منتديات روعة الكون - ادخل وشوف(قصيده تبجي الصخر)ارجو العرب كلهم يدخلون

بعد ماحاجه يذبح بينه الافغاني
ولا عبوه بدرب يزرعلي جيراني
ولا يدخل يهودي ولا امريكاني
احنه اخوان واحد يذبح الثاني

بير التفرقه حفرته الامريكان
وادري وما طحت بس گوه جراني
خمس سنين يذبح واني راسي بچيس
وبجنطه الجسد وبجنطه ذرعاني
جبت عمرك حكم بسك بعد شتريد
تظل ابن القصر وابن الگصب اني
وتظل انت ال عجل وانه ال يول للموت
واظل بلا اظافر وانت سجاني
وتظل البصره عاچر والولد تكريت
وتظل تنگل حطب لديالى ميساني
وتظل وي العرب واخواني ذول تگول
ويسئلونك علّي وتگلهم ايراني
باوع على اخوانك بيه شيسون
يعوف اختي بعبوته امكشفه على الگاع
يتفرج علي القاسي والداني
وانا لكل اعربيه اتكشفت هديت
واغطي بقميصي والبس الثاني
من طبوا عليك و وصلوا لعمان
ما گلتلك اخت هذه غطاني
وانا لو ماشريف اليوم اطب اردود
وانزعهن واگلهن ذني قمصاني
عمر اعلف عليكم والشعب جوعان
ويلوموني واگلهم ذول فرساني
تالي تهد علي وحصاني ميت جوع
والله اتندمت لو عالف احصاني
لامريكا شلع كلكم حنيتوا الراس
وعذرتوا ارواحكم واتعيرت اني
انا صح دنگت گدام الامريكان
ولكن دنگت شديت قيطاني
ولان شيعي الحكم ادفع ضريبة تريد
واني اشحصلت والشيعي شنطاني
انكسر گلبه على كوخي وگال اهدمه اليوم
وابنيلك قصر وتسكنه بس تاني
بس تاني بس تاني بس تاني بس تاني
واتاني وصار خمس سنين
وانت من القصر طابوگه ما باني
حتى التاني ملت من المتاناة
اذا گلل تاني تگلي ما تاني
بيت الطين يرجف واحنه عرگانين
وصورهم لزگو بطين حيطاني
شعارات على بيتي يدگله طول اقماش
وانا بعازت اگماط يغطي رضعاني
بعد ما انتخب لا والله والعباس
لو حطوا اسم بآيات قراني
رد لفندقك والجبته اخذه وياك
ماريد القصر ردني على بنياني

ماريد القصر ردني على بنياني