|
يعني بنهايه
البنت جود عاشت مع أبوها اللي مع ام عبد العزيز قصه رووووووووووووووعه وحزينه والله بكيت ونا أقرئها |
ثــآنكس على المشاركـ’,
اقتباس:
بس انتظر الردود ’’ يسلموو على المتابعة ’’ |
ثـــتآنكس على المشاركـــة’’
اقتباس:
ويسلمو يا الغالية على المتابعة نــورتي ’’ |
يسلمووووووووووووووووووو والله تعبتني وانا اطلب التكمله
يالله نستنى الجزء الجاي منك ولا تتعبني ه |
ثـــــــآنكس على المشاركـــة ,
اقتباس:
ولايهمكـ’ اليوم بنزلها ’’ وآسف مرة ثانية والله من يوم غيرت ايميلي ما فعلوا عضويتي المهم مشكورالف شكر على المتابعة ’’ |
يلا الجزء الثامن’’ وانشاء الله ينال اعجابكم ’’,
|
الجـــزء الثــآمــن ’
... الجزء الثامن ...
بانت عيلها ملامح الأنوثه وجمالها كل ماله يوضح اصبح عمرها 14 لم تعد تلك الطفله التي تلهو في ممرات المستشفى الأن اصبحت ابنة رجل الأعمال الدكتور مشعل والي كان من ابرز الشخصيات في البلد اشتهرت بجمالها با المدرسه وفي العائله كانت تاخذ من سارا عيونها وطولها وبياضها اما شعرها فكان اسود سواد الليل طبعا هذا الشي من صفات مشعل ولكن سبحان من سواها .. "جود ذات جمال باهر بياضها و شعرها الحرير الاسود وعيونها كانت وسيعه وزرقا وانف مثل السيف اما شفتها فكانت مثل الكرز صغيره وممتلئه وتطبع الغمازات خدودها " ... الخبر ... ... بيت مشعل ... في بيت مشعل والي كان عباره عن قصر والدخول الى ذاك القصر مو بسهوله نظرا لمركز مشعل الأجتماعي .. ست بوابات تفصل هذا القصر عن العالم الخارجي ولكل بوابه مدخل فكان مدخل القصر عباره عن شارع طويل تتخلله الأشجار والنخيل والأنوار الصفراء وعند وصولك للمدخل هناك نافوره تلف السياره من حولها لتوقف عند الباب الخشبي وملحق الرجال كان على يمين القصر اما ملحق عبدالعزيز كان بجانبه ولاكن يفصل بينهم جسر وتحت الجسر بحيره صغيره ومن حولها العشب الأخضر والي يعطي المنظر رومنسيه اما الج الخلفيه فكانت عباره عن حمام سباحه كبير وطاولات للحفلات والعزايم واسطبل للأحصنه وهذي كانت هواية عبدالعزيز وملعب باسكت " كرة سله " وهذي كانت هواية شموخ وفي زوايه من زوايا القصر وعند احدى بواباته يوجد خيمه ومشب لسهرات الشتاء .. وفي الداخل كان الدرج يتوسط القصر وكان دائري وملتف ويعطي المكان فخامه وطبعا كان لكل فرد بهذا البيت سويت خاص فيه ومن ضمنهم جود..... " بعد صلاة المغرب " في سويت جود سعاد: طال عمرك عمتي تقول اصحي وتبيك تنزلين لها جود وهي تفتح عيونها بتعب : طيب قوليها جايه سعاد وهي احدى خدم العايله وكانت من اصل افريقي وزنجيه ولاكنها عاشت بها البيت من ولادة ممدوح... صحت جود وهي تسحب نفسها وتمتم: وش تبي هذي بعد مو كافي اني ماتغديت اليوم من نكدها رجعت جود من المدرسه وهي ميته من التعب نظرا للمدرسه الي كانت تدرس فيها وكان دوامها من الساعه 8 صباحا الى الساعه 3 عصرا كان مشعل مصر على ان بنته تتعلم حالها حال اخوانها بأحسن المدارس والمدرسه الي درسة فيها جود كانت من اشهر مدارس الخبر وارقاها مستوى تعليمي وثقافي فكانت تدرس فرنسي ومواد عربيه وانجليزيه هذا غير الرياضه الي تهد الحيل ... توجهة للحمام واخذت لها شور طلعت وهي تلف الروب الوردي وكان شعرها الأسود مبلل ومع عيونها الزرق كان معطيها منظر جمالي وخيالي بنفس الوقت دخلت غرفة الملابس واختارت بنطلون جينزل لاي وست مع تيشيرة اسود وشحاطه سودا كان ذوقها جدا راقي وبسيط بنفس الوقت ..وقفة عند المرايه وهي تلاحظ جسمها ووجها بأستغراب تغيرة وبانت عليها ملامح الأنوثه سرحة شعرها ورفعته وكان كل خوفها من خالتها ام عبدالعزيز وش تبي منها وهي في منتهى التفكير افنتح باب الغرفه شموخ : ياهوووووه ياحلو انت انا مقدر على ها الحلاوه ( وطبعت على خد جود بوسه ) صباح الخير ياقمر جود بأبتسامه: قصدك ليل الخير ه وينك ماعدت تنشافين ولا كننا ببيت واحد شموخ وهي تجلس على الكنبه : ابد والله تعرفين ها الخويات ومشاكلهم كل يوم مع وحده جود: ه وانتي ماترسين على بر الله يرجك شموخ كانت مسترجله وعربجيه ومافيها أي شي يدل على الأنوثه وشاذه وهذا الشي يكثر في مجتمعنا بها الوقت .. شعر شموخ يتميز بقصة فرزاتشي ومن وراى محلق بموس اما من قدام فكانت الزلوف مبينه مره وكان شكلها يعطي هيبه بس هيبة اولاد طبعا جود كانت بعكسها تماما كانت الأنوثه كلها فيها شموخ كانت مسببه قلق للبيت كله من كثر استهبالها ورجتها والكل كانو يستغربون من وين ها الطاقه الي فيها شموخ: اقول نسيت صوح ترى امي تبيك با الصاله ( وغمزت بعينها) شوفي عاد انتي وش مسويه جود بحزن: والله ماسويت شي بس امك الله يهداها حاطه دوبها بدوبي شموخ: ه تدرين من الفضاوه حتى انا احيان تستلمني على اتفه شي بس تدور السوالف حررررررريم ماعليكم شر جود: افا تبريت مننا يعني يابو الشاب .. اقول يا الحبيب شرايك اليوم تعزم اختك اللطيفه على العشا وتغير جو شوي شموخ وهي تفكر: اممممممممم افكر اشوف مدري جود بنظرات ترجي: بلييييييييييز تراني ميته من الجوع وامك ماخلتني اتغدى اليوم شموخ: يؤيؤيؤ ليه وش صا ر جود: تقول اكلي بأدب واحترام وتخيلي تقولي عيب تتكلمين وانتي تاكلين وهي حضرتها ماتطري عليها السوالف الى لمى احط شي بحلقي فأظطر اني اجاوبها وش اسوي فيها والله امك هذي بتجنني شموخ: ه اجل اعطتك الأنظمه من اولها مادام كذا خلاص بعزمك كسرتي خاطري .. مع ان عندي موعد مع حبيبة قلبي بس لعيونك الزرقا كل شي يهون جود وهي تسبل بعيونها: خلاص عاد انحرج انا كذا .. ( وتذكرة ام عبدالعزيز) يؤيؤيؤ عن اذنك نسيت خالتي ....................................... وفي الصاله انفتح المصعد وطلعت جود ومن حضها ان ام عبدالعزيز مو لحالها ولاكان انفردة فيها تنهدة جود وحمدربها على ها النعمه .. ابتسمت وتوجهت للمكان الي تجلس فيه ام عبدالعزيز وعمتها ام هاني ... ام هاني وهي متشققه من الوناسه وتضم جود: هلا هلا بحبيتي هلا بزينة البنات هلا با الحلاكله جود وانصبغ وجا با للون الأحمر: هلا عمتي كيفك وكيفك البنات انشالله بخير .. وينهم ليش ماجبيتهم معاك؟ ام هاني وهي تجلس جود جنبها :الحمدالله ..والله نايمين تدرين مدارس .. يعني انا ما اكفي!! جود: شدعوه عمتي انتي النور كله ام عبدالعزيز كانت جالسه قبالهم ونظراتها كانت تدل على بركان بينفجر طبعا كلنا عارفين ان ام هاني وام عبدالعزيز مايواطنون بعض جود: عن اذنك عمتي .. ام هاني بحزن : وين تونا ماشبعنا منك جود وهي مبسوطه وتهمس بأذن عمتها عشان ام عبدالعزيز ماتسمع: بقولك شي بس ماتعلمين ها النسره ام هاني وهي تساسرها : قولي .. قولي لاتخافين ماراح اقولها جود وهي تقرب اكثر من اذن عمتها : بطلع شموخ عازمتني على العشاء واو وناسه صح ام هاني وهي مبسوطه وترسم ابتسامه على وجا عشان تغيض ام عبدالعزيز: واو خبر حلو غريبه اول مره تسويها ابو الشباب ه الصراحه عرض مغري ومايتفوت اذا على كذا انا عاذرتك ام عبدالعزيز وهي ودها تطب بينهم عشان تعرف وش يقولون: وش ها السر الي بينكم مايصير اعرف ام هاني وهي تطالعها : لامايصير جود: باي عمتو ام هاني : باي حبيبتي وانتبهي على نفسك طلعت جود للدور الثاني ودخلت غرفة شموخ والي كانت ريحة الدخان واصله لأخره جود: :كح . كح حسبي الله عليك ماتبطلين انتي شموخ :وشو الدخان يرووووووووووق المزاج ودك تجربين ( وهي تمد لجود زقاره ) جود: لا بسم الله علي كان سويت شموخ سويت ولد والسلام كان لونه بذنجاني ( بنفسجي غامق) وذهبي ومعلق على جدران الغرفه عناكب ووالعاب مخيفه وكأنه بيت رعب مو سويت وفي الغرفه الثانيه مجلس للربع اذا تجمعو قروب شموخ وهي عباره عن كنبات جلد بني غامق وجهاز تلفزيون كبير وسيديات طايحه بكل مكان هذا غيرالأضاءه الخافته والي تعطي الجو هيبه سويت شموخ عند دخولك له من النظره الأولى تعرف انه مستحيل يكون لبنت ومع نظره وحده لغرفة الملابس والي كانت كلها رجاليه مع الكمدينه ( التسريحه) كلها عطور رجاليه وساعات فخمه ولاكن دفشه وعلى جنب درج كامل سلاسل واساور عليها صور هيكل عظمي وبعضها عليها عناكب وعقارب يعني شي رهيب جود: انا بروح البس عشر دقايق والقاك جاهزه دكوغ شموخ وهي تضبط شعرها با الجيل وتسويه سبايكي من قدام : دكوغ شموخ وكأنها تذكرة شي : جوووووووود تعالي جود وكانت بها الوقت طلعت من الجناح ورجعت : هلا وش فيك شموخ وهي تسكر الباب : اقول انتبهي ود لاتدري محنا ناقصين تنشب هاالبزر جود: حرام عليك .. طيب طيب بس يلله بسرعه وطلعت وهي تركض لغرفتها عشان ود ماتشوفها |
التكملــه ’’ << الجزء الثامن ’’
ممدوح وود تؤام
وجود اكبر منهم بسنتين شموخ 18 سنه وحنان ثاني كليه 22 سنه عبدالعزيز فهو الكبير 26 سنه وفي سويت شموخ وبا الأخص في غرفة الضيافه جود تنتظر شموخ تخلص عشان يطلعون وحنان مرة من عندهم وسمعت صوت وقررة انها تدخل وتشوف وش ها الجمعه وهي شايله كوب كفي وكتاب ( والي نعرفه عن حنان انها دافورة البيت ) حنان بتعجب: ماشالله على وين ؟؟؟ جود وهي تقلب بقنوات التلفزيون: ابد والله معزومه حنان وبعد ماجلست على الكنبه الي مقابله جود: ومن الي عازمك خوياتك ؟ جود: نو اختك المصون شموختي حبيبة قلبي شافتني زهقانه وعزمتني على العشا حنان : افاااا ومن وراي تخططون والله كبرتو يا المبزره وعرفتو تطلعون من دوني الله يادنيا من عقب ما كنت امسك يدينكم واوديكم للملاهي جود: ه ياشيخه عامله فيها كبيره يعني تراك ذليتنا كلها كم سنه وبعدين لا لاتنصبين ماجيت ها البيت الى من سنتين حنان: ه يعني لازم تفشلني .. طيب شموخ وينها ؟ جود: تلبس تدرين اكيد بتقابل احد من خويتها ولازم تكون على سنقة عشره حنان وهي تغمز لجود بنظرات شريره: واختنا الهاديه الي لسانها مايطلع ابد ود تدري الي معروف عن ود بها الليت لسانها وش طوله ماتترك احد بحاله وكان لقبها " عطيات " جود وهي خايفه: لا يرحم امك تكفين احنا متسحبين لو درت راحت علينا تعرفين ود وش يفكنا منها وبها اللحضه كانت ود نازله من الدرج وعلى الصاله ود وهي فاتحه عيونها على اخر شي وترمش: عمتووووو انتي هنا ولا تقولين لي ام هاني : هلا هلا بود ( وسلمت عليها ) ود بفرحه وهي تلف حول عمتها وتدور ورى ظهرها : وينهم .. وينهم ؟؟ ام هاني: منهم الي وينهم بسم الله عليك ود: البنات ياعمه شفيك عبير واروى عبير و اروى هم بنات ام هاني عبير 13 سنه واروى 12 سنه ام هاني: ماجبتهم قلت اخليهم يوم اربعاء ينامون وبكرى اكيد بيحضرون عندك ود: لا لا وش ها الكلام ياعمه الحين بتصل اصحيهم السهره عندي اليوم ام هاني: بكيفك هذا اذا صحو تعرفينهم لو قنابل فوق راسهم ماصحو ود: لا ماعليك انا اعرفلهم ام عبدالعزيز: ود ماشفتي حنان ود: لا مامي الظاهر انها نايمه ام عبدالعزيز : طيب روحي صحيها ونادي شموخ خليهم يسلمون على عمتهم ام هاني: لا مايحتاج خليهم يرتاحون ام عبدالعزيز وهي ترمق ام هاني بنظرات حقد: لا وشدعوه انتي عمتهم الواجب يسلمون عليك طلعت ود وهي متج لغرفة حنان وفي الممر سمعت صوت من سويت شموخ واتجهت له ود وهي داخله وشافت جود بعابايتها :ياسلااااااااااااااااااام على وين يانور العين هاه جود : هااااااااااااااااه .. وشو .... مدري .. ود: ماسمعتي زين اقول على وين ؟؟؟؟ جود: ولامكان بس اجرب عبايتي .. اقول ممدوح يناديني و طلعت جود بسرعه و ركضت على الدرج واتجهت للمطبخ وكانت ود تلحقها ام هاني : بسم الله عليكم وش فيكم يابنات ام عبدالعزيز وكان ودها تذبح جود على ها التصرف الصبياني: وووووود تعال يهنا وطبعا محد التفت وفي المطبخ ممدوح وهو يضيف اخر اللمسات على الكيكه الجديده : وش فيك مرعوبه جود وهي تفتح باب المطبخ الخلفي عشان تطلع على الحوش وتنحاش من ود جود: ولاشي باي ود ودخلت على ممدوح : اقوووووووووول وينها طلعها .. طلعها ( وهي تمسك ممدوح من تيشيرته وتنفضه ممدوح) ممدوح بخوف: مفتاح هي الله يهداك اطلعها ..منهي منهي جود ه ايه تلقينها ( ويأشر لها على غرفة الطعام ) وطلع ممدوح وهو شايل الكيكه للصاله جود بها الوقت صارت با السياره ورفعت الجوال جود: الووووووو شموخ الحقي ود عرفت بسرعه انا في السياره يلله بجيك من الباب الثاني شموخ: وش عرفها هذي بعد يلله انا جايه وفي الصاله ممدوح جلس عند عمته وامه ممدوح وهو يقص الكيكه لعمته ويضيفها وكان لابس لبس المطبخ شكله يموت من الضحك ممدوح: ذوقي ياعمتي كيكتي وابي رايك ام عبدالعزيز: حشى بنت مو ولد انا ياربي وش مسويه بدنتي عيالي مقلوبين انت وكنك بنت ياحبك لها المطبخ واختك كنها ولد لاوفوق كذا تلعب حديد بعد ام هاني : الله يهداك يا ام عبدالعزيز خليهم على راحتهم ممدوح وهو يجلس بجنب عمته : ايه هذا الكلام الحلو والله اني حاس انك بتجين اليوم وقلت اسويلك الكيكه ام هاني: ايه ايه العب علي بكم كلمه .. زواج ماراح ازوجك لين ما اشوف شهادتك الجامعيه وغيره لا تحاول ممدوح: افا هذي اخرتها ياعمتي بذمتك يحصلك واحد مثلي يعني بنتك المصون بتترتاح انا الي بطبخ العشاء والغدا ام هاني: تسويها ما استبعد ممدوح: ياحبيلك ياعمتي ادري مايهون عليك تكسرين بخاطري ام هاني : عاد الكلام يرجع للبنت ممدوح: لا ماعندنا بنات يتشاورن وبعدين ماعليك هي موافقه بس انتي قولي تم ام عبدالعزيز: وانت وش دراك انها موافقه ممدوح: هاه ولا شي مدري اقول يمكن توافق يعني وين تلقى احد مثلي ام هاني: ه ايه ايه طيب صدقتك ممدوح يحب عبير من يومه بس عبيركانت تستعبط وكانها ماتدري واعتاد ممدوح انه يسوي لعبير اكلتها المفضله وهي الازانيا بنفسه ويرفض انها تاكل من يد الطباخ طبعا كلها غيره .... ود وهي تدخل للصاله : ممدووووووووووح تنصب علي هاه وجع وينها طلعها ممدوح بسم الله علي انتي شفيك مافيك رقه نعومه اتيكيت ود: اقول من هذولي اسامي اخوياك .. اقول لا تصرف وين جود ممدوح:وانا وش دراني ود: طيب طيب مردوده ياممدوح ممدوح: اقول غريبه مافقدتي عبير واورى ود وهي تطالعه بنظرة حقد: عبير هاه عبير طيب عناد فيك انا الي بروح لبيتهم كنت ناويه اخليهم يجون بس خلاص غيرة راي ممدوح بعصبيه: طيب طيب طسي عن وجهي لا اقوم اسنعك ام هاني : ه لاحول وهم كذا على طول ام عبدالعزيز: شفتي شلون ام هاني: ياحليلك ياجود لاتهشين ولا تنشين ام عيدالعزيز: ايه با الحيل بس قدامك ام هاني : لالالا جود عاد هذي غير لا تناقشيني فيها يا أم عبد العزيز ........................................... |
تسلم اخوي العايش على القصه الروووووووعه
بليز كملها لاتطول علينا |
ثـــــــآنكس على المشاركـــة ,
اقتباس:
ولا يهمكـ’, راح اكملها بكرة ’, ومشكور على المتابعة ’ |
القصة مررررررررررررررة روعة
يعطيك العافيه نبي التكمله باسرع وقت بلييييييييييييييييييييييييييييييز |
يسلمووو على المشاركـــة ’,
اقتباس:
مشكـور اختي على متابعتكـ’ دحين بكملها ’’ منورة ’’ |
التكملــه ’’ <<
وفي احد شوارع الخبر تنطلق سياره نوع مرسيدس تحمل بداخلها جود وشموخ
جود وهي تنتظر شموخ تنهي مكالمتها شموخ وبعد ماخلصت من المكالمه والتفت على جود الي كانت نظراتها حزينه وترسم الكأبه على ملامحها : جود شفيك ؟ جود وكأنها انتبهت لشموخ واستطردة الحزن الي اجتاحها : هاه ولا شي بس وين بنروح ؟ شموخ: اممممممم شرايك بفدركلز جود: بس مو زحمه اليوم شموخ: طيب احلا شي الزحمه جود: لاعاد يصدع راسي تكفين " جود تكره الزحمه بشكل مو طبيعي وتعشق الأماكن الهاديه " شموخ: ماعليه استحملي اليوم بس تدرين ويك اند ولازم الزحمه جود وهي تلتفت على النافذه وترمق الشارع والناس الي تمر كانت توقف السياره عند الأشاره الي تشيع لون الوقوف وهو الأحمر شموخ وهي تكلم السايق: حسن شغل السيدي حسن: انشالله طال عمرك وانطلق صوت اغنية راشد الماجد يجتاح الصمت ويزيد الحزن في قلب جود المهموم غلطة الأيام احنا ماغلطنا كنا مشتاقين يوم انا افترقنا كلنا ملهوف واحزانه كبيره العيون تشوف وايدنا قصيره لعبت الأقدرا تلعب في هوانا والزمن غدار مايحفظ امانه هذا شي معرف ومن يملك مصيره العيون تشوف وايدنا قصيره ياحبيبي وين كنا وانتهينا صار دمع العين يتحسر علينا الزمن سيوف وجروحه كثيره العيون تشوف وايدنا قصيره تأثرة جود بها الأغنيه كثير حست بضياع داخلها كل تفكيرها بيوم السبت تحسه شي ثقيل عليها وماتقدر تواج .. متردد.. خايفه وتبان الكأبه على ملامحها .. الي انعرف عنها با المدرسه انها متفوقه .. تسأل نفسها( شلون شلون بداوم يوم السبت طيب لو غبت وش بقول لخالتي مستحيل بتسكت واكيد بتسوي لي مناحه لو اني ود ولا شموخ ولاحنان ماكان قالت شي بس انا غير تدور علي الزله .. هذا غيراختباري الي يوم السبت بعد وش ها الحظ مافي مفر لازم اواجه الموقف بكل شجاعه ) " يوم السبت اجتماع امهات بمدرسة جود " وكان همها الكبير هم صديقاتها وش بتقول لهم كل وحده فيهم بتجي مع امها الي هي شلون بتواجه اساتذتها لو سألوها وهم مهتمين انهم يشوفون امها ليشكرونها على تفوق بنتها وكانت كل مره جود تتهرب منهم فكرة انها تقول لعمتها ام هاني بس رجعت بقرارها ( لو عرفت عمتي الكل راح يعرف وبنفضح وبصير مصخره لخالتي ام عبدالعزيز لالا احسن شي اني اوج ها الموقف بنفسي ) وقفت السياره عند احد بوابات مجمع الراشد نزلت شموخ وجود معاها جود : شموخ مالي خلق الدرج خل نطلع با المصعد شموخ: ياربه هذا وانتي مو دبه ابي افهم على وشو كل ها الكسل خليني امقل عيوني با البنات وامتع ناظري شوي جود : اقول يلله بس قدامي خل عنك ها الحركات وصل المصعد دخلت جود وشموخ المصعد ولحقهم واحد ودخل معاهم وطول ماهم في المصعد ماشال عينه من على جود جود وهي تهمس لشموخ: تراني بديت اخاف منه شموخ بصوت خشن ويثير الخوف وهي ترمقه : في شي يا الأخو ؟؟ الرجل الغريب وهو ينتبه لشموخ وبصدمه وخوف منها كونها مسترجله ونزل عيونه با الأرض : لاسلامتك ... وصل المصعد للدور الثالث وتوجهو لمطعم فدركلز ... وعند دخولهم المطعم كان باين الزحمه شموخ وهي تحاول تدور لها مكان فاضي : ايووووووه لقيت ( وسحبت جود من يدها للطالوله الفاضيه) كان المكان منفرد وبزاويه ويعطي نوع من الخصوصيه شوي جلست جود وبا الكرسي المقابل لها شموخ واشرو من بعيد للويتر وتوجه لهم على طووووول الويتر وبعد ما قدم لهم المنيو " قائمة الطلبات" وهو يحمل دفتر صغير وقلم ليحضر لهم الطلب الويتر: would you like to order ? " ماذا ترغبون للطلب " جود وهي تقرا با المنيو وبدون ماترفع عيونها : اممممممممم شموخ وش عجبك شموخ : انا عني ابي هامبرجر تشكن مع البطاطس وانتي ؟ جود وارتسمت عليها ابتسامه وهي تبعد القائمه عن وجا وتكلم شموخ : ابي فاهيتا من زمان عنها شموخ وهي تكلم الويتر: yes,please I,d like a faheta and chicken humbrger with some French fries.. الترجمه " نعم من فضلك .. ارغب بفاهيتا و همبرجر دجاج مع بعض البطاطس المقليه " الويتر: would you like side order? " ماذا ترغبون با الطلب الجانبي" جود: I,d like a salad " ارغب با السلطه " الويتر: what about the drink? " ماذا عن المشروبات؟ " جود : شموخ وش تشربين ؟ شموخ: ببسي جود : وانا بعد مع اني ما احبه بس يلله جود: to pepse وانتهى الطلب اخيرا جود وهي تتفرج على الناس الداخله والطالعه : يالله وش ها الزحمه ( وانتبهت لشموخ وهي تبتسم لبنت كانت تجلس با الج المقابله ) جود: شمووووخ تعرفينها ؟ شموخ: الى اعرفها .. وعز المعرفه بعد .. هذي معاي با المدرسه بس ياهي ثقل ماتوقعت اني اشوفها حتى با الويد اند .. تدرين عاد احوس عليها من اول السنه ولا تفهم وتستعبط ياويل قلبي عليها جود: هونك هونك كليتي البنت بعيونك .................................................. .... وفي بيت ام سالم " اخت مشعل الثانيه " وفي المجلس ام سالم تجلس على الصوفيه الي مقابله التلفزيون وتغير با القنوات بملل ام سالم وهي تصارخ : دانه هاتي جوالي يامال الصمخ صكيتي الفاتوره حسبي الله على بليسك دانه : يؤ يؤ يؤ يلا حبيبي باي باي امي تناديني المتصل: انتبهي على نفسك ياقلبي ...( وسكت شوي وبعدين ).. حبيبتي دندن دانه وبعد ما خقت وداخت ونست امها : عيون دندن قلبها المتصل: احبك موووووووت دانه: آآآآآآه ياقلبي مو اكثر مني و....... ام سالم : دااااااااااااااااااانه وين جوالي هاتيه دانه : يوووووووه نسيت امي يلله با ي...طوط طوط طوط |
التكملــه ’’ <<
دانه وهي داخله غرفة الجلوس : يس مامي وش فيك ريلاكس روقي الدنيا ماتسوى ترى راس ماله جوال يمه تبخلين فيه علي
ام سالم: اقول عن الهذره الزايده واتصي لي على خالتك شوفي وينها .. وبكرى بطلع لك جوال وافتك منك دانه بأبتسامه : يس نجحت خطتي هع هع هع ام سالم : وش تهذربين انتي أي خطه هاه ؟؟!! دانه: ابد يمه سالفه مع خوياتي ماتعرفينها ام سالم : ياكثرهم ها الخويات مايقضون ابد .. اقول اتصلي على خالتس بس دانه بفرح: منو خالتو ام هاني يلبى قلبه والله يؤيؤ اقصد يالبى قلبها دانه بعمر شموخ 18 سنه وهاني 22 سنه بعمر حنان ودانه وهاني تجمعهم قصة حب من نوع ثاني وتقريبا من ايام الطفوله ام سالم : ايه ايه اتصلي شوفي وينها دانه: طبعا مستحيل خالتو تكون با البيت خل اتصل على جوالها وعلى الخط الثاني : الوووووو دانه: هلا هلا خالتو وينك مطول الغيبات وحشتينا موووووت ام هاني : وانتو بعد كيفك وكيف ديما وسالم وامك عساكم بخير؟ دانه : الحمدالله ناقصنا شوفتك ..هذي امي معاك ام سالم وهي تسحب الجوال من دانه : هاتي هاتي اشوف ... الوووووووو هلا هلا بوخيتي شخبارك وعلومك وشلون البنات ؟؟ ام هاني : الحمدالله بخير مادمك بخير وانيت علومك بشريني عنك وعن بناتك؟ ام سالم : الحمدالله على كل حال بس ناقنا شوفتك وينك وش ها القطاعه حشى هذا واحنا بديره وحده ام هاني : اعذريني وانا اختك تدرين مدارس البنات ودوامات ام سالم: الى اقول ورى ماتمرين علينا اليوم نتقهوى مع بعض والله لك وحشه ام هاني: والله ودي بس انا الحين في بيت مشعل ام عبد العزيز وهي تطلب من ام هاني الجوال : هلا بأم سالم شلونك شخبارك ؟ ام سالم ومن ورى السماعه تكش بأصابعها وتتكلم بتصنع : هلا هلا بام عبدالعزيز هلا بمرة الغالي وش ها الجمعه الي من وراي ...... ام عبدالعزيز : ابد والله صدفه هاه ماودك تجين ؟ ام سالم : اكيد ودي بس بشوف بناتي وبشوف سالم اذا فاضي يجيبني ولا لا ام عبدالعزيز بستهزاء : يوووه نسيت ان سواقكم مسافر على العموم اذا مالقيت احد خبريني عشان ارسلك السواق ام سالم : ماتقصرين بشوف وارد لكم .. يلله اجل ما اطول عليكم فمان الله ام عبدالعزيز : فمان الكريم وتسكر الخط ام سالم وهي تنادي : ديمااااااااااااااا . . ديما ويه طالعه من المطبخ : هلا يمه ام سالم : وان امك اطلعي لسالم ناديه نبيه يودينا لبيت خالك مشعل دميا بفرح : والله بنروح لهم .. خل اتصل على ود وعبيرواروى اقولهم الجمعه هناك ام سالم : ايه مو قبل مايوافق اخوتس ديما : طيرررران الحين اروح اقوله بها اللحضات دخل سالم والي هو بعمر عبدالعزيز سالم متزوج وعنده ولد وطبعا زوجته من برى العايله .. وساكن مع اهله بنفس البيت وطبعا له سويت خاص فيه وسالم متشدد شوي وبما ان ابوه متوفي وهو يشيل مسؤلية خواته وامه,وطبعا مستحيل يسكن برى البيت بها الظروف ديما: هااااه الطيب عند ذكره ام سالم: هلا اجلس وانا امك ... سالم : وش فيكم ؟ ام سالم : ابد سلامتك .. وين مرتك وولدك ؟ سالم: وديتها لأهلها بتنام عندهم اليوم .. ليه يمه بغيتي شي ؟ ام سالم : ايه وانا امك بغيتك توديني انا وخواتك يم بيت خالك مشعل سالم: بس كذا انتي تاميرن امر .. بس يمه الله لا يهينك عجلو وراي عزيمه مو ساعه تلبسون وتصبغون وجيهكم دانه وهي داخله وتسمع كلام سالم : هذا اسمه ميك اب انت وش عرفك با الكشخه سالم: أي كشخه الوحده تطلع كنها مهرج تقول كشخه وخري بس خليني اروح اغير ملابسي ديما وهي ميته ضحك وتأشر على وجه دانه : مهرج واوووووووو عجبتني راكب عليك اللقب دانه: هي هي هي ماتضحك ام سالم : يلله يلله قدامي اشوف مانبي نتأخر اخوتس وراه عزيمه مهوب فاضيلكم دانه وهي تصعد الدرج : ديماااا تعالي بسرعه ديما وهي تلحقها : شفيك .. شفيك ودخلت غرفتهم المشتركه وسكرة الباب عشان امهم ماتسمعهم دانه وهي تطمر فوق السرير: وناااااااااااااسه لولولوللييييييييش اخيرا بطلع جوال حالي حال خلق الله وبكلم هنو حبيبي بدون حكرة اخوك هالي مايتسمى هو وزوجته ديما بكأبه وهي تطلع ملابسها من الدرج : اييييه الله يهنيك انا الي بنتظر عشرين سنه على ما اطلع جوال دانه وهي تنزل من فوق السرير وتلف يدها حلو كتف ديما: ياغبيه اذا طلعت انا اكيد بيخولنك تطلعين انتي بعد جوال حالك من حالي شفيك ديما: والله تهقين يعني؟؟!! دانه : ااكيييييييييييد امس حنيت فوق راس امي عشان تقول لسالم وتقنعه تخيلي ان ود وهي ود بنت عمي مشعل عندها جوال واحنا الي اكبر منها ماعندنا فشله والله ديما : ايه والله وانتي الصادقه .. اقول عجلي يامهرج غيري ملابسك قبل لا يجي اخوك ويعفسنا محنا ناقصينه دانه وهي تطلع ملابسها : آآآآآآآآآه اخيرا بسمع صوت حبيبي هاني بدون ازعاج وحنة امي يالبى قلبه ياحبيله والله تصدقين نسيت ملامح وج من اخوك ها العله ديما: ه احمدي ربك ان سالم ماشاف صوره الي عندك والى كان صرت من عداد الأموات دانه: اقول هو الي يحمد ربه لو يشوف بنات المدرسه الي عندنا كل وحده منهم عندها بوي فرند مو واحد عشره وانا مسيكينه على نياتي احب ولد خالتي وذبحتوني عليه |
التكملــه ’’ <<
.................................................. ..
في مجمع الراشد وبا الأخص في مطعم فدركلز جود: اقول ورى ماتروحين تجلسين عندها مو احسن كان منظر شموخ يموت من الضحك ماسكه الهمبرجر وحاطتها عند وجا وكأنها بتاكل بس ماكلت وعيونها طايره على الطاوله الي فيها البنت الي شموخ تتمناها من اول السنه "" شوق " من اول يوم شافتها با المدرسه وحاولو انهم يخلونها من ضمن قروبهم بس قروب خالد اقصد خلود وهي القروب الثاني المشهور في المدرسه والي بينه وبين قروب شموخ عداوه فضيعه ..انتهزو الفرصه وتقربو من شوق وانتظمت لهم بعد توددهم لها بما انهم معاها بنفس الفصل خلود هي مسترجله في مدرسة شموخ ولها مجموعه تتبعها وكل وحده يطلق عليها لقب شموخ كانت تلقب " صلوووح , مسدحهم . اوبو الشباب , الزعيم " هذي كلها القاب خاصه بشموخ اما شلة شموخ فكل وحده ولها ستايلها الخاص فيها ولقبها الخاص فيها بعد وطبعا بنتعرف عليهم لمى ندخل با المدرسه ونشوف حياة شموخ بعيد عن البيت جود وهي تأشر بيدها على عيون شموخ : هييييييييه .. ياهووووو يا ابو الشاب .. يا الحبيب شموخ وهي تنتبه لجود: هاه .. شفيك جود وهي ترجع ظهرها للكرسي وتتسند: وين وصلتي عند الحبايب ( وتغمز بعيناها ) ترى فيه وحده هنا يسمونها اختك انتي عازمتها وصافطتها شموخ: ه والله رحت فيها يوم شفتها .. ( وسرحت شوي ورجعت تكلم جود) .. جود جود وهي تاكل : مممممم شموخ: تهقين انها تفكر فيني ؟؟ جود: والله بيني وبينك انا ماعرف ها السوالف ووش دراني عنها ويمكن يكون ميولها مو بنات شموخ: لا ماعليك منها هي تحب البنات المسترجلات هذي قاضين منها بس تهقين انها تفكر فيني؟؟ جود: اذا على كذا . اكيييييييييييد انتي احلى واحد يا صلووووووووح شموخ وهي ترفع كتوفها وتنح نح : تسلمين يا الدبه دايما تغلبين بكلامك جود: عشان تعزمني مره ثانيه خخخخخخ شموخ: انا اقول مو لله جود وهي حزينه وتذكرة يوم السبت ( بعدة يدها عن الطاوله وخلصت اكلها وكأنها انسدة نفسها ) : شموخ بقولك شي شموخ: وشو قولي جود ونزلت راسها ولمعت عيونها : يوم السبت شموخ : شفيه يوم السبت ؟؟ جود وهي ترفع عيونها بنظرات حزن: اجتماع امهات شموخ : طيب وش فيها غيبي يعني لازم تداومين عادي طنشي واي بنت تقولك شي مس كول وانا اغير ملامح وجا جود بنبرة حزن: وانتي كل تفكيرك اجرامي .. انا ما امزح اتكلم من جد شموخ:وانا بعد اتكلم جد من يستجري يتكلم فيك وانت اختي جود: اذا ماقالو قدامي بيقولون من وراي شموخ : شوفي الي امها داعيه عليها تتكلم وتقول شي امى نسيتها اهلها مني شموخ وبعدين بتكون عضه وعبره للبنات الباقين وبعدها محد بيستجتري يقول شي عنك وانت اختي فهمتي جود: لا لا فكيني مابي مشاكل مع الأداره والبنات شموخ: ه الظاهر نسيتي احنا بنات مين جود: ادري بس حرام ابوي مايتساهل نشوه سمعته كذا شموخ وهي تتشرب البيبسي : اممممممم استغرب منك ياجود تحبني ابوي على كثر الي سواه فيك جود: يظل ابوي ومالي احد غيره شموخ: والله انك رهيفه جود: اقول ماعلينا وش رايك تعزمين شوق بما ان خلود مو موجوده هنا الحين شموخ : ودي ... طيب تهقين توافق ؟؟ جود: توافق ونص لاقيه مثلك وتحمد ربها بعد اقول هذي فرصتك الوحيده وجت لين عندك لا تضيعينها شموخ: على قولتك جود: طيب اسمعي بقولك ها الخطه الجهنميه .... شموخ: الله يتسر منك انتي وخططك.. جود: انتي روحي التوليت الحين وهي اكيد بتلحقك شوفيها من يوم ماجت وهي ماشالت عيونها من عليك شموخ: والله فكره شلون راحت علي هذي .. طيب وبعدين جود : ايه با التواليت شبكي معها عاد هذا شغلك مايحتاج اعلمك بس هاه خليك ثقل و رزه شموخ: ايه ايه اكيد ثقل عشان تخق وتجيني تترجاني بنظره جود وهي تمد لسانه : خخخخخخخخخخخخ شدعوه ريكي مارتن شموخ: يخسي انا احلا منه جود: ايه ايه صح طيب طيب يلله روحي قبل تهون البنت .................................................. ..... في بيت مشعل وفي االصاله دخل عبدالعزيز وسلم على عمته ام هاني ام هاني : حشى وينك ماعدة تنشاف كل هذا دوام !! ممدوح وهو يسلم على عبدالعزيز : لولولوويش انت وينك هاه ما اشوفك الى با الأجازات حشى مو اخوان لا صراحه اشك انك اخوي عبدالعزيز وبعد مارجع جسمه على الصوفه وهو تعبان ومنهك من الدوام : اييييييييه ياعمتي بلاك ماتدري اخوك وش يسوي فيني ممدوح: اقول بودي ودك بقطعة كيك عمايل ايدي وحياة عنيا عبد العزيز : من بودي هذا هاه استج على وجهك انا كبرك مرتين ممدوح: ه شفيك ماتحب ادلعك يعني عبدالعزيز : لا متشكرين مانبي دلعك الماصخ ممدوح : يجي منك اكثر ياحلو والحلو ياكل حلو عبدالعزيز : لا تسلم اخاف تجيبلي السكر من حلاك ذبحتنا فيه غير شوي ممدوح: لالا هذي نوع ثاني هاه ودك تجرب عبد العزيز: وانا فار تجارب عندك .. توني متقهوي با الشركه مابي شي ام هاني : ليه وانا عمتك مضايقك الشغل شكلك تعبان تبيني اكلم ابوك يعطيك اجازه يومين ترتاح ام عبدالعزيز: لا مضايقه ولا شي بس هو مايبي يشتغل مع ابوه با الشركه ام هاني بأستغراب وهي تكلم عبدالعزيز : اجل وين تبي تشتغل ؟؟!! عبدالعزيز : بمجالي ياعمه ابي اكون نفسي بنفسي لمتى وابوي يصرف علي ... ام هاني : وش ها الكلام ياولدي ابوك معتبرك موظف عنده حالك حال أي واحد ومشيلك راتب بناء على دوامك وتعبك وهذا حقك ياولدي ام عبدالعزيز: ايه قوليليه تعبت وانا افهمه واعلمه .. ابوه لو يدري بيزعل منه ام هاني: شف ياولدي انت عارف انك الكبير ولازم تشيل المسؤليه يرضيك يعني ان الغريب يصير ذراع ابوك اليمين وانت موجود مايصير حلال ابوك هو حلالك ولاكبر ممدوح يصير خير ام عبدالعزيز : ه ممدوح خليه هذا بيصير الشيف الظاهر بيصير طباخ الشركه اقولك يا ام هاني ها الولد انسيه اعتبريه بنيه ممدوح: يوووووه وانتو وش عرفكم با الطباخ هاه هذا فن وابداع آآآآآآآآآآه ياحبيله بس يلله اجل انا بطلع ابد ل ملابسي وراي طلعه مع الربع ام عبدالعزيز: على وين انشالله ؟؟ ممدوح: مامي مامي ريلاكس بروح معهم لمطعم جديد يقولون فاتحينه الأسبوع الي فات بشارع البيبسي بقدم عندهم ماتدرين يمكن يقبلوني طباخ ام عبدالعزيز بعصبيه :وشووووووو سوها وشف وش بيجيك اما علمت ابوك ؟ ممدوح وهو يتلفت على نفسه : ابوي ابوي وينه هاه لالا يمه ماتسوينها تكفين يرضيك اندفن با الحياة ام هاني : بسم الله عليك ه روح روح وقلنا شلون طباخهم عشان نروح له احنا بعد ممدوح وهو يغمز لعمته : احم احم مع بعض الناس هاه طيب طيب بوصيهم عليك ..بس هاه لا تنسين الي بينا ام هاني : لا لا ماني ناسيه ام عبدالعزيز: لا نت ولدي ولا اعرفك لو سويتها ممدوح وهو يدخل المصعد ويبي ينرفز امه : يجيك الخبر يمه ام عبدالعزيز وه تشكي لأم هاني : هاه شوفي بعينك تقولين خليهم على راحتهم ياربي وش ها العيال ام هاني : لا تكبرين الموضوع تدرين انه يمزح ..( ام هاني وهي ترجع لموضوع عبدالعزيز) ماقلت لي يا عبدالعزيز ابوك مضايقك بشي ضاغط عليك با الشغل ؟؟ |
التكملــه ’’ <<
عبدالعزيز بحزن : لا حشى ماضايقني بس ياعمتي افهميني انا درست خمس سنوات وتعبت واخرتها ما اشتغل
بمجالي حرام والله حرام . عبدالعزيز خريج هندسة بترول من جاكعة الملك فهد للبترول والمعادن كان حلمه الهندسه من الصغر وكان مشعل مصمم انه يدخل ماليه او محاسبه عشان ينفعه با الشركه لاكن اصرار عبدالعزيز هو الي حط كشعل وام عبدالعزيز بها الموقف الصعب ورضو ولاكن بشروط وقبلها عبدالعزيز عشان مستقبله .. ماتهنى بدراسته كان يدرس با الجامعه ويتشعل مع ابوه با الشركه ام هاني: عاد انتي قسمك مشكله ماله مجال با الشركات عبدالعزيز : آآآآآآآآآآآآآآآآه خليها على الله بس ام هاني: بحالو اقنعه بأرمكو شركه حلوه ومنها تعدل تشوف مشاريع ابوك فيها عبدالعزيز: انشالله يوافق ام عبدالعزيز وكأنها تذكرة ي وتوجه كلامها لعبدالعزيز: الى قولي ابوك وينه ليش ماجا معاك مو عادة يتأخر؟ عبدالعزيز: ابوي عنده اجتماع بهوتيل الميرديان .. وانا عتذرة عن الأجتماع وجيت ب انطلق صوت التيلفون وقطع حديثهم والي كان بجنب ام عبدالعزيز: الو المتصل والي هي ام سالم: هلا ام عبدالعزيز ام عبدالعزيز: هلا فيك ام سالم: بغيت اعطيك خبر ان احنا جاينكم با الطريق ام عبدالعزيز: الله يحيكم ام سالم: يلله اجل مع السلامه ام عبدالعزيز: مع السلامه....طوطوطوط ام هاني: مين الي بيجي؟ ام عبدالعزيز: ام سالم والظاهر معاها البنات اسمع اصواتهم ياربي فشله وجوج وشموخ طالعين ام هاني: شفيها عادي البيت بيتهم وشموخ وجود ماراح يطولون اتصلي عليهم خليهم يجون ام عبدالعزيز وهي تقوم وتطلع لغرفتها : على قولتك بكلمهم الحين ام هاني: طيب كلميهم من هنا ام عبد العزيز وهي متنرفزه من لقافة ام هاني: لا بكلمهم من فوق وابي لي غرض من غرفتي ام هاني: على راحتك عبدالعزيز: سعااااااااااااااااد سعاد وهي تطلع من المطبخ : سم طال عمرك عبدالعزيز: نادي الخدامه خل تشيل القهوه والشاي وتسوي قهوه وشاي ثاني مع حلا وشوفيلنا شوكلت ام هاني: حشى كل هذا عشان ام سالم وانا وين رحت عبدالعزيز: شدعوه عمتي انتي الكل با الكل والبيت بيتك مايحتاج اعلمك ام هاني: يمه منك تعرف تسكتني عبدالعزيز: افا عليك عمتو تربي ة مشعل .. يلله عن اذنك بروح اغير ملابسي وبعدها بطلع للملحق اكيد سالم الي جايبهم ام هاني: طيب طيب تركتووني بلحالي عبدالعزيز وهو يتلقط جهاز الريموت كنترول لعمته: تفضلي طال عمرك تطقطقي فيه لين ماتجي عمتي ام هاني: طيب زين لقيت لي شي يلهنيني .. خل اشوف اخبار العالم طلع عبدالعزيز لجناحه الي خارج البيت وبها الوقت في جناح مشعل وام عبدالعزيز والي هو اكبر جناح با القصر غرفتهم الكبيره والي لونها لؤلئي وتعطي فخامه للمكان والحمام الشنرك وال يكان فيه جاكوزي ونظام ليزر للماء يدل على فخامة التصميم في غرفة مشعل ام عبدالعزيز متنرفزه ومعصبه على البنات انهم طلعو وعمتهم ام سالم جايه الي معروف عن ام سالم انها تنتقد ام عبدالعزيز بكل شي وتحاول تقهرها عكس ام هاني الي طبعها اللقافه بدون النقد .. ام عبدالعزيز قررة انها تتصل على جود ام عبدالعزيز وهي تتصل على جود وفي مطعم فدركلز ......... جود وهي تشوف الرقم : يؤيؤيؤيؤ امي جود تنادي ام عبدالعزيز ماما بناء على طلب مشعل والي معتبرها زي امها جود : هلا يمه ام عبدالعزيز: لاهلا ولا مسهله انتي وينك هاه صايعه ومصيعه بنتي معاك يللي ماتستحين جود والي تعودة على اسلوب ام اعبدالعزيز معاها : يمه احنا نتعشى با المطعم شفيك معصبه الله يهداك ام عبد العزيز: شوفي ياجود لك نص ساعه اذا مارجعيتي بنتي للبيت لك حساب ثاني معاي فاهمه ...........طوطوطوط جود: الو .. الو ... يمه جود وهي معصبه: سكرة .. الي قول ان بنتها الحين اصغر مني شدعوه بصيعها هي صايعه خلقه وبها لأثناء كانت شموخ بجو ثاني مع شوق شموخ با التواليت وهي عند المرايا وتعدل شعرها تشده على فوق عشان يوقف ويضبط السبايكي وفجاءه انفتح باب الحمام ومثل ماقلت جود كانت شوق شموخ بثقل وهي صافطتها ولاكنها شافتها شوق وهي ترمق شموخ بنظرة وهي تبتسم : صااااااااااااااااالح (( لقب شموخ )) شموخ ومسويه كنها توها تنتبه لها والتفت عليها وابتسمت : مين ... هلا شووووق شوق: هلا كيفك ( ومدة يدها ) شموخ وهي تسحب يدها وتبوسها من خدها : تمام .. انتي شخبارك شوق بأحراج من الموقف والبوسه القويه الي على خدها : الحمدالله شموخ : وش عندك هنا .. الى على فكره غريبه وين خالد (( خلود )) ؟؟ شوق : خالد طالع للسانسيت " شاطي وشاليهات الغروب " ومالي خلق اطلع معهم شموخ وتذكرة انها لازم تثقل عليها : اممممممم حلو .. اجل انا استأذن اختي تنتظرني .. توصين شي شوق بنظرة حزن: براحتك... لا سلامتك شموخ وهي تفتح الباب بتطلع : خلينا نشوفك مره ثانيه شوق : انشالله به اللحضات جود فاير دمها وتهز رجلها من التوتر والأنتظار شموخ: باك ياحلو .... جود: انتي وينك هاه امي اتصلت ولعنت خيري تقول لكم نص ساعه اذا مارجعتو لكم حساب ثاني شموخ وهي تشر البيبسي وببرود : ليه وش صاير!!؟؟ جود وهي تنادي الويتر للحساب : اكس كيوزي بل بليز ( ورجعت تكلم شموخ ) مدري مدري الزبده اتصلي على حسن شوفي وينه انا عني مابي اتعاقب الي فيني مكفيني شموخ وهي تتصل على حسن :الووووو ...ايوه حسن وينك ؟؟ حشن: با المواقف طال عمرك اجيكم عند البوابه شموخ : لا لا اذا نزلنا بنقولك تعال دفعت جود الحساب وسحب شموخ معاها وفجأه سمعو صوت غريب ينادي شموخ عند بوابة فدركلز وهم طالعين .. التفت شموخ ولقتها ....... شوق ( شموخ بأستغراب ): هلا شوق في شي شوق هي منحرجه من جود وتسلم عليها : هلا كيفك جود ويه متنرفزه ( وهذا وقتها بعد مو ناقصينها ) وابتسم لها ابتسامة تصنع: هلا .. تمام انتي كيفك شوق: الحمدالله شموخ: جود : اعرفك على شوق صديقتي اضنك شفتيها با المدرسه صح جود وهي تستعجل شموخ : ايه ايه شفتها شموخ ويه تلتفت على شوق : هذي اختي جود واضنك بعد تعرفينها شوق : ايه اشوفها من بعيد .. تشرفنا جود جود: الشرف لي شوق وبحيا اكثر: صالح هذي ورقتك الي طلبتيها مني با المدرسه شموخ بأستغراب : أي ورقه ؟ شوق: اذا فتحتها بتعرف .. جود وهي تدخل بينهم : بعدين .. بعدين با البيت افتحيها جود مسكت شموخ من يدها وسحبتها للمصعد شوق ويه ترفع يدها : باااااي شموخ وهي تأشر بيدها بعد: بااااااااي شوق ضلت واقفه ترمقهم لأخر لحضه بعد مادخلو المصعد واختفو عن عيونها تنهدة وقررت انها ترجع لصديقاتها با المطعم ... .................................................. ........... من الي كانت دانه تكلمه ؟؟ ووش اخر علاقتها مع هاني ؟؟ هل بتنحل مشكلة عبدالعزيز مع ابوه ؟؟ وايش مصير جود مع خالتها ؟؟ وايش هي الورقه الي شوق عطتها شموخ ؟؟ كل هذي الأسئله جوابها با البارت القادم انشالله تقبلو تحياتي: العايـش ’’ |
يسلمو ووووووووووووووووووووووووووو
اخوي على التكمله وانتظر البقيه يعطيك الف عافيه |
في انتظار بقية المسلسل .. و يا عمري على شموخ .. أحسن ما في المسلسل :mo13: .. وين القى بنت زيها :redface: .. |
مشكووووووور
لاعدمناك |
انتظــــــــــــــــار
: احجزلي مقعد ولا تطول علينا : شاكرين لكـ |
تكفون التكمله
دورتها في منتديات غيرها مالقيتها ننتظرها تكفون لاتتطولون |
مشكوووووووووووووووور على التكمله واخيرااااااااااااااااااااااااااا
يللا عاد نبي التكمله |
شد حيلك
ترانــــــــا ننتظر |
وينك يالعايش؟؟؟؟؟؟؟؟؟
طولت علينا |
آسف وربي عندي مباراة << اول ما اجي البيت راح اكملها
آسف وربي حتى اهلي مش موجودين ولا كان خليت اختي تكملها |
الساعة 12 برجع وانشاء الله اكملها وخصوصا القصص الي احلى منها ’’
راح اكملها كلها |
ثـــــــآنكس على المشاركـــة ,
اقتباس:
يعطيكـى العافيـة نورتــي ’’ |
ثـــــــآنكس على المشاركـــة ,
اقتباس:
وين تلاقي زيه << لا تخاف بتلاقي سوي بحث قوقل << بنجلد يسلمو يا الغالي على مرورك ومتابعتكـ |
اقتباس:
يعطيكى العافية نورتي ’’ |
اقتباس:
وأسف على التأخير يسلمو خيتو على المشاركة والمتابعة نورتي |
اقتباس:
دحين بكملها يسلموو على التابعة نورتي ’’ |
اقتباس:
مروومه يسلموو خيتو على المتابعة يعطيكى الف عافية نورتي موضوعي |
اقتباس:
طيب دحين بكملها < لا تجلدوني ’ |
اقتباس:
أسف على التأخير يسلمو على المتابعة |
ترى قاعدة انتظر
|
اقتباس:
آسف دقايق واخلص بس الي كتبتها شمووخ وهي بالمنتدى علاشان تنشره منتدى ......... يسلمو على المتابعة |
الجزء التاســـع << اعذروني اذا كان البارت قصير
الجزء التاسع...
انطلقت السياره وجود في قمة التوتر وشموخ بعالم ثاني كان تفكير شموخ كله بشوق وكيف تجذبها لها ومن وين تدخل لها با الكلام .. كل ها الأسئله كانت تدور بنفس شموخ بدون أي اجابه .. قطع حبل افكارها نغمة رساله بجوال جود المسج" عمتي جايه با الطريق وامي معصبه مره تقول تعالو قبل توصل وتصير فضايح " عائلة جود محافظه لأبعد الحدود وتحكمها العاداة والتقاليد لكن مشعل نظرا لكثرة اختلاطه با المجتمعات الغربيه وطبعا لمتطلبات عمله كانت العادت والتقاليد ماتنعني له الكثير بحياته وبحياة عياله .. بيت مشعل ديموقراطي نوعا ما لكل شخص عالمه وخصوصياته بذاك البيت ولكل فرد بها العائله سوا كان كبير او صغير رايه واحترام وجهات النظر.. مشعل ربى اولاده على الديموقراطيه والصراحه والحريه ولكن كل شي بحدود المعقول فما كان يمنع بناته من الطلعات مع صديقاتهم أوالنوم بالشاليهات بمفردهم لأنه كان واثق اتم الثقه ان الحريه بتخليهم يشوفون العالم من جميع جهاته وتربي في نفوسهم القوه والشجاعه ومواجهة المجتمع وطبعا يقدرون ويحترمون ها الحريه الي منحها لهم ... شموخ : شفيك من مين المسج؟؟ جود : من حنان تقول ان عمتي جايه با الطريق الله يستر لا نصادفها عند الباب شموخ: اووووووووه عمتك هذي نشبه ماتبينا نطلع من البيت ابد الى مع احد من اخوانا جود وهي تبتسم : تخيلت شكلي كل مره اطلع بسحب عبد العزيز معاي ولا ها الخبل ممدوح عاد لو صار شي احس اني انا ارجل منه شموخ: أي والله وانتي الصادقه .. ( وانتبهة لشي ) على طاري ارجل نسيت اليوم اروح النادي يووووووه جود: انا مادري ها النادي وش له فايده تضيع وقت بس شموخ: كل الفايده دفاع عن النفس الي معروف عن شموخ حبها للرياضه فأشتركت بنادي شيل اثقال وحديد بأرامكو بعكس جود الي كانت تروح لأرامكو لمقابلة صديقاتها وللمكتبه العامه لقرأة ... جود: والله انتي عايشه بفلم هندي من بيتعرض لك يعني!! وبعدين هذا كله بيخرب جسمك شموخ: احسن ابي جسمي يتغير ويتعدل اصير قدع جود: امي مستغربه من جسمك مره كل يوم تسألني عنك تقول جسمها مو طبيعي كله عضلات كنها ولد شموخ: اكيد عضلات بس اصبري علي شوي و بقنع امي اني ادخل ها الحديد لصالة الرياضه با البيت . جود: اممممممم انتي وامك وبراحتكم .. شموخ بعصبيه وكأنها تذكرة شي : تعالي قوليلي انتي ليش كلمتي شوق بها الأسلوب البايخ البنت مره تضايقت منك . جود : بذمتك امك مهزأتني وشوي وتطلع لي من السماعه تذبحني وتقول ترجعون البيت بأسرع وقت ولكم نص ساعه وانتي حضرتك رايقه تسولفين معاها وبعدين وقتها ماكان مناسب ابد واخرتها لو تأخرنا وصار شي كله بيطيح فوق راسي وانتي بتطلعين منها طبعا زي كل مره . شموخ : انتي مكبره الموضوع . جود: يمكن يكون با النسبه لك صغير بس انا با النسبه لي اكبر مما تتوقعين لأني مو ناقصه هم الي فيني مكفيني ( ورجعت راسها على مقعد السياره وهي تغرق من جديد بدوامة التفكير بموضوع يوم السبت الي مهي قادره تنساه ) في بيت مشعل ....... ام عبدالعزيز : سعاد .. ياسعاد سعاد: سمي عمتي ام عبدالعزيز: سوي بخور وبخري المجالس والديوانيه وعطي الطباخ خبر ان عندنا ضيوف على العشاء سعاد: انشالله طال عمرك حنان وهي تستعد للنزول من الدرج وبعد مالمحتها امها ام عبدالعزيز: حنان .. تعالي اشوف ... حنان : هلا يمه .. ام عبدالعزيز: وش ها الملا بس انتي تعرفين عمتك وتعليقاتها الي ماتخلص غيري ملابسك بسرعه قبل تجي حنان كانت تلبس تنوره قصيره فوق الركبه وريده مع تيشيرة اسود ناعم وشحاطه سودا ومعلق عليها ورده ورديه مع شعرها البني الناعم وصفاء بشرتها معطيها ستايل ناعم وبيسط حنان : يوووووووه يمه يعني وش بتقول حتى في بيتنا بتتحكم ام عبدالعزيز: عند صديقاتك عندنا البسي الي يعجبك بس عمتك انت تعرفينها ماتسكت وهي تدور الزله علينا عشان تشتكي لبوك وابوك مو ناقص كلام. حنان وهي متكدره : انشالله يمه ام عبدالعزيز بعصبيه وتوتر: خواتك تأخرو مره الله يستر بس لا توصل قبلهم وش يفكنا من كلامها بنات مراهقات ولحالهم مع سواق ليش تاركينهم كذا مايصير هذول ينلعب عليهم ومن ها الكلام..... وفي ها الأثناء وصلت سيارة سالم للبوابه ودخلو وقطعو الطريق للقصر وعند النافوره المقابل للباب الخشبي نزلت ام سالم ودانه وديما .... سالم وهو يفتح النافذه يكلم امه : يمه انا بروح للعزيمه لا خلصتو اتصلو ام سالم : انشاالله ماعليه لو نرجع مع السواق مايخالف ياولدي لا تشيل هم سالم: لا وش سواقه انا برجعكم. دانه وهي تكلم ديما بصوت منخفض: اخوك هذا نشبه . ديما بصوت منخفض: من جد . ام سالم: انشالله ... قطعت سيارة سالم الباحه الأماميه من القصر متجه للخارج وعند باب الرئيسي للقصر ام سالم وهي تلتفت للبنات : عن الهذره الزايده ومابي احد يقول عنكم شي خليكم عاقلات .... وقاطعتها دانه : يمه حفضنا ها الكلام بكل زياره تكررين ها الأسطوانه خليكم عاقلات وخليكم حريم ومابي احد يقول بتربيتي أي شي ....... والخ ديما: بنظل واقفين كذا يلله ندخل ضغط دانه على الجرس وبلحضات فتحت لهم احد الخدم ليرافقهم لصالة الضيافه ام سالم : وهذول لازم كل مانجي يوصلونا للصاله مايحتاج حافضين بيت مشعل دانه : يمه هذا من الذوق ..شفيك ماتعرفين با الأتكيت ام سالم : من هذا بعد !!؟ ديما : خ اتكيت اتكيت يمه يعني طبخه ام سالم وهي تدخل لصالة الضيافه وتلمح اختها ام هاني: هلا هلا با الغاليه ام هاني وهي توقف وتسلم عليهم: الله حيو تو مانور البيت .. شلونك شخبارك ام سالم : الحمدالله بخير مادامك بخير ..انت شخبارك واخبار البنات امهاني: ماعليهم يسلمون عليك دانه: احم احم نحن هنا ام هاني: ادري انكم هنا شايفتني عميا ( وسلمت على دانه وديما ) دانه: بسم الله ياخالتو بعيد الشر انشالله بعذالك ( تقصد ام عبدالعزيز ) ديما: خالتي وين البنات ليش ماجو معك؟ ام سالم: ايه والله وينهم .. ليه ماجبتيهم معك؟ ام هاني: والله الصراحه انا يوم طلعت من البيت كانو نايمين ومابغيت اصحيهم وازعجهم تدرين يوم اربعاء خليهم يرتاحون لاحقين على بيت خالهم ودخلت وحده من القهوجيات لتضيفهم ام سالم وهي تشرب القهوه و تهمس لأم هاني: الى اقول وانا اختك ام عبدالعزيز وينها مالها حس ولا العيال عسى مافيهم شي .. ام هاني: لا بسم الله عليهم .. تلقينها فوق شوي وجايه وغرقو ام هاني وام سالم با السوالف والي مالها نهايه وفي هذا المجلس الكل كان مبسوط الى ديما كان التوتر يبيان عليها من ملامحها الي تفضحها... دانه وهي تندمج مع امها وخالتها با السوالف : واو تذكرين ذاك اليوم ياديما .......( والتفت على ديما والي كانت غرقانه بأفكارها ) ديما وكأنها انتبهت لأحد يكلمها : هاه وش تقولين ؟ دانه : اقول الي ماخذ عقلك يتهنا به ديما: اسكتي عني بس ترى مالي خلقك دانه وهي تشوف امها وخالتها بعالم ثاني وتاكدة انهم مستحيل يسمعونهم وقربت لديما وهمست لها : انتي شفيك عبدالعزيز مو هنا .. لا تخافين ديما: انا مو خايفه بس متوتره دانه: لاحول ولا قوة الى با الله انتي لمتى وهذا حالك .. الحب مو كذا انتي فاهمته غلط ديما : بس انتي عارفه اني محكوم علي اني اتزوجه .. وانا ماني قادره احدد مشاعري اتجا دانه: طيب اسكتي لا تفضحينا هذي ود وصلت ديما لعبدالعزيز من ايام الطفوله رغم ان عبدالعزيز اكبر من ديما بسنوات وطول ها الفتره ديما حاولت انها تحبه ولكن بدون فائده .. كان الخوف هو الي يسيطر على مشاعرها كل ماتلمحه او تسمع صوته او مجرد ان اخوها سالم يتكلم عنه تتغير ملامحها و ترتبك وتتوتر .. ام عبدالعزيز اصرة انها تختار ديما بدال دانه نظرا لأن دانه قويه ولسانها طويل ووحده مثل ام عبدالعزيز تحب تسيطر ديام على الأوضاع فلقت ان ديما مناسبه اكثر لها ولولدها .. ( سبحان الله الحموات شلون يفكرون ه).. ود: واو وش ها المفاجـأه الحلوه .. الحبايب عندنا ( سلمت ود على خالتها وديما ودانه ) ام سالم وهي تهز فنجانها للقهوجيه تخبرها بأنه اخر فنجان وتلتفت على ود ام سالم : ود وين امك حبيبتي ود : امي لحضات وجايه .. وخالتو ترى بناتك با الطريق واحلى سهره اليوم ام هاني: ه شفتي يام سالم مايحتاج اجيب بناتي جابتهم ود برسم الخدمه ود: اكيد وشلون تحلى السهره بدونهم دانه :وش قصدك هاه واحنا مومالين عينك ديما : بدة الحرب ود: لا مو ماليه عيني وش عندك هاه دانه: طيب شغلك مو الحين شغلك با البيستمنت اتوحد فيك لا خلصت السهره ود: ابشرك شموخ علمتي على الضربه القاضيه وبقضي عليك انشالله دانه : محد بيقضي على الثاني غيري بخليك عضه وعبره لكل من تسوله نفسيه على تحدي دن دن زد: من دن دن هذي لايكون انتي دانه: ايه ايه انا ود: امممم للأسف انه مو راكب عليك وعلى دفاشتك الكل ضحك با المجلس على دلع دانه لنفسها " دن دن" يدل على الأنوثه بس فعلا على قولة ود دانه مو لايق عليها ابدا .. والحقيقه ان ها الدلع اطلقه هاني على دانه بس محد كان عارف ها الشي .. دانه: وشو وشو طيب طيب خير انشالله .. الوعد تحت بعد شوي وهاه لا تجيبين بدي قارد معاك شموخ والبنات .. واجهيني فيس تو فيس ام هاني: ه حشى عيال مو بنات ام سالم وهي ترمق دانه بنظره: دانــــــــــــــــــــــــه.. وش قلنا دانه وهي تعدل جلستها وتنعم صوتها : يؤ نسيت اني مره عاقله ولازم اثقل ود: با العدال لا تميعين بين دانه وود اختلاف وجهات النظر دائما وحتى لو توافقو مع بعض با العناد يخربون كل شي وهذا حالهم من زمان وتعودة العائله على وضعهم ... وفي المطبخ سعاد تجلس على الطاوله الخشبيه وترشف كوب من الشاي بعد تعب وعمل شاق مع ام عبدالعزيز وفي وبينما هي في حديث عميق مع الطباخ انفتح باب المطبخ وهو الباب الخلفي للخدم والي من خلاله تتم كل تحركاتهم من قسمهم الخارجي الى داخل القصر ودخلت شموخ وجود وراها جود بصوت يملاه التعب من الجري : سعاد عمتي وصلت ؟ سعاد وقفت كا نوع من الأحترام: ايه نعم طال عمرك وصلت من نص ساعه وهي الحين بصالة الضيافه مع عمتي ام هاني. شموخ وبعد ما فصخت العبايه ووضعتها على طرف الكرسي شموخ: سعاد طلعي عبايتي واغراضي لغرفتي وانا بروح اسلم على عمتي على اني كنت نايمه وتوني صاحيه جود: ايه وصح انا بعد معاك شموخ: وين معاي شوفي وجهك ب المرايه .. مسحي مكياجك والحقني جود: الله والمكياج عاد كله ماسكرى وجلوس ( مرطب ) بس بعد مو معقوله نايمه بمكياج شدعوه مسلسل كويتي ه شموخ: انا بروح دبري عمرك جود: تصدقين اقنعتيني .. خلاص سعاد انا بحاول اطلع فوق شوفي لي الدرب اخاف تشوفني عمتي واروح فيها وش يفكني منها هذي سعاد: طال عمرك هم الحين بصالة الضيافه ولو طلعتي من المصعد ماراح ينتبهون لك جود: معاك حق اجل هذي اغراضي الحقيني فيها .. نفسي ابوسك ياسعاد محد مريحني بها البيت غيرك سعاد : با الخدمه طال عمرك وعند باب المطبخ الداخلي المطل على الصاله الكبيره والي بعدها صالة الضيافه شالت جود جزمها وبدت تمشي على اطراف اصابع رجولها عشان محد يحس فيها وبخطوات ناعمه وبهدوء تام طلت على ارض الصاله الأولى وبأسرع من المتوقع انظلقت جري للمصعد وكبست على الزر ودخلت وبلحضات وصلت للدور الثاني وكان كل خوف جود ان باب المصعد ينفتح على وجه خالتها ام عبدالعزيز ولكن من حسن حضها ان بها الوقت كانت ام عبدالعزيز بصالة الضيافه عند الضيوف وقطعت جود المسافه لجناحها بسرعه بدون ماحد يلاحظها ودخلت وسكرة الباب وتوجهت لغرفة الملابس والتقطت كريم مزيل للمكياج وانتهت من مسح المكياج والقت نظره على المرايه وهي تبتسم ابتسامة رضى وتهمس لنفسها : مسحت اثار الجريمه ... مابقى الى التنكر ياجوج... وتقصد با التنكر بملابس البيت فتوجهت لدولاب الملابس واختارت برمودا اسود مع تيشيرت مرسوم عليه رسومات كرتونيه مع جزمة بيت ريش على شكل قطه مما اعطاها منظر طفولي وبرئ .... وجود ام سالم في بيت مشعل سبب توتر للكل وأولهم ام عبدالعزيز ولكن " مصائب قوما عند قوما فوائده " وجود ام سالم شي حلو با النسبه لجود كون ان ام عبدالعزيز ماتقدر تناقشها بشي وعماتها موجودين وكلهم بيصيرون بصف بنت اخوهم طبعا ............................. |
مشكوووووووووووووووووووووووور
انتظر البقيه يسلمووووووووووو |
اقتباس:
يعطيكى العافية تر ممكن ما اكمل القصة لأن شمووخ ما كملت الاجزاء الباقية لأن كل بياناتها والقصة انمسح ,, اعذروني وهي على ما اظن طلعت كتااب كاتبة فيه كل القصة |
يووووووووووووووووووه حسافة
|
| الساعة الآن 02:51. |
Powered by vBulletin® Version 3.8.7
Copyright ©2000 - 2025, vBulletin Solutions, Inc.
منتديات روعة الكون