|
ابي كل شاعر يدخل وينتقد
بسم الله الرحمن الرحيم
اول مشاركه لي واتمنى من كل شاعر في المنتدى ان ينتقد من وزن وقافيه وكل شي مانزلتها الى ابي الانتقاد الصبر مني يامنى الروح مازال متمسك(ن) بهموم قلبٍ طعيني اخاف يتفجر ويفضح في الحال والكل يعرف داخلي ياضنيني لاميلت شمس الغروب شفت الاهوال اقف اطالعها وتسمع ونيني صدري انا ضاق وعذابي ترى طال واحزان ليلي دايمٍ(ن) تكتسني سبعة سنين عشتها ارج الامال ارجي من الله بالأمل يكتسني منسى كلامه قاللي كل من قال ساكت علامك ماتكلم حزيني لاتكشف اسراري على كل الاجيال وتصير سبة موتي يانور عيني عهدٍ عليه يامنى كل رجال مكشف خفايه لوكل قاسي يليني هذي حكاية قصتي نظم موال جريت صوتٍ يالله انك تعيني وسلامتكم تعلقاتكم لوسمحتم والانتقاد واين الخطاء والصح اخوكم هاوي قصيد |
المشاهده كثير بس محد رد علي ولا مافيه شعار ؟
|
القصيده نص ونص الوزن
اما من ناحيه المعنى ماشالله عليك وماشالله عليك كلامك يدل على موهبه حقيقيه ياليت تصقلها بكثره القرايه ون شالله المشاركه الجايه تكون احس من ناحيه الوزن معا ان اغلب ابياتك موزونه بس كم واحد يبيله شيل حرف او تحط حرف تحيه |
دخلها ورشة محمد بن خالد
عطاك التكلفة والطريقة خذ عدته وإشتغلها بيدك ولا هنت على المحاولة00 |
أولاً أهنيك على موهبتك الجميله والأكثر من رائعه
كلماتك قويه وبسيطه ومعانيها عميقه يدل على إن إحساسك عذب وفكرك سامي وراح يكون لك مستقبل زاهر وكبير إنشاالله أما من حيث الوزن : اخاف يتفجر ويفضح في الحال ــــــــــــــــــ لاميلت شمس الغروب شفت الاهوال ـــــــــــــــــــ سبعة سنين عشتها ارج الامال خل سنين (( سنينٍ )) ــــــــــــــــــــ مكشف خفايه لوكل قاسي يليني ـــــــــــــــــــــ ترى كلها يبغالها شي بسيط جداً بس يبيلها شيل حرف وحط حرف بس رووووووووووووووعه بعطيك نماذج لأغاني على نفس البحر خل الألحان حقتها وأحذف كلماتها الأصليه وركب عليها كلماتك وإنت راح تعرف الخلل بالضبط وين طبعاً لما تغنيها وما تتغنا معك بسلاسه راح يثقل لسانك أو راح تعك عند الكسر تفضل بعض النماذج خذ الحانها : أغنية راشد الماجد : أشغلتني من بعد ماكنت خالي علمت عيني الدمع وقلبي ونينه وأيضاً أغنية : عفناك ياللي بعت نفسك رخيصه عفناك يوم إنك تسالمت للبيع وأغنية رابح صقر: يعني أنت تظلمني وانا ماتكلم وأنا إذا أخطيت صارت جريمه وأغنية محمد عبده: ياليل خبرني عن أمر المعاناه هي من صميم الذات ولاّ اجنبيه وأغنية عبادي: محدٍ بنصف الليل سلــّم على الشمس إلاّ أنا ساعت نظـــرتك بعينــي وأغنية عبدالكريم عبدالقادر: ياثقلها كلمة دقايق واجيلك يامرّها كلمة خلاص انتظرني وأغنية عبدالمجيد عبدالله : غايب حبيبي ماوصلني سلامه مدري غيابه عذر أو شي مقصود وأغنية عبدالله الرويشد: شفتك ولا حطيت عيني بعينك خايف عيونك لا تنادي عيوني وأغنية نبيل شعيل: قولو لها قلبي من العام مجروح قولو لها لو كل الأسرار باحت وأغنية راشد الفارس : الحين يعني صرت ذكرى قديمه الحين حتى شوفتي ماتبيها وأغنية خالد عبدالرحمن: ودي تشوف الهم وشلون سوى في حال من حبك على غير مصلوح وأغنية فتى رحيمه: ماقلت لك لا طول الوقت أبنساك واليوم شفني في غيابك نسيتك وأغنية سعد الفهد: جيت اشتكي لك من عنا الوقت ابرتاح لقيت نفسي اشتكي من همومك وأغنية مزعل فرحان: ليت الجروح اقصاص وآخذ بثاري لجرحك جرحٍ مايداويه دكتور وأغنية نواف منيف: خلاص مابيني وبينك صداقه أنهيتها مادمت في حق أخطيت وأغنية عبدالله السالم: حل الفراق وقــّرب البعد يازين حل الوداع وسامحي ياحياتي وأغنية بشير شنان : قالولي طيب قلت ماني بطيب أطيب وجرحي بين الأضلاع ماطاب وأغنية فهد بن سعيد: طاوعت فيني كل عاذل ولوّام وش دخـّـل العذال بينك وبيني |
بيض الله وجيهكم يالنشاما
بعدي والله خبري في عيال النشاما ماقصرتم اخجلتموني بطيبكم |
اخي مشكور على مجهودك الرائع واترك الامر لأهله في الشعر النبطي اخوك انسان اكثر
|
وش انتقد هاالروووووووووووووووووووعة والقمة في الاداء
مشكووووووووووووووووور |
fhgfsuxjnzbx bz zbszx zjsbjbxygsiz soxnyvxgh xhsbvfzyhvgjbknug fjnhjfguehjyejkdfcf
|
القصيدة اخ هاوي ما فيها كلام ، صحيح هناك بعض الملاحظات ولكن لاتفسد روعتها .
قد يكون ذكرها الاخ الواله مثل : اخاف يتفجر ويفضح في الحال فلو قلت على سبيل المثال : اخاف يتفجر بي ويفضح الحال لكان افضل نوعا ما . ايضا قولك : سبعة سنين ـــ انا ماعمري سمعتها نتطق بهذا الشكل فنطقها السليم اما يكون سبع سنين او سبعة اعوام ولكن سبعة سنين احس انها غريبة شوي . لا اتكلم عن نطقها في البيت ولكن اتكلم عن نطقها العام . هناك بعض الكسور ولكن مثل ما قالو الاخوان مجرد زيادة حرف او نقصان حرف . القصيدة عموما رائعة اهنيك عليها واشكرك على شجاعتك وعرضها للنقد فهذا يدل على ذوقك الرفيع . ارجوا ان تتقبل نقدي برحابة صدر والعذر على الاطالة . تقبل تحياتي اخوك زيد |
مسائكم ورد جميعاً ،
ولاهنتوا على التعليق الجميل والانتقاد الاجمل لفت انتباهي اكثر من انتقاد ، والاختلاف في وجهات النظر شي طبيعي خالد بن محمد اجدت الانتقاد بشكل جميل بدون توضيح الاخطاء ، الاخ / الواله ، احسنت في تميز بحر القصيده بدون ذكر اسم البحر واخطت في كسر ابيات موزونه ، وهذا خطاء كبير بان تكسر بيت موزون وانت حافظ الاغاني الي على البحر طبعاً البحر هو البحر المسحوب واكثر الاغاني الشعبيه عليه ومن البحور الجميله للقصائد النبطيه والاقرب الى المحاوره ايضاء ، اما عن الابيات المكسوره اخطئ اخوي الواله في انتقاد البيت ، الثاني الصدر مع سلامة العجز اخاف يتفجر ويفضح في الحال طبعاص البيت ليس مكسور وموزون وكامل والكامل وج الله تعالى سواء قال يفضح في الحال او بي الحال ولكن اخوي الواله قال مكسور وانا اختلف معه اختلاف كبير في هذا الامر ، اما الخطاء الثاني من اخوي الواله هو في البيت هذا سبعة سنين عشتها ارج الامال طبعاً البيت مكسور سواء في وضع تنوين او عدم وضع التنوين في كلمة سنين لان الثقل في كلمة ارج اما انتقاد اخوي زيد في البيت سبعة سنين ؟ اخوي لفظ البيت عادي جداً ولافيه شي ولاغريب الا الشيطان فيه قصائد عشرة سنين كلها ظلم واهوال والبيت لايوجد في غرابه واعوام نفس السنين ولكن ولايوجد اي خطا من ناحية المعنى ولافيها غرابه وشعار كبار يقولون نفس ماقال اخوي هاوي قصيد ! ومشكور اخوي زيد ولكن مجرد توضيح اخطاء الانتقاد اما الابيات المكسوره التي لم يذكرها الاخوان سوف اذكرها لك الان صدري انا ضاق وعذابي ترى طال ــــــــــــــــــــــــــــــــــــــــــ لك التحيه ودمتم بود واتمنى ان اكون افدت ولو بالقليل |
اخي مشعل الشوق
سبعة سنين ــ انا لم اقصد انها غير مفهومه حنا لو نسمع هندي يكسر الكلام تكسير عرفنا وش يبي يقول لكن انا انتقدت الشاعر لانه عسفها حتى تركب على القاف والشاعر اللي يعسف الكلمة حتى ولو ذلك على حساب نطقها الصحيح فهناك قصور في شاعريته . لان الشاعر ياتي بالكلمة كما هي بدون تكلف . سبعة سنين انا معك انها مقبوله وعلى قولتهم تمشي ومفهومه . ولكن اذا رجعنا للغة العربية الفصحى وهي لغتنا الام بلا شك مستحيل تلقى مثل هذه العبارة ( سبعة سنين ) اما تلقاها ( سبع سنين ) او ( سبعة اعوام ) انا معك ان القصيدة بالعامية وليست بالفصحى ولكن حتى بالعامية ما سمعناها . اخ مشعل اختلاف الراي لا يفسد للود قضية اشكرك جزيل الشكر . |
محاوله حلوه بس تحتاج ممارسه وكثر من السماع
|
اود الاضافه على ما قال الاخ مشعل
استدليت بشطر البيت الذي يقول ( عشرة سنين كلها ظلم واهوال ) هنا الشاعر لا يقصد بعشرة (عدد) هو يقصد في كلمة (عشرة) وذلك بوجود الكسرة تحت حرف العين اي ( الصحبه او الصداقه القديمه ) وهي مفهومه وتقال كثيرا كقول الفنان ابن سعيد ( عشرة سنين وافترقنا بساعة ) والامثلة كثيرة . |
عشرة سنين كلها ظلم واهوال
اخوي قالها في عدد السنين والشاهد في هذا في كلمة كلها لو كانت عشرة بكسره كان افضل استشهد في عشرة سنين عشتها ظلم واهوال وليس كلها لك التحيه |
محمدبن خالد
مشرف منتدى همس القوافي انا معك فيما قلت واقول ان الثقافه لها دور كبير في تميز الشاعر بالاضافه الى حسن اختيار الموضوع و الكلمات وترابط معانيها لتصل في النهايه الى المستمع والمتلقي بطريقه سهله ومفهومه وراقيه اشكرك واتمنى لك الخير |
| الساعة الآن 08:33. |
Powered by vBulletin® Version 3.8.7
Copyright ©2000 - 2025, vBulletin Solutions, Inc.
منتديات روعة الكون