منتديات روعة الكون

منتديات روعة الكون (http://roo3.net/vb/)
-   مــنــتــدى الــحــكــم والــقــصــص (http://roo3.net/vb/f17.html)
-   -   *لمني بشوق و أحضني....بعادك عني بعثرني* :_قصه روعه_: (http://roo3.net/vb/t76114.html)

noor 3ini 19-12-2007 10:15

(الجزء الثالث)

><في بيت محمد (عم ساره) ><
قال بدر لاخوه محمد :-والله ياهالراكان قاهرني
محمد :-شتبي فيه خله يولي
بدر :-ياخي ليه حنا ماحنا برخوم حتى مانقدر ناخذ حقنا منه
محمد :-يابن الحلال اخونا حمد ماقصر وطول هالسنين يحاول بس مافيه امل
بدر كان الحقد مالي قلبه ملي على الرغم من انه يشتغل مع اخوانه ومنعم الله عليه الا انه حاسد النعمه والنجاح الي راكان فيه ..
قال بعناد :-والله ليندم لو اروح فيه اعدام
محمد مو مرتاح لنوايا بدر
محمد بخوف :- بدر وش في راسك
كان بدر في عالم ثاني كله سواد في سواد وحسد وكره الخير للغير ..
التفت يم اخوه وقال :-بعدين بتعرف
محمد (يمكن يكون الين اخوانه ) :-بدر خف ربك
بدر (عيونه محمره) :-ليه ماخاف هو ربه
محمد :-استغفر الله
حقر اخوه وسكــــــــــــــت مارد عليه
[(((نبذه عن حياة بدر))) طبعا بدر اصغر عمام راكان عمره بالاربعينات فاشل في حياته العائليه تزوج كم مره وكلما تزوج زوجاته يتركنه ليه؟؟ لانه مدمن مخدرات سابق ومعاشر له شلة سرابيت (منحرفين عن الطريق المستقيم) سابقا وحاليا عنده ولد وبنتين وعياله بحضانه امهاتهم لانه مو مؤهل يربيهم بسبب تعاطيه سابقا وسنترته بقسم الشرطه دوم وخصوصا انه انسجن مره مدة خمس سنوات بسبب ضربه لواحد ضرب كان بيوديه للموت لولا ستر الله ، طبعا لولا اخوانه ضامينه عندهم بالشركه وحاطين عيونهم عليه ولا كان انطرد من الشغل وجلس بدون شغل وبدون راتب نقدر نقول انه لو يحط باله بشغله ممكن يمشي حاله لكنه الي براسه حقد دفين على راكان ،لانه لو ورث الورث كان ما بحياته اشتغل وتعب نفسه ثاني شي نظرة راكان له في المناسبات تقهره نظرة غرور ونظرة ثقه هو بنفسه يفتقدها ..يحس حياته مالها معنى ولاطعم وخصوصا انه رجع يتعاطى بس الي بقلبه وبسبب كلام اخوانه عن هالشي دوم وخصوصا ابو سعد (ابوساره)]
وقف ووقف معه محمد الي قال :-بدر عن حركاتك ياخي جننتنا الي كبرك عيالهم بالثنويه
ناظر اخوه وضحك ضحكة استهزاء قال وهو طالع يمشي :-جربتوا طريقتكم خلونا الحين اجرب طريقتي
صرخ محمد :-بدر
بدر قال يصارخ اكثر منه :-في صدري نار لازم اطفيها
محمد (يحاول يقنعه) :-ياخوي النار هذي بالاخير راح تحرقنا كلنا
بدر (مصمم وشايف الي يسويه صح) :-تحرقنا ماعندي مانع بس هي تطفي
محمد :-بدر
لكنه طلع وركب سيارته ومشى بسررررررررررررررررررعه
تورط محمد ، طلع جواله
"الو "
ابو سعد :- نعم
محمد :-ياخوي مصيبه
تافف ابو سعد :-لاتقول بدر
محمد :-ايه
ابو سعد :-لاتقول راكان له دخل بالسالفه
محمد :-الا ياخوي يبي يذبحه
طاحت كاسة الشااهي الي بيد ابو سعد :-هاااااااااااااااااااااه
محمد (من جد بدا يخاف ) :-الي سمعته ياخي تو كان عندي وجلس يهلوس شكله رجع للمخدرات
ضاق خلق ابو سعد ناقص هو اخوه الي يتصرف مثل المراهقين :-لاحول تهقاه وين راح
محمد :-علمي علمك
ابو سعد :-طيب يالله ناقصين مصايب حنا
محمد :-مقدر اجلس انا بروح لراكان
ابوسعد :-انهبلت انت
محمد :-بوقف قريب من شركته عشان لاجاء اخوك اعرف امسكه
ابو سعد :-طيب ببلغ السكيورتي يدورونه
محمد :-نعم الراي
وسكر
*
&
*
><في بيت احمد><
جلس احمد وضغطه مرتفع من الحاله القشرا الي هم فيها ..من اسبوعين وحالتهم حاله سعاد ماتجلس معه ابد بس تصد عنه وماحطت عينها بعينه
من بعد الموقف الاخير الي صار بينهم
الحين من المفروض يزعل هو ولاهي !!
هز راسه وهو يوقف يتمشى بالبيت الخالي ، صدودها مو زعل لا صدودها انكسار والم تحاول تخفيه بس مافيه فايده لانه متجلي على وجا
مل من الفرفره بالبيت لازم يواجا ولا بيموت او يصير له شي ، اهتمامها به ورعايتها له يوم كان مريض اكيد تخفي تحتها شعور له لو كان صغير اهم شي هناك امل له معها ، امل انها تحبه
لو على نفسه كل يوم يمر حبها يزيد يقلبه ، وش يسوي الي يحب مايعرف يكره ابد
وليه يكرا مافيها شي ينكره
تذكـــــــــــــــــــــــــــر
تصرفها مع رنا يوم جت بيتهم وهم مالهم 3 ايام متزوجين لو وحده غيرها قلبت الدنيا على راسه لكن لا هذي سعاد استقبلتها احسن استقبال وقفت جنبها بوقت امهم خذلتهم كلهم ..
كانت صبوره حنونه متفهمه ..وماقصرت مع رنا بشي ..ساعدتها في تجهيزات زواجها من الالف للياء
اما معه هو
..سهرت معه والي سوته ماتسويه وحده تكر حتى مع فكرتها انه خاينها ماقصرت وتصرفت احسن تصرف حتى طاب وقدر يقوم منها سليم معافى ..
جاء بيطلع غرفتها وبينهي الخلاف الي بينهم لانه مو قادر يتحمل الصـــــــــــد اكثر من كذا
الا وجواله يدق ..كان بيجحد لكنه كان رقم رنا ..:-هلا
رنا :-هلا بحمودي
احمد :-اهلين رنو كيف الحال
رنا :-بخير يالغالي
احمد :-غريبه داقه
رنا :- تصريفه حلوه
احمد :- لا مو تصريفه بس لانك مكلمتني قبل ساعتين
رنا :-لقيت نفسي فاضيه قلت اكلمك
احمد :-احلفي يالله انتي فاضيه غريبه وقيس ليلى وينه
رنا :- فهد رنا لو سمحت
احمد :-الي هي به اخلصي رجلك وينه
رنـــــــــــا :-فهد برى
احمد (مسوي فيها معصب) :-لا والله ليه يتركك امحق ---------------
رنا :-ه على هونك بيدخل السياره المواقف وبيطلع
احمد :-كنتم برى
رنا :-ايه كنا ببيت عمي
احمد :-بيت عمي
رنا :-ايه رحنا نشوف عمتي ام سعود
انخرش احمد :-علامها
رنا :-ماعندكم خبر
احمد :-لا
رنا :-عقب زواج سعود ارتفع عليها السكر وطاحت عليهم
احمد :-افـــــــــــــــــــــا
رنا :-تنومت بالمستشفى وعدلوا السكر عندها وطلعت اليوم
احمد :-زين علمتيني بروح اعلم سعاد ونروح لها
رنا :-يكون احســــــــــــن
احمد :-يالله سلام
رنا :-مع السلامه
سكر الجوال وطلع الغرفه بسرعه ..
×
؛
×
كانت سعاد جالسه في وسط سريرها تفكر وتفكر اصلا ماعندها الا التفكير بما انها مضربه عن الجلوس مع احمد ماتقدر قلبها مايطاوعها ماتقدر الي سوته فيه موهين الي سوته ماتسويه وحده غبيـــــــــــــــــــه مره ..
ياربي من الغلطان ...؟؟
هزئت نفسها انتي الغلطانه لاترمين بلاك عليه ..هو عمره ماقصر معك بشي بالعكس حفت رجلينه وهو يخطبك انتي الي كنتي عنيده وراسك يابس وغبيه
اول مره عذرك -------------->>ما ابي اربطه كم سنه معي حتى اخلص جامعه عشان مايندم بعدين على انتظاره لي لين اتخرج
ثاني مره عذرك----------------->>الخيانه وبالاخير طلع يكلم اخته الصغيره
نزلت دموعها غصب..
وهي وقفت اصلا .. القهـــــــ والندم ـــــــــر محرقينها احراق ..!!
دق باب غرفتها ،
غمضت اكيد الشغاله جايبه لها العشاء..ناظرت في الساعه لقت تو بدري على العشاء
قالت :-ادخـــــــــــــــــــــــــــــــــل
دخل احمد غرفتها طلعت عيونها قدام اخر من توقعته بيدخل ويجي يشوفها هو احمد
وقفت بدون شعور .تعلقت عيونهم ببعض ..
قال احمد وهو يتماسك :-ماودك نطلع من البيت
انصدمت سعاد
وقالت :-وين
احمد :-عازمك على العشــــــــــــاء ويمكن نمر بيت عمي تشوفين الاهل قبل
استانست سعاد وقالت بهدوء :-طيب
مسك عمره لا يروح لها ويرفع راسها عشان ترجع تناظره ..زين مو نظره عابره بس
احمد :-يالله بروح اصلي العشا وبرجع الاقيك جاهزه
طلع من غرفتها اسرع من الرصاصه لانه لو طول عندها دقيقه جت علوم ..
جلست سعاد مو مستوعبه شي
لكنها قامت وبدلت ملابسها وكشخت...
نزلت لقته توه واصل من المسجــــــــــد
تعلقت عيونه بها ووصل قلبه لحلقه ..
قال يضيع تفكيره باي شي :-جاهزه
هزت راسها
وطلعوا ....
قال لها وهو بالسياره :-بنروح بيت عمي الحين
سعاد :-طيب
بعد ربع ساعه وصلوا ....
نزل احمــــــــــــــــد ونزلت سعاد من السياره ودخلوا
قال احمد :-بروح المجلس
ودخل المجلس اما هي دخلت البيت ...
لقت الماس وهنادي ومنال جالسات وامها معهن وسوالف وضحك
منال :-سعوووووووووووووووده
التفتن البنات ...ابتسمت سعاد :-وش هالجمعه الحلوه
الماس :-هلا وغلا والله وش هالزياره الحلوه
سعاد :-طواري
سلمت على امها ..
سعاد :-كيفك يالغاليه
امها :-بخير يمه مدامكم بخير
سعاد :-دوم يارب
الا وبنزله سعود من غرفته ، انهبلت سعاد والتفتت لالماس وابتسمت لها الماس وهي تغمز ..
تفاجأ سعود بوجود سعاد :-اهلين حرم احمد مسيره علينا
سعاد :-ه اهلين سعودي كيفك
سعود :-بخير انتي شخبارك
سعاد :-بخير
سعود :-شلون احمد
سعاد :-بخير على فكره تراه برى بالمجلس
سعود :-بروح له
ومشى بيطلع اما الماس لحقته عند الباب
الماس :-سعود
سعود :-عيونه
ابتسمت :-تسلم العيون وراعيها
سعود :-آمريني يالغاليه
الماس بهمس :-تو عمي دق علينا وجاي بالدرب
سعود :-طيب
الماس :-ان شافك جت مشكله
سعود :-ايه فهمت
الماس :-اوكي (كنها حزنت شوي)
مسكها قبل لاتروح وقال لها يهمس :-مافيه بوسه قبل لا اروح
ولع وجا ..الا وبجية سعاد :-اقول يا اخوان فيه جمهور جالس هنا ومتمتع بالي يشوف بس لو سمحتم رجلي برى ماعنده احد
سعود (يمزح) :-والله المشكله يالله بروح له
التفت لالماس وقال وهو يبتسم :-نكمل كلامنا الليله
انجنت الماس من الفرحــــــــــــه الليله بيكون موجود عندها ..
وطلع
مسكتها سعاد وسحبتها فوق على طول
قالت الماس تضحك :-قطعتي يدي شوي شوي
سعاد :-ه وش السالفه والله مو فاهمه وين الشينه
الماس :-ه بالفندق
سعاد (مو مصدقه) :-ه مو معقوله
الماس :-والله
سعاد جرتها ودخلن غرفة هنادي :-علميني بكل شي من الى
الماس :-قبل كل شي بشريني عنك
ابتسمت سعاد :-اليوم احمد غريب نوعا ما
الماس :-كيف
سعاد (هزت كتوفها حيره) :-مدري بس نظرته لي غير تكهرب جسمي منها
الماس :-ه اموت على الوصوف
حمر وجه سعاد وقالت (مسويه معصبه) :-يالله ماعادني بمعلمتك
الماس :-ه خلاص ماعاد بمعلقه بس كملي
سعاد :-ولاشي طلع احمد برئ ومايكلم والي كلمها ذاك اليوم كانت تهاني اخته
انصدمت الماس :-هاه
سعاد :- هو قال لي هالكلام وماصدقته قلت يرقع السالفه عندي لكني سمعته يسال رنا عن الي كلمه بليلة ملكتنا وقالت له رنا تهاني
حطت الماس يدها على فمها :-يا الله
نزلت سعاد راسها :-اغمي علي من بعدها ماقدرت احط عيني بعينه
الماس :-طيب شردة فعله
سعاد :-من بعد ما اغمي علي ماتكلمنا في شي عشاني انشغلت بعرس رنا بس ---------
الماس :-ايه
سعاد :-في حفلة دانه كان محموم مره وسهرت معه ولما صحى والحمى عليه قال لي كلام ماراح انساه بحياتي قال لي (((من وانا وعمري 15 سنه وانا احلم باليوم الي يجمعنا صديتيني مره واثنين وثلاث لكن ما ان يروح زعلي وقهري الا وارجع لحبك ذليل )))
الماس دمعت عيوني
وكملت سعاد ودموعها تنزل :-حلفت ميت يمين ماتزوج غيرك لو ماصرتي من نصيبي ياليتك كنت تحبيني ياليت
ضمتها الماس بقوه وقالت وهي متأثره حيل :-سعاد اصلحي امورك تمسكي برجلك
سعاد :-اخ يا الماس والله انه كثير علي
عصبت الماس :-وش هالكلام الفاضي
سعاد :-طلبت الطلاق
شبت الماس ضو :-صاحيه انتي
سعاد :-لا تعصبين قال لي بعضمة لسانه طلاق ما اطلق
الماس (معصبه) :-لة معطيك طراق احسن بعد
ابتسمت سعاد
مسكت الماس يدها وقالت :-سعاد انتي تحبينه وهو يحبك الي سويتيه معذوره فيه مافيه بنت تتزوج رجال يخونها في ليلة ملكتها وخصوصا لو كانت تحبه لان جرحه بيكون اعمق واخطر والحمد لله انه يحبك كافحي انتي غلطتي مره لاتغلطين مره ثانيه
اقتنعت سعاد بكلام الماس ...ورجع لها عنادها وتصميمها الي تخلت عنهم من يوم ماتزوجته وحبت الحياه معه على كثر ماكرهتها بسبب سواياها فيه ..
قال الماس :-من علمكم عن عمتي
عقدت سعاد :-حواجبها عن امي
الماس :-ايه
سعاد :-مافهمت جاني احمد غرفتي وقال انه عازمني على العشا بس بنسير عليكم
ابتسمت الماس وقالت تستهبل :-مالت عليك من بنت لو وحده غيرك تمسكت فيه باظافرها واسنانها عمتي طاحت علينا بسبب السكر وطلعت اليوم من المستشفى
انهبلت سعاد :-ايش
الماس :- والله
سعاد :-ماقال لي شي
الماس :-مايبي يخرعك يالخبله شفتي شكثر يحبك
تأثرت سعاد ونزلت دموعها :-فديته والله
الماس :-ياعينــــــــــي يالحب
ناظرتها سعاد :-اخ يا الماس يوم تزوجني غصب توقعته بيذلني مذله ماوراها مذله حتى هو قال لي كذا بس تصرفاته غير
الماس :-يتالم ياسعاد بسبب الي صار له بس حبه لك يمنعه من انه يضايقك بأي شي ..
سعاد :-الله لايحرمني منه
الماس :-امين
دخلــــــــــت هنادي غرفتها لقت البنات فيها
قالت تستهبل :-لا والله غرفتي صاله يوم جالسات فيها
الماس (تخف عليها) :-نحبك شنسوي
سعاد :-ه
هنادي :-ه غبيه انا تلعبين علي بكلمتين بس مع كذا ثانكيو احد لاقي في هالزمان احد يقول له كلام حلو لو نصب
الماس :- خبله
هنادي :-على طاري الخبال قمير وعمتي تحت
الماس :-والله
هنادي :-يس
سعاد :-وين ماماتي
هنادي :-بغرفتها تصلي العصر
قالت هنادي لالماس :-ترى سلطان هونا
الماس :-زين علمتيني بروح اجيب غطا وجهي
وطلعوا البنات ..
الا هنادي جلست تصلي العشاء بغرفتها..
÷
÷
سلمت سعاد على ام خالد وقمر
قالت ام خالد بخوف :-شخبار امك ياسعاد يوم قالولي جيت بسرعه
سعاد :- والله انا مثلك ياعمه مادريت الا قبل شوي
ام خالد :-ه بعد
قمر :-ماتشوف شر ان شاء الله
سعاد :-مايجيك
دق جوالها الينه رقم سلطان ابتسمت سعاد :-هلا
سلطان (يتمصلح) :-هلا بوخيتي الحلوه
استاذنت سعاد وطلعت من الصاله
سعاد :- مصالح شتبي
سلطان (مسوي برئ) :-حرام عليك انا مصلحجي
سعاد (كاشفته) :-علينا
سلطان :-ه ابي خدمه منك
سعاد :-لعنبو ابليس قل تعالي بسلم عليك
سلطان :-ه بعدين انتي مرتزه لي دايم ومتى بغيتك رحت لك لكن فيه ناس شوفهم مثل الحروه من وين لوين
سعاد :- اخلص طيب
وجلس يعلم سعاد بخطته ..
سعاد :-ه خطه ميه ميه
سلطان :-موافقه
سعاد :-ايه احمد ربك لو هنادي كان طفرتك
سلطان :-نسيتي اللاب توب الي اخذتيه مني
سعاد :-يووووووووووووووه مانسيته انت
للحين
سلطان :- لا بس المهم لا تتاخرين
سعاد :-طيب
رجعت سعاد لام خالد وقمر ..
قالت سعاد بنبره عاديه :-قمير شبلاك مستحيه هنادي مختفيه من اليوم روحي شوفي وينها حتى منال مدري عنها
قمر :-اخاف فيه احد بالبيت
مسكت سعاد نفسها :-مافيه احد سعود عند احمد فهد في بيته وسلطان ماجا من برى للحين
ارتاحت قمر ووقفت وهي تعدل البنجابي الهندي البيج والبني الضيق الي لابسته ...وطلعت الدرج تشوف وين البنات ..
اول ماوصلت لراس الدرج ..ومشت خطوتين الا وصوت :-اخ ياحي هالوجه
انهبلت قمر والتفتت لين سلطان جالس في الصاله الي على اليمين ...
جاء يمشي وقال وهو يقزها :-شخبار الغاليه
ولع وجه قمر :-بـ...بـ..بخير
ابتسم سلطان من وجا المولع :-دوم يارب
تشجعت وقالت :-وانت وش اخبارك
انهبل سلطان اول مره تعطيه وجه وتساله عن نفسه ، شافت قمر ملامحه وشوي وتفطس من الضحك حتى هي مستغربه من نفسها هالسؤال ماتدري ليه بس قلبها بدا له يميل ..
قال بوله وهو يمسك يدها :-بخير مادامك انتي بخير
وكمل :-شدعوه ماتدقين علي ولاشي
قالت وهي تناظره :-اخاف ازعجك
سلطان :-افا تزعجيني من قال هالكلام
الا وهنادي ناطه عليهم ....
استحت قمر اما سلطان جلس يتحلف في هنادي ...عرفت هنادي انه بيذبحها الا وبجية منال وكملت عليهم ...
فطيت هنادي من الضحك ..
اما منال الخبله جت بسرعه وضمت قمر وجلست تسلم عليها مسكها سلطان وبعدها عنها وقال :-ماصار ذا سلام
ولعت قمر من كلامــــــــــــــــه
قال يهمس لها :-الحين حلال عليهم حرام علي
سحبتها هنادي وقالت له :-حرام عليك احترقت البنت من الحيا
قال سلطان :-من قلب اشوف فيك يوم ياهنادي
هنادي :-آآآآآآآآآآآآآمين
منال :-ه الحمد لله خبله
التفتت قمر له وقالت غصب عنها :-مع السلامه
انهبل سلطان شوي ويموت من الفرحه ..قمر بدت تتعود عليه شوي شوي ..وهذا شي مفرحه بما انه محبط لانهم ماراح يتزوجون الحين
×



×


÷


×


×


÷




><في بيت راكان ><
طلعت دانه من المطبخ وبيدها صحن حلى مسويته لان هوايتها هي والخاله مريم التقهوي واكل الحلا في كل وقت
ولما وصلت الصاله الي كانت فيها ام راكان والخاله مريم
قبضها قلبها ووقفت محلها ..مشت شوي الا والصينيه طايحه من يدها
جبصت مكانها ..
جتها الخاله مريم بسرعه :-بسم الله عليك يمه شفيك
دانه :-مدري يمه قلبي يعورني
الخاله مريم :-تعوذي من ابليس
قالت بخوف :-اعوذ بالله من الشيطان الرجيم
نادت الخاله مريم الشغالات ونظفن المكان اما دانه على اعصابها وترتجف
ام راكان :-بسم الله عليك يمه الرحمن الرحيم
دانه ماتتكلم ولا تتحرك ولاشي بس جامده مكانها ..جابت لها الخاله مريم مويه بارده وشربتها وكأنها احسن ..
،
،
،
ناظر راكان في ساعه يده لقاها على وشك وتجي تسع تاخر مره على البيت رتب اغراضه وسكر لاب توبه ونادى الفراش وعطاه له يدخله بالسياره ..الي بموقفه الخاص الي قدام الشركه
اخذ الفراش الاغراض ووداها السياره ..وقف راكان وزين شماغه واخذ جواله بيده
وطلع مشى باسياب الشركه الطويله ووصل الاصنصير ونزل ...
مشى لين وصل البوابه القزاز الكبيره الي تطل على شارع مزين باشجار مقصصه زين ومرتبه ..من حسن حظه ان موقع شركته استراتيجي وحلو
طلع من البوابه ورد السلام على الحرس ..وصل سيارته الي كان الفراش مشغلها له وقبل لايركب لفت انتبا قارورة عصير كبيره مكسوره بوسط الشارع ترك باب سيارته مفتوح
وقال وهو يكلم نفسه :-حرام عليهم مايدرون انه ذنب يخلون الضرر بدرب الناس يالله خلنا ناخذ حسنه
فيما جاء عن الرسول صلى الله عليه وسلم [اماطة الاذى عن الطريق حسنه]
طبعا في الج الثانيه من الشارع بعيد شوي كان عمه بدر مسنتر له ساعتين ..شاف راكان وهو طالع من الشركه وشغل سيارته والحقد معميه
وجته فرصتـــــــــــه لما شاف راكان يمشي لنص الشارع ...
مشى بسيارته ..ولما مابقي بينه وبينه الا كم متر دعس على البنزين
رفع راكان رساه كان الوقت فات عشان يقدر يتراجع بس يبي يشوف من هذا الي تعمد صدمه بالسياره وياللمصيبه طلع عمه اخو ابوه
صدمه بالسياره وقبل لايطيح مرة عليه صور حياته من يوم ماهو بطفل لايوم ماكبر ...
والاهم مره عليه صور امهاته ...وحبيبة قلبه دانه
دانــــــــــــــــــــــــــــــــــه
بياكلونها عماني بالحيا لامت ...
كيف بتعيش وش بيصير لها ولامهاتي ..حتى محمد مو موجود واقدر اتطمن عليهن
شوي شوي الا ويحس بالم قاتل يلف جسمه كله ..
حس بخدر
حس بالموت يبتسم في وج
والاهم
حس بقهر لانه ما امن حياة من يحب في وجيه اعداءه
وطاح راكان والدم ينزف منه بشكل مخيف مره ...
بدر جمد في سيارته وماتحرك ..
الحرس والموظفين الي طالعين جوا يركضون بسرعه لراكان ...الي كان طايح غرقان في دمه .
اما بدر الي تو حس على دمه شغل سيارته وانحاش..
في غضون عشر دقايق امتلى الشارع بسيارة الاسعاف والشرطه والموظفين والحرس والكل خايف وعلى اعصابه
نقلوا راكان للمستشفى اما بدر عمموا عن رقم سيارته الي لقطوها الحرس وجاري البحث عنه ..
محمد كان توه واصل بيكمل مراقبته للشركه وشاف الدنيا قايمه قاعده قرب مره وتلثم وسال واحد عن الي صار وقال له :-الشيخ راكان صدمه واحد بسيارته وهج
انهبل محمد وقال بخوف :-كيف حاله لايكون مات
الولد :-ماندري بس مغمى عليه وينزف شف دمه
ناظر محمد المكان الي اشر عليه الولد وشاف الدم وراح لسيارته يمشي مو حاس بالي حوله ..
جلس ومسك جواله بيد ترتجف ....
الوووووووووو
محمد :=حمد الحق اخوك ذبح راكان
حمد انصدم مره ماتوقع جديه بدر :-لاااااااااا
محمد :-الا الدنيا مقلوبه عليه وولد اخونا بالمستشفى
حمد :-تعال بسرعه لا احد يشوفك
محمد :-كيف اجي وراكان
حمد :-عن المثاليه بدر كشفوه واكيد بيربطونه بنا تعال لايشوفك احد نروح فيها
محمد :-طيب
سكر الجوال وراح لاخوه ....
،
،
><في المستشفى ><
دخلوا راكان الطوارئ بسرعه وكان ثوبه كله دم وشكله شوي ويصفي دمه من قو النزيف .
دخلوه على طول العمليات ..
قال الدكتور :-عنده نزيف داخلي بسرعه لازم نوقف النزيف ولا راح من بين يدينا
وفعلا دخلوه العمليات ...
،
في نفس الوقت شبت دانه ضو من الخوف وصابها شي مثل الهستيريا ..
والي جننها ان لها نص ساعه تدق على جواله ومقفل
وامهات راكان يهدنها لكن بدال ما يهدنها صارن مثلها خايفات موسوسات وحالتهن حاله ..
،
قال الطبيب قبل لايدخل العمليات :-كلموا اهله لازم يتواجدون
الاستقبال :-جواله مكسر بفعل الحادث
الطبيب :-هويته طيب او اوراقه
الاستقبال :-موجوده هويته وعرفناه ممكن نتصل بمقر عمله يعطونا ارقام اهله
الطبيب :-سووا الي عليكم العمليه ماتحتمل تاخير وراح نعملها بس بلغوا اهله في حال انتكس ولاشي يكونون موجودين
الاستقبال :=ان شاء الله
دقوا على الشركه ...ورد الحراس ..
الاستقبال :-الو السلام عليكم شركة (----------)
الحارس :=نعم
الاستقبال :-معاكم مستشفى (------) ياليت لو تعطونا ارقام المعننين بمدير شركتكم راكان بن عبد الرحمن نحتاج وجودهم
الحارس :-والله مااعرف ارقام اهله بس اعرف البيت ممكن اروح واخبرهم
الاستقبال :-ياليت ياخوي حالته ماهي بمطمنه ونحتاج لاهله ضروري
الحارس :-ابشر
وبسرعه طلع الحارس بيت راكان الي يعرف مكانه زين
،
،
،
دق التلفون الخاص ببوابه بيت راكان وردت دانه بسرعه :- الو
الحارس:-السلام عليكم
دانه :-وعليكم
الحارس :-ياطويلة العمر فيه موظف من شركة الشيخ راكان يبي يكلمك برى ادخله
طاح قلب دانه وقالت بهستيريا :-ايه دخله بسرعه
طلعت غرفتها بسرعه البرق ولبست عبايتها وغطت وجا ونزلت
امهات راكان :-يمه شفيه خوفتينا
دانه :-فيه موظف يبيني من شركة راكان
امهاته :-خير يمه لاتخترعين يمكن الاتصال خربان عندهم ،ومرسل لك الرجال يطمنك
ماردت دانه وطلعت تنتظر الرجال برى ..
بعد ماسلم قال :-الشيخه العم راكان صدمته سياره وحالته حرجه ويبونكم بالمستشفى
الحارس صغير السن عشان كذا ماعرف يعالج الموقف صح ولاعرف يعلمها بطريقه احسن من دفاشته ذي
دانه (تخدرت كل اطرافها ) :- حادث
الا بطلعة امهاته الي مسكنها قبل لاتطيح ؟؟؟
قالت الخاله مريم :-رح قل لهم يجهزون السياره
وراح الولد يركض..
ام راكان بتموت خوف :-يمه علامه راكان
كانت دانه تبكي من قلب :-صدمته سياره وهو بالعمليات وطالبين وجودنا
امه :-يارب لطفك يارب
ووصلت السياره ...
وعلى طول للمستشفى..
في الطريق كانت دانه منهاره وحالها مايعلم به الا الله ...
،
،
دخلن الطوارئ بسرعه ...
قالت دانه للاستقبال :-حنا اهل راكان ...كيف حاله
الرجال :-راكان بن عبد الرحمن
دانه اعصابها تلفت وترجف والدموع ماليه غطاة وجا :-ايه
الرجال شاف حالها ورحمها :-استريحي اختي توه بالعمليات
قالت دانه :-علمني وش الي صار
الرجال :-والله ماعندنا خبر الي عرفناه انه مصدوم والطبيب معه الحين وكلي امرك لله
مسكتها الخاله مريم من ورى واخذتها :-تعالي يمه اجلسي ..
مشت دانه بلاشعور وجلست ..
ماتدري كم مر من الوقت
الا وشاب متوسط الطول وملامحه شديده يكلمها
ناظرته :-نعم
قال الشاب :-انتي زوجة راكان
دانه :- ومن تكون انت
الشاب :-انا محمد -------
وقفت دانه وقالت من قلب :-هلا محمد الحمد لله ان ربي جابك انا ماني عارفه اتصرف ولاني قادره اعرف شي عنه
قال بحنان :-اهدي التوتر ماينفع توني واصل من المطار الا ويكلموني يعلموني كيف حاله
بكت دانه :-مدري للان بالعمليات
محمد :-شرايكم اوصلكم للبيت ---------------
عندت دانه :-لا بجلس هنا
محمد قدر شعورها :-براحتك
وكمل :-بروح اشوف الاوضاع وبرجع
جلست دانه ..واعصابها تتوتر اكثر ناظرت ساعتها ..صار لهم ساعه وماجاهم خبر للان
بعدها بربع ساعه جا محمد ووج متهلل ..
ماقدرت دانه توقف لان حيلها مهدود ...
محمد :-ابشركم تعدى مرحلة الخطر
راح الضعف بلمح البصر ووقفت دانه :-وش الي فيه
محمد :-الي فهمته من الدكتور ان الصدمه جت على عضو الطحال والحمد لله ان الطحال بالامكان الاستغناء عنه عشان كذا اضطروا يزيلونه لانه متفتت من الصدمه وقدروا يوقفون النزيف
انهارت دانه ومسكها محمد قبل لاتطيح ...خافن امهات راكان الي كانن المسكينات بحال مايعلم بها الا الله ...مسكت الخاله مريم دانه من محمد الي استدعى الممرضات ونقلوها لغرفه خاصه ..
فحصها الطبيب وقال الي عندها انهيار عصبي ...
ولازم ترتاح على الاقل كم ساعه..
لكن دانه ما ان صحت الا وتلقى الخاله مريم جالسه معها (طبعا ام راكان رجعت البيت لانها تعبت من الجلوس طول الوقت) قالت :-يمه راكان------------
ابتسمت الخاله مريم :-راكان ابشرك بخير وصحى قبل ساعه من البنج وسأل عنك
بكت دانه غصب وزاد بكاها بدخلة امها وابوها وقمر
ضمتها امها :-بسم الله عليك ياقلب امك
سلموا على ام راكان (مريم)
قال ابوها :-احمدي ربك يبه عدت على خير
قالت دانه :-حامدته وشاكرته
ضمتها قمر وجلست تبكي معها ...
تازمت قمـــــــــــــــــــر الحياه ليه كذا ليه ماسي ...الماس من صوب ودانه من صوب لمتى بيرتاحن ..متى
الحب الزواج ....كلها دروب تمهد للالم ...
غمضت عيونها وضمت اختها المنهاره لصدرها ...
قالت دانه :-بشوفـــــــــــه
امها :-يمه غرفته كلها رجال يزورونه
دانه :-شعلي فيهم هذا زوجي انا اهم منهم كلهم
شوي الا وجوالها يدق...
"الو"
محمد :-هلا يازوجة الغالي كيف حالك الحين
دانه (ماتدري كيف توفيه حقه) :-بخير ياخوي الحمد لله
محمد :-الحمد لله تامرين بشي قبل لا اسكر
دانه :-ابي ازور راكان تقدر تفضي لي الجو
محمد :-اعتبريه صار برجع ادق عليك
دانه :-ماتقصر
محمد :-سلام
دانه :-مع السلامه
امها :-من هذا
دانه :-هذا يمه صديق راكان الروح بالروح من يوم ماجينا وهو معنا وماقصر عنا بشي حتى منع دخول الصحفيين المستشفى والله اني مادري كيف اشكره
امها :-ماشاء الله عليه ..طيب ليه ما اتصلتي علينا
دانه (تعبانه موت) :-يمه انا ما كانت عندي القدره اني افكر بشي ومحمد داقين عليه الموظفين وعشان كذا جانا المستشفى
امها :-الحمد لله على كل حال كفاره ان شاء الله
دانه :-ان شاء الله
*************
*******




noor 3ini 19-12-2007 10:20

(الجزء الثاني)

><بيت ابو سعود ><
كان نوم الماس البارحه زفت سعود وعدها انه بيجي باليل لكنه اخلف وعده
حست بقهرررررررررر ماينوصف لكنها التمست له الاعذار
شوي الا وباب جناحها ينفتح ...
وبدخلة سعود..
اصلا شاف ملامحها من هنا وعرف انها زعلانه عليه حتى لو تكابر ...
سكر الباب .
ودخل جلس عندها وهي نايمه ومسفهته ..
ابتسم وقال :-صباح الورد
الماس :-صباح النور
سعود :-زعلانه
الماس (تبلع غصتها) :-لا تعرفني لو ازعل من العالم مزعل منك
ابتسم وقال :-ماتصدقين ابوي مكلمني بيزورنا في الفندق امس بعدين كنسل وقال اليوم
طلعت عيون الماس قدام :-هاه
سعود :-ه والله
الماس بتنهبل :-تضحك بعد
سعود :-من جد غصب عني اضحك مادامني مقدر ابكي
قالت بقوه :-بسم الله عليك من الدموع ماتوصل للدرجه ذي
قال بكابه :-حطي نفسك مكاني لو مزوجينك غيري وش بيكون شعورك
عمرها مافكرت في هالشي ...
قالت بقوه :-اعووووووذ بالله والله لا انتحر
سعود :-شفتي حالتي زفت ..
مسكت يده :-مابعد شده الا الفرج
سعود :-اخ وين الفرج تسكرت في وجهي كل الابواب
دمعة عيونها :-الصبر يا نظر عيني الصبر
ناظر وجا وقال :-الماس انتي بخير ...
الا وباب الغرفه يدق
ام سعود :-يمه انتي صاحيه
جت الماس بتقوم وخلاها سعود تتم مكانها وراح يفتح هو الباب
تفاجأت امه يوم شافته :-هلا يمه انت هنا
ابتسم :-ايه توني واصل
وناظر في كاسه مع امه ...
امه :-الماس صاحيه
سعود :-ايه
دخلت امه جلست الماس غصب
قال امه بحنيه :-لا تتحركين خذي اشربي هذا
شمت الماس ريحته من هنا وركض ترجع للحمام من هنا
انهبل سعود وقال بخوف :-يمه الماس علامها
امه وقلبها يتقطع عليها :-والله يمه مدري امس ما ذاقت الاكل
انقهر سعود الماس تعبانه وهو يفرفر بشوارع الرياض لين الساعه 2 بالليل عشان يقلل الوقت الي بيقضيه مع نويف والي ريحه انها كانت نايمه يوم رجع ، في وقت الماس تعاني بلحالها..
مسكته امه وقالت له بهمس :-يمه
سعود قلبه مع زوجته :-نعم
امه :-يمه انا شاكه في شي
ناظرها سعود وهو مو مستوعب نص تفكيره مع امه ونصه مع الماس :- شاكه في شي
امه :-ايه
الا وبدخلة الماس الغرفه وجا اصفر وحالتها حاله ..
راح لها سعود بسرعه ومسكها ثم خلاها تنام على السرير وغطاها
جلس على الارض ومسكها معه يدها :-هاه ياقلبي عن الدلع
ابتسمت غصب :-امحقه من دلع
سعود :-ه
ناظرته وعيونها تلمع :-دوم هالضحكه
سعود :-وياك بتدوم
ابتسمت والدموع تلمع .....
قال بخوف :-حبيبتي شرايك نروح اليوم المستشفى
خافت الماس وماخفى هالشي على سعود :-انت عارف اني مابي اروح مستشفيات الا عند الشديد القوي
سعود :-بس------------
الماس :مابيهم يذبحوني قبل اواني
عصب سعود لكنه تمالك نفسه شكلها تعبانه قالت امه :-يمه خلها ترتاح لا تتعبها
هز راسه ...
سكر النور وطلع هو وامه الي اشرت له تبيه بغرفتها ...
دخلوا غرفتها وسكرت امه الباب
سعود :-يمه وش في راسك
امه :-مه ماقد فكرت في احتمال ان الماس ممكن تكون حامل
انصدم سعود
امه :-ماقد فكرت
قال بألم :-تفكيري ماراح يكون بصحة تقارير المستشفى يمه (وتهدج صوته) الماس بتضيع مني
تأثرت امه من شكلها ومن دموعه الي طلت ثواني من عيونه ثم اختفت
بدت الفكره تعشش براسه لكنه ذبحها قبل لا تكبر ...
قال سعود :-ذكرتيني يمه انا انتظر فاكس من برى عشان حالة الماس يمكن اركب الخط هنا
امه :-سو الي تبيه يمه
هز راسه وقبل لايطلع ماقدر يمنع نفسه من السؤال :-يمه ليه فكرتي ان الماس ممكن تكون حامل
امه :-يمه الي اشوفه مو وحده فيها الخبيث لا الي اشوفه اعراض حمل امس يوم شمت ريحة السمك طارت رجعت
ابتسم :-يمه الماس تكره السمك خلقه
ابتسمت امه :-عارفه بس ردة فعلها عنيفه امس
قبل لايطلع قالت له امه :-سعود
التفتت بسرعه :-هلا
وجاء يمشي جهتها
"امريني"
امه :يمه وش بتسوي مع نوف
شانت ملامح وج ..
قالت امه بتقرير واقع :-ما ظنتي انك قربت صوبها ابد
تغير لون وج وعرفت امه ان ظنها في محله
جلس سعود جنبها وقال وهو منزل راسه :-ماني قادر يمه نفسي ماتطاوعني
امه متفهمه شعوره :-عارفه يمه بس البنت مالها ذنب
قال بقوه :-الا الذنب ذنبها هي تزوجتني وهي عارفه اني ما ابيها
امه :-------------------- (معه حق ماقدرت تتكلم)
سعود :-انا محتار يمه شوري علي
امه :-والله يمه ما تنجبر روح على روح حاول تتقبلها وان ماقدرت طلقها خلها تشوف نصيبها
سعود :-عشان يذبحني ابوه
ابتسمت امه :-ابوك ذابحك ذابحك
فهم قصدها وقال :-وش يدريه
امه :-توقع من نوف اي شي
ارتفع ضغط سعود :-ان تكلمت في هالمواضيع الشخصيه مع الشياب دفنتها بالحيا
دق جواله ..
قال لامه يستهزء :-جبنا سيرتها ---------
"نعم
نوف :-وينك
سعود :-شبغيتي
نوف :-الحين تتركني من امس وماتبيني اسال
سعود :-امس كنت فيه بس انتي كنتي نايمه
نوف :-تعال مابي اجلس هنا
سعود :-وين بتروحين
نوف :-جبني بيتنا
انصدم :-بيتنا
نوف (الي حافظه تعليمات امها الي عطتها لها قبل خمس دقايق) :-ايه بيتنا اختصر على عمرك المشاوير لشوفة حبيبة القلب
عصب وقال :-جهزي نفسك انا جاي
وسكر الخط
تتأفف ...وقال لامه :-تبي تجي هنا
انصدمت امه :- من جدها
سعود بقرف :-مدري
وقف وقال :-تريحني لاجت هنا بروح اجيبها
امه :-بحفظ الله
وطلع من الغرفه ...
امه في نفسها "الله يعيننا على المشاكل وعلى المصايب الي بتجي بمقدم نويف بيتنا"
><
في الفندق ...
قالت نوف بتافف :-يوه يمه خربتي علي نومتي والحين بنروح بيت عمي وبشوف المقرد بنات عمي وبشوف الشينه
امها :-نفذي الي قلته لك امس
نوف :-اوووووووف يمه وانا اكلمه تو ماصدق وسكر الخط بوج فما بالك لو اقرب منه
امها بعصبيه :-هو رجال ولا لا
نوف :-الا
امها بلهجه تنهي النقاش :-خلاص اجل خطتنا بتنجح حتى لو كان يحب تراب رجلينها فهو في الاخير رجال
نوف :-طيب
امها :-قومي البسي واكشخي
نوف فيها نوم :-يمه ياررررررربي مالي نفس وبعدين تونا
صارخت امها عليها
قالت بخوف :-طيب
سكرت امها وراحت هي تلبس ...
بعد عشر دقايق وصل سعود ونفسه براس خشمه
قال لها :-جاهزه
نوف :-ايه
سعود :-غطي وجهك
غطت وجا ودخلوا الموظفين واخذوا اغراضها
وطلع سعود وهي وراه حتى ما تكلم معها بكلمه ..
حتى في الطريق ما تكلم معها ...
*
*
نزلت الماس من غرفتها وراحت للمطبخ تاخذ كاس عصير برتقال ..
كانت لابسه جلابيه ناعمه وجلالها معها عشان تغطي وجا اذا جاء سلطان وكانت مسيحه شعرها وحاطه مكياج خفيف
طلعت من المطبخ
الا وتطيح عينها بعين نوف تغير لون وجا ...
قالت نوف تبي تقهرها :-حبيبي اطلع ورني مكان غرفتنا
ارتفع ضغط سعود وعرف انها بتقهر الماس
سعود :-سوووووووووووونيا
جت الشغاله بسرعه
قال لها :-روحي مع المدام للجناح نمبر 2
انقهرت نوف من جحدته لها ، اما سعود راح لالماس بدون شعور وكأن الي يجذبه لها مغناطيس وشي اقوى منه ومنها
قال بنبرة حب وخوف :-كيفك الحين
الماس كانت سهوم الغيره تدمي جروحها بقلبها
ابتسمت غصب وقالت :-كني احسن
قال باهتمام :-طيعيني
الماس تقاطعه :-نظر عيوني
سعود :-امريني
الماس :-خلني براحتي
سعود :-مثل ماتبين بس ان تعبتي زود ما بيننا نقاش
ابتسمت ابتسامه هزته هز :-اتفقنا
سعود بوله :-فديت هالابتسامه وهالوجه
طبعا كانوا في عالمهم ضايعين وغافلين عن نويف الحاقده الي واقفه تناظرهم وتناظره كيف يكلم الماس وتشوف بعيونها الفرق بين تعامله معها وتعامله مع الماس
حتى ملامح وج تتغير لاناظر الماس..وسامته تزيد جاذبيته مدمره ووج بشوش اما معها فهو متوتر متضايق مكشر
طلعت مع الشغاله بالغصب وهي تتحلف في نفسها وتتوعد ..
دخلت غرفتها ورمت عبايتها وهي ميته قهر وحالتها زفت .."طيب يا الماسوه طيب وانا نوف "
طبعا حطت راسها ونامت اما سعود جلس يسولف ويضحك مع الماس تحت ..
الا وتختفي الا بتسامه عن وج ..
التفتت الماس الا وتشوف عمها واقف يناظرهم والوضع مو معجبه ..
قال لالماس :-كيفك اليوم يبه
الماس :-بخير عمي
ناظر في سعود وقال وهو يمشي :-ابيك بالمكتب تعال
ناظر سعود في الماس وقال يستهبل :-وصاتي في خزنة الذهب مو خزنة الفلوس لا تنسين
الماس :- الحمد للهوالشكر رح لعمي لا يرجع يحوسنا
سعود :- على قولتك لا تروحين مكان برجع (وقال يغمز لها) اما اذا تبين تطلعين غرفتنا يكون احسن بعد
ولعت الماس :-ه سعود
قال بخبال :-ياعيوووووووووووووووووونه
سوت الماس نفسها جديه وناظرت وراه :-هلا عمي مالي دخل هو الي ما لحقك
ارتبك سعود والتفت لقى الماس مسويه فيه مقلب
الماس :-ه خوووووووووووووواف
سعود مسوي معصب :-حلفي
ابتسمت ووقفت تزين له ازارير ثوبه (((((راح سعود فيها ))))
نزلن هنادي ومنال سوى من فوق قالت هنادي تستهبل :-شوفي اخوك ومرته مسوين روميو وجولييت
ولعت خدود منال :-هناديوووووووووه عيب تناظريهم
هنادي :-ياشيخه الله يرزقنا
منال :- انت ما انتي بصاحيه
هنادي :-منذو مبطي يا اخت منال
منال :-ه
هنادي تبي تحرجهم :-احمممممممممممممممم
التفت سعود والماس
قال سعود :- تكفين يالمؤدبه
هنادي :- اعجبك مثاليه بسم الله علي
الكل:-ه
سعود :-الله يخليك لامك وابوك
هنادي (تستهبل) :-ويخليك لالماستك
سعود من قلب :-امين
الماس تذكرت :-سعود عمي
سعود :-اوووووووووف رحت فيها
وراح بسرعه لمكتب ابوه ...دق الباب
ابو سعود :-ادخل
سعود :-طلبتني يبه
ابوه وهو يناظر في اوراق معه :-ايه ادخل وسكر الباب
دخل سعود وسكر الباب وجلس
قال ابوه وهو ينزل نظارته :-زوجتك وين
سعود بعفويه :-الماس برى
ابوه عصب :-لاتنسى انك متزوج ثنتين
(ياحظي والله)
سعود :-مانسيت
ابوه واصل حده :-اجل وش تسوي هنا ومخلي عروستك
سعود وهو طفشان من قلب :-نوف هنا يبه وين بخليها الله يطول لي بعمرك
ابوه مستغرب :-نوف هنا
سعود :-ايه تونا واصلين مالنا الا نص ساعه
ابوه :-توكم مالكم ثلاث ايام ليش رجعتوا
سعود :- هي تبي تجي تستقر وانا بعد وراي اشغال
ابوه منهبل :-ياولد مالك ثلاث ايام متزوج وتبي تشتغل
سعود :-انا توني ماثبتت رجليني بالسوق واصلا الدراسه مابقي عليها شي انت ناسي ان نوف تدرس
ابوه ارتبك :-على الاقل رح للشاليه حقنا الي بالشرقيه
سعود :-يصير خير يبه لاتشيل هم
ابو سعود :-يابوك انا مستعجل ابي اشوف ظناك
سعود في نفسه ودي انتحر :-الله كريم يبه
كمل :-تامر بشي
ابوه :-انا اعرف وش كثر تحب الماس والشاهد الله انها تستاهل منك هالحب بس لا تنسى تعدل
قال سعود وهو يوقف :-بعدل في كل شي الا القلب يبه ماتحكمه ثنتين ومالي عليه تصرف
وقبل لا يعترض ابوه قال :-بالاذن
وطلع
×××××
×××
××
في المستشفى
>بالغرفه الي جنبها<
"يووووووووووه يامحمد بطلع خلاص كيفي"
محمد (شوي ويقطع شعره) :-مهبول انت
"لا"
محمد :-ارتح لك كم يوم طيب
"راحتي ببيتي"
محمد يئس خلاص :-بكيفك انت حر بعدين ليه غيرت غرفتك
"ذبحتني الشمس"
محمد وهو معرق من الصدمه :-بغت تجيني سكته يوم دخلت غرفتك ولقيتها فاضيه
"لا وازيدك من الشعر بيت سمعت ان المريض الي دخلها بعدي مات:
محمد :-لاحول ولا قوة الا بالله
" ماشفت بوك فلوسي"
محمد :-لا يمكن بغرفتك ذيك
"ايه صح نسيت اني حاطه بالدرج"
محمد :-بروح اجيبه لك
"لا انت رح جب الاوراق ابي اوقعها ضاق خلقي بطلع من هنا"
محمد :-اوف منك عنيد
" شكرا حياتي"
وقف شعر راس محمد :-حوم الله كبدك متى بتخلي حركاتك
" مدري"
محمد وهو يطلع :- منت بصاحي
طلع بعده بيجيب بوكه من الدرج الي بالغرفه الي جنب غرفته ..
وقف شوي يتعرف على البنت الي واقفه بوسط الغرفه وبيدها ملف
طاحت شنطتها على الارض وقالت بهمس باكي :-آه ياربي لااااااااااا
عرفها راكان
دخل بسرعه الغرفه ...ومسكها :-دانه
تسمرت دانه مكانها وتحجرت ، استوعبت والتفتت :-راكان
التفتت :-عيونه
ماتدري كيف الي وهي حاضنته من قلب ...
وبعدين استوعبت انه تعبان وبعدت عنه
قالت وهي مو قادره تجمع كلمتين على بعض :-من--من ---
واشرت على الملف
اخذه راكان وقراه ابتسم وقال :-حبيبتي ماقريتي الاسم هذا مو اسمي يمكن نسنه الممرضات هنا لاني تركت الغرفه من الفجر
هزت راسها
رمى الملف وقال لها بخوف:-انتي في صدمه
قالت وهي تبكي :-حسبتـ------
ورجعت تبكي
ضمها وقال :-ليش البكا هذاني قدامك لاتخافين علي قطوه بسبع ارواح
انقهرت دانه منه :-خفيف دم
راكان :-ه شكرا حياتي
زاد بكاها
حاسه نفسها في حلم مو علم ....
ناظرته وقالت له :-ليش لابس ملابسك
قال باشمئزاز :-من جدك البس هذيك الملابس كني خبل
ضحكت وهي للان تبكي ...
الا وبدخلة محمد الي رجع بسرعه ..
طلع له راكان ومعه دانه :-جبت الاوراق
محمد :-ايه وقعتها وخلصت (قال يكلم دانه) صبحك الله بالخير اختي
دانه :-هلا اخوي
راكان (يستهبل) :-لا والله احلف
محمد :-ه ياخوفي لايكون مخك الي شالوه مو طحالك
راكان :-تاكد من الاوراق لا تكون صدقه وشايلين مخي ه
محمد :-الحمد لله والشكر ه
دانه كانت تراقب علاقة محمد وزوجها ببعض الحين بس عرفت ليه راكان يغلي محمد عن الكل ...الي سواه ماسووه عمانه له
جاء الممرض معه كرسي متحرك المفروض راكان يجلس عليه
الا انه حقره وقال :-شالو طحالي مو رجليني
الممرض :-pleas mr-------
قاطعه راكان :-i dont need it
الممرض :but-----------
ناظره راكان نظره خلته يتراجع
محمد :-ياخي انت تعبان والمسافه طويله
راكان :-انا موب عاجز
همست له دانه :-لاتعصب طيب
ابتسم وقال :-تامرين
ابتسم محمد وهو يشوف راكان مرتاح ومستقر في حياته مع انسانه ونعم التربيه بنت اصول بحق وحقيق ..
لكن محمد رجع اكتئب يوم تذكر كيف بيقدر يعلم راكان ان الي تعمد يصدمه هو عمه شقيق ابوه !
مهما كان والله قووويه
عند المواقف قال محمد :-اوصلكم
قال راكان :-يسلمو ابو حميد السواق هنا ماله داعي تتعب عمرك
محمد :-تعبك راحه
راكان :-تسلم
محمد :-الله يسلمك بالاذن
وراح محمد وراكان ودانه ركبوا سيارتهم ورجعوا البيت ×
÷
×
><في بيت احمد><
طبعا احمد وعد سعاد ووفى وعزمها على العشاء البارح بالليل كانت السهره من اروع مايكون يمكن سعاد خففت من صدها له وراح الوقت كله وهم يسولوفون ويضحكون سوى
في قلبها تمنت لو ان الاوضاع غير وتمنت ان الظروف احسن ....كل يوم تكتشف فيه شي جديد شي يخليها تتحسف اكثر واكثر على الخطا الكبير الي ارتكبته بحقه...
انتهت السهره ورجعوا لبيتهم يمكن لاحظت ان احمد حاول يقنعها تجلس تسولف معه لكن جرحها الندي رجع ينزف ماراح تغفر لنفسها الي سوته فيه عشان كذا اعتذرت ودخلت غرفتها ..
رجع احمد من المسجد بعد ماصلى صلاة الظهر ولقى سعاد قدامه تبخر البيت وشعرها الاسود الطويل مو مربوط ...فز قلبه فزة مالها مثيل وجلس بصدره يرعد ويرعد
لمتى!!
لمتى بيظل محروم منها !!
اخخخخخخخخخخ ياقلبي اخخخخخخخخخخ
شعوره وحبه لها اكبر من كل الكلام واكبر من كل ماقيل وانقال
*
أنساك كلمه مهما لها أيّة وجود بمرجعي
والقلب لا منّه نوى غيرك حبيبي با منعه
تنتابني ذكراك ما بين الوعي والا وعي
ما كنّك الا بحر حلمي والمشاعر الأشرعة
من وين تطلع كنّك الا تقول يا شمس اطلعي
يتنفّس الفجر بنفس حسنك ويشرق مطلعه
مع إن فرعك لو رميت الشمس به عيت تعي
إن ا لدجا يسري لها من دون ما تتوقّعه
إن ا لدجا يكنز عبيره للنسيم ا لمطلعي
كلّه على شان النسيم ا لمطلعي يلعب معه
يمتد ليلي وأشعلك شمعة غلا بين اضلعي
ويمر بي طيفك ويتناثر بصدري واجمعه
تحتاج تتعبني وأنا أحتاج لك وأنته معي
بعض المشاعر تتعب المشتاق لكن ممتعه
موقعك من قلبي تدلّه بس حدّد موقعي
وبعدين خذ قلبي وفي دنيا غرامك ضيّعه
وإن طاب لك شوقي وطاب لصوت همسك مسمعي
القلب لك والشوق في عروقي بكيفك وزّعه
القلب ملكك والفصول الأربعة من مطمعي
دام التقت في مبسمك كل الفصول الأربعة
*
حست سعاد باحد يراقبها ...التفتت لقت احمد واقف يتأملها استحت قالت وهي تبتسم :-اهلين
تخبل احمد :-هلا قلبي
ولععععععععععععععع وجا "قلبي" هزئت نفسها من كثر ما تتمنى هالكلمه تخيلته يقولها لها
دمعت عيونها غصب ,,
نزلت المبخره على الطاوله ومشت بسررررررررررعه ومرته لكنه مسكها مع يدها التفتت يمه وطار شعرها الي كما الليل على وج وعلى كتفه
ملمسه ريحته نعومته ...اشياء زادت في عذاب احمد
قال يهمس :-وين
سعاد (منزله راسها ودموعها برموش عينها) :-------------------
قال بألم :-كل هذا لاني قلت لك قلبي
رفعت نظرها (اجل قالها حقيقه مو تتخيل )
مسك شعرها وبعده عنه
..قال :-لا حطيتوا الغدا نادوني انا بغرفتي
قالت بهمس :-احمد
التفت وقال :-لا تقولين شي سعاد اظن الوقت الي اقتنع فيه ان احساسنا مو متبادل جا فكري بالي يرضيك وانا حاضر
انعصر قلبها عصــــــــــــــــــر ...وسالت دموعها
ماقدر احمد يتحمل وراح لغرفته بسرعة البرق ...دخل الغرفه ورمى شماغه على السرير وضرب الطاوله برجله
"لمـــــــــــــــتى وانت متمسك بسراب خلاص خلاص البنت ماتبيك"
جلس ونفسيته التعبانه مأثره عليه ..ياليته ماتزوجها والله كان الالم على قلبه ونفسه اخف ..الحين مو قادر يعيش بدونها
يحبـــــــــــــــــــها وش يسوي الحب مايعرف حدود مايعرف ظروف ومايعرف شي اسمه كرامه!!
×
جلست سعاد بغرفتها تمسح دموعها ...
وكلامه يتردد في راسها "لا تقولين شي سعاد اظن الوقت الي اقتنع فيه ان احساسنا مو متبادل جا فكري بالي يرضيك وانا حاضر "
مالقت نفسها الا وتدق على الماس ..
الماس :-هلااااااااااااا وغلاااااااااااااااا
سعاد بكت على طول :-الماس
انهبلت الماس :-سعااااااااااااااد علامك
مسحت دموعها وقالت :-احمد يبينا نتطلق
الماس انصدمت صدمة حياتها :-هاااااااااااااااااااااه
سعاد :-وش اسوي يا الماس الحقيني
هدت الماس نفسه هي تعرف سعاد لا زعلت تخبص الدنيا
الماس :-سعاد قلبي وش صار علميني عشان اقدر اساعدك
علمتها سعاد بكل شي ...
الماس :-احمد فهمك غلط
من بين دموعها :-كيف
الماس :-هو يحسبك مايبيك تقولين له كذا
سعاد انصدمت :-لا مو صحيح
الماس :-هو وش دراه كل الي لقاه منك صدود بالله بيجي الحين ويقول ايه صح تبكي لاني قلت لها قلبي
سعاد :-مو معقول
الماس بدت تعصب :-سعادوه ..والله حاله ينرحم
سعاد رجعت تبكي :-وانا والله اني اتعذب يمكن اكثر منه
الماس ارتفع ضغطها :-انتم ثنيناتكم تبون سنع
سعاد :-ليه
الماس :-تحبون بعض وتكابرون سعاد انتي تحبينه
قالت بقوه :-الماس احبه اكثر من نفسي وانتي عارفه هالشي
الماس :-اثبتي له وللكل انك تحبينه
قالت بهمس ودموعها تتلاحق :-كيف
الماس :-السالفه ببساطه يا تعيشين معه العمر كله او تتركيه
انفجر قلبها
تتركــــــــــــــــــــــــــــــــــــه
الموت ارحم لها !!
سعاد :-مجنونه انتي اتركه مقدر اتركه
الماس وهي تبتسم :-اجل لا تخلين الصبح اليوم يطلع الا وانتي حاله كل خلافاتكم
ارتجفت سعاد من الخوف ومن انه يمكن يصدها وينتقم لنفسه منها
نفضت هالافكار عن راسها ..احمد يستاهل انها تجافز بكل شي على شانه ...
قالت بتردد :-الماس اخاف انه مايبيني
الماس :-سعاد حرام عليك حسي فيه ياشيخه هو قالك جا الوقت الي عرفت فيه ان احاسيسنا مو متبادله فكري بالي يرضيك وانا حاضر مو قلتيلي مره انه يقول طلاق ماراح اطلق لكنه اليوم تنازل عن غروره وعناده عشان يريحك وترتاحين
رجعت سعاد تبكي :-آآآآآآآآآآآآآآآآآآآه والله اني قليل عليه
الماس :-لا تقللين من قدرك وحلي مشاكلك عوضوا الوقت الي فاتكم
سكرت سعاد الجوال وهي تفكر في كلام الماس وتفكر في طريقه تحل بها مشاكل وماتخسر بها حب حياتها!!
طلعت من غرفتها ودقت على باب غرفة احمد ومارد عليها ، فتحت الباب ولقت غرفته فاضيه
تحطمت آمالها ...
نزلت تحت وقالت لها الشغاله ان احمد طلع عنده شغل مهم والعمل طالبينه
طلعت غرفتها ودموعها سكايب ...
حتى مو قادر يجلس في بيت واحد معها

%%%%%%%%%%%


noor 3ini 19-12-2007 10:27

(الجزء الثالث)
><في بيت راكان><
كان راكان نايم من يوم ما رجعوا الصبح..
نزلت دانه بعد ما مرت عليه وغطته زين وشيكت على حرارته (تحبه ) لقت امهاتها تحت....
قالت الخاله مريم :-الوجــــــــــــــــه اليوم منور
ام راكان :-ه غربل الله ابليسك يامريم
دانه والابتسامه ماخفت عن وجا من يوم مارجع :-برجعت الغالي ليش ما ينور
الخاله مريم :-ياعيننننننننننننننني ع الحب
دانه وهي تضمها :-يووووووووووووه يا خاله احبه قليله الا امووووووووووووووت فيه واخاف عليه من نسمة الهواء
ناظرت الخاله مريم ورى وشافت راكان نازل ويأشر لها تكمل وتسأل دانه ------------>>>>>يحبون هالحركات ه
قالت لدانه :-بس
دانه بحب :-وش الي بس يمه هو حياتي كلها هو دنيتي
الخاله مريم والابتسامه من الى :- لو يجيك تقولين له هالكلام
دانه (مسويه قويه واثقه) :-طبعا
الخاله مريم :-ه قدها
دانه بغرور :-قدها وانا بنت فهد
الا وجوالها يدق...
دانه :-هلا
خالد :-هلا منول انا سواق العايله والظاهر اني مازالت للان
دانه :-ه فديتك انت احلى اخو بالعالم
خالد :-خفـــــــــــــي علي
دانه :- هذا الي اسويه
خالد :-ه خبله المهم بروح العصر سوق الغنم اجيب لك الي طلبتيه
دانه :-الله لا يخليني منك على فكره حولت لك الفلوس
خالد عصب :-خبله انتي ماتسوى عيب
دانه :-عارفه خلودي بس انا ابيها من حلالي بليز
خالد اقتنع :-معك حق طيب اوامر شي
دانه :-لا الله لايخليني منك وش رايك تجي تتقهوى عندي العصر
خالد :- اموت على المصالح تم
دانه :-انا مصلحجيه ه بس مو مشكله كل شي منك مقبول
خالد :-ه يالله سلام
دانه :-هلا
ام راكان :-يمه ناقصك فلوس
ابتسمت دانه :-لايمه الله لايخليني منك السالفه ومافيها اني حبيت اذبح ذبايح واوزعها على الفقارى بسلامة راكان وحمدآ لله وشكر له واتهاوش انا وخالد يبي يدفع وانا رافضه ابيها تكون من حلالي بعدين يمه ياحبيبة قلبي راكان مو مقصر عني بشي فديته
تأثر راكان وراح الالم الي يحس به ...فعلا دانه اسم على اسم ...
التفتت دانه ولقت راكان واقف يناظرها وقفت بسرعه وقالت بخوف :-ليش واقف اجلس تبي الغرز تنفك وتتعب
ابتسم وقال :-سمعت ناس يقولون فيني ملاحم شعريه ونسيت نفسي
ولعت دانه :- يمه والله انك شريره
الخاله مريم :-ه والله مالي دخل رجلك الي قال لي اسحبك في الكلام
حطت يدها على ظهره وخدها على صدرها :-فديته يمه الله لايخليني منه
تذكرت دانه شي وبعد ماجلس راكان راحت وجابت له جوال ...ناظره
قالت له بضيق :-جوالك تكسر وارسلت السواق وجاب لك واحد جديد
راكان :-ه n70
دانه :- اعرفك تحبه
راكان :-ماعندي وقت اغير في الجوالات هو يتصل ويرسل خلاص ينفع وبعدين تعودت عليه
دانه :- عشان كذا انا محترمه نفسي وشريته لك
قال بحب :-تسلمين قلبووووووووووووو
وغمز لها وهمس لها بكلام ... حمرررررررررت خدودها عليه
الخاله مريم تستهبل :-اقول ياولد اقضب ارضك امس بس كنت بين الحيا والموت والحين مدري شعندك تغمز
راكان :- يمه احترق وجه دانه
الخاله مريم :-ه علم نفسك
راكان :-
ام راكان رحمت دانه الي احرجوها مره :-صدق انكم فاصخين الحيا استحووووووووووووو احرجتو البنت
دانه :-
راكان :-لا والله تو عجبتك السالفه
غمزت له وتخبل :-احط لك غداء
راكان (يستهبل) :-ايه وخليهم يرسلونه جناحنا
دانه :-
الخاله مريم (بتقهره) :-ايه يمه ارسليله غداه للجناح وانتي اجلسي معي ابيك بسالفه
دانه (فهمت حركتها ) :-ه وانا بعد ابيك يمه بشي
راكان انقهر منهن :-احســـــــــــــــــــــــــــن بس خلي الشغاله الفلبينيه الحلوه تجيبه لي
طلعت عيون دانه قدام وعصبت عليه :-لا والله
الخاله مريم :-بتقوم حرب داحس والغبراء الهدنه ياقوم
الكل :-ه
قالت دانه وهي تحقره ويده على ظهرها :-لا تلمسني
راكان :-شدعوه
دانه (مسويه زعلانه) :-لا والله بريء
عرف راكان انها زعلانه عليه ومابيده الا شي واحد يخليها ترضى عليه ..
مسك بطنه :-اييييييييييييييي
التفتت دانه وهي بتموت خوف :-بسم الله عليك وش حاسس
راكان (مسوي تعبان) :-قلبي يعورني
(غبي ما انتبهت للتناقض ماسك بطنه ويقول قلبي يعورني )
دانه حالتها حاله :-ياويل قلبي اكلم طبيب
راكان :-لا
دانه:-طيب شسوي
راكان :-طيب اسأليني ليش يعورني
دانه شوي وتنهار :-لييييييييييييه
راكان :-لان حبيبة قلبي زعلانه علي
دانه (ما استوعبت) :-هااااااااااه
الخاله مريم :-ه ياولد لايكون شايلين مخك بدل طحالك
راكان :- نفس كلام محمد تصدقين
الخاله :- عليك السلام اجل
عصبت دانه :-خفيف دم
عطاها راكان بوسه على الخد وقال :-ولاتزعلين
راحت فيها دانه وقالت :- خلاص رضيت
قال راكان يستهبل :-طيب تعالي بعطيك وحده تاكيدا على اول وحده
ام راكان :-هذولي والله المضيعين
الكل :-
شوي الا وجوال راكان يدق...
راكان :-هلا
محمد :-اهلين ركون ازيك
راكان :-ه هلا ببو حميد تمام
محمد :-الاهل بيزورونكم اليوم يسلمون على مدامتك ويتحمدون لك بالسلامه
تذكر راكان :-الله يحييهم تعال انت ليش رجعت من برى بدري
ضاق صدر محمد وقال بألم :-فات الفوت ياخوي
راكان :-وش قصدك
محمد وهو يحاول يتمالك نفسه :-للاسف المرض استفحل وقضى على الكبد
راكان حزن مره :-افاااااااااااااااااااا
محمد :-الله يلطف بها ياخوي انهد حيلها من الكيماوي
راكان :-الله كريم شف ياخوي الي يلزمك وانا حاضر
محمد :-عارف ياخوي ما يبيلها كلام
راكان :-مابعد شده الا فرج ان شاء الله كيفها الحين
محمد :-ساعات احسن وساعات منتكسه
راكان :-اذا الجيه تتعبها لا تجي حنا نجيكم
محمد :-انت عارف الوالده فالواجب محدن يناقشها
راكان :- الله يخليها لك
محمد :-امين
قال بتردد :-راكان
راكان :-هلا
محمد :-ياخوي مدري كيف اعلمك
راكان ارتبش :-خير
محمد :-الرجال الي صدمك عرفوه الشرطه وانا افضل ماتعرفه
راكان :-عارفه يامحمد
انصدم محمد :-من قالك
راكان :-شفته قبل لايصير الي صار
محمد :-وش ناوي عليه
قال بقسوه :-ناوي اخليه يتعفن بالسجن
محمد ياخذ كثير من طبايع راكان :-كفوووو هذا الراي الصح اصلا المفروض تسجنه من بعد ماحرق مخازن الشركه قبل كم شهر
راكان :-يحمد ربه انها كانت احتياط يعني فاضيه ولا كان رقبته ما تكفيني في خسايرها
محمد :-انت ريح الحين وخل الباقي علي
راكان :-تسلم ابو حميد ماتقصر
محمد :-يالله اشوفك العصر
راكان :-هلا
سكر الجوووووووووووووووووال وسرح في تفكيره
قالت امه :-عرفت من الي صدمك
راكان :-عمي بدر
هدوووووووووء عم المكان
قالت دانه بصدمه :-عمك
هز راكان راسه ....
انقهرت امه :-المفروووووووووض من زمان موريه شغل الله بس انت الله يهديك
قال راكان بواقعيه :-يمه شتبين الناس يقولون سجن عمه
امه :-وش ناوي عليه الحين
قال بقسوه :-لا الحين غير الحين بعذري الرجال متعمد يذبحني ومصيره السجن وراح يعفن فيه وانا راكان ..
التفت يمه دانه المقهوره وقال :-دندونتي ام محمد واخته بيزورونا اليوم بعد صلاة العصر
دانه وهي تحاول تبتسم :-حياهم الله
×
×
×
×
صحت نوف من النوم وغيرت ملابسها ونزلت للغداء لان عمها مرسل لها الشغاله تناديها
نزلت ولقت الكل جالس على الغداء والي قهرها ان الماس جالسه جنب سعود وهنادي بالطرف الثاني
وقف عمها وسلم عليها :-هلا وغلا بنوف شيخة البنات
قالت وهي تبتسم غصب وعيونها على سعود والماس :-هلا بك عمي
ابو سعود :-شخبارك يبه
نوف :-بخير
وجلست جنب ام سعود
شافت الماس تحط الغداء لسعود وانقهرت "ماله يدين ياخذ الي يبي"
قال عمها باسلوب غبي :-يبه الماس
الماس :-سم عمي
ابو سعود :-يبه نوف
نوف :-هلا
ابو سعود :-انتم الحين خوات وابيكم تتفاهمون مع بعض وتتاقلمون مع حياتكم الجديده بدون مشاكل
قالت الماس :-والله عمي انا عايشه لنفسي ولرضا رجلي علي لا الغير ما يهموني
انقهرت نوف قال عمها :-افا يبه حنا ا نهمك
الماس :-محشوووووووم عمي انت عارف قصدي زين مالي الدخيلين حقوق عندنا
بغت تشقق هنادي من الووووووووووناسه "كفو يا بنت عمي"
استانس سعود والله ولقيت ند يبه ...
وقفت نوف عن السفره
قال عمها :-وين يبه
نوف بغباء وانفعال :-ماللدخيلين حقوق ياعمي وش عاد ورى
سفهتها الماس وكملت غداها ..
قال عمها يسترضيها (يقال انها ام الحفيد المنتظر) :-يبه الماس ماتقصد
الماس :-لا اقصد عمي ولا تزعل مني
نوف :-شفت شفت وتبيني اجلس
الكل انهبلوا من تصرفاتها الطفوليه ...
ابو سعود (شوي ويترجاها) :-يبه لا تاخذين الامور بعصبيه
الا وسعود يقول بصوت ارهب الكل وخلى السكوت يعم المكان :-اجلسي يامره
انهبلت نوف والماس نفسها تقوم ترقص "من هالحال واردى"
نوف :--بس-----------------
عصب سعود ورمى ملعقته على الصحن بقوه :-اقولك اجلسي
جلست نوف بخضوع وخنوع ....
وناظره ابوه نظرات عتب بس ماقدر يهاوشه قدام العيله لانه يؤمن بان الرجال لازم يسنع زوجته ويخليها تحترمه ...
مر وقت الغداء بسلام وهدوء هنادي والماس ومنال متشققات من الفرحه ومن تهزئ سعود لنويف ..
اما نويف تاكل الاكل وتحس بطعمه طعم تراب ..في فمها
بعد الغداء راح ابو سعود وام سعود يقيلون قبل الصلاه والباقين جلسوا تحت يناظرون التلفزيون ..
راحت الماس المطبخ وسوت لسعود شاهي بالنعناع لانه يشربه بعد الاكل
قال لها :-يسلم لي هاليدين
الماس بدلع :-ويسلم لي القايل
وقفت نوف من التعصيبه وطلعت غرفتها ...
اما سعود ولا على باله ...
طلعت نوف غرفتها ودقت على امها قالت بتعصيبه :-يمه ماشفتيه شسوى فيني
امها وموب فاهمه شي :-حبه حبه فهميني
وشرحت لها كل شي ...
انقهررررررررررررررت امها موت وقالت تهاوشها :-خليك انتي بالنوم وهي تستفرد فيه
نوف :-صراحه عافته نفسي مايبيني يمه
انقهرت امها :-بعد هالسنين تقولين عافته نفسي
نوف :-مايبيني طيب
امها :-جيبي الولد يموت فترابك
نوف :-لاحووووووووووولاقول ما يبيني تقول جيبي الولد
امها بتموت من غباء بنتها :-اليله سوي الي علمتك عليه
نوف تستهزء :- لاشفت وج سويت الي قلتيلي اسويه
باعتها امها :-ان ماجاء علمي عمك
انهبلت نوف :-هاه
امها :-قوليله بخوف عمي انا اخاف انام بلحالي يفهمها ويجيبه لك غصب عليه
عجبتها السالفه :-ه فكره
امها :-يالله سكري لا يجيك ويلقاك تكلمين
نوف :-ايه ان جاء
امها :-نوف
نوف :-طيب طيب
وسكرت امها الخط الا وبدخله سعود والشر بعيونه اختبص قلبها ...
قال وهو يصفق الباب وراه :-الي الحركات البايخه الي سويتيها اليوم لا اشوفك عايدتها
وقفت في وج :-اي حركات
صرخ :- تستهبلين انتي
انخرررررش قلبها
قال وهو يمسكها بقوه مع يدها :-احترميني بعدين ولا يعلا صوتك بوجودي وعن حركات البزران الي تسوينها تراني ماحب الهبل
نوف :-وش تحب الماسوه هو اصلا انت تحب غيرها ياشيخ مانزلت عينك عنها طول الوقت تقول توك متزوجها
سعود :-قلتيها ماحب غيرها ولا راح احب حطيها حلقه باذنك وياليتك تكونين نصها في الادب والاخلاق والتعامل
وطلع من الغرفه قبل لا يقتلها لانها باطه كبده
قالت وهي ترتجف :-والله لتندمين يا الماسوه والله
×
×
×



×
بعد صلاة العصر ....
صلى راكان بالبيت لانه تعبان ومايقدر ينثني وهو يركع ...
جته دانه :-تقبل الله
راكان :-منا ومنكم
ابتسمت :-حبيبي اظن ان صديقك واهله وصلوا الشغاله بلغتني
راكان :-الله يحييهم
وجابت له ملابسه وساعدته في لبسها
قال وهو يمسكها مع يدينها :-مشكوره يالغاليه
ابتسمت :-على ايش
قال بحب بين في صوته :-على كل شي
(يقصد وقفتها معه ..دموعها على كف يده..ليلها الي ما نامته من خوفها عليه وكل شي سوته له بدون علمه)
قالت بدلع :-كم ركوني عندي
راكان :- واحد كل الحلا فيه
دانه :-
راكان :-دوم يارب
دانه :-تسلم قلبي
وبعدها نزلوا تحت ...راكان راح لقسم الرجال ودانه نزلت تسلم على ام محمد واخته ..
انصدمت دانه وهي تشوف امه الي كانت جلد على عظم وعلى كرسي متحرك حز بخاطرها ...
ام محمد :-هلا وغلا
دانه وهي تبتسم :-هلا خالتي
ام محمد :-والله يمه بغيت اجي ابارك لك بالزواج وماكتب الله وصارت مباركتنا مباركه وتهنئه بالسلامه
دانه :-اهم شي نورتوا بيتنا بجيتكم
التفتت دانه لاخت محمد وبهرها شكلها شعر اسود لحد الكتوف وملامح تدخل القلب بسرعه
ابتسمت دانه :-اهلين اكيد انتي ايمان
بين عليها انها كانت مرتبكه وخايفه نوعا ما ..لكن كل هذا تلاشى يوم رحبت فيها دانه
ايمان :-ايه وانت اكيد دانه
دانه :-ه ايه
ايمان :-شخبارك
دانه :-والله الحمد لله بخير انتي شخبارك
ايمان :-بخير
ومرت نص ساعه بسرعه حبت دانه فيها اخت محمد مره وامه الي بين ان صحتها مره متدهوره ...
قالت ايمان وهي توقف :-دانه بعد اذنك وين المطبخ
دانه :-هناك بغيتي شي
ايمان :-دوى امي حاطته بترمس خاص بالثلاجه اول ماوصلنا
دانه :-اخلي الشغالات يجيبنه لك
ايمان وهي تبتسم برقه :-لا زم اسويه قبل
دانه :-اوكي قلبي
وعلمتها مكانه ....
><
قال خالد الي واصل له ربع ساعه :-اقول يالنسيب ماعندكم مويه
راكان :- الا عندنا
خالد :-طيب بموت عطش لازم الواحد يطر ماتفهم التلميحات
راكان ومحمد :-
رفع راكان سماعه البيت الداخليه ولقاها متعطله
قال يتافف :-اووووووووووف لازم اقوم اناديهم
خالد :-المطبخ له باب خارجي
راكان :-ايه
خالد :-محلوله بروح وانفع نفسي بنفسي
راكان :- مسوي خير بس انتبه ترى فيه ناس داخل لا تروح تتهبد
خالد :-خبل انا
راكان :-محشوم ياخو الغاليه
خالد :-تعبت ننفسك
راكان :-ه وانا صادق
محمد :-هيه نحنا هونا
راكان :-دارين انك هونا
تركهم خالد يتناقرون وراح لباب المطبخ الي يطل على الحديقه ...
فتح الباب الا ويتسمر مكانه ...
الي يشوفها جن والا انسوالا بالاحرى ملاك
تبارك الخلاق ...تقطر نعووووووووووووووووووووووومه ...
انتبه على نفسه ورجع بسرعه لاتشوفه ...
طلع للحديقه وقلبه طبول في صدره ..
اكيد هذي اخت محمد ماغيرها ....
&&&&&&&&&

(الفصــــــ الخامس عشرـــــــــــــل)
(الجزء الاول)

><في بيت راكان><
قال محمد لراكان وهو يشوفه تعبان بس يحاول يكون قوي :-راكان
التفت له راكان :-سم
محمد :-سم الله عدوك راكان ليش تكابر
ناظره راكان بقوه :-مافهمت قصدك
محمد :-انا مو غشيم عنك حنا عشرة عمر ليش طلعت من المستشفى وانت تعبان ياخي ما كملت 24 ساعه على بعض
مسك راكان مكان الجرح الي على صغره الا انه ينغزه بالم
قال بجديه :-فيه امور اهم من جلستي في المستشفى
عصب محمد :-مافيه شي بالدنيا اهم من صحتك
راكان (بانت نفسيته صح) :- صحتي وحياتي مثل ماشفت معرضه للخطر ويمكن تضيع في اي لحظه
جاء بيقاطعه محمد وش هالافوال ..لكنه رفع يده يسكته
راكان :-اسمعني للاخير
محمد بغصيبه :-تفضل
راكان قال وهو يعدل جلسته :-شف يا محمد توقعت من عماني اللا متوقع لكني ماتوقعت توصل بهم المواصيل انهم يفكرون يذبحوني (قال وهو مو مصدق) يذبحوني محمد انت متخيل هالشي
محمد :-----------------
راكان :-كيف تبيني اجلس مرتاح وفي نقا وهم يهددون بيتي مستقبلي حياتي والاهم اهلي الي مالهم غيري
محمد :-معك حق بس صحتك
قاطعه :-انا رجال قوي واقدر اتحمل والطب تطور والعمليات الي زي كذا بسيطه جدا كانها انفلونزا ولا حمى مو شي يعني وبعدين كلها ثلاث غرز
محمد حس بانه في راسه موال :-راكان وش في راسك
راكان :-شي مفروض اسويه من زمان ولا سويته
محمد (عاقد حواجبه) :-وشهو
راكان (يفكر وعقله بمكان بعيد) :-بعدين اعلمك خلنا الحين في عماني
محمد :-ماله داعي تقابلهم خل الموضوع علي
راكان معند :-لا لا خلاص وقت التقدير وصون القرابه راح الحرب بيننا صارت علنيه يامحمد وهم البادين والله لاخليهم يندمون على اليوم الي انولدوا فيه انا مانسيت سواياهم هالعشر سنوات انا مانسيت دموع امي المفجوعه ببوي مانسيت يوم ما احترموا الشرع وفترة حداد امي واستحلوا البيت بغيابي وابوي ماله كم ساعه متوفي ..لا لا مانسيت ووقت دفع الديون وصل
عرف محمد ان صبر راكان وصل حده ...
الله يعينهم على الفتره الجايه ....
محمد :-طيب وش الخطوه الاولى
راكان :-انا موصي ناس يهتمون بعمي بدر في السجن ويورونه قدره ..باخذ فترة راحه لين اخف من العمليه عشان اواجم بكل قوتي
محمد :-هذا الكلام المضبوط اهم شي ترتاحناظره راكان بحزن :-ويني ووين الراحه وعمي حمد موجود ...
(ليش ذكر عمه حمد
لانــــــــــــــــــــه راس البلا عمه بدر متهور ومدمن مرفوع عنه القلم وعمه محمد ممكن يكون اطيبهم او بالتحديد في حاله لايهش ولاينش ، الان افتك من عمه بدر وبقي الراس الكبير ان عرف دواه بيرتاح طول عمره)
محمد :-يهونها الله ياخوي تعودنا
هز راكان راسه كان وج مصفر وشكله من جد تعبان قال محمد :-راكان قم ريح لاتجلس كذا انت مسوي عمليه
راكان :-على قولتك
وقف ووقف معه محمد ...
قال راكان :-محمد بكلم المحامي اليوم مره وجب الاوراق من عنده
محمد مستغرب :-محامي
راكان :-ايه
محمد :-ليه
راكان :-كل شي بوقته
احترم محمد سكوته هو يعرف راكان مايحب يتكلم في شي الا لما يكون واقع وممكن تنفيذه...
محمد :-متى تبيني امره
راكان :-بكره
محمد :-تــــــــــــم
دق محمد على امه وعلى اخته علشان يطلعن ...
الا وبدخلة خالد :-يالله اترخص
راكان :-وين بدري
خالد :-بدري من عمرك وراي كم شغله
وطلع خالد ...
ركب سيارته وجلس يفكر بضيق
"علامي شصار فيني ليه اختبصت يوم شفتها وليه قلبي يدق بقوه "
ضرب الدرقسون بيده وكمل طريقه والافكار تاخذه يمين ويسار!!
×
طلع راكان غرفته وهو يجر رجلينه جر حاس ان ماعاد فيه طاقه وتعبان..
يستاهل الي جاه ..
بعناده يغامر بصحته ، بس لازم لازم يرتب اموره ويظمن مستقبل زوجته وامهاته
نام على السرير واخذ جواله ودق على المحامي
راكان :-السلام عليكم
المحامي :-هلا بالشيخ راكان خطاك السو
راكان :-مايجيك اسمع حمدان لو سمحت ابي منك تجهز لي اوراق بقولك عنها الحين
حمدان المحامي :-متى تبيها
راكان (بسلطته) :-بكره
حمدان المحامي :-اعتبرها عندك
راكان :-ماتقصر ابيك تجهز لي عقود بيع بكل املاكي
انصدم حمدان :-هاه
راكان :-الي سمعته
حمدان اختبص :-تامر وغيره
راكان :-ابي تفتح حسابين في البنك واحد باسم امي والثاني باسم مريم بنت علي اوراقهن الثبوتيه برسلها لك
حمدان :-حسابين ياطويل العمر هذي امور مالي دخل فيها
ارتفع ضغط راكان :-عارف بس بيكون لك دخل اذا كانوا حسابين لمدى الحياه بوجودي وبغيابي هالحسابين بيتمون موجودين
استوعب المحامي :-السموحه غيره
راكان :-الحسابين هذولا بحط فيهم مبالغ بنفسي المطلوب منك تجهز اوراق تضمن نزول مبالغ معينه شهريا ولاتنقص قرش وهالمبالغ من شغلي طبعا
حمدان وهو مندمج يكتب على ورق ملاحظات لان راكان من اهم زباينه وبينهم ثقه من زمان رغم ان علاقتهم ماتتعدى اطار العمل الا ان حمدان يكن له كل الاحترام والتقدير
حمدان :-غيره
راكان :-فيه املاك محدده ابي ابيعها مو متذكرها لكني برسلها لك ايميل المهم المعلومات كلها بتوصلك
حمدان :-ببدء شغلي فيها الحين بقي شي
تنفس راكان ...وقال :-لا مشكور
وسكر الخط..
رمى الجوال جنبه وعيونه بالسقف ..يفكر ويفكر ويفكر الحادث الي صار له هزه من الاعماق هزة مالها مثيل..!!
شاف بعيونه حقد عمانه ... وجبروتهم
شاف بعيونه وش بيسوون لو اخذه الموت ...
ماله الا ينفذ الشي الي يخطط له والي مقتنع فيه ...
دخلت دانه الغرفه ولاول مره تشوف راكان مهموم سرحان والاهم متالم!!
صحيح انه ممكن يكون الم جسدي بسبب الرضوض والعمليه ...لكن دانه حست بانه يتعدى الم الجسد
مشت بشويش حتى ماتزعجه..
جلست جنبه وقالت بحنيه :-قلبي شفيك مهموم
حاول يبتسم :-لا ابد
دانه تحس بقلبها يتقطع لانه بس متضايق من يلومه وعمانه يبون موته :-مضايقك الي سواه عمك
جمد وج :-الي سواه مايسويه كافر
قالت من قلب :-حسبي الله عليه
وناظرت حالت راكان قالت بخوف :-راكان اخذت الدوا
هز راسه
راحت وجابته له :-انا مو مستغنيه عنك خذ دواك
ابتسم :-يسلم لي قلبك
ابتسمت وعطته دواه ..
قال راكان بنبره غريبه :-دانه
قالت برقه :-عيونها
ابتسم :-تسلم العيون وراعيتها
دانه :-امرني
راكان :-لو انا في ضيقه ماليه وش بتسوين
وقفت دانه وراحت لدرجها وراكان يناظرها طلعت صندوق ذهبها واخذت بطاقات اعتمادها كلها
جابتها وحطتها عنده ...
راكان يناظرها مو فاهم
قالت له :-انا وانت واحد هذا كل الي املكه خذه
انهبل راكان معقوله فيه بنت تتخلى عن حلالها
وكانها عرفت تفكيره :-حبيبي الذهب بداله ذهب الفلوس بدالها فلوس كل شي يتعوض لكن ركوني ماله بديل
خلاص بيكمل طريقــــــــــــــــــــه وبيسوي الشي الي نواه ماعاد فيها تفكير
ابتسم وقال :-تدرين ان الكون بكفه وانتي بكفه
دمعت عيونها وجلست تبكي
انهبل راكان وقال وهو مازال يحس بنغزات العمليه :-ليش الدموع
قالت وهي تمسحها بيد ترتجف :-راكان بغيت اموت راكان مالي من عقبك حياه
حاول يهديها بس مافيه امل نفسيتها التعبانه تفجرت...والي فجرها نظرة الالم الي لاول مره تشوفها في وج من يوم تزوجوا
احتار راكان معها والي حيره اكثر صدمته بحالتها بسبب الحادث الي لولا ستر الله ولاكانوا مصلين عليه الفجر
وصل راكان حده مو قادر يتحمل دموعها :-دانه طلبتك خلاص والله ان دموعك تألمني اكثر من الحادث الي مريت فيه
ناظرته من بين ضباب دموعها :-راكان انت حياتي
ابتسم وقال :-وانتي بعد الحمد لله ربي ستر وهذاني عندك مابي الا العافيه
دانه حست ان نفسها تبكي ليه ماتدري :-ممكن يعيدون الكره مره واثنين وثلاث (تتكلم وهي تحرك يدينها ودموعها على وجا)
عدل جلسته ومسك يدينها وقال بهمس :-هدي عمرك عشاني وعماني دبرتهم عندي
ماقدرت دانه توقف دموعها ، لكن مايصعب شي على راكان ^_^
*
*

بحر من الدموع 20-12-2007 12:06

يعطيك العافية نور وبليييييييييز لاتتاخري علينا

noor 3ini 21-12-2007 10:23

&&&&&&&&
><في بيت احمد><
دقت الماس على سعاد :-الو بشريني
قالت سعاد باكتئاب :-وش ابشرك به طلع وللان مارجع
الماس تحطمت :-متى طلع
سعاد :-شفتي يوم سكرت منك ورحت لغرفته لقيته طالع يقول مستدعينه بالعمل
الماس :-يمكن جد مستدعينه
سعاد :-ماظنيته الا يبي الفكه من خشتي
الماس :-ه
سعاد معصبه :-رايقه انتي ووجهك
الماس :-انا ادري عنك اقول مرده بيرجع اهم شي لاتتراجعين عن الي بتسوينه
قالت بتردد :-والله مدري بس -----------
قاطعتها :-سعاددددددد
سعاد :-طيب طيب بس والله خايفه واذا صدني
الماس:-انتي وش بتخسرين
سعاد :-ولاشي
الماس :-اوكي جاوبتي بنفسك
حست سعاد انها ثقلت على الماس وحتى ماسالتها عن حالها :-اقول شخبار اخوي ونويفوه
مجرد ربط اسم نويف بسعود يقهرها
قالت تتشمت :- مسفه بابوها الي جابها
سعاد :-ه احلفي
الماس :-ه والله اليوم الصبح يوم جوا البيت
انهبلت سعاد :-نويف بالبيت عندكم
الماس :- ايه اصرف لها من القعده بلحالها
سعاد موب فاهمه ولا شي :-وسعود وينه
الماس :-سعود هنا عندي ...
سعاد (تصارخ وتضحك):-اخسسسسسسسسسسسس يا حركات بالله عطيني الخلطه السريه الي مخليته يموت فيك
الماس :- الله لايخليني منه فيه ناس يحبون بعض بس والله ودك تمسكينهم بالزبيريه وتعطينهم جولتين
سعاد :- تستهبلين زبيريه مره وحده
الماس :-بصراحه انتم ثنيناتكم تجيبون الضغط
سعاد :-شكرا قلبوووووووووووو
الماس :-امدحك انا
سعاد :- لا
الماس حست بصوت سعاد يرتجف :-سعاد بليز خليك قويه يقولون من تغلا تخلا
سعاد (ميته خوف) :-الله يعين يابنت عمي
الماس :-روحي خذيلك شاور حار ونعنشي حتى تروقين اعصابك
ولعت سعاد :-تلمحين لشي
الماس (تبي تحرجها) :-ه انتي وفهمك عاد
سعاد من الاحراج :0يالله ضفي وجهك الظاهر انك شاربه شي
الماس :-ه طيب اكلتيني سلا11111م
سعاد :-سلا11111111م
سكرت الجوال فخاطرها ان بنت عمها انهبلت ..الظاهر زواج رجلها لاعب في مخها
طبعا سعاد ماذاقت الغداء ولا جالها نفس تاكل لانه طالع زعلان ومكسور الخاطر..جلست في الصاله ماله كل دقيقه تناظر الساعه وهو مافيه خبر عنه حتى ماكلف نفسه يعلمها انه بيطلع يوم تكرم علم الشغاله انه بيطلع ..
*
><6 المغرب -في الطريق للبيت><
كان احمد توه مخلص اشغاله او نقدر نقول انه ماسك الاستلام عن واحد من زملائه كل هذا بس عشان يطلع من البيت ومن المكان الي هي فيه لايفقد تحكمه في نفسه ويروح يترجاها تحبه وتعطيه فرصه انه يسعدها (ماذكرنا وظيفة احمد من قبل والي هي انه يشتغل في فرقة الدفاع المدني وهي فرقه من جنود الوطن تكافح الحرايق الله يعطيهم العافيه والي في حالة تأهب دايم لاي طارئ ممكن يكون احمد اشتغل فتره مع الشياب لكنه ماقدر يستغني عن فرقة الدفاع المدني لان حب الوطن بدمه من يوم ماكان عمره 22 سنه يعني من 9 سنوات عشان كذا ماتخلى عن عمله لكنه يساعد الشياب بين حين وحين واحسن شي ان الخميس والجمعه عطله عنده لان رتبته كبيره ومايشارك بعمليات الانقاذ الا عند اللزوم والزنقات)
دق جوال احمد :-هلا
ناصر مختبص :-احمد البشاره
احمد تخبل :-شوي شوي علامك منرج
ناصر :-لا منرج ولاشي طلال رجع له نظره
احمد بغى يسوي حادث من صدمته ...:-احلف
ناصر من قلب :-والله العظيم ما اكذب عليك
احمد جلس يضحك مو مصدق الي يسمعه قال بهبال :-ناصر من جدك
ناصر :-قسم بالله انا اكلمك من مقر العمل بنسافر المناطق الشماليه الحين بس رنا كلمتني وعلمتني قبل لا اسافر
احمد :-يارب لك الحمد والشكر والله صدمه من يصدق
ناصر :-رحمة ربك واسعه
احمد :-ونعم بالله بس كيف (مو مستوعب للان)
ناصر مو مستوعب اكثر منه :- علمي علمك الي فهمته انه اغمى عليه ويوم صحى رجع نظره له
احمد :-الصداع الي كان يخمه بين فتره وفتره كان مخوفني
ناصر :-حتى انا
احمد :-طيب هو وينه
ناصر :-هو منوم بالمستشفى الحين
انصدم احمد :-منوم
ناصر :-اغمى عليه مره ثانيه قدام بيت ابوي واخذه السواق وابوي للمستشفى
احمد :-وبعدين
ناصر :-كلمت ابوي يقول ان الطبيب يقول هذا شي طبيعي وبيطلعونه بعد الاشاعات والتحاليل
احمد :-الاغماء شي طبيعي
ناصر :-تخيل يا احمد في ثواني يرجع له نظره اتوقع هذا اقل شي ممكن يصير
احمد كنه اقتنع :-ممكن طيب تدري باي مستشفى هو
ناصر :-ايه
وعلمه بالمستشفى وبرقم غرفته
احمد :-اوكي انت متى بتسافر
ناصر :-بعد ساعه من الحين لازم على الفجر نكون بالمعسكر بتبوك
احمد :-توصل بالسلامه
ناصر :-يسلمك الله توصي بشي
احمد :-اوصيك بالصلاه ونفسك
ناصر :-مايحتاج توصي مع السلامه
احمد :-الله يحفظك
سكر احمد من ناصر وحول طريقه للمستشفى عشان يشوف اخوه ...وصل احمد على الساعه سبع ومن حظه انه موعد زيارات دخل وتوجه لغرفة اخوه
دخل لقى اصدقاه مجتمعين حوله وابوه موجود وولد عمه سلطان ...
احمد :-السلام عليكم
الكل :-وعليكم السلام
حب على راس ابوه ثم راح لطلال
احمد وهو مستانس :-والله انك راعي مفاجأت ياطلول
طلال ملامح التعب باينه على وج ونور الغرفه مخفض مره ...
طلال :-هذي حلاتي
احمد سلم عليه :-الحمد لله على سلامتك
طلال :-الله يسلمك
ناظر احمد في النور :-علام النور كذا
ابوه :-اخوك عنده صداع وبما ان نظره تو راجع له فالنور القوي ياذيه لان عيونه ماتعودت على النور لها اكثر من شهر
احمد :-الحمد لله الف مره
طلال :-اي والله معك حق الحمد لله
احمد بحنية الاخ :-علمني وش حاس به
طلال :-والله ياخوي احساس غريب اول مارجع لي نظري حسيت وكاني ما انعميت في يوم لكن بعد مارجعت للبيت قام راسي يدور وعيوني تعورني وبعدين ماعاد دريت عن الدنيا ويوم فتحت لقيتني هنا بالمستشفى
احمد وهو يحط يده على يده :-كفاره ان شاء الله
طلال :-ان شاء الله
انتهى وقت الزياره ...وطلعوا كلهم عشان طلال يرتاح ..
احمد :-يبه معك سياره ولا اوصلك
ابوه :-لا سيارتي معي تعشا عندنا
احمد :-تتعشى عندكم العافيه مره ثانيه
ابوه :-شخبار زوجتك
حس احمد بغصه في حلقه :-بخير عساك بخير
ابوه :- مافيه شي بالطريق
مافهم احمد قصده لثواني ، تغير لون وج وارتبك
عصب احمد من لقافة ابوه لكنه مسك نفسه :-تونا بدري
ابوه :-كيف توكم
احمد ضاق صدره :-يبه ماكملنا شهر مع بعض
------->>كانوا بمواقف السيارات ولقى احمد فرصه ينحاش من اسئلة ابوه المحرجه
احمد :-يالله تمسى على خير
والتفت حتى ماسمع رد ابوه ....
ركـــــــــــــــب سيارته وبالطريق كلام ابوه يتردد في راسه
"مافيه شي بالطريق "
جلس يكلم نفسه بألم "اي عيال يبه وهي كلمة قلبي كارهتها مني ..."
ضرب بيده الحره على مسند يده الي بالسياره وهو بيفرقع من القهر ...والاحباط
توه يدري انه يحبها هالكثر وتوه يدري ان فراقها بيالمه الم ماقد حس به !
يمكن تصير معجزه وتقرر تبقى على ذمته لكنه نهر نفسه وهزئها "لاتبني اوهام ياولد نايف لاتبني احلامك من رمال سعاد ماتطيقك بعذرها الصراحه جالس ليلة ملكتها تكلم تهاني بحب وعاطفه ماحسبت حساب ان ممكن احد يسمعك ويفهم غلط ما حسبت حساب مشاعرها لكن لا لانك تحب اختك الصغيره وتنسى الكون لاسمعت صوتها خسرت اهم شي بحياتك خسرت
سعاد!
خنقته الغصه وهو الي ما قد هزه شي بحياته ولاذرف له دمعه باستثناء اليوم الي ماتت فيه جدته الي ربته وربت اخوانه طلال وناصر واخته رنا كانت لهم ام اكثر منها جده ربتهم على علوم الرجال وغرست المرجله والنخوه بقلوبهم علمتهم الصح من الخطأ ومابخلت عليهم بشي واليوم غدوا بين الرياجيل رجال لهم سمعتهم ولهم هيبتهم ويحسب لهم الف حساب
"اااااااااااخ ياليتني اموت "
تدارك نفسه واستغفر ربه .. (ولاتقنطوا من رحمة الله )
يحلها الله بمعرفته وحكمته !
****
**
*
><في بيت ابو سعود><
كانت هنادي جالســـــــه بالحديقه سرحانه والجو رايق ورومنسي ...
جلست تفكر في الرجال الي صدمته ذاك اليوم في المستشفى والله ان قلبها من ذاك اليوم للحين يرقع
"بووووووووووووووووووووووووووو"
فزت هنادي من الخرعه ...
منال :-ه
عصبت هنادي :-ضحكتي من سرك بلا
منال :-الي ماخز عئلك يتهنا به
هنادي تقلد صوتها باستهزاء :-الي ماخز عئلـ------- قومي طسي
منال :-ه
هنادي :-بغت تجيني سكته قلبيه حسبي الله على ابليسك من اخت
منال :-شدعوه كليتني
هنادي برومنسيه :-قطعتي علي تخيلاتي
منال (متحمسه) :-تخيلات في مين
هنادي تربعت بتعلمها لانها بتموت ان ماعلمت احد ولان دانه مشغوله هاليومين بزوجها ومرتبشه بعد الحادث الي جاه
هنادي :-بعلمك بس لاتعلمين احد
قربت منال منها الكرسي وجلست وهي بتفطس حماس :-تعرفيني هنود
وفعلا السر عند منال يموت وهذي صفه من صفاتها الحلوه مثل الهدوء الجرأه والحيا يعني مجموعه اضداد
هنادي وهي تقلب عيونها :-آآآآآآآآآآآه يامنال شفتلك واحد بالمستشفى يجننننننننننننننننننن
حقرتها منال :-على بالي عندك سالفه
هنادي متحمسه :-لا لا مو دكتور ولا ممرض (مو متعوده تقزقز (تناظر) في الموظفين ه )
منال :-ه والله انك خبله اجل وش يشتغل لا تقولين من الامن اذبحك
هنادي :-لا لا الامن مايلبسون ثياب وشمغ عاديه
منال :-ه من جدك ناظرتيه حسبتك تمزحين
هنادي :-ممكن تنطمين شوي
حطت يدها على فمها :-يالله تكلمي
هنادي :- الحمد لله مهبوله انتي
منال :-انا ادري عنك تحكين ، ولا اروح ادور نويف واحرق دمها
هنادي :- لا لا خلي نويف نروح لها نحرق دمها سوى
منال :-ه
هنادي :-شوفي يا اوختي الفاضله يوم رحت ازور دندونه راح سلطان للاستقبال يسال عن غرفة نسيبنا وغرفه دانه كانت قدامنا ما بيينا وبينها الا كم غرفه المهم وانا ماشيه صدمت لي برجال بدون ما انتبه
انهبلت منال :-يافشييييييييييييييييييييييلتي
هنادي :-لا اصبري لا تولولين الحين
منال وفمها مفتوح من الصدمه :- باقي شي
هنادي (وجا احمر) :- شيات مو شي
منال (من الحماس شوي وتطيح بحضن هنادي) :-وش هببتي اطربيني
هنادي (تستهبل):-اطربك وش شايفتني عبد الحليم حافظ
منال :-عبدالحليم ولا سامي الجابر اخلصي كملي
هنادي :-ه الله يخلف علامك تقطين خيط وخيط
منال عصبت :-هنود
هنادي :- طيب بكمل المهم تعرفين اختك مقروده لابعد حد
منال :-طبعا شي مايبيله كلام
هنادي :-ه لا والله وتسب بعد
منال عصبت
هنادي (بدفاشه):-اسوارة ساعتي نشبت بازارير ثوبه
من الصدمه طاحت منال من فوق الكرسي :-هااااااااااااااااااااااه
هنادي شب وجا ضو :- والله
منال عدلت جلستها :-لا يالفضيحه
هنادي :-وانا شذنبي
منال (قب وجا ) :-وش سويتي
هنادي :- تخيلي الموقف تمنيت والله من كل قلبي لو اكون نمله ولا شي ما ينشاف يدي على صدر الرجال واجرها ومافيه امل تنفك لا وامك وبنت عمك مدرعمات يمشن وما درن عني
منال جتها هستيريا ضحك :-
هنادي :-المهم واسحب يدي ومافيه امل شكل يدي معجبها الوضع على صدره
منال :-ه
كملت :-اخرتها وبعد المعاناه قال لي اسمحيلي ومدري كيف الا وهو فاكها
منال :-
كملت :-طاحت الاسواره من هنا وحطيت رجلي من هنا
منال :-ه قسم بالله فلم هندي
هنادي :-ياويل قلبي لو انك شايفته يامنول
تحمست منال :-مزيون
هنادي :-مزيون قليله عليه يجنننننننننننننننن عيونه خبال وبعدين الزين مو كل شي
منال :-الله يخليه لاهله كم تعطينه
هنادي :-امممممممممممممم مدري اظنه بالثلاثينات
منال :-كبير
هنادي :-الحين ثلاثيني كبير
منال :-مايعجبوني
هنادي :-قومي فارقي ماعندك سالفه اجل احب لي بزر توه ببداية العشرين
منال :-خالد ولد عمي مو بزر
ناظرتها هنادي مستغربه :-شجاب سيرة خالد
منال هزت كتوفها :-والله ما تظمنين الشياب اخاف انهم راسمين عليك يبونك له
عصبت هنادي :-مو بكيفهم
منال :-نووّ على سعود وتاليتها سووّ الي بروسهم
هنادي (بخوف):-منال لاتحطميني
منال بعقلانيه :-من جدك هنادي الحين هذا غريب وماتعرفين عنه شي يمكن يكون متزوج، الف يمكن تدرين
قالت بكآبه :-عارفه بس والله من جد قلبي ارتبش يوم طاحت عيني بعينه شعور غريب
منال (بلهجه فيها تنهيده ) :-عارفه وتحسين وكأن في بطنك قالب ثلج وراسك يدوخ
ناظرتها هنادي :-منوووووووووووووووووووووووووول
منال حمر وجا :- كشفتيني
هنادي :-منال وش وراك
منال :-بعلمك بس يكون الكلام بيننا
هنادي :-طبعا
منال :-ياوووووووويلي ياهنوده طحت ولا احد سمى علي
هنادي :-ياكافي
منال :-شفتي يوم نزلتوني ببيت اخوي فهد
هنادي :-ايه
كملت:- المهم راحت رنو تشوف العشاء ودق الباب انا حسبته فهد معه اغراض ومايقدر يفتح الباب ورحت بفتحه
هنادي :-هبلا انتي
منال :-يابنتي الساعه كانت قرابة 12 من بيجيهم هالحزه
هنادي :-اشوا
منال :-المهم فتحت الباب لينه طلال ولد عمي نايف وشكله ماعرف صوتي قال هذا بيت فهد وشكله ارتبك عاد انا قلت ايه قال من انتي --------------
قاطعتها :-ه طولتي لسانك افكورس
منال :- ايه قلت الحين طاق باب بيتنا وتحقق نعم خير
هنادي :- بالله
منال :-ه والله
تحمست :-وبعدين
منال :-ابد راح يحارشني يبيني اتهاوش معه احرق دمي
عصبت هنادي :-سولفتي معه
منال عصبت بدورها :-هنود ترانا بنات حمايل من متى نسولف مع اجناب حتى لو هم عيال عمنا
هنادي :-مدري عنك هذا الي فهمته من كلامك
منال :-هو انتي خليتني اكمل المهم هو سال رنا (وقالت تقلد صوته الخشن) انتم مستقدمين سيلانيه
هنادي :-ه سيلانيه
منال معصبه :-لا والله ولاتقولين يمكن مايقصدني لانه يقصدني
هنادي :-كيف يقصدك وهو تقريبا مايعرف الا ان له بنت عم اسمها منال
منال :-لان رنا نادتني باسمي وسمعه هو ثم سالتني من الي عند الباب وانا قلت واحديستخف دمه
هنادي :-ه بعذره يوم هزئك
منال :-من زينه وحلاته
تحمست هنادي :-كملي قصتك احلى من قصتي
منال :- المهم قالت له رنو لاتسب حماتي تدرين شقال
هنادي :- لا
منال :-قال (تقلده بنبره تضحك) لو حماتي ولعت فيها بقاز
هنادي :-ه
منال :- قاز يحرق عدوينه لو مو ولد عمي كان دعيت عليه
هنادي :-ه شي الصراحه
قالت هنادي تغمز (تبي تقهرها) :-امممممممم يعني ما حبيتيه ولاشي
عصبت منال :-مابقي الا هي يالله بس
قالت هنادي :-طيب مسكين لويتعب ماراح ترحمينه
منال (بغرور) :-من زينه
هنادي (فيها ضحكه) :-حتى لودريتي انه بالمستشفى متنوم
اختبصت منال وبان على وجا
هنادي :-ه كنت عارفه
منال بخوف :-تستهبلين هنود
هنادي وهي توقف :-لا ما استهبل اغمي عليه البارح وودوه المستشفى وتنوم
دمعت عيونها :-احلفي
هنادي وهي تعقد حواجبها :- منول لايكون حبيتيه
عصبت منال وقالت :-يالله ولد عمي حرام لو اخاف عليه
هنادي :-لا مو حرام
منال (بتغير السالفه) :-يالله خلينا ندخل لا تستفرد العقربه بالماس
وقفت هنادي ومشت مع منال للبيت
هنادي :-الا وينها ما بينت من عقب الغداء اليوم
منال (وهي تهز كتوفها) :-منطقه بغرفتها مالت عليها
هنادي بشماته :- شفتي كيف غسل سعود شراعها اليوم على الغداء
منال:- لولا خوفي من ابوي يلفعني بصحنه والا كان قمت ورقصت من الوناسه
هنادي :-ه شعور متبادل
منال :-من جد وش هالطبع والله حتى الهبلا ماتسوي الي سوته اليوم على الغداء
هنادي :-رسمت سنين على سعود تبيه وبراسها انها بتغيره لكنها تجهله مسكينه احيانا ارحمها ضيعت نفسها بنفسها
منال :-لاتشيلين هم هالاشكال يعيشون احسن منا
هنادي :-معك حق بس لاتنسين ان هم من داخل مو مرتاحين ويمكن حتى النوم مايذوقونه مثل خلق الله
منال بجديه :-معك حق الله لايبلانا ولايعنينا ...
><
طلعت الماس من جناحها بعد ماصلت العشاء الا ونوف في وجا ، حقرتها الماس ولاكنها موجوده
لكن نوف ماكان عندها نيه تعدي الموضوع ..
نوف تستهزء :-سبحان الله الغيره بتقطعك تقطيعك
تعوذت الماس من ابليس لان لو الود ودها كان مسكتها مع شعرها وضربت بها الجدران
الماس تستحقرها :-غيره ومن من منك انتي
نوف عصبت :-ليه انا على الاقل كامله واقدر اجيب عيال
حست الماس بجروحها القديمه ترجع تتفتح وقلبها يتقطع والعبره تخنقها ..
كملت نوف وهي تناظر الماس من فوق لتحت :-صحيح اني احب سعودي من سنين لكني عذرتكيوم عشت معه صراحه اكون خبله ان ماتخبلت عليه وحبيته ذوق واخلاق واسلوب حلو
ارتفع ضغط الماس وكملت نوف بتقهرها وتكسر قلبها :-والاهم------------ عاد اظنك فهمتيني
طلت الدموع الخاينه بعيون الماس "كيف قدرت ياسعود كيف ! "
لكنها مسكت نفسها وقالت تستهزء :-على الاقل انا ماخذني وهو يحبني ومعي لانه يحبني الحسره على ناس فايدتهم يفرخون ويجيبون عيال كنهم ارانب
انقلب لون وجه نــــــــــــوف ودخلت الغرفه وصفقتها ...بقوه
الا وبطلعة هنادي ومنال بسرعه ...
هنادي برعبه :-الماس وش فيه من الي يصفق البيبان كذا
الماس مالها نفس تتكلم لان الدموع بعيونها
هنادي وهي تناظر في منال :-الماس شقالت لك هالعقربه اكيد هي ماغيرها
قالت الماس وهي لان متماسكه :-متخلفه بس عطيتها الي تستاهل (قالت تكذب) يالله بروح اصلي كنت طالعه لغرفتي ولقيتها مرتزه تنتظري بالسيب هنا
منال :-عساها الماحي ان شاء الله
دخلت الماس غرفتها..واعصابها ثايره وهايجه ..مو متخيله ان سعود !!
رمت اغراضها الي على الكوميدينه على الارض وجلست على الصوفا تبكي وراسها على ركبها ..
فتح الباب..وسكر
الماس ماعبرته يمكن وحده من البنات ماشافتها لان الصوفا صاده عن الباب وطلعت...
ماحست الا بيدين تمسك يدينها الي حول رجلينها ..
سعود :-حبيبتي شفيك
رفعت نظرها وشافته سعــــــــــود
نفضت يدينه ووقفت .كرامتها ماتسمح لها تعلمه بانها مجروحه حيل منه
استغرب سعود حركتها وقف وقال وهو يشوفها تكابر وتمسح دموعها :-الماس شفيك
بعناد قالت :-مافيني شي
مرت عليه لمحة ابتسامه يعرفها زين لاعندت ...
قال وهو يهز كتوفه :-على بالي فيك شي
ناظرته مو مصدقه اجل فيه احد يبكي وهو مافيه شي والي قهرها وكانها لمحت في وج ضحكه ..
من القهر فكت شعرها المرفوع ورمت شباصتها على السرير ...كذا بدون سبب
انقهرت منه وهي تشوفه واقف يناظرها عادي ..بدون شعور اخذت المخده وضربته بها لكنه مسكها وكانه داري عنها
قال لها :-والحين ممكن اعرف شفيك
اخذت مساده ثانيه ورمتها عليه ...ومسكها
سعود :-هديتي الحين
وصلت حدها وقالت وهي يالله تمسك نفسها :-كـ..كيف --------
ورجعت تبكي
سعود محتار منها مو قادره تركب كلمتين على بعض :-ممكن تفهميني حبه حبه
رجعت لها سالفة الكرامه وصدت عنه ...وهي تبكي وتمسح دموعها بعناد
جاء من وراها ومسك كتفها ولفها يمه قال وهو يناظرها :-لو تغليني علميني شفيك
ناظرته ورجعت تحط نظرها على صدره حتى ما تناظر عيونه وهي تساله لانها تعرفه لاكذب وهي ماتبي تعرف الحقيقه يكفي لو يكذب عليها
قالت وهي تمسح دموعها :-عارفه ماعندي سالفه وعارفه اني غبيه اعذرني استيعابي كالعاده بطيء ------------
سكتت تكتم شهقه وتمسح دموعها وماقاطعها كملت :-عارفه انك متزوج نويف مو عشان تتمقل فيها--------------- (رجعت تبكي
كملت :-------------- وانـ.. انك تبي ولد منها بـ...بس الموضوع يجرحني بشكل ماتتصوره
فهم سعود قصدها قال بقوه :-الماس ناظري عيوني
الماس وهي تهز راسها :-لا
عصب وعندّ :-ناظريها نسيتي انك تكشفيني لاكذبت من عيوني
الماس :-لا
سعود وهو يهزها :-الماس ناظريني
رفعت عيونها وناظرت عيونه قال لها :-وربي الي خلقني والي جمعنا ببعض مافيه ولا راح يكون بيني وبينها شي
انصدمت الماس :-واللــــــــه
سعود وهو يناظرها بثقه:-وش شايفه بعيوني
بدون تردد قالت:-شايفه الصدق
سعود وهو يضمها :-اجل خلاص ارتاحي
رجع يسالها ووج على شعرها :-بس غريب سؤالك المسأله مو مسألة استيعاب بطئ المسأله شي ثاني من الي قال لك هالكلام
قالت له وهي تناظره :-حزر
ضاق خلقه :-نوف
هزت راسها وراح بسرعه :-يبيلها كسر رقبه
مسكته الماس :-عمي هنا بلا فضايح
وكملت بدلع بتروق اعصابه بعد مارفعت له ضغطه :-وبعدين كيف تتركني بلحالي وتروح
وقف شوي يناظرها وجلس يضحك :-والله ماخليتي عندي مخ
الماس :-ه تعجبني بمخ وبدونه
سعود :- فديتك قولي امين
الماس :-وفديتك انت قل امين
وزي ماطلع زعله فجأه------ اختفى فجأه ^_^

**************
^^^^^^^
&&&&

noor 3ini 21-12-2007 10:28

&&&&
(الجزء الثاني)

وقف احمد سيارته قدام البيت ونزل كانت ساعته تقريبا 7 وزود...
حط مفتاحه بجيبه ودخل البيت ولقاه هاجد مافيه حركه ولاشي تلفت يمين ويسار مافيه احد
انعصر قلبه لايكون تركته ...
طلع الدرج بسرعه ...وهو يطلع درجتين درجتين
وقف قدام باب غرفتها وبعد تردد فتحه لقاه فاضي حس بخيبة امل والم ما ينوصف بكلمات ..مسك الباب بقوه وسند ظهره للجدار وهو مغمض عيونه ويتنفس بقوه عشان ماينهار
صدودها له مو بقووووووووووووة تركها له
تركها له دمره...
قضى عليه ...
كسر روحه وقلبــــــــــــــــــــــــــــــــه
ضرب بيده حافة الباب وانجرحت جرح سطحي بس جلس ينزف حط عليه منديل بدون اهتمام يمكن يلقى في الم الجسد راحه ومتنفس للالم الي بروحه والي مو لاقي له مخرج ولاطريق ..
رفع نظره وجلس يناظر في غرفتها الي فضت من كل شي ..من اغراضها ..من وجودها ...ومابقى فيها الا ريحة عطرها
مشى وجلس على طرف سريرها ..الي كان محظوظ وحضنها ...
مسك طرفه بقووووووووووه وقسووووووووووه والقهر يطحنه طحن
وبراســـــــــــه تتردد كلمات (الامـــــــــــــــــاكن)
الاماكن كلها مشتاقه لك ..
والعيون الي انرسم فيها خيالك
والحنين الي سرى بروحي وجالك
ماهو بس انا حبيبي
الاماكن كلها مشتاقه لك
كل شي حولي يذكرني بشي
حتى صوتي وضحكتي لك فيها شي
لو تغيب الدنيا عمرك ماتغيب
شوف حالي آه من تطري علي
الاماكن الي مريت انت فيها
عايشه بروحي وابيها
بس لكن مالقيتك
جيت قبل العطر يبرد
قبل حتى يذوب في صمت الكلام
واحتريتك
كنت اظن الريح جابت
عطرك يسلم علي
كنت اظن الشوق جابك
تجلس بجنبي شوي
كنت اظن وكنت اظن
وخاااااااااااااااااب ظني
ومابقى بالعمر شي احتريتك
المشاعر في غيابك
ذاب فيها كل صوت
والليالي من عذابك عذبت فيني السكوت
وصرت خايف لاتجيني
لحظه يذبل فيها قلبي
وكل اوراقي تموت
آآآآآآآه...آآآآآآآآآآه
لو تدري حبيبي
كيف ايامي بدونك
تسرق العمر وتفوت
آه يالامان ..وين الامان
وانا قلبي من رحلت ..ماعرف طعم الامان
ليه كل ماجيت اسال هالمكان
اسمع الماضي يقول
ماهو بس انا حبيبي
الاماكن كلها
مشتاقه لك
وقـــــــــف وهو يهزء نفسه لا تنحني يا ولد نايف انت رجال وماترضى على نفسك تعيش مع وحده ماتبيك وان كنت تحبها صح بتسوي الي يريحها يمكن تلقى مع غيرك الي مالقته معك...
(غيره)
شبت نيران الغيره بقلبه واحرقته ومابقى فيه غير جسد روحه رماد !
طلع من غرفتها بسرعه قبل لايفقد اعصابه وتنزل دموعه ..
مشى وبمشيته كن جبال الكون على ظهره ...فقد روحه وبهجته ..وحياته ماعاد لها معنى
فتح باب غرفته .....
><
كل دقيقه تناظر سعاد في الساعه وقلبها بين ظلوعها يرقع الي تسويه بيدمرها .. وبينزل كرامتها القاع في حاله وحده لو رفضها وصدها
حست بقلبها يرعد ويرعد ويرعد
الليله تنجلي الحقيقه .. وتقدر تعرف نوايا احمد واذا كان فعلا يحبها او انها خطه من ضمن مخططاته للانتقام منها ...
كانت جريئه حيل يوم نقلت اغراضها لغرفته ..
وجريئــــــــــــــــــه اكثر وهي تنتظره الحين ...
فتح الباب الا وهو يوقف قدامها مصدووووووووووووووووووووووووووووووووووووم
>>>>>>>>>>نظراتهم متشابكه والزمن بينهم معدوم <<<<<<<<<<
صدمة حياته مو مصدق الواقفه قدامه ...
قال بلهجة المصدوم :-سعاد
وقفت ..
سعاد :---------------
قرب منها وقال بتوتر :-مريت غرفتك وشفت اغراضك مو موجوده انتي قررتي تتركيني
ملامح وج قطعت قلبها ...
دمعة عيونها وقالت :-مقدر اتركك
احمد:------------------
باعتها سعاد خلاص بتخلي الكرامه تولي ..
والليله
يــــــــــــا تملكه
ياتخســـــــــــــــــــــره!
قالت ودموعها تضايقها :-احمد انا احبك
انصدم
لاحظت ملامحه :-عارفه ماراح تصدقني بس هذي الحقيقه .. ماحبيت ولا راح احب احد مثلك
تضايقت سعاد من سكوته ..
الصــــــــــــــــــــــــــــــــــــــــــــــر احه الاسابيع الي عاشتها معه مافادتها بشي في معرفة طبعه ...
كل شي فيه غامض
لكنها شافت فيه لمحات من
الحنيه
القسوه
المرح
القوه
المرجله
..
ناظرته وقالت في نفسها وراه ساكت وماينطق بكلمه ...ليش عيونه تلمع
ليش يقــــــــــــــــــــــــــــــــــــــــــــــــ ــزها وكأنها اول مره يشوفها فيها
لكنها كملت كلامها وهي ماسكه يدينها ببعض وكل ماطلت دمعه مسحتها :-اول مره خطبتني رفضتك لاني مابغيتك تتعلق فيني وانا قدامي كم سنه بالجامعه وحتى اعفيك من الاحراج من الشياب لو صار واجبروك تتزوجني او اجبروك تصبر لين اخلص كنت باواخر العشرينات بعمر المفروض تكون متزوج فيه لا وعندك كم ولد .. ثاني مره (مسحت دمعه) وافقت وانا مو مصدقه انك انتظرتني طول هالسنين ومو متخيله حظي حتى احيانا كنت اقول ان
الي يصير روعته مالها مثيل واني بحلم مو علم ..لكني انصدمت يوم سمعتك تكلم بالجوال وظنيت بك السوء (رفعت عيونها له) لاتحسب اني من عدم ثقتي فيك راقبتك ذاك اليوم لا القصه كلها (مسحت دمعه) ان عيوني كانت مشتاقه تشوفك وماصدقت خبر القى فرصه لكني تحطمت عقبها (مسحت دمعه) وتصرفت بتهور وبالنهايه خسرت سنه من عمري عشتها وانا ما احس اني عشتها احس اني مت فيها بكل دقيقه وثانيه ولحظه ..
عارفه اني ظلمتك .. انا لك ان بغيتني وان مابغيتني بعذرك...اصلا انا ما استاهلك
احمد :-----------------------
سالت دموعها يوم طال سكوته ومـــرت من جنبه تركض وهي تجمع بدربها بقايا كرامتها
لكنه مسك يدها ..
التفتت فيه وقالت ودموعها تسيل :-معذور ياولد عمي ماتنجبر روح على روح
جرت نفسها منه بس ماتركها ..
احتارت مو فاهمه شــــــــــــــــــــــــي
صرخت فيه من القهر والخوف :-احمد رد علي كلمني
احمد :-------------------------
ضربته على صدره بيدها الثانيه وقالت له :-خلاص اتركني بروح برجع بيت ابوي بريحك مني للابد
اخيرا تكلم ...وعيونه قبله تكلمت
جيتك بقايا حي كل اكثرة مات
وصلت لك با اخر رمق من حياتي
جيتك خوي الخوف في رحلة الذات
بين الرجا وظروفي القاسياتي
جيتك من الفرقا كثير التلفات
جيت انتحر في نجلك الناعساتي
جيتك مزيج جروح ودموع وأهات
- نديم لعيون الاسف والشماتي
جيتك شظايا تشتعل شوق بسكات
ما ادري حزن مدري سعادة اسكاتي
جيتك لوانتي سابع المستحيلات
اللي يحبك يصنع المعجزاتي
جيت استجيرك من شمس المتاهات
عيت تظللني تحتها عباتي
وابي... أتعافى عقب عذاب المعاناة
على رصيف اشواقك الدافياتي
تلقفيني من ايدين التشتات
صيري بحلاة الروح قارب نجاتي
هلى غلا يمحى كدر كل مافات
يامزنت افراحي ومنبع هناتي

احمد :-الم السنين الي عشتها بين صدودك ورفضك مايجي شي قدام الم صدك لي الحين
استكانت وهجدت وظلت تناظر فيه ..
كمل :-انتي لي يابنت عمي وماراح تكونين لغيري سميها انانيه سميها بداوه مايهم الاسم الاهم ان القلب ما مال لغيرك
انصدمت سعاد
كمل :-كيف تثقين في صدق كلامي يوم قلت لك اني احبك من يوم ماكان عمري 15 وانتي متخيله اني بتخلا عنك باختياري لا ..انا عطيتك الحريه عشان الي يريحك لو يتعبني يريحني ..
قالت وهي تبكي :-صدق
ابتسم من قلبه لاول مره من يوم ماتزوجوا ....
احمد برقه:-مسموحه يالغاليه بدون ماتقولين انتي هنا
وحط يدها على قلبه ....
حمر وجا ومازالت دموعها تسيل
مسح دموعها وقال بحنيه :-ليش الدموع قلتي انك تحبيني .. وانا من بعدها كأني ملكت الكون بقبضة يدي خلينا ننسى كل الي فات احس ان عمري بدى من اليوم ...
ومن هالليــــــــــــــــــــــــــله ...
حمر وجه سعاد ..... من كلامه
من كان يصدق انه سامحها ..شاف الحيره متجليه على وجا وقال :-لاتصدقيني لاقلت بنتقم وبذلّك مذله لا انا كنت معصب وزعلان لاني حسبتك تلعبين بمشاعري وتتدلعين لو انتي مكاني وكنتي تكلمين وسمعتك فكرت بنفس تفكيرك السالفه لو نفكر فيها بعقولنا ما تجرح لاننا ماكنا نعرف بعض ولاننا مابيننا مبدأ ثقه لا انخان خيانته تذبح ..اعاهدك في هالليله ومايشهد على عهدنا غير الي خلقنا انك اول واخر حبيبه لي واني راح احميك واصونك وان القلب مشرع لك جميع ابوابه
ابتسمت من بين دموعها :-وانا بعد اعاهدك ياغلاي
تبلم احمد :-شقلتي
حمر وجا :-قلت انا اعاهد-------
قاطعها :-اخر كلمه هي الي تهمني
سعاد ووجا مولع
احمد متخبل :-فديت الحيا كله
الا وبيجر العمل يعطي تنبيه ...
احمد وهو يعقد حواجبه :-خير اللهم اجعله خير
خافت سعاد :-احمد شفيه
طلع جواله وقال وهو يناظرها :-خير مافيه شي بس هذا منبه الطوارئ
اختبص قلبها :-طوارئ
احمد :-هلا عبد الكريم خير
الخط الثاني :-الحق يا احمد فيه عماره سكنيه سبعة طوابق تحترق وعندنا نقص كبير محتاجينك
احمد :-مأهوله العماره
الخط الثاني :-عوايل
احمد بسررررعه :- جايكم بالطريق اطلبوا دعم من مراكز الدفاع القريبه
الخط الثاني :-تم
سكر احمد جواله وسعاد بتموت خوف
سعاد :-احمد وش السالفه
احمد وهو يحط جواله بجيبه :-العمل طالبيني لازم اروح
سعاد ودموعها ترجع :-احمد طمني وش فيه
احمد :-مافيه الا الخير
سعاد دموعها تنزل :-احمد علمني طلبتك
استغفر ربه لانه بيكذب عليها وهو بعد شوي ماراح يكون بينه وبين الموت الا شعره :-لاتخافين قلبي السالفه هينه فيه عماره تو تنبنا محترقه
سعاد شكت وقالت له :-طيب ليش الدعم
كيف نسى ذكاءها قال بهدوء وقلبه من داخل يرجف :-العماره كبيره ولازم الدعم عشان الحريق ما ينتشر لان المنطقه كلها بيوت
وقبل لايشمي حبها على راسها ...
احمد :-ادعيلي
سعاد وتحس ببروده تسري في جسمها :-الله معك يحميك
وطلع بســـــــــــــــرعه
÷
*
بعد عشر دقايق وصل احمد للمركز
احمد وهو يشوف الكل مرتبش ومعلنين الطوارئ والجرس يرن
احمد وهو يكلم نائبه :-طلبتوا الدعم
النائب:-ايه وهم بالطريق
بدل احمد ملابسه ولبس ملابس رجال الاطفاء والملابس الواقيه من النــــــار
النائب :-بتشارك بالعمليه
احمد وهو يسكر السحاب :-عندنا نقص بالفريق
النائب:-نعم
احمد بلهجه حاسمه خلت النائب يستحي من سؤاله البايخ:-اجل بشارك مادرست طول عمري وتدربت على مكافحة الحرايق عشان اجلس ورى مكتب والتكييف يبرد علي وفريقي بين الحيا و الموت
وطلع بسرعه وهو يركض وطاقية الاطفاء بيده ...
تحركت الوايتات المحمله بالمويه عشان تلحق الي قبلها وركب احمد في وحده منها
<
وصلوا موقع الحريق ..
نزل احمد ... كانت الليله قمرا لكن الي يشوفها مو قمرا الي يشوفها مصيبه وكارثه .
المكان كله وهج احمر وحراره تحرق ...
الدمار استمد بكل مكان وصراخ الناس والاطفال بكل مكان ..رشاش الماء يرش على النيران وعلى الارض
صراخ رجال الامن يصم الاذاني ...
ركض احمد وهو يصارخ بتعليماته يمين ويسار ولبسه الاصفر يلمع وسط النار ...
وصل الدعم لكن متاخر لان النار بدت تطلع الطوابق العلويه
قزاز الدرايش تكسر تحت قوة النار...والصراخ كل ماله يزيد طبعا بسبب الحريق العظيم اضطروا يقطعون الكهرباء عن المنطقه واظلمت لكن نورها اللون الاحمر للوهج..
وقف احمد عند مدخل العماره ونسق وصول الجرحى والناس لبرى ...
وصلت الاسعافات الي تعدت العشر سيارات ..
هذا شخص به حروق من الدرجه الثانيه وهذا شخص مختنق ...وهذا طفل يسوون له تنفس صناعي وانعاش
عرّق احــــــــمد وصارخ لفريقه :-بسرعه بسرع طلعوا الناس الي فوق الحريقه تمشي لهم بسرعه انقذوهم وارجعوا سالمين
الصراخ وصله مابين :-ابشر ..الله معنا ..يارب ------الخ
مسح عرقه عن جبهته ...صارت لهم ساعتين وهم يحاولون في الحريقه
وركض وهو يكلم الشرطه تفضي الشوارع من الزحمه وركض للج الثانيه يساعد الاسعافيين .....
ظلل يده على عيونه لانه عجز يشوف من قوة النور ...
"النار كل مالها تزيد "
ناظر وهو مكشر في الناس الي يطلعون بالعشرات من العماره مابين حريم ورجال وشيوخ واطفال ..
كلمه واحد من الفريق :-فضينا الطوابق الارضيه بقي الطابق الي فوق عجزنا نوصل له ..
احمد عصب وصارخ عشان ينسمع صوته بين هالازعاج الي يدمر الاعصاب :-ليه
الرجال:-المدخل مسدود ومدمر مانقدر نتعداه
انصدم احمد وقال وهو يمسح عرقه بقفا يده :-شلون ماتقدرون يموتون الناس يعني بقى عيلتين فوق
الرجال :-ياطويل العمر عجزنا لازم نحتري فرقه خاصه تفتحه لنا
عصب احمد :-ونلحق العار بفريقنا انا بطلع
انصدم الرجال :-انت
احمد :-عجل خلهم يجيبون سلم بطلع لهم من برى وادخل لهم مع الدريشه
الرجال مذهول الجدران حاره من النار والنار طالعه مع الدرايش وكل مخرج وبعدين انه ينصب سلم على الجدار انتحار
احمد عصب :-بسرعه وش تنتظر
خاف الرجال وركض ينفذ الامر ...
عبدالكريم :-احمد
احمد التفت وهو مكشر
عبدالكريم ياشر على مكان محاوطته الشرطه والامن
انهبل احمد :-تلفزيون
عبدالكريم :-تخيل ماعندهم احساس
وصل احمـــــــد حده وقال وهو يصارخ :-مصايب الناس مو فرجه لهم لا تسمح لاي صحفي او كاميرا تتعدى الحدود
عبدالكريم بسرعه :-ابشر
وراح ينفذ الطلب ....
كل مالهم الصحفيين يزيدون ارتفع ضغط احمد لكن حاجة المحجوزين فوق احتلت كل تفكيره ...
صحفي يكلم عبدالكريم :-يا اخ لو سمحت
عبدالكريم :-نعم
الصحفي:-السلم الي منصوب هناك لايش
التفت عبدالكريم وشاف الفريق يحطون سلم طوارئ على طرف الجدار ويرفعونه للطابق-------السابع
شهق ............
احمد مجنون ...........................
ركض عبدالكريم بكل قوته ...ومسك احمد وهو يزين ملابسه ورجله على السلم :-انهبلت انت
ناظره احمد وقال بعصبيه :-لاتنسى اني مسؤلك ياحضرة الضابط
عصب عبدالكريم :-مايهمني لو كنت المسؤال عن العالم الي تسويه جنون
ناظره باستهزاء :-لو انقاذ الارواح جنون انا راضي
عبدالكريم (يترجاه) :-احمد هذا انتحار بعدين كيف بتنزلهم من فوق
احمد :-يحلها ربك لا وصلت لهم بنحاول نفتح المخرج
عبدالكريم :-احمد انت تمشي للموت برجلينك
احمد بجديه :-موتة بعز ولا عيشة ذل
حط طاقيته على راسه وطلع السلم بين ذهول الناس من متفرجين وصحفيين وتلفزيون ومصابين وناجين .......
>
دق جوال سعاد وفزت من الرعبه ...:-الو
ابو احمد :-هلا بنيتي
انخرش قلبها الساعه الحين قرابة عشر بالليل
سعاد ويدها على قلبها :-هلا عمي
ابو احمد :-يبه مافيه اخبار عن احمد
سعاد وقلبها بيوقف :-علامه احمد عمي
ارتبك عمها وقال :-ماتدرين ان عنده مهمه
سعاد :-الا ادري
عمها :-طيب شصار
سعاد :-مدري جهازه مقفل
عمها وهو خايف :-والله وانا ابوك التلفزيون مايعطونك علم بين
انصدمت :-تلفزيون
عمها :-ايه ناقلين العمليه على تلفزيون
استغربت سعاد :-عمي السالفه ماتسوى كلها عماره فاضيه
انهبل عمها :-وش فاضيه الا عماره سكنيه عوايل كلها
صرخت :-هاه
عمها :-لاتخافين يبه خير خير
سعاد :-اكلمك بعدين عمي
سكرت الجوال وركضت للتلفزيون ......
جلست على اعصابها وهي تشوف الدمار الي بكل مكان وامة محمد الي بالشوارع ...
المذيع :-للان لم يوافيني شي جديد ومازالت محاولات قائد الفريق احمد بن نايف وزملاءه جاريه لتحرير سكان الطابق الاخير
سعاد وهي تبكي :-ياويل قلبي
المذيع :-مثل مانرى (والكاميرا على السلم الحديد الفضي) تم القيام بوضع سلم للطوارئ للصعود للطابق السابع وصعد له قائد الفريق احمد ثم لحقوا به اربعه من الضباط وهم عبدالكريم بن خالد ، حسن بن زيدان ، مهند بن عبدالله ، فهد بن فيصل
ماقدرت رجلينها تشيلها ... وطاحت على اقرب كرسي وهي تبكي وترتجف ...
"يارب رده لي سالم يارب"
ظلت على هالحاله قرابة الساعه وبالتلفزيون يرددون لاجديد لا جديد ...حتى الشغاله من كثر ماهي راحمتها تمر بين فتره وفتره تشيك عليها ..
دق الجرس ..
دق الجرس ..
ثواني الا وبدخله هنادي وسلطان ...
صرخت سعاد وهي تطير بحضن اختها :-هنادي
هنادي الي متروعه قالت بهدوء بعيد عنها :-خلاص سعاد وكلي امرك لله
سعاد وهي صايبتها هستيريا :-ياويلي ياسعاد لو صابه شي
سلطان وهو يمسح على شعرها :-عيني من الله خير يا وخيتي
ومر الوقت وهي بحضن هنادي وسلطان جالس على اعصابه ويدينه متشنجه من التوتر
صرخت هنادي :-سعاد طلعوا طلعوا اشوف ناس
جلست سعاد بسرعه ... وهي ما تتجرا تتنفس من الترقب...
طلع حوالي الـ 15 شخص
حاولت تشوفه بس ماقدرت كلهم لابسين لبس موحد ...وعليهم زحمه بشكل كبير
بعد ربع ساعه ...
>>>>>>>>>>>>>>>>> عاجــــــل
المذيع :-وردنا حالا اتمام عملية الانقاذ بنجاح مع اصابات في المنقذين الخمسه بينهم اصابه خطيره سنذكر الاسم اذا وردنا لاحقا
اغمي على سعاد طوالي ....
وماعاد تذكرت شي
******

noor 3ini 21-12-2007 10:33

****
(الجزء الثالث)

><بيت ابو سعود ><
رجع سعود من برؤى وكانت الساعه حوالي الوحده باليل
كل هالتأخير عشان الليله بينام عند نوف وماوده يرجع وهي صاحيه ...لكنه انذهل وهو يشوف منال والماس صاحيات وحالتهن حاله
دخل بسرعه :-خير
منال كانت بتتكلم بفاشه لكن الماس سكتتها ..
الماس بهدوء :-احمد طلع بعملية اطفاء و------------------
زاد نبضه :-وايش
الماس :-ماندري يقولون فيه اصابه خطيره وماندري هو ولا غيره
انصدم سعود :-طيب وسعاد ليه تاركينها
الماس :-عندها هنادي وسلطان
طلع بسرعه من البيت لحقته الماس :-لاتسرع وانت تسوق
...كان على اعصابه من خوفه على صديق طفولته ومن توتره ورعبته ...
وصل المستشفى التابع للدفاع المدني ,,ودخل الطوارئ
وشاف الدنيا مقلوبه والصحافيين مسوين زحمه ...
وبعد محاولات وشغله واقناع قدر يدخل لانه من اهل رجال الامن ...
وصل الغرف المخصصه لهم قدامه ثلاث غرف ...وولد عمه بوحده منها
اما يكون بين الحيا والموت
او
طيب
وجــــــــــــمد مكانه ....
طلعو الاطباء من الغرفه وملامح الحزن على وجيم
"لاحول ولاقوة الا بالله الله يصبر اهله"
طبيب ثاني :-وش اسمه
الطبيب :-اظن احمد بن نايف
"الله يتغمده برحمته "
مالقى نفسه الا وهو راكب سيارته ويمسح دموعه بطرف شماغه دق جواله وازعجه ومسكه وقفله
احمد مات !!!!!!
مو قادر يصدق صديق عمره اخوه ولد عمه رفيق دربه
>
قالت الماس بخوف :-منال سعود مقفل جواله
خافت منال :-هاه مقفله الماس تظنين احمد صاير له شي
قوت الماس نفسها :-لاتفاولين حرام عليك
منال :-ما افاول بس ------- الله يستر
الا وبنزلة الاخت نوف ، شافتها منال من هنا وتعدتها بتطلع غرفتها
قالت باستهزاء وهي تحقر منال:-حضرت الملائكه وهربت الشياطين
عصبت منال ولاول مره من بعد ماسكنت معهم تحتك فيها
منال :-انتي عندك دم او احساس اخوك مايندرا عن مصيره وانتي تبخين سمومك علينا
ناظرتها بنص عين :-اخوي
منال تستهزء وتقلدها :-ايه اخوك
تدخلت الماس وقالت باستحقار :-اخوك احمد يامدام راح في مهمه له اكثر من خمس ساعات ومايندرى عن مصيره
قالت بدون اهتمام :-على بالي عنكم سالفه
الماس ومنال مصدووووووووووووووووووومات
نوف وهي تشوف ملامحهن :-ه الحمد لله والشكر شايفات شي غريب
قالت الماس باشمئزاز :-انتي انسانه متبلده ماتحس
عصبت نوف :-حدك
الماس فقدت اعصابها :-حدي ولا مو حدي هذا كلام وحده يمكن اخوها يكون ميت
نوف وهي تعلي صوتها :-مايهمني تدرين بالطقاق اشبعوا فيه
وراحت للمطبخ كانت الماس بتلحقها وتمسح بها البلاط لكن منال مسكتها
منال وهي تهدي الماس :-خليها تولي عساها الماحي مو شي جديد الي صاير خلينا نروح نصلي ركعتين لله ندعي لاحمد فيها اصرف
الماس وهي مدمعه :-يازين ماشرتي يالله
وطلعن غرفهن !
><
&
><
>في بيت احمد <
كانت سعاد منهاره وهنادي تهدي فيها وسلطان مابطلت اتصالاته ووج مشحب دروا ان فيه حالة وفاه بس مايعرفون من
الا وبدخلة سعود ووج مسود وعيونه حمر ...
عم المكان السكوت ...
مسكه سلطان على جنب :-سعود عرفت هوية المتوفي
هز راسه
همس سلطان :-من
سعود بهمس :-اظنه احمد
سرت الرعده بجسم سلطان :-متاكد شفته
سعود وهو يبلع غصته :-لا ماشفته سمعت دكاتره يتكلمون عنه وانه مات
هدا سلطان نفسه وقال :-لا نستعجل يمكن يكون فيه خطا
سعود :--------------------
سلطان :-لاتقول لسعاد شي
سعود :-طيب
الا وبجوال سلطان يدق رد وبعد شوي صرخ "الله يبشرك بالخيررررررررررررررررررررر"
ركضن لجهته البنات
قال وهو يضحك من الوناسه :-ابشركم احمد حي وطيب ومافيه الاحروق بسيطه وبيطلع من المستشفى عقب بكره حتى يتاكدون انه بخير وانه ماتنفس من غاز الحريقه
بكت سعاد وبكت هنادي معها ...وهن مو مصدقات اما سعود كان مثل الي ضيع شي غالي وفجاه لقاه...جلس يحمد ربه في السر
قال لاخوانه :-الحمد لله على سلامته انا بروح سلطان باتو الليله هنا انت وهنادي
سلطان :-ان شاء الله
وطلع من عندهم ........
شغل جواله الا والماس تدق :-سعود علامك قافل الجوال
سعود وهو فرحان ومختبص :-ابشرك احمد بخير
صرخت :-الله يبشرك بالخير منووووووووووووووووووووووول
سعود :-ه يالله سلام
وسكر ....
بعد ربع ساعه وصل البيت لقاه مظلم ازين شي سووه انهم ماعلموا ابوه وامه ..
طلع بشويش ويوم حط يده على مسكة غرفة الماس الا ابوه طالع ويناظره
سما سعودبالله
سعود :-مسا الخير يبه
ابوه (معصب) :-انت ماتستحي فشلتنا لو يدري عنك عمك فضحك ليه تارك عروسك وطالع
عصب :-اقابلها يعني
ابوه :-انت عشر دقايق ماجلست معها تبيني اامل انك تقابلها
سعود :-يبه انا تعبان بكره نتفاهم ..
ابوه :-اعـــــــــــــــدل ولا عاقبك ربي
وراح لغرفته ..وقف سعود بين الغرفتين مقهور ...ان كان نومه عندها بيرضي ربه ثم ابوه بينام مو مشكله وحتى هو مايبي يجرحها
دخل الغرفه ولقاها مظلمه بس نور خفيف جنب السرير ..
سحب نفس ودخل الغرفه وهو يدعي تكون نايمه مو ناقص احراجات ...
بدل ملابسه ويوم جاء بينام همست نوف :-سعود
كان معطيها ظهره :-نعم
كملت بنفس اللهجه :-طيب ناظرني وانا اتكلم
تأفف ومسك نفسه لايعصب قال بدون نفس :-نوف انا تعبان وفيني نوم
نوف (عساك لمصيبه جبله ماتحس) قالت بدلع :-بس دقيقه
التفت يمها :-نعم
قالت وهي تجلس وتأشر على رقبتها :-لبست هالسلسال وماقدرت افكه ممكن تساعدني
قال بهدوء وهو يناظره :-خليه مايحتاج تنزلينه
اصرت :-ماني عارفه انام وانا لابسته
في باله(صبر جميل والله المستعان)
جلس وقرب منها وحاول يفكه وش معقده ذا ..
قربت منه وبعمد خلت شعرها الي طولان لكتوفها يطيح على وج
ارتبك سعود ...
طاح غطاء قميصها وارتبك زود وتضايق اكثر منها
فك السلسال وعطاه لها
قال وهو مرتفع ضغطه لانه كاشف حركتها :-تصبحين على خير
جاها احباط كل هذا وما تزحزح
قالت وهي على وشك تولع وتعصب :-بتتركني وتنام
مازالت تحاول تغريني ،
قام عن مكانه بعصبيه ولبس ملابسه وقال وهو يكتم صوته لا يطلع :-لا مو نايم وايه بترك لك المكان ارتحتي
وطلع بسرعة الصارووووووووووووخ من البيت
مالقى نفسه الا وهو قدام بيت احمد ..
نزل ودخل ومالقى الا سلطان وهو طالع فوق بينام :-سعود
ناظره سعود :-تعبان وبنام
ما ساله سلطان عن السبب لانه عارف ان حياة اخوه معقده تعقيد الله يعينه عليها
سلطان :-تعال معي الغرفه الي نايم بها فيها سريرين
سعود :-لادق ابوي يسال عني---------
قاطعه :-ماشفناك
سعود وهو يبتسم :-تمام
لكن النوم جافاه وهو يتذكر الموقف الي صار ..كيف يقتنعون ان نفسه ماتطاوعه كيف يقتنعون انه لالماس بس
الله يعينه وبس الفتره الجايه بتكون صعبه حيل !
>
<
>
<
><بيت راكان><
دق جوال راكان :-هلا محمد
محمد :-انت بالبيت
راكان :-طبعا
محمد وهو معصب :-انا بالطريق
راكان :-بانتظارك
بعد ربع ساعه وصل محمد
قابله راكان تحت
قال محمد وهو يمد الاوراق :-انهبلت انت
راكان مستغرب زعل محمد :-شفيك معصب
محمد وهو من جد واصل حده :-انهبلت انت تبيع املاكك
راكان استوعب وابتسم :-ايه قل كذا من اليوم خفت ان الوالده بها باس
محمد :-لاتغير الموضوع
جلس راكان وقال بجديه :-ماراح اغيره والي براسي بسويه
محمد مو مستوعب تصرف صديقه :-راكان انهبلت انت
قال بجديه وهو يتصفح الاوراق :-لا ما انهبلت انا بكون المتصرف الوحيد في كل الاملاك بس في حالة موتي تروح للي بكتبها باسمه
محمد :----------------------
ناظره راكان وقال :-محمد عماني كل هدفهم الورث الفلوس الاملاك ويبون موتي عشان ياخذونها لكن هذا الشي في احلامهم بتروح الاملاك في حالة موتي لاهلي لزوجتي
محمد :-وتحطها في وجه المدفه انت كذا تأذي اهلك
راكان :-بالعكس احفظ لهم حقهم بالقانون وانت موجود لهم
محمد خنقته انفاسه :-عن هالسيره الشينه انت فكرت بكل عقلك في الخطوه ذي
راكان بعناد :-ايه
محمد وهو يهز كتوفه :-انا اثق في تفكيرك الله يدم الي فيه الخير
راكان :-اللهم امين
محمد :-لازم نروح المحكمه -----تعرف الاجراءات
راكان :-عارف مو مشكله اليوم نوقع الاوراق بحضرة شهود ومحامين والباقي على المحامي مو لازم اتعب اهلي بالشاوير
محمد :-ه حلوه المراكز احيانا
راكان :-ه على قولتك
محمد :-انا بطلع الحين
وقفه راكان :-لا اجلس بكلم المحامين يجوون والشهود
ناظر محمد في ساعته :-الحين الساعه 11 صباحا
راكان :-مايهم الواحد مايظمن عمره
عصب محمد عليه
راكان وهو يوقف :-بروح للاهل اخذ تواقيعهم استرح لين ارجع
محمد وهو يجلس :-اوكي اكلم المحامين
راكان :-ياليت هو معه التعليمات بس قله يجي ويسوي الي وصيت عليه
محمد :-ان شاء الله
دخل راكان داخل ... ومالقى احد في الصاله "شكلهم نايمين او بغرفهم"
دق باب غرفة امه ولقاها تصلي لها ركعتين انتظرها لين خلصت حب على راسها :-صبحك بالخير
امه :-هلا يمه كيف اصبحت
ابتسم :-بخير الحمد لله
امه :-كيف جرحك
راكان (يستهبل) :- ه مايجيله اثنين سنتيمتر يمه لاتخافين
امه :-لا تستهين به يمه
راكان وهو يبتسم :-لاتشيلين هم يمه بغيت توقيعك على بعض الاوراق
امه (متعوده على هالشي) :-اوراق ايش مو انا قلت لك فكني من التوقيع
راكان :-عادي يمه هذي تخص شركة اسهم جديده بشتريلك فيها باسمك
امه :-يمه مابيننا فرق
راكان :-عارف بس وقعي الرجال برى بياخذ الاوراق
وقعت امه على الاوراق بدون ماتقراها ....
وراح لامه (مريم)
امه (مريم) :-يمه خيرك مغرقني
لزم راكان :-زيادة الخير خير
امه (مريم) :-انت مو مقصر فديتك حط فلوسك هذي الي بتشتري فيها بالبنك تحتاجها بعدين
عقد حواجبه :-يمه ترى كلها 3 الاف ريال
امه (مريم) :-طايحه بالشارع الثلاث الاف
راكان :-ه لا بس ماتستاهل كل هالازعاج
امه (مريم) :- الله يهديك عنيد
وقعت على الاوراق وماقرتها وهذا من حظ راكان
بقيت المهمه الصعبه
دانـــــــــــــــــــــــــــــــــــــــــــــــ ــــه
طلع راكان الغرفه وهو يحس باجهاد ماقد حس به ..
دخل الغرفه بهدوء لقاها نايمه ، جلس يتاملها بحب يفوق الوصف وكانها حست به ...
فتحت عيونها وابتسمت
راكان برقه :-صباح الورد
ابتسمت :-صباح الفل كم الساعه
راكان :-11 وثلث صباحا
دانه :-ليش صاحي كان نمت
ابتسم :-وراي اشغال لازم اقوم
جلست بسرعه :-روحه للدوام قبل 10 ايام مافيه
راكان :- اموت على القويين
دانه :- لاتصرف روحه مافيه
راكان :-ماراح اروح
ناظرت في الملف الي بيده ، بلع ريقه يارب ما تنتبه للي مكتوب فيه
قال بهدوء :-معي اوراق ابيك توقعينها
مستغربه :-اوراق
راكان :-ايه بساهم لك بشركه جديده اسهم استثمار تنفعك بعدين
دانه :-مايحتاج انت مو مقصر
قال وهو يبتسم :-ماعليه زيادة خير وقعي بسرعه المحامي تحت
بدون تردد خذت القلم ووقعت ...
تنفس راكان وكانه مو مصدق ووقف
دانه :-وين
راكان :-ه راجع بروح اخلص هالاوراق تحت وبرجع
غمزت له :-اوكي
راكان تخبل :-ه ترى بغير رأيي
دانه :- مو شينه
راكان :- دندون
دانه :- طيب انا برجع انام
راكان :-اطلع اصرف
دانه :-ه
نزل بسرعه..ورجعت دانه كملت النومه ، ومشت خطته على خير
&&&&&&&&&
(الفصــــ السادس عشرــــــــــــل)



نزل راكان بسرعه للمجلس لان ضيوفه وصلوا ، عدل شماغه ودخل
راكان :-السلام عليكم
الكل :-وعليكم السلام
وجلسوا .. كان محمد طول فترة النقاش ساكت مايحكي عرف راكان انه زعلان او متضايق ومن يلومه الي يسويه شي خطير ومهم حيل الي يسويه يا يدمر مستقبل يا يبنيه ..
وقعوا الشهود الاربعه على المستندات والي عدد اوراقها اكثر من عشرين ورقه ..
سلم راكان الاوراق لمحاميه :-تفضل يا اخ حمدان وعاد كمل الباقي
حمدان :-تامر طال عمرك يومين بالكثير وتكون عندك الاوراق
راكان (وهو يهز راسه ويسكر قلمه) :-ماتقصر
وقفوا ضيوفه ...وقف معهم :-على وين
واحد من الشهود :-والله يبو فيصل ورانا اشغال
(راكان لقبه من سنين ابو فيصل لانه يحب هالاسم )
راكان :-مافيه طلعه الا انتم متغدين
حاولو يعترضون بس مافيه امل راكان كان ملزم واضطروا انهم يوافقون ويتغدون عنده..
طلع راكان من عندهم وراح بيبلغ دانه عن الضيوف ولقاها تو نازله من فوق
اجوع لوصاله ولا اشبع منه جوع
وانهار وصله مارواني ميّها
عشرة شرف ما شابها خزي وخنوع
ولا جابها مبدا الذراع وليّها
قمة تفاهم بيننا واذرب طبوع
لبــــــــــــا محياها ولبا ضيّها
صحيح انا مسلم ولي قلب (ن) قنوع
لكن ذبحني يوم مابه زيــــــــها
×
رفعت دانه عيونها الا وتشوفه واقف يناظرها ،، يالله كيف الشهور الي مضت ثبتت محبته بلقبها وخلتها راسيه ما تتزعزع مثل الجبال
اخ من حبه الي ملى حياتها وخلى لها لون ومعنى ...
ناظرته وهي تبتسم...
مابينهم كلام ...
بينهم شعور..بينهم احســــــــاس ماينتهي وبينهم حب كل ماله يزيد

احبك والوله فيني يبان في نظرة عيوني
احبك يانظر عيني وانا لك عاشق وولهان
انا يامن سكنت قلبي بحبك صرت مجنوني
الا ياليت تسقيني من اشواق الوله عطشان
كلامك ..رقتك..طيبتك..وضحكاتك انسوني
همومآ عايشه فيني تعذب قلبي الحيران
ترى بعدك يعذبني ، يزود فيني طعوني
انا مو ناقص فراقك بدونك عايش بحرمان
بدونك تكثر جروحي وانا اسمعهم ينادوني
تعال داوي جروحي تراني من البكا تعبان
ترى مهما جرى منك ومهما زادت ظنوني
انا باقي معك وافي مدامك ساكن الوجدان
خلاصة كل ماقلته يبان بنظرة عيوني
تقول اني احبك حيل واني لشوفتك ولهان
×
جمد راكان في مكانه ...
قــــــــــــوة الحب الي جمعهم على الحلوه والمره .زاده ثبات وزاده ثقه...
انسانه بريئه .. صغيره
غيرت نظرته لكل شي ...حتى الهواء غير وطعم الماء صار غير
كل شي في حياته مبتهج ..يحس انه عايش وانه من جده ولاول مره من اعماق قلبه مبسوط وسعيد
طيبك مكفي يابعد قلب مغليك
يكفي وجودك في حياتي مكفي
ليت العمر يهدى والله لاهديك
لحظاتي الحلوه واسكر ملفي
اعاهدك بالي خلق ماني مخليك
لين قلبي النابض احسه مطفي
اخذ الوعد مني بحبي اغطيك
وعدي واذا قلته تراني موفي
×
نزلت له وعيونها بعيونه تتعلق...
طرى لها طاري وخنقتها الغصـــــــــــــــــــــه
(حبيبي....مالي حياه من بعدك)
من كثر ماني احبك صرت اخاف البعد عنك
آه يالدنيا الحزينه كيف اخاف وانا احب
يسكن الخوف بعيوني...والالم يحكم شجوني
مو بيدي يوم اخاف..ومو بيدي يوم انا اسال
وش معك يصبح مصيري..؟
وش بعـــــــــــــــــــــــــــــــــــد حبك اكون !
×
وقف الزمن ووقفت معه انفاسه وهي تمشي له وعيونهم متصله ببعض بطريقه غريبه...
عمره ما آمن بشي اسمه حب ..
آمن بالود والعشره الطيبه هذا ان كان حظه زين ولقى من تقاسمه هالشعور وهالاخلاق..
لكن الي بينه وبين دانه اكبر من كل الود اكبر من كل ما قيل وانقال
يحبــــــــــــها
مختصر شعوره...
وحياته فدوه لعيونها...
انا ماهزني غيرك حبيبي بالبشر انسان
ولاحبيت ابد قبلك ولا افكر احب ثاني
دخيل الليل والقمر او النجم في سمانا ظال
ودخيل الحب وعيونك ودمعا غرق اوجاني
ابي حبك يزلزلني يفجر داخلي بركان
ابيه يطهر جروحي يمحي باقي احزاني
ابيك تكثر الرهبه وقلبي ممتلي ايمان
وابيك تشد من عزمي اذا همي تلقاني
ابي حبك ينسيني همومي وعالم الاحزان
وابي قلبك يصبرني اذا جيتك انا اعاني
ابيك تشيل من قلبي معالم لوعة الحرمان
ابيك توقف بصفي اذا ظرفي تحداني
ابي حبك يجنني وينقش في سماي الوان
ابي قلبك يحسسني بصدق الحب لاجاني
ابيك الصاحب الوافي يحطني دايم بهيمان
ابيك العاشق المخلص يشافي دوم عطشاني
ابي عطشك ابي قربك ابي حب كما البنيان
ابي قلبآ كبيرآ لاملاه الشوق ناداني
ابيك الشاعر الصادق ابيك المغرم الهيمان
تبيع الـــــــــــــــــروح من شانــــــــــــــــي
ابي امكن بقلبك لوحدي مامعي انسان
ابملك كل تفكيرك وتملك كل وجداني
وابي قلبك يواعدني لو خان البشر ماخان
وابي اطلب طلب واحد رجيتك وهو المهم الان
وانا ادري مستحيل ترفض لانك جد تهواني
ابيك تعيش في قلبي اذا تسمح مدى الازمان
ابيك تشوف ماتملك في قلبي وماتعداني
×
ابتسم من كل قلبه :-يسعدلي هالصباح الي لو يجي بنص جمال هالوجه بيكون اروع منه مافيه
حمرت خدودها :- ترفق بي ركوني

قرب منها وقال بوله :-اه يا زين اسمي لا قلتيه
دانه :-ه ياعيني وش هالرومنسيه من الصبح
كشر راكان وسوى فيها زعلان :-لا والله يعني قصدك اني مو رومنسي انا
حمرت :- من قاله اصلا انت مالك مثيل
استانس راكان :-ايه اشوا على بالي
دانه :-افطـــــــــــــرت
راكان وهو يناظر في ساعته :-ه الحين حزة غداء
ابتسمت :-عارفه بس اكلت شي
راكان :-شربت لي عصــــــــــــــــير
انصدمت :-بس عصير
هز راسه
عصبت :-راكان انت تعبان ومحتاج تتغذى
راكان :-يازينك لاعصبتي
طلعت عيونها من الزعل :-نعم
راكان :-احممم اقصد وكانك تكلمين بزر توه صغير تراني بكمل خمسه وثلاثين قريب
ناظرته نظره خطيره :-عارفه انك قريب بتكمل خمس وثلاثين
سوى فيها مصدوم :-بالله تعرفين تاريخ ميلادي
عصبت من جدها :-طبعا اكيد اعرف كل شي عنك
راكان (ماسك ضحكته) :-مشكله اجل لازم اغيب سيرة حياتك
من جد وصلت معها الصيحه للدرجه هذي ماتهمه .. ماحركت ولو شوية من فضوله
مرته بسرعه وهي زعلانه ...مسكها
راكان :-زعلانه
دانه (تكابر) :- ليه فيه شي يزعل
راكان وهو يبتسم :-مدري
حاولت تفك يده عنها بس مافيه امل
قالت بتعصيب :-اتركني
راكان (مبسوط) :-no
دانه بترتكب جريمه :-اقول اتركني
راكان (ناوي على الشر) :-وش بتسوين لو عندت
شبت ضو من داخل قالت تهدد :-بوكس صغنون على مكان العمليه يقوم بالواجب
كشر بيكسر خاطرها :-اهون عليك
كسر خاطرها ومستحيل لو مهما كانت زعلانه عليه تأذيه ..
دانه :-------------------------
عرف انه زودها قال وهو يناظر في وجا :-انتي من مواليد عام 1407 هـ يوم السبت الساعه 5 العصر اول يوم بشهر شعبان درستي بمدارس خاصه من الابتدائي لاخر سنه بالثنوي تخرجتي بنسبة 92% وسجلتي ادارة اعمال بجامعه الملك سعود متاخره ترم ماقد حملتي ولا ماده تزوجتي وانتي باقيلك سنتين وتتخرجين ... درستي عنده سنه وترم ونجحتي فيهم بدون حمل مواد وانقطعتي عن الدراسه سنه وزود .. يعني باقيلك ترم وان شاء الله تخلصينه هالسنه
ناظرته مو مصدقه الي تسمعه ...
راكان :-غلا روحي وقلبي اذا ماعرفت كل شي عنك وش ابي بهالذاكره الي يحسدوني الناس عليها
دمعت عيونها وقالت بدلع:-سخيف
راكان :-ه تسلمين حياتو داري
دانه :-تراه من ورى قلبي لاتصدق
راكان :- عارف فديت هالقلب الطاهر
حمرت خدودها :-خلاص ركوني خف علي
راكان :-ه
دانه وهي تناظر الوقت :-حبيبي بروح المطبخ اشوف وش بيطبخون لنا غداء
تذكر راكان :-يالله انتي السبب نسيتيني
دانه خافت :-وش فيه
راكان :-عندي ضيوف خليهم يحسبون حسابهم بالغداء
دانه :-ه لا والله ولاطعهم بلحالهم وتسولف معي
راكان :- تراهم موظفين عندي ومعارف عادي الواحد يستفيد من مركزه لو مره بالسنه
دانه :-ه توني ادري انك مستبد
راكان (مسوي مصدوم) :-انا مستبد الله يسامحك
دانه :- دور البريء مايليق عليك غيره
راكان يتوعدها :-طيب يادندون بتندمين
دانه :-ه حلاة الندم اذا جا منك
راكان تخبل :-يابنت ارحميني تراني تعبان ومسوي عمليه ماكملت ثلاث ايام
دانه وهي تغمز له :-ه احد داس لك على طرف
راكان :- تروحين تشوفين اشغالك والا تفاهمت معك
مشت بسرعه للمطبخ :-ه اصبحنا واصبح الملك لله
ناظرها وهي ماشيه للمطبخ...
يارررررررررررررررررررررررررربي شكثر احبها
طلع مكتبه ..
وحط الاوراق بخزانته السريه مكانه الامن..نفض الغبار عن يدينه وهو يحس على الاقل براحه لانه ضمن مستقبل الناس الي يحبهم بهالعالم اكثر من روحه
نزل بسرعه ولقة امهاته يتقهون قهوة الظهر ..
راكان :-صباح الخير
امهاته :-صباح النور
امه (مريم) :-كيف اصبحت
راكان وهو يحب على راسها :-بخير الحمد لله
امه :-الله يجعله
راكان :-عندي ضيوف اليوم على الغداء
ام راكان :-الله يحييهم نعرفهم
راكان :-لا موظفين عندي بالشركه ومعارف
الا بجية دانه :-ركوني بتصلي هنا احط لك سجاده
هز راسه :-لا بروح اصلي في المسجد احس اني احسن اليوم
دانه :-براحتك طيب متى تبون الغداء
راكان :-ثنتين تمام
دانه :-ان شاء الله
وقف وراح لضيوفه ..الي مشوا كلهم لمسجد الحاره يصلون الظهر
قالت ام راكان :-يمه ماتدرين عن سالفة التوقيعات الي اليوم
دانه وهي تفكر :-لا والله يمه اظنها اسهم جديده يبينا نكتتب فيها
مريم :-الا صح اكتتاب هو قال لي كذا
دانه :-وانا بعد
ام راكان (قلبها مو متطمن) :-وانا بعد
دانه :-يالله يمه لاتكبرين السالفه وهي صغيره
ام راكان :-على قولتك
وتفرقن عشان يروحن يصلن الظهر
×




noor 3ini 21-12-2007 10:39

><في بيت ابو سعود ><
قال ابو سعود يكلم ام سعود :-وين مرة ولدك
ناظرت في الماس
ابو سعود :-نوف
ام سعود تذكرت ان سعود متزوج ثنتين :-مدري عنها طلبت غداها فوق
ابو سعود عصب :- من متى وحنا نفترق على الوجبات
ام سعود :-شتبيني اسوي
قال ابو سعود لمنال :-روحي نادي اختك تنزل تغداء معنا
عصبت منال :-خواتي هنا يبه موجودات
عصب ابوها :-نوف اختك قومي ناديها ولاتراديني في الكلام
قامت منال وهي فيها الصيحه :-ان شاء الله
راحت تجر رجلينها اما هنادي والماس جلسن يناظرن في بعض
طلعت منال وهي مقهوره ماتبي تحاكي هالشينه بس حكم ابوها عاد
وصلت لباب جناحها ...
سمعت نوف تحكي على التلفون وصوتها يلعلع:-والله لتندم يمه والله لو توصل السالفه للقتل
انخرش قلب منال من جدها ذي تحكي كذا
دقت الباب بقوه ..
نوف :-لحظه يمه ........... نعم
منال بدون نفس :-ابوي يبيك تحت
نوف بقهر :-ماراح انزل
منال هزت كتوفها وما اهتمت :-كيفك
ونزلت...
ابوها :-هاه وينها
منال وهي تجلس بمكانها :-ماتبي تنزل
ابوها :-قلتيلها اني ابيها
منال :-ايه وعيت تنزل
امها :-والله من زين التربيه
عصب ابو سعود :-بروح اشوفها
الكل مذهـــــــــــــــول من موقفه هو بنفسه يطلع لها
انقهرت الماس من عمها ..ومن تصرفاته الشينه الي وصلت انه يحرم سلطان من الغداء في البيت عشان يجمعها بنويف والحين يطلع لها غرفتها
هنادي :-من جده ابوي
الماس :-جت وحكمت بنت وضيح
منال :-لا وسمعتها تحكي على الجوال وتقول لمها والله لو توصل السالفه للقتل قتلتها
اخترعت امها :-من تقصد
الماس (باستهزاء) :-في مين ياعمه فيني اكيد
ام سعود :-والله الي مو صاحيه
هنادي :-قلنا لكم من زمان بس من الي يسمع
======>>في نفس الوقت
دق باب غرفه نوف ، قالت بدون نفس :-من؟
ابو سعود :-انا يابنيتي
فركت عيونها مره وقطرت كم نقطة مويه فيها ...
فتحت الباب ونظرها للارض :-تفضل عمي
دخل عمها وعيونه عليها
قال بخوف :-علامك يبه
نوف (تتضيعف) :-مافيني شي ياعمي
عمها حس بأنّا في الموضوع :-الا فيك شي علميني
سوت فيها ماودها تقول
عمها :-علامك يبه تبين تروحين لاهلك
نوف :-لا
عمها :-سعود قايل لك شي
عصرت لها دمعتين وجلست تبكي ، اخترع عمها
قال بعصبيه :-علميني وش سوى لك وانا اوريه شغل الله
نوف وهي تمسح دموع التماسيح :-لا لا ياعمي ماودي اكبر السالفه عشاني بس اخاف اجلس في مكان بلحالي
انصدم صدمه :-هاه
نوف :---------------------
عمها :-مانام عندك البارح
نوف :------------------
صرخ عليها :-ردي
نوف :-ايــــــــــــه
وطلع بسرعه من غرفته ...
=======>>تحت
قال سعود لامه وهو ياكل من صحنها :- الحمد لله عدت على خير
امه :-مالكم حق ماتعلموني بالي صار في احمد تراه بحسبتكم عندي
سعود :-مافيه شك
هنادي :-الا يامامتي سعودي معه حق لو علمكم قلبتم الدنيا خليكم على عماكم تراكم تجننون كذا
ناظر الماس الي تناظره بحب ، ارسل لها بوسه في الهواء واشر عليها تلحقه بعد شوي فوق
حمرت خدودها وهزت لها راســــــــــــــــــــها
منال :-ه تعجبيني هنود
امهن عصبت :-لا والله ومبسوطات بعد
قالت هنادي بتغير السالفه لانها ماتحب ان امها تزعل :-يمه علمتي سعود بالعمال الي مرونا امس
سعود :-اي عمال
امه :-العمال الي يركبون خط الفاكس
الماس :-فاكس
سعود :-ايه الي مرسلين رقمه على اطباء المانيا الا وين ركبتوه
امه :-ركبناه بالصاله الي فوق لان تحت مافيه امكانية تركيب خط جديد
سعود :-مو مشكله
تضايقت الماس من هالسيره
منال :-الا صحيح ماطلعت النتايج
سعود :-لا ماوصلنا شي للان هم كذا راعين لطعات بس في النهايه تقاريرهم ماتكذب
امه :-طيب ارسل لهم مره ثانيه
سعود :-ارسلت لهم قبل ايام والرد بيوصلني يالليله او بكره
انقبض قلب الماس وحالها مو احسن من حال سعود الي ميت خوف
الا وبدخله ابو سعود والشرر يتطاير من عيونه
سكووووووووووووووووووووووت في صاله الاكل
قال ابوه بدون مقدمات :-وين كنت
نزل سعود ملعقته وعرف ان السالفه كبيره وابوه لاعصب مايعرف يفكر في نفس الوقت
قال سعود بهدوء :-كان عندي شغل
ابوه مازال واصل اخر حدوده في التعصيب :-شغل وانت توك عريس جديد
عرف سعود العله (نويف) وجلس يدعي عليها في نفسه من قلب
قال لابوه وهو يوقف ويقرب منه :-يبه خلنا نهرج بالمكتبه
لكن ابوه ما تزحزح من مكانه وقال :-ليه كل البيت داري عن جحداتك لبنت عمك
تضايق سعود من هالسيره وقال :-يبه لو سمحت ماله داعي هالكلام
قال بكل صوته :-وله داعي تنام برى البيت وتترك عروسك استح على وجهك مالك كم يوم متزوج ومسفه بها
مسك نفسه وقال بهمس :-كان عندي شغل ضروري
ابوه وهو ياشر على الماس :-لو عندك شغل وانت عند الماس بتروح
سعود تغير لون وج :---------------------
دمعت عيون الماس من التجريح الي يوج عمها لحبيب عمرها سعود
صرخ فيه :-رد علي
وصل سعود وحده وفقد اعصابه :-هذي الماس يبه الماس وش جاب لجاب
عصب ابوه وصار يرمي كلامه المسموم على سعود :-:-انت ما انت بوجه عرس
صرخ سعود :-عارف لكنكم غصبتوني واحرجتوني بمجلس كله رجال
كمل ابوه تجريحه :-عز الله منت برجال
صرخ :-لا تطعني في كرامـــــــــــــــــتي والا اقول خذ راحتك صار هالكلام الي تقوله عادي سنين وانا اسمعه كل الابوان يتمنون راحة عيالهم وانا مالقيت منك يبه الا الشقا والله عمري ماقصرت بشي وافديك بعمري بس ليش تعاملني كذا
لكن ابوه مايهزه شي :-لانك عاصي
انجرح سعود من هالكلام :-انا عاصي
الا وبدخلة نوف الغرفه والجو متوتر ....
قال ابوه وهو يناظره وياشر على نوف :-لانك ماتقوم بواجباتك كامله مع زوجتك
طق فيه عرق ...كيف تجرأت وقالت لابوه عن شي خاص بالمره
ومالقى نفسه الا وهو عندها ويصفقها هــــــــــــــــــــــــــاك الكف الا وهي طايحه
ذهووووووووووووووووووووول ملى المكان ....
الا وكــــــــــــــــــــــــــــــــــف ثاني صدى قوتـــــــــــــــــــــه يملا المكان ...
فزت الماس من مكانها ام سعود شوي ويغمى عليها هنادي ومنال متماسكات وعيونهن مدمعه
قال سعود ويده على خده :-تضربني يبه
ابوه :-واكسر رقبتك كرامتي من كرامتها وانت بتصرفك كنك مديت يدك علي
طلع سعود بسرعــــــــــــة البرق من البيت والماس وراه ...
مسكها عمها :-خليه يولي
الا وتنفض يدها من يده وتركض له ..
مسكته برى بالمواقف الي بالبيت
قالت وهي شوي وتبكي :-سعود لاتروح
صرخ سعود :-مالي قعده هنا مالي قعده
مسكته وهي تبكي :-لاتطلع وانت زعلان
صرخ :-الماس اتركيني
الماس :-سعود لاتسوق وانت زعلان
نفض يدها من يده وركب ...وطلع بسرعه ماقدرت تمنعه قلبها يرجف في مكانها وهي تشوفه يختفي عن عيونها مثل لمح البصر
لحقتهم هنادي ومنال وام سعود
منال :-وينه
الماس وهي ترتجف :-طلع
هنادي وهي تصارخ :-ليه ما منعتيه
الماس :-ماقدرت ياويلي هنادي لو صار فيه شي
ام سعود والي ايمانها بربها قوي :-الله بيحفظه لنا (وضمت الماس المنهاره)
كانت نوف واقفه تناظر هالمشاهد بحقد كبير جاها كف وما اهتزت فيهم شعره والحين محاوطين الماسوه بس عشانها تبكي جعلها الماحي كرا لها كل ماله يكبر ... محد يحبها هنا الا عمها الي دخل مكتبه وصفق الباب وراه ..
طلعت لغرفتها والحقد مسود لها عيشتها ....
وقبل لاتدخل الغرفه ... صوت تنبيه لفت انتباا ...
التفتت الا وتشوف رساله واصله في الفاكس .. وبلقافتها المعهوده راحت لها واخذتها ...
صرخت :-ايــــــــــــــــــــــــــــــــــــــــــــــــ ـــــــــش
سمعت اصواتهم يدخلون وركضت لغرفتها والرساله بيدها ..
انهارت على سريرها وجلست تقراها الف مره ...
الماس حامل
مستحيل والخبيث والمرض ....
لا لا لا مستحيل
دقت على امها :-يمه الحقيني
امها :-شفيك يا بنت
نوف مذهوله :-يمه الحقي الماس حامل
امها مو مصدقه :-ه انهبلتي
صرخت نوف :-يمه وصل فاكس من المانيا الماس حامل مو مريضه
امها (تو تنصدم) :-هاااااااااااااااااااااااااااه
نوف وهي ترجف وتروح وتجي بالغرفه :-يمه حامل حامل حامل سعود بيطلقني والله ليطلقني
امها :-لاتفاولين شوفيلك صرفه خليه ينخ لك
نوف وهي تصارخ من الصدمه والخوف :- ما نخ لي الا سعود مستحيل يمه مايطيقني مستحيل اخليه ينخ لي ويتنازل
امها وهي مختبصه :-شوفيلك دبره
نوف بتهور وتخلف :-بقول اني حامل
انهبلت امها من غباءها :-حامل من ثلاث ايام هذي كذبه واضحه وحتى لو فرضنا انك حامل اصلا مايبين الحمل الا بعد شهر
نوف بيأس :-يمه وش اسوي
قالت امها بقسوه وبطء :-لازم يموت الي في بطنها
نوف :-يموووووووووت انهبلتي يمه
امها :- تبين رجلك والا ماتبينه
نوف :-الا ابيه
امها :-خلاص شوفيلك دبره تذبحين فيها ولدها الي في بطنها
نوف (الفكره كانت براسها من اول ماطاح التقرير بيدها ) :-ماهي مشكله عندي طريقه
امها :-حلو طيب احد درى عن خبر حملها
نوف :-لا الرساله طاحت بيدي اول ماوصلت
امها (بتبلد حسي فضيع) :- حبيبة امك خلاص مامعك وقت عجلي
نوف بتصميم :-اعتبري الموضوع منتهي
امها :-انتبهي لا احد يشوفك
نوف :-اكيد
وسكرت التلفون .........
بتموت نوف من الاحباط والقهر والغيره قررت وصممت لازم يموت ولد الماس لازم ...
÷
×
×
><في بيت ابو احمد ><
دق الجرس
الا والشغاله تجي
ام احمد وهي تفكر في حمل الماس الي طاح على راسها وعلى راس بنتها مثل المصيبه
الشغاله :-ماما رنا هنا
ام احمد :-رنـــــــــا
الا وبدخلة رنا الي كانت متضايقه من وجودها في هالبيت الي تشيل في قلبها من ذكرياته اشينها واسؤها ..
نزلت طرحتها وهي تناظر في امها ..
رنا وهي تقرب منها :-السلام
امها :-تو تذكرتي ان لك ام
ابتسمت رنا بألم :-يمه انا مسافره وجايه اودعك
امها بقسوه :-انتي سافرتي لبنان شهر العسل وش الي تغير
مسكت عبرتها :-هالمره بسافر واسكن بعيد
امها :-ايه الشرقيه صح
رنا :-ايه
حبت على راس امها الي صدت عنها ..
قالت وهي تلملم عبراتها :-انتبهي على عمرك
وطلعت ..
وطلعت ..
الا ابوها في وجا ضمها من قلبه :-شلونك يبه شخبارك
رنا :-بخير يالغالي كيفك انت
ابوها :-بخير وينك من زمان عنك
ابتسمت رنا وين من زمان وهو متعشي عندهم قبل اربع ايام
رنا :-مقصرين يبه السموحه منك
دمعت عيونه :-خلاص نويتوا السفر
رنا :-ايه يبه دعواتك
ابوها :-الله يحفظكم من كل سوء يارب
رنا :-يالله يبه
ابوها :-وين
زينت طرحتها :-فهد برى مانبي نتاخر ودنا نوصل قبل الليل مايليل
ابتسم ابوها :-عنيده مثل رجلك
طلع معها وودعهم لين غابوا عن نظره ..
مسح دموعه بشماغه .. راحت الحنونه الله يحفظها ويرزقها
دخل ولقى ام احمد جالسه ..فزت من الخوف يوم شافته قال وهو مايناظرها :-اليوم رديتك
تهلل وجا
وكمل :-المره الجايه بيكون طلاق بدون رجعه
وطلع من عندهـــــــــــــــــــــا
>>في السياره
شاف فهد رنا ساكته مو على عوايدها
قال برقه :-قلبي ليش ساكته
ابتسمت :-سلامتك
فهد :-الله يسلمك صار شي داخل
عمر فهد ماجاب لرنا سيره الا انه يعرف فعايل امها معها ومع اخوانها ولا راح يقول لها لانه يعرف نفسها عزيزه وكرامتها غاليه وان درت انه داري عن الوضع قبل لايتزوجها اكيد بتتركه وهو مايقوى على بعادها لانها صارت جزء ما يتجزأ من حياته
كمل برقه :-حبيبتي انا حاس فيك لا تكبتين حزنك شاركيني فيه ترى في المشاركه تخفيف
ابتسمت وقالت :-لا يالغالي وقت الحزن راح الوقت الي رجيت فيه حنان امي انتهى تعودت وكبرت واقتنعت الحين انا الي يحزني الحين حالها لا اكثر ولا اقل وبعدين اخواني ابوي وانت موجودين وتحبوني وماتقصرون وش ابي اكثر الله يخليكم لي
ابتسم لها فهد بحب وتقدير لانها قدرت تتغلب على المها وتمشي حياتها بدل دفنها وهي تنتظر محبة ام ماتعرف اصلا وش معنى كلمة حب
قال فهد :-الله يحفظك لي قولي امين
ابتسمت :-امين
فهد (يبي يغير السالفه) :-قلبي حنا ماراح نسافر الحين
انصدمت :-ليه
فهد (مايدري كيف يبلغها) :-امممممم عندي صديق بزوره في المستشفى قبل
ارتاحت رنا :-حق وواجب
فهد :-صادقه
وكمل طريقه ....
×
×
×
><في المستشفى التابع للدفاع المدني><
قالت سلطان لسعاد :-اهدي شفيك
سعاد بتوتر :-ماراح اهداء لين اشوفه بعيوني
ابتسم بيقهرها :-هذي الي ماتبيه وصاجتنا
ناظرته بقوه وسكت وهو يضحك
×
وقف احمد قدام سرير زميلهم الي توفى البارح غمض عيونها عسى الدمع يختفي كان المتوفي عمره 22 سنه توه شاب بمقتبل حياته الله يعين اهله
مسكه عبد الكريم الي مكسوره يده :-الله يرحمه ياخوي
قال احمد وصوته مختنق :- ماكان ودي يموت احد حتى لو كان مو من فريقي
عبدالكريم :-اذكر ربك يا احمد يومه
احمد وهو متضايق من قلب :-الي مهون علي موته انه شهيد
هز عبدالكريم راسه :-ونعم الميته والله
رجع احمد وجلس على سريره وكتوفه منحنيه
(طبعا الاصابات بين الاربعه الي بقوا احياء تفاوتت بين كسور خفيفه وحروق طفيفه )
عبدالكريم :-بشرني عن اصابتك
احمد وهو يناظر في كف يده المضمد ويلمس جنب رقبته الي عليه ستكر :-الحمد لله حروق بسيطه لولا ستر الله والا كان طارت رقبتي بدل الحرق
عبدالكريم :-الا علمني وش صار
احمد ومناظر النار والصراخ والحر والكتمه تتجسد قدام عينه
قال بضيق :-اول ماطلعت فوق لقيت العايلتين طالعين بس محجوزين مايقدرون ينزلون لان الدرج من تحت مسدود بفعل الحريق والخشب المحترق ديكورات العماره كانت كثيره وهي السبب في سد المخرج
عبدالكريم :-طيب
احمد :-ابد نزلنا ولقينا ثغره وقدرنا نخلص اول عايله وانتم اخذتهم ونزلتوا وبقيت انا والشباب وقدرنا نطلع العايله الثانيه وانهار جزء من الديكورات على الدرج وصرنا حائط بشري بيننا وبين العيله (شاف الاعتراض على وجه زميله) ولاتعترض كلهم اطفال صغار وامهم لان رجلها ماكان موجود
واخر من نزل انا وتفاجات الا وحديده تطيح علي وجت على رقبتي وانا مسكتها والا ثقلها ما ينوزن ثقيله ومثل ماتشوف حرق بكف يدي منها غير لسعات النار بسبب عملية الانقاذ
عبدالكريم سكت والا كان وده يسال عن الي مات
عرف احمد ان عبدالكريم وده يعرف شصار للولد الي مات :-اكيد تبي تعرف كيف مات مهند بن عبدالله مدري شصار بالضبط صرخوا فيني الي ينتظروننا وقالو اننا ناقصين مادريت انه لاحقنا ويوم طلعنا فوق لقيناه مغمى عليه وطلعناه لينه قد سلّم والتشخيص يقول انه مات متضرر في الرئتين
عبدالكريم :-الله يرحمه
احمد من قلب :-اللهم امين
وقف عبدالكريم :-انا مكتوب لي خروج
احمد وهو يتنهد :-وانا بعد
عبدالكريم وهو يبتسم :-اجل نشوفك على خير بالمركز
احمد :-ه مانقدر نستغني
عبدالكريم :-يالله بمشي للبيت ام العيال ماسكينها بتجي سلام
انعصر قلب احمد .. الزياره باديه من نص ساعه ولا شاف احد
قام وتوضا وصلى العصر ...
وقفت سعاد ونفسها وقلبها وجسمها كلهم يرجفون ...
كان معطيهم ظهره ويصلي ..
همس سلطان :-قوي قلبك
وقف احمد وطوى السجاده ...
والتفت الا ويشوف حرمه متغطيه .. ومعها سلطان ولد عمه
نزلت غطى وجا وركضت له مو مصدقه انها تشوفه طيب ومافيه شي
ضمته وضمها وهي تبكي وهو يالله ماسك نفسه لا ينهار بعد الضغوطات النفسيه الي مر فيها
قال وهو يمسح شعرها :-خلاص يالغاليه هدي نفسك انا بخير مثل ماتشوفين
قالت وهي تبكي وتمسك وج مو مصدقه انه حي وانه قدامها
تأثر سلطان وقال يبي يخفف جدية الجو :-تأكدتي انه بخير
وسلم على احمد
قال لاحمد :-جننتنا من البارح ماخلتنا نرقد ولا ناكل ولا شي
احمد :-ه تحبني ياخي شسوي
حمرت خدود سعاد
سلطان (يستهبل) :-اقول لاتخلوني اتحسر على عمري ترى قدامي سنه بعشر سنين
سعاد :-ه الله لا يعنينا
سلطان :-الي يده بالنار مو مثل الي يده بالمويه
سعاد وهي تناظره:-اقول فكنا بس
(وكملت تكلم احمد) :-كتبولك خروج
احمد :-ايه
بغت تشقق من الفرحه ..قالت له :-جبت لك معي ملابس
نسى احمد سالفه الملابس ، حب على راسها :-تسلمين غلاي
حمرت خدودها
سلطان :-احمممممممممممم نحنا هنا
احمد :-ه
سلطان (يصرف عمره) :-فهد بالطريق مكلمني بروح احتريه تحت
وطلع بسرعه
احمد :- تصريفه حلوه
صرخ سلطان بالسيب :-اعجبك
ناظرها احمد بحب :-ممكن تساعديني في لبس ملابسي
انصدمت :-هاه
احمد يالله ماسك عمره لايضحك :-اقول ساعديني
ارتبكت وحمرت وحالتها حاله :-بـ...بـ..
احمد :-ه وشو ب ب لايكون عندك لغه جديده وانا مدري
سعاد شبت ضو وانقهرت منه :-بنادي النيرس
احمد :- الحين تخلين حرمه تساعد رجلك وانتي موجوده
سعاد (منقهره) :-هذي وظيفتها
احمد (بيقهرها) :- مافيه مشكله والله يا ممرضات ها المستشفى يجيبن العافيه
ولعت من الغيره وقالت وهي تطلع ملابسه من الكيس :-هونت بس عناد لك
احمد وهو مبتسم يازينها لاعندت
وساعدته وهو يلبس ويدينها ترتجف ...
مسكها مع يدها وقربها منه في لمح البصــــــــــر ^_^
×
---------->>>في مواقف المستشفى
قالت رنا لفهد :-لا تتاخر علي
فهد :-انزلي معي
انصدمت :-انهبلت انت
فهد :- لا بس زوجته صاير لها حادث وابيك تزورينها
ابتسمت :-قل كذا من اليوم
ونزلت وهي على نياتها ...
طلعوا الطابق الي فيه غرفة احمد ..وكان سلطان ينتظرهم في الانتظار
انصدمت رنا :-سلطان
الا وبجيته لهم
سلم على فهد وعليها
سلطان :-شخبارك رنا
رنا :-بخير انت وش اخبارك
سلطان :-الحمد لله بخير
غمز له فهد يسكت لايعلمها وقال :-دلنا على الغرفه
استغربت رنا :-تعرفونه كلكم
سلطان (يستهبل) :-من سنين
عصب فهد عليه ...
ووصلوا الغرفه ...
وقفت رنا وقالت وهي مو فاهمه شي:- من غرفته الحين ذي
دق فهد الباب :-ادخل
انصدمت رنا وقالت بهمس :-احمد
دخلت بسرعه الغرفه لقت احمد لابس ملابسه بيطلع وسعاد عنده ضمته بسرعه وهي خايفه :-احمد بسم الله عليك وش فيه
قال فهد بعد ماسلم عليه :-احمد كان عنده مهمه امس ومتنوم
رنا انصدمت :-ليه ماعلمتني
فهد :-عشان تنهارين اعرفك رنو قلت اجيبك تشوفينه على الطبيعه احسن
احمد بحنان :-انا بخير الحمد لله بس حرق بيدي ورقبتي وبطلع الحين
رنا :-احمدك يارب اشوا اني تو داريه
فهد (يستهبل) :-عشان تعرفين قيمة فهودي
سوت معصبه :-فهودي بيعرف قيمته صح لا وصلنا للبيت
فهد (تفكيره بوادي) :- اه متى نرجع البيت
الكل :- ه
قال سلطان وهو توه يدخل :-يالله بو حميد بوصلكم بيتكم
ومشوا كلهم ...
رنا وفهد سافروا للشرقيه وسلطان يوصل احمد وسعاد بيتهم وهو غافل عن المصيبه الي ببيت ابوه
**
*
**
><في بيت راكان><
دانه :-هلا وغلا خلووووووووووووووووووودي
خالد :-ه اهلين
دانه :-وش هالزياره الحلوه
خالد (يستخف دمه) :-الحلوين حلوين دوم
دانه :- احلف
خالد :-تدرين شلون انا جايك في مصلحه
دانه :- والله اني داريه شعندك
خالد (بدون تردد) :-انا نويت اتزوج
انصدمت دانه من الفرحه :-احلففففففففففففففففففففف
خالد :-ه والله
دانه مو مصدقه :- من جدكككككككك والا مقلب
خالد :-والله جد
دانه :-امرني انا مستعده اعطيك اجل الي تبي
خالد :-ه هذا الي ابيه
وكمل :-شرايك باخت محمد
ماذكرت دانه :-من اخت محمد
خالد :-افففففففف اخت صديق زوجك
دانه :-ااااااااااااااااايه
خالد (يناقرها) :-اي شي فيه حبيب القلب ماتنسينه
دانه :-ه وش حارق بصلتك
خالد (يتمصلح) :-انتي الخير والبركه
دانه (كاشفته) :-ه اموت على التمصلح
خالد :- لا من جد شرايك فيها اخطبها
دانه تو تنتبه :-الا وش معنى هي
خالد بهمس :-بعلمك بس لاتعلمين احد
دانه :-قل
خالد :-كنت برروح اشرب مويه وشفتها بمطبخك
عصبت دانه :-تقزقز في بيتي
حقرها :-انطمي وانا شدراني انها بتكون بالمطبخ شفتها من هنا وهجيت من هنا
دانه :- ه عجبتك
قال بوله :-تهبللللللللللللل
هجدته دانه :-اش لايسمعك راكان يطين عيشتك
خالد (مسوي قوي) :-ماعلي منه بعدين بتصير زوجتي
دانه (تذكره) :-بتصير ماصارت
خالد تأزم :-ليه متزوجه
دانه :-ه لا مو متزوجه ولامخطوبه
تنهد :-ياشيخه خوفتيني
دانه وهي فرحانه :-متى بتكلم الوالد
ابتسم بوناسه :- تشورين علي اتوكل على الله
دانه :-توكل على الله البنت ماشاء الله عليها ومن حظك انها من نفس قبيلتنا عشان ما يتحججون الشياب
خالد :-على قولتك
ووقف
دانه :-وين بدري
خالد :- خير البر عاجله
دانه وهي تمشي معه :-الله يوفقك خلوّد
خالد :-اللهم امين سلام
دانه :-سلام
دخل راكان من نفس الباب الي طلع منه خالد ، ابتسمت دانه :-قابلت خالد
راكان :-ايه قابلته ماسالتيه شخبار احمد
دانه :-من احمد
راكان مستغرب :-ولد عمك
خافت دانه :-شفيه احمد
راكان يهدي خوفها :-مو هو في فرقة الدفاع الوطني
دانه :-ايه
راكان :-صار له حادث بعملية انقاذ
دانه :-ياويل قلبي
راكان :-لا تخافين طلع اليوم من المستشفى وطيب
دانه :-الحمد لله
قال بيغير مودها :-حياتي تعالي ابيك تساعديني الشغل متراكم
ابتسمت :-تبشر
وطلعوا لمكتبه فوق
×
×




noor 3ini 21-12-2007 10:44

><في بيت حمد عم راكان ><
كانوا عمانه مجتمعين ...ومعهم ساره
قال ابو سعد (حمد) :-اخونا يعذبونه في السجن وانا ان ماخاب ظني باوامر من راكان
قاطعه محمد (ابو علي) :-(ان بعض الظن اثم)
قالت ساره تتافف :-اوووووووووف عن المحاضرات الدينيه
عصب ابو علي :-سبحان الله الحين كلمت الحق تزعلكم
ابو سعد :-على قولة ساره عن المحاضرات ودور لنا صرفه
ابو علي :-صرفت ايش اخوك مرتكب جريمه
ساره ببرود :-لاتكبر الموضوع
ابو علي :-كيف لا اكبره وهو كان يبي يقتل النفس الي الله محرم قتلها
ساره وهي تقلب عيونها :-رجعنا للمحاضرات الدينيه
وقف ابو علي وقال :-اذا مو معجبكم كلامي اطلع احسن
ابو سعد :-اجلس عن الزعل الفاضي وش تقترح
ابو علي :-مدري بنجيب لبدر محامي
ساره :-جبنا له احسن المحامين لكن موقفه ضعيف والي مزود الطين بله ان عليه اكثر من عشرة شهود واولهم راكان
ابو علي :-اجل ياخذ جزاه
عصب ابو سعد :-هذا اخووووونا
قاطعته ساره :-يبه عمي معه حق قي نقطه خله ياخذ جزاه ومنها يريحنا من وجع الراس
كأنه اقتنع :-بس
ساره بلهجة اقناع :-يبه اخذنا كفايتنا منه خلاص وصلنا حدنا انفضحنا في الصحافه وبين اهل السوق من فعايله القشرا خلوها تجي منا وكأننا مناصرين للعداله ومناصرين لولدنا راكان قدام الراي العام حتى نخفف من الاضرار الي سببها لنا عمي بطيشه
هز ابوها راسه :-اممممممم ونعم الرأي برتاح ويريح
وقال بحقد :-انا الي قاهرني انهم يعذبونه في السجنن يصبحونه على ضرب ويمسونه على ضرب
قالت برهبه لانها تعرف راكان لاعصب :-يبه لو يبي راكان محانا عن وجه الارض ومحد فتح فمه بكلمه ليتها توقف على عمي بدر بس
ابو علي (بخوف) :-ياخوفي لايكون حاطنا براسه (انفعل) كله بسببك يا حمد دايم تتحداه وهو ساكت انت الحين طلعت الاسد من عرينه حلني الحين وورني كيف بتحمينا منه ومن بطشه
ارتجف قلبه بصدره من كلام بنته واخوه هو مو غافل عن قوة راكان لكنه كان واعي لنقطه مهمه والاهي نقطة ضعف راكان (الدم الي يربط بينه وبينهم) لكن شكله تبرا من هالقرابه وبيتفضا لهم
قال بو سعد :-رح نهدي اللعب معه هالشهور الجايه
عصبت ساره :-وحلالنا يتهنى فيه مع بنت فهد
ناظرها ابوها من فوق لتحت :-الحين هذا الي هامك
من قلب :-ايه هذا الي هامني ابي اشوفها ذليله ضايعه ووحيده ابي انتقم منها
ابو سعد :- لا يالشرانيه
ناظرته بحاجب مرفوع :-تلومني
قال ابوها يستهزء :-انا لو احد يكرشني حقدت عليه عمري كله
حمر وجا :-اووووووف لاتذكرني اشب نار لاذكرت هالموقف
ابوها (متبلد) :-انتي شتبين فيه مو ناقصك شي انتي اغناء مني ومن عمانك
قالت ببرود :-لاول مره بحياتي ادري ان الفلوس ماتجيب سعاده
قال بقوه :-الا الفلوس هي السعاده بحد ذاتها
ناظرته :-بالنسبه لك انت لكن انا لا
قال يستهزء :-اجل ليه مزعجتنا
قالت بحقد :-ابي اذله واذل زوجته زي ماذلنـــــــي
ابوها :-ه كفوووووووووووو
ابو علي :-طيب الزبده
ابو سعد :-الزبده بنخلي المحامين يدافعون عن هالمتهور الي فضحنا وبنهدي اللعب شوي لين ينسى راكان
قاطعتهم من واقع تجربه :-راكان ماينـــــــــــــسى
صرخ فيها:-الله يسد نفسك قولي امين
هزت كتوفها :-هذا واقع
محمد (ابوعلي) بخوف :-والله لينسفنا
ساره وقفت وماعاد تتحمل الجلسه معهم ...
ابوها :-وين
ساره :-بطلع مليت
ابو علي :- تو ماحلينا المشكله
ساره وهي تحقر عمها :-الا حليناها اقتنع بالحلول المطروحه والا تلحلح وجبلك حل سنع
عصب عمها :-استحي انا عمك
رفعت يدها وهي تمشي دلالة عدم اهتمام ..
قال لاخوه :-ماتشوف بنتك ماتحترمني
ابو سعد وهو يطلع سيقاره ويشغلها :-بنتي الي مو معجبتك عقلها انظف منا اثنيناتنا
هذا شي مفروغ منه وعارفينه ساره بخباثتها وحنكتها تقدر تلقى حل لاي مشكله والمشكله الي مالها حل تقول لهم بدون تردد مالها حل وتدور اشياء تخفف من وقعها عليهم عشان كذا هي شريكه لهم في شغلهم بحكم تخرجها من معهد للاداره العامه وبحكم ممارستها للعمل سنين
طلعت ساره تبي تروح لغرفتها قالت لها امها بلوم :-حرام عليكم الي تسوونه تبون تقتلون الرجال
قالت بكره :-مانبي نقتله حنا مو قتالين هذي كلها سوايا عمي المدمن
امها ما اقتنعت :-تبين تقنعيني انكم بريئين من الي صار
هزت كتوفها بدون اهتمام :-صدقي او لاتصدقي انا قلت لك الصدق
قالت امها لها :-لاتنسين ان الله يمهل ولا يهمل
ساره تضايقت حيل :-اووووووووووووف عن المحاضرات هريتوني من اليوم
وطلعت غرفتها بســــــــــــــــــــرعه ...
جلست امها والقهر ذابحها من سواياهم براكان الي قالبين له حياته نكد في نكد
"حسبي الله ونعم الوكيل" هذا الشي الي تقدر تقوله
دخلت ساره غرفتها وسكرت الباب ورمت نفسها على اول كرسي وجلست تبكي...
وش ذنبها ان كانت تحبه ؟
والله انها تحبه ولو يبيها خادمه ما راح تتردد لحظه ، بس هو الي تكبر عليها وفضلت وحده اصغر منها بالسن زوجه له
مو بيدها لو احباطها والمها تفجروا وصاروا حقد ماينتهي منه ومن زوجته
النار تحرقها كل ليله وما تخليها لا تهتني براحه ولا تهتني بنوم
وكرا لدانـــــــــــــه كل ماله يكبر اكثر واكثر واكثر

&&&&&&&&&&&&&&&&&&&&&&&&&&&&&&&&&&&&&&&&&&&&&&& &&& &&
><في بيت ابو خالد><
قال خالد لابوه وجبهته معرقه من الترقب :-هاه يبه شرايك
حك ابوه لحيته الطويله وهو يفكر :-امممممم والله انا قابلت اخوها وماشاء الله عليه رجال طيب
كنه ارتاح شوي بس لازم ياخذ كلمة الموافقه عشان تزيد راحته
خالد وهو يغمز لامه :-يعني شرايك
ام خالد :-والله يبو خالد مدامك تعرف الرجال ومعجبك توكلوا على الله
ابوه قال بأمل :-والله ياوليدي لو تاخذ من بنات عمك ناصر احسن لك
تغير لون وجه خالد وقال بهدوء :-بنات عمي على العين والراس بس انا ابي هالبنت
ابو خالد :-بس---------
قاطعته ام خالد بنبره حلوه :-يبو خالد كسرت بخاطر ولدك اول مره وكان اعتراضك انا رنا لفهد الحين الولد يبي البنت هذي وماشاء الله عليها كل الصفات الزينه موجوده بها دانه شافتها وتمدح فيها وفي اخلاقها يكفي انها قايمه بامها المقعده ويكفي انها اخت محمد الي واقف مع زوج بنتنا وقفه حتى الاخو مع اخوه مايوقفها هذولي ناس مبداهم الطيب يبو خالد وهذا الي نبيه
ابتسم ابوه :-الله يقدم الي فيه الخير بكره نروح انا وعمانك ونخطبها لك
من فرحته قام وحب على راس ابوه وهو مو مصدق انه وافق ، لو ابوه عمه ابو سعود كان غصبه يتزوج من بنات عمه وانا رفض دبر له مصيبه عشان يوافق غصب عليه ، بس يحمد ربه ان فهد هو ابوه الي رغم قسوته الا انه ما يغصبهم على شي مايبونه كذا من مزاجه وعشان يمشي كلامه وعناده عليهم
دخلــــــــــــت قمر الغرفه :-سلااااااااااام
وحبت على راس امها وابوها
ناظرت في ملامح خالد المتشقق من الفرحه :-خير ان شاء الله فرحوني
قال ابوها والابتسامه شاقه حلقه :-اخوك نوى يعرس
انصدمت قمر وجلست تناقز :-احلفففففففففففف خلوووووووووووووووود ياااااااااااااااااي وناسه اخيرا اخوي بيتزوج
خالد :- على هونك اول شي خليني نخطب ونشوف رد الناس
قمر وهي مرتبشه من الفرحه :- من العروس اكيد منال او هنادي
تغير لون وجه خالد وقال له ابوه يعاتبه :-شف الكل متوقع تتزوج من بنات عمك
حطت قمر يدها على فمها وقالت بدلع مخنوق :-oh sorry
خالد :- ارحميني واخيرا صرتي ترطنين انقليزي
قمر (تستهبل) :-امحق رطن تراني على خبرك بس جلست لي يومين احاول احفظ هالكلمتين
خالد :-ه
قال ابوها وهو مبتسم :-الحمد لله والشكر الله لايعنينا
خالد (يبي يحرجها) :-انت ماتدري يبه ليه تتعلم انقليزي
ابوه من جده :-ليه تبي تتعلم
شمت قمر ريحة مقلب بالسالفه
خالد بخباثه :- عشان حبيب القلب يرطن انقليزي رطن مو صاحي
ولعت خدود قمر وتوعدته وهي تهج غرفتها :-هين ياخويلد مردوده
الكل :-ه
ام خالد :- حرام عليك تحرج اختك
خالد :- ه عساني فداها
&&&&&&&&&&&&&&&&&&&&&&&&&&&&&&&&&&&&&&&&&&&&&&& &&& &&&&&&&
طلعت قمر غرفتها وهي ماله مره من بعد زواج دانه وهي وحيده صحيح ان البنات يجن ويزورنها بس فقدتها لها اثر كبير مسحت دموعها وش يبغن بحياة الشقى وحده مزوجين رجلها غصب عشان يجيب عيال وهي تجلس تتحسر على عمرها والثانيه رجلها عمانه يكرهونه ويبون يموتونه
كم ليله تقضيها وهي تخفف عن الماس المجروحه ودانه المنهاره من خوفها على زوجها كم ليله لما تكسر التلفون تكون مستنزفه مشاعرها
رن جرس رساله جديده

قلبي معك لو كان جسمي مع الناس
ماغاب طيفك عن خيالي دقيقه
اجلس بوسط الناس سارح بهوجاس
لافي يدي حيله ولافيه طريقه
حبك بوسط القلب مبني على ساس
وان قلت اموت بشوفتك هي
(الحقيقه)*

رمت الجوال على السرير وهي تبكي بقوه ... وش مشكلتها ماتدري ..؟؟
دق الجوال وسفهته دق دق وازعجها ,,
مسحت دموعها :-الو
سلطان :-اه ياقلبيييييييييييييييييي
ماقدرت الاتضحك
سلطان بوله :_حراااااااااااااااام عليك لاتعذبيني
قمر :-ه طيب
سلطان :-شخبارك قلبي
حمرت خدودها وسكتـــــــت ...
ابتسم سلطان عرف انه احرجها وقال :-شخبارك قمر
ابتسمت :-طيبه الحمد لله
سلطان (يستهبل) :-الحين ادلعك وماتردين واذا مادلعتك تردين
قمر :_ه
سلطان تخبل :-بجيكم اليوم
انصدمت :-هاااااااااه
سلطان :-ه شفيك قلت بجيكم ماقلت باكلك
ضاعت بين خوفها وبين لهفتها لشوفتـــــــــــه
كمل سلطان بحزن :-قمر ليلي
قمر بهمس :-نعم
سلطان بكآبه :-تدرين اني بسافر اخر هالاسبوع برى
انصدمـــــــــــــت :-تسافر
سلطان :-ايه بكمل الدكتوراه
قمر وهي مدمعه :-تتركني
قال بحزن :-لو الود ودي اخذك معي لكن انتي ناسيه باقيلك سنه ونص وتتخرجين
قالت بصوت مخنوق :-متى بترجع
تنهد من قلبه :-برجع بعد سنه ونص
انهارت على سريرها :-سنه ونص
سلطان :-المفروض دراستي لو اجتهدت وشديت حيلي اخلصها في زمن قياسي الي هو سنتين
لكني بقطع النصف سنه الاخيره وبرجع نتزوج ثم نسافر واكملها
ســـــــــــالت دموعها غصب عنها
سلطان :-قمر ليلي انتي معي
قالت بصوت واضح انها تبكي :-معك
ضاق صدره :-قمر ليلي انا مخبي عنك سالفة سفري من زمان عشان ما يضيق صدرك لاتخليني اندم اني علمتك وما اجلتها ليوم سفري لاجيت اودعك
رجعت تبكي....
سلطان اختبص مابيده حيله عشان ماتبكي :-قمر ليلي طلبتك والله دموعك اغلى شي في حياتي
قالت بتهور وحب تملك :-سلطان لو اقولك لا تسافر بتطيعني
سحب نفس وقال :-لو ماتبيني اسافر ما سافرت بدون تردد بس يهون عليك ما اكمل مستقبلي وارفع من مركزي بين الناس
قالت من قلب :-لا مايهون علي
قال يحاول يستهبل :-على الاقل مع الدراسه راح انسى الاحباط والقهر من التأجيل لعرسنا
قمر :-ه رايق تمزح
سلطان :-الدنيا فانيه غلاي فيها الحلو والمر ليه نقضيها في احزان وهموم خلينا نعيش كل يوم بيومه
قمر :-معك حق
سلطان :-اوكي انا بسكر الحين تامرين بشي
تشجعت وقالت له :-شرايك تجي اليوم تزورنا
انصدم سلطان اول مره تقول له تعال :-غلاي لو ع الجمر تأمر امر ..بمشي حبيبي لو ع الجمر
ولعت خدودها ...
سلطان الي متشقق من الوناسه :-مسافة السكه
قمر :-ه حياك الله
نزلت قمر لامها تحت .... لقت خالد طالع وابوها طالع
قالت بحيا :-مامتي
التفتت امها :-هلا قمور نعم
قالت وهي بتشقق من الحيا :-سلطان بيسير علينا الحين
انصدمت امها
فسرتها قمر غلط ...:-عادي اكلمه وادور لي عذر لايجي
وقفت امها وقالت وعيونها مدمعه :-يمه الله يحييه انا فاجأني كلامك دايم كنت احس انك مو سعيده بهالزواج وماتعطين سلطان وجه
حست قمر بتأنيب الضمير :-يمه العيب مو فيه فيني
ضمتها امها :-ليه يمه العيب فيك
قمر وهي مدمعه :-يمه الي يصير لخواتي هازني من جوى يمه المشكله ان سلطان ولد عمي يعني لشيابنا سلطه عليه وهذا شي مخوفنيام خالد :-يمه لاتخلين شي يهزك كوني قويه واصابع يدك مو سوى
قمر :-معك حق
ناظرتها امها وقالت وهي تبتسم :-طيب يمه بتقابلينه باللبس ذا
ناظرت قمر في لبسها العادي المريح وابتسمت :-ه ما انهبلت للحين
امها :-ه طيب عجلي تلقين سليطين عند الباب
طارت قمر لغرفتها تركض..
ناظرتها امها بحب :-الله يهدي سرك يا بنيتي ويوفقك
&&&&&&&&&&&&&&&&&&&&&&&&&&&&&&&&&&&&&&&&&&&&&&& &&& &&&&&&&
بعد ربع ساعه ...
دخلت امها الغرفه وابتسمت :-وش هالحلى
ناظرت قمر في تنورتها الجينز الزرقاء وبلوزتها الصفراء الضيقه :-حلو لبسي يمه رابع لبس اغيره كل لبسي قصير او cut
امها :-ه حلو مره بعد ومطلع سمارك صح
مدت بوزها :-لاتذكريني بسماري انا مدري ليه ماطلعت بيضاء مثل خواتي
امها :- طالعه لابوك وخالد وبعدين انتي عارفه سمارك تنحسدين عليه كم مره بالكليه يسالنك زميلاتك كيف تسمرين
قمر :-ه ماعندهن سالفه عاد انا قمت اتفلسف وانصب
امها :-
وتذكرت :-يوه نسيتيني سلطان تحت
اختبصت قمر :-اوه يمه ماخلصت
وقلبت الدنيا فوق تحت من التوتر والرباشه مسكتها امها تهديها :-قمور عن الرباشه وانزلي
شوي وتصيح :-يمه توني ماخلصت
امها وهي تناظر مكياجها الناعم وشعرها السايح :-الا انتي جاهزه يالله قدامي
قمر :-يمه------------
لكن امها سحبتها بســـــــــــرعه معها وجلست قمر تضحك من حركة امها ..
وصلن للمجلس وتنحت قمر قدام الباب وقلبها يرقع ...
امها :-قمير ادخلي له انا بروح اشوف القهوه وبلحقك
كشرت :-يمه لاتقولين قمير
امها :- طيب موب قايله بس ان مادخلتي الحين علمت سلطان بهالاسم
خافت قمر :-طيب طيب
وطقــــــــــــــــــــــت الباب ..
انخرش قلبها من صوته وهو يستهبل لانه عارف انها هي :-امــــــــــــــــان ادخلي
كان سلطان على اعصابه لان اخر مره شافها فيها ذاك اليوم يوم وصلهم لملكة فهد ورنا ومشتاق لها حيل
وقف لا اراديآ وهي تدخل الغرفه ...وقلبها مع كل خطوه تخطيها يزيد نبضه
كانت مستحيه وهي تقرب منه ...
قمر :-السلام عليكم
سلطان :-وعليكم السلام والرحمه
قمر :-كيف حالك
سلطان :-بخير مدامك بخير
ولعت خدودها ...
ابتسم وقال :-ماودك تجلسين لاتستحين البيت بيتك
قمر :-
زادت ابتسامته :-اخيرا لقينا تجاوب
استحت وجلست جنبه بس بعيد عنه ...كشر وقال :-تراك قريبه بعدي بعد شوي
الخبله صدقته ويوم جت بتبعد مسكها معه يدها
طــــــــــــــــاحت عينها بعينه ...
وماحست الا ودموعها تنزل انهبل سلطان وتضايق ...مسح دموعها بيده :-وبعدين وشهو له الدموع
قالت وهي منزله راسها :-بشتاق لك الله يحفظك
قال وهو يحس بقلبه ثقيل بصدره :- كلها غمضة عين واكون راجع
هزت راسها ، مسك يدها وحبها
دق الباب الا ودخلة امها ومعها القهوه ، وقفت قمر واخذتها منها
ابتسم سلطان :-ماله داعي التعب ياعمه
ابتسمت ام قمر :- مو من واجبك يمه
سلطان :-دعواتك لي ياعمه
خافت ام خالد
وقال يهدي خوفها :-انا برجع اسافر بكمل دراستي
دمعت ام خالد :-والله يمه ماودنا تسافر بلاد الكفار بس مصلحتك تهمنا ، متى بترجع
سلطان :-الدكتوراه تاخذ دراستها حوالي السنتين
وانصدمــــــــــــت من رده :-بعد سنتين
ابتسم وقال وهو يناظر قمر :-بعد سنه ونص نسيتي عرسنا
استحت قمر ....وابتسمت امها ..ناظرت في الساعه وشافت انه بيأذن بعد شوي وحبت تتركهم بلحالهم
وقفت ووقف سلطان احتراما لها ,,
ابتسم سلطان وحب يمزح :-شخبارك مع اللغه الانقليزيه
قمر :- حتى انت واصلتك ابداعاتي فيها
سلطان :-
وقال برقه) :-انتي كل شي عنك لو كبر الذره يهمني
ولعت خدودها ..
واذن المــــــــــــــــــــــؤذن للصلاه ...
كره سلطان فراقها لان سفره بكره بالليل وهو مو قادر يتخيل انه بينحرم من شوفتها سنين هو تعذب لانه ماشافها هالشهور الي مضت اجل كيف بيصبر سنه وزود ...
دمعت عيونها لان وقت فراقهم دنـا ...
التفت يمها وقال :-ربع ساعه يالغاليه وتقام الصلاه ومن بعد ما اطلع من هنا بنقطع عن شوفتك سنه في نظري اشوفها عشر سنين ولاتقولين اجيك وانا رايح المطار مقدر قلبي مايطاوعني اعذب نفسي واعذبك معي
نزلت دموعها وهي تشوف عيونه مدمعه ...
مو هي الوحيده الي تتألم من فراقهم هالمده الطويله ...
وقف وحب على راسها
قال بصوت متأثر حيل اختفى منه المزح :-لا اوصيك على نفسك
مسحت دمعه نزلت من طرف عينها :-ان شاء الله
طلع وهي معه يدها في يده وقفت عنده وهو واقف وفاتح باب سيارته
ناظروا بعض بدون كلام بدون صوت ...
بس ليــــــــــل ونجوم مختفيه يالله تبين ..تضلل وقفتهم
قالت وهي ماسكه يده :-انتبه على نفسك
ابتسم من ورى قلبه الي يتقطع :-ان شاء الله
ما تركـــــــــــــــــــت يده
ناظرها وقال بصوت مرتجف :-قمر ليلي الموضوع علي صعب كفايه اتركيني اروح او قولي لاتسافر واكنسل كل شي
تركت يده وقالت وهي تبتسم مثله من ورى قلبها :-الله معك يحفظك
هز راسه وركب السياره ومشى ...
غمض عيونها تمسح دموعها الي نزلت ...دموع الندم لانها قصرت بحقه الشهور الي فاتت ..دموع حبها له .. ودموع شوقها لشوفته وسماع صوته
دخلت البيت وهي تردد في نفسها "يارب رده لي سالم"
&&&&&&&&&&&&&&&&&&&&&&&&&&&&&&&&&&&&&&&&&&&&&&& &&&

&&&&&
><بيت ابو سعود><
جلست نوف تروح وتجي بغرفتها تفكر بابسط طريقه تقدر تخلي الماس تسقط حملها فيها بدون مايدرون...
ناظرت في التقرير الي على الطاوله وشقته نصين ورمته بزبالة غرفتها ..
جلست تعض اظافر يدها وهي بتنجن لانها مالقت للان وسيـــــــــــــــــــــــــــــله ...
دق الجوال لينه رقم امها :-نعم
امها :-هاه شسويتي
نوف :-ولاشي
عصبت امها :-كيف ولاشي وش تنتظرين
نوف بعصبيه :-يووووووه مالقيت طريقه للان
امها وهي مقهوره من غباء بنتها :-ماتقدرين تدفينها مع الدرج حق البيت انا الي اذكره انه رخامي واطرافه حديد طالع
انصدمت نوف :-ه صدق اني غبيه وانا اقول بسممها ولاشي
امها :-التسميم يقدرون يداوونه بسرعه لكن طيحة الدرج مضمونه وخصوصا انها في الشهور الاولى والا
نوف :-مدري عنها بس الي اشوفه ان مالها بطن
امها :-خلاص اجل تو حملها ماثبت
نوف (بتبلد) :- والله انك شي يمه
امها :- عشان تعرفين المهم استعجلي
نوف :-اوكي
امها :-انتبهي لايدرون عنك تطير رقبتك
نوف :-طيب
تذكرت امها :-سويتي الي قلت لك عليه
نوف بغباء :-ايش
امها بدت تعصب :-الي قلتلك تسوينه مع سعود
نوف تذكرت بقهر :-اخ يمه تدرين شسوى
امها (واثقه) :- ننتظر اجل ولي العهد
نوف بعصبيه وقهر :-اي ولي عهد سويت كل الي قلتيلي عليه وترك البيت بكبره وهج
انصدمت امها
نوف :-والله
امها عصبت :-وش سويتي
قالت بحماس :-مانزلت اتغدى ويوم طلع لي عمي يسالني شفيني تضيعفت وسويت ماودي اقول له لكنه حلف علي وقلت له اني اخاف اجلس بمكان بلحالي
امها :-يالخبيثه ه
نوف :-ه اعجبك
تحمست امها :-شصار عقب
نوف وهي مقهوره من كف سعود :-ابد نزل ولقى الخ تحت وغسل شراعه وانا من قرادتي نزلت وصفقني كف تخيلي قدام الماسوه وخواته وامه
انهبلت امها :-ليه
نوف:-عمي قال له انه مايقوم بواجباته معي وهو فهمها غلط وحسبني معلمه عمي انه جاحدني من يوم ماتزوجنا
صرخت امها :-وانتي ساكته
نوف بتشفي :-ه صفقه عمي هذاك الكف وقال له ان كرامتي من كرامته وانه كانه صافق عمي مو صافقني
استانست امها وقالت :- خليك اجل عله على قلبه لين ينخ وينكسر خشمه ويرجع لك ذليل
نوف :-قولتك
امها :-ايه د
نوف :-طيـــــــــــب
تذكرت امها شي ثاني :-ابوك ردني دريتي
نوف مستانسه :-والله احلى خبر
امها :-اي والله فشله اكون مطلقه بهالعمر
نوف :-كله سبايب اخوان الفقر اخواني وخصوصا رنيو
امها :-الا على طاري اختك مرتني اليوم بالبيت
انصدمت نوف :-بالله شتبي
امها :-تودعني لانها مسافره الشرقيه مع رجلها
نوف بدت الغيره والحسد يشتغلون معها ..لان حياه اختها احسن من حياتها ...
تضايقت نوف وقالت لامها :-يالله يمه كلميني باليل
امها :-طيب لا اوصيك
نوف :-ه لاتوصين
وسكرت الجوال وهي تقلب الفكره في راسها


بنت الليل 21-12-2007 10:49

مشكوووووورة اختي على النقل
قريتها من قبل كم يوم و
القصة فهي خيااال و أكثر من روووووووعه
تقبلي مروري /
$$$$$$$$ بنت الليل $$$$$$$$$$$$

noor 3ini 21-12-2007 10:55

كانت الماس تدق على سعود ومايرد عليها والساعه الان 11 بالليل وماله حس ...
قلبها صار ياكلها عليه وهي ماتدري وينه ...
فتحت باب غرفتها وطلعت تبي تنزل تتمشي برى بالحديقه لين يرجع لانه ماراح يهدا لها بال ولايرتاح خاطر وهي بعيده عنه ولاتدرين
لما وصلت الدرج حق البيت دق جوالها ...
الماس بحب ووله وخف :-حبيبي وينك كذا تشغلني عليك
قال سعود بصوت كئيب :-اعذريني يالغاليه
قالت بعيون مدمعه :-بعذرك يانظر عيني

سمعت نوف صوت جوالها بالسيب وطلعت من غرفتها ذي فرصتها والاحسن بعد ان الماس واقفه عند حافة الدرج تكلم حبيبها الي حقدت عليها اكثر وماترددت دقيقه لانه يحب الماس ومايحبها هي
التفتت الماس ورى الا وتشوف نوف وراها وتدزها مع الدرج بسرعة البرق ..صرخت الماس بصوت عالي وهجت نوف لغرفتها وهي معرقه ترتجف من الخوف ومن الشي الي سوته ...
سمعت هنادي صراخ برى وطلعت تركض من غرفتها وشافت الماس طايحه وماسكه بطنها وتتلوى من الالم
هنادي بخوف وهي تنزل الست درجات الي بالسلم الي ع اليمين :-الماس
طلعت منال وامها من غرفهن :-وشافن الماس طايحه وهنادي عندها
ام سعود :-بسم الله عليك يمه الرحمن الرحيم
الماس وهي تحس بدوخه وجسمها من قوة الالم متخدر :-الحقيني ياعمه
واغمي عليها ...
صرخن البنات الا وبجية ابوهن من برى الي شافهن براس السلم مجتمعات
رقى الدرج بسرعه ووقف بالمكان الي بين الدرجين المنقسمين يمين ويسار وهو المكان الي الماس طايحه فيه
ابو سعود بخوف :-بسم الله عليها شفيكم
ام سعود وهي تبكي :-ياويلي عن بنيتي الحقني يا ابو سعود
جوا بيرفعونها لكن هنادي صرخت :-لاتحركونها يمكن فيها كسر كلموا الاسعاف هم يعرفون شغلهم
وفعلا ماحركوها وخلال عشر دقايق وصل الاسعاف ونقلوها المستشفى
لما طاحت الماس طاح الجوال معها وسمع سعود صرختها وصرخه وراها مو غريبه عليه
صرخ بالجوال :-المااااااااااااااااااااااااااااس
لكنها ماردت عليه دق على جوالها لقاه مغلق
انهبل ومادرى وش يسوي ولا يدري وش الي صاب الماس
ودق على هنادي ....
قالت هنادي وهي تبكي :-نعم
انخرش قلبه ومن صوت هنادي درى ان فيه شي :-الماس شفيها
انهبلت هنادي :-شدراك
صرخ :-الماس شفيها
هنادي وهي تبكي :-طاحت من على الدرج واغمى عليها
انصدم :-ايش كيف حالها وينكم
الف سؤال وسؤال طرى بباله ...حس بضياع والم وخوف ماينوصف
هنادي :-حنا رايحين لمستشفى ----------- الحقنا هناك
سكر الجوال وركب سيارته ومشى بسررررررررررررعه
والوساوس توديه يمين وشمال

&&&&&&&&&&&&&&&&&&&&&&&&&&&&&&&&&&&&&&&&&&&&&&&
>>>بالمستشفى
كانوا كلهم جالسين منال وهنادي وام وابو سعود .....
طلعت الطبيبه وقالت :-وين زوج المدام
الكل ناظر وقال ابو سعود :-مو موجود انا عمها
الطبيبه :-لازم يكون زوجها هنا
قاطعهم سعود الي ملامح وج ما تنوصف :-انا زوجها نعم
الطبيبه :-المدام معها نزيف حاد ويمكن تفقد جنينها
ذهووووووووووووووووووووووول خيم على المكان...
لكن صدمة سعود ماتنوصف :-ايش قلتي
الطبيبه :-انت زوج الماس بنت فهد
هز راسه
الطبيبه :-بسبب سقوطها من الدرج صابها نزيف قوي ويمكن تفقد الجنين
قال بذهول :-الماس حامل
الطبيبه :-ماعندك خبر
سعود :------------------
الطبيبه :-تقديريا زوجتك حامل لها اربع شهور
انهار سعود على اقرب كرسي ...
.قال بصدمه :-الماس حامل
رحمت الطبيبه حاله وقالت :-راح نحاول نوقف النزيف والله يكتب الي فيه الخير
وراحت
لحقها سعود وقال بنبره حزنت الطبيبه وحركت مشاعرها :-دكتوره بين يدين الله ثم يدينك اغلى خلق الله على قلبي
هزت راسها بتفهم :-الله معنا ان شاء الله بس لاتتامل في سلامة الجنين
قال بقوه واصرار اعجبها :-لامال ولاعيال يهموني الي يهمني توأم روحي الي بين الحيا والموت
دمعت الطبيبه وكملت طريقها ....
جلس سعود بالانتظار بعيد عن مكان اهله ...
جاه ابوه :-وكل امرك لله
هز راسه وقال :-ونعم بالله
كان ابوه بيحاول يعتذر منه بطريقه غير مباشره لكن الممرضه جابت اوراق لسعود يوقعها ..
وقع الاوراق وسند ظهره للكرسي وهو مانزل عينه عن ساعة الجدار ...
جت امه وخواته وجلسن جنبه ....
حس بضغط على قلبه ماينوصف ....
قال لامه بتوتر :-يمه لهم ساعتين داخل وش يسوون
مسكت امه ذراعه وقالت :-هدي نفسك يمه الحين بتطلع الطبيبه
نزل راسه وحط كفوف يده على وج ...حس روحه متعلقه بين السما والارض
قالت منال بهمس :-طلعت الطبيبه
وقف الكل وركض لها سعود :-بشري
ابتسمت الطبيبه :-الحمد لله قدرنا نوقف النزيف الام بخير باقي البيبي صحيح انها ما اجهضت لكن ما نقدر نحكم اذا كان ثابت او ما تأثر من سقوطها من الدرج لكن الاربع وثمانين ساعه القادمه بتكون حاسمه
قال من قلب :-احمدك يارب ، وينها يادكتوره
الطبيبه :-هي مخدره الان ماشاء الله عليها قويه وخصوصا يوم درت بحملها طلبت منا نساعدها حتى تحافظ عليه
خنقته الغصه :-صحت داخل
الطبيبه :-ثواني بس ثم رجعت غابت عن الوعي
ام سعود :-اللهم لك الحمد تسلمين ياابنيتي ماقصرتي
ابتسمت الطبيبه :- واجبي ياخاله بالاذن
ابو سعود :-الحمد لله على سلامتها ويارب يسلم ولدك يبه
قال سعود وهو لسى مجروح من ابوه :-تسلم يبه
قال بو سعود :-يالله مشينا بنطلع
سعود :-بجلس هنا
ابوه :-هذا قسم حريم ماراح يسمحون لك
سعود :-ماراح اتركها
امه :-رح يمه ريح وانا برافق معها
سعود تردد
لكن امه اقنعته
قال وهو يمشي :-يمه لاصحت كلميني لاصار لها شي نادي الطبيبه او الممرضات
ابتسمت امه :-ابشر يالله رح
وفعلا انهوا الاجراءات اللازمه ورافقت ام سعود معها
قال بو سعود :-عود بيتك يبه
سعود :-اسمحلي يبه عقب الي صار لي اليوم ماظنيته
ابوه :-بس----------------
سعود :-طلبتك يبه اجل الكلام الحين انا تعبان وخايف على الماس
ابوه :-براحتك
وطلعوا .....
البنات وابو سعود رجعوا البيت ....
وسعود رجع البيت الي جمعه هو والماس في يوم البيت الي له ذكرى في كل زاويه من زواياه...

&&&&&&&&&&&&&&&&&&&&&&&&&&&&&&&&&&&&&&&&&&&&&&& &&& &&&
كانت نوف ترجف وخايفه من الي سوته ....
سمعت اصواتهم راجعين وماجتها الجرأه تطلع وتسأل عن الي صار او تسوي مصدومه ..
لكنها سمعت صوت سلطان العالي :-من وين الحلويين جايين
قالت هنادي بتعب :-الماس طاحت واغمى عليها
سلطان :-افا
هنادي :-وامي معها الحين
سلطان :-كيف حالها الحين
ابتسمت منال :-شكلنا بنصير عمان قريب
انهارت نوف على الباب من صدمة الخبر ... بعد كل الي سوته وماصار لها شي
صرخ سلطان :-احلــــــــــــــــــــفي
منال وهنادي :-ه بس ادع ربي يعديها على خير طيحتها قويه
سلطان من قلب :-يارب
التفت وقال :-وين سعود
هنادي :-مدري عنه
سلطان:-ليه مارجع
سلطان:-ليه مارجع
قالت منال بحقد :-بسبب العقربه نويف جاه من ابوي كف
انهبل سلطان :-تكذبين
هنادي :-لا ماتكذب سالفه طويله بس هذا هو المختصر المفيد
قال سلطان بقهر :-كنت داري ان مقدمها شر علينا
ونزل بسرعه وشماغه بيده ....
هنادي :-وين
سلطان :-بروح له
منال :-تعرف مكانه
سلطان :-ايه
وطلع من البيـــــــــــــــــــــــــــــــــــــــــ ـــــ ــت
&&&&&&&&&&&&&&&&&&&&&&&&&&&&&&&&&&&&&&&&&&&&&&& &&& &&&&&
><اليوم الثاني><
بيت راكان .......
تسحب راكان بهدوء واخذ دش سريع لبس ثوب ابيض وغتره بيضاء ....
صار له قرابة الاربع ايام ويحس صحته تمام وجروح العمليه بدت تلتئم ..
قالت دانه تتوعده :-على ويــــــــــــــن
ابتسم وهو يعرف ان محاولاته للنحشه باءت بالفشل قال يستهبل :- المره الجايه الظاهر بحط لك منوم
دانه :-ه احلف
قرب منها :-والله
حمرت خدودها وهو يناظرها
قالت له :-عن حركاتك الي تقلب كياني وقلي وين رايح من صباح ربي
راكان :- مشكله الصراحه
دانه :-راكان
سوى فيها خايف :-قريب
دانه :-يعني وين ..
راكان :-بروح قسم الشرطه
فزت من مكانها :-ليه
راكان :-ه بسم الله عليك وش صار نسيتي اني لازم اروح واوقع على اقوالي
ارتاحت :-ايه صح نسيت بس انت تعبان كان اجلتها شوي ...
راكان :-الحمد لله انا بخير بروح القسم ضروري وبرجع انا وعدتك ما ارجع الشركه الا عقب شهر وانا عند وعدي
ابتسمت :-اذا كذا اوكي
ابتسم :-تامرين بشي
قالت برقه :-ابيك سالم
قال من كل قلبه :-يالبى قلبك قولي امين
دانه :- امين
وقف وقال بخباثته المعهوده :-اطلع قبل لا اتهور
حمرت دانه وطلع من الغرفه ....

&&&&&&&&&&&&&&&&&&&&&&&&&&&&&&&&&&&&&&&&&&&&&&& &&& &&&&&
في المستشفى
صحت الماس وقالت بصوت مخنوق :-سعود
قربت منها ام سعود :-الحمد لله على السلامه يمه
رفعت الماس عيونها
ام سعود :-سعود كان هنا من صباح ربي وطلع يحاكي الطبيبه من خوفه عليك لانك ماصحيتي للان من المخدر
غصت بدموعها :-ولدي يمه
ابتسمت ام سعود :-ولدك موجود الطبيبه تقول اليومين الجايين بيحددون كل شي
سالت دمعه من عينها :-الله يحفظه لي يارب
مايدري سعود هل هو بحلم او بعلم وان هذا صوتها ...
دخل غرفتها وفرحته شلت كل جسمه ....ووقف يناظرها
ابتسمت بتعب وسالت دمعه ثانيه همست :-سعود
بسرعة البرق جلس جنبها ومسك يدها :-ياقلبه وروحه الحمد لله على سلامتك
الماس وهي تبكي من قلب :-حبيبي انا حامل
ابتسم وقال :-شفتي حكمة الله
ام سعود تمسح دموعها من اشكالهم ...فرحتهم بمولودهم الي مايندرى عنه يشوف النور ولا لا ...حزنهم الي يتقاسمونه في كل وقت وكل حين
قال سعود :-غلاي كيف طحتي
تذكرت كل شـــــــــــــــــــي وقالت بحقد :-نوف السبب
ام سعود وسعود :-نوووووووووووووف
الماس :-ايه كنت اكلمك ويوم التفتت الا وهي وراي ودفتني الا وانا طايحه وركضت لغرفتها
قال سعود بقوه :-انا سمعت صوتها يوم طحتي وقلت يمكن اتخيل
انخفض الضغط عند ام سعود وجلست على الكرسي :-ماهي صاحيه
وقف سعود وطلع من الغرفه
قالت الماس بخوف :-وين راح ياعمه لحقي عليه
طلعت امه ولقته مو موجود ..:-الله يستر

&&&&&&&&&&&&&&&&&&&&&&&&&&&&&&&&&&&&&&&&&&&&&&& &&& &&&&&&
بعد ربع ساعه دخل سعود البيت وابوه وخواته كانوا يتجهزون بيطلعون لالماس بالمستشفى ...
ركض لفوق والشر بعيونه ...
لحقه ابوه والبنات وراه ينادونه ومسفه بهم ..
دخل الجناح ولقاها تحكي بالجوال وضحكها واصل لاخر البيت ..
فزت من الخوف يوم شافته ، مسكها من شعرها وقال وهو يصارخ :-كيف تجرأتي كيف
نوف وهي تحاول تفك شعرها منه :-اي عورتني
دخل ابو سعود والبنات وانصدموا
ابوه صرخ :-شفيكم
صرخ سعود :-اسال بنت اخوك
ابو سعود :-شفيه يابنيتي
نوف :-مدري مدري
شدد من مسكته لشعرها وهزها وقال لابوه يستهزء :-الي جبتها لبيتنا واعتبرتها من بناتك وعطيتني لاول مره كف بسببها ماتخاف الله
الكل:-------------------- (على اعصابهم)
كمل وهو يناظرها تناظره بخوف :-هي السبب في طيحة الماس
الكل التفتوا لنوف الي وجا متغير ....
سعود :-كانت تبي ولدي يموت الي ماتخاف الله
صرخت وهي تحس بشعرها يتقطع في يده :-تكذذذذذذذذذذذب
سعود وهو يرعد بصوته :-الماس ماتكذب
التفتت هنادي وشافت ورقه مقطوعه نصين بالزباله الي بالغرفه راحت تمشي والكل متابعها اخذت الورقه وقرتها وناظرت في نوف بحقد
قالت وهي تمد الورقه لابوها :-خذ يبه اقرى
قرا ابوها الورقــــــــــــــــــــه وناظر في نوف المصدومه :-كيف تجرأتي
صرخت وهي بتموت خوف :-لاتصدقهم عمي ----------
رفع يده يسكتها ، ناظر في ولده وقال وهو محني كتوفه من صدمة في بنت اخوه :-ماتوقعتها منك
قال سعود وهو يرميها على الصوفا :-انتي طالق شيلي قشك وخلي السواق يوديك بيت اهلك لا اشوفك
وطلع من الغرفــــــــــــــــــــــه
طلع ابو سعود وهو يحس بحمل الجبال على كتوفه ..
قالت هنادي قبل لاتطلع :-تستاهلين الي جاك واكثر
منال بتشفي :- ابركها من حزه والله
طاحت نوف وهي تبكي مو مصدقه الي صار ....طلقها سعود
صرخت بصوتها
"والله لتندددددددددددددددددددددددددددددددددددددم"
وانهارت تبكي ...
&&&&&&&&&&&&&&&&&&&&&&&&&&&&&&&&&&&&&&&&&&&&&&& &&& &&&
>>>>>>>في قسم الشرطه
رغم الحاح راكان ماطاع محمد وراح معه القسم ..
قال الضابط :-مافيه اي وسيله لاقناعك تتنازل عن حقك يا شيخ راكان
قال راكان بهدوء :-لا
رغم محاولات الشرطه انه يتنازل عن حقه الا انه رفض ونيته في الانتقام من عمانه حقيقه واقعه ...
وقع على الاوراق وبكذا يكون انتهى دوره وبيرمي مسأله عمه بدر ورى ظهره وبيتفضى لعمه حمد ...
قال راكان وهم بالسياره :-ياكرهي لاقسام الشرطه
محمد :-محد يحبها عجبني موقفك اليوم
هز راسه وقال وهو يركب بجنب محمد الي اصر يسوق عنه :-هم السبب والا القطيعه مو من اطباعي
محمد :-ياشيخ هالاشكال ماتستاهل الا الضرب على الروس
راكان :-معك حق ...
بعدها بعشر دقايق قال راكان لمحمد :-الا شخبار صفقة لندن
محمد :-الطلبيه كبيره يبيلها كم شهر
راكان :-هالطلبيه مهمه مره يامحمد
محمد :-لاتشيل هم وازهلها انا بنفسي بروح و اشرف عليها بنفسي ..
ابتسم راكان :-ماتقصر يبو حميد
محمد :-الله يقدم الي فيه الخير ،
وقال يمزح :-الا اشوف الوجه منور اليوم
راكان :-ه اقول لاتصكني بعين
محمد :-من زينك اصكك بعين
راكان :-ه
بعد بعشر دقايق قال راكان :-الا شخبار الوالده
كئب محمد :-والله ماش يبو فيصل صحتها في نزول
هز راكان راسه :-ربك كريم
محمد وهو يوقف قدام بيت راكان :-يالله وصلنا
راكان وهو ينزل :-القهوه
محمد :-مره ثانيه ناسي ان الدنيا على راسي
راكان :- يعطيك العافيه
ابتسم محمد :-الله يعافيك سلام
راكان :-سلام
دخل راكان البيت ومحمد رجع للشركه يشوف اشغاله
&&&&&&&&&&&&&&&&&&&&&&&&&&&&&&&&&&&&&&&&&&&&&&& &&&

&&&&&&&
)الفصـــــ السابع عشرــــــــــــل)
الجزء الاول
><في بيت احمد><
قال احمد لسعاد :-وش هالعشاء الفنان صراحه هالشغاله طبخها شي
ابتسمت سعاد لانها هي الي طابخه العشاء وتعبانه عليه ..
طلعته من المستشفى عطتها دافع وحببتها في الحياه اكثر
لحظات الخوف والترقب والوساوس هدت حيلها لكنها بينت لها مكانته بقلبها
احمد :-علامك تبتسمين هذا بدل ماتاكليني بقشوري مثل امس بالمستشفى يوم نويت انادي الممرضه تساعدني ابدل ملابسي
شب وجا ضو وشرقت بالاكل دمعت عيونها وجلست تكح
فز احمد وعطاها مويه :-بسم الله عليك
بعد ماهدت جلس احمد بمكانه :-
ناظرته بحقد من قلب اشرق ويضحك هو ووج ولاكنه قال شي
كمل بيحرجها وهو يقز وجا بوله وهيام:-
اكتبني في حياتك عاشق مجنون مامل اشتياقه
ماعرف شلون يقرا العشق او يكتب غرامه
ارسمنـــــي صورة الولهان بالوان الطفولــــــه
تجرحه كلمــــــــــــــــــه وتجيبه ابتسامــــــــه
مغـــــــــــرم فيك لو رفض يبدي غرامـــــــــــــــه
تفضحـــــــــــــــه كلمه ومقصده اهتمــــــــــــــامك
شب وجا ضو قالت وهي منزله عيونها :- احمد
قال برقه :-ياعيونه وقلبه وروحه
انسدت نفسها عن الاكل ....وماقدرت تبلع شي ...
جربت اخلاق احمد كلها .. ماعدا انه يكون رومنسي ..حست بحيا ماينوصف وخوف ماينوصف
ابتسم احمد ومسك يدها وقال :-ماكملنا الي بديناه امس بالمستشفى
طلعت عيونها قدام من الصدمه :-هاه
احمد :- حبيبة قلبي تراني ما اكل ولا اعض
ابتسمت غصب عنها
قال احمد وهو يمسك يدها:-
تدري يافرحي وهمي..من كثر ما انت في دمي
كل ماتنظرك عيني ..عيني من عيني تسمي
قالت بهمس :-احمد حرام عليك
احمد :-انتي الي حرام عليك .. حتى ليلة امس ماذاقت النوم عيني
قب وجا ضوء
ووقفت بتشيل صحون العشاء ...
وقف ومسكها مع يدها ..رفعت عيونها وطاحت بعيونه
قال بهمس :-خلي الشغاله تشيلها اتركيها
ارتبكت :-بس
همس :-سعاد كفايه صدود

في المستشفى ...
قال سعود لمدير المستشفى :-لازم تشوف لي الموضوع لانه كبير وماينسكت
ارتبك مدير المستشفى وقال :-متأكد اخوي
عصب سعود :-اكيد متأكد يعني بجيك على عماي
المدير :-محشوم ولايهمك الان بشوف لك الموضوع
ناظره سعود وبقوه ارهبته :-ياليت والله
رفع التلفون وقال للسكرتير :-فيه مريضه جتنا في الشهر (---------) بتاريخ (---------) اسمها الماس بنت فهد ابيك تعرف لي الطبيب الي كان مسؤل عن حالتها وترسله لمكتبي الحين ضروري
السكرتير :-ان شاء الله
سكر المدير التلفون وابتسم بارتباك :-ثواني بس ويكون كل شي واضح
هز سعود راسه وماهرج بكلمه ..
بعد عشر دقايق ...
دخل الطبيب الي كان مسؤل عن حالة الماس :-السلام عليكم
الكل :-وعليكم السلام
الطبيب :-دكتور قالولي انك طالبني وطالب ملف مريضه خير ان شاء الله
المدير :-تفضل استريح
جلس الطبيب ومعالم الوقار بوج ...
المدير :-الاخ سعود زوج مريضتك الماس بنت فهد ومقدم شكوى
التفت يمه الطبيب وكأن سعود لاحظ احتقار في وج:-خير يا اخ سعود لايش المشكله
مسك عمره لايقوم يخنقه :-المشكله مثل ماحبيت تسميها هي انك قلت لي ان زوجتي فيها لوكيميا وبعد كم شهر اكتشف ان زوجتي حامل ولافيها الا العافيه ممكن تفهمني الموضوع وممكن تفهمني الصح من الخطا هل هي مريضه وتحتضر ولا حامل وبخير
عقد الطبيب حواجبه وقال بملامح حزينه فيها نفس لمحة الاحتقار الي شافها سعود:-اقدم لك عزاي بما اني قابلتك
طلعت عيون سعود قدام :-عزاك ، عزاك في من
ارتبك الطبيب وقال :-عزاي في وفاة زوجتك الماسه
عصب سعود :-لاتفاول عليها
ناظر الطبيب بالمدير الي حالته حاله وقال :-يا اخ انا مقدر شعورك و-------------------
قاطعه بعصبيه :-زوجتي حيه انهبلت انت
رفع الطبيب يده يوقفه عن الكلام وقال وهو يفرك جبهته :-دقيقه التقارير معي تفضل مو هذا توقيعك على اوراق دخولها المستشفى
اخذ سعود الملف الي بيد الطبيب وانصدم قال وهو مو فاهم شي :-الا توقيعي بس زوجتي حيه وموجوده هنا بعد
الطبيب قرب ينهبل الحرمه متوفيه من كم شهر ..
المدير يكلم الطبيب :-وش قولك يادكتور
الطبيب :-مدري التقارير موجوده والاخت المريضه الماسه متوفيه
ارتفع ضغط سعود وهو تو ينتبه :-يا دكتور اسمها الماس علامك تخربط
انتبه الطبيب :-شقلت اسمها
ناظره سعود وكانه تخبل من بعد هالسؤال :-الماس
وقف الطبيب وسكت شوي ، رجع شعره ورى وقال بهدوء :-ذكرت شي لحظه
اخذ التلفون ودق على قسم الملفات الخاصه بالمرضى ...
الطبيب :-الو ابغى تدورين لي ملف مريضه اسمها الماس بنت فهد دخلت المستشفى في تاريخ (وناظر في سعود الي علمه بالتاريخ واليوم)
الممرضه :-اوكي
الطبيب :-جيبيه مكتب الدكتور اسامه
الممرضه :-حاضر
ثواني الا والممرضه داخله ومعها الملف ...
فتحه الطبيب وهو يحط نظارته ...وتغير لون وج ..:- مومعقول
وقف سعود :-خير
ناظره الطبيب وقال :-زوجتك اسمها الماس بنت فهد بن سبع
سعود :-ايه
الطبيب :-مدري شالموضوع لكن فعلا الاخت كانت حامل اتوقع بشهر ونص او شهرين ماتاكدت المده لانها ماطولت بالمستشفى في ذاك الوقت لكنها كانت ضعيفه من قلة الاكل عشان كذا اغمي عليها
فقد سعود اعصابه :-لولا التقرير الي وصلني من المانيا كان مادريت ان زوجتي حامل كل هذا اهمال منكم تخيلوا لو انها باديه تتعالج بالكيماوي وهي سليمه تخيلوا
تورط المدير ...
وقال الطبيب :-يا اخ سعود في هالملفين كان تشخيصي كان سليم وممتاز الماسه كانت مصابه بلوكيما متاخره وتوفت عقب شهر من التشخيص ومن سوء حظك ان اسمها مشابه لاسم زوجتك لان الحرمه الي توفت ماعرفنا عن اهلها شي لانها ساكنه بلحالها وانت مابينت بعد ذيك اليله الي انهرت فيها .. وحسبناك تخليت عنها وماكان عندنا رقم لك حتى احنا كنا ناوين نستعلم عنك لكنها رفضت وقالت انها مقطوعه من شجره وانها ماتبي تشوف زوجها ابد ورضينا بقرارها لانها كانت تعبانه حيل اما زوجتك انت تعرف اليوم الي طلعت فيه انت الي انهيت معاملاتها والي وقعت على دخولها المستشفى ولو كنت منتبه ومركز كان انتبهت انهم اخذوا توقيعك مرتين
سكت سعود يفكر في كلامه ...معه حق
قال بهدوء يكبت انفعاله :-معك حق لكن هذا مايخليكم من مسؤلية الي صار المدير قال بتوتر :-مالك الا طيبة الخاطر وراح نعرف المسؤول ونعاقبه الدكتور ماعمره قصر في واجباته وخبرته تتعدى العشرين سنه والخطأ الي صار اظنه اداري اكثر منه طبي وصدقني يا اخ سعود لو فرضنا انها جت هنا حتى تبدا تتعالج بالكيماوي هالشي غير ممكن قبل اجراء فحوص شامله وساعتها راح يبين كل شي انا ما اقول هالكلام عشان اخلي المستشفى من مسؤلية الي صار لا انا اكلمك بمنطق خارج عن نطاق عملي كمدير وطبيب بهالمستشفى
قال سعود :-انا الي يهمني ان المسؤول عن هالغلط الكبير يلاقي جزاه ارواح الناس مو لعبه
المدير :-وهذا الي راح يصير
قال سعود وهو يناظر في الطبيب وقال بصرامه :-لو تعرفني زين يادكتور ما تخيلت لو للحظه اني اتخلى عن زوجتي وهي في امس الحاجه لي لكن من يجهلك مايثمنك
قال الطبيب بنبرة اعتذار :-الحرمه كانت حالتها النفسيه والصحيه صعبه واسفت لحالها كثير من بيلومني على احتقاري لزوجها
سعود :-صار خير انا المهم عندي الحين الشخص المسؤول عن هالخطأ وراح اتابع الموضوع شخصيا
طلع من الغرفــــــــــــــــه وانهار المدير على كرسيه ...
استغرب الطبيب خوفه وتوتره :-دكتور شفيك متوتر وحالتك حاله جلّ من لايخطئ
قال المدير بعصبيه :-خطا عن خطا يفرق انت تعرف من الرجال الي طلع من هنا
الطبيب :-لا شعرفني
قال وهو شبه يصارخ :-هذا سعود بن سبع هذي عايله لها نفوذ ومعارف وان حطوا المستشفى في روسهم علينا السلام
الطبيب كان مو مهتم لاي شي من هالكلام لانه يراعي الله فقط في مهنته :-باين عليه انه رجال عاقل وثقيل ومعه حق لازم المسؤول يتعاقب وهنا تقع المهمه عليك ، والان اسمح لي عندي مرضى بالانتظار
المدير :-تفضل دكتور ماقصرت
وطلع الطبيب تارك المدير مسوي حالة استنفار بالمستشفى حتى يعرف الي صار بالضبط ....

&&&&&&&&&&&&&&&&&&&&&&&&&&&&&&&&&&&&&&&&&&&&&&& &&& &&&&&&&&




noor 3ini 21-12-2007 11:01

صار لالماس ثلاث ايام بالمستشفى وحالة الجنين للان مجهولــــــــه وعلمها بالغيب ...
طلع سعود من غرفة المدير طفشان وراح يدور الدكتوره المسؤوله عن حالة الماس وكان في نفسه يحمد الله انها سليمه وان هالشي موثق باوراق رسميه لان اعصابه ماعاد تستحمل صدمات ....
[[[[[[[[آه لو تدري وش ينتظرك ياسعود كان عرفت ان صدمه عن صدمه تفرق !! ]]]]]]]]
كان يعرف مكان مكتب الطبيبه لانه كان يسأل عن الماس وحالها بشكل متواصل..
دق الباب ..
الدكتوره وهي تسوي نقابها :-تفضل
دخل سعود :-سلام عليكم
الدكتوره :-وعليكم السلام اخ سعود جيت بوقتك
خاف سعود وبان هالشي على وج قالت الطبيبه :-ابشرك الجنين بخير وتقدر زوجتك تطلع من المستشفى
اشرق وج من عقب هالخبر .. كان يتمنى من كل قلبه لو الله ينجي حلمه وحلم زوجته من سنين ويخليه لهم ..
يقولون الواحد مايبني احلامه من رمال ..وسعود بنى احلامه من اوهنها وهو عارف... وكان يدعي ليل نهار ماتضيع هالاحلام بسبب موجة بحر صغيره مالها قيمه ووزن
ابتسم وقال :-الله يبشرك بالخير
قالت الدكتوره :-شف يا اخ سعود ممكن تكون مستغرب ليش انا تعديت التوقيت الدارج من 48 الا 84 ساعه مهله لمعرفة الوضع النهائي للجنين ال 48 ساعه هي الدارج لكني اضفت عليها يوم وكم ساعه حتى تستقر نفسية زوجتك المتدهوره وتخف ضغوطاتها النفسيه الي عاشت معها الشهور الي مضت والي تعتبر من اهم فترات الحمل لكن الي اشوفه انها بدت تسترخي نوعا ما .. وانا اقترح عليك كاخت اكثر مني كطبيبه مختصه تبعدها عن كل الضغوطات لان ممكن في اي لحظة انفعال تجهض
توتر سعود وقال :-ماتقصرين دكتوره المطلوب من الناحيه النفسيه وفهمناه طيب من الناحيه الصحيه وش المطلوب الادويه والاكل وهالاشياء
الدكتوره :-راح اكتب لها مقويات وفيتامينات لا تجهد نفسها باي شي ولاتشيل ثقيل لو حتى دلة قهوه جسمها تعرض لطيحه قويه وراح يكون حساس حيل ادع ربك يحميلك ضناك المفروض باول شهور الحمل تاخذ ادويه خاصه بمنع التشوهات وهالاشياء ولكنها ماخذتها وماعلينا من الي فات زين طبعا بتكون لها زيارت دوريه لمتابعة حملها وفي حالة زوجتك راح تكون مواعيد زيارتها لنا ضعف الحالات الطبيعيه حتى نتابع الوضع عن قرب (ابتسمت) وكلها خمس شهور وراح تعدي بخير ان شاء الله
هز سعود راسه واخذ منه الوصفه حقت الادويه :-ان شاء الله
وقع على اوراق الخروج .... واخيرا بتصفى ايامهم وبيعيشون بسلم وسلام ...
وانا هرج ابوه بكلمه بيتصدى له وبيتفاهم معه ...!
خلاص
انتهى كل شي .. الماس حامل
ونوف اخذت جزاها بعد فعلتها السوداء حمد ربه انها جت بارده مبرده وطلاقه لها له مبرراته ...
والله يعينه على مواجهة عمه ابو احمد ...

><بيت راكان><
بخرت دانه راكان...
قال راكان يستهبل :-اقول يا الغاليه مو خايفه علي من ريحة العود
ابتسمت :-لا خلاص جرحك التئم لاتكبر السالفه ترى كنه خدشه صغنونه
ابتسم :-الحين صرت انا الي اكبر السالفه
دانه :-ه طيب ولاتزعل حقك علي
راكان (موده رايق حيل) :-الله لايجيب الزعل بينك وبيني .. وان زعلت ارضيك انا يانور عيني
حمر وجا :-ياعيني ع الحب وكلام الحب والروقان
غمز لها :-شقصدك مو مروق انا الايام الي فاتت
دانه :- ركوني لاتتاخر على صديقك
راكان :- صديقي والا اخوك المربوش وعمي العزيز او عماني يالله احب عبيد من حبي لاهله
دانه :-
راكان :-علامك تضحكين هذا جزاي يوم ماودي ازعل اهلك
دانه :-ه الي ضحكني المثل الي قلته
ابتسم :-ليه علامه
دانه :-ه يوووووووووووووووووه مغبر
راكان وهو مسوي معصب :-هيه لاتنسين اني بدوي ابآ عن جد
ابتسمت :-وانا اشهد
دق خالد على جوال راكان :- هذا اخوك شب الله فيه (رد عليه) الوووووووو
خالد معصب :-وينك
راكان :-بالبيت
خالد :-يافرررررررررررررحتي
راكان :-
تنرفز خالد :-اقول انزل ولا ترى اخذت اختي
راكان (يناظرها) :-تاخذ دندونتي ايه هين اخذ روحي اسهل عليك من اخذها مني
تأثرت دانه بكلامه ...
خالد :- لا يالنسيب روحك مهمه لنا
راكان :- ابوك يالمصالح
خالد :-ه الدنيا هيك يالله انزل لا اطلع لك
راكان :-ه لا ومنقلب لبناني خلك على ما انت عليه اصرف لك
خالد :-طيب طيب انزل
راكان :-ه طيب
قال راكان لدانه :-انا ادري شمعجل اخوك رجنا الله يهديه
دانه :- فرحان الله يتمم له فرحته على خير
راكان :-اميــــــــــــــــن يالله انا نازل تامرين على شي
ابتسمت :-ابيك سالم غانم ... انتبه على نفسك
حط يده على قلبه :-خفي خفي يادندونتي تراي مو حمل هالكلام الحلو
دانه :- لا والله يازيني ويازين كلامي (قالتها بغرور)
قال وعيونه تلمع :-وانا اشهد (مسكها مع يدها ) الا وجواله يدق
قال بعصبيه خلت دانه تفطس ضحك :-غربلك الله ياخويلد ماترحم ولاتخلي رحمة ربك تنزل
وطلع قبل مايكنسل روحته مع عمه وخالد عشان يخطبون له اخت محمد^_^
×
><في بيت محمد.................
قال خالد لراكان بهمس :-علام صديقك ابطا
راكان :- اركد لاتصير خفيف
خالد كان متوتر :-شايفني اناقز هذاني منطق انتظر ردهم

:>>>>>>>>>>>> في نفس الوقت
قال محمد لاخته :-رفضك ماله مبرر
امها :-يمه انا مو دايمه لك
نزلت دموع ايمان غصب :-يمه الله يديمك على راسي لاتقولين كذا
تأثر محمد لكنه قسى قلبه :-ايمان الرجال ماينرد
ايمان :-ليه لانه نسيب صديقك
عصب محمد :-راكان مو صديق بس راكان اخوي الي ماجابته امي لا تقللي من قدره
استحت من اسلوبها في الكلام وقالت تتوسل له يفهمها :-محمد الرجال مالي عليه اعتراض لكن ان تزوجت اترك امي لمين
امها كان حاز بخاطرها انها تكون عثره في طريق سعادة بنتها
قالت قبل مايرد محمد :-محمد موجود والشغاله موجوده تساعدني وبعدين بنقول له يجيب لك بيت قريب منا ومتى مابغيتي تزورينا تقدرين تجين
ايمان مو قادره تتحمل بعادها عن امها :-لا انا مو موافقه
وراحت تركض لغرفتها ...
قال محمد لامه :-يمه حرام نرده
امه كانت محزنه وقالت له :-مانقدر نجبرها يمه ...
محمد :-كلام فاضي يمه ايمان توها صغيره وماتعرف مصلحتها
مسكت امه يده :-سو الي تشوفه مناسب انت بمقام ابوها الحين
طلع محمد من عند امه ...
وهو متضايق مــــــــــــــــــــــــــــره ...
دخل المجلس...
انقبض قلب خالد من ملامح محمد المكشره .. ناظر راكان وجه خوي عمره وعرف انه متضايق ومحتار من شي...
لكن خالد كان ذكي وقبل لايحكي محمد قال بسرعه :-محمد
ناظره محمد :-سم
خالد :-بغيتك برى شوي
ناظروه الشياب مستغربين ...
وقف محمد وطلع معه خالد ...
دخلوا مجلس صغير قال خالد بدون تردد :-رفضت صح
من ملامح محمد عرف الجواب قال خالد :-شف ياخوي انا شاري اختك وابيها زوجة لي ومصر على هالشي ولا ماكان تعبت نفسي واخذتك على جنب قبل لاتعلمنا بردها واتورط مع الشياب
انحرج محمد :-والله ياخالد انت نعم الرجال واعتراض البنت عام مو خاص
خالد :-ممكن اعرفه
محمد بضيق :- ماتبي تترك الوالده
ابتسم خالد :-محلوله هذي مشكله بيسطه وبعدين قالولها اني قليل خاتمه انا اصلا ما ابيها تبعد عن امها
(ولاتقل لهما افا ولا تنهرهما وقل لهما قولا كريما واخفض لهما جناح الذل من الرحمه وقل ربي ارحمهما كما ربياني صغيرا)
صدق الله العظيم ، الي مافيه خير في اهله وفي والدينه مافيه خير في نفسه قبل الكل ..
محمد :-صدق الله العظيم ، يعني بتسكن هنا
خالد :-افا ماهقيت هالظن منك يا محمد لكني رجال ولد رجال واقدر افتح لزوجتي بيت ...
محمد :-والنعم والله
خالد :-وانت بتكون معنا طبعا
ابتسم محمد :-والله مدري ياخوي ماني بقادر على فراق الوالده ... بس عندي لك شور بيعجبك ..
خالد :-الحقني به تكفى
محمد :- انا نويت ان شاء الله اتزوج .. شرايك ندور بيتين جنب بعض وبكذا نحل هالمشكله بحيث تكون امي معي وتكون قريبه من ايمان
استانس خالد :-ونعم الراي موافق ومبروك مقدما
محمد :-اجل على بركة الله
خالد :-طيب اسال ايمان
محمد :-ماعليك منها
خالد :-اكيد ترى كل شي ينغصب فيه الا الزواج
محمد :-وكل امرك لله البنت قالت لي بلسانها مالها عليك اعتراض ومشكلتها كانت الوالده وحليناها
ابتسم خالد :-الله يقدم الي فيه الخير ...
ودخلوا على الشياب ...
قال ابو خالد وهو يشوف الوناسه على وجه خالد :-نقول مبروك
محمد :-ايه
ابو خالد :-الله يقدم الي فيه الخير
ابو احمد وابو سعود :-اللهم امين ...
ابو خالد :-اجل لنا زياره لكم عقب الفحوصات
محمد :-حياكم الله ..
راكان :-مبروك ياخويلد الله يتمم لك بخير
خالد :-الله يسلمك

&&&&&&&&&&&&&&&&&&&&&&&&&&&&&&&&&&&&&&&&&&&&&&& &&& &&&&&&
بعد ماراحوا الرجال ...
دخلت ايمان المجلس على امها واخوها :-محمد حرام عليك ليه تسوي فيني كذا عشاني يتيمه خلاص
وطلعت تبكي ، تنكدت امها وتنكد محمد
الي وقف ولحقها ..
لقاها قافله عليها باب الغرفه ..:-ايمان افتحي
ماردت عليه
محمد :-ايمان بهرجك شوي افتحي الباب
ماردت لكنها فتحته لانها تحترم اخوها الكبير مره
جلست على سريرها تمسح دموعها ...
جلس جنبها وقال بحنان :-ايمان لاتعيدين هالكلمه مره ثانيه انا ابوك قبل ما اكون اخوك انا الي ربيتك من يوم وانتي صغيره ورعيتك وانتي بمهدك كيف تقولين كذا انتي معترضه على الرجال بعد كل الي قلته لك عنه ان كان لك اعتراض على شخصه انا مستعد اكنسل كل شي ومايهمني احد
قالت وهي تمسح دموعها :- قلت لك انا رافضه المبدأ كله
محمد :-طيب بعلمك وركزي معي
ناظرته :-طيب
ابتسم :-لما دخلت المجلس قام خالد واخذني برى وكان عارف انك رافضه الزواج وقال لي انه يبيك وانه مستعد للي تبينه وانه في الاساس مايبيك تبعدين عن امنا عشان كذا يبيها تعيش معكم
استانست :-جد
محمد :-ايه لكني رفضت
رجعت حزنت
ابتسم :-انتي دوم عجله كذا اسمعيني للاخير
ايمان :-طيب
محمد :-انا نويت اتزوج
صارخت ونست الصياح والزعل :-والله
محمد :- لاتهبلين بي ايمانوه
ايمان :-ه طيب
محمد :- وقلت لخالد ان مرجلته الي رفضت تسمح له يعيش هنا نفس مرجلتي الي رفضت تسمح لي اخلي رجال غيري يصرف على امي ويشوف طلباتها عشان كذا قررت انا وياه نشتري بيتين جنب بعض منها تكون امي معي ومنها تكون جنبك لا وبينكم باب بعد في الجدار الفاصل بين بيتينا اظن مالك عذر
سكتت ايمان وحمر وجا ...
ابتسم محمد :-نقول مبروك
ابتسمت وهي مستحيه ..حب على راسها وطلع من الغرفه...
قال لامه الولهانه :-ابشرك موافقه وخاطرها طيب
ابتسمت امه من قلب :-الله يفرح قلبك يمه بهالخبر الزين

&&&&&&&&&&&&&&&&&&&&&&&&&&&&&&&&&&&&&&&&&&&&&&& &&& &&&&&&&
>>>>>>>بالمستشفى
دخل سعود والابتسامه شاقه حلقه
كانت الماس ترتجف ويدها على قلبها وماسكه امها بقوه
قالت بلهفه :-بشر
ابتسم وقال :-ابشرك حملك ماعليه خطر
نزلت دموعها وضمت امها وهي تبكي مو مصدقــــــه ثلاث ايام عاشتها بين الحيا والموت همومها من ج وخوفها على ضناها الي ياما حلمت فيه من ج
تكدر سعود من حزنها
قال وهو يخفف عنها :-الماس خلاص يالغاليه هانت والطبيبه كتبت لك خروج
رفعت راسها :-بالله
ابتسم :-ايه
قالت ام خالد :-ماودك تخليها تجلس معي كم يوم لين ترتاح
قال سعود :-السموحه ياعمه مقدر استغني عنها وتراها بعيوني لاتشيلين همها
ام خالد :-عارفه يمه بس
سعود :-لابس ولاشي ترى ان راحت معك جيت انا معكم
ام خالد والماس :-
ام خالد :-حياك الله يمه
سعود وهو يبتسم :-تسلمين ياعمه الزم ماعلي راحتها ووين ماتبي تروح انا موافق
ابتسمت له بحب وقالت لامها :-يمه من بعد اذنك برجع بيتي
ابتسمت امها وقالت لها وهي تمسح جبينها بيدها :-الي يريحك يريحني يمه
ابتسم سعود وقال :-يالله يالغاليه جهزي اغراضك على بال ما انادي الممرضه تجي تساعدك
وطلع..
بمساعدة امها رتبت اغراضها ولبست عبايتها .. وصلت الممرضه ومعها كرسي بعجلات
قالت الماس لسعود :-بمشي على رجولي
انهبل سعود :-شلون تمشين انتي تعبانه
عندّت :-تعبانه مو معاقه
مابغى سعود يزعلها ورضى غصب عنه وخصوصا انها في مزاج مايسمح له يستهبل عليها عشان تطيعه

وصل سعود ام خالد لبيتها ورجع لبيت ابوه ..
قال لها وهم بالسياره :-لاتشيلين هم يالغاليه الزم ماعلي راحتك وبيتنا بنرجع له قريب خلال الاسبوعين الجايات
استغربت الماس من تاجيله روحتهم ولكنها تعبانه وضعيفه ومافيها حيل تدخل معه في نقاش طويل ...
الليله بتريح وبكره فيها فرج..
وصلو لبيت عمها ولقوا الكل باستقبالهم ....
هنادي ومنال :-هلا وغلا انور البيت
ابتسمت الماس :-منور بوجودكم
قالت ام سعود بحنيه :-يمه انتي تعبانه اطلعي ارتاحي ولاتنزلين للعشا بخليهم يطلعونه لك
الماس :-تسلمين ياعمه الله يخليك لي
وطلعت ...ومعها سعود ..
دخلت غرفتهم ونزلت عبايتها بتعب وجا مشحب ومافيها حيل لشي ..
طلعت ملابس من درجها قال سعود :-وش بتسوين
الماس :-باخذ شاور سريع وبنام احس ان جسمي كله مجهد
سعود :-يكون احسن بعد انتي خذي شاور وانا بوصي لك على حليب بالكاكاو اعرفك تحبينه
الماس :- كان الطلب على طرف لساني
ابتسم لها سعود :-اجل انا بنزل وانتي خذي شاورك
ابتسمت :-اوكي
نزل تحت لقى امه موجوده والبنات مختفيات نادى الشغاله وقال لها تسوي حليب بالكاكاو لالماس
نادته امه :-يمه سعود
جا وجلس جنبها :-سمي ياست الحبايب
ابتسمت امه :-وجهك منور اكيد اخبارك زينه
ابتسم :-احمد ربي واشكره
ترددت امه لان مو من طبعها تتدخل في حياة احد من عيالها :-مدري بس شقالت لك الطبيبه
ابتسم وقال والفرح الصادق يبين لاول مره على وج بعد سنين الغم الي مرت عليه :-كل خير يمه ولدي بخير ووصتني على امه قالت لازم نبعدها عن اي مجهود وعن اي انفعال لان صحتها مو مستقره
قالت امه بتصميم :-تبي راحتها ارجعوا بيتكم
ماتعجب سعود من موقف امه وعدم خوفها من ابوه ومعها حق في كلامها
قال بقهر :-هذا الي انا فكرت فيه لكن فيه مشكله
امه :-مشكله
سعود :-ايه في خراب في توصيلات المويه بالبيت وجايب عمال يصلحونها وشغلهم بياخذ وقت لانه يشمل كل البيت فوق وتحت
امه :-كم يبيلهم
سعود :-مدري انا جايبهم قبل طيحة الماس بيوم
امه :-طيب اجلها لبعدين
سعود :-فات الاوان وبدوا شغلهم مقدر اكنسل شي الان اهم شي هالنويف مو موجوده وعشان كذا ماعلى الماس خوف لانها تحبكم وانتم تحبونها
قالت امه بحنيه :-فيه احد مايحبها
قالت امه :-الا على سيرة الي ما تتسمى وش ناوي عليه
قست ملامح سعود :-خليها تولي الله لايردها
امه :- منت ناوي تردها
قال بقوه :-طبعا من سابع المستحيلات انا ماصدقت ابوي شال يده من الموضوع وزوجتي رجعت لي سالمه لا وحامل بعد (قال بنبره تعبانه) يمه تعبت من الضغوط من سنين وتعبت من العنا والصدمات هالشهور الكئيبه وودي ارتاح واعيش مبسوط انتي عارفه اكثر من الكل شكثر تهمني الماس ووش اكثر احبها يمه والله ثم والله ماني قادر احط نظري بحد وافكر في غيرها الماس ملت لي حياتي .. نعم الزوجه والاخت والصديقه شبي اكثر من كذا
ابتسمت امه وهي تحط يدها على يده :-الله يخليكم لبعض والي يريحك سوه
قال بتصميم :-هذا الي انا ناوي عليه لاتشيلين هم

&&&&&&&&&&&&&&&&&&&&&&&&&&&&&&&&&&&&&&&&&&&&&&& &&& &&&&&




noor 3ini 21-12-2007 11:08

><في بيت ابو احمد ><
قالت ام احمد لبنتها :-يابرد اعصابك
ناظرتها نوف بملل :-يوه يمه صار لك يومين وانتي هذي سيرتك
جلست امها وقالت وهي مختبصه :-والله ليموتك ابوك من ورى فعلتك
نوف :-اوووووووووووووف
امها :-لا تتاففين وحلي الموضوع
نوف :-خليني افكر انا ماهمني ابوي كلها طراقين ولاهوشتين وينتهي الموضوع انا الي هامني الحين سعود والله لاخليه يندم على ضربه لي واهاناته
سكتت امها وقالت لها :-من جدك
نوف :-ومن جد جدي تذكرين يمه الدكتوره الي رسبتني بالجامعه قبل سنتين
امها :-ايه علامها
قالت بحقد وشماته :-وديتها انا وشلتي بداهيه
تذكرت امها :- سالفة الرشاوي
نوف :-ايه بحثت وراها وعرفت انها ترتشي من تحت لتحت ورتبت الموضوع مع وحده ابوها له نفوذ يعني لاصار وتورطت تقدر تطلع منها صاغ سليم وكشفوهم الامن وصارت مصيبه والدكتوره طردوها والبنت بس فصلوها اسبوع
امها :- ه انتي مخك نظيف ولافكرتي تعجبيني لكن احيانا يصيبك غباء
وقفت نوف ومشت قدام امها التفتت وقالت وهي مكتفه يدينها ونظرها سارح بمكان بعيد :-لا يمه ماعليك والله ليندم ويجيني ذليل بس صبر
ام احمد :-طيب وش براسك
نوف :-بقولك بعدين الي براسي لسى افكر فيه ومارسيت على شي للحين
امها :-فكري بس عجلي قبل لاتطيح مصيبه فوق روسنا
ضحكت بدون نفس :-اوعدك بمصيبه لكنها بتطيح على راس ولد عمي العزيز
امها كانت حاقده عليه :-كفو بنيتي الله يقويك
نوف :-الا صدق وين طلال يمه من يوم ماجيت ماشفته
امها :-من يوم ماطلع من المستشفى وهو عند اخواياه ما يبي يجي البيت تقولين بيتنا مسكون ولاشي حتى احمد والمدام المصون من يوم ماتزوجوا ماشرفونا ...
نوف :-ماتحمدتي له بالسلامه
امها :-دقيت عليه ابوك نشب بحلقي وعيا يخليني اروح كان ودي اروحله بيته واشوف اخباره مع الزفت الي متزوجها
نوف :-عساها الماحي
امها :-امين تمسكنت لين ماتمكنت واخوك الغبي يحبها وهي ماخذه راحتها دايم عند امها
نوف :-من يوم ماجيتهم ماشفتها الشينه جايه
امها :- وانتي كنك طولتي عندهم تراك ماكملتي اسبوعين على بعض
نوف بتوعد :-بطوّل ودبرته عندي ان مارجع لي ذليل ماكون نوف
قالت امها بشماته (بدى شغل الحش والتشمت) :- والا رجل بنت عمك دانه
عقدت حواجبها :-علامه زوجها
امها :-نحسته المقروده صار له حادث وبغى يموت
نوف :-ه مسكين الله يعينه
امها :-ابوك وعمانك زاروه في بيته لانه طلع اليوم الثاني من المستشفى
انهبلت نوف :-مو صاحي وشصار له
امها :-شالو طحاله ..
نوف :-اووووووووف عمليه وطالع اليوم الثاني مو صاحي (قالت بحقد وحسد وحسره) يازينه يمه كله رجوله خساره في وحده مطلقه ومعقده مثل دانوه
امها :-رجلك مو قاصره رجوله بس الماسوه والعلم عند الله شكلها ساحرته
نوف :-والله ليه لا (فكرت شوي) يمه شرايك نسحره
فكرت امها :-فكره زينه واعرف لي حرمه تعرف راعين سحر بس قبل جربي خطتك يمكن تنفع وماندفع الوف ونتكلف
نوف وهي تبتسم :-تمام صار عندي حل بديل ....
امها :-شكلك قررتي شرايك تعلميني عن خطتك وانا اعلمك انا كانت ضابطه
نوف :-طيب بقول لـــــــــــــــــــك

&&&&&&&&&&&&&&&&&&&&&&&&&&&&&&&&&&&&&&&&&&&&&&& &&& &&&

><بيت ابو سعود><
كانت الماس نايمه ...
جلس سعود يتامل ملامحها ..
"يلوموني يوم ما استغني عنك .. يلوموني يوم احبك ..
كم قمر بالكون واحد
كم شمس وحده
اجل ليه مايقتنعون ان قلبي ماسكنه ولاراح يسكنه غيرك "
حست الماس بحد يناظرها فتحت عيونها لقت سعود يناظرها ويفكر ..
قال برقه :-صباح الالماس
الماس :-ه
سعود :-احلى تصبيحه وربي .. انا استفتحت يومي على وجهك اجل خلاص بيكون حلو لاخره
قالت برقه :-صباح الورد
سعود :-كيفك اليوم
الماس وهي تكشر بدلع :-احس بكسل فضيع والصحه تمام
ابتسم :- شي طبيعي انتي توك ضعيفه
قامت ...
قال سعود :-بطلب الفطور هنا
الماس :-لا خلنا ننزل تحت اكيد عمتي صاحيه الحين
سعود كان خايف عليها :-انتي توك تعبانه والطبيبه قالت لازم ترتاحين (قال يستهبل) يالله اجلسي بغرفتك وشوفي كيف بدلعك
الماس :- لا لا اعرف دلعك يخرب الطبع
سعود :- حرام عليك ...
رمت له بوسه ودخلت تاخذ شاور طبعا سعود عنّد ودق عليهم يطلعون له الفطور فوق ...
بعد عشر دقايق طلعت الماس :-ه مشيت الي براسك
سعود يستهبل :-راسي يابس شسوي
جلست جنبه قال :-لا لا لاتلمسين الفطور انا باكلك بيدي
حمر وجا :- ياعيني دلع ورومنسيه شبي اكثر من كذا
عطاها كاسة شاهي وقال بجديه فيها حزن :-تدرين جننوني الشهور الي فاتت كانت حياتي شي ماينطاق كنت اتعذب كل لحظه وثانيه وانا اعد الايام واترقب اليوم الي -------(خنقته غصته ) --------- الي افقدك فيه وكملت علي بزواجي الي انغصبت عليه من بنت عمي قليلة الاصل كرهت حياتي ونفسي ودنيتي وخصوصا تحكمات ابوي وضغطه علي ... ولما طحتي كنت متعلق بالامل ولاّ كان مت
قالت بدموع :-بسم الله عليك
مسك يدها وكمل :-ولما وصلت للمستشفى وحكيت مع الدكتوره انهبلت وهي تتكلم عن جنين وحمل وبغى يجيني انهيار
ضحكت وهي تبكـــــــــــــــــــــــــي
ابتسم وكمل :-رحت لمدير المستشفى وحسته وهددته كنت خايف لا يكون هناك خطأ واتدمر عقب الامل انك بخير وانك حامل بس والحمد لله طلعتي سليمه وحامل
تأثرت الماس من كلامه وقالت :-طيب وش السالفه
سعود :-السالفه بالمختصر ان الممرضه خلطت ملفك بملف مريضه اسمها الماسه وحطته على سريرك وحطة ملفك على سريرها وصارت حوسه انا مادري عن اساس السالفه لكن هذا كلام الطبيب المسؤول والي هو المدير والي قال لي انهم سفروا الممرضه لديرتها عقب هالخطأ الكبير وقبل لاتسالين المريضه توفت بعد طيحتك ذيك بشهر ومن سوء حظي اني انا الي موقع على اوراقك واوراقها ويحسبوني زوجها وكلها هذا بسبب تشابه الاسماء
الماس مو مصدقه كل هالحوسه شهور وهي عايشه برعب وخوف والم وتاليتها تطلع السالفه اعراض حمل ...
قالت بسرعه وخوف :-تخيل لو عالجوني بالكيماوي وش بيصير فيني
سعود :-ولايهمك نفظت لك الطبيب وقلت له هالكلام وقال لي انهم لازم قبل البدء بعلاج الكيماوي يسوون لك فحص شامل وساعتها بيعرفون انك حامل ومافيك الا العافيه
ابتسمت :-الحمد لله على كل حال
سعود :-الحمد لله
تذكرت الماس :-حبيبي ليه مانرجع بيتنا
سعود (يستهبل):-انا الله يسلمني جبت عمال يصلحون مسالك الماء وهذا قبل طيحتك ذي وللاسف بدوا الشغل وماعاد اقدر ااجله
ابتسمت :-عادي اهم شي افتكيت من العقربه
ابتسم وقال بحقد عظيم :-لو انا متزوجها قبلك كان انا بحالين يا مجنون بمستشفى شهار يا منتحر ومخلص عمري
الماس :-
ناظر فيها بولــــــــــــه :-فديت هالضحكه ...
حمر وجا
قال برقته المعهوده:-انتي تدرين ان ابتساماتك وضحكتك تسبب بانفجارات وبراكين بصدري
الماس (بتطير من الوناسه لانها تشوف سعود بدى يرجع الاولي خلي البال) :- للدرجه ذي
كان سعود مروق وقال يستهبل -اخ ااسمعي صار انفجار جديد
الماس :-
سعود :-ه انتي ناويه تقضين علي بالانفجارات اليوم
قالت بدلع :-لو ناويه عندك مانع
خق سعود :-يابنت على هونــــــــــــــــــــــــك تراي بتهور
الماس :- طيب كمل فطورك الحين وبعدين تهور براحتك ^___^

&&&&&&&&&&&&&&&&&&&&&&&&&&&&&&&&&&&&&&&&&&&&&&& &&& &&&
بعد ثــــــــــــــــــــــــلاث اسابيع
><في بيت محمد><
كان الكل مجتمع ....لحضور ملكة خالد وايمان حتى فهد ورنا قدروا يجوون ...
رغم ان الاجازه انتهت وبدا العام الدراسي الجديد من اسبوع ...
قالت رنا لالماس :-ياقلبي والله يوم علمني فهد بحملك بغى يجيني اانهيار عصبي من الفرحه
الماس :- تسلمين ياقلبي انا يوم علمتني الطبيبه بغرفة العمليات اني حامل من جد بغيت اموت بسكته قلبيه
رنا متحمسه حيل :-كم لك الحين
الماس وهي تبتسم :-على حسبة الطبيبه والي مو اكيد لاني ما تابعت حملي من اول شي اني بخلص الشهر الخامس بعد اسبوع وبدخل السادس
قالت دانه بوناسه :-ياي بصير خاله
البنات :-
قالت الماس لهنادي :-ماتدرين عن العروس
هنادي (تستهبل) :-عروس الغفله والله
الماس :-هناديوه
هنادي :-وانا صادقه ه الاخت صار لها قرابة الشهرين متزوجه خلاص ماتعتبر عروس
الماس مسويه معصبه :-هناديوه ترى بقول لاخوك انك محرقه دمي
هنادي :-فكينا والي يرحم والديك كلش ولاتقولين لسعود شي
الكل:-
هنادي :- استغلاليه ، سعادوه بدبي الحين ... تقضي شهر العسل الله يرزقنا في القريب العاجل
البنات :-
دانه :-ه منتي بصاحيه مستعجله على العرس
هنادي (تستهبل) :-ماتلاحظين اني انا اعجلكم على العرس وللان ماتزوجت
البنات :-ه
طبعا ام خالد وام سعود وامهات راكان جالسات مع ام محمد واهلهم القريبين ...
قالت دانه وهي توقف :-هنوده قومي معي بنروح نشوف ايمان خلصت لبس
هنادي متردده :-دندون ماعرف البنت شلون اقط وجهي
سحبتها دانه
قالت وهم يمشون لغرفة ايمان :-انا بعد ماعرفها ماشفتها الامره قبل كم شهر يوم جو يزورون ركوني بعد الحادث
هنادي :-غريبه انهم مايجونكم حتى زواجك ماحضروه هذا وراكان صديق ولدهم
دانه :-امهم مريضه بالخبيث كفانا ربي شره وتجيها نوبات وعشان كذا كانوا متلعوزين ومالقوا فرصه يجونا البيت بس ماشاء الله محمد رجال ولا كل الرياجيل وقف مع راكان وقفه ماياقفها اخو مع اخوه
هنادي :-الله يخليه لامه واخته
دانه :-امين
هنادي بلقافتها المعهوده :-حلوه مرت اخوك
دانه :- ماتخلين طبعك الحين تشوفينها وتحكمين
هنادي من جد منحرجه :-دانه مالي داعي البنت ماعرفها
دانه بدت تعصب :-هنوده البنت وحيده ولازم نوقف بجنبها شوفي كيف بكلمه كسبنا رنا اخت لنا بعد فعايل امها الشينه وايمان طيوبه مره وحبوبه ووحيده وبتصير منا من هالليله
هنادي :-معك حق
قالت دانه بحقد :-مرة عمك كالعاده ماحضرت
هنادي :-والعقربه بعد
دانه :-ايه صح وش صار بموضوعها
هنادي :-على خبرك جاحدها سعود وماعطى ابوي وجه رغم تلميحاته
دانه :-ماراح لعمي
هنادي :-مدري بس اظنه بيكلمه او كلمه سعود مايحب يقلل احترام الي اكبر منه خصوصا عماني
دانه :-الله يخفيها عن وجه الارض كيف تجرأت ودفت الماس وهي تدري انها حامل
هنادي :-غبيه غباء يفوق الوصف لا وذاك اليوم راميه الفاكس الي وصل بزباله غرفتها واضحه للاعمى الصراحه
دانه :-ربك ما يظيم احد
وقفن عند باب غرفة ايمان دقت دانه الباب ..:-ايمان انا دانه
فتحت ايمان الباب وهي مستحيه
كانت لابسه فستان ناعم ومسيحه شعرها عادي ومكياجها خفيف بس روعه ...
سلمت عليها دانه وقالت :-هذي هنادي بنت عمي ناصر
هنادي :-هلا وغلا بالفرد الجديد المنظم لعيلة الجد سبع الله يرحمه
ايمان ابتسمت ودخلت قلبها هنادي على طول :-ه هلا بك هنادي
قالت دانه :-هاه خلصتي الاخ خالد مزعجنا يبي يشوفك
كان باين عليها انها مرتبكه قالت هنادي تستهبل :-لاتخافين امونه من خلال خبرتي كعانس ماتزوجت للان تشوف بنات عمها وخواتها يتزوجن احب اعلمك ان كل شي بيكون اوكي وان خالد كائن بشري مثلنا ماياكل ولايعض
دانه وايمان :-
مشن البنات ...
ووصلن للباب الي يقسم قسم الحريم عن الرجال ...
قالت هنادي :-انا بروح المطبخ اشوف ايش الاخبار (قالت تكلم دانه ) هيه لاتنشبين لهم وصليها واطلعي
حمر وجه ايمان وضحكت دانه من دقات بنت عمها الخبله
وراحت هنادي للمطبخ...
&&&&&&&&&&&&&&&&&&&&&&&&&&&&&&&&&&&&&&&&&&&&&&& &&&


><في دبـــــــــــــي .............
قال احمد لسعاد وهو يناظر في ساعته :-والله فاتتنا ملكة خويلد اليوم
قالت سعاد برقه :-انا قلت لك خلنا نرجع وانت رافض
غمز احمد :-الحين انا ماصدقت رحمتي حالي وحنيتي علي وتبيني الحين ارجع الديره عشان خويلد ترى مقدر استغني عنك دقيقه وحده الحين بعدين حنا بعذرنا هذا شهر عسل متاخر مررررررررررره
حمر وجا وضحك احمد :- تجننين زود وانتي مستحيه من كان متخيل ان سعاد القويه تستحي
ضربته على كتفه بشويش :-شقالولك وجهي مغسول بمرق
احمد :-ه لا مو القصد القصد انك دوم تناقريني وتتحديني والي اشوفه عكس سعاد الي اعرفها
ابتسمت :-لاتذكرني بذيك الايام كانت عذاب في عذاب
احمد :-الحال من بعضه
سعاد :-صراحه علي غباء ماله مثيل
احمد (يستهبل) :-بدري
سعاد طلعت عيونها :-لا والله يعني عشاننا برى الديره تسوي علي قوي تراك ماتعرفني لاعصبت
احمد :-لا والي يخليك لي شلون ماعرف الا اعرف ونص لاعصبتي شتسوين
سعاد :-ه بالله لاتسوي فيها خايف مايليق عليك
احمد (يتضيعف) :-حرام عليك تراي بشر عادي
قالت بتقدير وحب :-ماظنيتك عادي والا ماغامرت بحياتك في الحريق
قال بتواضع :-كان واجبي واقل من الواجب
ابتسمت :-حطيت روحك على كفك وسويت الي مستحيل غيرك يسويه كلما يعيدون عرض الحادث وعملية الانقاذ يوقف شعر راسي كيف ماخفت وانت طالع لسابع دور على سلم انقاذ عادي
احمد :-خوف اي خوف الوقت كان عدونا ومافكرت دقيقه في نفسي كل تفكيري كان في عيلتين محجوزات في عماره مولعه نار كلها وبعدين مو انا الي بلحالي انقذتهم كان معي اربعه ومات واحد
كل ماله يكبر بعينها ...
كمل وهو يناظر فيها :-هذا شغلي وانا متعود على هالعمليات من تقريبا عشر سنوات
انقبض قلبها ...عشر سنين وهو شايل روحه بكف يده ...
قالت وهالسؤال مايفارق تفكيرها :-حبيبي ليه اخترت فرقة الدفاع
التفت يمها وقال وهو يبتسم ويهز كتوفه :- مدري بس شعور في داخلي خلاني انظم لها يمكن لاني تعودت احمي اخواني من ----------------
سكت وكانه يكشف عن شي ماوده يكشف عنه ... كانت سعاد عارفه ليه سكت وعارفه ان امه الدافع الي خلاه ينظم للدفاع المدني لانه كان يحمي اخوانه من بطشها ولعانتها..
لكنه وعدت رنا تحفظ السر وبتحفظه ...
مسك يده بتملك وقالت :-يالله ممكن احوط (اتمشى)
ناظرها احمد :- امداك تتعلمين اللهجه الاماراتيه
سعاد :-ه ترى كلها كلمه
قال برقه :-تدرين قلبي
قالت برقه مثله :-ايش
احمد :-حبي لك سنين وسنين مو خساره فيك
استحت سعاد وماردت
احمد :- ه نحوط احسن بدل حياك الزايد

>>>>> في بيت محمد
بالمجلس...
قالت دانه وهي توقف :-يالله اترككم بلحالكم
مسكتها ايمان وهمست :-لاتروحين
لكن خالد سمعها وغمز لدانه تطلع
دانه :-امونه ماراح ياكلك ترى اخوي حبوب
حمر وجه ايمان ...طلعت دانه وهي تضحك
قال خالد برقه :-شدعوه يالغاليه طيب كلميني لو كلمه
ابتسم من حياها
وقال وهو يمد عليها هديه مغلفه:-تفضلي هالهديه البسيطه ويارب تعجبك
قالت بهمس :-تسلم ماقصرت
تخبل خالد من صوتها وهي تحاكيه :-فديت هالصوت الي كنه كمنجه
ايمان ابتسمت من قلب وهي يالله ماسكه عمرها لا تضحك وتفشل عمرها
قال خالد :-عرفت انك دارسه تاريخ ومخلصته
ايمان :-صحيح
استانس خالد لانها ردت عليه :-خلصت سواليفي يالله سولفي
ابتسمت :-ماعندي سوالف سولف انت
خالد :-طيب اساليني عن اي شي تبينه
ترددت شوي وقالت بحيا :-محمد قال لي انك ماراح تبعدني عن امي
ياحبه لها الي كل ماله يكبر لو واحد مكانه كان زعل لان تفكيرها على امها مو عليه لكنه كان مبسوط ومستانس لان زوجته عطوفه وحنونه .. ولان الله بيبارك لهم في ظناهم اذا كتب لهم يجيبون عيال
قال برقه :-غلاي رسولنا محمد صلى الله عليه وسلم قال (الجنه تحت اقدام الامهــــــــــــــــــــات) وانا عند وعدي والله لايحرمك منها يوم
ايمان :-صلى الله عليه وسلم ، الله يسعدك مثل ما اسعدتني
ابتسم من قلب :-هالدعوه عندي بكنوز الدنيا
حمر وجا اما خالد جلس يملي عينه من جمالها ....
قال بعد شوي :-موعد العرس يناسبك
استحت زود وقالت :-مو كنك مستعجل
(طبعا موعد العرس كان ثاني ايام عيد الفطر .. يعني بعد شهرين بالضبط)
قال يستهبل :-من ناحية مستعجل فانا مو مستعجل بس الا طاير من العجله
حمر وجا ...
هزء خالد نفسه عشان يخف عليها شوي
قال لان ضميره أنبه :-اذا لك اعتراض قوليلي ومايهمك
ابتسمت :-براحتك
جاء خالد بيرد الا ومحمد داخل ....
محمد :-لا والله يا اخ خالد ماكنك فليتها شوي
خالد :- بدينا شغل الانسباء من الحين
محمد :-ه افا عليك طبعا
وقفت ايمان ...بتطلع قال خالد وهو يوقف :-وين تو الناس
قالت بحيا :-اسمح لي بطلع
خالد :-لو بيدي كان ما وافقت بس حكم القوي على الضعيف مقدر ارد لك طلب
طلعت ايمان من المجلس بسرعه ومحمد يضحك من خالد ... الي ماعبره ويغازلها عيني عينك
محمد :-اقول يا عنترة زمانك الوالد وعمانك كل دقيقه يسالوني عنك
سوى فيها معصب ومرتاع :-عليك السلام ياخالد لا والله ان تفضو لك الشياب لتروح في خبر كان
محمد :- رح لهم بروح اجيب قهوه جديده جو ضيوف زياده
خالد يستهزء :-الحين من عقب شوفة هالقمر تبيني اجلس طول الليل اتمقل في الوجيه السمحه الي هناك
محمد :-ه
خالد :- يالله رايح احمد ربي ان فهد هنا موجود
محمد :-ماكنك نسيت ان راكان هناك وانا وسعود
خالد :- لا ياشيخ مانسيت لكن انا ما اجلس مع ثلاثينيين
محمد :-ه لا والله يالصغيرون
خالد (مسوي يتمصلح) :-كلش عاد ولا ابو نسب
محمد راح يمشي للباب :- حلوه المصالح
خالد وهو يروح للباب الي يودي لمجلس الرجال البراني :- لازم مصالح

&&&&&&&&&&&&&&&&&&&&&&&&&&&&&&&&&&&&&&&&&&&&&&&
فتح محمد باب المطبخ الثاني الي يطل على قسم الرجال وتحديدا الصاله الي يقدمون فيها الاكل ...
دخل بدون مايلتفت ....
الا ويشده هالصوت ...
" القهوه سامجه من مسويها "
الشغاله :-انا
"ياحظي فيك ---"
هزت الشغاله راسها مو فاهمه ولا كلمه ...اما محمد جلس يضحك بصوت واطي
"جيبي الهيل والزعفران الحين "
رفع نظره الا ويطيح على ظهر بنت شعرها طويل فاتح وجسمها مليان لكن حلو وكانت لابسه تنوره جينز وبلوزه سوداء ساده موديلها من فوق افريقي ولابسه عقد طبقات طويل روعه يشوفه يتحرك لاتحركت وهي تشتغل ...
نادى صوت من برى :-هنـــــــادي
"هنا بالمطبخ "
تخبل محمد هذي اجل هنادي الي صدمت فيه بالمستشفى قبل شهر تقريبا...التفتت وطاحت عينها بعينه
تخبل محمد من الي يشوفه قدامه ...
ماعرفت اني على نفسي جنيت
ولاعرفت ان النواظر جارحات
يوم شفت الخل من شوفه ابتليت
يا الهي صرت مدرك ع الممات
في حياتي مثل شخصه ما رأيـت
ماكذبت ان قلت سيد السيدات
طار بي شوقي وعلى صوته انتشيت
قمت الحن على اوتار العازفات
طحت في بحر الغرام ولا نجيت
الله يستر من ايامي المقبلات*
انصدمت هنادي صدمة عمرها ...هذا هو نفس الرجال الي صدمت فيه بالمستشفى كيف تنساه وهو مافارق خيالها لحظه وحده
ركضت بسرعه برى المطبخ وقلبها يرقع ...
منال :-بسم الله كنك شايفه سكني
قالت هنادي ووجا احمر وترتجف بهمس :-منال شفته هو هو ماغيره
منال مافهمت ولا كلمه :-هنادي هدي مو فاهمه منك شي
سحبت هنادي نفس طويل وقالت وهي تحس بقلبها يضرب :-تذكرين الرجال الي صدمت فيه بالمستشفى
منال :-فارس احلامك الخيالي علامه
هنادي :-ماراح تصدقيني
منال تحمست :-هنود قولي لا الفعك
هنادي :-ه تخيلي شفته بالمطبخ
منال :-هاااااااااااه
هنادي :-هاه ايش اقولك شفته بالمطبخ تو ..
منال :-متأكده
هنادي :-ايه متاكده هو انا اقدر انسى شكله
منال :- لا يالمحظوظه مالت علي
غمزت لها هنادي :-والله وصرنا نعرف نحب
حقرتها منال :-طيب عرفتي من وش اسمه
هنادي تذكرت :-لا ياخساره
الا بجية ايمان اخت محمد :-هاي بنات
هنادي :-اهلين هلا وغلا
ايمان :-وراكم واقفين هنا
هنادي :-ضبطت قهوة الرجال وبطلع الصاله الحين
ايمان :-اشوى انك شفتيها قبل لاياخذها محمد اخوي الشغاله الهبلا ماتعرف تصلح القهوه
ابتسمت منال وفهمت هنادي حركتها ..
كملت ايمان الي غافله عن تلميحاتهم :-بروح اشوفه جا ياخذها
وراحت للمطبخ ...
قالت منال بهمس عشان ماتصارخ من الحماس :-من قدك هنود عرفنا هوية فارس احلامك
هنادي :-ه شفتي الحظ
مشوا للصاله ولحقتهم ايمان قبل لايدخلون قالت منال (تسوي معروف لهنادي ه الي بتموت فضول) :-هاه اخذ اخوك القهوه
ابتسمت ايمان :-قالت لي الشغاله انه دخل واخذها
ابتسمت منال من شكل هنادي الي بتشقق من الفرحه
شافت دانه ملامح هنادي وعرفت ان فيه شي :-شوي شوي لاتتشققين من الوناسه
هنادي :- لو تدرين مالمتيني
دانه :-طيب علمني عشان مالومك
التفتت هنادي يمها :-تذكرين فارس احلامي الي علمتك عنه
دانه :- راعي الاسواره
هنادي :-ه ماغيره
دانه المبتسمه :-علامه
هنادي :-تخيلي بس من يكون
تحمست دانه :-عرفتي هويته
هنادي :-ايه
دانه :-من
هنادي :-حزززززززززززري
دانه :-يوووووووووووووه من
هنادي :-محمد
دانه :-محمد من------------اوه صديق حبيب البي
هنادي بخبالها المعتاد :-ايوه صديق حبيب البي (ضربتها دانه على يدها) احمممممممممم اقصد حبيب البك
دانه :-ايه اعقلي
هنادي :-ه انا بوادي وهي بوادي
دانه :- كلش ولاركوني والحين علميني وين شفتيه
هنادي علمت دانه بالسالفه من الاول للاخير
دانه :-ه سبحان الله تذكرين مو قلت لك اذا ربي كاتبه لك بتجتمعون
قالت هنادي بجديه :-طبعا اذكر وانا صدق انه دخل قلبي من ذاك اليوم الا اني مو مهووسه به يمكن يكون من نصيبي وينقذني من العنوسه ويمكن لا
دانه :-ه الي يسمعك يقول صافقه الخمسين
هنادي :-ه زوجوني تنحل عقدتي
دانه :- خلينا نخلص من زواج خالد ونتفضى لك بعدين
هنادي :-الا على فكره مرة اخوك تجنن ناعمه مره ...
دانه :-ايه ماشاء الله عليها
قالت هنادي وهي تناظر قمر الي تسولف مع رنا:-الا دندون ليش احسقمر مو معنا اليوم ومتضايقه
ابتسمت دانه :-بُعد حبيب القلب عامل عمايله كل ما كلمها فكت مناحه على امي المسيكينه
هنادي :-ه ياحسرتي عليك ياهنادي محدن يحبك
دانه :- احمدك واشكرك يارب ...
هنادي :-الا على الطاري مافيه شي بالطريق
حست دانه بغصه :-لا للاسف
هنادي :-الحمد لله وليش مكتئبه توك متزوجه ..
دانه :-هنادي لي اكثر من خمس شهور متزوجه وللان ماحملت ..
هنادي :-لاتوسوسين .. شوفي الماس من متى متزوجه ومتى حملت
حاولت دانه تبتسم وقالت :-على كثر ماكرهت اجيب عيال وانا في ذمة ------------ انت عارفه من كثر كرهيله ما احب انطق اسمه ،على كثر ما تمنيت كل لحظه ودقيقه اجيب عيال من راكان
ابتسمت هنادي ترفع معنوياتها :-يالله لاتقلبينها نكد وربي بيرزقك بالي تمنين
ابتسمت دانه :-يجيب الله فرج اصلا انا بكلم راكان في هالموضوع لا شفت فرصه مناسبه
هنادي :-مو كنك بتستعجلين
دانه :-لا انا متاكده من الي اسويه
هنادي :-الله يقدم الي فيه خير وتجيب لنا راكان صغيرون
دانه :-ه قولي ان شاء الله
هنادي :-ان شاء الله
دق خالد على دانه...
خالد :-هلا دندون تراني دخلت عشاكم مع محمد للمطبخ
دانه :-تسلمون خلوّد
خالد :-يالله سلام
دانه :-سلام
وقفت دانه قالت هنادي :-خير
دانه :-العشا وصل
وقفت هنادي وراحـــــــــــــــت معها للمطبخ .. وبعد شوي لحقتهن قمر وايمان ورنا ومنال والماس
ناظرت هنادي :- ماشاء الله وش هو له هالجمهور
وكملت وهي تخز الماس الي كانت لابسه لبس حمل يجنن :-وانتي يادوبه رجلك صاجنا بالتعليمات روحي اجلسي لاتولدين علينا
الماس :- انا دوبه وبعدين ويني ووين الولاده تو باقي
هنادي :-والله انتي عكس خلق الله اتوقع منك اي شي
البنات :-ه
دانه بحنيه (تستهبل على الماس) :-اقول لاتحرقين دم اختي ماتشوفينها بتنفقع من الحمل
هنادي :- كفك
ومدت دانه لها كفها :-
الماس وهي تناظرهن بنص عين:-خفيفات دم اشوف فيكن يوم
هنادي من قلب :-اللهم امين عاجلا غير اجل
دانه :- انتي شاربه اليوم شي
البنات :-
&&&&&&&&&&&&&&&&&&&&&&&&&&&&&&&&&&&&&&&&&&&&&&& &&& &&
><في الجامعه><
كلمت دانه هنادي :-الو يا اخت هنادي وينك
هنادي :-توني مخلصه محاضره انتي وينك اخاف عندك محاضره ماتقابلنا من اليوم
دانه وهي تعدل نظارتها :-لا ماعندي الا محاضره وحده وخلصتها
هنادي :-عندك off اليوم مثلي
دانه :-ايه
هنادي :-اوف حر الا انتي وينك بالمكان الي دايم
دانه :-ايه
هنادي :-اوكي جايه خمس دقايق
جلست دانه تشرب عصير وتنتظر هنادي كان الجو حر رفعت شعرها بشباصه عشان تبرد شوي رفعت نظرها الا ويطيح على اخر وحده تتمنى شوفها بهالكره الارضيه
ساره :-لايكون تفكرين تطرديني من هالجامعه تحسبينها جامعة ابوك
ناظرتها دانه باحتقار وهي ترجع ورى وتعقد يدينها على صدرها :-ليش اطردك الامن يعطونهم رواتب ليه عشان يطردون الناس الي ماوراهم الا الفرفره وازعاج الناس
انقهرت ساره من برودها ومن ثقتها بنفسها ..
قالت ساره وهي تأشر على بنتين معها مسترجلات وضخمات اشكالهن تخرع :-ماعرفتك على صديقاتي
ناظرتها وحده بنظرات مو طبيعيه وقالت بصوت كانه صوت رجال :-وش هالجمال كله ماقدر الا احسد زوجك
صرخت ساره :-حمد احم اقصد حمده انا جايبتك تتغزلين فيها
تقززت دانه من الشذوذ الي تشوفه ووقف شعر راسها ..
الا وبجية هنادي الي قالت باستحقار :-الا من اشوف مشرفنا بجامعتنا العجوز الشمطاء سوير
انقهرت ساره من كلامها وقالت وهي تناظر في دانه بكره :-الوعد قريب وانا ساره
وراحت بسرعه ..
جلست هنادي :-شتبي ذي اي مصيبه حذفتها علينا
دانه :-يعني شتبي طردتها من بيتي وجايه تنكد لي عيشتي بهالجامعه
هنادي :-من هالمسترجلات الي معها قلبي ناغزني منهن
دانه :-صديقاتها على قولتها بصراحه مقرفات وحده تتغزل فيني عيني عينك تقول (تقلد صوتها الخشن) وش هالجمال كله ماقدر الا احسد زوجك
اختبص قلب هنادي وارتبش :-دندون حنا مو بأي جامعه حنا بجامعة الملك سعود والجامعه كبيره حيل وانا خايفه عليك
دانه بدا الخوف يتحرك بقلبها :-ماراح تمنعني سوير اكمل دراستي هانت هنود .. كلها كم شهر واخلص الترم الي باقي لي واتخرج

قالت ساره :-راح اعطيك عشرين الف ان شوهتي وجا لي تشويه ما يعالجه الجني الازرق
حمده او حمد زي ماتحب ينادونها :-اعتبريها تشوهت من الحين
ابتسمت ساره بفرح ووناسه :-ماقد اعتمدت عليك وخذلتني يا حمد
وطلعت عشر الاف وعطتها لها :-شوفي شغلك
وراحت ساره ...
قالت حمده لصديقتها :-شرايك
صديقتها :- مخفه تدفع عشرين الف بس عشان الغيره
حمده :-تعرفين ساره مريضه نفسيا
صديقتها :-بتسوين الي تبي
حمده :-اكيد صح انها مريضه نفسيا ولكن ينخاف منها وحنا مو قدها
وناظرت دانه من بعيد وقالت وهي تقزها :-ولو انه حرام هالوجه الي مثل القمر يتشوه
صديقتها :-ه كل شي عشان the money يهون
حمده :- صدقتي
صديقتها :-متى طيب
حمده :-انا شيكت على جدول محاضراتها عندها يوم الاربعاء محاضره وحده صباحا نقدر نمسكها لاطلعت من القاعه ونشوف شغلنا
صديقتها :-تمام الوعد اخر الاسبوع

وقفت هنادي :-يالله دندون جاء السواق بطلع لا تنتحر منال
دانه :- خذيني معك اكيد سواقي جا
هنادي :-يالله مشينا ..
طلعت دانه مع هنادي وشافت راكان واقف ينتظرها جنب سيارته بالمكان الي تعودت يوقف سواقها فيه
راكان :-ياهلا وغلا
ابتسمت وكانت بتشقق من الوناسه :-راكان بن عبدالرحمن بجلالة قدره جاي ياخذني
راكان :- كم دانه عندي ماعندي الا وحده
وركبوا السياره ....
ماشغل راكان سيارته وكان يناظر قدام مصدوم
دانه بخوف :-راكان علامك
راكان :-مو ذي سيارة عمي حمد
دانه :-ايه
ناظرها راكان :-وش السالفه
دانه :-حبيبي خلنا نمشي واعلمك بالطريق بكل شي
وفي الطريق علمته بكل شي ..
راكان بينجن :-عز الله مو صاحيه بنت عمي
دانه :-متخلفه ماعليك منها
راكان :-شلون شعلي منها هذي مجنونه وماتخاف الله
قالت بعناد :-راكان انت الي اصريت علي اكمل هالترم واتخرج
راكان :-وانا مازلت مصر للان وساره دبرتها عندي
التفتت دانه يمه:-وش بتسوي
راكان (كان يفكر ويفكر بما انه يعرف طبع ساره المريض ) :-بجيب ثنتيت يحرسنك لين تخلصين
انهبلت دانه :-سايبه الدعوه راكان ترانا بالسعوديه كيف تجيب لي ثنتين يحرسني ممنوع
رفع حاجب :-ماعليك من هالشي من بكره بيكون معاك ثنتين يحرسنك
دانه :-حبيبي مستحيل امشي في الجامعه ومعي حرس ما احب المظاهر
ابتسم :-مو مشكله بيكونن معك من بعيد لبعيد
دانه :-بس---------------------
قاطعها :-الاحتياط واجب وكلها كم شهر وتتخرجين
عرفت دانه ان راكان مصر على رايه والاعتراض ماراح يجيب نتيجه معه يمكن حتى كلامه ريحها من الخوف الي تحرك بصدرها من وعيد ساره ..
قالت بتغير الموضوع :-قلي ياقلبي كيف قدرت تترك شغلك وتجيني
ابتسم :-افا عشان دندونتي مافيه مستحيل
دانه بتشقق من الوناسه :-ه طيب علمني كيف قدرت تخالف مبادءك وتجيني هالحزه الي المفروض انك فيها بالشغل
غمز لها :-ببساطه اجلت موعد استراحة الغداء لموعد طلعتك من الجامعه يعني صرت اقدر اطلع واجيبك بنفسي من الجامعه ونتغدى سوى
يلومونها يوم تحبه ... حتى كلمة تحبه في حقه قليله ماتوفي ...
كمل يسالها :-هاه غير النكد بشوفة سوير كيف كان يومك
كيف ينتشلها من حالة الاحباط والزعل .. لعالم بس تضحك وتستانس فيه حتى اصعب الامور دايم يهونها عليها ...
ضيقتها في الي صار لاختها الماس ... كان دايم هو واقف معها وما احتاجت في يوم لاحد كثره .. ولا فضفضت وارتاحت لاحد مثله ..وجوده اغناها عن الكل وخلاها في حالة اكتفاء ...
في حالات الاحباط...في حالات الالم ... في حالات الحزن والاه...
من يشفيها ويفرح قلبها غيره....
12 سنه تفصل بينهم ... لكن عمر طول المسافات مابعد بين القلوب العاشقـــــه
كان قبل كل شي ..نعم الاخ والصديق .. حكمته وخبرته تلاقن مع خبرتها رغم صغر سنها ..
ماساه وصدمه وخيانه مزدوجــــــــــــه .. مصايب ضربت حياة كل واحد منهم قبل لايلتقون ..
رب ضرة (ن) نافعه وحكمة الله في زواجاتهم الاولى .. كانوا نصفين كل واحد يكمل الثاني باطباعه ومواصفاته واخلاقه ..
ابتسمت وقالت :-ه غير النكد وغير الحر الي يخنق كل شي تمام التمام ..
ابتسم راكان :-الحمد لله ..

&&&&&&&&&&&&&&&&&&&&&&&&&&&&&&&&&&&&&&&&&&&&&&& &&& &&&&
>>>>>>>>> في شركة راكان
قال محمد لراكان :-ابو فيصل
رفع راكان راسه عن شاشة الكومبيوتر :-نعم
محمد :-باخذ شورك في موضوع
راكان :-تفضل
محمد :-انا نويت اعرس
انصدم راكان :- جد ولا مقلب
محمد :- جد جد مو مقلب
راكان مصدوم :-غريبه لك سنين وانت رافض تتزوج
محمد :-من عاشر القوم
راكان :-ه على الاقل انا جربت حظي وتزوجت خابت بالاوله وصابت بالثانيه
محمد :-الله يسعدك دوم
راكان :-تسلم من سعيدة الحظ
ابتسم محمد :-هنادي بنت ناصر بن سبع
انصدم راكان زود :-ه والله وما انت بهين يا محمد بنت عم مدامتي
محمد :- ايه بنت عمها
راكان :-طيب وش تنتظر توكل على ربك والله بنات هالعايله بنات رجال والي ياخذ منهن ماهو بخسران
محمد :-ناوي ان شاء الله وخصوصا اني خليت الوالده تسوي تحريات عنها والبنت ماهي لاحد للان
راكان :-موفق ان شاء الله
محمد :-تسلم الوالده منتكسه صحتها شوي لاتعافت خطبتها
راكان :-على بركة الله


noor 3ini 21-12-2007 11:16

><بيت ابو احمد><
دخل طلال بيت ابوه الي يكر بسبب فعايل امه .. لكن ابوه في اجازه ومايقدر يكلمه الا هنا ..
صحيح انه له كم اسبوع من يوم ماطلع من المستشفى لكنه للان باقيه فيه اثار الحادث ورجوع نظره له مره ثانيه ..
دخل داخل وحسب ساعته ..اكيد ابوه موجود هنا واحسن مافي وقت جيته انه بين الصلاتين المغرب والعشاء يعني يقدر يتحجج بالصلاه ولاطلع يصلي مايرجع مره ثانيه هنا ، سبحان الله كيف ان هالبيت الي ضم سنين طفولته وحياته مصدر حزن وضيق له .. حتى ذكرى جدته الغاليه ماخففت من كر المتزايد لهالمكان ...
لقى ابوه وامه يتقهوون بالصاله ..
طلال :-السلام عليكم
الكل :-وعليكم
ابوه :-وينك يبه ماتنشاف
ابتسم طلال بعد ماحب على راس ابوه :-يبه مو انا مارك بالشركه قبل يومين
ابوه :-الشركه غير وبيت ابوك غير كلكم رحتوا وتركتوني احمد ورنا تزوجوا وناصر سافر لتبوك يشتغل
دخلت نوف :-وانا يبه مالي رب
ابوها كان معصب للان منها وخصوصا ان لها عنده قرابة الشهر ونص :-الي تعصي زوجها ماهي ببنتي
قالت بقوه :-ماعصيته
عصب ابوها:-اجل اشرحيلي ليش جابك هنا وانتي مالك اسبوعين من يوم ماتزوجتي
نوف بوقاحه :-ورى ماسالته
عصب طلال :-انتي مافي وجهك حيا تردين على ابوك بوقاحه
ام احمد كان الغيض يكمدها لكنها خايفه من زوجها لاتكلمت يطلقها طلاق نهائي عشان كذا سكتت ..
نوف قالت وهي تحقره :-انت مالك دخل
صرخ ابوها فيها :-انقلعي غرفتك لا اشوف وجهك
وطلعت بسرعة الصاروخ ...
شوي الا وامها وراها ...
ابو احمد :-ذلفة مردي
اكتئب طلال لان جيته ضاعت بسبب نوف الي عكننت مزاج ابوه
قال ابوه :-الله يحرق دمها من بنت
طلال بحنيه :-هد اعصابك يبه صحتك بالدنيا
ابوه :-الله يرضى عليك يبه ...
سكت طلال وهو يتحسر على خيبت مجيته لابوه .. بينما ابوه كان يمعن نظره فيه ..
ابتسم ابوه :-بغيت شي يبه حاس ان عندك كلام ودك تقوله
ابتسم طلال :-احساسك بمحله يبه بس انت الحين متنكد وزعلان اخليها يوم ثاني
ابوه :-لا قل الي عندك والله ما يزين خاطري الا علومك انت واخوانك وحبيبة قلبي رنوي والا نويف نسخة من امك بلاني الله بها
سكت طلال شوي وقال :-يبه انا نويت اعرس وابيك تخطب لي
انشرح صدر ابو احمد :-يوم المنى يبه بس انت ناسي ان اخوك ناصر ماتزوج للحين وهو اكبر منك
طلال :-يبه ناصر الحين همه في عمله وشغله موضوع الزواج ماهو في راسه والا انا مستقر في عملي من زمان وقادر افتح لي بيت واكون عايله وبصراحه خايف البنت الي ابيها تروح من يدي
ابوه :- مستعجل
طلال :- ايه بزود
انتبه ابوه لشي رغم صغره الا انه كبر قلبه وملاه بالفرح والسرور:-انت قايل لاخوك ناصر قبل لاتقول لي
انحرج طلال وخاف ابوه يزعل ..
ابوه :-الله يرحم تراب امي الي ربتكم على التواصل والتراحم خلاص يبه مدام اخوك ماعند مانع انا بعد ماعندي مانع من البنت الي تبيها
طلال :-منال بنت عمي ناصر
تهلل وجه ابوه :-ونعم الاختيار منى عيني تاخذون من بنات عمانكم وربي حقق لي امنيتي بس هنادي
طلال :-شفيها
ابوه :-مايصير تتزوج اختها الي اصغر منها قبلها ورى ماتتزوجها عماركم متقاربه
طلال :-لا يبه انا ابي منال ولاّ هنادي ماعليها قصور اهم شي املك على منال ولا اخطبها بس وننتظر هنادي لين تتزوج مو مشكله ..
ابوه :- ونعم الشور الحين ادق على عمك ابو خالد وبكره نروح نخطبها لك
حب طلال على راسه :-الله لايحرمنا منك يبه
ابوه :-بالتوفيق ياولدي
ووقف...:-يالله يبه الصلاه مابقي عليها شي وتقام خلنا نمشي للمسجد وقف طلال ومشى معه

&&&&&&&&&&&&&&&&&&&&&&&&&&&&&&&&&&&&&&&&&&&&&&& &&& &&&&&
>>>>>>>في غرفة نوف
قالت بعصبيه :-يالله يمه واضحه وضوح الشمس ابوي يكرهني
امها :-كلام فاضي مافيه ابو يكره عياله
نوف (تستهزء) :-لاتقولين لي مافيه ام تكره عيالها لانها نصبه
فهمت امها قصدها وارتبكت :-لا مو نصبه بس اخوانك غير
نوف :- وش مميزهم
امها بحقد :-لما تزوجت ابوك وجبت اخوانك الكبار كنت مادبر شي في البيت ولا الامومه والصراحه ماكنت ابي عيال ماحس باي شي يحثني اجيبهم يمكن لاني تزوجت ابوك لانه ولد عمي والا انا مابيه
انصدمت نوف .. كملت امها :-المهم كلن كان داري ومحد حبني واصلا ماهموني لكن لما ابوك شاف قلة اهتمامي باخوانك بنى لنا بيت جنب بيت جدتك وخلاها تربي اخوانك وصاروا معتبرينها امهم اكثر مني ولما ماتت كان احمد مراهق واخوانك يطيعونه ويحبونه وكانوا مايطيقوني بعيشة الله لدرجة ان احمد جلس ببيت جدتك لين باعوه عمانك لان موقعه كان على شارع والبلديه تبي تهدمه .. حتى ان احمد جلس زعلان كم شهر بعد هدم البيت واخوانك مثله لارضى رضوا ولازعل زعلوا .. وكبروا كذا ..
نوف :-طيب ليش ربيتيني انا
امها :-انتي اخر العنقود وحبيت اثبت لهم اني اعرف اربي احسن منهم وماخابت تربيتي طلعتي نسخه مني
نوف :- كربون مو نسخه
تذكرت امها :-اقول ابوك ماثارت مجنته شكل رجلك ماعلمه انه مطلقك وماعلمه بالسبب
نوف :-حتى انا لاحظت هالشي
امها :-العده مابقي عليها شي وتنتهي تلحلحي
ابتسمت نوف :- راقبيني ووعد اكون بكره ببيتي ...
امها :- فكرتك جهنميه اتحداه ان لقى لها حل والله لينتحر
نوف :- يكون احسن ولا المدام الي خايفين عليها كانها اول وحده بالعالم تحمل، لما تسمع الخبر بتموت
امها :-ه متى نويتي تنفذينها
نوف :-بعد بكره انت مو سمعتي تو طلول يبي يخطب منال الزفت يعني ابوي مو فاضي لي بكره ومنها فرصه انشر الخبر بين رفيقاتك يمه وربيعاتك الي يحبن البربره
امها:-اخ من طلول مالقى الا منالوه مالت عليه بس مو معهم توقيتك نعم التوقيت الله يستر من زوجك لايفقد اعصابه ويذبحك اما ربيعاتي لاتشيلين هم ثواني وينتشر الخبر
نوف :- عز الطلب ، اتحداه بيطيح في ورطه مالها حل
امها :-من كل قلبي اتمنى اشوف وج لاعلمه ابوك
نوف :-ه وانا بعد
&&&&&&&&&&&&&&&&&&&&&&&&&&&&&&&&&&&&&&&&&&&&&&& &&& &&
(الجزء الثالث)
><بيت ابو سعود><
قال ابو سعود لام سعود :-اليوم بيسير علينا اخوي نايف
استغربت ام سعود من متى زوجها يبلغها بزيارات اخوانه
قال ابو سعود يوم شاف حيرتها :-جايين يخطبون لطلال
اشرق وجه ام سعود :-والله لهنادي
ابو سعود :-لا لمنال
كئبت شوي وقال ابو سعود :- حرام نقطع برزق البنت وهناي بيجيها نصيبها متى مالله كتب
ام سعود :-عارفه بس كذا تكسر قلب هنادي
ابو سعود :-لاتخافين السالفه بس خطبه وبتكون بيننا ومحد بيدري وراح نعلن لا جا نصيب هنادي شرايك ومنها حتى تكمل منال دراستها توها صغيره
انشرح قلب ام سعود احيانا تعجبها تصرفات ابو سعود :-اذا كذا مافيه مشاكل وعداكم العيب
ابو سعود :-طيب علمي منال وشوفيلي رايها اخواني على وصول وماودي احيرهم بالرد
وقفت ام سعود :-ابشر

دخلت منال غرفة هنادي ووجا مولع
هنادي :-خير
منال مرتبكه وحالتها حاله :-طلال تحت بيخطبني
هنادي ما استوعبت :-يخطبك (تو تستوعب صارخت ) يخطبك مبروووووووووووووووووووووووك
منال :- ترى خطبه عاديه
هنادي :-شلون خطبه عاديه
منال :-الاخ طلال اقترح بما انك لسى ماتزوجتي يكون موضوع خطبتنا كتامي
انهبلت هنادي :-لاتقطعين بنصيبك عشاني
منال بهبال :- وش اقطع وما اقطع خلاص انخطبنا لبعض وبنروح نحلل عشان ماننتظر بعض على الفاضي وبعدين نطلع مو متناسبين
هنادي:-بس-----------------
قاطعتها منال :-هنوده انتي عارفه ان هذي اول سنه لي بالجامعه يعني ودي استقر وش معجلني
هنادي بجديه :-مدري
منال :-هنوده ياشينك لا صرتي جديه
هنادي (رجعت لهبالها) :-ه الله يبلشك وراي بحث لازم اقدمه وانتي شتتي تفكيري وخليتني اعود لواقعي المرير كعانس منال :- منتي بصاحيه

>>>>>>>>بمجلس الرجال
قال ابو سعود :-الف مبروك ياولدي
طلال :-الله يبارك فيك
ابوسعود :-باقي بس الفحوصات الله يتمم لكم على خير
طلال :-اللهم امين
كان احمد حاضر وسعود كل واحد بارك له ...
قال ابو خالد :-مبروك ياولدي
طلال:-الله يبارك فيك ياعمي
قال سعود يكلم احمد :-متى وصلت يا احمد
احمد :-امس
ابتسم سعود :-شكل الجلسه بدبي اعجبتك
احمد :-والله ترد الروح لولا ان اجازتي بتنتهي والا كان مددت جلستنا هناك

اليوم الثاني
><ببيت ابو سعود><
طاح جوال سعود من يده ...
كان مع الماس بغرفتها جالسين يسولفون
صارت تجلس كثير بغرفتها لانها صايره تتعب بسرعه من حملها
خافت الماس :-سعود علامك
سعود :- -------------
صرخت بخوف :-سعود تكفى علامك
قال سعود بلهجه مقطعه مصدومه :-نوف حامل
ناظرته الماس بصدمه كبيره :-هاه
سعود وهو لسى مصدوم :-حامل
خنقتها الغصه وقالت وهي ترتجف من قوة الجرح :-ماهقيتها منك يا الغالي ليتك على الاقل ماعشمتني
سعود :------------------
سالت دموعها وصارت تمسحها بعناد ..
قال ووج اسود مكفهر :-الماس ما اخلفت بشي من الي قلته لك
زادت دموعها :-على الاقل اعترف مو تنكر
قال سعود بقوه وقهر:-ورب الكعبه ماقلت الا الصحيح
رفعت راسها له تعرف سعود لا حلف مايكذب ناظرت عيونه وماشافت الا الصدق
قالت بحيره :-طيب كيف ---------------
فتحت فمها وهي تفهم اخيرا ....صرخت :- لا مستحيل
نزل سعود راسه :-فضحتنا وجابت لنا العار
مسكته الماس تهزه :-سعود انت متاكد من كلامك
ناظرها :-عمي مبلغني تو انها حامل
هزت راسها ولاول مره نست غيرتها ودعت ربها تكون حامل منه ولاتجيب لهم العار :-مافهمت قصدي
ناظرها .. وفهم كلامها قال بعصبيه وهو يوقف :-الماس وربي ، وربي وجلالته وقدره مالمست منها شعره
انغمت الماس :-سود الله وجا ياويلي مصيبه
اخذ سعود شماغه ..
وقفت الماس بالعله ومسكته :-وش نويت عليه
سحب نفس وكلم نفسه "ثواني ثواني استحمل هدي زوجتك لايصيبها مكروه ورح شفلك حل من ورى هالمصيبه"
قال بهدوء :-لاتنفعلين انتي حامل وصحتك ضعيفه بروح اشوف الموضوع وبكلمك
كنها ارتاحت شوي لما جا يطلع مسكته مع يده :-لا تتظاهر قدامي بالهدوء حبيبي انا مو غشيمه عنك وعن اطباعك انت ماتنلام لكن كل الي اطلبه ماتنفعل وتتهور واذكر انك بتكون اب خلال شهرين وان ولدك وامه محتاجينك
يمكن كلامها هدا نفسيته شوي..لكن نار الحميه تستعر بقلبه,,!!
وطلع بسرعه
وقف عند باب سيارته .. وقلبه بسرعه ينبض
مصيبه مصيبه طاحت على راســــــــــــــــــــــــــــــــه
فتح درج سيارته وطلع مسدسه وهو يناظر فيه ...
يذبحها ويمحي عارها والا وش يسوي ..حاول يهدي نفسه لايتهور ويخلي اسم عيلته على كل لسان وزي ماقالت الماس بيجيه ولد وهو محتاجه..
سنين عاشوها بفخر وروسهم بين خلق الله مرفوعه .. وجا اليوم الي مثيلات نوف يوطن روسهم بالتراب ..
صحيح انه اخطا بحقها لكنها كانت تعرف انه مايبيها ومغصوب عليها ووافقت عليه ..وهالشي مايعطيها العذر انها تجيب لهم العار
ركب سيارته وطار لبيت عمه .. وكلماته تتردد براسه..
[[نــــــــــــــوف حامل]]



وصل سعود بيت عمه ووج ما ينتفسر ..دق الباب وفتح له عمه
سعود :-السلام عليكم
عمه :-وعليكم السلام هلا ياولدي تفضل
دخل سعود المجلس ومن حسن حظه ماكان فيه احد ..
بدا عمه بالكلام بعد ماجلسوا :-يبه انا مدري عن الي صار بينكم بس انت بتصير ابو فكر في ولدك والقرار الي تتخذه بحترمك فيه وماراح اناقشك لكن اعدل بين زوجاتك
كانت جبهته عرقانه ويرجف حتى مفتاح السياره الي ماسكه بقوه جرح له كفه ، يخاف لاتكلم تطلع نيران جوفه وتحرق كل شي ..
استغرب عمه شكله وسكوته ماهو سعود الي يعرفه فيه شي يامريض يا فيه مصيبه
قال عمه باهتمام :-علامك ياولدي
رفع سعود راسه الي يظن انها اخر مره بينرفع فيها بوجه رجال :-لا ياعمي سلامتك بس تعبان شوي
عمه :-سلامتك
قال سعود بهدوء وهو يردد في نفسه (لاتنفجر لا تفضح عمرك وتذبح عمك ) :-ماعليك امر عمي قل لنوف تاخذ اغراضها وتطلع بنرجع بيتنا بس قبل ياعمي بعلمك تراني مطلقها طلقه
انصدم عمه :-مطلقها ليه
سعود :-ماعلينا ياعمي سالفه خاصه بيننا وانحلت خلاص
ارتاح عمه لان الازمه انتهت وبنته بترجع بيت رجلها وماخفى هالشي على سعود الا زاد نيران حقده وغضبه بصدره
طلع عمه وبقى سعود بالمجلس ..
الا وجواله يدق لينه رقم امه جحد ماله وجه ولا اخلاق يرد على احد لكن الجوال مابطل وهو يرن خاف يكون شي ضروري :-هلا
امه :-هلا يمه وينك
سعود :-ببيت عمي نايف خير صاير شي
قالت امه بعتب :-الحين ندري من الناس ان نوف حامل وانت ماتعلمنا
من قال ان الصدمه تشل كل شي حتى اللسان عز الله ماكذب ،
قالت امه :-سعود معي
قال بصوت منجرح متصدع :-ايه
امه حست بشي غلط :-ورى ماترد
سعود :-كيف عرفتي بحمل نوف
امه وهي ماتدري انها تزيد ناره حطب :-ابوك علمني لان واحد من جماعتنا بارك له اخاف يحسدك لانك بتصير ابو مرتين هالسنه
كملت امه وهي تزيده حقد وغضب :-بعدين تعرف حركات الحريم الخبر ينتشر بينهن بسرعة البرق
ماقدر يتحمل اكثر من كذا :-يمه اكلمك بعدين معي مكالمه ثانيه
امه :-طيب لاتدق على البيت بنطلع دق على جوالي ولاتتاخر على الماس..
وسكرت الجوال ...........

>>>>>بغرفة نوف
قالت نوف تهمس لامها عشان ابوها مايسمع :-قلت لك بيجي وجا
امها مبسوطه :-ه ورطه كبيره الله يعينه
نوف :-احسن ضربتي هذي عن كل الي سواه فيني يستاهل
قاطعهن ابوها :-صار لك نص ساعه عجلي
اخذت اغراضها وعطتها للشغاله ولبست عبايتها ...:-جاهزه الحين
قال ابوها قبل لاتطلع :-لا اوصيك على سعود
نوف باستهزاء :-ان شاء الله
طلعت على طول لسيارة سعود وسنترت قدام معه ..طلع سعود وهو يحس بالارض تدور تحت رجلينه وبصدره يكبر ويكبر كأنه بركان يستعد بينفجر ، ماقدر يتكلم بحرف واحد الخزي والفضيحه الجموا قدرته على الكلام
لحقهم ابوها بالسياره وراحوا للمحكمه وخلصوا كل شي يختص برجعتهم لبعض مره ثانيه
وصل للبيت في دقايق من سرعته في السواقه ..
دخل سيارته البيت وهو مولع ...نزل بسرعه وراح لبابها وفتحه بقوه خلت الباب يتضرر سحبها من يدها بقوه
صرخت من قوة يده على ذراعها
وصرخ بكل صوته :-اطلعي
وجرها معه للبيت داخل وهي من جد كانت عارفه انه بيعصب ويزعل بس مو للدرجه ذي حتى قلبها بدا يرجف بخوف ..
صرخت فيه :-اي عورتني
صرخ وهم يدخلون البيت :-ولا كلمه ولاكمله
جرها جر وهو يطلع لجناحهم صرخت .:-اقدر امشي مو لازم تسحبني كذا قطعت يدي
دفها لداخل الجناح وصفق الباب وقفله قال والتعصيب عاميل عمايله :-واقطع رقبتك من ابوه (بكل صوته ) من
تبلدت دقايق :-ابو من
مسكها مع رقبتها :-لاتستعبطين جنون الارض والسما حولي الحين من من انتي حامل
خافت وتراجعت في سريرها :- مو من احد
لكنه كان ماسكها مع رقبتها وكل ماله يشد في مسكته كان مستعد يقتلها ماعنده مانع ..
صرخ :-مــــــــــــــــــــــــــــــن
تردد صوته في كل مكان ..حتى نوف ولاول مره في حياتها تتمنى لو فيه احد بالبيت بس شكل البيت فاضي والناس طالعين
قالت بخوف :-مو احد
صرخ :-نوف علميني شوفي انا ذابحك ذابحك بس ابي قبل لاتموتين تعلميني من عشان اذبحكم كلكم.. وين عرفتيه ومتى قابلتيه قبل زواجنا ولا بعد تكلمي تكلمي
قالت وهي ترتجف :-سعود انا مو حامل كل هذي خطه عشان ترجعني
عصب وطق به عرق :-تلعبين علي انتي
ناظرته بعيون خايفه :-والله ما سويت شي ولاني بحامل وكل هذا خطه انتقم فيك منها حتى اني خليت الخبر ينتشر بين الناس عشان تتورط
انهبل سعود وحالته مايعلم بها الا الله :-مجنونه انتي كيف تلعبين بسمعتنا كيف
نوف:----------------
صرخ :-ليه ليه وش بيني وبينك ابتليتيني في حياتي سنين وسنين ماعندك كرامه ما تقدرين تحترمين نفسك تدرين انتي دمرتيلي حياتي من سنين ما اهتنيت بنوم ولا بساعه راحه .. انتي مافي قلبك رحمه وصلت بك المواصيل تحاولين تذبحين زوجتي وولدي الي حلمت به اكثر من اربع سنين وكملتيها وانتي تعرضين سمعتك وسمعتنا لكلام الناس .. تدرين ان الموت اهون ولا العار انتي مقدره حجم الشي الي سويتيه والا الحقد والذل معمينك عن كل شي ،(قال وهو متشنج والغصه خانقته ) انتي المسؤوله عن كل الي بيصير لك حطيتيني بهالموقف وتحملي نتايج فعلتك ..
مسكها بقوه وصرخت نوف "قالت في نفسها هذي ثمرة الي زرعتيه يا نوف "
حاولت وحاولت وحاولت ... بس كانت عصبيته معميته عن كل شي ....
ولا ضربها لها ودموعها عطوا نتيجه....
&&&&&&&&&&&&&&&&&&&&&&&&&&&&&&&&&&&&&&&&&&&&&&& &&& &&



صحت الماس على صوت صفقة باب قويه ، ناظرت في ساعتها لقت سعود له الحين ساعتين من يوم ماطلع ..
وقفت ... وهي لسى متروعه من صوت الباب الي انصفق بقوه ..
غسلت وجا وعدلت جلابيتها الخفيفه ..زينت شعرها بسرعه وطلعت...
سمعت صوت بكا في غرفة نوف الي مقابله لغرفتها ومابينهم الا سيب وسيع ...ماقدرت تمسك نفسها مشت بسرعه ووقفت عند الباب وسمعت نوف تبكي ..
فتحت الباب..شافت نوف جالسه في طرف السرير وتبكي ..
قالت الماس بخوف :-نوف علامك
مارفعت نوف نظرها ولاشي حطت راسها بين يدينها وجلست تبكي زود
جلست الماس عندها وهي بتموت خوف :-نوف علامك
ضمتها نوف بدون مقدمات .. انصدمت الماس ومسكتها الماس وجلست تهديها لين هدت تقريبا ..
بعد نص ساعه ...
علمت نوف الماس بكل شي صار من اول خطتها لين الي صار بينها وبين سعود ، تغير لون وجه الماس ..
كملت نوف وهي تمسح دموعها الي نزلت من جديد :-استاهل الي جاني منه ولا بعد قليل بحقي توني صحيت لنفسي كان سعود بين نارين نار انه يستر ويغطي هالفضيحه ونقول للناس اني اجهضت او انه يطلقني وان تزوجت مره ثانيه انفضحت في خلق الله وراح يشتغل القيل والقال ويطلع مليون سؤال وسؤال
الماس بهمس :-ليه يانوف ليه تسوين فيه كذا سعود ماعمره قسى ولاجرح احد
رجعت تبكي والندم مقطع قلبها تقطيع :-ياليتني اموت مدري وين اودي وجهي منه ومنك الماس من قبل ماتتزوجون وهو معجبني ياما دقيت على جواله وسكر الخط بوجهي حتى الشهور الاخيره وهذي حالي ازعاج له .. ماكنت اتوقع فيه رجال ممكن يحب زوجته هالكثر لكن الغرور كان معميني وقلت باخذه يعني باخذه توقعت اني لاتزوجته بيكون ملكي وبيحبني مثل ماهو يحبك لكني عرفت انه عشم ابليس في الجنه انه يحبني حتى لما حاولت اني اغويه صد عني وطلع وترك البيت
همست الماس ودموعها برموش عيونها :-يوم عمي عطاه كف
نوف :-ايه
وقفت الماس ومشت للبلكونه التابعه للجناح تبي تشم هواء تبي تحاول نخفف من هالثقل الي على قلبها ...
وقفت نوف وراها وقالت وهي منزله راسها :-سامحيني يابنت عمي ضيعت نفسي بنفسي
ورجعت تبكي كملت :-ماتدرين شكثر انا ندمانه ضيعت هيبتي وكرامتي واجبرت ولد عمي على ------ على ------- (ورجعت تبكي بزود) عشان يحميني من الفضيحه الي جبتها لنفسي ولاهلي
التفتت الماس لجهتها ...
كملت نوف وهي تبكي :-بطلع من حياتك قريب عارفه اني ماجبت لك غير الحزن والضرر وعارفه اني ياما جرحتك واخطيت بحقك .. بس كنت غيوره وعيني فارغه كنت احسدكم كلكم دانه تزوجت مرتين وزواجها الاخير كان زواج تحلم به كل بنت انتي عندك سعود الي حارب الدنيا عشانك رنا عندها فهد الي مسعدها ومغنيها عنا حتى سعاد تزوجت الانسان الي تحبه انا الوحيده الي كنت ارفض كل من تقدم لي لان عيني على سعود حتى امي الي هي امي كانت تزيد من حقدي عليكم وتزيد من اصراري اني اتزوجه عرفت الحين ان امي لو كانت فعلا تحبني ما خلتني ارمي كرامتي بالارض واخليها مداس للكل
ضمتها الماس وخلتها تبكي على كتفها وبكت معها ....
مسحت الماس دموعها بحنيه وقالت :-انسي كل شي صار وابني حياه جديده واحمدي ربك انك تبتي قبل لايفوت الاوان صحيح ان الي صار بيننا مو سهل ولاهين و اكذب عليك ان قلت اني نسيت ، اشياء كثيره ماتنسي بسهوله ..ويبيلها وقت ..حتى الجروح وهي الجروح تتداوى لكن يبيلها وقت حتى تطيب وتتشافى.
سمعت الماس اصوات تحت وقالت بسرعه :-عمتي والبنات رجعوا من برى برسل لك الشغاله ترتب غرفتك ونامي لك كم ساعه ولاتعلمين احد بالي صار وخلي السالفه مثل ماقال سعود انك حملتي واجهضتي
طلعت الماس وانهارت نوف على اقرب كرسي وهي تشوف بعيونها الانسانه الي حبها سعود وعرفت ان الفرق بينهن بعد السما عن الارض ..
&&&&&&&&&&&

><في بيت راكان><
قال راكان لدانه وهو يشوفها سرحانه :-وين وصلتي
ابتسمت :-هنا موجوده
راكان :-صار لك مده وانتي تفكرين كثير وش صاير
كانت تنتظر الفرصه والفرصه الحين جت
قالت برقه :-فيه موضوع مشغلني من فتره
راكان :-موضوع ايش
دانه ماتدري من وين تبدى لكنها قالت :-حبيبي صار لنا فتره متزوجين ولا حملت للحين وانا بديت اوسوس
رجع راكان ينام وقال وهو (يستهبل ):-على بالي عندك سالفه
عصبت وضربته على كتفه:-راكان لاتمزح الموضوع جدي قم اجلس
ابتسم وجلس مره ثانيه:-هذاني جلست بعدين تونا بدري
دانه بحزن :-لا مو بدري
راكان وهو يغمز لها :-و المطلوب
حمر وجا:- راكان بلا استهبال ترى والله فيني الصيحه
مسك يدها وقال :-كل شي ولا تصيحين طيب عندي اقتراح
دانه :-وشهو
راكان :-شوفي نبي نعطي انفسنا مهله لين نكمل سنه سوى وان ماصار حمل رحنا نشوف طبيب شرايك
فكرت شوي :-اوكي موافقه
سوى فيها ضعيف :-ممكن انام وراي دوام بكره
ابتسمت :-وانا عندي جامعه بكره شقالو لك لاشغل ولا مشغله
راكان :-ه لا محشومه (عصب) يالله اخمدي عاد
دانه :- لا ويصارخ بعد
راكان :- دانه نامي لا تطيرين مني النوم وتعرفين عقبها وش بيصير
حمر وجا :- خلاص بنام وراي بكره محاضره تغث القلب تصبح على خير
راكان :-ه وانتي من اهله

><اليوم الثاني><
>>>>>>>>>>>في الجامعه
حمدت دانه ربها لان المحاضره الي استمرت ساعتين متواصلات انتهت ...
وقفت وجمعت اغراضها وحطتها بالشنطه ...
دقت على هنادي :-الو وينك
هنادي :-بالكافتيريا الي خبرك خلصتي محاضرتك
دانه :-ايه انا جايتك
قالت هنادي بقوه :-لا لاتجين انا اجيك
تاففت دانه :-هنود ماراح يصير شي اليوم اربعاء ولنا يومين ما شفنا احد يالله سلام
سكرت في وجه هنادي المعصبه ضحكت دانه من نفسها لانها خوافــــــــــــــــه .. بزود وماصار شي من الي خافن منه والبنات ما بينن
طلعت من باب القاعه .. ومشت باسياب الجامعه الطويله والكثيره ...
همست حمده :-شوفي كل الحلا هناك
ناظرت صديقتها :-شفتها خلاص تمام نمسكها عند الزاويه الي بالسيب الثاني كل الي فيه يخافون مننا ومحد معلم لا صار شي
حمده :-تمام جبتي الموس
طلعته صديقتها من جيب التنوره :-هذا هو
حمده :-ه وش هالموس العن عربجي مستحيل يمسك واحد مثله
صديقتها وهن يمشن ورى دانه :-عشان تعرفين ان شغلي مضبوط دايم
ولما وصلن للزاويه الي اتفقن عليها طبن على دانه وحشرنها فيها ..تروعت دانه وزادت نبضات قلبها
قالت حمده وهي تحط يدها على فم دانه :-ولا كلمه ياقمر والا قطعت لسانك
الخوف استبد بكل ذره من جسم دانه...رفعت حمد الموس الي بيدها وقربته من وجه دانه الا وبيدين قويه تمسكها وتضربها في الجدار صارت هوشه كبيره .. انتهت بسرعه قياسيه ...
صرخت هنادي :-دانه
لما شافت هنادي الصراخ الي ملى السيب انخرش قلبها رمت دفتر محاضراتها وماذكرت غير دانه ..وبغى يجيها انهيار لولا انها شافت دانه واقفه ووجا اصفر ومذهوله ..
مسكتها هنادي صرخت :-انتي بخير
دانه بذهول :-ايه
قالت دانه للحرمتين الي حمنها من التشوه ويمكن من القتل :- من انتن
ابتسمت الحرمه :-ما قال لك الشيخ راكان
همست ودموعها بعيونها :-راكان
ابتسمت الحرمه وقالت لها :-خلينا الحين نروح لمكان عشان تهدين وتخف صدمتك وبعدين اعلمك بكل شي
طبعا امن الجامعه اخذوا حمده وصديقتها واعفوا دانه من اي اسئله وماطلبوها ابدا تجيهم الاداره حتى دانه استغربت هالشي..
جلسن البنات بالكافتيريا وهدت دانه اخيرا
قالت هنادي :-ماعرفناكم
الحرمه :-الشيخ راكان راعي فضل علينا من بعد الله سبحانه ابوي الله يرحمه كان يشتغل عندهم مراسل على قد حاله ولما توفى تكفل هو بمصاريفنا ولولا الله ثم مساعدته لنا والا كان متنا من الجوع وانا اشتغل هنا بأمن الجامعه لكن في قسم ثاني بعيد لما دق على الشيخ راكان قبل يومين وطلب مني هالخدمه قلت له انت تامر ماتطلب وعرفت قسمك وتخصصك وحضرت محاضره وحده عشان اتعرف عليك والدكتوره ماقصرت نادتك وخلتني اشوفك لين حفظت ملامحك عقبها صرت متفضيه لك ولا طلعتي كنت انا وزميلاتي نراقبك اول باول
ابتسمت دانه :-انا مديونه لك بعمري
قالت الحرمه وهي تحط يدها على يد دانه :-الي سويته قليل في حق الرجال الي رعانا اكثر من خمس سنين
وقفت وقالت :-استاذن ولاتخافين ماراح تغيبين عن عيني لين تتخرجين ولاتشيلين هم افتكينا من اكثر ثنتين مأزماتنا هنا بالجامعه
قالت هنادي :-يالله كل هذا من ورى سوير ..
دانه :-اليوم يوم المفاجات حسبي الله عليها مجنونه بس وربي لتندم
قالت هنادي بحنان :-دندون انتي بخير
ابتسمت:- غير الرجفه وقلب يرعد انا بخير

&&&&&&&&&&&&
البـــ الثامن عشرــــارت)
(الجزء الاول)
><بيت ابو سعود><
الساعه 3 العصر
نزلت الماس من غرفتها وعبايتها بيدها.. ناظرتها ام سعود مستغربه :-وين يمه
ابتسمت الماس غصب وقال :-عندي موعد مع الطبيبه اليوم
ام سعود :- بس قبل امس كان عندك موعد
تورطت الماس لكنها رقعتها بسرعه :-ايه بس بروح مو مراجعه الحين لارايحه عشان فحوصات
ام سعود على نياتها وصدقت كلام الماس :-طيب يمه اروح معك
الماس :-لا مايحتاج ماراح اطول وبعدين خالد الي بيوديني
ام سعود :-براحتك يمه لو مو خالد معك كان ماخليتك تروحين بلحالك
مشت الماس الا وام سعود تتذكر وتسألها :-يمه نوف هنا
ارتبشت الماس وتغير لون وجا ام سعود طبعا فهمت السالفه غلط تحسبها تكرا وماتطيق سيرتها
قالت الماس :-ايه موجوده
ترددت ام سعود :-دريتي انها ......
ابتسمت غصب :-انها حامل ايه دريت ..
ام سعود :-..............
الماس :-يالله بتاخر سلام
وطلعت بسرعه ...

كانت نوف واقفه على راس السلم وسمعت جواب الماس لو هي مكان الماس كان بكل شر علمت عمتها ان نوف تستخف بهم وتضحك عليهم
ملت الدموع عيونها وراحت تركض لغرفتها ..سكرت الباب ورمت نفسها على السرير تبكي
عيونها محمره وحالتها حاله .. حتى النوم ماذاقته ..
تتحسر على عمرها وتتحسر لانها فرضت نفسها على رجال مايبيها .. اشين مافي الحياه انها تعيش مع واحد مو طايق حتى شكلها ..
دايم كانت تقول ليش يحب الماس والسؤال كان محيرها لان على كلام امها كل الرياجيل مثل بعض واذا عرفت الحرمه تتصرف بتقدر تكسبهم ...
لكن سعود ما لان لها ولا عبرها حتى بنظره وحده دايم كان يصد عنها ويتضايق منها ومن وجوده بلحاله معها ...
حتى دايم كانت زلاته واجد وكان لاجا يكلمها او يناديها ما على لسانه الا (الماس)
حبته وماحبت غيره بحياته .. اشين مافي حبها انها حبت انسان ملك لغيرها صحيح انها زوجته ومثلها مثل الماس لكن حتى لو عدل في القلب مايقدر يعدل وهو ما يحبها ..
جلست ومسحت دموعها تفكر .. كيف بتنقذ شي من احترامها لنفسها قدامه
دق جوالها رفعته ولقته رقم امها ....سالت دموع القهر
"انتي السبب يمه انتي السبب صح اني مسؤوله عن افعالي لكن لو نصحتيني ووقفتي جنبي ورديتني ولا شجعتيني ادمر حياة عيال عمي ماصار الي صار"
نوف :-نعم
امها :-وينك جوالك مقفل من امس
نوف :-البطاريه كانت فاضيه
امها كانت متحمسه :-هاه بشري شصار
مسحت دمعتها :-وشو الي وش صار
ضحكت امها :-انتي فاهمه هاه ننتظر ولي العهد
ضحكت بدون نفس :-مو كنك تستعجلين ولي العهد طوالي
امها :-امممممم يعني صار شي بينكم
مسحت دموعها :-ايه
صارخت امها :-قلوووووووش اخيرا ورى ماعلمتيني
في نفسها "اعلمك ان حياتي كلها تدمرت "
لكنها قررت من اليوم وطالع حياتها ملك لها لحالها وامها بتطلع منها للابد
نوف :-سعود كان هنا وماطلع الا قبل ساعه
امها :-ه قلت لك مصيره بينخ لك
غمضت عيونها :-يمه اظن سعود جا بسكر
امها :-ه والله ما انتي بسهله يالله كلميني
نوف :-ان شاء الله
ورمت جوالها وهي مو طايقه نفسها ولاطايقه حياتها ...
وقفت بتغير ملابسها وتاخذ شاور ثم تنزل تحت ...

&&&&&&&&&&&&&&&&
><في السياره
قال خالد لالماس يستهبل :-الحين ماعندكم سواق مسحبتني في هالقوايل
الماس كانت بعالم ثاني :-ه عاد هذا عيوب الاخوه بعدين وين يوديني السواق هناك مشوار ربع ساعه انا يالله اتحمل اروح معه المستوصف القريب من بيت عمي
خالد :-الا شعندك رايحه هناك
مسكت اعصابها وقالت بصوت عادي :-باخذ لي اغراض من هناك
خالد :-وين رجلك
ارتبكت الماس :-مشغول شوي (غيرت السيره) الا شخبار المدام
خالد انبسط :-آآآآآآآآه يا البي
الماس :-ه سبحان الله هذا الي كان يبي ثنتين
خالد :-ه ولاحصل لي اي وحده منهم
الماس :-لو تبي هنادي كان خطبتها
عقد حواجبه :-صح صادقه وتصدقين مرتين كنت بقول لابوي يخطبها لي لكن كل مره اشوفها فيها احسها مثل دانه ومثلك ومثل قمر
الماس استغربت :-شلون يعني
خالد :-اعتبرها اخت لي تعرفين مابيني وبينها الا ثلاث سنوات ومتربين جميع وكنا نلعب سوى وحنا صغار لما افكر وانا بلحالي اقول انها بنت عمي ونعم التربيه وتصلح لي زوجه لكن لما اشوفها احسها مثل اختي ومعزتها بقلبي غير عن بنات عمي
الماس ناويتله :-طيب رنا
خالد :-عاد رنا كنت جد ناوي اخطبها بس فهد كان يبيها وعشان كذا صرفت نظر عنها
الماس :-ياحليلك ياخويلد
خالد :- اجنن صح
الماس :-مره
وصلوا بيت الماس ..ناظر خالد السياره الموقفه قدام الباب وقال وهو يرفع حاجب :-اجل تبين اغراض ، خلاص خلي اغراضك ترجعك
الماس (قلبها يرقع لان تخمينها بمحله) :-ه طيب يالله سلام
ونزلت بسرعه ...
صرخ وهو ينزل دريشة بابها :-ه ام الجحدات
الماس :-
خالد :-فتح الباب
الماس وهي تدخل مفتاحها بالباب وتفتحه :-ايه
دخلت ومشى خالد ...
مشت وهي توخر عن عدة العمال الي ماخلصوا شغلهم للحين وفتحت باب المدخل ...كان البيت هادي وانواره طافيه
نزلت شنطتها وعبايتها على كرسي بالمدخل ...
عدلت جلابيتها ومشطت شعرها الي شوي ويوصل لخصرها ...
طلعت الدرج حبه حبه ....
وصلت لباب الغرفه المردود ..
فتحته لقت سعود جالس ومنزل راسه ...انتبه لحركه بالغرفه ورفع راسه
همس :-الماس
ابتسمت والدموع بعينها :-روح الماس
وقف وجا عندها :-ليش مادقيتي علي انزل تحت تعب عليك الدرج
(يارق قلبه وتفكر في تعبي بعد)
قالت وهي تمسك يدينه :-لاجل عينك يهون الصعب
ابتسم :-وطبعا طلوع الدرج انجاز عندك
الماس :- تعايرني بكرشتي المنتفخه يعني
سعود :- احلى كرشه احد قال شي
الماس وهي تغمز له :-تأثيرات الحمل تحملني عاد
سعود برقه :-انتي حياتي (تغير صوته) وابي سماحك لي .................
حطت يدها على فمه :-لاتكمل عرفت كل شي
عصب سعود وجلس يسب
الماس :-لاتظلمها ماقالت شي ولا جتني انا سمعتها تبكي ورحت لها وعلمتني بكل شي وعلمتني انها مو حامل وانها خطه
جلس سعود :-ماهي صاحيه انا اشك بعقلها
الماس وهي تجلس جنبه :-جاهله ماينشره عليها
وناظرت في وج المشحب وعيونه الي مسوده من تحت قالت برقه :-مانمت ولا اكلت شي من امس صح
قال :-من له نفس عقب الي صار
رغم اعتذار نوف منها ورغم ان سعود معه حق بالي سواه الي انه شي يزعجها ويقهرها قالت وهي تمسك يده بقوه :-انس الي صار
ناظر فيها وقال بقوه :-مقدر مقدر انسى ماكنت ابي الامور توصل لها الحد لكنها اجبرتني حاصرتني ماكان عندي حل ثاني الا انها تقول انها اجهضت .........................(سكت)
الماس حست بضيق :-انا ما الومك لو غيرك كان ذبحها
سعود بحقد :-ذبحها حلال حتى لو ماسوت شي اصلا مجرد كلامها في هالمواضيع تستاهل عليه الذبح قوليلي انتم متاكدين انها اخت رنا
الماس :-كل انسان مهما كان فيه بذرة خير صدقني مهما كان ...
سعود من جد حاقد :-الا بنت عمي المصون الي خلتني اخون عهدي معك
القهر بقلبها لكنها قالت :-انا مسامحتك وبعدين هو انا اقدر ازعل من نفسي
ناظرها :-بس انا ماراح اسامح نفسي
كمل وتفكيره شارد :-الله يعدي هالشهور على خير
عقدت حواجبها :-ليه
قال بغموض :-كذا
كان مزاجه مقفل وكئيب حتى هي بدت تصير زيه ...
مسكت نفسها لاتضحك :-سعود بقولك شي
سعود وهو يناظرها :-قولي ياقلبي
الماس :-حبيبي لاتزعل
ابتسم :-تعرفيني مقدر ازعل منك
الماس (بتجننه ) :-احلف
سعود :- ماله داعي
الماس بدلع :-لا احلف اخاف تلفعني طراق
سعود :-ماسويتها اول ماتزوجنا بسويها الحين
الماس (الله لايحرمني منك هو انت لك مثيل وشبيه) :-طيب بقولك بس لاتعصب
ابتسم :-ترى بديت اعصب وانتي ماقلتي شي
الماس :-قصيت شعري
صرخ وفز من مكانه :-هاااااااااااااااااااااااااه لا لا ماتسوينها الماسووووووووووووووووه احلفي
تعرفه الماس يموت في شعرها ويالله بالغصبيه يخليها تغير شكله بدون ماتقصره
سوت ملامحها انها غلطانه اما سعود شكله يضحك وشكله نسي نوف وسنينها
قال وهو يكذب ويصدق :-تمزحين
الماس :-لا
سعود :-ترى بتوطى ببطنك
قالت تقلده :-ماسويتها اول ماتزوجنا بسويها الحين
سعود :-غيرت رايي عندك مانع
الماس :- على كيفك
سعود :-لا على كيفك انتي يالله اشوف وقفي بناظر في طوله الا وين المتر
الماس :- وش تبي به
سعود :-بصور معه يعني وش ابي به بقيس طول شعرك
الماس (تستهبل) :-مشكلة الثقه المفقوده بين زوجين
سعود (يحس نفسه روق بعد جيتها ) :-عن الفلسفه الزايده انتي من يوم ماحملتي مستخفه
الماس :-لا والله من حلاتك انت
سعود :-ه الحمد لله يامثبت العقول ...
وقفت الماس بتكفخه ... لكنها مسكت بطنها :-اااااااااي
خاف سعود وجا بسرعه جنبها قال بخوف :-بسم الله شفيك
ابتسمت :- ولدك مسوي ازعاج ببطني
حس بعظامه بردت :-روعتيني حرام عليك
الماس :-ه طيب لاتعصب
قلبه كان عليها :-اذا كنت تعبانه بوديك مستشفى
ابتسمت :-لاتكبر الموضوع قلي انا جوعانه شرايك تجيب لنا شي ناكله ..
سعود (يبي يقهرها) :-نسيت انك صايره مشفوحه
عصبت :-لا والله تراني اكل عن اثنين ...
سعود :-ه طيب لاتعصبين (يقلدها)
قالت بدلع :-ولا افكر بعد
خق سعود :-تدرين شلون هونت مو لازم ناكل
الماس :-ه طيب انا جوعانه
سوى معصب :-مالت عليك بنطلب غداء متاخر الا صدق تغديتي
حاولت تكذب :-ايه طبعا
يعرفها لاكذبت مايحتاج :-بايـــــــــــــــن ، ليش تهملين نفسك
قالت بجديه :-كيف يجيلي نفس وانا اعرف ان الاكل ماطب بطنك
عصب :-انا قوي واقدر اتحمل وانتي حامل وتحتاجين تتغذين
ابتسمت :-اوامر ثانيه دكتور
سعود :-ه يالله ننزل تحت عشان نطلب غداء واوريك تصليحات العمال
الماس :-حسبي الله عليهم حايسين البيت فوق تحت
سعود :-اهم شي يخلصون شغلهم عقب نجيب عمال ينظفون
فتح لها الباب وطلعوا قالت الماس :-كنت اتمنى اقضي رمضان ببيتنا بس الظاهر ماراح يحصل
اكتئب سعود :-وهذي امنيتي بس الشكوى لله كلها كم شهر واوعدك لا ولدتي وقمتي بالسلامه نرجع بيتنا
ابتسمت :- ان شاء الله
قال بمرار :-غريبه انك تثقين في وعودي للان
حزت هالكلمه بنفسها :-لاتعيد هالكلام مره ثانيه عمرك ماوعدتني واخلفت بوعدك لاتقول كذا ترى ازعل وربي
ابتسم :-طيب لاتزعلي ..

&&&&&&&&&&&&&&&&&&&


noor 3ini 21-12-2007 11:20

><في شركة راكان ><
كان راكان واقف يقرا له ملف ومحمد يكلم بالتلفون ...
قال محمد يتافف بعد ماسكر التلفون :-والله العله
راكان :-نشف دمك
محمد :-مره كالعاده لازم يسوي فيها فاهم ويناقش السعر
راكان :-هذا هو طبعه بس اهم شي شغلهم مضبوط
محمد وهو يكتب على ورقه ملاحظات :-من ناحية مضبوط مضبوط
راكان :-متى بيبدون يبنون المخازن
محمد :-عقب يومين
ابتسم راكان :-ممتاز بس حط عليها حراسه مو ناقصين حرايق ومصايب
محمد :-اكيد .........اقول ابو فيصل
راكان :-سم
محمد :-عقب ما نخلص بنى المخازن لازم نروح نجيب البضاعه من لندن
راكان :-عارف
محمد :-تمام يعني نقول بنعطيهم شهرين يبنونها فيها
عقد راكان حواجبه :-شف في العيد انا مسنتر مالي روحه
ابتسم محمد :-اقولك باقي شهرين يعني ماراح يروح علينا رمضان ولا عيد الفطر
راكان :-وعيد الاضحى
محمد :-مدري بنشوف متى الموعد النهائي الي بتجهز فيه الشحنه وان كانت بعيد الاضحى الشكوى على الله
راكان :-ان شاء الله ماتكون في عيد
محمد :-حتى لو كانت بكره لازم واحد منا يروح يجيبها ويشرف عليها راكان هذي الصفقه حلم حياتنا اشتغلنا عليها اربع سنوات تخيل اربع سنوات تحضير وتعب ومداولات
تنهد راكان :-الله يقدم الي فيه الخير
محمد :-ان شاء الله ، انا المسؤول عن هذي الصفقه هذا دوري انت كنت مسؤول عن صفقة ماليزيا
راكان :- الي العام
محمد :-الي العام ولا الي قبل عشرين سنه الدور دور
راكان :-طيب اكلتني بقشوري
محمد :-
راكان (تذكر) :-الا على الطاري متى ناوي تتلحلح وتخطب
محمد :-امي مو ذاك الزود
راكان :-الوالده وش دخلها من متى الحريم يتدخلن في كلام الرجال
محمد :-عارف مالها دخل بس قلبي مايطاوعني على انها مالها سيره الا هالموضوع
راكان وهو يجلس قدامه ويعدل شماغه :-شف البنت تنخطب وماراح تبقى بدون زواج العمر كله خلنا نروح نخطبها قبل فوات الاوان حتى يمكن هالشي يسعد امك ويفرحها
محمد كان متردد ...
كمل راكان :- هاه شقلت نتوكل على الله ونروح باكر نخطبها
محمد :-على بركة الله
ابتسم راكان :-هذا الكلام
دق تلفون المكتب ورد محمد :-هلا ....... ايه موجود لحظه
مد عليه السماعه :-مكالمه لك
حرك راكان يده :-من !
محمد :حرمه بس مدري من
راكان :-نعم
المتصله :-هلا شيخ راكان كيف حالك
راكان :-انتي ام حسن
المتصله :-ايه
رجف قلب راكان :-دانه فيها شي
المتصله :-لا مافيها شي والي حسبت حسابه صار
انخرش قلبه :-وش صار
المتصله :-هاجموها ثنتين وكانن ناويات يشوهن وجا لكن الله ستر ومنعناهن بالوقت المناسب
فز من مكانه :-كيفها شخبارها جاها شي
المتصله :- لا هي بخير وتمام وهنادي بنت عمها معها
كنه ارتاح شوي لان هنادي معها
قال وخوفه عليها مجننه :-متاكده
المتصله :-طبعا والا ماكلمتك
عصب راكان :-عطيني اسماء البنات الي سون هالسوات
المتصله :-ابشر حمده بنت عبدالعزيز ومها بنت عبد الاله
قال يتوعد :-شغلهن عندي وانا راكان
المتصله :-تامر بشي ثاني
راكان :-ماقصرتي اختي مشكوره
المتصله :-حق وواجب افضالك مغرقتنا
راكان بتواضع :-الفضل لله
المتصله :-سلام
راكان :-مع السلامه
طلع جواله طوالي بدون مايعطي محمد فرصه يسال عن الموضوع ...
راكان :-الو ابي العقيد فهيد
.............>> الخط الثاني :-هلا معك العقيد فهيد
راكان :-هلا ابو ريان كيفك
العقيد بكل صوته :-هلا وغلا ببو فيصل وينك ياشيخ مبطين عنك
راكان :- مو متقهوي عندك قبل اسبوع
العقيد :-قبل اسبوع يالله العافيه (وكمل ) اكيد مكلم هالحزه مصالح
راكان :- طبعا ازين مافيك ان المصالح معك تثمر
العقيد :- جامل طيب (وبجد) امرني
راكان :-مايامر عليك عدو فيه ثنتين ابيك تشوف شغلك معهن
العقيد :-وش الموضوع
علمه راكان بكل السالفه ...
قال العقيد وهو يصدر امر ويوقعه :-طيب بنت عمك متورطه ورجلها بتنسحب في القضيه
راكان :-مايهمني هالشي الي يهمني ياخذن جزاهن ارواح الناس مو لعبه وين حنا فيه في حواري امريكا
العقيد :-معك حق وش صار للناس انهبلوا كلما زادو في العلم كلما زادو همجيه وانا اتكلم عن هالفئه ع العموم اصدرت قرار الشكوى وراح يكونن تحت مسؤليتي مباشرة وان شاء الله حقك وحق زوجتك مايروح هدر حنا ببلد تحكمه القوانين والدين ومانسمح للاشكال هذي تشوه سمعتنا وتشوه مجتمعنا
راكان بتقدير لصديقه :-ماتقصر ابو ريان
العقيد :-ولو حتى لو ماكنت صديقي ورفيق عمري كان بسوي نفس الشي هذي وظيفتي احمي المجتمع من هالاشكال
راكان :-ماتقصر
العقيد :-ع العموم انا بتابع الموضوع واعلمك بالتطورات
راكان :-ماتقصر اهم شي رجل زوجتي ماتجي في الموضوع
العقيد :-اكيد مايبيلها كلام
وسكر راكان الجوال ....
قال محمد بذهول :-بنت عمك ذي مجنونه
راكان وهو يتنهد ويقلب الجوال في يده :-قلت لك من زمان بس ماصدقتني
محمد :-مو معقوله اكيد مجنونه فيه احد يمشي برجله للنار
راكان باستهزاء :-كانت مخططه محد يدري بس سبحان الله الي خلاني احط عليها حراسه
محمد :-كانك داري
راكان بكره :-بنت عمي واعرف طبعها وتفكيرها انانيه ماتفكر بنفسها وقاسيه حتى الحجر ما يتجرأ وينافسها في القسوه
محمد :-اجل تستاهل الي بيجيها
هز راكان راسه :-بتطلع منها وهذاني قلت لك من الحين
محمد بقهر :-اكيد بتامن نفسها لكن ع الاقل بتتشرشح في اقسام الشرط
راكان :-ابركها من حزه هي ماهمها الا المظاهر وتستاهل الي بيجيها
وقف راكان وهو يناظر في ساعته :-بروح اطلع زوجتي ماعندها محاضرات متاخره اليوم
محمد :-انا بروح قسم التصميم اشوف رسم المخازن جهز ...
راكان وهو يضرب على كتفه :-الله يعطيك العافيه
محمد :-يعافيك
وطلعوا ........

&&&&&&&&&&&&&&&&
><بيت ابو سعد ><
صرخ ابو سعد في بنته :-مجنونه انتي فضحتينا الله يفضحك
خافت ساره :-يبه حرام عليك عورتني
فك يده منها وفرك وج :-وش العمل الحين
دخل ابو علي وصرخ :-صاحيه انتي من متى حريمنا يدخلن سجون
ساره :-اووووووووووف وش دراني
صرخ في اخوه :-لو هذي بنته ذبحتها وشربت من دمها
ابو سعد :-وش العمل الحين سمعتي راحت فيها حسبي الله عليك من بنت
ابو علي يصارخ :-تشوهين حرمة راكان وين حنا فيه مضيعه عقلك
قالت بحقد :-وياليتهن قدرن يشوهنها
ابوها انهبل :-انتي مجنونه هذا الي هامك
ابو علي صفقها كف :-كان المفروض من زمان احد يربيك اخوي ماعرف يربي اخوي ربي وحده انانيه ما تحب الا نفسها والبلا محد يحبها
حقدت على عمها وعلى حركته
قال يكمل :- انتي مثل عمك بدر
صرخت فيهم :- من براءتكم يعني لاتنسون لمحة السعاده الي مرت على وجيهكم يوم دريتوا ان راكان بالمستشفى
ارتبكوا اثنيناتهم وكملت :-تلعبون على مين كلنا طينه وحده وتفكيرنا واحد
صرخ ابوها لان بنته كان صادقه في كلامها صحيح انه مو قاتل بس الي صار لراكان فرح قلبه وحسب ان الثوره مابينه وبينها الا خطوتين
"انقلعي لغرفتك "
طلعت ساره بسرعه .....
قال ابو علي :-وش السواة
جلس ابو سعد :-ياربي من هالبنت
ابو علي :-رح لراكان
انهبل اخوه :-مجنون انت
ابو علي :-هذا سمعتنا وشرفنا بعدين ساره بنت عمه وشرفه وماراح يرضاها
ابو سعد :-الي سوته مو قليل
ابو علي :-رح له وش بتخسر
ابو سعد :-وان كرشني
ابو علي :-الحق ينقال راكان ما يهين من داس بساطه
ناظره ابو سعد بتعصيب
قال ابو علي :-لا تجلس تخزني هذي كلمة حق
ابو سعد (بتردد):- مدري مدري
ابو علي :-رح له فكنا سيرتنا على كل لسان من ورى فعايل بنتك الا ماتحكمها
عصب ابو سعد ...
وطفش ابو علي من اخوه وبنته :-انا طالع الشركه شفلك صرفه ولو رفض راكان يلغي الشكوى اذبح بنتك يكون اصرف
وطلع
بعد عشر دقايق دخلت ام سعد ....
ناظرها وماتكلم
قالت وهي مدمعه :-هذ الي وصلتم له يا حمد اقسام شرطه
صرخ :-فعايل بنتك
قالت بصرامه :-ساره بنتك اكثر منها بنتي انت الي مربيها مو انا
كان معها حق .. وسكت
قالت بقهر لانها تشوف فعايلهم وساكته :-شف تربيتك لوين وصلت ...للقتل ..القتل
ابو سعد وهو يعض على اسنانه :-بس
لكنها كملت :-بنتك لاتخاف من احد ولاتحشم احد حتى انا يا امها ماتحشمني وانت ولا على بالك يالله هذي الي جنيته من تربيتك لها صارت تسحبك في اقسام الشرطه
صرخ :-بس ياحرمه
ام سعد :-كلمة الحق تزعلك
فقد اعصابه :-انتي طالق بالثلاث
انصدمت ام سعد ... وقالت بهدوء وهي تبتسم شامته :-سنين وانت رافض تطلقني وفي ساعه غضب حققت امنيتي بطلع من هالبيت الي يخنقني بفتك منكم ومن مصايبكم ومن غضب ربي عليكم بروح لاهلي واخدم امي واعيش بسلام ولاتجلس تتمنن ولاتنسى ان راتب تقاعدي كبير وراح يغنيني عنك وعن منتك
وطلعت بسرعه ....
فرك ابو سعد وج :-بدت حياته تطلع عن سيطرته وزاد كر لراكان اضعاف اضعاف !
&&&&&&&&&&&&&&&
<><بيت راكان ><
كان راكان يضمد جرح بيد دانه
قال وهو يرجع اكمام ثوبه لمحلها :-خلصنا
ابتسمت بحب :-الله لايخليني منك
(ودمعت عيونها )
تضايق راكان :-وبعدين ليش الدموع
قالت وهي متاثره :-حياتي بدونك ولاشي
راكان :-وانا نفس الشي الحمد لله عدت على خير
دانه :-لولا الله ثم الي سويته كان رحت فيها
عصب راكان :-مايهمك يالغاليه باخذلك حقك وعليه زود
الا وباب الجناح يدق.........
وقف راكان وراح يفتح الباب ... ودانه رجعت نامت لان حيلها مهدود
امهات راكان كانن الي عند الباب
قالت امه (مريم) بخوف ماله مثيل :-ياويلي عنك يمه انتي بخير
ام راكان :-بسم الله عليك لو ماعلمتنا الشغاله كان مادرينا
ابتسم راكان من ولن على دانه ..
جلست دانه :-الله يسلمك يمه جت سليمه الحمد لله
امه (مريم) :-وش صار يمه
راكان :-ساره مرسله بنات يشوهن مدري يقتلن دانه بالجامعه ولولا ستر الله كان راحت فيها
ام راكان :-ياويل قلبي انهبلت ذي ..
امه (مريم) :-الله يمحيها عن الوجود قولي امين ..
راكان :-امين
ام راكان بقسوه :-وبتخلي الموضوع يعدي
راكان :-ماني برخمه اخليه يعدي والله لا ادفعهم الثمن غالي وانا راكان انا قدمت شكوى واتهمت ساره والقضيه بين يدين صديق لي في الحق شديد وينخاف منه
امه (مريم) :-كفو يمه ...
دق باب الجناح
راكان :-ادخل
الشغاله :-بابا ابو سعد تحت يبغى كلام انت
جلسوا كلهم يناظرون في بعض مذهولين ...
وقف راكان بعصبيه ووقفت دانه معه قالت تهديه :-راكان لاتنسى تراه عمك
قال بعصبيه :-والله لا العن خيره
دانه :-حبيبي طلبتك الرجال لو انه اشد اعداءك تراه دايس بساطنا وحنا ما نهين ضيوفنا
قال بتوتر وهو ياخذ شماغه ويلبسه :-يكون خير
وطلع بسرعه ...
قالت امه (مريم) لدانه المتوتره :-هدي اعصابك يمه راكان يعرف يتصرف مع هالاشكال والوكاد انه جاي يبيه يتنازل عن القضيه
ام راكان :-الله يحفظ لي وليدي من كل مكروه ماحامينا وعازنا غيره
دانه وامه (مريم) :-اللهم امين

نزل راكان وهو يحاول يضبط نفسه واعصابه ..
رفع السماعه الخاصه ببوابة البيت :-خله يدخل
وسبقه لمجلس الرجال
بعدها بخمس دقايق دخل عمه وشكله مرتبك وماله خلق
ابو سعد :-السلام عليكم
راكان :-وعليكم السلام
(لولا خوفه من الله كان مارد عليه السلام )
جلس راكان بسرعه وفهمها عمه سلامهم شفهي ...
قال راكان بكبر :-كيف اساعدك يا .... ابو سعد
ابو سعد بارتباك :-والله ...............وسكت
راكان يبي يلعب باعصابه :-ايه
فهم ابو سعد حركته وعرف انه يبي يذله "مردوده وانا ابو سعد مردوده"
وقال :-والله وانا عمك
رفع راكان حاجبه :-الحين اعترفت انك عمي واني ولد اخوك
سوى فيها برئ :-ياولدي انا شسويت لك
عصب راكان لكنه قال ببرود :-ماسويت شي لكن حرقتوا مخازني مره .. رشيتوا موظف عندي مره ... بغيتوا تقتلوني وترملون حرمتي ... وتاليتها تبون تذبحونها
عرق ابو سعد وفك زرار ثوبه الاول :-ا ا ا ..انـ... انا مالي دخل
راكان :- ومن الي له دخل ان كنت انت مالك دخل
عمه وهو ينكر الكل بانانيته :-كلها كانت افكار عمك محمد
رفع راكان حاجب وقال باشمئزاز من قلة اصل عمه :- عمي ابو علي الي تحت جناحك والي مايهش ولاينش علي هالكلام يا عمي العزيز
ارتبك عمه ...
قال راكان وهو يناظر في ساعته :-انا مو فاضي هذا الي تبي تقوله
مسك ابو سعد نفسه لاينفعل :-انت عارف ليش جاي
انكر راكان :-لا مو عارف
ابو سعد بضيق :-ابيك تتنازل عن القضيه الي رافعها على ساره
راكان :-معصي
انقهر منه .. :-هذي بنت عمك
قاطعه راكان :-بنت عمي الي ماصانت اللحم والدم الي خانت ثقتي فيها قبل كم سنه والا نسيت ياعمي
تغير لون وجه عمه من الفشيله قال راكان وهو يناظره بنظراته الحاده :- اناموافق اتنازل بشرط
ماصدق عمه خبر :-وشهو
راكان :-تجي ساره تعتذر من دانه هنا ببيتي
انصدم عمه :-تـ..تعتذر للغريبه
عصب راكان :-الغريبه هذي زوجتي وام عيالي وتسواكم كلكم
وقف عمه وسوى فيها رجال له كلمه :-اخر كلامك يا راكان
راكان :-ايه معها فرصه اليوم ومن بكره الصبح انصحك تتبرا منها عشان تفتك من عارها قدام خلق الله
طلع عمه من عنده معصب...
جلس راكان بالمجلس طفشان وملان ... رغم كل شي تبقى بنت عمه لحمه ودمه وسمعتها مهما كانت تهمه ..عقد اصابعه وجلس يفكر ..
لازم يطلعها من الموضوع بس مو قبل لا تتربى واذا ماعرف ابوها يربيها هو بيستلم هالمهمه بكل سرور
ما انتبه راكان الا ويد على كتفه رفع راسه :-يمه
جلست امه جنبه :-عمك جاي عشان ساره
راكان وهي يتنهد :-ايه
امه :-وش قلت له
راكان :-قلت له ياتجي تتعذر من دانه وتستسمح منها يا ماراح اغير شي وبخلي القانون ياخذ مجراه
امه ولو انها عارفه الرد مقدما :-وش رد
راكان :-طبعا عصب وقال تبدي الغريبه على بنت عمك وطلع
هزت امه راسها وقالت :-لا تشيل هم عمك واعرفه والله لو يضطر يسحبها ليجيبها تعتذر ليجيبها
ناظرها راكان :-ياليت
ابتسم امه :-اعرفك انت ماتبيها تتسحب في الاقسام
قال :-لا ومو عشانها عشان سمعتي مابي الناس يقولون سحب بنت عمه بالاقسام
امه :-نعم الراي وانا امك عز الله ان تربية ابوك ماراحت في الهواء
مسك راكان يدها :-الله يرحمه ويحفظك لي

&&&&&&&&&&&&&&&&&&&&&&&&&&&&&&&

اليوم الثاني \4 ونص العصر \
><بيت ابو سعود ><
قال ابو سعود لمحمد وعمه الي جا معه :- والله الساعه المباركه بس نبي فرصه كم يوم
ابو يوسف (عم محمد) :-خذوا راحتكم يبو سعود
قال محمد يهمس لراكان :-ليه ياخذون فرصه
راكان :-ه لايزوجونك طوالي بدون مايسالون عنك
محمد منقهر :-هم يعرفوني وبعدين حياتي كتاب مفتوح
راكان (يستهبل) :- ما دامك ملسون ومو قاصرك ورى ماتهرجهم وتعترض
محمد :-مابقي الا هي
راكان :-ه عجيب امرك
محمد :-نتفاهم في المكتب مو هنا
راكان (مسوي خايف) :-ياربي رباااااه مت من الخوف
محمد :-ه الحمد لله والشكر
ورجعوا يسولفون مع الرياجيل ...

>بعد ماراحوا الرجال><
جلس ابو سعود بالصاله ونادى ام سعود
ام سعود :-ناديتني
ابو سعود :-ايه تعالي
جت ام سعود وجلست جنبه :-خير
ابو سعود وهو جدي :-اليوم انخطبت هنادي
انشرح صدر ام سعود :-والله هذي الساعه المباركه لمن
ابو سعود :-لمحمد بن ..............
قاطعته :-صديق راكان
ابو سعود :-ايه ماغيره
ام سعود :-ونعم الرجال يكفي انه صديق راكان
ابو سعود ..............
انقبض قلبها :-لا يبو سعود لا لاترفضه
ابو سعود :-ما بي بنتي تتزوج من برى العايله
ام سعود وهي تهدي نفسها :-الرجال من نفس قبيلتنا وراعي دين وبار بامه ومركزه كبير وشهو له ترفضه
ابو سعود عقلية الاولين مسيطره عليه :-انا ابيها لناصر ولد اخوي
ام سعود وهي شوي وتصيح :-يعني شلون تدق عليه يجي يخطبها
عصب :-هذي هنادي بنت ناصر مو اي بنت
كنها ارتاحت :-الرسول صلـ الله عليه وسلم ـى قال (من ترضون دينه وخلقه فزوجوه)
ابو سعود :-عليه الصلاة والسلام بفكر وبشوف
كانت هنادي طالعه من المطبخ وبيدها شبس ...وسمعت كل الكلام الي انقال...
طاح الشبس من يدها ... وتنثر بالارض
سمعت بالاحلام الي تتحطم وبالنفسيه الي تتدمر
ولكنها في هاللحظه بالذات عرفت معناها .........
طلعت غرفتها تركض ودموعها تسيل بدون حس وصوت ...
منال انهبلت وهي تشوفها تركض وتبكي لاول مره تشوف هنادي كذا
لحقتها لغرفتها :-هنادي شفيك
لكن هنادي كانت بصدمتها وماطلعت منها للان ...
هزتها منال وهي نايمه على السرير تصيح :-هنادي وربي لتعلميني شفيك
وبعناد منال تكلمت هنادي :-محمد خطبني ........................... ورجعت تبكي
قلب منال كل مالها دقاته تزيد :-طيب
هنادي وهي مو مصدقه للان :-ابوي يبيني لناصر وشكله بيرفض محمد بدون شوري
انصدمت منال :-لا مستحيل مايسويها ابوي
هنادي :-سمعته يهرج امي باذني هذي
حطت منال يدها على فمها من الذهول :-ياربي مشكله
هنادي :-امي جالسه تقنع فيه وهو مو راضي
منال متحطمه لكنها تحاول تحط بقلب هنادي الامل :-وكلي امرك لله
هنادي :-ابوي واعرفه بيرفض
منال :-هنادي فرضنا انه رفض انتي قلتيلي مره انك مو مهووسه فيه
قاطعتها :-صح انا مو مهووسه فيه لكن مجرد انه يجينا ويخطبني ويرفضه ابوي هذا شي يقهرني ويموتني
منال :-تاملي في ربك خير
هنادي رجعت تبكــــــــــــــــــــــي مو مصدقه الي بيسويه ابوها معقوله لها الدرجه افكاره كذا بنت العم لولد عمها ...حتى لو ولد عمها مايبيها
وليه تستغرب عقب الي صار لاخوها سعود من تحت روسهم ...
صحيح ان نويف نزلت امس وتعشت معهم لكنها للان تكرا ولو ان نويف متغيره شوي وصايره عاقله
الله يستر ان ما تزوجت محمد بتجلس طول عمرها عانس واعلى مابخيلهم يركبونه !

&&&&&&&&&&&&&&&&&
><بيت ابو سعد ><
صرخت ساره :-مابقي الا هي
مسكها ابوها مع يدها :-بتروحين يعني بتروحين
نفضت يده :-على جثتي
ابوها وهو يمكها من شعرها :-سوير انتي صايره مثل عمك راعية مشاكل ياتصلحين الي كسرتيه ولا خيسي بالسجن
قالت وهي تتلوى بتحرر نفسها :-بجيب اكبر محامي بس ماروح لها
ضحك ابوها بدون نفس :-حنا نتكلم هنا عن راكان ... راكان بن عبدالرحمن والله لوتجيبين محامين الدنيا مافكوك منه ومن عقابه
قالت بقهر :-يبه يبي يذلني
ابوها :-طبخ طبختيه يالرفله اكليه
ساره :-يبه وش هالكلام السوقي
ابوها :-سوقي ولا مو سوقي شوفيلك صرفه
ساره :-ماني معتذره منها لو تموت بنت فهد
ابوها :-بتروحين
ساره :-لا
ضربها كف محترم وصرخ :-بتروحين وثاني مره لا اشوفك ترفعين صوتك علي
انهارت على الكرسي ...
قالت بعد شوي :-طيب عطني ساعه بحاول القى طريقه وان مالقيت رحنا لهم عساهم الريح الي ماتخلي لهم تالي
ابوها :-معك لبعد صلاة المغرب
ناظرت في ساعتها ... بقي معها ساعه الا ربع
وقفت وراحت لغرفتها ....
كل معارفها تخلوا عنها .. اصلا من الي يقدر يوقف بوجه راكان الكل يهابه ويخاف منه ..
المشكله انها تعرفه .. يمكن تساهله مع سوايا عمانه شال رهبته من قلبها لكنها بدت تعيد حساباتها وبدت تحس بالرهبه والخوف منه ومن انتقامه الي سوته مو قليل والبنتين الي تهجمّن على دانه ملطوعات بالسجن الحين ومتهماتها انها محرضتهن ..
يعني الكوره بملعب راكان بيده يمحيها عن الوجود وبيده يطلعها من السالفه مثل الشعره من العجين
رمت جوالها على الارض من زود القهر ..امها وتطلقت وابوها الي كان لايهش ولاينش بدى يطلع لها طبعه الحقيقي
مالها الا تنفذ طلب راكان
صرخت بقهر
"وررررررررررررررررررررربي وررررررررربي لتندم لاخر عمرك وماكون انا ساره "
نزلت لابوها وعبايتها بيدها
ابوها الي توه راجع من صلاة المغرب:- وين راعين الفزعات ما اشوفهم حلوا مصيبتك
قالت بحقد :- جبت سيرة راكان من هنا ومدري شجاهم الي يقول انه مو قد راكان والي يقول ان مجنون الي يعارضه والي يقول لي مصالح معه وخايف عليها وال يقول انه مسافر اوووووووووف
ابوها حس ببروده تسري بجسمه :-الله يكفينا شره انتي ماتعرفينه واصل بالحيل
قالت :-بيندم يبه بيندم وهذا نذر علي
ابوها :-خليني نخلص من هالورطه الي حطيتينا فيها وساعتها سوي مابدا لك
ساره :-على قولتك
وطلعوا من البيت ...

&&&&&&&&&&&&&&&&&&&&&&
><بيت احمد ><
اخذت سعاد جوالها ودقت على احمد ..
احمد :-ياهلا وغلا باغلى حبيبه
ولع وجه سعاد :-هلا قلبي
احمد (يستهبل) :-اخ ارحميني تراني بالشغل وملطوع لين الساعه 12 باليل
سعاد :-ه طيب
احمد :-يازينها من ضحكه
ولعت مره ثانيه :-احمد ............
احمد (مروق) :-ياروحه وقلبه وعينه
استحت :-وبعدين ممكن تعطيني فرصه احكي
احمد :- يالله قولي بسرعه لاني مقدر اسكت
سعاد :-
احمد حاس انه ملك الكون بيده بزواجه منها
احمد :-وبعدين
سعاد بجديه :-شفت طبلون الكهرب
احمد وهو يعقد حواجبه :-علامه
سعاد :-تو وانا نازله مدري شجاه صار تطلع منه شرارات
عدل جلسته :-شرارات
سعاد :-ايه السالفه مو مهمه لانها بس مره صارت بس حبيت اقول لك الحذر واجب
احمد :-خلاص بكره ان شاء ذكريني اجيب مهندس كهربائي يشوف وش مصيبته
سعاد :-ان شاء الله
احمد وهو مو مرتاح :-بحاول اطلع عشان اجيب الكهربائي وان ماقدرت الشكوى لله بننتظر لين بكره ؟؟
سعاد :-لاتتعب نفسك
احمد :-انتي نظر عيني وخايف عليك بحاول اشوف طلال ان كان فاضي ارسلته لك
سعاد :-على خير ، يالله تامر بشي
احمد (ماعنده وقت) :-مافيه كلمه حلوه مثل اشتقت لك .. ياواحش روحي وشلونك..احبكـ يعني كلمات بسيطه تاثيرها مدمر
حمر وجا وابتسمت:-انت عارف عن الي بقلبي
احمد :-بس نفسي اسمعها منك
سعاد :-كل شي بوقته حلو
احمد :-....................
الا وصفارات الانذار تضرب عندهم
سعاد بخوف :-شفيه
احمد :-ه لاتخافين عندنا مهمه الحين
سعاد رجف قلبها :-زي ذيك المهمه
احمد بغموض :-مدري
سعاد :-شايفني غبيه مدير منظر انت
احمد :-ه حلوه مدير منظر
سعاد شوي وتصيح :-انتبه على نفسك
احمد :-ان شاء الله
سعاد :-ولا تتهور
احمد :-ان شاء الله
سعاد :-واقر المعوذات واية الكرسي عشان ربي يحميك
ابتسم :-ان شاء الله
عصبت عليه :-مبرمجينك كلما اقول لك شي تكرر نفس الكلمه
احمد وهو يوقف :- لا مو مبرمجيني بس مو كل واحد عرفته يخاف علي هالكثر
قالت وهي تمسح دمعه لان اخر اصابه لاحمد مروعتها :-لان مو كل واحد عرفته يحبك كثري
قال برقه :-عارف وماعندي شك
سعاد :-الله يحفظك يانظر عيني
احمد :-امين انتبهي على عمرك وتاكدي انك مقفله كل ابواب البيت
سعاد :-ان شاء الله
احمد :-سلام
سعاد :-مع السلامه
وسكرت الجوال وهي في قلبها بس تدعي الله يحميه لها من كل مكروه...

&&&&&&&&&&&&&&
>>>>>>>>>بيت راكان
طاحت فرشة الشعر من يد دانه وناظرت في راكان مصدومه
قالت بصدمه :-شقلت
قرب منها راكان :-ساره تحت
عصبت مره :-لها وجه تجي والله لدق ع الامن يجون يسحبونها برى بيتي
مسكها مع يدها :-اتركني راكان خلني اشوف شغلي معها
راكان :-ولايهمك عمي يوم جاني ذليل اليوم يبيني اتنازل انا وافقت بشرط انها تجي وتطلب منك االسماح
دانه بدلاخه :-هاه
راكان وهو يبتسم ويغمز لها :-ماراح اتدخل خذي راحتك ع الاخير
دانه ماقدرت تمنع نفسها :
قالت برقه :-وش السر الي يخليك دايم تغير مودي وفي قمة احزاني تخليني اضحك
خق راكان معها :-اممممممممم مدري يمكن لاني اتالم لاصرتي حزينه واحزن معك عشان كذا لا خففت عنك كني مخفف عن عمري
ضمته بدون مقدمات :-الله لايغير علينا
استانس راكان وقال يستهبل :- يابنت انزلي شوفي شغلك مع سوير وعقبها عذبيني براحتك
دانه :-ه طيب
نزلوا سوى ووقفت فجاه بنص الدرج سالها راكان :-شفيك وقفتي
ناظرته من فوق لتحت وقالت بغيره :-على وين
راكان مو فاهم شي :-معك افكورس
ناظرته بنص عين :-اقول رح لمكتبك اصرف
انصدم :-ليه
دانه :-كذا
ما استوعب راكان ........ ثواني الا ويفهم قصدها :- اموت على الي يغارون
دانه ماسكه نفسها لاتضحك :-انا شقلت
رجع راكان يطلع وهو يقول والابتسامه شاقه حلقه :-سمعآ وطاعـــــــــــــه
ارسلت له بوسه طايره انهبل وبغى يرجع ينزل لو لا انه خاف منها تكفخه ()
دانه :-
طيب ياسوير طيب !
نادت الشغاله مره وحده ومن حسن حظها انها كانت ترتب فوق ...
كلمتها دانه بسرعه وفهمتها الي تبيه ابتسمت الشغاله وقالت وهي تنزل :-ok 1 mintes
طلعت دانه بسرعه ودخلت مكتب راكان بدون مقدمات ناظرها راكان وهو مبتسم عيونها تلمع اكيد براسها شي لا والله طحتي ومحد سمى عليك ياساره
اخذت سكين الرسايل الذهبيه الي على المكتب ...
كان بيسالها راكان بس ماعطته فرصه لانها طلعت بسرعه ..
ذبحه الفضول وده يعرف وش بتسوي ..اخذ جواله ودق على امه (مريم) لانها راعية فزعات وبتوقف مع دانه وماراح تمنعها عكس امه الحقيقيه الي بتحاول تمنع دانه باي وسيله ..
راكان :-يمه وينك
امه (مريم) :-بسم الله علي مافيه سلام
راكان :-ه سلام وينك
امه (مريم) :-بالسويت تبعي
راكان :- يمه قد قلت لك انك كشخه
امه (مريم) :-ه لا
راكان :-طيب انتي كشخه
امه (مريم) :-ه الله يسلمني
راكان :-ه يمه سوير تحت ودانه نزلت لها خليك معها شكلها ناويه تربيها راقبي وعطيني التفاصيل
امه (مريم) :-شغاله عندك ورى ماتنزل يا صاحب المعالي وتشوف بنفسك
راكان :-ه محشومه بس عندي تعليمات صارمه من الجهات العليا الزم مكتبي ولا اعتب الباب
امه (مريم) :-ه كفو عز الله انها بنت رجال
راكان بوله :-ياحبيلها
امه (مريم) :-معلومه جديده يعني . اقول بروح افزع لبنيتي قبل لاتجي امك وتحوس الدنيا
راكان :- طيب
وسكر الجوال ...

طلعت الخاله مريم من جناحها الي بالدور الي تحت وراحت للصاله ..
كانت دانه تو داخله ...
وقفت سوير بغرور وقالت :-انا جيت اعتذر واحب اقولك اني مو ندمانه على شي
قالت دانه بغرور اقوى من غرورها :-وانتي لو تعلنين عذرك بالتلفزيون ماقبلته لانك ماتهميني لا انتي ولا اعذارك وبعدين صدق من قال ذيل الكلب عوج
عصبت ساره واخذت عبايتها وقبل لاتروح قالت تستهزء :-الا وينه ولد عمي سياراته برى وهو ماله شوف
قالت دانه وهي بس ذكرت اسم راكان تمنت لو تموتها عن الحياه :-لاعاد اسمعك تجيبين طاري اسمه على لسانك مره ثانيه لاني ماراح اتردد في قطعه لك
ناظرتها ساره من فوق لتحت ...قالت دانه بلهجه ناعمه :- لحظه
وقفت ساره والتفتت يمها ...
ابتسمت دانه واشرت على الشغالات يسون الي طلبته منهن ، صرخت ساره لان شغالتين كتفنها ووحده حطت السكينه الخاصه بالرسايل على رقبتها
قالت دانه وهي تقرب منها :-ممكن توصفين لي شعورك
طلعت عيون ساره قدام وخافت من الموت ... والي عزز خوفها لها ان راكان لو فرضنا وذبحتها بيقدر بشكل ما يطلع هو وزوجته منها
قالت بخوف ورجفه :-د..د..دانه تكفين انـ انا اسفه حب راكان اعماني
دانه وهي ترفع حاجب :-هذي هي المره الثانيه الي اخليك فيها تطلعين من بيتي تمشين وتذكري الثالثه ثابته
طبعا الخاله مريم كانت متفــــــــــــــــرجه ومذهوله من تصرف دانه ...
اشرت دانه للشغالات يتركنها
قالت دانه وهي تتعداها :-من غير مطرود
طلعت ساره بسرعة الصاروخ من البيت لابوها الي كان ينتظرها بالسياره برى
قالت الخاله مريم وهي تحب راسها :-والله وعرفتي تربينها وتردين لها الصاع صاعين
قالت دانه :-ماهو طبعي يمه لكن بعض الناس يجبرونك على هالتصرفات هالانسانه هددت حياتي يعني وصلت لحدود الجنون بتصرفاتها من جد شكلها مريضه نفسيا
ام راكان (مريم) :-فعلا انا سمعت امها تلمح قبل كم شهر انها تراجع طبيب نفسي
دانه من قلبها :-من هالحال واردى
ام راكان (مريم) :-طيب يمه انتي روحي ارتاحي وصلي العشا وانا بروح لغرفتي واصلي
ابتسمت :-ان شاء الله ..
طلعت دانه لغرفتها بعدها بخمس دقايق نزل راكان ولقى امه (مريم) تحت
راكان وهو ينزل بسرعه :-هاه شصار
ابتسمت :-علوم
ابتسم :-تدرين شلون بروح المسجد اصلي وعقبها برجع واخذ منك التفاصيل
امه (مريم) :-بحفظ الله
وطلع المسجد وامه راحت لغرفتها

&&&&&&&&&&&&&&&&&

خطـــ؟؟ـــر 22-12-2007 03:49

يسلمووووو == نور عيني== على الموضوع الجميل===

منارالكون 22-12-2007 05:30

بسم الله الرحمن الرحيم
قصة مرررررررررررررررررررررة حلوة بس وين التكمله

بحر من الدموع 23-12-2007 10:31

شكرا يا احلى نور على القصة ولاتتاخري علينا بتكملة

noor 3ini 25-12-2007 12:28

><بيت ابو سعود><
كيف الدموع تستمر ايام وماتوقف ...
مسحت نوف دموعها ..وعدلت شكلها ونزلت تحت هي مواج عمها مواجهته وبدل مايكون اجلا بتخليه اجلا
نزلت تحت لقت عمها جالس يتقهوى وعمتها جالسه تقهويه ...
تغيرت لون وجيم
قالت ام سعود بحنيتها المعروفه :-ليش واقفه تعالي اجلسي
ابتسمت نص ابتسامه وهي تفرك يدينها فبعض
دخلت وحبت راس عمها وجلست جنبه
ماقدر ابو سعود يناظر وجا ، حست بغصه تخنقها قالت لعمها :-السموحه ياعمي
قال بدون نفس :-الي سويتيه مايسويه كافر
حمر وجا وتجمعت الدموع بعينها :-السموحه ياعمي كانت ضعافة نفس مني
انصدمت ام سعود من التغير الي صايبها لها الدرجه الحمل مغيرها .. يمكن السالفه كلها غيرة حريم ومادام انها حامل خلاص عقلت وماراح تتعرض لالماس
كان لسى زعلان منها لكنه قال :-الله يسامحنا جميع انتي زوجة ولدي الحين ولك شريكه فيه ارضي بهالواقع شوفيها هي راضيه وانتي الي ماخذتها منها يعني مو باختيارها اما انتي تزوجتيه وانتي عارفه انه متزوج
نوف وهي منزله وجا من الفشله :-ان شاء الله
وفي هالوقت دخل سعود والماس معه كان مبتسم لكنه شاف نوف من هنا وماتت ابتسامته طوالي ...
توترت بشوفته وتوتر هو بعد .. الجو الي بينهم ماغاب عن عين الماس ..لحظه
سعود والماس:-السلام عليكم
الكل :-وعليكم
قال سعود وهو ماجلس حتى :-انا بطلع فوق
وقال عند الباب :- نوف تعالي حضريلي ملابس باخذ شاور
ارتبكت وانصدمت لانه لاول مره يطلب منها شي وقفت بسرعه :-ان شاء الله
وطلع من الصاله
وقفت ولحقتـــــــــــــــــــــــــــه
تغير لون وجه الماس من الغيره الي ذابحتها ...
قالت :-استاذن بطلع غرفتي
عمها حب يلطف الجو :-اجلسي يبه معي
الماس وهي تحاول تبتسم :-بنزل عبايتي وبرجع
عمها :-براحتك
وطلعت بسرعه وهي ماتشوف من الدموع .. كذا ياسعود هذا ندمكـ ..

دخلت نوف الغرفه وهي مرتبكه وخايفه ...
لقته واقف ينتظرها ...
وعرفت ان الشاور عذر عشان يحاكيها...
قال بدون مقدمات :-كيفك
دمعت وقالت وعينها بالارض :-بخير
قال سعود وهو من جد متضايق :-ماكنت ابي اتصرف هالتصرف لكنك اجبرتيني اتمنى تكوني في المستقبل اعقل من كذا
نوف بهمس :-ان شاء الله
كمل سعود وهو يحس بضيق بصدره :-شوفي يابنت عمي انا ما رفضت اتزوج بك لشخصك لا انا رافض الزواج على الماس ككل .. لكني انجبرت انتي صغيره وحلوه والف من يتمناك
قاطعته بحزن :-الا انت
حس انه ظلمها في وقت انها هي الي ظلمت نفسها :-للاسف ايه ...
بلعت غصتها وقالت :-انا موافقه على الي تشوفه مناسب
تفاجأ سعود من ردها توقعها تهدده تتوعده تستلعن معه كالعاده :-وش قلتي
قالت بحزن :-ساعدني اسوي لو شي واحد بحياتي صح
رحم حالها لكنه جمد قلبه ان خلاها على ذمته بيظلمها اكثر :-انا بطلقك
ما تفاجأت بقراره .. لكنه هزها من داخل ...
اسوء ماقد مر بحياتها عدم القبول الي شافته منه .. هو مايكرا لكنه مايتقبلها ولاحتى حاول يتقبلها ...
همست :-الي تشوفه
حس بضيق مايوصف ... وقال :-مو الحين بعد كم شهر
ومشى للباب ,,,
وقبل لايطلع قال :-ابترك لك سالفة الاجهاض دبريها بمعرفتك قبل لاننفصل
هزت راسها
وطلع من الغرفه ...
جلست على طرف السرير تبـــــــــــــــــــــــــــــــــكي ... من القهر والحزن والتحطيم
"انا الي جبته لنفسي"
دق الباب ....
وقفت ومسحت دموعها بسرعه فتحت الباب وتفاجأت :-عمه
دخلت وقالت بحنان :-بغيت اسولف معك شوي
قالت بصوت مبحوح من البكا :-حياك
دخلت ام سعود بهيبتها وسكرت نوف الباب ...
قالت ام سعود بدون مقدمات :-لاحظت انك هاليومين متغيره وفيه شي مضايقك
رجعت الدموع تطل من عيونها ...
قالت :-سلامتك مافيني شي
مسكتها ام سعود مع يدها وقالت لها :-انا بمقام امك وانتي بمكانة بناتي عندي
سالت دموع نوف وضمتها ام سعود لصدرها...
قالت ام سعود وهي تمسح على راسها :-بس يمه هدي نفسك وفضفضيلي
قالت نوف وهي تتذكر كلام سعود :-يمه ما ظنيت حملي بيثبت
انصدمت ام سعود :-ايش
كملت :-لما رحت للطبيبه وبلغتني اني حامل قالت لي ان الحمل مو ثابت ويمكن اجهض ..
رحمتها ام سعود :-الله يستر يمه
قالت نوف :-عطتني فرصه هالاسبوعين وبروح لها يا يثبت يا اكون مجهضته ... لانه توه صغير وبالشهور الاولى
ام سعود :-الله يستر يمه عشان كذا حسيتك منكسره
>>>منكــــ ،،،ــــــــره !!!
آه لو تدرين ان الواحد لا انكسر مره ..صعب يرجع مثل اول
قالت نوف :-الله يكون بالعون ياعمه ..
قالت ام سعود :-يمه انتي مرتاحه مع سعود
سالت دموعها :-الصراحه لا ياعمه لا انا ابيه ولا هو يبيني
ماخاب ظن ام سعود ولكن الي صدمها ان نوف بعد ماتبيه !
قالت :-غريبه الي اعرفه انك تبينه
هزت نوف كتوفها قول الحقيقه هو الشي الوحيد المقنع :-صادقه يمه بس انا كنت احسبه بيترك الماس لا اخذته ولا جبت له ولد ومافكرت مره كيف بعيش مع رجال ما يبيني ومغصوب يتزوجني كنت جاهله وغبيه ..وعرفت اني انا مو قادره اعيش معه وهو ما يحط عينه بعيني ولا يناظرني كني غريبه ..حتى لا بغى شي نادى الماس بالغلط ...
مسحت دموعها ...
وقالت :-انا دخلت غلط بينهم ومالي مكان بحياتهم حتى لو هو ماطلقني فـ مو عشاني عشان ابوي وعماني واصلا عيشتي معه تجرحني وتقتلني بالساعه والدقيقه .. انا صحيت لكن متاخره .. يمكن ياعمه بزمنكم كان الي يهم الحرمه رجال يصرف عليها وبس لكن في زمنا اكثر شي نحتاجه زوج يهتم بنا وبشعورنا ويحبنا ببساطه وهالاشياء مالقيتها مع سعود صح انه ما اخطا علي لكن ماتنجبر روح على روح هذا اقرب وصف لحالنا
مسحت ام سعود دموعها بجلالها :-والله يمه كلنا كنا ضد هالزواج لكن الي صار صار وانا كنت عارفه ان هذي هي النهايه لان سعود ولدي واعرفه زين قلبه ملك لالماس بس
قالت نوف بحزن:-صادقه ومن يلومه الماس تسواي وتسوى عشر مثلي
انصدمت ام سعود تفكر هل هي بعلم ولا حلم
وان الي تتكلم الحين معها هي نوف بنت وضحى الحيــــــــــــــــــــــــهـ
قالت ام سعود وهي توقف :-يمهـ (وعسوا ان تكرهوا شي وهو خيرا لكم) صدق الله العظيم ، كل شي في هالكون له حكمه وماتدرين وش الحكمه من زواجك بسعود .. ورحمة ربك واسعهـ
نوف :-ونعم بالله

&&&&&&&&&&&&&&&&
>>>>>>في جناح الماس
دخل سعود الجناح لقى الماس جالسه تمشط شعرها بعصبيه ..
على ضيقته لكنه ابتسم شكلها معصبه ...
اخذ مخده صغيره وحطها ورى ظهره قال برقه -قلبووووووووو
التفتت يمه زعلانه وواصله حدها :-لا روح لها وش تبي فيني
ابتسم وقال بيقهرها :-قولكـ
انقهرت منه :-ايه عتب هالباب وشف وش بيصير
سعود :- ياقويه
من تعصيبتها حذفته بالفرشه تبيها في صدره لكنه حط المخده بينه وبينها
سعود :-ه ماتخلي طبعكـ
حطت عينها على قزازة عطر كبيره .. طلعت عيونه برى
قال يتمصلح :-ما اهون عليك تلفعيني بقزازة العطر
مسكت نفسها لاتضحك ...
وناظرته بحقد ... رجعت شعرها ورى بسرعه ..
وزاد النبض بقلب سعود ... :-دبدوبتي
من جد عصبت :-دبدوبه بعينك
سعود :-ه
مسكت بطنها لانها حست بمغص قوي ...
كانت بتطيح لولا انه مسكها ...
صرخ :-المـــــــــــــاس شفيك
قالت وهي بحضنه :-احس بمغص فظيع
اختبص سعود :-توك باخر الشهر السادس ماحولك ولاده
من قوة الالم ماقدرت ترد عليه ... قال بخوف :-تقدرين تمشين ولا اشيلك
قالت بتعب :-اقدر
وقفها وراح جاب عبايتها الي كانت مرميه على السرير
وطلعوا ...
قابلتهم ام سعود بالسيب وارتاعت :-وش فيكم
سعود وهو مسند الماس :-الماس تعبانه يمه تعالي معنا ماني عارف التم على نفسي
امه وهي تحاول تسرع لغرفتها :-يالله بجيب عباتي
طلعت نوف من غرفتها وخافت .....
جت تركض قالت بخوف :-شفيه
لاحظ سعود عيونها المحمره من البكا وزادت ضيقته ضعفين ...
سعود :-الماس تعبانه ...
مسكتها معه ..ونزلوها تحت ...
كانت منال تو جايه من المطبخ وشافت الماس والي صدمها اكثر ان نوف ماسكتها لين يجيب سعود السياره جنب الباب ...
ركضت :-الماس سلامتك
الماس بتعب :-تعبانه شوي
نزلـــــــــــــــت امهم ونوف ساعدت سعود وركبوا الماس بالسياره ...
قالت لسعود وهي تمسك كم ثوبه :-كلمنا وطمنا
هز راسه لان قلبه وعقله مع الماس ...
دخلن البيت وسعود بسرعة البرق مشى للمستشفى

&&&&&&&&&&&&&&
><بيت راكان><
دخل راكان البيت لقى امهاته جالسات يسولفن كالعاده ..
سلم وجلس جنب امه مريم :-يالله يمه عطيني العلوم
امه مريم :-ه ماعندك وقت
ام راكان :-والله يا ان حرمتك تنحط على الجرح يطيب
راكان :-تعلمني ولاشلون
امه مريم :-شف اول شي بنت عمك قالت اني جايه اعتذر وماني ندمانه اصلا
راكان :-حلوه ذي تعتذر وموندمانه
كملت امه :-ماشفت شي
راكان :-ايوه
امه :-قالت لها دانه وانتي لو تعلنين عذرك بالتلفزيون ماقبلته لانك ماتهميني لا انتي ولا اعذارك وبعدين صدق من قال ذيل الكلب عوج
راكان :- كفو
امهاته :- ماسمعت شي
راكان استانس :-بعد
كملت امه :-قليلة الحيا سالت عنك قالت لها دانه ان جابت سيرتك مره ثانيه قطعت له لسانها بدون ماتتردد
راكان :-
امه متحمسه :-نجي لاهم جزء
راكان :-بعد باقي شي
الا وبدخلة دانه لابسه فستان موف صيفي تخبل راكان يوم شافها :-سلام
"وعليكم"
راكان بحب :-هلا هلا يادانه بعين راكانك
حمر وجه دانه وامهاته جلسن يضحكن
قال راكان وهو يوسع لها تجلس جنبه :-تعالي حياتي امي تعلمني بقصة وحده قويه على ايام اول
تحمست دانه وقالت ببراءه :-والله يالله يمه قولي
امه :- الله يقطع ابليسك
غمز لها وفهمت ..قالت ببراءه :- المهم وين وصلنا
راكان (يستخف دمه) :-وصلنا لاهم جزء
عدلت امه جلستها وقالت له :-المهم ها البنت القويه وقبل لاتطلع ذيك الحرمه قالت لها لحظه ووقفت ذيك وغمزت للشغالات وخلتهن يكتفنها وحطت وحده منهن سكين الرسايل على رقبت ذيك وقالت اشرحيلي شعورك
درت دانه انهم يتكلمون عنها :-ه
انهبل راكان والتفت يم دانه :- من جد سويتي كذا
ابتسمت له وبانت غمازاتها ... وتخبل راكان !
قالت امه :-لا وكرشتها بعد وقالت لها هذي هي المره الثانيه الي اخليك فيها تطلعين من بيتي تمشين وتذكري الثالثه ثابته
راكان وهو يمسك يدها بقوه :-ه كفووووووووووو والله تربيتي ماراحت هدر
امهاته :- ه
دانه :- ه اصغر عيالك
راكان :- والله المفروض الواحد يحسب لك الف حساب
دانه وهي ترفع حاجب :-طبعا انا دانه بنت فهد
راكان :-والله والنعم
ابتسمت :-ماعليك زود
تخبل راكان ... وقالت له امه مريم :- نحنو هنا
حــــــــــــمر وجه دانــــــــــــــــه
وقال راكان بطفش (يستهبل) :-لاحول حرام املي عيني من هالوجه الصبوح والله مشكله العجز
امهاته :-
قالت امه مريم :-بيدك تفتك منا
قاطعها :-عرس مافيه عرس
الكل :-
دانه (تستهبل) :-لاتوقف بوجه نصيب ماماتي ركوني
قال بوله زايد بيقهر امهاته :-يالبيـــــــــــــهـ من بكره ازوجهن كم دندونه عندي
دانه :-
امه مريم :- من حلاتكم (التفتت يم ام راكان ) هاتي عصاك بلفعهم فيها
راكان حب على راسها :-ه امسحيها بوجهي تبين العرس ماعندي مانع اهم شي يكون شايب مستقيم ومايتعدى ثمانين ماني فاضي اسوي عزا في بيتي عقب شهرين
الكل :-ه
دانه :-حلوه شايب مستقيم ه
امه مسويه فيها معصبه :-فال الله ولا فالك عزا ايش
قال يستهبل :-وراك مفجوعه يمه امزح
قالت امه :-لاتمزح في هالامور مره ثانيه
راكان وهو يبتسم :-لو الله كاتب يكون ببيتنا عزا عقب شهرين بيكون فيه عزا رضينا ولا مارضينا
هنا عصبت دانه :-عن هالسيره ضيقت خلقي
رفع يدينه :-ما اقوى على زعل نوارات البيت
امه مريم :-هذا الي فالح فيه تلعب علينا
راكان :- الله يسلمني
دانه :- لا ويمدح نفسه بعد
راكان :- افا قلبتي علي
دانه :-ه وانا اقدر
امه مريم :-احممممممممممم لا اله الا الله اليوم فاصخين الحيا
الكل :-
ام راكان :-انتي علامك منقلبه حسوده اليوم خليهم يتهنون بشبابهم
دانه وراكان :-
امه مريم :- ه وانا احسبك بتفزعين
وقف راكان :-انا عندي شغل اسمحولي لاحطيتوا العشا نادوني
ام راكان :- مو قلنا الشغل بالمكتب مو هنا بترجع لطبعك الاولي شغل شغل شغل
ابتسم وقال :-اليوم عندي كم شغله ماخلصتهن بخلصها ساعه بالكثير وبرجع
طلع راكان وتململت دانه بمكانها ..
الخاله مريم :- الله يخلف علينا الحقيه
فزت دانه وحبتها على خده :- يسلمو يا احلى ام
وطلعت تركض ...
امهاته :-ه الله يخليهم لبعض
ام راكان :-اللهم امين

دخلت دانه مكتب راكان وكان يشتغل على اللاب توب ... وجنبه كومة ملفات ...
ابتسمت :-مساعده
تنهد راكان :-جابك ربي تعالي ساعديني كنت بكلم محمد لكن مدامك جيتي ساعديني انتي
جلست جنبه ، وفهمها التفاصيل ,,
وراح الوقت لانهم اندمجوا بالشغل
قالت له وهي تسكر اخر ملــــــــــــــــــــف وتتمطى من بعد التعب :-شكل هالصفقه دسمه
ابتسم وهو يسكر اللاب توب :-صفقة العمر على قولتهم ..
دانه :-متى هالصفقه زي ما اشوف صفقه بهالحجم لازم يشرف عليهاواحد منكم انت او محمد
راكان :-الدور دور محمد هو الي بيروح
دانه :- دور محمد
ابتسم راكان :-ايه انا ومحمد حاطين ادوار في السفر لان بعض شغلنا يستوجب نسافر
دانه :-ماشاء الله عليكم تخطيط عملي
راكان :-لازم التخطيط اذا ما احسنتي التخطيط راح تضيعين بالسوق ...
ابتسمت وتمسكت بذراعه وحاطة راسها عليه :-الله يخليك لنا مالي بوجع الراس الارقام صابتني بحول
راكان :-
وقفت ومدت يدها له :-يالله ننزل
مسك يدها ووقف مشت لكنه كان واقف قالت له :-شفيك
قال وهو يقرب منها :-الا ماقلت لك انك طالعه تجننين
حمر وجا ...
راكان :-ه لاحول تدرين شلون خلينا ننزل لاتجي علوم
دانه :- يالله
ونزلوا ...

&&&&&&&&&&&&&&&&&
>>>>>>>>>في المستشفى ...
كان سعود واقف يناظر في الطبيبه الي كانت تكشف على الماس وقلبه يعوره وامه تهديه ...
شوي وجت الطبيبه وهي مبتسمه :-لاتخافون خير ان شاء الله
سعود شوي وينهار :-شلون خير وهي تعبانه وتتلوى من بطنها
امه :-يمه هدي نفسك
ابتسمت الطبيبه :-تفضل اجلس
جلس سعود غصب ...
قالت له الطبيبه :-زوجتك اعصابها مشدوده عشان كذا تحس بالام في بطنها
سعود مو فاهم :-ممكن توضحين لي اكثر
الطبيبه :-قلت لك اعصابها مشدوده سببت شوية تقلصات ببطنها خلتها تتالم هالامور نوعا ما عاديه لكن في حالة زوجتك حساسه نظرا للي تعرضت له الشهور الي فاتت من ضغوط واخر طيحه لها ماتساعد في مقاومة هالاشياء
سعود :-طيب وش العمل وش الي يخليها ما تتالم كذا
الطبيبه في نفسها (لو تدرين عن كبر حظك يا الماس برجلك الي نادر وجوده )
قالت :-انا عطيتها مهدي اخذها للبيت وراح تنام بالكثير 12 ساعه هي بامس الحاجه لها نظرا لانها مانامت له اكثر من يوم ..
انقهر سعود لانها تعبانه والسبب هو ..
وقف وقال :-الله يعطيك العافيه ..
قالت له وهي تكتب :-يعافيك ربي ................خذ هذي ادويه لازم تاخذها بانتظام
ومدت الورقه
رفعت راسها ولقته عند الماس يهمس لها ويساعدها ...
امه :-هاتيها يابنيتي انا بعطيها له
الطبيبه :-تفضلي ياخاله
امه :-ماتقصرين
الطبيبه :-واجبي ياخاله ..
همس سعود لها وهي توقف :-تقدرين تمشين
همست :-دايخه شوي
ابتسم :-لانهم معطينك مهدئ كذا يالغاليه يوم وزود ماتنامين
قالت بهمس :-كيف انام وعينك محرومه من النوم
قاطعتهم امه :-يالله يمه مشينا
سعود وهو مسند الماس :-ايه
وطلعوا من المستشفى

&&&&&&&&&&&&&&&&&&&&&&&


noor 3ini 25-12-2007 12:31

><بيت احمد ><
الساعه - 11 ونصف مساء
كانت سعاد نايمه ...
وماهي بداريه ولاحاسه بالخطر والموت الي يحاوطها من كل مكان ..
تقلبت في فراشها وهي تحس بضيق في التنفس ...

>>>>>>>>>مقر عمل احمــــــــد
جاء عبدالكريم يركض ...
احمد :-خير
عبدالكريم :-فيه بيت محترق ومافيه الا حرمه
وقف احمد وشغل جرس الانذار معك موقعه وكم في البيت من اشخاص
مد عبدالكريم عليه البلاغ وكمل ...:- الموقع مكتوب عندك والبيت مافيه الا مثل ماقلت لك حرمه والي بلغ شغالتها من عند الجيران لانها ماقدرت تطلع للطابق الثاني تصحي عمتها ...
طاحت الورقه من يد احمد ...وتغير لون وج ...
خاف زميله :-احمد علامك
ركض احمد حتى مالبس الواقي من الحريق على بدلة العمل الرسميه
لحقه عبدالكريم :-احمد علامـــــــــــــــك
صرخ احمد :-المحترق بيتي زوجتي بين الحيا والموت يا الحق عليها يا لا
وطلع وركب سيارته بسرعه لحقه زميله على رجوله وماقدر يمنعه قبل لايتحرك بالسياره
دخل المركز وصارخ :-بيت احمد محترق شدوا الهمه بســــــــــــــــــرعه...
بسرعة البرق ... ركبوا سيارات المطافئ ولحقوه ...
بالسياره كانت دمعة احمد برمش عينه ...وهو مسرع بشكل خطير ..
يقطع الاشارات ولاهمه ...
اهم شي يوصل ...
التقرير يقول ان الحريق كبير وتمكن من الدور الثاني وان كانت نايمه بتموت لانها بتتنفس دخان الحريق وهو غاز كربوني خطير ..
كلم نفسه :-تماسكي يا نظر عيني انا جاي ...
مرت ربع ساعه وهو ماوصل ....
وقف بنص الشارع ماطفى السياره ولاسكر الباب ..
كانوا الجيران يحاولون يطفون النار بس ماقدروا .... كانت النار طالعه من درايش البيت والدور الثاني مولع نار ولونه يعمي العيون ...
وصلوا اخوياه بعده على طول ... لانهم ماواجهوا زحمه مثله وهو جاي بحكم انهم فرقة انقاذ ولهم خط خاص بالشوارع
ركض للباب ولحقوه زملاؤءه ...
مسكوه وهو يصارخ :-تركوني بدخل
عبدالكريم :-مجنون انت مالبست الواقي
كان احمد يرجف ووج احمر :-بكون مجنون لا تركتها تموت قدام عيني يا انقذها يا اموت معها
حاولوا يمنعونه .. لكنه بقوته تغلب عليهم ودخل البيت يركض وهم طايحين على الارض ...
دخلوا وراه ...
وتناثرت المويه ..في الشارع ...
اختلطت المويه بلهيب النار في محاولات يائسه للسيطره على هيجان النار الفضيع ..!
قال واحد من الفريق :-شكله التماس
الثاني :-اظنه انا بعد كذا
صرخ فيهم عبدالكريم وهو يلبس طاقيته :-بسرعه شدوا الهمه الحقوا احمد لايموت
دخل احمد .. البيت وحط يده لا اراديا على وج لان النار لسعته فيه ...
انصدم كل شي محترق الاثاث اللوحات كل شي كل شي ...
صرخ بكل حسه وهو يحس بحرارة النار في حلقه وريحة الدخان بانفاســـــــــــــــــــه
"سعـــــــــــــــــــــــــــــــــــــــــاد "
وما رد على صوته الا الصدى ؟؟
ماقد خاف في حياته هالكثر ..حتى يوم طاحت عليه الديكورات وبغى يموت ماخاف هالكثر
عرف انها نايمه لانها صاحيه من بدري !
ترجى ربه في نفسه "احفظها لي يارب ولا موتنا سوى "
طلع الدرج ورجع خطوه لان النار تحرق وج ....حط يدينه يغطي وج وماقدر يطلع النار قويه
تذكر المطبخ ركض له وغرق نفسه بالمويه صح انه حل يائس لكنه يضمن له طلوع درجتين بدون مايحترق ..
اخذ معه منشفه كبيره وغرقها مويه ولف بها نفسها..
نجحت خطته ولو انه يحس بحرارة النار على جسمه ....
اخيررررررررا وصل الدور الثاني ولو ان البيت مو بيته ولا كان ماعرف من وين يبدا ولا لوين ينتهي !
وصل جناحهم ...
وكان بابه مردود ..
دف الباب بقوه وصرخ ...سعاد
كنــــــــــــــــــــــه سمع صوت او همس
تلمس طريقه بين الدخان ... ومسكها ..
كانت متراخيه وماتتحرك ...
صرخ بخوف :سعاد
ماتحركت ولا شي ............
غرق غطاء السرير بمويه ولفها فيه وشالها بين يدينه وهو مغطيها كلها ..
كان قلبه يرعد لدرجة انه حس به بيوقف ....
نزل ولما وصل الدرج كانوا اخوياه يحاولون يطفون النار تحت اما الباقي فطلعوا للدور الثاني من برى عن طريق السلالم ....
ضمها لقلبه وهي ساكنه ماتتحرك حتى انفاسها مايحس بها
لاقاه عبدالكريم تحت وشافها معه مغطيها كلها :-الاسعاف برى
طلع احمد وحمد ربه ان اخوياه مبعدين الناس عن مكان الحريق ويحاولون يسيطرون عليه قبل لا ينتشر في البيوت الي حولهم
نزلها بالاسعاف وركب معها
حاولو يسوون لها تنفس صناعي ......لكن مافيه امل
صوت جهاز نبضــــــــــــــــــــــات القلب ضعيف
حاولو ينعشونها ومافيه امل كان ماسك يدها ودموعه تنزل ويمسحها ...
اخر شي ...
طوووووووووووووووووووووووووووووووووووووووووووو ووووو ووط
رفع نظره وشاف جهاز نبض القلب خط احمر ...
وماحس بنفسه الا وهو مغمى عليه

&&&&&&&&&&&&&&&&&&&&
(الفصل التاسع عشر )
><بيت ابو سعود><
صحت هنادي متروعه من نومها على صوت شي طاح بالارض برى غرفتها
وقفت بسرعه وعدلت بيجامتها الصفراء وطلعت وهي مصدعه تبي النوم ..شافت امها واقفه ويدها على قلبها وقطع الكاس بالارض
قالت هنادي وهي تمشي بسرعه لامها وتبعد عن القزاز المتكسر :-خليه يمه انا انظفه
ناظرت بامها وشافت وجا ما ينتفسر مسكتها مع يدها وقالت بخوف :-يمه فيه شي
قالت امها وهي تحس بنغزات في قلبها :-هاه...لا بس قلبي يعورني
خافت هنادي وقالت :-خير ان شاء الله
لكن امها كانت النفسيه تعبانه لسبب ما ؟؟
قالت هنادي :-يمه استريحي لاتكبرين الموضوع
قالت امها والالم بصدرها يزيد :-يمه قلبي مو متطمن ياويل حالي عيالي كل واحد بديره ولا ادري عنه
ضاق خلق هنادي وبدا الخوف يشتغل معها قالت بهدوء ماتحس به :-يمه لاتفاولين عليهم سلطان بسكن طلاب وانتي عارفته مو راعي خرابيط وهمه دراسته حتى انه مستعجل يبي يخلصها عشان يرجع ويتزوج وفهد مع مرته بالشرقيه ولو صاير له شي لاسمح الله بتدق علينا ماتعرف احد هناك وسعاد مع رجلها وسعود هنا
جلست امها بصعوبه :-لا لا قلبي يعورني ماراح اتطمن لين تدقين عليهم
جلست هنادي جنبها :-يمه نخوفهم على الفاضي انتي تعرفين العيال والله لو تقولين انك بتتطمنين ليجون ماعليهم منك
قالت امها وملامحها تعبانه :-اجل دقي على اختك
طلعت عيونها قدام :-مستحيل اكلمها الحين رجلها عندها
امها :-طيب وش السواة قلبي مو متطمن
هنادي وهي تجلس امها :-اذكري الله يمه هذي وساوس شيطان
امها :-لا الله الا الله محمد رسول الله ذاكرته يمه فكل وقت وفكل حين
هنادي وهي تحب على راسها :-اجل لا تكبرين السالفه وتتعبين نفسك بسبب اوهام ..
>
<
>
<
>>>>>>>>>بالمستشفى
قال الطبيب دقوا على اهل هالمرضى لازم يتلقون نبأ وفاتهم
هزت الممرضه راسها :-اوكي
وراح يكمل باقي تعليماته للممرضه ...
بعد ربع ساعه دخل طلال المستشفى بسرعه ...
طلال :-اخوي بغيت اسال عن مريض ومريضه دخلوا قبل ساعه المستشفى
الموظف :-اسماءهم
طلال :-احمد بن نايف وسعاد بنت ناصر
الموظف :-تفضل هذا رقم غرفة احمد بن نايف
طلال تغير لون وج :-وسعاد
الموظف بارتباك :-يفضل تراجعون الطبيب المسئول
وقف طلال شوي يجمع افكاره ويتماسك باين الرد من تصريفة الموظف ...
وراح لغرفة اخوه وهو مايدري وش يقول له وهو بالطريق طلع جواله ...
ودق على جوال سعود
>
<
تقلب سعود بفراشه وصوت الجوال مزعجه ..
مد يده واخذ جواله ... لينه رقم طلال
قال وهو يرجع شعره بيده ..بهمس قبل لايرد :-خير اللهم اجعله خير
"الو"
طلال :-هلا سعود كيف حالك
سعود :-بخير خير ان شاء الله
طلال :-خير خير
سعود :-طلال وش فيه مكالمتك هالحزه فيها شي
قال طلال :-احمد وسعاد صار لهم حادث وهم بمستشفى -----------
قام سعود بسرعه :-افااااااااا صار لهم شي
تردد طلال :-مـ مدري توني واصل المستشفى اخويا احمد هم الي داقين علي وعلموني الحقه بالمستشفى
بسرعه البرق لبس سعود ثوبه واخذ شماغه بيده قامت الماس وهي تناظر وج
وقفت :-سعود فيه شي
ناظرها وقال :-لا ارجعي نامي
خافت الماس موت :-سعود تكفى قلي شفيه
اخذ مفاتيحه وجواله وقال وهو معطيها ظهره :-واحد من ربعي صار له حادث وبروح له
صدقته :-لاحول ولاقوة الابالله الله يرفع عنه كل ضرر وسوء
طلع بسرعه من الجناح ...
في طريقه شاف امه جالسه مهمومه وهنادي معها وجا ماينتفسر ,,
استغرب من معلمهم ..
مر من عندهن بسرعه ماله خلق مناحه وهو توه مايدري وش السالفه ولا وش كثر اصاباتهم ..
وقفت امه :-يمه من ...
ارتبك سعود :-من الي من يمه
امه :-من من اخوانك الي تعبان
سعود :-محد يمه محد
امه ودمعتها تفر من عينها :-قلبي يقول لي اني بفقد احد منكم
دمعت عيونه ومافات هالشي هنادي الي بكت غصب وقالت وهي ماسكته :-منهو ياسعود من
نفض سعود يدها ونزل بسرعه دقايق الا وطاحت امه على هنادي ...
صرخت هنادي يمه ...
الا بجية ابوها ومنال :-خير شفيك...............
ركضت منال وطاحت عند امها الي بحضن هنادي :-يمه بسم الله عليك هنادي شفيه
ابوها وهو يساعد البنات يصحن امهن :-علام امك شفيه صاير شي لاخوانك
قالت هنادي وهي تصيح :-مدري امي قلبها يعورها وموسوسه على اخواني وفجاه طلع سعود يركض وشماغه بيده
انصدم ابوها وقلبه عوره :-طلع يركض
قالت وهي تبكي وكلامها يالله ينفهم :-ايه طلع ركض ولما سألناه اذا اخواني صابهم شي دمعت عيونه وماتكلم
صحت ام سعود وقالت ودموعها تسيل :-يمه دقي على اخوك خليه يعلمني من
وقفت هنادي تمسح دموعها بقفا يدها وركضت لغرفتها تجيب جوالها ...
كان سعود قافل جواله ...
انهارت على السرير ودرت ان فيه شي ...
نزلت راسها ومسكته بيدينها وهي تبكي وترجف خوف وترقب من من !
سلطان الي ببلاد الغربـــــــــــــــــــه والي يترقب اليوم الي يرجع فيه عشان يتزوج قمر
فهد الي توه متزوج وما تهنى بزواجه
سعاد الي اخيرا قدرت تحل مشاكلها وتو تبدا حياة جديده مع زوجها الي تعشقه
دخلت منال عليها الغرفه ونفسيتها دمار ..قالت وهي تمسح دموعها بعناد :-هنادي لاتفاولين خير ان شاء الله
قالت تهمس وهي على حالتها :-قلبي يعورني انا بعد
جلست منال جنبها وقالت وهي تمسح دموعها في كل مره :-هنادي امي الي فيها يكفيها السكر عندها 500 ميه وابوي جالس يحاول يكلم سعود
هنادي :-قافل جواله وهذا دليل ان فيه مصيبه
بلاشعور طلعت بكية منال قويه :-ياويلي
ضمتها هنادي وجلسن على هالحاله !
×
×
×
>>>>>>>>دخل سعود المستشفى ويده على قلبه
وقف عند مكتب الاستقبال
سعود :-لو سمحت اخوي بغيت اسال عن رجال وزوجته دخلوا بسبب حادث قبل ساعه عندكم
الموظف :-الاسم
سعود :-سعاد بنت ناصر واحمد بن نايف
الموظف وهو يطقطق في الكومبيوتر :-الاخ احمد بن نايف في الغرفه رقم 530
قال بخوف :-وسعاد
تردد الموظف وقال :-يفضل مراجعة الطبيب المسؤول
انخرش قلبه :-من الطبيب وش اسمه
الموظف :-الطبيب \ مشاري
ومشى سعود بسرعه لغرفة احمد ...
كان طلال واقف في هاللحظه وشكله متضايق .. انقبض قلب سعود
سعود :-طلال خير
التفت يمه طلال :-هلا سعود
سعود :-طلال علمني احمد وزوجته فيهم شي وش الي صار انت قلت لي حادث بدون شرح
طلال :-بيتهم احترق والظاهر السبب التماس .. شكل المويه متسربه لطبلون الكهربا
ارتجفت انفاس سعود :-طيب
طلال :-احمـــــــــــــــد مغمى عليه للان شكله جايه انهيار عصبي و...............
سعود :-واختي !
طلال بتردد :-والله مدري شقولك
سعود عصب من المماطل عصب من الخوف ومن الهواجس :-قول شفيها
رحم حاله طلال وقال :-سعاد راحت في غيبوبه
انهار سعود على كراسي الانتظار :-غيبوبه
طلال بحزن :-والعلم عند الله يمكن تصحى ويمكن لا
صرخ من قلبه لكن صرخته اختنقت وصارت همس :-لااااااااااا
جلس طلال جنبه وحط يده على كتفه :-الحمد لله انها ما ماتت
قال سعود بخدر :-كيف ما ماتت طلال اغلب الي يروحون بغيبوبه مايصحون منها ابد
سكت طلال لان كلام سعود مضبوط واصلا هذا الي قاله له الطبيب ...
تردد طلال وقال :-سعود فيه شي ثاني
رفع سعود نظراته الغايمه لولد عمه وقال بصوت متحشرج :-آآآآخ قول ياولد عمي ماعاد ورى الي سمعته
طلال :-سعاد كانت حامل
رفع نظره وقال :-كانت
طلال :-ايه علمني الطبيب انها اجهضت هو صح شرح لي الاسباب بس كلها طبيه ومافهمت منه شي
سعود :---------
وقف سعود ووقف طلال معه :-وين
قال سعود والكون حوله اسود انعدمت الوانه وماتت بهجته :-بشوف اختي
طلال حاول يمنعه بس سعود ماعبره ...
مشى سعود لغرفة الطبيب المسؤول عن سعاد
وبعد دقايق لقى مكتب الطبيب ومن حسن حظه ان الطبيب كان موجوده فيه
سعود وهو يدق الباب ..
الطبيب :-تفضل
دخل سعود :-السلام عليكم
الطبيب :-وعليكم السلام استريح اخوي
جلس سعود وقال :-حبيت اسال عن مريضه دخلت عندكم قبل تقريبا ساعتين الا شوي
الطبيب :-وش اسمها
سعود بغصه :-سعاد بنت ناصر
فتح الطبيب ملفات قدامه وقال وهو يسكر ملف قرا فيه شوي :-المريضه سعاد للاسف راحت في غيبوبه
قال سعود والدموع بعيونه :-دكتور لا تكون موته دماغيه
تغير وجه الطبيب وقال بهدوء :-لا ما ماتت دماغيا بس الامل واهي
لاول مره يتمنى سعود انه يبكي ..
بس تنزل دمعه وحده .. لكن حتى الدموع صارت عصيه وتمردت عليه ومانزلـــــــــــت مو قادر يستوعب الي يسمعه او بالاحرى مو قادر يصدق ويستوعب حس زي شي ينهش فيه يألمه ومايقدر يمنعه .. شاف بعيونه شباب اخته يضيع قدامه .. شاف انهيار ولد عمه ورفيق عمره وهو يشوف زوجته تموت قدامه تدريجيا بلا حول وقوه ..
قال الطبيب يواسيه :-(ولاتقنطوا من رحمة الله)
هز سعود راسه ومارد عليه ...
كمل الطبيب :-بالنسبه لاحمد اظنه زوج المريضه ولا
هز سعود راسه ومارد .. ضاع الكلام وماتت الحروف مابقي الا الالم .. السواد .. وفجيعه هزته في الروح هزه تفوق الوصف!
الطبيب :-اقدر اقول الا الحمد لله لان ما صابه ضرر من الحريق غير شوية حروق بسيطه متفرقه
بلع سعود غصته الي جرحته تجريح :-والانهيار
الطبيب :-الانهيار بسبب خوفه على زوجته اتوقع او بسبب صدمته من كل الاحداث الي مرت انا الي قالوه لي المسعفين ان قلب المريضه توقف وفي هاللحظه اغمى عليه وانهار اتوقع انه حسبها توفت ... طبعا المسعفين ماقصروا وصدموها بالشحنات الكهربائيه وقدروا بقدرة الله يمنعون وفاتها لكن للاسف ان الجنين الي كانت حامل فيه مات بسبب تسمم دم امه بالغازات القاتله الي نتجت بسبب تنفسها الحريق للاسف ياخوي الاضرار الي لحقت بالجهاز التنفسي وبالتالي بدم الام خطيره جدا وانا من الحين اقولك لا تتامل كثير
قال سعود بحزن ماله مثيل :-الله كريم
وقف الطبيب وقال :-ان الله اذا احب قوما ابتلاهم
سعود بحزن وهو يهز راسه :-ونعم بالله
ووقــــــــــــــــف وطلع من غرفة الطبيب وحالته حاله
ياشينها من فجيعه كيف بيعلم ابوه وامه واخواته و الاهم احمد كيف بيبلغونه بالي صار لزوجته وانها يمكن تكون النهايه
طلع سعود يجر رجوله جر..قابله طلال الخوف باين عليه قال بلهفه :-هاه بشر
قال سعود وصوته متغير :-وش ابشرك به أختي راحت من يدينا
تغير صوت طلال وقال من قلب :-لاحول ولاقوة الا بالله الك ماقبلناه يا شيخ
سأله سعود وقلبه يتقطع :-شخبار احمـــــــــــــــــــد
طلال :-لسى ماصحـــــــــى ومتوقعين مايصحى الا بكره
كمل طلال وهو يناظر في ساعته :-يالله ياسعود الساعه على وشك تجي ثلاث الفجر خلنا نروح نريح وبكره من بدري نرجع
سعود ماكان له حيل يرفض او يتعرض :-خير ان شاء الله
وطلعوا من المستشفى !
كلن شايل همه بقلبه وكلن طلع مكسور الخاطر فاقد الامل
عند بوابة المستشفى >>
قال طلال وهو يعدل شماغه :-يالله اشوفك ان شاء الله على خير
قال سعود بضيق :-ان شاء الله
طلال:-سلام
سعود :-مع السلامه
ركب سعود سيارته ودموعه على وشك تنزل الي صار كوم والموقف الي بينحط فيه لا رجع البيت وقابل نظرات اهله الخايفه كوم ثاني ... شغل سيارته وراح لقدره المكتوب وهو يحس بقلبه ثـــــــقيل حيل !
*


noor 3ini 25-12-2007 12:34

>>في بيت ابو سعود
كانت الحاله حاله وابو سعود بدى يوسوس دق على سعود ومافيه امل لانه مايردعليهم..اما ام سعود كانت بغرفتها والبنات عندها جالسات ..
طلعت هنادي من الغرفه وهي مو متحمله اسئلة امها الي تقطع قلبها
نزلت تحت لين ابوها جالس وباين عليه انه مهموم جلست هنادي جنبه
قال بتعب :-مادق اخوك
هنادي :0-لا مادق
كملت وهي تشوف ملامحه كئيبه :-روق اعصابك يبه خير ان شاء الله
هز راسه وماتلكم الا وباب المدخل يفتح ويدخل سعود وقفوا كلهم وراحوا له ...
كانت هنادي تحس ببروده تمشي في دمها عجبيه كانها انسان محكوم عليه بالاعدام وجايين ياخذونه عشان بينفذون فيه الحكم
لاول مره يتمنى سعود يكون في مكان غير مكانه الحين لانه مايحب ينقل اخبار شينه لاحد وخصوصا اذا كانت الاخبار عن اعز شخصين على قلبه
أحمـــــــــــــــــد & سعـــــــــــاد
ولد عمه ورفيق دربه
واخته حبيبة قلبه...
اخته العنيده الي راسها يابسه ، اخته الي لانوت على شي محد يقدر عليها ، اخته الي كانت له عون الي وقفت جنبه في محنته وماقصرت عنه بشي ، اخته الي كانت نوارة بيتهم .. اخته الي من احب خلق الله على قلبه!
واخته الي ضاع شبابها اليوم !!
ورمش بعيونه عشان ماتطيح دمعته .. مجرد انه بيعلمهم بالخبر يألم كفايه!
قالت هنادي وهي تركض له :-بشر سعود وش فيه اكيد اكيد مافيه شي
غص بعبرته وطاحت عيونه بعيون ابوه الي كان جالس ويناظره بحزن وكانه عرف انه فيه شي ماهو سار و ان احساس امهم بمحله
ناظرته هنادي وهو يناظر ابوه ورجعت ناظرت له ودموعها تملى عيونها لسى عندها امل مايكون فيه شي لسى في خاطرها تدعي الله يكونون اخوانها بخير ، لكن ملامح اخوها الكبير كانت تعبر عن الف كلمه ...
ماقدرت تكتم اكثر وطلعت صيحتها متقطعه وهي حاطه يدينها الثنتين على فمها عشان ماتصارخ وتفقد السيطره على نفسها
راح سعود يمشي للمكان الي ابوه جالس فيه
بدون مقدمات قال ابوه :-من!
نزل سعود راسه :-سعاد اختي صار لها حادث وهي بغيبوبه الحين
صرخت هنادي :-لاااااااااااااااااااااااااااااا
راح لها سعود بسرعه ومسكها مع يدها وقال بهمس :-امي مو ناقصه لاتزيدن عليها
لكن هنادي جلست تبكي ...
قال سعود لابوه الي متغير لون وج :-يبه قل انت لامي انا مو قادر اعلمها اخاف عليها هز ابوه راسه ...
طلع ابوه فوق وجلس سعود تحت وهو مو قادر يتحرك من مكانه جلست هنادي جنبه وهي تبكي :-سـ..سعود سعاد بتموت
قال بقوه :-بسم الله عليها لا ان شاء الله
همست :-طيب
قال بحنيه :-هي في غيبوبه بين يدين الله ادعيلها
وجلست تبكي ..ضمها سعود وجلست تبكي على صدره ..
وقفت نوف وهي تشوف هنادي تبكي على صدر سعود ..ناظرها سعود
جت لهم بسرعه وقالت بخوف :-شفيه شصاير
قال سعود :-سعاد واحمد صار لهم حادث
انصــــــــــــدمت
قالت هنادي بكره :-لاتسوين فيها متاثره كلنا نعرف انك ماتحبين اخوانك
قال سعود بهمس :-هنادي
كملت وهي تحس بتعصيب وحزن ماله مثيل :-انت ماتعرفها هذي انسانه منافقه معدومة احساس
سالت دموع نوف ومسحتها عنهم بسرعه لكنها مافاتت سعود ..
صرخ بقوه :-هنادي
قالت هنادي وهي تحقرها :-بروح لامي اصرف
ومرت من عند نوف وبدون اهتمام صدمتها بكتفها وكملت طريقها ...طلعت نوف بسرعه غرفتها ناداها سعود لكنها ما ردت عليه ...
دخلت نوف جناحها ودموعها تسيل .. شكلها شوهت سمعتها بما فيه الكفايه ، هي ما بكت من كلام هنادي هي بكت لان هذا كان واقعها قبل لاتعقل وتهجد ..
جلست على سريرها وهي تسترجع ذكرياتها مع اخوانها ...تذكرت كل المصايب الي سوتها فيهم والمصايب الي كانت السبب فيها ...
لانها تعرف امها ماتحب الي يتحداها .. وكانت تنفعل عليهم وتأذيهم بشكل ماينوصف
حرق احمد وناصر
ورنـــــــــــــــــا
اخ رنا !!
اختها الحبيبه .. اختها الي على عكسها الكل يحبها ويذكرها بالخير
اختها الي حتى ملكتها ما حضرتها هي وامها
تجهيزات زواجها ما تكرمن وساعدنها فيها...
خسرت اعظم اخت بغرورها وانانيتها وصارت وحيده الحين بهالدنيا ...لا اخوان يحبونها ولا ابو ولا ام حتى ، حتى زوجها مايبيها ومبقيها تحت ذمته عشان بس مايلحقها كلام الناس بسوء
×
×
>>>>>>>في جناح ابو سعود
قالت امـ سعود بهمس :-بنيتي صاير لها حادث
قال ابو سعود :-ايه وهي واحمد بالمستشفى وبخير مافيهم الا العافيه بس بيجلسون اليوم تحت المراقبه لانهم يخافون عليهم لايكونون تنفسوا كربون واجد
طبعا ام سعود ماتفهم في الطب بشي عشان كذا نوعآ ما مشت عليها الكذبه
ناظرت في زوجها وقالت بخوف :-ناصر اذا في سعاد شي علمني
ناظرها بنظراته الي كالعاده وقال :-شفيك يامره قلت لك بخير وبكره نروح نشوفها
ام سعود :-طيب
وجلست تمسح دمعاتها بجلالها ..
قال ابو سعود وهو يحس بضيق :-خلاص يا ام سعود قومي صلي لك ركعتين والله يستر
وقفت وراحت تصلي ركعتين تدعي فيهم الله يحفظ بنتها من كل مكروه
:
:
:
دخل سعود جناح نوف لقاها جالسه وتبكي ...
وقفت يوم شافته :-هلا سعود
سعود :-لاتزعلين من هنادي
قالت وهي تمسح دموعها :-انا موزعلانه منها انا زعلانه من نفسي
استغرب سعود
كملت :-كل الي قالته صح من متى كنت احب اخواني كنت طفله خربها الدلع وخربتها تربية امها كنت عكس رنا في كل شي رنا كانوا العيال يحبونها كانوا لاصارت لها مشكله مع امي يتحملون المسؤوليه كلها عنها كانوا يعزونها يغلونها اما انا كنت اكرم ما طيقهم بتقول مو معقول في بنت ماتحب اخوانها واقول لك ايه فيه انا
سكت سعود وقدر لها صراحتها لو كان لاحقه شك في توبة نوف خلاص الحين تلاشى!
جلس جنبها وقال بحنيه :-(ان الله يقبل توبة العبد مالم يغرغر) يعني مدام الواحد ماجته سكرات الموت خلاص الله سبحانه وتعالي بيقبل توبته شرط تكون توبة نصوح والاخوان مهما جرى بينهم من مشاكل يبقى حبهم لبعض موجود حتى لو ماحسوا فيه انتي ابدي صفحه جديده وحياه جديده وعوضي عن كل الي فات
رفعت نظرها وطاحت عيونها بعيونه ....
وصلـــــــــــــــته الرساله وحبها له كان واضح بعيونها تضايق سعود ماكان وده تصلح حياتها من ج وتتدمر من ج لكنه ما يبي يظلمها معه لانه ما يحبها ولا راح يحبه لان الماس هي كل حياته !
وقف بسرعه وقال بهمس :-تصبحين على خير
وقفت معه وقالت بهمس :-سعود
جمد في مكانه ..
وقفت قدامه وقالت بضعف :-مافيه امل تحبني لو سراب امل
ناظر في وجا ورحم حالها قال بهمس :-انا ما اكرهك يا نوف
قالت بهمس :-انت فاهم قصدي
تضايق وقال :-لا للاسف الماس كل حياتي
وطلع من غرفتها بسرعه ....
راح لجناحه هو والماس لقاها تصلي الفجر ..وطلع مره ثانيه على عشان يروح يصلي في المسجد مع أبوه
×
×
×
بعد الصلاه رجع سعود ...
قالت الماس وهي تناظره :-بشر شخبار صديقك
جلس سعود جنبها وقال بهدوء :-مو صديقي الي رحت له
(لسى مااستوعبت الماس) :-اجل من!
سعود بهدوء اكثر لانه خايف عليها :-سعاد صار لها حادث بسيط ه الخبله طاحت مع الدرج وكسرت رجلها
خافت الماس :-ياقلبي تعورت مره
سعود وهو يدعي ربه ماتكشفه :-لا كسر وارتجاج بسيط بيخلونها عندهم لبكره تحت المراقبه وبعده بتتنوم كم يوم بسبب الكسر الي برجلها
وبسرعه جهز نفسه بينام ..
قالت له :-حبيبي حاسه انك مو على بعضك
شقول لك ..صدمــــــــــة حياتي في اختي هزتني من الاعماق ...
ضيقتي من وضعي انا ونوف ..
والا احمــــــــــــــد الي الله يستر من ردة فعله لا درى عن سعاد !
قال وهو يسكر النور :-تعرفين يوم رحت المستشفى كانت يدي على قلبي من الخوف ويوم رجعت كنت خايف على امي لا يرتفع سكرها والضغط ولا يجيها شي
قالت له :-الحمد لله انها جت على كذا
آه لو تعرفين الحقيقه .. وكله كوم والبيبي الي مات كوم
سعود :-الحمد لله يالله تصبحين على خير
استغربت الماس برود سعود معها مو عوايده ... اكيد فيه شي صاير وكبير لايكون سعاد فيها شي
لا لا بسم الله عليها فعدوينها !
ورجعت غمضت عيونها ومع الافكار الي توديها يمين وشمال نامت
*
&&&&&&&&&&&&&
>>>>>>>>>>>> اليوم الثاني
الساعه 8 صباحآ
بالمستشفى....
فتح احمد عيونه واجهره نور الشمس الي طالع له مع الشباك
للان مو مستوعب شي ..ووينه فيه وليه هو هنا...
وبغمضة عين تذكر كل شي...
نـــــــــــــــــــــــــــــــــــــــار & رعب & الم & خوف
ودقات قلب سعاد تـــــــــــــــوقف....
سعاد ماتت لا لا مستحيل !
طلعت تنهيده منه تقطع القلب ..سعاد ماتت وتركته وحيد
ماتت وخلته هو يتعذب وبدل مايكون الموت موتة وحده ..صار موت في كل لحظه وثانيه ودقيقه !
سالت دموعه غصب عنه ، دموعه العزيزه الي ما نزلت الا مره دموعه الغاليه الي ما تتثمن ..
سيل جارف .. وما يمنعه امنع سد انخلق !
لازم يشوفها لازم والا بيموت بحســـــــــــــــــــرته
ضغط على جرس جنب السرير . وجاه الممرض
قال احمد بملامح روعت الممرض :-امس كانت زوجتي معي يوم جيت هنا تقدر تستفسر عن الموضوع
الممرض :-ان شاء الله دقايق وبرجع
وطلع من الغرفه ...قام احمد وغسل وج وتوضا...
وصلى صلاة الفجر الي فاتته وصلاة الضحى....
بعد ماخلص صلاه وقف ورجع جلس وراسه منحني ودموعه يمنعها وتنزل ...
دق الباب الا وبدخلة الممرض الغرفه ناظره احمد بعيون ماتشوف ..
قال الممرض :-زوجتك بالعنايه المركزه
عنايه !
سعاد بالعنايه !
رفع نظره وقال ووج كله ذهول :-شقلت!
الممرض :-اقول زوجتك بالعنايه المركزه وهذا رقم الغرفه واذا تبيني ارسل للطبيب المسؤول عنها تامر ثواني ويكون عندك
للآن مو مستوعب لان اقل امل له ... لو طلع سراب بيدمره وبيقضي عليه
قال احمد :-زوجتي عايشه
الممرض :-ايه عايشه بس ...................
ناظره احمد :- بس ايش
مشى الممرض للباب وقال بتوتر :-تدري شلون بروح انادي الطبيب المسؤول عنها واخليه يكلمك ..
كان احمد بيمنعه لكن الممرض طلع بسرعه ..
قلبه مو متمطن ..
لكنه شبه ارتاح على الاقل كل شي اهون من الموت .. من انها تروح وتتركه يعيش وحداني
وقف مو قادر يجلس دقيقه على بعضها ..
لازم يشوفها لازم
تذكر رقم الغرفه الي اعطاه له الممرض ..
وقف وطلع من الغرفه بسرعه ...
بعد عشر دقايق وصل غرفتها ... ودخل عليها كانت شاحبه كلها اجهزه ...التفت لان فيه واحد حط يده على كتفه ...
الطبيب :-انت زوج سعاد
احمد :-ايه
الطبيب :-ياليت لو تتفضل معي المكتب ثواني
مشى احمد معه وكانه يروح لمصير مجهول مايعرف عنه شي ...
بعد خمس دقايق ..
قال الطبيب :-شف يا اخ احمد الظاهر انت ماعندك خبر عن مدى اصابة زوجتك .. وانا اشوفها حكمه من الممرض انه ما قال لك ..
احمد :- ....................
الطبيب :-زوجتك في غيبوبه
احمد ..:_...................
كمل :-للاسف ما نقدر نتامل كثير في نجاتها خل املك بالله كبيره والله يعوضك خير في ولدك الي راح ..
همس :-كانت حامل
الطبيب :-ايه لكن بسبب تنفسها لغازات سامه تسمم حملها ومات الجنين ببطنها
قال احمد وهو يتالم الام ماتنوصف ولا يوصلها شرح :-ابي الحقيقه دكتور مابي اتعشم ويخيب ظني ابي الحقيقه الحقيقه واقع انها بين الحيا والموت مؤلم بما فيه الكفايه
الطبيب :-لا تتامل كثير .. حنا متوقعين تموت بسكته دماغيه في اي لحظه الاكسجين نقص عن جسمها بشكل خطير .. ادع ربك وتصدق لها رمضان مابقي عليه الا ايام معدودات وربك ماينسى احد من عباده ...
هز احمد راسه ...
وطلع من الغرفه ...

دنياي ..دنياك
هو حد يسواك
القلب وياي
والبال وياك

مشى يجر رجوله جر لغرفتها ..
قبل لحظات وقف قدامها وهو متأمل خير يالله كلها كم ساعه وتصحى
والحين يوقف قدامها
وهي يعرف انها تحتضــــــــــــــــر وانها تموت !
ياليت الالم كان مره وانتهى ...
لكن الالم الحين .. عذاب × عذاب × عذاب
دخل غرفتها كانت بتعترض الممرضه لكن الطبيب كان ورى احمد واشر لها تطلع من الغرفـــــــــــــــــه ..
سحب كرسي وجلس جنبها ...
مسك يدها يكلمها ..
(لا تتركيني يالغاليه .. انا بدونك مقدر اعيش .. انا بدونك جسم بدون روح ..عسى الي فيك فيني وفي من يكرهوننا ..احبك وماحبيت غيرك بحياتي ..
قاومي وكافحي اعرفك انتي القويه العنيده الي محدن يقدر عليها ..!
انتي الي جننتيني وهبلتي فيني سنين ..
انتي الي الغاليه انتي قطعه من القلب ... سعاد طلبتك لا تتركيني طلبتك ...
والله لا اموت والله ...)
سالت دموعه .. لا اراديا
كان يعرف انه يموت فيها بس تو يعرف شكثر يحبها
يحبها لدرجه لو كان بيده ما تردد دقيقه وجا فمكانها .. وتحمل الالم والعنا
كان متمسك بيدها بشكل ما ينوصف وكانها بتروح منه لاتركها !
"ربك كريم يا احمد"
احمد :-سعود
سعود :-الحمد لله على سلامتك
احمد :-الله يسلمك
سعود وهو يناظر في اخته الي حبها على جبهتها :-خير ان شاء الله الله يرجعك لنا سالمه يالغاليه
سكت احمد مارد كانت عيونه تسرح على وجا وعلى شعرها ..
خســـــــــــــــارته عظيمه ومحدن بمقدرها !
قال سعود :-احمد كتبولك خروج قم نطلع
عاند :-اترك سعاد
خنقته الغصه :-ربك معها وجلستك لاتقدم ولاتاخر
احمد :-لا ابي اجلس معها
وماقدر سعود يقنعه ....
واضطر انه يجلس معه لين يقرر متى يرجع
**
*
**
*
**
>>>>>>>>مكتب راكان
قال محمد لراكان :-يبو فيصل للان ماردو الجماعه علينا
ناظره راكان :-ه والله الازعاج
محمد بقهر من برود راكان المتعمد :-ضامن عمرك انت شعليك حسرتي على الي معلقين بين الارض والسما
راكان :-اصبر الصبر زين
محمد:-للصبــــــــــر آخر ........
كمل راكان يغني :-خلاص عافك الخاطــــــــــر
محمد (مروقين ) :-روح بطــــــــــــريق
راكان :-وانا بطريق
محمد :-خلني على جرحي العتيق
الا وجوال راكان يدق ..
استغرب راكان دانه صاحيه هالحزه ..:-هلا
كانت تبكي :-راكان بروح بيت عمي
اخترع راكان :-دانه شفيك تبكين
دانه المنهاره :-سعاد واحمد صار لهم حادث وهنادي كلمتني تو نفسيتها دمار بروح لهم تكفى
وقف راكان :-تجهزي انا جايك بالطريق بنزلك عندهم وبروح المستشفى
دانه :-والاجتماع الي عندك الساعه تسع
راكان :-خلي الاجتماع يولي انا جايك
دانه :-طيب
سكر راكان الجوال
محمد :-خير الاهل فيهم شي
راكان وهو ياخذ مفتاحه :-احمد ولد عم المدام صار له حادث هو وزوجته
محمد :-لاحول
راكان :-شكلها مصيبه كايده
محمد :-الله يستر رح انت وخل الشغل علي
راكان :-ماتقصر
وطلع بسرعه ...
>
<
>
<
>>>>>>>>> بعد ربع ساعه
دخل راكان البيت وكانت دانه حالتها حاله وتنتظره تحت ...
قال لها :-هدي نفسك يالغلا وان شاء الله خير
اخذت عبايتها :-ان شاء الله
وطلعوا من البيت سالها راكان وهم بالسياره :-ماتدرين بأي مستشفى هم
دانه :-الا بالمستشفى التابع للدفاع المدني
ناظرها وهي شكلها من جد متاثره باين من صوتها :-قلبي ماراح يصير الا الي ربك كاتبه
دانه بصوت كله دموع :-ونعم بالله بس سعاد راحت في غيبوبه
انكمش قلبه غيبوبه !
ذكر واحد من معارفه راح في غيبوبه وعقب كم شهر مات بعد العنا والامال الكاذبه وتعشيم الاطباء لاهله ...
راكان :-الله كريم
دانه :-ونعم بالله
راكان وهو يمسك يدها :-لازم تكونين عون لبنات عمك وتكونين الاقوى بينهم لانهم محتاجين احد قوي ...
دانه :-الله يقدرني
ووصلوا عند بيت عمها ..نزلت دانه وراكان راح للمستشفى ..
دخلت دانه ولقت البيت هاجد ...
طلعت غرفة هنادي ..
الي كانت جالسه تبكي ...
اول ماشافتها هنادي ضمتها من قلب وقالت وهي تبكي :-راحت سعاد يادانه راحت
قالت دانه وهي تبكي :-لاتفاولين عليها لاتفاولين ..
كان باب الغرفه مفتوح دخلت الماس عليهم ...طاح قلبها :-بنات شفيكم سعاد فيها شي
سلمت دانه عليها وغمزت لهنادي تسكت :-شخبارك الماس
الماس بخوف :-دانه شجايبك من صباح ربي
هنادي وهي تمسح دموعها:-فكيت مناحه على دانه و جت بسرعه
عاتبتها الماس :-مالك حق فشلتينا في رجلها
دانه :-لا راكان عنده دوام
الماس :-الا ماعندك جامعه اليوم
دانه :- لا عندي off
الماس وهي تبتسم لهن :-لاتكبرن السالفه الحمد لله ان السالفه كسر رجل مو شي اكبر
ناظرن البنات في بعض ، يعني الماس ماتدري عن الي صار لسعاد صدق !
رقعتها دانه :-معك حق الا شخبار حملك
الماس :-والله تعب الحمل ماتوقعته كذا بس الحمد لله على كل حال .. انا استأذن بروح اريح شوي بتتغدين عندنا
دانه نست كل شي عن الغداء :-مدري عن راكان انا كان عنده شغل تغديت
الماس :-خير ان شاء الله
والتفتت يم هنادي تكلمها :-هنادي عمتو تحت شكلها طفشانه انزلن لها انا تعبت من الجلوس والا كان جلست معها
هنادي :-ان شاء الله
طلعت الماس من الغرفه ، قالت دانه وهي تنزل عبايتها :-شكل سعود ماعلم الماس بالحقيقه
هنادي :-احسن قبل كم يوم تعبت علينا ويوم وداها سعود المستشفى قالت الطبيبه ان تعصيبها وشيلها لاي هم موتر اعصابها وصايبها بتشنج يعني خطر ولازم الواحد ينتبه لها اقل شي يزعلها ممكن يخليها تولد في أي لحظه .. على الاقل ودنا تتعدى الشهر السادس على خير
دانه :-الله كريم (قالت تبي تغير مود هنادي) :-يالله ننزل لعمتي
هنادي زهقانه وعيونها محمره مانامت من امس :-مالي خلق وبعدين فيني نوم
دانه :-لا يالخايسه اجيك وتقولين فيني نوم
هنادي وهي تبتسم :-ما نمت من البارح قالبتها مناحه
مسكت دانه يدها وقالت وهي تجرها للباب :-شوفي الي كاتبه ربي بيصير رضينا ولا لا و الصياح ماينفع الي ينفع الدعاء لله
هنادي بغصه :-هذي اختي يا دانه اختي
دانه كانت فيه بعد غصه بس مسكتها :-واختي بعد ولاتنسين ربك ماينسى عباده (تستهبل) يالله ننزل ونفطر ياشيخه جبتيني من بيتي على الريق
كن هنادي روقت :-فارس احلامك الي جابك هاه
دانه :- ايه فارس احلامي عندك مانع
هنادي :-لامانع ولا دواس
وطلعن سوى
قالت هنادي وهن بالدرج ينزلن :-الا رجلك على خبري للحين مزيون
دانه :-ه وزايد زينه بعد
هنادي تحاول تخفف عن عمرها :-ياحظك فيه شبيه فزاع
دانه :-ه لا وهو احلى من فزاع بعد
هنادي :-اخ يا البي
دانه اشتغلت غيرتها :- هناديوه
هنادي وهي تبتسم :-طيب نسيت اني طبيت بالعميق
دانه تتوعدها:-ايه لا تنسين بعدين
وصلن تحت صرخت منال :-دندون
دانه :-ه هلا
منال وهي تسلم عليها :-غريبه جايتنا الصبح
دانه :-ه طواري كيف حالك
منال :-بخير
دانه :-الا وين عمتو ؟
منال :-راحت للمطبخ وبتجي ..
وجلسن البنات سوى قالت منال لهنادي :-سعود دق وطمنا على احمد يقول طالعين البيت الحين حاول فـ احمد يتغدى معنا وعيا عشان كذا بيتغدى معه .
هنادي بغصه :- وسعاد
منال بحزن :-على حالها فيه تحسن بس طفيف ماينذكر
قالت هنادي وهي تناظر دانه ودموعها بعيونها :-شفتي يادانه
دانه تخفف عنها :-هناديوه أنتي غاويه نكد اليوم روقينا
منال :-وهي صادقه خلينا نستانس قبل لاتنزل شينه الحلايا من فوق
دانه بكره :-ايوه عشان تكمل ونكئب صح
هنادي بحقد :-امس سوت نفسها قدام سعود مصدومه من الي صار لاخوها ماقول الا يا لعنبو خبايري فيها
قالت منال بتغير سيرة نوف الي يكرهنها وتجيب لهن الاحباط:-دريتي ان الاخت انخطبت
دانه :-كح كح غبار
منال تستهبل :-ايه نسيت ان خطيب الاخت هنادي خوي شبيه فزاع
هنادي :-ه
دانه انهبلت:-وانتي بعد تقولين شبيه فزاع ماجلس خليجي مزيون الا وشبهتنه فيه
منال بتحرها :-والله شنسوي اذا زين رجلك ماله شبيه ووصيف ومن كل مزيون ياخذ حلايا !
عصبت دانه :-منالوه خمسه وخميسه ان صار لرجلي شي ذبحتك انتي سامعه
منال :-ازعجتينا برجلك وكان مافيه بالكون مزيون غيره
دانه :-ه ماينعرف لك
ام سعود قاطعتهن :-هلا والله انا شوف بيتنا منور
وقفت دانه :-ذا نورك ياخاله
وسلمت عليها
ام سعود :-شخبارك يمه
دانه :-بخير الله يسلمك ياعمه شخبارك انتي
ام سعود وهي تجلس :-بخير بفضل ربي
دانه :-دوم
ام سعود :-شخبار رجلك وام راكان ومريم
دانه :-بخير عساك بخير
ام سعود :-الله يجعله
وكن الجو خف شوي منه التوتر بجية دانه ...
&
&
&
>>>>>>>بيت احمد
دق راكان باب البيت وفتح له سعود
راكان :-سلام
سعود :-هلا والله ببو فيصل يالله انك تحييه
راكان وهو يسلم عليه :-الله يبقيك كيف الحال
سعود :-بخير الله يسلمك اقلط
دخل راكان البيت وسال سعود وهم يمشون :-شخبار النفسيه
كئب سعود :-والله يبو فيصل لاتسر عدو ولا صديق
راكان من قلب :-الله يكون بالعون
سعود :-الله امين لازم نجتمع حوله شكل السالفه كبيره
حط راكان يده على كتفه :-الله يقومها بالسلامه وكفاره ان شاء الله
سعود :-يارب
دخلوا داخل كان احمد جاس سرحان
راكان :-السلام عليكم
وقف احمد :-وعليكم السلام
راكان وهو يسلم عليه :-الحمد لله على السلامه
احمد :-الله يسلمك يبو فيصل اقلط حياك
راكان وهو يجلس :-الله يبقيك
راكان :-الله يقوم ان شاء الله الاهل بخير وعافيه
حزنه كان واضح ومتجلي على وج :-اللهم امين
كان البيت مفرغ من كل شي وريحة النار تطوف بالمكان .. صح ان شركة التنظيف يشتغلون بتنظيف البيت ومخلصين تقريبا من الدورالاول الا انه واضح ان البيت صايرة له كارثه عظيمه
قال راكان وهو مقدر وحاس باحساسه ، حاس بألمه ، وبكبر خسارته ، صعب صعب بالحيل يتحمل الواحد فقدان انسان يعتبر توأم روح له ..يعتبر حبيب يعتبر دنيا ومدار الافلاك له ولحياته ..
دايم كان لا صلى يدعي يارب اجعل يومي قبل يوم امهاتي ودانه يارب ...
يقدر يتحمل فراقه لهن لكن مايقدر يتحمل فراقهن له ..
يكفي ان فراق ابوه موسم بصدره وآثاره لسى باقيه ..يكفي احساسه بثغره فقلبه من فراق اعز انسان عرفه بحياته ..
عقب موتة ابوه عرف انه وصل لاعظم مراحل الحزن .. انه خسر اكبر خساره بحياته .. لان كل شي يتعوض بهالكون الا الوالدين لا راحوا ما يتعوضون ابدآ !
مر الوقت اخف من الي كان متوقعه راكان صحيح ان احمد حزين ومفجوع بس تفاعل نوعآ ما معهم ومع سوالفهم ..
رغم حالات السرحان والتفكير لبعيـــــــــــد
بعدها بساعه ...كلم محمد راكان وسال عن احمد وقال انه جاي بالطريق ..
استأذن راكان بيطلع برى ثواني يكلم
دق على مطعم وطلب لهم غداء بعد صلاة الظهر مباشرة ..
ورجع لهم مرة ثانيه ...
*
*
*

noor 3ini 25-12-2007 12:38

في ديره بعيــــــــــــــــده
يغار سمعي ويشره كل وجداني
لاغاب صوتك نهار مابلغ سمعي
يالي لقيت بنواعس عينك اوطاني
هي ديرتي هي ملاذ القلب هي ربعي
املي النظر من جمالك يوم تلقاني
واحبس خيالك بعيني حبسي لدمعي
لي شفتك اعيش فعيونك ازماني
واخذ من نجومك واشعل بها شمعي
من نورها سالت الفرحه بودياني
ومن سهرها قام يورق بالذهب زرعي
×
قال زميل سلطان :-علامك سرحان
ناظره سلطان وقال بكآبه :-ولاشي
ابتسم زميله :-حنيت للوطن
قال سلطان بحنين :-مالي غنا عن نجد واهلها الله يعدي هالسنين على خير
زميله :-اللهم امين انا بطلع المكتبه تبي شي
سلطان :-لاسلامتك
لقاها سلطان فرصـــــــــــــــــــه دق على قمر
>
>
>>>>>>>> بيت ابو خالد
ارتجف الجوال بيد قمر وهي تشوف رقم سلطان ..
قمر وهي ترتجف :-الو هلا
اللهفه في صوتها الجمت لسانه
قمر دمعت عيونها :-الو سلطان تسمعني رد علي يا الغالي
تخدر سلطان
قمر من جد جتها الصيحه :-سلطان انت معي
سلطان حس من جد بالغربه الحين ..
غربه في بعده عن ديرته عن خلانه عن اهله وعن حبيبة قلبه وزوجته الي طاح في حبها من اول ماشافها ..
وش الغربه !
الغربه لما تشتاق لاحبابك وبينك وبينهم تفصل المسافات
الغربه لما تحتاج لحضن امك وماتلقاها حولك تضمك وتمسح على راسك بحنان
الغربه لما تفقد صوت ابوك ونصايحه الدايمه لك لانك مهما كبرت بالسن تظل بعينه صغير !
الغربه لما تنحرم من شوفة الي تحب وتنحرم من النوم عينك
قال بحب :-هلا يالغاليه هلا بالحبيبه واغلى حبيبه بعد
قمر :-كذا يا الظالم اسبوع ما اسمع حسك
سلطان :-كنت مشغول بالمحاضرات والدراسه اقوم من صباح ربي وارجع العصر هلكان من التعب وما اشوف قدامي
قمر :-كيف حالك
سلطان :-انا بخير بس مشتاق لك موووووووووووووووت
حمر وجا :-وانا اكثر
سلطان يستهبل وغافل عن كل الي يصير :-ياويـــــــــــــل قلبي لاتخليني احجز على اقرب رحله للديره واجي
قمر :-ه هانت
سلطان :-أي هانت والله ان الوقت يالله يمشي عندي ...
ناظر سلطان في بطارية جواله ولقاها بتطفي :-غلاي بسكر الحين ولي مكالمه قريبه جوالي بيطفي وماله شاحن هنا وودي اكلم الاهل ..
قمر :-طيب يالغالي لاتقطع
سلطان :-ان شاء الله ، سلام
قمر :-مع السلامه
وسكرت الخط..

&&&&&&&&&&&&&&&&&&&&&&&&
دق سلطان على بيت اهله ...
ردت امه :-الو
سلطان :-هلا يمه هلا يالغاليه
ماقدرت ام سعود تمسك نفسها عن الصيحه ونزلت دموعها
خاف سلطان :-يمه شفيك
امه وهي تحاول تتكلم كلمتين .. ومو قادره
قال سلطان وهو يحس بحشره من بعده عنهم :-يمه تكفين طلبتك علميني شفيك لا وقسم بالله آخذ اول طياره جايه الرياض
عاد كل شي ولا دراسة احد من عيالها ومستقبله ...
قالت له :-مشتاقه لكـ يمه مشتاقه لكـ بالحيل
دمع سلطان الغربه خاينه وتهز الرجال :-وانا اكثر يمهـ هانت يالغاليه هانت انتي شخبارك وشخبار صحتك وشخبار ابوي عسها بخير
امه :-نحمده ونشكره انا بخير وابوك بخير انت كيف حالك تاكل زين تشرب زين تنام زين
ابتسم سلطان :-الحمد لله يمه تراني ساكن بمكان كله عرب وسعوديين الاخوان بالسفاره مو مقصرين عنا بشي كنا بديرتنا
امه :-تخسي ديرة الكفار تجي مثل ديرة الحرمين الشريفين
سلطان :-ه فديت الوطنيه يالغاليه
ودعت هنادي دانه لان راكان جا ياخذها بما انها من الصباح عندهم والوقت الحين عصر .. ودخلت البيت لقت امها تكلم سلطان وتمسح دموعها
ركضت هنادي :-يمه بكلمه
اخذت السماعه من امها :-هلا يا سليطين كيف حالك
سلطان :-ه هلا بالخبله هنادي
دمعت هنادي :-هلا بخو الخبله
سلطان :- صايره قويه انتي ووجهك عدتك الاخت سعاد الا كيف حالها
غصت هنادي ونزلت دموعها ..
سلطان :-الووووووو
هنادي ماقدرت تتكلم لان دموعها تنزل
سلطان بقوه :-الووووووووو
ناظر في جواله لقاه للان يشتغل وما قفل
سلطان :-الو هنادي جننتيني ردي
ردت بصوت مبين انها تبكي :-هلا سلطان معك مدري شفيه ارسالك خايس
سلطان مامشت عليه التصريفه :-هنادي شفيكم
تورطت :-مافينا الا العافيه بس مشتاقين لك
سلطان :-تلعبين علي علميني وش صاير ابوي فيه شي
هنادي :-بسم الله عليه ..
سلطان ضاقت اخلاقه :-لاحول بتعلميني ولا شلون
اخذت امها سماعه التلفون وهي تتوعده ..
امه :-هلا يمه
سلطان :- اهلين يالغاليه علامكم فيكم شي يمه تكفين علميني لا تخليني اوسوس
امه :-حنا بخير ونحمد ربك انت انتبه على صحتك وعلى دراستك وارجع لنا بالدكتوراه عشان نرفع بك راسنا قدام خلق الله
سلطان :-تامرين يمه سلميني ع البنات منول وسعاد وسلميني على ابوي وسعود جوالي بطاريته ضعبفه ...............
وانقطع الخط ....................
سكرت امه الخط وهي تدعي من ربها يخليه لها ...
دخل سعود البيت .. في هاللحظه وحمد ربه وكأن وجه امه منشرح
"سلام "
امه :-وعليكم السلام
جا وحب على راسها ..
امه :-يمه ودي ازور اختك بتزعل علينا محد زارها
غص سعود لازم يعلمها بس صعب صعب صعب
مسك يدها وحب عليها :-يمه سعاد تعبانه شوي
امه بخوف :-تعبانه زود عن امس
سعود بضيق وخوف على امه :-يمه سعاد فغيبوبه من امس
انصدمت :-غيبوبه
سعود :-ايه يقولون الاطباء انهم مايدرون متى تصحى ...
بكت امه :-ياويل على شبابك يابنتي ..
كانت الماس توها نازله من فوق وخافت :-شفيكم سعاد صاير لها شي
مسكها سعود بيده الثانيه :-تعالي اجلسي وعن الخوف والانفعال سعاد تعبانه شوي
جلست وهي تناظر وج الي فاقد كل الوانه ....
قالت وهي ترجف :-سعود انت من امس مو طبيعي قل لي الحقيقه صحيح اني حامل بس اقدر اتحمل ...
مايدري كيف يبسط لها السالفه لانها كبيره ومالها وصف ولا تبسيط
قال وهو يناظرها :-سعاد فغيبوبه
الماس مو مصدقه :-غيبوبه
سعود :-ايه وماندري متى تصحى !
تهدج صوتها :-ياويل قلبي
عصب سعود :-لاتقلبنها مناحه ولا تفاولن عليها ادعن لها هي سليمه مافيها شي بس السبب انها تنفست كربون بشكل كبير ولولا ستر الله كان ماتت ...
امه بايمانها :-الحمد لله على كل حال
الماس :-نقدر نزورها
سعود :- ممنوعه عنها الزيارات لانها ماتدري عنها على العموم بنصبر كم يوم ونشوف ..
قالت امه له :-يمه تغديت
سعود :-ايه تغديت وانتي تغديتي
امه :-ايه تغديت دانه بنت عمك كانت هنا واشوى اجتمعنا كلنا وتغدينا بوجودها الله يستر عليها خففت عنا شوي
سعود :-وراكان ماشاء الله هو الي غدانا والله راح الوقت ونسينا الغداء مادرينا الا هم يدخلونه علينا ...
امه :-رجال من رياجيل مشهود لهم بالمرجله
سعود :-وانا اشهد ...
وقف وقال لالماس :-صحيني لا اذن المغرب بنام
وقفت الماس وقال لها :-لاتطلعين تعب عليك
وتحت اصراره جلست وطلع هو ...
ويوم وصل لجناحه هو والماس طلعت نوف من جناحها ...
قالت له :-مسا الخير
التفت لها :-مسا النور
نوف :-كيفك
سعود :-بخير
نوف قالت بتردد :-كيف حال احمد
قال لها سعود ويده على مسكة الباب :-ماعليه جسديا بخير ونفسيا تعبان
قالت بهمس وخوف :-سعود ودي اروح اجلس معه كم يوم
انصدم سعود وماصدق الي يسمعه ...
فهمت غلط :-اذا ماتبي براحتك
سعود :-لا بالعكس بس انصدمت
نوف بحزن :-عمري ما قمت بواجباتي صح ولا كانت علاقتي باخواني زينه ودي اعوض شوي عن هالتقصير احس بحنين لهم وشوق ووالله لو ابيع نص عمري عشان ارجع كم سنه ورى واصحح علاقتي معهم ماترددت لحظه .
ابتسم وقال :-خلاص عقب المغرب تجهزي عشان اوديك انا الحين بنام ..
نوف بفرحه :-ان شاء الله
دخل سعود غرفته ... وماصدق حط راسه الا وهو نايم ...
>>
>
>>>>>>>>>> بالشرقيه
دقت رنا على احمد مايرد ....
غريبه !
رجعت دقت على طلال ، بعد الدقه الثالثه :-ياحي زولا كلمني ياحيه ..الزين نجدي والدلع شرقاوي
رنا :-ه ياعيني على التحريف
طلال :-اعجبك
رنا :-كيف حالك وش مسوي
طلال :-ابدآ الستر والحال يسرك انتي كيفك وش مسويه
رنا :-بخير الحمد لله
طلال :- كيف الجو عندك بالشرقيه
رنا :-والله حلو بس رطوبه شوي
طلال :-والله حلو ولا مو حلو مافيه مثل الرياض
رنا :-لا والله
طلال (يستهبل ) :-والله لو تروحين لمجاهل افريقيا ويكون معك فهد لتقولين محلا منها شي
رنا :- فديته فهودي ماله مثيل
طلال :-يالله اخلصي بس مافيه شي بالطريق
رنا وهي بتتقطع :-ه الا فيه
بغى يطيح طلال من كرسي مكتبه بالعمل :-احلفي يعني بصير خال
رنا :- بعد 7 شهور ان شاء الله
طلال يتشقق من الفرحه:-احلى خـــــــــــــبر الصراحه والله ودي ارقص من الفرحه
رنا :-ه الله يرجك
طلال :- بالله رجلك وش سوى يوم درى
رنا :- لاتذكرني شوي ويحب راس الدكتوره يوم علمته
طلال :- الخبل اذا الدكتوره حلوه ورى ما استغل الفرصه وسواها
عصبت رنا :-لا والله فهودي ثقيل مو خفيف مثلك
طلال :-صدق ماتستحين تراني اكبر منك
رنا :- بسنه وحده لاتجلس تتكشخ علي
طلال :-يالله مقبوله منك بس عشان البيبي
رنا :-ه زين صار لي شفيع عندك ..
الا بدخلة فهد ونست رنا طلال وسنينه ^_* .....
طلال يصارخ بالجوال:- ياخي استحوا على وجيهكم كأن احد منزل السماعه على قناة روتانا سينما
فهد الي سمع اخر كلامه :-ه انا مدري الهيئه وينها عنك
طلال :- فال الله ولا فالك ...
فهد :-كيف حالك وكيف حال الجماعه
طلال بجديه :-زين انك انت الي رديت علي
فهد عرف ان السالفه فيها ان! وهو يقول لرنا :-حبيبتي ممكن تجيبين لي كاس مويه بارده
رنا وهي تقوم :-من عيوني
فهد :-صرفت رنا قلي شفيه
طلال علمه بكل شي.....
انصدم فهد وضاقت به الدنيا ...
رجعت رنا وعطته المويـــــــــــــــــــه ..اخذها منها بدون مايتكلم
رنا وهي تشوف ملامحه متغيره :-فهد فيه شي
فهد بهدوء :-سعاد اختي صار لها حادث وفي غيبوبه
حطت رنا يدها على قلبها :-هااااااااااااااه
فهد :-واحمد نفسيته يقولون تعبانه بالحيل
رنا بصدمه :-وش السالفه وش صار
فهد :-احترق البيت وكان احمد بالدوام ...وسعاد نايمه وما انقذها الا لما تنفست الكربون واثر على دمها عشان كذا تعطلت بعض خلايا المخ وراحت بغيبوبه عند الله خبرها
دمعت عيونها وسالت الدموع ...
تذكرت سعاد الحنونه الي ماقصرت عنها بشي ، سعاد الي استقبلتها بكل رحابة صدر وهي توها عروس
سعاد الي كانت لها صديقه واخت وام
سعاد الي ساعدتها في تجهيزات زواجها ومابخلت عليها بالنصح والتوجيه !
قال فهد وهو يحاول يكتم حزنه ودمعاته :-بحاول اخذ اجازه كم يوم ونرجع للرياض
رنا :-ياليت لازم نكون معهم بهالوقت
فهد :-الله يقدم الي فيه الخير .



الفصل العشروون
*******
<<بيت احمد
يا حب مالي فيك غير الشقا
يا حب اخذ من حياتي مابقا
عشته بإحساسي ولا به شك
يبدل شعوري
حبك جرى بدمي وذاب !!
وقف احمد قدام باب غرفته هو وسعاد...نفسه ماطاعته يدخلها من عقب ما طلع من المستشفى..
يحس بان مجرد ما يتعدى هالباب بيفقد تحكمه فأعصابه ويمكن ينهار ويمكن يموت ولاشي ...
مسك مسكة الباب وحط جبهته عليه وهو مو قادر يستوعب كل إلي قاعد يصير
سعاد ضاعت منه !
لا لا لا مستحـــــــــــــــــيل
"احمد"
صوت قريب .. بس زمان ماسمعه ..
التفت احمد الا ونوف واقفه وراه ..
انصدم وكانت الصدمه واضحه على ملامحه ..قال :-نوف
سالت دموعها وركضت الا وهي بحضنه :-سامحني ياخوي سامحني
احمد تجره الهموم يمين ويسار والحين جية نوف حيرته وشوشت تفكيره ...
قال بهدوء :-مع من جيتي
نوف :-مع سعود
قال وهو يمسح على راسها :-الله يسامح الجميع ..
قالت وهي تمسح دموعها :-انا غلطت بحقك وحق اخواني ولقيتني وحيده بهالدنيا وعرفت قيمتكم تكفى سامحني ياخوي والله اني احبكم بس كنت جاهله وكنت غبيه لابعد حد
ابتسم غصب :-ماصار شي جيتك لبيتي عندي بالدنيا
ابتسمت :-الله لايحرمني منك ياخوي
ابتسم :-وين سعود
نوف :-تحت بيسلم عليك وبيروح عنده شغل
نزلوا سوى وكان سعود واقف ينتظر ...
سعود :-سلام
احمد :-وعليكم السلام ،القهوه
سعود :-لا والله وراي شغل انت ناسي اني فاتح مكتب استشارات وحايس فيه
احمد :-الله يقويك
سعود :-تسلم لا اوصيك على نوف
طارت نوووووووووف للسما فوق من كلمته .. وهذا دليل على ان بقلبه لها ود !
احمد :-مايحتاج توصـــــــــي
سعود :-يالله سلام
الكل :-مع السلامه
طلع سعود ودخلوا الصاله ..قالت نوف :مريت على سعاد اليوم
تشنج وجه احمد وقلبه قبله :-ايه اليوم كنت بالمستشفى لانهم ماكتبولي خروج الا اليوم
نوف حست بألم اخوها :-وكل امرك لله
احمد :- ونعم بالله
تثاوب احمد كان باين عليه انه تعبان
قالت نوف بحنيه :-رح نم وريح
احمد وهو نعسان :-واخليك لحالك
نوف وهي تبتسم :-بحاول اتفيلح واطبخ لنا شي ناكله
احمد :-ه نسيت انك فشل بالمطبخ
نوف وهي مستانسه انه يضحك رغم كل الي يمر فيه والي اسعدها اكثر انه استقبلها استقبال ما كانت تتوقعه ولو طردها من بيته ما لامته ولا تجرأت بعد..
غمزت له :-الله يخلي المطاعم انت نم الحين ..
وقف وقال :-انا بنام في المجلس لا تخليني اتاخر في النوم عندي دوام بكره
كانت بتعترض وتقول له انه تعبان وليه مايجلس بالبيت لكنها فكرت وشافت انه يطلع ويختلط بالناس اصرف من جلسته في البيت تشيله الوساوس وتحطه
نوف :-ان شاء الله
راح احمد ينام ودخلت نوف المطبخ الي كان فاضي من كل شي
دارت في البيت تناظره .. بعد الحريق صحيح انه تنظف من اثاره لكن مافيه اثاث بالمره في قسم الحريم ..
يعني الحريق متركز بشكل كبير هنا .. وعلى الدور الثاني بما انه الاقرب
رفعت سماعه التلفون وطلبت لهم عشاء وسكرت الخط ..
على الساعه عشر صحت احمد يقوم يتعشى ...
ناظرته نوف :-احمد ذا عشا
كيف يجيلي نفس للاكل ونظر عيني ماتاكل
احمد:- الحمد لله شبعت
&
&
&
بيت ابو سعود >>>
هنادي :-لو مكانك توطيت ببطنها
الماس كانت تتحرق من الغيره بس تحاول تهون الموضوع وماتكبره :-اتوطى ببطنها ن راحت معه سوق مطعم منتزه لكنها رايحه بيت اخوها
هنادي وهي تحط عصيرها على الطاوله بقوه :-مصدقه انتي هذي نوف نوف
بدت الوساوس تلعب بعقل الماس :-هناديوه خلقه مرتفع ضغطي
هنادي :-انا ادري عنك ليش خليتها تروح معه
الماس :-مو بكيفي اخوك يحبني مووووووت ايه لكنه مايسمح لي اتحكم فيه لاتنسين ان رجال وشيخ الرياجيل وبعدين لما نزلها كلمني على طول من مكتبه يعني رماها ببيت اخوها وراح شغله
هنادي :-قطيعه ليته يطلقها ونفتك منها
الماس :-كافيه خيرها شرها شتبين فيها
هنادي بحقد :-مانسيت سواياها وفعايلها

الماس بحنيه :-مسكينه ياهنادي انتي ماتدرين عن الخوافي
هنادي :-انا اصدق الي عيني شافته
جلست منال معهن :-يوه للان تتكلمون في الشينه
الماس :-اختك حاقده من قلب عليها
هنادي :-انتي تعرفيني ما احب احقد عل احد الا هالنوف كسرت هالقاعده
منال :-الماس هنادي معها حق سواياها ما تنسى .. المهم لاجا اخوي اغسلي شراعه
ناظرتها الماس :-لا والله احلفي بس ...
منال (تستهبل) :-والله
اخذت الماس جوالها بترميه عليها ...
صرخت منال :-استهبل لاحول
الماس بدلع :-كله ولا سعودي ..
"يالبــــــــــــــــــى قلب سعودي!"
التفتن البنات وكان سعود واقف عند الباب ..
الماس :-انا اشوفت البيت زايد نوره ..
ابتسم :-منور باهله
وقفت هنادي وقالت :-ه معروفين هالاهل يالله good night
ناظر سعود فمنال وقال :-مافيه قودنايت انتي بعد
منال :-ه طرده علنيه الماس شوفي رجلك
الماس بدلع:-حلالــــــــــه
خزتها منال :-مالت عليك يادوبهـ
طلعت عيون الماس قدام قالت بدلع :-سعوووووووودي شفها تقول دوبهـ
سعود وهو يناظر منال :-انا ولد ابوي شقلتي
منال :-ه ماقلت شي حشا منقلبه زوجتك بزر مايتكلم الواحد معها كلمتين
سعود وهو يتوعدها :-تقلبين خشتك ولاشلون
منال :- طيب لو محترمه نفسي مثل هنادي ماتهزئت يالله تصبحون على خير
وطلعت من الصـالهـ..
شاف سعود الماس متضايقه وجلس يغني :-انا لك يابريق الماس ..انا الالماس وانتي لمعة الماسه وحساسه ..
خزته بدلع :-دايم تغني هالمقطع
قال بوله وهو يجلس جنبها :-احبه لان اسمكـ فيهـ
مسكت نفسها لاتخق معه :-والله طيب شكرآ
سعود :- الغاليه مضايقها شي
ناظرته :-ليه انت مسوي شي يضايقني
سعود يستهبل :-لا على خبري ..
وقفت الماس بسرعه ومسكها سعود لانها مالت في وقفتها وبغت تطيح..
قال سعود :-وش هالكشخه وش هالزين ..
ناظرت الماس الجلابيه الي لابستها وبطنها الي قدامها متر امحق كشخه ...
ابتسمت غصب ...
شوي الا تحس بالم خفيف في بطنها ..
تغير وجا قال سعود بخوف :-الماس فيك شي
الا وبدخلة ام سعود :-شفيكم
وجت لهم بسرعه ...
جلست الماس ويده بيد سعود ويد على بطنها ...
سعود بخوف (بيستخف من خوفه عليها) :-يمه مدري شفيها
امه تهديهم :-لاتكبرون السالفه (تكلم الماس) يمه شفيك
الماس بخوف اكثر منه الم :-مدري احس بشي يتحرك ببطني
ام سعود ماقدرت تمسك نفسها :-
استغربوا منها ..
قالت بخوف :0عمتي شفيني !
سعود :-بنروح مستشفى
ام سعود :- الله يوسع صدوركم صراحه انتم شي عجيب
سعود :-يمه علامك تضحكين
امه :-يمه هذا ولدك يتحرك ببطن امه
سعود ببلا :-هاااااااه
ام سعود :-ه لازم يتحرك عشان تعرفون انه طيب وبخير.يمه ماشرحت لك الطبيبه هالكلام
الماس تتذكر :-الظاهر انها قالت لي وانا شعرفني كلما حسيت فيه اخترع
سعود :- الماس حرام عليك بتذبحيني
قالت بقوه :-بسم الله عليك
ام سعود :- الوقت تاخر قوموا نامو ..الا نوف وين
سعود وهو يناظر ملامح الماس الي تغيرت :-بتنام عند اخوها .
ام سعود انصدمت :-سبحان الي يغير ومايتغير
وقفت وقالت :-تصبحون على خير
الماس وسعود :-وانتي من اهله
قال سعود بحنيه :-اذا تعبانه علميني نروح مستشفى
الماس وهي تتنهد :-لا مايحتاج انا خوافه تدري
سعود :- ادري
كملت :-وغيوره
سعود :-ه ادري
كملت :-واحبك
سعود :- ياويل قلبيـ وانا بعد
الماس :-ه
*

noor 3ini 25-12-2007 12:41

اليوم الثاني...
الظهر ...
قال فهد لرنا :-يابنت الحلال عن الميانه الزايده وادخلي قبلي
رنا :-يوووووووه فهد من بالله الي بيجي لبيت احمد
فهد :-مدري يمكن اختك نوف
ناظرته رنا :- الحمد لله اخر شي ممكن يصير تكون نوف هنا
فهد متذكر كل شي لكنه سكت ...
قال :-لا ماراح ادخل بكون بالمجلس انتي ادخلي
رنا :-طيب زين ان معي نسخه لمفتاح البيت الله يذكر سعاد بالخير (وغصت بعبرتها)
ضاقت اخلاق فهد .وقال بحزن :-الله يقومها بالسلامه ..
رنا :-آميـــــــــــــــــن
دخل فهد المجلس ودخلت رنا البيت ..
كان مبخر ومرتب رغم ان مافيه اثاث...
نزلت عبايتها وشنطتها .. وعدلت تنورتها الجنز وبلوزتها البيضاء نفضت شعرها ..ومشت تشوف الاوضاع بالبيت شكل احمد رايح الدوام لانه سيارته مو موجوده .
طلعت نوف من المطبخ بعد مارتبت الاغراض الي اشتراها احمد . .
انصدمت ...
رنــــــــــا بذهول :-نوف
نوف بصدمـه :-رنـا!
ارتبكت نوف وقالت :-متى جيتوا
رنا مو مستوعبــــــه أي شي :-هـاااه تونا واصلين
دمعت نوف ..
قالت رنا بحنيه :-ماودك تسلمين علي
جت نوف تركض وضمت اختها وهي تبكي ، بكت رنا معها ..
آخر شي قالت رنا وهي تمسح دموع اختها :-عاد يالله عن النكد
نوف وهي تضحك وتبكي بوقت واحد :-غصب عني من فرحتي والله
قالت رنا وهي تمسح دموعها :-لا وبتزيد فرحتك لا دريتي انك بتصيرين خاله
صرخت نوف :-لاااااااااااااااااااا احلفي ياااااااااااااااااااااي وناااااااااااااسه
رنا :- لاتتشققين
دق جوال رنا :-هلا قلبي
فهد :-هاه فيه احد
رنا وهي تناظر اختها :-نوف هنا
فهد :-اجل انا بروح بيت ابوي ناديها بسلم عليها
رنا :-طيب
سكرت الجوال وقالت لنوف :-فهودي بيسلم عليك قبل لايروح بيت عمي
نوف :-طيب بروح اتغطى ..
وبعد ماسلمت نوف على فهد ...
جلسن البنات يحضرن الغداء ..وراح الوقت في السوالف وشوية دموع .
قالت رنا وهي تجلس بالصاله :-تعالي اجلسي علميني بكل اخبارك
تكدر خاطر نوف وقالت وهي تجلس جنب اختها :-اول شي علميني انتي باخبارك شكلها تسر خلي النكد اخر شي
نزلت رنا بيالة الشاهي :-الله لايجيب نكد ليه مو مستانسه مع سعود
نوف كانت بضيق من فتره طويله ومن بعد ماتعدلت احوالها قطعت علاقتها مع امها وصارت بس تكلم من اسبوع لاسبوع فيها عشان ماتغضب الله ، ولا هي وحيده وضايعه لا كتف تبكي عليه ولاحضن ترتمي فيه وتنفس عن احزانها
وزود عن كذا كره بنات عمها لها ..
جلست نوف تعلم رنا بكل شي صار ...
انهبلت رنا من كل الي تسمعه ..
قالت بدون ماتقدر تمنع نفسها :-نوف كيف تجراتي ..
نوف خلقه طايح وجا وكار نفسها :-لاتذكريني الله يخليك غسل سعود شراعي لين قلت بس و...............
تنكدت رنا وحزنت على حال اختها :-لايكون حقدتي عليه عقب الي سواه
نوف :-لا مقدر احقد عليه معه حق بس كرهت نفسي وكرهت كل الي سويته فيه وفي بنت عمي الي وقفت معي في محنتي
رنا :-الماس
نوف :-ايه الماس ، الماس الي ظلمتها الماس الي اخذت رجلها منها الماس الي كنت اعايرها لانها ماتجيب عيال تدرين رنو (مسحت دمعه) ماينلام سعود في حبها اصلا من حب وحده مثل الماس مستحيل يحب وحده مثلي
انقهرت رنا من تقليل اختها لقدرها:-انتي شيخة البنات بس كنتي غافله وصحيتي والحمد لله طيب شنويتي عليه .
نوف بحزن :-سعود مايبيني
رنا رحمتها :-انتي تبينه
نوف :-سعود رجال والنعم فيه لو لي امل معه لو بس امل عشت طول عمري احتريه يحن لكن سعود لالماس وما للغير عنده مكان على العموم شكلنا بنتطلق
انصدمت رنا رغم ان هذا هو الحل الوحيد لهاالمشكله وحتى الكل يرتاح :-متى!
نوف :-بعد فتره بالله فكيني من سيرة النكد وعلميني عنك
رنا بحب :-اخ يانوف طلعت من جهنم الحمراء وطحت لي بجنه فهد يحبني ويموت فيني وانا بعد امووووووووووت فيه وعايشين احسن عيشه والحمد لله كملت حياتنا وبيصير عندنا بنت او ولد
نوف :-الله يتمم لك بخير من بعد الي صار بيني وبين سعود صحيت على نفسي وعرفت ان الله حق وانه كما تدين تدان وندمت على كل شي سويته معك ومع اخواني صدقيني اني اموت واعيش بالدقيقه الف مره وهذا قليل بحق
رنا بحنيه :-حنا خوات لاتقولين كذا اول كانت امي هي الي تتحكم فيك وتاثر على تفكيرك والحين كبرتي وصرتي مسئوله عن نفسك والحمد لله انك عقلتي وندمتي ومحدن كامل ولاتفكرين في الامس فكري في بكره
نوف :-الله يخليك لي يالغاليه والله جيتك في وقتها
رنا :-اول مادرينا عن حادث سعاد قدم فهد اجازه وجينا على طول كيف احمد وكيف نفسيته
قالت نوف بكآبه :-حاله مايسر لاعدو ولاصديق يالبى قلبه حتى العشا عايفه وامس مانام اخ لوتشوفينه كانه كبران كم سنه وكاسره ظهره الهموم .
رنا دمعت عيونها :-الله يكون بعونه وبعوننا من يلومه هذي سعاد الي حبها سنين لين تزوجها وفجاه وبعد كم شهر من زواجهم تروح بغيبوبه
سالت دموع نوف :-بالله رنو هو ماناقص فكينا
قالت رنا بهمس :-شكله وصل اسمع صوت سيارته داخل البيت ..
وقفن البنات رنا راحت تعدل شكلها ونوف راحت تشوف الغداء ..
دخل احمد يجر رجوله جر وكر للبيت عقب سعاد يزيد
بدون شعور نزل شماغه ونادى :-سعاد
جمع على اصابع يده بقهر ، وين انت ووين سعاد
سعاد بين الحيا والموت ..
سعاد راحت
ومابقي منها الا عطرها ..مكان جلوسها .. وصدى ضحكاتها يتردد في كل مكان
قالت نوف وهي تحاول تكون عادي :-ياهلا وغلا بحمودي
احمد وهو يبتسم :-اهلين نويف
نوف :-احط الغداء
احمد وهو يرمي جواله على الطاوله :-مالي نفس
قالت رنا بدلع :-حتى ورنو هنا
استانس احمد يوم سمع صوتها :-رنوووووووو
ركضت رنا لحضنه :-ياقلب رنو كيفك ياالغلا
احمد مو مصدق عيونه :-متى جيتي من الشرقيه
رنا بابتسامه :-من زمان
نوف وهي تتنحنح :-نحنا هونا
احمــــد بابتسامه:-كلكن عينتين براس
قالت رنا :-لازم تتغدى معنا ولا ماتغديت
قالت نوف وهي تغمز له :-ان ماتغدت ذبحنا فهد لانا جوعنا ولده
ثواني مااستوعب احمد والتفت لرنا بذهول :-انتي حامل
رنا حمر وجا :-ه ايه تخيل
ناظرها احمد من فوق لتحت :-انتي يالصغنونه بتصيرين ام صدق من يتخيل
نوف :-ه سبحانه
رنا وهي تحط يدها على خصرها:-تتمهزون فينا من زينكم
احمد :-لا والي يرحم والدينك فكينا لايدري رجلك
البنات :-ه
تغيرت ملامح احمد نوعآ وباين ان ضحكه زيف وخداع ...
قالت نوف وهي تغمز لرنا تلحقها :-بنحط الغداء الحين اوكي
احمد :-زين انا بآخذ شاور سريع اجل
نوف :-اوكي
وراحن للمطبخ قالت رنا وهي تمسح دموعها الي نزلت بسرعه يوم غاب عن عينها :-ياويل قلبي يانوف ماني متخيله الي شفته هذا اخوي احمد ... صاير عظم على جلد ووج فقد نوره
ماقدرت تتحمل نوف دموع اختها وجلست تبكي معها ...
آخر شي قالت رنا :-خلاص نوف لايجي ويشوفنا قالباتها مناحه هو مو ناقص..
نوف وهي تمسح دموعها :-معك حق احمد مو ناقص !
×
×
×
>>>بيت محمد
قالت ام محمد لولدها :-يمه زواج اختك بعد رمضان على طول لكن ظروف الجماعه ماتساعد ان قال لك خالد انه بياجل العرس لاتتردد
محمد :-افا عليك يمه ولدك رجال ولد رجال ومايهون علي افرح وغيري مكسور الخاطر
ابتسمت امه وبانت تجاعيد وجا الي انهكه المرض والتعب :-عارفه يمه انك تعرف دروب الرجال لايلحقك شك
محمد :-الله لايحرمني منك يالغاليه
امه بحزن :-محدن دايم لاحد يمه الله يخليك لاختك يارب
تضايق محمد :-يمه عن هالكلام الي يضيق الخلق
امه :-هذا حق يمه علينا
من جده تضايق :-يمه غيري السيره ضاق صدري
ابتسمت امه :-طيب شصار بموضوعك
محمد وهو مو فاهم :-أي موضوع
امه :-موضوع خطبتك من المزيونه ذيك هي شسمها
محمد :- هنادي يمه
ابتسمت :-طيب شصار بالموضوع
محمد بضيق من حضه النحس :-انتي ناسيه ان الي صار لها الحادث هي اختها الكبيره
ام محمد وهي تتذكر :-الا ذكرت الله يكون بعون المسلمين
محمد من قلب :-آمين
امه :-يعني بتنتظر
محمد وهو يتنهد :-ابيها يمه ومابي غيرها بنتظر وبشوف اخرها
امها :-الله ينولك الي ببالك يمه
محمد :-آمين (تذكر) الا وين الاخت ايمان
امه :- تكلم خالد
محمد :- ماصارت مكالمات بروح اخرب عليها
امه :-ه حرام عليك خلها تتهنى بحياتها
محمد (يستهبل) :-ما قلت شي بس بروح احرق دمها شوي
امه :-- هذا بلا ابوك ياعقاب
محمد :-
وقف محمد وراح يشوف اخته الي مختفيه ..
×
قالت ايمان لخالد :-كيف الاوضاع عندكم بالعايله
قال خالد بضيق :-لايسر لاعدو ولاصديق
ايمان بحنان :-الله يكون بالعون ماحضروا ملكتنا صح
خالد بحزن :-يوم ملكتنا كانوا بدبي يقضون شهر العسل
حزنت ايمان :-ياقلبي تووووها عروس
خالد :-الله يعين بس
ايمان :-لازم تقف مع ولد عمك في محنته
خالد :-مافيه شك ولو ان دواماتي مو مخليتني ارتاح ولا اشوف احد
ايمان :-يهونها الله
خالد :-يااااااااااااارب الا كيف عمتي وكيف محمد
ايمان وهي تناظر الباب :-ه بخير وبدت حركات الاخوان شف محمد واقف على راسي
محمد :-لا والله وتحش فيني وانا واقف
خالد :- ياحليله من زمان عنه ابو نسب هاتيه اكلمه
قالت ايمان :-خالد يبي يكلمك
محمد وهو ياخذ الجوال :-ياهلااااااا بالنسيب
خالد :-ه هلا وغلا ببو نسب شخبارك كيف الحال
محمد :-بخير عساك بخير انت شخبارك وش علوم الاهل
خالد :-الحمد لله كلهم بخير
محمد :-شخبار احمد وزوجته
خالد بضيق :-الله يكون بعونه زوجته راحت فغيبوبه مايندرى متى تصحى منها
محمد تضايق :-الله يعين المسلمين
خالد :-آمين يالله يبو نسب تامر بشي
محمد:-ابيك سالم وسلم على الوالد
خالد :-يبلغ يالله سلمني على امونتي ازين شي صار لي منك
محمد :- لا ياقليل الخاتمه خذ كلم المدام لا اتهاوش معك
خالد :-يكون احسن سلام
مد الجوال على اخته وطلع من الغرفـه ضايقه اخلاقه نوعآ ما
*
*
*
بليلة رمضـــــــــــــان....
[في نفس الوقت لكننا راح نكون بثلاث اماكن وبين ثلاث قلوب]
بيت راكـــــــــــان>>>>
قال راكان لدانه الي تمشط شعرها :-دندونتي
التفتت يمه :-ياقلب دندون
راكان وهو يجلس جنبها :-تفضلي
ناظرت بكيس هدايا بيده واخذته :-وش ذا ؟
راكان وهو يبتسم :-افتحيه وشوفي وشهو
اخذته دانه وفتحته لقت علبه صغيره مخمل فتحتها لينه سلسال من الذهب الابيض تعليقته حرفها وحرف راكان مشبوكين ببعض كله الماس ..
انبهرت دانه بالهديه
راكان وهو مبتسم :-عساه اعجبك
دانه مالقت كلام لان دموعها تكلمت نيابه عنها ..
تضايق راكان من دموعها :-دندون حياتي وبعدين دموعك تعذبني وتالمني ...
ابتسمت من بين دموعها :-وش اقول وش اخلي لو اسجد لربي مليون سجدة شكر ماقدرت اشكره على نعمته الي انعم بها علي راكان انت حياتي كلها لا الهدايا تزيد من محبتك لانك كبير بعيني تحبني تراعي خاطري ومن يوم ماتزوجنا للان ما قد زعلتني ولا ضايقتني وش ابي اكثر علمني ما اقدر اقول في ليلة ابرك شهر الا ياربي احفظه لي من كل مكروه
تأثر راكان من كلامها وقال يمزح عشان يشوف ابتسامتها وغمازتها الي تذبح :-اقول لاتخليني ابكي ترى اخر مره بكيت فيها كانت قبل 10 سنوات
دانه :- ما اتخيل شكلك تبكي راكان بن عبدالرحمن يبكي
راكان :-ه تراي كائن حي واحس
غمزت له بدلع :-ياقلبي عليه من احساس يجنن !
خق راكان معها :-يابنت اهجدي
دانه :- ماقلت شي للحين
طلعت عيونه :-كل هذا وماقلتي شي
دانه :-ه يالبى قلبك
راكان تخبل :-دندون اذكري الله وارحمي العبد في الله
دانه :- طيب شرايك ننزل لماماتي نهنيهن بالشهر ..
راكان :-بعديـــــــن مو الحين
دانه ولع وجا :-ركوني
راكان وهو خاق :-ياعيونه
دانه :-تسلم عيونك يالله ننزل لامهاتي لايزعلن .
راكان مكشر :-ملزمه
دانه وهي تسحبه من يده عشان يقوم :-ايه ملزمه يالله قم بلا دلع
راكان :-امحق دلع يالله ننزل
دانه :-ه يالله
وقبل لاتطلع مسك يدها :-لحظه!
دانه بابتسامه :-ركووووووني
راكان :-ه فهمتيني غلط كنت بلبسك الهديه بس
دانه :- اموت على البريئين طيب لبسنيها
لبسها راكان السلسال الي تتغير الوانه مع انعكاسات النور في رقبتها ..
قال برقه :-مدري من الي محلي الثاني اكثر انتي ولاهو !
ضمته دانه وقالت له :-تسلم الله لايحرمني منك
راكان وهو متخبل :-دندون
دانه وهي تسحبه برى الجناح :- نسيت يالله ننزل
نزلوا تحت لقوا امهاتهم جالسات كالعاده يتقهون ...
دانه وهي تحب راس كل وحده :-كل عام وانتن بخير
ام راكان :-وانتي بخير يمه
امه (مريم) :-وانتي يمه عسى ربي يبلغني رمضان الجاي واشوف عيالكم بعد
ابتسمت دانه وقال راكان :-آمين ..
*
*
*
>>>>بيت ابو سعود
قال سعود لالماس :-كل عام وانتم بخير ياقلبي
الماس :-ه لا والله
سعود يستهبل :-تبيني اسفه ولدي
كشرت الماس ، وقال سعود بسرعه :-من زينه والله امزح
الماس :- لاحول علامك خايف ترى ماني بصياحه
ناظرها بذهول :-كل خمس دقايق تصيحين وتقولين انا ما اصيح
استحت :-عاد مو كل خمس دقايق لاتجلس تألف
سعود :- حتى لا انكسر محدد الشفايف تصيحين شفتي شلوون انتي صياحه
الماس (وهي تشوته بالمجله) :- اصلا الحرمه الحامل تصير مرهفة الاحاسيس
سعود بوله :-يازينها من احاسيس
الماس :- تو تشتكي مني
سعود :-ه من حبكـ سبكـ
الماس :-الله يخليك لي يا قلبي وتحبني على كيف كيفك
سعود من قلب :-مقدر اتحمــــــــــــل الرومنسيه انا
الماس :-شفت عاد شلون انا اهبل
سعود برقه :-تهبلين ونص والدليل على كلامي ان بهالكون كله ما اشوف لك مثيل
تأثرت من كلامه والي خلاها تتاثر اكثر نبرته المجروحه وهو يقول هالكلام ...
دمعت عيونها !
قال بسرعه :-هاه بدينا
الماس مسحت دموعها :- الله يخليك لي ولا من في زمنا هذا بتحمل كل الي تحملته عشاني
سعود :-لاني احبكـ ببساطه
الماس برقه:-واناامووووووت فيك
*
*
*
>>>>بالمستشفى
دخل احمد غرفة سعاد الي صار لها اسبوعين وزود في غيبوبه ..
وكل ليله وكل زياره وهو عندها ومايفوته فرصه لشوفتها والجلوس معها
سحب كرسي وجلس جنبها وجمع على يدها بين كفوفه ..
*
تعال ياوجه الـــــسعد واشطب علـــى وجه البغيض
ياحــــيك وطلتـــــــــــك في وجهي بعد ياحيـــــــها

تنعشني انعاش الشفاء..العاجل.. القلب.. المريض
ياايـــــها تدري يالبـــــــــــيك انت وش ياأيها ..؟

ماانتـــــــه بزي الــــناس واكتبها لك بخط عريض
تبغيــــــــــني احلف لا ورب الـــــــبيت منت بزيها

ياللــــــــي غرامك في خفوقي من كثر قدره يفيض
النفــــــــــس تندب حظهــا والعـــــــين تبكي حيها

من عوضك اليا فقدك وان وجد كيف استـــــعيض
وانتي النــــــــــهار وشمسي وشجرة غلاي وفيها

هاجرت واصبح زولك في عيني يهاجرني واميض
يااول جــــــــــــروحي دخـــــــــــــيل الله من تاليها

احيا على وصلك واموت في كل برد وكل قـــــيض
تضمــــــــى مشــــــاعر خافقي لك وانت سبة ريها

لبيك يلي من عشـــــــقتك قمت احس اني حضيض
يامــــــغوين نفسي .. ونفـــــــــسي ذايبه من غيها

انا ادري ان كل الليـــــالي ســـــــــود والايام بيض
دامــــــــــــــك معي ماهـــــــــــمني من كــــــــيها
*
مسح دموعه وقال يكلمها :- اخ يالغاليه بكره رمضان وانا وحداني وما يجبر القلب الا وجودك عشاني يالغاليه عشاني اصحي حاولي وقاومي لا تتركيني
مدري حس بيدها تشد على يده ولا يتوهم ..
فز من مكانه وضرب جرس الممرضه وجت قال بسرعه :-نادي الطبيب
الممرضه :-What happened?
صرخ احمد :-نادي الطبيب
راحت الممرضه تركض ودقايق الا والدكتور جاي ،
الطبيب :-خير ان شاء الله
احمد بلهفه وتوتر :-دكتور كنت ماسك يدها وشدت اصابعها على يدي
انذهل الطبيب :-شدت يدها
احمد بخوف وفرحه :-ايه
فحصها الطبيب وقال بصدمه :-فيه تحسن في مؤشراتها الطبيعيه
احمد وهو يرجف :-زين هالشي طيب
الطبيب وهو يكلم الممرضه وتطلع تركض والابتسامه شاقه الحلق :-اكيد طيب الا ممتاز صح انها ماصحت لكن هذا دليل على انها بخير وان غيبوبتها مؤقته ..ع العموم انا استدعيت فريق كبير وراح نسوي لها فحوص وكل شي راح يتقرر في آوانه
قال احمد وهو طاير من الفرحه :-الله لايخيب ظنك يا دكتور
ابتسم الطبيب :-آمين
واضطر احمد يطلع لان غرفتها امتلت من الاطباء لكنه قدر يشوفها لانه واقف ومابينه وبينهم الا جدار قزاز
>
ليت الوجع بعروق قلبي ولا فيك..
وليت التعب غلطان ساهي ولا جاك..
لو الشفا بضلع صدري لداويك.
. واطحن جميع ضلوع صدري فداياك..
الله من شر المقادير يحميك..
والله يحفظك يا عيوني ويرعاك
<
بعد ربع ساعه كان احمد واقفها على رجوله ولاقدر يجلس من خوفه ورهبته
اصعب اللحظات انك تشوف بعيونكـ مصير اغلى الناس وتكون معلق بين الارض والسما لا انت قادر ترتاح بخبر يفرح قلبكـ وتموت في الدقيقه والثانيه مليون مره من خوفكـ من خسارتهـ ،، في نفس الوقت تتمنى لو الخبر شين انك ماتدري عنهـ وتطوووووووووووووووووووول ، تطووووووووووووووووووول ، تطووووووووووووووووووول
ساعه الحقيقه والساعه الي يزفون فيها خبر وفاة قلبكـ الساعهـ الي تموت فيها وانت حي !
جرب احمد كل انواع الاحزان انواع الالم لكن مثل هالالم ما قد مر عليه !
طلعوها من غرفتها وقف احمد وقال للطبيب :-وين
ابتسم الطبيب :-بنوديها نسوي فحوصات لها تأمل خير كلنا متفائلين ان شاء الله
احمد :-خير ان شاء الله
قال الطبيب :-يالله نستأذن انا افضل تروح البيت وترتاح وراك صيام بكره لان التحاليل تتأخر
احمد ماكان ودهـ يروح بس ماشاف لجلسته سنع وبدون نفس طلع من المستشفى ...
مره بالسيب شلة بنات الستر في وادي وهن في وادي عبايات مخصره شفافه وملونه ،
كان احمد ماشي ما انتبه لهن عدل غترته البيضاء وكمل طريقه
صفرت وحده :-اموت على المرجله والله
قالت وحده وضحكتها ترن بالسيب :-طيب عطنا وجه بنشوف ضحكتك على الاقل علامك مكشر
ناظرهن احمد بنص عين وكمل طريقه وهو سافن لولا الحياء لينزل عقاله ويميدنهن به
بعد خمس دقايق كان ماشي لبيته لكنه كان كار وغير طريقه !
*




noor 3ini 25-12-2007 12:46

>>>في بيت ابو سعود.
قال سعود لابوه وامه :-يبه يمه احمد بالمجلس ويبيكم
طاح فنجال القهوه من يد ام سعود وارتاعت ..
قال ابو سعود :-قلطت الرجال
سعود :-ايه (يكلم امه) يمه شكله فرحان وعنده اخبار زينه
انشرح قلب امه وابتسم ابوه لاول مره من بعد الحادث..
امه بدموع :-والله
ابتسم سعود :-ايه
ومسك يد امه يقومها ...
دخلت ام سعود وابو سعود المجلس ..
قام احمد وسلم عليهم
قال احمد:-كيف حالكم
ابو سعود وام سعود :-بخير الحمد لله
قال احمد بابتسامه تعبانه :-عاد اليوم ليلة رمضان و جيت ابارك لكم
ما قدرت ام سعود تمنع دموعها وجلست تبكي
قرب احمد منها وحب على راسها :-لا تبكين يا عمه انا كنت عند سعاد قبل شوي و ابشركم انها تحركت
انصدموووووووا :-من جد
احمد :-ايه حركت اصابعها وناديت الطبيب وتركتهم يسوون لها فحوصات وكلهم متأملين بالخير لان غيبوبتها مؤقته مو دايمه
زاد بكا ام سعود ومسحت دموعها..
ابو سعود بتأثر :-الله يبشرك بالخير
ام سعود :-أي والله احسن خبر سمعته من زمان
احمد وتفكيره معها :-الله يكمل هالفرحه على خير !
دخلت نوف بالقهوه :-سلاااااااااااااام
قام احمد وسلم عليها
قالت نوف :-بشرني عن سعاد
احمد :-ابشرك بالخير بدت تتحسن
نوف بفرحه صادقه :-الله يبشرك بالخير
احمد :-تسلمين
ودخل سعود المجلس وضاع الوقت بالسوالف والوناسه وكأن الحمل الي على قلب احمد خف مررررررره
!
@
*
@
*
@
*
!
>>>>>
مرت الايام على احمد بطيئه لكن على الاقل سعاد في تحسن وفتحت عيونها ...
قال احمد وهو ماسك يدها :-هاه يالغاليه ابي اسمع على الاقل كلمة حبيبي ..
ابتسمت سعاد بتعب ورمشت بعيونها ، دمعت عيون احمد وحب يدها ..
احمد :-هالابتسامه عندي بالكوووووووون كله تدرين
سالت دمعه من طرف عينها ومسحها لها احمد وهو يقول :-دموع مابي دموع يكفي الي مرينا فيه نبي نفرح شوي
دق باب غرفتها ودخلت ام سعود والبنات وسعود ...
دخلن البنات طياري وضمنها على خفيف وما اهتمن لاحمد لانها اول مره يشوفن فيها سعاد وهي صاحيه ..
بكت ام سعود وضمت بنتها وجلسن عندها اما احمد طلع برى الغرفه عشان ياخذن راحتهن ...
لحقه سعود الي كان مبسوط حيل :-الحمد لله فيه تحسن
احمد:-اكيد وين كنا ووين صرنا
الا بجية دانه وراكان ..
راكان :-السلام عليكم
احمد وسعود :-وعليكم السلام
دانه :-السلام عليكم
احمد وسعود :-وعليكم السلام
راكان :-بشر شخبار المدام اليوم
احمد بوناسه :-في تحسن الحمد لله
راكان :-من هالحال واحسن ان شاء
احمد :-آميـــــن
دخلت دانه عند سعاد وجلسوا الشباب بصالة الانتظار ..
وقف احمد من الونــــــــــاسه والمفأجاه ..
"نـــــــــــــــــــــــــاصر"
ناصر بعتب :-تمرض زوجتك ويصير لكم حادث واخر من يدري انا
احمد :-ه وعليكم السلام
ناصر وهو يضم اخوه :- السلام عليكم
وسلم على العيال الموجوودين...
سعود :-متى الوصول ؟
ناصر وهو يجلس :-توني واصل الحين
راكان :-مقر عملك بالشمال صح
ناصر :-ايه والله تعب وحاله انا مأمل بابوي يدورلي واسطه تنقلني للريااض وابوي مافضى لي للحين مليت من الوحده هناك .
راكان :-مالك الا واسطه قويه لان موضوعك موب سهل وانا حاضر اقدر ادبركـ بمعرفتي
ناصر :-والله على ايدكـ يبو فيصل الحقني بالفزعه
راكان :-افااااااا عليك اعتبر نفسك منقول ..
ناصر :-تسلم ماتقصر .
احمد :-ماقابلت طلال
ناصر :-طلال بيجي بعد شوي لانه يزور صديق له مريض هنا وبيلحقنا فوق .
راكان :-الا شخبار طلال عسى اموره تمام وطاب من الحادث
احمد :-ايه الحمد لله تمام رجع له نظره الحين بصراحه معجزه من الله .
ومادروا عن الوقت الي راح بســــــرعهـ
طلعت ام سعود وبناتها من غرفه سعاد وتعلق قلب طلال بحبيبة قلبه الي سحبت غطاها على عيونها .
سلمت ام سعود على العيال وطلعت مع سعود ..
خمس دقايق الا ودانه طالعه
رقـــــــــع قلب ناصر غصب يوم شاف دانه طالعه من غرفة سعاد بما ان الصوفآ الي جالس عليها مقابله للغرفه ويشوف الرايح والجاي ..
كانت واقفه وبيدها الجوال ..
دق جوال راكان وطلعه من جيبه :-هلا خلصتي انا هنا بالاستقبال
ووقف يكلم العيال :-يالله فمان الله
سكرت دانه وحطت الجوال بشنطتها وعدلت غطاها على عيونها الذباحه ..
ومشت لهم ...
وقفوا العيال ورموا عليها السلام وردت عليهم بكل ادب ...
ومشت مع زوجها الي واقف ينتظرها
جلس ناصر بقوه وطلعت تنهيده منه بدوووون شعور :-آآآآآآآآآآآآه
طلال (يستهزء) :- خيررررررررررررررررر
احمد :- وين حنا فيه ناسي عمرك !
ناصر بضيق :- اقول روقوني بس
احمد :-مهبول انت ما اقول الا الله يخلف عليكـ
طلال :-ه وانت الصادق هيه تراها مرت راكان بن عبدالرحمن عايف عمرك انت
ناصر وهو يوقف :- اقول لايكثر هرجك قم تخاويني
طلال وهو يوقف :-مايبيلها كلام احد تحصل له توصيله مجانيه ويقول لا
احمد وقف بيرجع لسعاد :-اجل حياكم بيتي
ناصر :-لا مالها داعي
احمد يقاطعه :-اقول انا جالس ببيت شكبره بلحالي اسبقوني هناك وجهزوا لي السحور
ناصر وطلال :-
طلال :- احلف بس شغالات عندك
احمد :-احمدوا ربكم لاني ضامكم ببيتي
ناصر :-بدت المنّه ...
سفم احمد وراح لزوجته
قال ناصر وهو يضرب طلال بكوعه :-اممممم اجل بغيت تهف على وجهك يوم شفت حبيبة القلب
طلال بهيام :-اااااااااخ ومن الحب ماودى لخبر كان
ناصر :- الله لايبلانا .. تزوج وخلصنا
طلال وهو مسوي حزين :-امنية حياتي بس حكموا الشياب ما اتزوجها ولا اعلن عن خطبتي لها الا بعد ما تتزوج هنادي
ناصر :-ه حرررررررررررام
طلال حقد عليه :-وش وراك انت اضحك اضحك مالت عليك
ناصر :-
طلال (يتمصلح):-اقول اخوي الحلو !
ناظره ناصر بنص عين :-العن ام المصالح خير
طلال :-شرايك تخطب هنادي عشان اعرس على منال
خزه ناصر :-ه العب غيرها ياشاطر
طلال :-امحق اخو انت متزوج متزوج سو فيني خير وتزوج هنادي برضاك احسن لان الشياب ان تفضو لك العنوا خيرك
ناصر :-فالك ماقبلناه الله يبعدهم عن طريقي وبعدين عرس مابي اعرس
طلال :- ليه!
ناصر :-كذا
طلال بجديه :-الي تبيها محرمه عليك
تضايق ناصر :-لازم تذكرني يعني
طلال :-مدري عنك يبيلك عصا على راسك عشان تعقل
ناصر :-طيب غير السيره الله يسد نفسك
طلال :-طيب فكر بس وش نسحر اخوكـ العود
ناصر :- الله يرجكـ متى بتعقل
طلال (يستهبل) :-لا اعرست اعقل
ناصر بيحرق دمه :-اجل عمرك ماراح تعقل
طلال برعب :- فالك ماقبلناه
ناصر :-
*
*
*
*
*
بعد اسبوع>>>>>>
العشر الاواخــــــــــــر"
>>>>بيت راكان
قال راكان لدانه :-جهزي نفسك...........
دانه :-على وين ؟
راكان :-ه طيب خليني اكمل
قالت بدلع :-سوري كمل
راكان بوله وبصوت عالي :-آآآآآآآآآآه ياقلــــــــــــــــــــــــــــبي
جت امه (مريم ) بسرعه :-علامك يمه
راكان وهو يناظرها تنزل الدرج مسرعه :-ماعلامي شي
امه (مريم):-تستهبل انت تو تقول آآآآآآآآآآآآه قلبي
دانه وراكان :-ه
امه (مريم) :- انهبلت انت دانه رجلك علامه
دانه :- يالبى قلبه وعيونه مابه الا العافيه
امه (مريم) :- لا والله غني احسن
دانه وهي تناظره :-لو صوتي حلو ماقصــــــــــــرت
امه (مريم) تمسكه مع شعره الاسود الطويل شوي بشويش :-انت وش مسوي بالبنت
دانه بوله :-اااااااااه يمه ساااااااااااااحرني
امه (مريم) :-يالي ماتستحي تسحر بنت الناس تبي تنكبنا انت
راكان ودانه :-
راكان بوله :-احبها يمه وش السواة
امه (مريم) :- الله يرجكم حنا بشهر عباده وانتم تبربسون
دانه ولعت قال راكان بيحرجها :-شفتي يمه خليتيها تستحي الله يعين بس
امه (مريم) :- ماعندك وقت والله
طلعت ام راكان من غرفتها وقالت لمريم :-الحين انتي ما تتركينهم بحالهم ما تهنوا من يوم ما اعرسو كل يوم لازقه لهم
الخاله مريم :- احلفي يالمؤدبه الي يسمعك يقول صاكه على نفسها الغرفه ولا تطلع
قال راكان في اذن دانه :-هذي حالتي قبل لا نتزوج عايش مع ثنتين عندهن طفوله متاخره
دانه :-ه
قالت امه (مريم) :-لا وتحش فينا عيني عينك
راكان ببراءه :-مو انا هذي دانه
خزته دانه :-ه خيانه ذي
راكان :-سوري البو انا عندي مبادئ واهمها الصدق
دانه :- سلمني عليها
راكان (يستهبل) :-مــــــــــــــــنـ ؟ دريتي ان عندي زوجه ثانيه
طلعت عيون دانه قدام من الغيره :-لو عندك زوجه ثانيه ذبحت نفسي مابقى الا هي
راكان وهو يغمز لها :-وانا لو حريم الدنيا ينعرضن قدامي ما اخترت غيرك زوجه لي
دانه وهي تبتسم :-ايه اشوى على بالي
ام راكان جلست تكلم مريم :-اقول يا مريم قومي امشي
مريم :-على وين
ام راكان :-ناسيه اننا بنسير على ام محمد اليوم والله مقصرين بحقها
مريم :-وانت صادقه ياوخيتي شفت هالكناري متقابلين ونسيت مسيارنا
راكان :-
دانه :-بروح معكم
مسكها راكان لا توقف :-اجلسي وين تروحين
دانه بغباء :-بروح اسير
راكان :-وتتركيني بلحالي
امهاته :-ه افهميها
ولع وجه دانه وقالت له :- استهبل عليك اصلا مو رايحه
راكان :- على بالي
دانه :- انا ما اصدق تجلس بالبيت تبيني اطلع ..
[في نفسه\سبحانه خلق وفرق ساره ما كان يشوفها الا نادرآ حتى هو وجودها ماكان يهمه بالحيل!
بس وش جاب لجاب هذي دانه الي مالها لا شبيه ولا مثيل ابد]
قال برقه زايده [يقهر امهاته]:-انتي اشري وارتز لك دايم هنا
امه (مريم) :- هذي والله النشبه !
راكان :- انا نشبه
امه (مريم) :-ونشبتين
ام راكان :-ه مريم تمشين ولا اروح لحالي
وقفت :- ياشين منة العجز
ام راكان :- طيب قومي يالبنت سرى الليل
ناظر راكان بالساعه :-تونا الساعه 10 الا ربع
امه :-والله يمه ماودنا نثقل على ام محمد حرمه تعبانه وحالها يتردى كل يوم
راكان :-الله يكون بالعون والله محمد متنكد منها
امه :-الله يخليها له
"آمــــــــينـ "
راحت امه (مريم) تجيب عبايتها وقفت دانه وقال وهو يناظرها :-على وين
دانه وهي تبتسم :-مسويه حلى لامهاتي عشان ياخذنه
راكان :-وراك تتعبين عمرك فيه محلات حلى شكثرها
دانه :-الله لا يعنينا وش هوله نجيب من برى وانا اعرف اسوي حلى يكفي اني ما اطبخ الا نادرآ
وقف :-اجل بجي معك وش هوله اجلس هنا
دانه وهي تبتسم بحب :-يالله يكون احسن بدل ما اشتاق لك
راكان :-ه من خمس دقايق تشتاقين
دانه بدلع :-شفت عاد شكثر احبك
راكان تخبل:-بتموتيني انتي ناقص عمر
دانه :-ه بسم الله عليكـ
ومشوا للمطبخ..
انهبل راكان من صواني الحلا الي مسويتها دانه ...
دانه:- شفيك
راكان :-انتي مسويه كل ذا
دانه :- ايه اجل من
راكان :-انتي شي عجيـــــــــــب
دانه :- عجيب ليه ترى كل بنات عيلتنا احسن مني بالطبخ
راكان :- انتي مالك شبيه يالغلا
الا وبدخلة امه (مريم) :-ه الله لا يبلانا تراكم بتكملون سنه متزوجين مامليتوا من بعض ما احد يقدر منكم يجلس بمكان بلحاله دقايق ..
ضم راكان دانه :-الله لا يفرقنـــــــــا علامك يمه حاسدتنا
استحت دانه :- راكان فشلتنا اعقل
راكان :-ه ايه صح لازم اعقل (يستهبل) وين الصحون بقطع الحلا
دانه والخاله مريم :-ه
دانه ترقع له :-ماعليش يمه ملتمسه الاسلاك عنده
همس :-انتي السبب
قب وجا !
امه (مريم) :-ه يالله ماشاء الله عليك امداك تسوين كل ذا
دانه وهي ترتب الحلى :-مايبيله يمه شي سهل .............يالله خلصنا
وعطته الشغاله توديه السياره ..
قالت دانه لراكان وهم طالعين للصاله :-اقول قلبي كنت بتقول لي شي وشهو
راكان :-انتي الله يهديك مرجوجه كنت بقولك اننا بنروح مكه على الاقل الخمس الاولى من العشر الأواخر ونصلي بالحرم صلاة التراويح والقيام
دانه استانست :-ياليت والله احس الصلاه في المسجد الحرام غير ...
راكان :-أي والله قبل لا اتزوجك كنت اقضي العشر الاواخر او الخمس هناك وكانن امهاتي احيانا يجن معي
دانه :-طيب ورى مايروحن معنا
راكان :-مدري ماقلت لهن بس شكلهن مانون هالعام دانه :-اوكي بجهز اغراضنا متى السفر
راكان :-حجزت لنا طياره الساعه اربع العصر ان شاء الله ..
دانــــــــــه :-ان شاء الله



الفصــــــــل الواحد والعشروون)
(الجزء الاول )
قالت دانه لراكان :-انت متخيل ان العيد بعد خمس ايام
راكان بابتسامه :-وبيكون احلى عيد بحياتي
دانه بغباء :-وش معنى
راكان بهمس :- لانه اول عيد نقضيه سوى ياقلبي
قب وجا
ضحك وقال :-يازين الحيا .
دانه وهي تبتسم :-ماتضيع فرصه ابد
راكان من قلب :-يكفي عمري الي ضاع قبل ما اعرفك
مسكت يده بقوه وقالت :-قدامنا كل العمر بتمل مني
راكان (يستهبل) :-اخسي انا ووجهي
دانه :-متحمس بعد ه
راكان بوله :-وين كنتي عني طول هالسنين وين
ابتسمت :-ركوني اعقل بيأذن الفجر بعد ساعه وطيارتنا الساعه ست لازم نرجع الرياض
غمز لها :-باقي ساعه يالله العافيه تصير فيها علوم
حمر وجا :-راااااااااااااااااكاااااااااااااان
طلعت عيونه قدام من الخوف (يستهبل) :-افآآآآآآ السالفه فيها راكان مو ركوني نستعجل السحور اصرف
دانه بتموت من خفة دمه :-ه والله اني اموت فيكـ
تنهد بكل صوته :-يااااااااااااااااااااا ليــــــــــــــــــــــل
دانه :- انت علامك تفسر كلامي غلط
راكان وهو يغمز لها :-اقول لازم سحور ماتعشينا الا متاخرين
ولع وجا :-ركوني
قال بهيام :-ياعيوووووووووووووووونه وقلبه وحياته ودنيته
دانه :-ه كل هذا
راكان :-وتبيني اكمل كملت ..
دانه :-لا وش هوله حفظت كلامك
كشر :-يعني لازم اغير الاسطوانه واجيب جديده
دانه :-ه لا معجبتني وما ابدلها ابد
راكان خق معها :-وبعدين على هالحاله القشــــــرا
دانه :- يالله قم سحرني برى مابي اجلس هنا
يستهبل :-لهاالدرجـــــــه ماله من مقابل خشتي
قالت وهي تسبل بعيونها :-انا امل منك نو نو هذا من سابع المستحيلات
خق من جد :-ياووووووووووووووويل حالي
ببراءه :-علامك
قال راكان وهو يوقف وياخذ غترته :-لا تسبلين بعيونك يابنت
قالت برقه :-ماسبلـــــــــــت
راكان :-لا والله احلفي بس
دانه وهي تغمز وتقول بدلع :-مايحتاج احلف
قال يستهبل لانه حس نفسه بيتهور :-معك لين عشره ان مالبستي عبايتك لا تلومين الا نفسك
فزت من مكانها وركضت تاخذ العبايه وهي تضحك
راكان :-ول ما تبيلي شله اليوم
دانه :-ه بدينا في الجحدات
راكان :-اخلصي يالله باقي خمسه
لبست دانه عبايتها واخذت شنطتها :-هاه خلصت
راكان :-ه يالله مشينا
وطلعوا برى يتسحرون في مطعـــــــــــــــم
كان الجو بمكه تغشاه السكينه والرحمه ..واجواء رمضان تعم المكان .. وديرة رسولنا ومنبع الوحي والرساله تتلألئ في هالسكون الي تخشع له القلوب وكله كوم والصلاه بالمسجد الحرام كوم ..وش اعظم من بيت ربنا جل جلاله وش اعظم من الصلاه فيه والطواف حول الكعبه والسعي بين الصفا والمروه هالجبلين الي شهدوا محاولات هاجر عليها السلام وهي تهرول بينهم تدور ماء لظناها الي يشكي من العطش ويضرب الارض برجوله الطاهره الي تفجر حولها ماء زمزم ..
قالت دانه ببهجه :-تصدق ركوني مدن العالم بكوم ومكه بكوم عندي
راكان وهو يتامل الجبال المحاوطه للبيت الحرام من كل ج هالجبال الي شهدت غزوات الرسول واصحابه :-معك حق تحسين بالامان فيها .
دانه تنفست بعمق ووناسه :-تدري ركوني من نعمة ربي علينا اننا ننتمي لها البلد الغالي الي يظم اطهر مدينتين بالكون
راكان :-معك حق الله يرحم ابو فيصل ويجعل مثواه الجنه شوفي الحرم كيف صار وكيف كان
دانه :-الله يرحمه ويجازيه بالخير والخلف في ابو متعب
راكان :-الله يرحمه والنعم ببو متعب
ناظر في ساعته :-يالله نروح المسجد نصلي بتقام الصلاه
دانه :-يالله
ومشوا على رجولهم لبيت الله الحرام
دانه بحزن :-خساره اليوم اخر يوم لنا هنا
راكان :-شسوي يالغلا مشاغلي وارتباطاتي ما تخليني اتهنى بشي ومحمد الشغل يضغط عليه بالحيل بدوني
دانه :-من جد صديقك محمد يسوى الف رجال
راكان بحب واضح :-محمد اغلى الناس على قلبي لا عيال عم ولا عيال خال مثله ولا ربعه محمد اخوي الي ماجابته امي وابوه رحمة الله عليه كان صديق لابوي
معلومه جديده ذي على دانه :-من جد ابوه صديق الوالد
راكان وهو يناظر عيونها الي كانت طالعه من البرقع الي لابسته :-ايه ماتدرين
دانه :-لا والله مدري
راكان وهو يعقد حواجبه :-الله يرزقه بالي يتمنى
ابتسمت دانه :-لا تكون بنت عمي
راكان :- كاشفتني
دانه :-مايبيلها كلام
راكان بضيق :-مدري ليه ابو سعود مارد عليه
ارتبكت دانه لانها تعرف عقلية عمها الرجعيه وقالت ترقع له :-انت عارف الي صار لسعاد مو سهل ..
راكان مو مقتنع بالعذر بس يلتسم له الاعذار :-سعاد في تحسن كبير ويمكن تطلع قريب وبنشوف تاليتها محمد ما ينرد وان كان مايبيه يقول له الف وحده تتمناه
لاول مره تحس دانه بالزعل في لهجة راكان والحميه مع خويه ورفيق عمره وفضلت السكوت لانها ماتبي مزاجه يتعكر ...
قال راكان :-انتي صلي هناك بجهة الحريم وانا بروح جهة الرجال جوالك معك
دانه :-ايه معي
راكان :-يالله بروح معك عشان اعرف مكانك
دانه :-يالله
راكان باهتمام :-تعرفين مكان الفندق واسمه طبعا
ابتسمت :-حبيبي علامك اكيد اعرفه
راكان :-لاني اخاف عليك يالغاليه اخاف
تاثرت دانه من كلامه :-لاتخاف يالغالي انا ماراح اتحرك من مكاني وبينا جوال
ابتسم :-يالله بروح
وراح يصلي مع الرجال ...
سالتها وحده جنبها بالصف :- هذا زوجك
دانه :-ايه
الحرمه :-الله يخليه لك
ابتسمت دانه :-تسلمين اختي ..
وكبر الامـــــــــام في هاللحظه !!
بعد الصلاه .....
ماتحركت دانه من مكانها تنتظر راكان الا ويلفت انتباا شلة شباب يسولفون بصوت عالي وماشين بيطلعون .
وبدون قصد رفعت نظرها الا وصدمــــــــــــــــــــة حياتها !!
::حاله حال شباب هاليومين الدين والسنع مايجي الا في رمضان بس ..
تحت الحاح شلته مشوا لمكه اليوم عشان يصلون بالمسجد الحرام لان من المتوقع تكون هالليله ليلة القدر ويبون يستغلونها ويحاولون يكفرون عن ذنوبهم ومصايبهم الي يسوونها لكن الي هز كيانه شي عمره ماتخيله ..
راكان بن عبدالرحمن هنا !!!
معقوله من بد كل الدنيا اجتمع فيه لا وشكله ماهو بلحاله ..
شافه يمشي للصف الثالث عشان يصلي والدنيا وجله من شوفته لانه شخصيه مشهوره ورجل اعمال له وزنه بالبلد وقاموا من هيبته يوسعون له بالصف ..
ملك كل شي المال..النسب...السلطه..الجاه
والاهم
ملك دانــــــــــــــــــــــــــــه
دانه الي ماحب غيرها بحياته دانه الي تسوى عيونه ونظرها دانه الي جرحها جرح ماله مثيل ولا وصيف ..
ساله صديقه :0عزوز علامك
التفت وهو يقز راكان وهو ماشي بكل هيبه وغرور (صارت الثقه بالنفس غرور عند بعض الناس)
عبد العزيز :-اراقب من سرق بهجة حياتي مني
صديقه :-هاااااااااااااه انهبلت انت لو حنا مو صايمين كان قلت انك شارب شي
عبدالعزيز :-النار تحرق قلبي حرق
صديقه :-عزوز فهمني لو سمحت ماني فاهم شي
عبدالعزيز وهو يأشر براسه :-شفت هذاك الرجال الي لابس ثوب اسود وغتره بيضاء
التفت صديقه :-ايه علامه
عبدالعزيز بحسد :-عرفته
ركز صديقه وشهق :-ابن عبدالرحمن التاجر بكبره
عبدالعزيز :-انت تدري من ماخذ
صديقه مقفل المزاج عنده مع الصوم والنعاس:-شدراني بس بنت شيوخ الي ماخذها ان ماخاب ظني
عبدالعزيز باستهزاء :-متزوج طليقتي
طار النوم من صديقه :-أي طليقه فيهم
عبدالعزيز بقهر :-الاولى بنت خالي فهد
انهبل صديقه :-انت من جدك تحكي
عبدالعزيز :-ايه
ضحك صديقه :- والله وطلعت مو بسيط ياعزوز مرة راكان الي الكل يتحاكى عنها كانت مرتك
عبدالعزيز :-شفت القهر
صديقه حس انه مو مرتاح لردة فعله :-عزوز خلنا نروح شقتنا ننام وسحبه معه غصب والا عيونه متعلقه براكان الي تمشي جنبه اغلى خلق الله على قلبه وتسولف عليه وهو مبتسم
مشى بسرعه وحاول صديقه يمنعه بس ماقدر
قال راكان بابتسامه وهم يدخلون الفندق :-علامك ساكته غريبه
مشت دانه معه وهي للان مصدومه :-هااااااااه لا ولاشي
دخلوا الفندق ..الكبير مره والفخم ..وقابلهم واحد معرفه لراكان سلم على راكان واستحت دانه وانسحبت وجلست على صوفا محطوطه بالصاله الكبيره وماجالس عليها احد غيرها

&&&&&&&&&&&&&&&&&&&&&
دخلوا الفندق ..الكبير مره والفخم ..وقابلهم واحد معرفه لراكان سلم على راكان واستحت دانه وانسحبت وجلست على صوفا محطوطه بالصاله الكبيره وماجالس عليها احد غيرها
"كيف الغاليه"
طاحت شنطتها من يدها وانصدمت وضاعت الحروف من فمها مجنون ذا ولا انجن الحين كيف يلحقها للفندق ومع زوجها لا وزوجها معطيهم جنب وج ويضحك مع الرجال لو يلتفت ويشوفه قطعه بالحيا
وقفت وحاولت تاخذ الشنطه مرتين وماقدرت نزل بيساعدها صرخت فيه :-بعد عني
عبدالعزيز بوقاحه (كأنه لسى يمون عليها الرجال) :-طيب اعصابك ما اذكرك كنتي عصبيه كنتي كتكوته صغيره .
قالت بهمس :-انت ماتستحي على وجهك انا متزوجه اقلب وجهك فاهم مافيك نخوه ولا حشيمه
ومرت من جنبه بتطلع وقف في وجا وسفهته وراحت من الج الثانيه لكنها مسكها مع يدها ، صرخت :-خير ان شـاء اللـ...............
الا ويمسكه رجال من كتفه ورى ويضربه ذيك الضربه الي خلته يطح بالارض ..
ماتت دانه من الخوف ,, ورفعت نظرها
"راكـــــــــــــــــــــــــــان"
زاد خوفها وهي تشوف ملامح وج مرعبه لا ويضرب رجال قدامها ..
قال بهمس :-اطلعي السويت وعطاها المفتاح
ترددت ودها تركض لامان السويت وماودها تروح عشان مايتضرر راكان
قال وهو يحاول يتمالك نفسه :-دانه روحي
في هاللحظه وقف عبدالعزيز وحقره راكان وانقهر منه وقال يبي ينتقم :-ما تنلام من يذوق العسل ما يشبع منه
دانه على وشك يجيها انهيار من استفزازه الواضح لاعصاب راكان كمل يبي يقهره ويطعنه :-بس تدري وش الي يخليني احسن منك انها كانت لي قبل ماتكون لك
حست دانه بدوخه من جد وركضت للسويت موقادره تتحمل الي بيصير ابدآ
طبعا راكان ماغابت دانه عن عينه دقيقه وانصدم لما شاف هالرجال يدخل الفندق بشكله المبهذل الشماغ على الكتف والعقال فوق الطاقيه لا وماشي متقصد دانه بمشيته قدر راكان يصرف الرجال الي له مكانه كبيره بالمجتمع وحتى يخلى له الجو ويقدر يتصرف براحته بدون شوشره وفضايح
في الاول كان يحسبه سربوت وجاي يتعدى على بنات الحمايل بثقالة طينته لكن الحين عرفه ..
مسكه راكان مع ثوبه من قدام وقال وهو يضرب بظهره الجدار :-ان جبت سيرة زوجتي على لسانك مايكفيني فيك الذبح وانا راكان لاتنسى انه مهما علا شاني انا بدوي مأصل
هنا خاااااااااف عبدالعزيز ماتوقع هيبته تخوف للدرجه ذي ولا قوته بعد كان يحسبه يوكل غيره بهالاشياء ولايوسخ ايدينه فيها لكنه طلع غلطان ..
جره راكان وحذفه ع الارض :-ان شفت رقعه وجهك عقب اليوم تشهد على عمرك فاهم ولا لا عز الله انك رخمه ومافيك خير
وانا ما انزل قدري الا للرياجيل عيال الرياجيل قم انقلع ..
قام عبدالعزيز والدنيا تميد تحته والعــــــــــــــــــــار على وج وفي مشيته ..
وش الي سويته ياعبدالعزيز، وش الي هببته , كيف تهين دانه بهالشكل وانتي الي حاولت تصلح معها اخطاءك بطلاقك لها انت دمرت كل شي دمرته وانت عارف ومتاكد ان بنت مثل دانه تستاهل منهو احسن منك واطيب مرجله ...وعز الله انها لقته !
عرف ان راكان بن عبدالرحمن لاقال كلمه هو قدها وانه اذا تعرض لدانه مره ثانيه ولا نطق اسمها بس بيسوي تهديده وبيذبحه اصلا المجنون والي عقله ضايع هو الي يتعرض له لانه بيكون عارف انه خسران خسران خسران
وبسرعة االبرق طلع من الفندق ....واستقبله صديقه بالمواقف
شاف ثوبه مغبر وحالته حاله قال برعب :-شصار
عبدالعزيز بتعصيب :-تهاوشت انا وياه
طلعت عيونه من الرعب :-مجنون انت تهاوشت مع الرجال
ركب عبد العزيز السياره :-كنت بس بسلم عليها واسمع صوتها
قاطعه صديقه :-يالمجنووووووووووووون
عبدالعزيز بطفش :-اوووووووووف مو ناقص يكفي انه مسح بي الارض
صديقه وهو يسوق السياره :-احمد ربك انه ماذبحك انت مجنون هذا زوجته
عبدالعزيز بغيره :-لاتنسى انها كانت لي قبله
صديقه نفسه يذبحه :-مجنون انت وربي انك مجنون الحين تروح لمرة الرجال وتقول كانت لي قبلك احمد احمد ربك انه ماذبحك وانك طلعت من الفندق تمشي
عبدالعزيز باستهزاء :-مايبي فضايح ولا مو حبآ فيني تدري من شفت معه راشد الراشد
انهبل صديقه :-مسؤول امن المنطقه الغربيه بكبره
عبد العزيز :-ايه ماغيره
مسك صديقه راسه بيده من الصدمه :-لا انت ناوي تنكبنا صاااااااااحي انت شجاك انهبلت
عبدالعزيز وهو يحقره :-اقول اسكت عني ناقصك انا ابن اللذين طلع اقوى مني وحتى مالمسته لمسه
صديقه بشماته :-احسن تستاهل
عبدالعزيز بتعصيب :-هااااااه اشوف خوفك من راكان واضح
صديقه :-انت ماتعرف راكان زين ولا ماقربت منه ابدا هذا انا حط احد براسه دمره فاهم كيف ؟؟؟
عبدالعزيز خزه وسكـــــــــــــت ...
هز صديقه كتوفه وسكـت الضرب فالميت حرام وعبد العزيز مستهتر وما يتحمل أي مسؤوليه ...
××
وقف راكان قدام باب جناحه معصب لدرجه انه مستعد يذبح أي احد عشان يخفف من النار الي بقلبه ..
توه يكتشف صفة جديده "الغيره"
انا اغـــــــــــــــــار !!!!
مو غيره وبس الي حس به ، الي حس به نار تسعر ، الي حسه شي يذبح يودي للاجرام ، بس لانه تكلم معها قليل الخاتمه لا ويبي يقهره بكلامه الي زي السمـ ,, ماعليه شر ولا لو الكلام هذا جاي من فم رجال دمه مقابل هالكلمه مايكفي !
سحـب نفس طويل وفتح باب الجناح
كانت دانه ترتجف وبعالم ثاني الصدمه شلتها والي شلها اكثر الي شافته على وجه راكان ...
شي ارعبها واول مره خلال شهور زواجهم يمر عليها
دخل عليها السويت وهو باين انه متضايق ..سكتت دانه كان ودها تساله هو بخير تعور جاه شي ؟؟
بس الخوف الجمها وخلاها تسكت .. من جد شكله واصل حده !
رمى غترته على الطاوله بدون نفس ..
سكتت دانه وهي تنتظره يحكي ويقول شي ؟ أي شي ؟
لكن الصمت طال ..؟؟
وقفت وراحت له وهو جالس ساكت !!
جلست جنبه وناظرت في وج ..
قالت برقه :-راكان
نزل نظره للارض شوي ثم التفت لها :-سمـي
دانه :-سم الله عدوك
ابتسم ابتسامه صغنونه ..وقال :-ترانا صايمين عن التسبيل بالعيون
دانه :- انت مو معقول تستهبل وشكلك بصراحه ............ يخوف
راكان :- اول مره تقولين لي شكلي يخوف
دانه بتكشيره :-لان شكلك وانت معصب يضايقني
سحب نفس :-بعض المواقف تستدعي الزعل
مسكت يده المحمره مفاصل اصابيعها :-عسى ماتعورت
راكان :-لا ماتعورت الي صار مايسوى ولابرد قلبي
دانه وهي مدمعه :-عسى ما طول لسانه عليك الحقير
راكان بقهر :-يخسي ويعقب بس لا تقهرين عمرك ما يسوى
دانه وهي منزله راسها :-والله مو قصدي احطك بهالموقف
راكان بقوه :-انتي مالك دخل هالانسان .................. اللهم اني صائم
دانه بضيق :-طيب انت زعلان الحين
راكان من قلب :-
ياحبني لها ..! شكلها وهي خايفه علي يجنن
طلعت عيونها :-علامك تضحك
راكان :- ولاشي
دانه ابتسمت :-طيب نقفل سيرته احسن شرايك
راكان في باله (قفل الله عمره) :-يكون احسن بعد
ابتسمت :-يالله بروح اكمل تجهيز اغراضي
ناظر راكان في ساعته ووقف :-عجلي لازم نكون بالمطار مابي تفوتنا الرحله مالي خلق السواقه ست ساعات
ابتسمت :-تامر امر اصلا مابقي الا اغراضي الخفيفه والا كل شي جاهز
راكان :-اوكي

noor 3ini 25-12-2007 12:52

>>>>>>بيت ابو سعود
نادت ام سعود :-يا هناااااااااادي
نزلت نوف من الدرج :-سمي عمه تبغين شي
ام سعود :-سلامتك يمه بس الشغاله عساها البلا حايسه المطبخ فوق تحت
نوف :-انا بروح اساعدها
ام سعود :-انتي حامل شلون تساعدينها تعب عليك
ارتبكت نوف وتذكرت انها قايله لام سعود انها حامل :-هااااه ايه ياعمه انا بساعدها ماراح اموت من الشغل
نزلت هنادي :-هلا يمه ناديتيني
امها :-ايه روحي ساعدي الشغاله بتجهيز الفطور
هنادي :-ابشري يمه
وعندت نوف وراحت للمطبخ معها
طبعا هنادي للان ماتطيق نوف رغم انها لاحظت تحسن كبير باخلاقها لكن سبحان الله صعب الشعور الاولى يزول ..
قالت هنادي وهي تحاول اكون وديه معها عشان سعود ع الاقل ك-نوف تعرفين تلفين السمبوسه
انصدمت نوف هنادي تحاكيها شخصيا لا وبلهجه وديه :-ايه اعرف
هنادي :-طيب لفيها وانا بصلح البيتزا
نوف بفرح :-ان شاء الله
الا وابو سعود ينادي هنادي :-ســـــم يبه جايه
مسحت يدينها وطلعت من المطبخ تركض ...
كانت الشغاله بالطرف الثاني من المطبخ ترتب مقاضي البيت بالمستودع حاولت تشيل كرتون كبير وماقدرت لانها ضعيفه ...تركت نوف الي بيدها وراحت تساعدها ..
حاولت تعترض الشغاله لكن نوف ماعطتها وجه ساعدتها وشالت معها الكرتون الكبير لا وباقي الاغراض بعد ..
حست بظهرها يعورها لكنها طنشت ...دخلت هنادي المطبخ بعد ربع ساعه ولقت نوف بتخلص شغلها لكن وجا ما ينتفسر
وقفت نوف وقالت والام ظهرها تزيد :-هنادي قضيت من لف السمبوسه بطلع اريح شوي وبرجع
هنادي :-براحتك
نوف :-بحطها بالثلاجه اوكي
هنادي :-يكون احسن
وصلت نوف لباب المطبخ وخمها الم ببطنها ماينوصف لاحظت هنادي ان نوف مو بخير :-نوف فيك شي !
كابرت نوف :-لا مافيني شي
وطلعت بسرعه .....
كملت هنادي شغلها وجت منال تساعدها ....
دخلت نوف غرفتها وبطنها شاب عليها نار والالام كل مالها تزيد ..
ماقدرت تتحمل اكثر ودقت على سعود ..بالعمل
ناظر سعود بالرقم غريبه نوف تدق عليه :-الو
نوف بالم وهي تبكي :-سعود الحقني بموت
سعود بخوف :-شفيك يابنت
صرخت :-الحقني بموووووووووووووووت
وقف سعود بسرعه وطلع من مكتبه وهو مرتبش ..
كانت هنادي سرحانه بالمطبخ والماس تكلمها وماهي معها
الماس :-هنوده الي ماخذ عقلك
هنادي :- مره ماخذه
منال :-علامك سرحانه شفيك مو العاده
هنادي بتفكير :-بنات انا حاسه ان نوف فيها شي
منال :-شي ايش ؟
هنادي :-مدري كانت تساعدني بالمطبخ ورحت ورجعت لقيتها مخلصه شغلها ووجا مشحب
الماس :-يمكن فيها نوم
هنادي :-مدري قلبي مو متطمن
منال بدون اهتمام :-على بالي عندك سالفه قلعتها
مرت خمس دقايق وماقدرت هنادي تتحمل الوسوسه :-انا بطلع اشوفها
منال تستهزء :-من متى المحبه ؟
سفهتها هنادي ..
طلعت هنادي فوق ...
دقت باب جناحها وماردت ، نادتها وماردت ..
وفتحت الباب ...
لقت نوف طايحه على السرير وماسكه بطنها تبكي من قلب
قالت هنادي بخرعه وهي تركض لها :-نوف علامك
نوف بصياح :-بموت ياهنادي بطنـــــــــــــــي بيموتني
اختبصت هنادي ماتدري شتسوي ..
وماتذكرت الا امها وركضت لها ..
امها وهي تشوفها مختبصه :-هنادي شفيك
هنادي برجفه :-يمه نوف تصيح بغرفتها وماسكه بطنها
ابو سعود الي تو داخل الغرفه :-نوف علامها
هنادي :-تعبانه يبه بالحيل
ابو سعود بعصبيه :-ورجلها وينه؟؟؟
ام سعود بقهر :-حنا بوادي وانت بوادي البنت تعبانه تودينا ولا نروح مع السواق
ابو سعود :-تعرفين سواقتي نبي نروح مع السواق
وركضت ام سعود مع هنادي لغرفه نوف
ام سعود وهي تجلسها بشويش :-بسم الله عليك يمه
نوف تبكي وعلى وشك تغيب عن الوعي ..
لبستها ام سعود عبايتها وساعدتهم هنادي

&&&&&&&&&&&&&&&&&&
<<<<<<<<في بيت راكان
من يوم مارجعوا من السفر ناموا على طول وكل ما اذن صلوا ورجعوا نامو من التعب ..
قالت دانه بهمس في اذن راكان :-ركوووووووني
صحى بسرعه على انغام هالصوت الي يحرك شعوره ويتغلغل بالوجدان :-يالبيه
ابتسمت :-شرايك تقوم تقرا قرآن مابقى على اذان المغرب غير ساعه
راكان :-ان شاء الله
دانه وهي توقف :-جهزت لك الحمام اذا تبي تاخذ شاور عشان تصحصح وعلى فكره محمد دق يسال عنك
راكان :-ه سحبت عليه والا انا قايل له بجي الشغل العصر
دانه :-حرام عليك
راكان :-ه والله انك رايقه
دانه بوعيد :-هين نتفاهم عقب الفطور
غمز لها :-قد كلامك
ووووووووووولع وجا ضو ..
راكان :- ممكن تطلعين من الغرفه
دانه :- طرده صريحه
راكان :- دانوه لاتخربين صومـي
وووووووووووولع وجا وهجت من الغرفه
راكان :-ه ياحبني لها
ووقف عشان ياخذ شاور ويجلس يقرا قرآن لين يأذن !
نزلت دانه ووجا للان احمر من كلامه ...
[مايدري انه يعلقها فيه اكثر واكثر واكثر ،مايدري انه النفس انه الهوا وانه الروح والحياه لها ، مايدري انه باسلوبه يزيد من حبها له من غيرتها من خوفها عليه ]
قاطع تفكيرها صوت الخاله مريم :-الوجه شاب ضو اخبرك قلتي بصحيه مو شي ثاني
دانه :- يمه حرام عليك
امه :-[سيماؤهم على وجم ]
دانه استحت :-ه يمه ترانا صايمين
امه :-ه والله مدري عنكم ..
ام راكان :-مريم خلي البنت بحالها
الخاله مريم :- جت عجوز البيت
ام راكان :-لا تتشققين يالصغيره
امه (مريم) :-اصغر منك
دانه :-ه يااااااربي بدينا المناقر
امه مريم :- تكلمت الحين حرم راكان من جد
دانه بحب :-آآآآآآآآآآآآخ ركووووني
امهاته :-ه
ام راكان :-الولد ذا مسويلك سحر اكيد
دانه وهي تغمز لها :مرررررررررررره
امهاته :-ه
دانه :-انا بروح المطبخ بسوي حنيني لراكان
انصدمن امهات راكان :-حنيني
دانه ببراءه :-ايه حنيني
ام راكان :-تعرفين تسوينه
دانه :-طبـعا
امه (مريم) :-ه شجابه على بالك الحين
دانه بابتسامه :-امس رحنا تسحرنا بمطعم يقدم اكلات شعبيه سعوديه وراكان جلس ينتقد اكلهم وانه مو مثل طبخ البيت وخصوصا الحنيني عاد انا قلت بسويه له مفاجاه لان شكله يحبه
مريم وهي تكلم ام راكان :-ه تذكرين يوم جته فتره وازعجنا فيها تقولين منقلب شايب يوم يبي جريش يوم يبي مرقوق
ام راكان :-ه ايه اذكر كرفنا كرف
مريم :-ه الله يسلم عمره ..
دانه وهي تنزل :-يالله العجين يمديه انفجر
امهاته :-ه
وراحت دانه للمطبخ ...
قالت ام راكان بحب :-ياهالبنت تحب ولدنا حب ما ينوصف
مريم بتاثر :-الله يخليهم لبعض ويكفيهم شر من فيه شر وعلى راسهم سوير
ام راكان :-الا ماتلاحظين انهامختفيه من زمان
مريم بشماته :-ابركها من حزه كسر راكان شوكتها بعد سواتها بدانه
ام راكان من قلب :-الله لا يوفقها وين ماراحت
مريم :-امين ..

&&&&&&&&&&&&&&&&&&&&&&&&&
>>>>>>>>بالمستشفى
دخل سعود بسرعه المستشفى وهو منقهر لانه تاخر لكن الطريق كان زحمه مره بسبب طلوع الناس من دواماتهم وبسبب اعمال تصليح بالشارع العام ، لكنه دق على هنادي يعلمها تروح لها ولقاهم رايحين للمستشفى وغير طريقه وراح لهم !
دخل قسم الطوارئ على طول
سعود :-لو سمحت اخوي بغيت اسال عن مريضه دخلت تو
الموظف :-الاسم
سعود :-نوف بنت نايف
الموظف :-تقرب لها ؟
سعود :-زوجهـــــا
الموظف :-ثواني ...........
كان سعود على نار .
الموظف :-زوجتك بغرفه العمليات الحين
انصدم :-عمليات
الموظف :-نعم وللاسف ماتقدر تكون هناك بس فيه صالة انتظار لو حبيت تنتظرها ممكن تفضل هناك الصاله اول لفه على يدك اليمين
سعود كان مثل الاطرش بالزفه على الاقل اهله هناك وبيعرف وش السالفه ...
عدل شماغه وهو يمشي بسرعه .
ولقى امه وهنادي وابوه بالانتظار جالسين ...
سعود :-خير شفيها نوف
عصب ابوه :-وينك عن زوجتك انت
مسك سعود اعصابه :-يبه مو وقته الطريق كان زحمه ويالله وصلت
ابوه بعصبيه مالها داعي :-لو البنت على هواك جيت بسرعه لو مشي
تضايق سعود من كلام ابوه وقالت امه يوم شافت وج متغير من طريقة كلام ابوه له :-يمه زوجتك بالعمليات
سعود بينهبل :-طيب شفيها ؟
امه بحزن شوي :-كانت حامل واجهضت
انصدم :-هآآآآآآآآه ..
فسروا صدمته انه مصدوم بموت البيبي مايدرون انه تو يدري انها حامل ..
كمل ابوه بزعل ما ينوصف :-انت السبب في موتة ولدك لو تهتم لنوف ماصار الي صار
ام سعود :-خف على الولد يا ناصر ماصارت
خزها بنظره وسكتت ..
كمل ابوه :-انا ملاحظ انك ماتعدل الحب والموده كلها لالماس وهالمسكينه تداري دمعتها بعينها دايم وهي تناظركم اكلك من يد الماس اشغالك تقضيها لك الماس وتعاونك فيها ونوف صفر ع الشمال
وصل سعود حده وطلع من الغرفه ...
قال لام سعود :-شفتي ولدك قليل الخاتمه ؟
وصلت مع ام سعود :-خاف ربك انت صايم خل الولد في حاله انت السبب مو هو ؟
انصدم ابو سعود :-انااااااااااااااا
ام سعود :-ايه انت ، انت الي غصبته يتزوج نوف وانت السبب في كل شي .
هنادي وهي متضايقه حيل :-الله يخليكم خلاص خلونا نتطمن على نوف ..
وطلعت بسرعه ..
لقت سعود واقف قريب من غرفه العمليات الي نوف فيها
هنادي بحنيه :-لاتزعل يا سعود تعرف ابوي لاعصب يقول كلام مايقصده
سعود بضيق :-صار خير ..
وسكتوا ينتظرون طلوع الطبيب ...وسعود كل ساعه يناظر في ساعته ..
طلع الطبيب من الغرفه ..
قال سعود بخوف :-شخبار زوجتي
الطبيب وهو ينزل طاقيته الخضراء :-انت زوج نوف ؟
سعود :-ايه
الطبيب :-المدام شالت شي ثقيل وهي توها حامل بشهورها الاولى وجاها نزيف واجهضت للاسف
سعود وهو للان مصدوم :-كيفها الحين
الطبيب :-سوينا لها تنظيف وهي للان مخدره ماتحس باحد ان شاء الله على بكره اكتب لها خروج
وراح الطبيب ...
طبعا الزياره ممنوعه لان الوقت مو وقت زيارات ولا يقدر يشوفها ..
وقع سعود على اوراقها وطلع مع امه واخته لان ابوه رجع قبلهم مع السواق ...
كانن البنات منال والماس ينتظرنهم .. وما افطرن
اول مادخل ابو سعود قال حطولي الفطور وشكله معصب وخافن يسالنه عشان ما ياخذن تهزيئه..
والحين صار للاذان ساعه وهم مارجعوا ...
طلعت الماس غرفتها ترتاح شوي لانها على اواخر الشهر السابع وصايره تتعب بسرعه ...
بعد دقايق دخل سعود جناحهم شكله هلكان ..
الماس بخوف :-شفيها نوف
سعود وهو يجلس بتعب :-ما راح تصدقين لو اقولك
الماس ارتاعت :-شفيها
سعود :-كانت حامل واجهضت
الماس انصدمـت :-هاآآآآآآآآآآآآآآآآه حامل مو معقوله شلون
ناظرها سعود وسكت ..
عرفت الماس ان سؤالها ماله داعي وقالت :-كيفها الحين
سعود :-ماعليها بس مخدره بكره بتطلع
الماس :-الله يقومها بالسلامه
سعود بتعب :-حطيلي فطور ....
الماس :-ابشر
ناداها قبل لاتطلع :-الماس افطرتي
حمرت خدودها :-هااااا ايه
سعود :-حطيلي فطور وافطري معي
الماس :-طيب
ونزلت للمطبخ ..!
سند سعود راسه للصوفآ ..
نوف حامل .. مو معقول ماقربها غير ذيك الليله الي فقد فيها اعصابه وقهرته بتصرفاتها الحقيره
والحين حامل ومجهضه ..
البنت ذي دخلت حياته وقلبتها فوق تحت شعوره تجاا متضاد ساعه يتمنى يدفنها بالحيا وساعه يرحمها ويتقطع قلبه على حالها يحس براسه بينفجر من الضغوطات الي براسه ..يكفي الماس وحملها المتعب ونفسيتها المتقلبه وسعاد المريضه واحمد الي صاير جلد على عظم !
عرف ان التحسف والتفكير ماراح ينفعه وقف وصلى المغرب بما ان الصلاه بالمسجد فاتته ..
*
نزلت الماس للمطبخ وهي مولعه صحيح انها راحمه نوف بس ماتوقعتها تحمل ابدا صدمه كبيره لها وهي عارفه ان ماطلعت نوف من حياة سعود بسرعه بتموت ولا يجيها شي ..
يكفي انها مانست كل فعايل نوف معها وانها حاقده عليها لكن لما تشوف نظرة الانكسار الي بوجا ترحمها
حطت فطورها هي وسعود ورتبته بصينيه وخلت الشغاله تلحقها به للغرفه فوق ,,
*************



(الجزء الثانـ2ـي)
بيت راكان>>>>>>
ضم راكان دانه وهي ترتب الصحون بالمطبخ ..
صرخت لانها ماحست فيه وهو يدخل المطبخ ..
راكان يستهبل :-ه بسم الله شفيك
التفتت يمه :-ه خوفتني
راكان :-وش هالفطور الروووووووووعه
انور وجا واشرق من كلامه :-ياعساه صحه وعافيه قل امين
راكان برقه :-امين
دانه بابتسامه:- اصبلك عصير
راكان :- ايه
دانه :-علامك تضحك
راكان :-ه ولاشي
خزته دانه وشافته يناظر جواله ويضحك ..
دانه :-جايك مسج
راكان وهو يناظر في المسج الي جايه من محمد ويتحلف فيه :- ايه
دانه بتموت من الفضول :-من من ؟؟؟
انتبه راكان لها وانها بتموت من الفضول :-مو لازم تعرفين
انصدمــــت دانه من رده وانكمش قلبها معقوله ان راكان الي عاشت وياه هالشهور الي فاتت شخصيه مزيفه وانه بدا يطلع على حقيقته
مسكت نفسها وقررت تقاوم :-ليه مو لازم يالله قلي من مين .؟
راكان (مبسوط بحرقة دمها):-حبيبة القلب هذي خصوصيات .
ارتفع ضغطها وقالت بعصبيه :-يعني ماراح تقولي لي
راكان وهو مبسوط :-ايه
رمت المنشفه الي بيدها وقالت بزعل :-بكيفك انت حر ؟
ومشت بسرعه من قدامه جا بيمسكها بس بعدت عنه ..
ومن زود الرباشه صدمت بزاوية طاولة المطبخ وتعورت :-آآآآآآآآآي
ركض لها راكان وقال بخوف :-تعورتي
نفضت يده عنها لانها لسى زعلانه منه بس من جد ساقها توجعها :-انا بخير خلك في مسجاتك بس
راكان ابتسم غصب :-يابنت الحلال خليني اساعدك
دانه فاير دمها :-مايحتاج انا بخير ..
ناظر راكان في رجلها المحمره :-شوفي رجلك مولعه
ناظرته بنص عين وجت بتمشي بس ماقدرت من الالم ومسكها قبل لاتطيح .
قال لها وهو ماسك نفسه لايضحك :-خليني اساعدك
سكتت من القهر لانها تحتاج مساعدته ..ومادرت الا وهو شايلها ..
صرخت :-هيه اقدر بس اسندني ماله داعي تشيلني
راكان :-ه خايفه علي والله مو من ثقلك
عصبت :-مو خوف عليك بس فشله قدام امهاتي
راكان :-ه اكبر كذابه
دانه :-لا والله تو مالي دخل بخصوصياتك والحين كذابه وش بصير بعد شوي
راكان بهمس ووج قريب منها :-بتصيرين حبيبتي وقطعه من قلبي ومني
ولع وجا :-وفر كلامك للمسجااااااااات
راكان :- تغارين
خزته وسكـــــــــــــــــتت
كمل كلامه :- والله ان قلت هالكلام لراعي المسجات على قولتك جاني ثم محطني بعقاله
انتبهت :-عقاله!
راكان :- هذا محمد يتوعدني لاني ماجيت الشغل
ارتفع ضغطها يعني مهبل فيها ومجننها من اليوم واخر شي يطلع صديقه ..
عصبت ومادرت انها تتكلم بدلع :-ان تشوه ساقي انت المسؤول
غمز لها :-ماعليه تعجبيني مهما صار
رجع للغزل وولع وجا ..قالت بتعصيب :-مو عشانك عشاني
كشر :-افااااااااااااااااا
وقبل مايطلع الدرج جت ام راكان بسرعه :-ياويل قلبي علامك يمه
همس راكان :-عز الله سرى الليل
ضحكت بهمس وناظرها وسكتت مسويه زعلانه عليه
راكان :-ابد يمه صدمت بدرج المطبخ وماتقدر تمشي
امه :-ودها مستشفى اخاف كسر
راكان :-لا مو كسر رضه بسيطه نحط عليها شوية ثلج وتطيب
امه بخوف واضح :-طيب مشت متاكد انه مو كسر
راكان :-ايه مو كسر كانت واقفه عليها بس تعورها
الا وبجية امه (مريم) :-بســــــــــــــــم الله عليك يمه
همس راكان :-كملت لا من جد سرى الليل
دانه تعض على شفايفها لاتفطس ضحك ...
قالت دانة :-انا بخير لاتخافون بس رجلي تعورني
ناظرن في ساقها الي مزرق شوي
امه (مريم) :-امش خلنا نوديها مستشفى اخاف كسر
راكان :-ه لاحول والله مو كسر ترى يديني عورتني من ثقلها
دانه :-لا واللهـ
امه بتعصيب :-مثقله عليك جبها نشيلها
راكان :-ه اقول يمه ليتها باحمالها تقوم
ضربته امه مريم على ظهره :-ترانا انشط منك لا تسوي قوي علينا
راكان :-ه ماقلت شي
ام راكان :-عن البربره الزايده وودها الغرفه وان ماطابت وزاد الوجع عليك علمينا نروح مستشفى
دانه :-ان شاء الله يمه ..
طبعا خلال كلامهم دق التلفون الخاص بالبوابه وردت الشغاله ..وعلمت ام راكان (مريم) بالضيوف الي برى وقالت لها من رباشتها يوم شافت راكان يشيل دانه يدخلون للبيــــت
فتحت الشغاله الباب الكبير الي بوسط البيت ودخلت ام خالد وقمر ...
استحت قمر وحمدت ربها انها مانزلت غطى وجا ، اما ام خالد اخترعت على بنتها وهي بحضن رجلها ...
طاح وجه دانــــــــــــــــــــــه من امها واختها
ام خالد :-بسم الله عليك يمه سلامتك
راكان يهمس في اذنها :-انا منتحر منتحر الليله
ابتسمت دانه
راكان :-ياهلااااااااا وغلاااااااااا بعمتي انا اشوف الحاره منوره
حمر وجه ام خالد وقالت له :-هلا بك يمه بنتي شفيها
راكان بابتسامه :-تخيلي ياعمه تقول لي شلني وطلعني فوق ولا مافيه سحور
طلعت عيون دانه قدام وخافت من امها :-اناااااااااااااااا
راكان ببراءه :-ايه
امها بتعصيب :-دندون صدق هالكلام
دانه مسكينه تورطت :-لا يمه والله ماقلته
امهاته :-ه
امه (مريم) :-ماعليك منه يا ام خالد دانه متعوره شوي
ام خالد بخوف :-وين
دانه :- تو تهزئيني
امها :- كلش ولا راكان عاد
راكان :-احمـ احمـ سمعتي الكلام الحلو
دانه :- ايه نتفاهم بعدين يمه ترى ماسلمتي علي
راكان :-ه كلن على همه سرى
وكمل يكلم دانه :-اطلعك فوق ولا انزلك في الصاله
دانه متفشله من لبسها وماحطت ميك اب ولاشي :-لا ابي اطلع
راكان :-نستاذن اجل
وطلعـــــــوا ..فوق
سلمت قمر على امهات راكان ...
وراحن كلهن للصالــــــــــــه
جلست قمر تفكر في زوج اختها وحبهم الواضح للكل، لو شافت راكان بمكان عام مستحيل تفكر لو ثانيه انه يكون رومنسي وجرئ ما يستحي ولايخاف من توضيح حبه للكل ولا يتردد دقيقه .. صدق اني كنت غبيه وانا متازمه فحياتي والواحد ماينعرف الا مع العشره مو من الشكل الخارجي لان الرجال غيررررر مع زوجته ، والحقيقه انها تحب سلطان كثير واعجبها من ذاك اليوم بالمطبخ بس كانت تكابر بسبب الي صار لالماس ودانه وكانت بتموت من الخوف بسبب الوساوس الي ذبحتها ذبح..
لكن الاحوال بدت تتعدل الماس حامل وبتولد قريب وزوجها يعشقها عشق صحيح انهم قدروا يزوجونه غيرها بس حبهم صمد وما انهار ودانه عقب الشقا والخيانه مع انسان مايسوى ظفرها لقت نفسها وحياتها بدنيا راكان وتموت فيه بشكل يفوق الوصف !

&&&&&&&&&&&
>>>>بجناح دانه وراكان
ناظر راكان في دانه المعصبه ..
قال وهو شوي ويضحك :-مساعده
قالت بغرور :-مستغنين
راكان :-افااااااااااا الغاليه زعلانه
دانه بحقد :-لا مو زعلانه اصلا انا ملطشه تتمهزا فيني
جلس راكان جنبها :-طيب لاتعصبين
دانه :---------------
راكان (يستهبل عشان تروق) :-تدرين انك تهبلين لا عصبتي
حمر وجا ومسكت نفسها لاتضحك
دانه بدلع :-ممكن تجيب لي تنورتي السودا
راكان وهو يرفع حاجب :-تتآمر العمه
دانه مسويه قويه :-راكااااااااااااااااان
راكان راح للدرج وفي نفسه بيرد لها الحركه طيب يادندون ان ماخليتك تحرمين تتامرين علي
فتح درج ملابسها وقلبه فوق تحت ...
انهبلت دانه :- خلاص مابي شي
التفت لها وغمز :-اخيرا رضت العمه علينا
قرب منها وعطاها لبسها
قال وهو ياخذ شماغه :-انا بطلع محمد زعلان مني لاني جحدته وانتي انزلي لامك واختك صح .
دانه :-ايه قمر قليلة الخاتمه حتى ماسلمت علي
راكان :- مستحيه اكيد مني فخليني اطلع بكرامتي لاتكرشيني
دانه :- طيب
راكان وهو يمشي للباب :-يالله see you
دانه :- see you
راكان يستهبل :-ه تبي الفكه مني
دانه :-ه وانا اقدر ..
رجع وقال وهو يغمز لها :-ه هونت اجل
دانه :-ه كلها مصالح عشان تساعدني لانزلت
راكان معجبه الوضع :- تبيني اشيلك
دانه :-ه لا مابقي الا هي فشله لا تطيح من عين اختي تراها تحسبك ماتبتسم الا بالاعياد
راكان :- اوف للدرجه ذي شكلي معقد
دانه :- طيب راح الوقت ابي البس ملابسي
راكان وزانت له الجلسه الحين زود :-احد ماسكك
دانه :- ما اظمنك الصراحه
راكان :-ه ثقتك فيني معدومه
دانه :-ه مره
وكــــــــــــــــــانت على حق ^_*
>>>>>>> المستشفى .
طلع احمد من غرفه الطبيب المسؤول عن حاله سعاد ومن كبر حظهم ومن رضا ربي عليهم انها في تحسن ولو انه بطئ نوعآ ما ..لكن رغم احباطه مبسوط نوعا ما ومرتاح ..
صحيح ان الساعه 9 بالليل بس ماصدق خبر تفتح الابواب للزياره عشان يكحل عينه بشوفة محياها..
مشى باسياب المستشفى وطلع للطابق الي غرفتها فيه..
تذكر امس يوم زارها كانت تبتسم له وتتكلم شوي ثم تتعب وتسكت ..وقلبه بغى ينفجر بين ظلوعه من فرحته بس مسك نفسه عشان مايضغط عليها ويتعب نفسيتها
وصل لغرفتها الخاصه وفتح الباب....وطاح جواله من يده..
الغرفــــــــهـ فاضيه!!!!!!!!!!!!
انصدم والصدمه خلته جماد ..لا يتحرك ولايرمش بعينه
يخاف حتى لو اخذ نفس واحد يتاكد واقع ان سعاد مو موجوده بغرفتها وان سريرها مرتب وهذا ماله الا تفسير واحـــد!!
سعاد ماتت ...
دخل يجر الموت الي صاب روحه بخطواته ..
وقف جامد قدام سريرها ولا التفت لا يمين ولايسار
تمنى لو يقدر يبكي ولا ينفس عن الي بقلبه شوي ويرتاح ، لكن الدمع خانه في احوج اللحظات له
"احمـــــــــــــــــــــــد"
التفت بسرعه لمكان الصوت ..كانت سعاد جالسه على الصوفا وضامه رجولها تحتها ومسنده نفسها لمخده كبيره
ناظر فيها وناظر في السرير وهو مصدوم ومو لاقي تفسير للي يشوفه
قالت برقه :-قرب ليش بعيد ....ليش بعيد..؟
اخاف اقرب وتكونين سراب وانا مت موته وحده والثانيه ثابته !
همست والتعب على ملامحها واضح وتحاول تخفيه بابتسامتها الحلوه :-لو فيني حيل جيت لك بس للان ادوخ لا تحركت
همس :-انتي حقيقيه
دمعة عيونها :-ايه حقيقيه ونص
قرب منها بسرعه وبدون مقدمات ضمها .. مو مصدق الي يشوفه ابدآآآآآآآآآآآآآآ
سعاد للان حيه وما ماتت وبخير وسلامه !
ابتسمت :-احمد شفيك ؟؟
ناظرها وهو يلمس وجا يتاكد انها بخير :-مصدوم باختصار
سعاد :- الحمد لله
احمد مذهول :-امس كنت عندك وكنتي يالله تحكين شلون شلون ..حتى الطبيب كان يقول لي اصبر وهو مبتسم
سندت راسها على صدره وقالت :-قبل اسبوع بديت اقدر اتكلم واصير قويه شوي شوي وقلت للطبيب لا يعشمك بأي امل لاني اعرفك بتتحطم صحيح بالظاهر بتكون قوي لكني اعرف احمد الحقيقي زين واعرف انه يحبني مره والي يصيبني يصيبه
احمد :-كنتي بخير وماعلمتيني حرام عليك
سعاد وهي تستجمع قوتها لانه مهما كان لسى ضعيفه :-كنت خايفه عليك لا تتحطم والي عانيته كفايه وانا بعد ماني ناقصه اشوف خيبة املك ..
دخلت عليهم الممرضه وابتسمت وهي تقول لسعاد لا تتكلم كثير لانها تعبانه وان الطبيب بيمر عليها بعد خمس دقايق ..
احمد :-وين طرحتك ...!
سعاد :-جنب سريري ..
وقف وراح يجيب لها طرحتها عشان تغطي وجا..
دخل عليهم الطبيب عقب خمس دقايق وجلس معهم قرابة النص ساعه ويشرح لهم الاعراض الي بتصيبها الفتره الجايه وانها طبيعيه عشان مايخافون ويوسوسون !
وكلمهم بعد في كل الي صاب سعاد من يوم مادخلت وكيف تحسنت حالتها من الاسوء للأحسن
طلع الطبيب الي بيكتب لها خروج بكره ...
حاولت سعاد تكتم صوتها وشهقاتها يوم درت انها كانت حامل ...
نزلت طرحتها ومسحت دموعها بمنديل ..
خاف احمد :-سعاد شفيك تعبانه انادي الطبيب
سعاد وهي تشاهق :-لا مايحتاج
احمد بضيق :- قوليلي شفيك ولاناديت الطبيب
سعاد وهي تمسح دموعها :-انا كنت حامل ..؟؟
من كثر مامر عليه من مصايب ابتسم غصب
عصبت عليه :-الحين انا حزينه وانت تبتسم
احمد :-صار خير والولد بداله ولد لكن سعاد مابدالها احد
من بين ضيقتها قالت :-بس هذا ولدنا
احمد وهو يهز راسه ويمسك يدها :-كل شي له حكمه يمكن لو ما مات يتشوه ولاشي ونتعذب طول عمرنا معه
كنها اقتنعت ..مسح دموعها وقومها :-قومي ارتاحي سمعتي كلام الطبيب مانبي انتكاسه
سعاد كانت تحس بنعاس فظيع لانها تتعب على اقل شي ،سمعت كلامه ونامت اول ماحطت راسها على المخده .
حبها على جبهتها وطلع لان وقت الزياره انتهى ..!
طلع من المستشفى على الاقل فرحان وهذي اول مره من يوم ماطاحت عليه سعاد.
بعد ربع ساعه ..وصل بيته وكانوا اخوانه للحين ساكنين معه وموسعين صدره ومالين عليه البيت ...
ونوف تمر عليهم من فتره وثانيه ..تذكرها ..
وطلع جواله ، لكنه تذكر انه ماعاد يشتغل يوم طاح من يده بالمستشفى !
يالله يكلم بجوال طلال ولا ناصر
دخل سيارته بمواقف البيت ونزل منها وهو يصفر وشكله متغير من الوناسه
دخل البيت وسمع صجة اخوانه بالمطبخ
طلال يصارخ :-نويصر الله يقطع ابليسك كسررررررررررت كل البيض الي تونا شارينه
ناصر يصارخ :-انت احول البيض ينحط بالثلاجه مو على الارض
طلال :-نظفـــــــــــــــه ياشاطر
ناصر يستهبل :-حاضر عمتي
طلال :-ه انت مو طبيعي شارب شي اليوم
ناصر :-لااااااااااااااااا محبط فقط
طلال يستهزء :-لاتكون الي في بالي
ناصر بضيق :-انطم طيب البنت على ذمة رجال
طلال :-اسمعوا من يتكلم
دخل احمد عليهم...
وقال يستهزء :-الاخوات ليش يتناقرن
اخوانه :-ه
طلال يستهبل كالعاده :-هاه الوجه مشرق خير
ناصر :-كان عند الحبيبه ليه مايشرق اصلا وج ما يظلم الا من مقابل وجيهنا الودره
احمد :-ه والله انكم مهبل وبعدين المطبخ علامه كله اكياس
ناصر وهو يناظر في اكياس المقاضي الي ماليه المطبخ :-الشر على الي مستحي على وج ومقضي لبيتك
احمد :-ه مشكورين
طلال وناصر يناظرون في بعض مستغربين احمد يجي من برى مروق ولا يمزح بعد فيه شي اكيد.
احمد شاف ملامح الحيره الي على وجيم واستانس راح للثلاجه ياخذ عصير
طلال ما قدر يتحمل وساله :-بشر وجهك يقول فيه اخبار حلوه
احمد بوناسه ما تنوصف :-سعاد بتطلع بكره
حط ناصر الاغراض من يده وقال بصدمه :-تمزح ولا من جدك
احمد :-لا والله جد
طلال جلس يصارخ من الوناسه :-مبروووووووووووووووك والله سعاد تستاهل كل خير
احمد :-تسلم
ناصر بفرح :-اخيرا بتفرد هالخشه الي تجيب الاكتئاب
العيال :-ه
طلال :-متى بتطلع ..؟؟؟
احمد :-بكره ان شاء الله
طلال بصدمه :-بكره!
احمد بابتسامه مافارقت وج :-كانت في تحسن وماعلمتني واليوم لقيتها تقدر تمشي وتتحرك والطبيب قال بتطلع بكره بس عطاني دسته نصائح
طلال :-الحمد لله عدت على خير انتبه لكهربا بيتك ولي يسلمك
احمد بضيق يوم تذكر الحادث :-والعمال يا ذكي الي ابلشونا طول رمضان وش كانوا يسوون
طلال بغباء :-ايه صح نسيت
ناصر :- الله يخلف عليك
طلال يقلد صوته :-قم قم خلنا نضف عفشنا لا ننكرش بس
احمد بيقهرهم :-ايه صح ضفوا خششكم بترجع نوارة بيتي بكره
ناصر :-ه ياخي قدر شعورنا على الاقل
طلال :-ه كرشه مالها مثيل
احمد وهو يطلع من المطبخ :-الحمد لله البيت وسيع ويشيلنا كلنا
ناصر :-انا عني بحضر عرس خالد وبرجع تبوك (قالها بكآبه) وماعندي اجازه الا بالعطله الكبيره شفتوا القهر يعني بجلس بشقة الربع لين ارجع
طلال :-وانا برجع بيت الوالد يقولون الوالده تعبانه هاليومين
احمد :-تعبانه
ناصر :-جد
طلال :-ايه تعبانه امس كنت عند ابوي وقال لي انها ماهي بخير الايام ذي
احمد :-شفيها ؟؟
طلال :-مدري
احمد :-لازم نزورها انا انشغلت بزياراتي لسعاد وكلما رحت للبيت ماتجلس معي تسلم خوفا من زعل ابوي وتطلع
ناصر :-نفس حالتي يوم شافتني سلمت علي ببرود مو كني غايب لي اكثر من شهرين
طلال :-هذي امي وهذا طبعها شي جديد يعني ..
احمد غلبته حنيته :-لازم نزورها تراها امنا ...
ناصر :-متى نزورها انا ثالث ايام العيد مسافر
طلال :-انا اصلا بداوم بكره وليلة العيد عشان اقدر احضر زواج خالد بما انه اول عيد
احمد ناظر في ساعته :-شرايكم نتسحر عندهم الليله ترانا مقصرين وما افطرنا ولاتسحرنا عندهم الا كم مره
العيال :-زين
وطلعوا كلهم رايحين لبيت ابوهم...
كل واحد منهم راح بسيارته ، وبعد ربع ساعه كانوا قدام بيت ابوهم ..
نزلوا سوى ...
قال احمد لطلال وهو توه يتذكر :-نوف مالها حس اليوم ما كلمتك
طبعا علاقه نوف تحسنت مع كل اخوانها وصارت ممتازه صحيح انهم مانسوا فعايلها لكنها بالاول والاخير اختهم
طلال وهو يعقد حواجبه :-لا والله مدري عنها ليه مادقيت عليها
احمد :-جوالي خربان
طلال طلع جواله ودخلوا البيت سوى [الرقم المطلوب لايمكن الاتصال به الان فضلا اعد المكالمه في وقت لاحق]
استغرب طلال هالشي
احمد :-هاه كلمتها .؟"
طلال بحيره :-مقفل جهازها
ناصر :-لايكون فيها شي
احمد :-لاتفاول يمكن مفضيه البطاريه ارجع دق عليها بعد شوي
طلال :-طيب
ودخلوا بيتهم قديمــــــــآ


noor 3ini 25-12-2007 12:59

كانت ام احمد تهزء بالشغاله تهزئ وتبرد فيها حرتها ...
الوحده شينه لاتخلوا عنها الناس وما رافقها وصادقها الا المصلحجيات ..
حتى قلبها ماحن على عيالها مدري الحجر اقسى ولاقلبها اقسى..
رفعت نظرها الا وعيالها الثلاثه داخلين عليها الصاله
الكل :-ســـــــــــــــلام
امهم :-وعليكم السلام زين تدلون بيتنا للحين
احمد تكلم عن اخوانه لان طلال حساس وناصر دمه حامي :-انتم بالبال دايم بس مشاغل
امه بقهر :-مشغلتك بنت ناصر عنا
مسك احمد نفسه :-يكفي يمه انك ماتكرمتي وزرتيها مره لو مو عشانها عشاني انا
حقرته :-اللي مايطيع امه يستاهل الي يجيه
احمد برحابة صدر :-كيف حالك يمه سمعت انك تعبانه
احساسها بالمرض ماعجبها وجلست تكابر :-انا بخير
احمد :-اكيد يمه اذا تعبانه قولي لي
غصت بعبرتها ...
ابو احمد :-هلا الشباب هنا
التفتوا العيال لجهته وسلموا عليه
ناصر :-اليوم قلنا لازم نجتمع ونتسحر سوى
احمد قلبه مع نوف :-مابقي الا نويف دق عليها طلول اذا رجلها مو عندها انا اروح اجيبها
طلع طلال جواله ودق مره واثنين وعشره وماردت !
بدت الوساوس تشتغل ...
قام طلال ودق على سعود
طلال :-السلام عليكم
سعود :-وعليكم السلام هلا طلول
طلال :-كيف الحال عساك طيب
سعود :-بخير عساك بخير
طلال :-وعمي شخباره والاهل
سعود :-بخير عساك بخير انت كيف حالك
طلال :-بخير الحمد لله
سعود :-الله يجعله
طلال :-اقول يبو نسب نوف شفيها ماترد على جوالها
قال سعود بهدوء :-نوف تعبت علينا شوي وهي بالمستشفى متنومه
تروع طلال :-مستشفى ؟؟
سعود :-لاتخاف سليمه بكره تطلع ان شاء الله
طلال :-ليه شفيها
سعود :-اجهاض !
طلال :-ايوووووووه
سعود :-اسمع ياليت تعلم الوالده عشان تزورها لانها بتكون محتاجه لها انا كلما حاولت ادق على البيت القاه مشغول او مايرد احد
[طبع ام احمد ماتخليه وهو القرقر بالتلفون والحش بخلق الله]
طلاال يناظر في اهله الي كل واحد يساله عشرين سؤال بوقت واحد
طلال :-خير ان شاء الله مافيه زياره الحين صح
سعود :-لا الوقت متاخر مافيه زياره
طلال :-بأي مستشفى هي ..؟؟
سعود :-بالمستشفى (-----) غرفه رقم 12
طلال :-خير ان شاء الله يالله تامر بشي
سعود :-سلامتكـ
ابو احمد بخوف :-اختك علامها
طلال :-مافيها شي تعبانه ومتنومه بالمستشفى
ابوه :-متنومه ليه!
طلال :-شغلات حريم يبه وبكره بتطلع
ارتاح ابوه :-الحمد لله بس متاكد انها بخير
طلال :-توني مكلم رجلها وهي بخير
ابو احمد يكلم زوجته :-بكره تروحين لها وتجيبينها هنا
ام احمد قلبها يعورها على بنتها ولو انها منقهره منها شوي لانها متغيره وصايره رسميه بزود :-ان شاء لله
احمد احساسه كان في محله :-ان شاء الله تقوم سالمه
طلال :-يارب
دق جوال ناصــــــر وطلعه من جيبه ..
ابوه :-من الي متصل عليك..؟؟
ناصر مستغرب راكان داق عليه اول مره غريبه ..
ناصر :-راكان يبه بن عبدالرحمن
وطلع من عندهم يكلم ..
ابوه :-ونعم الرجل والله
احمد :-وانا اشهد رجال عن ميه
ابوه :-تربية عبدالرحمن الله يرحمه
احمد وطلال :-الله يرحمه
طبعا راكان كان يكلم من مكتبه لانه ترك البيت عشان ضيوف دانه ياخذون راحتهم ..
وبعد ما تحمد له محمد بالسلامه ..فك حلقه عليه وهزئه ()
راكان وهو مسند ظهره لكرسي مكتبه الاسود وبيده قلم يدوره ع المكتب :-السلام عليكم
ناصر :-وعليكم السلام هلا ببو فيصل يالله انك تحييه
راكان :-الله يبقيك كيف الحال
ناصر :-بخير عساك بخير
راكان :-والوالد شخباره عساه بخير
ناصر :-بخير عساه بخير انت شخبارك
راكان :-الحمد لله الاخبار طيبه ...
دخل عليه محمد معه اوراق مهمه راكان :-ثواني ناصر
ناصر :-خذ وقتك
محمد :-انا اشوف الموعد تمام شرايك
راكان :0-اممممممم بدايه شهر 11 تمام خلاص ارسل لهم فاكس بتاكيد الموعد اهم شي هو مناسب لك
محمد :-ايه زين بتكون البنت في بيت رجلها وماشيل همها هي وامي ...
راكان :-اجل توكل على الله
محمد :-ونعم بالله
وطلع
رجع راكان لناصر :-هلا
ناصر :-اهلين
راكان :-اسمع كلمت لك رجال واصل وبيشوف الموضوع يمكن يطول بس اعتبر نفسك منقول
من زين الخبر بغى يغمى على ناصر :- قول وفعل يبو فيصل واردها لك ان شاء الله
راكان :-لو بيدي سرعت نقلك لكن انت عارف انها معجزه انهم يوافقون تنقل هنا بس الصبر وكلها كم شهر وتكونـ هنا
ناصر كان عارف كلام راكان زين وانه مضبوط ميه بالميه يحمد ربه ان فيه امل ينقل ومستعد ينتظر لومية سنه بس اهم شي انه بالنهايه بيجي هنا بين ربعه واهله .
ناصر :-ماقصرت عسى عمرك طويل
راكان :-تسلم يالله تامرني بشي
ناصر :-كفيت ووفيت يبو فيصل
راكان :-هذا واجبي حنا اهل يالله سلام
ناصر :-فمان الله
سكر الجوال وهو مو مصدق ان عقدة حياته انحلت .. والفضل بعد الله لراكان عزالله انه رجال وقدره كل يوم يكبر بعينه .
دخل ناصر يبشر اهله بهالخبر الزين عشان يفرحهم بعد ربشتهم على نوف .
&&&&&&&&&&&&&&
>>>>>>>>بيت راكان
طبعا بعد غياب دام ساعه ^_* نزلت الاخت دانه لهم بمساعده راكان طبعا هالمره ماشالها بس سندها لين نزلت ...
تنحنح راكان عشان تتغطى قمر وبمساعده امها جلست ...
قالت قمر لدانه بعد ماخلى لهن الجو لان العجز فضلن الجلوس بالمجلس العربي بدل الكراسي :-لا والله روميو وجولييت انتي ورجلك
دانه :- انا اشوفك طول الوقت بتموتين ودك تعلقين بس وجود امهاتي ماساعد
قمر :- قسم بالله بغيت ادخل تحت الطاوله حقت المدخل
دانه :-ه ايه الحيا مقطع بعضه
قمر :-والله اني بنت استحي
دانه :- مره
قمر :-من جد ماتخيلت راكان رومنسي ابد
دانه بتعجب :-ليه ؟
قمر :-مدري احسه يخوف
دانه :- راكان يخوف
قمر :-ايه يخوف
دانه :-حرام عليك والله مافيه احن منه علي
قمر وهي تتنهد :-يازين الرياجيل الي كذا القويين وفي نفس الوقت فيهم حنان
غارت دانه :-هييييييييييييييييييه يابنت الشيوخ
قمر :- انا عندي سلطان ومايملي عيني غيره
دانه :-الا شخباره تكلمون بعض
قمر بكآبه :-يكلمني هو بس على فترات
دانه وهي تغمز لها :-تحبينه
حمر وجه قمر :-رجلي لازم احبه
دانه :-سبحاااااااااااان مغير الحال
قمر غيرت السالفه لانها استحت :-اخخخخخخ لو تشوفين كرشة الماسوه تضحــــــــــــكـ
دانه بحب لاختها الكبيره :- يالبى قلبها مشتاقه لها موت شخبارها
قمر :-بخير .. بس تتدلع من الحمل (وطبت وشوي وتطيح بحضن دانه ) بشري مافيه شي ماشيات
كشرت دانه :-مافيه
قمر :-غريبه خلاص بتكملون سنه متزوجين وماحملتي
دانه متضايقه من هالموضوع ومنكد عليها عيشتها :-أي والله غريبه
قمر :-غريب رجلك ذا ماهمه الموضوع
دانه :-قلت له وقال لي لاكملنا سنه وماحملت نروح نسوي فحوصات هو هامه الموضوع بس مايبي يضغط علي شكله مافيه شي وان البلا مني
قمر :-وانتي شدراك
دانه بقهر :-انتي ناسيه انه كان متزوج قبلي اتوقع انه يعرف انه بخير شكل موانع الحمل الي كنت اخذها وانا متزوجه ----- ماثره علي مره
قمر :- للان ماتحبين تنطقين اسمه
ورجع لذاكرة دانه كل شي صار امس ...
دانه بحقد واضح :-ماعلمتك
قمر تحمست :-ايش ..؟؟؟
دانه :-شفناه بمكــــــــــهـ
طلعت عيون قمر من الصدمه :-عزيز
هزت دانه راسها وعلمت قمر بكل شي من الاول لاخر شي صار
......
قمر :-مجنووووووووووووووون
دانه :-ياقهرني قهر
قمر بشماته :-بس وراه راكان قدره
دانه بحب :-ايه الله يحفظه لي لعن خيره
قمر :-قليل الحيا يستاهل (غيرت السيره) هاه طلع فستانك ..
دانه بابتسامه :-ايه يجنننننننننننن لو تشوفينه
قمر تحمست :-قومي وريني ياه
دانه وهي تناظر في رجلها الي تعورها ..
مدت قمر بوزها :-مالقيتي تطيحين الا بجيتنا
دانه :- راكان الله يخليه لي جنني بالمطبخ
قمر تعلق عليها :-الحب يعمي القلوب
ناظرتها دانه بنظره تضحك
قمر :-
وكملن سوالفهن !!

&&&&&&&&&&&&&&
(الجزء الثــــ 3ـــــالث)
(اول أيـــــــــــام عيد الفطر)
كانن البنات مختبصاآآآآآآآآآآآآآآآآآآآآآآآت بين التحضيرات لزواج خالد وبين تجهيزاتهن وبين المعايد..
قالت الماس :-هنادي بالله عليك الحلق طاح بالارض جيبيه
هنادي تستهبل :-متى تنزلين هالحموله وترحميننا
دانه :- حرام عليك
الماس :-هين ياهنوده تجيني بعدين تقولين ببوس ولدك
هنادي نقطة ضعفها الاطفال :-اووووف بدا التمنن
وعطتها الحلق ...
ناظرت دانه في ساعتها وقالت بسرعه :-انا بطلع لايمان ونروح مشغل اشوفكم الليله اوكي (وناظرت في هنادي) تعالي معنا
ارتبكت هنادي وضاق صدرها :-لا انا بروح مع البنات ..
دانه فهمت سبب رفض هنادي ومن بيلومها !
دانه :-براحتك سي يووووووووووووو
وطلعت ...
دقت على راكان
راكان :-هلا يا امسي وباكر هلا يايومي والحاضر
دانه :- هلا بحبيب الروح والقلب والعين
راكان :-اوف اوف اوف كل هذا لي !
دانه بدلع :-كمـ راكان عندي !
راكان :-ه واحد
دانه برقه :-والله يحفظه لي حبيبي انا بطلع لايمان ونروح مشغل سوى حرامـ وحيده
راكان بحب وتقدير :-مايحتاج يالغلا تشوريني في الواجب مع من بتروحين ؟
دانه :-طبعا الاخ المعرس مختفي من صباح ربي يعني بروح مع السواق وحمد اخوي
راكان ببراءه :-اوكي
دانه :-انت وينك ..؟؟
راكان :-بالعمل
عقدت حواجبها :-كاني اسمع صوت سيارات عندك
راكان بابتسامه :-ايه انا برى بموقع عمل
ابتسمت :-طيب انتبه على عمرك
راكان :-مايخالف وانتي بعد
دانه :-ان شاء الله سلام
راكان :-سلام
دقت دانه على حمد تشوف وين راح ...
ماتدري ان راكان سبقها ودق عليه وقال له ما يخلي دانه تشوف خشته ...
انقهرت دانه لها عشر دقايق تدق ومسفا ..
دق راكان على حمد يقول لها تطلع له برى طبعا دانه اكلته بلسانها ...
طلعت برى معصبه لقت راكان ينتظرها ..وتفاجأت..
قالت وهي تضحك :- عشان كذا حمدوه مسفهني
راكان :- لازم نسوي تمويهات
دانه :- احلى تمويهات والله بس كيف ناخذ ايمان
راكان غمز لها وقال :-محمد هناك ونمشي انا وياه سوى وننزلكم زين
ابتسمت :-ايه زين
وركبوا سوى رايحين لبيت محمد ..


كانت ايمان المسكينه مرتبشه وحالتها حاله صحيح ان دانه ساعدتها كثير في تجهيزات الزواج بحكم ان سنهم واحد وان دانه زوجة راكان صديق اخوها الروح بالروح
خمس دقايق من تفكيرها في دانه الا هي وداخله عليها بعد ما استاذنت ..
ايمان وشوي وتصيح :-دانه جابك ربي شسوي
هدتها دانه وقالت :-رتبتي اغراضك
ايمان وهي ترجف :-ايه
دانه بهدوء:- الفستان واكسسوارته جهزيته
هزت ايمان راسها ..
بعد ربع ساعه شيكت دانه على الاوضاع ولقت ايمان ماشيه بنصيحتها ومرتبه اغراضها صح ..
قالت دانه :-راكان برى ينتظرني ............
قاطعتها ايمان وهي شوي وتنهار :-لاااااااا لا تتركيني
دانه ماقدرت تمسك نفسها :- خليني اكمل محمد برى عنده انتي روحي معه وانا مع رجلي ونتقابل بالمشغل
ايمان وهي حاطه يدها على قلبها :-اشوا حسبتك بتجحديني
دانه :-ه لا لاتخافين انتي مرة الغالي واخت صديق الغالي
ايمان كنها هدت شوي :-ه طيب
وطلعت دانه وايمان معها اما ام محمد بتروح لجمعة عجايز العيله ببيت ابو خالد..
**




طبعا نروح لنوف الي اجهضت قبل خمس ايام...
كانت نوف نايمه على سريرها ودبدوبها بحضنها وتمسح دموعها ، دموع سوء احوالها وسوء نصيبها وحياتها الشينه .
والقهر انها ماراح تحضر زواج خالد الليله لانها تعبانه وماطابت من الي صار لها ..
دق باب الغرفــــــهـ
نوف وهي تمسح دموعها :-ادخل
دخلت رنا الغرفه ومعها صح شوربه :-هاه الحلوين صحوا من النوم
ابتسمت نوف :-مارحتي للحين للمشغل
رنا وهي تحط الصحن على الطاوله :-تونا بدري الساعه خمس العصر
نوف وهي تجلس :-لابدري ولاشي على بال ماتروحين وتتجهزين يبيلك ساعتين على الاقل
رنا :- تكفين من بيناظر في وحده مثلي
نوف :- توك بطنك ماكبر
ناظرت رنا في الكرشه الصغنونه :- بزود .
نوف :-وين امي !
رنا وهي تحط الصحن قريب من اختها :-مدري عنها
نوف :-مو حاضره الزواج
رنا :-لا ماراح تحضر ابوي عياا عشانك
نوف بدون اهتمام :-عادي لو تبي تروح الشغالات موجودات
رنا متروعه :-مجنونه انتي كيف تجلسين في بيت بلحالك
نوف :-عادي وش بيصير لي يعني اعتقد كل شي شين صابني
حزنت رنا على حال اختها والي لولاها ما جت وجلست عند اهلها وتحملت تلميحات امها وكرا لفهد عشان امه وسالفتها القديمه
قربت رنا من ختها وظمتها
سالت دموع نوف غصب ... دموع الاحباط ودموع الالام الي تحس فيها بجسمها ..
دق جوالها ناظرت الرقم وحذفت الجوال على جنب للميه الالف ..
قالت رنا بهدوء :-نوف الهروب مو طريقه لحل أي خلاف
نوف وهي بحضن اختها :-مابي اسمع صوته ابي انساه
مسكت رنا نوف مع كتوفها وقالت بحنيه :-قلبي انا معك في ان وضعك مو زين وزواجك من الاساس غلط انتي دخلتي بحياة سعود وسعود مافي قلبه غير الماس صحيح انه يحز بقلبي تتطلقين لكن هذا هو الحل السليم انتي توك صغيره وحلوه والمستقبل قدامك
نوف بياس :-أي مستقبل منو الي بيناظر في مطلقه
عصبت رنا من هالمنطق :-كل واحد ينكتب في لوحه قبل لاينولد وش نصيبه بهالدنيا وكلي امرك لله وفكري في الحاضر والمستقبل خليه يجي بـ الي هيبه
رجع سعود يدق عليها وناظرت الجوال وفي عينها نظرة تردد...
ابتسمت لها رنا تشجعها واشرت لها ماتطول بالمكالمه عشان ماتبرد الشوربه !
بصوت يرجف :-الو
ضاقت اخلاق سعود والي قهره انها ماترد على اتصالاته ومن كثر ماهو شايل همها يحس بشي يطبق على انفاسه :-نوووووف مو معقوله كذا ماتردين على مكالماتي من يوم ماطلعتي وانتي رافضه تكلميني
نوف وهي حاطه يدها على فمها تكتم عبراتها وشهقاتها
تكلم بهدوء :-نوف انتي معي
نوف بهمس :-ايه
سعود :-انتي بخير
نوف بهمس :-ايه
سعود وهو يتنهد :-ورى ماتردين علي طيب
استجمعت شجاعتها وقالت :-سعود طلقني
كان سعود حاس انها تبي الطلاق من طريقه كلامها ووتقفيلها لجوالها طول الوقت وان كان مفتوح ماترد على رقمه هو ، عارف ان الموضوع مؤلم له ولها وان الشياب لو يشمون خبر ذبحوه وحاولوا يمنعونه بأي طريقه
سعود :-متاكده من قرارك
نوف :-انا وانت مانصلح لبعض ابدا ثم انت من البدايه ماتبيني وانا ابي انسى كل الي صار ياليت تطلقني في اسرع وقت ولا يدرون الشياب
قال يودعها الوداع الاخير :-انتبهي على نفسك وسامحيني
نوف وصوتها متقطع :-وانت سامحني
سعود :-الله يسامح الجميع ، مع السلامه
نوف انزلق الجوال من يدها ..
ثواني الا رنا راجعه لها عارفه ان نفسيتها زفت وانها ضعيفه معنويا وجسديا وما تنترك بلحالها
جلست رنا جنبها تخفف عنها وترفع معنوياتها قالت نوف وهي تمسح دموعها :-انا سويت الصح وماني ندمانه
ابتسمت رنا وهي تمسح دموعها :-الله يكملك بعقلك
قالت نوف وهي تحاول تلطف الجو :-يالله روحي دقي على رجلك يجي يوديك المشغل الساعه خمس ونص
رنا (تمزح) :-يارررربي تصرفني
نوف :-ه لاتخلينها تطق براسي واروح
طلعت عيون رنا :-خلاص بروح اجهز نفسي ..
حبتها على خدها وطلعت..
رجعت نوف تنام ...
صحيح ان الطلاق مو سهل ومؤلم بس هذا هو الشي الصح الي المفروض مسويته من زمان وبتنسى مع الايام هالواقع المؤلم !


noor 3ini 25-12-2007 01:05

قاعة الزواج<<
الســــــــــاعه 10 ونص بالليل
----->>>قسم الرجال
كانت قاعتهم مليانه بالضيوف والمباركين الي جايين يباركون لخالد هالزواج..
وكانوا الشياب مبسوطين رغم تحفظاتهم لان العروس من برى العيله ...
لكن سمعه محمد وابوه قبله شفعت له عنهم ..
ابو خالد :-ما رديت على الرجال
ابو سعود كان فاهم قصد اخوه :-لا
انصدم ابو خالد :-ماهي زينه بحقنا وحقه اذا ماتبي الرجال علمه خله يشوف نصيبه
ابو سعود وهو يعدل نظارته المربعه :-الرجال والنعم فيه
ابو خالد :-طيب وش المشكله
ابوسعود :-انا ابي بناتي ياخذن من عيال عمهن
ابو خالد :-يا ناصر لاتقطع في نصيب البنت اذا الرجال طيب وصدقني لو تاخذ من عيال عمها ويطلع مافيه خير قرابته ماراح تشفع له وتنجح علاقتهم
ابو سعود :-يعني شقولك
ابو خالد :-توكل على الله محمد رجال والنعم فيه ولو خاطب وحده من بناتي ماترددت لحظه وبعدين هم صاروا من العايله الحين
ابو سعود وهو يفكر :-يصير خير انا عني ماظن عندي اعتراض عقب اليوم باقي راي هنادي
ابو خالد :-الله يقدم الي فيه الخير
ووقفوا يسلمون على دفعه جديده ...
>
>>>> قاعه الحريم
كان صوت الـ Dg مالي القاعه الي تالقت الوانها بين الموف والرمادي وكانت من روعتها وكانها شي خيالي وحلو ...
وكله كوم وكوشة العروس كوم ... طبعا الكوشه كانت هدية منال وقمر للعروس وكانت روعه وكانها هلال مايل بسما سودء كلها نجوم ملونه شي رومنسي حيييييييييييييل ...
قالت الماس لدانه الي نازله من غرفه العروس وذيل فستانها ماسكته عشان ماتطيح :-هاه خلصتوا
دانه وهي تهوي وجا :-ايه خلصنا بس تونا بدري الزفه بتكون متاخره
الماس عدلت جلابية الحمل الفخمه الي كانت لابستها وقالت :-الاخ خالد منبه علينا مانتعدى الساعه 11
طلعت عيون دانه :-مجنون 11 بدري اجحديه ماعليك منه
قالت الماس وهي تناظر في مكياج اختها الفخم وشعرها الي رافعته ومدخله فيه ورد كموني مثل لون فستانها الحريري الروووووووعه :-قريتي على عمرك
دانه بغرور :-طبعا تبين الناس ينضلوني
الماس :- لا ومغروره بعد
دانه :-ه
قاطعتهم هنادي الي كانت كاشخه هي بعد :-ابشركم سعاد وصلت
انهبلت الماس :-هين اوريها تقول لي امس يوم كلمتها مو جايه
هنادي :-ه وانا بعد
وبعد خمس دقايق جتهم ..
[سعاد عقب ماطلعت من المستشفى ماخلاها احمد تتعب ابدا ولا تلمس شي بالبيت ومدلعها على الاخر وهالشي ساعدها كثير وارتفعت روحها المعنويه وصحتها تحسنت رجع وجا يشرق واللمعه الي بعيونها والي تسحر احمد دوم رجعت تطل ، ورغم انها ماتشافت مره الا انها احسن بكثيرررررررر من قبل واليوم ماقدرت تفوت حفل اهلها وفرحهم فقررت تحضر ويالله اقنعت احمد]
سعاد :-هاااااااااااي
البنات :-اهلين هلااااااااااا
الماس :-لا والله هذي الي مو جايه
سعاد :-ه شسوي يالله اقنعت احمد
>>وحمر وجا مفضوحه
انتبهت دانه لها وقالت تستهبل :- اجل اقنعتيه
قب وجه سعاد :-دانوووووووووووووه
رفعت ايدينها دانه وقالت :- اعوذ بالله سكتنا انا بروح لمرة اخوي تعالي هنوده
وراحت هي وهنادي
قالت سعاد وهي تجلس :-بسرعه انطقي بقولك خبر بمليون ريال
جلست الماس :-شفيه
سعاد :-نوف ما تبي سعود
الماس مايخبي عنها سعود شي عشان كذا ماتفاجأت
قالت سعاد تستهبل :-ه نسيت انك مرة اخوي واخوي مايخبي عنك شي
الماس :- انا مو حشريه الا في هالموضوع صحيح اني راحمتها بس الرحمه شي وانها تكون على ذمة رجلي شي
سعاد وهي تاخذ لها كوب عصير :-معك حق انا لو مكانك كان انجنيت
الماس :-لاجل عين تكرم مدينه
سعاد :-معك حق ..
الماس :-هاه وش اخبارك ؟
سعاد :-اخباري زينه مره الحمد لله انا واحمد مانقدر نستغني عن بعض وهو اثبت لي محبته الله يخليه لي
الماس :-قلت لك قبل بس العناد مشكله
سعاد :-ه يالله العناد بهارات الحياه
الماس :- مو أي بهارات ، بهارات هنديه
*
الساعه 12 ..
انزفت ايمان الي كانت متالقه في فستان سكري نافش وله ذيل طويل مطرز بالذهبي ، الفستان كان مميز بالحيل وملفت للانتباه ..هذا طبعا غير الميك اب الخليجي الروعه والي مطلعها غير عن ايمان النعومه ..
ابتسمت للمصوره الي قاعده تصور الزفه بالفيديو وحولها الفرقه الي ترقص بزفتها ..
كان قلبها يرجف مره ويدينها ماسكه الباقه بقوه من التوتر ، ماطمن قلبها الا خوات خالد وامه وبنات عمه الي كانن طيبات حبوبات معها..
جلست على الكرسي الخاص فيها وبعد التصوير والرقص والوناسه ..
انزف عليها خالد ومعه ابوه واخوها محمد ...
مانزلت عيون خالد عن ايمان الي منزله راسها من الحيا ...
لما وصل عندها حبها على راسها ..
وقفت ايمان وسلمت على عمها ابو خالد وعلى اخوها محمد
طبعا محمد مو معجبه الجو ولا مرتاح ..والي زاد توتره ان هنادي قريبه هو متاكد بس مايدري وينها بين قاعه مليانه بحريم متغطيات كليآ
بارك لاخته ولزوجها بسرعه :-خالد لا اوصيك على ايمان
خالد وهو يقزها قز :-افا يبو حميد ايمان بالعيون
حمر وجا وهي تسمع كلامه ..
وطلع محمد ...
كشفن خواته وسلمن عليه ...
وبعد التصوير والمباركه طلعوا من القاعـــــــه

&&&&&&&&&&&&&&
>>>>> اليوم الثاني
>>>>بالسياره
دق جوال محمد :-هلا
ابو سعود :-السلام عليكم
استغرب محمد الصوت :-وعليكم السلام
ابو سعود :-انا ابو سعود
كأن مويه بارده منكبه على راس محمد وتوتر مره .:-هلا يبو سعود وعليكم السلام
ابو سعود :-كيف الاحوال وشخبار الوالده
محمد :-بخير عساك بخير
ابو سعود :-انا مكلمك عشان اقولك ان البنت وافقت عليك وشف اليوم الي يناسبك عشان الفحوصات
من ذهول محمد بهالخبر ماقدر يتكلم ..
كمل ابو سعود :-السموحه منك يا ولدي انت عارف الظروف الي مرينا فيها والي اخرت ردنا
محمد شوي ويتشقق بس مسك نفسه لايروح هيبته :-معذور يبو سعود ومالي راي عقب رايك
ابو سعود (تندم على كل ثانيه تردد فيها على تزويجه) :-ماتقصر يا ولدي .. وخير البر عاجله
ماصدق محمد خبر :-ان شاء الله انا عني بروح بكره واسوي الفحوصات
ابو سعود :-خير ان شاء الله اجل البنت بتروح بكره بعد يالله تامر بشي
محمد :-سلامتك
ابو سعود :-الله يسلمك مع السلامه .
سكر ابو سعود من هنا ودق محمد على راكان من هنا ...
قال راكان بسرعه :-اليوم مافيه دوام لا تجلس تنق على راسي كاني متزوجك
محمد :- لو انت متزوجني انتحرت
راكان :-ه غريبه الاخ المحترم يمزح هالمزح صراحه سرقت مني متعتي شلون بحرق دمك بعدين
محمد :-الله يقطع ابليس اسكت شوي بعلمك بشي
راكان :-تهزيئه محترمه شعندك
محمد :-بعرس
راكان :-هااااااااااااااااااه
محمد :-اقول لك بعرس
راكان :-على من ؟
محمد –راكان علامك فاقد الذاكره على بنت عم حرمك المصون
انهبل راكان :-من جدكـ..؟؟
محمد :-والله تو ابوها مكلمني
راكان :-على البركــــــــــــــــــــه صبرت ونلت
محمد :-الله يبارك فعمرك عقبال ما نبارك لك بجية فيصل
راكان :-ان شاء الله
محمد :-يالله باي انا قدام بيتنا بنزل ابشر الوالده
راكان :-ه طيب
نزلت دانه من فوق تتهبد ...
عرف راكان شعندها وجلس يضحك ..
انقهرت دانه :-دررررررررريت
راكان :-ه ايه
تربعت دانه جنبه :-وش انطباعات صديقك
راكان :- مستخف وراح يركض يبشر امه
دانه :-ه ياحليله الله يوفقهم
راكان :-امين
>>>>>>>بيت ابو سعود
كانت منال وهنادي يرقصن بالغرفه مبسوطات ..
منال (تبي تحرق دم هنادي) :-اخيراااااااااااااا بتطسين عني
حذفتها هنادي بالدبدوب :-قليله الخاتمه
منال :- امزح وربي بالله هنوده عيدلي المشهد يوم ناداك ابوي
هنادي :-ه شوفي كنت طالعه من المطبخ اكل ايس كريم وناداني ابوي لغرفته انا طاح قلبي قلت شمعنى الغرفه اكيد شي كايد لا وقال لي نادي امك وتعالي معها
المهم ناديت امي ورحنا وجلست قال لي ان محمد خطبني ويبي رايي عاد انا بغيت انهار من الصدمه لاني سمعته مو موافق مدري شغير رايه وبس
منال :- اكيد قال خلني افتك منهالعلتين انا وانتي مره وحده
هنادي :- يمكن
دق باب غرفه هنادي وفتحته لينه ابوها ..
قال ابوها :-بكره الصبح تجهزي عشان تروحين المستوصف تسوين فحوصات الزواج
استحت هنادي .. وماردت بس هزت راسها وطلع ابوها
منال :- وجهك انقلب 180 درجه وين الي ترقص تو
هنادي :- انطمي والله قلبي يرقع
منال :-ه
هنادي :-شعليك محلله وخالصه
منال :-تستاهلين تذكرين يوم استقعدتي لي ذيك الايام وهبلتي فيني
هنادي :0ه شررانيه انتي مايضييع لك حق
منال :- اعجبك؟
دخل سعود بيت ابوه ونسخه ورقه الطلاق بيده والنسخه الثانيه نزلها عند نوف ..
طبعا عمه باين انه حزين لكنه كان متعايش معهم الوضع وعارف ان نوف رافضه نهائيا مناقشة الموضوع وعارف ان سعود بعد مايبيها وانهم ظلموه بهالزواج وظلموا نوف معه
فاجاه ابوه :-وين زوجتك؟
حلت اللحظه الحاسمه
قال سعود :-يبه انا طلقت نوف
انصدم ابوه :-هاااااااااااااا طلقت نوف
سعود :-ايه طلقتها
انهبل ابوه :-ليه طلقتها هذي بنت عمك يالرخمه
سعود بضيق :-وعشانها بنت عمي طلقتها يبه فكر فيني وفيها البنت تعبانه نفسيتها من وضعنا من حياتنا وانا تعبان بعد وابي ارتاح
ابوه :--------------
سعود وهو يرفع الورقه :-الطلاق وتم وارسلت نسخه لنوف ياليت تكون متفهم مثل عمي نايف عارف ان الطلاق صعب علينا كلنا لكن انتم الي حطيتونا في هالموقف وهذي النتيجه ولوسمحت يبه لو بقلبك لي معزه لو قليله تسكر اهالموضوع نهائيا لان رجعه ماني مرجعها تحملني بس هاليومين لين يجهز بيتنا ونرجع له
سكت ابوه مايدري شيقول صحيح انه منقهر من تصرف ولده بس نظرة سعود مصممه وماراح يثنيه شي ..
سعود :-بالاذن
وطلع غرفته !
فتح الباب ووج منشرح نوعآ ما بس فيه لمحة حزن ..
ناظرته الماس بتمعن :-سعود صاير شي
مد عليها الورقه
اخذتها وهي مو فاهمه شي وقرتها ، قالت بفرحه :-طلقت نوف
سعود :-ايه
قالت وهي تطوي الورقه وتحطها على الطاوله :-لاتحسبني قاسيه ومابقلبي رحمه ................
قاطعها :-انتي قاسيه لاحشــــــــــــــا والحشا عن الف يمين انتي لو يجمعون طيبة العالم ماجت قطره من طيبتك
ابتسمت بدموع :-الله لايحرمني منك
كمل وهو يمسك يدها :- نوف الله يرزقها بالزوج الصالح اطوي هالصفحه وخلينا نعيش حياتنا تراني تعبت من المشاكل ومابقى فيني حيل
ابتسمت له الماس :-الله كريم



>>بعد اسبوعين <<
كانت الانوار تشع من بيت ابو سعود في ملكة بناته الثنتين منال وهنادي ..
لقاها حلوه انه يملك لطلال بعد معهم عشان كذا دق على محمد واخذ اذنه ومحمد وافق وماعنده أي مانع لانها ملكه مو زواج
قالت دانه لهنادي :-هنوده الاخ مرتز تحت ينتظر احترق جوالي من كثر مايدق راكان علي .
كانت هنادي كاشخه بس ترجف من الخوف لانها اول مره بتشوف محمد فيها بدون قيود لانه زوجها الحين
هنادي :-هاه زين شكلي
ناظرت دانه فستانها التايقر الروعه وشعرها الناعم :-تهبلين بس يالله مالك داعي تتاخرين
هنادي :-دانه انا ميته خوف
دانه وهي تبتسم :-عادي الخوف لازم بس كوني قويه ولا جلستي جنبه بيروح الخوف
هنادي :-الله يكون بالعون .
دانه :-ه اخلصي الاخت منال مرتزه مع حبيب القلب طلال تحت وفالتها
هنادي بحقد :-منال مراح تتزوج الا عقب الجامعه مو مثلي مدري متى يبي العرس
دانه :-الحين هذي الي صاجتني طول عمرها تبي العرس
هنادي :-يووووه لاتصدقين ترى كله كان مزح
دانه :-ه طيب
ودق جوالها !
ناظــــرت في هنادي الي ضحكت :- طيب يالله ننزل ..
ونزلــــــــــن البنات ...
وكان الكل مجتمعين يهنونهم والوناسه تعم المكان والافراح ماليه البيت

[هذي اخر افراحكم يابيت ابن سبع والله يعينكم على المقبلات]

لقت هنادي ايمان توها واصله من شهر العسل الي قطعوه عشان ملكة اخوها ..
ايمان :-هلاااااااااا وغلاااااااااااا بمرة اخوي
هنادي حمر وجا لان الكل مجتمعين :--هلا فيك
ايمان :-الف الف مبروك
هنادي بابتسامه خجوله :-الله يبارك فيك
دق جوال ايمان لينه رقم محمد ، قالت لهنادي :-اخوي مسوي ازعاج ،دانه وين ننروح
دانه :-مجهزين الصاله الثانيه بنسبقه هناك
ايمان وهي تعلم محمد بالتفاصيل ..
دخلن البنات الصاله وجلست هنادي ورزت عمرها ^_* لبست دانه عبايتها ودخل محمد كانت يد هنادي ثلج وهي متمسكه في دانه ...
حب محمد على راسها وقال :-مبروك
كانت هنادي منزله راسها ومايشوف محمد غير هدب عينها الطويل همست :-ويبارك فيك
جلس جنبها وهو متمسك في يدها وما عنده نيه يتركها .
دخلن امه وامه سعود وسلمن عليه ..ودخلت ايمان وسعاد وباركن ثم طلعن .. وطلعت دانه معهم وبقوا بلحالهم .
طلع محمدهديه بجنبه وفتحها :-هذي هديه بسيطه ياليت تعجبك
ابتسمت:-تسلم .
ابتسم :-ورى ماترفعين وجهك وتناظريني
استحت مره ، حط يده على ذقنها ورفع وجا وطاحت عينه بعيونها كانت اجمل من ذيك المره الي شافها فيها .. ملامح مملوحه بشكل ما ينوصف ..
جلس محمد يسولف معها ويسحبها في السوالف لين نوعا ما بدت تتفاعل معه وتبتسم وترد عليه ومادرى ان لهم ساعتين يسولفون سوى .
قال محمد :-تدرين اني بسافر عقب اسبوعين لندن
هنادي :-ايه دانه قالت لي
محمد :-انا ابي زواجنا بعيد الاضحى يمديك تجهزين نفسك
ولع وجا ...
ابتسم وقال :-ماسمعت ردك ؟
هنادي بحيا :-اظن يمدي
محمد استانس :-خلاص اجل الزواج بيكون بالاضحى يمديني ان شاء الله ارجع من السفر الموضوع ماراح ياخذ غير شهر بالكثير
هنادي :-تروح وترجع سالم
محمد وهو يوقف :-الله يسلمك تامرين بشي
وقفت :-لا ابي سلامتك
محمد بابتسامه وهو يمد عليها بطاقته :-هذي كل ارقامي الخاصه والعامه خذيها
اخذت البطاقه
قال وهو يمسك يدها :-اتمنى ماتحرميني من صووتك وانا ان شاء الله بزورك قبل لا اسافر
استحت :-ان شاء الله
حب يدها وطلع ...وجلست على اقرب كرسي دخلت عقبه دانه طياري :-هااااااااااااااه شصار
هنادي ارتاعت :-بتموتيني ناقصه عمر
دانه :- لا ما ينخاف عليك هاه شالانطباعات
هنادي وهي ترفرف برموشها :-يهبللللللللللللللللل يادانه ذوق ذوق ذوق
تحمست دانه :-بالله
هنادي :-والله
دانه :-اتفقتوا على موعد العرس
حمر وجه هنادي :-ه بعيد الاضحى
طلعت عيون دانه قدام :-عقب شهرين يعني
هنادي :-ايه
دانه :-مايمديك .
خزتها هنادي :-حلفي بس على الاقل اصرف من الي تزوجوا في شهر ونص
دانه :- طيب شهرين حلوه استانستي
هنادي :-ايه كذا تمام
ودخلن عليهم البنات في هاللحظه ..وتعالو شوفوا الوناسه والازعاج
××
>>>>>> عقب اسبوعين
>>في شركة راكان <<
قال راكان لمحمد :-هاه جهزت ياولد ترى الطياره عقب ثلاث ساعات
محمد وهو يرتب الاوراق المهمه بالشنطه :-ايه جهزت وجمعت الاوراق الي راجعها المحاسب والمسؤول
راكان :-طيب يالله مشينا عشان تسلم على الوالده مامعنا وقت
محمد بحزن :-والله باين عليها انها ماتبيني اسافر
راكان تضايق :-قلت لك انا مستعد اروح مكانك
محمد بتصميم:-انت سافرت قبل ماليزيا برحلة عمل واخر مره سافرت وانت توك عريس يعني الدور دوري
راكان :-خلاص براحتك
وطلعوا من الشركه

<<<<<بعد ربع ساعه
دخلوا بيت محمد الجديد الي شراه جنب بيت خالد عشان ايمان ماتبعد عن امهم .
جلس راكان بالمجلس ودخل محمد البيت ...
كانت ايمان طالعه من المطبخ معها قهوة العصر
ايمان بابتسامه :-اهلين بحمودي
ابتسم محمد :-هلا وغلا وين الوالده
ايمان :-بغرفتها تصلي العصر
محمد :-بروح لها حطي القهوه بالصاله بشرب معها فنجال قبل لا اسافر
اكتئبت ايمان :-خلاص نويت
محمد :-ان شاء الله
ايمان :-تروح وتجي بالسلامه
محمد :-الله يسلمك
وراحت ايمان للصاله ومحمد راح لغرفه امه ..
نادى :-ايمان ترى راكان بمجلس الرجال انتبهي
ايمان :-ان شاء الله
دخل محمد غرفه امه ولقاها جالسه كالعاده على الارض تصلي ومحنيه راسها ومكتفه يدينها
ابتسم وجلس وراها ...
دقيقه...دقيقتين...ثلاث وماغيرت وضعيتها
راسها منحني مسند لصدرها ويدينها مضمومه ...
لحظة رعب مرت على محمد ؟؟؟جمد بمكانه مايدري شيسوي
طاح على ركبه جنبها ولمسها وطاحت من مكانها على جنبها لكنه مسكها كانت بارده لكن النور نور الايمان ساطع من وجا ..
هزها محمد بعدم تصديق :-يمه يمه
عرف انها سلمت روحها لخالقها ..سكر عيونها وضمها لصدره ولاول مره تنزل دموعه ، ضمها بقوه وهو مو مصدق انها تركتهم وماتت ..
تباطتهم ايمان واخذت قهوتها وجت لغرفه امها تعرف امها ومحمد لاتقابلوا يسولفون ويسحبون عليها ...
دفت الباب برجلها ودخلت ..
كانت محمد جالس على ركبه على الارض وامه بحضنه ويبكي ..
وقف شعر راس والبروده انتشرت بجسمها ما استوعبت شي للحين ...
ولما دماغها حلل هالوضع طاحت صينية القهوه من يدينها وصرخت بصوت عالي :-يــــــــــــــــــــــــــــــــــمه
وطاحت جنب اخوها تصيح :-يمه يمه قومي يمه قومي
جلست تبكي بقوه ضمها محمد وجلس يبكي معها ..
ايمان وهي تحط راسها على صدر امها وتتمسك فيها :-يمه تكفين لاتتركيني يمه مالي غيرك
رمى محمد عقاله وتلطم بشماغه مسح دموعه وقال لايمان :-ادعيلها بالرحمه
صرخت :-هذي امي امي يامحمد
محمد :-وامي يا ايمان
كملت صياحها وهي متمسكه فيها بقوه

&&&&&&&&&&&&&
سمع راكان صياح وصراخ ارتبش وده يدخل بس ايمان في البيت ..
دخل خالد وجابه الله
خالد بابتسامه :-هلا ببو نسب
راكان كان مرتاع :-خالد انا اسمع صراخ بالبيت شف وش السالفه وطمني
رمى خالد كاب العسكريه وركض داخل ...ونادى :-ايمان
ومحد رد شاف باب غرفه عمته مفتوح ويسمع صوت بكا داخل اوجعه قلبه ومشى للغرفه وشاف محمد يشيل امه ويحطها على سريرها ويغطيها وايمان متمسكه فيها وتصيح ..
انصدم صدمه كبيره .. ومسك نفسه عشان ايمان في حاجته .
دخل صرخت ايمان :-خالد امي ماااااااااااااااااااااااااتت
وركضت لحضنه وضمته ظمها بقوه وقال يهديها :-هذا المقدر ادعيلها بالرحمه
ايمان تصارخ :-لا لا لا هذي امي
خالد تضايق مره :-خلاص يا ايمان اذكري ربك
ايمان كملت صياحها في حظنه ...
طلع محمد وكان راكان واقف يروح ويجي بالمجلس ..طاح قلبه وهو يشوف محمد متلثم بشماغه وعيونه حمرا
راكان وهو يسرع له :-عسى ماشر
محمد بصوت متغير :-الوالده توفت
انصدم راكان :-انا لله وانا له لراجعون شد حيلك ياخوي مقدر ومكتوب
محمد :-ونعم بالله
راكان كانت ام محمد بحسبة امه وكان لها معزه بقلبه وخبر وفاتها هزه مره
طلع محمد جواله ودق على الاسعاف ...
بعد نص ساعه كانوا بالمستشفى ..يخلصون الاوراق وينتظرون تقرير الطبيب الشرعي عشان يوقع لهم على شهادة الوفاة ويقدرون يدفنونها ..
كان راكان مع محمد خطوه بخطوه ومافارقه دقيقه يشد من ازره ويرفع معنوياته وخالد انهارت عليه ايمان وجلس معها في البيت ..
قال الطبيب لمحمد :-الشهاده راح تصدر بكره لان الطبيب معه اجازه اليوم
عصب محمد :-اكرام الميت دفنه ترى كلها شخطة قلم
حط راكان يده على كتف محمد وقال :-لا تتنرفز الحين يجي يوقعها ورجله فوق رقبته
طلع راكان جواله وكلم له واحد .......
مامر ربع ساعه الا الطبيب الشرعي جايهم ...
وبعد ساعتين انتهت المعاملات وصاروا يقدرون يدفنونها ..
قال راكان بحزن :-نصلي عليها العشا ولانخلي صلاتنا الظهر
محمد وهو ضام وج بين يدينه :-مدري مدري
هز راكان راسه واستلم زمام الامور واجل الصلاه للظهر عشان يكون عند الجميع خبر ويقدرون يتواجدون في الصلاه عليها .
طبعا الكل استقبلوا الخبر بالدموع والصدمات ...
صحيح ان الموت رحمه لها وحد من العذاب الي كان يقتلها بالدقيقه والثانيه لكن فراق الغالين مو بسيط ومؤلم حيل !


noor 3ini 25-12-2007 01:13

اليوم الثاني)
اجتمعوا الكل ببيت محمد عشان يقومون بواجب العزاء ..
بينما الرجال في مسجد الراجحي يصلون على ام محمد
بعد ساعه رجعوا ..
كان البيت هادئ بشكل مؤلم والمعزين مالينه ..
وقف راكان وخالد وعيال عمه مع محمد في عزاه ومافارقوه ..
قال محمد وهو يداري دموعه عن الكل :-راكان الصفقه
انهبل راكان منه :-انس
محمد :-مجنون انت وفاة الوالده ماراح تكون عائق انا بسافر عقب العزا
خزه راكان بنظره :-اسكت احسن لك انت الظاهر انهبلت شغلي مو اهم منك ومن حزنك
محمد عند :-لو امي عايشه مارضت على الي نسويه هذا شقا سنين لانجادلني ياراكان يكفي الي فيني
نزل راكان راسه يفكر وقال :-خلاص انا بحجز بعد العزاء وبسافر
محمد كان بيعترض بس نظره من راكان سكتته ..
ومرت الايام الثلاثه الخاصه بالعزاء على نفس الروتين ..
معزين من برى الرياض ومن داخله رايحين وجايين ..
كانت هنادي واقفه وقفه مع محمد ماراح ينساها لها طول عمره .. كانت بكلامها الطيب وتعاملها تواسيه وتطيب خاطره وقلبه المجروح وكانت قايمه بواجب العزا في بيته على اكمل وجه

&&&&&&&&&&
>>>>>>>>> بيت راكان
قالت دانه لراكان :-متى بترجع
راكان كان جالس على السرير يرتب اوراقه :-ان شاء الله بعد شهر
طاح قلبها :-شهر
راكان :-ايه شهر هذي صفقة العمر سنين وسنين وحنا نشتغل عليها الحين فاتنا الاجتماع الاول والله يعين
اكتئبت :-طيارتك الفجر صح
ابتسم :-ايه شفيك دندون ماهي اول مره اسافر فيها
دانه :-صح مو اول مره بس هالمره بتتغيب عني شهر
قال والحزن الي بمحمد ماثر عليه :-الي يغيب فتره محدوده ارحم من الي يغيب العمر كله
عصب دانه وبدون شعور جلست تبكي ...
راكان :-افااااااااااااااااااا
قالت وهي تضم يدينها :-لاتقول هالكلام مره ثانيه فاهم ابدآ مابيك تعيده
هداها راكان :-طيب يالغاليه لاتبكين والله بدون قصد قلتها
ضمها وجلس يهدي فيها ....
مسحت دموعها وقالت له :-اذن لصلاه العشا رح صل
وقف :-ان شاء الله
وطلع للمسجد يصلي ...
مسك باب سيارته وجلس يفكر...ويفكر ويفكر
ليه يحس انه الليله بيفارق دانه للابد..ليه يحس بقلبه يتقطع .. وانفاسه تضيق ..
ركب سيارته وهو متضايق .. ومالقى نفسه الا قدام مكتب المحامي حمدان ..
طلع ورقه وكتب فيها كلام ثم طواها ودخل المكتب ..
راكان :-السلام عليكم
ارتبش المحامي :-وعليكم السلام ياهلا وغلا الشيخ راكان بنفسه عندنا
ابتسم راكان وجلس :-كيف الاحوال
حمدان :-بخير
قال راكان بدون مقدمات :-حمدان بعطيك ورقتين وابيك تشيلهم عندك لاصار لي شي توصلها للمعنيين واساميهم على الظروف من ورى ..
وطلعها من جيبه ومدها على المحامي
المحامي ذا عمره مافهم راكان ولافهم طبيعة تفكيره
قال :-ابشر غيره
راكان وهو يوقف :-لا ابدا ولاشي بس انتبه للامانه
حمدان :-لاتوصي يبو فيصل
راكان :-هذا هو العشم يالله نستاذن
حمدان :-وين بدري ماضيفناك
راكان :-مره ثانيه ن شا الله وراي سفر اليوم
حمدان :-توصل بالسلامه
راكان :-الله يسلمك
وطلع من عنده ....دق عليه محمد :-وينك ..؟
راكان :-راجع البيت فيه شي
محمد :-لا بس انا انتظرك هناك نسيت موعدنا
في غمرة شكوكه وطوشة احساسه نسى محمد
راكان :-يالله انا قريب من البيت
وسكر الخط..
وصل راكان لبيته لقى محمد بالمجلس والقهوه عنده
راكان :-سلام
محمد :-وعليكم وينك
راكان :-كان عندي مشوار مهم وخلصته
محمد ماتكلم بس تصرفات راكان ماعجبته ...
محمد :-اذ تبيني اسافر سافرت لسى فيه وقت
راكان :-الحجز تاكد انس الموضوع
محمد عرف راكان لاعند عند ...
محمد :-طيب الملف الي طلبته جبته
راكان :-تمام كذا تكون اوراقنا مكتمله !
محمد :-اذا نقص عليك شي كلمني وانا اجيك على اول طياره
راكان :-ان شاء الله
وجلسوا يتناقشون للمره مليون في تفاصيل الصفقه ومادروا عن الوقت الا ودانه تدق على راكان تساله اذا يبون العشا الحين
راكان :-ه شفت كيف الوقت سرقنا الله يقطع ابليسك ما ينجلس معك
ابتسم محمد لاول مره خلال الايام الي فاتت ..
بعد العشا ... طلع محمد من بيت راكان وبينهم وعد يمره الساعه 3 الفجر عشان يروحون للمطار

&&&&&&&&&&&&&&
دخل راكان البيت وطلع لغرفته ..وقابل امه مريم بالطريق
امه :-هاه يمه نويت السفر
راكان وهو يحب راسها :-ايه نويت
امه بغصه :-الله يحفظك
راكان :-الله يخليك لي يمه يالله بالاذن بنام
امه :-اذنك معك يمه.
وطلع جناحه ...
دخل الجنــــــــــــاح لقى دانه ترتب له اغراضه بالشنطه
ابتسم :-ياعيني على السنع
ابتسمت :-شفت عاد
راكان :-ه طيب اتركي عنك الترتيب وتعالي
غمزت له :-ه شعندك
راكان :- ياربي تفكيرها دايم غلط
دانه بدلع :-انا الي تفكيري غلط
راكان خق معها :-خلاص انا الي تفكيري غلط تعالي ..
تركت دانه اغراضها وراحت له ..^_*
>>الساعه 2 ونص الفجر
كان راكان صاحي ويناظر في ملامح دانه وهي نايمه..ابتسم بحب كل الحنان الدنيا شويه لو يقدمه لها ..وحبه لها مثل طفل صغير يوم عن يوم يكبر وتزيد قوته .
حست دانه فيه كالعاده يناظرها وهي نايمه ..فتحت عيونها وابتسمت له ..
صباح الخير أو تدري صباح (عيونك الحلوهـ)
صباح عيونك اللي تستفز شوقي إذا سلهمت
صباح الذوق والرقه صباح خدود محلوهـ
فديت الخد ووجونك فديت عيونك اليا قمت
فديت الشفه اللي ذابت بتدليعها القهوهـ
فديت اللي بحبه عفت فنجال الشقا وكرمت
فديت اللي بنظراته ينسيني مها ومروهـ
هذاك اللي بيديني عطيته قلبي واستسلمت
صباح الحب ياحبي صباح الشوق والنشوهـ
عسى مازعجتك بنغمة مراسيلي ترى مانمت؟
اسامر ليلتي واحضن ملامح صورتك جوهـ
واقول الله لايحرمني منك ماحييت ودمت
احبك كثر ماقال العواذل حبنا كبوه
الا ياجعلني بكبواتي وياجعلني ماقمت
أبد ماني بمتندم ولا المح ولا انوهـ
(انا احبك) .. واحبك مووت ؟! إذا طل الصباح وقمت
*
قال بهمس وهو يلمس خدها :-عسى ما ازعجتك
ابتسمت :-كم الساعه
ناظر راكان فيها :-2 ونص الساعه
جلست وقالت :-ماجهزت محمد بيجيك ثلاث بقوم احضر لك الحمام
راكان :-
دانه :-شفيك تضحك
راكان :-انا جاهز بس انتظر محمد يدق عشان البس
ناظرت دانه في شعره الي كان رطب من الماء :- تعرفني لاقمت من النوم خبله
قال برقه :-ه واحلى خبله بعد
حمرت خدودها ،
دق جوال راكان قام من مكانه ورد عليه :-نعم
محمد :-صحيت
راكان وهو يرجع شعره بيده :-ايه صحيت
محمد :-اوكي انا بلبس واجيك زين
راكان يعرف محمد لاجا يلبس ياخذ عشر ساعات :-اوكي
قامت دانه من فراشها وقالت :-انا بنزل اجيب لنا شي ناكله
راكان مسكها قبل لاتنزل :-ماني جوعان اجلسي معي
خق قلبها من مسكته لها ، ليش بتصرف كذا يبي يجننها ويخليها توسوس زود ,,
ابتسمت تخفف عنها وعنه هاللحظات الصعبه :-ثواني ماراح اتاخر .
ونزلت تحت على طول ..



دق محمد على راكان وقال له ينزل ..
وقف راكان يناظر في دانه ووقفت هي تناظره ..
قال راكان :-انا بمشي
نزلت دانه راسها وهي تحاول انها ماتبكي وتنكد عليه :-ترجع لي سالم يارب
ابتسم :_ان شاء الله
دق جوال راكان وطلعت دانه تنادي الشغاله تنزل الشنط ..
تذكر راكان اغراض ما اخذها فتح درجه العلوي وهو يطلع اغراضه طاح شي على الارض..
رجع كل شي مكانه وانتبه للقماش الي طايح..
نزل واخذه ...قلب البندانه في يده والي مطروز اسم دانه عليها وابتسم توه ينتبه ان اسمها عليها ، كيف نساها لها سنه الحين وما تذكرها ..
يالله ليش يتذكرها ودانه بحياته ..ضمها في ده وحطها مع اغراضه لان حتى صوره لها مايقدر ياخذ فبياخذ البندانه بدالها
ونزل على طول ....وكانت دانه بوج وامهاته معها طاحت عيونه بعيونها
عينه تناديني وعيني تناديه
بالصمت كلن استمر بنداته
والله ياذاك اليوم ماني بناسيه
يوم التقيته واهتنيت بلقاته
ماقول من شفته غدا القلب يغليه
اقول من شفته غدا القلب ذاته
هذا الذي من بد خلق الله اغليه
هذا الذي اطلب من الله رضاته
هذا الذي ياناس اموت انا فيه
واضيع لامن قال اني حياته
ماهمني من قال وش له تحبيه
وماهمني منهو يعذرب صفاته
الله عطاني اياه والله يخليه
لعيوني الي ماتناظر سواته
حتى بلذيذ النوم سوالفي فيه
ياقلبي المجروح بالله هاته
يشوف حالي ويترحم لمغليه
وان مارحمني مستعد لشقاته
والله ماعندي غير سيرته وطاريه
حتى اصغر اخواني درى عن غلاته
×
صار له ربع ساعه يودع امهاته وبين دموعهن ودعواتهن كانت دانه صامده
طلعت معه لين مدخل البيت وظمته من قلب :-انتبه على نفسك
اول مره راكان يتردد في حياته خطوه تبي تمشي وخطوه تبي تجلس هنا عند دانه وامهاته ..
راكان بضيق غير مبرر :-وانتي بعد
وقبل لايطلع ابتسم وقال :-اشوفك على خير وطلع بسرعه قبل لا يغير رايه ويكنسل الدنيا ..
>>>
طول الطريق ومحمد ساكت ...لو الود وده كان سافر بداله لكنه يعرف راكان راسه يابس ..
دخلوا المطار وجلسوا بالانتظار حتى نادى على الرحله
وقف راكان بعد ماختم جوازه وشنطه طلعت للطياره وقال لمحمد :-اشوفك على خير
وضم خوي عمره...
محمد :-ان شاء الله
مشى راكان خطوه ورجع وقال بلاشعور :-امهاتي وزوجتي امانه برقبتك يامحمد
عصب محمد من اسلوبه :-لاتوصي بس انت لاتطول علينا
راكان :-ان شاء الله
ومشى في طريقه وقف محمد يناظره لين غاب عن نظره .. ورجع لسيارته وكلمة راكان تتردد براسه [امهاتي وزوجتي امانه برقبتك]
شفيه راكان انهبل !!!

&&&&&&&&&&&
>>>>>>لنـــــــدن ..
بعد طيران دام اكثر من عشر ساعات ...وصل راكان لندن سالم ولقى كل شي مجهز والسايق الخاص ينتظره ومعه لوحه مكتوب عليها اسمه اشر له راكان وعرف عن نفسه ثم عطاه الشنط يدخلها السياره ..
ركب راكان السياره وهو مدوخ
من التعب والمجهود..
بعد ساعه وصل للفندق الي حاجز فيه طول فترة والي معروف فيه لانه لانزل لندن يحجز فيه...
ماصدق خبر وصل الجناح حقه ...
جمع صلاة المغرب والعشاء وحط راسه ونام ..
بعد كم ساعه صحى وجهز نفسه بداية الشقا الحين والله يعينه على الاجتماعات الي تهد الحيل ، طبعا راكان ماكان بلحاله كان معه مجموعه من موظفينه يساعدونه وحاجزين معه بنفس الفندق تسهيلا للوقت ومن حسن حظه ان اغلب الاجتماعات بقاعه المؤتمرات بالفندق ..
غير ملابسه وطلب له اكل خفيف ..
دق على دانه الي ردت بسرعه :-هلا راكان
راكان :-ه هلا يالغاليه كيفك
دانه بغصه :-بخير بشرني عنك
راكان :-انا بخير نمت اول ماوصلت وعندي اجتماع الحين لاتنسين ترى توقيت لندن غير
دانه :-ايه عارفه تشرق الشمس عندنا وتغيب عندكم
راكان :- فيه تطور بالجغرافيا
دانه :-ه مره
راكان :-شخبار امهاتي
دانه :-بخير
دق باب راكان ...وقال :-غلاي انا مشغول الان اكلمك لا رجعت وان نمتي بترك لك مسج صوتي لا تسهرين حنا الصباح الان
دانه :-ان شاء الله
وسكر الجوال ...
اكل وهو يقرا الاوراق ويراجعها واستدعى موظفينه لجناحه وجلسوا يتناقشون حتى موعد الاجتماع ..
بعد ساعه نزلوا تحت وبدا الاجتماع مع المسئولين عن الشركه الثانيه ..
مناقشات ، مداولات ، اختلاف بوجهات النظر ،
شي يهد الحيل لكن راكان كان متعود عليه ويعرف طبيعه الاجانب وحبهم للعمل وتطوير انفسهم
ما انتبه للوقت الا باستراحة الغداء ..
وبعد الغداء استانفوا الاجتماع مره ثانيه ان حالفه الحظ بينهون كل شي ويوقعون العقود خلال اسبوع او اسبوعين بالكثير
رجع راكان غرفته الساعه 10 با الليل ..
وناااااااااااااام على طول من التعب ,,,
صحى بدري عشان الاجتماع الثاني مايفوته ودق على دانه الي ردت على رابع رنه :-راكان انت بخير
راكان وهو يلبس ملابسه :-ايه بخير شفيك مخترعه فيكم شي صاير شي
قاطعته :-لا مافينا شي بس ما دقيت ولاتركت مسج فخفت
راكان :-امس رجعت بالليل متاخر من الاجتماع وحيلي مهدود ونمت على طول من التعب
دانه بخوف :-لاتجهد نفسك
راكان :-ان لم تكن ذئبآ اكلتك الذئاب
دانه واهم ماعليها هو :-حتى لو لاتجهد نفسك ..
سمع راكان صوت امه :-عطيني امي
امه :-هلا يمه (وتغير صوتها وجلست تبكي)
تضايق راكان :-يمه اذكري الله
امه :-لا اله الا الله
راكان :-هانت يالغاليه كلها اسبوعين واكون هنا ..
امه :-الله يحفظك من كل مكروه وسوء
راكان :-امين يالله يمه ابي اكلم امي مريم قبل لا اسكر
امه :-مريم نايمه للان لا صحت تكلمك
راكان :-خير ان شاء الله لاتخترعون لا شفتوا جهازي مقفل بالاجتماعات ممنوعه الجوالات
امه :-طيب
وسكر الجوال ...
**
مر اسبوعين كله على هالروتين
اجتماعات × اجتماعات × اجتماعات
وماباقي لراكان من الوقت غير كم ساعة نوم ..
دق عليه محمد وهو هلكان وتوه متغطي بينام :-الو
محمد :-اهلين ببو فيصل
راكان والمزاج مقفل :-اختصر يامحمد بنام
محمد :-ه طرده علنيه
عصب راكان :-محمد
محمد :-طيب طيب لاتعصب حبيت اتطمن عليك واشوف سير الاجتماعات
راكان :-كل شي تمام بس يهلكون الواحد ماعاد بقي الا اجتماع واحد ونوقع العقود
قال محمد بعصبيه :-راكان مجنون انت عايف عمرك المفروض الاجتماعات مقسمه على اربع اسابيع
راكان :-انا طلبت منهم يدمجون اجتماعات يومين بيوم
محمد بذهول :-يعني اجتماعات طول اليوم
راكان :-ايه
محمد :-انت وش معجلك .؟
راكان من قلب :-الي معجلني شوقي لديرتي لاهلي مليت من الجلسه هنا بين الاوربيين
محمد :-ماتنلام بس الصبر
راكان :-غصب عني لازم اصبر رغم اني ابي ارجع السعوديه باسرع وقت
محمد :-لا تكئبني ترى اجيك لندن
راكان :-ه انت فاضي ياخي ارحمني حنا الفجر بنام
محمد :- طيب لاتدف
راكان :- والله انك رايق يالله اقلب وجهك
محمد :-ه سلام



>>>>>>بعد يومين
قال راكان لموظفينه :-اخيرا بنرجع ديرتنا اليوم
تكلم نواف وهو المهندس السؤول عن المشروع الجديد :-ايه الحمد لله مابغينا
راكان :- الحمد لله اهم شي خلصنا
نواف :-على قولتك تعبنا ماراح هدر .
قال راكان :-انتم اسبقوني للمطار انا بروح مشوار قريب وبلحقكم
نواف :-تامر امر يبو فيصل بس لاتفوتك الرحله
راكان وهو يضغط على الاصنصير :-لا ماراح اتاخر لاتشيل هم
طبعا الموظفين سبقوه للمطار
قال للسايق الخاص يمر على محل مجوهرات عالمي بيشتري لدانه هديه ..
ابتسم وهو يتذكر بندانتها ويسترجع ذيك الايام وكيف كابر عشان مايعترف بحبه لها ،وبعدين كيف حبها زود لما عرفها زين وعاش معها ..
قمه الطيبه قمه الوفاء قمة الاخلاص ..
واغلى الناس على قلبه بهالوجود
دخلت قلبه بدون قيود بدون شروط وبدون مقدمات ..
و تربعت على عرشه .
كان السواق مسرع ... هاوشه راكان عشان يبطي السرعه ..
لكن الاوان قد فـــــــــــــــــات..
تقلبت السياره حوالي خمس مـــرات...لان السواق كان مسرع وطلع بوج سياره ولف عنها بقوه لدرجه ان كفر السياره تفجر وتقلبت كذا مره ..
مر شريط حياته عليه ... سفره..رجعته ودفنه لابوه..زواجه من ساره..عيشته خمس سنين عزوبي ...زواجه من دانه والي كان احسن شي صار له بحياته كلها ...
وتذكر عمانه ....!!!!!
عمانه بؤرة الشر .. عمانه الي الله يكون بعون دانه عليهم من بعده ..
دانه الي امن لها مستقلبها بدون ماتدري ...
دانه الي ترك لها رسالته الوداعيه وهو يدعي من كل قلبه ماتبكي عليه ان مات..
انعدم الواقع .. وماعاد حس بنفسه..
كان صوت صراخ الناس وريحة الحريق يجيه ضبابي..
وبنفس المكان والوقت كان ملك الروح موجود ينزع الروح..
الشهقه الاولى .. الثانيه .. الثالثه ----<<<<وسلم الروح
انقلبت السياره ودخانها مالي المكان..وشبت فيها حريقه ..
صراخ الناس وذهولهم ملى المكان ..
بعد عشر دقايق وصل فريق المطافي والاسعاف والشرطه والشارع امتلا والمويه تتطاير في كل مكان وصراخ رجال الامن مسوي ازعاج فظيع...
كان الحادث بشع بكل معنى الكلمه والحديد مسكر على راكان وسواقه ..وبعد ساعه من المحاولات قدروا يفكون الحديد ويطلعون الاثنين ..
ناظروا في الشخصين الي بالحادث والي رجع من رجال الامن والي اغمى عليه والي شوي ويصيح
منتهى البشاعه والفضاعه ...
طبعا موظفي راكان ركبوا الطياره على اساس انه راح يوافيهم
واقلعت متج للسعوديه ...لكن راكان ماكان فيها ...
كان محمد ينتظر وصول الرحله بالمطار..
وتفاجأ لما وصلوا الكل ماعدا راكان قب محمد وشب نار عليهم .. انه شلون يسافرون ورئيسهم مايدرون عنه .
حاولوا مره واثنين وثلاثه يتصلون فيه وكان جهازه مقفل .. جن جنون محمد وحمد ربه ان اهل راكان مايدرون عن موعد رحلته لانه كان بيخليه مفاجاه ..
سوا اتصالاته بالفندق وقالو له ان راكان دفع حسابه وطلع من الفندق مع موظفينه ..
صار يروح ويجي بالمكتب ولاهو داري ايش يسوي اول مره راكان يسويها ومايطمنه عليه ..
قلبه مو مرتـــــــــــــاح ابدا ...
جلس على المكتب وراسه بين ايدينه يفكر ويفكر ويفكر ..
هزء نفسه على وسوسته الزايده .. لكن كلمه راكان (لا اوصيك على امهاتي وزوجتي )ترن براسه للان
ماطلع محمد من الشركه ومن كثر التعب نام بالمكتب وكان الوقت خميس يعني مافيه دوام الا مسائي..
وقف وغسل وج وصلى ..
وهو يحاول يدق على راكان لكن الجوال مازال مقفل..
>>> مر على هالحال يوم وزياده ومحمد ماطب الاكل بطنه بس يشرب مويه يبل بها ريقه ..
فجاه دق تلفون المكتب ...
رفع محمد السماعه ..
"السلام عليكم شركة الشيخ راكان بن عبد الرحمن"
همس محمد :-ايه
"من معي اخوي"
محمد بخوف :-معك نائب الشيخ راكان وصديقه محمد
"معك السفاره السعوديه بلندن "
محمد تلمس كرسيه وجلس حس ان الخبر الي بيسمعه مو سار ابد :-ايه
"اخوي للاسف كلمنا نبلغكم بوفاة الشيخ راكان بحادث سياره"
الرجفه بظلوعه وسكين الموت يطعن بقلبه وروحه وش الي يسمعه راكان صديقه خوي عمره مات
"اخوي انت معي"
محمد ومن صدمة الخبر مافاق :-هاه
"انا اسف ولكن الخبر صحيح ومؤكد "
محمد :-راكان مات
"نعم عظم الله اجرك"
محمد بحرقه والم :-مو معقول لااااااااا
"اخوي تدبرنا جميع الاجراءات المهمه ونظرا لمكانه الشيخ راكان راح توصل الجثه السعوديه الليله ان شاء الله "
محمد بفجيعه :-لا لا مستحيل
رحمه السفير وقال :-والله السفاره في حالة حزن ماينوصف بس هذي القسمه وهذا النصيب
محمد يحس انه يسبح بحلم ولا نايم وماصحى وقف يمشي في المكتب يمكن يقوم من نومته الي بتموته من شدة المها
السفير بتردد :-اخ محمد احب الفت انتباهك ان الصحافه البريطانيه نشرت الخبر
هذا الي ناقصه :-لااااااا
السفير :-حاولنا نمنع هالشي لكن الخبر تسرب وماكان بيدينا شي والشي الي قدرنا عليه هو تسريع الاجراءات في زمن قياسي واعفاءكم من المجهود بالمجئ هنا والركض ورى المعاملات
كنه بدا يصدق :-مـ...مـ..متى بتوصل جثته..؟
السفير :-الساعه 11 بالليل بتوقيت السعوديه وراح تكون على متن طائره خاصه
وراح السكرتير الخاص بالسفير يملي الاجراءات على محمد الي استدعى من ينوب عنه لانه ماعاد يتحمل .
كان الموظف يمسح دموعه وهو يكتب ...
ومحمد قسى قلبه بقوه .. قدامه مسؤوليات وهموم اكبر والحزن بيبقى معه طول العمر على ايش مستعجل ..
دق على ابو خالد ...
محمد :-السلام عليكم يبو خالد
ابو خالد مستغرب اتصاله :-هلا محمد
محمد وهو يحس بالغصه مثل سكين بحلقه :-مدري اذا فاضي واقدر امرك..
ابو خالد خاف :-خير ان شاء الله
خيــــــــــــــر .. أي خير
راح راكان !
محمد :-لا ابيك باستشاره في الشغل بما ان راكان (وغص) مـ مسافر
ابو خالد ارتاح :-انا بالبيت الحين حياك
محمد :- مسافه الطريق
كان الوقت تسع صباحا والزياره بهالوقت مشبو ..
دق محمد على خالد وواعده في بيت ابوه ..
بعد ربع ساعه >>>>
ماذاق محمد فنجال قهوته وحس ابو خالد بشي مو طبيعي ..في محمد
خالد وهو يركز في محمد :-محمد متاكد انك بخير
محمد كان مسلهم وغير السلام ماتكلم...:- مدري من وين ابدا
الا وبدخله ابو سعود وابو احمد ...
بعد السلام مانسى ابو خالد محمد وكلامه :-كمل يا محمد..
محمد بحزن وهو يداري دموعه :-راكان يطلبكم الحل
طاح الفنجال من يد خالد ...وعم الهدوء المجلس
ابو خالد بصدمه :-ايش
محمد بحزن :-السفاره دقوا علي وقالو لي ان راكان مات بحادث سياره وجثته بتوصل الرياض الساعه 11 بالليل
ابو سعود :-لا اله الا الله انا لله وانا له لراجعون
ابو خالد بصوت يرجف :-لا اله الا الله
خالد :-مو معقووووول ودااااااااااااااااااانه
الكل نسى دانه في غمرة الصدمه والحزن
ابو سعود :-فهد لازم تاخذ ام خالد وتروحون تعلمونها
ابو خالد وهو اسود الوجه من الصدمه والذهول :-يا ويلي عنك يابنيتي
ابو احمد بغصه :-اذكر ربك يارجال وقم علم بنتك تراها بالعده الحين
ماقدر محمد يتحمل ووقف ...
لكن خالد ماتركه وطلع معه ..
>
<ابو خالد :-ام خااااااااالد
جت ام خالد تمشي وقمر معها تاكل تفاحه :-سم
ابو خالد ووج ماينتفسر :-البسي عباتك ويالله
انهبلت ام خالد :-على وين.؟
ابو خالد :-لبيت دانه
خاااااااااافت امها وارتبشت :-ليه بنيتي فيها شي
ابو خالد بحزن :-راكان توفى
صرخت قمر وطاحت التفاحه من يدها ...
انخفض الضغط مع ام خالد وطاحت لو لا ان رجلها مسكها ..
بعد ربع ساعه كن ام خالد احسن وطلعت مع ابو خالد لبيت بنتهم يزفون لها خبر موت الحلم بالمهد .. وضيااااااااع راكان للابد!

&&
كانت دانه نايمه مادرت الا امها تصحيها ..
ما استوعبت دانه شي ..غمضت وفتحت الا تشوف امها قدامها ..
دانه وهي تجلس بسرعه :-يمه خير
بكت امها غصب جلست دانه على ركبها ومسكت امها مع كتوفها :-يمه فيك شي شصاير يمه خوفتيني انا مو حمل خوف ..
ماقدرت تتكلم لكنها نادت بصوت يرتجف :-ابو خالد ..
لبست دانه غطا روبها وعيونها متعلقه بباب جناحها ابوها يدخل غرفتها اكيد فيه مصيبه ..
وقفت بسرعه وركضت لمه وعيونها دموع :-يبه يبه راكان فيه شي
نزلت دموع ابوها غصب عنه مسحها على طول وقال بحنيه :-راكان يطلبك الحل
بدون مقدمــــــــــات طاحت منهار!!
صرخت ام خالد وابوها مسكها وحطها على سريرها دقوا على الدكتوره على طول تجي ، وبقي المهمه الصعبه ..
يعلمون امهاته بخبر موتـــــــــــهـ
نزل ابو خالد وجلس بمجلس الرجال ينتظر رجعتهن من برى ..اما ام خالد جالسه مع دانه فوق تنتظر الطبيبه..
سمع صوت سيارة امهاته .. وبعد خمس دقايق دق على ام خالد وقال لها تنزل لهن يتغطن عنه عشان يكلمهن ..
استغربن امهاته الي صاير .
ام خالد وزوجها ببيتهم هالساعه لا وابو خالد طالب يجنه المجلس..
ع العموم راحن المجل وهن مانزلن عباياتهن ..
بعد تمهيد قال ابو خالد :-راكان يطلبكم الحل ..
فقدت امه توازنها ومسكتها ام خالد ...
ام راكان :-وحيدي مااااااااااات ياويلي
وجلست تبكي
والخاله مريم ضامتها وتبكي معها تقطع قلب ابو خالد عليهن وجلس يحدث عليهن ويذكرهن باجر المومن اذا احتسب اجره لله ...
جت الطبيبه وطلعت دانه منهاره عصبيآ ضربتها ابره مهديه راح تخليها نايمه يوم كامل ..
كل عيله ال سبع مجتمعه في بيت راكان واقفين مثل الجبال الصامده في وجه هالمصيبه الكبيره ..
ودانه مازالت تحت تاثير الابره وماصحت ...
الكل كان يبكي والبيت الي كان في يوم كله افراح انقلب وتوشح السواد اركانه ..
غاب نور اليت غاب عموده وسنده وترك وراه قلوب محطمه ومتنثره اشلاء واشلاء..
×
وصلت الجثه بموعدها تمام .. وتم الاتفاق على الدفن والصلاه عليها بعد صلاة الجمعه ..
انهار محمد لما كشف عن وج وشاف بشاعه الي صار له ، الي شافه شي ماراح ينساه لين يموت ..
كانوا العيال واقفين معه يد بيد وقلب على قلب ..
وطلعوا محمد من بعد ماصحى واجتمعوا كلهم ببيته ..
اما البنات قررن ينامن ببيت راكان ويكونن حول دانه لاصحت وواجهت واقعها بعد رحيل راكان عنها
بمسجد الراجحي ..
من بعد ماكنت يد راكان تجي على كتف محمد بكل وقت شده صار هالكتف هو الي يشيل نعش راكان ..محمد – سعود – احمد – ناصر –خالد –طلال –
كلهم كانوا متلغثمين وشايلينه لمثواه الاخير للمقبره والجموع المعزيه حولهم من كل صوب والشياب وعمان راكان الي ماينعرف حقيقه شعورهم ..
نزلوه ..على الارض ..
ودخل محمد بقبره .. هو وخالد ونزلوه وصفو الطوب حوله ...
في النهايه ..
دفنوه .. وصار بينه وبينهم حاجز اقوى من كل شي ومن كل مقدره على التحمل جلس محمد على ركبته وهو يسوي التراب على قبر احب الناس على قلبه ودموعه تسيل انهار وانهار ..
بكى ومامنع بكيته لا مرجله ولا خوف وحيا..
دموع الرجال ان نزلت هزت جبال ..
انا منهو حمل همّه على راسـه تقـول عقـال!
مجاديف الزمن دارت عليه ونَسّـف الغتـره!!
وانا منهو فقد صوته وبعض الصوت بـه مـازال
دعيـت الله يفرّجهـا علـيّ وبحَّـت النبـره
مسكه مع كتفه ابو خالد وقال بصوت مبحوح :-ياولدي اذكر الله
محمد وماينشاف من وج شي لانه متلطم بشماغه ولابس نظاره شمسيه مارد ولاتكلم بعض الكلام يتعب اكثر مايريح ..
ناظر في يدينه الي شالت راكان وحطت التراب فوق ..مسح دموعه بطرف شماغه ومشوا تاركين راكان وراهم


noor 3ini 25-12-2007 01:27

>>>>>>بيت راكان
صحت دانه من النوم .. على صوت امها وهي تبكي والماس وام سعود يبكن معها ويحاولن يفتحن درج ملابس راكان عشان يفرغنه منها ..
امها :-كلمني ابو خالد دفنوه وهم راجعين الحين
الماس قرب موعد ولادتها وكانت تبكي وام سعود تهديها ...
استوعبت دانه كل شي ..
راكان
ماااااااااااااااااااااااااااااااااااات
مااااااااااااااااااااااااااات
ماااااااااااااااااات
صرخت وجلست تصيح بصوت عالي :-لاااااااااااااااااااااا لاااااااااااا راكان مايتركني لاااااااااااااااااااا
ركضن لها وضمتها امها وهي في حاله هستيريه ..
دانه وهي تصيح بشكل موطبيعي :-لا يمه لا لا تقولين حطوا على وج تراب لا لا لا
كلامها قطع قلوبهن ... من جد ..كانت نفسيتها دماااااااااااااااااااااااار
امها بصياح :-يمه اهدي اهدي
دانه :-ياوووووووووووويل قلبي من عقبك يا نظر عيني
وبدل مايهدنها جلسن يبكن معها ..
دانه وصلت لمرحله الجنون ..واظطروا يجيبون الطبيبه ...عطتها مهدئ لين بدت تهدى .. نومتها امها على سريرها وكانت عيونها تسيل دموع بدون صوت .. مايدرون ان الانفجار الداخلي باعماقها اقوى واعظم من الظاهر ..
ياللـي دفنتـوا جثـتـه.. لـيـه تبـكـون؟
لـولا الحيـا..لأقـول : معـكـم خـذونـي
منه انحرمت وكنت انا عنـه مسجـون
مـا أذكـر لمحتـه .. غيـر مـره بعيونـي
شفتـه ..وكانـت فرحتـي مالهـا لــون
عجزت لأوصف .. من لمحته شجوني
ياليتنـي ..كنـت الكفـن يـوم تمشـون
أبـقـى مـعـه بالـقـبـر ثـــم تدفـنـونـي
أو ليتني .. من خلفكم كنت (مجنون)
أتـبـع خطـاكـم والـعـذر هــو : جنـونـي
أبكي وراكم .. وأدعي ان كـان تدعـون
مـا يكفـي انـه عـاش عمـره بدونـي؟؟
تكفـون < هاكـم عمـري اليـوم تكفـون
بـرخـص حيـاتـي دام خـابــت ظـنـونـي
مـا فادنـي صبـري !! ولا فـادنـي عــون
ولا فادني دمع(ن) .. حرق لي جفوني
يـا مـا بكيتـه والبكـي يحـرق عيـون
ميت أو انه حي .. دمعي بعيونـي!!
العـام كـان بفرحتـه.. يعـزف لـحـون
واليوم ؛ تحت الأرض .. ماهو بكوني
لكن أنا في فرحتـه.. كنـت مدفـون
فوق الثرى .. واليوم موته سجونـي
(سميت قلبي عقب فرقاه ملعون)
هو و الليالي .. عن هناه امنعونـي
ياليتنـي.. ماعشـت لحـظـه بهالـكـون
و ياليت ربعي .. في سكات اذبحوني
وياليتكـم .. عـن همّـي اليـوم تــدرون
منه انحرمت > ومن عزاه .. احرموني
حتى بوفاته !! يـوم أنـا طحـت مطعـون
أخفيت طعناتـي .. قبـل لا يفضحونـي
بكـيـت!! لـكـن .. ماتظـاهـرت بالـهـون
أبكي وأقول : الموت هو سبة طعوني
و إن كان في حبّـي أنـا ..ماتحسّـون ..؟!
دلوني لقبـره .. وهنـاك .. اتركونـي ..!
وعلى دموعها اطبق الجفن ...

&&&&&&&&&&&&
الفصل الثاني والعشرون)
}الجزء الاول{******
>>>بيت راكان
طلع محمد برى مجلس الرجال المليان ملي اخذ جواله ودق على هنادي ...
هنادي :-هلا
محمد بصوت مبحوح :-هلا هنادي وش الاحوال داخل
تنهدت هنادي ومسحت دموعها :-دانه سمعتهم يقولون ان راكان اندفن وجاها انهيار والحمد لله ان الطبيبه كانت موجوده عطتها مهدئ ونامت
محمد وقلبه يتقطع من كل صوب :-ااااااااخ
هنادي وحزن محمد اكبر من احتمالها :-محمد شد حيلك ترى اهل راكان مالهم الا انت من بعد الله
محمد دمعت عيونه :-الله يعين هنادي انتبهي على دانه وامهاته تكفين
هنادي :-افاااا يامحمد دانه بنت عمي واختي وامهات راكان امهاتي
محمد :-ماتقصرين يالغاليه يالله لابغيتي شي كلميني
هنادي :-ان شاء الله
وطلعت من المطبخ عشان تشوف دانه شسوت الحين..
دخلت هنادي الغرفه ..
لقت امها وام خالد يحاولن يفتحن الدرج ومو قادرات ..
هنادي بصدمه :-شتسون
امها :-يعني شنسوي برايك
هنادي مو مستوعبه شي :-يمه درج دانه هناك
امها :-مانبي اغراض دانه نبي اغراض راكان
هنادي :-هااااااااا
امها بعصبيه :-تعالي حاولي تفتحيه عجزنا فيه من اليوم
هنادي عصبت :-مالكم حق بالي تسوونه
امها بعصبيه وصوت واطي عشان ماتصحى دانه :-هناديوه ماطلبنا رايك تعالي ساعدينا
هنادي والدموع بتنزل :-يكفي انها انحرمت منه تبون تحرمونها من ذكرياتها
ام خالد :-هذا لصالحها عشان ماتتعذب
هنادي :-حتى لو هذي اشياء هي تقررها بنفسها
ام خالد :- انا اعرف بنتي كل مره بتشوف فيها ملابسه واشياءه بتنهار
هنادي وهي تبكي :-لا تلمسن اغراضه
امها عصبت :-هناديوه اهجدي لا تصحين دانه
هنادي وهي لسى تصيح :-اصلا مفعول المهدئ بينتهي وبتصحى وحاولن ترقعن الي بتسوونه لانها بتزعل عليكم زعل..
الاصوات بدت تتغلغل في راس دانه الثقيل .. للمره الثانيه..
فتحت عيونها .. كانت الغرفه مظلمه بس ابجوره تنور جنب السرير وابجوره محطوطه على طاوله جنب درج الملابس الكبير ..
وكان هناك ثلاث حريم عرفت هنادي لانها منزله طرحتها على كتوفها ..والباقيات معطياتها ظهورهن
قالت ام خالد بانفعال :-راكان مات وش تبي بصوره وملابسه واغراضه الحين بنجمعها وبنحرقها او بنتبرع بها..
راكان مات........اغراضه..........حرقها
تجمعت الافكار براس دانه ..
وفزت من مكانها ..راكااااااااااااااااااااااااااااااااااااان ماااااااااااااااااااااااااااااات
مااااااااااااااااااااااااااااااااااااااااااااااااا ت ليش ما اصدق ليش عندي امل كل ماصحيت من النوم القاه جنبي واني كنت احلم ...
آآآآآآآآآآآآآآآآآآآآآآآآآآآه ياقو الا لم... وآآآآآآآآآآآآآآآآآآآآآآآآآه ياكبر مصيبتي..
نزلت راسها وجلست تبكي بقوه وترتجف ضمت مخدته لصدرها تشم ريحه عطره
"ياوووووويلي من فرااااااااااااااااقك ياراكان اااااااااااخ بمووووووت والله لمووووووووت"
ركضت امها لها وضمتها :-يمه اهدي تكفين اهدي الطبيبه تقول مو زين كل ما انهرتي نعطيك مهدئات ..
تمت تصيح بحضن امها وقالت وهي تبكي بصوت عالي :-يمه راكان راح مني راكان راح وتركنا ترك امهاته تركني وترك............
انتبهت امها للفراغ الي بكلامها واوجعها قلبها :-ترك ايش يا دانه تكلمي
رجعت تبكي بقوه وتتمسك بـ امها ...هزتها امها والرعب مسيطر عليها :-ترك ايش يادانه قولي ........
ناظرت دانه في امها .. وقرت بعيونها الجواب ..انصدمت امها :-قولي انه مو صحيح
رجعت تبكي :-يمه انا حامل لي شهر ومادريت الا قبل امس .
انصدموا الكل صدمــــــــــهـ كبيره .. مايكفي انها ارمله الحين ..
بعد بتصير ام
امها من قلب :-ياويلي عنك يا بنيتي ..
وجلست تصيح مع بنتها !
بدت دانه تنهار :-آآآآآآآآآآآآآآآآآآآآه يايمه راح راكان راح
امها بتخفف عنها :-العوض يمه بولدك
دانه بعصبيه :-لااااااااا لاااااااااا مايعوضني في راكان كل خلق الله .. يمه انتم دفنتوا فرحي سعادتي حياتي يوم دفنتوا راكان يمه حياتي انتهت انتهت
هنادي من جد تاثرت ضمت بنت عمها :-خلاص دندون طلبتك يكفي..
دانه :-ااااااااااااااااااه ياهنادي راح مهجتي راح حبيبي ونور حياتي رااااااااااااااااااااااااااح
دخلت الماس وكانت حالتها حاله ..وباين ان الحمل متعبها من كرشتها الي وش كبرها ..
جلست جنب اختها وقالت بحنيه :-دانه قلبي البكا ماينفع الي صار صار قومي صلي واقري له قران كذا احسن .
ومسكت اختها من يدها ووقفتها :-قومي حبيبتي خذي شاور عشان تهدين ..
ودخلتها الحمام وجهزت لها كل شي ..
تحممت دانه وكنها ارتاحت شوي وصحصحت...
ناظرت في المرايه في وجا الي ذبل وعيونها الهيمانه .. خلاص ضاع الماضي الحاضر والمستقبل مات كل شي بموتة حبيبي ..
انهارت غصب على الارض وتمسكت في الجاكوزي وحطت راسها عليه وجلست تبكي ..
حست الماس ان دانه تاخرت.. دقت الباب وما ردت..
فتحت الباب لقت دانه تبكي وحالتها حاله ..
السهـم الي صاب قلبها كان مسموم !
ورحيل راكان مايشفيه لاكلام ولامواساة..
مسكتها وقالت برقه :-حبيبتي قومي وتعوذي من ابليس
ورفعتها ونومتها بالسرير .. عدلت روب الحمام حق دانه وجلست جنبها تقرا قران..
همست دانه :-الماس
الماس بحنيه :-ياعيونها
دانه وهي تناظر في السقف :-الماس راكان ماراح يرجع خلاص
انقبض قلب الماس وسالت الدمعه :-دانه اذكري اللهـ
دانه غمضت عيونها وسالت دموعها على مخدتها :-الماس انا اعشقهـ ما احبه وبس الماس انا .... انا........
وماقدرت تكمل وجلست تشاهق ..
ضمتها الماس وجلست تهديها ..
دخلت امهن ومعها العشاء لان دانه من يوم مادرت عن موت راكان ماذاقت ولاشي ..
امها بحنيه :-يمه قومي تعشي ..
شمت دانه ريحة الاكل من هنا وركضت ترجع من هنا
فزت الماس بخوف :-يمه دانه شفيها .؟
قالت بحزن :- اخ يمه اختك حامل ..
بغت تنهار الماس وتمسكت في عامود السرير .. :-حـ...حامل
امها بحزن :-شفتي كيف الدنيا مالها امان يوم كانو سوا ماحملت ويوم راح راكان طلعت حامل
بكت الماس غصب :-ياويلي عنك يا وخيتي
امها :-اصصص اختك مو ناقصه يكفي ضغط الحريم تحت يبون يعزونها
عصبت الماس :-ماعندهن دم قلنا لهن البنت منهاره ماتقدر تقابل احد مايفهمن
امها بضيق :-لاتنسين يمه هذا واجب
الماس للان معصبه :-يمه دانه مو ناقصه واذا امهات راكان قدرن يتحملن كلامهن كيف مات ووين ومتى فدانه ماراح تتحمل يمه هي الحين حامل وان صار شي للي في بطنها وربي لتموت
ارتاعت ام خالد :-بسم الله على بنيتي مو كافي انها ترملت وهي ماكملت 24 سنه ..
الماس :-اااااااخ يمه النصيب .. والدنيا تضيق بالطيبين وتاخذهم
رجعت دانه من الحمام ووجها اصفر ومشحب ..
حمدت ربها ان امها طلعت العشا من الغرفه...راحت لدرجها وطلعت بيجاما موف ولبستها ..ورجعت لسريرها
كانت هلكانه ومستنزفه جسديا وعاطفيا
كانت الماس عندها ومافارقتها دقيقه وحده ..اما باقي البنات كانن يمرنها من فتره لفتره ...ويتطمنن عليها
*
*
<آخر ايام العزاء>
صرخ محمد :-انتم ماعندكم دم ابد ولد اخوكم ما صار له متوفي اربع ايام وتتكلمون في الورث
ابو سعد بتبلد :-الحزن بالقلب.............
قاطعه محمد وهو يصرخ:-قوموا اطلعوا برى الحين
ابو سعد بنص عين :-لاتنسى هذا بيت ولد اخوي
محمد شوي ويرتكب جريمه :-وبيبقى بيته اطلعوا قبل لا انادي الامن
دخل سعود وناصر وخالد في هاللحظه الي كان محمد منفعل فيها
ابو سعد يهدد :-انت الي اطلع انت غريب
انقهر محمد :-هذا بيت اخوي رضيت ولا انرضيت
ابو سعد :-طيب طيب لازم اجيب الشرطه واخليهم يسحبونك ويرمونك بالشارع
محمد بثقه :-اعلى مافي خيلك اركبه جب الشرطه وانا بنتظرك هنا بعد
خالد هو مو فاهم شي :-خير يامحمد
ناظره ابو سعد وقال بانتقاد :-تكلم محمد وفيه من اكبر منه
خالد مايطيق ابو سعد في عيشة الله خزه بعينه وناظر محمد
قال محمد بسخريه :-الرجال يبي حلال راكان
صرخ ابو سعد :-راكان مات ولا تبون تستولون على حلااله كأن ماله اهل
تدخل ناصر :-انت ما تستحي على وجهك تتكلم في الورث ودم الرجال مابرد بقبره
قال محمد بلهجه حاسمه :-برى لا افضحك بالمعزين الي بالمجلس
خاف ابو سعد خصوصا ان اغلب المعزين معارف راكان الواصلين ..
وقال يهدد :-ساعه وارجع ونشوف من الربحان
وطلع ..طبعا معه اخوه ابو علي الي زي قلته
محمد :-اااااااااااااااااااااااااااااف
سعود :-ماعليك منه هذا رجال ما فيه وج حشيمه ولا يخاف الله
ناصر تذكر دانه والي بيصير مو من صالحها :-وش العمل يامحمد ابو سعد اقرب واحد لراكان يعني الورث اغلبه بيروح له وامهات راكان (غص) وزوجته
دمعت عيون محمد :-الله يرحمك ياراكان
الجميع :-اللهم امين
كمل محمد وهو واثق في انسباء راكان وفي مرجلتهم :-لا تشيلون هم ابو سعد ماله قرش واحد من حلال راكان
انصدموا ..
خالد بذهول :-شلون ماله شي.؟
محمد بحزن :-راكان مقسم حلاله كله قبل لايموت
سعود :-مقسمه
محمد :-ايه مقسمه على امهاته وزوجته ... بيع وشراء عشان مايطعن ابو سعد في هالشي
تاثر خالد والعيال معه ولا قدروا يعلقون بكلمه ..
قال محمد بضيق :-تركنا المعزين لحالهم
وراحوا كلهم لهم ..
وفي المجلس دق محمد على حمدان المحامي ..
محمد :-الو السلام عليكم
حمدان :-وعليكم السلام اخ محمد
محمد :-حمدان الله يعافيك ممكن تجي لبيت راكان الحين
حمدان :-ابشر خير ان شاء الله
محمد :-خير خير بس ابيك تجيب الاوراق الي تثبت ان مافيه ورث يتوزع
حمدان طبعا عنده خبر بوفاة راكان وجا وعزى بأول أيام العزاء ومن خبرته كمحامي ممتاز جهز كل الاوراق اللازمه واصلا لو ماكلمه محمد كان جا عشان يوصل الامانه الي تركها راكان عنده ليله سفره ..
حمدان :-مسافه الطريق واكون عندك
محمد :-جزاك الله خير ماتقصر
حمدان :-واجبي يا محمد
وسكر الخط....
كانت عيون محمد متعلقه بالباب ينتظر وصول عم راكان عشان يبرد حرته ويغسل شراعه ..
بدر وفكه راكان من شره .. وابو علي لايهش ولا ينش ، مابقي الا هالعله ابو سعد.
××
>>قريب من بيت راكان
كان ابو سعد جاي ومعه شرطيين عشان يطلعون محمد من بيت ابو سعد (على باله انه بموت راكان صار البيت له)
حاول الضابط ينصحه بتاجيل الموضوع شوي احتراما لذكرى ولد اخوه لكن ابو سعد واسع الحيله والشيب الي بوج مساعده .. ومخلي الناس يصدقونه لان اغلب الشياب فيهم تقوى .
وقال للضابط ان الغريب يصول ويجول في بيت ولد اخوي وانا جالس اتفرج
الضابط هنا عذره وارسل معه شرطيين ..
دقت ساره بفرح :-بشر يبه البيت صار لنا
ابوها :-ه بيصير هذاني ماخذ شرطيين وبيطردونهم طردة الكلاب ساره :- احلى خبر ولله
ابوها :-يالله وصلت لبيت
ساره :-بااااااااااااااااااااااي
سكرت الجوال والفرح مشققها ....
جمدت لحظه ...
تذكرت
راكــــــــــــــــان مات !!
جلست تصيح بصوت عالي بدون شعور وتكسر الدنيا
كسرت كل شي بغرفتها وانهارت جالسه على الارض ترتجف ...
مات راكان مات !
كل شي حلمت فيه مات .. الشخص الي حبيته مات .. كله بسبب بنت فهد بس واللهـ لتندم ..
اخذت عباتها وهي في غمرة انفعالها وجنونها ..
وقت الانتقــــــــــــــــام دنى يابنت فهد ..
انتي الي ذبحتي راكان . انتي السبب
وماراح يكفيني ويبرد قلبي طرد ابوي لكم .. لا الي بيبرد قلبي شوفتك وانتي ذليله كسيره وعينك بالارض ..
اكرهــــــــــــــــــــــــــك اكرهك اكرهك لدرجه اتمنى فيها موتك ، ياليتك كنتي انتي الي متي مو راكان .؟
*
*
*
>>>بيت راكان
دقوا الامن على جوال محمد :-فيه شرطه برى مع ابو سعد
محمد ونار الحقد تلمع بعيونه :-دخلهم
التفت محمد لحمدان الي جالس جنبه :-حمدان جاهزه اوراقك
حمدان حس ان فيه انّا بالموضوع من ملامح محمد المتشنجه :-كل شي جاهز
وقف محمد :-اجل بنروح المجلس البراني مانبي فضايح
وقف حمدان معه وطلعوا ..
قابلهم خالد برى ..وعلمه محمد بالي بيصير وراح خالد معه ..
سلم محمد على الشرطيين .. وقلطهم ببيت الشعر الي برى ..
قال الشرطي :-معنا يا اخ محمد شكوى عليك من الاخ حمد
محمد باحتقار :-طيب
الشرطي :-حنا اسفين وعارفين ان الظروف ماتهئ بس بما ان المتوفي ماله اقرباء الا عمانه بيكون البيت له وهو الامر والناهي ووكيل اهله ..
محمد بابتسامه فيها سخريه :-ماله شي هنا
الشرطي :-يا اخ محمد لاتصعب الامور
قاطعه حمدان :-تفضل يا حضرة الشرطي اقرا هالاوراق
انصدم ابو سعد :-اوراق ايش
قراها الشرطي بتمعن .. وناظر في ابو سعد بلوم
خطف ابو سعد الاوراق وناظرها ..
انفجع من المكتوب ... الاملاك باسم دانه ..
الشركه بالنصيفه بينها وبين محمد
الاملاك الباقيه لام راكان ومريم ....
انهار.. وجلس على المركى وهو مو مصدق شي
الشرطي بضيق ونبرة اعتذار لمحمد :-يبو سعد ياليت قبل لا تقدم شكوى تكون متاكد المتوفي بايع حلاله على هالناس الي وردت اسماؤهم انا ماعندي شك في صحة هالعقود لانها مصدقه من المحكمه العليا
صرخ ابو سعد :-لاااااا مو صحيح
الشرطي الثاني بضيق بعد ماقرا الاوراق :-يا اخ حمد الناس بعزاء ياليت لو تتكرم اما انك تبقى وتقوم بعزا ولد اخوك او انك تطلع الحين
عصب ابو سعد:-محدن متحرك قبل لا ادق على المحامي حقي يجي يتاكد منها
تضايق الشرطيين وقال حمدان بثقه :-مافيه مانع دق الان ..
ابو سعد بعصبيه :-بدق بدق ماني بمشاوركمسفهوه وماردوا ..
دق على محاميه .... وعقب نص ساعه وصل .
جلس المحامي يتامل العقود .. بتركيز
نزل نظارته وقال باعتذار لابو سعد :-للاسف يبو سعد العقود صحيحه ميه بالميه
صرخ ابو سعد :-شلون يعني خلاص فقدت كل شي .. كل شي
هز المحامي راسه
صرخ بهستيريا :-لا مستحيل لا انا بطعن في كل شي مايجوز يوزع حلاله ويتجاهل تقسيم الشرع
تدخل محمد :-هذا مو تقسيم هذي عقود بيع وشراء يعني باع حلاله واستلم ثمنه
خالد بعصبيه :-والحين اقضب الباب
وصل ابو سعد حده وضاقت به انفاسه قال وهو عند باب :-لاتحسبون الموضوع انتهى هنا حنا ما بدينا لسى
راح له خالد بيضربه لكن محمد منعه ...
وطلع من عندهم
الشرطي :-اسفين يا اخوان على الازعاج ماكنا نعرف حقيقه الموضوع
محمد :-ماعليه صار خير ..
وطلعوا من عندهم ...
دق جوال خالد لينه ايمان اعتذر وطلع...
كان محمد بيطلع بعد بس مسكه حمدان مع يده وقال بحزن :-محمد معي امانه لك
عقد حواجبه :-امانه ..... من من ؟؟
تغيرت ملامح حمدان وفهم محمد الرساله ..
حزن وانجرح قلبه :-منه..؟
حمدان :-ايه..
طلع حمدان من جيبه رسالتين .. كل وحده بظرف ابيض..
حمدان :-هذي لك وهذي لزوجة المرحوم ..
طلعت تنهيده نار من صدره :-اااااااااااااااخ
قال حمدان بحزن :-ربك كريم ...
محمد بصوت متهدج :-متى ... عطاك اياها
حمدان :-ليله سفره عقب صلاه العشا
وتذكر محمد انه جلس ينتظره عقب الصلاه ولما ساله ليه تاخر قال عنده مشوار مهم ...ااااااااااااااه اثاري منيتك دنت يا خوي وحنا مو حاسين ..
قدر حمدان ان محمد يبي يجلس بلحاله ..وطلع
جلس محمد على الارض وفتح الرساله بيد ترتجف كان مكتوب على ظهر الظرف :-لمحمد
حط الظرف جنبه بعد ماطلع الرساله .. ارتجفت يده رجفه ماقد مرت عليه .. بلع ريقه وفتحها ..
كانت مكتوبه بخط راكان المميز

[اخوي وصديق عمري محمد :-
مدري وش الي حدني اكتب هالرساله لك .. يمكن يكون الي اهوجس به شي ماله وجود لكن انت تعرفني ما احب اخلي أي شي للظروف كتبت لك هالرساله ان عشت ورجعت بحرقها وان مت وسلمت الامانه لخالقها توصلك....................
وقف محمد القرايه ومسح دموعه "موكافي انك رحلت يا راكان تعذبني بمراسيلك ليه"
كمل [................... ماعندي كلام اقوله ياخوي غير تنتبه لاهلي لزوجتي وخصوصا من عماني ..وتنتبه على نفسك وقبل كل شي تسامحني على قصوري معك ان قصرت وان جاك ولد سمه راكان امزح معك عارف ان اسمي مايعجبك .
اخوك
راكان]
سالت دموع محمد ... و تمزززززح ياراكان قلبك يتقطع وقلبي يتقطع وتخفف عنا بالمزح
طوى الورقه وحطها بجيبه...
باقي الامانه الثانيه والله اعلم انها بتكون اقسى من رساله محمد واعظم !



بقسم الحريم
دخلت ساره البيت متلثمه عشان ماحد يعرفها شافت الحزن بعيون الجميع ..
شافت ام راكان محنية راسها والخاله مريم تمسح دموعها الكل كان متواجد حتى عمه راكان رحمه موجوده وجالسه جنب ام راكان ..
وعماته الثانيات بعد ..
الله يلعن الدنيا مافيها خير يوم كان عايش ماطبن بيته ويوم مات جايات يقومن بواجبه ..
قدرت ساره بقدرة قادر تتسلل للدور الي فوق عشان تقابل دانه وتبرد النارالي شابه بقلبها
كانت تعرف مكان غرفه راكان الجديده لانه من كثر كر لها حول غرفتهم يوم كانوا متزوجين مكتب ..
فتحت الباب بدون لباقه وشافت دانه جالسه على الصوفا الي بصاله جلوسها الي بجناحها وضامه ركبها بيدينها ومحنيه راسها على المخده ودموعها تنزل بشكل يكسر الخاطر باستثناء خاطر ساره الي كانت دموع دانه على قلبها زي العسل
صفقت الباب واخترعت دانه ..
قالت ساره بهستيريا وهي تشيل لثامها :-ذبحتيه يابنت فهد
ما استوعبت دانه شي شغلت النور وشافت ساره واقفه قدامها جنون الدنيا قام وقعد في قلب دانه
صرخت دانه :-خير ان شاء الله
قالت ساره باحتقار ودموعها تسيل :-ذبحتيه ذبحتيه
قالت دانه باحتقار :-وفري دموع التماسيح ذي واطلعي برى بيتي
ساره :- بيتك البيت بيت ابوي الحين
ارتفع الضغط عند دانه :-اقولك برى احسن لك ..
الصراخ واصل لبرى ..
طلعت ام خالد وام راكان بسرعه ..
فتحوا الباب وانصدموا ...
وش تسوي ساره هنا / وكيف طلعت بدون مايشوفونها !
قالت ساره بدموع التماسيح :-اطرديها يا ام راكان هي سبب موته هي
طططططططططططططططخ
مسكت ساره خدها المولع .. قالت ام راكان :-انقلعي برى بيت ولدي يالي ماتربيتي
قالت ساره بتجريح :-ولدك مااااااااااااااااات ماااااااااااااااااااااااااات
اخخخخخخ وش كثر حزت هالكلمه بقلب ام راكان
هذا وحيدها وحيدها ...
طلعت ام خالد ودقت على خالد يجي بسرعه ان ماربتها ماتكون ام خالد
طلع خالد بسرعه :-خير يمه شصاير
امه بحقد :-ابيك تتصرف مع بنت عم راكان
انصدم خالد :-شلون اتصرف معها يمه ذي اجنبيه عني
امه باستهزاء :-هذي مافيها حشيمه ونخوه واصلا ماتتغطى الي ماتستحي داخله على اختك تسمها بكلام ماينقال
وعلمت خالد بكلامها ، انقهر خالد
ودخل الغرفه كانت ساره لابسه بس طرحه ووجا مكشوف ، ما اهتم خالد لها وقال :-انتي يالله برى
قالت بوقاحه :-ومن انت ؟
عصب خالد :-تغطي يا مره
ساره بدلع ماصخ :-انت الي دخلت مو انا
وصل خالد حده ومسكها مع يدها من فوق وصرخ :-يالله برى لا تطبين هالبيت مره ثانيه
قالت وهي تحاول تقاومه وهو يسحبها :-البيت بيت ابوي
خالد بعصبيه :-هذا بيت راكااااااااان وبيبقى بيته يالله انقلعي
حمد خالد ربه ان المعزيات من الحريم بالصاله الداخليه مو الي يتوسطها الدرج ...
على صراخ ساره طلعت ايمان والبنات ..
انهبلن كلهن ...
كان خالد مستعد يقتلها بس مسك نفسه وصار يسحبها بشكل ذليل لين وصل الباب الداخلي للفيلا ورماها على الارض
خالد وهو موصل حده :-قسم بالله العلي العظيم ان شفت وجهك لا اكون ذابحك فاهمه ولا لا
ما قد انذلت ساره في حياتها الا عقب ماعرفت راكان واخرتها هالمره انقهرت قهر ماله مثيل ..
جو الامن ووقفت اخيرا وطلعت بنفسها ..امرهم خالد مايدخلونها او يدخلون احد من عمان راكان هنا ابدا !
دخل خالد وشافته ايمان فاير دمه كانت بتساله قمر وش الي صايرلكن ايمان مسكتها :-قمر مو وقته خليه يهدا
قمر بحيره :-مو الي يجرها تو ساره بنت عم راكان
ايمان :-ايه هي
قمر منهبله ..اول مره تشوف احد عنيف كذا
وخصوصآ خالد
طلعت قمر فوق وهي تتذكر اختها .. لقت ام راكان جالسه عندها والسكوت يعم المكان ..
كانت بتسال قمر لكن امها اشرت عليها تسكت ..
ام راكان بحنيه :-يمه ماعليك منها انتبهي على صحتك وعلى الي في بطنك
دانه بصوت مبحوح :-لاتوصين يمه
دق خالد الباب وقال لامه :-يمه دانه تقدر تتحمل شي الحين
امه باستغراب :-شي ايش.؟
فضل خالد يعلم امه :- يمه راكان تارك لها رساله وودي اعطيها لها
ضاق صدر امه :-ياويلي عنك يمه انتي ناقصه
خالد :-الصبر يمه الصبر
امه :-اخ يمه مالنا الا الصبر
خالد :-هااااااااااااه شرايك
امه :- اجلها يمه شوي
خالد :-قولتك
امه :-اييييه
خالد :-الي تامرين به ..
قبل لايروح سالته امه :-يمه وش مصير دانه
استغرب خالد سؤال امه ..
خالد :-يمه شقصدك...؟؟؟
قالت امها بغصه :- عم راكان بياخذ البيت
فهم خالد قصد امه :-ايييييييه لا لا ماراح ياخذ قرش واحد
امه :-هااااااااا
خالد :-يمه راكان الله يرحمه كاتب كل شي باسم دانه ومرتب اموره مال لعمانه شي ابد
نزلت دموع امه غصب ..ياخسارة شبابك ياراكان
خالد بضيق :-الله كريم يمه وكل شي له حكمه
امه :-ونعم باللهـ
ونزل خالد تحت ........
$$$$
>>>>>الساعهـ 3 الفجر
جافاها النوم .. ومابقي بحياتها الا ليل السهد وليل المواجع عقب راكان ...
وقفت وطلعت تتسحب من غرفتها عشان ماتصحي هنادي الي نايمه جنبها ...
مشت وفرت بالبيت ... تتذكر ايامهم وذكرياتهم ودموعها ماوقفت ابدا ..
دخلت مكتبه .. مكانه المفضل
تاملت كل شي فيه.. لاب توبه ، اوراقه , كاس الكوفي حقه والي كان هديه منها له اسمها محفورعليه ابتسمت وهي تتذكره يوم جاب لها كاس زيه بس اسمه عليه ..
جلست على الكرسي حقه وحنت راسها تبكي..
ماتركت بحياتي شي غير الدموع يا راكان .. سرقت بموتك فرحتي وآمالي
جلست تشاهق مو مصدقــــــــــه ابدا..
ان راكان رحل مايعود !
جلست تكلم صورته الي على مكتبه :-لمن تركتني يانظر عيني لمن.. من لي عقبك .. من بيربي ولدنا من بيوقف معي في حملي ويشد على يدي من بيضمني ..ويواسيني ويهدي خوفي ..راكان انا خايفه ومحتاجتك جنبي ..
صرخت راكان ليه تتركني لييييييييييييييييييييييييه ..
وجلست تبكي ...
وقفت وطلعت من المكتب حست نفسها مو قادره تتحمل اكثر .. الحزن بيقطع قلبها وبيوقف النبض..
نزلت بسرعه.. تبي تشم هوا تحس انها بتختنق بتموت
طلعت وراحت للمسبح .. جلست على حافته ونزلت رجولها فيه ...
سمعت صوت واحد يمشي وراها وما خافت لان الفيلا عليها حراس..
جا خالد وجلس جنبها عيا يجيه النوم وراح بيشرب مويه وشاف ظلها عند المسبح
قال بحنيه :-كيفك الحين
قالت بحزن :-عايشين
حس خالد انه تاخر بما فيه الكفايه وراكان صار له قرابة الخمس ايام متوفي ..
خالد :-دانه
حست دانه بشي من لهجته اخوها وتعرفه :-نعم
خالد :-معي امانه لك
دانه مو مستوعبه :-من مين..؟
سكت خالد شوي التفتت عليه بسرعه :-من راكان
خالد بحزن :-ايه ..
دانه بلهفه وحزن وخوف :-وينها .؟
وقف خالد:- ثواني وارجع بروح اجيبها ..
راح خالد وخلا دانه على ناااااااار تنتظر وتنتظر .. وهالخمس دقايق الي فاتوا كنها خمس سنين .
خالد :-خذي هذي هي ..
ورجع للمطبخ عشان يتركها براحتها ...
وقفت دانه وجلست على الكراسي ..فتحت الظرف بيد ترتجف
[حبيبة قلبي وروحي ..داانه
أبــــــــســـــــــألـــــــــك؟
هـــــــو أنـــــــا أســتــاهــلــك؟
أستـاهـل الـدمـع الـلــي جـــرّح وجنـتـيـك؟
أســــــتــــــاهــــــلـــــــك؟
أســتــاهــل انـــــــي أعـــشــــق؟
ابـسـألـك عـــن حـالـنـا انـتــي وانــــا
يــالــلــي احـــس..انــــك انـــــــا

حـالــنــا مـــــا هـــــو غــريـــب
انـا نكـون متأكديـن ان الفـراق مـا هــو بعـيـد
بـالـرغــم مــــن جــــرح الـسـنـيــن
عـشــقــنــا دايـــــــم يـــزيــــن
ماهـو غريـب .. انـي لــو مــرة فــي هـمـي
نــســيــت وبـكـلــمــة جــرحــتـــك
قبـل مـا تتألمـي .. الـلـي يـنـزف هــو دمــي
ابـسـألـك مـاهــو غـريــب .. اسـتـاهـلـك؟
ابسألـك لـو قلـت لـك ان الحنـان اللـي فـي قلبـك
ينـبـت مــن الصـخـر الـزهـر .. بأستـاهـلـك؟
وان النهار اللي في خدودك يخلي النسمة عطر..بأستاهلك؟
وان العذاب اللي في عيونك يعلم الناس الشعر..بأستاهلك؟
ولـو قلتلـك انـي احبـك اكثـر مـن همـوم البشـر
وكثـر الجفـاء وكثـر السهـر ... لـو قـلـت لــك
وانـك اقـرب مـن عيـونـي للنـظـر.. أستاهـلـك؟
لــــــــــــو قـــلـــتـــلــــك؟
كـــــل الـــــذي اقـــــدر اقــولـــه
والــلـــي مـــــا اقـــــدر اقــولـــه
أســــــتــــــاهــــــلـــــــك؟؟
حـــــبـــــيـــــبـــــتــــــي
بــــــــأجـــــــــاوبـــــــــك
لـلاســف مـــا بـــه احـــد يسـتـاهـلـك

حبيبتي.....
حاول وحاول ...يصير أفراقنا هادي
الله عطانا العقل حتى يعنينا
خل المقادير تمشي مشيها العادي
في عمرنا يفعل الله مانوى فينا
مافادتك دمعتك .. ماينفع عنادي
لاصار ربي حرمنا .. من بيعطينا
فرقا وصارت ولاتحزن على أبعادي
وأنا بحاول على نسيان ماضينا
ونبدأ حياة جديدة كلن بوادي
ياحسرتي ياغرام ... عشته سنينا
ياوحشه الليل .. في بعدك بلا رقادي
ويا طوله اليوم ماشفتك ولو حينا

سامحيييييييييييييييييييييييني بعادي غصب عني

محبك
راكــــــــــــان]
ضمتها لقلبها ومن قلب جلست تبكي ..........
آآآآآآآآآآآآآآآآآآآآآآآآآآآآآآآآآآخ يالغالي آآآآآآآآآآآآآآآآآآآآآآآآآآآآآآآآآخ



الساعه 4 ونص الفجر>>>>>>
صحت هنادي من النوم ومالقت دانه جنبها .. قامت بسرعه دورتها بكل البيت ولاتدري وين راحت
نزلت تحت ومالقتها .. طلعت برى وشافتها جالسه عند المسبح...
دموعها تسيل والهوا يطير شعرها على وجا ..
تضايقت هنادي حيل من حالتها الصعبه ومن بيلومها الي راح قطعه منها والنظر والروح ...
هنادي بحنيه :-دندون خرعتيني
دانه بحزن :-هنا وين بروح ..
قالت هنادي بحنيه :-وكلي امرك لله
دانه :-ونعم باللهـ
ناظرت هنادي بالورقه الي بيد دانه ولفت انتباا اسمها المكتوب على الظرف
انتبهت دانه لهنادي وعطتها الرساله
هنادي :-وش ذي ؟
ماتكلمت دانه .. قرتها هنادي وبدون ماتقدر تمنع دموعها نزلـــــــــــــــــت قالت من قلب :-الله يصبر قلبك بالايمان يا الغاليه
دانه :-اللهم امين ..
وفي هالوقت اذن لصلاه الفجر .. ودخلن البيت عشان يصلن ..
جلست دانه تتسنن وتصلي الفرض وتدعي لراكان بالرحمه وان ربها يلهمها الصبر والسلوان ...
جلست تقرا قران ... وحست براحه كبيره ما تنوصف صحيح الالم باقي لكنه هدا نوعا ما ...
*
*
*
بيت ابو سعود>>>>>
ماقدرت الماس تنام من الاالام الي ببطنها وظهرها ... تقلبت يمين ويسار..
الطبيبه حددت موعد ولادتها بعد اسبوعين مو الحين..
حست سعود فيها وصحى ..قال بخوف :-الماس فيك شي
كابرت من خوفها من المستشفيات :-لا مابي شي ارجع نم
ناظر في وجا :-الماس فيك ولاده
اخترعت وقالت بقوه :-لاااااااااا
ابتسم :-طيب لاتعصبين
الماس الالم كلماله يزيد :-هاها ها خفيف دم
سعود :-افااااااااا الاخلاق مقفله
جتها انقباضه ومسكت يده بقوه .. تروع سعود ,,,
شكلها تتالم مره ..
ماقدرت تكابر اكثر :-سعود ودني المستشفى
فز من مكانه مختبص مايدري وش يسوي ..طلع لامه ولقاها بتروح تتسنن كالعاده ..
سعود بقوه :-يمـــــــــــــــــــه
خافت امه :-خير ان شاء الله
سعود برباشه :-خير خير الماس الظاهر بتولد
ابتسمت امه :-والساعه المباركه
قال بخوف :-يمه مو وقت حركات الجدات الحقيها يمه شكلها تعبانه
امه بركاده :-انزل وشغل السياره وحنا نازلين
نزل بسرعه..
راحت امه لالماس الي كانت هاجده ...
ام سعود :-يمه يالله قومي نروح المستشفى
قالت بخوف :-لا خلاص انا طيبه
ابتسمت عمتها :-يمه قومي هذي انقباضات الولاده
الماس بعناد :-لااااا
وجتها انقباضه ثانيه اقوى من الي قبل ..
دخل سعود المرتبش ...
كانت مره تتالم .. مسكها بشويش ومشا هو وياها ومعهم ام سعود...
اول مادخلوا قسم الطوارئ قالو لهم ولاده على طول ..
جلسوا ينتظرون بالطوارئ ..
وسعود ماهدا له بال وخاطر ...
يروح ويجي ...
قالت امه :-يمه اجلس خيلتني ..
سعود كان متوتر مره :-مقدر مقدر
ناظر في ساعته صار لها ساعتين الان ومافيه خبر
جلس وضم وج بين ايدينه ..
شوي الا والممرضه طالعه لهم ...
قالت بابتسامه شاقه الحلق :-مبروك ماما جيب ولد
انهبل سعود ..:-والماس كيفها
الممرضه بابتسامه :-بخير
ودمعت امه واخيراااااااااااااااااااااا جالك ظنا ياسعود ..
امه :-مبروك يمه مبروك
"الله يبارك فيك"
حس سعود بقلبه يرقص بصدره وماذكر الا ابوه ودق عليه
كان الوقت طلعه الشمس ..يعني بحدود 6 الصبح
ابوه الي صووته نوم :-نعم
سعود بفرحه ماتنوصف :-يبه ابشرك جاني ولد
ابوه طار النوم منه :-هاااااااااااااااااه
سعود بحماس :-ه صرت ابو
ابوه :-مبرووووووووووووك احلى خبر سمعته بحياتي انتم وينكم انا جاي
سعود :-لا يبه لاتجي ممنوعه الزياره انا وامي راجعين بعد شوي
ابوه :-طيب اجل بشر عمانك لاتنسى
سعود :-افاااااااا عليك يبو سعود لا تشيل هم بدون ماتقول
..طلعوا الماس غرفه التنويم وماقدر سعود يشوفها لان الوقت مو وقت زياره ..
راح وخلص توقيع الاوراق وسما ولده ناصر على اسم ابوه
رجع سعود امه للبيت ونام ساعتين وقام وطياري على المستشفى ..
الحمد لله كانت ولادتها طبيعيه ومو متعبه ..
دخل الغرفه وبيده اكبر باقه ورد
قال بحب :-الحمد لله على السلامه
ابتسمت بتعب :-الله يسلمك
كملت :-شفت نصوري
سعود مكشر :-لا لسى
بوزت :-ليه
ابتسم :-انتي اهم يالغاليه وهو بخير مابه الا العافيه
ثواني الا كل العيله داخله عليهم ...
وضاعوا في طوشة المباركات والتهنيه..
دقت دانه عليها اول ماسمعت بالخبر :-الف مبروووووك يم ناصر
الماس :- احلى اسم الله يبارك فيك عقبالك لاقمتي سالمه
دانه بكابه :-ان شاء الله ، يالله غلاي انا بسكر
الماس بابتسامه:-طيب حبيبتي برجع لاراحوا الزوار وادق عليك
دانه :-طيب
وسكرت الجوال من اختها ....

&&&&&&&&&&&&&&&&&
>>>>>بيت ابو خالد
صار لالماس اسبوعين من يوم ماولدت .. والناس طالعين داخلين ..
قالت منال وهي تشيل ناصر الصغنون بين يدينها :-يالبى قلبووو
سعاد :-اوووف ذبحتيه تبويس
منال :-غيرانه
سعاد :-منك وع والله لو احمد عشان اغير
منال :-ه ياعيني ع الحب
الماس:-ه وجهك ولع سعوده
عصبت سعاد :-يعني حرام الوحده تحب رجلها
الماس :-لا مو حرام
قالت ام سعود :-بنات خلاص تعبتن الماس
سعاد وهي تغمز :-بدت حركات الجدات
البنات :-ه
ام سعود :-سعوده
سعاد :-طيب طيب
الا جوالها يدق ... حبيبي-------<<<يتصل
سعاد بحب :-هلا
احمد :-هلا قلبو شتسوين
سعاد :-ه اناظر في ولد اخوي
احمد :- طيب جيبيه لنا مافيه اغراب ماغير انا وسعود
سعاد :-يالله جايه
امها :-وين؟
سعاد :-باخذ نصوري وبروح للمجلس
امها :-انتبهي على راسه سنديه زين
سعاد :-ه طيب يمه قالولك اول مره اشيل بيبي بحياتي
امها من قلب :-الله يرزقك يمه واشوفك شايلتن ولدك
سعاد بابتسامه :-يمه اعلمك من الحين انا موقفه الحمل حتى يعدي على الاقل 6 شهور
عصبت امها :-ليه يمه انتي ماعادك بصغيره
سعاد :-غصب يمه مو بكيفي
ودق جوالها.. لينه سعود شكله معصب عشانها تاخرت عليه
خذت نصوري الصغير ونزلت ..
قالت ام سعود تكلم ام خالد :-بنات هالزمن شفتي يا وخيتي تقول بتاجل الحمل وش هالخرابيط
ام خالد :-تعرفين تفكير هالجيل
قاطعتهم الماس :-يمه ان حملت عقب تسقيطها مباشره خلاص ماراح يثبت لها حمل ابد
ام خالد :-فالك ماقبلناه
الماس :-يمه هذا مو كلامي هذا شي معروف
ام سعود :-كلها خرابيط حنا منول نسقط ونحمل عادي ومايصير شي
الماس :-يمه منول غير والحين غير ..
جت قمر بسرعه ..
ام خالد :-شفيك يامال الرجه
قمر :-ام...ام هاني جت ..
وقفت ام خالد عسان تستقبل جارتها الي جت تقهوي الماس وتبارك لها
طلعت منال وقمر عقب ماسلموا لانهم مايحبون جمعات الحريم ..
طلعت قمر غرفتها وسمعت جوالها يدق ركضت قبل لايفصل..
حبيب القلب------->>>يتصل
انهبلت منال :-مجنونه انتي شفيك
قالت وهي تتنفس بسرعه وقلبها يرجف :-الووووو هلا سلطان وينك اسبوع ما اسمع صوتك
سلطان :- شوي شوي
قمر دمعت عيونها :-فيك شي تحس بشي
سلطان :-لا انا بخير قمر فيه شي صاير شي
طبعا سلطان مادري عن كل المصايب الي صارت بالعايله من حادث احمد وسعاد لوفاة راكان وهذي اوامر الشياب للكل عشان يكمل دراسته لانه لو درى ترك الدراسه ورجع ..
قمر بابتسامه :-لا بخير بس خفت عليك
سلطان (يستهبل) :-تحبيني
قمر حمر وجا فهمتها منال وطلعت واصلا سلطان مكلم ابوها وامها الظهر والحين هم عصر ...
مادرت قمر عن طلعت منال .. بس من تسمع صوته تنسى عمرها ونفسها ..
قمر بهمس :-امووووت فيك
انهبل سلطان :-اااه ياقلبي لو بيدي جيت وتزوجنا
قمر :- لاتنسى ترانا متزوجين
سلطان :-ه اقصد نسوي زواج ونسكت الشيبان
حمر وجا ..
سلطان :-تعالي شخبار نصور الصغير
قمر بحب :-يهبل
سلطان :-ه متحمسه
قمر :-من يلومني اول مره اصير خاله
سلطان :-عاد الي يسمعك يقول من كثر عيال اخواني ترى ذي اول مره اصير فيها عم
قمر بدلع :-طيب لاتعصب
سلطان بجد :-والله مليت من الغربه واشتقت لكم
دمعت قمر:-هانت يالغلا هانت
سلطان :-الله كريم ..
ناظر في ساعته لقاها الفجر ...
سلطان :-طيب قمر ليلي انا فيني نوم عندي محاضرات بدري
قمر :-انتبه على نفسك
ابتسم :-وانتي بعد يالله باي
قمر :-سلام
*
*
>>>>>>بالمجلس
اخذ سعود نصور من سعاد وقال لاحمد :-بالله مو يهبل
كانت عيون احمد معلقه بسعاد :-ايه يهبل ونص
استانس سعود .. وسعاد ولع وجا لانه يقصدها هي مايقصد ولده
سعود في عالم ثاني .. وهو يحب ولده ويضمه لصدره ياسلام قد ايش احساس الابوه ماينوصف..
قال لاحمد :-ماودك تعطيه بوسه
احمد متقصد سعاد :-الا ودي ونص بس انت هنا
سعود ماكان مستوعب وضايع مع ولده الصغنون :-عادي موب قايل شي
سعاد شبت ضوء من نظرات احمد
حس سعود بشي غلط ولانه يعرف حركات ولد عمه التفت وشاف عيونه بعيون سعاد ..
حذفه سعود بمفتاحه..
ضحك احمد :-ه شفيك انت
سعود مسوي معصب
الحين متحمس واحسبك تتكلم عن ولدي اثرك مو يمي
احمد :-
التفت يم سعاد :-وانتي مايكفي انه ما يجي جمعات الشباب ولازق لك بالبيت
ولع وجه سعاد وقالت بدلع :-كيفي حره
عصب سعود (يستهبل) :-قوموا حوم الله كبودكم الشر على اللي جالس معكم
احمد بيحرق دمه :-عادي تبي تقوم مسوي والله خير
سعود :-ه الله لايبلانا بس
سعاد :-اسمعوا من يتكلم
احمد :-ه صدقتي
سعود ببراءه :-انا شفيني والله اني اعقلكم
سعاد وهي تغمز له :-بالله
احمد :- انت اصلا قيس بن ناصر
سعود :-ه واللهـ انكم فاضيين




(الجزء الثـــــ 2ــــاني)
ضمت صورته لقلبها ..
وهي تفكر مو معقول انه مر على وفاته خمس شهور ...
ناظرت في بطنها المنتفخ بزياده ...كانت حامل في شهرها السادس..لا وحامل بتوأم بعد ..كان هالخبر الفرحه الوحيده الي تجلت في اركان هالبيت ..
سالت دموعها غصب .. ومن يوم ما مات للان ودموعها ماوقفت وكلما لها تزيد..
الشوق لشوفه يذبحها .. حملها منه وعيالها الي في بطنها يضعفونها ويحزنونها ,,,
حست بحركه في بطنها ..وقالت وهي تمسح دموعها ..:-تيتموا يمه قبل لا تنولدون ..
مسكتها هنادي من ورى والي مافارقتها من بعد الحادث :-دانه شقلنا
دانه وهي تجلس بصعوبه :-انتهت حياتي بموت راكان ياهنادي انتهت
مسكت هنادي نفسها لاتصيح دانه موناقصه :-دانه حبيبتي الله يرحمه وانتي ماقصرتي بنيتي له مسجد وقف خيري بينفعه ليوم الدين
دانه بحزن :-آآآآآآآآآه لو بيدي اسوي اكثر ماقصرت ..
سمعوا صوت الماس تحت ضحكت هنادي :-هذي الماس وناصر الصغنون اكيد وصلوا ..
تموت دانه في ولد الماس الي عمره الان قرابه خمس شهور :-يالبى قلبه والله سعود مصغر
هنادي وماصدقت وجه دانه يلين وتبتسم :- ايه نسخه سبحان الله
قالت الماس تقاطعهم :-اكيد تحشون في ولدي
هنادي :- انتي وهالولد غثيتينا ترى
واخذته من الماس :-ياقلببببببببب عمتوه والله
الماس :-ه لاتشققين ... كيف دندون ...؟
ابتسمت دانه :-بخير
الماس :-كيف الشله الي ببطنك
رق وجه دانه واكتساه الحنان :- مسوين ازعاج فديتهم
الماس :-يازينهم ماعرفتي جنسهم
دانه :-لا ما احب مفاجاه احسن
هنادي :-تكفين انتي عارفه عارفه عاجلا احسن من اجلا
دانه :-طيب يوم انك متحمسه ورى ما ترحمين هالضعيف وتسوون عرسكم
عصبت هنادي :-مابقي الا هي ما راح اعرس الا لاطلعتي من العده
اظلم وجه دانه وحزنت ...
من بعد ماكانو الناس يقولون حبيبة راكان ؟
صرت الحين ارملة راكان !
من كم شهر ودانه تحاول تقنع هنادي وهنادي معنده وماتبي تتزوج الا بعد عدة دانه ..
جلسوا البنات سوى يتقهوون .. كانت دانه متضايقه وباين هالشي على وجا
قالت الماس :-دانه شفيك
ناظرت دانه في هنادي ودمعت عيونها ، انتبهت الماس لنظرات البنات وخافت :-بنات شفيه
قالت دانه بحزن :-بدت المشاكل يا الماس امس زارني ابوي ولمح لي انه عقب العده لازم ارجع بيته
انصدمـت الماس كيف نست هالنقطه المهمه مره ..
دمعت دانه :-مايكفي انحرمت منه بيحرموني من امهاتي من بيتي الي عشت فيه احلى ايام عمري
نزلت دموع هنادي الي صارت حساسه مره نظرا لانها ماتفارق دانه ابد من عقب وفاة راكان وكانت معها خطوه بخطوه في كل دمعه في كل تنهيد وفي كل شهقة الم ..
دمعت الماس وقالت بعقلانيه :-دانه المفروض تعرفين هالشي مستحيل ابوي يسمح لك تعيشين بعيد عنه .
انهبلت دانه وانفعلت :- مو غصب مستحيل اترك بيتي
انهبلت هنادي :- دانه طلبتك هدي عمرك الانفعال مو زين انتي حامل
جلست دانه تبكي حالتها النفسيه ماتساعد زياده على حملها المتعب ...
ضمتها الماس :-خلاص دندون انتي الحين فكري بعيالك وخلي هالموضوع بعدين
دانه كانت للان منهاره صرخت :-مايكفي انهم حاولو ياخذون ملابسه واغراضه بدون اذني بغيت اموت بسببهم
قالت هنادي تهديها :-بس ما اخذوها واغراضه زي ماهي خلاص ياربي لا تجيبين لنفسك المرض
هدت دانه عقب محاضره هنادي ..
تذكرت الماس :- ماعلمتكم
هنادي :-ايش ؟
الماس بحماس :- رنوووووووو ولدت
البنات :-لاااااااااااااااااااااا
الماس :- والله تو فهد مكلم سعود يبشره
هنادي :-ياشينك ورى ماقلتي لنا
الماس :-نسيت ..
دانه :-شجابت ؟
الماس :-بنت
هنادي تموت على البنات :-ياقلبببببببببببببببي
دانه بحنان :-ياقلبي سموها طيب
الماس :-مدري للان محتارين
دانه :-طيب شخبار رنو ؟
الماس :-يقول فهد ان ولادتها طبيعيه وانها بخير وعافيه
هنادي :-ياززززززينها رنوي من يصدق ..
دانه بابتسامه :-أي والله ياحليلها
هنادي :-يااااااااااااااي وناسه متى بس تجي عشان الزق لها
الماس :-لا ماراح تجي
انهبلن البنات ..
دانه باستغراب :-شلون ماراح تجي ؟
الماس :- مدري فهد يقول انها ماتبي تجي تبي تجلس بالشرقيه
هنادي بقرف :-من يلومها وعندها ام زي وضيح
الماس :-استغفري ربك الحرمه يقولون نفسيتها دمار
هنادي :-من هالحال واردى
دانه بتكشيره :-قهر ليتها تجي بس يالله رجلها اريح لها (وبلعت غصتها)
انتبهوا البنات لملامحها .. وغيروا السالفه ...

>>>>> بالشرقيهـ
بالمستشفى اليوم الثاني ×××
قال فهد لرنا :-هاه ياقلبي وشنسميها
رنا بابتسامه :-مدري..
فهد يفكر:-شرايك نسميها فرح
رنا :-حلو الاسم .
فهد بابتسامه :-عشان تكون حياتنا كلها فرح بفرح
رنا :-ه ان شاء الله
قام فهد :-خلاص قلبي جهزي نفسك وانا بروح اكتب شهادة ميلادها
رنا :-انا جاهزه
فهد :-اوكي دقايق وارجع
رنا وهي تضم بنتها لصدرها ..:-زين قلبو
وطلع فهد زين الاوراق وشهادة ميلاد فرح ورجع وطلع رنا من المستشفى
×
اليوم الثاني//
دق جرس بيتهم ... نزل بنته فروحه وراح يفتح الباب ... انصدم لانه اهله جاين يشوفون رنا وبنتها ويتطمنون عليها .
فهد يصارخ :-وش هالمفاجاه الحلوه
ابوه :-تتغلون علينا قلنا نجي
فهد :-حياكم ياهلا وغلا انورت الشرقيه ..
امه :-هلا يمه وين فرح
فهد :-ه افاااااااا يمه نسيتينا وماصار يهمك الافرح
امه :-ه هذي حفيدتي
فهد بتكشيره :-حسبت ولد سعود ماخذ عنا الغلا
منال تقاطعهم :-ياهووووووووووه نحنا هنا
فهد :-ه يوه نسيت اهلين منول
سلمت عليه :-ه صرت ابو خلاص
فهد :-ه شفتي عاد
ودخلوا داخل ...
استانست رنو بزيارتهم ..
قالت ام سعود :-يمه وش هالاكل الي تاكلينه مايصلح لمره تو والده كلي اكل مغذي (وناظرت في فهد) وراك ماتهتم لاكل زوجتك وصحتها
فهد :-والله هذا هي قدامك يمه ماتشتهي الاكل وان تكرمت وجت بتاكل يا كودو يا بيتزا
توعدته رنا وجلس يضحك :-ه يمه شوفيها تتوعدني
ام سعود :-ثنيناتكم يبيلكم سنع اصلا انا ناويه اجلس عندكم اسبوعين
استانست رنا :-من جد عمه
ام سعود :-اجل اتركك تموتين من الجوع وانتي نفسا
يمكن تكون رنا انحرمت من حنان الام .. لكن فهد واهله ملوا عليها حياتي ..صحيح محدن يعوض عن حنان امها الحقيقي لكن من الي يحصل له ويلقى بديل لها الحنان .. الي قدم لها بدافع الحب من ناس يغلونها غلا خالص..
طلع ابو سعود خمس الاف وحطها بملابس البنوته
قالت رنا :-ماله داعي عمي جيتك عندنا بالدنيا
ابتسم عمها وقال :-هذي مو لك هذي لفرح
قال فهد يستهبل :- رنو عطيني فروح مدري ليش زاد حبها هاللحظه
رنا فهمت قصده خذت الفلوس وحطتها بمهد فرح وعطتها ابوها ..
فهد يعنني معصب :-ماعاد ابيها خليها عندك
الكل :-ه
منال :-تعيش وتاكل غيرها
فهد :-هاها تضحكين ..
انتبه :-الا وين هنادي ورى ماجت معكم ؟
ابوه بكآبه :-تعرف هنادي ماتفارق دانه ابد وجالسه عندها ..
فهد بحزن على حال بنت عمه :-الا شخبارها .
امه :-الله يكون بعونها الي مر عليها مو سهل
فهد :-والله من يلومها خسارتها مو بسيطه
ابوه :-الله يعوضها خير ..
قالت ام سعود بقوه وهي حاسه بشي في روس الشياب :-بعيالها ..
ابو سعود ما سمع زين :-ايش
ام سعود :-اقول العوض بعيالها
سكت ابو سعود مارد وهذا شي اكد ظنون ام سعود ..
ناظر فهد في رنا وحسوا بأناّ في الموضوع لكنهم سكتوا ..
وبدال ماتقضي ام سعود عندهم اسبوعين قضت شهر كامل..
لانها تعلقت في بنت ولدها .. وعشان بعد تهتم في رنا ..
*
*
*
*
>>>>>بيت راكان
الساعه 9 الصبح..
صحت دانه من نومها متالمه ..تحس بتقلصات فظيعه في بطنها ..
من القهر ان هنادي رجعت البارح بيت ابوها عشان تجيب لها اغراض..
تلوت من الالم ... وحالتها حاله..
طبعا ماعندها احد من اهلها بالبيت لان امها الساعه سبع رجعت لان ابوها مريض شوي وبتشوفه وعلى اساس الظهر او العصر بالكثير ترجع ..
صرخت صرخه مخنوقه وهي تحس بالاوجاع تزيد..
اخذت جوالها ودقت على جوال ام راكان الي ولحسن الحظ ماغيرت نظام نومها..
ام راكان :-هلا يمه
دانه بصراخ :-لحقيني يمه موت
رمت ام راكان الجوال وشافتها مريم :-خيررررررررررر
ام راكان وهي ترقا الدرج :-دانه تعبانه مره
وطلعن بسرعه ..
دخلن الغرفه كانت دانه واقفه والالام تزيد عليها سندت وجا للجدار من الالم..
ام راكان وهي تمسكها :-يمه شفيك
صرخه بالم :-شكلي بولد
انهبلت الخاله مريم وناظرت في ام راكان كيف تولد وهي بالشهر السابع ..
ماقدرت تتحمل اكثر وطلبن امهات راكان السواق يجهز السياره ..
بقدرة قادر قدرن ينزلنها تحت ويطيرن للمستشفى ..
*
*
>>>>>>>>> بالمستشفى
دخلت دانه على طول غرفه العمليات ..
طلع لهن الطبيب وقال :-اظن لازم عمليه قيصريه وين زوجها
دمعت امه لكن الايمان كان سلواها الشهور الي فاتت :-زوجها متوفي
الطبيب :-طيب لازم احد يوقع على الاوراق لاننا ان ماقدرنا نولدها طبيعي بنسوي عمليه
ام راكان :-ياولدي اهم شي صحه بنتنا اذا تبيني اوقع ماعندي مانع
الطبيب :-لازم ولي امرها لكن بما ان زوجها متوفي ممكن ناخذ توقيعها هي
ام راكان بخوف :-سو الي تبي يمه بس لا اوصيك عليها
الطبيب :-لا توصين ذا واجبي
وراح...
قالت ام راكان :-الله يسهل عليها
الخاله مريم وهي تمسح دموعها :-ناقصه شقا وعمليات توها صغيره
ام راكان قلبها كان يتقطع :- الله معها ادعي لها
الخاله مريم وهي تمسح دموعها الي ماوقفت:-يارب سهل عليها يارب
ام راكان :-اللهم امين
طلعت ام راكان جوالها ودقت على ام خالد
ام خالد :-هلا ام راكان
ام راكان :-ام خالد حنا بمستشفى (-----) دانه تولد
انهبلت ام خالد :-توها بالسابع
ام راكان :-لا تخافين الطبيب طمنا
ام خالد قلبها ولع على بنتها :-انا جااااايه
ام راكان :-زين
كانت دانه بين الحيا والموت والالام تزيد بقوه .. مسكت اطراف غطا السرير من قو الي تحس فيه ...
بــــــــــــــــآخر مكان من الكره الارضيه---------->
كل رجفه رجفتها دانه تقابلها رجفه..كل ضيقه ضاقت بها دانه تقابلها ضيقه.. وكل الم تحس به دانه يقابله الم ..!!
من بين دموعها همست اسمه ..راكـــــــــان...
كانت قويه وقوتها اثارت اعجاب كل الفريق الطبي الي حولها ..
وتعوض تعبها وصبرها ودموعها ... على صرخة اول طفل لها
قالت الممرضه :-مبرووك ولد
ضحكت وهي تبكي... وعلى انقباضه ثانيه ... ومعاناه ثانيه .. انولد ثاني طفل لها
الممرضه :-مبرووك ولد
ضمت عيالها لصدرها وهي تبكي .. ماتدري هي تبكي من فرحتها .. ولا من حزنها في اسعد لحظات حياتها ..
بعد نص ساعه طلعت غرفتها ..
دخلن امهاتها عليها :-مبروووووووووووك
ابتسمت وهي تمسح دموعها عن عيون الكل :-الله يبارك فيكم
امها وهي تبكي :-بسم الله عليك يمه
دانه بتعب :-الحمد لله من شفت عيالي راح كل التعب
مريم :-سلامتك يمه والله عشنا رعب مو طبيعي
ابتسمت دانه :-الله يسلمك يمه
ام خالد :-هاه يمه وش بتسمينهم
دانه بدموع تحاول تكبتها :-فيصل ومحمد
سكتت امها شوي وقالت :-طيب سمي واحد راكان
عندت وهي تحاول تتجاهل الم قلبها :-راكان بالنسبه لي حي مامات وعيالي بسميهم مثل ماكان بيسميهم لو كان موجود
ماقدرت ام راكان تتحمل وبكت
ضمتها دانه :-لاااااااا يمه كلش ولا دموعك والله ما مصبرني الا قوتك اذا تبين اسميهم غير امري
ام راكان وهي تتمالك نفسها :-لا يمه انتي ماقصرتي ربي اخذ راكان وعطاني بنت بداله والحين ولدين من ريحته
ضمتها دانه وانهارت بالبكا,,,
عقب ماهدت
تثاوبت من التعب ..
وتركنها امهاتها تنام ...
راحن للحضانه يشوفن العيــــــــــال ..
طمنهن الطبيب عليهم بس لازم يبقون بالحضانه شهر لانهم مولودين قبل موعدهم بفتره ..
اخترعت ام راكان لكن ام خالد هدتها وقالت لها انه عادي هالشي

&&&&&&&&&&&&
بعد يومين طلعت دانه من المستشفى .. وقلبها يتقطع لان عيالها بعيد عنها لكنها تزورهم كل يوم ..
قالت هنادي بحماس :-ياقلبببببببببببي بيطلعون حبايبي اليوم
دانه :-ه ايه بيطلعون بروح اجيبهم عقب العصر هنادي :-طيب خلاص غرفتهم جهزت
دانه وهي ترفع عيونها فوق :- ايه جاهزه والله انك ازعاج
عقب ولادتها عيالها فيصل ومحمد دخل النور لحياتها ونوعا ما رجعت دانه الاوليه .. صحيح ان موت راكان اخذ منها الي اخذ لكنها صارت قويه عشان عيالها وعشان امهات راكان الي بحاجه لها ..
اخذت دانه شاور عشان تتغدى وتروح تجيب عيالها من المستشفى
طلعت من الحمام ولبست وكشخت ..
كنها سمعت صوت بغرفه عيالها الي جنب غرفتها..
رمت فرشاه شعرها وركضت مثل المجنونه للغرفه .. شافتهم فيها وبغى يجيها انهيار من الفرحه
كانت مفاجاه من امها ومن خواتها وبنات عمها وام سعود ..
انهبلت وضمتهم لصدرها وهي تبكي ..
ام راكان :-خلاص يمه حنا نبي نفرح مانحزن
افـــــــــــرح .. ويني ووين الفرح وانا دنياي منهاره !
مسحت دموعها لازم تتماسك ان ماكان عشانها عشان الي حولها ..
والاهم عشان ام راكان الي فقدت وحيدها والي مافيه زي مصابها بهالكون مصاب..
قاطعهم جوال هنادي وهو يدق ... طلعت برى تكلم وبقوا بغرفة عيال راكان ..
بعد خمس دقايق رجعت هنادي ..
هنادي :-دانه
التفتت دانه لجهتها :-نعم
هنادي :-بغيتك برى شوي
طلعت دانه ...ودخلت غرفتها مع هنادي
دانه :-خير
هنادي :-محمد يبي يكلمك
دانه وهي تعقد حواجبها :-فيه شي
هنادي :-اظنه عشان الشغل
بدا راس دانه يعورها مايكفي شهور الهم الي عاشتها وهي حامل والي زود على حزنها ومصيبتها ماتركوهم عمان راكان يتهنون من كثر الشكاوي والقضايا بالمحاكم يجي عاد الشغل وهمه ..
دق الجوال وخذته دانه :-نعم
محمد :-االسلام عليكم يم فيصل
دانه :-وعليكم السلام
دخل محمد في الموضوع طوالي ... وجلس يشرح لها بما انها شريكته لازم ياخذ رايها في كل شي ويكون أي قرار مشترك ..
قاطعته دانه :-اسمع اخوي
محمد :-سمي
دانه :-انت قبل لا تكون شريك بالشركه انت اخو راكان وانا واثقه فيك كل الثقه أي اوراق تحتاج لتوقيعي ارسلها على فاكس العمل الي حاطه راكان (وغصة بعبرتها) في البيت
محمد :-مايصير انتي مالكه زيك زيي
دانه بهدوء :-خلاص انا اتخذت قراري وماراح اغير رايي
ماقدر محمد الا يستسلم لقرارها ولو انه مو معجبه بس الشكوى لله عنيده مثل........... ومسك نفسه لا يرجع يحزن
قالت هنادي لدانه :-دانه هذا حلالك وحلال عيالك ..
مشت دانه لصورة راكان الي جنب سريرها .. وقالت وهي تحاول تخلي صوتها عادي عشان ماتكتشف هنادي انها تبكي ..:-هذا مو كلامي كلام راكان دايم
لما تجي سيرة راكان تسكت هنادي .. وماتكمل الكلام مع دانه لانها مو ناقصه انهيارات يكفي انها انهارت عليهم مرتين ..
دخلت الماس وفيصل معها ودخلت سعاد ومحمد معها
سعاد :-تعالي شوفي عيالك شفيهم بس يبكون
دانه :- هاتيهم
جلست على سريرها وجابت رضعاتهم ترضعهم ..
قالت سعاد بغباء :-يووووه جوعانين
الماس تستهبل :-من جد انتي ذكيه
سعاد وهي ماده بوزها :-قالوا لك عيالي عشره
البنات :-ه
اخذت هنادي فيصل ترضعه ..
وخلته بحضنها لين نام ..
ناظرت دانه في وجيه عيالها بحنيه وقالت بحسره وشوق :-سبحان الله ما خذوا مني غير لون العيون والباقي زي ابوهم
تأثرن البنات..الي طلعت تسمح دموعها برى والي مسكت نفسها
كانت دانه سرحانه في احلامها عالمها الحلو الي كله ذكريات راكان ..
دق جوال سعاد وكانت النغمه ...
------>>>يادانه بعين بحارك ..ترى الاحساس ربانك ..وانا ربان هالمركب
طوتني رحلتي عندك وحطيت الامل عندك ..بس الموج مايساعد
ولا الاقدار بتساعد ..واذا الخطوه قربت او هدت احس انها ..قريبه قريبه ويمك تباعد
فلتت شهقتها منها غصب ونزت دموعها بقوه سكرت سعاد جوالها ..
قالت بخوف :-دانه بسم الله عليك شفيه
لكن دانه وكالعاده بحضن هنادي ..
دق الجوال مره ثانيه وزاد بكاها ..وفي وقت ثاني وشعور ثاني ومع شخص ثاني [ يادانه بعين راكانك .. ترى الاحساس ربانك]
انتبهت هنادي متاخره لنغمة جوال سعاد ...
اشرت لها هنادي تسكر الجوال وسكرته انتبهت سعاد وسكرته بقهر لان مو قصدها تزيد على دانه معاناتها ...
مسحت دانه دموعها بسرعه وتماسكت خلاص ماهي بمراهقه ولاهي مالكة نفسها عشان تحزن على راكان براحتها لا .. هي ام وعندها ولدين يبون عنايتها ويبوونها تأمن مستقبلهم ...كانت ذي وظيفة ابوهم لكن ابوهم وراح .. ومابقي الا هي تشوف مصالحهم
سكتوا البنات ومشوا السالفه لانها مؤلمه بما فيه لكفايه والكلام فيها مايخفف يزيد..
زينت الغطا على عيالها وعدلت المخاد على اطراف السرير احتياط عشان مايطيحون صحيح انهم صغار لكنها تخاف عليهم مره.
×
>>>بيت ابو خالد
>>>>بالمجلس
قال ابو خالد :-البنت ذي مدري وش بسوي معها
ابو سعود :-خير شفيه
ابو خالد :-سكنها بلحالها ماهو معجبني
ابو سعود :-معك حق يبو خالد
ابو خالد بهم :-مدري وش السواة البنت الي مر عليها ماهو بشوي ولا ودي اضغط عليها
رحمها عمها :-والله مشكله بس مانقدر نترك بنتنا بعيد عنا
ابو خالد :-اليوم بروح اجيبها مقدر اتحمل بعدها عني شايل همها والليل مقدر انامه
ابو سعود :-الله يكون بالعون
السالفه ذي مضايقه ابو خالد من يوم ماتوفى راكان عشان كذا حب يغير السالفه لموضوع هنادي ومحمد لان موضوع دانه ماله حل الا انها ترجع بيته مره ثانيه ...
آه يابنتي مالك نصيب ابدا ,,
ابو خالد :- يبو سعود الرجال عزوبي الحين وماعنده ببيته حرمه صحيح كلنا محازين على موت راكان لكن الشكوى لله الحياه ماتوقف راحوا قبله اهلنا وجداننا ..
ابو سعود :-البنت راسها يابس وتقول مابي عرس الا عقب ما تطلع دانه من العده
ابو خالد :-مالها عذر الحين دانه ولها ثلاث شهور طالعه من العده بيض وجهنا مع الرجال يبو سعود
ابو سعود :-لاتوصي يبو خالد
ابو خالد :-هذا هو العشم يبو سعود
×
×
بعد ماراح ابو سعود...
قال ابو خالد لزوجته :-جسيتي نبض دانه
ام خالد بزعل :-ايه
ابو خالد :-طيب
ام خالد والدمعه بتفر من عينها :-أي طيب
ابو خالد بعصبيه :-شفيك ياحرمه
ام خالد بقهر :-تبي تاخذ البنت من بيت ابو عيالها
ابو خالد :-ابو عيالها مات
ام خالد :-يارجال حرام عليك البنت قلبها نار للحين
ابو خالد بعصبيه :-ماللحريم هنا هرجه
قاطعته :-بس فكر في ام راكان راح ولدها منها والحين بتاخذ عياله حرام
انقبض قلبه لكنه قساه :-اجل نخلي بنتنا عرضنا بعيد عنا لا يم خالد ماتوقعتها منك
سكتت ام خالد وماقالت شي ..
ابو خالد :-ماقلتيلي ماجسيتي نبضها
ام خالد بدموع :-الا جسيته والبنت اخاف عليها من الانهيار مو ناقصه
ابو خالد تورط .. مايدري كيف بيعالج هالموضوع مع دانه لكن المهم ان الحال مو معجبه ابد



الساعة الآن 11:24.

Powered by vBulletin® Version 3.8.7
Copyright ©2000 - 2025, vBulletin Solutions, Inc.

منتديات روعة الكون