منتديات روعة الكون - انا وين واهي وين ؟؟؟

لحظة وداع حروفها تدمع العين
سردها واضح ما يحتمل كثر التأويل

قصة غريبة تكتب بروح قلبين
اخوتنا ميزة كنا بها نعدل الميل

كبرت علاقتنا وصرنا احلى اثنين
ولد وامه دايم تسال وتحكي له تعاليل

كيفك ياوليدي اشلون صحتك هالحين
تسولف عن الماضي بوصف وتماثيل

والحين تفارقنا انا وين واهي وين
سوت سوايا انهدت قوة الحيل

اخترتي الذل بافعال قذره ماتبالين
ارخصتي نفسك للخطا والقال والقيل

الورد يجرح مشمه قالوها الاولين
والكحل يجرح ام الرموش المظاليل

كذبتي على لساني وقلتي ماتجهلين
كشفتي حالك للملا يانجمة سهيل

ارسلتي بالخفى من يسجل ماتريدين
تحاول تجر الحكي مني ماتوزن ولا تكيل

الحق واضح ما يبي حكم السلاطين
دام الخبث طبعك ولسانك شاطر وطويل

اببتعد بسكات ماحب شماتت عاذلين
بقفل ابواب حصنها سياج ودليل

والوعد يوم اللقاء قدامي بتجين تبكين
تطلبين اسمح زلتك عند عز الجليل