منتديات روعة الكون - الصدمه الاخيره.......

يا صدمتي في اكثر احبابي....ويا خيبة ظنوني
يا ضيق صدري...لا ذكرت اني عليهم ما كذبت

يا طعنة خلتني انسى من سبايبها....طعوني
يا جرح ما له طب... حتى لو اقول اليوم طبت

البارحه...والله يكون بعون احاسيسي...وعوني
احاول اهرب من عمايــلهم ولكــن ما هـــربت

ما كنت احس اني انا انا ..وهذا الكون كوني
امر في حاله ضياع ...وشبه غيبوبه..وكبت

احباب..اي احباب ذول اللي على موتي خذوني
الظاهر اني شبت..يا عالم..وانا ما بعد شبت

سألت نفسي:هم يبوني صدق؟والا..ما يبوني؟؟
اجبت نفسي وليتني على سوالي ما أجبت

اللي لهم مده وهم في داخلي...واستغفلوني
ياما استغلوا طيبتي معهم وكل اللي وهبت

وهبتهم قلبي...وشعري...وكل ما حولي...ودوني
تعبت معهم بس ما كني رغم هذا..تعبت

شعرت فعلا بالعذاب...وغصة الدمع بعيوني
قربتهم مني...وانا اللي كنت احسبني قربت

عشانهم قررت ابيع اللي من العالم....شروني
عشانهم بطلت لعب...وليتني والله لعبت

مادامهم ما قدروا صدقي ..ومعهم جرجروني
لو ادري آخرها كذا ..من اول الدرب انسحبت

ااحبابهم واجد ..ولا ادري ليه بالذات اخدعوني؟؟
مع اني عمري ما خدعت انسان او حتى قلبت

يا قوها صدمه ..وانا لون الغدر ما هوب لوني
وربي ما أنلام لو بعد الذي سوّوه ..غبت

ما كنت ناقص صدمه اخرى في حياتي ..واصدموني
مصدوم خِلقه ..لين مات الحب فيني وانعطبت

الحين مدري كيف اعاملهم ..وهُم ما قدروني
ما استوعبوا اللي كتبت من الجروح...وما كتبت

االله يجازيهم على استنزافي ...وحرقة جفوني
ما كنت حاسبهم يبيعون الغلا ..يومي حسبت

ااثر الغلط مني لاني معطيهم جنوني
لكني اعلنها صريحه تبت والله ..ثم تبت

ما عاد لي رغبة اجدد في علاقتهم طعوني
خسرت في هذا الطريق اضعاف ضعف اللي كسبت

احسن لي ابعد واشتري نفسي ولا خيبه ظنوني
إن طبت من جرحي ..والا جعلني ما يوم طبت

للشاعر محمد الشهري