توفيت امه..فكتب قصيده..ابكت من لايبكي...
 

يواسيني وانا الميت وحالي يجبر الدمعات

تسيل من الذي فيني ويبكي وهو يواسيني

وانا ابكي واتنهد وارسم بالحزن لوحات

يجبروني عشان امشي ورجلي ما تمشيني

قتلت رعايتي بيدي قتلت الحب والرحمات

حرمت النفس من حقها وانا ابكيها وتبكيني

وكنه حلم قدامي يقيدني من الصرخات

ابي اصحى ولكني عجزت القى ال يصحيني

فداك القلب يايمه ومهما قلت من كلمات

صغيره في كبر حقك بس اتمنى تعذريني

نهبت الفرح من بيتي صحيح اني خسيس الذات

صحيح اني ولد طايش وكل ما أسمعه فيني

تجول عيونهم فيني تفصل مني قياسات

وتشيح وجوههم عني وكني غيرت ديني

يظنوا حزنهم اكبر وهم اصحاب هالمأساة

وانا اتحدى اذا فيهم ربع ما يحترق فيني

نقص قدري بعد موتك وغابت نشوة اللذات

وصار الهم عكازي اباكيه ويباكيني

عطيتيني بدون حساب ولا سمعتك تقولي هات

وانا اشرب حيل من دمك ودمك ما يكفيني

يايمه ارجعي كافي ابجلس معك لو لحظات

واقبل ايدك ورجلك وافرش لك رمش عيني

يايمه ما تحملهم يقولوا فات ما قد مات

تعالي غيري هالقول واطيعك باقي سنيني

واترك عادة التدخين وانفذ ما تبي بسكات

واصلي الفجر في المسجد قبل منتي تصحيني

يايمه ارجعي تكفين وطفي شمعة الآهات

ابيك انتي ولا غيرك على موتك تعزيني

وضميني وداويني مثل ما كانت الهقوات

ما ابي احدن يواسيني ابيك انتي تواسيني

دخيلك بس لا تبكي اذا شفتي بي الدمعات

انا مقوى ابكيك اذا انتي تبكيني


(( أسال الله أن يغفر لها ولجميع موتى المسلمين وهنياً لمن كانت امه على قيد الحياة ))

:icon_mn:

والله ان العين لتدمع كلام جميل
ميمو الثعلب

صح لسانك والسانه

الله لا يحرمنا من جديدك

بسم الله الرحمن الرحيم

السلام عليكم ورحمة الله وبركاته


يعطيك الف عافيه على جهدك الرائع

وننتظر الجديد من المواضيع

بمنتدى روعة الكون

واتمنى الاستمرار بهذا الابداع

تحياتي لك

تيتو

فعلا اصعب شي فقد الام



صح السانه واسكنها الله جنات النعيم

والله قاعده اصيح لان بعد انا صارلي كذا مايحتاج تفسير الي صار بل قصيده صارلي وانتو عارفين الباقي بس تسلم اخوي على النقل الرئع تقبلوا خالص تحياتي
أختكم : فله واختها عله

الله يرحم اموات المسلمين


صح السانك

أشكركم على المرور
أخوكم متمرد