منتديات روعة الكون - انا احبك وابي قربك...؟؟

حبيبـي نــام ياعـمـري عـلـى صــدري وصارحـنـي
وفـض الصمـت باحساسـك وخـل الحـب لـي يجـري

وفضـفـض لــي بـعـد عـمـري وعاتبـنـي وفهـمـنـي
أنا أطـري علـى بالـك كثـر مـا أنتـه علـي تطـري؟!

تعـال أقـرب مـن أحضانـي تــرى خــدك مواعـدنـي
يبي يلامس شغف روحي ويقطف بوحي من شعري

تـعـال أنـثــر هـنــا لـيـلـك وخـــل ويـلــك يولـعـنـي
أنا أحبـك وأبـي قربـك.. تـرى منـي قضـى صبـري

أنــا نبـضـك زهــر أرضــك وأنــت؟! ايــه تملكـنـي
بنحل خصـرك ..جمـر ثغـرك وزود بلونـك الخمـري

تتـوهـنـي .. تغـرقـنـي.. ومـــن بــــردك تـدثـرنــي
وتبكـي لـي وتشكـي لـي ولـه قلبـك ومــن سـحـري

أبـي دموعـك مـع أنفاسـك بـصـدق الــود تحرقـنـي
وأبـي عطـرك مـع سحـرك وآهـك بالحـشـا تـسـري

أبــي همـسـك يبعثـرنـي غـــلا ولـمـسـك يلملـمـنـي
وأبي عيونك مـن عيونـي تـذوب مـن الولـع كثـري

وأبــي عـهـدك مــع وعــدك وأبــي كـلـك تسلمـنـي
وننـعـم فــي حـضـن مـــن الـعـالـم وعـــن دهـــري

وتحييـنـي بـهـلا شـوقـك .. حــلا ذوقــك يشتـتـنـي
يـلـوعـنـي ويـأسـرنــي ويـمـلــك بـالـغــلا فــكــري

أبــي أيــدك تسـافـر بـــي وزهـــر قـــدك يلحـفـنـي
وأهيم بعالمك عاشق جنوني أنت .. وانت بي تدري

تشـوف الجمـر بعيونـي؟! تشـوف الشـوق جننـي؟!
أجـل تـدري مثـل مــا أدري بـأنـك حلـمـي يـابـدري

حبيبـي قـوم وصارحنـي عــن احسـاسـك وعلّمـنـي
أنا أطري على بالك ؟! كثر مـا أنتـه علـي تطـري