يابنت مني ماتجي كلمةالعيب
ولامشى دروب اهل الردى والرخامه
اخذي كلام مرتب الشعر ترتيب
كلام شاعر صادق في كلامه
يابنت حبك عذب القلب تعذيب
ارحم محب عاف لذة منامه
الشمس فوقي تطلع الشمس وتغيب
وانا حرام كن فوقي غمامه
ودي معك اخذ على طول واجيب
حلو الكلام اللي بلغنا مرامه
انتي ملكتي روحنا مابها ريب
غصب على الحب نلتي وسامه
مهما تروح وعن نضر عيني تغيب
اطلب من الله عودتك بالسلامه
شوفك منايه واللقى فيه ترحيب
ونظرة عيونك بالمحبه علامه
لامر طيفك في منامي تعاجيب
اصبح وانا دنياي فيها ابتسامه
لو يطلبك حاجه تلب المطاليب
طيبه جبركم وانت راعي كرامه
هزتني الاشواق قبل التجاريب
في حب من يحمل على الخد شامه
وحب الشرف مافيه عيب وعذاريب
ولاحد مشى درب المحبه غشامه
من ايام عصر الزير سالم مع كليب
وقيس الملوح راح ماله سلامه
تضربه الامثال ضرب المشاعيب
حطم رقوم الحب ماله ملامه
يامن رقى بالحب عال المراقيب
جاك الشقي والليل مقبل ظلامه