لحظـة لقـى
 

بسـم الله


أسعد الله أوقـات الجميـع ..

.

.

أقول .. ولا تهـونـون





مايـفـيـد المـولعّ كـود لحـظـة لـقـا

............................. مع حـبـيـب ٍ غـيـابـه زاد شـوقه لهـيـب

يوم وقتـه لفـاه بـ عـكس ماهو هـقـا

............................. ما رضى في عـذابه وإقـتـنع بالنصـيـب

دام هـجـر الولايـف للـولايـف شـقـا

............................. من يـلوم المولـعّ لا فـقـد له حـبـيـب

وأنت تـدري غرامك في عـروقي رقـا

............................. ليـن طال البعـيـد بـداخلي والقـريـب

إنـسكب من خفـوقي لين فاض وسـقـا

............................. كـل عرق ٍ يـبـيـس و صار بعـده رطـيـب

الأمـل في وصالك زادنـي بــك تـقـا

.............................. والهقاوي بـ وصلك صادقـه ما تـخـيـب

و كـل شي ٍ بـدونـك بـات مـتـعـلـقـا

............................... والعـيـون السهـيـره نومها ما يطـيـب

في عـيـوني خـيالك يا حـبـيـبـي بـقـا

................................ ألمحـه بالجهـات الأربـعه لـو تـغـيـب

من جـنوب وشمال وغـرب والمشـرقـا

................................ قمت أشوفه ولـكن وش يـفـيـد العـطـيـب

لا سرح بـالخيال وطـاح فـي مـوبـقـا

................................. وانت خـابـر حـبـيـبـك في غرامك أديـب

دام قـلبـك وقـلـبي بالغـرام شـقــقـا

................................. لا ملام وعـتاب ولا حسـيـب ورقـيـب

بـيـن روحـي ورحـك والله الـرازقـا

.................................. القـديـر.. العـليـم.. السمـيـع.. المجـيـب




.. وسلامتكـم ..

لاهنت


ويسلم راسك



ليتك كل يوم تقول اجل ه


مشالله قصيده ماعليها كلام


شهادتي في القصيده مهدور دمها


قصيدة شاعر متمكن وجزل


يملك القدره على توظيف الكلمات ، ولمس احاسيس من حوله من خلا ترجمتها

الى معاني ،


شاكر لك

صح السانك مليون


ولاهنت على هذي القصيده الرائعه

ولاتحرمنا جديدك


تحيه لك