|
قصتي المضحكة المبكية مع جهازي
بسم الله الرحمن الرحيم
السلام عليكم ورحمة الله وبركاته في يوم من الايام كسبت مبلغ محترم من الاسهم وقررت اني اشتري جهاز كمبيوتر جديد طبعا اخوكم عليمي في البرمجة الى ابعد درجة وجهازي القديم خنقته الفيروسات من كثرها وقديم وباط جبدي المهم نزلت لابراج الدوسري في الخبر كل اهل الشرقية اكيد يعرفونها واخترت جهاز على ارقى المواصفات واحدث الموديلات وطلعت من المحل مباشرة على بيت واحد من الربع فهلوي بالبرمجة وركب لي كل البرامج الخاصة بالحماية وبرامج الليى احتاجها اثناء تداول الاسهم رجعت من هناك على البيت واخذت الجهاز على مكتبي وركبته وتركت الكراتين والكتلوجات وسيديات التعريف على الارض فجاءة جاني اتصال رديت لقيته واحد من الربع في المطار يبيني استقبله قفلت مكتبي وحطيت المفتاح تحت الكنبة اللي بالصالون ورحت لخويي واستقبلته لحد الحلين الكلام حلو صح ؟؟؟ اللي مو حلو طلب مني اوصله لبيتهم ونحنا رايحين للبيت اتصل عليه ابوه وساله متى توصل الطيارة اللي انت جاي فيها قال خلاص انا وصلت وانا الحين في الدمام وجاي للبيت قال ابوه من ساعة واحنا طالعين للجبيل ويمكن ما نرجع الا قريب من الفجر قلت له انا مو مشكلة تعال اجلس معي ندخل النت سوا ونسهر في البيت اللين الصبح طبعا الجو حار ورطوبة وما يساعد على طلعة بحر او كرنيش او بر اتصلت انا على البيت وكلمتني الشغالة قلت لها شوفي المفتاح تحت الكنبة الفلانية اخذيه ونظفي المكتب بسرررررعة فيه واحد من الربع بيجي معي قالت ما فيه مسكلة بابا وصلت انا ورفيقي للبيت وسهرنا اللين الصبح والصبح وصلته لبيته ورجعت نمت اللين الساعة 10 موعد التداول صحيت ودخلت النت اللين الظهر وجيت باستخدم الطابعة تذكرت اني ما سويت لها تعريف دورت السي دي حق التعريف اللين دخت مالقيته اثاري مرياتي قطت السيديات والكتلوجات مع الكراتين درام حسبي الله عليج يامرياتي الحين الطابعة قدرت اعرفها عن طريق النت لكن الصوت مو راضي يتعرف ومو راضي يشتغل وماقدرت اعرفه عن طريق النت عندكم حل والا اروح اذبح مرياتي :) وسلامتكم ؛؛؛؛ |
حلوه القصه بس أمانه لا تذبحها حراااام ضعيفه طلع بدل فاقد للسي دي كخخخخخخخخخخخ والله اذا ما لقيت تعريف بالنت روح دور يمكن يبيعون السي دي لوحده او دور أحد عنده نفس جهازك وخذه منه مبروووووووووووووووووووك على الجهاز الجديد الله يعطيك خيره ويكفيك شره ,,,,,,,,,,,,,,,,,,,, |
جبت اكثر من مليون سيدي وكلها ماعرفت الصوت
ومو راضي يتعرف عن طريق النت :( شاكر لك مرورك خيتو كبرياء انثى وياهلا فيك ؛؛؛؛؛؛ |
مرياتي عجبني اسمها
والله انا ماعندي طريقه او حل لمشكلتك <<<<<< بس داخله على الموضوع شفايه |
افا يمه تتشفين بولدج
<<< عصب وقرر يذبح مرياتي حسبي الله عليها اللي خلت العالم تتشفى فيني :) مشكورة على مرورك وياهلا فيك ؛؛؛؛؛ |
مبرووك على الجهاز الجديد ...
والله يعينك وأنا أقول لك لو تغسل شراع " مرآتي " أحسن ... الله يكون بعونك ... |
ه >>>>>>>>>> موقادره توقف يسلمو على القصه ما عندي حل خخخخخخخخ |
الغاوية
SwEeT Girl مالت عليكن يؤ قصدي شكرا لمروركم الحلو :) مرياتي تم اعدامها وبنصلي عليها ان شاء الله بعد رمضان |
خخخخخخخخخخخخخخخخخخخخخخ الله يعينك
بس تقدر اتعرف كارت الصوت وكيف تبينا انساعدك انت ولم تذكر لنا مواصفات ونوع الكمبيوتر والوندوز إلي عندك اكتب ان انشاء الله بعطيك الحل وعلى فكره اذا كمبيوترك hp اقترح عليك اتوديه الشركه لأن مافي حل ثاني وانصحك لا اتوديه عند اي شخص غير الشركه لان في برامج خاصه في الكمبيوتر تقفل تلقائيا عند العبث في برمجة الكمبيوتر الله يكون في عونك |
الله يكون بعونك
مافي الا احد الحلول ترجع لصاحب المحل واكيد يكون عندو برنامج التعريف او تاخذ مرياتي على المكب الاساسي للمهملات وتجلسه يومين تدور عليهم والله يكون بعونك تقبل تحياتي |
حل مشكلتك عندي وانا ابو هندي
.......لا تخاف عانقت ..مادامك معاك مستر ماتركس كل شي تمام ادخل الصفحة هذي http://www.softwarepatch.com/utilities/als4000.html بعدين من تحت اضغط [Click here to Download] و انتظر لين يبدأ التحميل |
ه
يا اخوان المشكله لها سنه وانحلت خلاص الخدامه اعطتكم عمرها والمدير اشترى جهاز جديد ه |
| الساعة الآن 01:01. |
Powered by vBulletin® Version 3.8.7
Copyright ©2000 - 2025, vBulletin Solutions, Inc.
منتديات روعة الكون