منتديات روعة الكون - قصيدة النذالة للمطران واللي عنده غير هالكلام يتفضل..........

بسم الأله الواحد المعبود رب الكائنات ----- رب(ن)خلقها في الحياه وهو عليم أحوالها
ابدا بذكره ثم ببدا بالبيوت المحكمات ----- أشرط على بيت القصيده قبل أبث إرسالها
يمايجملني مع الشعار علوم(ن) ثبات ----- ولا قصار العرج تكفيني بلاش طوالها
انا طرالي طاري(ن)والعين عيت لا تبات ----- ألين أوفي هالقصيده ثم أطيب فالها
شاعر وعبر عن ضميري بالبيوت الوافياب ---- وإن ضاق صدري قمت أغنيها على موالها
والشعر يرفع شاعره لاجت علومه طيبات ---- والرجل راعي الطيب يحمي كلمته لاقالها
مثل الجمل لا جت حموله فوق ظهره جايرات ---- يبركلها لوكانت الحمله ثقيل مشالها
الشعر مالي فالغزل ولا العلوم الثانيات ---- اليوم أبمدح عزوتي ثم أعتزي برجالها
وكلن يعد فعول ربعه في السنين الماضيات ---- وأنار من شبابها والخيل من خيالها
ودامنها راحت تعزوي بالفعول الأولات ---- وأن كان بعض الناس قامت تفتخر بأفعالها
حنا مطير مسخرين الخير راعين المعجزات ---- وحنا الرجال الي تقول وصامله بأقوالها
منا بريه ومعجزتهم طارحين الطائرات ---- وحنا العبادل لاتعزوينا نفك حبالها
يوم المره جتنا تنخانا تبا منه النجات ---- قمنا طلقنا المره بالغصب من رجالها
وعلوه منوخة الجمل راعية السيوف المرهفات ---- والله ثم والله ماننسا فعول أبطالها
لو كير يحكي وش حصل هز الجبال الراسيات ---- لاكن رب الأرض جمدها وصم أجبالها
رحمه منه سبحانه المولى محمود الصفات ---- ولا مطير فعولها تبقى فخر لجيالها
وعشره عوارض صملو ثم أعتدو ضد العدات ---- لين خلو راعي الغتره يحذف عقالها
وأقرو وش المكتوب في بوابة يم الفرات ---- وأن كان عقيل العرب ماعلمت جهالها
فارس من المطران عن تسعين ترويه الروات ---- ماهو كلام الشله الي ماتساوا اقوالها
ويومن بعض الناس للباشا يجيبون البنات ---- مطير دوم فالشرف مايختلف منزالها
هذي حقيقه واضحه ماعاد فيها مجاملات ---- أفعالنا تبقى فخر أيظن بعد نبقالها
شاعر وعبر عن ضميري بالبيوت الوافيات ---- وإن ضاق صدري قمت أغنيها على موالها

القصيده لشاعر / عامر بن عطاالله الشيب المطيري

وشكراً