|
000 شاعـر المليون 000
كل عام وانتم بخير ،
ورمضان كريم على الجميع ، لكل شخص يبحث عن الموضه ، هذه السنه والتي قبلها ، الموضه هي موضة الشعر فـ شدو الرحال اليها ، ه ! امير الشعراء، وشاعر المليون ، وشاعر الجماهير ، والكثير الكثير ؟ في جميع القنوات ، لن اطيل ... تعقيب على اكثر من سؤال لماذا لاتشارك في شاعر المليون اجبت :wink: .. ياشاعر المليون مسيت بالخيــر ×××× انكان قصدك مكسبً للرساله حطيت في حسابك بليا تعابير ×××× مبلغ خيالي في قصيد الجزاله وسببت قومية ضعوف المشاهير ×××× وكلً على المليون وج رحاله والشعر يكرم للرجال المناعير ×××× اللي على الامثال تهدر جماله وحنا على دربك نسوق المظاهير ×××× لاجل الحيمـه بالمواقف رجاله صحيح ، مانعرف حساب المخاسير ×××× لا واللذي تحرم علينا الشكاله لكن بلاوي شفتها والمقادير ×××× ماهو بـ لاجل الشعر لا لاولااا له حطيت في (نشوى الرويني ) معايير ×××× ماهيب يم الشعر ولافي مجاله فكره تعددت في حدود الاساطير ×××× وكثرت على الساحات كسب الحثاله كلً فتح قناه ، لاجل الشواعير ××××× من شان يكثر بالقصايد رياله والحين موضه ، يازمان التفاكير ××××× لاصرت شاعر لو قصيدك هزاله لازم تواكب عصر هذا السنه غير ××××× هذا التخلف مطلبه والبطاله يالله جنبني صدوف المقادير ××××× وهرج المهبل والقصيد الهزاله وحقق لي امالي ليا قلت بصير ××××× غالي بعين الناس حب وجماله مع خوة الطيب ، ليا راح بـ عصير ×××× يم الديار اللي عليها مشـ اله مع خايعً فالليل وفي جنبي الطير ×××× ومن فوق رجمً والسوالف عداله وشوف النياق الجهم ويا المغاتير ×××× هي شف بالي لابغيت الرجاله يم ديرة الصمان لاقلت يامطيـر ××××× حمر النواظر مطلبي يالجلاله في شوفهم شوف السعد والتباشير ××××× عز العمام وعز جدك وخاااااله وياشاعر المليون مسيت بالخير ×××× ادري قسيت شوي لكن حثاله ياخير لو تزعل عليا الشواعير ××××× هذه الحقيقه واضحه والرساله خالد الدويش |
اخوي
القصيده اشكرك عليها لاكن احب ابين لك حاجه ما كل شاعراََ يصدق افعاله***ولا كل هرجاََ ينقال ينقال اخوي كل شاعر ما تحكم عليه اخوي انه عشان فلوس كلن يبي النوماس للربعه والشهره وفرحة ربعه وفخرهم فيه وصدقني ما بغو الدراهم ولا فكرو فيها |
اقتباس:
هلابك يالغلا وصح لسانك على البيت وصدقني اني خايف من فهم القصيده الفهم الخطاء ان شاعر مثلك وكل شاعر دخل في شاعر المليون اكيد يبحث عن الشهره ولكن لم اقصد كسب الاموال للشعار انما القنوات التي تستغل الموهبه هذه لكي تربح اموال طائله من خلال اس ام اس ، ولكن الشعار محشومين وعلى راسي كل مبدع ولو ترجع الى القصيده راح تشوف البيت هذا يوضح مقصد كلامي اكثر حطيت في حسابك بليا تعابير ×××× مبلغ خيالي في قصيد الجزاله بوداقصد حساب القناه او المنظم للمسابقه على حساب قصيد الجزاله اي الشعار الكفو فهمت يالغلا صح قلبك وشاكر مرورك ودمت بود |
اضم صوووتي مع جرحي العميق
والشاعر ماايبحث عن المال او غيرها الشاعر يبحث عن فخر وطنه وفخر قبيلتة يااخالد وشكراٌ على القصيدهـ لااهنت تقبل مروري هاجس |
اقتباس:
وانت لو قريت القصيده زين كان فهمت زين بس حياك الله وصح بدنك |
صح لسانك
الشاعر/ خالد الدويش همال أنت كالمطر .. بشارة خير كالسحاب .. عام بالخير كالسيل .. انت رائــــــــــــع .. حرفك باذخ .. اسرتني قصيدتك .. فيها عذوبة اللفظ وقوة المعنى .. وروعة المبنى .. لله درك قلت فابدعت .. ليس أجمل من بوح ٍ يختصر المسافات المرئية ليعبرنا بلا استئذان تقديري لك ولأبياتك الرائعة ... |
اقتباس:
مرحبا نجديااا مرورك وحده يشبه هتان الغيم اشكرك والف الف الف تحيه لقلبك الوفي الذي يشاركني شعوري في كل قصائدي صح قلبك وكلك ذوق ودمتي لنا |
لا والله
صح لسانك يابو رغد والله ونعم تسلم يمينك |
أخي الشاعر خالد
الشعر إذا كان يجيب الفلوس حيا الله فاهم قصدك زين قصيدة روعة بس المشكلة الحين ان الشعراء كثير ولا بد أن يكون هناك تصنيف لافضل الشعراء في الساحة ولن يكون التصنيف إلا بمثل هذه المسابقات وفي النهاية هي مكسب للشاعر ومكسب للقنوات الحثالة المشكلة مو هنا المشكلة أن كان اللي يقيييم الشعر ما يفهم في الشعر مثل ما قلت وفي هذه الحالة سوف يتعرض للظلم كثير من اشعراء الذين يستاهلون البروز والظهور والشهرة والمال بارك الله فيك وما قصرت صح لسانك ظميان غدير |
|
| الساعة الآن 06:21. |
Powered by vBulletin® Version 3.8.7
Copyright ©2000 - 2025, vBulletin Solutions, Inc.
منتديات روعة الكون
