((((( _ بالمشمش _ ))))) عامه للكل وخاصه لأخواتي البنات أتمنا تعجبكم
 

هذي القصيده من قصايدي المتواضعه كتبتها للأخوات اللي مرو بهالموقف

طبعاً بصيغت إمرأه تخاطب رجل

والقصيده بعنوان ((بالمشمش)) وهالكلمه عندنا بالسعوديه المقصود بها يعني المستحيل أو مافي أمل


بالمشمش


تقول اتحبني وتحلف تظن الحلف أقنعني ...

على بالك غشيمه فيك مدري وشهي نيـّـاتك

تراني عارفه انك تبي للوهم تدفعني ...

وبتمشــّـي على قلبي واحاسيسه حكاياتك

اقول احلم وبالمشمش تطول الحلم ذا يعني ...

على حْـسابي عليك ابعيد تتوصـّـل لرغباتك

لأنه ماانخلق للحين من يضحك ويخدعني ...

بهالمعلومه لو ماكنت تدري هذي هي جاتك

على غيري هناك العب ياعمـّي طيع واسمعني ..

عن ادروبي أنا بالذات غيـّـر إتجاهاتك

لأنك دون أي فايد بتتعب وانت تتبعني ...

وبتضيــّع على الفاضي معايه مجمل اوقاتك



أخوكم

الواله

يسلمو حبيبتي من جد رووووووووعه.........
ماشاء الله عليك.....
عسى الله لا يحرمني منكم.....

لأنه ماانخلق للحين من يضحك ويخدعني ...

بهالمعلومه لو ماكنت تدري هذي هي جاتك

صح والله لسانك الواله وربي القصيده رووووعه

تستاهل اخوي كل خير عساك على القوه ان شالله

تقبل احترامي

مشاعل

مشكور على هذا الأحساس المتالق