|
مصايب جامعة ام القرى........ الله يستر بس
§¤~¤§¤~¤§بسم الله الرحمن الرحيم§¤~¤§¤~¤§ تحدثنا كثيراً عن جرائم أخلاقية تحصل في جامعات ومدارس هذا البلد الحبيب منذ يومين قامت فتاة بقطع أذن إحدى صديقاتها.!! وسمعنا أيضاً بما قاموا به طالبات كلية سكاكا الأدبية بقتلهم لفتاة رفضت أن تكون لإحداهن عشيقة!! ومازلنا نسمع ونسمع ...! ولكن إلى متى! أين الرقابة من هكذا حوداث قد يعود تأثيرها على الأجيال القادمة..! أين المسؤولين وصنّاع القرار داخل الجامعة وخارجها ..! نسمع عن وجود ضابطات للأمن في كل الجامعات فأين هم من هذه الحوادث أم هم ضابطات بالإسم فقط؟؟ لعمري أصبحنا لانفرّق بعض الفتيات إن كانوا حقاً فتيات أم لا!! المسمّى فتــــــــــــــــاة لكن الأفعال أفعال شباب ينقصهم فقط الشنبات واللحى..! بالأمس في جامعة أم القرى بمكة المكرمة لأول مرة أشاهد مضاربة حامية بين شباب ..عفواً أقصد فتيات داخل أسوار الجامعة سأرويها لكم بــ(العــــــــــــــــــامّي) أنا كل يوم أربعاء أخرج من الجامعه الساعه 1 ونص الظهر , لكن أمس جلست إلى الساعه 3 ونص عشان كان عندي إختبار .. وبعد ما خلصت الإختبار نزلت من القاعه واتجهت مباشرة أنا وصديقاتي إلى كوشك صغير طلبنا تشيز كيك وقهوة وجلسنا تقهوينا وسولفنا وفضفضنا فضفضة مابعد الإمتحانات ^_^ المهم ,, بعد فضفضة استمرت لأكثر من نص ساعة وتعب نال منّا ,, توجهنا لبوابة الخروج للذهاب إلى منازلنا ولكــــــــــــــــــن ...! ليتنا جلسنا بالكشك ولا شفنا ذاك المنظر اللي خلانا نضحك بدون شعور ..! منظر خلانا نحس كأننا بجامعة أم القرى للأولاد مو للبنات للأسف..! أربع بنات من شلة وحده مع ثلاث بنات من شلة ثانية وهات ياضرب وتلطيش وصفق وتكفيخ لدرجة إن وحده فيهم جاها صرع وطاحت ...! المنظر صار يخوّف... بنات الجامعة كلهم متجمهرين حول الهوشة .. يهيصون ويشجعون وكأن اللي صاير قدامهم مسابقه ..! كل ما وحده لطشت الثانية قاموا البنات المتجمهرين بإطلاق صيحآت من النوع اللي يحمس .. وفعلاً ,, يتحمسون البنات ويزيدون تلطيش وصفق ودبج..! أختلطت الشلتين صاوروا يضاربون بعض وهم مايدرون عن نفسهم لين ماشفنا وحده فيهم طايحه عالأرض وتصيح وتنيح ومنظرها فعلاً يخووووووووووووووف ..! جات وحدة من شلة البنت اللي طايحة وشالتها وهي تصرخ وتسب وتلعن في البنات ..! المشكلة إنو كان في ضابطات الأمن لكن للأسف ولا وحده فيهم قدرت تسوي شي ولو بالكلام حتى..! البنات المتجمهرين صاروا يصيحون على ضابطات الأمن ويسبون فيهم يبغونهم يقومون يتحركون يسووون شي وهم .................... مكانك رآآآوووح..! صابهم خوووف مو طبيعي ..! بعض البنات كانوا يصورون الهوشه بكاميرا الجوال ...! والبنات صاروا يصيحون بصوت عالي ويقولون(انتبهوا يابنات في تصويييييييييير انتبهوا) اغلب البنات قاموا لبسوا عباياتهم وتلثموا عشان مايحرمون نفسهم من منظر الهواش اللي كان صاير ولا يبغون يخسرون نفسهم وتنتشر صورهم في النت والبلوتوث ويشوفها اللي يسوى واللي مايسوى ....! منظر موحش وسخيف بنفس الوقت .. لا رقابة ولا مسؤولية .. كلن نفسي نفسي والبنات هم اللي يروحون فيها ...! مكان بمستوى الجامعة لازم يكون في رقابة من المسؤولين داخلها .. ويكون في ضابطات إسم على مسمّى مو بس بالإسم ..! بجامعتنا ممنوع جوالات الكاميرا .. لكن الهوشة اللي صارت فضحت المسؤولين وضابطات الأمن إنهم فاغرين ولا يدرون عن ربي وين حاطهم .. نص بنات الجامعه منزلين جوالاتهم بكاميرا ويصورون .. كيف دخلوها..؟؟؟دليل قاطع على مدى الإهمال والتسيب الحاصل واللي راح يكون ضحيتها البنات والأجيال اللي راح تلحقهم السنوات القادمه .....! موقف آخر حصل في نفس الجامعة .. كانت وحده من صديقاتي تذاكر هي وصديقتها .. وهم جالسين إلا وفي بجنبهم بنتين جالسين .. وحده من ذولا البنتين حالتها كانهت مش طبيعية ..! البكاء موجود بين عيونها .. وجا شاحب وغريب.! تقول صديقتي قربنا أكثر وأكثر إلا سمعنا اللي مــــــــــــالم يكن في الحسبان..! البنت اللي شكلها غريب ووجا شاحب تكلم اللي جنبها تقول لها( الله يخليك أعطيني وحده بس وحدددده)..! تقصد حبوب .. !! اللي جنبها تقول لها بصوت خافت وغير مسموع ( بس إنتي مادفعتي حق الأولى آسفه ما اقدر اسوي لك شي) ياصنّاع القرار .. يامسؤولين .. يامن تحملون في أعناقكم ذمة بنات لاحول لهم ولاقوة ... أين هي مسؤولياتكم .. أين هي قراراتكم وأنظمتكم ... أين هي الأمـــــــــــــــانة المنشودة في الرقابة .. أين وأين وأين ..؟؟ يا أهالي الطالبات ... يا أمهاتهم .. ويا أخواتهم .. انتبهــــــــــــوا من شر الجامعات ومايحويها .. ومن شر البنات داخلها وما يفعلون ويصولون ويجولون ولا لهم رقيب ولا حسيب ..! انتبهوا لبناتكم .. انتبهوا لأخواتكم .. حذروهم .. نبّهوهم ... حصنوهم ... انشروا الوعي بينهم ليفرقوا بين الصالح والطالح .. قسماً لمن رفع السماء وبناها إن الصالح إختلط بالطالح .. والحابل إختلط بالنابل .. وأصبح الواحد فينا لايفرّق بين البنت عن ما إذا كانت صالحة أم لا ..! انتبهوا ....... انتبهوا .. ونبّهوا يارعاكم الرحمن .. هادا الموضوع قريتيه في منتدى وحبيت اشوف تعليقاتكم مافي غير كل يوم مصيبه جديده الله يستر بس ويومها من حسن حظي اني طلعت من الجامعه بدري والحمد لله بس على كل حااااااااال انتظر ردودكم *ســوســو* |
سمعنااا الكثير عن هذه التصرفااات ولكن لاتعمم ع جامعه ام القرى فقط
فهناك الكثير من الجامعات بهذه الصوره شكرا لك ع الموضووع |
الله يحميناا يارب
حتى بنات صار ينخاف منهم وين راح الحيا والحشمه والدين والانوثه الله يحمينا |
هلا و غلا اختي سوسو بصراحه موضوعك خطير و لازم يتخذو فيه اجراءات صارمه
و الا راح يوصل الى مراحل ما يقدرو يصيطرو عليه ,, الشذوذ و المخدرات و البلاوي كلها متوفره الله يكفينا لكن عندي تعقيب على الجملتين اقتباس:
انا تخرجت من جامعه ام القرى تخصص انجليزي و الان ادرس في جامعه الملك عبد العزيز اداره اعمال انتساب و اعرف شباب في كل الجامعات اللي في المملكه و حتى خارج المملكه ترى مجتمع الشباب في الجامعه مجتمع راقي و فيه احترام و تقدير بيننا ما هو صحيح ان التصرفات الغير مرضيه من البنات تعلق على اساس انها تشبه بالشباب انا ما انزه شباب الجامعه كلهم فيه الطيب و الخبيث و لكن الطيب اكثر بكثير هذي وجهت نظري على حسب خبرتي و تحياتي لك اختي مره اخرى اخوك Return to Honey |
اقتباس:
ايوا فعلا اصلا التصرفات دي في كل مكان بس هادي قطره من بحر وهادا الشي اللي سمعنا عنه العفو خيووو منور الصفحه |
اقتباس:
ايوا على قولك خلاص مافي لاحيا ولاادب الله يستر من اللي جاي بس ومشكووره عالمرور العطر |
اقتباس:
هلا فيك خيووو اولا الموضوع منقول يعني مو انا اللي كتبته بس انا معاك المفروض انو مو اي شي مو مرضي من البنات نحطه عالشباب بس التعليق اللي ذكرته يمكن تكون كاتبة الموضوع مو قصدها شي بطال يمكن لانو البنات لهم حركات تميزهم والشباب لهم حركات ومو شرط الحركات اللي مو كويسه واكيد كل ناس فيهم الطيب وفيهم البطال ومشكووور خيو عالمرور وطبعا هادي وجهت نظرك ووجهة نظر صحيحه مع احترامي ليها وليك منور الموضوع |
اختي "" سوسو ""
معاك حق الموضوع يعبر عن وجهت نظر اللي كاتبه و تسلم يمينك على نقلك و اثارتك لهذه المواضيع اللي تدل على اهمامك و حرصك على بنات و ابناء المجتمع تحياتي لك |
يسلموووووووووووو يا سوسو على الموضوع المفيد من جد شي يخوف ويقهر
|
اقتباس:
الله يسلمك خيووووووو وان اشكر مرورك الرائع وطبعا اختلاف وجهات لنظر لا يفسد للود قضيه وانا احترم وجهة نظرك ومشكوور مرره اخرى |
| الساعة الآن 11:14. |
Powered by vBulletin® Version 3.8.7
Copyright ©2000 - 2025, vBulletin Solutions, Inc.
منتديات روعة الكون