علشان الحبيب اللي بقلبي له ثلاث شهور
 

والايابوي وانته راعي الهرجه وسيد الشور
______________ وانا ماعصاك لووردتني سود المطماتي
تبي تفرح وعني ليلة الفرحه يغيب النور
_______________تزايد ليلة الفرحه بي الامي وحسراتي
اداري دمعتي واضحك مع العالم بدون شعور
______________ عليها يايبه ياصعب والله حبس دمعاتي
والامنك سالت اشبي علامي خاطري مكسور
_____________ابفهق لك ضلوع الصدر وابين لك الاتي
الاوش في يديني اللي سواتي يايبه مجبور
___________يشوف الموت في يومه يزوره عشر مراتي
علشان الحبيب اللي بقلبي له ثلاث شهور
________________ عليها يايبه دمعي اهله بس بالذاتي
تخيرني وانا لوهو بكيفي قلت لك مشكور
________________ تحدد موعد لموتي وتقتل كل رغباتي
وانا ماعيبها بنتن وابوها ماعليه قصور
_________________ لهم فالرايه العليا تواقيعن وبصماتي
ولكن مانويت اني اقف في اخر الطابور
________________تعلمني بعد ماعاد ينفع صوت صرخاتي
الاوالله لو تدري عن اللي فالحشا مستور
__________________ عليه كان ماتشره ليا هليت عبراتي
ولو تعرف شويه عن صفاته قلتلي معذور
_______________هذاك اللي بقلبي محتوي كل المساحاتي
عطاها الله جمالن ماعطاه الله حتى الحور
______________ بها وصفن عجزت القاه في كل البنياتي
ليا من طالعت عيني بعينه والشعر منثور
_____________يضيع الحكي في فمي واضيع كل كلماتي
احبه حب من راسه لاحتى اخر الاظفور
______________ نسيت الناس في قربه واحزاني واهاتي
حفرت اسمه على صدري واموت واسمها محفور
______________وابي منها السموحه بس تغفر كل زلاتي

مبدع


وقليله في حقك مبدع



الله يسعدك يابو محمد

وصح قلبك ملايين


وشهادتي فيك مجروحه وربي



تحيتي لك

بسم الله الرحمن الرحيم
السلام عليكم ورحمة الله وبركاته

عجز السان عن طريقة شكرك



على هاذا االكلمات الجميله


والجهد القدير


شكرا لك من اعماق قلبي

واتمنى الاستمرار بهاذا الابداع

اخوي خالد يكفي القصيده شرف مرورك والابداع يكتمل بوجودك اخوي الغالي
ويسعد من يقوله
وصح بدنك يالغالي
وشهاده منك اعتز فيها وتعتبر وسام لي منك
ودمت بكل الود
اخوك رحاال

اخوووي رحااال ..

قررت اني ادخل الملف الشخصي واتفرج على كل مواضيعك .. قرار لا رجعة فيه ..


والله مبدع مبدع مبدع ..


بس عندي ملااحظه في بيت عندك .. الظاهر انه خطا املاائي لان شاعر كبير مثلك ما يخطي في الوزن ..

الاوش في يديني اللي سواتي يايبه مجبور
___________يشوف الموت في يومه يزوره عشر مراتي


اتوقع انها ..

الاوش في يدين اللي سواتي يايبه مجبور
___________يشوف الموت في يومه يزوره عشر مراتي

لمحبتكم جرى التنبيه ..

اخووك / شاعر الأحزان ..

شاعر الاحزان كم اسعدني مرورك وتواجدك العذب


<<<<<<<< في سادسه ابتدائي راسب فالاملاء
واشكرك من كل قلبي على الملاحظه
الا وش في يديني اللي <<<< هكذا تكون ليس لها معنا وتكون غير مفهومه
والصحيح كما كتبتها انت

وشهاده منك اعتز فيها اخوي شاعر الاحزان
اخوك رحاال

قيثار الحب اشكرك على مرورك الذي انار متصفحي

مبدع مبدع مبدع

مشكور اخوي راحال

على الابيات

المميزه

سعوديه موت جميع او اغلب من هم ي المنتدى شعراء لايستهان بهم ولكل شعر متذوق وهنالك شعراء في هذا المنتدى لن ارقى بشعري لمستواهم

وشهاده منك اعتز بها


كريستيانو ميسي اشكرك على مرورك والتميز هو مرورك اخي الغالي