كآن لك قلبي مدينه ولاحظ إني قلت : (( كان )] !×
 

ما تغيَّر شي .. لكن .. صار فاضي هالمكان
يعني إنتَ شفت قلبي طحت مِنْ عيني وعينه



كان لك قلبي مدينه ولاحظ إني قلت : ((كان))
يعني إنتَ الحين واحد ((خارج حدود المدينه))



ليه مستغرب كلامي وليه أعطيك الأمان
وليه تَكْذِب في كلامك العذر وينك ووينه



ما ألومك كان قلبك ثارت أمواجه وخان
الخطا منَّي لأني صرت في بحرك سفينه



والسؤال اللَّي كتمته وما نِطَق فيه اللسان
كيف إيدك إطعنتني وآنا أحْسِبْهَا أمينه ..؟




جرحي ما يرضيه قلبك لو يجي كلِّه حنان
لو تبوس الجرح فيني ولو تقبلها إيدينه



يُوم أحبك قلت كلمه : ( يكرَم المرء أو يُهان )
وإنتَ قلبي ما كرمته وما قدرت إنِّك تهينه




( عزِّتي ).. ما هي جديده آنا شامخ من زمان
إغسل إيدك من رجوعي وروح يا إبن اللذينه


طاب خاطر قلبي منِّك وهذي الفرقى رهان
وحتَّى لو قلبي يحبك ربِّي بفراقك يعينه



تدري لما قلت أحبك قلت وما عندي ضمان
وإختياري كان خاطىء تجربه بالحيل شينه



كنت تخطي وكنت أسامح مرَّه مرتين وثمان
أدمح الزله عشانك وأكتم أنفاس الغبينه



كنت أحبك وكنت أعزك والغلا فيني جبان
اخاف تزعل لو ألومك ضعت ما بينك وبينه





في عيون الناس عادي بس في عيني جنان
وكان قلبي من يشوفك تفضحه نظرة حنينه



ماني أوَّل من يحب ومنتَ آخر شخص خان
المحبه في زمانك بحرها من غير مينه


الفشل .. كان النتيجه وأعتقد آن الأوان
بني مستقبل حياتي وأنسى قصتنا الحزينه



وخطوتي الأولى غيابك وراح أطبقها عشان
يبكي قلبك لا فقدني والندم .. يملي سنينه



جاي تسأل عن مكانك !! هو بقى فيني مكان ؟؟

الله يرحمها المشاعر اللي كانت لك رهينه




قلت لك قلبي ( مدينه )فيها لك حشمه وشان

لكن إنتَ الحين أغرب شخص في هذي المدينه

صح لسااااااااااااااااانك
وبجد ابدعتي

هلاااااا فيك أختي رومنسيه أخجلني طيب ردك
وسعدت بتواجدك بصفحتى الذي زاد الكلمات عطرا
لك كل الود

هلا فيك بنت سبيع ويسلمووووووووووووو ع الرد

صح السانك بنت

الجنوب

قصيده جميله

راح تنقل لقسم الشعر

تسلمين حبيبتي كلك ذووووق

حيـــــــــــــــاك أخوي بصفحتي أسعدني تواجدك يالغالي

نجمه الجنوب
يعطيك ربي الف عافيه على النقل المتميز والرائع


وانا على فكره نزلت القصيده هذي في المنتدى قبل ثلاث ايام تقريبا

والقصيده رائعه واعجبتني
ويشرفني اشوفها مره ثانيه بمشاركه منك وارد عليها

لك مني خالص الشكر والتقدير

تقبلٍ مروري
دمتٍ بود