ولك مني هذا الاهد111ء

للكبير سعود بن بندر (( رحمه الله ))

----قالو تحبة----

قالوا تحبه قلت مـا هـوب بالحيـل
بس انه أغلى شوي من نور عينـي


يسوى جميع الجيـل الأول وهالجيـل
أحبائـي الماضيـيـن والمقبليـنـي


شوقي له أعظم من ظما الأرض للسيل
وأشفق عليه أكثر مـن أم الجنينـي


وأحتاج له حاجة ثرى مصـر للنيـل
وعليه أغار ولو من مـا للوالدينـي


أشتاق لـه شـوق المحبيـن لليـل
وأرتاح له راحـة دمـوع الحزينـي


لا صار جنبي لو سنه وقتـي بخيـل
ولا غاب لو لحظات صـارت سنينـي


قالوا يحبك قلـت هـذا هـو الويـل
ما ودي أنشـد ثـم رفضـه يجينـي


وأهدم رجاي بدبرتي مثـل مـا قيـل
والأفضل أحيـا بالأمـل لـو لحينـي


يا حبكـم يـا نـاس للقـال والقيـل
والأمر لـو سهـل يصبـح مهينـي


خلوني أحيا في الوهـم يـا عواذيـل
وش دخلكـم والأمـر بينـه وبينـي