|
كلمات سعوديه عجيبه ومعانيها تفضلوا وقولوا رايكم
اشهر الكلمات السعوديه المضحكه
الدلخ وهذا انسان غبي جدا ويرفغ الضغط ...وينرفز..واكثر من يعاني منه المدرسين واهله المنسم ذلك راجع الى تهريب الهوا من راسه والسبب في ذلك هو ان في راسه فتق لذلك تلقاه دايم يغطس راسه في سطل مويه عشان يعرف من وين التنسيم المهوي هو مرحله متاخره من التنسيم والمهوي وصل لمرحله متاخره جدا بحيث يفقد اهله الشخر المخر او ابو مشخر من نفس فصيله المنسم ! السلنتح قليل الادب جحلط (بتشديد اللام( وهم مرحله متقدمه للسلنتح مزلب يعني بايعها بتراب مسقح يعني طاير في العجه وهو ماعنده ماعند جدتي ..يعني بالعربي الفصيح من جنب العارضه الصتيمه وهو الشخص اللي ماعنده ماعند جده جدتي ..!!..ويصدق اي شي يقال له المسبه او المسبوه هو الشخص اللي يكون مروع في صغره لدرجه انه يصبح شبه فاقد للعقل المفهي هذا الله يخلف مهما تقول له او تصارخ عليه تلقاه وفاتح فمه وبس واذا كلف عمره وتفاعل معك رد عليك وقالك:... الحقنه هو الشخص الغثيث اللي مايفكك لين تعطيه اللي يبيه منك ومهما تسوي له عشان تصرفه عن الموضوع حقه ينشب في حلقك لين ياخذ منك اللي يبيه وهذا يفسر قول العرب اغث من حقنه .. العله هذا اللي ماتاخذانت منه اي شي ولاعنده استعداد انه يسمع منك مهما حاولت وهوكالمرض يعلك لين تنفقع مرارتك منه العربجي يظن معظم التاس ان العربجي هو الشخص الشديد حق المشاكل واللي يمشي الا وهو مشخص بنت البكار اسم لطريقه لبس الشماغ عند العرابجه وحاط مفاتيحه في سلسله ولابس نعال سجاديه ويسحبها تسحيب لين جاء يمشي ودايم فاتح صدره ورازه على فوق وكانك ولد ابوك قله شي بس لكن في الاونه الاخيره ظهرت اشاعات تقول بان العربجي هو اللي يسوق الحمار اعزكم الله لكن صرح مصدر موثوق من عائله العرابجه بان هذه اشاعه مغرضه اطلقها عليهم احد الخكاري المرجوج هذا ماعمره صلح في حياته مابمديك تفتح فمك الا وطار في العجه بدون مايفهم وش السالفه المطفوق من فصيله المرجوج ..الا انه مايميز هو انه اذا مر من عند كاس اوجيك او ابريق او اي شي سايل لازم يكبه ..برجله وهو مايدري ولا تخليه يصب القهوه لضيوف لانه لازم يكب القهوه على ثوب احد منهم ...!! السربوت هذا اللي مايخلي مكان مايروح له والاولين كانوا يطلقونه على من يشرب الدخان لكن الحين الله يخلف الناس تدخن بيدينها ورجلينها ولحد يقولهم شي السمردي وهو من فصيله السربوت الداشر هذا قليل الادب ولا يحب يماشي الا السرابيت الملكع اماهذا فيعرف من السكن اي الجن ومهما تحاول تلف وتدور معه تراه فاهم وش تبي بالضبط فلا تعب نفسك معه زعيط مسوي نفسه يفهم كل شي وهو من جنبها المصرقع وهو كل شخص مايهمه شي واللي يطري عليه يسويه لانه ماخذ الدعوه بساعه الصدر والهبال الخكري نعومه +دلع +ليونه الله لا يبالنا اللزقه هذا الشخص اللي على طول معك وقدامك وراك وكل شي وتطلع من الباب تلقاه وش راايكم .... واتمني من كل واحد مايعجبه الموضوع يكتب (م,س) عشان مايجرح شعوري وهي تعني ماعندك سالفه...... |
حلو بس ليه على السعوديين بس ه مزلب يعني بايعها بتراب هذا اكيد انت ملك مشكووووررررررر يالغالي على الموضوع |
يعطيك العافيه يالمصرقع
تقبل مروري |
ه ه مـــــلك سلمت يمناك ولا عدمناااكـــ بس الحمدلله اني ماني مثلهـــــــم <<<<شـــاكت بنفـــــــــــسه هع هع هع هع تقبل مرووووووووووووووووري |
طبعا كاااااااااتب نص حكيي
<<--مو بنت ذي خخخخخ لا من جد تعجبني الكلمات ذي لكن اتجنبها احيانا بما اني من الجنس الناعم خخخخخخ ويسلمووووووووووووو |
ه
يسلمو على الردود الحلوه النوفي لا مو انا <<<<<<<< واثق زيزو <<<<<<<< يسلم مرورك الخكري طاوي <<<<<< ماشاء الله عليك الثقه فوووول بوليود <<<<<< توقعت ردك كذا لانك توووم روووحي <<<< فهمتي قصدي مشكووووورين على المررررررررور |
موضوع حلو على القليل صرت اعرف كلمات سعودية مشكور اخي
|
مشكوره يالغاليه نووورتي
واحنا داخلين النت علشان نتعلم ونعلم |
طبعا فهمته <<---بلاها زعيط خخخخخخخخخخ |
عارف انك ذكيه |
المصرقع
وهو كل شخص مايهمه شي واللي يطري عليه يسويه لانه ماخذ الدعوه بساعه الصدر والهبال اهديهاااااااااا حق النوفي هموووووسه |
يستاهل النوفي مشكووره على المرور الحلو |
من جد يضحك
بس ماأحب اتعلم هذي الكلمات مو دلع ولاغرور لكن هذي عيب تنطق بها البنت خاصه في مجتمعنا يسلموووووووووووووووو ع الموضوع عطيك العافيه لاعدمناااااااااااااااااااك |
اووووووووووووه احسدك يالمثقفه ه
امزح مشكوووووووووووره يالغاليه ونورتي |
الله هذي كلمات حللوه تنقال في مجالس البنات اكثر من مجالس العيال
يسلمووووووو |
يسلملي البراطم الي قالت الصرحه
منوووووووووووووور بوجودك يالغاليه |
ه جحلط دايم بلسانى ..
يعطيك العافيه من جد أنبسطت على الموضوع ... |
اقتباس:
الله يعافيك ويونسك دنيا واخره |
ااااااااااااااااااي
والله من الصرقعه تسلم يالغلا واحلى شي عجبني (و,س) لكن وربي عاجبني الموضوع اتوقع راح اضيفها لمعلوماتي فديتك ياذوق على الموضوع ولا تحرمنا جديدك الاحلى تقبل مروري اوريو |
اقتباس:
وكلك ذوووووووووووووووووووووق ونورتي |
فله بس موووووووووووووووووو السعدية بس غير حط بلدان اخرى
ويسلمووووووووووووووو تقبلو تفحيطاتي |
مشكوووووووووره
ومقبوله كل تفحيطتك مني اما من المرور الله الله جهزي الرخصه والاستماره |
بصراحه انا مااسمع الى القليل منها والباقي جديده
|
صرحتك راحتك
ولكن انا سمعتها كلها وروايتها كلها مشكوووووووووووره يالغاليه |
يسلموووووووووو ع الموضوع
بصراحه فيه منها كلمات جديده اول مره أسمع فيها |
منووووووووووووور يالغالي
والله ما دخلنا الى نفيد ونستفيد مشكوووووووره وتوه ما نور المنتدى |
يعطيك العافيه ,,,,,,, |
| الساعة الآن 11:52. |
Powered by vBulletin® Version 3.8.7
Copyright ©2000 - 2025, vBulletin Solutions, Inc.
منتديات روعة الكون