دلع ؟؟

الساااعة صارت يووووم والا وشوو ؟؟

والله مقدر ظرووووفك اختي بس وش نسوووي حمستينا ..

يعطيك الف الف عااافيه على هيك قصة ..

لا تطووولين ..

ومشكووووووووووره ..

وسااامحيناا تعبناااك معنا ..


وخلاااص ..

اقول دلع ترى ما صارت ساعه
ياريت تكملينها
بسررررررررررررررررررعه

هدوو هدوو
تراكم قتلتوووني صبركم علي
اسيره الشووق انين طفله تسلموون على المرور
شعر يالدووب يسلمو على المرور
بس الحين الساعه 2 ونص
يعني بكره اكملها الصباح لاتكلووني

الجزء السادس (الفصل الثاني).........

ريم(وهي فرحانه):جد والله من قالك
هديل:خالد سمعته يقول لامي ان الخميس الفجر بنطلع والحبيب بيجي
ريم:مين
هديل:لاتخرطين وتخلين حالك ماتدرين
ريم:سخييييييفه عادي بخلي حالي ان مدري بكيفي وانتي جاملي الاتعطين بوجهي
هديل:طيب بلا كلام فاضي واسمعي ترى حتى عمي بيجي معنا
ريم:واااو يعني ونااسه واموول بتكون معنا ياسلاااااام
هديل: اموول ولا
قاطعتها ريم ورمت عليها المخده وقاموا يرمون على بعض وصارت حرب لين ماوقفها دخول خالد
ريم:هديل حبيبتي قلتلك المخدات ماينلعب فيها
هديل تورطت لان صارت فيها المشكله
خالد:شهالصراخ وليه الغرفه كذا ماتقولون
ريم:الله يهداها هديل فرحانه بان رح نطلع البر قامت تصارخ وتناقز وانا اقولها مايصير احنا مو بزران بس هي تبي تستانس خلاص امسحها بوجا
خالد كاتم ضحكته عنهم وعن ريم الي مسويه فيها بريئه وهديل الي مخترعه ووجها مايتفسر من ذهولها باختها الي حطت كل شي على راسها فقال:خلاص خلاص مو وقت كلام والحين بقولكم ان يوم الخميس تجهزون وبيطلعون معنا اهل فيصل واظن مابجيب الااخته الي بعمرك لان امه ماتبي تجي تعبانه واخوانه الصغار قعدوا معها
ريم:انشالله كم خالد عندنا انت تتكلم واحنا ننفذ ولايهمك نجهز من بدرري
خالد:كفو والله باختي هذا الكلام الحلو وانتي هديل ليه ساكته
ريم:ه << ضحكة خوف هديل شكل الفرحه كلت لسانها خلاص ياخوي تامر بشي
خالد:لا
وطلع خالد وهديل على طول قالت:صدق ماتستحين الحين تحطين المشكله على راسي انتي الصراحه مو معقول من كل مطب تلاقين مخرج
ريم:ه (ضحكة غرور) افا عليك وانا ريم
هديل:اففف ياليت لي مثل لسانك انا من اشوف خالد لساني ينبلع ولاانتي لاابد كل شي وتردين عليه وتعرفين تظبطين نفسك
ريم:طيب خلاص مالي خلق كلام اطلعي بكلم تلفون
هديل(ابتسمت):حبيب القلب
ريم(بغرور):شي مايخصك (وعشان تقهرها):ماحب البزران يدخلون فيني فاطلعي وسكري الباب وراك
هديل انقهرت منها وجت بتتكلم بس ريم قالت:للحين واقفه شفيك اطلعي
طلعت هديل وسكرت الباب بقوووووووة خلت ريم تنقز من مكانها
ريم:حسبي الله على عدوها خرعتني اقول بس خل افتح ام بي سي اكشن في فيلم مررعب
وتبي تتابع الايدق جوالها بنغمة فيصل نست ام الفيلم وردت بحيا......
ريم:الو
فيصل:ياهلا براعية احلا الو
ريم(استحت):هلا فيك
فيصل:شخبارك يالغلا
ريم:انا بخير وانت
فيصل:بخير دامك بخير
ريم:فيصل بقولك شي
فيصل:امري
ريم(استحت):صدق بتطلعون معنا البر
فيصل:انتي تبيني ولالاء
ريم(بحيا):اكيد ابيك
فيصل:ياعمري خلاص ابشري انا اول الموجودين
ريم(استحت): حياك طيب و امل بتجي
فيصل:والله اقنعيها هي ماودها تروح
ريم:لاقولها خل تجي
فيصل:عندك رقمها كلميها
ريم:انشالله تامرني على شي الحين
فيصل:ليه زهقتي مني
ريم:لا بس امي تناديني على الغدا
فيصل:صحتين خلاص روحي تغدي وبعدين ارجع اكلمك
ريم:انشالله باي
فيصل:بايات
وسكرت ريم وهي تحضن الجوال وضحكت على نفسها ونزلت عشان تتغدى وتحسفت راح عليها الفيلم بس قالت انها بتشوف اعادته .....

وانتهى الجزء السادس

انشاء الله ماراح اطوووووول يالدووبه
وتسلمين قلبو على المرور

يابنت انا انتظر الكاتبه تجيب البااااااااقي
وانزلها لكم
هدي
وتو جايتني التكمله
يعني صبري شوووي علي

الجزء السابع (الفصل الاول).........


ريم(معصبه وهي تاشر بيدها):تعالي شيليها تعاي
هديل:اقول انتي رميتيها وانتي بتشيلينها
ريم:كذاااااااااابه يالكذابه هالشنطه من الي رماها قبل
هديل:شوفي بشيلها لاتصارخين
ريم:غصبن عنك تدرين هي خفيفه بس عناد بخليك انتي تشيلينها
هديل:لا اجل مني شايلتها
ريم(ابتسمت بغرور):نشوف
وراحت وتركتها وهي انقهرت بس لازم تشيلها....
خالد:سنه لاتنزلون يلا تاخرنا
ريم:ياخالد ماتعرف هديل تقعد سنه لاتتحرك
هديل انصدمت لان ريم هي الي من الصبح قاعده ويالله تتحرك ولين ماتتكشخ وتلبس وهديل مخلصه قبلها فعشان كذا انقهرت من ريم وعطتها نظرة ريم طالعتها بغرور ومشت .........
ركبوا السيارة بعد ماسوت ام خالد المعجنات وخذت الشاي والقهوة ومستلزمات البر << عاد تعرفون الي يطلع يكشت بالبر
وغير كذا ريم راحت البقاله ومابقت شي خذت كل شي والبنات مخططين انهم كلهم يروحون بسيارة خالد وريم
اقنعت امل تجي معهم وكانت مستحيه حدها وخالد كان مرتبك شوي لان من يشوفها مايدري شنو يصير له الحين الي بسيارة خالد خواته ماعدا رنا وبسمه وامل بس فيصل مخطط مع خالد ان ياخذ ريم معه وخالد وافق وفيصل تعب لين اقنع امل لان كانت مستحيه تقعد بدون ريم لان الوحيده الي يعرف اعجابها لخالد ريم ومو ماخذه بعد على البنات الباقيات مررة بس بالاخير اقتنعت المهم عبدالله ورنا بسيارة صاروا وابو عبدالله ووضحه بسيارة والخدامات كانوا مع السواق ......

خالد:ريم تعالي شوي
ريم:هلا امر
خالد:اصبري الحين جاي
ريم(مستغربه):اوكي
وراح خالد وطلع لها فيصل .......
فيصل:ياهلا والله
ريم(تخرعت):بسم الله
فيصل:شفيك حبيبتي
ريم(استحت وبعد متفاجئه من وجودها معاه وتسائلت وين راح خالد عنها):هلا بس اممم وين خالد
فيصل(ابتسم):وانا ماتبيني
ريم:لا بس هو قال الحين بيجي
فيصل:انتي رح تجين معاي
ريم(خافت):شلوون من قال
فيصل:انا الي قلت وترى خالد حرك سيارته ومشى يعني ياتركبين معاي يابتقعدين هنا بوسط الشارع
ريم(قالت تبي تعاند وتقعد عشان لايسوون فيها هالمقلب مرة ثانيه):انا بقعد وانت روح
فيصل:شلون لاامشي معاي
ريم(تعاند):لا بقعد
فيصل(ابتسم بخبث):خلاص براحتك
وراح عنها والخوف دب بقلب ريم وقعدت تقول ياربي شسويت شلون ببقى هنا ياربي خايفه اقول خل امشي المكان فاضي ويخوف وقامت تمشي وخافت وقامت دموعها تنزل لانها تاهت ومو عارفه وين تروح المكان مافيه احد فااااااضي ويخررع وقامت تصيح وتشهق فيصل قال خلاص لازم اطلع مسكينه ويوم شافها تشهق تقطع قلبه عليها لان هو ماراح ومستحيل يتركها فطلع وراح وقف قدامها وهي شافته وابتسمت حست انها كانت غرقانه ولقت طوق النجاه وقامت بدون شعور وضمته وهو بعد ضمها وقام يهديها لان كانت تشهق من الخوف وبعدين استوعبت وبعدت عنه ووجها احمررر وقطع عليهم جوهم الرومانسي (خخخخخخخخخخ) اتصال من خالد....
فيصل:هلا
خالد:اهلين قول وين اخذت اختي
فيصل: للقمر
خالد:لابجد وينكم
فيصل:هذاني بالطريق جاي ولاتخاف على اختك بعيوني
(ريم استحت من سمعت كلامه وعرفت شقد هو يحبها وحبته اكثر وماتقدر تتخيل حياتها بدونه)
خالد:كفووو يلا باي ونلقاك هناك
فيصل:انشالله باي
والتفت فيصل على ريم لقاها تبتسم له بخجل بادلها الابتسامه وقال:نمشي
ريم(توسعت ابتسامتها):يلا
مسك يدها وركبوا السيارة وعيونهم تشهد بأحلى حب جمعهم
وطول ماهم بالسيارة الابتسامه ماتفارق وجوم (الله يديم عليهم خخخخخخخ).............

انتهى الفصل الاول من الجزء السابع الاقيكم بالفصل الثاني ....................