|
اهداء الى شاعر المنتدى خالد الماجد
هذه قصيده قمت بكتابتها في اعز اصدقائي (خالد ) وانا الان هنا اهديها للاخ العزيز خالد الماجد
. كب الحياة اللي تحدك على الناس = وارقا كما ترقا الصقور الشواهيق انته عريب الاب والجد والساس = وش هو يكيدك لو تبي قمة طويق عيش بحياة(ن)ذكرها يرفع الراس= واترك حياة(ن) كلها ضيق في ضيق وان كان نومس لك من الحب نوماس = اتبع هوا قلبك عساها توافيق وان كان طاح الحظ لايلحقك ياس= بكره مع الايام لابده يفيق واختار من هو خوته ترفع الراس= خالد ياشوق اللي تحط المشانيق قدرك بقلبي قدر ماظن ينقاس = اقولهامابغا ورا المدح تصفيق ماني على قدور المقفين لحاس =لاشك في خالد تزين الطواريق هاذي حقيقة قلب وشعور احساس= هذا كلامي فالرجال المطاليق هذا كلام الصدق ماني بهلاس =هذا الكلام اللي عليه المواثيق ياخالد امسي كل ليله بهوجاس = واحبس دموعي بالعيون المغاريق لو شفتني مبسوط بالقلب وسواس= اكتم شقا قلبي على قدر ماطيق وجدي علي اللي عينها عين قرناس= وجدي على اللي ريقها مابعد ذيق وجد الذي عقب الغنا ذاق الافلاس =خلوه ربعه طايح يابس الريق اووجد من دونه على الباب حراس =وعقب الصلاه يساق يم المشانيق اووجد مرضانن ويونس له اوناس =يغمى عليه احيان واحيانا يفيق رحال |
صح لسانك يالرحال وسلمت يمناك .. ويستاهل خالد اكثر من كذا ..
|
يستاهل خالد القصيده
وشاكر لك اهداه لي القصيده ماعليها كلام ، نحن نتشرف في وجودكـ ياولد حمران النواظـر ولي عوووده تليق في هذه الشامخه |
الرد ياكحيلان
سقت الحروف اللي كما جوهر الماس ــــــــ يم الصديق اللي غايبه توافيق وجتني على طرياك عذبات الاحساس ــــــــ واكفخ مثل طيرً تتله مسابيـــق والراس طنطخ / والمشاعر لها اقياس ـــــــــ وابشر برد الطيب والطيب تشويق تسوقني يمكـ بعــيدات / الارمــاس ـــــــــ وانا بعيد ارماس واغيب وافيق اخذ العلوم اللي له الجهــد كراس ــــــــ بين الضلوع الحدب مثل المعاليق من شاعرً يشفق على الجزل دواس ــــــــ روس الافاعي دستها بالمطاريق والا الردي في عيني اليوم منداس ـــــــ والله يفرق من نوى بالتفاريق ياصاحبي جيتـك على حس الانفاس ــــــــ والدمع غرق عيني اليوم تغريق اذكر زمانً شدني كنــت محتاس ـــــــ واعدي طوال المراقيب واويق يمكـن يجي في تالي الوقت مقباس ـــــــ ينور طريق اللي حياته تزاهيق الضيق خيم / والبقى براسي الفاس ــــــــ وانسى لاشفت البنت في حظني تفيق من بعد موت اللي حياتي بها ساس ــــــــ ماتت وخلتني بها ميتً ضيق ولاعاد باقي كود بنتي بها واس ــــــ لاشفتها عفت البشر والمخاليــــق رغــد فديتك قولي ماما ولاباس ــــــــ انا عيونك وامـــك اللي بك تويق رحال / لاتشكي لك انسان محتاس ـــــــــ شاف العذاب وقد تمنى المشانيق وسلامتكم خالد الماجد |
صح لسانك اخوي ويستاهل شاعرنا هاللقصيده ويعطيك العافيه وتقبل مروري اختك مـــــــــجــــــــــــــازفــــــــــــــــــه |
يامرحبا بك عد ماهب نسناس = من شاعرن هاضه جزيل الطواريق ياخالد الماجد ترا الوضع منحاس = تسربلوا شعري كبار المطافيق والا انا قرناس من نسل قرناس = شرواك والدنيا بها الوسع والضيق هاذي مع هاذيك ياطيب الساس = قصة رحيلي عن جميل الغرانيق غيره وغيره كم واحد من الناس = تناولوا شعري على غير تبريق وان كان من شعري لهم حصلوا كاس= شعري يحوز الكاس من دون تعليق في ذمتي ماصاغها كود هوجاس = ماصاغها خافي وعندي تواثيق |
ونعم يارحال
وكلك ذوق |
وانت اكثر يابو رغد
لك احترامي وصح لسانك مليووون |
رحااال ..
تبي الصدق .. من جمالها ما ادري وش اقووول .. ويستاااهل اخوووي مشعل كل ذااا .. انا اشهد انه يستاهل .. ماقصرت .. يعطيك العااافيه .. بس ما تعرف احد من خوياااك اسمه مثل اسمي ؟؟ يعطيك العااافيه بانتظااار جديدك .. |
ه
شاعر الاحزان يسلم راسك واشكرك على مرورك يالغالي |
هلا شاعر الاحزان
ومشكور وانت تستاهل بعد وانا اخوك وكلك ذوق تحيتي لك |
الـــــف شــــكر لــك عــلـى الكلمات
0 يــعـطــيـك الــعافــيـه 0 تحــــياتي |
صح لسانك أخوي رحااال
عيش بحياة(ن)ذكرها يرفع الراس= واترك حياة(ن) كلها ضيق في ضيق وان كان طاح الحظ لايلحقك ياس= بكره مع الايام لابده يفيق ما اجمل ماصورته لنا في هذه الابيات أخوي رحااال رحلت بنا من خلال هذه الكليمات الى البحث عن من تشاكيه ياترى هل سترحل بنا مرة اخرى في كليمات اعمق واجمل عساك للقوه,,,, وصح لسانك مشعل الشوق ياصاحبي جيتـك على حس الانفاس ــــــــ والدمع غرق عيني اليوم تغريق رد جميل وفي غاية الروعه يمكـن يجي في تالي الوقت مقباس ـــــــ ينور طريق اللي حياته تزاهيق صح لسانك مره ثانيه لان البيت هذا يعنيلي كثير وننتظر جديدكم ياشعار آ |
مرحبا نواف
وكلك ذوق على الرد الجميل اخوك خالد الدويش |
يسلموووووووووووووووووووووووووو
|
يسلم قلبك حبيبي
|
صح لسانك ياخوي على الآبيات الرائعة والله يعطيك العافية
وإن شاء الله تدوم خوتكم ويستاهل شاعرنا أكثر والنعم بالجميع تقبلوا خالص التحية |
صح السانك
تجنن الله يحفظك طبعا القصيده اللي تجنن بس تبي الصراحه خالد هذا مايستاهل ألا كل خير وبالنسبه لخالد شهادتي فيه مجروحه والله يبعد عنه اللي ببالي..............>>>>مشفر تقبلوا تحياتي شاعرةالمليونksa |
رحـــــــــــــال صح لسانك ملايين لا خلا ولا عدم ولاهنتولا هان غاليك ومغلييييييييك ومن افضل الى افضل منه وابو رغـــــــــــد يستاهل ومن يمد يمنى الطيب ما تنثني دونه ايدين دمت بووووووووووود ((* يـُ‘ـوٍـوٍمـُ‘ـآ‘ مُ‘ــآ‘ كـُ‘ـآ‘ٌن هـُ‘ـنـُ‘ــآ‘ .. إٌإٌإٌلـمُ‘ـيــت إُإُإُلـحُ‘ــي *)) |
يستاهل مشعل الشوق
وصح السانك والسان مشعل الشووق يعطيك الف عافيه تحياتي اخووكم فوواز المطيري |
عيش بحياة(ن)ذكرها يرفع الراس= واترك حياة(ن) كلها ضيق في ضيق
وان كان نومس لك من الحب نوماس = اتبع هوا قلبك عساها توافيق وان كان طاح الحظ لايلحقك ياس= بكره مع الايام لابده يفيق واختار من هو خوته ترفع الراس= خالد ياشوق اللي تحط المشانيق أخوي/رحاال صح لســـانـــك قصيدة في قمة الروووعه ويستاهل أخوي/خـــالـــد بصراحه أخترت هذه الأبيات لأنهـــا تعني لي الكثير... وعسى الله يبعد عنا وعنكم الضيق انشاءالله.... ************************************************** ***************************** الضيق خيم / والبقى براسي الفاس ــــــــ وانسى لاشفت البنت في حظني تفيق من بعد موت اللي حياتي بها ساس ــــــــ ماتت وخلتني بها ميتً ضيق ولاعاد باقي كود بنتي بها واس ــــــ لاشفتها عفت البشر والمخاليــــق رغــد فديتك قولي ماما ولاباس ــــــــ انا عيونك وامـــك اللي بك تويق رحال / لاتشكي لك انسان محتاس ـــــــــ شاف العذاب وقد تمنى المشانيق وسلامتكم ************************************************** **************** أخوي/خــــالـــد صح لســــانك على هالقصيدة الرائعــة .... وعسى الله يحفظ لـــك(رغـــد)بنتك وتتربى بعزك انشاءالله... ويبعد الضيق عنا وعنكم انشاءالله .... ************************************************** ********************** وأخيرا.. سلمت يداكم على هذه القصيدتين وبكل صراحه أستمعت كثيرا بهذه القصيدتين التي يعجز لســـــــــاني عن وصف مدى اعجابي بهــمـا أشكركم على هذه الأحاسيس الرائعـــة... ودمتم لنــــاودامت لنــــــــــــا نزف أقلامـــكم الرائعـــه... لكم مني خالص الاحترام والتقدير.... دموع الليالي... |
|
| الساعة الآن 03:13. |
Powered by vBulletin® Version 3.8.7
Copyright ©2000 - 2025, vBulletin Solutions, Inc.
منتديات روعة الكون
