزام والجهاز مغلق اتصلت بطــــارق بدون تفكير الي كان مع وسميه طالبه تطلع معه العمه قبل الليل طارق : هلا مها شنو بغيتي مها : مادري بس اتصل على جمانه وجهازها مغلق لا يكون صار فيهم شي طارق بلا شعور وام طلال كانت معاه بالسياره : جمـــــــــانه شنو فيها ؟؟؟ والتفتت ام طلال بذهول !!!!! بالطياره كانت جمانه جالسه بكسل بجمب نورا الي كانت رايحه تكلّم امها قبل اقلاع الطياره جمانه شافت موبايل نورا عندها فتحته وقامت تفتح بالرسايل يعني يمكن من الملل بس خطرت ببالها ياترى شكاتبه اسمي عندها قائمة الاسماء تقلّب فيها المفآجأة ان رقم طــــــــــارق مسجّل عند نوراا !!!!!!!!!!! ** كيف بيكون شهر عسل طارق بيقدر ينسى جمانه ** جمانه اللي راحت تضمد جراحها بالقرب من ربها بيكون في مفآجآت برحلتها او لااا ** شسر وجود رقم طارق عند بنت اخــــــــــــوها |
***************************************
كانت نورا منحرجه من جمانه لأن جمانه بعد ماشافت رقم طارق انصدمت وضلت تتأمل رقمه وكان مكتوب عليه ابو سلمان !!!!! نورا سحبت جوالها من عمتها بعد ماجت شافت رقم طارق وصدمت جمانه ياترى كيف بتبرر وجود هالرقم عندهــــا !!! كان العريس طارق يتجهز لزواجه الليله كان بغرفته ومايرد على اتصالات وسميه تدرون شكان يسوي جالس على سريره والدموع مليانه بعيونه معقوله تجرأت احلّ مكان جمانه احد ياليالي العذاب والموت الي بدون جمانه الحين مايمديه يتراجع والا يمكن يقدر يتعايش مع وسميه ويقدّر قلبها من جديد يمكن تتغير وتكون فعلا بوابه لنسيانه لجمانه !!! في شي مب طبيعي يكتم على انفاس جمانه عذاب آهات ليالي صامته بس مع هذا كانت متماسكه شامخه مثل النخل صابره مثل نبتة الصبار اعلنت الرحله وصولها لمدينة جده ام الرخا والشده كانت جمانه فرحانه زعلانه متعذبه شعور مختلف متفاوت وغريب لأول مره ترجع لأرض الوطن صح مارجعت للرياض بس ثرى الوطن واحد يكفي انها تحس بالأمان الحقيقي الي معهم بالرحله الجده وامها وابوها واخوانها وبنات اخوها يعني جو عائلي حلو ولمه احلى بما انهم حجزوا بمكه قبل الرحله بشركة مكه فبتكون جده محطه للوصول لمكه نورا كانت متوهقه كيف بتقدر تقنع جمانه او بتفتح الموضوع لها نزلوا بمطار الملك عبدالعزيز وكانوا ينتظرون واحد من الي كان يشتغل عند ابوها نورا : يمه بقول شي اتكلم الحين اولا التفتت لها جمانه كانت ناويه تقسي قلبها بس ماتقدر هاذي الغاليـــه جمانه : شتقولين بالضبط وش توضحين ؟ ابو ولدي شجاب رقمه عندك مهما كان المقصد,., يإذيني كنت اعتقد ان الشر بس واصل من مريم اثاريك ..... قطعت كلامها نورا : لا يمه لا تفهميني غلط انا وربي مابي شي منه هو اصرّ يعرف اخبارك مني جمانه وقف مصدومه : اخباري !! نورا : اي والله يمه والله عالم وشاهد ماكنت بعطيه وجه بس كسر خاطري لما اتصل وكان يبكي جمانه : يبكي طيب كيف جاب رقمك ؟؟ قطع كلامهم عزام : يالله بنات وصل ابو سالم بيوصلنا لمكه جمانه بينها وبين نفسها هذا وقتك عاد عزام : يالله احرمتوا طيب نورا : اي عمّ احرمنا عزام : ليش لابسه نقابك نورا : ها مافهمت تبين اكشف وجهي؟ عزام : عشان اكسر خشمك مب صاحيه انتي التفت على جمانه : ليش مالبستيها غطوه " غشوه " جمانه : اخذتنا السوالف ونسيت خلاص الحين تلبسها ماصار شي عزام : يالله روحوا للحمامات نازلين من الطياره ولا احرمتوا زي العالم اخلصوا طيب راحوا البنات ومع الحوسه نسوا سالفة من وين لطارق رقم نورا ؟؟؟؟ بالسياره الجو ايماني الكلّ يلبي لبيك اللهم لبيك لبيك لا شريك لك لبيك انّ الحمد والنعمت لك لا شريك لك تتصورون بعد عظمة هالتلبيه في كلام ينقال او ينكتب مااعتقد ... بالكويت كان العريس جاهز لأن سفرته وام طلال بكرى الفجر يقولون التاريخ يعيد نفسه سبحان الله نفس شهر عسل جمانه وتقريبا نفس التوقيت كانت ليله هاديه ببيت اهل طارق خصوصا ماحد راضي برجوع وسميه لطارق بس حفله بسيطه ببيت اهل وسميه كان طارق بالسياره ورايح بمليون فكره مع ابوه الي يسوق فيه خصوصا ان حمزه تركه بليلة العمر او يمكن المصيريه وراح هو وامه للعمره لأن حمزه من البدايه ماكان موافق لرجعته لوسميه حمد : شنو الحين بنزلك وبرد اييب خواتك وامك من البيت طارق : شنو بتتركني هم انت اتصل بريل بنتك محمد وبييبهم حمد : ليش انت من تركك بعد طارق : حمزوه الغثيث هدني وراح للعمره حمد : تستاهل حد قالك تردها هالنسره مردك بتندم ولا تقول ابوي ماقالها طارق : شنو يعني وقف هني الله يخليك لا تعدى بيتهم وخلها الليله تمشي على خير واتصل بريل بنتك الحين محمد وهنادي كانوا بالسياره ومعهم مها وفاطمه محمد : هلا عمي شنو اي ياااي بالطريج .. اي وياي هم الله يسلمك لا شدعوى ماسوينا شي سكر محمد بعد ماوصلوا لبيت لبيت اهل وسميـــــــــه !!!!! اهل جمانه وصلوا لمكه وعلى طول اتجهوا للفندق بيريحون قبل ماياخذون العمره محمد كان على غير عادته النكديه خصوصا مع زوجته هيله محمد : ام تركي نآخذ غرفه للرجال وغرفه لكم انتم وجدتي عشان تآخذون راحتكم هيله : اي الله يسلمك يارب محمد : حنا من البدايه حجزنا غرفتين لكم وسويت لنا بس الحين غيرنا الحجز نبي نآخذ راحتنا نوريه : انزين نبى ننزل قبل مانروح للعمره محمد : سمي يمه من عيوني بنات محمد قاموا يضحكون محمد : خير في شي يضحك يعني نهال : لا يبه بس صاير مطيع خخخخخخخخخ محمد : لا والله تعالي امسكي مسطره واضربيني على ايدي نهال : عادي يبه والله انك قاهرني عاد واكيد الي يقرون الحين قاهرهم بعد محمد : من الي يقرى لنا نهال : والله يبه ماتدري شتقول ولا تدري شسالفة اللي ينتظرون عمتي وقصتها ضربت جمانه نهال وعلامات الاستغراب من اللي حولهم .... اي قصه يعني ؟؟ جمانه : تستهبل هالشينه يالله متى نوصل للفندق محمد : يالله بعد هالإشاره والا انا غلطان ياابو سالم ابو سالم : لا يولدي مب غلطان شف هاذي عمارة الشركه الحين بنروح لهاا محمد : اي زين ورى كانت تتكلم جمانه : نهالوه ان تلقفتي مره ثانيه طراق محترم على هالخشه نهال : شسوي عمه ابي احمس القراء نورا : طيب اسكتي ., عمه لا عاد تقولين لها شي ذي فضيحه الله يقطعها يارب جمانه : قلت من البدايه ماينقال لها شي نهال : لا عمه ابي المعجبين يكثرون حولك بس جمانه : اي صح شايفتني نانسي عجرم نورا : تخسي هالفنسى وعععععععع انتي احلى ياحلوه بس جاهم صوت عبدالله : يالله هاذي شركة مكــــــــــــــه طارق متوتر وهو جالس بالكوشه جمب وسميه كانت اشكالهم اضحوكه زين ماتشوفونهم كباار يحتفلون كأنهم صغار يعني كأننا جمانه والا شرايكم ؟!؟!؟ وسميه : حبيبي شفيك ساكت طارق ماكان معها اعتقد انكم عارفين وين هو تفكيره وبمن !! وسميه بدت تتضايق لأنه من دخل عليها وهو ساكت وسميه : اللي ماخذه عقلك وحركة كفها قدام وجه طارق طارق : هلا انا معك وسميه : اي مو مبين انك معي اسمعني ياولد الحلال اذا تفكيرك بأول ليله وقبل مانقول بسم الله وياها نفترق الحين احسن طارق انصدم وسميه توهقت لأنها ماكانت تبي تفضح مطامعها من البدايه وتداركت الموقف : لا قصدي يعني اني ابي تفكيرك لي وبس ونزلت راسها وحطته على كتف طارق اللي مازال مصدوم للحين وهاذي اول ليله هذا كلامها الله يستر من الندم اللي بيصير فيني بالفندق كانوا مستانسين وخصوصا ان الغرفه تطل على الكعبه يعني مافي احلى من هالمنظر جمانه : شرايكم بمنامي والا ماكان انتم هنا الجده : شو لا تصيرين مغروره وانا امج جت جمانه وحضنت جدتها من ورى : لا يمه شدعوى اصير مغروره عالكلّ الا عليكم لا خليت منك يارب الجده : شو فيج نوروه يالسه بعيده نورا : يمه ماعرف اتحرك بهالغطوه لبسوني نقاب لثمه اي شي اخاف اطيح واتكرفس عند العالم الجده : شو تطيحين موانتي اول وحده تلبس الغشوه بلا دلع نورا :يوووووه والله شكلي بمل جمانه : خير نورا رجعنا للطير ياللي انتبهي لكلامك زين غيرك يتمنى مكه مب حاصله له نورا : سوري مام دخلت هيله : من هي مام ؟؟؟ نورا : هلا بأمي واحد ضحكت جمانه على تفكير نورا للحين مازالت صغيره طارق كان بنفسه يطلع بس ويستريح من هالضغط اللي صاير له التفت لمها : مهاوي تعالي ابيج مها : هلا اخوي طارق : بنطلع تكفين مالي خلق طقطقه وعوار راس بنروح للفندق الحين بس دخيلج انتبهي لطلال مها : طيب على آخر زمن نرعى يهال المتزوجين طارق : شنو يعني تستخفين دمج الحين مها : لا ولاشي بس يالله طلع نسرتك وععععع من زين فيسها ماكو شي ماحطته فيه جنها معزه طارق : شنو معزه انتي لا تييني جلطه منج مااسمح لج مها : يمه منك مااسرع مااتأقلمت وياها بس يالله بروح اقول لأمي تطلعون جمانه دخلوا للحرم شي عجيب الطمأنينه الي هناك رهبه وخوف بالإنسان تروح من تدخل الحرم وتشوف الكعبه شعور اكرمنا الله فيه كمسلمين الكلّ كان فرحان الا فرحة جمانه لانها ياما حلمت بهالرحله مع اهلها مع بعض قبل ماتتزوج والشيخ سلمان اللي كان بحضن ابوها اخذوه معهم ماجابوا الخدم فمايقدرون يتركونه لحاله جمانه كانت تلّهي نفسها عن طاري زواج طارق بس من اقبلت عالكعبه خلاص طلع كتمان شهور وألم سنين بكت فرحه حزن كل شي ممكن يصير بالدنيا واي شعور ممكن اوصفه لكم شعور غريب حلو تحس انك قريب لربك بدوا يطوفون حول الكعبه وكانت جمانه تبكي بصمت وهي ماسكه بنات اخوها على اساس انهم مايتفرقون التفت عزام : اللي يضيع يجلس هناك ويأشر لهم خلف مقام ابراهيم عليه السلام نورا : يمه والله لو اضيع بنتحر من زيني ماعرف امشي انا وهالغطوه نغزتها امها هيله : شفيك انتي الحين جدتك كبيره بالسن متحملتها وساكته لا يروح اجرك انتي قدام الكعبه ادعي احسن لك كل هالكلام كانت جمانه مب معاهم تدعي وتبكي بصمت على حبيب ماعاد لها على عمر انتهى وراح على ايام جديده بثوب جديد وحلو او مرّ !! يارب ان ضاقت قلوب الناس عن مافيا من خير فعفوك لا يضيق سبحانك ارحمنّا ففيك كل المنى نبتعد عن طريقنا فنعود إليك ونحن متعبون انهكتنا ذنوبنا والبعد عنك يارب عفوك يارب حلمك ياذا الجلال والاكرام .......... خلصوا الطواف صلوا خلف مقام ابراهيم وسجدت جمانه وتعالى صوت بكاءها خلاص ماتقدر تخفي عذابها اكثر تدعي من قلبها تتألم من صميم اللي شافته والي ملّت من الي راح يصير الجده وامها خلصوا صلاة بس خافوا على جمانه اللي كانت مازالت ساجده وتدعي من كل قلبها على من ظلمها على من آذاها على كل اللي كذبوا وافتروا على اللي تخلوا لدرجة من كان جنبها سمعوا دعااااااااائها الجده : شو فيها بنتج خليها تقوم نوريه : انا وياج يمه مب ارحم من رب العباد لعلّ رب العباد بهالدعوات الي تدعيهم يفتح لها باب رحمته الجده سكتت بعد كلام نوريه وهي تتأمل انحناءة جمانه لرب الارباب سبحانه طارق وصل للفندق صعد للغرفه وكان يمشي بعيد عن وسميه اللي كانت مثقله عمرها بفستان وكأنها ام العشرين مايحس بفرحه ابد ليش يعني وسميه : طارق حبيبي وقف شويه طارق وهو معطيها ظهره : شنو السويت هذا هو ليش اوقف تعالي بس وسميه بقلبها : زين بنشوف من بيعاملك مو زين كل هذا من كلام امه العيوز بسا وريكم من تكون وسميه اللي تآخذ اللي تبي وانتم ماتدرون من دخل للغرفه فصخ المشلح وماقدر يجلس زياده طلع على اساس انه بيروح للإستقبال يشوف تأكيد الرحله لفينيسيا وبالأساس الرحله مأكده بس كان مايقدر يجلس زياده معها هذا وانت بأول ليله ياطارق كان يكلّم نفسه .,.,, جلس بلوبي الفندق وترك فكره رايح مع مين اكيـــــــــــد جمانه .,., بالنسبه لجمانه يمكن ماابالغ ان قلت تورمت عيونها من البكاء اللي بكته خلصوا عمرتهم وصار الوقت الحين نص الليل واكيد لازم يكون فيه تعب شوي ونوم غطى على جفونهم وصلوا للفندق ومن التعب نسوا حتى يتعشون الكلّ استسلم للنوم مو يقولون النوم سلطـــــــان اذن الفجر وبما انهم قريبين للحرم انتبهت جمانه الا جوالها يأشر وهي حاطته وضع صامت من شافت الرقم تجمدت مكانها ملك روحي يتصل بكـــ ؟؟؟ يعني المتصل طارق !!!!!!!!!! انتهى البارت ** كيف بيكون حال طارق بعد الزواج ** بنعرف كيف يكون شهر العسل مع وسميه ** وكيف قدر طارق يجيب رقم بنت اخوها نورا ** الأهم كيف بيكون الاتصال بينهم وليش بالأساس اتصل !!!!!!! اتمنى يعجبكم هالبارت يارب |
*****************************
ركضت جمانه للحمام بما انه هو الفاضي سكرت الباب وراها ورفعت السماعه كان يبي يسمع صوتها بيرتوي منه بيبرد حرت قلبهاا وقلبه ماكان مخطط شبيقول مجرد انه مايسمع صوتها بتنرد روحه له جمانه وآه ياجمانه شنقول عنها نبضات قلبها او ضيق النفس الي صار فيها تكلّم طارق بعد مايأس انه بيسمع صوتها طارق : روح وقلب طارق جمانه بدون ماتحس بعمره : لبيـــه عضت على شفايفها من الكلمه الي قالتها ماتوقعتــ تطلع منها طارق : يالبى قلبج ., ورب الي خلق هالكون كله احبج ماتخيّل نفسي وياها بعاند قلبي لين اموت ببعد عنج وبلقى عمري بطريقج بكون قاسي لكن قسوه كذابه آآآآه ياجمانه احبج برددها لين يحطوني بقبري جمانه : يومي قبل يومك يارب بس وينها ....... وسكتت طارق : ماقدرت ايلس عندها جمانه كل شي اشوفه فيج ضحكتج روعة قلبج حبج بيضل يأسرني ياجمانه ياعلني ماانحرم من هالصوت يارب جمانه كانت هيمانه بكلامه ماتدري شتقول غمضت عيونها تبي تكون كلماته تنحفر ببالها وقلبها وروحها يعني كل شي فيها يحبه صوته غموض قلبه كل شي ماتقدر تنساه ياناس في احد ينسى حبه وحياته !!! طارق : جمانه شنو فيج بس سمع صوت جمانه تبكي من القهر من ظلم الدنيا الليله مو لها لغيرها والحين جالسه تسامحه وتكلمه يعني معقوله ننسى اساءة القلوب الغداره او الي يحبونّا ماتقدر على نسيانهم طارق : لا ياروح طارق لا ياجوجو دنيتي لا تبجين من سمعته يقول جوجو دنيتي ماقدرت تتحمل يكفي تكذب على قلبها وتعيشه بوهم كاذب طارق راح وهذا الي لازم تقنع خيالها وروحها وحياتها فيه هذا الكلام الي لازم ينقال جمانه : تكفى ياابو سلمان اتركني بحالي لا تخونها معي بهاليله احبك اي احبك وبضل ارددها لين اموت ياطارق انت روحي وقلبي انت حياتي كلها بس خلاص انت رحت لها وانا الحين عافك خاطري طارق : مو بكيفج جالسه تناقضين عمرج انتي,., عارف انج تموتين فيني بس ماقدر اخليج اكثر انتي عقلي وروحي والحياة الي اعيش بها انتي كل شي فيني وانا منج,,, ماعليج منها الله واكبر يالخيانه الي بتأثر فيها خلينا ننسى الدنيا اليوم خلينا ويا بعض بس هاليله ياجمانه بعدها اوعدج مااتصل وبجبر قلبي يتناساج لأني ماقدر انساج على طول,,, جمانه والي خلق فيج الطيبه والحنان وكل شي بهالدنيا ابيج هاليله لي ولقلبي ابي انساها وانسى العالم بحاله ابيج والي يخليج ياجمانه انا كنت اطمأن عليج من بنت اخوج الي مسكينه قطعت قلبي لما ارسلت مسج بيوم من جوالها تحكي عن معاناتج بصراحه انا فرحت دقيت عليها وماردت بس ارسلت قالت اي يوم بتطمأن على عمتي ارسل لي مسج بس الي عذبني اكثر انقطعت اخبارها وااقامت ترد على المسجات ومن اتصلت حصلت الجهاز مغلق جمانه ماكانت الا تبكي مصدومه من نفسها ومن بنت اخوها يعني كذبت كذبتين الاولى لما ماقالت لها والثانيه لما قالت انه الي اتصل وجاب رقمها !!! وبعد كانت خايفه تعطيه فرصه ثانيه وترضى بالذل مره ثانيه مااصدقت تعيش بدونه تبونها تعطيه فرصه !! بدون مقدمات قالت : طارق اسمح لي مو انا الي اخون ولا انا الي بنسى اساءتك وبنت اخوي تصرفها عفوي من حبها لي لاكن جتها ظروف وماقدرت تكمل معك وانا عرفت بهاسالفه بس لاتصدق اني احبك كل الكلام الي قلته قبل امسحه امحيه وعيش حياتك بعيد عني وعن ولدي مع السلامه ياابو طلال وسكرت السماعه وزاد صوت بكلءها حطت يدها على فمها خايفه تكدر عالكلّ خايفه احد يسمعها ومن الكلام الي جرحت طارق فيه ومن بنت اخوها الي صدمتها مرتين !! آه على الايام والليالي آه على زمن يخادع وروح متألمه آه منك وعليك آهات سأرددها للنهايه الى ان القى ربي او تلقاه انت طارق الي كان مذهول من آخر الكلمات الي قالتها تقول احبك وتقول اكرهك بنفس الوقت !!! غسلت وجا ومسحت دموعها اخذت الجوال وطلعت من الحمام بس بصدمه شافت امها نوريــــــــه عند باب الحمام وعيونها كلها دموع !!!! نروح لطارق لأول مره يلوم نفسه كل عمره يكابر بس هو السبب بأن جمانه راحت من ايده قطع عليه اتصال وسميه الي منة شاف رقمها عبس بوج وعطاها بزي وقام متثاقل بمشيته لأنه هو السبب بعذابه الحيـــــن ودوم !! في شخصيه رائعه مكان القلب والحب الاكيد انسانه ضلّت الوحيده الي وقفت مع جمانه ايام قبل وللحيـــن موضي صديقه واخت وكل شي بالنسبه لجمانه وقلب جمانه كانت بذيك اللحظه بالمستشفى !! حزت ولادتها حلّت وهي بالمستشفى بالحفر حتى ماامداها مسكينه تروح للرياض عند اهلها زوجها فهد كان متوهق مايدري شبيسوي خصوصا انه البكر يعني توهقوا مساكين كانت بغرفة الولاده وانواع العذاب كانت كاتمه صراخها وألمها تبي تحتسب الاجر وبنفس الوقت ماتبي تخرع زوجها وحبيبها وكل شي بالنسبه لها هذا هو الحب الحقيقي اللي يكون قوي بكل مراحله فهد : ها يادكتور مرتي لها ساعه بتولد مب قادره الدكتور: شويتين ياابني مش انت اول واحد حيتولد له بيبي بس اصبر شويتين وادعي ليها دا حال كل وحده بتولد فهد : طيب بدعي اكيد بس تكفى عجلوا فيها الدكتور : اوك عايز حاقه تانيه دنا حروح اديها ابره طلق صناعي فهد : وش ابرته لا تكفى يادكتور <<< واضح مايدري شسالفه الدكتور : ياابني انا من دعى عليا اليوم خلاص حتفهمها بعدين حروح للبنت الي بتولد فهد مسكين تخربطت اموره من قال ابره وهو مايدري شسالفة الابر ومايقدر يدق على ام موضي ويخوفها والدنيا فجور بهالوقت !!!! بينتظر لين رب العباد يسهلها لموضي الغاليـــــــــه بعد الفجر وتحديدا بالكويت كان طارق ووسميه بالمطار ومعهم ولدهم منظر يموت من الضحك استغفر الله رايحين شهر بصل.. قصدي عسل وولدهم يبكي بالمطار يبيهم طارق عقب المكالمه ماعاد له خلق شي بدا يهاوش على وسميه: شنو بتروحين حرب بسرعه بوسيه وخلصينا عور راسي وهو يبجي وسميه : اذا مالك خلق ولدك شلون بتروح شهر العسل ترى نأجلها او نلغيها احسن حمد : شنو هذا الحين بتروحون تسافرون وتخانجون بالله شنو بيصير فيكم هناك عقلوا الولحد طاف الثلاثين منكم وللحين بعدكم يهال طارق : يالله يالغالي تآمرني بشي بروح بس سلم عللى اهلي حمد : بيوصل وسلامتكـ مانبي الا هي والله الله بالهدايا << كان يبي يلطف الجو تدخلت وسميه : افا عليك ياعمي بنييب بس وصيتك ولدي حمد : وانتي وصيتج ولدي << يستهتر فيها ترى ركبوا الطياره المتوجه لإيطاليا وتحديدا فينيسيا الساحره كانوا بالفندق جالسين يتقهوون طبعا لأحد يسأل عن جمانه كانت جالسه تسولف وتضحك وماكأن قلبها يدمع وروحها مع مين اكيـــــــــــد طارق فعلا دنيا المحبه عجيبه قربت الجده لنوريه : شو فيج كنتي قبل شوي بتقولين لي شي نوريه : اي يمه تدرين امس سمعت جمانه وهي تكلّم الجده : عادي شو فيج مااتبينها تحجى نوريه : لا يمه كانت تكلم طارق الجده ضاعت علومها : وقطع شو يبى ها بها كانت جمانه تتكلم بالجوال فجأه صرخت وكلهم التفتوا لها مستغربين لأنها قامت تبكي : الله يبشرك بالخير كيفها الحين هي يارب الله يقومها بالسلامه سكرت السماعه وكملّت تبكي قامت لها نوريه وحضنتها : شو فيج يمه جمانه سكتت شوي قالت : يمه موضي يابعد عمري ولدت وجابت بنيه يافديتها ياناس الكلّ قام يهني لجمانه لان جمانه وموضي واحد وكلهم عارفين بهالشي طارق وصلوا لفينيسيا بعد تعب يعني على طول اتجهوا للفندق بعد ماركبوا التكسي الي هو عباره عن قارب مائي كل الي صار كأنه ينعاد بس ايام ماكان مع جمانه طارق كان حاجز بنفس الفندق الي راح لجمانه طبعا بدون علم وسميه بالهشي وصلهم القارب لفندق luna baglioni" كان فندق فخم وحلو والإطلاله اروع جمانه حبت هالفندق خصوصا اطلالته يعني فينيسيا نقدر نقول جنة الله بالدنيا كانت وسميه تسولف وطارق يبتسم مجامله بس سافطها مايسولف ليش لأن فينيسيا احلى محطات عمره على انه كان منكّد على جمانه فيها الحين ياطارق جاي تندم على ماضيكـ مااعتقد بيفيده جلست وسميه بالوبي وهي مبهوره من منظر المكان فخم حيل وهي تقول بنفسها : يعني على الاقل نطلع من رجعتنا لبعض اني سافرت برى الكويت هذي وسميه وهذا تفكيرها هي بوادي والرومانسيه بوادي خلصت الاجراءات وراحوا للغرفه وطارق بكل خطوه يتقطع قلبه مليون مره وسميه وطارق كان يمشي قدامها سألته سؤال صدمه : بوطلال جمانه جت هني بعد !!!! اذن العصر بمكه المكرمه ونزلوا البنات مع عزام طبعا نوريه وامها وهيله مارضوا يصلّون الا بالفندق لأن الجده تعبت شوي فما يقدرون يتركونها لحالها خلصوا من الصلاة وراحوا يشربون من ماء زمزم وبما ان مكه حر بدت جمانه تغسل للشيخ سلمان على اساس تبرد عليه شوي كان منظره ولا اروع هو وشعره الناعم جلسوا يضحكون عليه استانس فديته بالماء البارد نورا : عمتي شوفي قصته كأنه هندي جمانه : من زينك يالسيلانيه كلهم ماتوا من الضحك على شكل جمانه وهي معصبه نقطة ضعفها بالحياة الشيخ سلمان عزام : بقولكم شي انا بروح اشوف واحد من عمال ابوي على اساس نجيب له تمر فهمتوا انتم اجلسوا هنا جمانه : لا عزام بنروح لإبن داود بالشركه <<< دعايه مجانيه عزام : اوك خلاص بس انتبهوا لبعض شالت جمانه الشيخ سلمان وراحوا للشركه من دخلوا راحوا يشرون اغراض للبيت كانت جمانه مع عربيت سلمان وتشري اغراض هي وبنات اخوها بس سمعت صوت واحد وراها يمه شنو فيج ماراح نموت تقولين بمجاعه شريتي وايد ترى جمانه وجعها قلبها هالصوت تعرفه تعرفه من التفتت شافت الي معطيها ظهره ومعه وحده باين عليها امه يقول يمه وهو كان يشوف الرفوف الثانيه المقابله لجمانه من صد عن امه وهو يحرك راسه التقت عيونها فيه وجمانه من الصدمه قالت : حمــــــــــــــــــزه !!!!!! كان جوال جمانه يدق بس ماكان معها لان الي ردت امها نوريه : هلا موضي موضي : هلا يمه شخباركم واخبار الحرم معكم نوريه : الله يسلمج يمه اي صج الحمد لله على السلامه تتربى بعزكم يارب موضي : الله يسلمك يمه وين جمانه شدعوى ولدت ولا قالت الحمد لله على السلامه نوريه : شو نسوي فيج انتي مغلقه الجهاز واستحينا ندق على زوجج موضي : اي صح على بالي بدويه واتشره نوريه : ياليت الناس كلهم مثلج يمه موضي : يسلمك ربي بس وين جمانه نوريه : هي بالحرم من ترد بخليها تتصل بج موضي : ان شاء الله بس بغيت اقول لها سمينا البنت نوريه : ماشاء الله بسرعه كان ببالج اسم قبل موضي : يمه الاسم معي قبل مااتزوج حتى .,., لأني بصراحه سميت بنتي جمــــــــــــانه !!! نرجع لطارق كانت ضايقه فيه الوسيعه يبي يرتاح من السفر وينام ماقدر كان يتقلب على جمر ويلتفت على وسميه وهي رايحه بسابع نومه فجأه عبس بوج وطلع من الغرفه الا من الفندق بكبره وقفت جمانه مذهوله وحمزه بعد لانها صدفه ولا احلى حمزه رجال وياليت طارق كان مثله على الاقل ماكانت بتعاني وانا اضمن لكم ان القصه بيتغير مسارها شوي حمزه : تدرين الناس تشين وانتي تحلوين نوريه : شدعوى علي هالغشوه وتشوف يمه انك تروع ضحك حمزه وهو يأشر على نورا وهو يقول : لا اقصد هالمزيونه نورا ضاعت علومها لأنها كانت متغشيه وواقفه بعيد بعكس نهال الي كانت لاصقه بجمانه جمانه : حمزوه ابعد عن البنت جت ام حمزه وهي مصدومه حمزه واقف ويتكلّم بعد مع بنيات ويضحكون جمانه قربت وحبت راسها وهي تقول : انا جمانه زوجة... واسكتت بعدين كملت وهي تبلع ريقها طليقة طارق........... ***************************** انتهى بارت اليوم اتمنى يعجبكم وآسفه اذا فيه قصور وعلى التأخير << كل مره تتأخرين ترى ** كيف بيكون حال طارق بتكملة شهر العسل ** حمزه هل كان يعني الكلام الي يقوله عن نورا او انه يقصد جمانه بدون مايحرجها !! وباقي الاحداث بنشوفها بالبارت الجاي |
شكرا للمشرفين على تثبيت القصه
|
اسفه حبيبتي انا مابعد بديت اقرى القصه لين اكتملت اقراها كفايه الي حصل معاي قبل شوي مع نور
|
تسلمين حبيبتي وما تقصرين
اختك الجلكسي |
تسلمين حبيبتي على القصه الاكثر من رائعه
وننتظر النهايه بفارغ الصبر |
اقتباس:
ونور الموضوع بمرورك |
اقتباس:
والنهايه ان شاء الله قريب بنهيها تسلمي حبيبتي بمرورج اللي عطر الموضوع |
التكمله
************************* دخلت جمانه والبنات للغرفه ومعهم ام حمزه الي فزت نوريه وهي مستغربه من الي دخلت معهم جمانه : يمه ام حمزه نوريه : ربيع طارق !! جمانه بتنهيده خفيفه : اي يمه طبعا حمزه كان جالس بالغرفه عند ابو جمانه صح مايعرفونه بس حبوه من كلام جمانه عبدالله : ياهلا وغلا بحمزه حمزه : هلا بك ياعمي عبدالله كان منحرج بنفسه يسأل عن طارق بس شلون يفتح الموضوع مايدري عبدالله : شخبار اهل الكويت << يلّمح حمزه للحين مافهمها او انه يبي عبدالله يسأله مباشره حمزه : كلهم بخير ونعمه هنا توهق عبدالله بس قال : قصدي طارق طارق شخباره مع زواجه الجديد حمزه ابتسم ابتسامة نصر : الحمد لله هو بشهر العسل الحين بس والله لا حضرت له زواج ولا شي عبدالله : عسى ماشر بس لا يكون متزاعلين حمزه : لا والله بس احد يتزوج على جمانه الــ ..... اسكت بعد مارفع عبدالله حواجبه حمزه انحرج : قصدي ام سلمان عبدالله : اجل راح شهر العسل وين راحوا !!! حمزه : طارق ضايع للأسف ياعم وداها لفينيسيا انا متأكد انه يبي يرد ولو بعض من ذكرياته مع ام سلمان عبدالله : الله يخليها لنا ام الشيخ حمزه ابتسم : انزين عمي ماتييبونه هني اشتقت له عبدالله : ابشر بروح اجيبه واخليهم يجيبون القهوه عن اذنك كانت الجلسه ولا احلى عند الحريم خصوصا ان ام حمزه طيبه يعني بالنجدي تنحط عالجرح ويبرى نوريه : اي صج جمانه موضي اتصلت شهقت جمانه : يؤ والله نسيت اتصل نوريه : عندها مفآجأه لج جمانه : بتصل الحين عن اذنك خالتي حصه " ام حمزه " حصه : اذنج معج يمه طبعا كانت عيونها على نورا من بداية جلستهم نورا ضاعت علومها الاخت خصوصا انها خقت على حمزه شقول لكم عن حمزه من طلع عبدالله تتوقعون تفكيره مع مين مع جمانه على انه يحس نفسه نذل يفكر بوحده يعرف انها مب له وحده حبها وتفكيرها لرجل واحد تعتقدون القلب بينسى طارق !!! دخل عبدالله على جمانه الي كانت بالصاله وتكلّم بس تفآجئ من صرختها عبدالله : بسم الله عليك وانا ابوك شفيك جمانه : يبه يبه اخيرا جاء من يعبرني موضي سمت بنتها جمانه جمانه الصغيره يعني ياااااااااهي وناسه عبدالله : الله يديمها عليك تستاهلين يابعد عمري جمانه : سوري موضي بروح اناقز عند اهلي موضي وهي تمسح دموعها : روحي يابعد عمري جمانه نست نفسها دخلت تصارخ وتضحك عليهم نورا : يمه عمتي شفيك نوريه : فرحانه يعني كل هذا عشان في وحده سميتك جمانه : لا يمه بس موضي غير والله غير حصه طارت عيونها ماتدري شسالفه الجده تدخلت : ام حمزه ها ربيعتها سمت اسم بنتها عليها حصه ابتسمت وعرفت ليش جمانه تصارخ نورا : عمه يمكن الي بالقصه يحبونك ويسمون بناتهم عليك ضربتها نهال بكوعها : الله لا يفضحنا الحين جاء دورك قربت لهم جمانه : الله يقطع الي يسولف على مبزره قطع كلامهم عبدالله الي دخل تغطت حصه بسرعه عبدالله من فرحته لجمانه نسى الضيفه طلع بسرعه لأنها فشيله بالمواقف هاذي الشباب ادرى يعني طلعت له نوريــــــــه نوريه : الله يهداك بس نسيت المره عبدالله : والله نسيتها دخلت وانا فرحان لجمانه نوريه : معذور شو كنت تبى عبدالله : ابي الشيخ سلمان وجيبي معه قهوه لحمزه راح عنها والتفت وهو يقول : احبك ياقميل هنا تنحنح وراهم عزام طبعا نوريه ضاعت علومها ولدي وراي يعني تعرفون كلام الكبار يسوون عقل علينا عبدالله التفت لعزام وعبس بوج : انت ماتلاحظ انك تخرب اللحظات السعيده دايم عزام : يبه شدعوى شيبان وتتغازلون شخليتوا لي عبدالله : لا يكثر امحق من شباب من زينك الحين عزام : والله اني مطيّح انواع البنات بس انت ماتدري تدخلت نوريه : صج يمه سعوديات عاد التفت عبدالله : الحمد لله والشكر بس بدال ماتلعنين خيره تسألينه من بناته عزام عطاهم ظهره وهو يقول : انا لوحده وبس طلع وهم طايره عيونهم عزام معقوله يحب !!! حمزه كان بالغرفه وقام يدور تعب وهو جالس وقف على احلى اطلاله بالعالم كله قدام الكعبه مباشره بس وهو واقف لمح شنطة يد فيها مغلف احمر من اللقافه مدّ ايه ولقى كلمة احبك وورده حمرا مع المغلف استغرب من تكون شنطته ياترى بس سمع حركة احد وراه تركها وسوى نفسه يشوف المنظر وهو منحرج مااقدر حتى يلتفت عزام : من هنا !!! دخل وراه عبدالله : الي قال هذا حمزه الي ازعجتنا فيه جمانه التفت حمزه وعليه ابتسامه وقلب يضرب الف من انذكرت جمانه !!! نروح لفينيسا الساحره طارق كان برى الفندق يتأمل شكل الغروب الشمس اقدر اقولكم ان عيونه كلها دموع حسره الم تفريط بوحده راحت وتركته آآآه ياطارق راحت عنك جمانه بيفيد الالم مااعتقد دخل للفندق بعد مااحس نفسه طفح كيله من اتصالات وسميه الي من الصبح وهو تاركها لغروب الشمس من راح للغرفه تفآجأ بصراخها : من الصبح يالظالم اتصل مادري شصار فيك لا تقول لي مايبتها الياهل هني يوم انك ماتبيني ليش تردني بيني وبينكم من الصبح للغروب قويه شوي طارق بدون نفس : كاني ييت نعوضها باجر بروح انام كان مهدود شوي من الصدمه من كلام جمانه افرط بالتدخين يوم كامل مااكل شي الا يشرب دخان وبس دخلت عليه وسميه : اكلت شي طارق وهو يتلحف بالغطى : مااكلت وماابي شي طفي الليت وسميه : شنو هذا كل هذا حنيه لها الله لا يوفجها جانها اخذتك مني قبل والحين انتفض من مكانه طارق : الا هي لا تجيبين طاريها لا تقطعين قلبي زود راحت ويارب يآخذ روحي من بعدها طفي الليت لا انام باللوبي سكتت وسميه طلعت من عنده كانت تعتقد انه مااحبها كل هذا لجمانه يعني مالي اي غلا تجمعت الدموع بعيونها من القهر كانت تعتقد انها بتقدر تآخذ كل شي منه بس الظاهر انها ماراح تآخذ الا المغثه جمانه والبنات توضوا علشان صلاة المغرب عزام : يالله بنات بنروح للصلاة وعقبها عندي لكم مفآجأه حلوه نورا : عم ماتلاحظ انك صرت رقيق عزام : علمتني الرقه وانا عمك صفرت نهال : لا اتعذب انا عسى مب هيفا وهبي عزام : تخسي الا هي عاد احلى من الوصف محبوبتي دخلت جمانه وهي تلبس عباتها نورا : الحقي عمتي عزاموه يحب ضربها عزام على كتفها : عمك يالبزر جمانه : لا والله تطورات عيني بعينك ياطويل العمر من تعيسة الحظ قصدي سعيده تقدم عليهم وهو يقول : تدرون ماتستاهلون المفآجأه يالشينات لحقته نورا : لا عم واللي يسلمك بليز بليز وش المفآجأه عزام : بشرط نورا : تحكم ياعم بس وشو عزام : حبي راسي جرت شعره بقوه وحبته عزام : الله يقلعك شعري ,, روحي بس مافي شي جمانه : اقول اخلص وش عندك عزام : يقولون رومانسيه وين ياعم الرومانسيه جمانه انحرجت بس لأنها هالأيام مستانسه حزينه مشاعر متضاربه فيهااا عزام من شافها سرحت : لا خلاص بنزلكم بكرى على جده شرايكم صرخوا البنات عزام : الله يفشلكم يالله لا تفوتنا الصلاة طلعوا وهو شااايل الشيخ سلمان كان شكله عذاب خصوصا ان عمره بدى يفهم الي حوله يعني كبر شوي صار يلعب ويضحك والسعابيل تعذب سكر ياناس عزام : تقدموا بنات شوي راحوا البنات قدام وهو التفت لجمانه وهو يقول : تدرين وين سافر طارق النذل جمانه تحطمت من جواها بس كابرت : وين راح عزام : شهر البصل لفينيسيا لا تسألوني عن موقف جمانه كابرت وهي تمشي بس الدموع تجمعت بعيونها والغصه منعت النفس عنها ماتلاحظون عزام فيه غباء بعض الاحياان !!!!! ضللت اجمع رماد الذكريات بين مقلتيّ وصوت ذلك النورس الجريح يعذب القلب الذي هواه اخفقت في كل المنى حتى انني فشلت بإمتحان حبك لدرجة انك محوتني من دفتر الذكريات مااعظمها خفقات قلبي المجنونه تناديك وتناجي الرب بأن ينسيني هواك لعل الجروح ترمى خلف الستار والاعين تتعلق بالمنار يااارب رجوتك اجعلني انسااااه جمانه بعدها تحاول انها تركز بصلاتها من سجدوا بالصلاة بكت بعيون تعذبت خلااص ماتقدر تكذب على نفسها وتقول انها نسته كتمت الدموع بس كانت تهز سلّم الشيخ من الصلاة وهي تدعي بنات اخوها استغربوا يعرفون عمتهم مهيب معهم قلبها لواحد راااح قلبها لشخص خدعها واوهمها بحبه معقوله !!!! سلمت جمانه وقامت وهي تمشي ورى عزام وحاضنه ولدها بكل قوتها يمكن تبي تحس بأمان تحس انها مازالت مهمه عند احد بأن وجودها بالكون والدنيا كلها لولدها قامت وسميه على آهات وتألم من طارق حست فيه صوته كأنه تعبان !! وسميه تحاول تصحيه : طارق شنو فيك طارق لمست حرارته لقتها مرتفعه تخربطت لبست روبها وطارق مازال يهذري شتسوي مااتعرف طلياني لبست غشوتها من الخوف نزلت على طول شتسوي الاستقبال كيف تتفاهم معهم وقفت عنده وهو طارت عيونه موظف الاستقبال وحده نازله بالهشكل آخر اليل شعندها يعني رحمه من رب العالمين كان فيه واحد عربي واقف وهي توصف للموظف ان زوجها فيه حراره تقدم بعد ماعرف انها تتكلم عربي الرجل : اختي عاوزه حاقه تمسكت وسميه فيه وهي تقول : اخوي زوجي بيموت عليه حراره تكفى مادري شفيه ابي دكتور الرجل : اوكي انتي ماتزعليش انا حأوله دلوأتي جابوا الدكتور ومن شافه قال لازم ينقل للمستشفى فورااا جمانه كانت بالسوق بس فجأه طاح الكاس الي معها وانكسر الي بالمحل استغربوا لأن شكلها ماجابت خبر الي انكسر راح لها عزام وهي سرحانه ,,, عزام : انا قلت لك لا تشيلين الولد معك جمانه اسكتت التفت عزام لصاحب المحل : بكم الكاس بعطيك سعره شال الولد منها ودفعوا وطلعوا وعزام ناسي سالفة شهر عسل طارق ومب عارف ان جمانه من قلب العاشق وجعها قلبها فجأه ممكن هالحب يوصل لدرجة انه يحس باللي يحب تعتقدونها انتم بعد !!!! دخلوا للمحل الثاني وجلست جمانه بالكرسي ماقدرت توقف كانت نورا وعزام واقفين مع بعض فجأه جاله اتصال من اللخبطه اول ماشاف الرقم فتح السبيكر وصوت بناتي نااعم : هلا ياقلبي !!!!!!!!!! مع طيران عيون نورا طبعا الي ماتوقعت عزام من هالنوع يعني هاذي هي الي يحبها او شسالفه بس !!!! &&&&&&&&&&&&&&&& انتهى البارت *** كيف بيكون طارق وجمانه بعد *** شسر البنيه الي مع عزام *** حمزه يحب جمانه !! معقوله او مجرد اعجاب او شسالفته!! *** اخيرا شكان المغلف الأحمر مع كلمة احبك الي شافها حمزه لمن يعني !!! |
^^^^^^^^^^^^^^^^^^^
تقدم عزام عالبنات بالسوق وهو يتكلّم طبعا لا نهال ولا جمانه عرفوا شسالفه يعني عادي مكالمه الكلّ يكلّم الا نورا كانت تتابع مشي عزام ولا كأنه غلط عندها ولا راح يكمل مكالمته ماتوقعت عزام من هالنوع ابد جمانه يمكن هي لو تشوف تصرفات عزام بتعرف شفيه بس اللي فيها كافيها فيها الألم والقهر فيها الخوف على من على حالها او بعدها عن الي تحبه !!! ملّت الجروح مني وملت ايامي من وجودي تنكسر مجاديف املي دوما فتغرق سفني وانا احاول ان اعيدها لي فاجد من يغرق قلبي فتنكسر مجاديفي ويضيع طريقي !!! سكر عزام وقرب لهم وهو يتجاهل نظرات نورا عزام : بنات روحوا فوق بروح اشوف فيه حجز بجده لنا عشان نطلع من الفجر لجده نهال : عم ليش بننام هناك عزام : اي والله وبدق على ابوي يمكن نروح سوى تدخلت جمانه : لا مااعتقد لان جدتي ماتبي الا مكه وش بينزلها جده عزام : بسأله وبشوف يالله انتو روحوا فوق التقت عيونه بعيون نورا اللي هزت راسها وراحـــــــت !! كان حمزه يتعشى هو وامه جاله اتصال من عبدالله " ابو جمانه " حمزه : هلا عم عبدالله : هلا وغلا وين انت فيه حمزه : والله نتعشى انا والوالده عبدالله : مو كنه بدري عالعشى حمزه : شنسوي والله يوعانين انا والوالده من صلينا المغرب رحنا نتعشى عبدالله : بالعافيه اجل بسكر منك من تخلص متعشي اتصل فيني قام حمزه من امه وهو يقول : لا والله تقول الحين ياعم عبدالله : بس قاطعه حمزه : شفيكم ياعم عبدالله : سلامتك ياولدي مافينا شي ,,, بس عزام بينزل الفجر بالبنات لجده وبغيتك تكون معهم انت والوالده حمزه : ولا يهمك ياعم صج بغيت انزل امي لجده عبدالله : على بركة الله الفجر بينزل عزام والبنات ومعهم نوريه والا محمد وزوجته وانا بنجلس عند الجده حمزه : خلاص تم ان شاء الله كانت جمانه عند شنطتها تولّم لبس لها وللشيخ سلمان دخلت عليها نورا وهي متردده بس كملّت وجلست بالسرير الي مقابل جمانه نورا : يمه جمانه : هلا ,, وهي كانت تسفط لبسهم يعني مب منتبه لها نورا : لا خلاص اجل بعدين قامت ونادتها جمانه : لا ياشيخه تعالي اقول بسرعه قولي الي عندك رجعت وجلست وهي تلعب بشعرها رفعت رجلينها وضمتها لصدرها وهي تقول : عمي عزام ......... جمانه طارت عيونها : شفيه !!!! نورا غمضت عيونها وهي تقول : يكلّم بنت ......... صار فيه هدوء غريب بالغرفه فتحت عيونها بتشوف ردة فعل جمانه جمانه شقول لكم مصدومه مستغربه او ........ جمانه ضحكت بإستهزاء ونزلت راسها وهي تحركه بمعنى لااااا !!!! نورا : يمه شفيك !! شسالفه جمانه : ولا شي اطلعي بكمّل شغلي نورا : بس يعني ماسألتيني كيف عرفت رفعت صوتها جمانه : مايهمني كيف عرفتي !! اطلعي بسرعه رجعت تكمّل شغلها بس فجأه رمت الي بيدها وقامت واتصلت بعزام الي كان عند ابوه وحمزه يخططون للرحله لجده عزام : هلا جمانه التفت حمزه بسرعه بعد مافز قلبه لذكر جمانه انتبه له عبدالله الي كان يتقهوى بس مو مستغرب من حركته !!! ليـــــــــــش !! جمانه : تعال ابيك بسرعه عزام : اصبري ياام الشيخ بنخطط لروحتنا و...... صرخت جمانه : تعال ابيك الحين انحرج عزام وهو مستغرب شعندها من زمان مافقدت اعصابها زي اليوم طلع من الغرفه وهو مستغرب شسالفــــــه!!!!! دخل عليها بالغرفه وهي معطته ظهرها لمنظر الحرم قدامها وقالت وهي تسمع آذان العشاء : سكر الباب ابيك شوي !!!!!!!! بفنيسيـــــــــا تحديدا بالفندق كان طارق يتقلب عالفراش وهو يتحسس راسه يحس بصداع غريب فتح عيونه وهو يشوف نور الغرفه الخفيف وكأن النور طالع تعدل بجلسته وطاحت عينه على وسميه الي كانت نايمه على الكنبه شكلها ينرحم يحس انه يلوم نفسه زياده لأنها مالها اي ذنب هو الي فرط بجمــانه وحرام تتعذب معه بعد قام من مكانه وشال غطى فراشه وهو يمشي لوسميه وبصوت هادي : وسميه ام طلال انتبهت له وفزت من مكانها : ابو طلال شفيك تعال ارتاح تعال ......... طارق : لا مافيني شي مليّت من السرير بتصل فيهم مشتهي فطور وجوعان وبنفسي نطلع ونتمشى ضايق خلقي ناظرته وسميه بحنيّه وقامت معه كانت جمانه ساكته عزام : كنت ناوي اقولك بس شسوي الحين انتي ماتفهمتي الوضع لو قلت لك قبل مابتتفهمينه بعد سمعوا الاقامه للصلاة وفز عزام وهو يقول : اذا رجعت بنتفاهم ,, الحقيني انتي وبنات اخوك طلع من الغرفه وقابلته نورا وهو طالع نورا بنظره حاده وتركها وراح اسرعت نورا للغرفه من دخلت قالت : يمه عسى ماقلتي شي لعمي انصدمت بشكل جمانه تلبس عباتها وهي تبكي ليش جمانه متأثره !!! كانت وسميه سانده طارق بكتفها وهو يسولف : بنروح لقناة القراند هاذي لازم ازورها اذا جيت هني حتى يوم اني ييت مع جمانه رحنا لها وسولفت لها عن القناة بس فجأه اسكت لانه نطق بجمانه لأول مره برحلتهم قالها بدون مايخاف على مشاعر الانثى الي بجمبه وسميه صارت الدموع بعيونها حتى السوالف مب قادر ينسى جمانه فيهم ياربي هالجمانه شسوت فيك ياطارق بس طارق حب يلطف الجو وهو يقول : اي فيه محلات هناك وايد بنييب الهدايا من هناك وسميه بلعت ريقها وهي تقول : براحتك كان بالغرفه هدوء والكلّ نايم جمانه تتقلب وتفكر بعزام ليش يعني يوم قلت انه كبر بعيني بنت تسوي فيه كل هذا قامت لأنها عرفت انها ماراح تنام وطلعت برى الغرفه للصالـــه جلست وفتحت التلفزيون كانت على الساعه 2 الصباح قصرت للتلفزيون وقامت تقلب بالقنوات وهي تبي تفكر بأي شي غير عزام وسالفته انفتح باب الغرفه الا نورا تطلع لعمتها بالصاله وهي تقول : يمه مانمتي !! جمانه : لا ماجاني نوم جلست نورا وحطت راسها بحضن جمانه وهي تقول : والله حتى انا بس افكر بسالفة عمي تكفين شسالفته جمانه : انتي مب صغيره بقولك السالفه وننزل للحرم احس بضيقة صدر شوي جمانه بدت تلعب بشعر بنت اخوها ,,,, كانت معه تدرس بلندن هي من اهل الرياض يقول عزام انها اكبر مني بسنه وبعد اي خلصت ثانوي وسافرت لندن تكمل دراستها بالقانون الحين هم بجده اجازه لأبوها وبترجع لندن تكمّل دراستها نورا : طيب يعني كان يكلّمها وخرت جمانه راس نورا وقامت وهي تقول : لا يقول ماكانوا يتواصلون الا بالمسن بس بعدين اخذ رقمها لأنها بتكون بجده وهو بمكه قريبين لبعض ابتسمت بإستهزاء وهي تحرك شعرها ورى ظهرها عصبت عليه يعني مب احسن مني هو ومايتعض شصار لي نورا : بعدين جمانه : مادري يقول بيعلّم ابوي خصوصا ان ابوي يعرفها شافها كذا مره يوم هم بلندن نورا: اها توني اعرف شسالفته ,,, بس عمه هو مايبي يلعب يعني عشان كذا بليز لا تقسين عليه وقفته معك تستاهل انك توقفين معه جمانه : الله يعين يالله بنروح للحرم .......... وصلت السياره الي بتنقلهم لجده وتحديدا لفندق هيلتون بجده صلوا الفجر وطلعوا مع بعض طبعا فيه جمانه ونورا مواصلين فكانوا يمشون ويصبخون بأي احد يقابلهم اشكالهم تحف فعلا عزام كان شايل بحضنه سلمان وحمزه وامه يتقدمونهم نوريه كانت ماسكه عيال ولدها تركي وناديه كانت جمانه واقفه واخذت من عزام ولدها حمزه كان واقف بعيد شوي بمواقف الفندق لا بس نظارته فمااحد يعرف وين نظرات او مركزه على من تركهم عزام وهو بيجيب اغراضه او المغلف الاحمر الي نسااااه اخذها فرصه حمزه وقرب لهم وهو يقول : المزيون واقف لا اكيد القمر هني مابعد راح التفت عليه جمانه : اموت واعرف من تقصد بس تدري رح لا يجيك عزام ويكفخك حمزه : شوفي الي يحب يتحمل ضحكت نورا ,,, حمزه مثل انه داخ من الضحكه هل هو فعلا يقصدهـــــــــــا !!! طارق ووسميه كانوا جالسين على كوفي ويتأملون رحلة غروب الشمس غريبه وتحس انها تعلن انهزامها طارق كان لابس نظاراته ووسميه كانت تتفقد الهدايا الي شرتها تحف بسيطه لبيتهم ,,, العاب ايطاليه حلوه لطلال ,,, اغراض بناتيه لمها خصوصا ان زواجها قرب بالصيف وقطعتين ايطاليات وحده لخالتها والثانيه لهنادي واغراض بسيطه لامها وابوها بس نست احد مهم التفت لطارق وهي تقول : ابو طلال نسينا عمي حمد شنو بنآخذ له فصخ نظارته ورفع عينه لها انصدمت وسميه لأن عيونه كانت مليـــــــــــــــــانه دمووووووووووع !!!!!!! كانوا بالسياره والشمس بوقت شروقها طبعا جمانه ونورا مواصلين فناموا بالسياره ام حمزه ونوريه انواع السوالف والضحك طبعا الي كان مستانس الي متشقق من الوناسه اكيد حمزه ليش لان ام الغاليه راضيه كانت وسميه بالغرفه يعني ماتقدر تنسيه جمانه ولا ثانيه عايشه بكيانه بقلبه بروحه نبض قلبه لجمانه اسولف يمين يجيب لي سالفه فيها جمانه جمانه جمانه جمانه وبعدين مع جمانه !!! طارق كان يآخذ له شور من طلع حب يغير المواضيع يختار موضوع على الاقل مشترك بينهم هالزواج لازم يستمر لازم طارق : طلبت منهم عشى بحري من زمان عنه وسميه ابتسمت بالرغم من ألمها كانت خايفه عليه هل معقولــــــــــه تغيرت بهالسرعه او عشان تتمكن بعدين من انها تآخذ الي تبي منه !!! وصلوا لجده وراحوا عالطول للفندق وهم قمه بالتعب لان الشمس بدت تحتر شوي حمزه وعزام كانوا يسولفون حمزه : يعني شنو جذي اخترت الفندق اذكر في شاليهات يمدحونها هني بس مااتذكر شسمها عزام : لا اطلالة الفندق عالبحر روعه بعدين انا ابي هالفندق يمكن القى لي واحد من ربعي اول على طول نورا ضربت بإيدها جمانه الي ضحكة بخفيف وقربت لإذن نورا وهي تقول : اي ربعك النواعم ضحكت نورا والتفت نهال وهي تقول : اقص ايدي بينكن سالفه من اليوم تتساسرن بدى يبكي الشيخ سلمان جمانه : اذكري الله يابنتي ولدي من عيونك يبكي الحين نهال بصوت مرتفع شوي : بسم الله ولا اله الا الله تفو تفو الي بالسياره ضحكوا لانها متحمسه بس دخل صوت حمزه وهو يقول عطيني الشيخ يمــــــه ........... طارق يتقلب بفراشه زي الي يتقلب عالجمر قام وطلع من الغرفه ووسميه سكرت عيونها بقوه من القهر ضمت المفرش وجلست تبكي من قلـــــــــب طارق جلس باللوبي وهو يطالع الفراغ جمانه مادرت عنه ولا هو قادر يحس بوسميه يعني هو بين نارين نار وحده تحاول تكسب وده ونار حبه الحقيقي او نار حب وتجاهل جمانه له عذاب هو اختاره للأسف وضيع نفسه ومازال ضايع لانه بكل مكان يتذكر جمانه فيه وهو على باله بيقدر يتحمل بعدها لدرجة اختار نفس مكان شهر العسل ليش !!! لانه للحين يحاول ينساها بالفندق من جلسوا بغرفهم عزام وحمزه مع بعض والبنات ونوريه وام حمزه مع بعض كلهم اتفقوا انهم يآخذون غرف منفصله عشان يآخذون راحتهم اكثر اتصل عزام بجمانه ,,, عزام : انزلي تحت انا باللوبي اسكت شوي وقال عندي حبيبة القلب جمانه : تصدق قمة بقلة الادب هذا اولا ثانيا بنزل بس عشان اشوف آخرتها معك طلعت من الغرفه والكلّ يسألها وهي ماترد على احد من القهر قابلت حمزه الي تخريط من شافها تمشي حمزه : هلا بأم الشيخ بس جمانه ولا كأنها تشوفه او تسمعه وراحت وتركته وسط استغراب حمزه منهــــــــــا نزلت باللوبي وهي تدور عزام اتصلت فيه ,,,, عزام : وينك انتي جمانه : انت الي وين !!! عزام يأشر لها : هذاني قدامك تعالي ,, سكرت جمانه وهي تقرب لهم والبنت معها المغلف الاحمر وتغطت على طول من شافت جمانه تقرب لهم من وقفت قدامهم ناظرت فيهم وطالعت بعيون المتفحص للبنت الي لابسه غشوتها جمانه : الحين يوم اقبلت تتغطين عني الاحرى تتغطين عن الي قدامك بس مو مشكله اكشفي بشوفكــــ البنت وخرّت غطاها عن وجا تأملتها جمانه وشهقت وهي تقول : تمـــــــــــــــاضر !!!!!!!!!!! &&&&&&&&&&&&&&&&&& انتهى البارت اتمنى يعجبكم ** هل بيتمّ هذا حال طارق مع الايام ** حمزه كيف بيتصرف بحبه لجمانه وليش عبدالله مااستغرب من حركة حمزه من جاء طاري جمانه وهو يفز قلبه يعني يعرف شي او لاااا !!!! ** عزام والبنت الي يحبها كيف عرفتها جمــــــــــــانه ,,, من تكون يعني !!!! ** حمزه للمره الثانيه كان يقصد جمانه او معقوله في بوادر حب لنورا توقعاتكم للبارت الجاي |
***************************
جمانه وقفت مذهوله تماضر مره وحده تعدتهم وهي تفرك بإيدها راحت وجلست بالكنبه وهي منزله راسها عزام استغرب شسالفه شهقت لما شافتها والين تروح ولا حتى سلمت عليها شالقصه !!! قرب عزام لها : جوجو شفيك فشلتيني ماسلّمتي و... قاطعته جمانه : انت الي بتفشلنا مالقيت الا هي تماضر !!!! عزام : شقصتك انتي تماضر وتماضر شعندك البنت كانت تطالعهم بنظرات غريبه خصوصا ان نظراتها حاره ومستحقره لجمانه عزام انصدم اول مره يشوف هالنظرات بعيونها يعني معقوله فيه عداوه سابقه بينهم !!! تقدمت البنت لهم وهي تقول : عزام انتظرك عند البحر وناظرت جمانه وهي تقول : عوافي جمانه وراحــــــــــــت !!! عزام : كذا فشلتيني عندها جمانه بصوت واطي : الله لا يعافيك يالـــــــ ....... عزام : كلميني ليش تبرطمين جمانه قامت : وخرّ عني تكفى لا تجيب لي جلطه مالقيت الا ذي مشت جمانه بسرعه وعزام طايره عيونه مايدري شقصتهم !! طارق على حلول الفجر طلع لغرفتهم وسميه من حست فيه غمضت عيونها هو سكر الباب وعلى باله وسميه نامت اخذ غطى له وبطانيته وراح للصاله حط الغطى وتلحف بالبطانيه وراح بسابع نومه من التعب وسميه كانت تحترق هذا هو حال طارق بكل ايامه تعيس هذا اقل وصف له يوم سعيد وعشره لا واليوم الي يكون فيه بقمة سعادته تكون جمانه هي ملكة فكره وباله !! ألم مابعده الم لما تحس المره ان زوجها تفكيره ونبض قلبه لوحده غيرها مهما كانت مطامعها تبقى مشاعر الانثى قويه وغريبه بنفس الوقت جمانه جالسه بغرفتها هي والبنات ولا هي لم احد فكرها سارح مع مين اكيد مصيبة تماضر الجديده معقوله تصير مصيبه جديده !! البنات كانوا يطالعونها ولا يتجرأون يكلمونها ولا حتى بحرف نورا تعرف ان السالفه فيها إنّا يعني هي بينها وعزام بس شصار ولا تتجرأ تسألها وبجمبها نهال دخلت نوريه على صيحة الشيخ استغربت جمانه تشوفه يبكي وتتركه قربت نوريه : شو فيكم جي شسالفه الصبي يبجي وانتم تطالعونه جمانه ولا هي هنا فكرها وبالها مع شخص ثاااني شالته نوريه وحضنته والتفت لجمانه : شو فيج جوجو جمانه انتبهت لها وهي تقول : نعم نوريه : نعم الله عليج بنتيه شو فيج جمانه : ولا شي نوريه : انزين بنسير للبحر الحينه قبل ماتغرب الشمس نقزت لهم نهال : جد والله من بيروح معنا نوريه : هيه والله ,,احنا وام حمزه يعني منو معنا بعد يالله بنسير طلعت منهم ونهال تقول : يالله بنسير ضحكت نورا وهي تلتفت لجمانه : يمه تراها تستهبل على امي نوريه جمانه كانت تضغط بجوالها ولا هي معهم نهال : لا امك مب معنا والا كان علوم عزام وحمزه كانوا نازلين قبلهم وجالسين عالبحر يعني الجو حار شوي بس ممتع اكثر عزام : حمزه شخبار طارق حمزه عدّل جلسته وهو يناظر البحر : شنو يابه على بالك الحين !! عزام : ولا شي بس بسأل عن حبيب اختي حمزه وجعته كلمة حبيب بس هاذي الحقيقه ومافي مفر منها حمزه : والله ماادري من يوم زواجه من ذيك النسره وانا ماادري عنه عزام : شفيها نسره يعني حمز : ياما عانى وياها طارق قبل كانت وياه بالجامعه وهو حبها وقرر يتزوجها اهلها حالتهم الماديه اقل بكثير من حالة اهل طارق من جذي اول مادخلت عليهم ورتهم نجوم الليل بالظهر كانت قاسيه شوي على الكلّ مهما ياب لها طارق ماتشوفه شي لين وصل كلام من ناس اقارب لأهل طارق تقول مايشتري لي شي وانه بخيل ومن واجه النسره اعترفت وقالت ان كل كلامها صج للأمانه جذابه طارق ماقصر وياها كانت وقتها حامل بطلال بس سبحان الله كرها صار يدش البيت ويطلع مايحاجيها لين انفجرت وطلبت الطلاق يمكن صار ردة الفعل عند طارق سلبيه وطلقها بعد مايابت طلال وافترقوا بعدها بأقل من شهور بدى علاقته بــــــ ..... كمّل له عزام : اختي جمانه هز راسه حمزه وهو يقول : للأسف ايه على اني ماكنت احب اختك بالبدايه كنت اعتبرها وحده مثل غيرها بتلعب بمشاعر الريال حنيت عليها بعد سالفة زواجها الجبري ومعاملة طارق الي اختلفت وياها صغيره وبغربه ياما قسى عليها ابو طلال سكت فجأه وهو يشوف امه والبنات جايين صوبهم طارق صحى الصباح انتبه وشاف جواله الساعه حوالي 11 الصبح فز من مكانه وهو ينادي على وسميه من دخل بالغرفه كسرت خاطره كانت فاتحه البلكونه وجالسه فيها طارق : جان صحيتيني قبل عشان نطلع كانت وسميه مقهوره متألمه مابغت تضيف شي تخاف تغلط وتزود النار وسكتت طارق : ام طلال احاجيج تكلمت وهي تعدل شعرها : شنو شسوي ييت متأخر بالفير قلت ابيك ترقد وتآخذ راحتك حس بالذنب وتقدم لها ومسك ايدها وهو يقول : ام طلال آسف صج اذا تحسين نفسج مو سعيده وياي هنا انفجرت وسميه وهي تبكي : انك تفكر فيها حتى بأحلامك عديتها انك مو ملقيني بال عديتها انك تتعب عشانها عديتها لكن تنام بالصاله ليش عارفه انك تتقلب مثل الي يتقلب عاليمر بس مو ذنبي والله لو انا عارفه انك تبيها لهدرجه ماظلمتك وظلمت نفسي ورجعت لك انت مو طارق ال.... سكتها طارق : خلاص وعد والله وعد اسعدج وقربها لحضنه وهو يقول : تستاهلين كل خير ياام طلال كانوا جالسين مع بعض وحمزه مستغلها يطالع بجمانه الي كانت تضغط بالجوال فجأه دق جوالها قامت من عندهم نوريه التفتت لنورا : شو فيها عمتج !! نورا كذّبت انها تعرف شي : ماادري اسأليها نوريه : ودي اصدقج لاكن ماكو فايده مثلها انتي وهالراس اليابس ضحكت نورا ورفعت راسها وهي تطالع حمزه الي عيونه متعلقه بجمانه موضي : ادق عليه شقول لا مب صاحيه انتي جمانه : الحين بتتصلين تكفين اخوي قطعه مني ماابيه تغشه هالتماضر موضي : مالقى الا هي تماضر الخبله ام اسكتت وهي تقول استغفر الله جمانه : تكفين ياام جوجو تكفين اخوي ماابيه يضيع تذكرين سوالفها ايام الثانوي انطردت من كذا مدرسه شكانت تسوي لنا وخصوصا انا والحين شلون بتكون مرة اخوي موضي : يمكن تغيرت طيب ماتدري جمانه : لو شفتيها بتقولين هاذي تماضر عمرها مابتتغير موضي : اي الله يآخذ هذاك الوجه جمانه : تذكرين شسوت لو الكلّ اغفر له مااغفرت لها وسامحتها عاللي سوته فيني موضي : خلاص لعيونك بتصل بعد عشر دقايق عشان اهلك مايحسون جمانه : الله لايحرمني منك يارب موضي : ولا منك كم جمانه عندنا الكبرى والصغرى وهي تضحك جمانه : تصدقين فيك حب الدنيا كلها موضي : يابختي جوجو راضيه علي اليوم جمانه : الا صح متى بتمشين للرياض موضي : صح النوم ياختي ان شاء الله بمشي بعد بكرى يآخذ فهد اجازه وبنروح جمانه : اها اوكي يالله تآمريني بشي موضي : سلامتك على انك وهقتيني بس زين بعلّي مو موجود جمانه تضحك : حلوه بعلّي موضي : اي ذكرت معلمة العربي ابلى فلوه جمانه : الله يرحم ايام اول يالله عن اذنك بروح ودقي انتي موضي : يالله سلااام رجعت لهم جمانه وجلست والكلّ مستغرب عن التحول الي صار فيها كان عبدالله بمكه متحمس لفكرة نزولهم لجده محمد : ها يبه جدتي والله موافقه تقول بنفسي اشوف يده ضحك عبدالله : يده اجل ,, خلاص بروح اتأكد من العجوز وننزل لهم دخلت هيله وهي تقول : عم الجده تبيك ,,, طارق كان يتجهز هو ووسميه بيروحون لجزيره هي قريبه لفينسيا بعد سبق انه راح لها هو وجمانه لجزيرة " بورانو" يمكن كان يبي يفتح صفحه جديده من حياته بدون جمانه بس هو حتى يصرّ يروح للأماكن الي فيها جمانه وذكريات جمانه وسميه هي المسكينه كانت فرحانه اهم شي حس فيها ولو جزء بسيط بتضل متعلقه بهالامل احسن من لا شئ قام عزام بعد ماشاف اتصال غريب ورقم سعودي بعد ابعد شوي مع نبض قلب جمانه الي يزيد تدخلت نوريه : شو فيهم عيالي كل شويه واحد يقوم يرمس بموبايله عزام : الو !!! موضي : السلام عليكم عزام : هلا وعليكم السلام والرحمه ,,, من معي ! موضي : انا اتصلت والله اني لك ناصحه وعشان ماتكذبني انا موضي الـــ عزام : صديقة جمانه !! موضي : اي صديقة جمانه عزام : هلا والله آمريني موضي : مايامر عليك عدو ببدى بالسالفه على طول بدون لف ودوران عزام : تفضلي موضي : بدون ماتقاطعني هذا اولا ثانيا انت تحب تماضر الـــ ,,,,, عزام : اي اكيد قالت لك جمانه موضي : اي قالت لي وليتها ماقالت انا انصدمت بقولك تاريخ هالتماضر العفن كانت وحده من اعز صديقات جمانه ولما تطلق امك وابوك راحت تعاير جمانه بالطلاق وفضحتها عند الكلّ كنت احذر جمانه منها بس انت ماتصدق لو بقولك انها انسانه حقيره بكل ماتحمله الكلمه كانت لها علاقات بشباب وبغت اكثر من مره تورط جمانه كل هذا بصوب والمصيبه الاعظم انها ممممممم شلون بقولها بس استغفر الله بس انها ....... جمانه كانت تتابع شكل عزام الي فجأه انصدم وجلس على وحده من الجلسات الي قدام البحر خافت على اخوها انه مايصدق عزام : مااصدق انتي تبين تتبلين عالبنت موضي : ودها للمستشفى وبكشفون لك انها اصلا مب سكتت وقالت مب عذرى عزام ارتفع ضغطه وقام وهو يقول: بروح لها بروح واذا جدّ هالكلام بذبحها انا تغشني انا !!! سكر السماعه وبسرعة الصاروخ انطلق لداخل الفندق موضي على طول اتصلت بجمانه الي استغربت وخافت على اخوها موضي : جمانه الحقي عليه لا يذبح البنت قامت جمانه وهي تقول لحمزه : حمزه بسرعه الحق عالولد لا يذبح البنت ماافهموا شي بس قالت :عزام تعال نلحق عليه وسط استغراب الكلّ بس حمزه انطلق مع جمانه وهو مايدري شسالفه دخلوا لبهو الفندق وراحوا يدورون عليهم لقوا تجمع وصرخات بنت !!!!! على طول انطلقوا للتجمع من تجاوزوا الكلّ لقوا عزام ماسك بشعر البنت وهو يقول كلمات من اقوى الكلمات والكلّ مستاء من الي يسمعونه عبدالله كان بذاك الوقت خلاها مفآجأه لعزام والباقين من اتصل بعزام مايرد وحمزه مايرد اتصل بنوريه نوريه : هلا ابو محمد والله ماادري شو سالفتهم اي ... عارفه ... صج ... تعال شف شسالفه ريولي مب شايلتني عشان اشوف شسالفتهم عبدالله كان قريب للفندق مع التاكسي ومحمد ولده دخلوا لواجهة الفندق وبسرعة الصاروخ انطلق محمد وعبدالله لأن السالفه باين وواضح انها كبيره حيل جلسوا يدورون مثل الي فاقد شي بس لمحوا منظر مب زين بنت تصارخ وتهدد بعيد شوي كان عزام وجمانه وحمزه الي يحاول يمسكه لا يذبح البنت تقدم عبدالله من العصبيه على الي سواه ضربه كف على وج من قوة الكف الي قريبين لهم اسكتوا لانهم مايدرون شسالفه وهذا من ؟؟؟ سكت عزام وتفآجا بجية ابوه من التفت شاف البنت وهو يعرف انه شافها قبل بس فجأة تذكر قال: انتي وش جابك بعد !!!!! هدت الامور بس كان عبدالله ومحمد عند ابو البنت الي منزل راسه عالفضيحه الي صارت لبنته وهو مسكين مايدري عنها بأي شي خايفين يرفع قضيه خصوصا ان الفندق او ادارة الفندق كانوا يقولون له اذا بيرفع عالولد قضيه الي فضح بنته جمانه من التوتر نست ان وجا مكشوف وهي جالسه تقرى على اخوها وواقفه فوقه حمزه كان منزل راسه بس فجاه اقبلت نوريه ومعها الحاشيه الباقين عزام : تكفى ياحمزه مالي خلقهم ودهم قام حمزه وهو يحاول يلّم الموضوع اكثر جمّع البنات وامه ونوريه وهو يوعدهم يقول السالفه لهم عبدالله يكلّم ابو البنت : بنتك غلطانه ليش تلعب على ولدي بس تأكد انها بتنفضح لو رفعت قضيه خصوصا ياابو تماضر انك رجل اعمال وانت خابر بيأثر على سمعتك بين الناس ابو تماضر : بذبحها سودت وجهي الله يسود وجا عن اذنكم بطلع من الفندق مالي بأرض اجلس فيه الا بشيل اغراضي وبرجع لندن عن اذنك بروح افهم امها السالفه لا تكذب زود علينا راح الرجال وقام عبدالله وهو يقول : محمد الحق على زوجتك والجده تركناهم ورحنا راح محمد عنه وهو مشى بإتجاه عزام عبدالله : غطي وجهك وروحي بجلس اتفاهم مع اخوك انتبهت جمانه من الحرّه الي تحس فيها وهي تحس بإنها طرف بالمشكله او سبب غطت وجا ومشت وهي رايحه لغرفتهم ,,,,, من دخلت الغرفه الكلّ اسكت وهي تشوف حمزه جالس معهم تبكي بس بصمت من القهر الي فيها على طول راحت للغرفه ولحقتها نوريه يعني هي ناقصه جمانه عشان تجي سالفة تماضر بعد !!!! ام حمزه : روح وانا امك لأبو محمد لا تهده لحاله بس فجأه سمعوا احد يطق الباب من فتحت نورا الا هو ابوها و امها والجده الي تحرطم عليهم عبدالله يحس ان كلمات الكون كلها ماتجي هالحين خصوصا ان ضربته بوجه عزام واضحه ولونها احمر لاول مره يمدّ ايده عليه حتى لما كان صغير ماكان يلمسه وعزام شنقول عنه الي باللوبي كانت عيونهم عليهم شسالفتهم خصوصا هالولد الي كان ينعت البنت بأبشع الصفات قام عبدالله وهو يقول : تعال بنروح البحر ابعد عن هالوجيه تقدم عبدالله بس قلب الابو كبير من شافه يميل بمشيته خاف عليه وسنده بإيده وهم يمشون سمع آذان المغرب عبدالله : الله واكبر تعال نروح للمسجد القرب من ربك بيحلّ كل المشاكل دخلوا المسجد وكان فاضي الا من كم شخص اتجهوا لدورة المياه توضوا راحوا يصلون ركعتين تهدّي نفوسهم شوي اقام الامام وصلوا عقبها طلعوا للبحر من جلسوا بدى عزام : يبه والله آسف بس عبدالله : لا تتأسف انا ضربتك واخذت جزاك بس ماكان المفروض يصير الي صار حتى لو حبيتها من كل قلبك شترجي من وحده تمشي بلندن بدون حسيب ولا رقيب وبدون ستر نسأل الله السلامه كل خوفي على ابوها لايصير فيه شي و انا والله كل جيتي عشان سالفه لأختك جمانه والقاك انت اردى من حالها ياولدي شفيكم قمتوا تخورون بالبدايه ماصارحتني بسالفة تماضر ماكنت اطيقها من ايام لندن بس ماكنت ابي اضغط عليك حبيت تكتشف سلبياتها بنفسك بس الحين مايفيد الكلام البنت ماطلعت عذرى لنفسها هالكلام عزام يقاطع ابوه : بس غشتني لعبت بمشاعري عبدالله : انا عارف انك حبيتها بس ليش مااخذت سالفة اختك كعظه لك ليش لازم تجرب عشان تتعض مشكلتكم ياعيال هالوقت تدورون الحب بأي مكان حتى لو كان الغلط ياولدي والله اني لك ناصح الحب مايجي الا عقب الزواج ليش ماتقتنعون بهالفكره كخليجيين لا نلعب على انفسنا مانعترف بحب قبل الزواج وهذا الصح قبل الزواج بيكون فيه كذب خداع من الطرفين ولو بشي بسيط لكن انكم تدورون عالحب وتنسون ان اهاليكم بحاجه لحبكم ياولدي مابي هالكلام ينسمع ويطلع مع اذنك الثانيه فاهمني اسكت من شاف حمزه مقبل وهو يقول :جاني الثاني الي بكلّمه بموضوع جمانه انا بشتغل لكم خطيب اليوم عبدالله : تعال ياولدي مانتب غريب قال هالكلام بعد ماشاف تردد حمزه حمزه حبّ راس عبدالله وسلّم على عزام وجلس معهم وهو يشوف التغير الرهيب بشكل عزام يعني شكله مرتاح على ان الكف للحين فيه آثاره عبدالله : يلا قم انت لامك وطمنها ورح لأختك الي انهارت اكيد تعرف حبها لك الله يهديك راح عزام والتفت عبدالله وهو يقول : قلت لعزام بشتغل لكم خطيب اليوم ابتسم حمزه وهو يقول : آمرني ياعم دخل عزام وهو ينتقل من حضن لحضن من جدته لامه لبنات اخوه بس تدخلت نورا وهي تقول : عم رح لامي جمانه والله ماسكتت دموعها من جت من عندك خلّها تطلع وتوسع صدرها مب ناقصه هي دخل عزام لجمانه الي كانت جالسه بسجادتها من انفتح الباب قالت : مالي خلق احد تكلّم عزام : ولا حتى عزاموه التفتت وقامت له وهي تبكي ولّوت عليه : يابعد عمري ياخوي يابعد عمري آسفه على الطريقه الي قالتها لك موضي مالقينا ابعد عنها عزام وهو يحط اصبعه على شفايفها يسكتها : خلاص عاد خلصت السالفه خلصت ابتسمت جمانه ولّوت عليه مره ثانيه وهي تكملّ صياحها ,,, حمزه انصدم كيف عبدالله عرف مشاعره عبدالله : والله ياولدي مابي مشاعرك تتعب وانت تتعب بالأول هي حبيبة صديقك وطليقته ومهما صار بيضلّ حبهم فوق كل شي غير ان موقفك عند صديقك بيكون بايخ ومب زين بنتي واعرفها ردت الي ماينعاب " يقصد الدكتور سعد " !!! بس كيف عرف السالفه !!!! ياولدي لا تعيش بوهم يمكن انك حبيتها من كل قلبك بس ماتنفع لك تبي لك بنت تحبك وتبادلك المشاعر انت رجال والنعم فيك بس مثل ماانت شايف حالتها بدون طارق وانا والله مااعافك ......... قاطعه حمزه وهو يحب راسه : والله ياعم عمري ماكنت افكر العب بمشاعرها بالعكس كلامك كله صح بس ولا يهمك بدفن هالمشاعر على اني ماكنت اعتقد فيه احد يحس بمشاعري تجاه جمانه عبدالله : الله يبارك بالبطن الي جابك خلاص ياولدي الله يعوضك باللي احسن من بنتي حمزه قام وهو يقول : اللهم آمين عن اذنك ياعم عبدالله : لا مافيه عن اذنك كلنا بنروح نتمشى عالبحر حمزه : لا والله ياعمّ ودي اتمشى مع نفسي شوي واراجع حساباتي من اول كان عزام جالس بالغرفه مع جمانه جاله صوت مسج المغلف عند الاستقبال مابي منك شي خذه والا احرقه بكيفكــ مسج من تماضر ابتسم عزام ومسحه وهو يقول بنفسه شين وقوة عين مسحه زي مامحاها من حياته !!! عبدالله كان يناظر البحر وهو يفكر بحال عياله الي بين امواج ولازم يساعدهم عشان يلقون انفسهم لازم يتصرف بشكل صحيح لا يضيعون من جديد ولا يتعامل زي ماتعامل قبل مع جمانه والي وصلّها لهالحاله هي وطارق !!! قطع حبل افكاره اتصال بس رقم غريب من رفع السماعه جاله صوت ناعم بس شكلها باين كبير !!!!!!!! &&&&&&&&&&&&&&&&& توقعاتكم للبارت ,,, ** كيف عرف عبدالله بسالفة جمانه مع الدكتور !! ** كيف بيكون حال كلا من : عزام ,, طارق ,, حمزه !! ** من الي اتصلت بأبو جمانه عبدالله وشكانت تبي !!! واحداث اكبر بنعرفها بالبارت الجاي |
يعطيك العااافيه حورااء ..
ومشكوررررررررررررررررررررررررررررررررررررين على التثبيت الله لا يحرمنا منكم يا اعز مشرفين .. تقبلوا تحياااتي .. |
يعطيك العااافيه حورااء ..
ومشكوررررررررررررررررررررررررررررررررررررين على التثبيت الله لا يحرمنا منكم يا اعز مشرفين .. تقبلوا تحياااتي .. |
يؤ يؤ يؤ يؤ يؤ يؤ ؟؟
نسخ .... لصق ... المره الجاايه ياكتب حقوق النشر محفوووظه .. |
مشكوره اختي على القصه
وبانتظار الاحداث الباقيه |
اقتباس:
|
اقتباس:
|
اقتباس:
|
| الساعة الآن 10:14. |
Powered by vBulletin® Version 3.8.7
Copyright ©2000 - 2025, vBulletin Solutions, Inc.
منتديات روعة الكون