|
يوم وصار فيني كذا ؟؟؟؟؟؟؟
1 مرفق
كيفكون ياصبايا ؟؟؟
وكيفكوم ياعيال ؟؟؟ بادخل بالموضوع دوغري ماعندي وقت للمقدمات <<< هماتس فاضيه ابي وظيفه :blb7::blb7: دبروا لي شغل ما ابي راتب ابي شيء يشغلني يعني عاجبكم حالي من عطلة وانا احس اني عاله ع المجتمع وشلون لو تخرجت :blb7: اول شيء نسيت اقولكم باركوا لي نجحت :eh_s(9): ^ ^ الافكار غير متناسقه ++ .. ++ .. ++ نبدا بالموضوع وببدا بمعاناتي انا فتاة عطلة يوم الاربعاء يوم الاربعاء طلعت ويوم الخميس هم طلعت نجيي للهم اللي هو اليوم يوم الجمعه ++ .. ++ .. ++ اول ماصحيت من النوم حواري مع امي انا : يماااااااااااااه وين بنروح اليوم امي : بنقضب ارضنا انا : ليش ؟؟؟؟ امي: والناس فاضينن لنا عندهم اختبارات حسيتوا بمعاناتي اصبروا ماجاكم شيء ++ .. ++ .. ++ جلست الظهر اتفكر يابنت الناس وش بتسويين يقولون ان اول حل المشكله التفكير فيها قلت مالي الا الشات الكتابي وادخل باسم ( فاضيه ابي وظيفة ) الا مادريت ينط لي شيء لونه مخالف واسمه احبك <<< حبوه برص حواري مع احبك احبك : اصير لك وظيفه انا : .................... <<< كنت افكر وشلون بيصير لي وظيفه بيصير مكتب والا ملفات احبك : وبراتب كمان انا : ....................... <<< خاطري اساله فيه ترقيات قلت يابنت الناس ذولا ناس فاضيه ويستغلون مشاعرنا باسم الحب وهم ابعد الناس عنه وطلعت وتعوذت من ابليس ++ .. ++ .. ++ يابنت الناس ماعندتس غير هالنت طلعي حرتس فيه الف فكره وفكره ومعهن افكار شيطانيه :nono: اخيرا جتني فكره اعرس ايه اعرس بالعطله بس واذا جات الدراسه اتطلق :lolesh: تعوذت من ابليس مرتن اخرى اعطل بنت ابدا الدراسه مطلقه لا كل شيء الا الطلاق ++ .. ++ .. ++ قلت بس لقيتها نادي رياضي منها اخفف شوي ومنها اشوف ناس وانفه عن نفسي قلت بس ذي يبيلها مشورة الراس الكبير اخوي ابو راس يابس حواري مع السيد اخوي انا : تصدق انك احسن اخو بالدنيا :sm220: اخوي : وتصدقين انتس اهبل اخت بالدنيا اخلصي علي وش تبين ؟؟ انا : بجيبها من قاصرها ابي ادخل نادي اخوي : وشوله النادي انا : بوسع صدري واخفف وزني شوي بس اخوي : وزنتس زين ومالقيتي الا توسعين صدرتس بنادي شوفي لتس شيء ثاني اصرف اخوي : الا ورى ماتدخلين دورة تعليم حاسب والا لغه انقليزيه انا : انا بنحاش من النت تحطني بحاسب لا ما ابي العنقليزي ما احبوه ما اهظمه مايعجبني وبعدين انا عربي ما اضبط هالدور اضبط ادرس انقليزي اخوي : خلاص براحتك بس النادي لك عليه وياليت تشيلينه من راسك انا ما احب هالاماكن انا : طيب :sm119: امي : اصبري كم يوم ويعطلون العالم ونبدا نطلع وتلهين انا : يمه كم يوم ما اظمنهن لتس :blb7: ++ .. ++ .. ++ في هاللحظه جاتني فكره 7 7 http://www.roo3.com/vb/attachment.ph...1&d=1181937148 ودي احط هالحبل براسي بس اخاف اموت :biggrin: هذا موب عشان الاختبارات هذا عشان العطله محاور نقاشي قولوا وش ناويين عليه اذا عطلتوا ؟؟ ومالحلول بالنسبه للفتاة المعطله ؟؟ تقبلوا مصالتي وان ماتقبلتوها بكيفكوم <<< عصبيه تكتب موضوع:biggrin: سبحانك اللهم وبحمدك اشهد ان لا اله الا انت استغفرك واتوب اليك كل الحب :sm212: ســــــــــــــــــلام |
شكررررا على موضوعك انا من رايي الشخصي ان اي طالبه بالعطله تمارس هواياتها اللي كانت منشغله عنها باوقات الدراسه وتقبلوا تحياتي
|
بسم الله الرحمن الرحيم
السلام عليكم ورحمة الله وبركاته الله يعطيك العافيه على الموضوع الرائع .................................................. .................................................. بالنسبه لموضوعك اخوكي معاه حق روحي اتعلمي انجليزي ولا حاسب ترى من غير هذي الاثنين الشهادتين الواحد ما يسوى شي ولا استني الين الاختبارات تخلص وبعدين سوي اللي تبي مع صحباتك .................................................. ................................................. وننتظر الجديد من المواضيع تحياتي لك تيتو |
ياعين امك ياوخيتي طايرتن بالعجه تصدقين انا وانتي في الحال سوا انا خلصت اختبارات وهذاني احتري النتيجه لاوزود على هذا بيتنا كئيييييييييييييب كله جو دراسه واختبارات الله يعين بس ويخلصون لاني صراحه مليييييييييييت من هذا الجو بس صراحه اللي مصبرني انو ابوي واعدنا بسفره بالاجازه وهذاني جالسه اعد الايام وه عيت تمشي من جد تقهرررررر تخيلي خيتو من الزهق جالسه اخطط وافكر ايش راح اخذ معي وايش راح اسوي هناك صدق هبله بس معليش ترا كل هذا من تاثير الطفش مع السلامه خيتو طايرتن بالعجه واتمنى لك قضاء اجازه سعيده وانا معك ياااااارب |
يعطيك العافيهـ
بإنتظار جديدكـ |
| الساعة الآن 01:56. |
Powered by vBulletin® Version 3.8.7
Copyright ©2000 - 2025, vBulletin Solutions, Inc.
منتديات روعة الكون