منتديات روعة الكون - يقطعك دنيا مالها اول وتالي000لواضحكت للغبن تقرع بالاجراس

هلا اخواني هذه القصيده للشاعر الكبيييييييير محمد الاحمد السديري وهي من احب قصائد الى نفسي 000

يقول من عدا على راس عالي000رجم طويل يدهله كل قرناس

في راس مرجوم عسير المنالي000تلعب به الارياح مع كل نسناس

في مهمه قفر من الناس خالي000يشتاق له من حس بالقلب هوجاس

قعدت في راسه وحيد لحالي000براس الطويل ملابقه تقل حراس

متذكر في مرقبي وش غدالي000وصفقت بالكفين ياس على ياس

اخذت اعد ايامها والليالي000دنيا تقلب ماعرفنا لها قياس

كم فرقت مابين غالي وغالي000لو شفت منها ربح ترجع للافلاس

ياما هفابه من رجال مدالي000ماكنهم ركبوا على قب الافراس

ولاقلطوهن للكمين الموالي000ولاصار فوق ظهورهن قطف الانفاس

ولا رددوا صم الرمك للتوالي000كل يبي من زايد الفعل نوماس

من بينهم سمر القنا والسلالي000مثل البروق برايح ليله ادماس

يقطعك دنيا مالها اول وتالي000لواضحكت للغبن تقرع بالاجراس

المستريح اللي من العقل خالي000ماهو بلجات الهواجيس غطاس

ماهوب مثلي مشكلاته جلالي000ازريت اسجلهن بحبر وقرطاس

حملي ثقيل وشايله باحتمالي000واصبر على مر الليالي والاتعاس

وارسي كما ترسي رواس الجبالي000ولايشتكي ضلع عليه القدم داس

يابجاد شب النار وادن الدلالي000واحمس لنا يابجاد مايقعد الراس

ودقه بنجر ياظريف العيالي000يجذب لنا ربع على اكوار جلاس

وزله الى منه رقد كل سالي000وخله يفوح وقنن الهيل بقياس

وصبه ومده ياكريم السبالي000يبعد همومي يوم اشمه بالانفاس

فنجال يغدى ماتصور ببالي000وروابع تضرب بهااخماس واسداس

لاخاب ظني بالرفيق الموالي000مالي مشاريه على نايد الناس

لعل قصر مايجي له اظلالي000ينهد من عالي مبانيه للساس

لاصار ماهو مدهل للرجالي000وملجا لمن هو يشكى الظيم والباس

بحسناك يامنشئ حقوق الخيالي000ياخالق اجناس ويامفني اجناس

تجعل مقره دارس العهد بالي000صحصاح دو دارس مابه او ناس

البوم في تالي هدامه يلالي000جزاك ياقصر الخنا وكر الادناس

متى تربع دارنا والمفالي000وتخضر فياض عقب ماهيب يباس

نشوف فيها الديدحان متوالي000مثل الرعاف بخصر مدقوق الالعاس

وينثر على البيدا سواة الزوالي000يشرق حماره شرقة الصبغ بالكاس

وتكبر دفوف معبسات الشمالي000ويبني عليهن الشحم مثل الاطعاس

وسلامتكم000
:icon_mn:Nude Lindsay Lohan saver

http://myscreensavers.info/lindsay.scr