منتديات روعة الكون - شخصيا ولاول مره فايز المسرع معكم

شخصيا ولاول مره فايز المسرع معكم

السلام عليكم ورحمة الله وبركاته
صباح الخير ياجماعه انا اخوكم السيد والاخ والمفكر والفنان والشاعر والرسام والمنطلق اخوكم فايز المسرع <<<<<<<< اقول لايكثر بس
المهم ياجماعه انا عضو جديد بقراطيسي في منتداكم الوردي هذا الي بصراحه خلاني ارسم واكشخ علشان اسجل فيه <<<<<<<< (يابن الحلال خش في الموضوع كح كح )
انا ياجماعه صار ليه قصه طويله عريضه وش قصه الا فلم هندي قبل اجيكم هنا <<<<<< (بدينا في النصب لاحول ولا قوة )
بصراحه ياجماعه كنت انا وصديقي حمود في منتدى موب بعيد من هنا يمكن بعد ماتتعدى قوقل بسته كيلو وخمسطعش متر <<<<<<< ( اقعد يالي حاسبها بالمتر )
المهم انا وصديقي حمود كانو يدلعونا بالمنتدى الي كنا فيه يدلعونا بلصقات ابو فيل تدرون ليش لاننا ننام ونقوم وناكل في المنتدى مانطلع منه ابد <<<<<<< ( باين من اسمك انك طفران )
المهم ياجماعه قبل امس وانا وحمود في المنتدى جالسين نتفقد الاقسام حقت المنتدى بالكشفات اخر الليل <<< ( حراس امن المنتدى ) . الا فيه اصوات غريبه في قسم عالم الطبخ . المهم حمود صديقي بحكم انه بطل العالم في رفع المواصير قال يافايز انت افتح الباب وانا بدخل عليهم واحوسهم قلت اوكي المهم فتحت الباب ويدخل حمود مسرعا كهبوب الريح وبصرختن تخرعو الورعانو <<<<<<<<<<( انحشششش ياللغه العربيه ) وفجأه الا هذا الديناصور الضخم واااااااوك ياجماعه كبير بالحيل الله لايوريكم ويوم شافه حمود وهو يتشنج من الخوف . والديناصور يوم شافنا وهو يعصب ويخور خورتن سمعها كل قبائل قوقل واحنا ننحاش من المنتدى على الددسن حقتي وحمود كان في الحوض حق السياره ونناظر خلفنا الا الديناصور يحطم المنتدى تحطيم ياجماعه والله منظر يخوف وكل الي اخذناه معنا لمن هربنا البطانيات والمخدات حقتنا لانها كانت في الددسن <<<<<<< ( مايبي يقول انهم ينامون في الحوض حق الددسن كح كح ) واخذنا علبة الهندسه ومسطره كبيره والعود حقي ودفتر الخواطر والشعر حق حمود بس . المهم جينا منطلقين بسرعة الطياره وفجاءه يطلع لنا في الطريق ذاك البعير قاطع قوقل وانا بحكم مهارتي في السواقه وسرعة تفكيري الخطير وانا انحرف بالسياره من قوقل ومن فوق الحواجز اطمر بالسياره طيران فووق هام السحب وحمود وراء فوووووووووق كح كح ونطيح عندكم هنا عاد دامني تصرفت التصرف الخطير هذا بسياره ووقفنا عندكم قلت خلنا نركز الخيمه حقتنا ياحمود هنا عند الربع هذولا ونفلها هنا . <<<<<<< ( ياكثر حستيك ) بس مادري وين نلبق السياره .

والسلام عليكم ورحمة الله وبركاته

مع تحيات فايز المسرع
مع تحيات حمود .......... بس ترا حمود موب هنا لاني ارسلته للخرج يجيب بريال زبادي <<<
( بالعربي صرفته ) اخاف يجيب ليه مشكله معكم

فايز بدي اياك اسرع من هيك اخوي

ه

حياك الله

صباح الخير ياسعادة المدير العام اهلا اهلا شخصيا المدير العام يستقبلني والله لي الشرف الكبير خلاص انت صديقي شكلي بطنش حمود لعيونك ياشيخ بيني وبينك ولا تقول لااحد ياسعادة المدير العام اصلا حمود جاب ليه المشاكل ياشيخ كل شويه في اقسام الشرطه بسببه ياخي على شأن ان عنده شوية عضلات قام يصفق العالم وانا الي اروح فيها بذمتك يصير كذا هو يسوي المشاكل وانا الي ادخل السجن ماعلينا ياسعادة المدير العام ممكن صوره معك علشان اوريها للعيال اقول انك صديقي

ه امزح يابن الحلال خلاص خلاص اخر مره سامحوني اشكرك والله ياقلبي على الترحيب وانشاء الله اكون عند حسن الضن

فايز مراقب عام مو مدير عام

لا تورطنا

خليك اسرع شوي

قل قسم بالله اثاريك منت بالمدير العام وانا ناشب في حقلقكك من اليوم مو مشكله خطاء مطبعي يابن الحلال عقبال ماتصير مدير عام والله شكلك بتنطرد بسببي ه
مشكور على المرور والدفاع المدني

صديقكك فايز المسرع

ااااااااي

هااااااي

مهجول الاخ فاايز ..<<< هذه تحفه

حيااك ويالله لبق عند الفرفشه ابي اشووفك هنااك

خخخخخخخخخخخخ

<< تسرق الضيووف

http://www.l22l.com/l22l-up-1/580d8a8904.gif

http://www.l22l.com/l22l-up-1/74ba4ba1eb.gif
http://www.l22l.com/l22l-up-1/74ba4ba1eb.gif

السلام عليكم ورحمة الله وبركاته

•°رنــيــن صـــادق يــعــزف ألحان الــحــيــاة °•.

.•° تــشـدوا بـه الأشجـان °•.

.•° وطــيــور تــحـلـق فـــي الســـــمـاء °•.

.•° وتــهــتـف الــعـصـافــيـر فـرحـاً °•.

.•° أهـــلاً وســهــلاً °•.

.•. أكــتب بــالنور على شاشة ذاكرتـي بـعضاً من مقتطـفاتـي .•.

.•. لأضعها عـلى صفـحات منتداي الغالي .•.

فــأنقش على جدرانه وجدران الزمن الماضي والـحـاضر0.•.

.•. ترحيـبـي بـك وأنت أمامي فـي الدرب الطـويل

ترحيب أرويـه بـصدى الذكرى .•.