|
>>>ملحمة مطيــــــــر<<<
أعود بهذه المتواضعه
لعل وعسى أن تنال رضاكم ... // عن حكي غاديـن الأريـاء مادرينـا ولاتباشـرنـا بـشـر ولابـديـنـا والا لاجـات الحـديـدة بالحـديـدة تصغـر كبـار المصايـب لابغيـنـا بس نرفع روسنا عـن كـل طامـن ولاتزعزعـنـا تفـاهـاتٍ تجيـنـا وكان صون أعراضنا يحسب نذالـة؟ شرّفتـنـا هالنـذالـه ماحيـيـنـا فعلـةٍ تفخـر بهـا كــل البـدايـد بعـد طأطـأ غيرنـا راسـه أبينـا يوم كـون أم الجماجـم وش فعلنـا انشـد الباشـا يخـبّـرك اليقيـنـا فعلنـا شـرّف كريميـن الفعـايـل مرّ روس الترّك واعرف وش بلينـا حين جالـوا بالجزيـرة واستباحـوا إعتـزوا حمـر النواظـر وإحتمينـا كل شبـر وكـل عـرض وكـل قبّـا وانتهـى سلطانهـم علـى يديـنـا ومن بحر جدّه الى الجهراء بسطنـا مجدنـا واستأمـن العربـان فيـنـا ذودنـا يرعـى بـلا رعيـان آمـن من سطاوة فعلنـا مـا احـدٍ يجينـا عـزوّةٍ مـن عزّهـا الله ماتراخـت تنثنـي صـمّ الجبـال ولا انثنيـنـا فعلنـا هـو الفعـل يـوم العظـايـم لازمـت سـود المنايـا وارتكيـنـا انشـد الصمـان كـم عنهـا لهدنـا كبد شيخ وعـن ثراهـا كـم ثنينـا وانشد الحـرّه يجيـك العلـم وافـي مانصـيـد ألا الغـزايـز لارميـنـا وإن بغيت انشد عن العشرة عوارض معجـزة مـن معجـزاتٍ تهتويـنـا والعبـيّـات الـرمـاة بـوارديــة حولوا بالطايـره مـن غيـر مينـا وفارسٍ معدود عن تسعيـن فـارس فيصـل سقيـان سقـم المعتديـنـا وصايد شيـوخ القبايـل والمسمّـى متعـب الجبريـن عـزّ المنتخيـنـا وانشـد الجبـلان وبعيـد الهقـاوي كم على جـرد الفيافـي قـد وطينـا غزوتـه تسعيـن ليـلـة ماتـوانـا ننجض قلوب الخصوم إليـا غزينـا وانشد تراحيـب كـم كبـدٍ فطرهـا من طنا شلفـاه حتـى إنّـا روينـا والدياحيـن الدياحيـن الـفـوارس والفغم وإبـن شـرار إليـا اعتزينـا ولو بغيت أحصي الشيوخ أهل المكارم ماتكفّيـنـا صحـايـف واكتفيـنـا في ذكر بعض الفعـول اللـي فعلنـا يـوم لشـداد الكحيـلات استويـنـا أهـل الـردات حنّـا مـن قـدايـم لاتناخينـا علـى الطاغـي قويـنـا لين جاء حكـم السعـودي واتحدنـا مـع حكومتنـا وللبيعـه عطيـنـا سلمنـا واحـد وسنتنـا العقـيـدة والوطن هو دارنـا اللـي محتوينـا كم بذلنـا دون شبـره مـن دمانـا من قديـم الوقـت ماعنـه ارتخينـا ولانـزال نـذود عنـه بكـل غالـي كـم شهيـد بوقتـه الراهـن فدينـا يوم جتنـا زمـرة الإرهـاب تزمـر كـم صميـدع راس قدمتـه يدينـا من عطينـا العهـد ماخنّـا عهدنـا حافظيـن اللـي لنـا واللـي علينـا يوم بـان لغيرنـا بعـض المواقـف ماتناخيـنـا لظـلـم ولا افتريـنـا وكان صون أعراضنا يحسـب نذالـه نفتخـر فـي هالنـذالـه ماحييـنـا كلمةٍ ينطـق بهـا غـادي بصيـره مادرى عـن فعلنـا واللـي حمينـا الشاعر الإعلامي : نايف المطيري المعذره عن نقص بعض الابيات لطول القصيده |
انشـد الباشـا يخـبّـرك اليقيـنـا
فعلنـا شـرّف كريميـن الفعـايـل الله الله ^_^ صح لسان الشاعر .. ولو يكتب مية بيت فمطير قليله عليهم >> ضربت الحميه معــــه ^_^ وكلك ذووق ع هييك نقــــل الف الف شكر لكــ |
ونعم في نايف وفي ربعه هل الردات وحمران النواظر
نايف غني عن التعريف ولاهي غريبه جزاله مثل هذه صح قلب شاعرها ويسلم يد من نقلها دمتي لنا |
قصيده جزله من شاعر جزل
والله ونعم وسبعت انعام في مشبعت الطير قبيله تستاهل العلم الغانم ولا ينهضم حقها من غير نقص بالقبايل الاخرى الله لايهينك اختي أميرة شاعر حي والله الي يفتخر في قبيلته تقبلي مروري اخوك / عــــزام العتيبي |
الله يعـطـيـكـ الــــف والـــف والـــف عـــافــيــه
تـسـلـم يـمـيـنـكـ عــلــى النــقـــل الـــرائـــع لاتحـرمـنـا مــن جــديــدكـ وٍوٍوٍوٍااااصـــلـــي وٍوٍلــكــي احـــلـــى الــتـــوٍوٍوٍوٍااااصــــل اخــوٍكـ وٍمحـبـكـ.,.الــــوافـــي.,. تقبـلـي.×.تــحــيــاتــــي.×. |
... لا تعليق ...
حمران النواظر معروفين ومايحتاج احد يمدحهم لان المدح شي بسيط فيهم ومشكور يانايف وكلك ذوق ياأميرة الشعر ... .......................< |
صح السان
الشاعر المعروف نايف المطيري وتسلمين على النقل الحلو ويستاهلون خوالي كل خير تحيه لك |
ياهلا بالملقوف المحترم
صح بدنكـ وصدقت بمطير ويعطيك ربي العافيه ع مروركـ الكريم دمت بوود |
ياامرااااحب بمشاعل
صح الله بدنك وماعليك زوود ياقلبي والله يسمع منكـ ياربــ ومرورك اسعدني والله الله يحفظكـ |
اخوي مشعل
مايحتاج الشاعر الاعلامي الكبير نايف المطيري ماشالله عليه وتسلم ع هالمرور دمت بسلاااام |
| الساعة الآن 08:29. |
Powered by vBulletin® Version 3.8.7
Copyright ©2000 - 2025, vBulletin Solutions, Inc.
منتديات روعة الكون