طرق لعلاج الملل عند البنات
بدت العطله وبدا الملل
قاعده بالبيت وماعندك شغل هذي بعض النصايح:
1- اخذي التلفون وكلمي رفيقتك من زمااان ماكلمتيها..واسترجعوا ذكرياتكم مع بعض اول..منها راح تمشين وقتك ومنها راح تجددون علاقتكم ومنها تشغلين التلفون 12 ساعة :mobile_phone2:
2- طلعي الحوش ولا السطح وافرشيلك فرشة وانسدحي على ظهرك وتآملي النجوم واسترخيييي وتاملي؟!؟!؟:sm207:
3-قصي اطراف شعرك..كل مازهقتي روحي عند المنضره وقصي الاطراف(بس شوي شوي منها) ..اراهن انكم بتصلعون على هالحالة
4-مسكوا المسجل..ودوروا فيه بالبيت وسجلوا اصوات العائلة وهم يسولفون وسجلوا صوت شخير الوالد وسجلوا صوت الهواش وكل شيء..
5-روحوا الجمعيه ومسكوا العربانة ودوروا فيها وصدموا بخلق الله وقولوا اووه آسفة مادريت
6-مسكي ريموت كونترول واحذفي كل القنوات من الرسيفر ورجعي حطيهم من جديد (هذا ويهي ان رجعتي منهم شي
7-تحدوا انفسكم تقعدون نص ساعة كاملة بدون ماتتكلمون مع اي احد او تفتحون حلقكم..نص ساعة طبعا بوجود الجميع (مااحد يقدر يسويها)
9-سوي عصير برتقال واشربيه
10- غيرى مكان اثاث غرفتك
11-اقروا مجلة اطفال (ميكي وماجد)
12-لبسي ملابس الوالد الثوب وغترة وخرعوا اهلكم !! :sm168:
13- اخذيلك شور واقعدي ساعتين بالحمام >> اذا ما طلعتى تدورين الفراش
15-نظفوا ماسنجركم...سووا ديليت للناس اللي من زمان عنهم مادخلوا..وبلوك للناس الثقيلين الدم
16-روحوا مواقع بطاقات وكاردات وارسلوا لصديقاتكم ودزولي أنا بعد .
17-ألفي مسجات تلفون ونكات ماسنجر..اخذي مجلات سيدتي أو مجلة عالم السيارات وتعلمي أشلون أتقحصين بالحوش الي في بيتكم وهالله هالله بالخمسات ودرب الحيه
18-دخلي غرفتك وحطي فل ميكأب(مكياج كامل) كانك رايحة عرس ولطخي ويهك تلطخ وصوري نفسك..حركة صح :lolesh:
19-مسكي دفتر تلوين اطفال واقعدي لوني ...
20-اذا زهقتي فتحي دولاب هدومك وقعدي قيسي ملابسك بدلة ورا الثانية< يمكن يأذن الصبح ماخلصتي من كثرهم :a045:
21-روحي المطبخ سوي كيكة (هذا ويهي اذا احد اكلها)
22-سوي ايميل جديد واقعدي العبي على اللي تعرفينهم ..
23-تعلموا لغة فرنسية هذا إذا انتي تعرفين أنجليزي .. مثلا كلمات معينة فرنسية واقعدوا كشخوا فيهم وتفلسفوا فيهم
24-ركبي السيارة وهي موقفة داخل البيت وكنك تسوقين :horsier:
25- طلعي ونزلي السلم عشرين مرة .. منها تتمشين ومنها تسوين ريجيم< ذبحتكم القعدة والفراغة
26-قعدي على الكومبيوتر وحوسيه مثل العادة
27-طلعي الحوش..وصيديلك حشرة لطيفة (صرصور مثلا ) وحطيها بعلبة وقعدي راقبيها..بس لا تخلونها وقت طويل عشان ماتتعذب <والله من العطف عندكم يالبنات
28-إخذي مجلات قديمة وقعدي قصقصي صور ولزقيها بكتالوج (بتطلع المواااااهب)
29-طلعوا حوشكم ..ولعبي كرة..وكسري لمبات البيت
30-قولي للهندية سوي غدا وبعدين قوليلها ماتشتهين تاكلين..:sm179: