جيتي عظيمة في خفوقٍ تحراك = وتفارقينه مثل ما انتي عظيمة
دامك لغيري بانسحب عاد وانساك = يعني ابا ابعد وافهمي يافهيمة
اقسم برب البيت كنت اتمناك = لو للاماني عند شرواك قيمة
والله يا انتي كاملة في حلاياك = يكفيني انك انسة مستقيمة
عيني تبي تشوفك وضحكة شفاياك = واخاف اموت من الجروح الاليمة
ماكنت احسب ان الهوى صعب وياك = دام النوايا في غرامك سليمة
ما ادري ابيك وخايف اعيش فرقاك = والا ابي فرقاك لو بك ظليمة
عاد انتي بكيفك وانا ودي ارضاك = والله يديم الحب الله يديمه
وان كان ودك باللقا ودي القاك = وكانك تبين البعد بعدك غنيمة
اما كذا والا تراني بلياك = عايش والابغى منك غير الحشيمة
انتيِ عجبتيني بصادق نواياك = مع طيب قلبك زود عز وشيمة
جيتي عظيمة من قبل لا اتحراك = وتفارقيني وانتي اصلا عظيمة