{.. يبــه .. ويـنـــك ..؟! ..}
 

http://www.3tt3.net/up4/get-9-2007-ljj264jy.gif


يبه وينك ؟

ولهت لنظره من عينك ....


يبه وينك ؟؟

اشوفه طوّل غيابك !!

و من ودّاك .... ما جابك !!

قالوا ما يدوم الزين !!

و انا عندي امل للحين ..

و لا كني اعرفك وين !!


يبه وينك ؟؟

عسى الداعي يبه بس خير ؟!!

عساك بخير ....!!

مداين تكرم لعينك ...

بس ارجوك علمني ...

علمني .. يبه وينك ؟؟


سألت امي عن رجوعك ...

ولا كني اعرفك وين !!

و قالت .. ما يدوم الزين !!

و انا .. عندي امل للحين ..

في رجوعك !!

يبه بس تكفى علمني ....


متى رجوعك ؟؟

يبه بس تكفى علمني .


وش احلى من طلوع اثنين ؟؟

طلوع الشمس .... و طلوعك!!


يبه وينك ؟؟

سألت امي ...... غيابك طال ؟؟

ولا كنّي اعرفك وين !!

و قالت مثل ما قالت ..

حسافه ...

ما يدوم الزين ...

مع كل هذا صدقني ..

انا عندي امل للحين !!

سؤالي عنك يالوالد ..

صار كما الموال ...

و اشوفه طال ...

والله طال ..

حزين .. بلحنه و حروفه ...

يخاف .. يموت من خوفه ...

و قلب ٍ كان اقوى قلب ...

ضعف .. من قسوة ظروفه ..

يبه .. ارجوك علمني ...


تشوف اللي انا اشوفه ؟؟

انا اشوفك نهار و ليل ...

في وسط المجلس تصلي ..

و تدعي الرب ييسر لي ..


يبه ..

ما عاد بي من حيل ..

وين الحيل ؟؟

و انا اشوفك نهار و ليل ..

مع اني ادري ما ترجع !!

غريبه .. بعدها تدمع ..

عيوني من هموم البين !!

وادريبه مكانك وين !!

مع َ هذا .. ارد و اسأل !!


يبه .... وينك ؟؟

و لا كني اعرفك وين !!

شبكت العشر في غيابك ...

على راس ٍ كساه الشيب ..

ومن وداك ... ما جابك ..

ولا ادري وش يخبي الغيب !!

وجرح ٍ عذ ّب احبابك ....

يبه .. عيّا يخف و يطيب !!

يبه .. كل جرح في الدنيا ..

مصيره بالدوى يلتم ...

ولكن البلا من جرح ..

نزف فرقاك ... بليّا دم !!

وهذا الفرق في جرحي ...

عجز يلقى الدوى دكتور ..

انا جرحي غريب الطور !!!

ينزف ... بس بليّا دم ..

وزاد الهم فوق الهم ...

ودام انك يبه غايب ...

جروح الغيبه ما تـلتم ..

بس عندي امل للحين !!

و لا كنّي اعرفك وين !!

يبه .. ذكراك تفرحني ....

في نفس الوقت تجرحني !!

لامن جبت في طاريك ...

دموعي غصب تفضحني ....


يبه .. تذكر ليالي الصيف ؟؟

عرس الحي .. و رقص السيف ؟؟

و كرم قلبك معَ هـالناس ..

كل ٍ كان في بيتك ضيف ..

الا يا حيف ....

زمن قاسي ..

اخذ مني بلا رحمه ..

اعز ناسي !!

وخلاّ لي سهر هالليل ..

في عيني ضيف ..

الا يا حيف !!


يبه وينك ؟؟

تعال و شوف ...

كبرنا مثل ما تمنيت ..

درسنا كل ما حبيت ..

نصلي مثل ما وصيت ..

وندعيلك في كل ظروف ..


يبه وينك ؟؟

تعال و شوف ..

صحيح الدنيا ما ترحم ..

تجرعنا التعب انواع ...

و لكن الأمل ما ضاع ..

وانا عندي امل للحين !!

ولا كني اعرفك وين !!


يبه تذكر شطانـتـنا ؟؟

انا و اخواني و اخواتي ...

ومعانا عيال حارتنا ..

نلعب في زوايا البيت ..

يبه ... والله انا حنيت ..

لذاك الوقت في وجودك ...

الا يا ريت ... الا يا ريت ...


ترجع .. يا يبه والله حنيت ..

حسافه الدنيا ما ترحم ...

خذت منا سعادتنا ...

خذتك بعيد .. و خلتنا !!!

يبه امي تذّكرنا ...

بأيامك قبل ما تروح ..

تناديها .. يا روح الروح ..

تغازلها و تنظر لك ..

مثل طفله ...

ملامحها عشق مفضوح ...

في ذاك الوقت .. كنا صغار ...

معَ هذا ... كنا نغار ..

عليها .. او بعد منها ... كنا نغار

نحبك يا يبه ... ارجع

مثل شمس الفجر .. اطلع

حزينه الشمس في غيابك ..

و نفس الحزن في احبابك ..

واخاف الشمس من حزني ..

تغيب و ما بعد تطلع !!


يبه ارجع !!

اذا لي خاطر فـ قلبك ..

تعال و زورنا بس يوم ...

مع انه ما يكفينا .. نشوفك يوم ..

نبي حضنك يدفينا .. و نشوفك دوم ..

لكن قلّت الحيله ... و يمكن مـن البطا ضاعت ..

و قلنا يوم !!

يبه سامحني بترخّص ...

قبل ينشف حبر الأقلام ..

كلامي بعده ما خلّص ..

و لكن موعد الأحلام ..

حان ..

ولازم اوفي له..

بعد ما ضاعت الحيله ..

اشوفك والوعد باكر !!

اذا فكّر يجي باكر ..!!

و برجع اسألك وينك !!

بس لازم تجاوبني ..

ترى عندي امل للحين !!

و لا كني اعرفك وين ..!!


تقبلوووووووووووتحياتي

هلاوغلابكم


تخنقي العبره احياناالشخص يحتااااااااااااج يعبر عن مافي داخله بس يعجز القلم عن تسطير مافي قلوبناوبمجردمانقراء مايكتبه غيرناااااااايعزف على اوتاااااااار قلوبناااااا
يذكرنابمانحااااااااااول نسيناه ولانستطيع

اه بس الي بالقلب بالقلب وكلن له هموووووووووم

تقبلوووووووووووتحياتي

كلن على ليلاه يغني


ربي مايحرمك من اعز الناس عندك
وربي يرحم الناس اجمعين الأحياء منهم والميتين

في مثل يقول
(عاشر من تعاشر فلابد من الفراق)

هذي سنة الحياة

وتقبلي مروووري

مشكورين على المرور

لاتحرمونااااااااااااااااهالطله الحلوه


تقبلووووووووتحياتي