منتديات روعة الكون - اغرب من الصدفة تصادفت وياة

اغرب من الصدفه تصادفت وياه
بنفس المكان اللي جمعنا حبايب

الصاحب اللي غير الوقت مبداه
وثقت فيه وردني منه خايب

كتمت جرحي عنه في يوم فرقاه
سويت نفسي عن هوى البيض تايب

رغم الوداع اللي رفع فيه يمناه
ضحكت له والقلب وسطه لهايب

لامادرى انه تل قلبي من أقصاه
وأنه سبب هاك الجروح العطايب

كتمت جرحي قلت يمكني أنساه
يمكن يطيب الجرح لاصار غايب

واخذت أحاول شهر شهرين ويلاه
توي شباب وعقبه الراس شايب

أثره نسى عندي ملفات ذكراه
ليا بغيت انسى تهب الهبايب

ضحكه ودمعه والسهر مع محياه
لاخالطك يالليل شقر الذوايب

أمسى معي واليوم ليلي بلياه
مصيبةٍ ماهيب مثل المصايب

حتى بعد لقياه في يوم لقياه
ماقلت هجرك حط فوقي نصايب

مشيت من عنده ولكني أبغاه
عزيز نفسٍ شاف منك العجايب