|
ألفية جديدة لي وأتمنى تنال إعجابكم0000
أ) ألفٍ لفيت لصاحبي داخل البيت
جــــلست أنا وإياه مدة ولا أبطيت خذيت لي حبة ومن لسانه تحلويت إبو خدودٍ لونــــــــها لون قرطاس ******************** ب) البا بلاي البعد وفـــــراق خلي إبو عيون وساع وهدبـهن مضلي وليا مشى فيه القدم خطـــــرٍ يزلي ولا خـــــــلق مثله بلندن وتكساس ******************** ت) التا تروني ياعرب ماقدر أنساه والله يلو هو سبب موتي البعد ماقواه وحتى لو إن الناس تمازعتني بالأفواه من شوفتي له دك بالقلب هوجاس ********************* ث) الثا ثويت وعن هل البيت هجيت ياالله تــــــــــــرفى خملتي كان زليت يالله يارحمان ياحـــــــــــــامي البيت ياالله عفوك اللي مامعه يــــــــــــاس ********************** ج) الجيم جعـــــل اللي يضايق حبيبي يمرض ولا يلقى له مع الأوادم طبيبي عسى حياته كلها بس صياح ونحيبي ومنين ما وجّه يكوى مـــــــــع الراس ********************** ح) الحا حلي صويحبي ويــــــن أبلقاه لا مصر لا لبنان جابـــــــــــــوا حلاياه ماكنه إلا عـــــــــــــــــــنز ريمٍ بمفلاه عسلوجةً ياناس تـــــــــــزها بالألباس ********************** خ) الخا خطف قلبي بنـــــظرة عيونه حمراء شفاته دم وثـــــــــــلجٍ سنونه ولا حكى ماكنه إلا مطربً يسجع لحونه تمشي بضو خديدها عقــــــب الإدماس ********************** د) الدال دقيت عودي وهي لـــي تغني حتى المغاتير دلت تطرب لفــــنه وفني وأيضا الشجر والخلق إنــــــسٍ وجني وأسهر أنا وإياه مع هجــــــعت الناس ********************** ذ) الذال ذاب صبي عيني مـــــن بكاي لا من فقدته جيت من أقصاي لأدنـــاي لو يلتفت عني قلت له راع لي جـــــاي حبه سقط بوسط قلبي وماله قيـــــاس ********************** ر) الرا رمى قلبي بسهمٍ من ألحاظ عينه وخلى بصدري هم وغم وزوّد ونينه ونة وريعٍ إبوه مات وتوّهم دافــنينه يازين رد الروح وعليك لا بــــــــاس ********************** ز) الزا زهاه الثوب لا من مشا به وأرخى الشعر وفك عنه القضابه وفاح ريح الورد مع ريحة خضابه من شافها يبّشر بقطاع الأنفـــاس ********************** س) السين ساعة لا بغيته يجيني عقب الأخير بهجعت المسلميني بيني وبينه سدّنا مايبينــــــــــي إخفيه عن كل الأوادم والأنجاس ********************** ش) الشين شبت نار في وسط جوفي إوجس لضاها لو هي بارداتً كفوفي ماتنطفي نيران قلبي لو قلت روفي وا قلبي اللي تقل يحمس بمحماس ********************** ص) الصاد صبت دموع عيني سكايب على الذي عني له اليوم شهرين غايب وا حن قلــــــــــــبي حن حشوٍ ذهايب حاديهن اللاهوب في روس الأطعاس ********************** ض) الضاد ضحيت أنا لأجله بحالي ومالي أمنت بالله صرت مـــــــــــــــــــثل السلالي إختل عقلي وكن صابن هـــــــــــــــــــبالي الله يخلص من مــــــــثلي نشب له بلولاس ********************** ط) الطا طرالي الزين وقمت أجر الونيني ونة مريض تقعد من حــــــــولنا نايميني دب الدهر وأنا على فرقا ضنيني حزيني والعقل صار أخف من ريش تقفاه نسناس *********************** ظ) الظا ظهر في جو راسي عواميس وصارت إموري به عقدّ ولــــــواليس والضغط أكيد إنه مرتفع حيل لو قيس أقفى الرجا من عمرنا وأقبل اليـــــاس *********************** ع) العين عيني عيا ياقف هميله لامن طرالي الزين ضاف الجديله وا تل قلبي تل حــــــــبل الثميله تل المقاط اللي نشب له بممراس *********************** غ) الغين غالي يالحبيب المصافي وإجيك لو إنك بعيد المــــــشاحي أبشر بجيتنا ياضبي البيـــــــاحي يالصاحب اللي مالقينا له أجناس *********************** ف) الفا فديت اللي بحضنه رماني وخلى حياتي لا صرت قربه ثواني وباع كل الناس وأنا شـــــــــراني وأسقى عروق القلب عقب ماهيب يباس *********************** ق) القاف قفلت بيبان قلبي بمفتاح حطيت به خلي بس لو جا ولو راح وأغضيت عن باقي الخلق منساح ماغير أراعي اللي عينه تقل عين قرناس ************************ ك) الكاف كيفي طاب لملاماك خلي أذوق حالي الريق متى ماحصل لي ماغير أنا وإياك وغرفتك مجلس لي ولا مسني من وصلكم أي مساس ************************ ل) اللام لو قل مالي ومافي يديني تبقى وفي لي حتى لو مرت سنيني ولا تقول حنا فيك ترنا من الزاهديني هذا الذي خلى بك نوفٍ على باقي الناس ************************ م) الميم موتي لاطرالي وليفي إصير كني خبل وعقلي خفيفي حتى لذيذ الزاد له نفسي تعيفي وكبدي تذوب وكنه تقطع بالأمواس ************************ ن) النون نشقى يابنات بهواكن نبي معاكن نحتفل من غلاكن ونبي نداوي علاّت قلوبنا من دواكن حلو لماكن ياشقر ذوايب هكالراس ************************ و) الواو ويلي من فراق الحبايب عز الله إني عنهن أبد مانيب تايب والله يلوعددهن مية خاطري ماهوبطايب ياكثر ما عانيت من خوى الراس ************************ هـ) الها هلابك عد الحي والميت وعد من طب الحرم وطاف بالبيت وإعداد ماكبرت وأصبحت وأمسيت وإعداد ماصليت وعد حبٍ بالأكياس ************************ ي) اليا ياليتك ياحبيبي قريّب وإني عرفتك قبل ما أكبر وأشيّب لكن حضي ردي ولك الفال طيّب نذرٍ على لاجيك لو فيه حراس |
يسعدني اول المتواجدين روعه ماكتبت لاعــــــــــــد منك ب) البا بلاي البعد وفـــــراق خلي إبو عيون وساع وهدبـهن مضلي وليا مشى فيه القدم خطـــــرٍ يزلي ولا خـــــــلق مثله بلندن وتكساس اخت الشرقيه |
صح لسانك سهم
رائع اخوي تسلم يمينك الى الامام اخوي تحيه لك |
لاهنت جعل ربي يعافيك
سهيم اتمنى ان تتقبل نقدي بصدر رحب وانا مانقدك الا لكي افيدك كاشاعر المعروف في القصائد المروبعه او الرباعيه تكون على وزن واحد في جميع ابياتها انت احسنت في القاف ولكن اخطت في الوزن وكانت معظم هذه القصيده تختلف من وزن الى وزن اخر صح قلبك واتمنى ان تركز على لحن واحد دمت كما انت |
إخوي مشعل
حياك ربي لكن بين يدي عدة ألفيات لشعراء قدامى إتبعوا التالي يكتب عن كل حرف ثلاثة حرة وواحد كقاعدة الثلاثة الحرة ترتبط بقاقية واحدة مع بعضها والقاعدة ترتبط مع بعضها في القصيدة كاملة هذا ماعرفته لك تحياتي وعلى راسي لو إنك نسيتن الرد علىإختي إخت الشرقيه وكذلك شبل عتيبة فشكراً على المرور000 |
صح لسانك 0000
|
مشكوووووووور
على هذا الاحساس الرائع |
اقتباس:
مرحبا اخوي انت تطرقت الى فلسفه بعيده عن كلامي ونقدي جعل ربي يعافيك انا لم اقصد اسلوب القصيده ونمطها القصيده معروف اسلوبها اسلوب القصيده المروبعه بغض النظر عن الاحرف انا اقصد وزن الابيات كان يختلف من حرف الى اخر مع ثبات البيت الرابع الاخير على قاف واحد والمشكله في الترتنيمه المسيقيه اي اللحن للابيات وليس على طريقة كتابة القصيده لك تحيتي |
وين محبي التراث
كأنها ماعجبتكم اللي ما تعجبه يكتب إنها ماعجبته000 هذا أول رغباتي وأكرر شكري لمشعل الشوق000 |
ليه ماتعجبنا يكفي انها من سهيم
يعطيك العافيه ودمت لنا دائما مبدعا ومتالقا |
| الساعة الآن 08:36. |
Powered by vBulletin® Version 3.8.7
Copyright ©2000 - 2025, vBulletin Solutions, Inc.
منتديات روعة الكون