صباحكم خير ان شاء الله

هاذي قصيده في شخص محترم باحد المنتديات اراد ان ارد عليه بمعنى المحاوره والمساجلات بالمنتدى فقلت هذه الابيات واصفا حالي له في الشعر باني متذوق ولكن ....

حضوري

يافاضل المنعور مانيب شاعــر = ( متذوقاً ) شعرك وشعر الشعاعير

ولانيب من يهوى قصيد المناظر = ولانيب من يرفع بصوته معا عصيَر

خواطراً تجتال من ضيق خاطر = وليـا بغيناهـا ... توارد على البير

أبيات فكر الشاعر الي تّصادر = لامن زهمها جات مثل المغاتير

مافيهن الي لازهمها تعاثر = ولافيهن الي قيل هزلاً مكاسيـر

لاكن مالي في قصيد (المناظر) = وأرجو السموحه كان في القول تقصير


وسلامتكم

روعه يامرتاح روعه

لله درك


صبحكم بالخير جميعاً


وتسجيل دخولي في هذه الابيات


7


على وضح النقا ، والقلب طاهر والنوايا نور
،،،،،،،، وأحاول ماجزي السيه ليا أضطريت بالسيه


77

طبيعه مابحث الخافي واخلي الطابق المستور
،،،،،،،، وأخبر الداب وشجرته ولاجهل لدغـة الحيه

777

ولاعندي وما عندي على الزله سوى مشكور
،،،،،،،، ولاهي حركت شعره عشان تحرك يديــه


خالد الماجد

القصيده للشاعر / مشعل مشعان العضيله المطيري
وأسفين على عدم ذكر أسم الشاعر
جلَ من لا يسهو

صبحكم الله بالخير
هذي قصيدة للشاعر / ياسر محمد التويجري
بتعجبكم إنشاءالله
على كثر مادقو الناس الأقراب $$$$ طنشتهم لجل أتحفى بجنابك
انا أعرف الباب وادخل مع الباب $$$$ وشكوه للالله يوم صكيت بابك
لا يا بعدي يا نوف عكفان الأشناب $$$$ لاجات حزة شوفتك وحتسابك
قولي لقلبك لا يكثر على الشاب $$$$ قوليله الله لا يحرمك شبابك
وإنكان قصدك شي فيني ولاذاب $$$$ ماشوف شي يستحق التشابك
الي‎هرب‎من‎زين وجهك للاسباب $$$$ هرب ولاكن ماسكتله عذابك
يا نوف انا عقب الصناديد الأعراب $$$$ يومنها على الأصايل مدابك
اخذت‎من‎الدويش مزايامن‎عقاب $$$$ ومن ربعي مطير يكفي رعابك
وظاهر إنك منت خايف ومرتاب $$$$ ولاينحكا عندك ولا ينحكابك
قدسام‎هروش المحاني والألباب $$$$ طالبك تكفى لاتثور إركابك
لازعلت شوي خذ حقك عتاب $$$$ وانا لك اسمع ألين يقضي عتابك
يابو عيون كنها عنة أهداب $$$$ عليك من حبك التواصيف حابك
قدك‎عليه‎من‎الشمطري‎والأطياب $$$$ وألي يحلي وجنتينك إحجابك
جملةتواصيفك تجي مالها إعراب $$$$ بموت فيك الله يجبر مصابك
لا المبسم الوردي ولا ثلجة الناب $$$$ ولا الجديل الي يخون المشابك
ولا إرتباكي منك او شد الأعصاب $$$$ ولا خضوعي لك وانا ما أهابك
إن‎طبت‎فالملقى‎معك‎اورق‎‏ وطاب $$$$ وإن غبت جعل مايطول غيابك
وانا لي الجلد التداوي بالأعشاب $$$$ حتى يجيبك دربك ألي غدابك
الصدق‎يمكن عيب والضن كذاب $$$$ بس الأكيد الفقير إغتنابك

ويسعدلي صباحكم

اخذت من وايل مزايا من عقاب $$$$ ومن خوالي مطير يكفي رعابك
والله أسف

{----:يقول ناصر الفراعنه السبيعي ابو فارس :----}
--------------------
علـى قبر اليتيمه نوت ثـوبـي بالـخـلا شقّـيـت.
ذكرت الله وشبّت في ضلوعي حربٍ أهليّـــــة.
عقب وِتْــر السبـــع والخمـس والتسبيـح والتسميـت.
طيور المــا على سلمى تغنّي (طــاق طاقـيّـة).
على باقي عـــــرَق ســــاقي زجاجة كاهنٍ شمّيت.
عـلـى قِـرْنة حـجـاجـه نـجـمـة الـسِـبْـط اليـهـوديّـة.
على الجنب التهامـي لبّسوني خرقـةٍ فـي زيـت.
تـلالى مثل واري جمرةٍ في حـوض صـفـريّـة.
علـى ساقـة ملـوكٍ مـن بـلاد الرافدين أضحيت.
أركّب سنّ واقلع سنّ لو مالــه ولا لــيّــه.
وفي ريشـة جنـاحٍ مـن حمـام الأخشبيـن ادويـت.
امّذْرِع شان واقرع شنّ وآبرقع نـصـيـريّـة.
وعلى ظهــــر النعامة سافروا بي سبعةٍ من هيت.
إلـــى أعـتــى شعوب الأرض الادنـيّــه والاقـصيّة.
ذبحت العبد الادريسـي ونِـجْـل الطاغية (حِبْـرِيت).
بأرض المغرب الأقصى طبخت مــن اللـحـم نـيّـة.
على تابوت نـوت احيـا وامـوت افنيـت مـا ابقـيـت.
ضربت الطار واجتاحت عـبـيـد الــــزار كـونـيّــة.
علـى قبـر اليتيمـة نـوت أجـدّد حسرتـي لا جيـت.
وأقبّل ضاحكات الموت تـحـتيّة وفـوقــيّــة.
على شــانك يانـــــوت اعميت خطلان البشوت اعميت.
أقارع كل ذو سِدْنٍ وذو خِــدْنٍ وكـوفــيّــة.
على شانك ينـوت ادميت روس الخاينيـن ادميت.
أسرّج مِـــرْج أمـــرّج سِــــرْج عـلـويّــة وسـفـلـيّـة.
على شانـك ينـوت اضـرب بحدّ مْصـقّـلٍ إصليـت.
وكدنا ننتهـي لــــولا خـيـانــة عــيــد الألـفــيّــة.
خبيثٍ من بني قومـي سقانـي حامـض الكبريـت.
قرَت وسطه عجـوزٍ مــن ذوي حـضـرم ظـفاريّة.
وبسم اللي لهــــول اسمـــــه تزلزل منبر السوفيت.
نـحَـرهـا اعـلى ظهرها جُـبّــةٍ بـالـسـمّ مـطـلـيّـة.
ثلاث دهور اصــارع نـافـثـات الـزرو مـاذلّـيــت.
أغيّب شـمـس وادفــن رمْــس والأصـنــام مـرمـيّـة.
ثلاث ازمان أداقش مسرجـات الجـانّ فـي تكريـت.
ثلاث ازمان تمْرخ لي مـلــوك الـجــانّ رجـلـيّـة.
ثلاث سنيـن اعـافـر نـافـخـات الـطـيـن مـاولّيـت.
ثلاث سنين أكــفّـن قــاريــات الـتـيــن بـيـديّــه.
وثلاث شهور ألاعــي نــازلات الـطـور مــا ملّـيـت.
اجــاوب جـنب خيمة ضـاربــات الـطـنـب طبـلـيّة.
وثلاث ايّام تنعـانـي سـرايـا يــام لـين اصغيـت.
أقدّم كوع اوخّر كوع يابــيّــي ويــــا بــيّــه.
لذي الفيـــــروز سادن معبــد النيروز مالبّيت.
لغير الواحد المعبود ما أبديـت مــــا فــيّــه.
بوادي برْك طارت بـي حرايـر تُـرْك يـوم امسيت.
أعاشر ليـــــل عاشــر كـــل ذي حــمــراً نـمـيـريّـة.
طبـــاين سبْك تدبْك دبّك ســاع اقبلـت سـاع اقفيـت.
لسرْدٍ شرْد جرْد مــرْد اصـيّــح كـــل قيـسـيّـة.
ببطن القِرْش اعشّـي حايمـات العـرش ماغدّيـت.
وحرْش الطرْش اورّدها قليـب الـهـرش عصـريّـة.
بوجـه الحوت جلّ اللي خلقني ضيغـمٌ صنتـيـت.
هِـزَبْــرٍ ماتحــرّك مـنه ساكـن ألـــف سكـنـيّـة.
ورب البيت ما خلّيت منهم بيـت مــاهـدّيـت.
أهدّم دور وابني دور والآيــات مـتــلــيّــة.
هل المزمـار عـبّــادة لـســان الـنــار والبـاكيـت.
بـني الإفْرَنْج قومٌ من فـــروج الـزنْــج مبـلـيّـة.
بكى سابور ذو الأكتاف فـي قصـر الملـك بلْهيـت.
على نَـيْـكـل سقـيـفـة عـابــد الهـيـكل ضـحاويّة.
تغطرس بِطـــرس النقــــرس وجينا له على التوقيت.
مــن ارض الفـــــرس وارض الروم جبنا القوم منهيّة.
بعمّا والنبا والخمس من سورة سـبـأ شـدّيـت.
بقوّة ما تواتــر فـي الـلـيـال الـعـشْــر مـكـيّــة.
أقمنا دولة الأيتام مــن حِـلّــي إلـــى حِـلّـيـت.
وآخر عـهــدنــا مـــــا أورَدَتْ لـيــلــى الأخـيـلـيّــة.
وانا مـا هاضنـي فيمـــا علـى بيض الورَق خطّيت.
شجاعٍ لقّبوه (أحـمــــد) ولــه شـلـفـا وشـبـريّــة.
أعرف (أحمـــد) إلى جاء جاء وانا لا شلت مـاحطّيـت.
تحامينا على وضــــح الـنـقــا والأرض مـحـمـيّـة.

أرجو أن تنال على إعجابكم

قائد تدري وش الي يعجبني فيك حفظ حقوق القصائد



الله لايهينك يالمطيري وبيض الله وجهك ولاهي غريبه الامانه في مطير تدري ليه ؟




لاني من الدوشان والشاهد الله
ـــــــ ابن الشيوخ اللي تهز الطوابير


من ساس ربعي طيب والطيب مله
ــــــــ واليا انتهضنا مطير والعز لمطيــر


يسعدلي صباحك ياقائد بلا جنود


وصباح الجميع


وهنا تسجيل خروج

تدري يوم أتغيب عني يختلط همي بظني
أشعر بضيق وكآبه كنه شي وضاع مني
شوف كيف الورد يذبل والقمر يبعد ويرحل
وتتغير كل حاجة لما أنت شوي ترحل
تبغى تعرف شالحقيقة والله بعدك ما اطيقه