مشكووره أختي ..

لكن لا ينبغى علينا أن نستعجل في قضاء الله وقدره ..

فهذه أموور غيبيه لا يعلم بها إلا الله ..

لكن ..

أنا حصلت لي مشكله ..

تمنيت وقتها الموووت ..

أحكي لكي أحدثها بإختصاار ..

في يوم وسط أيام الاسبووع وبعد إنتهاء يووم شااق من العمل

إتصل بي أحد الاصدقاء (( الخونه ))

وقالي : إحنا طالعين إستراحه مع أصحابك في العمل تطلع معانا ..

ومن ثقتي فيه في العمل ..

ووافقت ..

وانا أصلاً وقتها كنت نااازل جده عندي بعض المشااوير ..

لكن .. ألغيتها عشاان نجلس مع أصحااب العمل ..

ونسولف وندردش سوى ..

ع العموم ..

وفي الوقت المحدد للمقابله عشان أنا ما أعرف الطريق ..

قابلته مع واحد من أصحاابه .. كاان شكل صاااحبه الله يعلم بحاله .. قالي وقف سيارتك وأطلع معانا ..

سبحاان الله .. ماا أدري كيف ربي أعطاني تفكير .. ورفضت أوقف السيارة وأطلع معاهم .. قلتهم أطلعوا إنتوا معاياه ..

عشاان كاانت سيارتهم مكسره وحالته حاله ... والله ماا قصروا وقفوا السيارة وطلعوا معاياه .. صاحبي (( الخاين )) ركب قدام .. وزميله ركب في المقعده الخلفيه خلفي تمام ..

وبسم الله بدأت الرحله ..

من فين ,,, من فين ,,, يمين يساار يمين يسااار .. حتى وصلنا مكااان مظلم .. قلتله وين قاال رووح على طووول لسه باااقي الاسترااحه جوه ..

ومشيت وأنا بديت أشك إنوا فيه شي .. وقااام يتصل بالجوال .. قلتله مين قاال صااحبنا في العمل ..قلتله : طيب

ومشينا حتى دخلنا كذا مكاان مررررره موحش .. قلتلها ها وصلنا قال لسه باااقي .. ومشينا .. ومن بين جبل و جبل ويمين في يسااار ..

(( طبعاً الكلام هذا في مكه ))

شوية كذا جاات سيااره ثاانية مسرررعه .. من جمبي وقالي هذا صاحبنا جاااي بسيارة أخوووه .. وكان الجو هنااك مظلم ما هو بااين شي ..

غير السيارة حقته .. وقالي أمشي ورااه ..ومشيت .. وفي الاخر شفت الوضع ..مرره خطييير ..

قلتله ..

أقلك إلعن أبو الاستراحه .. اللي زي كذا ... أنا أبغى أرجع .. خلاص أنزلكم هنا .. وإنتوا كملوا الطرييق .. قالي لا خلاص وصلنا ..

بس قدم قدام شوية .. وتعداه بالسيارة .. تقدمت وتعديته .. وفي الاخر مااشفت شي .. أصريت إني أرجع وطبعاً السيارة الثاانية كانت وراية .. لفيت ورجعت وأنا رااجع السيارة الثاانية

كانت واقفه قدامي ولمن قربت منها ..

صااحبي سحب بريييك السياااره .. ووقفت السيارة في مكانها .. وصاحبه اللي كاان راااكب ورااايه .. مسكني مع راااسي ..

وقالي أنزل من السياره .. وانا ماااني عااارف أتكلم كلمتين ع بعضها ... ونزلت من السيااره .. والسيااره اللي كاانت واقفه قدامي نزل منها أربعه شباب

وأنا وسط ذهووول من اللي بيصير .. وسألته ليش كذا .. ووش تبوون .. قالي مالك صلاح .. قالي فك شنطة السياره .. وطلع منها السجاااده عشاان نجلس ونشرب شاااهي .. وأنا مستغرب وش فيهم ..

هذولا مجانين ولا إيه .. وفي الاخر عرفت إنهم كااانوا طاافيين كلهم (( يعني عقوولهم طااايره )) الله لايبلينا ..

وفي الاخر وبعد قرابة 45 دقيقه طلتهم أبغى أمشي ..قالوا كل شي معاااك حطه ع الارض قلت زي إيش ..

قالوا فلووس وجوال .. والحمدلله قبل لا أجي معاهم أودعت مبلغ 5000 ريال في الصرااف والمحفظة مابقي فيها غييير 100 ريال ..

طلعت 100 ريال وأعطيتهم هيا .. وفكيت الجوال وأعطيتهم .. بدوون شريحه وذاكره .. وبعد كذا أخذني واحد منهم ع السيارة وقالي لو تعلم أحد بالي صااار ماااراح يصير لك شي طيب ..

قلته : طيب ..

وأنا أبغى أخااارج نفسي بأي طريقه .. وكان رااكب وراايه ..

ولمن ألف راااسي عشااان أكلمه .. يقولي لاطالع فيه وطفي النور الداخلي للسيارة .. عشاان لا أشووف كيف وج ويقووولي معاي مسدس لو طالعت رااح أحطه في راااسك ..

ع العموم .. أعطاني مفااتيح السياااره .. ووالله كإني أخذت مفااتيح الحيااة من جديد .. وقالي أرجع إلين وره وخذ لفه لمدة خمس دقايق بالسيارة ..

عشاان لا أشووف رقم اللوحه .. وعشاان يختفوا عن عيوني ,, ويضيعوني وما يخلوني أعرف الطرريق ..

لأن الطريق كاان مررره مظلم وخطييير .. والحمدلله قدرت أمشي وراا الغبااار اللي خلوووه ورااهم من السرعه ..

وطلعت ع الطريق الاسفلت .. وخرجت من هذا المكان وأنا ما أدري عن نفسي ...


الحمدلله ع سلامتي وخروجي بصحة وعااافية ...

وبعد كذا رحت البيت ..

وأنا مرررهق .. ودخلت غرفتي .. وقفلت ع نفسي وماكلمت أحد لمدة 3 أياام ..

والاهل مستغربين من حالتي .. ويسألوني وش فيك ... وأنا أقووول ما فيني شي ..

وبعد 3 أيااام بدأت أتأقلم على الوضع وخرجت من اللي أنا فيه ..

لكن إلين اليوووم هذا .. وانا كل ما أذكر هالموقف أتألم ..

ووالله أنا جالس أكتب هالموقف وأنا في غااية الحزن ..

لكن ..

دعااائي لم يخييب ورجائي من الله أجييب..

وأبشركم حصل له حااادث قبل أسبوووع ودهس ثلاث رجال ..

واحد إصابته خطيره وإثنين بسيطة ..

وجلس بالسجن 4 أياام ودفع مبلغ 25.000 ريال ...

وجااني تقرير الحادث ع المكتب ..

وقريت التقرير .. ووالله فرحت من جد ..

وللعلم // هذا يصيير حااارس مكتبي في العمل مع 3 أشخااص ..

هياا شوفوا إش رايكم حااارس أمن يسوي كذا فما بالكم بالي غييره ..

ع العموم .. طلبت من مدير الامن يغير موقعه .. ويبعده عن باااب مكتبي ..

ووالله ما قصر مدير الامن .. نفذ اللي طلبته منه ..

والحمدلله الامووور ع ما يرااام ..

وأستفدت درس من هالتجربة المريرة ... إني مااعاد أوثق في أحد .. ولا أتعرف ع أحد جديد .. إلا بعد إختبارات شخصية ..

وعلى قولتهم (( كل دقه بتعليمه )) .. إنتهى ...

--------------------------------------------------------------------

أختي ..

كل الشكرلكِ ع طرحك الرااائع ..

وأتمنى ما أكوون طولت عليكم .. لكن هذا بإختصاار .. هذه قصة من الواااقع .. حدثت لي أنا شخصياً ..

~*¤ô§ô¤*~تقبلوا تحياتي~*¤ô§ô¤*~

أخوكـ //