]عفيه علي للحين واقف واسمعك
والا كلامك الجبل منه يطيـــــــــــح
مدري اجمع افكاري او اني اجمعك
اقسم لك اني ضعت وضيعت الصحيح
انت تتكلم وان اصلا مومعك
واول كلامك وانا ريشه في وسط ريح
اقول في نفسي من اللي ضيعك
ابافهم اللي صار حتى اني استريح
مادمت بايع انا ماراح امنعك
وبودعك بالطيب رغم اني جريــــح
وان كان ضنك اني باضعف واتبعك
اموت باحزاني ولا باسمك اصيــــح
ما اقنعك حبي زمانك يقنعك
وتذكر كلامي لما في غيري تطــــيح
هذاك درب البعد وروح الله معك
لاكن تذكر ما يصح الا الصحــــــيح