بنت مصدومه فى الحب /منقول بس روعه
 

غلطة حياتى







شفتـــه عقب غيبــه طويـله و فـزيت
××××××××××××××× لـحـظــه بحيـاتي من زمان احتريهــــا

كنت انتـظرهـا وطـال صبري ومليت
××××××××××××××× صدفـــه بثمن عـمـري كـلـه اشتريهــــا

كنت ابي رد اعتبــاري له وهـلـيت
××××××××××××××× هــــــلا بك يا متعب حـيـاتي ومعـنيـهـــا

وش فيك على غفله تثقلت وتغليت
××××××××××××××× كنـك ماتــدري عن اولهـــــا وتاليـهـــــا

قال وشلونك ؟؟ ومـن قلب ونـيت
××××××××××××××× هلت دموعي وبـعــدت عـنـه اداريـهــــا

ناظر بعينــه وابتسم لي ثم صديت
××××××××××××××× وانا عيـوني الدمـع مغرقـهـا ومعميهــا

الظاهر اني للوصـل حيـل حنيت
××××××××××××××× قلت انا غريبـة وطن مضيعه اراضيهـا

تـفداك كل البشر لو غبت وجفيت
××××××××××××××× وتـفـداك روحي هـاك عذبهــا واشقيهــا

بس لاتغيب ارجوك بغيابك جنيت
××××××××××××××× نـارن احرقت قلبي اشعلهــا واطفيهـــا

تراني مجنـونه اليا حبيت حبيت
××××××××××××××× ابيك معي دوم ولحظـة غيابك مابيهـــا

قدرك بقلبي فوق لو انك تناسيت
××××××××××××××× يابـعـد روحـن ملكتهــا وانت غاليهــــا

لو تطري الفراق او بيـوم حسيت
××××××××××××××× وربي اكــره الدنيـــا لو بس تـطـريهــا

قال اوعدك لو بيدي عنك ماتخليت
××××××××××××××× بس الظروف اجـبرتني اجـــــــاريهـــا

لا تحسبين بغيـــابي عنـك سليت
××××××××××××××× افكر فيك بالساعات دقايقهـا وثوانيهــا

ما جابني لك الا غلاك لولاه ماجيت
××××××××××××××× شـمـعـه غـلاك بحيـــاتي الله لايطفيهــا

صبرك علي والله لتقولين منك مليت
×××××××××××××× واعوضك مر الايــام والليــالي بحاليهـــا

وانا اللي بكـلامــه الحـلـو نسيت
×××××××××××××× اعطيتـــه روحي بالغدر والكذب يجازيهــا

وشلون كـذبت على نفسي وخبيت
×××××××××××××× كـل السواليــف اللي يقولهــا ويسويهــــا

ياما لجل عينــه صبرت و ضحيت
×××××××××××××× حيــاتي كلهــا عطيتـــــه وضحيت فيهــــا

يقول قصتن صارت معك يابنت وبديت
×××××××××××××× اليوم انا قررت اقــولك لازم انـهــيـهــــا

قلت له من عيـوني لك ماتـمـنيت
×××××××××××××× عشرتك ياصـــــاحبي ماعـــاد ابيـهـــــــا

طابت النفس منك ومن سواياك مليت
×××××××××××××× من كثرة جروحـك وغدرك فيها مايكفيهـا

على كثر ماكنت ابيك وبك تهقويت
×××××××××××××× اليوم سيرتك مابي احدن يذكرني فـيهــــــا

ماأنكر حبك غلطة حياتي ومنها تربيت
×××××××××××××× عرفت وشلون اتصرف بهالدنيـا وبلاويهــا

الشاهد الله لاخليك عبره للحي والميت
×××××××××××××× وتـشوف وشلون بعتهـا وياك وبسويهــا

والله لاندمـــك على يومن به جـيت
×××××××××××××× تنـــــدم على ساعه امـك جابتــك فيـهـــا

والله لاجرحك جرحن تبطي ماتداويت
×××××××××××××× تـمـوت عاجــز عن جروحــك تـداويـهــا

مانيب مـضـاوي الاوله تغيرت وتقويت
×××××××××××××× خلاص مافيني صبر بخربها وابعميـهــا

لو ترتجيني وتطلبني اسامحك عييت
×××××××××××××× الين ادوسـك بالارض واساويك فيـهـــا

ونهايتك صرت اردى الناس وتوطيت
×××××××××××××× اللحظـه هـاذي من زمــان احتريــهــــا






قصيده منقوله بس روعه








قيثار

مشكور عالقصيده الرائعه

هلا وغلا فيك اختى

نوف مشكوره على مرورك

والاروع من ذالك اعجابك

معاندة جروحها

حياك يا الغلا

مشكوره على المرور

صح السانك ولاهنت يالشاعر



فعلا معزوفه مميزه


والى الامام ان شالله

واو قصيده اكثر من روعه تسلم ايدينك على النقل الرئع تقبلوا خالص تحياتي
أختكم : فله واختها عله

محمدبن خالد

صح السان قايلها

سلمت على مرورك

اخي الحبيب

فله واختها عله

مشكوره على مرورك اختى

حياك

الله عليك قيثار صح لسانك ولسان شاعرها ولاهنت

بارك الله فيك وفيما نقلت عزيزي

دمت بود

هلا فيك اخوي طلال مشكور

على مرورك الكريم