غيبــــــــتك
 

http://www.ryantal3od.8m.com/basmala2.gif

http://www.alshamsi.net/sh3r/futaiss/a23.jpg

لفت الجميع بأشعاره الرائعة في برنامج شاعر المليون ، وحصل على إعجاب
وثناء كل من سمعه وهو يمتع ويمتع ويمتع كأروع ما يكون الإمتاع وكأجمل ما يكون الإلقاء

الله يسامح غلاك

غيبتك لو هـي دقيقـه تعتبـر صـدّه ...... الوقت دونك سجـن وغيابـك اسياجـه

لا تعتذر لي تـرى ماعـاد فـي شـدّه ...... اعيد حكي ٍ يكـود الصـدر مخراجـه

دامـه يوصـف بجـود ابيـك وبجـدّه ...... وشلون تبخل على المجروح بعلاجـه؟

ووشلون قـاوااك قلبـك رده وصـدّه ...... مع انه بيّن عليـه الضعـف والحاجـه

ياقـو قلـبـك بــرد ايميـنـك وردّه ...... بخلت بمصافحـه وارهيـت بحراجـه

لو ماسقى غيم عينـه جرهـدي خـدّه ...... تـراه يبكـي وقلبـه يلحـق اخلاجـه

ولو شفته يمازحـك تـراه مـن جـدّه ...... الضحك عن درب ضيق الصدر ماعاجه

غير الغلا والولـه عليـك وش حـدّه؟ ...... يـادرب ليلـه ويامسـراه وسـراجـه

كنّه يعرفـك قبـل يلقـاك مـن مـدّه ...... مـع ان مابينـك ومـا بينـه امواجـه

هـواك بـدو ٍ نـووا للقلـب بالشـدّه ...... ورياض قلبي لشوف البـدو محتاجـه

والوصل..بحر ٍ متى انت بتسمح ابمـدّه ...... السيف صبري وبحرك شـح بامواجـه

قصيـدي اللـي قريتـه واللـي اعـدّه ...... قديـم لا يزعلـك معنـاه واخـراجـه

وفراغ قلبي غلاك ارهى علـى سـدّه ...... ليتك تشوف الغـلا وابراجـه وعاجـه

اقوى ريـاح العـذل مـا تقـدر تهـدّه ...... والا الجفا لـو تنفـس هـدم ابراجـه

تغانـم الوصـل لـن البعـد لابــدّه ...... ياتيك في يـوم ثـم ياخـذك بادراجـه

اللي لـي انـك تليـن وتتـرك الشـدّه ...... واللي لك اني ما سولف بـك لهراجـه

ولاني بزعلان واللـي نرتجـي مـدّه ...... يا بـاب قلبـي ويـا قفلـه ومزلاجـه

زعلة تغلي ومـن تزعلـه مـن قـدّه ...... ما دام كـل ٍ يبـي دربـك ومنهاجـه

غالي وتبخـل علـي وتطّـول الصـدّه ...... الله يسامـح غـلاك ويلعـن الحاجـه

محمد بن حمد بن فطيس المري


http://www.uaekeys.com/fwasel/www.uaekeys.com063.gif

قصـــــــايد

هلا وغلا فيك اخوى

الشاعر محمد ابدع فى تواجده

وانا كنت من اشد المعجبين به

لثقله ورزانته ونطقه الجميل

فعلا يستاهل كل خير


ومشكور اخوى على النقل الجميع

واذا عندك جميع قصايده يشرفنى يكون

الموقع هنا مرجع لقصايد شاعر المليون

الله لايهينك


واختيار يدل على الذوق الرفيع


وابن فطيس غني عن التعريف


ليس لثقله ورزانته !


انما هذه صفات تجعل من شخصية اكثر جمال


ولكن لقوووة معانيه وجزلات مفراداته وقوة كلماته


وشاعر يلمس احاسيس الناس من خلال عباراته


وجميع قصائده كانت من السهل الممتنع وهو اصعب توظيف للقصيده

ولايجيده سوى الكبار


لانه يجعل من القصيده شي سهل القراءه وتدخل القلب ومفهومة المعنى ،



شكرا لك ياقصايد وانتي رائعه


وموضوعك اروع



تحيتي لك

يسلموووو على القصيده

ملك الحزين

مشكور اخوووي على هذا الكلام الطيب

وان شاء الله يدووم هذا التواصل من بينااا

الشهري

مشكوور اخووي على هذا التواجد

يعطيك العافيه يارب

مشكوره على المجهود الرائع تحياتي