|
,’,’ هاذه قصتي مع البر ,’,’
البر وما ادراك مالبر
فيه وناسه وفيه بعض الاحيان تعاسه ................................................. في ربيع عام 1424هـ اتفق الشباب فالاستراحه على طلعت بر .. وقالو لي يابو ساره نبيك معنا فيها قلت والله ياجماعة الخير اشتريكم واشتري خوتكم بس عندي .. شرطين..ولا تضحكون علي قالو هات ماعندك يابو ساره قلت الاول خطيبتي أبشاورها والثاني أبروح بسيارتي ولا ابي احد معي قالو افاااااااااااااا ليه؟ قلت من غير ليه.......... قالو ابشر والوعد بكره في أم رقيبه الساعه 12 ظهر عشان ندخل الصمان بدري قبل يضلم الليل شاورت الخطيبه رفضة بالبدايه بس بعد جهد وجهيد وافقة تحبني وتخاف علي وش اسوي ماصدقة اخطبها ه حملت كل شي اشوفه قدامي من عزبه وعده وحطب ....... صليت الفجر ومشيت وصلت ام رقيبه قبلهم وصليت الظهر والحمد لله مافيه احد تخلف من العيال ... دخلنا الصمان ويازينه من صمان ^^^^ أرض خضراء ودفا وناسه جلسنا في ام اقرين ومشينا فيه الين مناخ قضينا فالصمان عشرة ايام راحت كنها لليله انا انشغل باللي مع الخطيبه والوالده لان الجوال ماكان يوصل في هذيك الديار قلت للربع انا بمشي للديره قالو ان مشيت مشينا قلت هاذا المقصد يوم اجي بسيارتي لوحدي..... انتم وسعو الصدر وانا بقطع النفود يم القاعيه ثم اتوجه يم الديره قالو مانقول شي بس خل الكوند شغال وبرمج القاعيه علا الماجلا ن والله يوفقك تودعت معهم ومشيت الظهر ودخلت النفود مع العصر كل شي ماشي تمام الا ان ريشة الكنود تعطلت قلت يالله دام ان الماجلا ن شغال الله الموفق مافيه غيره .... من دخلت النفود والسما تمطر ديم قلت في نفسي مافيه وقفه ولا نوم الا في السياره ان اظطريت له قطعت النفود والحمد لله قبل نصف الليل بشوي بانت علي انوار القاعيه كلش تماااااااام بس انا ابي تمير او ام رجوم ومنها الا التنهات عشان اختصر المسافه بس الامور ماجات علا الكيف ........ السما مطر والارض تمشي سيل....... قلت الامر بيد الله ... وصلت ( الاعصل ) وادي شرق تمير عرفته من الطلح يوم كنا نصيد فيه .. الوادي يمشي مشي ضعيف والمطر وقف قلت هاذي ساعتك يابو ساره شب علا الدله ,,,,,,, والساعه قاربت الواحده والنصف صباحاً واليوم هاذا يوم الخميس ........... شبيت النار وبهرت الدله واشوف القبله علا مغيب النجوم برق حقوق قلت الله العالم هاذا رزق ساقه الله علا هالديره الله يعطيهم خيره ويكفيهم شره وشر البَرَد اللي فيه الدنيا سكون وانا جالس اشرب القهوه ,,,,,,,,,’’’’’’’’’’,,,,,,,,,,, فاضت قريحتي علا الشعر وقلت هالابيات غاب القمر ياناس والراس محتاس في وسط وادي كل ارضه حصاني لاجيت انا امشي فيه والموتر الشاص قام يتمايل فوق رمثن حداني شبيت ناري واعتلا النار محماس لعل ضيفي شم ناري وجاني هبت جنوب فوقها البرق رقاص برقن حقوق ارتفعلي وباني ,,,,,,,,,,,,,,,,,,,,,,,,,,,,,,,,,,,,,,,,,,,,,,,,,, ,,,,,,,,,,,,,,,,,,,,, ونا انشد هالقصيد واتحرا للخير من مطر وارجي الله انه يرزقنا من خيره ....... سمعت سياره وهي تحن بمكانها واسمع صوت صياح بنت أو ولد صغير قلت يمكن هذولا بدو !!!!!!! أو كشاته بس الصياح كنه ارتفع وارتفع معه إزعاق وكن أحد يحاول يسكته بالقوه ............ الساعه قربت علا ثلاث الصبح وصوت السياره مانقطع من الحنين .... جمعت العزبه وقلت ياولد أروح اشوف وش القصه ...؟؟؟ لإني خفت يكون احد متعطل والبرق قرب علينا .. مشيت مع الوادي يم ,,, الحيره ,,, أخر الوادي الاعصل .. ورفعت النور واشوف سياره يوكن حمرا وسط الوادي غاطس في وسط الطين يوم شافني قربت منه طفا النور وجلس فالسياره دون طلب مساعده ...... السياره مضلله ضربت بوري وأشرت بالنور مافيه فايده ............... وكأنه مايبني اساعده قلت في نفسي علا هواك,,,,,,,,,,,,, تركته ومشيت .................... مطلع شمس يم التنهات بس قلبي ماطاوعني لاني اشوف البرق قرب وبرقه حقوق ( يعني المطر قوي ونازل نازل باذن الله ) خفت ان صاب السحاب الوادي ان تروح هالسياره بما فيها من ناس.. رجعت يمه واصيح عليه يالغشيم,,,, أنزل نسحب السياره قبل السيل ^^^^^^^ انا بيني وبينه قربت العشرين متر بس ......... بس الضاهر ماسمعني اشرت بيدي يم السما وكنه فهم بس مايبي ينزل من السياره ,,,,,,,,,,,, فتح الدريشه شوي وقلت له يابن الناس السيل بالطريق اما انزل ونسحب السياره او ابعد عنها لا تروح معها ...... انا قلت هالكلمه والا الصياح يوم طلع من السياره .. فتح الباب والا وش اشوف:sm168::sm168::sm168: أربع بنات في عمر اقل من 25 سنه ,,,, ولا رجال معهم ولا سوق ,,,,,,,, يوم شفتهن قلت اجلسن فالسياره .... ياحيلت الله حضي وجابني للغربله ’’’’’’’’’’’’ سحبت السلسله من صندوق الموتر واخذت واير الونش معي وطبيت فالطين الين وصلت سيارتهم ربطت السلسله في اليوكن والونش وقلت لها اسمعيني ,,,,,,,,, سيارتكم مافيها دبل وتماتيك يعني اذا سحبتك لاتلفين لايمين ولا يسار ........ قالت ابشر ,,,,,, سحبتها وانقطع الواير ورجع علا سيارتي وكسر قزاز الموتر القداميه ودخل علي وسط الغماره بس فكني الله منه ....... نزلت وهن نزلن وطبن فالطين خايفات علي من السلسله والواير :eh_s(9)::eh_s(9)::eh_s(9): قلت سلامات ماصار الا الخير شبيت النار وقلت لهن اجلسن حولها ولا عليكم من شي الا شي واحد ,,,, سكتو هاذي اللي تصيح لاني ماقدر اسوي شي وفيه احد عندي يون او يصيح |
يعطيك العافيه على القصه
|
اكيد كلنا مانحب التونون والصياح يسلموووو على القصه |
الله يعطيك العافيه اخي بدر الحربي على القصة .
ننتظر جديدك ...... |
مشكور على القصه
|
خخخخخخخخخخخخخخخخخخخخ
:Laughin2: يعني فهمتو القصه الحين اااااااااااي :Laughin2:
القصه باقي ماتكملت واوعدكم حسب التصويت اللي اشوفه راح اقرر تتكمل القصه او لا :eh_s(10)::eh_s(10): اف اف اف اف اف اف اف اف بصراحه :eh_s(10)::eh_s(10): :more69::more69: جاني مسج من ابليس عن طريق احد الشياطين ولعب براسي يقول :sm219::sm219: باخي اقعد بس انت وقصت اللي مثل وجهك شف مع ان القصه ناقصه يجاملون بالشكر عشان تسكت وماتكمل القصه:sm219::sm219: |
مشكور علي القصة
|
الله يعطيك العافية على القصه
تحياتي ... |
| الساعة الآن 03:31. |
Powered by vBulletin® Version 3.8.7
Copyright ©2000 - 2025, vBulletin Solutions, Inc.
منتديات روعة الكون