|
موقف صاار لي >>شوي يفشل >>وأنتو ؟؟
الســـــــــــــلام عليــكم ورحـــمة الـــلـه وبــــركــــاتــهـ ..
http://www.q8up.biz/uploads/e41e92c24c.gif أعضائنا وعضواتنا الحلوين هذا أول موضوع من إنشائي وتأليفي ومو مقتبس أو ملطوش يعني حقوق النشر محفوظة لمنتدى روعة الكون ... ومن منطلق إني حابه أرفه عنكم وأوانسكم .. وأنسيكم همومك ولو شوية.. بقولكم موقف صار لي جد ما أنساه >> بس ترى شوي يفشل ما ادري أقوله وإلا أسكت أحسن لي ..خلاااص بقوله .. >>لو ساكتة أحسن لج بتفشلين عمرج مكاان الحدث بالثانوية بالتحديد.. ســـاعة البدنية >>الحصة يعني<< اليوم هذا يوم أسود بحياتي >>تراا مواقفي اللي تحرج وايده بس مو كلها تنقال >>شكلي طولتها عليكم خخخ ماعلي استحملوا شوي كان يومها علينا جمباز وألعاب قوة >>على فكرة البدنية مادة أساسية عندنا وكنا لابسين ملابس مثل ملابس الباليه >علشان نئدر نتحرك >على قولت ابلتنا ورفيجتي كانت شوي متينة >>اسمها شوشو اوكي.. وماخلت كلمة ماقالتها عن اللبس كنها عجوز بايقين عشاها تتحلطم وايد بدت الحصة .. الأبلة بعد ما هدت حيلنا خلتنا نلف الصالة سبع مرات رفيجتي شوشو على اللفة الثانية وتعبت وبسطت على الأرض خخخخخ والابله تزف فيهاا وماكو فايدة ماقدرت تكمل الابلة :خلاااص ما تلفيش معاهم ونائصة>ناقصة< درجتين . وتابعت الحصة الابلة : اليوم عندنا القفز فوق الحصاان >>لا بالله عينا خير وحطوا حصاان القفز وحطت قبله منطة >>اللي ينقزون فوقها {{يعني نركض بعدين ننط على المنطة بعدين نحط ايدينا وننط ونعدي الحصاان}} الابلة :يلاااا بنات رجــاءا بالدورحتنطوا من عليه ..لأن الاختباار العملي بكرا هني رفيجتي دوروها ماتلقونهاا مادري وين اختفت وأنا صراحة بعترفلكم اعترااف خطير :: أنا بصراحة ودي أشوفها شلون بتطمر من على الحصان >>أدري نذلة شوي ه بديت البحث والتنقيب ولقيتهاا بغرفة التبديل منحااشة الأخت و جبتها وأقنعتهاا ان خلاص الجرس قرب يطق وتخلص الحصة اطلعي عشان ماتكتشف الابلة غيابج وتزفج ..>>هي حراام صدقتني وطلعت .. >>>اعذروني على النذالة بس والله الفضول ذبحني ودي اعرف شنو تسوي اذا جا دورها ..وبعدين أنا ورفايجي نحب المقالب .. رحت للأبلة وقلت لها >>طبعا ً بعيد عن شوشو عشان ماتذبحني والله لو تدزني غشمرة بس اروح انا فيهااا >>أنا ضعيفة مو تحسبوني متينة للمعلومية بس >> أهم معلومة هذي ترى خخخ ... :smile: وقلت : أبلة ترا شوشو بتطلع أهلها بياخذونها من المدرسة وقالت تبي تطمر على حصان القفز تجربه لأن بااجر امتحااننا العملي ..بس مستحية تقولج واحتمال اذا قلتي لها يلاا دورج الحين بتقول مابي والا ما اقدر ماعليج منها هذي حركااات بس لاتصدقينها..لأنها حياوية المهم الابلة نادتها وقالت : يا بنت يا شوشو يلا دورك بالقفز على الحصان >>شوشو تحت كانت تأ ثير الصدمة مو مستوعبة اللي يصير الابلة : مالك يا بنت انطرشتي بوداانك >مصرية أبلتنا <يعني انصمختي بأذونج .. أنا ماقدرت أتحمل وقعدت أضحك ماقدرت أمسك نفسي من الضحك شوشو قالت بعد ما استوعبت الموقف : الحين هديتي كل البنات وجيتي لي أنا حراام عليج المفروض تراعيني شوي أنا وياج نفس الحجم >>هني جد شوشو غلطت ليتهاا ساكتة احسن لهاا .. الابلة : لا مش نفس الحجم شجاب لي جااب ..بلاش كلام فاضي والعبي يلا .؟؟ شوشو تكلم وفيهابجوة : أبلة واللي يعافيج مابي خلي دلوعة تطمر بدالي تراا تعرف انا بعلق على الحصان وما اقدر انزل منه >>هي قطتها علي حقدت لأني كنت أضحك عليهاا أنا هني تجمدت بمكاني ..بشوف رد الأبلة ..خفت لاتقول يلا دورك دلوعة الابلة ترد : مالكيش دعوة بيهاا ان{ ما نطيتي} >>ابلتنا تتكلم كويتي مكسر .. الحين حنئــ(ق)ــــص من السلوك بتاعك .. شوشو بصوت واطي : ياربي هذي اللي تبيني أنط فوقها بدل الحصاان شوشو ترد تعلي صوتهاا :أبلة أنتي ماعندج الا درجاتي كل شوي منقصة منها خلصوا درجاتي كل يوم منقصتني بنطمر ووكلنا أمرنا لله حسبي الله ونعم الوكيل.. >>> شوشو خربتهااا من قلب ه شوشو : بنااااات العذر والسموحة على اللي بيصير وكله بسبب الأبلة عندكم اياهاا بريت ذمتي من الكوارث اللي راح تصير و ربناا عل مفتري >> شوشو خلاص ماهمتها الدرجاات لأن استمر الوضع على هالحال والابلة تنقصها كل يوم ماراح يصير عندهاا درجاااات خخخخ شوشو تستعد للقفز >>وأنا أإستعد للطمااشة 1 2 3 وتركض تركض تركض وتقفز على المنط وتحط ايدينهاا عشاان تقفز بس ... حصل مالا يحمد عقباااه .. الابلة كانت ماسكة حصان القفز عشان مايطيح و تطيح شوشو من على الحصاان وتسحب الابلة معااها ويقوم الحصاان وينقلب عليهم >>ه >>ترا ماصاار فيهم شي جت سليمة أنااا ميتة من الضحك شوية علي من كثر الضحك أحس بطني بتنفجر >>> أنا كنت الوحيدة بالصف أضحك البنات ماسكين روحهم لأن ابلتنا عصبية وبسرعة تنقص بالدرجاات الابلة قامت بعد الطيحة متفشلة شافت الصف كله ماسك نفسه موقاعد يضحك>>من الخوف والله وطاحت عينهااعلي شافتني أضحك من قلب >>شسوي قراادة كل المصايب ترد علي >>ماشالله وكنت ماخذة راحتي بالضحك من زود الثقة الابلة تطالعني بحقد >>لأني السبب باللي صار قلت لها خلي شوشو تطمر.. وتقول الابلة لي بعصبية : بتضحكي على ايه ؟؟ يلاا يا حلوة ورينا شطارتك أنتي مدام بتضحكي.. دورك بالقفز .. >>هني توهقت من قلب عمري ماقفزت على الحصان ولا أعرف فيه شي وماكنت متابعة التدريب أساسا ً شوشو من قدهااا طايرة من الوناسة تقول : تستاهلين تضحكين علي أنتي ووجهج من زين قفزج عاااد يلااا الحين اكليها ؟ أنا استسلمت للأمر الواقع >>قاعد اقول بقلبي : هي خاربة خاربة والله اني بفشل عمري وبصير خبر الاسبوع بالثانوية كلهاا .. استعديت 1 2 3 واركض اركض اركض و أنط على المنط وأحط ايدي على الحصـــان .. جان جان تزلق ايدي وأطيح تحت الحصـــان .. يعني حتى مانطيت فوقه طلعت شوشو أحسن مني طاحت من فوقه يومهاا جسمي كله يعورني أحس كأن داعمني قطاار >>لا يا شيخة طحتي من جسر مو حصان شوشو تطالعني وتضحك شمتانة ولا الشي اللي يقهر أكثر الابلة نفسها قعدت تضحك والبنات ماصدقوا خبر شافوا الابلة راضية ومومعصبة قاموا يضحكون وفرغوا كل الضحك اللي فيهم واللي ماسكينه بنفسهم .. >>بهاللحظة تمنيت الأرض تنشق وتبلعني جد تفشلت ووجهي صاار اشارة مرور خخخخ:smile: . . . . . . . . هذاا موقف من مواقف واايدة صارتلي محرجة عسااها ماتمر عليكم >>قرادة هالبنت ناطرتكم تواسوني وتقولون لي موااقفكم اللي ماتقدرون تنسونها أبدا ُ أبي تفاعلكم بلـــــيز .. |
ه
بصراحه مت من الضحك ه هذي عقوبه عشان تروحين تورطين صديقتك ه يسلمووو دلووووووعتي |
ه
من حفر حفرة لأأخيه وقع فيها بس الظاهر إنك وقعت تحتهاا مرسيي دلووعه ع الموضوع بس المره الجاي وضحي كلاامك شوي حبيبتي لأني بالسعودي يالله أفهم http://www.moq3.com/img/uploads/LSK76118.jpg |
ليش كذا يعني ورطيييييهاااااااااا حرررااااااااااااااااام بس والله فطست ضحححححححححححك تسسسسسسسسسلمي |
ه
يسلمووووووووووو على الموقف الكووووووووووووول مرة مرة يضحك تقبلي مروووووووووووووري |
ه
مسكينة والله الله يعينج الدبه خويتك احسن منك خخخخخخخخخخخخخخخخخخخخخخخخخخخخخخخخخخخخ |
ه
ه |
اقتباس:
جوجو تدرين بعدهااا تبت حرمت ما أعيدهااا مرة ثانية >>اي هين انتي تتوبين :tongue: منورة موضوعي يالغلا ودووووووم هالضحكة .... |
اقتباس:
والله انك جبتيهاااا خلااااص المرة الجاية بحاول أوضح غلاتي >>واي كلمة تحتاج ترجمة أحد يقوولي وأعطيه معناااهاا .. من عيوني ... |
اقتباس:
لا أنا متعودة على المقاالب >>ترا هي بعد ماتقصر فيني دوووم الضحكة لمسة سحر .... تسلمينلي ...:wink: |
اقتباس:
اي والله هي عدت الحصااان انا حتى ايدي ماعدته >>متفشلة دوووم هالضحكة الكنغ ....منور موضوعي |
ه
والله ماتخيلك ياالدلوعه في هالموقف مووووووووج |
ه
|
اقتباس:
دوووووووووووم هالضحكة تالينا .. منورة موضــــــــــــوعي .. بمرورج الرائع .. |
اقتباس:
دووووووووووووم .. هالضحكة برنسيسة أبوها .. أسعدني تواجدج ... |
اقتباس:
ه >>هاليوم أنا تبهدلت من قلب .. >>صرت اهم حدث بالثانوية كلهااا خخخخخ يسلمو مرورك مووج الغلا .. |
اقتباس:
دوووووووووووووم هالضحكة يا رب .. يسلمووو على مرووورك .. |
خخخخخخخخخخخخخخخخخخخخخخخخخخخخخخخخخخخخخخخخخخ الـلـه يــرجـكــم مــاقــصــرتــي ولاهـــنـــتـــي تــســـلــم يــمــيــنــكـ ولاتحـرمـنـا مــن جــديــدكـ وااااصـــل ولــكـ احـــلــى الـــتـــوااااصـــل اخــوكـ ومحـبـكـ.,.الــــوافــــي.,. تقـبـلـي.×.تــحــيـــاتـــي.×. |
دلوعة و الله صدتيها و صادتك تعيشين و تاكلين غيرها
مشكورة على القصة الروعة |
اقتباس:
مشكووور أخوي يسلم لي مرورك الحلو .. ودووووم هالضحكـــــة ... |
اقتباس:
مشكــــــــــــور خيو تواجدك .. بصفحتي هو الراائع ودووم هالضحكة .. >>لا يا معود أكل غيرهااا وبالجاامعة الله لايجيب هذاااك اليووم |
صدج والله دلوعة تراكي اكلتيها بيومها ه الله لا يجيب كذي مقااالب و بالذات في الجامعة تحياتي
|
اقتباس:
ه أدري أكلتهااا >>>صرت ســـالفة مافي احد بالثانوية مادرى ..ه >>امكن لوصار فيني جذي بالجاامعة أنتقل من الجااامعة وأرووح ادرس بره أحسن لي ..... ومشكوور لمرووورك خيوو .. |
[color=#0000FF]أعضائنا وعضواتنا الحلوين
0 دلوعة كويتية 0 وانا مالي كلام حلو ولا بس الاعضاء ..؟ وي وي 0 0 والله موضوعك فله ضحكت لين بغيت اروح فيها 0 يسلمووو اختي على الموضوع ...؟ 0 تحياتي |
اقتباس:
ه أفااا عليك ومشرفينا الحلوين .. وخااصة مشرفنااا نواف العسل .. منور صفحتي خيووو ,,, ودوم هالضحكة .. |
ه
تستاهلين هذي نهااايه النذله والله يستر عليك من الجاااااااااااااااااااااااااااي ويكفينا شرك تقبلي مررروررري |
دلوعة كويتية
0 ايه كذا مظبوط ..؟ ارتحت الحين 0 هذا اللي تعودناه من شعب الكويت الحبيب ..؟ الكلام الحلو > والشكل بعد 0 يسلموووووو كلك ذووووق لا اقصد ذووووقين ...؟> وانتي افهمي |
اقتباس:
>>حرااااام عليك شنو مسوية المقلب فيك وانا مادري يعني مو نذالة بس مقلب سويته >>ترقع ولاتقولي انك ماسويت عمرك مقلب بأحد >> ومشكوووور لمرورك الحــــزين .. |
اقتباس:
العفــــو وماسويت شي تراا أنت تستاهل كل خير .. يسلموووو يا الذووق ياولد المملكة .. مامنكم قصــــور يا الغالي .. |
يؤيؤيؤ قوويه يا دلوعه <=== زعلت
وبعدين انا حزين ما اسووووي مقالب في الناااااااااااااس بس بضحي فيك |
ه
يسلمواااااااااااااااااااااااااااا |
اقتباس:
لا خيولا تزعل مو قصدي أزعلك ... تمووون عاادي سو مقلب فيني :smile: |
اقتباس:
دوووووووووم هالضحكة يا رب .. ويسلمو على مرورك خيــــــــــوو .. |
دلوعة وصلتك الرسالة؟؟؟؟
ولا أنتي بس ماتعطيلي وجه؟ ه |
حااطة؟؟؟؟؟؟؟؟؟؟؟؟؟
قصدك حاط يا أختي انا ولد كيف أقدر أفهمكم؟؟؟؟؟؟؟؟؟؟؟؟؟؟؟؟؟؟؟؟ انا رجاااااااااااااااااااااااااااااال وكيف أصلحه؟ |
مشكوره خيتوووووووو |
اقتباس:
شاكرة مرورك .... |
اقتباس:
أعتقد تروح للخيارات بلوحة التحكم ...تعديل خيارات.. >>أنا قلت حاطة سوري اظاهر التاء المربوطة سقطت سهوا ً ..حاط ولا يهمك .. |
يسلمووووو حبيبتي على الموضوع |
تموووووووووووووووت ضحك لاتحرمينا من مواقفك الحلوووووووووووووه لاعدمناااااااااااااااااااااك يالغلا |
| الساعة الآن 06:57. |
Powered by vBulletin® Version 3.8.7
Copyright ©2000 - 2025, vBulletin Solutions, Inc.
منتديات روعة الكون