خانتني عناويني*قصيده مؤثرة
خانتني عناويني*
(( صرخت بعد سبع سنين في غربتي هنااااااا.............. فكانت خانتني عناويني* )) ألا يالغالية وينك .. وش أخبارك و كيف الحــال ؟ يــَأمي كيف نبْــض الدار .. خانتني عنــاويني يــأمي لوْ طغى همّــي و ضاق الصدر و الآمال مـن اللي يحضن الدمعة قبل ما تحتضن عــيني ؟ يــأمي لو صرخ صبري (سكنت المر و الترحـال ) من اللي يقول يا غالي (فدتك الروح و سنـيني ) ؟ من اللي يقول يا غايب : ( تحمل و اهزم الأهـوال ) ؟ من اللي يهمس بْـــإذني (صلاتك تربطك فيني ) ؟! بكتك الروح (ف) الغربة .. نعم أبكي و أنا رجّـــال تذكّــر حضنــك الدافي .. دخيلك بس ضمــيني عجاف(ن) سبْع ياااا يمّــه و أنا أتْبع سراب الـلال و لا أشـرب سـوى غربةْ عطش تسقي شـراييني أشوف الناس غير الناس و الغربـة تهّــد جْبــال يأمــي جـاوبي شوق(ن) مـعَ الأيام يطــويني هجير(ن) لو حرَق بعضي .. دفا صدرك (بَرد) و ظْلال يأمــي وشْ يصبّـرني و لا غيرك يواســـيني نعم مشتاق شباك الموانـي و ضحكــة الأطفــال نعم مشتـاق حارتنـــا القديمة... لا تخلــيني أبي قمحك (خبز يدّك ) أبي قهــوةْ وطــن و دْلال يأمــي (آاااااااه) في حلقي طعم طبخك يناديـني يأمي قد شهق شوقي و لا عنـدي أبــد مرســال لجِل يكسـر عقوق(ن) بي .. زرعته بينك و بيني نعم ودّي أطفّي الشوق ياااا يمّه و نجمــك جــال على صــدر الحنين اللـي يقول إنك فقدتــيني نعم نفسي تغني لي .. نغم صوتك طرب .. مــوّال نعم ودّي أغني لك و تزهــر بــكْ بساتــيني دخيل الشوق و اللهفة .. ترا طيفـك غيابه طــال و أنا ( الياثوم) أرهقني .. دخيل اللّـــه احميني يأمي لو لهَث وجدي .. مطـر حبّك سقانــي زْلال هماج الحب (أوطانك) و طوفانــه بيــرويني يأمي لو نزَف قلبي رعاف التيــه و الغربـــال ضياعه يطرق أبوابي ( أنا ويني .. أنا ويني ؟!) يأمي لو هزمني البرد و الحمّـى تخـون الشــال يأمــي لو رجف قلبـي.. فلا غيرك يداويـني يأمي قد نِحَت قلبي على شكلك حجـر .. تمثــال سمعته من كثر شوقـي .. يناديـني و يبكـيني تعالي يا ضفاف الكون بس مـرّة و خـوني الفـال تعالي بس (ف) احْـلامي .. رجاءً لا تجافــيني نعم ذا الشوق في صدري .. تحت ظهري زرَع أغلال و تقصيري يأنبــني .. يعذبـني و يكــويني نعم قصّرت في حقك : (معي زحمة.. معي أشغــال) قبيـح العذر يا يمه : ( دخيل الله تعذريــني ) نهِج ديني يوصّيني أشيـل الحمــل و الأثقـــال قضى ربي بإحسانك .. نعم واضح نهِج ديــني يأمي لو بكت روحي : (سكنت الضيق و الترحــال) من اللي يْقول : ( يايمّه .. فداك العمر و سنيني) يأمي لو كبَر همّي و ضـاق الصــدر و الآمــال دخيلك احضني الدمعة قبل مـا تحتضن عــيني تعالي و اسألي قلبي : (وش أخبارك و كيف الحال ؟) و أنا بصرخ : ( بخير(ن) بس.. خانتني عناويني !) :icon_mn: |
يسلموا فعلآ قصيده رائعه
|
نعم مشتاق شباك الموانـي و ضحكــة الأطفــال نعم مشتـاق حارتنـــا القديمة... لا تخلــيني أبي قمحك (خبز يدّك ) أبي قهــوةْ وطــن و دْلال يأمــي (آاااااااه) في حلقي طعم طبخك يناديـني متمــــرد فعلا كلمات رائعه وجمل منمقه دمت لنا يارب وتقبل مرووري |
«®°·.¸.•°°·.¸¸.•°°·.¸.•°®»عزيزي.......المتمرد.........
وقفت ..أمام رائعتك...طويلاً.....ودمع عيني على الخد..ينساب...... لقد نقلتني الكلمات...نقلات....حزينة.......زادتني شوقاً......لحضن أمي....وسماع صوتها....الحاني تصوير رائع....يتحدث ...بصمت الشوق...والفراق....وحب اللقاء...وأيام زمان.... فعلاً تصوير متكلم بصمت...ابداع...متوهج...يهز أوتار القلوب... سلمت أناملك.....لا عدمناك.... تحياااااااااتي لك موصولة«®°·.¸.•°°·.¸¸.•°°·.¸.•°®» |
أشكركم على مروركم
وأسأل الله العليّ العظيم أن يجمع كل من فقد أمه في جنات النعيم أخوكم متمرد |
يعطيك العافية على القصيدة الرائعة
|
بسم الله الرحمن الرحيم
السلام عليكم ورحمة الله وبركاته يعطيك الف عافيه على جهدك الرائع وننتظر الجديد من المواضيع بمنتدى روعة الكون واتمنى الاستمرار بهذا الابداع تحياتي لك تيتو |
واو القصيده والله روعه وتسلم على النقل الرئع تقبلوا خالص تحياتي
اختكم : فله واختها عله |
الساعة الآن 01:33. |
Powered by vBulletin® Version 3.8.7
Copyright ©2000 - 2024, vBulletin Solutions, Inc.
منتديات روعة الكون