منتديات روعة الكون

منتديات روعة الكون (http://roo3.net/vb/)
-   مــنــتــدى هــمــس الــقــوافــي (http://roo3.net/vb/f19.html)
-   -   وش البيت اذا ضاق صدركـ تردده ؟؟ (http://roo3.net/vb/t57565.html)

تيـآر آلآحزآن 03-11-2007 01:12

المشكله لا صرت بين اختيارين
مستقبلـك ولاحبيـب(ن)تـوده

دنجوان 04-11-2007 11:07

أصفق هواجيس الهم هوجاس هوجاس *** وأروي بحور الهم من شي فيني
وأزيد بحر الـــهــــم كل سـاع بقياس *** ويـــزيـــد مـــد البـــحر من ونيني

بيتين من قصيدة لي

معانده الجروح 05-11-2007 02:02

كثيييييييييييراللي اذكره الحين



ليـــــــــه؟ ارجع من جديد

ارجـــــع افرش كل تعب عمري وانااااااااااام

ماتجي منك ولاكن يابشر

منت اول من طعني بالجفا

__________________________________________________ ________

M.A.T.R.I.X 05-11-2007 04:01

ياعذول القلب خلة في سبيلة


من شكى من ود خلة ما يلامي

منوة الشوق 08-11-2007 02:12

انا لاني من محبين الشاعر اسير الشوق فدايم اقول ماقب شرب الصبر والعلقم شي على طاري الفرقه يودينا

منوة الشوق 08-11-2007 02:23

انا لاني من محبين الشاعر اسير الشوق فدايم اقول ماقب شرب الصبر والعلقم شي على طاري الفرقه يودينا

الفارس الرحاال 08-11-2007 02:36

سبع ساعات اسولف واتكلم واستخف دمي

وهي تسمعني وتضحك ومبسوطه على الأخر

سبع ساعات اعلمها عن احزاني وعن همي

واسولف عن حكايا الطفل كان وصار هالشاعر

سبع ساعات تتساقط حروف الصدق من فمّي

على صحرا مسامعها سحاب العشق متناثر

سبع ساعات وتحلف لي براس العشق وتسمي

تقول انت الوحيد اللي ملكني حبك الساحر

سبع ساعات ونادتني بأسمه ما هو بأسمي

تناديني فهد واسمي انا ياللاسف جابر

تشنج كل شيٍ كان حولي ومسمعي يدمي

ركز خنجر فهد في مسمعي من صوتها الخادر

تخدّر فكري وجسمي وذاب بداخلي عظمي

وصرت اسمع صدى صوتٍ يردد غلطة الشاطر

يردد غلطة الشاطر بعشرة واقعي وحلمي

وترددها زوايا غرفتي والواقع الغادر

كثير اصوات شقت جلدي اللي يحتضن عظمي

وصراخ الباب والدولاب والشباك والساتر

وونات القلم والدفتر اللي يلتفت يمي

وخايف وش ابي اكتب بوسطه من هنا لـ باكر

وكانت ساكته وصوت النفس من خشمها و خشمي

ربع ساعه وبحة صوت قالت: خير وش صاير

وطرا في بالي عبدالله وخالد واحمد ونشمي

ولآخرهم فهد تسعه وانا مدموغه العاشر

وقلت ابداً مغير الخير ولكن امسحي رقمي

اكيد انه فهد جالس سبع ساعات وهو ناطر

وقالت لي: رجاءً او اقولك.. طير ياعمي

مسوي حضرتك في هالزمان العاشق الطاهر

وقالت لي: اقول! وقلت: انا بقول وذا علمي

عجب هالناس وش هالناس تخطي وبالخطى تكابر

انا يابنت بنثر لك حياتي واجمعي لمّي

بعضه بنثره في مسمعك هالحين ومن خاطر

ترا عمري انا تسعه وعشرين وكذا رسمي

ولكن عشت ايامي دبلها مقبل وعابر

اصيل وكل اصيلٍ مايبي مدحي ولا ذمي

وسبع انعام في هالناس اخص الحامد الشاكر

انا جابر ولد هايف وسلم الطيب هو سلمي

ابو الي مربيني على الجزلات واتفاخر

انا راعي مجاهيمٍ يشع بفخذها وسمي

وراعي خيل وراعي بير وبيتٍ مبغضه كافر

على الرمضى ابت رجلي بأرضٍ عاشقه ضمي

وشمسٍ تشرق وتوقف على راسي وانا صابر

عرق وجهي يصب وامسحه بشماغي وكمي

وألد عيوني عن ناسٍ سرقني يمها الناظر

وانا شاعر ولو اكتب عجز كل فكر في نظمي

ولاني بالغرور احكي ولكن واثق وقادر

وانا رجال هاوي للقمم ويقودني عزمي

وابي ارقى على راس الجبل وانتي مع الحادر

عرفتي ليه انا طاهر؟ لانك همي وغمي

ولان الدنيا في عيني جبل نرقاه ونغامر

يابنت الناس شفتي كيف بليّا سلاح مانرمي

ولانوقف بوجه البندق المليان ونخاطر

خلقنا الله بشر بعقول وذا واقع وذا وهمي

وكلٍ يتبع مراده وفينا رابح وخاسر

وقالت لي فمان الله شعلت النار في جسمي

فمان الله يالطاهر ومثلك قله ونادر

ورحت آخذ كتاب الله واحلف بالكتاب:" امي

لو ان اسمي فهد بالله ماكان احلى من جابر..!!؟

للشاعر/ جابر هايف
أتمنى تعجبكم,,,

ROMANS 08-11-2007 04:00

تعبنا نرسم البسمه ولو فينا حزن وهموم
ونضحك ضحكة التزيف ونكتم حزننا فينا


شكينا الهم والحرمان لكن القدر مرسوم
نصيح ونحترق نتعب ولكن وش بايدينا

\

"عذابة الروح" 08-11-2007 04:17

دام احباب القلوب يجرحون،،،
ماعلى جرح البعيد الملامه،،،..

عطر السحاب 09-11-2007 02:02

تعبت أنزف جراحي حبر وأدور للألم أسباب
لجل أكتب شعر يحكي بعض أصغـر معاناتي

قفلت من الأسى بابي وسجنت الكون خلف الباب
وعصتني دمعةٍ فيهـا سؤال لكل اجاباتي

ملل أخبار حسّادي أحد صادق وأحد كذاب
وأحد ما طال تجريحي وأحـد عايش لزلاتي


،
،
،

عطر السحاب


الساعة الآن 02:56.

Powered by vBulletin® Version 3.8.7
Copyright ©2000 - 2025, vBulletin Solutions, Inc.

منتديات روعة الكون