|
واللي يرحم والديكن طالب الفزعه
انا عزابي وطفشني اكل المطاعم
والوالده الله يحفضها كل طبخاتها صعبه وانا وحداني بس لو سمحتن .كم وصفه تفي بالغرض؟ اهم شيئ سهله وسريعه |
والله ماني طبيخه ياليت أعرف وأفيدك
|
هاذي وصفه ياالغلا وانشاءالله تعجبك سهله مره00
الحمــــــــص والتبوله رهيبــــــه00 المقادير للحمص حمص علبه كامله زبادي علبه كامله ليمون قليل من الملح طحينه حوالي ملعقتين اكل ملعقتين اكل زيت زيتون فلفل اخضر حار دقة من الثوم ان شئتي يخلط الجميع خلطاً جيداً ثم يوضع في صحن التقديم ويصب عليه ملعقة زيت زيتون ويزين بالزيتون والسماق وبالعافيه المكونات نصف كوب برغل ناعم ثلاث باقات بقدونس نصف كيلوطماطم حمراء نصف كوب نعنع أخضر بصلة كبيرة كوب زيت زيتون أربع ليمونات عصير ليمون ثلاث ملاعق صغيرةملح رشة فلفل أسود رشة بهار طريقة التحضير :- 1- ينقى ويغسل البرغل جيداً، ثم يصفى. 2.يضاف عصير الليمون إلى البرغل ويترك جانباً. 3.يفرم البقدونس والنعنع فرماً ناعماً جداً. 4.تفرم الطماطم فرماً ناعماً، وتضاف إلى البرغل. 5.يفرم البصل فرماً ناعماً، ويفرك بالملح والبهار والفلفل الأسود. 6.تخلط جميع الخضار مع البرغل. 7.يضاف زيت الزيتون إلى الخليط. 8.تزين التبولة بأوراق الخس والخيار بالعــــــــافيه |
كيك البا نكيك مره حلوه وانشاء الله تعجبك0
المقادير 1كوب دقيق 4/3 كوب زيت 4 بيضات علبة حليب بوني ملعقة أكل بيكنج بودر 4/3 كوب سكر عسل الطريقة تخلط المقادير مع بعضها -- تدهن الصينية يوضع في الصينية مقدار معين من الخليط يرتب الخليط بالملعقة ويوضع في الفرن من تحت إلى أن تنضج ثم نقوم بأخرجها ندهن الوجه بالعسل وباقي خليط الكيك نضعه فوق الكيك ثم توضع في الفرن من فوق إلى أن تنضج ونأتي بالعسل مرة أخرى ونفس الطريقة إلى أتتكون من عدة طبقات . وبـــــاالعافيه |
كيك الله يسامحك
لاكن شكرا عالحمص |
سندويشات خفيفة ...
دجاج ع الطريقة الصينية ... المقادير : دجاج صدور مقطع مكعبات ... فلفل رومي أخضر ... بصل مقطع مكعبات ... شوية ملح ، كاري ، فلفل أسود ... شوي زيت ... الطريقة : حط البصل بالتاوة وقلبه شوي بعدين حط معاه الفلفل وظل تقلب ولما يصير ذهبي شوي حط عليه الدجاج قلبهم شوي بعدها حط الزيت والبهارات وقلب لما يستوي الدجاج جيب خبز صامولي وحط مايونيز وحشيه بهالخلطة وبالعافية ... :) |
سندويشات اللحم ...
المقادير : لحم مفروم ... بصل مقطع صغير ... بقدونس مقطع صغير ... معجون طماطم ... زيت ... فلفل أسود ، ملح ، كاري ... الطريقة : اغسل اللحم أول شي واتركه لمن ينشف من الماي ... جيب قدر وحط فيه اللحم وحط عليه الملح والكاري ... اللحم ح ينزل ماي اتركه لمن ينشف وبعدين حط عليه البصل ... لمن يتغير لون البصل حط عليه الزيت ... قلب شوي بعدين حط عليه المعجون والفلفل الأسود ... قلبه شوي وخلاص ... جيب خبز صامولي وادهنه بمايونيز وحشيه بهذي الخلطة ... وبالعافية ... :) |
ملاحظة :
سوري ع الأسلوب بالشرح ان شاء الله تكون وصلت المعلومة زين ... بس لأن كتبت لك هالوصفات بالارتجال يعني أنا أسويهم وما أعرف أكتبهم بمقادير وما أعرف ايش ... واذا تبي وصفات بعد قول من أي نوع تفضل ؟؟؟ تحياتي ... |
|
اقول ترى طبخ الريايل احسن
تبا سمك مقلي علعموم بخبرك هات سمج كنعت شرايح وهاتلك بيضة وشويت طحين وحبتين طماط اغسل السمج عدل وملحهم ادهن قطع السمج بالبيض بعد ما تدهنهم غطهم في الطحين سخن الزيت وحط السمج في الزيت الين يستون بعدين قطع الطماط قطعتين وحطهم في الزيت بعدين حط السمج المستوى في صحن وحط الطماط حوالينهم وهاتلك خبز وضرب بالخمس عليك بالعافية |
مرحبا مرة ثانية
اكل عزابي سريع وحلو المقادير نص دجاجة حبتين بطاط حبتين بصل ثلاث حبات ليمون يابس ملح فلفل اسود طريقة التحضير قطع الدجاج قطعتين او ثلاث غسل البطاط بدون طقطيع اوتقشير قشر البصل بدون طقطيع اخرم اليمون اليابس حطهم كلهم في جدر حط عليهم ماي لين يطغطون حط الملح والفلفل بكميات مناسبة حطهم على النار لمدة خمس واربعين دقيقة طلعهم من الجدر بدون الماي ويا الخبز ما في احلى منه |
هذه وصفة الكابلي:(بالدجاج أو باللحم )
ننظف الدجاج جيدأ.ونضعه في قدر على النار ونقطع عليه بصلة ونحركها ونضع المويه الحار عليه لحد مايستوي.ونعمل في قدر ثاني كشنة بصل مع زيت لحد مايحمر نضع عليه الرز بعد تنظيفه وقليل من الملح وقليل من الماء لان الرز نبغاه نص إستواء. وفي قدر تاني نسوي كشنة البصل والزيت وراس ثوم مفروم لحد مايحمر نضع الطماطم المقطعة صغار وقليل من الصلصة وغطاء من ماء الكادي وملعقة صغيرة من صبغة الرز الصفراء ونحركهم جميعأ ونضع الدجاج مع الخلطة والملح ونغطي القدر قليلآ ..ثم نضع الرز المستوي فوق الدجاج ونكبسه بالضغط لاتحركه لمدة 10 دقائق على نار واطية مرة ونضع في غطاء الماء الكادي ماء الكادي و قليل من الصبغة ونرشها فوق الرز الابيض وبعدين أقلبه .وبالهناء والعافية |
سويلك ساندوتش بجبن كرفت وحط معاه بيض معقلي والله مرة طعم
والله كان نفسي اديك طبخات بس انا مااعرف اطبخ مره اسفه وتسلم عالموضوع |
أوكي تبي كبسة سريعة
هاذي كبستي ان شاء الله مزيونة كبسة بالدجاج طبعا راح اقول الطريقة على طول مثل ما انا اسويها وان شاء الله توصل المعلومة بصلة مقطعة تقطيعا متوسطا ثوم مهروس حط البصل في قدر << معلومة القدر المستخدم قدر ضغط المهم حط البصل في قدر طبعا تكون حطيت زيت وساخن لما يصير لونه اشوي متغير حط الثوم المهروس ولما يصير لونه متغير تكون غسلت الدجاج قبل << طريقة غسل الدجاج : نقع الدجاج لما يفك منه الثلج أقطع الدجاج من فوق يعني راسها هو ما في راس بس في لحمة من فوق تكون بارزة واقطعها من تحت واهم شيء من تحت وبعدين اقطعها من النص انتبه لاصباعك كم مره اقطع اصباعي مع الدجاج المهم نضفها من جوه زين وشيل الجلد عنها وقطعها صغار بس مو مره يعني الصدر لحال الرجل لحال يمكن اربع أو ست قطع تصير بعد ما تغسلها جيب دقيق وليمون وافركها الدجاج بالدقيق والليمون زين علشان ريحتها تروح وبعدين اغسلها من الدقيق والليمون . المهم بعد غسل الدجاج حطها على البصل والثوم وقلبها زين وحطي ماجي ومعجون طماطم وقلها زين وبعدين حط عليها مويه مغليه الين نص القدر تقريباً أو أكثر أشوي وحط فلفل اسود وكمون و قفل القدر زين وحط النسم حق القدر وخلي النار متوسطة عليها وخليها نص ساعة بعد نص ساعة طفي النار وافتح النسم حق القدرالين يطلع كل البخاروبعدين افتح القدر حطي رز حسب الرغبة ويفضل يكون مناسب للموية الي حطيتها في القدر يعني بعد ما تفتح القدر تشوف ايش الي باقي من الموية أوالي صارت مرقة لو كانت نص حط كوبين رز أو ألي تشوفه مناسب وغطي القدر ورجع النسم وشغل النار مره ثانية بس خلي النار واطية مرررررررره وخلها يمكن ثلث ساعة وروح عند القدر اسمع اذا لسه تسمع موية تغلي قرب اذنك من القدر بس انتبه على اذنك لا تنحرق مره حرقت اذني << مجربة كل البلاوي كخكخكخكخ اذا لسه تسمع صوت مويه تغلي بس على خفيف مرررررررره خلاص افتح القدر وحط لك في صحن وسوي لك سلطة مزيونة ولا تنسى البيبسي والله يجنن مع الكبسة وبالهنااااااااااااااااااااااااء والعاااااااااااااااااااااااااافية على قلبك يالغالي أن شاء الله ما طولت واذا اي استفسار انا حاضرة لو تبغى كبسة اللحم عاااااااادي تراه اسهل من الدجاج وتقبل خااااااااااااالص حبي أختك/ عاشـ فخري إني سعودية ـت بلادي |
بسم الله الرحمن الرحيم
السلام عليكم ورحمة الله وبركاته يعطيك العافيه وشكرا على جهدك القدير في إنتظار الجديد |
اخوي هاذي طريقة كبسة سريعة ومش رح تندم :- (صدقني)
واليك الطريقة : جب قدر وحط لحمتك أو دجاجتك فيه وقطع عليها البصل والطماطم وصب الحين عليها ماء حتى تغطي اللحمة واتركها على النار حتى تطبخ (ممكن بهذه الاثناء تحضر سلطة الكبسة المكونة من بصل مقطع صغير وطماطم صغير وليمون نفس الشيئ مقطع صغير) بعد ماتستوي لحمتك أو دجاجتك ضع في القدر ملح وبهاراتك اللي يحبها مثل شوية فلفل اسود وكمون وبزار مشكل خاص بالرز وحبتين ليمون اسود كاملة مع عود دارسين وكم حبة هيل ثم اغسل الرز وضعه على اللحمة في القدر وممكن اعلمك طريقة اذا الماء كثير (امسك ملعقة اكل ووقفها في نصف القدر اذا طاحت فالماء كثير هذه واحدة والثانية اذا طلعت رائحة الرز فالملح قليل) وغطي القدر حتى يستوي الرز وبالهماء والعافية |
| الساعة الآن 02:40. |
Powered by vBulletin® Version 3.8.7
Copyright ©2000 - 2025, vBulletin Solutions, Inc.
منتديات روعة الكون
