موتي ولادمعه امي
 

هذه كلمات كتبتها الأم والتي تشكي إلى الله حالها

بعد ان دخلها ابنها (دار العجزة) وهذا الفعل يبكي حتى القلب القاسي لمن له قلب حنون


وين انت يا حمدان امـك تناديـك .. وراك مـا تسمـع شكايـا وندايـا

يا مسندي قلبي على الدوم يطريـك .. ما غبت عن عيني وطيفك سمايـا

هذي ثلاث سنين والعيـن تبكيـك .. ما شفت زولك زايـر يـا ضنايـا

تذكر حياتي يـوم اشيلـك واداريك . . والاعبـك دايـم وتمشـي ورايـا

ترقد على صوتي وحضني يدفيـك .. ما غيرك احدٍ ساكن فـي حشايـا

واليا مرضت اسهر بقربك واداريك .. ما ذوق طعم النوم صبـح ومسايـا

ياما عطيتك من حنانـي وبعطيـك .. تكبـر وتكبـر بالأمـل يـا منايـا

لكن خساره بعتني اليـوم وشفيـك .. واخلصت للزوجه وانا لي شقايـا

انا ادري انها قاسيـه مـا تخليـك .. قالت عجـوزك مـا ابيهـا معايـا

خليتني وسط المصحه وانا ارجيك .. هذا جزا المعروف وهـذا جزايـا
يـا ليتنـي خدامـة بيـن اياديـك .. من شان اشوفك كل يوم برضايـا

مشكور يا ولدي وتشكر مساعيـك .. وادعـي لـك الله دايـم بالهدايـا

حمدان يا حمـدان امـك توصيـك .. اخاف من تلحق تشـوف الوصايـا

اوصيت دكتور المصحه بيعطيـك .. رسالتـي واحروفهـا مـن بكايـا

وان مت لا تبخل علـي بدعاويـك .. واطلب لي الغفران وهـذا رجايـا

وامطر تراب القبر بدموع عينيـك .. ما عـاد ينفعـك النـدم والنعايـا





*----------*

تكرمين يا أمي تكوني خدامة لي

تكفون تكفون الله الله بالأم .. يا كثر أفضالها علينا

الله يعطيك الف عافية خيتو ريم

ويكفينا قول الرسول صلى الله عليه وسلم الجنة تحت اقدام الامهات

اسمحي لي اختي الكريمة فالمكان الانسب لهذا الموضوع هو المنتديات الادبية

منتدى القصص او منتدى همس القوافي

يعطيك الف عافية

وسلامي لك ؛؛؛؛؛؛؛؛

صح لسان ام حمدان وحسبي الله ونعم الوكيل على كل من يسوي كذ1



ريم اختي الغاليه ماقصرتي وسلمت يدك وتحياتي لك


نج نج

ريـــــــــــــــم ,,



اشكرك اختي الكريمه على نقل هذه القصيده المحزنه


ولتكن رادع للجميــــــــع وعضه لهم


شكرا ريم على هذه الابيات الحزينه

صح لسان ام حمدان والله يهدي حمدان .. بصراحه قصيده مؤثره .. دمت بود

مشكورة ويعطيك الف عافيه

لا حول ولا قوة الا بالله ..تسلمين على القصيده