منتديات روعة الكون - سالفة بندول الليل(هع شوفوا نص أعضاء المنتدى بيغازلون ومهوب عارفين ترا شيجيبون معهم!!)

سالفة بندول الليل(هع شوفوا نص أعضاء المنتدى بيغازلون ومهوب عارفين ترا شيوب معهم!!)
هذا موضوع لا طشه من أختي في منتدى ثاني وحبيت أجيبه لكم هنا!!والحقيقة الموضوع مشترك بيني وبينها يعني أنا وياها مسوينه عشان كذا يحق لي أنزله هنا وأنسبه لنفسي!!تعالوا شوفوا وش السالفة:

في ليلة رمادية مافيها نورة>>بنت جيرانا<< والأرق مؤرقني قعدت أدور بالبيت.. الكل نايم ألا أنا..قلت مافيه ألا آكل بندول الليل..زلطت ثلاث حبات وأنسدحت على سريري..الهواجس صالت بي ودارت ..مرت الساعات ويطلع النهار..قمت حول المغرب على لعلعة أهلي..لبست الزبيرية والعقال على راسي وأتجهت للمطبخ..أخذت حزمة كراث وترمس شاهي..ركبت سيارتي(كامري ماغير)أعشق القير وأعلف من هالكراث..

وصلت المغسلة آخذ ثوبي من عندهم وأستر نفسي ونسفت الشماغ على كتفي..

دق علي رفيق الشقاء كحيلان أمره هو والعيال ألقطهم من السويدي..

مريتهم وحشرتهم في موتري..الماجد الله يصلحه منسدح في المرتبة الورانية وفاغص شيوب..حبيب الحلوات و كحيلان راميهم قدام عندي..

وأحنا نتشاور على المكان اللي رايحين له كل ساعة الماجد مزعجنا يقول فيه ريحة أملا كاتمتني..وأنا أقوله أنثبر بس..أحنا قدام مانشم شي >>الكراث اعطى مفعوله في خشومنا<<

أخيرا قررنا نطس للتحلية ..حطينا هالأغنية عشان نسوي جو

هآت المإوس وارعص فيذإ.,,<<<عشان تشتغــل

طلع حبيب الحلوات مجموعته الذهبية من مصففات الشعر >>الكريم اللي واحد أخضر والثاني أحمر<<وألطه على راسي بيني وبينكم حسيت كني شاروك بوسامته..ألتفت عالشباب لقيت حبيب الحلوات يدهن سيقان كحيلان, الماجد حاظن علبتين ياكل منهم..وشيوب متوزي يدهن شنبه بأملا..>>الخاين يزبرق نفسه ويخلينا<<..مسكين الماجد ظلمناه!!

المهم وصلنا التحلية وقفنا جنب مقهى نسائي..شفنا هالبنات (بنت نجد_عربجية_همسة ليل)خلو كل واحد منا فاقن خشته وتطلع السعابيل_الله يكرمكم_

طلعنا نستعرض عليهم..أول واحد طلع شيوب لأنه ماأمداه يفتح الباب ألا هو طاير بسبب القاعدة التالية )لكل فعل رد فعل منعكس) والفعل هو الضغط بين الباب والماجد..كان لابس ثوب أصفر تحته بنطلون رياضه أخضر..وراه طلع الماجد كنا مستعملينه للترقيم كاتبين الرقم على فنيلته..

بعده طلع كحيلان المكحل يكبس بعيونه..عقبه حبيب وهذا أصغر واحد في الشلة ماخذينه لأن شكله ينرحم فنستعمله مرسول بينا وبين البنات..آخر شي طلع مسدح البنات (أنا)راز الجوال في جيبي اللي قدام ومتسند على الباب برجل ورافع الثانية أبيهم يشوفون كنادري الجديدة>>ماتقدرون علي!

عطينا حبيب الحلوات ورقة فيها مواصفات كل واحد فينا يوصلها لهم ..شافته همسة ليل وكسر خاطرها أخذت الورقه منه وقروها ..رموا الورقة وغمزت لنا بنت نجد بعينها..ماصدقنا خبر, نشبنا فيهم ندور وراهم وبدون ماندري دخلنا حمام الويمن وراهم..

هنا كشرت عربجية عن أنيابها ونزلت فينا تكفيخ ..ترفس هذا وتصفق ذاك وتعطيك دبل كيك في عين الثالث..

بنت قاعده تناقز وتشجع عربجية: إدي...إديلوه...إدي...بص شوف عربوج بتعمل ايه..

أما هموسة كاسر خاطرها حبيب الحلوات!!..خذته عندها تكفكف عبراته ..

هنا فتحت عيوني ..أنا لين ألحين أحلم في السرير..

تنهدت تنهيدة عميقه وحمدت ربي أنه حلم ولا كان أنا عجينه بيد عربجية!!!