يامن يريّحني من ايـام الأسبـوع=والاّ يخلّصنـي مـن العمـر كلّـه
تركض وانا معها بلا صوت مسموع=غير إحتراقـي بيـن ليـت ولعلـه
اتعب ورا موضوع ويجّد موضـوع=وأسما تكرر والوجـع فـي محلّـه
لاقاطـع ٍ مـرّه ولانـي بمقطـوع=متواصل ٍ لكـن علـى غيـر ملّـه
اصحاب لحظه همّها تُشبع الجـوع=واحباب ماتـدري عـن الحـب لله
كل ٍ ورا نفسـه يخطـط لمشـروع=حتـى وهـو جنبـك يفكّـر بظلّـه
غريب أمر الناس افـراد وجمـوع=كيف إقبلوا هذا الضياع بمذلّـه ؟!
لاتسألوني كيف والصـدق ممنـوع=والشاعر اصلا ً فوق عرض الأدله
موجوع ويغني على شان موجـوع=ماقال : آآآه الا من اسبـاب علـه
ياهل الوجود اللي بفرقـاه متبـوع=عن شمسنا ليه استعرنـا مظلّـه ؟
مادام كل إنسـان للمـوت مدفـوع=ليـه انتعاطـى موتنـا قبـل حلّـه