منتديات روعة الكون - الشباصات في طابور المدرسه

السلام عليكم ورحمة الله وبركاته

ابو خلف كيف حالك عل حالك تمام
انسي الموضوع وهات علوم اخوى الكبير

اليوم عاااد جبت لكم سوااالف الشباصات في الطابور الصباحى << راقبهم اليوم

البداية مع التفتيش

ليش مريولج موديله كانه فستان عرس ؟ أبله هذا ستايلي ..

ليش حاطة عدسات زرق ؟ أبلة عيوني هذي .. امي اوروبية .<<<

ليش كل هذا الكحل ؟ أبلة عيوني كحلية طبيعيا مالت عليك وعلى عيونك

ليش المناكير ؟ أبلة هذي حنة سودانيه مو مناكير .<< دلوخ نحنا

ليش ما ترددين تحية العلم ؟ أبلة حلقي يعورني .>> ه ومن الجهة الثانية صوت سوالفها واصل لآخر صف ..

ليش تسولفين بدل ما تستفيدي من الإذاعة ؟ أبلة مو انا بس كل الصف ..بعدين الإذاعة مكررة هي وفقرة هل تعلم السخيفة

ليش كل هذا المكياج ؟ أبلة امس كان عرس ولد عمي ( الضب ) للفجر .ومالقيت وقت عشان أشيله ....!! << ضب يااكبر سحليه مالت عليك

طبعا في سحلية رقيقة تصيح .. وفي سحلية دفشة بكرة تجيب القبيلة كلها تشتكي .

وما ننسى حركة التنقلات المستمرة .. مثلاً فلانه الدبة لما كانت بالثانوية كل يوم تتنقل طابور غير حتى يمكن طابورها ما تدلة.<< كنت اشوفها

نمر للسحالي اللي مفتحات عيونهم على الأبلات ..

وين أبله سيتوبلازم ؟هذي واقفة جنب العمود أكيد غايبة اوكي الحصة الأولى فاضيين . يا سلااااااام << يا فرحتك

وين أبله"قد اعذر من انذر ؟ هذي عندها مناعة طبيعية ماتمرض عشان تغيب هي و ربيعتها نو بودي...

وين أبله الحجم العائلي ؟ اوف بعد مب غايبه .. لا وتشوف علي بعد شافها ملك الموت " عزرائيل " اليوم قولو آمين

شوفوا معلمة عطيات تنورتها تحفة .. خيالية.. آخر موضة .....من وين اشترتها ؟

عاد معلمة دراكولا مشترية احدث جهاز بدل أرنوبها القديم وتتكلم مع زوجها في الطابور لتضمن أكبر عدد من الناس شافوها ..تنزل اعلان بالجريدة يكون أحسن .

والحين قبل لا نخلص نشوف سوالف السحالي الدلوعات :

أمس رحت عرس جيراننا لبست فستاني الجديد الكشخة التركواز والاكسسوارات اللي توني مشتريتهم من كليرز وصندل فرساتشي اللي
اشترالي إياه أخوي من لندن .. وكل الناس تشوف علي كاني انا العروسة .<<<معقوله

تدرين مع من سولفت أمس بالشات ؟مع تمساح لبناني وحاط صورته يمة يذوب ... شعر اشقر و عيون خضرا .<< تلقونه واحد من الصومال

و نخلص بالسحالي اللي اختصاصهم الحش :

شفت فلانة امس فاتحة شعرها جنه خرطوم حريجه.

ولا علانة اللي كانت عايشة في ماليزيا اليوم ياية بقميص صوف والحراره 40 درجة غبية وحدة .<<

ولا مجموعة شغالات الصف " هذيلا اللي يلمون الدفاتر و يجيبون المسجل أو اللوحة للأبلة " الصباح لقيتهم ينظفو السبورة .. والله ينرحمون .

و في النهاية تجي معلمة و تقول مافيه قلم : وين انتوا في سوق سمك ؟ ويضحكون كالعادة ...