منتديات روعة الكون - الفرق بين الشباب والبنات إذا رن جرس الفسحه

أولا البنااات ..

اول ما يرن جرس الفسحة
- تشوف شلة بنات داخلين الحمام .. اللي تعدل شعرها والثانية تعدل كحلها وكل وحدة منهم

تسولف عن اللي سوتا في اخوها الصغير امس ..

- وفيه بنات يلبسون نظارات شمسية جديدة (توهم شارينها من أبو ريالين) يستعرضون فيها وإذا زلت بنت لا قدر الله وسألته عن ماركة النظارة تنطط الأرانب وتقول من كرستيان ديور أو شنل

وتقوم تطلع كلللللللل أرانبها الماركة أصلاً هي (بسطتهم اللي جنب البقالة اللي قدام البيت)

- كل بنت تمشي وفمها كافي ( شكولاته ) واذا عطيتها شبس تقولك : سوري .. انا مسوية

ريجيم .. ( الله واكبر ) .. اول ماترجع البيت على طول الا ودق على المطعم

- والبنات الاذكية ( اللي مهتماااااااااااات ) اول مايرن الجرس تشوفها داخلة غرفة المدرسات تبي

الاستاذه تشرح لها الدرس اللي كانت هي متغيبه فيه

- وبعض البنات اتشوفهم متحذفين ورا اللوكر يحلون واجب الرياضيات اللي ماحلوه في البيت ..

- اما الاهم .. تشوف بعض البنات يستأذنون من الحصة قبل البريك بثلاث دقايق ويركضون الكافتيريا –

يحجزون لهم مكان – واول مايرن الجرس الاكل كله مخلص مافيه الاعصير يتهاوشون البنات عليه

واخرتها يطلع منتهي ......

ثانيا الشباب:

خلونا من البنات وانروح انشوف وش يسووووون الشباب في الفسحة ..

- تحصل واحد منهم نايم طول الحصة واول مايرن الجرس يدعي على اليوم اللي دخل فيه المدرسة

( لان حلمه انقطع بسببهم )

- واثنين من الشباب ينتظرون متى يروح المدير اللي صار له واقف ساعة قدام الصف واول مايتحرك

خطوتين يشلون شلايلهم وينطون من الجدار وينحاشون من المدرسة ويمرون على كم محل في

طريقهم وبعد نص ساعة يرجعون المدرسة ..

- وشلة تروح ورا المدرسة يدخنون لين ما يقولون بس وما امداهم يشفطونها الا واحد كشخة رايح

يفتن عند المدير وما ينتبهون الا المدير حابسهم في غرفة الاحتجاز ويتصل تليفون حق ابهاتهم .

- اما واحد تشوفه فارش غترته على الارض ويكمل رقاده ( لان طول الليل مارقد يشوف فلم وجالس

ع الماسنجر والا يسولف صديقته والا يلعب بليستيشن........