![]() |
سبعـ سآعآتـ آسولف وآتكمـ وآستـ خ ـف دمي > رآئعهـ
للشـــــــــــــــاعر جابر العتيبـــي .. سبع ساعات اسولف واتكلم واستخف دمي وهي تسمعني وتضحك ومبسوطه على الأخر :: سبع ساعات اعلمها عن احزاني وعن همي واسولف عن حكايا الطفل كان وصار هالشاعر :: سبع ساعات تتساقط حروف الصدق من فمّي على صحرا مسامعها سحاب العشق متناثر :: سبع ساعات وتحلف لي براس العشق وتسمي تقول انت الوحيد اللي ملكني حبك الساحر :: سبع ساعات ونادتني بأسمه ما هو بأسمي تناديني فهد واسمي انا ياللاسف جابر :: تشنج كل شيٍ كان حولي ومسمعي يدمي ركز خنجر فهد في مسمعي من صوتها الخادر :: تخدّر فكري وجسمي وذاب بداخلي عظمي وصرت اسمع صدى صوتٍ يردد غلطة الشاطر :: يردد غلطة الشاطر بعشرة واقعي وحلمي وترددها زوايا غرفتي والواقع الغادر :: كثير اصوات شقت جلدي اللي يحتضن عظمي وصراخ الباب والدولاب والشباك والساتر :: وونات القلم والدفتر اللي يلتفت يمي وخايف وش ابي اكتب بوسطه من هنا لـ باكر :: وكانت ساكته وصوت النفس من خشمها و خشمي ربع ساعه وبحة صوت قالت: خير وش صاير :: وطرا في بالي عبدالله وخالد واحمد ونشمي ولآخرهم فهد تسعه وانا مدموغه العاشر :: وقلت ابداً مغير الخير ولكن امسحي رقمي اكيد انه فهد جالس سبع ساعات وهو ناطر :: وقالت لي: رجاءً او اقولك.. طير ياعمي مسوي حضرتك في هالزمان العاشق الطاهر :: وقالت لي: اقول! وقلت: انا بقول وذا علمي عجب هالناس وش هالناس تخطي وبالخطى تكابر :: انا يابنت بنثر لك حياتي واجمعي لمّي بعضه بنثره في مسمعك هالحين ومن خاطر :: ترا عمري انا تسعه وعشرين وكذا رسمي ولكن عشت ايامي دبلها مقبل وعابر :: اصيل وكل اصيلٍ مايبي مدحي ولا ذمي وسبع انعام في هالناس اخص الحامد الشاكر :: انا من نجد وربعي هم عتيبه وخالي الدحمي وبرقا لحمي ودمي وانا من روق ومع ناصر :: انا جابر ولد هايف وسلم الطيب هو سلمي ابو الي مربيني على الجزلات واتفاخر :: انا راعي مجاهيمٍ يشع بفخذها وسمي وراعي خيل وراعي بير وبيتٍ مبغضه كافر :: على الرمضى ابت رجلي بأرضٍ عاشقه ضمي وشمسٍ تشرق وتوقف على راسي وانا صابر :: عرق وجهي يصب وامسحه بشماغي وكمي وألد عيوني عن ناسٍ سرقني يمها الناظر :: وانا شاعر ولو اكتب عجز كل فكر في نظمي ولاني بالغرور احكي ولكن واثق وقادر :: وانا رجال هاوي للقمم ويقودني عزمي وابي ارقى على راس الجبل وانتي مع الحادر :: عرفتي ليه انا طاهر؟ لانك همي وغمي ولان الدنيا في عيني جبل نرقاه ونغامر :: يابنت الناس شفتي كيف بليّا سلاح مانرمي ولانوقف بوجه البندق المليان ونخاطر :: خلقنا الله بشر بعقول وذا واقع وذا وهمي وكلٍ يتبع مراده وفينا رابح وخاسر :: وقالت لي فمان الله شعلت النار في جسمي فمان الله يالطاهر ومثلك قله ونادر :: ورحت آخذ كتاب الله واحلف بالكتاب:" امي لو ان اسمي فهد بالله ماكان احلى من جابر..!! |
ترا عمري انا تسعه وعشرين وكذا رسمي
ولكن عشت ايامي دبلها مقبل وعابر :: اصيل وكل اصيلٍ مايبي مدحي ولا ذمي وسبع انعام في هالناس اخص الحامد الشاكر ونعم والله كفو يسلموووووووووو خيتو ع الذوووووووق الرائع لاخلا ولاعدم |
الله يسلمك ويعطيك الف عافيه على مرورك
|
«®°·.¸.•°°·.¸¸.•°°·.¸.•°®»انا من نجد وربعي هم عتيبه وخالي الدحمي <<===ونعم والله وسبعه انعام
يسلمووووووووو ياعنيده على الطرح الرائع ابيات تتراقص روعه وجمال لا عدمناك ولاعدمنا قصائدك الجميله«®°·.¸.•°°·.¸¸.•°°·.¸.•°®» |
اشكرك عزيزتي على هذا الاختيار الرائع
نعم هذا الذي يسمى شعرااااا ويطلق على كاتبه شاعرااااااا دمتي عزيزتي واتمنى ان نرى جديدك وبقلمك لانني اتوقع انه سوف يكون رائعااااااا |
جابر العتيبي
شاعر علم ويستاهل صح لسانه ومشكوره على النقل المتميز لكي التحيه خالد الدويش |
الله يعافيكم جميعا على مروركم العذب ولا تحرمونا
|
اجمل قصيده قريتها
تسلمين عالنقل ياحلوه تقبلي مروري |
يسلم لي هالاحسااااااااس يارب
يردد غلطة الشاطر بعشرة واقعي وحلمي وترددها زوايا غرفتي والواقع الغادر :: كثير اصوات شقت جلدي اللي يحتضن عظمي وصراخ الباب والدولاب والشباك والساتر بنت العقيد |
يسلمووووووووووو على المرور وكلكم ذوووق
|
الساعة الآن 06:11. |
Powered by vBulletin® Version 3.8.7
Copyright ©2000 - 2025, vBulletin Solutions, Inc.
منتديات روعة الكون