|
التكمله
الحين نرجع لفارس وفيصل .. فارس: ها مستعد الاسبوع الجاي نروح نفصل ثياب ؟ فيصل: اي مستعد .. فارس: ان شاءالله يازت لكم الملابس .. كلها مضبوطه عليكم ؟ فيصل: اي .. الحمدلله .. مشكور يا فارس ماقصرت .. فارس: ولو انت اخوي الصغير يا فيصل .. ولو احتجت او بغيت اي شي .. تكلم لاتستحي .. فيصل: ان شاءالله .. فارس: زين انا بخليك الحين .. بس حبيت اتطمن عليك واخذ اخبارك .. فيصل: مشكور يا فارس .. فارس: يلا يبه .. سلام .. فيصل: مع السلامه .. سكر فارس والتفت على محمد اللي كانت فوق راسه مليون علامة استفهام وتعجب .. محمد: شو قصتك فروس ؟ فارس مبتسم: ما في قصه ولا شي .. محمد: فروس بتصفق الحين .. فارس ضحك: ه .. الله يسلمك القصه ومافيها .. ان تلفونها انكسر مثل ما قلت لك صح محمد: صح .. فارس: زين .. قلت لها بجيب لج تلفون .. وجبته لها .. بس شلون بجيبه وهي تلفونها انكسر يعني شلون بتعرف اني موجود .. اتفقت معاها اني لما اتصل في اخوها واكلمه يعني بكون قريب من البيت وبخلي لها التلفون عند الباب تروح تاخذه .. وبس .. محمد بشك: لا شكل السالفه اكبر من جي .. اعترف فروس .. فارس يضحك: ه .. صدقني هاي كل السالفه .. محمد: بعدين شو سالفة تفصيل الثياب بعد ؟ فارس: الله يسلمك .. من كم يوم خذت اخوانها للمجمع خذت لهم ملابس .. و وعدتهم اني اوديهم افصل لهم ثياب عاد اتصلت لفيصل عشان اتفق معاه وأأكد على الموعد .. محمد: جزاك الله خير .. فارس تنهد وتذكر شكل فيصل وعبدالله يوم خذهم المجمع .. فارس: آآه .. محمد: بيعنا فالسوق الغالي .. فارس: اشتريك .. محمد: شفيك فروس ؟ فارس: تدري يوم خذت اخوانها المجمع كسروا خاطري .. تخيل فيصل لابس ثوب قصير ونعال صغيره .. قديمه وحالتها حاله .. وعبدالله الصغير كان لابس نعال نايف اللي توفى .. هو الوحيد اللي للحين مو قادر ينسى نايف .. لما خذتهم المجمع ودخلنا كانوا منبهرين يطالعون فوق وتحت .. كسروا خاطري يا محمد .. اول ما دخلت طبعا بدلت لهم ملابسهم .. لو تشوف الفرحه بعيونهم .. آآه يعورون القلب .. محمد: لا حول ولا قوة الا بالله .. الحمدلله على كل حال .. فارس: الحمدلله على كل حال .. محمد: تعرف شو اجرك كبيرعند رب العالمين .. انت فرحت يتيم .. كسيته ولبسته .. فارس: الحمدلله .. والله اني اسوي هالشي لوجه الله .. احس ودي اسوي لهم اكثر واكثر .. بس تعرف الناس تتكلم .. ودي اطلعهم من بيتهم .. ودي اسكنهم في مكان على الاقل ارتب من اللي هم فيه الحين .. بس ماعتقد الام بترضى .. وانت تعرف الناس ما ترحم .. محمد: الله يعينهم .. وانت سويت اللي عليك يا فارس .. وجزاك الله خير .. رن جوال فارس ومناف كانت المتصله .. شاف الجوال وابتسم .. مناف: هلا فارس .. فارس: فديت هالصوت .. وطول على صوت الراديو .. مناف: مشكور فارس فديتك .. فارس: حاضرين لج يا قلبه .. انتي أشري بس .. مناف باحرج: فديت عمرك .. فارس: ايه على هالكلام الحلو اللي يطلع من شفاهتج الحلوه .. مناف: ما قصرت حبيبي .. فارس مبتسم: شو ؟ مناف منحرجه: ما قصرت .. فارس: لأ ابي اللي بعدها .. مناف مبتسمه: حبيبي .. اي انت حبيبي يا فارس .. فارس بصوت عالي: واااااااي .. اموت فيج والله .. محمد التفت على فارس باستغراب .. بعدين هز راسه وابتسم .. محمد " الحب سرى في دمك يا فارس " .. مناف: فارس شفيك ؟ فارس: ودي اطير من الوناسه حياتي .. مناف: فديتك يا فارس .. فارس: كلامج يفرحني يا مناف .. والله اني اموت فيج .. مناف عضت شفتها: زين خلاص انا بسكر .. فارس: بدري يا قلبه .. مناف: فارس .. لا بسكر فارس"انحرجت فديتها": زين حياتي .. كلميني فالليل .. مناف: لا انت لما تفضى انا انتظرك .. فارس رفع حاجب وابتسم: عيوني لج يا قلبه انتي .. نتصل لج مو غلط .. مناف: زين حبيبي تحمل بنفسك .. فارس: ان شاءالله حياتي .. لو بغيتي شي اتصلي زين .. مناف: ان شاءالله .. فارس: سلام .. مناف: الله يحفظك .. محمد: فروس .. استخفيت انت .. فارس يطالع التلفون: ليش ؟ محمد: شو فيك تصرخ .. ليكون تطلق ؟ فارس يضحك: .. لا بس كنت مستانس .. وحفص في نص الشارع .. محمد مسك غترته: فروس يالمينون .. فارس: اااااااااااي .. محمد: شو قالت لك عشان تستخف جي .. فارس: ولا شي انسى .. قولي وين نروح الحين ؟ محمد: امرك غريب يا فروس .. بس عازمك على شيشه على المزاج .. فارس: بدري على القهوه .. محمد: لا مو القهره اللي نروح لها كل يوم .. كمل دربك سيده وانا بقولك وين .. فارس: من عيوني .. راحوا المكان اللي محمد خبر فارس عنه .. في هالاثناء بوفارس كان رايح المستشفى لان جاسم عنده موعد فالعاياده على الساعه 7 المساء .. سلطان واحمد وجاسم كانوا رايحين مع بوفارس المستشفى بوفارس: لا تسون لي حفله سمعتوا .. الشباب: اوكي .. بوفارس: هالاوكي ما يندرى شو راها .. دخلوا المستشفى وكانوا هادين .. يمشون جنب بعض وهم مبتسمين .. وصلوا عند الاستقبال .. بوفارس التفت عليهم: روحوا قعدوا وبجيكم .. سلطان: ان شاءالله .. اصطفوا الثلاثه جنب بعض .. بوفارس عطى الممرضه البطاقه ورجع لهم في الاستراحه .. سلطان: جسوم .. شوف الهندي شو لابس .. احمد: كشخه حده .. جاسم: هي .. تعال شويه .. الهندي: انا ؟ جاسم: لا اللي وراك .. التفت الهندي وراه .. والشباب ماتوا من الضحك .. الهندي طالعهم بنظره وراح عنهم .. بوفارس: شو هالضحك حشرتونا .. انا قايل مو جايبكم .. جاسم: شفيك يبه .. نسولف عادي .. بوفارس: اخاف تسولفون بس .. تموا فتره وبوفارس يطالعهم .. كانوا مو قادرين يقعدون .. يبون يسون اي شي .. بوفارس" مو قادرين يقعدون .. كل واحد يتلفت حواليه .. انا شو اللي خلاني اطيع جسوم واخذهم معاي .. الله يستر منهم بس " جاسم: يبه .. بوفارس: يا لبيه .. جاسم: ابي اخذ عصير من الثلاجه اللي هناك .. بوفارس: زين .. خذ الفلوس .. سلطان: يلا شباب .. بوفارس رفع راسه يطالعه: قعدوا قعدوا .. انا بجيب لكم اللي تبونه .. سلطان: عمي عاد خلنا احنا نروح .. بوفارس: اعرفكم يالميانين .. بتسون حفله لي رحتوا هناك .. جاسم: ما راح نسوي شي صدقنا .. وابتسم بوفارس: لا يبه اقعد .. هالضحكه وراها شي .. انا بروح يلا اشوف قعدوا .. احمد: خساره .. سلطان: اي والله خساره .. جاسم: ملل .. رجع بوفارس ومعاه العصاير لهم .. بوفارس: هاكم .. كل واحد يشرب بسرعه عشان بعد شوي بندخل على الدكتور .. الكل بحزن: زين .. الممرضه نادت على اسم جاسم .. وبوفارس قام والشباب قاموا وراه .. بوفارس التفت عليهم .. بوفارس: عن الينون .. الشباب: زين زين .. دخلوا عند الدكتور .. الدكتور مبتسم: اخبارك يا جاسم ؟ جاسم: الحمدلله .. الدكتور: رجلك احسن من قبل يا حبيبي .. سلطان: وحليلك جسوم يقولك يا حبيبي .. التفت الدكتور على سلطان مبتسم: ولا تزعل حقولك يا حبيبي انته كمان .. احمد: ه .. وحليلكم يا حبايبي .. بوفارس: استغفر الله .. الدكتور: شوف يا جاسم انا حشيل اللف و ححرك رجلك شويه .. قولي متى بتوجعك .. جاسم: زين .. الدكتور شل اللف من على ريل جاسم .. حرك ريله شوي وشيك على الخياطه .. الدكتور: هنا بيوجعك ؟ جاسم: لا .. الدكتور: طيب لما احرك كده .. بتوجعك ؟ جاسم: آي آي آي .. اي تعورني جي .. الدكتور: ولا يهمك حبيبي .. شيك على الخياطه .. والتفت على بوفارس مبتسم .. بوفارس: ها بشر دكتور ؟ الدكتور: لأ الحمدلله .. الجرح التأم .. بس عاوز شوية وقت كمان .. جاسم: اوهووو .. بعد .. الدكتور: عشان يلتأم كامل يا جاسم لازم تشرب الحليب كتير .. احمد: سمعت يا حبيبي .. اشرب حليب .. سلطان واحمد: .. سلطان: حلوه منك حمادوه .. كثر منها .. بوفارس طالعهم: يا ربي على هالبلوه .. الدكتور راح صوب مكتبه واتصل بالممرضه عشان يحطون اللف مره ثانيه على ريل جاسم .. سلطان: يا حالتك يا جسوم مع هاللف واللزقات .. جاسم: اففف .. ملل بوفارس: معليه يبه .. اصبر .. دخلت الممرضه وكانت حاطه مكياج خطير .. حاطه الوان وايد على عيونها .. سلطان التفت على جاسم واحمد وضحكوا .. الشباب: .. بوفارس: ليش هالضحك ؟ جاسم يكلم الممرضه: الالوان اللي فوق عيونج روعه .. الممرضه تمت اطالع جاسم وابتسمت مغصوبه .. بوفارس: جسوم عيب .. جاسم: .. صج حلوه الالوان .. كأنها لوحة فنان .. بوفارس منحرج: جسوم سكر حلجك .. سلطان واحمد ميتين من الضحك .. الممرضه: يلا يا حبيبي .. افرد رجلك شويه .. جاسم يطل في ويها: من عيوني والله .. بوفارس غطى وي بيده من الفشيله: حسبي الله ونعم الوكيل .. خلصت الممرضه من جاسم .. وقبل ما تطلع ابتسمت له وقرصت خدوده .. المرضه: انته عسل يا حبيبي .. جاسم يبعد يدها: زين شوي شوي لا تاكلين خدودي .. سلطان: ااااااي .. بوفارس: قوموا يا عيال فضحتوني جدام الناس .. الممرضه: دول دمهم خفيف أوي .. بوفارس يبتسم وهو منحرج: السموحه يعني .. ثقلنا عليكم شوي .. الممرضه: ولو .. دول الاطفال احباب الله .. احمد: روووح يالاطفال .. على اخر المشوار طلعنا اطفال .. سلطان: يا حسرتي على شبابي .. آآآه جاسم: يلا يا احباب الله .. بوفارس قام يدزهم وهو طالع من غرفة الدكتور .. بوفارس: يلا برا فضحتوني ياللي ما تستحون على ويهكم .. جدامي اشوف .. جاسم: يبه .. بوفارس: خير .. جاسم: يبه انت بعد من احباب الله ولا بس احنا ..؟ الشباب ضحكوا بصوت عالي حشروا المستشفى: ااااااااااي .. بوفارس: وجع .. جدامي اشوف .. احمد: يعني شوف يا جاسم .. انت نقدر نقول عنك من احباب الله .. انا مو مشكله انبلع .. بس سلطون بصراحه انا اشوف ان ما يركب عليه .. جاسم: تخب عليه هالكلمه .. سلطان متخصر: لا والله .. انا اصلا احسن واحلى واحد فيكم .. بوفارس: هي يلا عن الهذره الزايده ركبوا السياره .. . يتبع .. __________________ |
التكمله
بوفارس: هي يلا عن الهذره الزايده ركبوا السياره .. سلطان: اننا قادمون يا عمي .. هلموا نركب السياره يا اصدقائي .. جاسم: نحن ورائك يا اخى العرب .. سلطان: ما بالك يا احمد ساكت .. أأكل القط لسانك ؟ احمد: كلا .. ولكني اتحقق من بعض الرسائل التي وصلتني على هاتفي النقال .. ركبوا السياره وهم يتكلمون بالعربيه الفصحى .. وبوفارس يسمعهم وكان وده يشوتهم برا السياره على غلاستهم جاسم: ممن هذه الرسائل ؟ احمد: انا اسف ايها المحترم .. لا استطيع اخبارك بذلك .. سلطان: ويحك يا حماده .. اتخبئ عنا اسرارك ..؟ جاسم: لقد اهنتني بردك يا حماده .. منذ متى ونحن نخش على بعض شيء .. سلطان: حلوه ذي نخش .. جاسم: لم اجد المفرد المناسب يا اخ العرب .. احمد: ما بالكم اكلتوني بقشوري .. انتظروا سأخبركم من ارسل لي هذه الرسائل .. سلطان: انت تعرف كم نحبك يا احمد .. فعيب عليك ان تخش عنا شيء .. احمد: لا تهتم يا اخ العرب .. انا فالشوفه .. جاسم: ه .. لقد عجبني هذا المفرد ( فالشوفه ) .. احمد: انا اعجبك ايها المحترم .. استطيع ان اتكلم اكثر من لغه .. سلطان: ماشاءالله عليك .. لقد اثرت اهتمامي بك يا حماده .. احمد: اجل اجل .. فلقد سافرت لبلدان عديده في ريعان شبابي .. جاسم: هل لي ان اسألك سؤال يا حماده؟ احمد: تفضل ايها المحترم .. جاسم: كم تبلغ من العمر ؟ احمد: ما بالك وهذا السؤال ايها المحترم ؟ سلطان: لما الغضب يا رجل .. اهدء اهدء .. احمد: انا لا احب ان يسألني احد عن عمري .. جاسم: ولما ؟ احمد: لاني اخاف من الحسد .. سلطان: انا لا اخاف من الحسد .. جاسم: انك فعلا شجاع يا اخ العرب .. احمد: ياللهول .. ولما لاتخاف من الحسد يا اخ العرب ؟ سلطان: بكل بساطه .. لاني ضد الحسد .. جاسم: ما اروعك .. احمد: ليت عندي نصف شجاعتك يا اخ العرب .. جاسم: وانا اتمنى نفس الشيء .. بوفارس: خلصتوا هذرتكم البايخه .. الشباب: .. اي بوفارس: وصلنا البيت يلا فكوني خل اروح .. جاسم: الى اللقاء يا ابتاه .. سلطان: نراك عن قريب يا عمي .. احمد: الى لقاء قادم .. الشباب بصوت عالي: اااااااااي .. بوفارس: الحمدلله والشكر .. زين تبون شي ؟ جاسم: لأ يبه .. بوفارس: يلا يبه .. انا بروح لو بغيتوا شي اتصلوا .. جاسم: زين .. دخلوا البيت وهم ميتين من الضحك .. جاسم: اما احنا بالفصخى والله شغل عدل .. احمد: من قلب .. سلطان: على قولة عمي .. بسكم من الهذره الزايده .. شو رايكم نطلب اكل .. جاسم: اي والله انا جوعان .. احمد: يلا قدام .. بس شو رايكم نروح الكفتريا اللي عند الجمعيه ؟ جاسم: ماعندي مشكله .. خل اشوف الدريول موجود ولا لأ .. الشباب: اوكي .. مريم وفاطمه وايمان كانوا قاعدين فالصاله ويسولفون .. مريم وهي تصب شاي: عيل بدى العد التنازلي حق لطيفه وحليلها .. فاطمه: اي فديتها .. الحمدلله الله عوضها .. ايمان: ليش ؟ فاطمه: لان ولد خالتها كان يقول عاد مادري .. يقول انه يحبها وقالها انه بيتزوجها .. بس من بعد الحادث غير رايه .. ايمان: ليش ؟ فاطمه: لان عدسة عينها تحركت شوي .. ايمان: مالت عليه .. ماشوف اي تغير في شكلها .. يمكن اللي بيركز .. فاطمه: عاد هو صدمها .. وخطب وحده ثانيه من اهلها .. بس الحمدلله احمد بن راشد كان من نصيبها .. مريم: الله يوفقهم ان شاءالله .. ايمان بخبث: وانتي بعد مريم .. بدى العد التنازلي لج .. اااااي فاطمه: ه .. مريم: ايمانو بتصفقين زين .. فاطمه: ما قالت شي غلط يا عروسه .. مريم: عااااد ايمان و فاطمه: ه مريم صدت عنهم وتمت تقلب قنوات التلفزيون .. ايمان قربت من فاطمه .. ايمان: يقولج .. ذاك اليوم كنت اطل من الدريشه وشفت عزيز طالع ومعاه صديقه .. فاطمه باهتمام: شو ؟ ايمان: رفيج عزوز المزيون .. شفته من قريب .. ماشاءالله عليه يجنن .. فاطمه حست بالغيره: زين ليش تتكلمين عنه بهالطريقه ؟ ايمان: شو قلت ؟ فاطمه: شو بعد تقولين يجنن .. مريم التفتت عليهم: بصراحه اللي يشوفه غصبن عنه يقول انه يجنن .. ايمان: فديت مرايم .. مشاركتني .. انتي ما قط شفتيه فطوم ؟ فاطمه: لا ولامره .. مريم: بصراحه .. مزيون .. ياحظها اللي يتاخذه .. بتم طول اليوم بس تتفكر بجماله .. ايمان: اذا هو جي مزيون .. لو عنده خوات هل بيكونون بجماله ؟ مريم: اكيد .. بس في بعض الحالات الشباب يكونون احلى من البنات .. ايمان: اها .. بس هو ماشاءالله عليه .. جسم وطول و ويه حلو .. بصراحه انا اشوفه احلى من خالد ولد عمي .. مريم: نعم نعم .. لا يبه مافي احلى من خالد .. ايمان: اااااي .. طلع الحجي .. كل هاي حق خالد .. مايدري عنج ولد العم .. مريم باحرج: لو نطقتي جدام حد يا ويلج ايمانو .. فاطمه كانت هاديه .. وهم يتكلمون .. التفت ايمان على فاطمه .. ايمان: فطوم .. وين رحتي ؟ فاطمه قامت من مكانها: ما رحت مكان .. و طلعت عنهم .. ايمان: شو فيها فطيم ..؟ مريم: مادري .. احنا قلنا شي يزعل ؟ ايمان: لأ .. كنا نتكلم عادي .. عن رفيج عزوز وعن خالد .. شو الغلط في هالكلام ..؟ مريم: مادري .. خل اروح اشوفها .. مسكتها ايمان: لأ .. لا تروحين الحين .. خلها تهدى شوي .. الحين هي شكلها معصبه مادري زعلانه .. لو رحتي لها يمكن تسمعج كلام ما يعجبج .. لو ايش ما كان السبب .. مريم: صح كلامج ايمان .. ماشاءالله عليج .. حسبتيها صح .. ايمان: حبيبتي انا ايمان .. مريم: وما قالت .. ايمان تحذف المخده على مريم: مالت عليج .. مريم: يا ام كشه عورتيني .. ايمان: الله عليج يالناعمه .. الا مخده .. مريم: ضربتيني على خشمي .. ايمان: مادريت ان خشمج ناعم مثلج .. مريم: يالكري .. ايمان: جرحتي احساسي تصدقين .. مريم: اف منج تحرين .. ايمان: عادي ما يأثر في نفسيتي .. ااااااااي .. دخلت ام فارس: يالله على العقل .. شو هالينون انتوا الثنتين ؟ مريم: ماما .. هاي ايمانوا متسببه ايمان: ماما .. لاتصدقينها هاذي الدلوعه .. ام فارس: يا علكم العافيه .. ايمان ومريم: آمين .. ام فارس: ه .. ايمان: شفتي خفة دم .. مثل خفة دمي .. مريم: بنتج هاذي مب صاحيه .. ايمان: فديتني انا .. العقل كله .. صح ماما .. ام فارس: ثنتينكم خبال .. ايمان: انا معاج يا ماما ان مريوم خبله .. لكن بالنسبه عن نفسي اقولج غلطانه .. ام فارس: احمدك واشكرك يا رب على نعمة العقل .. وين اختكم ؟ مريم: فوق .. ام فارس: وليش ماتنزل معاكم ؟ ايمان: توها من شوي راحت فوق .. ام فارس: اي ي ي .. زين ايمانو قولي لي شو مسويه اليوم فالمدرسه ؟ ايمان" بل صادوه ": ما سويت شي .. مريم تهمس في اذن ايمان: عساج .. ام فارس: قولي لي شو مسويه ؟ ايمان: ما سويت شي يه .. ام فارس: المديره اليوم متصله .. ايمان: شو عندها ؟ ام فارس: تقول انج اليوم رافعه صوتج على المدرسه .. ايمان " باعترف وامري لله ": شوفي ماما .. خليني اقول كل شي وبعدين اتخذي قرارج .. ام فارس تنهدت: زين .. سمعينا يلا .. ايمان: شوفي ماما .. دخلنا الكلاس متأخرين شوي .. وهزأتنا المدرسه .. بس ماما هي قالت كلمه خلتني غصبن عني ارد .. ام فارس: شو قالت ؟ ايمان: هي زفتنا عشان التأخير .. ما اختلفنا احنا غلطنا .. بس مره وحده قالت انتوا اهلكم ما ربوكم عدل .. لو انكم متربيات كان ما جيتوا متأخرات .. شدعوه ماما ما يسوى علينا تأخرنا .. احنا ما ذبحنا لها حد ولا سبيناها عشان تقول هالكلام .. انا عصبت وقلت لها يا ابله تربية اهلنا مالهم خص في تأخيرنا .. عصبت وقالت لي لا انتي اللي اهلج ما ربوج عدل يا قليلة الادب .. انا ماسكت لها ماما .. قلت لها والله انا متربيه .. لو اني مو متربيه كان سكت على كلامج .. تسبين اهلنا وتقولين عنهم هالكلام .. عاد هي عصبت وقالت طردتني من الكلاس .. مريم: صج انها ماتستحي .. ام فارس رافعه حاجب: منو هالمدرسه ؟ ايمان: مدرسة اللغه العربيه .. ام فارس: ماعندها سالفه تقول هالكلام .. ايمان: ماما يوم طردتني من الكلاس .. قالت لي ماتدخلين هالكلاس لو جبتي الوزير بكره يا للي ما تربيتي .. والله العظيم هاي كلامها بالضبط .. كانت تستفزني بكلامها .. بس انا سكت عنها .. ام فارس: مو مشكله انا بوريها الادب .. سمعي بكره روحي المدرسه عادي .. ولا تقولين لاي وحده من البنات شي .. ايمان: اصلا صديقاتي طلعوا معاي .. لانهم ما رضوا على انفسهم بعد .. وكل وحده امها بتجي بكره .. ام فارس: انتي بكره داومي عادي .. ايمان: بس هي بتعطينا كلاس الساعه 7 ونص بكره .. ام فارس: دخلي الصف ولو طردتج طلعي وانتي ساكته .. ايمان: ان شاءالله ماما .. مريم: على ايامنا ما كانوا المدرسات يتجرأون على اهلنا .. ام فارس: الظاهر انها هي اللي ماتربت .. انا بقول لابوج السالفه .. ايمان بخوف: لأ ماما اخاف يزفني .. ام فارس: انتي ما غلطتي .. ويوم انج رديتي عليها دافعتي عن اهلج .. ايمان بتوتر: زين .. بس لاتقولين له اول ما يرجع .. بعد ما نام قولي له .. ام فارس مبتسمه: زين يا ماما .. يتبع .. |
التكلمه
فاطمه المسكينه اول ما دخلت غرفتها .. حذفت نفسها على السرير وتمت تصيح بحزن .. كانت دموعها تنزل بغزاره .. وقفت عند المرايه تشوف انعكاس صورتها .. استغربت حزنها والدموع .. حطت يدها على خدها .. فاطمه " ليش هالدموع .. كل هاي غيره على يوسف .. معقوله اكون حبيت يوسف هالكثر .. بس انا شو اللي يأكد لي حبه لي؟ رسايله مو كفايه .. خايفه من اللي جاي .. ليش هالحزن والخوف اللي فيني .. ليش احس اني وحيده ؟ " .. حطت يدها على قلبها وتمت تصيح .. لاول مره في حياتها تحس انها وحيده في هالعالم .. حست نفسها محتاجه حنان .. محتاجه شخص يضمها ويسمع لها .. غمضت عيونها بتعب .. ونامت بهدوء .. عبدالعزيز اتصل البيت لانه حس بحزن اخته .. ايمان: السلام عليكم .. عبدالعزيز: هلا اختي .. عليكم السلام .. ايمان: شو فيك عزيز ؟ عبدالعزيز: وين فطيم؟ ايمان: فطوم فوق في غرفتها .. اناديها لك عبدالعزيز: لا خلاص باتصل لها على الجوال .. ايمان: اوكي .. سكر وهو حاس بخوف وحزن .. يوسف كان مع عبدالعزيز فالسياره واستغرب من كلام عبدالعزيز .. تم يحاتي فاطمه وخاف عليها .. اما عبدالعزيز اتصل بتوأمه .. عبدالعزيز بخوف: فطيم حبيبتي شو فيج ؟ فاطمه غصبن عنها صاحت وماقدرت ترد .. عبدالعزيز: فطوم شو فيج ؟ منو مزعلج .. ردي علي الله يخليج .. فاطمه وسط دموعها: عزيز .. تعال ابيك ارجوك تعال .. عبدالعزيز بخوف: الحين جاي .. يوسف بخوف: بوسعود انزل انا بسوق .. عبدالعزيز نزل على طول ويوسف خذ مكان السايق وراح بيت بوفارس .. عبدالعزيز كان متوتر وخايف .. حس انه مو قادر يتنفس .. فتح الدريشه وغمض عيونه .. استنشق الهوا بهدوء .. وصلوا البيت .. وعبدالعزيز على طول نزل البيت .. عبدالعزيز: بوخليفه .. الله لا يهينك .. انتظرني فالميلس .. يوسف: لا بروح .. ولي فضيت دق لي بمرك .. عبدالعزيز: يا ريال انتظرني .. يوسف: اللي تشوفه .. راح عبدالعزيز داخل .. ويوسف دخل الميلس .. عبدالعزيز دخل من باب المطبخ وبسرعه ركض غرفة فاطمه .. عبدالعزيز طق الباب: فطيم فتحي الباب .. فاطمه فتحت الباب واول ما شافت عبدالعزيز ارتمت في احضانه وصاحت بحزن .. عبدالعزيز حضن اخته ودخل الغرفه: فديتج فطيم .. ليش هالدموع ؟ منو زعلج ؟ فاطمه ما كانت تقدر تتكلم من الصياح .. عبدالعزيز وجاب لها ماي وسقاها .. عبدالعزيز: شربي الماي فديتج .. طالعيني فطيم .. فاطمه رفعت راسها: عزيز .. وحضنته بقوه .. عبدالعزيز: فديتج كلميني يا فطيم .. فاطمه تمسح دموعها بيدها: عزيز قلبي يعورني .. عبدالعزيز: سمالله عليج .. اوديج المستشفى .. فاطمه: لأ .. مادري شو فيني .. حسيت بحزن .. حزن ماله سبب .. حسيت اني وحيده .. عزيز لاتخلوني .. انا احبكم .. انتوا هلي .. عبدالعزيز خاف على اخته .. واستغرب من الكلام اللي تقوله .. عبدالعزيز: فطيم انتي حاسه بشي فديتج .. انادي لج امي ولا ابوي .. فاطمه: ابي بابا .. وصاحت بصوت عالي .. عبدالعزيز: زين فديتج باتصل فيه الحين .. فاطمه ماسكه يد اخوها: بس لاتقول لاي حد فالبيت .. عبدالعزيز: ان شاءالله .. اتصل في ابوه اللي كان مع عمه .. بوفارس: هلا يبه .. عبدالعزيز: يبه انت وين ؟ بوفارس: مع عمك .. عبدالعزيز: يبه تعال البيت ضروري .. بوفارس عقد حواجبه: ليش شو صاير ؟ عبدالعزيز: مافي شي .. بس تعال ولا تقول لاحد شي لما تجي البيت .. بوفارس بخوف: شو صاير عندكم يبه ؟ عبدالعزيز: يبه فطيم .. بوفارس قام من مكانه: شو فيها ؟ عبدالعزيز: يبه تعال .. ماقدر اتكلم تعال الله يخليك .. بوفارس: خلاص الحين جاي .. بومحمد: عسى ماشر محمد ؟ بوفارس: لا ولاشي .. بس يبوني فالبيت شوي .. خل اشوف شو فيهم وبكلمك .. بومحمد: زين .. طمني .. بوفارس وهو طالع: ان شاءالله .. طلع بوفارس وهو يفكر في فاطمه .. ماعرف كيف وصل البيت .. اول ما دخل الحوش نزل من السياره وبسرعه راح فوق .. دخل عليهم وشاف منظر فاطمه في احضان اخوها .. قلبه عوره عليها .. لان فاطمه المفضله عنده بوفارس قرب من عبدالعزيز وفاطمه اللي ما سكتت من الصياح .. بوفارس: شو فيها قلب ابوها ؟ فاطمه ارتمت في احضان ابوها .. ودفنت راسها في صدره الحنون .. وتمت تشهق من الصياح .. بوفارس: فديت هالصوت انا .. ليش هالدموع يبه .. أشر لعبدالعزيز بعيونه .. عبدالعزيز طلع وهو يشوف اخته بحزن .. بوفارس مسك يد فاطمه وباسها .. بوفارس: دلوعة ابوها .. ردي عليه .. ليش هالدموع والضيقه يبه .. حد مزعلج .. حد قايل لج شي ..؟ فاطمه: بابا .. بوفارس: يالبيه ابوي انتي .. فاطمه: انا .. انا .. انا احبك .. لا تخليني .. بوفارس زادت دقات قلبه من كلام بنته: انا هني موجود ما خليج فديت قلبج .. فاطمه: انا احبكم كلكم .. بوفارس مسك فاطمه من كتوفها: ليش هالكلام يبه ؟ شو فيج حبيبتي ؟ فاطمه والدموع تسبح على خدودها: بابا .. احس اني وحيده .. قلبي يعورني ابيكم كلكم .. لاتخلوني .. اخاف تخلوني بروحي .. لاتخلوني الله يخليكم .. بوفارس: ليش هالكلام ؟ فاطمه تمسح دموعها: مادري .. فجأه حسيت بالخوف .. وحسيت اني بروحي فهالعالم .. خايفه بابا خايفه .. بوفارس تنفس بعمق .. حضنها بقوه ومسح على شعرها .. بوفارس: احنا حولج يبه .. لاتخافين .. وانتي مو بروحج .. انا موجود .. وامج واخوانج وخواتج .. كلنا هني .. فاطمه: لا تخليني بروحي .. خايفه .. بوفارس رافع حاجب: يبه فطيم .. انتي شايفه شي وخايفه منه ؟ فاطمه: لأ بابا .. بوفارس: عيل ليش كل هالحزن في صوتج ودموعج بابا .. فاطمه: مادري بابا .. بوفارس قعد مع بنته وتم حاضنها .. يهديها ويكلمها ويطمنها .. غفت عيون فاطمه في احضان ابوها .. حست بشوية طمأنينه .. بس ما عرفت ليش حست بهالحزن والوحده .. اما بوفارس تضايف من كلام بنته وخاف عليها بوفارس" سمالله على فطيم .. شو اللي في بالها .. ليش هالخوف اللي شفته فعيونها .. ليش الحزن ؟ " .. يوسف فالميلس كان وده يطلع من الميلس ويروح عند فاطمه من كثر خوفه عليها .. يوسف " شفيها حبيبة قلبي ؟ فديتها والله .. آخ بس لو اقدر اشوفها ولا اعرف شي .. ايه عليها " .. دخل عبدالعزيز الميلس والحزن باين على وي .. يوسف: عسى ماشر بوسعود ؟ ان شاءالله الاهل كلهم بخير .. عبدالعزيز قعد على الكرسي بتعب: ان شاءالله ما عليهم شر .. يوسف: اقدر اساعد بشي ..؟ عبدالعزيز رفع راسه مبتسم: ماتقصر .. زين قوم نطلع شو رايك ؟ يوسف تم يطالع عبدالعزيز كأنه يشوف فاطمه .. يوسف " ايه عليج يا فطيم ": ولايهمك .. قوم ولاتضايق نفسك .. عبدالعزيز: عندي لك شور .. يوسف: تفضل الغالي .. عبدالعزيز: شو رايك نتصل بفضول وعلوه .. ونروح ساحة الاستعراض .. يوسف: وين نروح الحين .. الشمس غابت .. خلها بعد ما نخلص من شغل خالي .. عبدالعزيز: حلو .. ولا شو رايك نستعرض هناك .. يوسف: لا يبه المنطقه جديده وما نعرفها عدل .. ومافيها حد اصلا .. نسيبي يقول انها مسكونه .. عبدالعزيز: ليش لأ .. مغامره .. يوسف: انت مب صاحي .. عبدالعزيز: ه .. نشوف الشباب .. يوسف: زين لين ذاك اليوم يصير خير .. زين انا بقولك شرايك نروح السينما .. عبدالعزيز: اي والله فكره .. زين انا باتصل حق الشباب وانت اتصل شوف الافلام المعروضه .. يوسف: صار .. اتصل يوسف السينما وحجز لهم تذاكر .. اما عبدالعزيز اتصل فالشباب .. رتبوا الشباب وتلاقوا الساعه 8 ونص .. دخلوا الفلم .. والشباب اللي راحوا علي وفاضل وعبدالعزيز ويوسف .. يتبع .. __________________ |
التكمله
قعدوا في اماكنهم وقبل بداية الفلم كانوا يسولفون .. يوسف: ما قلت لكم شباب شصار لي اليوم ؟ علي باهتمام: شو صار ؟ يوسف: تذكرون البنت اللي كانت فالمطعم .. فاضل: اي ي ي .. شو فيها .. ها ضبطها .. علي: اسكت خل نسمع .. كمل يوسف: اليوم وانا رايح الشغل شفتها بالشارع والحقتني .. عبدالعزيز مبطل عيونه: ها .. يوسف: اي .. هي تسوق وتخيل لحقتني لي مكان الشغل .. استغربت منها .. علي: وايد جريئه .. بس تحمل منها يا يوسف .. يوسف باستغراب: ليش ؟ علي: لو حاولت انها توصلك باي طريقه صدها .. تحمل تطلع وحده مريضه نفسيا ولا شي .. فاضل: يا ريال شو هالكلام .. فلم امريكي .. بوخليفه ما عليك الا انك تحولها علي .. عبدالعزيز: والله انك مو صاحي .. كلام علوه عدل .. بكره تضر الولد ولا تسوي له شي.. يوسف: اعوذ بالله .. الله يستر بس .. علي: زين الفلم بدا .. سكتوا ونكمل محور حديثنا بعدين .. فاضل: احلى يا محور حديثنا .. الشباب: ه .. في القهوه الشباب متجمعين كعادتهم .. فارس: ها سلمان .. جهزت كل شي .. سلمان: اي كل شي جاهز .. محمد وهو يحط كوب الشاي على الطاوله: عيل الساعه بنحرك ؟ سلمان: نبي نصلي الفجر ونحرك .. فارس: مو جنه من وقت .. سلمان: احسن لان المنطقه وايد بعيده .. فارس: زين ولا يهمك .. سلمان: ما تقصرون والله .. محمد بصوت واطي: زين سلمان .. الدناميت من وين جبته ؟ واكيد تعرف تستخدمه ؟ سلمان مبتسم: اي اعرف استخدمه .. وشفت صاحبي اللي جى من امريكا من فتره ؟ محمد: اي .. سميث سلمان: هاذي هو .. هو مهربه لي من هناك .. فارس ومحمد طالعوا بعض و رفعوا حاجب .. محمد: شلون هربه ؟ سلمان: ه .. مطرشه بالشحن البحري .. واستلمه اول ما وصل البلاد .. فارس: وين حطه و شلون ؟ سلمان مبتسم: هو عنده شركه شحن .. عنده اسطول كبير .. خشه في الاسطول وهربه .. سهله .. محمد: والله شي .. فارس: حلو لما الواحد يكون عنده معارف جي .. سلمان: بس الدناميت اللي جابه وايد قوي .. فلازم احسب الكميه اللي باستخدمها .. ولا بننكشف لو استخدمنا كميه كبيره .. فارس: زين شلون تعرف الكميه المطلوبه ؟ سلمان: هو ما جاب الديناميت بروحه .. جايب معاه اداوات عشان القياس .. محمد: ترتيب يعني .. سلمان: لازم .. بس هالكلام بيني وبينكم .. باقي الشباب مابيهم يعرفون .. محمد: ليش ؟ سلمان: توهم شباب .. وخايف عليهم يتكلمون لو بحسن نيه .. او انهم يحاولون يجربنه في يوم .. اذا يوسف ولد اختي يبي يعرف من وين جبت الدناميت وما قلت له .. فارس: عدل كلامك .. محمد: زين وكم حجم الحفره ؟ سلمان: ابي حفره عميقه .. قد ما نقدر نحفر حفره عميقه .. ما يهمني حجمها قد ما يهمني عمقها .. محمد: ليش ؟ سلمان: عشان ما ننكشف .. كل ما كانت في عمق الارض .. كان الصوت والاضرار اخف .. محمد: اها .. والله عشت حياه خشنه في امريكا .. سلمان تنهد: آآه .. اي والله انها خشنه .. الحمدلله على كل حال .. فارس رن جواله .. و كانت الرنه ( عالي مستواه ) .. ابتسم وقام من الطاوله .. سلمان: غرقان .. محمدابتسم: حده .. سلمان ومحمد: ه فارس: هلا وغلا .. مناف: هلا حبيبي .. فارس: فديت هالصوت انا .. مناف: شخبارك ؟ فارس: الحمدلله .. انتي شو مسويه ؟ مناف: الحمدلله طيبه .. انت وين ؟ فارس: فالشيشه والله مناف: فديت قلبك .. فارس: حياتي .. مناف: عيونها .. فارس: فديت عيونها انا .. قولي لي .. شو اللي مضايقج اليوم الظهر ؟ مناف " ابيه شاقوله الحين ": ما فيني شي حبيبي لا تحاتي .. فارس: لا تقولين ما فيني شي .. صوتج وصياحج ما كان يقول ان مافيج شي .. حد زعلج ؟ متهاوشه مع حد ؟؟ مناف: لا والله حبيبي .. انسى فديتك .. مافيني شي .. فارس: من الحين بتخشين علي حياتي .. مناف " شاقوله الحين ": حبيبي ماخش عليك .. بس يقاطعها فارس: بس شو ؟ مناف "سامحني باكذب عليك": بس .. اليوم الدكتور عطانا النتايج ورسبت فالماده .. فارس ببرأه: زعلتي عشان رسبتي فالماده .. فديت دموعج يا قلبي .. عوضيها .. بس لا تتكدرين .. مناف: ان شاءالله حبيبي .. فارس: ما كان له داعي هالصياح .. خوفتيني عليج .. انا قلت حد مسوي فيج شي .. مناف: حبيبي .. انت تعرف اني لما اتضايق ماحب اكلم حد الا انت .. فارس مبتسم: فديتيج يا قلبه انتي .. وانا حاضر لج يا حياتي .. مناف: الله يخليك لي .. فارس: آمين .. زين حبيبي تامريني على شي .. مناف بدلع: وين بتروح ؟ فارس " اموت فالدلع انا ": حياتي بروح عند الشباب .. مناف: لازم يعني .. فارس رفع حاجب وهو مبتسم: لأ .. مو لازم .. بس خلج معاي عالخط دقيقيه .. مناف ابتسمت بفرح: زين .. راح فارس عند الشباب .. كان ماسك التلفون ويكلمهم .. فارس: انا استأذن يا شباب .. سلمان يطالع ساعته: وين ؟ بدري يا ريال .. فارس: عندي شوية شغل .. محد: لحظه لحظه .. وانا من بيوصلني البيت يالشيخ .. انا جاي معاك فارس التفت على سلمان: بو خليفه مو مقصر .. سلمان يهمس لمحمد: خله عايش جوه .. انا بوصلك .. محمد: حلوه منك .. فارس: شو قلتوا ؟ محمد: خلك مع شغلك .. سلمان: الله يحفظك .. فارس: ه .. مو مشكله .. يلا سلام .. سلمان ومحمد: الله وياك .. الشباب تموا فالشيشه .. اما فارس ركب السياره وتم يدور فالشوارع وهو يكلم مناف .. يسمع منها ويسمعها احلى كلام الحب .. دمتم بخير .. __________________ |
[size=1][size=4]]size]
|
حوووووووور ليش هالنذاله كمليها بسرعه
يلا عاد لا تعطليني ابي اخلص منها هالاسبوع لان عندنا زواج ومارح ادخل الا بعد سبوع تكفي حوراء لاترديني طلبتك خلصيها الليله اذا تقدري بليييييييييز مشكوره عنوني وتسلمي بعد قلبي |
اقتباس:
مشكوره الغاليه على مرورك |
اقتباس:
انا احاول احطلكم اجزاء كثيره بس الروايه مرررره طويله حتى انا طفشت ابي اخلصها بسرعه وان شاء الله احاول انهيها خلال الاسبوع تسلمي عيوني على مرورك |
التكمله
ـــــــــــــــــــــــــــ اليوم هو يوم الخميس .. خالد ومريم جدام رب العالمين وجدام الناس بيعلنونهم زوج زوجه ان شاءالله .. خالد واقف يناظر نفسه فالمرايه .. خالد مبتسم " فديت هالويه يا خلود .. والله وصرت معرس .. واخيرا بتنفس من انفاسج يا مريم .. فديت قلبج يا حب حياتي .. الله يقدرني واسعدج يا بنت العم " .. عدل الغتره وتطيب من دهن العود .. شاف نفسه اخر مره فالمرايه وابتسم ابتسامته العذبه .. نزل وسلم على امه وابوه اللي كانوا قاعدين تحت .. خالد: السلام عليكم يا اغلى ام وابو .. بومحمد مبتسم: هلا وغلا .. وعليكم السلام .. ام محمد: عليكم السلام .. يسعد لي صباحك يا قلب امك انته .. خالد قعد مواجهم: الغاليه شاي من ايدينج الحلوات .. ام محمد: ان شاءالله الغالي .. بومحمد: خالد .. خالد مبتسم: سم الغالي .. بومحمد: سم الله عدوينك .. مستعد للحدث الكبير ؟ ما بقى وقت .. خلال ساعتين بتكون مريم في ذمتك .. حلالك خالد " والله ودي يمرون بسرعه": اي خلاص بدى العد التنازلي .. بومحمد مبتسم: اخوانك وين ؟ خالد: نازلين .. دخلت ام محمد وحطت كوب الشاي جدام ولدها .. ام محمد: تفضل يبه .. خالد: دام فضلج الغاليه .. دخل عليهم علي: السلام عليكم .. الكل: عليكم السلام .. باس راس امه وابوه وقعد جنب اخوه .. علي: يبه .. بومحمد: يا لبيه .. علي: صج اللي سمعته ؟ بومحمد مستغرب: شو اللي سمعته ؟ علي: ان خالد متخرع وما نام من امس .. بومحمد وام محمد طالعوا بعض: ه خالد التفت على اخوه: علوه .. والله اني محضر لك بلاوي لي جيت تعرس .. عشان جي انا باسكت عنك .. بومحمد: شو محضر له .. ه خالد عصب: معليه يا علوه .. ام محمد تمت تكح من كثر الضحك .. ام محمد: كح كح كح .. آآه يا علي .. عليك سوالف .. كح كح كح بومحمد: قم جيب ماي لامك بسرعه .. ه علي: ان شاءالله .. خالد يطالعهم وهو معصب " اوريك يا علوه .. ان ما مسخرت فيك .. اصبر علي .. مستقوي علي الحين وتقطعني وانا ساكت لك .. لكن مردك بتنحط بالموقف اللي انا فيه " .. رجع علي ومعاه كوب الماي: شربي يمه .. شربت ام محمد: واي يا قلبي .. يا علك العافيه يا علوه جي تسوي فينا .. بومحمد: والله انك هيس ومو هين يا علوه .. دخل عليهم محمد: شو فيك ؟ بومحمد: تعال ليفوتك .. خالد يقاطعه: قطعوني يا حمود .. محمد مبتسم: ليش ؟ خالد: ما تعرف الرزيل علوه .. محمد: عندك اياه علوه .. زين سويت فيه .. خالد مبطل عيونه: حتى انت يا حمود .. محمد: نسيت ولا اذكرك ؟ خالد رفع حاجب وبعدين ضحك: آآه .. صج الدنيا دواره .. الله سلط علي علوه هالخبل .. بومحمد: شو ؟ محمد: خلود سوا فيني نفس الشي يوم بملج بساره .. قطعني عند عيال عمي .. بومحمد: عساك يا خالد .. خالد: بسكم سوالف .. يلا قوموا نروح .. بومحمد التفت على علي: وايد مستعيل الولد .. علي: شوف عيونه حمر من السهر .. ام محمد ماتت من الضحك: خلاص يا علي ذبحتني .. محمد يطالع خالد: .. انا لو منك يا خلود ادفن راسي بالارض مثل النعامه .. خالد واقف عند الباب: معليه .. مستانسين قطعتوني .. علي: تعيش وتاكل غيرها .. خالد ضحك: .. زين زين يا علوه .. بومحمد: احم .. يلا يا جماعه جاهزين .. نمشي ؟ محمد: لا وين نمشي .. ما شربت شاي .. ام محمد قامت من مكانها: الحين باحطه لك في كوب الشغل اخذه معاك .. محمد: جزاج الله خير الغاليه .. علي: وانا بعد يمه ابي . ام محمد وهي رايحه المطبخ: ان شاءالله .. بومحمد: خالد يبه تعال اقعد ليش واقف عند الباب ..؟ المحكمه مب طايره .. الكل: ه .. خالد: حتى انت معاهم يبه .. محمد: .. ما درا عنك فروس .. خالد: لا والله .. علي كان يصور خالد بالجوال وهو معصب .. دخلت ام محمد ومعاها كوبين واحد لمحمد و واحد لعلي .. سلم خالد على امه .. خالد يبوس راس امه: رضاج وبركاتج الغاليه .. ام محمد تمسح دموعها: الله يبارك لكم .. و مريم احسن البنات .. الله يوفقكم ان شاءالله .. خالد مسح دموع امه: الله يخليج لنا يا ام محمد .. والفال حق الباقي .. ام محمد: آمين .. الله ايسر امورك يا رب .. الكل: آمين .. طلعوا وام محمد تمت تراقبهم وهي تصيح .. كانت دموعها دموع الفرح .. وقفت نفس الوقفه ونفس المكان من 4 سنين .. لما محمد كان رايح المحكمه يملج بساره .. تذكرت ذيك الايام ومسحت دموعها بفرح تمت تدعي لهم وكانت تنتظر رجعتهم .. في بيت بوفارس مريم فتحت عيونها بفرح .. وبشيء من التوتر .. قامت من السرير وخذت لها شور دافي يهدي الاعصاب .. صلت ركعتين تمت تدعي فهم بالتوفيق والحياه السعيده مع خالد .. لبست ونزلت عند امها .. مريم بابتسامة دلع: ماما حبيبتي .. وباستها على خدها .. وحضنتها بقوه .. ام فارس: هلا وغلا .. فديت مرايم انا .. وحضنت مريم بحنان .. مريم: شحالج ماما ؟ ام فارس بتسمه: تسأليني انا .. انتي اللي شو اخبارج ؟ مريم نزلت راسها: ماما عااد .. ام فارس: ه .. الله يكملج بعقلج و يوفقج يالغاليه .. مريم: آمين .. دخل عليهم بوفارس وهو مبتسم: فديت عروستنا .. شحالج بابا .. مريم قامت تسلم على ابوها: هلا بابا .. شو اخبارك ؟ بوفارس رفع راسها: فديت الخجل انا .. انا طيب فديت قلبج .. مريم قعدت جنب ابوها .. بوفارس: الغاليه .. شحالج اليوم .. ام فارس: مستانسه والله .. بوفارس الله يتمم على خير .. مريم روحي شوفي اخوانج قعدوا ولا للحين ؟ مريم: ان شاءالله بابا .. بوفارس: فديت قلبها .. الله يوفقها مع خالد .. ام فارس: خالد ريال وينشد فيه الظهر .. تربية حمد .. بوفارس: صدقتي .. تربية حمد .. ام فارس مبتسمه: وانت عيالك ريايل وما عليهم زود .. بوفارس: الله يحفظهم كلهم .. دخل فارس و راه عبدالعزيز ماسك يد مريم .. فارس يبوس راس امه: شحالج الغاليه .. ام فارس صاده عنه: الحمدلله .. سلم على ابوه: شحالك يبه ؟ بوفارس: حيالله فارس .. بوفارس يعوض فارس نقص المشاعر والحنان من ام فارس .. عبدالعزيز يبوس راس امه: فديت ام فارس انا .. ام فارس مبتسمه: هلا وغلا بعزيز .. هلا فديت قلبك .. شحالك يبه ؟ عبدالعزيز: طيب الله يسلمج .. ام فارس: فديت قلبك .. خل اقوم اجيب لكم السفره عشان تاكلون لكم لقمه قبل ما تروحون .. مريم قاعده جنب عبدالعزيز: حيالله عروستنا .. مريم مبتسمه بخجل: فديت قلبك عزيز .. فارس مبتسم: مرايم .. فديت الخجل انا .. مريم: عاد فارس .. فارس: واااي على الدلع .. بتذبحين خلود بدلعج انتي .. مريم " اصلا هو ميت": .................. عبدالعزيز: فديت الخجل .. بوفارس: بسكم .. احرجتوا البنيه .. يبه روحي شوفي اختج خلصت ولا للحين ؟.. مريم ان شاءالله .. دخلت ام فارس وحطت الصينيه على الارض .. نزلوا كلهم يتريقون .. تموا يسولفون ويضحكون الا فارس .. فارس قايم من السفره: الحمدلله .. بوفارس: وين يبه .. ما كلت شي ؟ فارس: الحمدلله شبعت .. بوفارس " الله يهديج يا مزنه .. الولد صار ما يشتهي يقعد معانا " .. فارس راح غرفته لبس وتكشخ ونزل لهم .. بوفارس يطالع فارس باعجاب: اخاف انت المعرس وانا مادري ؟ فارس ابتسم لابوه: فديت قلبك الغالي .. عبدالعزيز: حلاه عليك يا بومحمد .. معرس .. فارس: لو سمحت انا بونايف .. ام فارس التفت عليه: وليش بونايف يعني .. فارس ابتسم: يعز علي هالاسم .. بوفارس: ولا يهمك يا بونايف .. حاضرين لك .. دخلت فاطمه وهي مبتسمه لابوها .. فاطمه: السلام عليكم .. الكل: عليكم السلام .. بوفارس: هلا وغلا بحياة وقلب ابوها .. تعالي اشم ريحتج يالغاليه .. فاطمه قربت من ابوها: شحالك الغالي .. بوفارس: بشوفتج صرت بخير .. فاطمه: فديت قلبك بابا .. راحت عند امها وباست راسها .. بوفارس: يلا مشينا يا شباب .. عبدالعزيز: قدام .. فارس: .. ليكون انت اللي بتعرس .. طالع اول واحد فينا .. عبدالعزي يتمسخر: كنت بعرس .. بوفارس: يلا عن الهذره الزايده .. طلعوا و راحوا المحكمه .. كلهم ركبوا سيارة فارس ( الرنج الاسود ) يتبع .. __________________ |
التكمله
فارس اتصل بمحمد ولد عمه وحطه على السبيكر .. محمد: فروس حبيبي .. بومحمد التفت على فارس .. فارس: هلا بونايف .. شحالك ؟ محمد: يه يه يه .. شعنده المؤدب .. فارس يصطنع الابتسامه: انتوا وين الحين ؟ محمد: وحشتني يا قلبي .. بوفارس: محمد .. شو هالكلام ؟ محمد: اوبس .. عمي .. بوفارس: وجع .. شوهالمياعه .. محمد: شحالك عمي .. بوفارس: اي جي اصطلب .. انتوا وين ؟ محمد: احنا قريب المحكمه ؟ انتوا وين ؟ بوفارس: تونا طالعين من البيت .. محمد: عيل ننتظركم احنا .. يلا سلام .. وسكر على طول .. طبعا عبدالعزيز ومريم وفاطمه كانوا ميتين من الضحك على محمد .. بوفارس: شو فيه يتميع فالكلام ذي .. استخف على كبر .. فارس طبعا ما علق .. تحسف انه حط التلفون على السبيكر .. ماتوقع ان محمد يخربط بالرغم ان فارس لمح له انه مو قادر يتكلم .. محمد: قطيعه .. صاددني عمي .. الله يغربلك يا فروس .. علي: شو فيك ؟ محمد: سمعتني شلون اتكلم اول ما رن التلفون ؟ علي: اي .. كنت تستعبط .. محمد: وبعدين ما تغير كلامي مره وحده ؟ علي: بلا محمد: فروس حاطني على السبيكر وعمي معاه فالسياره .. علي ضحك بصوت عالي: كاااااااااااااااااك .. شو هالحاله .. خلود من شوي والحين انت .. اااااااااي .. محمد: الله يغربل فروس .. علي: شلون بتجابل عمي الحين ؟ محمد: اسكت هاي اللي احاتيه الحين .. بس مردوده يا فروس .. علي: حالتكم صعبه .. وصلوا المحكمه ومحمد كان متوتر .. شلون بيجابل عمه من بعد الحركه اللي صارت .. محمد " زين انا كنت استعبط .. اكيد عمي بيفهم هالشي .. لأ يمكن على باله اتكلم جد .. الله يغربلك يا فروس " دخلوا وقعدوا في انتظار الرجال .. بومحمد: محمد يبه كلمت بيت عمك ؟ محمد: اي يبه .. جاين .. بومحمد: اتصل شوفهم وين؟ تأخروا .. محمد بصوت واطي: بعد انا اتصل .. بومحمد: ها يبه .. شو تقول ؟ محمد: ولا شي الغالي .. ان شاءالله بتصل .. علي يهمس في اذن خالد: فاتك اللي صار .. خالد قرب من علي: شو صار ؟ علي قال لخالد موقف محمد مع عمهم بوفارس .. اما خالد مات من الضحك .. خالد: .. الله يغربلك يا حمود .. محمد انهى المكامله والتفت على خالد اللي كان ميت من الضحك .. محمد: تضحك ها .. قالك علوه .. خالد: روعه الحركه .. بومحمد: ها يا محمد .. وينهم .. محمد: وصلوا خلاص .. الحين بينزلون .. دخلوا المحكمه ومريم زاد توترها .. مريم: فطيم .. مسكيني ماشوف عدل .. فاطمه مبتسمه: هاتي يدج .. مريم فديت قلبج .. تجننين وانتي متوتره .. مريم: فديت قلبج يا فطيم .. الفال لج .. وان شاءالله اجيبج المحكمه وتكونين متوتره جي بعد .. فاطمه: ه .. اشوف تنكتين بعد .. رفعت راسها وشافت محمد يطالعها وهو مبتسم .. نزلت راسها بخجل ودخلت مع اختها انتظار النساء .. الشباب سلموا على بعض .. دخلت مريم عند الشيخ وخلصوا الاجراءات القانونيه .. وتم الزواج .. خالد سلم على عمه وهو فرحان .. بوفارس: مبروك يا خالد .. وما وصيك على مريم .. خالد: الله يبارك فيك يا عمي .. ومريم بحطها بعيوني . والله يقدرني واسعدها .. بوفارس: بارك الله فيك .. بومحمد: مبروك بوفارس .. الله يهنيهم .. بوفارس: الله يبارك فيك ويسمع منك .. مريم كانت واقفه جنب عبدالعزيز ومنزله راسها .. قرب منها خالد .. خالد: مبروك مريم .. مريم ماسكه عبدالعزيز: الله يبارك فيك .. عبدالعزيز: تستاهل بوليد .. خالد: الفال لك .. فارس: مبروك يارجل .. ودخلت القفص .. خالد مبتسم: الله يبارك فيك .. عقبال ما نفرح فيك الغالي .. محمد: وانا ما تبون تفرحون فيني بعد .. خالد: عن الانانيه .. محمد حضن اخوه: مبروك يا خالد .. الله يهنيكم .. خالد: وياك فديتك .. علي: صباحيه مباركه يا عريس .. مبروك حبيبي .. خالد: .. ما تخلي عنك هالحركات .. عقبال ما نجيبك المحكمه ياعلوه .. بومحمد وعلي ومحمد: ه راحت مريم انتظار النساء وارتمت في احضان اختها .. بللت شيلة فاطمه بدموعها .. فاطمه: واااي فديت اختي انا .. مبروك يا مرايم .. تستاهلين .. الله يوفقكم .. مريم وسط دموعها: الله يبارك فيج حبيبتي .. وان شاءالله نفرح فيج .. طلعوا الخوات من انتظار النساء ومحمد كان يطالع فاطمه بشوق .. فاطمه كانت تتصد .. ما تبي عيونها تتلاقى بعيون محمد .. اما محمد قرب من فاطمه .. محمد: شحالج بنت العم ؟ فاطمه منزله راسها: الحمدلله طيبه .. محمد: اخبار يدج ؟ ان شاءالله احسن الحين ؟ فاطمه " ما نسى يدي مع انها خفت": الحمدلله احسن .. رحت المستشفى و شلوا لي الخيط .. محمد: الحمدلله .. قرب منهم فارس: حيالله محمد ولد عمي .. محمد: الله لا يحيك .. فارس: .. ليش ؟ محمد: تضحك وتسألني ليش ؟ فارس: .. ياخي انت ما تفهم .. ناديتك بونايف .. وما فهمت .. محمد: شدراني انا .. فارس: انا اقول شو فيه الولد متنح .. ما يفهم شو سالفته .. محمد: يجي لك يوم .. فارس: تكبر وتنسى .. محمد: مو مشكله .. زين تجي معاي ؟ فارس: لا .. بروح اوصل الاهل البيت .. محمد: يا ويلي .. كلهم كانوا معاك بالسياره ؟ فارس: اي .. جينا بسياره وحده .. محمد: الله لا يبارك بالساعه اللي اتصلت فيها يا فروس .. " اكيد فاطمه سمعتني " .. فارس: ه .. محمد: خلاص انا بري منك لين يوم الدين .. ماعرفك .. بوفارس: يعني لي متى بتهذرون انتوا الثنين ؟ محمد انتفض: احم .. هلا عمي .. بوفارس يطالع محمد ورافع حاجب: هلا والله بونايف .. محمد راح عند ابوه من الاحراج .. بوفارس: يلا يبه نروح .. فارس ماسك الضحكه: ان شاءالله .. طلعوا من المحكمه وهم فرحانين .. خالد فرحان باهم حدث في حياته .. محمد فرحان بشوفة فاطمه .. اما الباقي فرحوا حق مريم وخالد .. اتصل محمد يبشر امه .. وام محمد على طول اتصلت بام فارس تبارك لها .. الفرحه عمت بيت بوفارس وبيت بومحمد .. دخل خالد البيت وكانت ام محمد في استقباله .. ام محمد: هلا وغلا بخالد .. مبروك فديت قلبك .. الله يوفقك ويرضى عليك يا يبه .. خالد باس راسها: الله يبارك فيج الغاليه .. اهم شي رضاج علينا .. ام محمد: راضه عليك دنيا واخره .. خالد تنفس براحه .. وسلم على الباقي .. الريم وفاضل وسلطان وساره مرت محمد .. في بيت بوفارس .. ام فارس كانت فالحوش نتنظر وعلى اعصابها .. اول مادخلوا ركضت عند السياره وخذت مريم بالاحضان .. ام فارس: فديت بنتي والله .. تستاهلين يا قلبي .. مريم: ماما .. وصاحت متأثره بالموقف .. فارس مبتسم: يه .. مرايم شو هالدموع .. ام فارس تمسح دموع مريم: هاي دموع الفرح .. فارس باس مريم على راسها: مبروك يا اختي الغاليه .. وعقبال ما نفرح بفاطمه .. ام فارس: وفيك .. فارس مبتسم: وفيني ولا يهمج يا ام فارس .. وباس راسها .. ام فارس حضنته بشوق: فديت قلبك يا فارس .. فرح قلبي يا يبه .. فارس: عطيني وقت و اوعدج اني بنفسي بجي وبقولج يمه ابي اتزوج .. ام فارس: ان شاءالله .. بوفارس كان يشوف ام فارس وفارس بحنان " الله يرضى عليكم ولا يفرق بينكم " .. طلعت ايمان تركض بكشتها فالحوش وتصرخ .. الكل التفت عليها بخوف واستغراب .. ايمان: واااااااااااااي .. مبروك مريوم .. فارس: وجع .. طيرتي قلوبنا يالهبله .. الكل: ه طبت على مريم وحضنتها: مبروك مرايم .. تستاهلين الله يوفقج مع خالد .. مريم حضنتها: الله يبارك فيج حياتي .. الفال لج انتي وفطيم .. فارس لما سمع اسم فاطمه التفت عليها .. قرب منها وحط يده على كتفها .. فاطمه التفتت عليه مبتسمه .. فارس: تعالي ابيج شوي .. فاطمه مشت مع فارس: ان شاءالله راحوا صوب الحديقه .. قعدوا على الكرسي فارس قعد ومسك يد فاطمه .. قرب يدها من خشمه وتم يستنشقها .. فاطمه استغربت .. فارس: شو هالريحه الحلوه .. فاطمه سحبت يدها: اي ريحه ؟ فارس: ليش ارتبكتي ؟ فاطمه: نعم!! شفيك فارس ؟ فارس: تذكرين يوم كنا في غرفة عزيز ذيك الليله ؟ فاطمه ويها صار احمر: اي فارس: ليش لما مريم قالت لج نفس الكلام اللي قلته ارتبكتي وغيرتي الموضوع ..؟ فاطمه: ما غيرت الموضوع رديت عليها .. فارس: اذكر .. وقلتي لها هاي ريحة الغرفه .. فاطمه: اي .. فارس: بس انا يوم دخلت غرفة عزيز ما كنت في ريحه مميزه .. نفس الريحه اللي مريم شمتها في يدج ؟!!؟ فاطمه: فارس .. شو تبي انت من ورا هالكلام ؟ فارس: في شي انتي خاشته علي ؟ فاطمه: لا مافي شي ؟ فارس: فطيم .. انا اخوج ولا تخشين علي .. فاطمه: مافي شي .. قامت من مكانها وهي تصيح .. مسكها فارس: رجعي .. ليش هالدموع .. فاطمه دزته وراحت تركض وهي تصيح .. فارس استغرب منها .. فارس " شو وراها فطيم ؟ وليش تصرفت جي ؟ انا ما قلت شي يزعل .. هاي اسلوبي وهي تعرفه .. والله انها غريبه !!" .. فاطمه راحت غرفتها وسكرت الباب عليها وتمت تصيح .. حذفت نفسها على السرير وتمت تصيح بخوف وقلق .. راسها عورها ونامت من التعب .. فارس حس بالذنب .. هو ما كان شاك في اخته .. بس مستغرب شرودها وارتباكها .. في الفتره الاخيره .. تم يفكر في اخته .. خايف عليها ويبي يعرف شو اللي مضايقها .. فارس" فطيم صايره وايد حساسه هالايام .. دوم شارده واحسها في عالم ثاني ؟ لازم اعرف شو فيها اختي .. فديت قلبها فطيم " .. دخل الجد مع هيا والجده .. والجد اول ما شاف عبدالعزيز لحقه وضربه بالخيزران .. الجد: اسود الويه .. عبدالعزيز: آآآآي .. ليش يدي ؟ الجد: تعرف ليش .. عبدالعزيز: اليوم الضرب ممنوع .. الجد متعجب: ليش ؟ عبدالعزيز: عشان خالد ملج بمريم .. الكل: ه الجد: لا والله .. تستخف دمك .. الجده: بسك لتهت الولد .. عبدالعزيز: آآي يدتي ذبحني .. شوفي شلون ضهري معلم من خيزرانته .. الجده تمسح على ظهر عبدالعزيز: سمالله عليك يبه .. بس محد قالك تروح مع يدك .. الجد: عزوز تعال ابيك .. عبدالعزيز: ان شاءالله .. وقام ورا يده .. الجده: وبعدين قول ظهري علم من خيزرانته .. هيا: ما يتوب ولد ولدج .. دخلت ام فارس مرحبه بهيا والجده: هلا وغلا .. نور البيت .. هيا مبتسمه: مبروكين ويستاهلون .. ام فارس: الله يبارك فيج حبيبتي .. الجده: تستاهلون يا مزنه .. الله يكبر حظها .. ام فارس تبوس راس عمتها: الله يسلمج يمه .. بوفارس: وين البنات يا مزنه ؟ ام فارس: فوق .. بروح اناديهم .. بوفارس: بارك الله فيج .. يتبع .. __________________ |
التكلمه
دخل فارس: احم احم .. الجده: ووووويه لوع الله جبدك .. فارس سلم عليها: اهلا اهلا .. هيا: عيالك مسوين لامي وابوي جو .. بوفارس مبتسم: .. فيهم خبال عيالي .. فارس: شحالج الشيخه ؟ الجده صاده عنه: الحمدلله .. فارس واقف عندها: يعني ما راح تسأليني ؟ الجده: شو اسألك .؟ فارس: عن اخباري ؟ الجده: من زين ويهك اسأل عنك .. فارس: نعم نعم .. سمعيني مره ثانيه الشيخه .. الجده: والله العظيم لو ما فارقت ويهي باكسر ضلوعك .. فارس ضحك عشان ينرفز الجده: هااااااااي .. ليكون الشيخه تلعبين كاراتيه ؟ الجده اطالع الصوب الثاني: استغفر الله العظيم .. بوفارس: امي عكس ابوي .. بالها طويل وتصبر .. ابوي على طول يرفع الخيزران .. هيا: اي والله .. حمد طلع على ابوي .. بوفارس: مسوي لهم رعب فالبيت .. هيا: اي والله .. التفتت على فارس .. يعني متى بتسلم على عمتك يا حلو ؟ فارس مبتسم ورافع حاجب: هلا وغلا عميمه .. شحالج .. هيا: فديت هالابتسامه يا فارس .. ماشاءالله عليك مزيون .. عيني عليك بارده .. فارس باسها على خدها: مووووح .. فديتج عميمه .. الجده بصوت واطي: من حلاته هالعفريت .. فارس التفت عليها: عيدي كلامج الشيخه .. الجده طالعته بنظره: الله يعطيك عقل .. هيا وبوفارس: ه دخلت مريم وهي منحرجه: السلام عليكم .. هيا والجده وام فارس لولشوا: كللللوووووووووووش .. الجده قامت: فديت قلب الريم .. والله انج عروس يالعروس .. مريم منحرجه: هلا يدتي .. شحالج ؟ الجده: طيبه طاب حالج .. انتي شحالج يمه ..؟ مريم: الحمدلله بخير .. هيا خذت مريم بالاحضان: مبروك حبيبة قلبي .. انتي وخالد لايقين لبعض .. الله يهنيكم يا رب .. مريم: الله يبارك فيج عميمه .. وحضنت عمتها .. فديت قلبج عميمه .. فارس: بلا افلام هنديه خلاص .. الجده: وانت شعليك منهم ؟ فارس: ما علي منهم شي .. علي ثيابي .. مالبس ثياب حريم .. الجده بذهول: شوفوا شو يقول هالخبل .. والله ان هالولد انرج .. فارس يستعبط: ليش شايفتني قرشه عشان انرج .. الجده: انت تجنن اللي ما يتجنن .. خبل خبل .. فارس متخصر: يا ربي يقتهرون من جمالي ودلالي .. الجده: بيجيب لي الجلطه هالولد بكلامه .. مريم: سمالله عليج يدتي .. فارس وبوفارس: ه دخلت ايمان: هلا وغلا .. حيالله من جانا .. الجده: فديت ايمان انا .. تعالي فديت قلبج .. والله انج سنعه .. ايمان تبوس راس يدتها: شحالج يدتي .. ان شاءالله طيبه ؟ الجده مبتسمه: طيبه بشوفتج يا غناتي .. ايمان: هلا والله عميمه .. شحالج ؟ هيا مبتسمه: طيبه حبيبتي .. انتي شحالج حياتي ؟ ايمان: الحمدلله طيبه .. ام فارس: مريم يبه .. سلمتي على يدج ؟ مريم: ما شفته .. الجده: هايت مع عزوز .. خرب الصبي هالشيبه .. فارس: حتى الشيبه تقتهر منه .. يا ربي .. ام فارس: اسكت عن يدتك يا فارس .. بوفارس: الله يغربلك يا فارس .. فارس يهمس: احب العوزها .. شي يدتي .. بالها طويل ودوم مروقه .. بوفارس وفارس: الجده اطالعهم بغضب: وحطبه على روسكم انتوا الثنين .. شوله هالضحك ؟ بوفارس: ما في شي الغاليه .. ام فارس: مريم يبه روحي سلمي على يدج .. مريم: وينه ؟ ام فارس: اكيد مع عزيز فوق .. مريم: ان شاءالله .. هيا: وين النتفه وفطيم ؟ ايمان: جسوم راح مع سلطان يجيبون افلام .. بوفارس: وهذول حياتهم افلام .. الجده: خله على راحته لا تضايقه .. هيا: فديت قلبه والله .. خله على راحته .. زين وين فطامي ؟ فارس تذكر ان اخته زعلانه " فديت قلب فطيم " .. بوفارس: ايمان يبه .. ايمان: نعم بابا .. بوفارس: روحي نادي اختج .. قولي لها عميمه هني .. ايمان وهي طالعه: ان شاءالله .. فارس كان سرحان .. والجده انتبهت انه سرح .. الجده: فارس .. فارس: نعم .. الجده: الله ينعم عليك .. وين رحت ؟ فارس ابتسم: معاكم .. الجده: سمالله عليك .. مره وحده صخيت .. فارس: لا ما فيني شي .. وابتسم .. الجده تغيضه: ما يندرى عنك في من تفكر ؟ فارس مبتسم: عيدي كلامج الشيخه .. الجده: مو اذن عليك .. فارس: لا مثلج .. الجده: وجع يا فروس .. فارس: عادي ما يأثر في نفسيتي .. الجده: محمد شوف ولدك جنني .. بوفارس وهيا وام فارس: راحت ايمان غرفة فاطمه وطقت الباب .. ايمان: فطوم .. فطوم .. ودخلت عليها .. شافتها نايمه .. ليش نايمه الحين ..؟ طلعت من الغرفه ونزلت تحت .. ايمان: فطيم نايمه .. بوفارس بخوف: نايمه .. والكل انتبه لخوف بوفارس .. ام فارس: ويه توها معانا .. بوفارس قام من مكانه وراح لها الغرفه .. فارس: شو فيه ابوي قام متخرع ؟ هيا: مادري .. خل اقوم اشوفه .. ام فارس والجده قاموا وراها .. الجده: فروس .. فارس: هلا .. الجده: شلني .. ماقدر على الدري .. فارس: من عيوني .. شل يدته و راح ورى امه .. تمت ايمان فالصاله بروحها .. ايمان: يه انا ليش واقفه بروحي .. خل اروح وراهم .. دخل بوفارس غرفة فاطمه و قلبه مقبوض وخايف عليها .. شافها نايمه وباين عليها الحزن .. قعد على السرير بوفارس: فطيم .. حياة ابوها قومي .. فاطمه: من ؟ بوفارس: انا بابا .. قومي .. شو فيج نايمه الحين ؟ تعبانه ؟ فاطمه فتحت عيونها بتعب: بابا .. بوفارس: عيونه انتي .. تعبانه يبه ؟ فاطمه: اي تعبانه شوي .. دخلت ام فارس و وراها هيا .. ام فارس: فطيم ماما شو فيج .. بوفارس: ما عليها شر بس فيها نوم الكسوله .. بوفارس ماحب يلفت انظار الكل لفاطمه .. هو خايف عليها من ذيك الليله يوم صاحت وكانت خايفه .. فاطمه استغربت دخول الكل عليها .. تمت اطالهعم باستغراب .. تلاقت عيونها بعيون فارس .. ونزلت راسها على طول .. حظنت ابوها وغمضت عيونها .. بوفارس: تبين تنامين بابا .. فاطمه: لا خلاص مافيني نوم .. رفعت راسها مبتسمه .. بس غفت عيوني شوي .. الجده: سمالله عليج غناتي .. فاطمه قامت من السرير وباست راس يدتها: شحالج يدتي ؟ الجده: بخير غناتي .. راحت عند عمتها وباستها: شحالج عميمه ؟ هيا مبتسمه: طيبه فديت قلبج .. فاطمه: شو فيكم كلكم دخلتوا مره وحده ؟ بوفارس: خفنا لتكونين تعبانه .. فاطمه مبتسم: لا مو تعبانه الحمدلله .. بس دخلت الغرفه وكانت بارده وما قدرت اقاوم السرير .. الكل: ه .. بوفارس: زين يبه دام تطمنا عليج .. عيل ننتظرج تحت .. فاطمه: ان شاءالله ببدل وبانزل .. الكل طلع من الغرفه الا فارس .. كان واقف ويطالع اخته بندم .. فاطمه كانت متجاهله وجوده .. فارس نزل راسه وطلع .. فارس " فطيم حساسه .. الحين هي ماخذه على خاطرها مني .. بس تهدى وبكلمها على رواقه " .. فاطمه كانت حاسه بالذنب لانها تجاهلت فارس .. فاطمه " فديت قلبك يا فارس .. اعذرني بس غصبن عني سويت جي .. سامحني اخوي الغالي " فاطمه نزلت تحت .. وفارس دخل غرفته وهو متضايق .. ملجأه الوحيد ( مناف ) .. مناف: هلا حبيبي .. فارس تنهد: آآه .. فديتج يا قلبه انتي .. مناف بخوف: شفيك فارس ؟ فارس: مافيني شي .. بس تعبان شوي ؟ مناف: ما تشوف شر حبيبي .. شفيك تعبان ؟ فارس: مصدع .. مناف: سمالله عليك حبيبي .. قوم خذ لك شور دافي ونام لك شوي .. فارس مستناس ان مناف مهتمه فيه: مو الحين حبيبتي .. مناف: متى حبيبي ؟ فارس: ما شبعت من صوتج .. مناف منحرجه: فديت قلبك يا حياتي .. بس انا ما راح اطير .. روح خذ لك شور وبعدها كلمني .. فارس: لا حياتي بعدين .. مناف: فارس اسمع الكلام .. فارس: اي كلام .. مناف: لا تستعبط .. فارس: ه .. زين بس 5 دقايف وبقوم اخذ شور .. مناف: باحسبها لك .. فارس مبتسم: زين .. اتصل له محمد على الخط الثاني .. مناف حبيبتي لحظه بشوف الخط الثاني .. مناف: خذر احتك .. رد على محمد .. محمد: روح يا انتظار .. فارس منحرج: خير شو تبي ؟ محمد ميت من الضحك: ه .. ابيك يا بعد طوايفي .. فارس: دمك خفيف .. محمد: فديت خفة دمي والله .. فارس: اخلص علي .. محمد يستعبط: ممممممم فارس: حمود .. محمد: زين زين .. كلمني سلمان .. فارس باهتمام: زين .. محمد: وقالي لازم نتلاقى الساعه 1 في بيتهم .. فارس رفع حاجب: خير ان شاءالله .. خل اخلص من اللي بيدي وبكلمك .. محمد يغلس: شو اللي بيدك ؟ فارس: حمودي بتصفق الحين .. محمد: لا تنطرها وايد .. بعدين تزعل .. فارس: فارق .. حسابك بعدين .. سلام .. رجع لمناف اللي كانت تنتظره .. مناف: هلا حياتي .. فارس: سوري .. ولدي عمي كان على الخط الثاني .. مناف: عادي حبيبي .. زين خلصت الـ 5 دقايق .. فارس: لااااااا .. ما يصير .. مناف: وش اللي ما يصير ؟ فارس: الـ 5 دقايق راحت وانا اكلم ولد عمي .. مناف: محد قالك ترد عليه .. فارس يتدلع على مناف: عاد حبيبي .. بس خليني شوي .. مناف: فديت قلبك انته .. بس انا عند كلمتي .. يلا روح خذ شور وارتاح شوي .. فارس: واللي يسلمج يا قلبه انتي .. مناف: لا يعني لا .. فارس: باموت جي .. لا تقسين علي .. مناف: فديت قلبك حبيبي .. عورت قلبي .. زين قوم خذ لك شور و أول ما تخلص كلمني زين .. فارس بوناسه: اوكي .. مناف ضحكت: .. انتظر اتصالك حبيبي .. فارس: ان شاءالله يا قلبي .. سكر منها وهو فرحان .. فارس " فديت قلبج يا مناف .. احبج واموت فيج .. صرتي كل شي بحياتي يا حياتي انتي " .. دخل خذ له شور سريع .. ورجع اتصل فيها مره ثانيه .. كان يكلمها بفرح .. طقت عليه ايمان الباب .. ايمان: فارس .. فارس: لحظه حبيبتي شوي .. راح عند الباب .. نعم ايمان: يلا الغدا جاهز .. فارس: مابي غدا .. باطلع بعد شوي.. ايمان: على راحتك .. فارس سكر الباب ورجع يكلم مناف .. مناف: ليش ما تبي غدا ..؟ فارس: باطلع .. مناف: تطلع في القايله .. فارس: اي عندي شغل مع ولد عمي .. مناف: اها .. زين كل لك لقمه فديتك .. فارس: مالي خاطر .. مناف: بس انت المفروض انك ترتاح بعد هالشور صح .. فارس مبتسم: المفروض .. بس some thing came up مناف: اها .. زين متى بتطلع .؟ فارس: بعد شوي ان شاءالله .. مناف: زين عيل خل اروح اشوف اخواني وامي .. وانت روح خلص شغلك .. وكلمني لي فضيت حبيبي .. فارس: زين حبيبتي .. سكر من مناف وعلى طول اتصل بولد عمه .. فارس: انت وين ؟ محمد: طالع .. فارس: مرني .. محمد: ولا يهمك .. فارس: انا فالانتظار .. محمد: فالانتظار ولا عندك انتظار .. اااااااي فارس: اااااي .. تصدق توني مكتشف خفة دمك محمد: والله مشكلتك اذا توك مكتشف خفة دمي .. فارس: والله يا حمود لي شفتك مو احسن لك .. محمد: ااااااي .. اما مزاجك عجيب اليوم .. فارس: زين انا انتظرك يالدب .. محمد: من عيوني يا عيوني انت .. موووح .. فارس: سود الله ويهك .. سكر من محمد وهو ميت عليه من الضحك .. نزل تحت وكان الكل مجتمع على السفره .. يتبع .. __________________ |
التكمله
ام فارس: ليش ما تتغدا معانا يبه ؟ فارس: مالي نفس .. عبدالعزيز: ليش مالك نفس ؟ منو سد نفسك ؟ فارس: ولا حد بس مالي نفس .. مريم: على وين فارس ؟ فارس: عندي شغل .. مريم: في هالقايله .. حرام عليك شمس .. فارس: مضطر .. بوفارس: اي شغل اللي مضطر تطلع له الحين .. فارس مبتسم لابوه: خبرك يا بوفارس شغل مني مناك .. بوفارس وفارس: ه الكل كان يطالعهم باستغراب .. فارس: بوسعود .. الساعه 7 ونص نتلاقى في بيت بوخليفه .. عبدالعزيز: ان شاءالله .. فاطمه سمعت الاسم وقلبها فز .. نزلت راسها وهي تفكر في يوسف .. عبدالعزيز: على طاري بوخليفه .. فطيم ترا جبت لج الكتاب .. فاطمه رفعت راسها: ها .. الكتاب؟؟ .. عبدالعزيز: البحث .. فاطمه "فديته": اي ي ي .. عبدالعزيز: بس اخر تعديلات عشان يكتمل .. فاطمه ابتسمت ابتسامه خفيفه: ان شاءالله .. ونزلت راسها .. فارس كان يراقب فاطمه .. وكان زعلان ان اخته متجاهلته .. تنهد بصوت عالي .. بوفارس: بيعنا فالسوق الغالي .. فارس ابتسم لابوه: اشتريك يالغالي .. قام من مكانه بيروح الصاله .. بوفارس: متى بتروح يبه ؟ فارس: انتظر محمد ولد عمي .. هني مريم وعبدالعزيز طالعوا بعض وضحكوا: ه .. تذكروا موقف محمد مع ابوهم فالسياره لما كان يستعبط على فارس ورد عليه بوفارس .. ام فارس: يه .. شو هالضحك ؟ عبدالعزيز: ولا شي .. راح فارس الصاله وتم يتعبث في جواله وهو يفكر في اخته .. كان منزل راسه وماسك الجوال .. حس بيد ناعمه على كتفه .. رفع راسه وشاف فاطمه مبتسمه .. فاطمه: تعال ابيك برا .. فارس ابتسم لها ومشى معها .. طلعوا فالحوش يتمشون .. فاطمه: فارس .. انا آسفه على اللي صار اليوم .. فارس كان يسمعها باهتمام .. فاطمه: بس مادري شو فيني هاليومين .. وايد متضايقه .. فيني ضيقه اعوذ بالله منها .. كاتمه على صدري .. حاسه بالوحده والخوف .. فارس: عسى ماشر فديتج .. فاطمه: والله مادري يا فارس شو اللي قلب كياني مره وحده .. فارس: شو رايكم نغير جو ونروح العزبه او الشاليه .؟ فاطمه: والله تسون خير فيني .. بصراحه احس اني ابي اغير جو .. فارس: نكلمهم وانتوا تغيبون عن المدارس والجامعه .. لان بنروح نص الاسبوع .. فاطمه: ليش مو الويك اند ؟ فارس: هالويك اند عندنا شغل ضروري .. فاطمه باستغراب: شو هالشغل ..؟ فارس: شغل وبس .. فاطمه: اها .. فارس: انا بكلم الشباب وبشوف عمي وابوي .. فاطمه: حلو والله .. ابتسمت لاخوها وحضنته .. باسته على جبهته .. لاتزعل مني يا فارس .. فارس مبتسم: فديت قلبج يالغلا .. انا مازعل من خواتي .. انتي تعرفين شكثر انا اموت فيكم .. فاطمه: فديت قلبك يا فارس .. محمد كان واقف عند باب بيت بوفارس .. وكان يراقب فاطمه مع فارس .. كان يتفكر في جاذبيتها وهدوئها .. نزل راسه متحسر .. محمد " الله يهديج يا ساره .. الله يهديج " .. قرب من الباب وسوا هرن لفارس عشان يطلع .. فارس: هاي محمد ولد عمي .. خلاص روحي داخل وبنتفاهم فالموضوع بعد ما ارجع .. فاطمه: زين .. التفت على اخوها .. فارس تحمل بنفسك فديتك .. فارس مبتسم: من عيوني .. دخلت فاطمه داخل .. وفارس ركب السياره وهو مبتسم .. محمد: شوله هالابتسامه اللي شاقه حلجك ؟ فارس: يا ربي ليش تغار مني .. محمد: من حلاة ويهك اغار منك .. انا اصلا اغار عليك يا قلبي .. فارس ضحك بصوت عالي: ااااااااااااي .. محمد: اشوف يازت لك .. فارس: جدا .. محمد: جدا جدا .. فارس: من كل قلبي .. محمد: الحمدلله والشكر .. فارس: اي والله .. الحمدلله والشكر .. ضحكوا هم الثنين: محمد: تصدق ان احنا كل ما نكبر نستخف زياده .. فارس: نعم لاحظت هالشي .. محمد وفارس: ه .. وصلوا بيت سلمان .. استقبلهم سلمان وقلطهم فالميلس .. سلمان: حيالله من يانا .. زارتنا البركه .. محمد: الله يحيك .. سلمان: عن اذنكم بس اجيب القهوه والشاي .. فارس: اذنك معاك الغالي .. راح سلمان وشاف الجوهره في وي .. سلمان: يبه عندي ريايل .. وين القهوه والشاي .. الجوهره: ولا يهمك خالي .. روح عند الريايل وبجيب الصينيه لك عند الباب .. سلمان: بارك الله فيج يبه .. رجع سلمان للشباب الميلس: حيالله من يانا .. فارس: الله يحيك بوخليفه .. محمد: ها كل شي تمام حق بكره .. سلمان: اي الحمدلله تمام التمام .. بس عندي لكم خبريه .. فارس باستغراب: شو الخبريه ؟ سلمان: الخبريه يا جماعه ان احنا ما راح نفجر اوراق بس .. محمد: ها عيل ؟ سلمان: انا بفجر مع الاوراق اسلحه و متفجرات .. محمد وفارس طالعوا بعض ورفعوا حاجب .. التفتوا على سلمان وطالعوه باستغراب .. سلمان ابتسم لهم: ادري انكم مستغربين .. بس هاي الحقيقه .. لو تبون تنسحبون تكلموا من الحين .. محمد: مستحيل ننسحب .. بس ليش ما قلت من البدايه ؟ سلمان: كنت انتظر الوقت المناسب .. واليوم هو اليوم المناسب والحين الوقت المناسب .. بس انا قلت لكم انتوا الثنين اما باقي الشباب مايدرون .. حتى نسيبي .. الكل في باله اوراق .. مع ان ولد اختي شاك في الموضوع .. حسيتها مو راضيه تطوف عليه .. فارس: زين شلون لي رحنا بيشوفون الاسلحه والمتفجرات ؟ سلمان: عشان جي انا بغيتكم اليوم .. محمد: حاضرين لك يا بوخليفه .. سلمان: رحت مع نسيبي على المكان اللي قالي عنه .. والمكان ممتاز بعيد ومافيه حد .. فارس: زين .. و شو اللي بنسويه احنا قبل الشباب ؟ سلمان: تذكرون الامريكي اللي زارنا البلاد .. فارس ومحمد: اي .. سلمان: الله يسلمكم هو جايب هاي كله من هناك ويبي يتخلص منه .. جابه عن طريق البحر .. لان هو يملك اسطول كبير للشحن .. الدناميت والاسلحه والمتفجرات .. انا عرفت المكان وخططت على بقعه في ذاك المكان نحفر فيها حفره عميقه ونحط المتفجرات والاسلحه .. ونحط الدناميت وندفن الحفره .. لما نرجع بكره مع الشباب نحفر في نفس المكان بس يادوب حفره ما تتعدى مترين .. و انا اللي بحفر .. اخاف على الشباب و كلكم في ذمتي .. بحفر الحفره وبحط فيها الاوراق اللي باخذها معاي من البيت .. وبحط دناميت خفيف بس جدام الشباب .. وبنفجر ان شاءالله .. محمد: حلو كل شي تمام للحين .. بس من بيحفر الحفره اللي بنحط فيها المتفجرات والاسلحه ؟ سلمان: العمال اللي جاين مع الاسطول .. والمعدات اللي معاهم تكفي حق الحفره اللي نبيها .. فارس: حلو .. دام كل شي متوفر ومرتب له احنا جاهزين .. متى نحرك ؟ سلمان: انا من الصبح مودي العمال والحين اتوقع انهم ينتظروني .. فارس: ماشاءالله يعني اختصرت الوقت .. محمد: ماشاءالله عليك .. سلمان: لازم هاي متفجرات واسلحه مو لعبه .. بس احنا علينا الساعه 2 نحرك من هني نروح الميناء عشان نستلم الاغراض ونوديها البر .. و نوصل هناك قبل الغروب .. ونكمل باقي الشغل .. على فكره يا شباب احنا ما راح نسوي شي غير نشرف عليهم .. محمد: مو مشكله نعين ونعاون ولا يهمك يا بوخليفه .. سلمان: والله تحرجوني .. ما تقصرون محمد: ولو .. الناس للناس .. فارس: ترا الدنيا للحين فيها خير .. سلمان: بوجود ريايل مثلكم والله انها بخير .. فارس: ما عليك زود .. محمد: زين متى نحرك عيل ؟ سلمان: نتغدى اول بعدين بنحرك .. الحين الساعه 1 ونص تقريبا .. 2 لازم نطلع من هني .. فارس ومحمد: صار .. سلمان قايم بيطلع: عيل خل اروح اشوفهم يجهزون لنا الغدا .. طلع من عندهم وهو فرحان .. فارس: ما سوينا حساب غدا .. ما قلت لي يالشيخ محمد: سلمان ما قال لي اصلا .. بس عيب نرده .. فارس: ان شاءالله .. دخل سلمان و رواه الدريول شايل صينية الاكل .. تغدوا الشباب وراحوا بعدها الميناء .. سلمان بسيارته وفارس مع ولد عمه .. وصلوا الميتاء ونزلوا وشافوا اسطول كبير واقف فالميناء .. فارس: ماشاءالله كبير هالاسطول .. سلمان: تشوف هالاسطول يا فارس .. كل شي يخطر على بالك يوصله .. فارس: كيف ؟ سلمان: يعني ممكن معدات كبيره .. سياير .. اثاث .. حتى الملابس .. تشوف الكونتينرات البيض .. هاي كلها ملابس متنوعه .. هم يوقفون في محطات .. يعني يطلعون من هني يروحون بلاد ثانيه يوقفون ينزلون اغراض ويكملون دربهم .. فارس: والله شغل عدل .. محمد: اي والله .. الا بسألك بوخليفه .. سلمان: هلا .. محمد: يوسف وينه ؟ سلمان: صرفته اليوم .. محمد: والله لاعبها صح يا بوخليفه .. ماشاءالله عليك .. سلمان وفارس: ه .. سلمان: لازم .. يوسف ماشاءالله عليه ذكي .. وماتطوف عليه .. قلت افتك من حنته واصرفه عشان اخذ راحتي.. حملوا الاغراض اللي كانت في كراتين كبيره .. وسلمان ترك سيارته فالميناء وركب سياره كبيره فيها الاغراض اما فارس و محمد حملوا معاهم المتفجرات .. اتجهوا للمنطقه اللي فيها الحفره .. ولما وصلوا فارس حس بالخوف .. و كان طول الوقت يتلفت حواليه .. العمال نزلوا الاغراض من السيارتين .. و سلمان شيك على الحفره وحجمها .. فارس:وايد عميقه وضيقه .. سلمان: احسن لان المتفجرات لما تنفجر بتوسع الحفره تحت الارض .. لو وسعناها يمكن يطير شي فوق .. فارس: اها .. كانت الساعه 4 ونص .. وسلمان و محمد وفارس يشرفون على العمال .. محمد: زين ما تخاف على اي واحد من هالعمال يصير فيه شي .. ينفجر في وي شي ولا يتعور .. سلمان بسخريه: عادي الا امريكي .. الشباب: .. محمد: حرام والله .. سلمان: استغفر الله العظيم .. ان شاءالله ما راح يصير لهم شي .. بعدين هذول تربية شوارع .. يعني لو واحد منهم انجرح او نكسر يستحمل .. شوف اجسامهم شلون معضله .. هناك في امريكا لو تشوفهم شلون يشتغلون تقول هذول مو طبيبعين .. يباشرون الشغل من الساعه 5 الفجر لين 8 فالليل .. فارس: بل .. وين يشتغلون ؟ سلمان: اغلبهم يشتغلون في مناجم .. محمد: مناجم شو ؟ سلمان: الفحم او الالماس او يحفرون آبار حق الماي .. يعني شغالين ولا يتعبون .. محمد: صج انهم مو اوادم .. ماشاءالله .. سلمان: انا طلبت من صاحبي يجيب لي كم واحد على الاسطول .. لو بجيب عمال من هني ما ضمنهم بصراحه .. فارس: صح .. سلمان: جاتهم الاوامر من هناك .. يشتغلون وهم ساكتين .. محمد: الله يعينا .. قرب احد العمال من سلمان .. العامل: Sir, all done. سلمان التفت عليه: Ok, ask the guys to collect the tools we shall go now. العامل: You got it sir. راح العامل وبلغ باقي العمال باللي طلبه منه سلمان .. جمعوا معداتهم وركبوا السياره .. ركب سلمان وركب معاه بعض العمال .. اما فارس ومحمد كانوا مع بعض .. وصلوا العاصمه الساعه 7 .. سلمان وصل العمال الميناء .. سلمان: نتلاقى في بيتنا شباب .. يوسف بيكون هناك وباقي الشباب .. فارس: صار يا بوخليفه .. توجهوا الشباب لبيت يوسف .. ولقوا الكل متجمع .. خالد و عبدالعزيز و فاضل وعلي ويوسف .. فارس: السلام عليكم .. الكل: وعليكم السلام والرحمه .. يوسف: هلا والله .. شتشربون يا شباب .. بارد ولا حار .. محمد: انا ابي بارد .. سلمان: شاي احمر الله لا يهينك .. يوسف: ان شاءالله .. قلط يوسف فارس ومحمد .. شوي و دخل عليهم سلمان اللي كان مرهق وتعبان .. سلمان رافع يده: السلام عليكم .. الشباب: وعليكم السلام .. سلمان التفت على خالد وابتسم: حيالله المعرس .. مبروك يا خالد .. خالد: الله يحيك ويبارك فيك .. والفال لك وليوسف .. سلمان: تسلم والله .. عيل دخلت القفص على قولتهم .. خالد: ه .. اي خلاص دخلته .. سلمان: الله يوفق لك ويستر عليك يا خالد .. خالد: الله يسلمك الغالي .. سلمان التف على يوسف: قلطت الشباب يبه .. فارس: ما قصر والنعم فيه .. يوسف مبتسم: الله ينعم بحالك بومحمد .. فارس: انا بونايف .. يوسف: ولا يهمك يا بونايف .. فارس: الله يحيك .. سلمان: المهم شباب .. خلونا نخلص امورنا ونتفق على بكره .. كل الشباب انتبوا لسلمان يسمعون له باهتمام .. يتبع .. __________________ |
التكمله
سلمان: بنطلع من العاصمه بعد صلاة الفجر .. الطريق تقريبا ساعتين .. انا مجهز الاغراض والدناميت .. بنحفر حفره يكون عمقها من متر الى مترين مو اكثر .. بنحط الاغراض اللي بنفجرها .. بس لازم نبتعد عن الدناميت مسافة 500 متر .. وعن الطيش يا شباب .. فاضل: زين نبي نستعرض شوي .. خالد: والله انك متفرغ .. عبدالعزيز: ليش لأ .. عادي .. بعد ما نخلص تفجير ونستعرض واحنا راجعين العاصمه .. سلمان: ماعتقد .. بس لو كل شي صار اوكي وخلصنا من وقت .. اخذوا راحتكم .. عبدالعزيز: سلمان ممكن سؤال ؟ سلمان: تفضل يبه .. عبدالعزيز: ليش بتودي الكيمرا وتصور التفجير .. سلمان تلخبط: ها .. فارس على طول غير الموضوع: زين جيبوا البانشيات حق الاستعراض .. محمد: عزيز انت وفاضل ويوسف روحوا العزبه وجيبوهم الليله .. شيكوا عليهم وعبوهم بترول حق بكره .. عبدالعزيز وفاضل مستناسين: حلاته البانشيات .. يوسف: اي والله .. سلمان: طالع فارس وابتسم .. بعد ما خلصوا نقاشهم عن التفجير تكلم فارس .. فارس: زين شباب شو رايكم نروح جماعه الشاليه او العزبه .. محمد: متى ؟ فارس: نص الاسبوع .. يوسف: عاد عندنا اشغال .. خالد: اي بيكون عندنا اشغال .. فارس: اجزوا شو فيها .. علي: شو اللي طرى عليك ولد عمي ؟ فارس: والله الاهل ضايقين وقالوا يبون يغيرون جو .. قلت نروح كلنا العزبه او الشاليه جماعه نتونس .. يوسف " فديت الاهل اللي ضايقين انا .. الله يفرج همها الغاليه " .. علي: حلو .. نأجز مو غلط .. عبدالعزيز: انا ماعندي مانع .. سلمان: زين انتوا بتروحون مع اهلكم .. احنا شدخلنا ؟ محمد: عيب هالكلام يا بوخليفه .. كلنا اهل .. جيب البنات معاك .. البنات موجودين .. يوسف: ليش لأ .. خل يغيرون جو .. سلمان: حلو .. بشوفهم اذا ماعندهم التزامات .. فارس: خلاص نرتب على الثلاثاء لين الجمعه .. علي: والله شي .. بس وين بتروحون العزبه ولا الشاليه ؟ فارس: نشوف راي الاغلبيه .. علي: انا افضل العزبه .. فاضل: الشاليه .. عبدالعزيز: العزبه .. خالد: العزيه .. محمد: العزبه .. يوسف: العزبه .. سلمان: العزبه .. فارس: راي الاغلبيه يقول العزبه .. فاضل: العزبه العزبه .. فارس: انا بكلم ابوي و عمي .. وبرد عليكم خبر بكره برا العاصمه .. الشباب: صار .. عبدالعزيز: وانا بشوف يدي بعد يجي معانا .. يوسف ضحك بصوت عالي: ااااااااااااي .. عبدالعزيز: وجع .. تضحك ها .. لكن قلت لك مردوده .. الكل يطالعهم باستغراب .. يوسف: ما في شي يا جماعه لا تطالعونا جي .. عبدالعزيز ويوسف طالعوا بعض وضحكوا : .. خلصوا الشباب اجتماعهم واتفقوا على كل شي .. بس نسيت اقولكم ليش سلمان تغير وي لما عبدالعزيز سأله عن الكيمرا .. سلمان يبي يصور الحدث .. عشان يطرش الشريط حق صاحبه الامريكي ( سميث ) .. فاطمه كانت منسدحه على بطنها وتقرى رسالة يوسف وهي مبتسمه .. تستنشق الرساله بفرح .. فاطمه " فديت هالريحه والله .. بس ليش مسوي لي لغز فالرساله ؟ والله حيرني " .. تمت تشوف الورقه وهي تفكر وين ممكن بيكون حاط الرساله الجايه .. لان يوسف رد على رسالتها الاخيره برد حيرها .. وكان النص كالتالي .. (( الغاليه فاطمه ... اليوم كتبت هالرساله وطرشتها مع اخوج .. بس يوم الجمعه بعد الساعه 1 ونص الظهر طلعي فالحوش وقلبج بيدلج على مكان رسالتي .. ولما تعرفين المكان انتظر ردج .. وبرجع نفس المكان اخذ ردج على رسالتي .. للتأكيد ( حياتي ) يوم الجمعه بعد الساعه 1 ونص الظهر قلبج بيدلج عليها .. محبج للابد .. يوسف )) .. فاطمه " ما قدر انتظر لين بكره .. متى يجي بكره " .. طوت الرساله وشمتها وهي مبتسمه .. حطتها مع باقي الرسايل اللي من يوسف .. في علبه وعليها قفل صغير .. حطت العلبه في الكبت وسكرته .. وقفت تناظر نفسها في المرايه وهي مبتسمه .. فاطمه " الحين ردت فيني الروح .. فديتك يا يوسف" .. طلعت من الغرفه ونزلت تحت فالصاله لقت كل اخوانها واخواتها فالصاله .. وكان محمد ولد عمها معاهم .. اول ما دخلت طاحت عينها على محمد .. محمد ابتسم لها بحنان وشوق .. اما فاطمه طالعته ونزلت راسها .. سلمت وقعدت جنب ايمان .. فارس: فطيم .. فاطمه: هلا .. فارس: كلمت ابوي وعمي والشباب و البنات والكل موافق نروح العزبه .. شو رايج انتي .؟ فاطمه مبتسمه: حلو .. فارس: يعني مافي خاطرج مكان معين ؟ فاطمه: لا عادي .. ايمان محتجه: وليش يعني لو الشيخه فاطمه بغت تروح الشاليه نكسل روحة العزبه عشانها .. فارس: اكيد بنكنسل عشانها .. محمد " فديتها الدلوعه " .. مريم ضحكت: ه ايمان: فطوم دلوعه .. فاطمه بعفويه: انا مو دلوعه .. محمد " والله ان الدلع يغار منج بعد " فارس: ايمانو ليش تحترين من فطيم ؟ ايمان: انا ماحتر .. بس كل شي تبيه تسونه لها .. فاطمه: ومن متى تأمرت وتنفذت طلباتي ؟ ايمان: ماله داعي اتكلم .. محمد كان يشوف فاطمه ومبتسم " فديت دلعها .. وربي يحق لها تدلع " .. فاطمه: لا قولي .. ايمان: خليها على الله .. محمد مبتسم: ولا يهمج يا ايمان .. وين تبين تروحين وانا اللي بكنسل كل شي عشانج و اوديج وين ما تبين .. فاطمه رفعت حاجب وطالعت محمد بغضب .. محمد ابتسم لها عشان يغيضها: ها ايمان قولي لي وين تبين تروحين ..؟ ايمان: خلاص انا بعيش عندكم .. باصير اختكم .. محمد: .. حياج يا اختي .. فارس: لو ايمان تعيش عندكم عمي ما بيستحملها دقيقه .. ايمان: ليش يا عيوني ؟ فارس: انتي تعرفين ليش .. مريم: ايه عليج ياختي .. قطعوج تقطع .. محمد: ه .. لا ما قطعناها .. ها ايمان شو قلتي ؟ ايمان: على شو ؟ محمد: هاي كله عن الرحله .. وين تبين تروجين بوديج .. ايمان: لا خلاص طابت نفسي .. حتى ما راح اروح معاكم .. قامت فاطمه وباست ايمان: موووح .. فديت قلبج يالغاليه .. نروح وين ما تبين بس لاتكدرين خاطرج .. محمد " فديت الحنان والله " .. ايمان: فديتج فطيم .. امزح شدعوه .. فارس " الله يخليكم لبعض يا خواتي " .. محمد قام بيطلع: يلا يا جماعه استأذن .. فارس: وين يبه ؟ بدري .. محمد: بدري من عمرك حبيبي .. بس لا تنسى موعدنا .. فارس: ولا يهمك .. كلمني لي قعدت .. محمد: ان شاءالله .. طلع محمد ورا فارس و وصله لين السياره .. محمد: فروس .. فارس: هلا .. محمد: لو قلت لك قلبي يحب .. بتصدق ؟ فارس رفع حاجب: تحب !! من تحب؟ محمد تنهد: آآه .. انسى .. يلا سلااام .. فارس: تعال تعال .. هو دخول الحمام زي خروجه .. من تحب ؟ محمد مبتسم: ولا حد .. بنتكلم في هالموضوع مره ثانيه .. لازم اروح ارتاح شوي .. ورانا قومه من الفجر .. فارس: لا تحبها يا محمد .. محمد طالع فارس باستغراب: شو ؟ من اللي ماحبها ؟ فارس منزل راسه: اللي في بالك .. لاتحبها .. محمد حرك من غير ما يرد على فارس .. طلع من بيت عمه وهو محتار .. فارس التفت على صالتهم وتم يطالع خواته ودخل لهم داخل .. فاطمه مبتسمه: مو المفروض اليوم نسوي عشا حق المعاريس .. فارس: المفروض .. بس خالد عنده شوية شغل وأجلها لين نهاية الاسبوع .. مريم كانت منزله راسها " فديت قلبه المشغول ".. فاطمه: حركات بعد خالد .. ينشغل .. ايمان: على قولتج .. حركات .. فارس: .. ما سمعكم خالد .. فاطمه: ليش شبيسوي يعني ..؟ ايمان: اي شبيسوي .. اذا مرته ما سوت شي هو بيسوي يعني .. والكل ضحك: هااااااي .. مريم قامت من مكانها وهي معصبه .. فارس مبتسم: زين جي .. ايمان: هاي البدايه بس .. فارس: الله يعينها عليكم .. رن جوال فارس والرنه كانت ( عالي مستواه ) .. طلع من الصاله ورد على طول .. ايمان و فاطمه طالعوا بعض وابتسموا .. مناف: هلا حبيبي .. فارس: هلا وغلا حياتي .. مناف: ما خلصت شغلك للحين ؟ فارس مبتسم: ليش ؟ مناف: تعبت وانا انتظرك .. فارس بفرح: فديت اللي تعبت .. السموحه حياتي .. مناف: عادي حبيبي .. بس ماقدرت انتظرك اكثر .. قلت باتصل حتى لو مشغول .. فارس مبتسم: لو مشغول افضى لج حياتي .. مناف: فديت عمرك يا فارس .. فارس: زين عطيني 5 دقايق وبتصل فيج .. مناف: ليش ؟ فارس: بروح غرفتي ببدل وباتصل .. مناف: اوكي حبيبي .. بس لا تتأخر .. فارس: ليش ؟ مناف بدلع: اخاف يذبحني الشوق .. فارس: فديت الشوق انا .. مناف بوناسه: زين حبيبي انتظرك .. فارس: ان شاءالله .. سكر منها ودخل .. راح غرفته وسكر الباب .. خل شغله ورجع اتصل بمناف .. فارس: هلا حياتي .. مناف: هلا والله .. فارس: شكثر اشتقتي لي ؟ مناف بخجل: وايد حبيبي .. فارس: ابي اعرف شكثر وايد ؟ مناف بدلع: عاااد فارس لاتحرجني .. قلت لك وايد .. فارس: فديت الدلع والله .. بس انا مصر اعرف شكثر اشتقتي لي ؟ مناف: والله وايد .. فارس: زين شكثر وايد حياتي ؟ مناف: قد حبي لك .. فارس: فديت قلبك يا مناف .. والله اني اموت فيج ياللي مافي مثلج بهالكون كله .. مناف منحرجه: فديتك يا فارس .. سكتوا فتره .. فارس: قلبه .. مناف: هلا .. فارس: شو اخبار اخوانج ؟ مناف: الحمدلله بخير فارس: الحمدلله .. زين حياتي .. انا لازم اريح شوي .. مناف: بدري حبيبي .. فارس: حياتي وراي شغل لازم اقوم له من الفجر .. مناف باستغراب: شهالشغل الفجر ؟! فارس: عندي شغل يا حياتي .. مناف حست ان فارس ما يبي يتكلم عن هالشغل: زين حبيبي .. فارس: زين اعتمد عليج يا قلبه .. مناف: آمرني حبيبي .. فارس: ما يامر عليج العدو .. بس قعديني قبل الاذان .. بصلي وبطلع على طول .. مناف: ان شاءالله حبيبي .. فارس: جزاج الله خير .. مناف: زين حبيبي .. روح ارتاح وان شاءالله بقعدك قبل الاذان .. فارس: اوكي حياتي .. سلام .. مناف: الله يحفظك .. سكرت من فارس وكانت تفكر في شغل فارس اللي بيقعد له الفجر .. اما فارس حط راسه ونام على طول .. في بيت بومحمد .. بومحمد: خالد يبه .. ليش ما خليتنا نسوي العشا اليوم ؟ شو هالشغل اللي عندك ؟ خالد: والله يبه مواعد شباب على شغل ولازم نخلصه .. بومحمد: الله يهديك ما خليتنا نفرح .. خالد : ولا يهمك الغالي .. بنفرح قريب ان شاءالله .. ام محمد: حتى محمد وفاضل وعلي بيروحون معاك ؟ خالد: اي .. بومحمد بشك: زين شو هالشغل ؟ خالد: شغل يبه .. ام محمد: شو وراكم ؟ خالد مبتسم: ولا شي .. وقام بيطلع من غرفتهم .. يلا انا استأذن .. بومحمد: وين ؟ خالد: بروح ارتاح شوي .. بومحمد: بدري .. الساعه 10 .. مو عوايدك تنام هالحزه .. خالد: تعبان .. ام محمد: عسى ما يعورك شي يبه .. خالد: لا الغاليه .. مافيني شي .. ابتسم وطلع .. بومحمد: ما يندرى شو وراهم .. ام محمد: الله يستر منهم .. يتبع .. __________________ |
التكمله
في غرفة ساره ومحمد .. محمد: ساره .. ساره: هلا فديتك .. محمد: جهزي لي ملابس حق بكره .. ساره: تبي ثوب ولا رياضه .؟ محمد: لا جهزي لي رياضه .. وحطي لي ماي فالثلاجه ابيه يثلج .. ساره: ان شاءالله .. محمد قرب من ساره ومسكها من كتوفها: فديت ساره انا .. ساره ويها صار احمر: محمد .. محمد يضحك: شو فيج .. حرام اتغزل فيج بعد .. ساره تدلع: لأ لا تتغزل .. دزته و راحت عند الكبت اطلع ملابسه .. محمد لحقها: تتغلين علي .. ساره التفت عليه: انا ما تغلى عليك .. وباسته على جبهته .. فديت قلبك .. محمد: فديت روحج يا ساره .. مسك يدها وتم يناظر عيونها .. " ليش يا ساره اشوف فيج فاطمه بنت عمي ؟ " ساره مبتسمه: شو فيك حبي ؟ محمد ابتسم لها: اتفكر في جمالج .. ساره: زين روح نام تأخر الوقت .. محمد: اهم شي اللي تصرفني .. ساره بدلع: روووح .. محمد يضحك عليها: .. زين زين .. راح وانبطح على السرير .. غمض عيونه وهو يفكر في زوجته ويحاول ينسى بنت عمه .. كل الشباب ناموا الا سلمان اللي كان يفكر في فاطمه .. سلمان تنهد " آآه يا يوسف .. والله اني احاول انساها بس ماقدر .. تعلق قلبي بفاطمه .. يا ليتك ما قلت لي شي يا يوسف .. و ياليتني ما شفتها .. بس انا وعدت نفسي اني اسوي المستحيل عشان تاخذها .. وبكون اول من يساعدك يا يوسف .. والله مالك ذنب ان قلبي حبها .. بس يا قلبي لا تحب فاطمه .. ارجوك يا قلبي لاتحب فاطمه لاتحبها لاتحبها " .. غطى وي بيده وهو حزين .. " فاطمه .. هالبنت خذت قلبي مثل ما خذت قلب يوسف .. يا رب اقدر انساها " .. تم سلمان في صراع بينه و بين نفسه .. أذن الفجر .. طلع من الغرفه وراح يقعد يوسف .. دخل عليه الغرفه وكان يوسف متعمق فالنوم .. تم سلمان يتأمل ملامح يوسف .. سلمان " ماشاءالله عليك يا يوسف .. كامل والكامل الله .. مزيون وسيم طول بعرض ما عليك زود .. تستاهلك فاطمه .. الله يوفقكم مع بعض" .. قرب سلمان من يوسف .. سلمان: يوسف .. يوسف .. يوسف: ها .. سلمان: يلا قوم أذن الفجر .. يوسف بطل عيونه: ان شاءالله .. سلمان: يلا ما نبي نتأخر على الشباب .. يوسف قعد على السرير: زين .. طلع سلمان .. ويوسف قام ودخل يتوضأ .. راح سلمان غرفة الجوهره .. طق الباب .. الجوهره: لحظه خالي .. لبست روبها و فتحت الباب .. سلمان: هلا يبه .. الجوهره: هلا خالي .. سلمان: زين احنا بنروح المسيد .. وبعدها بنطلع .. الجوهره: زين خالي .. سلمان: انا بقفل البيبان وراي .. وما وصيكج على اختج وعلى نفسج يبه .. الجوهره: ان شاءالله خالي .. لا تحاتينا .. سلمان: لو في شي اتصلوا لي او ليوسف .. الجوهره: ولا يهمك خالي .. راح سلمان يشيك على يوسف وما لقاه فالغرفه .. عرف انه نزل تحت يشغل السيارات .. ويجهز الاغراض .. طلع سلمان الحوش وشاف يوسف .. تم يطالعه بحزن .. تنهد وقرب منه .. سلمان: يعطيك العافيه .. يوسف: الله يعافيك .. سلمان: خل الاغراض الحين .. خل نلحق على الصلاه .. بعد ما نرجع من المسيد بنحمل باقي الاغراض .. يوسف: ان شاءالله .. طلعوا من البيت متوجهين للمسيد .. في بيت بوفارس .. فارس كان يكلم مناف .. و فاطمه داخله عليه الغرفه .. سمعته يقول .. فارس: زين حياتي الحين بقعد .. مناف: حياتي لي طلعت من المسيد كلمني .. فارس: ان شاءالله يا قلبه .. مناف: الله وياك .. فارس: سلام .. سكر منها و توه بيقوم الا فاطمه دخلت عليه .. فاطمه: قاعد .. فارس: اي توني .. فاطمه: زين عيل خل اقعد عزيز والباقي .. طلعت من غرفة فارس وهي تتفكر في كلام اخوها .. فاطمه " فارس اخوي يحب !!؟ وانا اقول شو فيه متغير .. بس يا ترى من تكون سعيدة الحظ ؟ بصراحه فارس اخوي ينحب فديته " .. ابتسمت وراحت غرفة عبدالعزيز تقعده .. قام عبدالعزيز وطلع مع فارس .. خلصوا من المسيد وراحوا عند المحطه اللي اتفقوا انهم يتلاقون عندها كلهم .. اول الواصلين سلمان و يوسف .. وبعدهم محمد وخالد في سياره وحده و علي وفاضل بسياره وحده .. نزلوا يعبون بترول يشيكون على السياير .. فارس: سلمان .. وين نسيبك ؟ سلمان: عرفت المكان قلت له ماله داعي يجي .. وهمس لفارس .. توه مالج ومابي اوهقه .. فارس ابتسم: عدل شغلك .. محمد: شو تقولون ؟ فارس: يا ربي على اللقافه .. محمد: شوف ملقوف مو ملقوف باعرف شو قلتوا يعني باعرف .. سلمان يضحك: .. كنت اقوله عن نسيبي .. محمد: اي شو قلت عنه .. ؟ فارس: بسك لقافه .. محمد وسلمان: .. قرب منهم خالد وهو مبتسم: ها بالريع نحرك عشان تستغل الوقت .. محمد التفت على الشباب: من صجهم ذول جابوا البانشيات .. سلمان: خل يستانسون .. ونتصور شوي .. فارس: شو فيها الدنيا .. خل نعيد ايام المراهقه .. محمد: قصدك ايام ما كنت انت بروحك مقلوع .. فارس: خف علينا يالمطوع .. يعني انت اللي مقصر .. خالد: بس خلاص لا تتهاوشون علي .. الشباب: .. علي: كل شي تمام يا جماعه .. سلمان: تمام التمام .. يلا نحرك .. محمد بصوت عالي: يلا شباب .. يا راعي البانشي خلصنا .. كان يقصد فاضل اللي كان يعابل فالبانشي مالته .. فاضل التفت عليه وهو مبتسم: زين زين خلصنا .. كل الشباب ركبوا السياير مستعدين للمجهول .. كلهم مشوا ورا سلمان .. وهم فالدرب كانت الشمس تشق ظلمة الليل بنور اشعتها الساطع .. سرح يوسف بهالمنظر الخلاب .. اتصل بعبدالعزيز .. عبدالعزيز: هلا والله .. يوسف: شرايك بهالمنظر .؟ عبدالعزيز: روعه .. طلعت رومنسي بوخليفه .. يوسف يضحك: ه .. شوف تدرج الالوان كيف صاير .. روعه بصراحه .. عبدالعزيز: سبحان الله .. تموا هم الثنين يسولفون طول الطريق .. فارس كان مستانس على علاقتهم .. التفت على عبدالعزيز وهو مبتسم فارس " وحليلك يا عزيز .. طيب وعلى نياتك .. الله يكتب لك بنت الحلال اللي تستاهلك " .. في سيارة محمد خالد حس بالضيق .. لانه نفس المكان اللي صارت له في الاحداث المخيفه من فتره .. كان يطالع المكان باهتمام .. بس اللي نساه الهم .. هو منظر شروق الشمس الخلاب .. وشلون الالوان تدرج من الاغمج للافتح .. سرح بالمنظر الرهيب وهو مبتسم .. وصلوا المكان المتفق عليه الساعه 5 ونص .. نزلوا ونزلوا اغراضهم .. يوسف خذ كرتون خاله وحطه على الارض .. نزلوا الشباب عدة الحفر .. و سلمان حدد لهم مكان الحفره .. سلمان: خلاص خلوا العده وعابلوا البانشيات .. انا ومحمد بنحفر .. خالد يبه تشيك لي على الكيمره .. يوسف انت وعبدالعزيز وباقي الشباب فرشوا لنا البسطه ونزلوا الاغراض .. يوسف: اوكي .. كلن خذ موقعه .. اما فارس فكان يحاول يشغل الشباب على ما محمد وسلمان يحفرون ويجهزون كل شي .. محمد وسلمان مشوا تقريبا مسافة كيلو بالسياره .. وصلوا مكان الحفره الكبيره .. و حفروا حفره صغيره فوقها حطوا الكرتون ودفنوا الحفره .. تموا فتره عند الحفره عشان الشباب ما يشكون في شي .. رجعوا مره ثانيه للشباب .. علي: وين رايحين بعيد ؟ سلمان: يبه هاذي دناميت مو لعبه .. لازم نكون على الاقل مسافة 500 متر عن مكان التفجير .. علي: اها .. سلمان: فارس مثل ما اتفقنا .. خالد: شو اللي اتفقتوا عليه ؟ محمد: فارس اللي بيفجر عشان سلمان يصور .. خالد بشك: اي ي ي .. جهز سلمان الكيمره .. والشباب لبسوا سدادات الاذن عشان الصوت .. وكلن خذ موقعه .. طبعا خالد ومحمد وسلمان وفارس كانوا بعيد عن الحفره بمسافة 500 متر .. اما علي و يوسف وفاضل وعبدالعزيز كانوا ابعد منهم كانوا بعيد عن الحفره بمسافة 700 متر .. تنفس سلمان بعمق .. غمض عيونه ورفع راسه فوق .. فتح عيونه والتفت على فارس اللي كان ينتظر منه الاشاره .. سلمان: فجر .. فارس نزل الحديده والارض اهتزت من قوة الدناميت .. كل الشباب وقفوا يطالعون المنظهر بذهول .. سحابه من النار طلعت من تحت الارض .. وتحولت الى غيمه سوده كثيفه .. سلمان كان يصور ويقرب من الحفره .. قرب اكثر لين تقريبا 100 متر يفصله عن الحفره .. تم يدور حول الحفره ويصور .. خلص دورته وفر الكيمره على وي وتكلم .. سلمان: Smith my friend, as you can see it’s done, I did it for the old days. رجع للشباب وهو مبتسم .. خالد طالعه بشك .. خالد: متأكد ان هالكرتون سوا هاي كله ؟! سلمان مبتسم: اي هالكرتون .. بس انا مكثر الكميه .. خالد: اي ي ي .. بس ما كان مقتنع بكلام سلمان .. تموا الشباب يراقبون السحب السوده اللي تطلع من الحفره .. وكل واحد يفكر باللي شاغله .. سلمان كان يطالع يوسف ويفكر فيه والاحساس بالذنب ذابحه .. خالد يفكر في كلام سلمان اللي ماتنع فيه كلش .. محمد كان فرحان لسلمان ويفكر في مستقبله مع ساره زوجته .. فارس كان مبتسم ويطالع جواله .. كان يقرى مسج من مناف .. عبدالعزيز وفاضل وعلي ويوسف كانوا يفكرون في البانشيات .. سلمان: يلا شباب بنحرك من هني .. بنروح مكان نظيف نتونس فيه شوي .. يوسف: هلا هلا .. علي: يلا يا شباب .. المقاليع الاربعه شلوا الاغراض بسرعه وركبوا السياير .. حرك سلمان والباقي .. ومشوا وراه عشان يبسطون في مكان نظيف .. اختاروا لهم بعيد عن مكان التفجير .. وبسطوا فيه ونزلوا اغراضهم .. والشباب على طول شغلوا البانشيات .. سلمان كان مستانس عليهم ويصورهم وهم يستعرضون .. محمد وفارس وخالد كانوا يشجعون الشباب ومستانسين عليهم .. خالد: خذ لهم لقطات سلمان .. سلمان: وين الكيمره الديجيتال ؟ خالد: تفضل .. سلمان: ولا يهمك .. زين روحوا استعرضوا يلا خل اصوركم .. خالد: بيخلونا هالمقاليع .. من وصلنا وهم محتلين البانشيات .. سلمان والشباب: ه .. خالد ناداهم و ركب بانشي واستعرض .. وشوي الا محمد ينقز بعد يبي يستعرض .. كل الشباب استعرضوا حتى فارس وسلمان .. بعد ما خلصوا من استعراضهم .. جمعهم سلمان .. سلمان: صفوا البانشيات خل نتصور صوره جماعيه .. يتبع .. __________________ |
التكمله
صفوا البانشيات بعضهم قعدوا على البانشي وبعضهم وقفوا وكان شكلهم روعه .. حط سلمان اليمره على ستاند وحطها على التصوير التلقائي .. رجع للشباب و وقف معاهم .. و التقطت لهم الكيمره صوره روعه .. الشباب كانوا جايبين 4 بانشيات توزعوا عليها كلهم .. عبدالعزيز ركب ورا يوسف ومحمد ورا فارس فاضل ورا علي وخالد ورا سلمان .. وتسابقوا كلهم .. وبعدوا عن مكان السياير .. راحوا صوب الحفره .. وكانوا يشوفونها وهم متعجبين من الحفره اللي صارت في الارض.. علي: معقوله كرتون يسوي جي .. سلمان: انا زذت الكميه شوي .. عشان جي اهتزت الارض .. بس ما قصرتوا يا شباب يعطيك العافيه .. رجعوا الشباب عند السياير .. وكان فارس يستعرض بمحمد وكان يسوق بسرعه جنونيه .. محمد: فروس يالمينون شوي شوي .. فارس التفت على محمد: ااااااي .. روعه شكلك وانت متروع .. محمد: سود الله ويك يا فروس .. فارس تم يدور بالبانشي ومحمد يصرخ .. محمد: فروس يالنذل وقف .. فارس: صوروا هاللقطه يا شباب .. وعلي كان ماسك الكيمره ويصور والشباب ميتين من الضحك .. محمد: علوه لا تصور والله باتولاك .. سلمان: خف يا فارس .. خالد: والله انك بهدلته .. وقف فارس وهو ميت من الضحك على محمد اللي لاعت جبده ونزل على طول يرجع .. فارس: طلعت حامل حماده .. ليش ما قلت لي .. محمد التفت عليه: اوريك يا فروس .. ركض صوبه .. وفارس حرك بالبانشي .. ركب محمد بانشي ولحقه .. محمد: ارجع اقولك يالنذل .. انا تسوي فيني جي .. سلمان: لحقوهم ليصير فيهم شي .. ركب عبدالعزيز ورا يوسف و راحوا راهم .. فارس كان مسرع .. ومحمد وراه .. فارس ميت من الضحك على محمد .. ومحمد كان معصب عليه ويلحقه .. رجعوا مره ثانيه صوب السياير وفارس بسرعه نزل من البانشي وركض .. نزل محمد وراه .. راح عند السياره وخذ قرشة ماي كبيره .. وركض ورا فارس .. محمد تعب من الركض .. والشباب ميتين من الضحك على محمد سلمان: راحت عليك يا محمد .. مافيك لياقه .. محمد يتكلم وهو يلهث من التعب: فروس اللي ماتعب .. اسود الويه .. فارس قرب منهم وهو يضحك: ها بن عمي .. شو صار عليك .؟ الشباب: ه .. محمد مسك فارس بسرعه .. وسبحه بالماي البارد .. فارس: وااااي .. الماي ثلج .. الله يغربلك حمودي .. محمد: سود الله ويهك يا فروس .. فارس قعد على الارض وهو مبلل .. وميت من الضحك على محمد ولد عمه .. فارس: تصدق حمودي .. شكلك وانت ترجع روعه .. جنك وحده حامل ولايعه جبدها .. يوسف: اعترف يا محمد من ابوه ؟ الشباب: .. محمد: معليه .. مستلميني .. اوريكم .. يوسف: نمزح يا بونايف .. محمد: الحين تمزحون .. معليه يجي لكم يوم .. كلكم صبروا علي بس .. خالد: شبعتوا يالشيوخ .. وكان موجه كلامه لفاضل وعلي وعبدالعزيز ويوسف .. عبدالعزيز: لا والله .. وناسه والمكان روعه بصراحه .. مافي حد حولنا يلعوزنا ولا شي .. يوسف: بصراحه المكان ما عليه كلام .. علي: بس تدرون يوم كلنا ركبنا ورحنا صوب الحفره .. شفت شي غريب .. الكل استغرب من كلام علي .. محمد: شو شفت ؟ علي: شفت وحده قاعده على حصايه كبيره ومتغطيه بالكامل .. سواد ما تشوف منها شي .. محمد وفاضل التفتوا على خالد .. خالد طالعهم: لا طالعوني جي .. انا ماشفت شي الحمدلله .. سلمان: زين امشوا نروح نشوفها .. نرجع نفس المكان .. خالد بتوتر: ماله داعي .. خل نحرك نرجع العاصمه .. عشان نلحق على الصلاه .. محمد: اي انا اقول جي بعد .. قاموا الشباب ولموا اغراضهم راجعين العاصمه .. ركبوا البانشيات وشلوا اغراضهم .. توزعوا فالسياير .. ومسكوا الخط .. مروا على مكان التفجير .. وقف سلمان يلتقط بعض الصور للحفره قبل ما يروحون .. كملوا دربهم وهم طالعين .. خالد طول الطريق كان مغمض عيونه ما يبي يشوف شي .. وصى سلمان انهم اول ما يطلعون من المنطقه ويدخلون العاصمه يقوله .. خالد: اول ما ندخل العاصمه قولي .. سلمان: ان شاءالله .. وكان مستغرب من خالد .. لانه مايدري بسالفته .. دخلوا العاصمه وسلمان نبه خالد .. سلمان: دخلنا يبه .. خالد فتح عيونه وشهق: اعوذ بالله من الشيطان الرجيم .. سلمان دوس بسرعه .. خالد تخرع لانه شافها تمشي جنب السياره مشي عادي وسرعة السياره كانت 160 وهي تمشي بكل هدوء واطالع خالد .. سلمان: شفيك يبه ؟ خالد: ماتشوفها ؟ سلمان التفت صوب خالد: اشوف من ؟ خالد تم يقرى المعوذات وهو مغمض عيونه .. وسلمان كان محتار من كلامه وتصرفاته .. وصلوا قريب بيت بوم محمد .. سلمان: خالد يبه .. عسى ما شر ؟ خالد فتح عيونه بخوف: ها ؟؟ راحت .. التفت صوب الجامه ومالقاها .. تنفس براحه .. سلمان " بسمالله .. شفيه خالد .. من اللي يشوفها وانا ماشوفها ؟ " .. اول محطه كانت بيت بومحمد .. وصلوا الساعه 11 ونص .. قد اذن الاذان الاول .. محمد: يلا شباب نلحق على المسيد .. سلمان: بارك الله فيك .. والسموحه أخرتكم على الصلاه .. محمد: ولا يهمك .. نزلوا اخوان محمد وراحوا داخل على طول .. سلموا على بعض وحركوا الباقي .. المحطه الثانيه كانت بيت بوفارس .. نزل فارس وعبدالعزيز .. فارس: انزل عندنا سلمان وخذ راحتك .. سلمان: لا يبه بروح البيت اتسبح واروح المسيد .. فارس: زين خذ راحتك عندنا .. جان على الملابس حاضرين لك .. سلمان: ما تقصر يبه .. ملابس عندي بالشنطه ورا مشكور يبه .. بس البنات فالبيت خل اروح اتطمن عليهم .. فارس: بارك الله فيك .. يوسف: خالي انا بانزل مع بوسعود .. سلمان: على راحتك .. اللي تشوفه .. التفت على فارس .. ما قصرتوا شباب ويعطيكم العافيه .. جميلكم هاذي ماراح انساه لكم .. والله يقدرني وارجع لكم نص اللي سويتوه لي .. عبدالعزيز: نعين ونعاون فديتك .. وحاضرين لك باي وقت .. سلمان: جزاكم الله خير .. يوسف .. خذ شنطتك .. يوسف: ان شاءالله خالي .. خذ يوسف شنطته و ودع خاله .. دخلوا الشباب بيت بوفارس .. البنات كانوا قاعدين فالصاله .. ايمان: تعالوا شوفوا .. مريم وفاطمه: شو ؟ ايمان: رفيج عزيز المزيون عندنا .. فاطمه نقزت عند الدريشه اطالعه .. قلبها كان يدق بسرعه .. فاطمه " فديت قلبه .. فديت هالشوف والله .. محلاه هالولد .. الله يحفظه " .. مريم: ماشاءالله عليه .. مزيون .. الله واكبر عليه .. ايمان: وتلوموني يوم قلت لكم مزيون .. مريم: اول مره اشوفه عدل .. ايمان: شوفي شعره .. مريم: اي شعر .. محلق رقم 3 .. ايمان: اقصد القصه خطيره .. جنه فالجيش .. مريم: شوفيه بالنطلون والتي شيرت مرتب وجسمه حلو ماشاءالله .. فاطمه " وانا بعد اول مره اشوفه عدل .. وااي قلبي .. تفصلني عنه بس كم خطوه .. ايه عليه يجنن " .. ايمان: هي .. يلا رجعوا فارس بيدخل .. مريم: شكلهم كلهم داخلين هني .. فاطمه: غريبه ما دخلوه الميلس .. ايمان: يمكن يروح فوق معاهم .. رجعوا بسرعه على الكراسي .. دخل عليهم فارس .. فارس: مرحبا خواتي .. البنات: هلا والله .. فارس: لا تطلعون من الصاله .. رفيج عزيز بيدخل .. بيروح فوق .. البنات: ان شاءالله .. طلع عنهم فارس وسكر الباب وراه .. دخل عبدالعزيز و راه يوسف .. ام فارس كانت طالعه من المطبخ .. وشافتهم .. سلموا عليها وشافت يوسف .. يوسف: شحالج يمه ؟ ام فارس: طيبه الله يسلمك .. عبدالعزيز: الغاليه .. هاذي يوسف .. ام فارس: والنعم والله .. حياك الله يبه .. التفت على عبدالعزيز .. هالله هالله بولدنا يا عزيز .. لا تفشلنا عبدالعزيز: ولا يهمج الغاليه .. يوسف: ما تقصرين يمه .. وعبدالعزيز ما عليه زود .. ام فارس: البيت بيتك يبه .. فارس: بسكم سوالف .. ورانا مسيد .. يمه وين ابوي ؟ ام فارس: ابوك راح الميد مع الجسمي فديت طوله .. فارس: زين احنا بنروح بتجهز للمسيد قبل ما يقيم الصلاه .. ام فارس: زين يبه .. اخذوا راحتكم .. طلعوا الشباب فوق .. وام فارس حبت يوسف .. دخل قلبها .. ام فارس " وي سمح هالولد .. الله يحفظه " .. دخلت على بناتها الصاله .. ام فارس: يا بنات لاحد يروح فوق .. رفيج اخوكم فوق .. البنات: ان شاءالله ماما .. الشباب دخلوا وكل واحد خذ له شور سريع .. طلعوا من البيت متوجهين للمسيد .. وهم طالعين البنات كانوا يطلن عليهم من الدريشه .. فاطمه هامت بيوسف .. وايمان ومريم كانوا يتغزلون في وسامته وجماله .. في بيت بومحمد .. الوضع غير .. بومحمد راح المسيد ومعاه فهد وسلطان .. وسلطان كان محتج .. لانه كان يبي يروح بيت عمه حق جاسم .. دخلوا الشباب البيت وكلن توجه لغرفته ويتسبح عشان يلحقون عى الصلاه .. خلصول وركضوا على المسيد .. اما سلمان استقبلوه بنات اخته بابتسامه حلوه منهم ثنتينهم .. الجوهره: هلا خالي .. سلمان: هلا والله يبه .. هنادي تبوس راس سلمان: هلا خالي .. يوسف وينه عنك ؟ سلمان: هلا يبه .. يوسف راح مع ربعه .. هنادي: هالولد من عرف هالشباب وهو هايت .. سلمان: .. عليج سوالف يا هنوده .. الجوهره: خالي بتصلي هني ؟ سلمان: لا بروح المسيد .. ان شاءالله بلحق على الصلاه .. الجوهره: زين .. خل اروح اجهز لك ثيابك على ما تتسبح .. سلمان: بارك الله فيج .. سلمان خذ له شور سريع وطلع راح المسيد .. خلصوا الشباب من الصلاه وكلن رجع بيته .. يتبع .. __________________ |
التكمله
في بيت بوفارس .. بوفارس: حيالله من جانا .. يوسف: الله يحيك الغالي .. بوفارس: شو اخبار سلمان ؟ يوسف: الحمدلله طيب .. بوفارس: الحمدلله .. بوسعود يبه قولهم يجهزون الغدا بسرعه .. عبدالعزيز: ان شاءالله .. جاسم: يبه .. بوفارس: ليبه .. جاسم: يبه ابي اروح مع الشباب ناخذ افلام العصر .. بوفارس: وانت ما تشبع من الافلام .. من كم يوم رايح ماخذ فلم .. واليوم بعد .. جاسم: يبه شو فيك .. احنا نأجر الافلام .. وننسخها فالبيت ونرجعها .. بوفارس: شياطين .. جاسم: ونسوي نشخه ثانيه نأجرها على الربع في الفريج وفالمدرسه .. فارس: الجسمي .. مب هين بعد .. جاسم: عيل شلون .. تدري كم جمعنا من هالخطه ؟ فارس: كم ؟ جاسم: 1500 .. بوفارس: ماشاءالله .. جاسم: هاي احنا تونا بادين من شهر بس .. يعني عطنا كم شهر وبنصير من اصحاب الملاين .. الكل: .. جاسم انحرج: صج .. ليش تضحكون .. يوسف مسح على راس جاسم: الله يحفظك .. دخل عبدالعزيز و وراه الصبي شايل الغدا .. رتبوا السفره وتغدوا الشباب .. اما الحريم تغدوا داخل فالمطعم .. فاطمه قلبها مع يوسف .. مريم: ماما .. ام فارس: عيونها .. مريم: بنروح بيت يدي اليوم ؟ ام فارس: اكيد .. ايمان: عيل متى بنروح نتشرى حق عشى الملجه ؟ ام فارس: عندنا السبت .. فاطمه: متى حددتوا العشى ؟ ام فارس: الاثنين ان شاءالله .. ايمان بغلاسه: بدى العد التنازلي .. اااااااي .. مريم: وجع يا ايمانو .. فاطمه وام فارس: ه دخل عليهم فارس: يازينكم وانتوا تضحكون .. ام فارس: هلا يبه .. تبون شي من صوبكم ؟ فارس: ما قصرتوا .. بس نبي شاي وقهوه .. ام فارس: ان شاءالله يبه .. الحين بنجهز لكم الدلال .. فارس: بارك الله فيكم .. طلع من المطعم رايح الميلس .. دخل على الريايل .. بوفارس: ها يبه وين القهوه والشاي ؟ فارس: الحين يجهزونهم .. بوفارس: زين .. دخل الصبي شايل الدلال .. قام عبدالعزيز يصب لهم .. تموا يسولفون .. قام بوفارس بيطلع .. فارس: وين الغالي ؟ بوفارس: بروح اقيل شوي .. رن جوال فارس والرنه كانت عالي مستواه كتم الرنه .. طالعه بوفارس .. بوفارس بخبث: ليش ما ترد .. فارس: ها يبه ردينا .. بوفارس وفارس: ه جاسم وعبدالعزيز ويوسف طالعوهم باستغراب .. فارس: يبه ترا انا اقول لو تروح تقيل احسن لك .. بوفارس مبتسم: انت بعد روح قيل يبه .. فارس يضيع السالفه: لا بقعد مع الشباب شوي .. بوفارس: لا قيل مع اللي خبري خبرك .. فارس: يبه .. عاااد .. الشباب: .. عبدالعزيز: صادوه .. بوفارس يضحك: ه .. التفت على جاسم .. ها الجسمي بتجي تقيل معاي ؟ جاسم: اول قولي .. بوفارس: شو اقولك يبه ؟ جاسم: بتخليني اروح اجيب فلم .. بوفارس: بخليك .. يلا تعال .. جاسم بفرح: يس .. وركض عند ابوه .. شله بوفارس وطلع عنهم .. عبدالعزيز: شو سالفتك انت وابوي مع التلفون ؟ ليكون تغازلون ؟ فارس التف عليه: لا والله .. هاي انت مع يدك المقلوع اللي تغازلون .. عبدالعزيز ضحك بصوت عالي: اااااااااااي .. يوسف: ه .. فارس قام عنهم: الله يساعدكم يالمقاليع .. طلع فارس من الميلس وهو ماسك جواله ويشيك عليه .. دخل غرفته واتصل بحب حياته مناف .. في بيت بومحمد .. الكل مجتمع على السفره .. بومحمد: وين رحتوا اليوم ؟ محمد: عندنا شغل يبه ؟ بومحمد: مليت من شغلكم ؟ شو هالشغل ؟ علي: رحنا نودي البانشيات العزبه حق يوم الثلاثاء .. بومحمد: زين وليش ما خليتوا الصبيان يودونهم .. وشو اللي مطلعكم كلكم من الفجر .. علي: رحنا استعرضنا شوي .. بومحمد: بعدين البانشيات في العزبه شلون تودونها العزبه ؟ خالد " صادوه" .. فاضل: الغالي .. شيكنا عليها ورحنا نتسابق شوي .. كنا مودينا الكراج .. بومحمد" والله ما يندرى شو وراكم انتوا": زين ومن راح معاكم ؟ محمد: عيال عمي عبدالعزيز وفارس .. بومحمد: الله يستر منكم انتوا .. الريم: يبه .. بومحمد مبتسم لبنته: هلا يبه .. الريم: يبه ابي اوح مع بنات عمي اشتري لي شي حق عشى الملجه .. بومحمد: من بيوديهم ؟ الريم: مادري يمكن مع الدريول ومرت عمي .. او مع عمي .. بومحمد: زين يبه .. متى بتروحون ؟ الريم: مادري يمكن بكره او الاحد .. بومحمد: مو مشكله يبه .. روحي معاهم .. دخلت اسماء راحت عند ابوها و كانت خانقتها العبره .. التفت عليها بومحمد يطالعها باستمرار .. بومحمد: شو فيج بابا ؟ اسماء ما قدرت تمسك عمرها اكثر وصاحت .. بومحمد خاف عليها .. وام محمد قامت من مكانها راحت عندها .. بومحمد يمسح دموعها: ليش هالدموع ؟ حد هاوشج ؟ اسماء: بابا .. هئ هئ هئ .. بومحمد: عيونه انتي شو فيج تكلمي .. التفت على ام محمد .. جيبي لها ماي الله يرضى عليج .. قامت ام محمد تجيب ماي .. سقاها بومحمد وحضنها .. بومحمد: كلميني بابا شو فيج ؟ الكل كان يطالع اسماء بخوف .. اسماء: بابا .. الولد .. وصاحت .. بومحمد: اي ولد شو فيج ؟ اسماء: الولد فالتلفزيون مات .. وامه تصيح عليه .. الكل ضحك عيها: ه .. بوفارس: وينه .. وشلها وراح معاها الصاله .. اسماء: خلص .. مسكينه امه تصيح عليه .. شلها بومحمد ورجع فيها المطعم .. بومحمد: كانت اتابع فلم وصيحها .. علي: رقيقه اسماء .. خالد: فديت هالرقه والله .. ام محمد: طيرت قلبي .. انا اقول شو فيها .. بومحمد: انا على بالي جايه من برا .. محمد: وحليلج اسومه .. بومحمد: كملوا غداكم ما صار شي .. حضن اسماء وتم يتغدا .. في بيت سلمان .. هنادي: خالي اما اليوم بتاكل من ايدي خوش غدا .. والله فات يوسف هالغدا سلمان: اخاف يصير فيني شي .. هنادي: خاااالي .. ليش تحطمني .. الجوهره: .. لا هو قصده انه لو ما كل بيصير فيه شي .. سلمان: .. اي نعم هاي قصدي .. هنادي: صج عاد .. متفقين علي .. سلمان: فديت هنوده الطباخه .. يلا ذوقينا من ايدينج الحلوات .. هنادي ابتسمت بدلع: لا اكل من المطعم .. محد يمد يده على غداي .. سلمان والجوهره: .. سلمان: عفيه هنوده ذوقينا من طباخج الحلو .. هنادي: باعذبكم .. الجوهره: ما نعيدها بس ذوقينا .. هنادي: ممممم .. لا ترجوني اكثر .. سلمان مسك يدها: موووح .. يلا يالليدي هنادي .. سامحينا وارأفي بحالي .. هنادي: زين كسرت خاطري .. جوجو يلا وراي نجهز الغدا .. سلمان: فديتها والله .. اللي باكل من يدها .. هنادي: اليوم بسامحك .. بس لا تعيدها .. الكل: .. راحوا البنات يجهزون الغدا مع الخدامه .. بعد ما تغدوا راحت الجوهره تسوي لهم الشاي والقهوه .. سلمان: ماشاءالله عليج يا هنوده .. نفسج فالاكل غير عن جوجو .. هنادي: بالعافيه خالي .. بس شلون نفسي غير ؟ سلمان: جوجو طبخت هالاكله من قبل .. بس كان لها طعم غير .. وانتي طبختيها اليوم ولها طعم غير .. ماشاءالله عليكم يا بنات اختي .. الله يرزقج يا هنوده بذاك اللي ما يفكر الا في بطنه .. هنادي: ه .. شدعوه خالي .. تبيني اخذ واحد دب .. سلمان: .. دخلت الجوهره .. ومعاها الشاي والقهوه ..تقهواو بعدين كل من راح يقيل ويرتاح .. سلمان دخل غرفته وعلى طول شغل الكمبيوتر وطرش الفلم مع الصور على ايميل سميث .. تمغط وراح انسدح على السرير ونام على طول من التعب .. لانه راح مواصل .. يتبع __________________ |
يوم الجمعه كان حافل بالنسبه للكل .. الشباب وخلصوا من التفجيرات بسلامه .. وتونسوا على البانشيات .. بس هاليوم كان مميز بالنسبه لفاطمه .. اللي قلبها دلها على رسالة يوسف .. استنشقت عبير الورقه بابتسامه ناعمه من شفاها الحلوه ..
فاطمه " فديت هالريحه والله .. اميزها عن بعد كيلو .. فديتك يا يوسف وفديت كلامك والله " .. طوت الرساله وخشتها في جيبها وركضت على غرفتها وهي طايره من الوناسه .. شافتها مريم ونادتها .. مريم: فطوم .. فاطمه وهي تركض: بعدين بعدين .. مريم باستغراب: بعدين !! شو سالفتها فطوم الهبله .. هزت راسها وكملت طريقها رايحه الصاله .. لقت ابوها مستلقي ومعاه عبدالعزيز .. قعدت عند ابوها .. مريم: بابا .. بوفارس مغمض عيونه: هلا بابا .. مريم مبتسمه: ليش ما تقيلون فوق ؟ بوفارس: اخوج نام ؟ مريم طلت في ويه عبدالعزيز: اي .. وغرقان فالنوم .. بوفارس: كنا نسولف وسكتنا والظاهر انه نام من التعب .. مريم: زين قوم روح فوق بابا .. بوفارس: لا يبه بغط لي شوي لين يأذن العصر .. مريم باست راس ابوها: تبي اقعدك قبل الاذان ؟ بوفارس ابتسم: اي يبه .. جزاج الله الف خير يا قلبي .. والله يوفقج وين ما تروحين وسدد خطاج يا رب العالمين مريم ابتسمت لابوها باحراج: آمين .. راحت وجابت لحاف صغير ولحفت ابوها وابتسمت له وراحت غرفتها وهي فرحانه بدعوات ابوها .. (( فديت اللي قلبها وصلها لمكان الرساله .. ادري انج فرحانه .. بس مو كثري .. تدرين ليش ؟ لان رسالتي بين ايدينج .. واحسد العطر لانج تنشقتيه بانفاسج .. حبيبتي انتظر ردج بنفس المكان .. محبج )) .. حضنت الرساله ورفعت راسها وهي مبتسمه .. فاطمه " فديتك يا يوسف .. شو سويت فيني؟ طيرت عقلي بحبك يا يوسف .. احبك واحبك واحبك " .. فرحة فاطمه ما تنوصف برسالة يوسف وبكلامه اللي بالرساله .. وين تتوقعون فاطمه لقت الرساله ؟ الرساله حطها يوسف تحت صيص النبته اللي جنب ميلس الريايل .. كان طرف منها يا دوب باين .. طبعا فاطمه اول مكان دورت فيه الميلس وما لقت شي .. لما حست باليأس كانت بتطلع من الميلس بس قلبها ما خلاها تطلع فتحت باب الميلس اللي يطلع على برا وشافت صيص النبته وكانت نبتة الغردينيا .. ريحتها فواحه وجذبت فاطمه طاحت عينها على شي ابيض تحت .. مدت يدها ورفعت الصيص شوي ولقت الرساله .. فتحتها وقرت الكلام على السريع والفرحه ملت قلبها المليان بالحب والشوق .. بس يوسف ما كتب اسمه في الرساله لانه خايف حد يوصل للرساله قبل فاطمه .. بس قلبها وصلها للرساله .. طبعا بعد الاحداث اللي عشناها يوم الجمعه .. مر هاليوم طبيعي وحلو بالنسبه للكل .. عدى السبت بنفس الروتين اما الاحد فكان يوم حافل للكل .. لان الاثنين بيكون عشاء الملجه .. البنات راحوا مع امهم المجمع عشان يشترون لهم ملابس .. طبعا الريم راحت معاهم .. طلعوا من الصبح وهم يتلفلفون من محل لي محل .. ام فارس: يا بنات صدعتوني .. على كثر المحلات ماخذتوا منها شي ؟ فاطمه: عاد ماما .. في اشياء حلوه بس ما تناسب المناسه .. ام فارس: والله مناكركم مناكر يا بنات هالسنين .. على ايامنا شحلاتنا بالبخانق وثياب النشل .. وانتوا الحين مع هالثياب الضيقه والقصيره والمشققه .. ايمان: حلاته هالضيق والمشقق .. هاي المطلوب .. البنات: ه ام فارس: والله انكم قويات عين .. على ايامنا نستحي لي طير الهوى ثيابنا وطلعت سيقانا .. وانتوا ادورون الضيق والمشقق .. فاطمه ماسكه كتف امها: ماما .. ايامكم غير وايامنا غير .. ام فارس مبتسه: والله لو تلبسون ثياب نشل وبخانق والله بتطلعون جميلات .. فاطمه: لا ماما .. مو شي .. مريم: زين خل نشوف هالمحل .. شكله عنده بدلات حلوه .. ام فارس: يلا بناتي .. دخلوا المحل .. وكل وحده من البنات راحت في زاويه تشوف الملابس .. مريم لقت لها بدله وايد ناعمه .. مريم: فطيم تعالي شوي .. فاطمه: هلا .. مريم: شو رايج بهالبدله ؟ فاطمه شافتها: مممممم .. لا انتي العروس لازم تاخذين شي ملفت اكثر .. مريم: ها .. لا فطيم .. فاطمه خذت البدله ورجعتها: ما في لأ .. تعالي بنختار لج شي ربشه .. الريم: شو الربشه ؟ فاطمه: بدله ربشه للعروس .. ايمان: يا قلبي على الربشه انا .. البنات: ه ام فارس: صوتكم يا بنات .. فاطمه: ان شاءالله ماما .. ايمان نادت اللي تبيع بالمحل: لو سمحتي .. البايعه: نعم مدام تفضلي .. ايمان: نبي بدله حق عروس .. البايعه مبتسمه: مين فيكم العروس ؟ كلهم أشروا على مريم: هاذي .. البايعه ابتسمت لمريم: ان شاءالله .. راحت وجات كم بدله ورجعت لهم .. ايمان: يلا جابت البدلات .. راحوا البنات عند الطاوله وتموا يشوفون البدلات .. الريم: بصراحه هالبدله تجنن .. فاطمه: اي وحده ؟ رفعتها الريم: هاذي .. ايمان: اي والله تجنن .. وتناسبج مريوم .. فاطمه: اي بصراحه روعه .. مريم: اشوف .. ومسكت البدله .. زين خل ادخل اجربها .. الريم: بدون ما تجربينها ترا تجنن .. فاطمه: عدل كلام ريم .. ايمان: زين دخلي جربيها مو خسرانين شي .. البايعه: وانتوا يا حلون شو بدكم تختاروا ؟ ايمان: انا ابي تنوره ساده وبادي ربشه .. البايعه: احم .. شو يعني ربشه مدام .. الريم: ايمانوا لا تجننينها .. هي قصدها بادي فيه سوالف وايد .. البايعه: اها .. ولا يهمك مدام .. الريم: ايمانوا عليج حركات .. ايمان: بصراحه ماعرفت كيف اقولها فيه سوالف قلت ربشه .. الريم: ه فاطمه كانت ماسكه تنوره قصيره لونها فيروزي واخضر فستقي شيفون مع بادي تور لونه فيروزي .. ام فارس: فطيم يمه هاذي البدله قصيره والقميص ما بيخش شي .. فاطمه: حلاته .. ام فارس رفعت حاجب: شو بعد حلاته والله انكم قويات يا بنات هالسنين .. فاطمه: انا بجربها وبعدين بقرر .. ام فارس: كيفج يمه .. راحت عند البنات: ها ما لقيتوا شي ؟ ايمان: راحت تشوف لنا .. فاطمه: شو رايكم ببدلتي ؟ الريم: تجنن فطيم .. روحي لبسي خل نشوف .. فاطمه: اوكي .. بس تعالوا نشوف مرايم .. البنات: يلا .. راحوا عند غرفة التبديل .. ومريم كانت للحين تلبس .. دخلت فاطمه تجرب البدله اللي اختارتها .. طلعت مريم والبنات استخفوا عليها .. الريم: تجننين يا مرايم .. ياحظ خالد اخوي فيج .. مريم نزلت راسها منحرجه: نادوا ماما خل تشوف .. الريم: ان شاءالله .. راحت الريم تنادي ام فارس .. ايمان: فطوم طلعي لتفوتج مرايم .. فاطمه: زين بس صبري شوي الحين بخلص .. ام فارس: فديت بنتي انا .. والله انج عروس .. مريم: حلوه بدلتي ماما .. ام فارس: انتي محليتها ياماما .. مريم: خلاص يعني اتوكل واخذها .. ام فارس: ما يبله كلام .. طلعت فاطمه وكانت تجنن بالبدله .. ام فارس: يعلني اشوفج عروس يا فطيم .. فاطمه مبتسمه: مريم .. شو هالحلاه .. لا لا لا اخذي البدله ما يبيله كلام .. مريم: خلاص على رايكم .. بس انتي مسكته مع هالالوان الخطيره .. فاطمه دارت حول نفسها: ها شو رايكم في بدلتي ؟ ام فارس: عليكم بالعافيه فديتكم .. ايمان: والله تجنن .. ام فارس: فاطمه يمه اخذ شال غطي كتوفج .. وايد عاري يا ماما .. فاطمه: مممممم .. احلى بدون الشال ماما .. ام فارس: والله اخاف عليج من العين .. فاطمه: محد غيرنا ماما .. ام فارس: انا عازمه كم وحده من صديقاتي يا ماما .. فاطمه: لا عادي ماما .. ام فارس تنهدت: اللي تشوفونه .. زين يلا بدلوا خل نشوف حق ايماني والريم .. دخلوا مريم وفاطمه وبدلوا .. اما الريم وايمان طلعوا مع ام فارس وخذوا لهم بدلات حلوه.. ايمان خذت فستان ناعم .. لونه وردي باهت وطوله متدرج من ورا لي جدام .. والريم خذت تنوره سوده كلها فتحات وبادي لونه بنفسجي .. خلصوا البنات وطلعوا من المحل .. ام فارس: ها تبون شي بعد ؟ ايمان: اي ماما نبي اكسسوارات .. ام فارس: وين المحل ؟ ايمان: اعتقد انه فوق .. ام فارس: لاتعتقدين .. انا صدعت والحين الساعه 11 وما طبخت للحين .. فاطمه: عادي خل الخدامه تطبخ .. ام فارس: تبين ابوج يسوي لنا حفله .. مريم: زين نرجع البيت ونجي مع فارس ولا عزيز العصر .. فاطمه: خلاص بكلم فارس .. ايمان: اي لازم بتكلمينه .. بعد انتي دلوعته ما يرفض لج طلب .. ام فارس: ه .. فاطمه: زين يا ايمانو .. بقوله يودينا الا انتي .. ايمان دزت فاطمه: ترا مو احسن لج لو سويتي هالحركه .. فاطمه: ه .. كم تدفعين ؟ مريم: ه .. الريم " الله فارس بيودينا .. يا رب يوافق " .. ام فارس: بسكم سوالف .. خلاص اتصل بالدريول يجيب السياره .. مريم: اي خلاص ضمنا فارس .. ايمان: المشكله مو بس فارس .. حتى عزيز ما يرفض لها طلب .. فاطمه: يا ربي هالبنت وايد تغار مني .. ايمان: هع .. اغار منج .. في احلامج .. مريم: ايمانو ما تخلي في قلبها الكلمه .. الريم: اللي في قلبها على لسانها .. ام فارس: بسكم سوالف .. يلا الدريول عند الباب .. ركبوا السياره متجهين لبيت بوفارس .. ام فارس: الريم يمه .. الريم: هلا مرت عمي .. ام فارس: بتنزلين عندنا ؟ الريم: اي .. ام فارس: زين يمه .. وصلوا البيت .. وكانت ايمان نازله وهي محتجه .. فارس كان فالحوش ويتكلم فالتلفون .. الريم استانست يوم شافته .. فاطمه " اكيد يكلم حبيبة القلب " .. ام فارس: فارس يبه تعال .. فارس: حياتي خلج معاي عالخط .. مناف: اوكي .. فارس قرب منهم: هلا يمه وباس راسها .. آمريني .. ام فارس: ما يآمر عليك العدو فديتك .. هاي الفاتوره عطاني اياها ابوك اليوم الصبح .. خذها فارس من امه وقراها : اي عرفتها .. خلاص مو مشكله انا بكلم ابوي .. وكان ماسك التلفون وحاطه على كتفه عشان ما يطلع الصوت .. التفت على الريم بنت عمه .. فارس: شحالج الريم ؟ الريم باحراج: الحمدلله .. انت شو اخبارك ؟ فارس: الحمدلله .. والله كبرتي بنت عمي .. طالعته الريم وابتسمت .. ابتسم لها فارس وصد .. فارس: تبين شي الغاليه ؟ ام فارس: لا فديتك .. فارس: زين عيل .. مشى صوب الحديقه وكمل مكالمته .. الريم كانت اطالعه باستغراب " من يكلم فارس ؟ وليش ما سكر التلفون يوم شافنا ؟" .. يتبع ..__________________ |
التكمله
فارس: حياتي .. مناف: هلا وغلا .. فارس: تعرفين شو في خاطري ؟ مناف: شنو حبيبي ؟ فارس: ودي اكل من ايدينج .. مناف منحرجه: ها .. فارس: سمعتيني يا حياتي .. اليوم ما راح اتعشى الا من ايدينج سمعتي .. مناف: فارس .. فارس: عيون وقلب فارس انتي .. مناف: بس .. يقاطعها فارس: بس شو يا قلبي .. ناقصج شي .. بجيبه لج العصر مناف: لا مو ناقصني شي حبيبي خيرك مغطينا .. بس ماعرف شاسوي لك ؟ وبعدين وش بقول لامي لو شافتني اطبخ .. فارس: قولي لها باطبخ لاخواني .. مناف: زين ولو جيت بتقولي حق من هالاكل ؟ فارس: اي صح .. تدرين انتي سوي العشا وانا بمر على فيصل اخوج .. ولما امر عليه انتي قولي لامج نحط لرفيج فيصل شوي من عشانا .. مناف: ممممم .. والله انك داهيه يا فارس .. فارس: فديت قلبج والله .. كل شي لعيونج يهون يا قلب فارس انتي .. مناف مبتسمه: فديت قلبك حبيبي .. زين شتبيني اسوي لك ؟ وش في خاطرك ؟ ولا شو تحب انت ؟ فارس: والله اي شي من ايديج حلو .. مناف: في اكله تحبها تبي اسويها لك ؟ فارس يفكر: ممممم .. خلاص سوي لي معكرونه .. مناف مبتسمه: زين تبيها باللحم او الدجاج؟ فارس: على ذوقج حياتي .. مناف: بس هاي اللي في خاطرك؟ ما ودك بشي ثاني ؟ فارس: لأ حبيبتي .. مناف: خلاص الساعه 7 بيكون عشاك جاهز .. فارس مبتسم: فديت حياتي مناف .. مناف منحرجه: والله انك تستاهل يا قلبي .. فارس: تعرفين شو اللي استاهله انا ؟ مناف: ايش ؟ فارس: ماستاهل غير قلبج يا مناف .. مناف بثقه: وقلبي بين ايدينك يا فارس .. بس لا تجرحه .. فارس: قلبج بحطه بين ضلوعي .. مناف: فديتك يا فارس .. الله لا يحرمني منك .. فارس: ولا يحرمني منج يا قلبه انتي .. مناف: زين حبيبي .. خل اروح محاضرتي .. وبكلمك اول ماخلص .. فارس: زين حياتي .. مناف: الله يحفظك حبيبي .. فارس: مع السلامه .. سكرت من فارس وحضنت التلفون وهي مبتسمه .. رفعت راسها الا تشوف الدكتور يطالعها ومبتسم .. يوم تلاقت عيونهم نزل راسه ودخل قاعة المحاضره .. مناف " من متى كان واقف ؟ " .. دخلت وراه القاعه وقعدت على زاويه .. كانت الساعه 12 ونص الظهر .. بدى الدكتور المحاضره .. كان يراقب مناف بين فتره وثانيه .. وهي مب قادره تحط عينها بعينه .. كانت مرتبكه من نظرات الدكتور لها .. الدكتور كان من نفس الجنسيه ( خليجي ) اسمه الدكتور حامد .. مناف ماخذه هالمقرر معاه الفصل الاول بس ما كان منتبه لوجودها مثل هالفصل .. نظرات الاعجاب واضحه عليه .. بس مناف مافي قلبها غير فارس .. الدكتور خلص المحاضره ومناف كانت سرحانه وتكتب في كتابها .. طلعوا البنات ولا انتبهت لهم .. فجأه حست بشخص قريب منها .. حامد: مناف .. مناف رفعت راسها بارتباك: نـ نـ نعم دكتور .. التفت حولها وما لقت البنات .. حست بخوف .. حامد: شفيج خايفه ؟ مناف قامت من مكانها: ما فيني شي .. لازم اروح تأخر الوقت .. حامد: مناف لحظه شوي .. مناف منزله راسها: نعم دكتور .. حامد: ليش هالشرود في المحاضرات يا مناف ؟ مناف: اي شرود دكتور .. انا معاك طول المحاضره حامد: لا مو معاي .. يا مع الجوال .. او تكتبين في كتابج .. جسمج معانا وبالج في شي ثاني .. انتي عندج مشاكل من اي نوع فالبيت ؟ مناف: لا ماعندي مشاكل دكتور .. حامد: لا تقولين لي كل شوي دكتور .. مناف: ان شاءالله .. حامد: قولي لي وش سر شرودج فالمحاضرات ؟ مناف: ماعندي اي مشاكل .. حامد: على راحتج يا مناف .. ولو بغيتي شي حاضر لج اي وقت يا مناف .. مناف: مشكور دكتور .. حامد " آه لو اعرف اللي شاغل بالج" : زين ديري بالج على نفسج وشدي حيلج يا مناف .. ولو احتجتي شي قبل الامتحان لا تترددين تجيني المكتب .. مناف منزله راسها: ان شاءالله .. قامت بتطلع من القاعه .. حامد: مع السلامه يا مناف .. مناف وهي طالعه: مع السلامه .. طلعت وهي حزينه .. كانت تمشى ببطىء وهي حاسه ان الدنيا ادور فيها .. وصلت الكفتيريا خذت لها عصير برتقال وطلعت تقعد في مكانها تحت الشجره اللي مقابله الكفتيريا .. شربت العصير وهي تشوف البنات .. مناف " آه من هالدكتور خوفني والله خوفني .. ليش هالاهتمام منه؟ اخاف اقول لفارس شي وتستوي سالفه لا بسكت احسن .. وهالدكتور بتجاهله " شربت العصير وهي حزينه .. شافت التلفون ولقت مكالمه من فيصل اخوها اتصلت له .. مناف: متى رجعت من المدرسه ؟ فيصل معصب: شردت من المدرسه .. مناف بخوف: ليش شمسوي؟ فيصل: متهاوش .. مناف: مع من؟ وليش؟ فيصل: المدرس زفني اليوم فالصف .. وبعدين وداني عند الاخصائي وكمل عليه الاخصائي ما خلوني اتكلم .. وضربني المدرس بالعصا على ضهري وجدام الاخصائي .. وهالاخصائي يطالعني بكل برود وساكت عن المدرس عصبت مسكت ولده وضربته ضرب .. مناف: ليش يا فيصل ؟ احنا مو ناقصين .. وليش تضرب ولده ؟ فيصل: عشان يذوق اللي ذقته .. دام ما يرضى الضرب على ولده احنا بعد عيال ناس .. مناف: آه يا فيصل .. امي تدري ؟ فيصل: لأ .. انا مو فالبيت .. اتمشى فالفريج .. بعد شوي بروح البيت على وقت رجعتي بدخل البيت .. بس مناف ارجوج لاتقولين لأمي شي .. مناف: زين شبتسوي انت .. بكره لازم اروح معاك اشوف السالفه .. فيصل: لا ما تدخلين المدرسه .. كلها ريايل .. مناف بعصبيه: عيل من اللي بيروح ؟ فيصل: انا بكلم فارس .. مناف: لا يا فيصل .. مانبي نثقل على الريال .. هو ما قصر فينا بس ما ندخله في مشاكل معانا .. فيصل يصرخ: ولا على بالج بخليج تدخلين المدرسه وسط الريايل ولا بخلي امي .. لا يبه عيب .. مناف: زين لا تصرخ .. فيصل: انا آسف .. ما كنت اقصد .. والله ظلم .. حرام عليهم .. مناف: حسبي الله ونعم الوكيل .. زين شبتقول لفارس ؟ فيصل: بقوله الصج بعد تبيني اكذب .. انا بصراحه ما غلطت في شي .. وانا مب حيوان عندهم عشان انضرب .. مناف بحزم: محشوم ياخوي .. محشوم .. آآه .. زين متى بتكلم فارس؟ فيصل: يمكن اتصل فيه الحين .. مناف: زين طمني .. وعن الهياته فالفريج وارجع البيت .. فيصل: خلاص بكلم فارس وانا رايح صوب البيت .. مناف: زين .. فيصل: يلا مع السلامه .. مناف: الله يحفظك .. " آآه مو ناقصين .. هم نايف اللي راح .. مابي فيصل يضيع .. راس مالي هالثنين الله يسخرهم لي ويستر عليهم ويحفظهم يا رب " .. سكر فيصل وعلى طول اتصل بفارس اللي كان قاعد مع امه وخواته فالصاله .. رن جواله وشاف الرقم واستغرب فارس: هلا فيصل .. فيصل: شحالك فارس ؟ فارس: طيب الله يسلمك .. انت علومك؟ فيصل: الحمدلله .. فارس: ما داومت اليوم ؟ فيصل: بلا بس .. فارس: ليش سكت ؟ شو صاير .. وقام عن هله راح يتكلم بالغرفه الثانيه .. فارس: شو صاير يا فيصل ؟ فيصل: شارد من المدرسه .. فارس باستغراب: ليش ؟ فيصل تنهد: آآه .. بقولك السالفه وانت احكم يا فارس .. فارس: قول يبه .. فيصل: المدرس هزئني .. وطردني من الصف و وداني عند الاخصائي وهزئني الاخصائي .. والمدرس ضربني بالعصا جدام الاخصائي والاخصائي ما قال شي .. ولا عطوني فرصه ادافع عن نفسي او اتكلم .. انقهرت .. وشفت ولد المدرس .. مسكته وضربته ضرب من القهر اللي فيني .. فارس انا مب حيوان انطق والاخصائي ساكت .. عشان ماعندي ابو يسندني ولا يوقف معاي يضربوني .. ليش؟ ليش؟ كل الصبيان اللي ابوه يجي ويفازع له ويقيم المدرسه لو حد حرك ولده .. وانا عشاني يتيم يلعبون فيني والله اني مثلهم مب حيوان والله مثلهم .. صاح فيصل بقهر فارس خنقته العبره .. وهو يسمع كلام فيصل .. ذبحته كلمه فيصل ( وانا عشاني يتيم ) .. وايد تأثر فيها فارس .. فارس: زين امك تدري؟ فيصل: لأ .. توني مكلم اختي وقلت لها هي بس .. وعطتها خبر اني بتصل وبقولك .. لا الشيخه كانت تبي تروح المدرسه وسط الريايل .. بس انا قلت لها ما تروح .. فارس: عدل كلامك .. شوف بكره بمرك الساعه 9 وبروح معاك المدرسه .. فيصل: اخاف امي تسألني ليش بروح متأخر ؟ فارس: خلاص روح المدرسه .. وانا بمرك الساعه 9 وبتفاهم معاهم .. بس انت لاتكدر خاطرك ولا تزعل .. روح البيت وتغدا وراجع دروسك .. وبمرك اليوم على الساعه 7 .. فيصل: ان شاءالله .. فارس: بس لاتقول لامك عن اي شي صار .. فيصل: مستحيل اقولها .. امي اللي فيها مكفيها .. فراق نايف اخوي متعبها وايد .. بس هي جدامنا تضحك معانا ولا كأن شي صار .. بس اسمعها فالليل تصيح ولا تسكت .. فارس "لاحول ولا قوة الا بالله .. الله يصبرها": الله يصبرها ان شاءالله .. فيصل: جزاك الله الف خير يا فارس .. والله انك الابو والاخو اللي فاقدهم .. فارس: انا حاضر لكم اي وقت يا فيصل .. انتوا هلي .. فيصل ما عرف يرد على فارس .. فارس: زين انت روح البيت و سو اللي قلت لك عليه و الليله لي مريت عليك بنتفاهم .. فيصل: ان شاءالله .. فارس: بارك الله فيك .. فيصل: مع السلامه .. فارس: مع السلامه .. سكر فارس وهو حاس بضيقه في صدره .. رجع الصاله عند خواته وامه .. دخل عليهم بوفارس .. بوفارس: السلام عليكم .. الكل: عليكم السلام .. قاموا البنات يسلمون على ابوهم .. بوفارس: الريم عندنا اليوم .. حيالله بنت اخوي .. نور البيت الريم مستحيه: بوجودك عمي .. بوفارس: شحالج يبه ؟ الريم: طيبه .. بوفارس: ها خذتوا اللي تبونه يا بنات ؟ البنات: اي .. بوفارس: الحمدلله .. التفت على فارس اللي كان الحزن ينقرى بعيونه .. فارس .. فارس: هلا يبه .. بوفارس: بيعنا فالسوق .. فارس: اشتريك الغالي .. بوفارس: عسى ماشر يبه ؟ فارس ورجع براسه ورا شوي: ولا شي .. بوفارس " علي انا يا فروس ما فيك شي ": وين الجسمي فديت طوله ؟ جاسم ركض بسرعه: بووووووو .. بوفارس سوا نفسه انه خاف: ووووي .. بسم الله .. انت من وين طلعت يالنتفه .. الكل: .. جاسم: موووح .. باس راس ابوه .. بوفارس: يبه لاتركض ولا تناقز عشان ريولك .. جاسم: خلاص ماتعورني الحين .. بوفارس مبتسم: الحمدلله .. بس باقي يشلون الخيط من الجرح .. جاسم: بس الجرح يحكني يبه .. بوفارس: لما يحكك يعني خلاص برى جرحك وما عليك شر .. جاسم: يس .. الكل: .. بوفارس: زين يلا حطوا الغدا .. ام فارس: ان شاءالله .. يلا يا بنات نروح نجهز .. راحوا البنات ورا امهم الا فاطمه .. بوفارس طلع يبدل وخذ معاه جاسم .. فاطمه قربت من فارس .. فاطمه: فارس .. فارس: هلا .. فاطمه: شو اللي مكدر خاطرك ؟ فارس: ما فيني شي .. بس اتصلي واحد من الشغل ولده تعبان وكان يبي اجازه عشان يقعد معاه .. فقير ويكسر خاطري .. فاطمه بحزن: مسكين .. الله يشفيه ان شاءالله ويعينه .. فارس: آمين .. فاطمه: لا تكدر خاطرك اخوي .. يلا قوم تغدا .. فارس: ان شاءالله .. راحت فاطمه المطبخ تجهز مع البنات .. يتبع .. __________________ |
التكمله
" يا احلى ماضي من حياتي وذاتي .. يا عزوة المهموم يا اغلى غالي " .. الجوهره: ليش ما رحت معاهم؟ ابراهيم: خالج قالي ماله داعي توني معرس ويخاف علي .. احم احم الجوهره: خف علينا يالمعرس .. ابراهيم: الجوهره: زين خلصوا كل شي.. ابراهيم: اكيد .. لانهم طلعوا بعد صلاة الفجر .. ورجعوا قبل الظهر .. الجوهره: صح كلامك .. بس خالي قال انك بتروح معاهم .. ليش غير رايه؟ ابراهيم: سألته يا حياتي .. وقالي الكلام اللي قلته لج .. الجوهره: معقوله !! .. ابراهيم: والله هاي الكلام اللي قاله لي .. الجوهره: اها .. ابراهيم: زين يا عروستي .. الجوهره: عيونها .. ابراهيم: واااي فديت عيونها انا .. الجوهره: آمرني يا قلبي انته .. ابراهيم: حياتي والله .. خلاص يعني يوم الاربعاء الجاي بنشوفج .. ؟ الجوهره باحراج: اي .. ابراهيم: يعني بعد كم يوم ؟ الجوهره: بعد 3 ايام .. ابراهيم: واااي احسها هم هالـ 3 ايام .. الجوهره: ليش فديتك ؟ ابراهيم: ماقدر اصبر اكثر .. الجوهره: ه .. ابراهيم: ما قلتي لي شبتلبسين ؟ الجوهره: مفاجأه .. ابراهيم: افااا .. الجوهره باستغراب: ليش ؟!! ابراهيم: تخشين علي يا قلبي .. الجوهره ضحكت: .. لا حبيبي ما يصير اقولك .. ابراهيم: زين قولي لي اي لون بتلبسين ؟ الجوهره: بعد مفاجأه .. ابراهيم: ذبحتيني مفاجأت .. الجوهره: عااد حبيبي .. ابراهيم: بس هني انا ماقدر اقول شي .. الجوهره بدلع: احم .. ابراهيم: لي تدلعت جوهرتي انا ماقدر اقول ولا اسوي شي .. لي تدلعت جوهرتي احس العالم كله يوقف .. الجوهره مستانسسه: حبيبي .. ابراهيم: يا قلبي انتي والله .. الجوهره: ترا مب زين اكلمك وايد الحين .. ابراهيم: وليش يعني ؟ الجوهره: ما بقى الا 3 ايام .. يعني لازم تشتاق لي .. ابراهيم: تعرفين اول ما شوفج شو بسوي ؟ الجوهره بصدمه: شبتسوي؟ ابراهيم: باعضج يالدبه .. الجوهره: بايخ ماحبك .. ابراهيم: لا تكفين حبيني .. بدونج ماعيش انا .. الجوهره: خلاص ماحبك بس اليوم .. بكره باحبك .. ابراهيم: يعني ما راح نسمع حس القمر اليوم .. الجوهره: احلم اني اتصل فيك اليوم .. ابراهيم: لا لا لا .. الجوهره: محد قالك .. ابراهيم: قالي شنو؟ الجوهره: انت تعرف .. ابراهيم بتوسل: لا تحبيني لين قبل النوم .. الجوهره: بافكر .. ابراهيم: لا تفكيرن الله يخليج حياتي .. الجوهره: زين خلاص كسرت خاطري .. ابراهيم بوناسه: صج والله .. الجوهره: انا قلت بافكر ما قلت اكيد .. ابراهيم بخيبه: صج .. الجوهره: لا كذب .. ه ابراهيم: يلا عاد قلبي .. الجوهره: اتصل لي بعد نص ساعه يمكن اكون غيرت رايي .. ابراهيم: يالظالمه .. الجوهره: .. زين انتظرك تترجاني اقصد تتصلي عشان تعرف قراري .. ابراهيم: يجي لك يوم يا ظالم .. الجوهره: احم احم .. خلاص انتهى وقتك .. ابراهيم بهزيمه: يعني مافي امل .. الجوهره: انا قلت لك كلمني بعد نص ساعه عشان تعرف قراري .. ابراهيم: اللي تشوفينه .. امرج ولا امر الحكومه .. الجوهره: مع السلامه .. ابراهيم بخضوع: مع السلامه .. سكرت الجوهره وهي ميته من الضحك " جننته فديت قلبه .. يصبر علي برهوم الدب " الساعه 5 ونص .. مناف توها واصله من الجامعه .. على طول دخلت المطبخ وجهزت اغراض العشى عشان تسوي عشى لفارس واخوانها .. دخل عليها فيصل .. فيصل: مناف .. مناف التفت عليه: هلا حبيبي .. فيصل: ابي احلق .. مناف: زين اصبر بس اخلص اللي بيدي .. فيصل: متى يعني ؟ مناف: يعني بعد نص ساعه تقريبا .. فيصل: اوكي .. مناف: تعال قولي .. شسويت مع فارس ؟ فيصل: كلمته الظهر وقلت له كل شي .. و وصاني ماقول لامي شي .. هو بيمرني المدرسه وبيتفاهم معاهم .. مناف: الله يستر بس .. فيصل: والله فارس طيب ويعاملنا مثل اهله .. مناف"فديت قلبه والله": ما يقصر .. جزاه الله الف خير .. فيصل يحك راسه: زين اختي لا تتأخرين لان فارس بيمرني الساعه 7 .. مناف مبتسمه: ان شاءالله .. مناف دوم تحلق لاخوانها .. وفيصل طلب منها تقص له شعره .. بعد ما خلصت اللي بيدها .. راحت خذت لها شور سريع ونادت فيصل .. مناف: فيصل .. فيصل .. عبدالله: فصول برا .. مناف: شيسوي برا ؟ عبدالله: واقف عند الباب .. مناف: زين ناده قوله يجيب لي المقص عشان احلق له .. عبدالله: زين انا بعد ابي احلق .. مناف: زين ناده وتعالوا .. عبدالله: زين زين .. راح نادا فيصل ودخلوا على مناف اللي جهزت الكرسي والفوطه لهم .. مناف: جبت المقص؟ المقص اللي عندي ماذكر وين حطيته اخر مره .. فيصل: اي جبته معاي .. مناف: زين يلا اخلص علي .. فيصل: زين بس رتبي لي من فوق .. اللي تحت خليه .. مناف: ليش حضرتك ؟ فيصل: بس جي ابي اغير .. مناف مبتسمه: حركات بعد تغير .. فيصل: على قولتهم اللوك الجديد .. مناف وفيصل: ه عبدالله: ليش تضحكون؟ فيصل التفت على مناف: ه .. مناف: ما نضحك على شي حبيبي .. عبدالله رفع حاجب: مالت عليكم .. فيصل: خخخخخخخ .. فله عبود لما يعصب .. مناف: عبود تعال وين رايح .. عبدالله وهو طالع: بروح عند امي .. مناف: فديته عبود .. بدت مناف تحلق حق فيصل .. وبعد ما خلصت دلكت اخوها شوي .. فيصل مغمض عيونه: آآه .. فله مساجج اختي .. مناف: .. قوم تسبح يلا .. الشعر كله راح في ظهرك .. فيصل: والله بعد هالمساج ماودي اقوم .. مناف: زين انا بروح اشوف الاكل .. قام فيصل وخذ له شور دافي .. لبس وطلع عند باب الحوش ينتظر فارس .. مناف طلعت من المطبخ ونادت عبدالله عشان تحلق له .. مناف: عبود .. تعال دورك .. عبدالله: مابي مثل فيصل .. مناف: زين .. شلون تبي؟ عبدالله: ابي مكينه .. مناف: مكينه مره وحده .. عبدالله: اي .. مناف: بشوف اذا المكينه تشتغل .. عبدالله: ان شاءالله تشتغل .. شيكت مناف على المكينه وطلعت تشتغل .. مناف: شلون تبي ؟ عبدالله: ابي 0 .. مناف مستغربه: قرعه! عبدالله: اي .. مناف: زين بسوي لك رقم 3 عبدالله: لأ .. ابي 0 مناف: عبود عبدالله: انا ابي 0 زين .. مناف: زين زين .. عبدالله: ولا تدرين .. خلاص سوي لي رقم 3 مناف ابتسمت: ولا يهمك يا بودي .. عبدالله: بودي .. بس نايف اللي يقولي .. محد يقولي زين .. مناف نزلت راسها وبحزن: ان شاءالله .. شغلت المكينه وحلقت له رقم 3 .. فيهالاثناء اتصل فارس بفيصل .. فارس: السلام عليكم .. فيصل: وعليكم السلام .. هلا فارس .. فارس: شحالك ؟ فيصل: الحمدلله .. فارس: انا قريب .. توني داش الفريج .. فيصل: انا انتظرك عند الباب .. فارس: زين عطني دقيقتين وبكون عندك .. فيصل: زين .. سكر فيصل وشاف سيارة فارس ( الرنج الاسود ) جايه من اول الفريج صوبهم .. قرب فارس ونزل .. سلم على فيصل وقعد معاه عند عتبة الباب .. فارس مبتسم: نعيما .. فيصل مستانس: الله ينعم عليك .. فارس: وين اخوك ؟ فيصل: يحلق؟ فارس رفع حاجب: يحلق !! فيصل: اي .. اختي تحلق له .. احنا مانروح الحلاق .. اختي الكبيره من يوم احنا صغار تحلق لنا .. فارس" فديت قلبها": اي ي ي ي .. يعني ما تخسرون .. فيصل يضحك: ه .. ولا عمري دخلت حلاق .. فارس: ماشاءالله عليها .. فيصل: عندنا مكينة ابوي الله يرحمه .. مرات تشتغل ومرات ما تشتغل .. لان عبود يحب يخفف شعره وايد .. وكان نايف يقلده .. وسكت فارس شاف الحزن بعيون فيصل لما طرى اخوه نايف .. فارس: زين انا عندي مكينه لي بغيتوا تحلقون قولي بجيبها لكم لو مكينتكم ماشتغلت .. فيصل ابتسم: والله .. مشكور يا فارس .. فارس: حاضرين لك يا فيصل .. تموا فارس وفيصل يسولفون .. طلع لهم عبدالله .. التفت عليه فارس مبتسم .. فارس: هلا والله .. نعيما .. عبدالله مبتسم: .. فارس حط يده على راس عبدالله: يه يه يه .. شو هالزين عبدالله .. عبدالله: انا كنت ابي قرعه .. بس مناف قالت لي سو رقم 3 احلى .. فيصل يهمس لاخوه: لا تقول اسم اختك جدام الناس .. عيب .. عبدالله: اوه نسيت .. فارس" فديت مناف انا ": لا بس رقم 3 حلو عليك .. عبدالله: ماشفتني وانا قرعه حلو شكلي .. فيصل التفت على فارس: لما يقرع عبود يطلع شكله وايد حلو .. فارس: بعد الحين شكله حلو ماشاءالله .. عبدالله: افففف .. مره ثانيه مب سامع كلامها .. بخليها تسوي لي اللي ابيه .. فارس وفيصل: .. فارس كان يبي يكلم فيصل بموضوع المدرسه بس ماحب يتكلم جدام عبدالله .. عبدالله خذ جوال فارس: الله جوالك حلو .. فارس مبتسم: لما تكبر مثل فيصل بجيب لك واحد .. بس بشرط .. عبدالله: شرط ؟ فارس: اي .. لو شديت حيلك فالمدرسه بجيب لك .. عبدالله: اصلا انا شاطر .. حتى اسأل فيصل .. فارس التف على فيصل .. فيصل: عبود اشطر مني .. ذكي ماشاءالله عليه .. حافظ جزء كامل من القرآن .. امي كل يوم تحفظه .. فارس بانبهار: ماشاءالله عليك .. زين ليش ما تدخل مسابقة تحفيظ القرآن .. عبدالله: فالمدرسه انا اطلع الاول .. فيصل: اشترك مره .. عبدالله يحط يده على حلج فيصل: اسكت اسكت .. نزل راسه بحزن .. فارس: ليش تسكته ؟ فيصل التفت على اخوه: عبود اقوله .. عبدالله: .... فارس استغرب: ليش شو صاير ؟ فيصل: عبود اقول ؟ فارس: لو ماتبي يقولي عادي عبدالله .. عبدالله بصوت واطي: انا بقول .. فيصل ابتسم لفارس .. فارس: زين قول اسمعك .. عبدالله: انا اشتركت بس طلعت قبل المسابقه .. فارس: ليش ؟ عبدالله: كان في ولد كله يطقني لاني حافظ وكل المطاوعه يحبوني .. كان يحتر مني ويطقني .. وطلعت .. فارس مبتسم: بس عشان الولد طقك ..؟ عبدالله رفع راسه: اي .. كل ما يشوفني كان يرفسني .. ولا يضربني بالمسطره .. فارس: وليش ما كنت تضربه ؟ عبدالله: لان ابوه يمر ياخذه واخاف يعلم ابوه وابوه يضربني .. فارس: ما عليك منه مايقدر يقول لابوه .. عبدالله: ليش ؟ فارس: لانه يضربك بدون سبب .. شو بيقول لابوه لو ضربته .. بيقوله انا كنت اضربه .. واكيد ابوه عاقل وبيهاوشه لانه يضربك بدون سبب .. عبدالله ابتسم: والله .. فارس: اي .. لازم تاخذ حقك بيدك .. اللي يضربك ضربه .. واللي يرفسك رفسه ولاتخاف من حد .. دامك ماسويت شي غلط محد بيضرك ان شاءالله .. عبدالله: انا كنت اخاف انه يقول لابوه ويكون ابوه شرير مثله .. عشان جي كنت اغيب وايد .. لين قلت لامي مابي اروح كلش .. فارس: غلطان يا عبدالله .. من اليوم ورايح لاتسكت عن حقك .. زين ليش ما قلت لاخوك انه يضربك ؟ عبدالله: مادري .. فارس: مره ثانيه لو ماقدرت تسوي شي قول لاخوك ولا قولي .. بس لازم تاخذ حقك بيدك يا عبدالله .. عبدالله مبتسم: زين .. خلاص اللي يضربني باضربه .. فارس: بعدي عليك .. فيصل: خلك مثل اخوك ما يهمونه الناس .. فارس وفيصل وعبدالله: .. طلعت ام مناف عند الباب وهي مستانسه تشوف عيالها يضحكون مع فارس .. ام مناف: السلام عليكم .. فارس قام من مكانه: وعليكم السلام .. كان منزل راسه .. مناف: شلونك يبه ؟ فارس: طيب طاب حالج يمه .. انتوا اخباركم ؟ ام مناف: الحمدلله طيبين .. عسى ما غربلوك الصبيان ؟ فارس: لا خواني ما غربلواني بالعكس سوالفهم حلوه .. ام مناف: عبود تعال تسبح .. عبدالله: مابي .. ام مناف: تعال جسمك كله شعر تعال توك محلق .. عبدالله: اوهوووو .. زين زين .. راح عند امه ودخل معاها .. يتبع .. __________________ |
التكمله
تم فارس مع فيصل .. فارس: اخبارك بعد اللي صار اليوم ؟ فيصل: لاجديد .. بعد ما كلمتك رحت البيت ولا قلت لامي شي .. فارس: انت لازم تتحكم في اعصابك يا فيصل .. ولد المدرس ماله ذنب .. فيصل: ذنبه ابوه الظالم .. يعني يضربني وما يرضى على ولده ينضرب .. فارس" عدل كلام الولد": زين انت كبر عقلك .. وبكره انا بجي اتفاهم معاهم .. فيصل: ودي تعطي هالاخصائي كم كلمه تسم بدنه .. فارس رافع حاجب: ليش ؟ فيصل: لاني انضربت ضرب الحمير ( الله يعزك ) وهو ما حرك ساكن .. جات عيني بعينه وبعدين قام يكتب في الدفتر .. وبعد ما خلص المدرس من الضرب وقعني على انذار وطردني من الغرفه .. فارس: زين وين صدت ولد المدرس ؟ فيصل: كنت بروح الصف بعدين غيرت رايي .. رحت اتمشى فالممرات وشفته طالع من صفه .. ركضت صوبه وعلى السنه عطته بوكس على عينه .. قام يصرخ دزيته على الارض وقعدت على بطنه ولتهته من الضرب .. وهو يصرخ .. طلع مدرس من احد الصفوف وسحبني عنه .. ما خلاني ابرد خاطري .. والمدرس يسحبني رفسته كم رفسه على وي طلعت الدم من خشمه وحلجه .. دزيت المدرس وشردت بسرعه .. رحت ورا المدرسه وشقحت وطلعت .. حتى كتبي فالمدرسه مادري عنهم .. فارس" بعدي عليك .. زين سويت فيه": بس اللي سويته غلط يا فيصل .. فيصل: واللي سواه المدرس مب غلط يعني .. فارس: اللي سواه المدرس اكبر غلط .. بس طريقتك غلط .. ولده ماله ذنب .. فيصل: انا يوم طلعت من غرفة الاخصائي قلت في قلبي ( حسبي الله ونعم الوكيل ) .. قلتها من خاطري وتميت ادعي ان الله ياخذ حقي من هالمددرس الظالم .. الا اشوف ولده جدامي واتولاه .. فارس كان مستانس على فيصل .. بس كان ينصحه ويبين له ان اللي سواه غلط .. بس من داخله شاف ان اللي سواه فيصل ردة فعل طبيعيه من ولد مقهور وانظلم .. فارس: انت الحين اسمع كلامي زين .. مره ثانيه لا تتصرف بهالطريقه يا فيصل .. تخيل بكره انت تتهاوش مع اي صبي ويشوف عبدالله اخوك ويسوي فيه مثل ما سويت بولد المدرس .. فيصل بخوف: لا سمالله على عبود .. فارس: ها شفت شلون خفت على اخوك .. شلون المدرس اللي شاف ولده بالمنظر اللي تركته فيه انت .. فيصل: بس انا مستحيل اظلم الناس مثل هالمدرس القاسي .. فارس: ماتدري شو بيصير بكره يا فيصل .. بس انت اسمع الكلام وخلك اكبر من انك تتفاهم باسلوب الضرب .. يعني اللي يضربك ضربه ماختلفنا .. بس لاتضرب ولد ذنبه ان ابوه قاسي او ضربك .. يا فيصل الدنيا دواره .. فيصل: ان شاءالله .. في بيت مناف .. عبدالله تسبح وكانت ام مناف تلبسه عشان يروح للشباب عند الباب .. دخلت مناف عليهم .. مناف مبتسمه: يه يه يه عبود .. وش هالزين .. عبدالله مبتسم: ها شلون عيل .. محلق وملابسي جديده .. ام مناف: جعله لبس العافيه فديتك .. عبدالله حضن امه بقوه وباسها على خدها .. مناف: يمه احط العشا ؟ ام مناف: صبري خل يجي فيصل اخوج من عند الريال .. مناف متردده: يمه .. ام مناف: ها يمه .. مناف: احط حق رفيج فيصل شوي من عشانا .. ام مناف مبتسمه: اي يمه حطي له .. عيب الريال يشم الريحه وما يذوق منها .. مناف مستانسه: ان شاءالله يمه .. راحت المطبخ وحطت لفارس من العشا .. ام مناف: عبود حبيبي قبل ما يروح الريال قوله يصبر شوي .. عبدالله: زين يمه .. طلع عبدالله عند فيصل وفارس .. فارس: تبون تسوقون السياره ؟ فيصل: اي ي ي عبدالله: الله فله .. فارس: يلا .. راحوا عند السياره وركب فيصل مكان السايق وفارس جنبه وفي حضنه عبدالله .. فارس: الحين شل ريلك عند البريك شوي شوي .. فيصل: ادوس بترول ؟ فارس: اي بس شوي شوي عشان ما تنقز السياره مره وحده .. فيصل: زين .. مشت السياره وفيصل كان مبتسم انه يمشيها .. عبدالله كان فرحان .. عبدالله: الله وناسه .. فارس: ماشاءالله عليك يا فيصل .. فيصل: ليش ؟ فارس: سواقتك حلوه .. كمل لين اخر الفريج .. فيصل مستانس: زين .. مشوا بالسياره لين طلعوا على الشارع العام .. فارس: زين الحين ارجع .. لف السكان مره وحده وانت دايس بترول .. فيصل: زين .. لف ورجعوا الفريج .. كانت سواقة فيصل هاديه .. وصلوا عند البيت وكانوا فرحانين .. فيصل: صج سواقتي حلوه فارس .. فارس: اي فنان يا فيصل .. سقت من قبل ؟ فيصل: لأ هاي اول مره .. فارس: ماشاءالله عليك .. من اول مره وشاطر .. عبدالله: انا لما اكبر بشتري لي نفس سيارتك فارس .. فارس: .. ان شاءالله .. نزلوا عند البيت .. فارس: زين يا الربع انا لازم اروح بيتنا .. تامروني على شي يبه ؟ عبدالله: فارس .. امي تقول اصبر شوي ؟ فارس: ان شاءالله .. دخل عبدالله وراح عند امه .. عبدالله: يمه فارس بيروح الحين .. ام مناف: مناف يمه .. مناف: هلا يمه .. ام مناف: يمه حطي لقمه حق الريال .. مناف مبتسمه: ان شاءالله .. راحت المطبخ وجابت المله .. عطتها عبدالله يوديها لفارس .. مناف: هاك عبود .. عط الريال .. عبدالله: زين .. مناف: مافي ان شاءالله .. مناف: اففف .. ان شاءالله .. يعني قلنا زين .. مناف تضحك عليه: ه .. عبود عليك سوالف .. طلع عبدالله وهو ماسك المله .. نزل فارس وخذها من يده .. فارس مبتسم: ماشاءالله .. ليش كل هاي ؟ عبدالله: اختي وامي يسون اكل حلو .. فارس: ما قصرتوا ماله داعي .. " صج اني عيار اونه ماله داعي" .. فيصل: بالعافيه .. واسمح لنا عالقصور .. فارس: ماقصرتوا .. يعطيكم العافيه .. حط المله في السياره .. فارس: زين شباب انا رايح الحين .. انتوا روحوا داخل .. وفيصل لاتنسى بكره .. فيصل: ان شاءالله .. عبدالله: شنو بكره ؟ فارس يضحك على عبدالله: .. بكره بتعرف .. فيصل ضحك على اخوه: ه .. اي بكره بتعرف مثل ما قال فارس .. فارس رفع يده: سلام شباب .. فيصل وعبدالله: مع السلامه .. دخلوا وسكروا الباب وراهم .. اما فارس لما تطمن انهم دخلوا حرك .. واتصل بمناف .. مناف منحرجه: هلا حياتي .. فارس: فديت حبيبتي منوفه .. ريحت الاكل سيلت لعابي .. مناف تدلع: للحين ما كلته عيل .. فارس: متى اوصل البيت واذوق احلى اكل بالعالم .. مناف منحرجه: لا تجتاملني عاد .. فارس: فديت قلبج انا .. من يقول اني اجامل .. الريحه اكبر دليل على ان الاكله اللي باكلها روعه .. مناف منحرجه: بالعافيه حبيبي .. فارس: الله يعافيج يا قلبيه .. مناف: زين حبيبي لازم اروح امي تناديني .. فارس: زين حياتي .. باكلمج فالليل .. مناف: ان شاءالله حياتي .. فارس: الله وياج .. راحت مناف تجهز العشا لاخوانها وامها .. وكانت تشوف الفرحه في عيون اخوانها وهم يتكلمون عن فارس واهتمامه فيهم .. عبدالله: يمه والله انه طيب .. ام مناف: جزاه الله خير هالولد .. عبدالله: ما شفتي فيصل وهو يسوق السياره .. وفارس يعلمه .. ام مناف تشوف الفرحه بعيون عبدالله اللي وايد تأثر وحزن لموت نايف .. ام مناف " فارس غير حياتنا .. الله يستر عليه ويرزقه ان شاءالله " .. فيصل: قال اني شاطر .. مناف: ليش ؟ فيصل: لاني اول مره اسوق وسواقتي حلوه وهاديه .. عبدالله: اي .. يقول حق فصول .. يقلد فارس ( ماشاءلله عليك شاطر) .. هو قال جي .. ام مناف حضنت عبدالله: فديت قلبه والله .. تقلد كلام الريال .. مناف وفيصل: .. عبدالله: زين انا ابي ادخل مسابقة القرآن يمه .. ام مناف مستغربه: ها ؟ عبدالله: فارس قالي .. اللي يضربك ضربه ولاتخاف من حد .. وقالي لو حد كبير ضربني اقوله او اقول حق فيصل ام مناف: ولا يهمك يبه .. اول ما يبدون دوره جديده بدخلك .. مناف " فديت قلبك يا فارس فرحت اخواني الله يفرح قلبك " .. تموا اخوان مناف يتكلمون عن فارس والفرحه في عيونهم .. وام فارس كانت مستانسه من التغير اللي صار لعيالها من بعد الحزن اللي عاشوه لفرقى اخوهم نايف .. فارس اتصل بمحمد ولد عمه .. محمد: حياتي فروسي .. فارس: يا قلبي يا حمودي .. محمد وفارس: ه محمد: شحالك ؟ فارس: طيب .. انت علومك ؟ محمد: تمام التمام .. فارس: تعشيت ؟ محمد: لا والله للحين .. فارس: تعال عشاك علي .. محمد باستغراب: عشاي ؟ شلون ؟ فارس: انت تعال بيتنا وبتعرف .. محمد: عيوني وقلبي وروحي كلهم تحت امرك .. فارس: حلاه عليك وعلى كلامك .. زين انتظرك .. محمد: مسافة السكه يا باشا .. فارس: احم احم .. انتظرك يا باشا .. سكروا من بعض .. فارس نزل المله وعطاها الصبي .. طلب منه يوديها الميلس .. فارس: اسمع هاي وده الميلس .. وجهز ماي وصحن وكل شي .. الصبي: ان شاءالله .. راح فارس الغرفه وبدل ملابسه .. وقف يناظر نفسه بالمرايه وابتسم .. لبس جلابيه ونزل .. شاف مريم وايمان فارس: هلا بنات .. البنات: هلا فارس .. مريم: شحالك فديتك ؟ فارس: الحمدلله .. رحتوا المجمع مع عزيز .. مريم: لا بابا ودانا .. فارس: ليش عزيز ما وداكم ؟ مريم: طلع مع ربعه وبابا قال بيودينا .. ايمان: وجسوم اصر يجي معانا هو وسلطان وفهد .. لعوزونا .. وبابا مخليهم على كيفهم .. فارس مبتسم: ه .. ما تعرفين ابوي يموت في جسوم .. ايمان: عطلونا عالفاضي .. مع افلاهم اللي ما يشبعون منها .. فارس: عيل وين بنت العم وفطيم .. ايمان: فالحديقه يتمشون .. فارس: اها .. رن جوال فارس ومحمد كان المتصل .. فارس: هلا وغلا .. محمد: انت وين ؟ فارس: فوق .. وصلت ؟ محمد: اي .. فارس: زين روح الميلس وانا نازلك الحين .. ايمان بلقافه: من هاي ؟ فارس وهو ماشي: لقافه .. مريم: ه ايمان ضربتها على كتفها: يا خفة دمج .. يتبع .. __________________ |
التكمله
نزل فارس وما لقى محمد فالميلس .. لف ورا الميلس ولقاه يسولف مع الريم وفاطمه .. رفع حاجب وناده .. فارس: بونايف .. التفت محمد" اففين شو يبي ذي بعد": هلا .. فارس: الميلس هني .. محمد: جايك .. الريم: محمد متى بترجع البيت ؟ محمد: مادري والله .. الريم: الله يخليك ابي ارجع البيت .. بتطول هني ؟ محمد وعيونه على فاطمه السرحانه: دام تبين تروحين البيت .. باتعشى وباطلع .. الريم: لا فديتك خذ راحتك بس لاتطول عاد .. محمد: على هالخشم .. كم ريم عندي انا .. ومسح على راسها .. الريم ابتسمت لاخوها .. ومحمد راح الميلس عند فارس .. محمد: هلا وغلا .. فارس: يا قلبي عليك .. محمد: شو هالعشى اللي طاير به ؟ فارس فتح المله: تفضل الشيخ .. شغل بيت .. محمد ابتسم: اها .. وبخبث قال .. تسلم الايادي اللي تعبت عليه .. فارس مسوي نفسه مشغول مع الصحون: الله يسلمك .. تفضل اغرف لك الشيخ .. لاتستحي .. محمد قرب من فارس: لا حالف عليك انت تغرف لي .. فارس ابتسم: زين زين .. محمد: الله على الريحه الحلوه .. فارس يجاريه: لا الريحه شغل عدل .. محمد: اف اف اف على الريحه .. تاخذ القلب .. التفت عليه فارس: خل قلبك لك .. وشم الريحه وانت ساكت .. محمد: ااااااااي .. فارس: وجع .. محمد: الله يسلمك ماتقصر .. محمد وفارس ضحكوا بصوت عالي: اااااااااااااااااااااااااي .. فارس: عليك لسان يا حمود .. محمد: ينقط عسل .. ادري .. زين هات خل نذوق شغل البيت اللي ذبحك .. اقصد اللي جايبه .. فارس: كلمه ثانيه وباشوتك برا .. محمد: ان شاءالله طال عمرك .. محمد ذاق الاكل ومدحه .. محمد: بصراحه نفسهم فالاكل غير .. فارس: اي والله .. محمد: من قلب تسلم الايادي .. فارس: الله يسلمك .. كلوا الشباب وبعد ما خلصوا كل واحد قال للثاني رايه في الطبخه .. محمد: تصدق فروس .. فارس: شو ؟ محمد: بصراحه .. طباخها حلو وماعليه كلام .. فارس: اي والله في هاذي صدقت .. محمد: ماشاءالله عليها .. فارس ابتسم وغمض عيونه .. فارس: كل شي تمام حق بكره ؟ محمد: اي الحمدلله .. كل شي مرتب .. فارس: خلود شو اخباره؟ محمد: طاير مسكين .. فارس: الله يهنيهم ان شاءالله .. محمد: اللهم آمين .. فارس: بكره تجي معاي ؟ محمد: وين ؟ فارس: بروح مدرسة فيصل .. محمد: من فيصل ؟ فارس: اخوها .. محمد باستغراب: ليش؟ فارس قال لمحمد سالفة فيصل كامله .. محمد: لاحول ولا قوة الا بالله .. فارس: كلمته ترن في اذني للحين .. يوم قال ولا عشان انا يتيم .. كبيره هالكلمه يا محمد .. محمد: الحمدلله على كل حال .. الله يعينهم .. بس عندي شغل ماقدر اروح معاك ؟ فارس: مو مشكله الغالي بروح بروحي .. محمد: زين انا استأذن بن عمي .. اكرمهم الله وتسلم الايادي .. فارس: بالعافيه بن عمي .. بس بدري على وين ؟ محمد: الريم تبي ترجع البيت .. امي تحتاجها ترتب معاها .. ما تقدر تعتمد على الخدم .. وامي ما تستغنى عن الريم .. فارس: يعطيكم العافيه .. محمد: الله يعافيك .. طلعوا الثنين عند باب الميلس .. اتصل فارس بفاطمه اخته .. فاطمه: هلا فارس .. فارس: هلا اختي .. قولي للريم تجهز محمد ينتظرها تحت .. فاطمه: ان شاءالله .. فارس: خل تنزل بروحها .. محمد طالع فارس .. تموا يطالعون بعض فتره .. ثنينهم رفعوا حاجب في نفس الوقت .. سكر فارس من اخته .. و وصل محمد للسياره .. محمد: لو رحت المدرسه بكره .. بتتكلم بصفتك من ؟ فارس: ولي امره .. محمد: والله يا فروس انك ريال .. فارس: من طيب اصلك بن عمي .. محمد: من يسوي كل اللي تسوي لهم .. فارس: والله اسوي هالشي عشان ارضي ربي وعشان اخوانها اللي يعورون القلب .. محمد: جزاك الله خير على اللي تسويه لهم .. فتحت الريم باب السياره اللي ورا وحطت اغراضها .. ركبت السياره .. وهي عيونها على فارس .. اللي ما كان مهتم بنظراتها .. محمد: خلاص حبيبي .. اشوفك بكره .. فارس: ان شاءالله .. حرك محمد السياره وفارس يراقبه وهو طالع .. طالع الريم اللي ما شلت عينها من على فارس .. فارس " يا ريم قلبي مشغول ولا تشغلين قلبج فيني " .. الريم كأنها سمعت كلام فارس .. نزلت راسها وحست بحزن .. الريم " ليش يا فارس تتجاهلني؟ من اللي قدرت تاخذ قلبك؟" .. رجع فارس الميلس واتصل بمناف .. مناف: هلا وغلا فارس: تسلم الايادي اللي سوت هالطبخه الحلوه يا حلوه انتي .. مناف: عجبتك والله .. فارس: بدون مجامله .. والله تسلم يدج حياتي .. خوش طبخه .. مناف: بالعافيه حبيبي .. فارس: الله يعافيج .. الا تعالي بقولج .. مناف: هلا فديتك .. فارس: صج اللي سمعته عنج ؟ مناف بخوف: ها !! وش اللي سمعته ؟ فارس مبتسم: انج حلاقه .. مناف تنفست براحه: بااااايخ .. فارس يضحك: هااااااي .. مناف: خوفتني والله .. فارس: فديت قلبج والله .. زين ما قلتي لي .. مناف: شنو حبيبي ..؟ فارس: انج تحلقين حق اخوانج .. مناف: من يوم هم صغار وانا احلق لهم .. فارس: ماشاءالله عليج .. من علمج ؟ مناف: محد والله .. يدي خفيفه على قولة امي .. فارس: مشاءالله شعر فيصل مرتب .. مناف: المكينه ما يبيلها شي .. بس منهم تعلمت اقص عدل بعد .. فارس: شلون منهم ؟ مناف: يعني يجيني الشيخ فصيل .. يقولي اليوم خففي شوي من فوق .. ولا مره يبي اسوي له زلوفه مثلثه ولا مربعه ولا اخفف له كامل ولا يطول شعره .. بس عبود فديته كله مكينه ولا تواليت .. ونايف الله يرحمه كان يقلد عبود .. فارس: اها .. بس ماشاءالله عليج فنانه .. زين متى بيجي دوري ؟ مناف: دورك ؟! فارس: اي دوري .. مناف: في ايش؟ فارس: الا بسألج ؟ مناف: هلا .. فارس: تعرفين تضبطين اللحيه .. مناف: لاااااا .. فارس مات عليها من الضحك: .. 2 / صفر .. هاي ثاني مره اصيدج .. مناف: .. فارس: فديت هالضحكه والله .. مناف: فديت قلبك يا فارس .. زين ابي اروح ادرس بكره عندي اختبار .. فارس: زين حياتي شدي حيلج .. ودرسي بتركيز .. مناف: ان شاءالله .. فارس: تبين اجيب لج شي .. مناف: لا حبيبي ما تقصر مشكور والله .. فارس: زين لي خذتي لج بريك دقي لي .. مناف: ان شاءالله .. فارس: موفقه حبيبتي .. سلام مناف: مع السلامه .. الساعه 8 ونص في بيت سلمان .. كان قاعد مع بنات اخته .. سلمان: جوجو جهزتي كل شي خلاص ؟ الجوهره: اي الحمدلله .. كل شي جاهز .. سلمان: الحمدلله .. مو قاصرج شي .. الجوهره: لا خالي .. الفستان خذته .. البوفيه حجزته .. العقد خذته .. التسريحه والمكياج حجزتهم .. مممممم هنادي: وانا بعد جهزت كل شي .. سلمان يطالع الجوهره: شدخل بوالشباب فالسالفه .. هنادي: خاااالي .. سلمان يضحك: ه .. زين نمزح يا راعية الابل .. الجوهره: الله حلو هالاسم .. احلى من بوالشباب .. هنادي: لا بوالشباب احلى .. سلمان: لما يرجع يوسف بنصوت ونشوف اعلى نسبة تصويت .. الكل: ه .. سلمان: زين بناتي بقولكم .. البنات التفتوا على سلمان باهتمام .. سلمان: ربعي انا ويوسف عندهم عزبه .. وبيروحون يقضون فيها كم يوم .. فيهم الخير عزمونا .. يعني كلنا .. بس انا حبيت اخذ رايكم .. تبون تروحون ولا شلون ؟ هنادي طالعت اختها: مممممم .. والله مادري .. شرايج جوجو الجوهره: صعبه شوي نبات خالي .. سلمان: ليش يبه ؟ الجوهره: يعني مانعرفهم .. ولو رحنا بيكون هاي اول لقاء بينا .. اشوف صعبه من اول لقاء نبات معاهم .. لا خالي .. انتوا روحوا واحنا بنتم .. سلمان: لا يبه ماقدر اخليكم .. بعدين شفيها تعرفوا عليهم .. عندهم بنات في سناينكم تقريبا .. هنادي: لا خالي .. يعني لو بنروح كم ساعه نتعرف ونقعد معاهم حلو .. بس نبات لا .. سلمان: على راحتكم .. عيل بقول ليوسف يجهز اغراضه .. هنادي: خالي روح احنا ما علينا خوف ان شاءالله .. سلمان: لا يبه بتم معاكم ماقدر اخليكم .. ويوسف خل يروح يستانس .. الجوهره: فديته يوسف .. من رجعت لنا يا خالي .. هو بدا يطلع .. ولا قبل يوسف متقيد فينا .. عشان جي اقولك يا خالي روح ولا تتقيد فينا .. ما علينا شر .. سلمان: ادري فديتكم .. البلاد امان .. بس ماتعودت اخليكم بروحكم .. هنادي: فديتك والله يا خالي .. بس تدري على مشاعرك الحلوه .. اعزمنا على كوفي لاتيه .. الجوهره: هالبنت ما تستحي على ويها .. سلمان: .. والله انج لوتيه يا هنود .. يلا قوموا لبسوا .. الجوهره: من صج يا خالي تسمع كلام هنود هالخبله .. سلمان: انا في خاطري اطلع شوي .. يلا قوموا .. هنادي: ااااي .. تعجبني يا خالي لما تقرى افكاري .. الجوهره: صج انج بوالشباب .. الكل: ه .. تجهزوا البنات .. وكانو ينتظرون خالهم ينزل .. سلمان كان لابس بنطلون بيج .. وتي شيرت كحلي .. هنادي: لو مو بنت اختك .. كنت بعطيك رقمي .. الجوهره: ماشاءالله عليك يا خالي .. سلمان: من زمان ما لبست بنطلون .. ايه على الثوب مافي احسن ولا احلى منه .. هنادي: اكيد خالي .. بس التغير مطلوب احيانا .. سلمان: تعجبني بوالشباب لما تقرى افكاري .. الكل: ه .. يتبع .. __________________ |
التكمله
طلعوا متجهين للكوفي شوب اللي تعودوا عليه .. اول ما دخلوا هنادي حست بفرحه من داخلها ماعرفت سببها .. اختاروا لهم طاوله وطلبوا المعتاد .. هنادي كانت تدور صاحب الجريده .. اما الجورهر فكانت تتناقش مع خالها عن ترتيبات الحلفه .. سلمان: انا رتبت مع صاحب المطعم .. وهو ماقصر بصراحه .. الجوهره: وحده قالت لي نفس الكلام .. كانت حاجزه عنده وتقول ماقصر معاهم من ناحية الخدمه والاكل وراعاهم فالسعر بعد .. سلمان: لا مبين عليه طيب .. وعليه طلب بصراحه .. الجوهره: كسب زباينه من طيبه .. فجأه دخل يمشي بهيبه .. سحب الكرسي وقعد .. طلع جواله من جيبه وحطه على الطاوله .. التفت يمين وتلاقت عيونه بعيون هنادي الحايره اللي كانت تدور عليه من اول مادخلوا .. نزلت راسها بخجل .. وعرفت سر الفرحه اللي في قلبها .. هنادي " والله زمان يا صاحب الجريده" .. نواف " حيالله هالشوف " .. هنادي: خالي مب هاي صاحبك راعي محل المجوهرات .. سلمان التفت مبتسم: اي والله هاي نواف .. قام يسلم عليه .. نواف: هلا وغلا .. شحالك الغالي .. سلمان: طيب الله يسلمك .. اعلومك .؟ نواف: الحمدلله .. وينك ما بينت ؟ سلمان: انشغلت شوي مع الاهل .. نواف: يعطيك العافيه .. سلمان: الله يعافيك .. نواف: بتقعد مع الاهل ولا معاي .. بصراحه طمعان بالقعده معاك لي زمان ما شفتك ولا اخذت اخبارك .. سلمان مبتسم: بس اعطيهم خبر وراجع .. نواف ابتسم: حياك الله .. راح سلمان عند بنات اخته .. سلمان: بناتي .. بقعد مع الريال شوي وبرجع لكم .. هنادي" ما تاخذني معاك خالي": خذ راحتك خالي .. الجوهره: خذ راحتك .. سلمان التف على نواف اللي كان يتعبث بجواله .. سلمان: لي وصل الطلب برجع لكم .. الجوهره: خالي عادي .. احنا حولك لا تشيل هم .. خذ راحتك مع صاحبك .. سلمان مبتسم: خلاص طرشوا طلبي .. هنادي" ما يصير اكون طلبك": ان شاءالله خالي .. راح سلمان عند نواف .. وتموا يسولفون وياخذون اخبار بعض .. اما هنادي والجوهره تموا يسولفون مع بعض وهنادي عقلها وقلبها مع نواف .. هنادي " احسدك يا خالي " .. رن جوال الجوهره والمتصل ( اخذت القلب ) ابتسمت وردت .. الجوهره: مرحبا .. ابراهيم: هلا وغلا ومليون ترحيب بجوهرتي .. الجوهره: شحالك ؟ ابراهيم بخبث: صادوه .. من عندج .؟ الجوهره: طالعه مع اختي وخالي .. ابراهيم: انتوا وين ؟ الجوهره: في الكوفي شوب .. ابراهيم: يا ليتني الكوفي شوب والله .. الجوهره بصوت واطي: اوريك يالدب .. ابراهيم: خالج حولج ؟ الجوهره: لا مع رفيجه بعيد عنا .. تبي تكلمه ؟ ابراهيم: لا قلت لو حولج بسلم عليه .. خلاص بتصل فيه وقت ثاني .. الجوهره: ان شاءالله .. هنادي بهمس: حلاه عليها تكلم الريل .. الجوهره انحرجت و ويها صار احمر .. ابراهيم: زين حياتي لي رجعتي البيت كلميني .. الجوهره: ان شاءالله .. سكرت والتفت على اختها .. الجوهره: يجي لج يوم يا هنود .. هنادي ميته من الضحك: .. روعه شكلج وانتي تكلمينه باحراج وخجل .. الجوهره: هنود يالدبه .. هنادي: .. الجوهره طرشت لزوجها مسج .. وكان كالتالي .. (( لا تفتكر برد عليك .. للحين ما قررت لو بكلمك او لأ )) ابراهيم قرى الرساله .. ابراهيم: لا لا لا .. بتذبحني هالبنت .. رد عليها .. (( ارجوج يا غلا ابراهيم انتي ردي وخلي عنج هالسوالف .. بانتحر لو ما سمعت صوتج قبل النوم )) الجوهره قرت المسج وضحكت .. وردت عليه .. (( شلون بتنتحر ؟؟ )) ابراهيم رد عليها .. (( باطب من السرير وباموت على طول )) الجوهره ماتت من الضحك على طريقة انتحاره العجيبه .. ردت عليه .. (( لا ارجوك شوف لك مكان اوطى من السرير .. اخاف تتألم و ماتموت بسرعه )) ابراهيم قرى مسجها و مات من الضحك .. رد عليها .. (( خلاص غيرت رايي .. بانهي حياتي بطريقه بشعه )) الجوهره قرت المسج واستغربت .. ردت عليه .. (( طريقه بشعه!! كيف ؟ )) ابراهيم قرى الرد مبتسم .. رد عليها .. (( باكل تفاحة سنو وايت ( بياض الثلج ) عشان تبوسيني و ارجع للحياة بفضل بوستج )) الجوهره قرت الرد وماتت من الضحك .. الجوهره" فديت قلبك يا برهوم .. عليك سوالف تجنن " .. ردت عليه .. (( بصراحه افحمتني بردك .. بس ما راح ابوسك بخليك تقوم بنفسك من القهر )) ابراهيم " عقدتني هالبنت " .. رد عليها .. (( يلا عاد حياتي .. يعني ما كسرت خاطرج يوم قلت بانتحر .. يعني ما قلتي حبيبي برهوم بينتحر وبيخلص من الدنيا .. )) الجوهره " ه حلوه ذي بيخلص من الدنيا ".. ردت عليه .. (( لا ما كسرت خاطري كلش .. ولو بتخلص من الدنيا ما راح يصير شي بالدنيا .. بالعكس بتترك مساحه لغيرك عشان يعيش .. )) ابراهيم قرى المسج وكان شوي ويصيح .. ما رد عليها .. ابراهيم " تصبر علي هالبنت .. باعقدها الليله " .. لما الجوهره كانت تمسج ابراهيم .. هنادي عاشت عالم ثاني هي ونواف .. كانوا يتحاكون عبر دقات قلوبهم البريئه الطاهره .. كانت هنادي سرحانه بحركات نواف .. كانت تتفكر في ملامحه وجاذبيته .. اما نواف كان يسولف مع سلمان وقلبه وعقله مع هنادي .. كان يحاول يلتفت عليها بس احترم سلمان .. سلمان: والله سوالفك ما تنمل يا نواف .. بس طولت على الاهل .. نواف: خذ راحتك .. بس يبيلنا قعده على رواقه .. سلمان: ان شاءالله .. قام سلمان وسلم على نواف ورجع لبنات اخته .. هنادي: هلا خالي .. سلمان: السموحه .. بس هالريال لي فتره ما شفته .. الجوهره: عادي خالي خذ راحتك .. قعد سلمان مع بنات اخته .. بعد ما خلصوا واستانسوا طلعوا رايحين البيت .. فالسياره رن جوال سلمان .. والمتصل ابراهيم .. سلمان: حيالله النسيب .. ابراهيم: هلا وغلا .. شحالك ؟ سلمان: طيب طاب حالك .. علومه النسيب .. ابراهيم: اليوم متصل اشتكي على بنت اختك الظالمه .. سلمان يضحك: .. شنهي شكوتك عليها ؟ الجوهره التفت على خالها .. ابراهيم: معاقبتني ما تبي تكلمني .. سلمان: .. خلاص اليوم بنسوي محكمه وبشوف محاميها يوسف .. ابراهيم: .. امزح معاك .. سلمان: الله يقطع سوالفك يا ريال .. شحال امك عساها بخير .. ابراهيم: الحمدلله طيبه .. الا ما قلت لي شلون كانت رحلتكم ؟ سلمان: والله الحمدلله .. الامور كلها تمام .. ابراهيم: الحمدلله .. سلمان: لا مرتبين لها صح .. ابراهيم: كنت احاتي حد يصير له شي .. بس الحمدلله كل شي سار تمام .. سلمان: الحمدلله .. ابراهيم: تامرنا على شي الغالي .. سلمان: يسلم راسك .. ابراهيم: استأذن .. سلمان: الله وياك .. ابراهيم: مع السلامه .. التفت سلمان على الجوهره: لعوزتي الريال .. تتغلين عليه .. الجوهره منحرجه: احم هنادي: حلو حلو .. سلمان: على قلبك بوالشباب .. هنادي وسلمان: الجوهره " معليه يا برهوم دواك عندي " اتجهوا للبيت بعد الوناسه .. فاطمه كانت تكتب رد على رسالة يوسف لها .. وبتحطها بنفس المكان .. بس كانت متردده .. فاطمه " بكره العشى في بيتنا .. والريايل بيروحون الميلس .. اخاف حد يشوف الورقه وانفضح .. احطها ولا لأ؟ ماراح اكتب اسمي ولا اسم يوسف " كتبت الرساله وعطرتها بعطرها المفضل .. طلعت من الغرفه وراحت صوب الميلس من برا .. حطت الورقه ورجعت غرفتها وهي على اعصابها .. طبعا لما حطت الرساله تحت الصيص .. خشتها تحت الصيص بالكامل .. ما خلت ولا شي يبين .. لان يوسف خلاص اتفق معاها على هالمكان .. خذت جوالها واتصلت بصديقتها لطيفه .. لطيفه: هلا وغلا .. فاطمه: حيالله عروستنا .. لطيفه منحرجه: الله يحيج يا قلبي انتي .. فاطمه: شحالج ؟ لطيفه: الحمدلله طيبه .. فاطمه: خلاص بدا العد التنازلي .. لطيفه: اوه سكتي .. متوتره حدي يا فطيم .. عقبالج ان شاءالله .. فاطمه مبتسمه: تسلمين حبيبتي .. لطيفه: فطيم .. فاطمه: عيونها .. لطيفه: فديت عيونها انا .. خلاص كلمتي امج عشان تكونين معاي من الصبح .. فاطمه: اي خلاص كلمتها وهي وافقت .. لطيفه: ماعرف شو بسوي من دونج يا فطيم .. فاطمه: فديتج يا لطوف احنا خوات .. الا تعالي قولي لي شو اخبار ولد خالتج ؟ لطيفه: مو عاجبه شي .. فاطمه: وليش؟ لطيفه: شدراني عنه ذي بعد .. فاطمه: زوجته ما حملت ؟ لطيفه: لا تقول ماتبي تحمل الحين .. وهو ميت يبي ياهل .. الحين لهم 8 شهور من تزوجوا تقريبا .. عاد هي وايد تدلع .. وكانت تدري بسالفتنا .. فكانت كل ما تجينا او نروح بيت يدي تقعد وتحرني وتسوي لها حركات بس انا حاقرتها وهاي اللي قهرها .. بس يوم درت اني ملجت ماتت قهر .. فاطمه: ما عليج منها لطوف .. الله عوضج بريال يسواها هي وطوايفها .. لطيفه: تدرين كنت احترق من داخلي لما اشوفهم مع بعض .. كنت اقول بنفسي ان هاي مكاني مو مكانها .. بس الحمدلله الله عوضني باحمد .. ومثل ما قلتي يسواها ويسوا طوايفها .. فاطمه: الحمدلله .. ولا تتحسرين على شي فات .. عيشي يومج وقطي ماضيج ورا ظهرج .. لطيفه: الحمدلله على كل حال .. قولي لي فطوم شو خذتوا حق بكره ؟ فاطمه: لا مفاجأه .. بتشوفينا بكره .. لطيفه: ه .. يالشريره شو اللي ناويه عليه ؟ فاطمه: بكره بتشوفينا قلت لج .. لطيفه: تعالي شو صار على موضوع عبدالعزيز ؟ فاطمه بحزن: ما صار نصيب والله .. لطيفه بصدمه: قطيعه ليش ؟ فاطمه: الله مو كاتب .. البنت رفضت لطيفه: بس انتي قلتي انها وافقت يوم كلمتها مريم اختج ؟ فاطمه: اي .. بس يوم تقدمنا رسمي مادري شو صار عليها والله .. لطيفه: حرام عليها منت الولد على الفاضي .. ما يستاهل بوسعود .. فاطمه: الله بيعوضه مثل ما عوضج باحمد الخطير .. لطيفه: سكتي من ناحية انه خطير انا اشهد .. لطيفه وفاطمه: .. لطيفه: تصدقين شوقتيني حق بكره .. ودي اشوفكم .. وخاصه انتي يا فطيم .. فاطمه: عدي من 1 لين 100 ويجي بكره وتشوفيني .. لطيفه: سخيفه فطوم .. فاطمه: .. لطيفه: زين فارس اخوج وش اخباره هالمزيون ؟ فاطمه: ها .. اشوفج قلبتي على فارس اخوي .. ترا اعلم عليج احمد .. لطيفه: لا واللي يسلمج يا فطيم تراني اموت فيه هالولد .. فاطمه: فديت اللي تموت فيه .. وفارس اخوي طيب والحمدلله .. لطيفه: ما يفكر يعرس ؟ فاطمه: للحين ما كلمنا في موضوع الزواج .. لطيفه: زين ريم بنت عمج ما تصلح له ؟ فاطمه: ماعتقد .. لان الريم بعدها صغيره هي اكبر من ايماني بسنه .. وبعدين فارس يعاملها مثل اخته .. فماعتقد انه يفكر فيها كزوجه .. لطيفه: ليكون اخوج شايف له شوفه مني مناك .. فاطمه " آآه يا فارس": ماعتقد .. لو شايف له شوفه كان قال بعرس .. لطيفه: يعني فارس اخوج عادي يتزوج وحده كان على علاقه فيها ؟ فاطمه: شوفي ما اجزم لج .. بس فارس اخوي وايد متفتح .. ويؤمن بالحب قبل الزواج .. لطيفه: تتوقعين يكون قاعد يدور وحده يحبها ويفهمها ويتقبلها عشان يتزوجها ؟ فاطمه: جايز ليش لأ .. لطيفه: الله يوفقه وينما يروح هالمزيون .. انا ما راح اسميه الا المزيون .. فاطمه تضحك: ه .. ليش ؟ لطيفه: لانه مزيون والله .. فاطمه: بس خالد ولد عمي بصراحه احلى منه .. وانتي شفتي خالد .. لطيفه: مانكر ان خالد غرشوب بعد .. بس فارس اخوج فيه جاذبيه مب طبيعيه .. الله يحفظه فاطمه: فديته اخوي والله .. لطيفه: زين حبيبتي بخليج الحين .. باكلم ريلي شوي وبنام .. ونتلاقى بكره .. فاطمه: خلاص حياتي .. الله وياج .. لطيفه: مع السلامه .. يتبع .. __________________ |
التكمله
خالد كان في غرفته منسدح على السرير ويشوف البوم صور هو مسويه .. كله صوره مع مريم ولا صوره بروحه او صور مريم بروحها .. جمعها من يوم كان عمره 16 سنه .. اول ما خفق قلبه بحب مريم بنت عمه .. انطق باب غرفته .. خالد: تفضل .. دخل فاضل و وراه علي .. علي: حيالله معرسنا .. خالد اعتدل في قعدته: هلا والله بالعزابيه .. الكل: فاضل: ينكت المعرس بعد .. علي: لا دمه خفيف .. فاضل: على قولتك .. دمه شربات .. خالد: صج والله .. علي: اخبارك بو وليد ؟ خالد: الحمدلله .. علي: مستعد للقاء بكره .. فاضل بغلاسه: اللقاء الحميم ببنت العم .. خالد: ودي اعرف من من وارثين خفة الدم هاذي .. علي وفاضل طالعوا بعض: ه .. علي: لا جد .. كل شي تمام حق بكره ؟ خالد: مرتب كل اموري .. علي: ما ناقصك شي مني مناك .. خالد: الحمدلله كل شي متوفر .. فاضل: لا تستحي احنا خوان .. خالد: ما تقصرون والله .. دخل عليهم محمد و وراه الريم .. الريم: من ورانا هالاجتماعات .. خالد: .. محمد: شو فاتنا .. علي: والله فاتك يا بونايف .. محمد بفضول: افا .. انا بونايف يفوتني .. خالد: ما عليك منهم .. توهم داشين .. الريم: الفضلي بيقول لنا شو فاتنا .. فاضل: مافي شي ببلاش .. محمد: يالزطي .. ما في لوجه الله .. الريم: لا الفضلي بيقولي صح .. فاضل: شوفي محمد جيبه متروس .. لو جبتي لي اللي بجيبه اقولج كل شي .. الريم التفت على محمد .. محمد: ما عليج منه هالزطي .. علي: انا بقولكم .. الريم: ونعم الراي .. قول يالشيخ .. علي: بس بشرط .. الكل: شو ؟؟ علي: شرطي .. اني لما اتكلم تسدون اذانيكم .. خالد: .. والله ينلعب عليكم بسرعه .. علي: لو سمحت حدد من اللي ينلعب عليه ؟ خالد: الريم ومحمد .. مصدقين .. محمد: انا اصلا ماصدقت شي .. فاضل: الله واكبر .. وين ما صدقت شي .. الريم: .. خالد: علوه ماتبي تعرس انت بعد ؟ فاضل: خل يعرس ولد عمه .. محمد: من تقصد ؟ فاضل: فارس بعد من .. علي: فارس ليش ما عرس ؟ الكل التفت على محمد منتظرين منه اجابه .. محمد: شو فيكم اطالعوني .. علي: انت اقرب واحد لفارس .. يعني اكيد تعرف لو له سوالف مني مناك .. محمد: فارس ما عنده سوالف ولا شي .. بس هو مشغول مع الشركه .. خالد: علينا مشغول مع الشركه .. علي: ليكون يحب ؟ فاضل: بصراحه من شافه لي رن التلفون قام من عندنا .. محمد يقاطعه: عادي انا لي رن تلفوني اقوم من عندكم .. وبعدين هو ما يحب يتكلم وسط الحشره .. علي: بس لي اتصلوا له الشباب تكلم جدامنا .. في بعض المكالمات ما نشوف وي .. محمد: زين لو كان يحب .. هاي شي راجع له .. هو حر بحياته .. خالد: الله يهديه .. الريم كانت تسمع كلامهم وكانت شوي وتصيح على فارس .. الريم " فارس مستحيل يحب .. ابيه لي انا .. مابيه يحب غيري .. ليش ما يفكر مثل خالد اخوي ويحبني ؟ " محمد: زين انا استأذن بروح احط راسي .. الريم: وانا بعد .. طلعت مع محمد وراحت غرفتها .. حذفت نفسها على السرير وهي تفكر في فارس .. اما خالد تم يسولف مع فاضل وعلي .. فتح عيونه بفرح .. وتم يشوف غرفته وابتسامة رضا مرسومه على شافه خالد .. خالد " واخيرا بالمس ايدينج يا مريم .. وباستنشق انفاسج .. بسمع دقات قلبج .. وبشوفج بأي وقت .. ما عاد بينا قيود .. صرنا لبعض بالحلال .. الله يقدرني واسعدج يا حيبيتي يا مريم " .. قام من سريره بنشاط .. خلص روتينه اليومي ونزل عند امه .. كانت الساعه 8 ونص .. خالد: صبحج الله بالخير الغاليه .. وباس راسها .. ام محمد: هلا والله بمعرسنا الغالي .. خالد مبتسم: شحالج ؟ ام محمد: فرحانه وفرحتي ما تنوصف .. خالد: يعله دوم الفرح دربج يالغاليه .. ام محمد: عساني مانحرم منكم .. خالد: آمين .. عيل وين الشباب ؟ ام محمد: الريم نايمه .. والباقي راحوا مدارسهم واشغالهم .. تعرف ما ستغنى عن الريم فديتها .. خالد: الله يرزقها ولد الحلال .. ام محمد: آمين .. خالد قام بيطلع .. ام محمد: وين بتروح يمه ؟ خالد: بروح اجيب ثيابي من المغسله .. وبخلص لي كم شغله .. ام محمد: الله ايسر امورك ويفتحها عليك .. خالد: الله يسمع منج يمه .. طلع وهو فرحان .. ويفكر في مريم .. الساعه 12 الظهر .. في بيت بوفارس البنات حالتهم حاله مع ترتيب شعورهم والمكياج .. فاطمه: ايماني .. ايمان: هلا .. فاطمه: اتصلي شوفي الريم متى بتجي ؟ ايمان: زين .. دخلت مريم: فطوم شعرج يجنن .. بس ليش ما تفتحينه .. بيطلع يجنن مع اللبسه اللي اخترتيها .. فاطمه: فكرج .. مريم: اي .. فاطمه: لو سمحتي سوي شعري سيده ومن تحت لفيه لي بس .. الكوافيره: تكرمي مدام .. ايمان: الريم جايه فالطريق .. ها فطيم خلصتي ؟ فاطمه: لا للحين .. الكوافيره: مين فيكم العروس ؟ مريم: انا .. الكوافيره: انتي اخر وحده لان انتي بعملك تسريحه .. مريم: اوكي .. ايمان: اخاف نتأخر .. فاطمه: لا انا بخلص اول وحده فيكم .. وبانزل .. انتوا اخذوا راحتكم هني .. لازم اعابل امي .. ايمان: اذا جي زين عيل .. لاني اخاف امي تحتاجنا وما نكون جاهزين .. مريم: ما جات الريم ؟ ايمان: يوم كلمتها قال لي سلطان انها طلعت .. الكوافيره: يا صبايا لا تتوتروا .. معاكم وقت كتير .. فاطمه: هم دايما جي .. دخلت عليهم هيا .. هيا: حيالله عروسنا .. مريم ركضت في احضان عمتها: عميمه .. هيا باستها: موووح .. فديت قلبج مرايم .. اليوم يومج .. دلعوها اليوم .. مريم منحرجه: فديتج عميمه .. هيا: فطيم .. متى بتخلصين ؟ فاطمه: بعد شوي .. هيا: انا بعدج .. عشان ابرز من وقت واستقبل الضيوف .. ايمان: عميمه .. فاطمه بعد بتخلص من وقت عشان تعابل الحريم وياكم .. هيا: فديتها فطيم مره .. الله يرزقها .. انحرجت فاطمه .. خلصت فاطمه .. وقعدت هيا عشان تستشور شعرها .. نزلت فاطمه تحت تشيك على امها .. شافت محمد ولد عمها مع الريم نازلين من السياره .. لبست شيلتها وكملت دربها للمطبخ عند مها .. دخلوا الصاله والريم راحت فوق على طول .. محمد تم فالصاله .. دخلت عليه فاطمه .. فاطمه: السلام عليكم .. محمد " هلا وغلا": وعليكم السلام .. شحالج فطيم ؟ فاطمه: الحمدلله بخير .. اعلومك ؟ محمد" بشوفتج صرت بخير": طيب الله يسلمج .. الا توأمي وينه ؟ فاطمه: فوق .. اناديه .. محمد: اي الله لا يهينج .. وبغلاسه .. مع هاي اللي حاطته براسج .. فاطمه: ه .. محمد: شو هاي اللي فوق راسج ؟ فاطمه بعفويه: سر من اسرار الحريم .. محمد" ايه على الدلع": زين علميني وماعلم حد .. فاطمه: شوف انا واثقه انك ما راح تعلم حد .. بس مو واثقه انك بتقدر تخش على فارس .. محمد وفاطمه: .. دخل عليهم فارس وكان رافع حاجب: ضحكونا معاكم .. محمد: فطيم قالت لي سر وماقدر اقوله لك .. التفت على فاطمه .. عشان اثبت لج عكس كلامج .. وابتسم لها .. فارس ما عجبه كلام محمد .. محمد: قوم نطلع .. فاطمه استغربت من فارس .. محمد انحرج: ان شاءالله .. طلعوا فالحوش يتمشون .. وفاطمه كانت تراقبهم .. وهي تتفكر في موقف اخوها .. فاطمه " شو فيه فارس ؟" .. فارس: محمد .. محمد التفت على فارس: نعم .. فارس: قوم نروح البحر .. محمد باستغراب: ليش ؟ شعندك ؟ فارس: ولا شي .. بس ودي اشم هوا .. ونسبح شوي .. محمد: نسبح ؟ فارس: اي محمد: عاد ما رتبت .. فارس: شو ترتب ؟ محمد: ما لبست ؟ فارس: باعطيك ملابس .. ما فيها شي .. محمد: قدام .. فارس: يعجبني المقلوع والله .. محمد وفارس: ه .. دخلوا غرفة فارس .. فارس طلع له ولمحمد شورتات للسباحه .. لبس محمد الشورت وكان ينتظر ان فارس يعطيه بنطلون .. فارس بنذاله: خير الشيخ ؟ محمد: عطني بنطلون يلا .. فارس: لا اطلع جي مافيها شي .. محمد: فروس بتصفق .. فارس سوا نفسه اونه بيطلع من الغرفه .. ومحمد سحبه .. محمد: تعال يبه وين رايح ومخليني .. فارس: عادي انزل جي .. محمد يسحب فارس وفارس يمشي عنه .. وصلوا لين باب غرفة فارس .. الا هيا كان داخله غرفة فارس وشافتهم .. هيا: علي وين ؟ محمد: يبي يروح البحر .. هيا: بس وانتوا كل واحد ماشي ورا كلام الثاني .. شو اللي يطلعكم في هالظهر .. واليوم وراكم العشا .. فارس: عادي عميه .. هيا: حمود .. انت شلون طالع جي .. محمد: ولد اخوج النذل لبسني وقالي اطلع جي .. فارس: لو انك قدها بتطلع .. محمد: لا تتحداني فروس .. فارس: الا اتحداك .. محمد: اوكي .. عطني مفاتيح السياره وبتشوف .. فارس عطاه المفتاح: خذ .. خذ محمد المفتاح وطلع .. هيا: حمود ارجع يعلك العافيه .. محمد: لا انا قدها مو فروس هالديايه .. طبعا محمد كان لابس شورت السباحه الاسود مع تي شيرت ابيض .. نزل من الدري .. وفجأه رجع لهم يركض ومتخرع .. شافوه هيا وفارس مستغربين .. فارس: شو فيك ؟ محمد بخوف: عمي .. يا ويلي زين ما شافني .. زين لحقت عليه قبل ما يشوفني .. فروس انت ماتجي من وراك الا المشاكل .. فارس: اااااااااااي .. كلها الولد .. هيا: الله يغربلكم .. .. والله انتوا ميانين .. دخل محمد الغرفه: واللي رفع سابع سما لو ما عطتني بنطلون يا فروس با شقق تواير سيارتك .. فارس ميت من الضحك: .. شكلك خطير وانت جاي تركض ومتخرع .. هيا: انا بروح عنكم انتو الا ميانين .. محمد وفارس: ه .. نزلت هيا .. ومحمد و فارس نزلوا وراها .. طبعا بعد ما فارس عطى محمد بنطلون .. شافوا عمهم ومحمد كان متوتر .. محمد: شحالك عمي .. بوفارس: طيب .. فارس: شحالك يبه ؟ بوفارس: الحمدلله .. الا على وين العزم يالربع ؟ فارس: بنروح عند واحد من الشباب .. بوفارس: شو اللي يظهركم في هالقوايل ؟ فارس: عندنا شغل يبه .. بوفارس: اخاف عندكم شغل بس .. بوفارس وفارس طالعوا بعض: ه .. هيا: انتوا ما يندرى شو وراكم ؟ بوفارس: انا براقبكم عشان اعرف شو تسون يالصيع .. محمد: .. صيعتنا مره وحده عمي .. انا متزوج مالك حق علي .. بس فروس نقدر نقول عنه صايع .. بوفارس: ولا ما ينخاف الا منكم يالمتزوجين .. فارس بشماته: اااااااااااي .. محمد: زين يعني ينخاف منك انت بعد يا عمي .. بوفارس ضحك: .. غلبتني في هاذي .. الكل: ه .. فارس: يلا نستأذن .. محمد: تامرونا على شي .. هيا: الله يحفظكم .. بوفارس: هالله هالله باعماركم يبه .. محمد وفارس: ان شاءالله .. ركبوا سيارة محمد وراحوا البحر .. فالطريق محمد سأل فارس .. محمد: شو هالطواري فروس ؟ فارس: اي طواري ؟ محمد: البحر هالحزه واليوم بالذات .. فارس: بس جي .. محمد: ابوك يالمزاج .. وصلوا البحر .. صفوا على السيف ونزلوا البحر .. فارس: الماي يجنن حمودي .. محمد: والله .. فارس: لا يفوتك .. نزل محمد البحر ورا فارس بعد ما صف السياره .. كان الماي روعه والسماء صافيه .. محمد سبح لين وصل عند فارس .. يتبع .. __________________ |
التكمله
محمد: واااو صج الماي يجنن .. فارس كان مستلقي على ظهره: آه يا حمودي .. محمد: بيعنا فالسوق الغالي .. فارس: اشتريك .. اقولك شي .. محمد: كلي اذان مصغيه تفضل الشيخ .. فارس: خلاص قررت اتزوج .. محمد بفرح: والله .. فارس: اي .. محمد: كلمت هلك ؟ فارس: لأ للحين ما كلمت حد .. بس محتار في شي ؟ محمد رفع حاجب: شو اللي محيرك ؟ فارس: هل هلي بيوافقون أو لأ ؟ محمد: انت تبيها صح .. وكان يقصد مناف .. فارس: ماعيش بدونها .. محمد: ليش تعتقد هلك بيرفضون ؟ فارس: والله مادري .. محمد: توكل وكلمهم .. بعدين بسألك ؟ فارس: هلا .. محمد: انت استخرت ؟ فارس: والله ماستخرت .. بس انا مرتاح لها .. ابيها هي وبس .. محمد: ايه عليك يا فروس .. هالكثر تحبها ؟ فارس: ما تتصور حبي لها شلون كبير .. محمد: انت استخير .. واللي فيه الخير ربي بيقدمه .. فارس: ان شاءالله .. محمد: زين متى بتكلمهم ؟ فارس: مو الحين .. محمد: عيل متى ؟ فارس: متردد اتكلم الحين .. بانتظر شوي .. محمد: عجل لاتطير الحمامه .. فارس بخوف: تطير الحمامه ؟! محمد: اي .. دامك تحبها وتبيها تقدم بهالخطوه الحين .. وبعدين بتوصل للي تبيه .. فارس: ان شاءالله .. محمد: فروس تسابقني ؟ فارس مبتسم: قدام .. سبحوا مبتعدين عن السيف .. محمد: واي تعبت .. فارس: وانا بعد .. صج السباحه تهد الحيل .. محمد: بس الماي روعه اليوم .. فارس: لان السماء صافيه .. ثنينهم رفعوا روسهم يشوفون السماء .. وكان المنظر رهيب .. فارس: يلا نرجع السيف .. محمد: اوكي .. سبحوا بهدوء متجهين للسيف .. اول ما وصلوا فارس استلقى على ظهره وهو فاتح ذراعينه ومغمض عيونه .. تم محمد يراقب فارس يشوف صدره يرتفع مع كل شهقه .. وينزل مع كل زفره .. شعره اللي صاير مثل الخيوط الغليضه وهو مبلل .. فارس وهو مغمض: الساعه كم حمودي ؟ محمد يحك شعره: مادري .. اصبر بجيب جوالي .. محمد: الساعه 3 .. فارس: زين قوم نصلي .. محمد: لا خل نحرك ونصلي لي رجعنا .. فارس: اللي تشوفه .. قام فارس بكل رشاقه ومحمد يراقبه .. محمد: ماشاءالله عليك يا فروس .. احس بوسامتك وجاذبيتك مافي .. فارس مستغرب من كلام محمد: ها ؟ محمد: اتأملك وماشاءالله عليك كامل والكامل وجه الله .. فارس مبتسم: لا تبالغ .. محمد: بصراحه ما عليك زود .. جسم و ويه .. يعني شكلك الخارجي ممتاز .. فارس: تدري من اللي صج يعجبني ؟ محمد عقد حواجبه: من ؟ فارس: يوسف .. محمد: معاك حق .. صج هالولد غرشوب .. فارس: لا اله الا الله عليه .. جذاب جميل وسيم وي منور .. جسمه متناسق .. وي حلوه .. شخصيته مرحه بس تحسه غامض شوي .. اللي بتاخذه بس بتم مشاهدته طول الوقت .. محمد: .. فروس توصفه جنك وحده .. فارس: .. ماشاءالله عليه لانه جميل .. الواحد غصبن عنه يتغنى بوسامته .. من كل النواحي احسه متكامل .. الشكل الخارجي .. الشخصيه .. الاخلاق .. محمد: ماشاءالله عليه .. زين قوم نحرك ورانا شغل .. فارس: يلا .. ركبوا السياره .. ورجعوا البيت .. محمد نزل فارس ورجع البيت .. اول ما دخل شافته ساره .. ساره: بسم الله .. محمد مبتسم: ليش ؟ ساره: طالع بثوب .. وراجع بلبس رياضه .. محمد: .. صادني ولد عمي وقالي نروح البحر .. ساره: انت ما تصدق عاد .. محمد: ه ساره: عليكم طلعات انتوا الثنين .. محمد مسك يد ساره: شلون ؟ ساره مبتسمه: يعني لو اتصلت بولد عمك وقلت له قوم نسافر ما بيقول لك لأ .. ولو هو اتصل وقالك انت بعد ما بتقول له لأ .. محمد: ه .. ترك يدها .. عطشان ابي ماي بارد .. ساره ابتسمت: ان شاءالله .. قعد محمد على الكرسي .. غمض عيونه ابتسم .. سمع الباب ينفتح .. فتح عيونه وابتسم .. شاف فاطمه جايته وماسكه كوب الماي ومبتسمه له .. مدت يدها له .. خذ كوب الماي وشربه مره وحده من العطش .. اول ما نزل الكوب على الطاوله تلاشت صورة فاطمه من جدام عيونه .. كانت ساره اللي جايبه له الماي .. تغيرت تعابير وي .. قام بسرعه ودخل ياخذ له شور .. ساره استغربت من زوجها .. وتمت اطالعه لين دخل الحمام وسكر الباب .. الساعه 6 المغرب .. غابت الشمس .. وابتدى التوتر يزيد عند مريم .. مريم" يالله الوقت يركض .. شو بسوي خايفه ومتوتره .. اول مره بقعد مع خالد بروحي .. الله يستر " .. دخلت هيا على مريم اللي كانت توها مخلصه من شعرها .. ومستعده للمكياج .. هيا: فديتج مرايم .. مريم: عميمه الساعه 6 .. هيا: خير يعني .. مريم: ابيه عميمه خايفه .. هيا ضحكت: .. ايه عليج .. مرحله وبتعدي .. بكره انتي بتشتاقين تشمين ريحته .. مريم انحرجت ونزلت راسها بخجل .. هيا مبتسمه: فديت الخجوله والله .. وين فطيم ؟ مريم: راحت تلبس .. هيا: خل اروح اشوفها .. امج تبيها .. مريم: وصلوا الحريم .. هيا: لا بدري عليهم .. طلعت هيا وراحت غرفة فاطمه .. طقت الباب ودخلت .. هيا: فطومه .. فاطمه كانت تلبس: هلا عميمه .. هيا وقفت اطالع فاطمه باعجاب: فديت هالحسن .. فاطمه مبتسمه: عيونج الحلوه عميمه .. هيا: اخاف انتي العروس .. فاطمه: .. هيا: فديت هالضحكه .. زين شكثر باقي لج على ما تخلصين ؟ فاطمه: يعني عطيني نص ساعه .. هيا: فطيم يلا امج تبيج تحت .. فاطمه: زين عميمه باقي اللمسات الاخيره .. هيا: وهاللمسات الاخيره بتاخذ نص ساعه ؟ فاطمه: اي انا للحين ما كملت لبسي .. وابي اعدل مكياجي شوي .. وابي البس اكسسواراتي .. هيا: زين زين . فاطمه: ه .. هيا: خل اشوف الباقي .. طلعت هيا وراحت تشيك على الريم وايمان .. وهي طالعه من غرفة فاطمه شافها عبدالعزيز .. عبدالعزيز مبتسم: لو مو عمتي كنت خطبتج .. هيا فرحانه بكلام عبدالعزيز: فديت قلبك عزيز .. عبدالعزيز: يه يه يه .. شو هالزين .. وين خاشته من زمان ؟ هيا: لا تحرجني ولد اخوي .. عبدالعزيز: والله انج قمر عميمه .. ماشاءالله عليج .. هيا: فديت قلبك .. عيل ما شفت خواتك وبنت عمك .. كل وحده تقول الزين عندي .. عبدالعزيز: حلاه عليهم .. لا يبيله اشوفهم .. هيا: .. وين فارس ؟ عبدالعزيز: تحت يعابل راعي المطعم .. هيا: زين شعندك جاي هني ؟ عبدالعزيز: جاي اخذ دهن العود من فطيم .. حق رفيجي .. هيا: اي ي .. زين خل انزل اشوفهم .. عبدالعزيز راح غرفة فاطمه .. طق الباب .. فاطمه: من ؟ عبدالعزيز: انا .. فاطمه فتحت الباب شوي: هلا عزيز .. عبدالعزيز: زين فتحي الباب ابي اشوفج .. فاطمه: ه .. مو الحين خل اكمل كشختي وبتشوفني وبتشبع مني بعد .. عبدالعزيز: يعني .. زين برايج .. فاطمه: آمرني فديتك ؟ عبدالعزيز: ابغي دهن العود .. فاطمه: زين .. راحت جابته ومدت يدها من ورا الباب .. تفضل بس لا تخلصه .. توك متسبح فيه .. عبدالعزيز مبتسم: لا مو لي .. حق بوخليفه .. فاطمه ابتسمت " فديت قلبه": زين .. بس لاتخلصونه .. عبدالعزيز يضحك: .. ان شاءالله .. نزل عبدالعزيز .. وفاطمه سكرت الباب وتمت تنط من الفرح والوناسه .. فاطمه " فديت ريحته .. يعني بيشم ريحتي عليه وبشم ريحته علي .. فديت قلبه والله " .. راحت عند المرايه ورتبت مكياجها وشعرها ولبست اكسسواراتها وطلعت .. مشت فالممر متج للدري عشان تنزل .. كانت تحس بهيبه وهي تمشي .. خذت نفس عميق ونزلت .. اول من طلع في ويها بعد ما نزلت كان بوفارس .. وقف يطالعها وهو مبتسم .. بوفارس: هلا وغلا .. حيالله غلاي وقلبي فطيم .. فديت هالجمال والحلاه .. فديت الطول والجسم .. فديت هالعيون اللي تذبح .. وربي انج ملاك يمشي على هالارض .. فاطمه استحت من كلام ابوها .. مشت صوبه وهي منحرجه ويها صاير احمر .. بوفارس باس راسها: فديت هالجمال والله .. الله يحفظج من كل عين .. فاطمه: شحالك بابا ؟ بوفارس: طيرتي عقلي بهالشوف .. فاطمه بدلع: بابا استحي .. بوفارس: الخجل يغار منج .. فاطمه: فديت قلبك بابا .. بوفارس: وين بتروحين ؟ فاطمه: بروح اشوف امي .. بوفارس: بارك الله فيج .. مشت فاطمه متج للصاله .. شافتها ام فارس وتمت تتغزل فيها .. ام فارس: يا ارض احفظي ما عليكي .. تبارك الرحمن .. فاطمه: هلا ماما .. شو رايج فيني ؟ ام فارس: الله يحفظج من عيونهم .. فاطمه: وين عميمه ؟ ام فارس: راحت تجيب يدتج من البيت وبتجي .. فاطمه: تبين شي ماما ؟ ام فارس: لا ماما .. كل شي الحمدلله جاهز .. فاطمه: الحمدلله .. مسكت جوالها واتصلت بتوأمها .. عبدالعزيز: هلا وغلا .. فاطمه: جاهز للمفاجأه ؟ عبدالعزيز: اي مفاجأه ؟ فاطمه: انت وين ؟ عبدالعزيز: فالحوش .. فاطمه: من معاك ؟ عبدالعزيز: الشباب صوب الباب وانا اشيك على الليتات صوب الميلس .. فاطمه: زين وين دهن العود ؟ عبدالعزيز: عندي .. فاطمه: خلاص بجيك الحين .. عبدالعزيز: اوكي .. سكرت منه وطلعت من الصاله وراحت صوب الميلس .. عبدالعزيز كان يشيك على الليتات وكان معطها ظهره .. قربت منه فاطمه .. فاطمه: شو رايك بالمفاجأه .. التفت عليها وشافها بانبهار: ماشاءالله .. انتي توأمي ..؟ فاطمه مبتسمه بعذوبه: لا انا توأمها .. عبدالعزيز: .. تنكنين .. فاطمه: لازم .. زين وين دهن العود .. عبدالعزيز طلعه من جيبه: تفضلي طال عمرج .. فاطمه خذت القرشه: ول عليك انت ورفيجك .. تشربونه ؟ عبدالعزيز: .. حرام عليج .. الريال حط له شوي .. وانا خذته و زدته .. فاطمه: مره ثانيه احلم اعطيك اياه .. عبدالعزيز: .. فاطمه وهي تحط دهن العود تحت اذنها: على بالك امزح .. بتشوف .. بخشه في مكان ما توصل له .. عبدالعزيز: بطلعه وبتشوفين .. فاطمه: احلم .. عبدالعزيز: مممممممم .. بنشوف .. فارس: الله الله على الزين .. فاطمه التفت عليه: هلا فارس .. فارس: الله يحفظج يا فطيم .. قمر قمر .. فاطمه مبتسمه: عيونك الحلوه .. فارس: شو هالثياب الزينه ؟ عبدالعزيز: بس وايد مطلعه جسمج .. فاطمه: عادي الا بين الحريم .. فارس: صح .. عبدالعزيز: والله اشوف لو تغطين كتوفج بشال اثقل من ذي .. فارس: لا هاي احلى .. رومنسي .. فاطمه: فديت الرومنسي والله .. عبدالعزيز: من وين تجيب هالكلام بونايف ؟ فاطمه باستغراب: محمد ولد عمي هني وما قلتوا لي ؟ فارس وعبدالعزيز: .. عبدالعزيز: لا فارس هو بونايف .. فاطمه حاطه يدها على قلبها: خوفتوني .. وبعدين ليش بونايف يالشيخ فارس ؟ فارس: يعز علي هالاسم .. فاطمه: ليش ؟ فارس: بس .. زين بقولج اختي .. فاطمه: هلا اخوي .. فارس: ابيج ترفعين لي عشا .. فاطمه باستغراب: ليش ؟ وحق من ؟ فارس: واحد من الشباب .. فاطمه: وليش بترفع له اكل ؟ ليش ما يجي ؟ فارس: اولا .. ما يقدر يجي .. ثانيا .. لا تسألين وايد .. عبدالعزيز: صح كلامها .. من هاذي اللي مو جاي ؟ فارس: ممممممم .. زين بترفعين من العشا ولا اشوف ايمان .. فاطمه: ولا يهمك .. عبدالعزيز " منو هاذي ؟" .. فارس: زين انا بروح حق الريال الساعه 7 ونص .. فاطمه شافت ساعتها: ما بقى شي .. الحين 7 و ربع .. فارس: بسرعه فديتج .. عشان اتجمع مع الريايل في الميلس .. فاطمه: ولا يهمك .. راحت فاطمه داخل .. اما فارس وقف مع عبدالعزيز .. يشيكون على الليتات .. عبدالعزيز: فارس من هاذي ؟ فارس: واحد يا حبيبي .. ما سمعتني وانا اقول لفطيم لا تسألين .. عبدالعزيز: اها .. سكت عبدالعزيز وابتسم .. يتبع .. __________________ |
التكمله
دخلت ساره مرت محمد ومعاها ام محمد .. دخلوا الصاله وسلموا على ام فارس .. دخلت عليهم فاطمه وكان هاي اول لقاء بينها وبين ساره من بعد ذيك السالفه .. ساره كانت تشوف فاطمه وتتفكر في جمالها .. ساره " مشاءالله على فاطمه تجنن .. بس ان شاءالله ما يشوفها محمد " .. فاطمه: شحالج مرت عمي .. ام محمد: الله واكبر على هالجمال .. انتي شحالج يمه .. فاطمه: الحمدلله بخير .. سلمت على ساره .. ساره: شو هالزين يا فطيم .. فاطمه: عيونج الحلوه .. وانتي ما عليج زود .. تهبلين الله يحفظج .. وين عيالج ؟ ساره: عند ابوهم .. فاطمه: نبي نشوفهم فديتهم .. ساره مبتسمه: الحين بيلعوزونه وبيجيبهم اعرفه .. فاطمه ابتسمت لساره: زين عن اذنكم .. راحت المطبخ وخذت الخدامه معاها .. راحت صوب البوفيه ورفعت لفارس من الاكل .. رجعت المطبخ واتصلت بفارس .. فارس: هلا والله .. فاطمه: الاكل فالمطبخ فديتك .. فارس: خلاص بجي اخذه الحين .. فاطمه: زين .. فارس: يعطيج العافيه .. ما قصرتي .. فاطمه: الله يسلمك فديتك .. سكرت من فارس .. ورجعت الصاله .. لقت يدتها وعمتها وسلمت عليهم .. وبعدين دخلوا حريم من ربع ام فارس نزلت ايمان و وراها الريم وكانوا يجننون .. والحريم استخفوا عليهم .. بس فاطمه كانت ملفته اكثر .. فارس راح المطبخ مع محمد وخذوا الاكل و ودوه حق مناف .. فارس: هلا وغلا .. مناف: هلا حبيبي .. فارس: شو اخبارها حبيبة قلبي .. مناف: طيبه فديتك .. انت شخبارك ؟ فارس: الحمدلله .. وين فيصل ؟ مناف: موجود .. فارس: زين انا قريب يا حياتي .. خل اتصل بفيصل عشان يطلع ياخذ الاكل .. مناف: ان شاءالله .. سكر منها واتصل بفيصل .. فيصل: هلا .. فارس: شحالك فيصل ؟ فيصل: طيب .. فارس: زين انا قريب فديتك .. تعال خذ الاكل .. فيصل: ان شاءالله .. الحين باطلع .. فارس: زين .. سكر من فيصل والتفت على محمد .. فارس: شوف فيصل لما يجي .. شوف تحليقته وقولي رايك فيها زين .. محمد باستغراب: ليش يعني ؟ فارس: انت شوفه وقولي .. محمد: اوكي .. وصلوا عند بيت مناف .. وطلع لهم فيصل .. محمد تم يطالع فيصل .. سلم فيصل على فارس ومحمد .. خذ الصحون من عند فارس ومحمد ووداهم داخل ورجع لهم .. فيصل: مشكور يا فارس وما قصرت .. فارس: حاضرين لك .. فيصل: الله يسلمك .. فارس: زين انا لازم اروح الحين .. لان عندي شغل .. اشوفك الاسبوع الجاي ان شاءالله .. فيصل: الله وياكم .. ركبوا السياره وفارس ما حرك الا لما تأكد ان فيصل دخل وسكر الباب وراه .. محمد: ما فيها شي التحليقه .. باين عليه توه محلق .. فارس: بس شفت الترتيب .. محمد: اي مرتبه التحليقه .. فارس: من تتوقع محلق له ؟ محمد عقد حواجبه: من يعني ؟ فارس: هي .. محمد بطل عيونه: والله ؟ فارس: اي ماشاءالله عليها .. محمد: اي والله ماشاءالله عليها شاطره .. انا يوم شفته قلت رايح الحلاق ومافيها شي جديد تحليقته .. بس صدمتني .. فارس: انا نفسي انصدمت .. بالصدفه دريت .. محمد: شلون ؟ فارس: هي ما قالت لي .. هم اللي قالوا لي .. محمد: ماشاءالله عليها .. فارس: تخيل شو يقولي فيصل .. يقول انه في حياته ما دخل حلاق .. محمد: ه .. فارس: ه .. وصلوا اليبت وكان الميلس متروس ريايل .. دخلوا وسلموا على الكل .. اما صوب الحريم كانوا البنات ما كلين الجو بالرقص والسوالف والضحكات الحلوه .. مريم كانت فوق متوتره وعلى اعصابها .. كل شوي تتصل بعمتها هيا .. الساعه 8 ونص .. ام فارس طلبت من هيا تنزل مريم .. ام فارس: يلا فديتج نزلي مرايم .. هيا: ان شاءالله .. راحت هيا فوق .. ودخلت على مريم اللي كانت على اعصابها .. هيا: فديت هالويه الحلو انا .. مريم: ها عميمه شلون الجو عندكم تحت ؟ هيا: والله وناسه البنات يرقصون .. والحريم يسولفون .. يلا ماما الساعه 8 ونص لازم ننزل .. اعتقد الريايل بيتعشون الحين .. واول ما يخلصون نزفج على خالد .. مريم بقلق: زين .. هيا حضنتها: حياتي لا تتوترين .. اليوم يومج .. انتي نجمة الحفل .. مريم: واي عميه خايفه .. هيا: قولي بسم الله ويلا ننزل .. مريم: بسم الله .. مشت وهي ماسكه يد عمتها بقوه .. طلعوا من غرفتها ونزلوا .. اول ما دخلت الحريم قاموا يلولشون ويهللون ويصفقون بفرح و وناسه .. مريم كانت تمشي وهي منزله راسها .. كانت مستحيه .. سلمت على مرت عمها .. وقعدت جنبها .. ام محمد: مبروك يا بنتي .. مريم: الله يبارك فيج مرت عمي .. ام محمد: لا مرت عمي قبل .. الحين قولي لي عمتي .. مريم ابتسمت بخجل: ان شاءالله عمتي .. ام محمد: الله يوفقكم ويجمع بينكم بالفرح والسرور يا بنتي .. مريم " آمين " .. طبعا ام فارس سلمت على بنتها .. وبعدين الحريم من اهلهم وربع ام فارس راحوا يسلمون على مريم .. اما البنات فكانوا مشغولين بالرقص .. فاطمه: ياللي ما تستحون ما سلمنا على العروس .. الريم: .. صج ما نستحي .. ايمان: الرقص شي عجيب .. البنات: ه .. راحوا وسلموا على مريم .. وبعدين رقصوا جدامها من فرحتهم .. مريم كانت تشوفهم وهي مبتسمه .. وفي قلبها تقول .. مريم " الله يغربلكم يا بنات .. ابي ارقص .. تشهون على الرقص " .. في ميلس الريايل .. الكل سلم على خالد وبارك له .. راحوا الريايل يتعشون وبعد ما خلصوا العشى اتصل بوفارس لام فارس .. ام فارس: هلا يبه .. بوفارس: خالد بيدخل الميلس الداخلي .. اجهزوا باتصل لكم اول ما يروح هناك .. ام فارس ان شاءالله .. بوفارس التفت على اخوه: وين معرسنا ..؟ بومحمد: مع الشباب جننوه والله .. بوفارس: ه .. جايهم الدور ولا يهمك .. صدقني بيلعب بهم .. بومحمد: ه .. شوف ابوي مع عبدالعزيز .. بوفارس: هذول الثنين مادري متى بيعقلون ؟ بومحمد: .. ابوي استخف على كبر .. وخرب ولدك بوفارس وبومحمد: .. بومحمد: يا خالد .. خالد: نعم يبه .. بومحمد: يلا يبه بنروح داخل .. خالد: ان شاءالله .. فاضل بوناسه: علوه يلا بنروح داخل .. علي فرحان: قدام يا ريال .. خالد: قعدوا شلقفكم ؟ علي: خلود هاذي باربطه فالميلس وبدخل ترا .. محمد: عشم ابليس فالجنه .. الشباب: .. سلمان: وانتوا كل همكم المغازل .. الجد: منو اللي يغازل ؟ عبدالعزيز يتبلى على يوسف: يدي يوسف اللي يغازل .. وطالعه بخبث .. الجد: من يوسف .. ليكون هالغرشوب .. يا ويدي عليه هالولد .. ما يغازل هاذي اقطع يدي لو ما يتراكضون وراه البنات في كا مكان .. سلمان " آآه يا يوسف ": صدقت في هاذي .. فارس التفت على محمد: ما قلت لك .. محمد: ه .. صج هالولد ما يعيبه شي .. الجد: اقول بوسعود .. عبدالعزيز: آمرني طال عمرك ؟ الجد: في ناس مو داشين معانا داخل .. عبدالعزيز: شوفهم مقهورين .. بوفارس: ومن يقول انك بدش بعد .. عبدالعزيز: بل .. الكل: ه بوفارس مبتسم: بس بنوصله لين الميلس وبنطلع .. محمد: لقطوا ويوهكم كلكم .. الشباب: .. بوفارس طلع مع خالد من الميلس .. دخله الميلس الداخلي .. وطلع عنه .. اتصل بام فارس .. بوفارس: الولد فالميلس .. دخلوا .. ام فارس: انشاءالله .. راحت ام فارس عند مريم: يلا يمه .. مريم" يا ويلي احس ريولي ما تتحرك ": ان شاءالله ماما .. ام محمد مسكت مريم من ايدها اليمين .. وام فارس مسكتها من ايدها اليسار .. ومشوا رايحين الميلس .. والحريم والبنات وراهم يلولشون .. مريم كانت تمشي ببطئ .. انفتح باب الميلس وخالد انحرج من الفوج اللي دخلوا مع مريم .. بس عينه كانت على مريم وبس .. دخلت مريم ومشت صوب خالد .. اول ما قربت منه مريم .. مسك يدها وضغط على اصابعها بحنان .. مريم حست برعشه في جسمها .. ابتسمت وهي منزله راسها .. طبعا الريم وام محمد وهيا وام فارس سلموا على خالد وباركوا له .. خالد قعد ومريم جنبه وهو ماسك ايدها .. رجعوا باقي الحريم الصاله .. محد تم فالميلس الا هيا مع مريم وخالد .. هيا: مبروك يا عرايسنا الحلوين .. خالد: الله يبارك فيج عميه .. هيا: مرايم .. مريم بصوت واطي: نعم .. هيا: .. خالد: الظاهر الفار كل لسانها .. مريم ضغطت على يد خالد .. هيا: زين فديتكم لو بغيتوا شي نادوا اي حد .. خالد: ان شاءالله .. طلعت هيا وفضى الجو لخالد .. التفت على مريم اللي ذبحها الخجل .. خالد: مرايم .. مريم: هلا .. خالد: فديت هالصوت انا .. مريم: ........... خالد: مبروك يا مريم .. مريم: الله يبارك فيك .. خالد: الله يقدرني واسعدج يا بنت عمي .. مريم: ما تقصر يا خالد .. خالد: انتي عندي بالدنيا وما فيها .. فديت قلبج يا مريم .. مريم" كلامه يجنن": ............. خالد: عاد لا تستحين مني فديتج .. مريم: ان شاءالله .. خالد رفع يد مريم وباسها .. مريم انحرجت وسحبت يدها .. خالد ابتسم: فديت الخجل والله .. يدج وقدرتي تسحبينها .. بس شلون بتسحبين ( وطبع بوسه على خدها ) خدودج .. مريم ماتت من الحيا .. خالد: فديت ريحتج يالغاليه .. مريم كانت مستحيه .. وما تكلمت وايد .. اما خالد فكان يتغزل فيها ويدري انها منحرجه ماتقدر تقول شي .. يتبع .. __________________ |
التكمله
الريايل فالميلس كلن يسولف مع الثاني .. سلمان كان يسولف مع فارس ومحمد عن المحل اللي بيفتحه .. فارس: خلاص كلمت صاحبك الامريكي عن البضاعه ؟ سلمان: البضاعه لا تحاتونها .. هو ما راح يقصر معاي وانتوا تعرفون هالشي .. بس شصار على المحل ؟ فارس: خالد قالي عن محل موقعه حلو .. شفته بس فيه عيب صغير ؟ سلمان: وش يعيب المحل ؟ فارس: مشكلته ان اللي يبي يأجره يقول لازم تأجره بالمخزن اللي فوق .. وانت قلت انك ما تحتاج مخزن .. سلمان: صج هاي مشكله .. محمد: زين شوف غيره .. حرام تدفع على المخزن وانت ما راح تستخدمه .. فارس: لو تبي تغير قولي انا بدور لك محل بموقع .. سلمان: خلاص نغير .. فارس: ولا يهمك .. بشوفك لك محل .. محمد: خلود ما منه فايده .. ذبحه العرس .. مو متفرغ لكم .. فارس وسلمان: ه .. فارس: الله يغربلك حمود .. تموا الشباب يسولفون .. اما يوسف سوا نفسه بيطلع يتكلم فالتلفون .. استأذن وطلع .. تم يمشي صوب باب الميلس .. طلع قلمه من جيبه وتم يلعب فيه وهو يتمشى .. طيح القلم على الارض ونزل ياخذه .. شاف الورقه وسحبها بسرعه وحطها في جيبه .. يوسف " فديت قلبها اللي دلها على مكان الرساله " .. دخل وكانت على وي ابتسامة رضا وفرح .. سلمان كان يراقبه ويفكر في سر ابتسامة الرضا اللي على شفاه يوسف .. قرب عبدالعزيز من يوسف .. عبدالعزيز: بوخليفه .. يوسف مبتسم: هلا .. عبدالعزيز: شو فيك ؟ يوسف: مافيني شي .. عبدالعزيز: مممممم .. يوسف قام من مكانه: زين استأذن .. بروح اجيب لي غرض من السياره .. عبدالعزيز عقد حواجبه: شعندك ؟ يوسف وهو طالع: راجع .. ما راح اتأخر .. طلع يوسف وهو مبتسم وماسك جيبه .. راح السياره وطلع الرساله وتم يقراها بفرح .. تنفس بعمق وبراحه .. غمض عيونه ورجع براسه على ورا .. يوسف " والله اني احبج يا فاطمه .. ومستحيل تكونين لغيري .. انتي لي وانا لج " .. طوى الورقه وحطها في جيبه .. نزل من السياره ودخل داخل .. الا شاف الحريم فالحوش حول البوفيه .. رجع خطوه ورا .. راح عند سيارته .. وقف يشوف انعكاس صورته في جامة السياره .. يوسف " آه بس لو اقدر اشوف القمر من بين هالحريم اللي فالحوش " .. ابتسم وخذ جواله واتصل بعبدالعزيز .. عبدالعزيز: هلا والله .. يوسف: الحقني .. عبدالعزيز بخوف: عسى ماشر ؟ يوسف: الحريم فالحوش وانا برا .. !!! عبدالعزيز بخبث: اااااااي .. عساك .. يوسف: يالرزيل ابي ادخل .. عبدالعزيز: انت قلت ان الحريم في الحوش صح .. يوسف: اي .. عبدالعزيز: يعني يتعشون .. يوسف: اكيد .. عبدالعزيز: الحريم فيهم رقه ولازم ياخذون راحتهم في الاكل .. يوسف: لا تكفى ابي ادخل .. عبدالعزيز: ممممممم .. يوسف: عن الحركات القرعه يا ريال .. عبدالعزيز: زين كسرت خاطري .. في طريقه اجيبك فيها داخل .. يوسف بوناسه: شلون ؟ عبدالعزيز: اشقح طوفة بيتنا من الصوب الثاني .. ااااااااي .. يوسف: وجع .. عبدالعزيز: زين زين .. الحين بجيك .. بدخلك من المخبأ السري .. يوسف: وش هالمخبأ بعد .؟ عبدالعزيز: الحين جايك وبتعرف .. يوسف: زين انتظرك .. لا تتأخر .. عبدالعزيز: لو بطلع من الميلس عبر المخبأ السري لين الباب يمكن يبيلي يوم .. يوسف: حشى ما صار مخبأ .. عبدالعزيز: .. خلاص ثواني اكون عندك حبيبي .. يوسف مبتسم: اوكي .. سكر وهو على اعصابه ينتظر عبدالعزيز .. طلع له عبدالعزيز .. عبدالعزيز: شو اللي طلعك من الميلس ؟ يوسف مبتسم: قلبي .. عبدالعزيز رفع حاجب: ها ؟ قلبك !! .. يوسف: زين وين مخبأك السري ؟ عبدالعزيز: تعال معاي .. مشوا في ممر كله اشجار .. يوسف: وين رايحين ؟ عبدالعزيز: الميلس .. بس بدخلك من البيت .. يوسف منحرج: السموحه بوسعود .. عبدالعزيز: يا ريال عادي .. دخلوا من الباب الخلفي للمطبخ الداخلي .. مروا على صالة الحريم والميلس الداخلي اللي قاعدين فيه عصافير الحب مريم وخالد .. طلعوا من باب الصاله اللي يتجمع فيها بوفارس مع عياله .. وقفوا في الممر وتموا يرتبون انفسهم ويطالعون انفسهم في المرايه .. يوسف يعدل غترته: بيتكم حلو من داخل ماشاءالله .. عبدالعزيز: عيونك الحلوه .. يوسف: اي والله عيوني حلوه .. عبدالعزيز: .. عليك سوالف .. يوسف: انا اسعد انسان فالكون .. عبدالعزيز التفت عليه: يا علها دوم هالوناسه .. شو اللي مونسك هالكثر ؟ يوسف: قلبي .. عبدالعزيز: بعدين معاك انت وقلبك .. شو سالفتكم .. ليكون تحب يا بوخليفه ؟ يوسف: انت تتوقع ؟ عبدالعزيز: اقولك شي وتسمع كلامي .. يوسف: ان شاءالله .. عبدالعزيز: لو تحب .. لا تجرح .. لا تعذب .. ولا تعلق .. حب وقاتل عشان حبك .. يوسف انبهر بكلام عبدالعزيز .. تم يطالعه وهو مبتسم .. عبدالعزيز: انا حبيت بس من طرف واحد .. لكن انت لو تبادل الحب .. انا اقولك قاتل عشان هالحب .. لا تعذب ولاتتعذب .. يوسف: آيه عليك يا بوسعود .. ما توقعت يطلع من هالكلام .. صج انها ماعرفت قيمتك .. عبدالعزيز نزل راسه: زين يلا نروح الميلس لا يطبون علينا الحريم .. يوسف مبتسم: سرينا .. بعد ما طلعوا انفتح باب المطعم اللي مقابل الميلس الداخلي .. وقفت وحده وكانت تشوف نفسها بالمرايه ومبتسمه فاطمه " عزيز مب هين والله ويعطي دروس فالحب .. ويوسف يا ويل حالي على يوسف .. هالانسان كل يوم حبه يكبر بقلبي .. صج انه غرشوب " .. شافت نفسها فالمرايه مره ثانيه ورتبت شعرها وطلعت عند الحريم في الحوش .. سلموا المعازيم على اهل العروس والمعرس .. فضى بيت بوفارس من الناس .. تموا الاهل فالصاله يسولفون وهم فرحانين .. الجد: فارس .. فارس: نعم .. الجد: الله ينعم عليك .. اخوك وين ؟ فارس: برا مع ربعه .. الجد: مع ذاك المزيون .. فارس مبتسم: اي .. الجد: قم ناده لي .. فارس وهو قايم: ان شاءالله .. طلع فارس وراح ميلس الريايل وما لقى اخوه .. طلع ولقاه عند الباب يسولف مع يوسف .. فارس: ما تشبعون سوالف انتوا .. يوسف وعبدالعزيز: .. فارس: يدي يبيك .. يوسف: روح له شوف شيبي ؟ عبدالعزيز: ترا ما نسيت الحركه وبردها لك .. فارس: اي حركه ؟ يوسف: اقوله عزيز ؟؟ عبدالعزيز: لو نطقت حسابك عسير يا ولد خليفه .. يوسف: .. فارس لو صدتني بروحي يمكن اقولك . فارس مبتسم: ولا يهمك .. انت اطلع وباصيدك الحين .. يوسف وفارس: ه .. عبدالعزيز: ريلي على ريلك .. وانت روح بيتكم يلا .. يوسف: تطردني .. آه جرحتني يا خاين العشره .. الكل: .. يوسف: عن اذنكم يا شباب .. تصبحون على خير ومبروكين .. والفال لكم ان شاءالله .. فارس: الله يبارك فيك .. وان شاءالله نفرح فيك انت وعبدالعزيز في ليله وحده .. عبدالعزيز بعبط: احسن بعد عشان نوفر .. الكل: ه .. يوسف حرك سيارته شوي: فمان الله .. فارس وعبدالعزيز: الله يحفظك .. حرك يوسف .. و فارس واخوه دخلوا البيت .. اول ما دخلوا الصاله فارس طاحت عينه على الريم بنت عمه .. كانت تناظره باعجاب وابتسامه على شفاها .. فارس صد وهو مستغرب .. الجد: ها بوسعود .. عبدالعزيز قعد جنب يده: هلا هلا هلا .. الجد: شو صار على التلفون الجديد .. جبته لي ولا ؟ عبدالعزيز: اتصلت الوكاله وقالوا لي ما وصل للحين .. الجد ضرب عبدالعزيز بالخيزران: ما منك فايده .. بوفارس: شوي شوي عليه يبه .. الجد: محد يتدخل .. عبدالعزيز:آآه يا قلبي آآه .. الجد: وجع يا عزوز .. شوله تتنهد .. عاشق ولا شايف لك شوفه .. عبدالعزيز: لا حشى علي ماحب ولا ابي احب .. كلمة عبدالعزيز احزنت يده .. الجد: واللي رفع سابع سما يا بوسعود .. اني ازوجك وحده مافي مثلها .. عبدالعزيز مبتسم بحزن: الله كريم .. وانا وراك وتحت امرك .. مسح الجد على راس عبدالعزيز: والله انك غالي يا بوسعود .. فاضل: شدعوه عزيز الغالي .. واحنا وين رحنا .. ؟ الجد: لا يبه محد يوصل غلاة بوسعود .. علي: الغلا حق ناس وناس بس .. عبدالعزيز: وايد يغارون مني .. شاسوي في عمري اذا انا محبوب هالكثر .. علي: لا تصدق نفسك .. يالمحبوب .. فارس ومحمد وفاضل ماتوا من الضحك ... فاطمه: عاد كل شي ولا اخوي فديته .. محمد طالعها بنظره خلاها تتحسف انها تكلمت .. فاطمه نزلت راسها " ليش جي يطالعني محمد " .. محمد شافها وابتسم لها .. رفع حاجب ونزل راسه .. هالحركه لخبطت فاطمه .. عبدالعزيز: فديت اختي اللي فزعت لي والله .. ايمان: اي عاد كل شي الا عزيز فديته .. فارس: تكلمت ايمان .. ايمان: اي نعم تكلمت ايمان .. الجد: ملسونه هالبنت .. بوفارس: فديتها بنت ابوها هاذي .. فارس: من زينها .. محمد: حدك عن ايمان .. ترا ما رضى عليها .. انت دلعك فطيم وانا ادلع ايماني .. ايمان بوناسه: واخيرا ابتسم لي الحظ .. ساره: من قدج يا ايمان .. محمد يدلعج .. ايمان: اي والله من قدي .. الجد: ملسونه ملسونه هالبنت .. ساره: .. والله ايمان تجنن .. نصيحه يا ايمان .. استغلي محمد .. قبل ما يقلب عليج .. ايمان: صج .. وووووي .. خل الحق على الدلع قبل ما تروح علي .. محمد: لا والله .. احلفوا انتوا الثنتين .. الكل: .. ام فارس دخلت و وراها جاسم وسلطان .. هيا: وااي فديت طوله هالريال .. جاسم ركض عند عمته وباسها .. هيا: شو هالزين .. جسوم اخاف انت المعرس مب خالد .. الكل: ه .. هيا: فديت سلطان والله .. تعال فديت قلبك خل اشم ريحتك .. سلطان باس راس عمته وقعد جنبها .. فاطمه تهمس لريم: سلطان يحب يسوي نفسه ثقيل جدامنا .. الريم: هاي مشكله نعاني منها .. فاطمه والريم ضحكوا بصوت واطي: .. التفت عليهم فارس: ضحكونا معاكم .. فاطمه مبتسمه: ولا شي .. ابتسم فارس وصد .. الريم كانت تحاول انها تتلاقى بعيون فارس بس فارس صد عنها .. تموا الاهل يسولفون بوناسه .. وكانوا فرحانين بخالد ومريم .. كلن شل عمره وراح بيته يرتاح .. محمد خذ ساره وعياله .. بومحمد خذ عياله و زوجته وراحوا البيت .. الجد والجده وهيا راحوا بيتهم .. فضى بيت بوفارس الا من اهل البيت .. ام فارس و بوفارس راحوا غرفتهم فوق .. العيال تموا في الصاله .. فارس: فطوم شلي العبايه انتي وايمان خل اشوف كشختكم عدل .. جاسم: انا بعد ابي اشوفكم .. فاطمه وايمان شلوا عباياتهم .. فارس وعبدالعزيز وجاسم بطلعوا عيونهم وهم يشوفون خواتهم بانبهار واعجاب عبدالعزيز: تبارك الرحمن .. ماشاءالله عليكم يا خواتي .. شو هالجمال .. ايمان: عيونك الحلوه .. فارس: لا مسكتين خواتي .. لو مو اخوكم تزوجتكم ثنتينكم بليله وحده .. فاطمه وايمان انحرجوا .. عبدالعزيز التفت على فارس .. عبدالعزيز: هي .. شو تقول انت ..؟ فارس: ما قلت شي غلط .. حرام اتغزل بخواتي .. فديتكم الله يحفظكم .. فاطمه قعدت جنب جاسم: وانت ما علقت ؟ فارس: الولد اغمى عليه وهو فاتح عيونه .. الكل: ه .. عبدالعزيز: زين الحين جمالكم يتغنى فيه الشاعر .. يوم العرس شو بتسون ؟ فاطمه طالعت ايمان: لا يوم العرس مفاجأه .. فارس: والله مفاجأت خواتي .. جاسم: والله انكم حلوين .. عبدالعزيز: تسمعون حد يتكلم ؟ الكل: فارس: صح النوم .. جاسم: انا بروح انام .. ايمان: انا بعد بروح انام تعبانه .. طلعت ايمان فوق مع جاسم .. عبدالعزيز: شو صار على معاريسنا ؟ فارس: اي والله نسيناهم .. تعالوا نشوفهم .. فاطمه: خلوهم ياخذون راحتهم .. عبدالعزيز: بسهم بسهم .. خل يروحون يرتاحون .. فاطمه: يجي لكم يوم .. فارس وعبدالعزيز: ه فارس: لبسي عباتج يلا .. فاطمه: ان شاءالله .. لبست عباتها وراحت ورا اخوانها .. راحوا عند الميلس .. فارس طق الباب .. يتبع .. __________________ |
التكمله
فارس: احم احم .. ندخل ؟ خالد التفت على مريم اللي ضحكت على اخوها .. خالد: ادخلهم ولا لأ ؟ مريم منحرجه: ها ؟ خالد وهو قايم: اموت في اللي تستحي .. راح وفتح الباب .. فارس: ليكون كلت اختنا ؟ خالد: اي والحين امزمز عظامها .. الكل: ه .. خالد: تفضلوا .. فارس: غصبن عنك بنتفضل .. بيتنا وكيفنا .. لا واختنا بعد .. خالد: ه .. تذلني يا فارس .. يجي لك يوم .. فارس: ابشرك مب جاي ذاك اليوم وفجأه سكت .. " اعوذ بالله شو قلت انا ؟" .. عبدالعزيز: الا جاي ذاك اليوم .. فاطمه: مبروك يا خالد .. الله يسعدكم .. خالد: الله يبارك فيج .. الفال لج يا فطيم .. التفت على فارس .. شوف الذوق والادب .. مو انت داش هاد فيني .. فارس: لازم لازم .. توك معرس .. خالد: ه .. عبدالعزيز باس راس مريم: مبروك الغاليه .. الله يهنيكم ويسعدكم .. مريم: الله يبارك فيك .. والفال لك فديتك .. فارس سلم على مريم: مبروك يا عروسه .. مريم ابتسمت: الله يبارك فيك .. والفال لك .. فارس: فديت قلبج والله .. فاطمه ومريم حضنوا بعض بقوه .. والكل التفت عليهم .. فاطمه: مبروك حبيبتي .. الله يهنيج ويسعدج يالغاليه .. مريم خنقتها العبره: الله يبارك فيج فطيم .. ان شاءالله اشوفج عروس انتي وايمان والريم بنت عمي .. فاطمه: فديتج حياتي .. فارس: ليش هالفلم خواتي ؟ فاطمه طالعت فارس: فارس .. فارس: ه .. زين زين .. مريم قعدت جنبها فاطمه .. و فارس جنب مريم الصوب الثاني .. فارس: يلا الشيخ متى بتروح بيتكم ؟ خالد طالع مريم: مريم شوفي اخوج يطردني .. مريم نزلت راسها وابتسمت .. فارس: حتى هي تمللت منك .. مريم: لأ ما تمللت منه .. خالد: يا قلبي .. الكل: .. خالد قام من مكانه وراح عند فارس: قم قم خل اقعد عند مرتي .. فارس: يه يه يه .. لاتدز .. كيفي اقعد عند اختي .. فاطمه بنذاله: خالد تعال عند مرتك .. وقامت من مكانها وهي تضحك .. فارس: افا يا فطيم .. فاطمه انا قمت عشان اقعد عندك حبيبي .. فارس: زعلتيني .. فاطمه: واللي يسلمك الغالي .. فارس: لا لا لا .. عبدالعزيز: تعالي قعدي عندي الغاليه .. فارس: لا قعدي ما زعلت .. خالد يهمس لمريم: فديت اللي تبي قربي .. مريم طالعت عيون خالد: فديتك .. خالد مسك ايدها وضغط عليها وهو مبتسم ويناظرها .. عبدالعزيز ضرب فارس: الربع منسجمين قوموا نطلع .. فارس بصوت عالي: تامرونا على شي .. خالد: باذبحك يا فارس .. فارس: .. زين باقي من الوقت 10 دقايق .. اخلص علينا .. الكل: .. خالد: اطلع برا .. فارس: ه .. طلعوا وخلوا خالد ومريم على راحتهم .. فارس: الله يهنيهم .. والفال لكم كلكم .. فاطمه: وانت بعد .. فارس طوق فاطمه بيدينه: وانا بعد فديتج .. فاطمه: .. زين خل اروح ابدل وبجيك الغرفه .. فارس: انتظرج .. دخلت غرفتها وتمت تناظر نفسها بالمرايه وهي مبتسمه .. فاطمه " يا ترى يوسف خذ الرساله ولا لأ ؟ .. هل قاعد يقراها الحين ؟ فديته قاعد ولا نايم ؟ اموت فيه " .. بدلت ملابسها وخذت شور دافي رخى جسمها من بعد التعب .. لبست بجامه بيضه و راحت غرفة فارس .. طقت الباب .. فاطمه: فارس نمت ؟ فارس: لحظه شوي اختي .. زين حياتي بكلمج بعدين .. مناف: انتظرك فديتك .. فارس: مع السلامه حبيبتي .. سكر من مناف وراح فتح الباب لاخته .. فاطمه: ليش قافل الباب ؟ فارس مبتسم: كنت البس .. فاطمه: اي ي ي .. قعدت على السرير وشافت جواله مولع .. " علينا كنت تبدل يا فارس .. كنت تكلم الحب " فارس: فطيم بقولج شي .. بس ابيه بيني وبينج .. فاطمه التفت على اخوها وباهتمام: خير فديتك .. فارس: اول شي ابي يكون هالشي بيني وبينج .. فاطمه: ولا يهمك .. فارس: ثاني شي .. لا تبينين للشخص المعني شي .. فاطمه باستغراب" الشخص المعني؟": ان شاءالله .. فارس: الريم بنت عمي .. فاطمه بطلت عيونها " ليكون الريم اللي يكلمها فارس ؟!!؟ " .. فارس: لاحظت الاعجاب عليها .. فاطمه مو مستوعبه كلام فارس .. فاطمه: شلون الاعجاب ؟ انت تحب الريم ؟ فارس: لأ .. خليني اتكلم وبعدين علقي .. فاطمه: زين .. فارس: انا اقصد انها معجبه فيني .. يعني لاحظت عليها لما تشوفني تبتسم وهي منزله راسها .. لما اسلم عليها تستحي لما ترد علي .. لما اروح بيتهم ما تصدق تشوفني فالحوش واشوفها تراقبني من الدريشه .. صادف انها ردت على التفون كم مره .. ولما اكلمها واسلم تتكلم بحيى واحيانا تسكر التلفون بدون ما تسلم .. مادري شو فيها الريم .. انا مابيها توهم نفسها بشي .. اخاف تلومني لو تزوجت انا او لما هي يجيها نصيبها .. البنت شكلها متعلقه بأوهامها .. فاطمه بصدمه: الريم ؟!!؟ فارس: اي الريم .. انتي ما لاحظتي عليها شي .. هي ما قالت لج شي ؟ او حق ايمان او مريم ؟ فاطمه: يعني انا مو وايد مع الريم كثر مريم اختي .. بس لو الريم قالت شي لمريم اختي اكيد مرايم بتلمح لك او بتقول لي .. فارس: اتمنى ان هالبنت ما توهم نفسها بالحب .. اخاف بعدين تكرهني .. فاطمه: صدمتني يا فارس .. الريم !! .. زين من متى انت ملاحظ عليها هالشي ؟ فارس: والله من فتره قريبه .. فاطمه: ما لاحظت عليها شي كلش .. فارس: امس لما رجعتوا من المجمع .. فاطمه: اي .. فارس: ما نتبهتي عليها وهي تكلمني ؟ فاطمه: لا والله .. فارس: انا محتار .. ابيج تكلمينها او توصلين لها بطريقه غير مباشره ان ما توهم نفسها باحلام المراهقات اللي هي تعيشها الحين .. فاطمه: ممممم .. بصراحه الموقف صعب .. بس ان شاءالله بوصل لها هالمعلومه .. تصدق ما لاحظت عليها شي كلش .. فارس: انتي تعرفين بنت عمي الريم اعدها مثل اختي .. كنت اشيلها وهي صغيره .. يعني مافكر ارتبط فيها او اتخيل يوم وحده عديتها اختي طول عمري تتغير مشاعري لها .. فاطمه: صح .. والله بحاول .. زين اخبار الرحله ؟ فارس: خلاص رتبنا كل شي .. العزبه في انتظارنا .. فاطمه: اهم شي المسبح .. فارس: ه .. على طاري المسبح .. بسوي فيكم حركه يالبنات .. فاطمه: شو ؟ فارس: ه .. بنتنقع فيه طول اليوم .. ما راح نخليكم تقربون بعد .. فاطمه: واللي يسلمك فارس .. عاد نموت في الماي خلونا نستانس .. فارس: مممممم .. بشوف الشباب لو رضوا بنخليكم بس 5 دقايق .. فاطمه: يالظالم .. مو على كيفك انت والشباب .. يبه نبي نستانس احنا بعد .. فارس: .. امزح فديتح .. على فكره احتمال خوات رفيجع عبدالعزيز يجون .. فاطمه " يوسف": من ؟ فارس: شفتي رفيج عبدالعزيز اللي دوم معاه .. واللي ابوي يحب خاله وايد .. فاطمه" فديته شلون ماعرفه " : اي .. فارس: هاذي هو .. احتمال خواته يجون .. عاد هالله هالله فيهم .. فاطمه: ولا يهمك .. نحطهم بعيونا .. فارس: ما تقصرون يا بنات محمد .. فاطمه: انت قلتها احنا بنات محمد .. فارس: الله يستر عليكم و يوفقكم .. فاطمه: آمين .. زين فديتك بخليك ترتاح .. وانا بعد بروح ارتاح .. فارس: يعطيج العافيه .. فاطمه: الله يعافيك .. قام فارس وطلع مع فاطمه من الغرفه .. فاطمه: وين بتروح فارس ؟ فارس: بروح اشيك على البيت .. فاطمه: بجي معاك .. فارس مبتسم: تعالي .. نزلت فاطمه مع اخوها .. شيكوا على البيت .. وبعدين كل منهم اتجه غرفته .. فاطمه نامت بهدوء .. في نفس الوقت يوسف كان يقرى رسالة فاطمه وهو طاير من الوناسه .. يوسف" والله انها شيخة البنات .. فديت قلبها والله " .. تم يقرى الرساله وهو مبتسم .. غطت عينه من التعب والرساله على صدره .. شخصين ما ناموا هالليله .. مريم من وناستها بزواجها من خالد .. وفارس اللي يفكر في مناف .. اللي حبها طغى على فارس .. حب مناف بقلب فارس فضحه .. كان يفكر ويفكر في مناف .. اما مريم كانت عكس فارس .. تفكر في حياتها المستقبليه مع خالد .. حبته وحبت سوالفه .. شخصيته و عفويته .. رومنسيته وخفة دمه .. شمس و عبير يوم جديد نسوا الكل تعب الامس .. في بيت بوفارس ام فارس قاعده مع زوجها .. ام فارس: جهزتوا كل شي حق العزبه .. بوفارس: اي الصبيان جهزوا لكم كل شي هناك .. والاغراض الشباب تكفلوا فيها ما قصروا .. ام فارس يعطيكم العافيه .. بوفارس: الله يعافيج .. وين العيال ؟ ام فارس: اللي نايم .. واللي طلع .. واللي فالحوش .. بوفارس: نادي لي فارس يبه .. ام فارس: ان شاءالله .. راحت ام فارس ونادت ولدها .. دخل فارس ورا امه الصاله وسلم على ابوه .. فارس: هلا الغالي بغيت مني شي ؟ بوفارس: اي يبه .. فارس: آمرني .. بوفارس: ما يآمر عليك العدو .. بس يبه شوف الصبيان في العزبه .. فارس: شو فيهم ؟ بوفارس: ما فيهم شي .. بس ابيك تروح تشيك .. تشوف كل شي تمام .. عشان نحرك المغرب .. فارس: من عيوني ولا يهمك .. بوفارس: بارك الله فيك يبه .. متى بتروح ؟ فارس: بخلص لي كم شغله وبروح .. بوفارس: والمرجوج ولد عمك بيروح معاك ؟ فارس ضحك: ه .. اكيد .. بوفارس: الله يرجكم انتوا الثنين .. على كبر استخفيتوا .. فارس: .. زين بقولك يبه .. بوفارس: هلا .. فارس: انا بركب يدتي معاي فالسياره .. ام فارس: لأ .. اقعد عنها لا تجننها يا فارس .. المره كبيره وانت تلعب في اعصابها .. بوفارس: ه فارس: لا عاد تكفون خلوها معاي .. بوفارس: والله شوفها لو رضت تركب معاك خذها .. ام فارس: صدقني باقولها يا فارس .. فارس: لا تكفين يمه خليها تجي معاي .. ام فارس: بقول حق عمتك و خلها تتصرف معاك .. فارس: عمتي بنقدر عليها .. بوفارس: ه .. زين قم روح خلص شغلك .. فارس مبتسم: ان شاءالله .. طلع فارس من عندهم وهو يضحك .. ام فارس: لا تخليه يلعوزها حرام عليكم .. بوفارس: ما عليج من امي والله تشتاق حق فروس لي ما مر عليها ولا لي تيمعنا وما لعوزها .. ام فارس: انت و ولدك مو صاحين .. بوفارس: .. طلع فارس من البيت واتصل بمناف .. مناف: صباح الورد حبيبي .. فارس: هلا وغلا .. مناف: شلونك فديتك ؟ فارس: الحمدلله .. الساعه كم بتخلصين اليوم ؟ مناف: اليوم اخر محاضره عندي بتبتدي الساعه 3 .. فارس: يعطيج العافيه .. مناف: الله يعافيك .. فارس: محتاجه شي يا قلبي .. مناف: لا حبيبي مابي شي .. فارس: لا تستحين يا قلب وحياة فارس انتي .. مناف مبتسمه: وجودك عندي بالدنيا ومافيها .. فارس: فديت قلبج .. مناف: وين رايح ؟ فارس: بروح اخلص لي كم شغله .. وبمر مدرسة فيصل .. وبعدين بمر العزبه .. مناف: يعطيك العافيه حياتي .. فارس: الله يعافيج .. تجين معاي العزبه .. مناف: ممممممم .. فارس مبتسم: تعالي بونسج آخر وناسه .. بانشيات وخيول ومسبح كبير .. واستراحه على كيف كيفج .. ومسوين قفص كبير كله طيور .. كل انواع الطيور موجوده .. يتبع .. __________________ |
التكمله
مناف: الله انا احب الطيور .. فارس: فديت اللي تحب الطيور .. نجيب لج طيور حاضرين .. مناف بخجل: لا فديتك مابي .. بس احبهم وايد .. فارس: وبعد عندنا سناجب وغزلان وخيول .. مناف: وااااو .. والله عزبتكم وناسه .. فارس: يدي وايد مهتم فيها .. يحب الحيوانات وايد .. مناف: والله حلوه هواية يدك .. فارس: اليوم المغرب كلنا بنروح بنبات لنا كم يوم .. بمر على اخوانج باخذهم معاي .. مناف: لأ .. امي ما راح ترضى يباتون برا البيت .. فارس: لا بمر عليهم الظهر وبرجعهم فالليل .. خل يستانسون ويقعدون مع الصبيان .. اخوي الصغير وعيال عمي قد اخوانج .. مناف: ممممممم .. مادري والله .. فارس: انا بكلم امج وبقولها .. مناف " فديت قلبك يا فارس": زين وش بتقول لاهلك عنهم ؟ فارس: عادي .. بقولهم اخوان رفيجي .. مناف: والله مادري عنك يا فارس .. فارس: حياتي انتي لا تشيلين هم اخوانج لما يكونون معاي .. مناف: انا ما خاف عليهم .. بس مابيك تتعبل فيهم وايد يا حياتي .. فارس مبتسم: فديت يا حياتي لي نطقها لسانج .. مناف: عاد فارس .. فارس: واااي يذبحني الدلع .. مناف انحرجت وماردت على فارس .. فارس: زين حياتي .. انا بخليج الحين .. بخلص شغلي كلميني لي خلصتي .. مناف: ان شاءالله .. فارس: مع السلامه .. مناف: فارس لحظه .. فارس عقد حواجبه: هلا حبيبتي شو فيج ؟ مناف: تحمل بنفسك يا قلبي .. فارس مبتسم: ان شاءالله .. مناف: الله وياك .. فارس: سلام .. خلص فارس شغله وبعدين راح مع ولد عمه عشان يشيكون على العزبه قبل ما يوصلون الاهل .. محمد: كلمني سلمان .. فارس: ها شو قالك ؟ محمد: اعتذر ما يقدر يجي .. فارس: افا .. ليش ؟ محمد: يقول ان هله مشغولين وما يقدر يخليهم بروحهم .. بس يوسف بيجي معانا .. فارس: زين قلت له يمر علينا على الاقل .. محمد: قالي بيمر بكره .. فارس: خير ان شاءالله .. محمد: زين جهزتوا كل شي .. فارس: اي كل شي تمام .. بكره بجيب اخوانها معاي .. محمد: تصدق كنت بقولك جيبهم خل يستانسون مع الصبيان .. فارس: بكلم امهم اليوم وبستأذن منها .. محمد: بيباتون؟ فارس: لا لا لا .. بس بجيبهم الظهر وبرجعهم فالليل .. محمد: اي ي ي .. وصلوا عند بيت بومحمد .. محمد: انزل الغالي تغدا معانا .. فارس: ما تقصر فديتك .. بروح البيت اشوف ترتيبهم .. خلاص ما بقى وقت وبنحرك .. محمد: الا في وقت .. تو الناس الساعه 2 الظهر .. فارس: وقت ثاني يبه .. محمد: على راحتك .. بينا اتصال .. فارس: اكيد .. حرك فارس ومحمد دخل البيت .. راح الغرفه وشاف ساره مع عيالها ومعاها الريم .. محمد: السلام عليكم .. التفت عليه ساره وابتسمت .. ساره والريم: وعليكم السلام .. ركضوا عياله له .. محمد استقبلهم في حضنه بحب وحنان .. محمد: واااي فديت نايف و نا .. ناصر: وانا .. محمد: عاد ما تخليني اكمل .. ناصر: لأ انا .. محمد: ه .. ناصر زعل: ماحب بابا .. محمد: افا ليش الغالي .. نزل ناصر من حضن ابوه وراح عند امه .. ناصر: بابا مب حلو .. نايف كان متعلق برقبة ابوه ودافن راسه بصدر ابوه .. محمد مشى عند ساره اللي كان ناصر يتدلع في حضنها .. محمد: نصور حبيبي .. ناصر: ماحب بابا .. نايف مسك ويه ابوه: انا احب بابا .. بعدين نزل من حضن ابوه وراح عند امه .. بس ماحب بابا .. ساره والريم: .. محمد: ياللي ما تستحون على ويوهكم .. وركض وراهم .. تموا يركضون فالغرفه ومحمد يلحقهم .. محمد: تعالوا .. يا ويلكم مني .. ناصر: بابا دب .. نايف ميت من الضحك: ه .. بابا دب .. محمد: انا دب .. الريم: نصور شيطون .. ساره: وايد حركي فديته .. عكس نايف .. نايف هادي .. بس ناصر يحركه .. الريم: فديتهم والله .. محمد مسك ناصر: انا دب .. ناصر: ه .. اي دب دب .. وطلع له لسانه .. محمد باس ناصر على شفايفه وعضه عضه خفيفه .. ناصر صاح .. ساره: شو سويت له ؟ محمد: .. عضيت شفايفه .. همممم طعمها لذيذ يا نصور .. ناصر يصيح: ماما .. ساره: محمد حرام عليك .. نايف كان واقف يشوفهم وفجأه صاح .. ساره: تعال حبيبي .. نايف راح عند امه وناصر كان في حضنها و تموا يصيحون ثنينهم .. محمد: ويوووو صيحناهم .. ساره: محمد حرام عليك تسوي فيهم جي .. بتشوف ان ما علمت عليك عمي .. محمد: هييي .. قعدي مكانج احسن لج .. ساره: .. الريم: اذا هي ما علمت ابوي عليك .. هم بيقولون له .. محمد: ه .. ادري بهم .. الريم: تعرف ابوي شلون يموت فيهم .. ومدلعهم آخر دلع .. محمد: تعلميني فيه .. ساره: محمد .. انا جهزت شنطتك .. شيك عليها وقولي لو ناقصك شي .. محمد: ان شاءالله .. الريم: زين ساره انا بعد بروح اجهز شنطتي .. تبين شي .. ساره مبتسمه: سلامتج يالغليه .. الريم وهي طالعه: الله يسلمج .. طلعت الريم وساره كانت قاعده وعيالها في حضنها .. قعد جنبها محمد .. محمد: كل شي تمام الغاليه .. انسدح وحط راسه في حضنها .. خاطري اشوف شكلج واحنا كلنا في حضنج .. ساره: .. انا بعد ودي اشوف شكلي .. زين ما تبي تتغدا ؟ محمد: مالي نفس الحين .. قبل ما نطلع شوي لي سندويش حق الطريق .. ساره: ان شاءالله .. زين فديتك قوم خل انزل الشيوخ عند عمي .. اكيد ينتظرهم تحت .. محمد: زين لا تتأخرين .. ساره التفت عليه وبابتسامة دلع: ان شاءالله .. طالعها محمد: بسرعه .. طلعت ساره وهي مبتسمه .. طلع في ويها خالد .. ساره: حيالله معرسنا .. خالد مبتسم: الله يحيج .. هاتي نصور عنج .. ساره عطته ناصر: ما تقصر .. نزلوا مع بعض وراحوا الصاله نزلوا اليهال اللي ركضوا عند يدهم فرحانين .. بومحمد: هلا وغلا .. فديت ريحتكم انا .. التفت على ساره مبتسم .. خلاص وصلت الامانه .. ساره ابتسمت وطلعت من الصاله رايحه غرفتها .. دخلت بهدوء وما لقت محمد .. راحت غرفة النوم الا محمد يطلع لها من ورا الباب ويخرعها .. ساره: آآآآآآآآآآآآآآآه .. محمد مات من الضحك عليها: .. ساره: يالبايخ خوفتني .. محمد حضنها وقربها من صدره: خفتي .. ساره ادزه: وخر عني .. محمد مسكها بقوه: لأ ما وخر عنج .. وباسها على خدها .. ساره بدلع: ماحبك .. محمد: بس انا احبج .. ساره: وخر عني .. محمد: فديت اللي تدلع على محمد .. بس خلاص انتهى المشهد .. ه خربت عليكم صح .. ااااااااااااي .. أذن المغرب والكل كان متحمس لهالرحله .. توزعوا فالسيارات .. اما فارس اصر على يدته تركب معاه وحاول معاها لين بالعافيه رضت تركب .. فارس: بتتبارك سيارتي .. الجده: شوله ؟ فاس: بعد انتي راكبتها .. الجده: ليش ليكون انا الحجر الاسود تتبارك فيني .. فارس ضحك بصوت عالي: اااااااااي .. اموت في خفة دمج والله .. الجده: وجع على هالضحك الماصخ .. فارس: خلاص بنحط شوية ملح دامه ماصخ .. الجده: اونك تنكت .. فارس: لأ من يقول .. الجده: اللهم طولك ياروح .. انا شاللي خلاني اوافق واركب معاك .. فاطمه: شدعوه يدتي انا معاج .. الجده: وا فديت الصوت الحلو .. فاطمه: فديت قلبج يدتي .. الجده: زين انج موجوده تونسيني .. فارس: وانا فديتني .. الجده: من زين ويهك تتفدى عمرك بعد .. فارس: ليش شو فيه ويهي يجنن .. والله اني كول .. الجده: وشو اللي كول ذي بعد .. فارس: يعني خطير حدي .. الجده بصوت واطي: الا عفريت .. فارس: سمعيني مره ثانيه .. الجده: امي جاتني مره وحده .. فارس: اموت فالكلام المنسق والله .. فاطمه: يدتي شو قصدج ؟ الجده: يعني ما راح اعيد كلامي .. فاطمه: اها .. الله حلوه الجمله عجبتني .. الجده: فديت حلاج انتي .. فارس: والله اني احلاكم .. الجده: لوع الله جبدك .. فارس تم يلعوز يدته وفاطمه ميته عليهم من الضحك .. الجد كان مع عبدالعزيز وفاضل .. يوسف كان مع علي ومعاهم سلطان وجاسم .. بومحمد كانت معاه الريم وام محمد وفهد و أسماء .. بوفارس كانت معاه ام فارس و ايمان.. وخالد كانت معاه مريم .. محمد كان مع زوجته وعياله و هيا معاهم .. وصلوا العزبه على الساعه 7 ونص تقريبا .. نزلوا الحريم دخلوا الفيلا والشباب نزلوا الاغراض مع الصبيان .. بعد ما خلصوا على طول راحوا المسبح .. البنات كانوا يشوفون الشباب وميتين يبون يطبون.. فارس: تصدق عاد يا عبدالعزيز .. ان في ناس من امس ميتين ويطبون في المسبح .. عبدالعزيز: لااااااا .. بس انا احس انهم ما راح يطبون .. فاطمه كانت تناظرهم من الدريشه " والله انهم نذول هالشباب " .. تموا الشباب ينطشون بالماي ويقهرون البنات .. ايمان: اوهووو مايصير جي .. نبي نطب .. الريم: اي والله .. فاطمه التفت على الريم وتذكرت كلام فارس اخوها .. قررت انها تراقب الريم عل وعسى يكون فارس غلطان في كلامه عنها .. طبعا الشباب استانسوا فالمسبح والبنات كانوا ميتين من القهر .. طلعت فاطمه تتمشى برا .. راحت عند قفص الطيور وتمت تسمع الطيور وهي تغرد .. كانت تراقبهم وهي مبتسمه .. سمعت صوت وراها التفتت شافت يوسف واقف ومبتسم لها .. صد بسرعه ومشى .. فاطمه عضت شفتها وابتسمت .. كانت الساعه 9 فالليل تقريبا .. الحريم جهزوا العشى للريايل ولهم .. تعشوا وبعد العشى كلن حذ نفسه من التعب .. فاطمه كانت نايمه على الارض وجنبها مريم اللي كانت نايمه بهدوء .. فاطمه كانت منسدحه على ظهرها وحاطه يدها ورا راسها .. فاطمه " معقوله انا ويوسف نايمين بمكان واحد وما يفصلني عنه الا كم متر .. نظرته تجنن وهو و واقف وراي يوم كنت عند القفص .. فديت قلبه والله " .. حضنت مخدتها وهي مستانسه ان يوسف معاهم .. غمضت عيونها ونامت وهي مبتسمه .. فارس الولهان كان يكلم مناف .. وعايش جو وعالم مافيه الا هو ومناف .. محمد كان مع ساره قاعدين على العشب .. محمد ماسك يد ساره ويسولف معاها .. يوسف كان واقف عند قفص الطيور .. كان واقف بنفس المكان اللي فاطمه كانت واقفه فيه .. وكان يتأمل الطيور وهي تغرد .. كلن لهى باللي شاغله .. مرت اول ليله لهم بهدوء .. يتبع .. __________________ |
التكمله
صاح ديك العزبه معلن عن يوم جديد .. اول من قعد طبعا الجد .. وبعده قامت الجده وحشرت الصبيان والخدامات الجده: قوموا يا مال العافيه ما تشبعون رقاد .. يلا قوموا جهزوا الريوق حق العرب .. يلا قوموا اشوف .. الجد: يعطيج العافيه .. الجده: الله يعافيك .. الجد: حشرتيهم .. الجده: فيهم كسل اعوذ بالله منه .. الجد يضحك: .. الجده: اصب لك حليب .. الجد: اي .. صبت له وتموا قاعدين يسولفون .. الساعه 9 تقريبا الكل قعد من النوم .. الا فارس .. الكل تجمع عند اليد واليده الجده: وين فارس ؟ محمد: نايم .. الجده: وليش ما قعد للحين ؟ محمد: نام متأخر امس .. " يكلم الحب" .. الجده قامت من مكانها: خل اروح اقعده .. راحت وشافت فارس نايم وكان متعمق بالنوم .. الجده: ما يشبع رقاد .. طول الليل سهران والصبح يخمد .. مادري شو اللي مسهره .. قربت منه و هزت كتفه .. الجده: قوم يا فروس .. فارس: ممممممم .. الجده: قم اقولك .. شو اللي مسهرك .. فارس غطى وي .. الجده سحبت اللحاف: قوم اقولك .. فارس: اوهووو .. خلوني انام .. الجده: قوم شوف الشمس شكبرها .. فارس: شدخل الشمس فيني .. الجده: اليوم كله راح وانت للحين نايم .. فارس: خير يعني .. الجده: والله لو ما قمت بجيب الماي وبكته عليك .. فارس: جيبيه اشوف .. الجده: اوريك يا فروس .. قامت من مكانها وراحت المطبخ .. جابت كوب ماي ورجعت لفارس .. ما لقته في الفراش .. شوي الا يصرخ من وراها .. تخرعت اليده وحذفت كوب الماي و صرخت .. الجده: وجع يا فروس .. فارس ميت من الضحك: ااااااااااي .. الجده خذت كوب الماي وحذفته عليه: تعال يا اسود الويه .. شرد فارس والجده تلحقه .. الكل التفت عليهم .. الجده: تعال يالعفريت .. فارس: ه .. ام فارس: فارس يعلك العافيه جننت يدتك .. الجد: فروس ومره تاخذك ان شاءالله .. لا تلعوز يدتك .. فارس: هي اللي متسببه .. الجده قعدت على الارض: تعبت يعلك العافيه يا فروس .. ابوك ما كان جي .. فارس قرب من يدته وباس راسها: سمالله عليج الغاليه .. شلها و وداها عندهم .. الجده في حضن فارس: يعلك الجنه .. نزلها فارس على الارض: آمين .. هيا: فديت وي الحلو والله .. فارس مبتسم: هلا عميمه .. هيا: تعال تريق فديتك .. فارس: زين بس بروح ابدل وبرجع .. هيا: فديت قلبك والله .. جاسم كان يصارخ مع عبدالعزيز .. جاسم: ابي اركب .. اعرف لها .. عبدالعزيز: جسوم اقصر الشر .. ماتركب .. كبيره عليك شفيك انت .. سلطان: لا مو كبيره .. خله يركب .. عبدالعزيز: لا والله الشيخ سلطان .. تتوسط له .. جاسم: والله با علم عليك ابوي .. عبدالعزيز: يعني خوفتني .. روح علمه يالياهل .. جاسم راح عند ابوه .. جاسم: يبه شوف عزيزو .. بوفارس: شوفيه ؟ جاسم: ما يخليني اركب البانشي .. بوفارس: البانشي مره وحده .. يبه ثقيله عليك .. ما تقدر عليها .. جاسم: عاااااد .. بوفارس: زين قوله ابوي يقولك خلني .. جاسم مستانس: ياااااي .. وراح يركض عند عبدالعزيز .. بومحمد: ليش تخليه خطره عليه .. بوفارس: ادري ان عزيز ما راح يخليه .. والحين بيرجع .. بومحمد مبتسم: هذا هو جاي ومحتج بعد .. بوفارس: .. جاسم: يبه ما يخليني .. بوفارس: قلنا لك خطره عليك .. و ريولك للحين تعورك .. جاسم ينط: ما تعورني .. عاد يبه قوله .. بوفارس: لا يا يبه كبيره وثقيله عليك .. اركب الصغيره .. جاسم: مابي .. ابي البانشي .. بوفارس: زين تعال باركب معاك .. جاسم: ممممم .. بس انا اللي بسوق .. بوفارس: ان شاءالله .. راح بوفارس ومعاه جاسم .. الجد: وايد مدلعين عيالج يا مزنه .. ام فارس: عيزت معاه يا عمي .. هيا: ولا مدلعين ولا شي .. الجد: الا مدلعين .. شوفي هالنتفه كل شي بغاه خذه .. هيا: بس بوفارس ما خلاه على كيفه الحين .. هو راح معاه .. الجد: محمد وايد مدلعهم .. بومحمد: يبه عيالنا صج مدلعين بس بعقل .. الجد: وين عيالكم و وين العقل .. بومحمد: بل .. الكل: ه .. ركب بوفارس البانشي و جاسم قاعد جدام .. شغلوا البانشي وحركوها .. جاسم كان ماسك السكان وبوفارس حاط يده فوق يد جاسم .. جاسم: يبه شل يدك وشوفني شلون اتحكم فيها .. بوفارس: زين .. شل يده وجاسم كان يحاول يلف بس ماقدر .. ضحك عليه بوفارس .. بوفارس: .. قلت لك ثقيله .. جاسم مسك يد ابوه: زين لف انت .. لف بوفارس وجاسم كان مستانس .. جاسم: يبه روح صوبهم خل نحفص شوي .. بوفارس: .. راح صوبهم وغبر عليهم .. جاسم تم يضحك عليهم .. جاسم: اااي .. غبرنا عليكم .. بوفارس: مب هين يا جسوم .. جاسم: يبه قولهم اني انا اللي غبرت عليهم .. بوفارس: يالعيار .. جاسم: عاد يبه قولهم .. بوفارس مبتسم: زين .. راحوا عند الشباب ونزل بوفارس ونزل معاه جاسم .. جاسم: شفت يا عزوز .. عبدالعزيز: شو ؟ جاسم: حفصت عليكم . عبدالعزيز: صدقتك .. جاسم: اسأل ابوي .. بوفارس ابتسم لعبدالعزيز وغمز له: اي جويسم هو اللي حفص عليكم .. عبدالعزيز: خطير الولد العيار .. الكل: .. راح جاسم مع سلطان وفهد يلعبون في البطابط الصغار .. اما الشباب طلعوا من العزبه بالبانشيات .. واللي هم عبدالعزيز ويوسف وفاضل وعلي .. البنات على طول طبوا المسبح قبل ما يقهرهم فارس ويخرب عليهم .. الريم: وااي الماي يجنن .. فاطمه: اي والله .. امس قهروني وهم يسبحون .. مريم: لا عادي .. ايمان: اكيد عادي .. بعد الحب معاهم شلون مو عادي .. الكل: ه .. مريم نطشت الماي عليهم: مالت عليكم .. الريم: لا تزعلون مرت اخوي .. فاطمه: اموت انا في مرت اخوي .. ه مريم: فديت الريم والله .. اخت ريلي .. ايمان: بدت المصلحه من الحين .. فاطمه: اي لازم تضبطها .. الريم: هييييييي .. الكل: ه هيا: فديت البنات انا .. فاطمه: عميمه يلا طبي معانا .. هيا: انا جايه مخصوص عشانكم .. البنات: ياااااي .. هيا مبتسمه: والله انكم مهابيل .. الريم: يلا عميمه شو تنتظرين .. هيا: ووووي .. صبروا خل اشيل اللي علي .. فارس كان ينادي من بعيد: فطيم .. فطيم .. هيا: فارس لا تجي البنات في المسبح .. فارس من ورا الحاجز: ابي فطيم شوي .. فاطمه: اسمعك شو تبي ؟ فارس: تعالي مابي اصرخ .. فاطمه: زين .. طلعت من المسبح .. لفت الفوطه وراحت حق اخوها .. فاطمه: هلا فارس .. فارس: وين حطيتي ملابسي ؟ فاطمه: في غرفتنا .. فارس: وين في غرفتكم ؟ فاطمه: في الكبت .. تعال معاي بطلعها لك .. فارس: زين .. طلعت من المسبح ومشت مع اخوها .. راحوا الغرفه وعطته الشنطه .. وهم طالعين رن جوال فارس وكانت الرنه عالي مستواه .. ابتسم وكتم الرنه .. فاطمه انتبهت له .. فارس: مشكوره اختي .. فاطمه: حاضرين لك الشيخ .. راحت فاطمه المسبح وشافت عمها ( بومحمد ) طاب المسبح معاهم .. فاطمه: عمي معانا .. وناسه .. بومحمد مبتسم: يحليلكم .. هيا: وين رحتي فديتج ؟ فاطمه: رحت اعطي فارس اغراضه .. هيا: زين يلا امشي .. فاطمه: زين صبروا شوي .. فتحت المخزن وطلعت الكوره .. ايمان: يلا فريق .. بومحمد: من معاي ؟ الريم: انا .. ايمان: وانا .. هيا: ومن معاي ؟ فاطمه: انا ومريم .. هيا: يلا فطيم شوتي الكوره .. شاتت فاطمه الكوره وطبت الماي .. دخلت عليهم ساره مرت محمد ومعاها عيالها .. تمت ام فارس تشوفها وتشوف عيالها .. ام فارس " متى بشوف مرت فارس وعياله يلعبون حولي ؟ الله يهديك يا فارس " تموا البنات يلعبون مع عمهم وعمتهم .. والجده وام فارس وام محمد وساره .. كانوا يتفرجون عليهم .. اما شباب البانشيات كانوا يستعرضون برا العزبه .. ومستانسين على الآخر .. فارس كان يكلم مناف .. مناف: متى بتكلم فيصل ؟ فارس: امج موجوده ؟ مناف: اي .. فارس: اول ما يرجع من المدرسه باتصل له .. وبكلم امج .. مناف: زين .. فارس: شو رايج اخذج معاهم .. مناف: خير .. فارس يضحك: .. تعالي بركبج الخيل .. مناف: لأ مابي .. فارس: ليش ليكون تخافين ؟ مناف: مممممم .. لا ماخاف .. فارس: عيل ؟ مناف: مابي .. فارس: زين بركبج البانشي وراي .. مناف: بعد لأ .. فارس: اكيد تخافين من البانشي .. مناف بدلع: عاد فارس .. فارس " اموت فالدلع والله": زين زين يالدلوعه .. مناف: انا مو دلوعه .. فارس: الا دلوعه واموت في دلعج .. مناف انحرجت وما ردت .. فارس: دلوعه .. مناف: انا مناف .. فارس يستعبط: لا كنت انادي اختي الصغيره .. مناف: مالت عليك .. فارس: ه .. انتي دلوعتي انا يا مناف .. مناف: مابي .. فارس: واااي فديت اللي ما تبي والله .. خلاص يا عمري عاد .. مناف: زين انا بسكر الدكتور دخل القاعه .. فارس: حبي زعلانه ؟ مناف مبتسمه: لا حبيبي .. فارس: فديت قلبج الكبير .. مناف: زين ماقدر اتكلم .. بعد المحاضره باكلمك .. فارس: ان شاءالله .. سكر منها طير التلفون فالهوا ومسكه .. محمد: حلاه عليك يالعاشق .. فارس: .. محمد: شو تسوي هني قوم نروح برا شوي .. فارس: الشباب وينهم ؟ محمد: انهبلوا مع البانشيات طلعوا برا العزبه .. فارس: زين قوم نشوف الخيول شوي .. محمد: يلا من زمان ما ركبت الخيل .. فارس: زين الشيخ .. عطني ظهرك خل البس .. محمد: احم احم .. زين .. لبس فارس بنطلون رمادي لين تحت الركبه .. وتي شيرت ابيض مكتوب عليه بالعربي ( يا قلبي عليك يالفارس ) مشط شعره .. والتفت على محمد .. فارس: يلا بوالشباب .. محمد: هالزين كله حق من ؟ فارس: خل عنك السوالف .. القلب مو هني .. محمد: .. مسكين يالقلب .. فارس: لا تضيع الوقت يلا .. محمد: زين زين .. طلعوا من الفيلا .. وراحوا صوب الاسطبلات .. كل واحد طلع له خيل وركبه .. محمد: يا محلا الفروسيه .. فارس: احب الخيول .. محمد: تسابق ؟ فارس: يلا .. كل منهم ضرب الخيل وتسابقوا .. شافهم بوفارس واستانس على اشكالهم وهم يتسابقون .. بوفارس: ماشاءالله عليهم .. الجد: من ؟ بوفارس: فارس ومحمد .. خياله الله يحفظهم .. الجد يطالعهم: الله يحفظهم .. هاي الرجوله والهوايه الزينه .. مو هالبطابط اللي بطت روسنا .. بوفارس: ه .. الجد: الساعه كم الحين يبه ؟ بوفارس يطالع ساعته" الساعه 12 يبه .. الجد: متى بيسنعون لنا الغدا ؟ بوفارس: بدري يالشيبه .. الجد رفع الخيزران: سود الله ويهك .. شيبه يكسر عظامك .. بوفارس مات من الضحك على ابوه: ه .. الجد: انا توني شباب لاتقول شيبه يا اسود الويه .. بوفارس: السموحه يالغالي .. الجد: قم شوفهم يسنعون لنا الغدا .. بوفارس قايم وهو يضحك: .. ان شاءالله .. راح عند المسبح وشاف اخوه وهو يلاعب البنات بالكوره .. بوفارس: حلاه عليكم .. شكلكم حلو .. بومحمد: تعال اخوي شاركنا .. بوفارس: ابوك حشرني .. زين ما لشطني بخيزرانه .. بومحمد: ه .. ليش ؟ بوفارس: قلت له يالشيبه .. وعصب علي .. هيا: تعرف ابوي حساس من هالنقطه .. الكل: .. بوفارس: وين غداكم ..؟ وكان موجه كلامه لام فارس .. ام فارس: هذا هم الصبيان يعابلونه .. بوفارس: كل قلبنا الشيبه .. الجده: ما عليك منه .. يحن عالفاضي .. بوفارس: اخاف اروح اقوله ما خلص الغدا يلشطني .. بومحمد: ناده خله يجي يقعد معانا .. بوفارس: ان شاءالله .. راح بوفارس ينادي ابوه .. اما بومحمد كمل لعبه مع البنات واخته .. فارس ومحمد وصلوا لين روضه برا العزبه وتموا يتمشون فيها على ظهور الخيول .. يتبع .. __________________ |
التكمله
فارس: خل اتصل بفيصل عشان الحق امر عليه .. محمد: تعال شو سويت مع مدرسته ؟ فارس: اصبر خل اكلمهم بعدين بقولك .. فيصل: هلا فارس .. فارس: شحالك فيصل ؟ فيصل: الحمدلله .. فارس: انت وين ؟ فيصل: راجع البيت .. فارس: ها كل شي تمام مع المدرس ؟ فيصل بوناسه: اي افا عليك .. فارس: زين متى بتوصل البيت خل اكلم امك عن العزبه .. فيصل بوناسه: انا كلمتها وحنيت عليها لين وافقت .. فارس مبتسم: زين والله .. بس لازم اكلمها احسن .. فيصل: ان شاءالله .. بس اوصل البيت وباتصل فيك .. فارس: انتظرك .. فيصل: مع السلامه .. سكر من فارس وراح البيت بسرعه .. عشان يتصل حق فارس ويكلم امه .. محمد: زين قولي شو سويت ؟ فارس: دخلت عليهم وغسلتهم هناك .. محمد: زين سويت فيهم .. فارس: الاخصائي مو عاجبه يقولي من تكون عشان تتدخل بحياة الولد .. قلت له مو شغلك من اكون .. قلت له يجيب المدرس .. واعطيه من الزين بعد .. عصب الاخصائي الا يقولي انت داخل مدرسه مو قسم شرطه .. قلت له والولد داخل مدرسه يعني مكان يتعلم فيه مو ينضرب فيه .. الاخصائي يقولي .. الولد غلط واستحق الضرب .. رديت عليه وقلت له .. عمر الضرب ما كان اسلوب في التعليم والتأديب .. والولد ما غلط .. بس انتوا اجبرتواه يغلط .. ولكل فعل ردة فعل .. الا المدرس يقولي هالولد ينفصل .. قلت له ليش يالشيخ ؟ ما عجبتهم طريقة كلامي وانا كنت قاصد استفزهم .. فيصل طول الوقت واقف عند الباب .. قلت لهم .. شوفوا يا جماعه والله العظيم اللي بيمس شعره من فيصل مب احسن له .. وربي لاوصلها لاكبر راس .. الا يقولي الاخصائي .. ماله داعي اسلوب التهديد يا اخ فارس .. رديت عليه باستهزاء .. انا ما اهددكم انا احذركم .. مابي يجيني في يوم يشتكي .. طلعت عنهم من غير ما اسمع شو بيقول الاخصائي ولا المدرس .. خذت فيصل و وديته الصف .. لو تشوف فرحته فيني وانا امشي معاه فالممرات .. محمد: وحليله .. بس زين سويت فيهم .. فارس: المشكله انهم يشوفون انهم مو غلطانين .. محمد: مشكله اللي ما وراه ظهر يسنده .. فارس: شوف لو فيصل لسانه طويل ولا قليل ادب ترا من حقهم يتخذون اجراء الضرب معاه .. بس الولد في حاله محمد: عدل كلامك .. عيل عيالكم ظهرهم قوي .. فارس: عيال من ؟ محمد: علينا .. انت والمدام .. فارس: .. رن جوال فارس والمتصل فيصل .. فارس: هلا فيصل .. فيصل: كلم امي .. فارس: زين .. ام مناف: السلام عليكم .. فارس: وعليكم السلام .. شحالج يمه ؟ ام مناف: طيبه طاب حالك يبه .. فارس: يمه معليه اودي العيال معاي العزبه ؟ ام مناف: معليه يا ولدي .. فيصل جنني امس وهو يحن علي .. فارس: .. خلهم يجون يستانسون مع العيال عندنا .. برجعهم فالليل ان شاءالله .. ام مناف: خير ان شاءالله .. بس هالله هالله فيهم يا ولدي .. اطالع الله وهالثنين .. فارس: فيصل وعبدالله اخواني واحطهم بعيوني ولا يهمج .. ام مناف: جزاك الله خير يالنشمي .. فارس: تسلمين لي .. زين يمه خل يتغدون وبمر عليهم بعد ساعه .. ام مناف: ان شاءالله .. فارس: فيصل عندج ؟ ام مناف: هذا هو كلمه .. فارس: هلا فيصل .. تغدوا وجهزوا .. فيصل: ان شاءالله .. فارس: جيبوا لكم ملابس للسباحه .. ولا تدري بس جهزوا شنطة ملابسكم .. و تغدوا وبامركم .. فيصل ما فهم شي من كلام فارس: زين زين .. فارس: قبل ما وصل باتصل لك .. فيصل: اوكي .. سكر فارس من فيصل و طرش رساله لمناف .. (( حياتي جهزتي شنطة اخوانج ؟ بمر عليهم بعد ساعه تقريبا .. كلمي فيصل )) .. مناف كانت بالمحاضره .. قرت المسج .. استأذنت من الدكتور وطلعت من المحاضره .. اتصلت باخوها .. فيصل: ها مناف .. مناف: فصول طلع الملابس الجديده اللي انا مرتبتها امس .. وحطهم في شنطه لك ولعبود .. فيصل: اي ملابس ؟ مناف: اللي فالكبت فوق .. انا مرتبتهم امس .. وحاطه معاهم فوطكم .. فيصل: صبري خل اروح الغرفه .. راح الغرفه واخته معاه عالخط .. مناف: شفتهم فوق ؟ فيصل: اي ي ي .. زين بس هاي ؟ مناف: اي ملابسك انت وعبود .. فيصل: زين باحطهم فالشنطه .. زين بروح اتغدا امي تناديني .. مناف: فصول بقولك ؟ فيصل: هااا .. مناف: وجع شنو ها بعد .. فيصل: نعم .. مناف: لا تسوي شيطانه انت وعبود .. خلكم هادين .. فيصل: زين زين .. مناف: زين فديتك .. يلا مع السلامه .. فيصل: مع السلامه .. سكرت مناف ورجعت لقاعة المحاضره .. محمد و فارس رجعوا للعزبه .. وشافوا الشباب متجمعين في الاستراحه دخلوا الخيول الاسطبلات وراحوا عند الشباب .. عبدالعزيز: فاتكم الاستعراض .. فارس: يالنذول ما انتظرتونا .. علي: راحت عليكم .. محمد: اشوفكم مغبرين .. علي: شنسوي بعد .. الحين يبيله نطب المسبح .. فارس: لا تروحون البنات هناك .. علي: ولين .. محمد: يه من امس وانتوا متنقعين .. عطوهم فرصه .. فارس موجه كلامه ليوسف: متى بيجي سلمان ؟ يوسف: بيمر العصر ان شاءالله .. فارس: كلمته ؟ يوسف: اي .. محمد: يلا نحرك .. فارس: يلا .. علي: وين ؟ فارس: بنروح العاصمه وبنرجع .. تبون نجيب لكم شي واحنا راجعين ؟ علي: لا سلامتكم .. محمد: تعالوا معرسنا وينه ؟ ماله حس اليوم ؟ فارس: اي والله .. فاضل: معرسنا راح يقنص .. فارس: شعنده ؟ فاضل: مادري والله .. خذ الطير وراح .. فارس: اي ي ي .. زين يلا حمودي .. محمد: قدام .. طلعوا من الاستراحه .. وركبوا السياره .. شافهم بوفارس .. بوفارس: على وين ؟ فارس: الله يستر من الوالد .. محمد: ليش ؟ فارس: اخاف يعرفهم ؟ محمد: ووووي فروس .. بوفارس قرب من السياره: وين رايحين ؟ فارس: بروح اخذ عيال واحد معاي فالشركه بجيبهم يلعبون مع اليهال .. بوفارس: بترجعون العاصمه ؟ محمد: لا هو ينتظرنا عند المحطه .. بوفارس: اي ي ي .. زين لا تتأخرون على الغدا .. فارس: ان شاءالله يبه .. حركوا وطلعوا من العزبه .. محمد: تتوقع عمي بيتذكر اشكالهم ؟ فارس: والله مادري .. بس هو ما شاف الا فيصل .. الثاني ما كان معانا .. محمد: ان شاءالله ما راح يتذكره عدل .. انت خلهم يلوثون مع العيال بعيد .. فارس ضحك على كلام محمد: .. اي والله يلوثون بعيد .. محمد: ه .. زين مني افكر عنك .. يالتنك .. فارس ومحمد: .. كملوا دربهم للعاصمه .. اتصل فارس بفيصل لما قرب من بيتهم .. فيصل: هلا .. فارس: ها جاهزين ..؟ فيصل: اي .. فارس: انا توني داش فريجكم .. فيصل: زين الحين بنطلع .. سكر من فارس وراح ينادي عبدالله .. فيصل: عبود فارس وصل .. يلااااااا عبدالله نقز من حضن امه وبسرعه راح يركض .. ام مناف قامت وراهم عشان تكلم فارس .. وصل فارس عند بيتهم و سوا هرن .. طلعوا له وهم مبتسمين .. فارس: حيالله الشباب .. عبدالله: هلااااا .. فارس: ه .. شحاله الريال ؟ عبدالله: طيب .. فيصل: فارس امي تبيك عند الباب .. فارس فتح الباب حق عبدالله: ان شاءالله يبه .. التفت على محمد .. محمد خذ الشنطه وحطها ورا .. محمد نزل من السياره: ان شاءالله .. راح فارس عند الباب .. فارس: آمريني يمه .. ام مناف: ما يآمر عليك العدو .. بس ما وصيك عليهم يبه .. هالله هالله فيهم وحط بالك عليهم .. وان غلطوا عندك اياهم .. فارس: ولا يهمج الغاليه .. بحطهم فعيوني .. ام مناف: بارك الله فيك يبه .. فارس: الغاليه قاصركم شي ؟ محتاجين شي للبيت ؟ ام مناف: ما تقصر يبه .. بس قول لفيصل يتصل لاخته ويطمن قلبي .. فارس: ان شاءالله .. ام مناف: الله يحفظكم .. فارس: مع السلامه .. رجع عند السياره وشاف فيصل وعبدالله وابتسم لهم .. ركب السياره .. فارس: شحالكم شباب .. فيصل: طيبين .. فارس: فيصل تذكر محمد ولد عمي .. التفت عليهم محمد مبتسم .. فيصل مبتسم: اي اتذكره .. محمد: شحالك ؟ فيصل: الحمدلله .. محمد: ان شاءالله تتونسون معانا .. عبدالله: فارس طيب .. ياليته اخوي .. فيصل نزل راسه بحزن .. محمد حزن على كلام عبدالله .. فارس يلطف الجو: زين شباب تغديتوا ؟ فيصل: اي الحمدلله .. عبدالله: فارس .. فارس: هلا يبه .. عبدالله: خاطري في ايس كريم .. فيصل: عبود اسكت .. فارس: عادي يبه .. فيصل: بعلم عليك مناف .. فارس: يا فيصل خله يطلب اللي يبه .. فيصل: خلاص مايبي .. وطالع عبدالله بغضب .. عبدالله نزل راسه: خلاص مابي .. فارس: يا فيصل خله على راحته .. وقف فارس عند سوبرماركت .. طالعهم من المرايه .. فارس: يلا نزلوا خل ناخذ شي للطريق .. عبدالله ما نزل وتم منزل راسه .. فارس: عبود يلا انزل .. عبدالله: لا خلاص مابي .. فارس: ما عليك من فيصل الدب .. عبدالله: لا خلاص عادي مابي .. فيصل: عبود انا آسف .. وباس راسه .. يلا انزل .. محمد تم يطالعهم وهو مبتسم " الله يخليهم لبعض" .. عبدالله طالع فيصل وابتسم: مب معصب علي ؟ فيصل: لا .. يلا انزل .. نزل عبدالله وهو فرحان .. مسك يد فارس ودخل معاه السوبرماركت .. كان يطالع الاغراض و هو مو مصدق عيونه .. محمد كان يراقبهم وهو فالسياره .. كان يشوف نظرات الاندهاش اللي بعيون عبدالله .. فارس: يلا يبه اخذوا اللي تبونه .. عبدالله خذ له ايس كريم .. وشوكلاته وعصير .. اما فيصل خذ له شوكلاته جالكسي بس .. فارس استغرب منه .. فارس: بس هاي اللي تبيه فيصل؟ خذ اللي تبيه لا تستحي يبه .. فيصل: من زمان وانا في خاطري اذوق الجالكسي .. فارس ماقدر يحط عيونه بعيون فيصل .. صد عنه .. دفع وطلع من السوبرماركت معاهم .. ركبوا السياره وفالطريق عبدالله خلص الايس كريم .. وغطت عينه .. اما فيصل كل الجالكسي بتلذذ .. تم يطالع الطريق .. فارس: فيصل .. فيصل: نعم .. فارس: تحب الخيول ؟ فيصل: يعني .. بس ولا مره شفت خيل من قرب .. فارس: اليوم بتشوف الخيل .. فيصل مستانس: والله .. فارس: ان شاءالله .. وصلوا العزبه وفيصل حس بتوتر وشوية خوف .. محمد التفت على فيصل .. يتبع .. __________________ |
التكمله
محمد مبتسم: قعد اخوك وصلنا .. فيصل انبهر بالعزبه .. فيصل: عبود .. عبود قوم وصلنا .. عبدالله يفرك عيونه: نعم .. فيصل: قوم يلا وصلنا .. عبدالله يتمدد: زين زين .. فتح فيصل باب السياره ونزل وهو يطالع العزبه بانبهار .. فيصل: الله حلو المكان .. فارس: تعال خل اوديك اعرفك على الشباب .. فيصل مسك عبدالله: يلا عبود .. مشوا ورا فارس وهم حاسين باحراج .. فارس نادا على سلطان وجاسم .. فارس: جاسم .. جاسم .. جاسم اللي كان مشغول مع الطيور التفت على فارس باستغراب .. جاسم: نعم .. فارس: تعال .. جاسم: ان شاءالله .. فارس: هاذي اخوي جاسم .. قد عبود تقريبا .. واللي معاه سلطان قدك يا فيصل .. وفهد اخو سلطان بس ما يتكلم عبدالله: شلون ؟ فارس: انولد وهو ما يقدر يتكلم ولا يسمع .. عبدالله: زين شلون تكلمونه لو تبون منه شي ؟ فارس: بالاشاره .. عبدالله: شلون ؟ فارس مبتسم: نأشر له بيدنا .. عبدالله: اهاا .. قربوا الشباب من فارس وعلى روسهم علامات تعجب .. فارس: جاسم .. هاي عبدالله وأشر على عبدالله .. وهاي اخوه فيصل وأشر على فيصل .. جاسم ابتسم: اهلا .. فارس: هاي جاسم اخوي .. وسلطان ولد عمي وفهد اخو سطان .. فيصل ابتسم: شلونكم .. سلطان: الحمدلله .. فارس: سلطان يبه اخذوا ضيوفكم وتعرفون شغلكم .. سلطان مبتسم: ان شاءالله .. فيصل راح مع جاسم وسلطان .. اما عبدالله كان متوتر مسك فارس وما راح معاهم .. فارس: شو فيك عبود ؟ عبدالله: ............. فارس: زين تعال معاي .. محمد: فروس حطيت شنطتهم في غرفتنا .. فارس: مو مشكله .. محمد: ليش ما راح عبدالله معاهم ؟ فارس مبتسم: يمكن يستحي .. وطالع عبدالله .. محمد مسح على راسه: وحليله .. راحوا صوب الفيلا .. دخلوا الصاله والحريم كلهم متيمعين قاعدين يطالعون التلفزيون .. اول ما دخلوا فارس ومحمد البنات تغطوا عدل .. واستغربوا من اللي معاهم .. ام فارس: فارس يبه من هالولد ؟ فارس مبتسم: هاذي عبدالله البطل .. عبدالله كان منزل راسه ومستحي .. فاطمه راحت عنده: وااي فديته يجنن .. عبدالله مسك فارس من الاحراج .. فارس: ه .. عبود يبه ليش مستحي .. ام فارس: تعال يبه .. عبدالله طالع ام فارس وما رتاح لها .. نزل راسه .. فاطمه: تعال فديتك .. مسك يد فاطمه وقعد معاها .. فاطمه: شكله مو غريب علي .. كأني شايفته في مكان .. او يشبه حد ؟ مريم مسحت على راسه: وااي يجنن .. البنات تيمعوا حول عبدالله وتموا يبوسونه ويلاعبونه .. ام محمد: ماشاءالله عليه مزيون هالولد .. محمد: بس مو احلى مني .. ساره: مسكين اللي مصدق نفسه .. ام محمد: ه .. فديته محمد ولدي مزيون .. فارس: عيل ما شفتي فارس .. اللي من حلاه يقط الطير من السما .. الكل: ه ام محمد: عليك سوالف .. محمد: يمه ما عليج من فارس وايد يغار مني .. ام محمد: لا فديته فارس ما يغار منك .. الا يحبك ويموت فيك .. فارس: اي والله في هاذي صدقتي .. ساره: ترا اغار منك يا فارس .. فارس مبتسم: وانا اغار منج يا ساره .. ساره ويها صار احمر وانحرجت .. محمد: بس يا جماعه لا تتهاوشون علي .. ام محمد: وا فديت ولدي والله .. دخل بوفارس واستغرب من عبدالله اللي البنات متجمعين حوله .. بوفارس: من ولده ؟ ام فارس: ولد رفيج فارس .. فارس: وذاك اخوه ؟ ام فارس: وينه ؟ فارس: مع الشباب برا .. ام فارس: وحليلهم .. فارس: يلا نبي غدا .. ام فارس: ان شاءالله بنجهز الحين .. التفت على البنات .. يلا يا بنات .. البنات: ان شاءالله .. قامت ام فارس و ام محمد والبنات وراهم .. فارس: عبود تعال اوديك عند فيصل .. عبدالله مسك يد فارس وطلع معاه .. تم محمد فالصاله بروحه مع ساره .. حط راسه في حضنها وغمض عيونه ساره: شو فيك حبيبي ؟ محمد: تعبان ابي انام .. ساره: حياتي جدامك كم يوم وانت تعبان .. محمد: طلعت الظهر فهالشموس تهلك .. ساره: يعطيك العافيه حياتي .. تمت تهمز راسه وتمسح على وي .. فارس رجع الصاله وشاف محمد في حضن زوجته طلع .. بس قبل ما يطلع سمع الحوار اللي دار بينهم .. فارس " دامك تحب ساره وش لك بحب غيرها ؟ .. الله يهديك يا محمد " .. طلع الاستراحه عند الشباب .. فارس: ها المعرس .. ما بينت اليوم ؟ خالد: رحت اقنص شوي .. فارس: حلاه عليك والله .. خالد مبتسم: وين مرتي .. فارس: ولين يا مرتك .. ذبحتنا .. خالد: .. كلمني احمد بن راشد من شوي .. فارس: من ملج هو الثاني وما عدنا نشوفه .. شو مشكلتكم يالمعرسين ؟ خالد: نحب ياللي مو معرس .. خالد وفارس: ه .. طلعوا من الاستراحه وراحوا صوب المسبح .. خالد شاف اسماء اخته وناداها .. خالد: اسامي .. اسماء: نعم ؟ خالد: نادي لي مريم من المطبخ .. اسماء: زين .. فارس: اذكر ربك يا ريال .. خالد: ه .. راحت اسماء تنادي مريم .. مريم جاتهم وهي مبتسمه .. مريم: هلا فارس .. خالد: اونج ما تدرين اني اللي طالبج .. مريم بخجل: مادري .. فارس: هييي انت لاتحرج اختي .. شوف ويها صار احمر .. خالد وفارس: ه مريم عصبت وصدت بتروح عنهم وسحبها خالد من يدها .. خالد: تعالي .. مريم: بروح اجهز معاهم الغدا .. فارس: قعدي مع ريلج انا باخذ مكانج فالمطبخ .. خالد: اول مره تقول شي عدل .. فارس: سود الله ويهك .. خالد و مريم: راح فارس عنهم .. وخالد مسك يد مريم وتم يطالع عيونها .. خالد: رفعي راسج حياتي .. خليني اشوف هالعيون اللي ذابحتني .. مريم: خالد .. خالد: عيونه انتي .. مريم: فديتك والله .. خالد: اموت في كلامج يالغاليه .. مريم رفعت راسها: زين خالد ابي اروح اجهز معاهم .. خالد: يا حياتي تروحين وتخليني ؟ مريم: بس .. خالد حط يده على حلجها: لا بس ولا غيره .. ضغط على يدها .. ابيج بقربي يا مرايم .. من زمان وانا احلم بهاللحظه .. اني امسك ايدج واتأمل جمالج .. مريم بدلع: خالد .. خالد: يا لبيه خالد انتي .. مريم: بعد الغدا بنقعد مع بعض .. خالد: حاضرين لج بنت العم .. مريم: زين خل اروح لهم المطبخ الحين .. خالد: الغاليه ممكن طلب ؟ مريم مبتسمه: آمرني .. خالد: يا ربي على الذرابه والادب فالكلام .. مريم: عاد خالد .. خالد مبتسم: فديت خالد على شفاهج .. زين حبي ابي عصير برتقال من ايدينج الحلوات .. بشرط ما تسوين الا لي انا .. مابي ولاحد عالغدا يشرب عصير الا انا .. مريم مبتسمه: من عيوني .. خالد: فديت عيونج والله .. مريم راحت وخالد كان يراقبها وهي رايحه .. ابتسم وتنفس براحه .. خالد: الحمدلله على كل حال .. مريم دخلت المطبخ وفاطمه وايمان يشوفونها ويضحكون .. مريم: شو فيكم ؟ فاطمه: ولا شي .. مريم: عميمه شوفيهم .. ام محمد مبتسمه: وحليلكم يا بنات .. فاطمه وايمان: .. هيا: زين يلا ودوا الاكل الميلس صوب الريايل .. ايمان: ان شاءالله .. شلت ايمان صحن .. وفاطمه شلت صحن وراحت وراها .. ايمان دخلت ومالقت حد .. حطت الصحن على الطاوله وطلعت .. شافت فاطمه في ويها .. ايمان بخبث: رتبي السفره انتي .. وشردت .. فاطمه: ايمانو يالسيخفه .. دخلت الميلس ورتبت السفره حطت الاكواب والماي .. حطت الصحن الاول .. ولما رجعت تاخذ الصحن الثاني من على الطاوله انفتح باب الميلس .. شافت شخص واقف يطالعها بانبهار .. فاطمه ارتبكت وعدلت شيلتها .. يوسف: السموحه الغاليه .. وطلع بسرعه .. فاطمه تمت واقفه مكانها وحست ان العالم تجمد من حولها .. فاطمه " فديته يجنن " .. دخلت عليها ايمان .. ايمان: فطوم شو فيج واقفه ؟ فاطمه ارتبكت: ها .. مافيني شي .. نزلت الصحن الثاني على السفره .. وخذت الصحن اللي بيد ايمان وطلعوا مع بعض راجعين للمطبخ .. دخلت فاطمه وهي مبتسمه كانت طول الوقت سرحانه .. وقفت عند الباب والباب تفكر وسرحت بعالم ثاني .. هيا: فطيم شو فيج ماما .. ؟ فاطمه التفت على عمتها وهي مبتسمه: ما فيني شي .. هيا: من اللي ماخذ عقلج ؟ فاطمه: ويه يا حسره من بياخذ عقلي .. هيا: .. يلا تعالي نتغدا .. فاطمه: مالي نفس اكل الحين .. هيا: ليش فديتج ؟ فاطمه: باكل بعدين .. هيا: على راحتج حياتي .. راحت هيا داخل وتجمعوا الحريم في الصاله والريايل في الميلس .. اما فاطمه طلعت تتمشى فالعزبه .. يوسف بعد ما طلع من الميلس ابتسم بفرح .. يوسف " فديت قربها والله " .. في ميلس الريايل بوفارس كان يطالع فيصل بشك .. بوفارس " انا وين شايف هالولد ؟ شكله مو غريب " .. تم يتفكر في فيصل .. بوفارس: فارس يبه هاي اخوه الكبير ؟ فارس: اي يبه .. اسمه فيصل .. بوفارس: والنعم يا فيصل .. فيصل: الله ينعم بحالك .. بوفارس: تعال تغدا يبه .. فيصل: تغديت قبل ماجي .. بوفارس: تعال كل لك لقمه بس .. فيصل: ما تقصر بس شبعان .. بوفارس: ماشاءالله عليه .. زين على راحتك يبه .. عبدالله: فارس .. فارس: هلا يبه .. عبدالله: ابي ماي .. فارس: يا جاسم .. جاسم: نعم .. فارس: جيب ماي لعبدالله .. جاسم: ان شاءالله .. فارس: خذ عبود .. عبدالله: مشكور .. شرب الماي وقعد جنب فيصل .. فصول خل نطلع برا شوي .. فيصل: زين .. وهم طالعين ناداهم سلطان: فيصل .. فيصل: لبيه .. سلطان: وين ؟ فيصل: بنتمشى شوي .. سلطان: بنتغدا وبنجيكم .. فيصل: بالعافيه .. طلعوا الاخوان وهم ماسكين ايادي بعض .. يتبع .. __________________ |
التكمله
بوفارس: ماشاءالله عليهم .. وايد مأدبين .. متربين عدل .. من عياله يا فارس .. فارس"صادوه": واحد معاي فالشغل يبه .. محمد: عمي شو صار على الخيل الاحمر اللي انجرح ذاك اليوم ؟ فارس" فديت اللي يضيع السالفه" .. بوفارس: والله وديناه الطبيب وقال ما يقدرون يسون له شي .. بس بيعيش .. ما شفتوه فالاسطبل ؟ محمد: ممممم يمكن ما نتبهت .. بومحمد: خالد يبه ليش ما تاكل ؟ خالد: اكل يبه .. بوفارس: الولد يفكر .. الكل: ه خالد: حتى انت يا عمي مستلمني .. بوفارس: .. ليش ؟ خالد: ولدك ما يخليني دقيقه .. بوفارس: عدل شغلك يا فارس .. خالد: عمـــــي .. الكل: ه .. عبدالعزيز: شباب بعد الغدا نطب المسبح .. علي: قبل الحريم .. بومحمد: فاتكم والله استانسنا اليوم الصبح .. فاضل: افااا يا بومحمد .. بومحمد: ليش يبه ؟ فاضل: ما قلت لنا عشان نطب وياكم .. الجد: كنت بطب وياهم بس خفت يخترب شعري .. الكل: اووووووب .. ه بوفارس: رووح يا شعرك .. بومحمد: يبه .. الجد: شو فيكم .. .. حمد .. بومحمد: هلا يبه .. الجد: الليله جهز الشيشه .. ضاربه في راسي من امس .. بومحمد: فالك طيب .. محمد: ايه على الشيشه .. فارس: عاد جبتوا النكهات ؟ الجد: معاي معاي .. علي: رووح .. الجد: .. عبدالعزيز ويوسف طلعوا يغسلون اياديهم .. بعدهم قام فاضل وفارس .. بومحمد: فاضل يبه .. فاضل: آمرني الغالي .. بومحمد: قولهم يجيبون الفواكه .. فاضل: ان شاءالله .. راح داخل وطلعت فيه وي مريم .. مريم: هلا فاضل .. فاضل: حيالله عروسنا .. مريم بخجل: الله يحيك .. فاضل: جيبوا الفواكه بدخلها الميلس .. مريم: ان شاءالله .. فاضل: ونادي لي الريم .. مريم وهي رايحه: اوكي .. مريم: اريام .. الريم: هلا .. مريم: يبيج فاضل برا .. الريم: زين .. طلعت ولقت فارس مع فاضل .. ترددت تروح .. بس استجمعت قواها وراحت صوبهم .. كانت تمشي وعيونها على فارس .. الريم: هلا فاضل .. فاضل: جيبي لي من شنطتي ثياب ابي ابدل .. الريم: ان شاءالله .. ترها بتمشي عنهم .. فارس: شحالج الريم ؟ الريم ويها صار احمر: الحمدلله بخير .. انت شحالك ؟ فارس: طيب .. شدعوه ما تسلمين .. الريم مبتسمه: السموحه .. فارس: مسموحه .. راحت الريم داخل وهي ترجف .. دخلت غرفة الشباب وطلعت من شنطة فاضل ملابس .. سمعت تلفون يرن والرنه كانت ( عالي مستواه ) .. فضولها جبرها تشوف من تلفونه اللي يرن .. اول ما قربت من التلفون وقفت الرنه .. عقدت حواجبها وطلعت من الغرفه .. طلعت برا تنادي على فاضل .. فاضل: الفضلي .. فاضل: هلا .. الريم: تعال خذ ملابسك .. فاضل: حطيهم عند المسبح بنروح هناك بعد شوي .. الريم: اوكي .. فيصل استانس مع جاسم وسلطان .. ركبوا البطابط .. وبعدين راحوا مع الشباب المسبح .. فارس: كلمت اختك فيصل ؟ فيصل: اي كلمتها .. فارس: وامك ؟ فيصل: للحين .. لان اختي فالجامعه .. اول ما ترجع البيت بتقول لامي اني اتصلت .. فارس تذكر جواله: تصدق نسيت جوالي داخل .. بروح اجيبه وبرجع .. عبدالله: بجي معاك .. فارس: تعال .. راح فارس وعبدالله ماسكه .. بومحمد: هالصغير وايد متعلق بفارس .. محمد: وايد يستحي المسكين .. بومحمد: وحليله .. حتى فارس مبين عليه حنون معاهم .. محمد: وايد يحبهم .. بومحمد: شلون الماده عندهم ؟ محمد: محرومين المساكين .. بومحمد: الله يعينهم .. الله يرزق فارس .. محمد: آمين .. دخل فارس الصاله و ماسك عبدالله .. ام فارس موج كلامها لاهيا .. ام فارس: هالولد وايد متعلق بفارس .. هيا مبتسمه: يجنن فديته .. خجول .. نادت فارس .. فارس: هلا عميمه .. هيا: جيب هالحلو هني .. فارس راح صوبهم .. عبدالله كان لازق في فارس وماسك يده .. هيا: تعال يبه .. فارس: خلك عندهم عبود .. الحين برجع .. هيا: فديته يجنن .. يذكرني بالجسمي فديته نتوف مثله .. فاطمه: والله هالصبي شكله مو غريب .. مريم: صح مادري من يبشه ؟ الريم: خرعتوا الولد .. تعال حبيبي .. راح عبدالله عند الريم .. الريم: عبدالله حبيبي كم عمرك ؟ عبدالله: انا عبود .. الكل: ه .. الريم: ولا تزعل يا عبود .. زين كم عمرك ؟ عبدالله: 8 سنين .. ايمان: العمر كله حبيبي .. تدري انك امور وتجنن .. عبدالله مو فاهم شي: ها .. البنات: ه هيا: شعرك حلو .. عبدالله: اختي تحلق لي .. هيا: ماشاءالله عليك .. فارس اول ما سمع عبدالله على طول دخل وخذه من عندهم .. فارس: يلا عبود نروح المسبح .. عبدالله: زين .. طلعوا وراحوا صوب المسبح .. كل الشباب طبوا المسبح وكانوا يلعبون ومستانسين .. فارس: يلا افصخ عشان اطب .. عبدالله: ماعرف اسبح ؟ فارس: تعال بعلمك .. عبدالله: لا اخاف .. فيصل: عبود ليفوتك .. يوسف يلعوز فيصل: اي ليفوتك .. فيصل: ه .. يوسف و علي مسكوا فيصل وحذفوه بعيد .. فيصل: اااااااي .. عبدالله ركض وطب ورا اخوه .. عبدالله: لا اخوي .. وطب الماي .. علي: هيييي الولد طب .. فارس ركض وعلي سبح له بسرعه .. طلعه علي بسرعه من الماي .. عبدالله يصيح: ابي اخوي .. فيصل يضحك: عبود شفيك نلعب .. راح عبدالله وحضن اخوه: فصول .. بومحمد تأثر بموقفهم .. تم يطالعهم بحنان .. الكل كان يطالعهم باعجاب .. فيصل: عبود عادي نلعب .. زين جي بللت ملابسك .. علي مبتسم: عادي بنعلقها تنشف .. وباس عبدالله .. ايه عليه اللي يخاف على اخوه .. فارس: وين تعلمت السباحه ؟ فيصل: فالمدرسه .. علي: تعال بابا خل افصخك هالملابس ونعلقها .. علي شل عبدالله على كتفه وراح معاه عند الطاوله .. فصخه ملابسه و علقها .. قعد عبدالله بشورت السباحه .. مسكه علي ونزلوا المسبح .. فارس فصخ اتي شيرت ونزل معاهم .. الجد: فروس شو هالجسم ؟ فارس: وين ؟ الجد: وجع تستعبط .. محمد: فارس: شدعوه يدي .. الجد: وين تتمرن ؟ فارس بخبث: ليش ؟ الجد: فروس لو ما تكلمت بابلحك بالخيزران .. فارس: زين زين .. الجد: وين تتمرن ؟ فارس: ما تمرن في مكان يدي .. بس اركض كل يوم ساعه .. الجد: وين تركض ؟ فارس: على البحر .. الجد: اي ي ي .. بس عليك جسم ما عليه كلام .. فارس: احم احم .. محمد: لا من زين جسمه .. عبدالعزيز: اي من زين جسمه .. الجد مبتسم: احلى من جسم بوسعود مافي .. عبدالعزيز: عاش الكشخه عاش .. الكل: .. على العصر تجمعوا البنات والشباب كلهم صوب البانشيات والبطابط .. خالد: مريم تعالي وراي .. مريم: لأ مابي .. خالد: امشي يلا .. فاطمه: مريوم روحي .. مريم: مابي .. نزل خالد من البانشي وسحب مريم .. كانت مستحيه .. هيا: مرايم روحي يمه .. مريم: مابي .. قرب خالد من البانشي ورفعها .. وركب جدامها .. خالد: مسكي كتوفي عدل .. مريم: مابي نزلني .. خالد حرك عنهم بسرعه عشان يلعوز مريم ويختلي بها .. مريم مسكته بقوه وهي منزله راسها ومغمضه عيونها من الخوف .. راحوا بعيد عن الاهل .. وفق خالد البانشي والتفت على مريم .. مريم كانت متمسكه بكتوفه ومغمضه عيونها .. خالد: مرايم .. مريم: خالد خايفه .. خالد: من شو خايفه حياتي .؟ مريم: صوتها يخوف .. وبعدين اخاف اطيح .. خالد مبتسم: صوتها جي عاد شو نسوي .. بس دامج معاي لا تخافين من شي .. لا من الطيحه ولا غيره .. مريم ابتسمت ونزلت راسها .. خالد: الحين تمسكي فيني عدل بنروح بعيد .. مريم: لا خالد مانبي بعيد اخاف .. خالد: شو قلت لج الحين .. مريم بخضوع: ان شاءالله .. شغل خالد البانشي .. ومريم مسكت كتوفه .. خالد: حبيبتي مسكيني من خصري احسن .. مريم: ها .. يعني احضنك .. خالد: اي .. تمسكي بقوه .. مريم طوقت خصر خالد: ان شاءالله .. خالد ساق البانشي بسرعه ومريم من الخوف حضنت خالد بقوه وحطت راسها على ظهره وغمضت عيونها .. خالد " فديتج يا مريم يالرقيقه .. الله لا يغير علينا " .. تم يلفلف بمريم وهي متمسكه بالقوه .. اما عند الشباب والبنات فالعزبه كان الوضح غير .. يوسف وفاطمه كانوا اسعد اثنين من بين الموجودين .. فارس: يمه يلا ركبي وراي .. ام فارس تضحك: الله يغربل سوالف يا فروس .. فارس: من صجي يمه يلا ركبي وراي .. ام فارس رجعت خطوتين ورا: لا يبه لا .. فارس نزل من البانشي: يلا يمه .. ام فارس: ووووي .. لا يبه مابي .. فارس: تكفين الغاليه .. عشاني .. بوفارس: روحي شوي .. ام فارس مسكت يد فارس: زين بس شوي شوي يبه .. فارس مبتسم: ان شاءالله .. ركبت ام فارس وهي خايفه .. تمسكت بفارس .. اول ما تحركت البانشي ام فارس صرخت .. ام فارس: واااي .. نزلني .. الكل: ه .. فارس: يمه للحين ما حركت شو فيج .. ام فارس: مابي نزلني .. بوفارس: حرك فارس .. روح .. ام فارس: الحقوني .. فاطمه: تجنن ماما .. ه يوسف " فديتها الدلوعه " .. فارس خذ لفه سريعه مع امه بعدين رجعها .. نزلت ام فارس وهي متخرعه .. ام فارس: وووي بسم الله شلون تركبونها هاذي تخوف .. ماشاءالله عليكم .. عبدالله: فارس ابي اسوقها .. فارس: تسوقها مره وحده .. الكل ضحك على عبدالله: فارس: تعال بخليك تسوق .. الا فيصل اخوك وينه ؟ عبدالله: مع جاسم وسلطان .. بوفارس: اندمجوا مع بعض ماشاءالله عليهم .. فارس ابتسم: يلا بوعابد .. عبدالله مستانس: ياااااي .. عاد خل نسوق بسرعه .. فارس: ما يهمك .. ام فارس: شوي شوي على ولد الناس .. فارس: ان شاءالله .. يتبع .. __________________ |
التكمله
حرك فارس البانشي وطار فيها .. غبر عليهم وهو يضحك .. فارس: شفت شلون غبرنا عليهم ؟ عبدالله: فله والله .. سوق بسرعه .. فارس: مقلوع الولد .. يوسف كان يراقب فاطمه من بعيد ولاقدر يشل عيونه من عليها .. وفاطمه كانت تطالعه من تحت لي تحت .. عبدالعزيز: ايماني امشي وراي .. والريم ورا فاضل .. همس لفاضل .. خل نلعوزهم .. فاضل غمز له: صار .. يلا الريم .. فاطمه: وانا .. يوسف كان راكب البانشي ونزل منها .. فاطمه انحرجت .. علي: مو مشكله يا بوخليفه .. الحين بيرجع فارس وبيركبون معاه .. يوسف: لا عادي .. ركبوا انتوا الحين .. علي: يا ريال خذ راحتك .. يوسف ركب البانشي: زين اركب وراي خل انلعوزهم .. علي ابتسم بخبث: قدام يا ريال .. فاطمه كانت تشوف يوسف وهي مبتسمه .. بوفارس: حبيبة ابوها تعالي انا بنقز فيج .. فاطمه بوناسه: الله بابا بيسوق فيني .. حره ايمانو .. ايمان: لا بابا انا ابي معاك .. بوفارس: روحي مع عزوز .. ايمان: لالالالالا فاطمه كانت تحر ايمان ورهي راكبه ورا ابوها: موتي حره انا مع بابا .. حضنت ابوها بقوه .. يوسف مات على حركات فاطمه " ايه على الدلع .. والله الدلع يغار منها " .. حركوا البانشيات وطلعوا من العزبه .. هيا: شوي شوي .. ما سمعوها لانهم طلعوا بسرعه ورا بعض .. عبدالعزيز وفاضل بهدلوا الريم وايمان .. والبنات كانوا يصارخون ايمان: لا لا .. شوي شوي .. عزوز باموت .. عبدالعزيز: ه الريم: ابي امي .. خلاص وقفوا .. فاضل وعبدالعزيز كانوا يستعرضون ويغبرون على بعض .. وكانوا يسوقون بسرعه خوفت البنات .. يوسف وفاضل اللي كانوا في بانشي وحده كانوا يسابقونهم .. فاضل: يالربع فوق فوق .. الريم طالعت فوق: يا ويلي .. وحضنت فاضل بقوه .. يوسف داس وصعد فوق بسرعه .. و وراه فاضل وبعدهم عبدالعزيز .. اما بوفارس كان وراهم بس يمشي على هونه وفاطمه كانت مستانسه وتضحك على الريم وايمان .. فاطمه: لعوزوهم الشباب .. بوفارس: ه .. محد قالهم .. انا اشوف فضول وعزوز يتناقزون .. فاطمه: .. مساكين .. شوف صعدوا فيهم فوق .. بوفارس: تمسكي فيني عدل عشان نصعد وراهم .. فاطمه: ان شاءالله .. ساق بوفارس بسرعه وركب ورا الشباب .. لقى الشباب واقفين .. الا يوسف وعلي كانوا يدورون بالبانشي .. بوفارس: ه .. ها يا بنات ؟ الريم: عمي ركبنا معاك .. ايمان: الله يخليك بابا .. فاضل وعبدالعزيز: ه .. بوفارس: عساكم .. البنات: لا لا لا .. بوفارس: يلا نرجع .. علي ويوسف نزلوا بسرعه لدرجة انهم كانوا بينقلبون .. بوفارس: شوي شوي يا عيال .. فاطمه " فديته " .. عبدالعزيز وفاضل بهدلوا الريم وايمان .. البنات كانوا يترجونهم .. بس الشباب كانوا يضحكون عليهم ويلعوزونهم زياده .. رجعوا العزبه والبنات او ما وقفت البانشيات نزلوا وهم معصبين على الشباب .. الريم: سخافه فيكم انتوا الثنين .. ايمان: توبه اركب معاك يا عزوز .. الريم: وانت بعد يا فضول .. فاضل: هاي جزانا ونسناكم .. عبدالعزيز: ما يبين في عيونكم .. خلاص فضول ما نركبهم مره ثانيه .. الريم: من يقول ان بنركب معاكم مره ثانيه .. ايمان: في احلامكم .. دخل فارس اللي كان معاه عبدالله .. فارس: ها بهدلوكم .. ه ايمان: اي اضحك شعليك .. عبدالله مبتسم: شفناكم .. كنتوا تصرخون .. الكل: .. الريم: زين جي حتى اليهال يتمسخرون علينا .. فاضل: انتوا وايد مسوين نفسكم رقيقات .. واااي شوي شوي .. ابي امي .. كان يقلدهم فاضل .. هيا: جي سويتوا .. فشلتونا .. ام محمد: سمالله على البنات .. تعالوا فديتكم .. بوفارس: محد مستانس الا الشيخه .. فاطمه ابتسمت وباست راس ابوها .. ايمان: وعلوه ورفيجكم غبروا علينا .. علي: ه .. انا مالي خص هاي يوسف .. يوسف انحرج لان كل الانظار توجهت له .. يوسف: احم .. فاضل وعبدالعزيز هم السبب .. بومحمد: ادري بهم .. بوفارس: شفتهم يتغامزون .. فاضل وعبدالعزيز طالعوا بعض: ه .. فاضل: بس بصراحه ونسناكم يالبنيات .. الريم: وايد ونستوا البنيات .. فارس: فطيم تعالي بخليج تسوقين .. فاطمه بوناسه: والله .. فارس: اي تعالي .. عبود انزل .. عبدالله: ان شاءالله .. نزل وراح عند علي .. ركبت فاطمه جدام فارس فالبانشي وفارس كان وراها .. ايمان: اي فطوم دلوعتك .. ام فارس: بس اشتغلت سمفونية ايمان مع فطيم وفارس .. هيا حضنت ايمان: فديت اللي تغار .. ايمان: آآه عميمه عوضيني بشوية حنان لميني بقوه .. الكل: .. فارس: حدكم عن دلوعة فارس .. فاطمه: ه .. ايمانوا تضحك .. فارس: احب العوزها .. يوسف " فديتها دلوعة فارس والله " .. وكان يطالها باعجاب .. حرك فارس .. وحركوا وراه عبدالعزيز وفاضل .. وعلي ركب بانشي بروحه وركب معاه عبدالله .. ويوسف ركب بانشي بروحه .. ام فارس: شوي شوي على الولد يا علي .. علي: ان شاءالله .. فاطمه كانت مستانسه انها تسوق البانشي وان يوسف قريب منها .. وهم طالعين من العزبه دخلت سياره عليهم كلهم التفتوا على السياره وسلموا على الشخص اللي فيها .. سلمان: شحالكم يالربع .. وعيونه على فاطمه .. علي: حيالله بوخليفه .. تفضل حياك .. عبدالعزيز: انا برجع مع بوخليفه .. فضول تعال معاي .. فاضل: ان شاءالله .. سلمان: الا طايرين بالبانشيات .. فاضل: فاتك يا ريال .. دخلوا عبدالعزيز وفاضل مع سلمان .. بومحمد شاف سلمان وراح له .. ولحقه بوفارس .. بومحمد: حيالله بوخليفه .. ما بغيت تشرفنا .. سلمان: السموحه بس ما قدرت اخلي الاهل بروحهم .. بومحمد: بغيناك تجي تتغدا معانا اليوم .. سلمان: بكره ان شاءالله .. بومحمد: باذن الله .. سلمان: شحالك بوفارس ؟ بوفارس: هلا والله .. طيب طاب حالك .. انت علموك ؟ سلمان: الحمدلله .. مرتاحين والله .. بوفارس: الحمدلله .. تعال حياك .. عزيز القهوه يبه .. عبدالعزيز: ان شاءالله .. دخلوا الاستراحه مع سلمان وقلطوه .. وتموا يسولفون .. سلمان: ماشاءالله عزبتكم مرتبه .. بومحمد: هاي اول مره تجي ؟ سلمان: لا جاي من قبل مع الشباب .. بس عجبتني مرتبه وكل سبل الراحه والوناسه فيها .. بومحمد: الله يخلي لنا الوالد .. هو اللي مهتم فيها .. سلمان: الا الوالد وينه .؟ بوفارس: مشغول مع شيشته .. سلمان: .. الله يخليه لكم .. بومحمد: تسلم والله .. ضربت في راسي الشيشه .. قوموا نروح له .. سلمان: وانا بعد .. يوم قلتوا شيشه بغيتها .. بوفارس: يلا .. راحوا عند الجد وسلم عليه سلمان .. وقعدوا يشيشون اربعتهم ويسولفون .. عبدالله: روح بسرعه .. علي: لا بابا خلنا جي احسن .. عبدالله: فارس كان يروح بسرعه .. يلا عاد .. علي: لا يبه .. فروس مينون انا مو مينون مثله .. عبدالله: زين بس خل نسابقهم .. علي مبتسم: فالك طيب .. وداس علي .. وعداهم .. فاطمه: قوله شوي شوي الولد معاه .. فارس: ما عليج من هالولد مقلوع .. فاطمه: تصدق شكله مو غريب علي .. مادري من يشبه ؟ فارس يغير الموضوع: زين اختي شو فيج تمشين شوي شوي .. دوسي شوي .. فاطمه: ه .. زين .. الا محمد وينه ؟ فارس رفع حاجب: حمودي عايش عالم ثاني مع زوجته .. فاطمه: وانا اقول مالهم حس كلش .. فارس: الله يهنيهم .. " واتمنى محمد يعقل عن اللي يفكر فيها " .. فاطمه: ان شاءالله .. وعقبال ما تختلي بزوجتك يا فارس .. فارس مبتسم: .. فاطمه: ليش تضحك ؟ فارس: ولا شي .. يوسف: بونايف .. فارس: عيونه .. يوسف مبتسم: فديت عيونه والله .. تعال لقينا ضب .. فارس: اختي شوي ايدج خل اروح صوبهم .. فاطمه: شو لقوا ؟ فارس: ضب .. فاطمه: يا مامي .. فارس: .. راح صوبهم وكان علي ماسكه .. وعبدالله مستانس .. فارس: وحليله صغيرون .. علي: فطيم تعالي شوفيه .. فاطمه: اشوفه من هني .. علي قرب من فاطمه: عيل انا باجيج .. فاطمه بخوف: لا لا لا .. لا شعوريا يوسف خذ الضب من ايد علي .. يوسف: شفيك ياخي .. علي وفارس استغربوا ردة فعل يوسف .. علي: كنت بخوفها بس .. عبدالله: عطني اشيله شوي .. علي التفت على عبدالله: ماشاءالله عليك .. ما تخاف .. عبدالله: عادي ما يخوف .. فارس: ماشاءالله عليك .. يوسف عطى عبدالله الضب: هاك يالبطل .. عبدالله: ناخذه معانا نوريهم فالعزبه .. علي: ولا يهمك بوعابد .. يلا وراي .. رجعوا العزه وفاطمه ركبت ورا فارس وكانت مستانسه من حركة يوسف .. فاطمه وهي حاضنه فارس وحاطه راسها على ظهره " فديته والله .. يفازع لي ويخاف علي " رجعوا وعبدالله ماسك الضب وركض فيه صوب فيصل وجاسم وسلطان .. عبدالله: صدنا ضب .. فيصل: وووع الله يلوع جبدك يا عبود قطه من يدك .. عبدالله كان يخرهم فيه: بوووو .. سلطان: وده عنا .. جاسم: هيييي .. مناك بعيد بعيد .. عبدالله: ه يالخوافين .. ركض ورهم وهو شايل الضب .. تعالوا يالخوافين .. الربع ركضوا من الخوف .. راحوا صوب بوفارس وبومحمد وسلمان والجد .. سلطان: الفزعه .. بومحمد: شو فيكم ؟ جاسم: عبود ماسك ضب .. بومحمد: بعدي عليه .. بوفارس: مالت عليكم يالخوافين .. عبدالله وصل: يالخوافين .. سلمان كان يطالع عبدالله واستانس عليه .. الجد: بعدي عليك يا ولد .. تعال اشوفه .. عبدالله راح عند الجد: علي لقاه ومسكناه .. شوفهم خايفين .. فيصل: عبود الله يلوع جبدك .. سلطان: شكله يلوع الجبد .. شلون شايله .. بومحمد: ايه عليكم .. والله انك خطير يالنتفه .. مب هين بعد .. سلمان: ماشاءالله عليك .. الجد: صغير هالضب .. هاك يبه روح الحقهم هالمخدين .. عبدالله: ااااااي .. وركض وراهم .. سلمان: من ولده هاذي ؟ بوفارس: ولد رفيج فارس .. والثاني اخوه اللي لابس فانيله سوده .. بومحمد: اسأل محمد عنهم من شوي .. يقول انهم مساكين ابوهم فقير .. ويعورون القلب .. بوفارس: ما جاب لي طاري فارس .. الله يعينهم .. الجد: جزاه الله خير فارس .. والله انه ريال .. سلمان: جزاه الله خير فرحهم .. علي: يوسف شوف عبود لته الصبيان مع الضب .. يوسف: ه .. والله جريء ماشالله عليه .. علي: يجنن .. حبيته وايد .. شفته عند المسبح يوم طب حق اخوه .. يوسف: عور قلبي والله .. صج حنون .. علي: الله يخليهم حق بعض .. الحين بعيد عن البانشيات والشيشه .. والضب .. خخخخخخخخخ .. محمد كان مع ساره يتمشون حول العزبه في الجو الحلو .. الهوا يلعب بخصلات ساره .. ومحمد سرحان بعيونها فرشوا لهم بسطه وقعدوا عليها .. محمد: فديت ساره شيخة البنات .. ساره: محمد ابي اقولك شي .. محمد: قولي يا بعد محمد وهله .. ساره حطت يدها على وي ولامست شفايفه باصابعها .. قربت شفايفها من اذنه وهمست .. ساره: احبك يا محمد .. محمد: آآه يا ساره .. رويتيني بهالكلمه .. من متى وانا انتظرها .. ريحتيني فديت قلبج .. ساره: باعوضك الليالي اللي غبت فيها .. ذيك الايام مرت علي بصعوبه .. محمد حط صبعه على شفايفها: ششششش .. حياتي اللي صار قبل من الماضي ومانقدر نغير فيه شي .. بس نقدر نسوي لمستقبل احسن .. صح؟ ساره: صح يا محمد .. فديتك يا قلبي .. محمد: زين سويره حياتي .. ساره: آمرني .. محمد: ما تفكرين في اخو او اخت حق نايف وناصر ؟ ساره: والله يا محمد انا اشوف انهم بعدهم صغار .. بس دام هاي رغبتك حاضرين لك .. محمد: مشتاق اشيل ياهل بين ايديني .. ساره: ونايف وناصر ؟ محمد: كبروا الله يحفظهم .. ساره مبتسمه: فديتك يا محمد .. محمد مسك يد ساره وباسها " اوعدج اني مافكر في غيرج .. فاطمه بنت عمي و بغض النظر عنها وهي طول عمرها بتم اختي .. اوعدج يا ساره " .. ساره: محمد حبيبي شو اللي تفكر فيه ؟ محمد: ولا شي حياتي .. انسدح على الارض وحط راسه في حضن ساره .. ساره كانت تغلغل اصابعها في شعر محمد ومحمد كان مغمض عيونه مبتسم .. .. يتبع .. __________________ |
التكمله
غابت الشمس .. وكان منظر الغروب رائع .. خالد كان يتمشى مع مريم .. محمد كان عايش عالم ثاني مع ساره فارس كان يكلم مناف .. مناف: هلا حياتي .. فارس: شو اخبارج حبيبتي .. مناف: الحمدلله .. انتوا شخباركم ؟ فارس: الحمدلله .. اخوانج مستانسين والله .. مناف مبتسمه: جزاك الله خير يا فارس .. طلعتهم من جو البيت .. فارس: فديتج يا حياتي .. خلينا من اخوانج الحين .. طمنيني عليج ؟ مناف: انا طيبه فديتك .. فارس بهمس: وحشتيني .. مناف عضت شفتها: وانت بعد وحشتني يا فارس .. فارس: فديتج يا قلبه انتي .. مناف: شسويت اليوم؟ فارس: بالعافيه قعدت من النوم .. يدتي طفرتني لين قعدت .. مناف: ه .. وحليلها للحين تغربلها انت .. فارس: لين بكره بعد .. مناف: زين حبيبي بعد شسويت ؟ فارس: والله ركبت الخيل مع ولد عمي .. مناف: ماشاءالله عليك خيال يا فارس .. اسم على مسمى .. فارس: كلج ذوق الغاليه .. مناف: زين كمل يا حياتي ؟ فارس: اموت فيج لي قلتي حياتي .. مناف بخجل: عاد فارس .. فارس: عاد مناف .. مناف: فديتك كمل عاد .. فارس: ه .. ان شاءالله .. وين وصلنا .. اي يوم ركبنا الخيول انا و ولد عمي .. وبعدين نزلنا المسبح شوي وعقب طيرنا بالبانشيات .. مناف: شلون ؟ فارس: كنا نستعرض .. اقولج عبود اخوج مقلوع .. استخف على البانشيات .. يجنن فديته .. مناف: فديت قلبه والله .. فارس: ليفوتج .. ولد عمي صاد ضب .. وخذه عبود منه .. وتم يلاحق الصبيان جننهم .. مناف: .. فديته والله .. وفيصل شخباره ؟ فارس: لا فيصل اندمج بسرعه مع عيال عمي واخوي الصغير .. عكس عبود .. مناف: ليش شفيه عبود ؟ فارس: كان طول الوت لازق فيني .. ولا يروح عند حد .. وبعدين خذ علينا .. بس ترا طول الوقت معاي .. توقعته يندمج مع الصبيان اللي بسنه بس اندمج معانا اكثر .. ولد عمي وايد حبه .. مناف: فديتهم والله .. جزاك الله خير يا فارس .. فارس: حاضرين الغاليه .. مناف: زين متى بترجعهم ؟ فارس: تو الناس .. خل يستانسون ويتعشون وبجيبهم .. امج كلمت فيصل؟ مناف: اي من شوي .. اول ما رجعت من الجامعه اتصلت له وكلم امي .. فارس: زين خليهم يباتون معانا ؟ مناف: لا حبيبي .. امي ما راح ترضى .. وبكره عندهم مدارس .. فارس: زين يغيبون .. الا بكره اخر يوم بالاسبوع .. مناف: مادري عن امي .. بس ماتوقع توافق .. لو تشوفها اول ما دخلت .. فارس: شو فيها ؟ مناف: قاعده وحاطه يدها على خدها .. متملله من دونهم .. تبيها تنام من دونهم .. مستحيل .. فارس: عيل بكره لي رجعوا من المدرسه بعد بمرهم .. مناف: كلم فيصل خل يقول لامي .. فارس: ان شاءالله .. تم فارس يكلم مناف .. وهو فرحان وعايش بعالم الحب وياها .. سلمان قعد مع الشياب بعدين خذوه الشباب عنهم وراحوا يتمشون فالظلام صوب اصطبلات الخيول .. فارس بعد ما خلص مكالمته انضم لهم .. ومحمد بعد مارجع مع ساره وصلها للفيلا وانضم للشباب .. وعبدالله اخو مناف كان طول الوقت مع الشباب اما فيصل وسلطان وجاسم وفهد كانوا يلعبون ببرأه .. جهز العشا وراحوا الريايل يتعشون في الميلس والحريم تعشوا فالصاله .. كانت الساعه 9 ونص تقريبا .. الشباب توتبوا وحسوا بخمول .. كل منهم حذف نفسه على كرسي فالاستراحه وهم يطالعون التلفزيون .. اما الحريم والبنات كانوا قاعدين صوب المسبح ويسولفون بوناسه .. فارس: حمودي تجي معاي نوصلهم .. محمد: اكيد يا عيوني من غير ما تطلب يا قلبي .. خالد: حالتهم صعبه هالزوجين .. سلمان وعلي: ه .. فارس: ليش هالغيره ؟ خالد: اي غيره الله يخليك .. محمد: قوم يا قلبي قوم نروح عنهم .. سلمان: وحليلكم .. الله لايغير عليكم .. فارس مبتسم: هاي الكلام الحلو .. مو كلام الغيره يا فروس .. الكل: .. خالد: انا من ملجت وانت مستلمني يا فروس .. فارس: اكيد بستلمك .. ماخذ اختي بعد .. خالد: يعني عشان ماخذ اختم بتذلني .. اوريك يا فروس .. فارس: .. محمد: يلا فروسي .. فارس: وراك الغالي .. عبود روح ناد اخوك يبه .. عبدالله: ان شاءالله .. فارس: عن اذنكم يا جماعه خل اجيب اغراضهم من داخل .. خالد: اذنك معاك الشيخ .. طلع فارس من الاستراحه وراح الفيلا .. فارس: درب .. هيا: لحظه ابوي .. الريم و ساره لبسوا شيلاتهم .. هيا: ادخل فديتك .. دخل فارس وهو منزل راسه .. راح الغرفه وخذ شنطة فيصل وطلع .. وهو طالع تنحنح .. فارس: احم احم .. ام فارس: طوف يبه .. الريم كانت تراقب فارس وهي مبتسمه .. انتبهت لها فاطمه .. فاطمه " معقوله كلام فارس صح .. الريم تحب فارس .. بس ليش فارس ما يفكر فيها ؟ عمرها مو عذر .. معقوله فارس اخوي يحب من صجه .. يعني يحب اللي يكلمها ؟ لازم اعرف واكتشف السالفه " .. طلع فارس شايل الشنطه .. نادا على فيصل وعبدالله .. فارس: عبود .. عبدالله طلع راسه من دريشة السياره: .. احنا هني .. فارس مبتسم: .. على بالي للحين مع العيال .. ركب السياره ومحمد اللي كان يسوق .. فارس: استانستوا يا شياب .. عبدالله مستانس: اي ي ي ي .. فيصل مبتسم: اي والله استانسنا .. ما قصرت يا فارس .. عبدالله: مشكور .. مممممم فارس: قول يبه ؟ عبدالله: ابي اقعد عندك جدام .. فارس مبتسم: تعال يبه .. فيصل في لحاف اسود ورا جيبه .. فيصل: ان شاءالله .. عبدالله قعد في حضن فارس .. فارس خذ اللحاف الاسود ولحفه فيه .. عبدالله كان مستانس وايد .. وهم فالدرب حط راسه على صدر فارس ونام من التعب .. محمد التفت وشاف منظر فارس وهو حاضن عبدالله بحنان .. محمد " فديتك يا فارس حنون والله حنون .. ان شاءالله نشوف عيالك " .. اما فيصل اللي كان قاعد ورا اتصل باخته .. مناف: هلا حبيبي .. فيصل: شلونكم؟ مناف: الحمدلله .. فيصل مبتسم: امي وين ؟ مناف: داخل .. تبي تكلمها فديتك ؟ فيصل: لا بس كنت اسأل عنكم .. مناف: استانستوا ؟ فيصل: وايد .. اول مارجع البيت بقولج كل شي .. مناف: وين عبود حبيبي ؟ فيصل: نايم .. مناف: فديت قلبه .. زين متى بترجعون ؟ فيصل: راجعين الحين .. مناف: تعشيتوا ؟ فيصل: اي الحمدلله .. مناف: بالعافيه فديتك .. فيصل: الله يعافيج .. زين يلا مع السلامه .. مناف: مع السلامه .. سكر منها وفارس عرف ان فيصل كان يكلم مناف .. ابتسم وهو يفكر في مناف .. وصلوا بيت مناف .. فارس: فيصل: دخل الشنطه وتعال خذ اخوك .. فيصل: ان شاءالله .. خذ الشنطه ودخل البيت .. ام مناف: هلا يبه .. فيصل حضن امه: يمه استانسنا وايد اليوم .. ام مناف مبتسمه: الحمدلله .. مناف: هلا فيصل .. فيصل: هلا والله مناف .. ام مناف: وين اخوك ؟ فيصل: نايم .. ام مناف: يمه روحي جيبي اخوج ماقدر اروح ريولي تعورني .. مناف: ها .. ام مناف: روحي جيبي اخوج .. لاتعطلون الريال .. مناف: ان شاءالله .. راحت لبست عبايتها وطلعت .. اول ما فتحت الباب ورفعت راسها .. شافت فارس قاعد فالسياره وعبدالله في حضنه .. كان منظر فارس حلو و مؤثر .. فارس اول ما شاف مناف فز قلبه لها .. فارس: فديت هالشوف والله .. محمد التفت على باب بيت مناف .. و بطل عيونه باللي شافه .. محمد " لا اله الا الله .. هاي اللي خذت قلب فارس .. والله يحق له تاخذ قلبه هالملاك .. ماشاءالله عليها " .. محمد انبهر بجمال مناف .. فارس: افتح لي الباب محمد .. محمد: ان شاءالله .. مد يده صوب مقبض الباب وفتح الباب لفارس .. فارس نزل وهو مو مصدق عيونه .. نزل من السياره وهو شايل عبدالله اللي كان نايم .. مشى صوب مناف اللي كانت واقفه ومنزله راسها من الخجل .. فارس قرب منها .. فارس: فديت قلبج يا قلبه انتي .. مناف منزله راسها: هلا فديتك .. فارس وقف يطالعها بحب وحنان .. مناف: هات عبدالله عنك .. فارس عطاها عبدالله: ياليتني عبدالله عشان احط راسي على صدرج .. مناف: فارس بطل ايدي .. فارس قرب عبدالله من مناف .. ولما هي مدت يدها تحت راس عبدالله فارس مسك يدها .. فارس: ان شاءالله .. والله ما ودي اترك يدج يالغاليه .. مناف: فديتك .. امي بتطلع .. فارس مبتسم: فديتك قربج يا قلبه .. مناف نزلت راسها: زين حياتي لازم اروح .. فارس: يا خساره .. بتروحين داخل .. شفتي اللحاف الاسود اللي مغطي به اخوج .. تغطي فيه الليله .. هاي لحافي اللي احبه وايد .. مناف مبتسمه: ان شاءالله حبيبي .. ابتعدت عن فارس خطوتين .. صدت عنه ودخلت البيت .. فارس: نادي لي فيصل .. اول مادخلت مناف نادت فيصل اخوها .. مناف: فيصل الريال يبيك برا .. فيصل: ان شاءالله .. طلع فيصل عند الباب .. فارس: ها يبه تامروني على شي .؟ فيصل: لا والله ما قصرت .. امي كانت بتجي تكلمك بس تعبانه وماتقدر تجي .. فارس: ما تشوف شر .. زين تبون امركم بكره ؟ فيصل مبتسم: والله ودي .. بشوف امي وبرد عليك بكره .. فارس: خلاص انتظر اتصالك يبه .. لو بغيتوا شي اتصلي زين يبه .. فيصل مبتسم: ان شاءالله .. مشكور يا فارس .. وايد استانسنا اليوم .. فارس: الحمدلله .. زين فديتك يلا ادخل و روح ارتاح بكره وراك مدرسه .. فيصل: ان شاءالله .. فارس: مع السلامه يبه .. سلم لي على الوالد .. فيصل: يبلغ .. الله وياك .. دخل فيصل البيت .. فارس ركب السياره وهو يبوس يده .. محمد: يه استخفيت ؟ فارس: ها ؟ محمد: شو فيك تبوس يدك ؟ فارس مبتسم: ولا شي .. محمد: فروس اقولك شي .. فارس: تفضل .. محمد: ماشاءالله عليها ملاك .. فارس ابتسم: وتلومني يا محمد .. محمد: الله يحفظها على هالجمال .. فارس تنهد: آآآآآآه .. محمد: سمالله عليك من الآآه .. بيعنا فالسوق .. فارس: اشتريك يالغالي .. بس .. وسكت محمد: بس شو ؟ فارس: خايف من الجاي .. محمد: توكل على ربك يا فارس .. واللي ربي كاتبه بيصير .. فارس: والنعم بالله .. غمض عيونه وهو مبتسم .. كملوا دربهم للعزبه وفارس مستانس .. اتصل بمناف .. ومحمد كان يسوق بهدوء معيش فارس الجو .. دمتمـ بخير .. __________________ |
ودمتي بخير حبيبتي حوراء ,،
مشكورة وما تقصرين .. |
|
اقتباس:
تسلمين حبيبتي على مرورك ودمتي بود |
اقتباس:
ودمتي بخير |
التكمله
ــــــــــــــــــــــــــــــــــــ فارس و محمد طلعوا من فريج بيت مناف متجهين للعزبه .. فارس كان يكلم مناف .. فارس: فديت ايدينج الناعمات يا قلبه .. مناف باحراج: فارس تدري انتي للحين ارجف .. فارس مبتسم: ليش حبيبتي ؟ مناف: ما توقعت هالحركه .. فارس: فديت قلبج يا مناف .. كان ودي اضمج من شوقي لج .. مناف انحرجت وما ردت .. تموا ساكتين فتره .. وفارس كان مغمض عيونه ومبتسم .. فارس: تعرفين وش اشوف في ظلمة عيوني ؟ مناف بوناسه: وش تشوف ؟ فارس: اشوفج وانا ماسك ايدج .. مناف: فديت قلبك يا فارس .. فارس: للحين اشم ريحتج في يدي .. واي فديت هالريحه والله .. مناف بدلع: عاد فارس .. فارس: انتي تقولين عاد فارس .. انا اطير من اسمع هالكلمه .. مناف بوناسه: ليش؟ فارس: اموت لي قلتيها .. تذبحيني بدلعج .. احس الدلع منج وفيج .. مناف: لا تبالغ حياتي .. فارس: ما بالغ يا قلبه .. اتكلم جد .. انتي غير كل البشر .. عفويه بكل تصرفاتج .. بريئه .. هاديه .. نعومه .. والله لساني يعجز عن وصفج يا مناف .. محمد سمع اخر جمله قالها فارس لمناف .. محمد " الله يكتبكم من نصيب بعض ويستر عليكم " .. مناف: فديت قلبك يا فارس .. وانت ما عليك زود .. وسكتت فارس: كملي .. مناف: احم .. فارس: كملي عشان خاطري .. مناف: وش اكمل يا قلبي .. فارس: كملي ارجوج .. مناف غمضت عيونها وتكلمت: فارس .. اشوف فيك الرجل الوسيم .. الطيب .. الحنون .. قلبك كبير .. كلامك حلو صوتك يجنن .. انت انسان نبيل .. انت انسان اخلاقك عاليه .. مهذب .. وبصراحه شكلك الخارجي له دور .. جاذبيتك .. نظراتك .. حركاتك العفويه .. ابتسامتك .. يا ويلي على ابتسامتك .. لي ابتسمت وانت رافع حاجب .. تجنن يا فارس .. فارس: مبتسم: اموت فيج وفي كلامج .. اموت في احساسج .. انتي كلج على بعضج روعه .. مناف منحرجه: فديت قلبك يا فارس .. فارس: لحظه يا قلبه .. التفت على محمد .. حمودي وقف عند الماركت ابي اخذ اغراض .. محمد: عيوني لك يا بونايف .. فارس غمز له: هلا يا قلبه انتي .. مناف: شفيك حبيبي ؟ فارس: بانزل الماركت باخذ لي شوية اغراض .. شو في خاطرج حبيبتي ؟ مناف مبتسمه: مابي شي حبيبي .. فارس نزل من السياره: خلج معاي عالخط وانا اشتري .. مناف: ه .. ليش يعني ؟ فارس: ابيج على طول معاي وفي كل شي .. مناف: ان شاءالله .. فارس: حمودي بتنزل .. محمد: اي .. الحين جايك .. فارس: اوكي .. دخل فارس الماركت ومناف معاه عالخط .. دخل وراه محمد وهو يطالع فارس بوناسه .. محمد: فروس .. شو رايك ناخذ مسدسات ماي ؟ فارس: لحظه حياتي .. ممممممم ليش لأ .. خل نلعب بهم .. محمد مبتسم بخبث: انا وانت ناخذ الكبار وحق الباقي ناخذ الصغار .. فارس: حبيبي اللي يفكر نفس تفكيري .. محمد وفارس: .. محمد: خذ راحتك الشيخ انا بطلب من البايع يجيب لي .. فارس: ه .. باخذ راحتي .. هلا يا قلبي .. مناف: هلا حبيبي .. فارس: ها شو قالكم فيصل ؟ مناف: فديته مستانس .. انا دخلت اكلمك وهو للحين يقول لامي اللي صار .. فارس: وحليلهم .. مناف: بس من كلام فيصل .. مبين عليهم استانسوا وايد .. فارس: اقولج طيرتهم .. طبعا فيصل مع عيال عمي واخوي .. بس مثل ما قلت لج عبود كان معاي طول الوقت .. لا ومقلوع عبود ركبته البانشي .. الا يقولي روح بسرعه .. ذبحني من الضحك .. مناف: ه .. اول مره ادري ان عبود جي .. فارس: بس ماشاءالله عليهم مهتمين ببعض .. وما عليهم خوف .. مناف: اي الحمدلله كبار وشايلين نفسهم .. فارس: ماشاءالله عليهم .. زين حياتي لحظه شوي بس احاسب الريال .. مناف: زين حبيبي .. دفع فارس للبايع .. ومحمد خذ الاغراض وطلعوا من الماركت .. ومناف مع فارس على الخط .. محمد: بتسوق ولا اسوق ؟ فارس: انا بسوق انت ريح يا عيوني .. محمد مبتسم: كلك ذوق .. فارس ابتسم لمحمد: زين حياتي حاولي مع امج اخليهم يباتون بكره معانا ؟ مناف: مممممم .. انا بشوف فيصل وبحاول مع امي .. بس ما اوعدك انها بتوافق .. فارس: زين حاولي معاها .. فالليل احنا نشوي وتكون السهره حلوه .. مناف: كلم فيصل وقوله هالكلام عشان يقوله لامي وانا بحاول اقنعها .. فارس: بكره الظهر بكلمه .. تم فارس مع مناف ومحمد كان مرجع الكرسي ورا وحاط ايده ورا راسه ورافع ريله على الطبلون .. كان يفكر في ساره وفاطمه .. محمد " لازم احط حد للي اسويه .. مابي اخسر فارس .. ومابي اخسر ساره .. فارس ما لمح لي الا قالها في ويهي ولازم عاد استحي على ويهي .. بس الله يهدي ساره هي السبب اللي خلتني افكر في فاطمه .. لا فاطمه لها ذنب ولا انا .. آآآآه يا ساره .. لازم اكون اقوى من مشاعري .. ساره هي زوجتي وحب حياتي .. ما راح اخلي افكارها ولا كلامها يأثرون علي .. وفاطمه بنت عمي بتم طول عمرها اختي وبنت عمي .. غلاتها في قلبي غلاة الريم واسماء .. آآآآه " .. وصلوا العزبه وفارس سكر من مناف ونزل هو ومحمد عشان ينزلون الاغراض اللي شروها .. محمد: فروس اقولك شي ؟ فارس التفت على محمد: قول ؟! محمد: لا تخلي شي في هالعالم يفرق بينك وبينها .. فارس مستغرب: محمد شو مناسبة هالكلام ؟ محمد: انت طيع شوري وما راح تخسر .. حط يده على كتف فارس وضغط عليه .. فارس مبتسم: ان شاءالله .. نزلوا الاغراض و دخلوها الفيلا .. وراحوا صوب الاهل اللي كانوا متجمعين حول المسبح .. اللي يسولف واللي فالمسبح واللي يتمشى .. محمد قرب من ساره: وين اليهال ؟ ساره التفت عليه مبتسمه: رقدهم من شوي .. محمد قعد جنبها: ها شو تسون ؟ ساره: والله مثل ما تشوف .. كلن مشغول .. محمد: الغاليه خاطري في نسكافيه من ايدينج الحلوات .. ساره مبتسمه: يه .. شو هالطواري ؟ محمد: ه .. والله واحنا فالطريق وانا في خاطري .. ساره: حق السهر .. محمد: لا بنام صدقيني .. ساره وهي قايمه: تبيه بالحليب ؟ محمد: اي .. ساره: ان شاءالله .. راحت المطبخ .. ومحمد يراقبها .. تم يطالع اللي حوله .. شاف مريم والريم يسولفون صوب المسبح .. ايمان وفاضل وعلي كانوا يركبون الكايت ( الطياره الورقيه ) الشياب مشغولين بشيشهم .. فارس حاط راسه في حضن امه ويسولف معاها .. سلمان ويوسف وعبدالعزيز وخالد صوب الطيور .. فاطمه كانت قاعده بروحها بعيد عنهم .. كانت تتأمل السماء بنجومها .. ابتسم لما شاف فاطمه .. قام من مكانه وراح المطبخ حق ساره .. دخل شوي شوي و طوقها من خصرها .. ساره فزت والتفت عليه بخوف .. ساره: محد شو تسوي .. محمد وشفايفه في رقبة ساره: شو فيج الغاليه .. ؟ ساره: محمد احنا فالمطبخ .. محمد: زين ادري .. ساره: عاد فديتك .. محمد مبتسم: زين احنا مانسوي شي .. وحط يده على كتفها .. ساره ابتسمت: زين وخر شوي ابي اخذ السكر .. محمد: واذا ما وخرت ؟ ساره تضحك: لا بتوخر .. محمد لزق فيها وطوقها بايدينه: واذا قلت ما راح اوخر .. ساره: محمد يا علك العافيه .. قوم لحد يدخل .. محمد تركها وهو يضحك: ه .. ساره وهي تذوب السكر في النسكافيه: على شو تضحك ؟ محمد: عليج .. شكلج خطير وانتي متخرعه .. ساره: لا والله .. زين تفضل النسكافيه .. ومدت يدها .. محمد خذه من يدها: تسلم الايادي .. ساره: بالعافيه حبيبي .. وقعدت جنبه .. محمد: الله يعافيج .. تموا يسولفون ويضحكون فالمطبخ .. دخل عليهم بومحمد .. بومحمد: يه .. قلت الاماكن قاعدين هني .. الجو يجنن برا وانتوا قاعدين هني .. محمد: .. ساره: كنت اسوي نسكافيه لمحمد وخذتنا السوالف .. بومحمد: ساره يبه ابي الفحم .. ساره قامت تدور في الادرج: والله مادري وين يحطونه .. بومحمد يدور معاها والتفت على محمد اللي كان مندمج مع كوب النسكافيه .. بومحمد: يعني مسوي نفسك مندمج مع الكوب .. محمد رفع راسه: ها .. بومحمد: وهوا .. محمد: زين زين .. ساره ماتت من الضحك على محمد: .. تستاهل .. محمد: انا بطلع عنكم وانتوا دوروا الفحم .. ساره: .. شرير شرد بومحمد: ه .. ساره: لقيته عمي .. بومحمد: بارك الله فيج .. ساره سحبت الكيس: هاك عمي .. بومحمد: عنج يبه .. خليه ثقيل انا بشيله .. ساره غسلت يدها .. اما بومحمد خذ كيس الفحم وطلع .. طلعت وراه ساره وراحت صوبهم عند المسبح .. هبت عليهم نسمة هوا حلوه .. فاطمه كانت قاعده بعيد شوي عنهم .. والهوا يلعب بخصلات شعرها .. غمضت عيونها وهي مبتسمه .. رفعت راسها وفتحت عيونها وتمت تتأمل النجوم في السماء .. سلمان كان واقف مع الشباب وهو يراقب فاطمه .. تنهد وطلع زقارته ودخنها .. خالد: سلمان انت ادخن ؟ سلمان وهو ينفخ: اي .. خالد: اول مره اشوفك !! سلمان: مو وايد .. تجيني فترات ادخن وايد .. وفترات ماشتهيها .. خالد: اها .. سلمان مد يالزقاره حق خالد: تجرب ؟ خالد مبتسم: لا تسلم الشيخ .. الشيشه وابي اقطعها .. سلمان: .. يوسف التفت يشوف فاطمه وهو مبتسم " فديت الرومنسيه اللي قاعده تتأمل النجوم .. فديت هالعيون اللي باينه وسط الظلمه .. سرحانه يعلني افداها ." .. سلمان كان يشوف يوسف وهو مبتسم .. قرب منه .. سلمان: تحبها ؟ يوسف انحرج: نعم .. سلمان ابتسم: الله يوفقك يا يوسف .. يوسف: دعواتك الغالي .. سلمان: والله ادعي لك .. عبدالعزيز بلقافه: انا بعد ادعوا لي .. الكل: ه .. خالد: عزوز ملقوف .. سلمان: ندعي لك الغالي .. عبدالعزيز: ما تقصر .. بس وش عليه تدعي ؟! الكل: .. فاطمه التفت عليهم وهي مبتسمه .. شافت واحد يدخن ويطالعها .. صد عنها ومشى بعيد .. فاطمه كانت مستغربه منه .. فاطمه " من هالشخص ؟ اول مره اشوفه ؟!" تمت تتفكر فيه وهي مستغربه من نظرته لها .. سلمان راح يمشي بعيد .. تم واقف بروحه ويدخن .. كان واقف فالظلام و مو باين غير زقارته المولعه .. سلمان " الله يسعدك يا يوسف بفاطمه .. لا يقين لبعض .. يا رب تكتبهم من نصيب بعض " .. فجأه سمع صوت شخصين وكان الصوت يقرب منه .. خذ آخر نفس من زقارته .. حذفها على الارض وداسها .. مشى كم خطوه لين وقف ورا اسطيل احد الخيول .. يتبع .. __________________ |
التكمله
فاطمه: بصراحه كلامك عدل يا فارس .. فارس: قلت لج البنت اوهمت نفسها .. يالله فاطمه: والله ماعرف كيف بوصلها هالكلام .. الريم بنت عمي وايد حساسه .. اخاف اخسرها .. فارس: والله مشكله يا فطيم .. فاطمه: تدري فارس .. عندي لك فكره اتمنى تغير نظرة ريم ناحيتك .. فارس: شو الفكره ؟ فاطمه: شوف انت خلك عادي معها .. كل ما تشوفها كلمها مثل ما تعودت .. بس دوم قولها اختي .. عيد هالكلمه عليها عشان هي تاخذ عليها .. فارس: مممممم .. والله مادري .. فاطمه: شوف يعني لي شفتها سلم عليها بس تعرف شو تقول لها ؟ فارس: شو ؟ فاطمه: قولها شحالج اختي الصغيره ؟ ولا لي مدحتها قول حلاه على اختي الصغيره والله .. ولا قول كل شي ولا اختي الريم .. خلها تحس ان اهتمامك لها اهتمام اخو باخته .. فارس: والله انا اعاملها على هالاساس .. فاطمه: ماختلفنا .. بس بحكم انها بدت تكن لك مشاعر لازم تغير نظرتها لك .. وعشان ما تجرحها نسيها مشاعر الحب قبل ما تتطور عندها وتصير عشق .. خلها مشاعر اخوه ابديه .. عشان طول عمرها تعدك مثل اخوها .. شفت شلون انا اتصرف مع خالد ولد عمي .. مره بابا سألني عن خالد .. فارس باستغراب: شلون ؟ فاطمه: لما خالد تكلم عن مريم .. بابا زعل شوي .. قالي كان ودي يطلبج انتي .. قلت له عاد خالد يا بابا .. بابا استغرب على باله ان خالد ما يعجبني .. قلت له انا طول عمري عاده خالد مثل اخوي واتعامل معاه على هالاساس حتى لاحظ خالد شلون كان يتعامل معاي وشلون يتعامل مع مريم اختي قبل ما يخطبها .. كان يستحي لما يكلمها بس لما يسولف معاي جني واحد من الشباب .. فارس: .. الله يغربلج حلوه ذي واحد من الشباب .. فاطمه: ه .. زين انت تعامل مع الريم جي .. وانا بدوري بلمح لها بطريقه او غيرها انك تعدها اختك .. فارس مبتسم: فديتج يا فطيم .. الله يكملج بعقلج .. فاطمه: فديت قلبك يا فارس .. والله فديتكم كلكم .. احبكم حب كبير .. فارس: الله يخلينا لبعض .. فارس مسك يد فاطمه: يلا فديتج نرجع لهم .. فاطمه: يلا فديتك .. مشوا مبتعدين عن سلمان راجعين عند الاهل .. سلمان تقدم الخطوات اللي رجعها .. ولع له زقاره ودخنها وهو يفكر في فاطمه .. سلمان " ماشاءالله عليها .. عاقله وعقلها كبير .. الله يكملها بعقلها .. والله انك محظوظ يا يوسف لو هالبنت حبتك و الله يوفق بينكم .. هالبنت كنز والله انها كنز .. الله يحفظها ويكتبها من نصيب يوسف " .. نفخ الدخان وحذف الزقاره .. راح عند الشباب واستأذن منهم عشان يرجع البيت .. سلمان: يلا يا جماعه انا بامشي .. بوفارس: وين يا سلمان بات عندنا الليله .. سلمان مبتسم: لا الغالي ماقدر اخلي الاهل .. بوفارس: زين كان جبتهم معاك .. سلمان: ما يقدرون يخلون اشغالهم .. بوفارس: بارك الله فيهم وفيك .. سلمان: الله يسلمك الغالي .. التفت على يوسف .. ها يبه تبي شي ؟ يوسف: لا سلامتك خالي .. هالله هالله بنفسك فالدرب .. سلمان: ان شاءالله .. خالد: نوصلك لين الطريق العام .. سلمان: لا يبه ماله داعي .. علي: يلا بالبانشيات بنمشي وراك .. عبدالعزيز: قدام يا ولد وركض صوب البانشيات .. وركض وراه فاضل وباقي الشباب .. سلمان مبتسم: مقاليع هالشباب .. خالد: يلا بنوصلك .. سلمان: على راحتكم .. عبدالعزيز وفاضل وعلي ويوسف وخالد .. كل واحد منهم ركب بانشي .. سلمان ركب سيارته وركب معاه محمد طلعوا الشباب قبل سلمان بالبانشيات .. وسلمان لحقهم بالسياره وتم يسولف مع محمد .. محمد: سلمان .. ما تفكر فالزواج ؟ سلمان مبتسم: لا والله مافكرت .. محمد: وماتفكر .. سلمان: حاليا لأ .. ماحس نفسي مستقر .. محمد: الله يسر امورك .. سلمان: آمين .. الا فارس وينه ؟ محمد: نايم فالعسل الولد .. سلمان ومحمد: .. سلمان: الله يوفقه .. محمد: آمين .. فتح الدريشه .. هييييييي شوي شوي يالمقاليع .. سلمان: والله انهم مقاليع .. محمد: خلود ولا جنه توه مالج .. سلمان: .. شوفه شلون يغبر عليهم .. محمد: الله يهديهم .. الشباب كانوا يغبرون على بعض بالبانشيات .. خالد: شباب هالتغبيره اهداء خاص حق علي اخوي .. وتم يدور حول علي وغبر عليه .. علي: اوريك يا خلود .. وتموا ثنينهم يدورون ويغبرون لين انعدمت الرؤيه من الغبار .. يوسف: قدام يا شباب .. فاضل: وينكم ما شوفكم .. سلمان تم يهرن لهم عشان يتبعون الصوت .. تجمعوا كلهم عند السياره .. محمد: هيييييي خفوا في هالليل .. في عزب حولكم .. خالد: شوف العزبه اللي هناك .. وأشر على يساره .. محمد: اي شو فيها ؟ خالد: عزبة المقاليع .. بسندرهم .. محمد: خلود اذكر ربك على هالليل .. خالد: مو مشكله .. زين يلا حركوا .. سلمان: شوي شوي شباب ظلام والواحد ما يشوف شي .. حرك سلمان والمقاليع .. اقصد الشباب وراه .. وصل لين الشارع العام .. وقف ونزل محمد وركب ورا علي اخوه سلمان: ما قصرتوا شباب .. الكل: حاضرين .. سلمان: تحملوا بانفسكم .. وعن الينون في هالليل .. يوسف: حاضرين الغالي .. سلمان: والله انتوا مو صاحين .. الناس ليل وانتوا في بر .. خفوا احسن لكم محمد: ولا يهمك الغالي .. سلمان: يلا يا جماعه تصبحون على خير .. الكل: سلااااام .. حرك سلمان متجه للعاصمه اما الشباب رجعوا العزبه .. وفي طريقهم للعزبه استعرضوا في الظلام .. الا جاتهم سياره فيها 4 شباب .. كبسوا لهم عشان يوقفون .. خالد: هلا والله هلا .. محمد: من ؟ خالد: الحبايب .. علي: خليلوه وعيال عمه .. محمد: شو عندهم ؟ خالد ولع ليتات البانشي وكبس لهم .. نزل له خليل معصب وماسك بيده عصى .. خليل: انتوا سندرتونا .. خالد بصوت عالي: وخير يعني .. خليل ميز الصوت: خير فعينك .. انت ماتوب .. خالد: اذا انت تبت انا بتوب .. خليل ركض صوب خالد ورافع العصى: اوريك يا خلود .. خالد نزل من البانشي وركض صوب خليل وسدحه على الارض .. نزلوا الشباب اللي كانوا مع خليل بالسياره .. اما اخوان خالد وعيال عمه سبقوهم .. محمد: يوسف روح العزبه بسرعه جيب فروس وقوله يجيب السلاح .. بس لاتقولون لاحد .. يوسف مستغرب: ها .. ان شاءالله .. حرك البانشي وهو دايس بها لين العزبه .. اما الشباب فكانوا يتضاربون .. خالد مسك خليل وضربه ضرب .. وخليل قام وكسر العصى على ظهر خالد .. محمد ركض صوبهم وشات خليل على وي .. والشباب اللي مع خليل واحد منهم خذ حصاه كبيره وحذفها على خالد .. جات الحصاه على كتفه .. خالد: آآآي .. رفع راسه والشرار يطلع من عيونه .. ركض صوب اللي حذفه بالحصاه .. ذزه بقوه على الارض وتم يرفع راسه ويضربه فالارض بقوه .. قام عنه وكمل على الباقي مع الشباب .. يوسف اول ما وصل العزبه تم يركض ومو عارف وين يروح .. يدور فارس ولا هو عارف مكان فارس .. شاف فاطمه وركض صوبها بسرعه يوسف يلهث من التعب: وين فارس ؟ فاطمه بخوف: ها فارس .. فارس داخل .. يوسف: ناديه بسرعه الله يخليج .. فاطمه بخوف: ان ن ن انشاءالله .. ركضت داخل بسرعه وهي ميته من الخوف .. يوسف وقف مكانه و غلغل اصابعه في شعره ومسح وي وهو يتلفت خايف حد من الشياب يطلع او يسمع شي .. فارس كان غرقان بالحب .. دخلت عليه فاطمه وهي تلتقط انفاسها .. فاطمه: فارس .. فارس الحق .. فارس قام من مكانه متخرع: شو صاير .. فاطمه: رفيجكم جاي والخوف باين عليه .. ويبيك برا يسرعه .. فارس طلع من الغرفه بسرعه .. لقى يوسف متكي على البانشي ومنزل راسه .. فارس: شصاير يوسف؟ يوسف التفت على فارس: فارس بسرعه تعال الشباب متعافسين برا .. يقولك محمد جيب معاك السلاح .. فارس: ها .. مع من ؟ يوسف: خليل وربعه .. فارس عصب وتنفس بقوه: خليلوه .. طلع مفتاح السياره من جيبه وحذفه على يوسف .. شغل السياره وانا وراك دخل فارس داخل خذ من الكبت عصايه سوده ثقيله .. نفس اللي يستخدمونها الشرطه ( العجره ) .. طلع من الغرفه وهو يركض .. فاطمه نادته .. فاطمه: فارس شو صاير .. فارس وهو يركض برا: لا تقولين لاحد شي .. لو سألوا عنا قولي لهم برا وبس .. فاطمه بخوف: فارس .. فارس: فديتج خل اروح الحين بسرعه .. فاطمه خنقتها العبره راحت الغرفه وتمت تصيح .. اما فارس ركب السياره .. فارس: حرك يوسف .. يوسف: ان شاءالله .. يتبع .. __________________ |
| الساعة الآن 03:49. |
Powered by vBulletin® Version 3.8.7
Copyright ©2000 - 2025, vBulletin Solutions, Inc.
منتديات روعة الكون