|
قصيدة كتبها شاب حصل عليه حادث بالسياره ومعه والدتهـ
السلام عليكم ورحمه الله وبركاته
قصيدة كتبها شاب عمل حادث سيارة و والدته كانت معاه وكان مسرعا نتيجة هذا الحادث الوالدة توفتــ نتيجة الاصابات الخطيرة و هو إصابته كانت خفيفة و هذي الأبيات قالها للي يواسونه
يواسيني وانا الميت وحالي يجبر الدمعات=تسيل من الذي فيني ويبكي وهو يواسيني وانا ابكي واتنهد وارسم بالحزن لوحات=يجبروني عشان امشي ورجلي ما تمشيني قتلت رعايتي بيدي قتلت الحب والرحمات=حرمت النفس من حقها وانا ابكيها وتبكيني وكنه حلم قدامي يقيدني من الصرخات=ابي اصحى ولكني عجزت القى ال يصحيني فداك القلب يايمه ومهما قلت من كلمات=صغيره في كبر حقك بس اتمنى تعذريني نهبت الفرح من بيتي صحيح اني خسيس الذات=صحيح اني ولد طايش وكل ما أسمعه فيني تجول عيونهم فيني تفصل مني قياسات=وتشيح وجوم عني وكني غيرت ديني يظنوا حزنهم اكبر وهم اصحاب هالمأساة=وانا اتحدى اذا فيهم ربع ما يحترق فيني نقص قدري بعد موتك وغابت نشوة اللذات=وصار الهم عكازي اباكيه ويباكيني عطيتيني بدون حساب ولا سمعتك تقولي هات=وانا اشرب حيل من دمك ودمك ما يكفيني يايمه ارجعي كافي ابجلس معك لو لحظات=واقبل ايدك ورجلك وافرش لك رمش عيني يايمه ما تحملهم يقولوا فات ما قد مات=تعالي غيري هالقول واطيعك باقي سنيني واترك عادة التدخين وانفذ ما تبي بسكات=واصلي الفجر في المسجد قبل منتي تصحيني يايمه ارجعي تكفين وطفي شمعة الآهات=ابيك انتي ولا غيرك على موتك تعزيني وضميني وداويني مثل ما كانت الهقوات=ما ابي احدن يواسيني ابيك انتي تواسيني دخيلك بس لا تبكي اذا شفتي بي الدمعات=انا مقوى ابكيك اذا انتي تبكيني |
نهبت الفرح من بيتي صحيح اني خسيس الذات
صحيح اني ولد طايش وكل ما أسمعـه فينـي صراحة كلمات رائعة ومؤثرة والله يكون في عونه ويرحم مامته ويسكنها في فسيح جنانه أمين أمين مع تحياتي |
بجد والله قصيده ابكتني الله يرحم امه ومشكورررر اخي على هذا الاختيار تقبل مروري عبااااااااااااااااااااااااادى |
اقتباس:
شاكر لك على مرورك اختي موج الغلا |
اقتباس:
اخوي عباااااااااااااادي |
من جد مؤثره الله يصبره
مشكووور اخوي تقبل مروري لاعدمناك |
اقتباس:
شاكر لك مرورك وردك |
صح لسانك اخوي
قصيده موثره جدا الله يرحم اخواننا المسلمين اللهم امين يعطيك العا فيه اخوي دام نبض قلمك اخوك الواهب |
يايمه ارجعي تكفين وطفـي شمعـة الآهـات
ابيك انتي ولا غيرك علـى موتـك تعزينـي قصدهــ جميله جدا ولمست احساسي والله يعطيك العافيه علي النقل الروعه والله يعطيك الف عافيه |
قصيده
معبره واختيار جميل تحيه لك |
اقتباس:
|
| الساعة الآن 02:45. |
Powered by vBulletin® Version 3.8.7
Copyright ©2000 - 2025, vBulletin Solutions, Inc.
منتديات روعة الكون