إلى متى ببقى كذا وانت بتبقى هاكذاك ؟
وإلى متى وأنا أتعثر فـ الوصل واحاوله

وإلى متى وأنا أمدحك بحروف شعري واهجاك ؟
وإلى متى وأنا أرسمك على محيط الطاولة

وإلى متى وأنا اتضموا من خطاك إليا خطاك ؟
وإلى متى واقرب نهر تبخل علي جداوله

وإلى متى وإلى متى وإلى متى والا متاك
بتقهوي اللي خاوي ٍ لمواصلك وتفاوله

أموت فيك ومايكثر من غلاك إلا حلاك
ياتحفة ٍ ماهيب فـ ايدين البشر متداوله

سلهامة عيونك متاهة وادي .. وعظة شفاك
صفة قطع سكّر تعضبها على فراوله

الله يجيرك من صدوف الوقت وعيون الهلاك
والله يحفظك من سخافة الألسن المتطاوله

والله يخليك لخفوق ٍ عاش يتنفس هواك
يمرر اسمك في عروقه والضلوع تناوله

عيّد بعيني جعل من ذمك من العالم فداك
واعطف على من صكته بقعا فراقك وآوله

اللي ليا منه تذكّر حلو وصلك عن جفاك ؟
بكى بدمعة من يكابر والحزن متحاوله